📅 2021-yil 30-iyul · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 30 июль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 30 июля 2021 г. · Постановления Президента
Официальный текст. Официальный документ. Редакционные примечания не включены.
📅 30 July 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Кам таъминланган ва ижтимоий ҳимояга муҳтож оилалар фарзандларини қўллаб-қувватлашнинг қўшимча чора-тадбирлари тўғрисида
Аҳолини ижтимоий ҳимоя қилишга қаратилган тизимли ишларни давом эттириш ҳамда моддий ёрдам ва кўмакка муҳтож оилаларнинг фарзандларини кийим-бош тўпламлари, мактаб формаси ва ўқув қуроллари билан таъминлаш харажатларини бюджет маблағлари ҳисобидан қоплаш мақсадида:
1. Ўзбекистон Республикаси Президентининг 2021 йил 13 июлдаги «Ёшларни ҳар томонлама қўллаб-қувватлаш ва уларнинг ижтимоий фаоллигини янада оширишга оид қўшимча чора-тадбирлар тўғрисида»ги ПФ-6260-сон Фармонида «Темир дафтар»га киритилган оилаларнинг 18 ёшгача бўлган ҳар бир фарзанди учун Давлат бюджети маблағлари ҳисобидан 500 минг сўм миқдорида бир марталик моддий ёрдам кўрсатилиши белгиланганлиги маълумот учун қабул қилинсин.
2021 йилнинг август ойида аҳолининг қуйидаги қатламларига 500 минг сўм миқдорида бир марталик моддий ёрдам (кейинги ўринларда — бир марталик моддий ёрдам) кўрсатилсин:
боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган фарзандларига;
ногиронлиги бўлган 18 ёшга тўлмаган болаларга.
2. Мазкур қарорнинг 1-бандида назарда тутилган тадбирларни молиялаштириш манбалари этиб қуйидагилар белгилансин:
«Темир дафтар»га киритилган оилаларнинг 18 ёшгача бўлган фарзандларига бир марталик моддий ёрдам пулларини тўлаш харажатлари — республика бюджети маблағлари;
бюджетдан ташқари Пенсия жамғармаси ва бошқа органлардан боқувчисини йўқотганлик пенсияси ёки нафақасини олувчи оилаларнинг 18 ёшга тўлмаган фарзандларига, шунингдек, ногиронлиги бўлган 18 ёшга тўлмаган болаларга бир марталик моддий ёрдам пулларини тўлаш харажатлари — бюджетдан ташқари Пенсия жамғармаси ҳамда вазирлик ва идораларга ажратилган бюджет маблағлари.
3. Қуйидагилар бир марталик моддий ёрдамнинг ушбу қарорга мувофиқ мақсадли ва манзилли етказилишини таъминлаш юзасидан шахсан масъул этиб белгилансин:
Қорақалпоғистон Республикаси Вазирлар Кенгаши Раиси, вилоятлар, Тошкент шаҳар, туман (шаҳар) ҳокимлари, сектор раҳбарлари ҳамда Маҳалла ва оилани қўллаб-қувватлаш вазирлигининг ҳудудий бўлинмалари раҳбарлари — «Темир дафтар»га киритилган оилаларнинг 18 ёшгача бўлган фарзандлари сонидан келиб чиқиб, тўлов ведомостлари шакллантирилиши ҳамда туман (шаҳар) маҳалла ва оилани қўллаб-қувватлаш бўлимлари орқали уларга моддий ёрдам пулларининг жорий йил 25 августга қадар манзилли етказилишини таъминлаш ва назорат қилиш бўйича;
бюджетдан ташқари Пенсия жамғармаси, Мудофаа вазирлиги, Ички ишлар вазирлиги, Фавқулодда вазиятлар вазирлиги, Миллий гвардия, Давлат хавфсизлик хизмати, Давлат божхона қўмитаси, суд ҳокимиятининг олий органларидан — тегишлилиги бўйича боқувчисини йўқотганлик пенсияси ва нафақаси олувчи оилаларнинг 18 ёшга тўлмаган фарзандларига, шунингдек, ногиронлиги бўлган 18 ёшга тўлмаган болаларга бир марталик моддий ёрдам пулларининг пенсияларни (нафақаларни) тўлаш учун белгиланган муддатларда ва манзилли етказилишини ташкил этиш бўйича;
Молия вазирлиги — зарур маблағларнинг Ўзбекистон Республикаси республика бюджети ва бюджетдан ташқари Пенсия жамғармасидан ўз вақтида ажратилиши бўйича.
4. Молия вазирлиги Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги билан биргаликда ушбу қарор мақсади ва вазифаларини оммавий ахборот воситаларида ва Интернет тармоғида кенг ёритиш ишларини ташкил қилсин.
5. Мазкур қарорнинг ижросини самарали ташкил этишга масъул ва шахсий жавобгар этиб молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига 2021 йил 1 октябрга қадар ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 30 июль,
ПҚ-5204-сон
Oʻzbekiston Respublikasi Prezidentining
Qarori
Kam taʼminlangan va ijtimoiy himoyaga muhtoj oilalar farzandlarini qoʻllab-quvvatlashning qoʻshimcha chora-tadbirlari toʻgʻrisida
Aholini ijtimoiy himoya qilishga qaratilgan tizimli ishlarni davom ettirish hamda moddiy yordam va koʻmakka muhtoj oilalarning farzandlarini kiyim-bosh toʻplamlari, maktab formasi va oʻquv qurollari bilan taʼminlash xarajatlarini budjet mablagʻlari hisobidan qoplash maqsadida:
1. Oʻzbekiston Respublikasi Prezidentining 2021-yil 13-iyuldagi “Yoshlarni har tomonlama qoʻllab-quvvatlash va ularning ijtimoiy faolligini yanada oshirishga oid qoʻshimcha chora-tadbirlar toʻgʻrisida”gi PF-6260-son Farmonida “Temir daftar”ga kiritilgan oilalarning 18 yoshgacha boʻlgan har bir farzandi uchun Davlat budjeti mablagʻlari hisobidan 500 ming soʻm miqdorida bir martalik moddiy yordam koʻrsatilishi belgilanganligi maʼlumot uchun qabul qilinsin.
2021-yilning avgust oyida aholining quyidagi qatlamlariga 500 ming soʻm miqdorida bir martalik moddiy yordam (keyingi oʻrinlarda — bir martalik moddiy yordam) koʻrsatilsin:
boquvchisini yoʻqotganlik pensiyasi yoki nafaqasini oluvchi oilalarning 18 yoshga toʻlmagan farzandlariga;
nogironligi boʻlgan 18 yoshga toʻlmagan bolalarga.
2. Mazkur qarorning 1-bandida nazarda tutilgan tadbirlarni moliyalashtirish manbalari etib quyidagilar belgilansin:
“Temir daftar”ga kiritilgan oilalarning 18 yoshgacha boʻlgan farzandlariga bir martalik moddiy yordam pullarini toʻlash xarajatlari — respublika budjeti mablagʻlari;
budjetdan tashqari Pensiya jamgʻarmasi va boshqa organlardan boquvchisini yoʻqotganlik pensiyasi yoki nafaqasini oluvchi oilalarning 18 yoshga toʻlmagan farzandlariga, shuningdek, nogironligi boʻlgan 18 yoshga toʻlmagan bolalarga bir martalik moddiy yordam pullarini toʻlash xarajatlari — budjetdan tashqari Pensiya jamgʻarmasi hamda vazirlik va idoralarga ajratilgan budjet mablagʻlari.
3. Quyidagilar bir martalik moddiy yordamning ushbu qarorga muvofiq maqsadli va manzilli yetkazilishini taʼminlash yuzasidan shaxsan masʼul etib belgilansin:
Qoraqalpogʻiston Respublikasi Vazirlar Kengashi Raisi, viloyatlar, Toshkent shahar, tuman (shahar) hokimlari, sektor rahbarlari hamda Mahalla va oilani qoʻllab-quvvatlash vazirligining hududiy boʻlinmalari rahbarlari — “Temir daftar”ga kiritilgan oilalarning 18 yoshgacha boʻlgan farzandlari sonidan kelib chiqib, toʻlov vedomostlari shakllantirilishi hamda tuman (shahar) mahalla va oilani qoʻllab-quvvatlash boʻlimlari orqali ularga moddiy yordam pullarining joriy yil 25-avgustga qadar manzilli yetkazilishini taʼminlash va nazorat qilish boʻyicha;
budjetdan tashqari Pensiya jamgʻarmasi, Mudofaa vazirligi, Ichki ishlar vazirligi, Favqulodda vaziyatlar vazirligi, Milliy gvardiya, Davlat xavfsizlik xizmati, Davlat bojxona qoʻmitasi, sud hokimiyatining oliy organlaridan — tegishliligi boʻyicha boquvchisini yoʻqotganlik pensiyasi va nafaqasi oluvchi oilalarning 18 yoshga toʻlmagan farzandlariga, shuningdek, nogironligi boʻlgan 18 yoshga toʻlmagan bolalarga bir martalik moddiy yordam pullarining pensiyalarni (nafaqalarni) toʻlash uchun belgilangan muddatlarda va manzilli yetkazilishini tashkil etish boʻyicha;
Moliya vazirligi — zarur mablagʻlarning Oʻzbekiston Respublikasi respublika budjeti va budjetdan tashqari Pensiya jamgʻarmasidan oʻz vaqtida ajratilishi boʻyicha.
4. Moliya vazirligi Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi bilan birgalikda ushbu qaror maqsadi va vazifalarini ommaviy axborot vositalarida va Internet tarmogʻida keng yoritish ishlarini tashkil qilsin.
5. Mazkur qarorning ijrosini samarali tashkil etishga masʼul va shaxsiy javobgar etib moliya vaziri T.A. Ishmetov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2021-yil 1-oktabrga qadar axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 30-iyul,
PQ-5204-son
Президента Республики Узбекистан
Постановление
О дополнительных мерах по поддержке детей из малообеспеченных семей и семей, нуждающихся в социальной защите
В целях продолжения системной работы, направленной на социальную защиту населения, а также возмещения за счет бюджетных средств расходов по обеспечению детей из семей, нуждающихся в материальной помощи и поддержке, комплектами одежды, школьной формой и учебными принадлежностями:
1. Принять к сведению, что Указом Президента Республики Узбекистан от 13 июля 2021 года № УП-6260 «О дополнительных мерах по всесторонней поддержке молодежи и дальнейшему повышению ее общественной активности» установлено оказание за счет средств Государственного бюджета единовременной материальной помощи в размере 500 тысяч сумов на каждого ребенка в возрасте до 18 лет из семей, включенных в «Железную тетрадь».
Оказать в августе 2021 года единовременную материальную помощь в размере 500 тысяч сумов (далее — единовременная материальная помощь) следующим слоям населения:
детям, не достигшим возраста 18 лет, из семей, получающих пенсию или пособие по случаю потери кормильца;
детям с инвалидностью, не достигшим возраста 18 лет.
2. Определить источниками финансирования мероприятий, предусмотренных пунктом 1 настоящего постановления:
средства республиканского бюджета — на расходы по выплате денежных средств в качестве единовременной материальной помощи детям в возрасте до 18 лет из семей, включенных в «Железную тетрадь»;
бюджетные средства, выделенные внебюджетному Пенсионному фонду, министерствам и ведомствам, — на расходы по выплате денежных средств в качестве единовременной материальной помощи детям, не достигшим возраста 18 лет, из семей, получающих пенсию или пособие по случаю потери кормильца из внебюджетного Пенсионного фонда и других органов, а также детям с инвалидностью, не достигшим возраста 18 лет.
3. Возложить персональную ответственность за обеспечение целевой и адресной доставки денежных средств единовременной материальной помощи в соответствии с настоящим постановлением на:
Председателя Совета Министров Республики Каракалпакстан, хокимов областей, города Ташкента, районов (городов), руководителей секторов и территориальных подразделений Министерства по поддержке махалли и семьи — за формирование платежных ведомостей исходя из количества детей в возрасте до 18 лет из семей, включенных в «Железную тетрадь», а также обеспечение и осуществление контроля за адресной доставкой им денежных средств в качестве материальной помощи через районные (городские) отделы по поддержке махалли и семьи в срок до 25 августа текущего года;
внебюджетный Пенсионный фонд, Министерство обороны, Министерство внутренних дел, Министерство по чрезвычайным ситуациям, Национальную гвардию, Службу государственной безопасности, Государственный таможенный комитет, высшие органы судебной власти — за организацию адресной доставки в установленные сроки денежных средств единовременной материальной помощи соответственно для выплаты пенсий (пособий) детям, не достигшим возраста 18 лет, из семей, получающих пенсию или пособие по случаю потери кормильца, а также детям с инвалидностью, не достигшим возраста 18 лет;
Министерство финансов — за своевременное выделение необходимых средств из республиканского бюджета Республики Узбекистан и внебюджетного Пенсионного фонда.
4. Министерству финансов совместно с Национальным информационным агентством Узбекистана, Национальной телерадиокомпанией Узбекистана и Агентством информации и массовых коммуникаций организовать работу по широкому освещению целей и задач настоящего постановления в средствах массовой информации и сети Интернет.
5. Возложить на министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Республики Узбекистан Д.А. Кучкарова.
О результативности осуществляемых мер информировать Президента Республики Узбекистан в срок до 1 октября 2021 года.
Президент Республики Узбекистан Ш. МИРЗИЁЕВ
г. Ташкент,
30 июля 2021 г.,
№ ПП-5204