📅 2021-yil 4-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 августа 2021 г. · Постановления Президента
Официальный текст. Официальный документ. Редакционные примечания не включены.
📅 4 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Нукус шаҳрида аёллар ва болалар шифохонасини ташкил этиш» лойиҳасини амалга оширишга доир чора-тадбирлар тўғрисида
Соғлиқни сақлаш соҳасида Бирлашган Араб Амирликлари билан ҳамкорликни кенгайтириш, республикада аёллар ва болалар учун замонавий, юқори технологик ҳамда ихтисослаштирилган тиббий хизматлар кўрсатиш тизимини янада такомиллаштириш мақсадида:
1. 2021 йил 26 май куни Тошкент ва Абу-Даби шаҳарларида имзоланган Ўзбекистон Республикаси Ҳукумати билан Бирлашган Араб Амирликлари Ҳукумати ўртасидаги Халифа бин Зоид Ал Наҳаён жамғармасининг грант маблағларини Ўзбекистонга жалб этишда ҳамкорлик тўғрисидаги битим (кейинги ўринларда — Битим) тасдиқлансин.
Инвестициялар ва ташқи савдо вазирлиги Битимни амалга ошириш юзасидан масъул ваколатли орган этиб белгилансин.
Ташқи ишлар вазирлиги Битимнинг кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги тўғрисидаги тегишли билдиришномани Бирлашган Араб Амирликлари томонига юборсин.
Вазирлар Маҳкамаси ҳамда тегишли вазирлик, идоралар ва ташкилотларнинг раҳбарлари Битим кучга киргандан кейин Ўзбекистон Республикасининг мажбуриятлари бажарилиши устидан ўрнатилган тартибда назоратни таъминласин.
2. Белгилансинки, лойиҳа доирасида қурилиш ишлари якунлангач, шифохона ўрнатилган тартибда Шайх Халифа бин Зоид Ал Наҳаён жамғармаси томонидан беғараз равишда Ўзбекистон Республикаси Соғлиқни сақлаш вазирлиги тасарруфига берилади.
3. Қорақалпоғистон Республикаси Вазирлар Кенгаши (Қ.Р. Сариев):
а) лойиҳани амалга ошириш учун Нукус шаҳар тиббиёт бирлашмасига зарур ер участкаси ажратилишини таъминласин.
Бунда, лойиҳа доирасида жисмоний ва юридик шахсларга тегишли бўлган кўчмас мулк объектларини бузиш ҳамда мулкдорларга компенсация тўлашда қонунчилик ҳужжатларида белгиланган тартибга қатъий амал қилсин;
б) лойиҳа майдонининг чегараларига қадар ташқи муҳандислик тармоқлари ва транспорт коммуникацияларини ташкил этиш, жумладан электр энергияси, газ ва сув таъминоти, йўллар ва телекоммуникация тармоқлари бўйича ишларни маҳаллий бюджет маблағлари ҳисобидан амалга оширсин.
4. Битимдаги келишувлар ижросини таъминлаш мақсадида, истисно тариқасида, лойиҳани амалга оширишда:
бош лойиҳа ва бош пудрат ташкилотлари фойда солиғи ва ижтимоий солиқдан, уларнинг ходимлари жисмоний шахслардан олинадиган даромад солиғидан озод қилинсин;
бош лойиҳа ва бош пудрат ташкилотлари томонидан Жамғарма учун амалга ошириладиган ишлар (хизматлар, товарлар)га нисбатан «ноль» (0%) даражали ставкада қўшилган қиймат солиғи қўлланилиши таъминлансин. Бунда, қўшилган қиймат солиғи бўйича салбий фарқни қайтариш қонунчиликда белгиланган тезлаштирилган тартибга мувофиқ амалга оширилади;
импорт қилинган товарлар ва моддий бойликларни мажбурий сертификатлаш тартиботларидан ўтишдан, божхона божи, акциз солиғи ва қўшилган қиймат солиғидан (божхона расмийлаштируви йиғимлари бундан мустасно) озод қилинсин.
Мазкур бандда назарда тутилган солиқ ва божхона имтиёзлари Битим белгиланган тартибда кучга кирганидан сўнг қўлланилади.
5. Лойиҳани амалга оширишда иштирок этадиган хорижий мутахассисларга Инвестициялар ва ташқи савдо вазирлигининг буюртманомалари асосида белгиланган тартибда:
Ташқи ишлар вазирлиги (А.Х. Камилов) кириш визалари расмийлаштирилишини;
Ички ишлар вазирлиги (П.Р. Бобожонов) кўп марталик визалар берилиши ҳамда вақтинчалик яшаш жойи бўйича рўйхатга қўйилиши (уларнинг муддатлари узайтирилиши)ни таъминласин.
6. Мазкур қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 август,
ПҚ-5208-сон
Oʻzbekiston Respublikasi Prezidentining
Qarori
“Nukus shahrida ayollar va bolalar shifoxonasini tashkil etish” loyihasini amalga oshirishga doir chora-tadbirlar toʻgʻrisida
Sogʻliqni saqlash sohasida Birlashgan Arab Amirliklari bilan hamkorlikni kengaytirish, respublikada ayollar va bolalar uchun zamonaviy, yuqori texnologik hamda ixtisoslashtirilgan tibbiy xizmatlar koʻrsatish tizimini yanada takomillashtirish maqsadida:
1. 2021-yil 26-may kuni Toshkent va Abu-Dabi shaharlarida imzolangan Oʻzbekiston Respublikasi Hukumati bilan Birlashgan Arab Amirliklari Hukumati oʻrtasidagi Xalifa bin Zoid Al Nahayon jamgʻarmasining grant mablagʻlarini Oʻzbekistonga jalb etishda hamkorlik toʻgʻrisidagi bitim (keyingi oʻrinlarda — Bitim) tasdiqlansin.
Investitsiyalar va tashqi savdo vazirligi Bitimni amalga oshirish yuzasidan masʼul vakolatli organ etib belgilansin.
Tashqi ishlar vazirligi Bitimning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi toʻgʻrisidagi tegishli bildirishnomani Birlashgan Arab Amirliklari tomoniga yuborsin.
Vazirlar Mahkamasi hamda tegishli vazirlik, idoralar va tashkilotlarning rahbarlari Bitim kuchga kirgandan keyin Oʻzbekiston Respublikasining majburiyatlari bajarilishi ustidan oʻrnatilgan tartibda nazoratni taʼminlasin.
2. Belgilansinki, loyiha doirasida qurilish ishlari yakunlangach, shifoxona oʻrnatilgan tartibda Shayx Xalifa bin Zoid Al Nahayon jamgʻarmasi tomonidan begʻaraz ravishda Oʻzbekiston Respublikasi Sogʻliqni saqlash vazirligi tasarrufiga beriladi.
3. Qoraqalpogʻiston Respublikasi Vazirlar Kengashi (Q.R. Sariyev):
a) loyihani amalga oshirish uchun Nukus shahar tibbiyot birlashmasiga zarur yer uchastkasi ajratilishini taʼminlasin.
Bunda, loyiha doirasida jismoniy va yuridik shaxslarga tegishli boʻlgan koʻchmas mulk obyektlarini buzish hamda mulkdorlarga kompensatsiya toʻlashda qonunchilik hujjatlarida belgilangan tartibga qatʼiy amal qilsin;
b) loyiha maydonining chegaralariga qadar tashqi muhandislik tarmoqlari va transport kommunikatsiyalarini tashkil etish, jumladan elektr energiyasi, gaz va suv taʼminoti, yoʻllar va telekommunikatsiya tarmoqlari boʻyicha ishlarni mahalliy budjet mablagʻlari hisobidan amalga oshirsin.
4. Bitimdagi kelishuvlar ijrosini taʼminlash maqsadida, istisno tariqasida, loyihani amalga oshirishda:
bosh loyiha va bosh pudrat tashkilotlari foyda soligʻi va ijtimoiy soliqdan, ularning xodimlari jismoniy shaxslardan olinadigan daromad soligʻidan ozod qilinsin;
bosh loyiha va bosh pudrat tashkilotlari tomonidan Jamgʻarma uchun amalga oshiriladigan ishlar (xizmatlar, tovarlar)ga nisbatan “nol” (0%) darajali stavkada qoʻshilgan qiymat soligʻi qoʻllanilishi taʼminlansin. Bunda, qoʻshilgan qiymat soligʻi boʻyicha salbiy farqni qaytarish qonunchilikda belgilangan tezlashtirilgan tartibga muvofiq amalga oshiriladi;
import qilingan tovarlar va moddiy boyliklarni majburiy sertifikatlash tartibotlaridan oʻtishdan, bojxona boji, aksiz soligʻi va qoʻshilgan qiymat soligʻidan (bojxona rasmiylashtiruvi yigʻimlari bundan mustasno) ozod qilinsin.
Mazkur bandda nazarda tutilgan soliq va bojxona imtiyozlari Bitim belgilangan tartibda kuchga kirganidan soʻng qoʻllaniladi.
5. Loyihani amalga oshirishda ishtirok etadigan xorijiy mutaxassislarga Investitsiyalar va tashqi savdo vazirligining buyurtmanomalari asosida belgilangan tartibda:
Tashqi ishlar vazirligi (A.X. Kamilov) kirish vizalari rasmiylashtirilishini;
Ichki ishlar vazirligi (P.R. Bobojonov) koʻp martalik vizalar berilishi hamda vaqtinchalik yashash joyi boʻyicha roʻyxatga qoʻyilishi (ularning muddatlari uzaytirilishi)ni taʼminlasin.
6. Mazkur qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-avgust,
PQ-5208-son
Президента Республики Узбекистан
Постановление
О мерах по реализации проекта «Создание больницы для женщин и детей в городе Нукусе»
В целях расширения сотрудничества с Объединенными Арабскими Эмиратами в сфере здравоохранения, дальнейшего совершенствования системы оказания современных, высокотехнологичных и специализированных медицинских услуг женщинам и детям в республике:
1. Утвердить Соглашение между Правительством Республики Узбекистан и Правительством Объединенных Арабских Эмиратов о сотрудничестве по привлечению грантовых средств Фонда Халифы бин Заеда Аль Нахаяна в Узбекистан (далее — Соглашение), подписанное 26 мая 2021 года в городах Ташкенте и Абу-Даби.
Определить Министерство инвестиций и внешней торговли уполномоченным органом, ответственным за реализацию Соглашения.
Министерству иностранных дел направить Объединенным Арабским Эмиратам соответствующее уведомление о выполнении Республикой Узбекистан внутригосударственных процедур, необходимых для вступления в силу Соглашения.
Кабинету Министров и руководителям соответствующих министерств, ведомств и организаций после вступления в силу Соглашения в установленном порядке обеспечить контроль за выполнением обязательств Республики Узбекистан.
2. Установить, что по завершении строительных работ в рамках проекта больница в установленном порядке передается Фондом Халифы бин Заеда Аль Нахаяна в распоряжение Министерства здравоохранения Республики Узбекистан на безвозмездной основе.
3. Совету Министров Республики Каракалпакстан (К.Р. Сариев):
а) обеспечить выделение Нукусскому городскому медицинскому объединению земельного участка, необходимого для реализации проекта.
При сносе объектов недвижимого имущества, принадлежащих физическим и юридическим лицам, и выплате компенсаций собственникам в рамках проекта строго соблюдать порядок, установленный актами законодательства;
б) работы по подведению внешних инженерных сетей и транспортных коммуникаций до границ площади проекта, включая электро-, газо- и водоснабжение, дороги и телекоммуникационные сети, выполнить за счет средств местных бюджетов.
4. В целях обеспечения исполнения договоренностей, определенных Соглашением, при реализации данного проекта в порядке исключения:
освободить генеральную проектную и генеральную подрядную организации от уплаты налога на прибыль и социального налога, их работников — от налога на доходы физических лиц;
обеспечить применение «нулевой» (0%) ставки налога на добавленную стоимость к работам (услугам, товарам), выполняемым для Фонда генеральной проектной и генеральной подрядной организациями. При этом возврат отрицательной разницы по налогу на добавленную стоимость произвести в соответствии с установленным законодательством ускоренным порядком;
освободить импортируемые товары и материальные ценности от прохождения процедур обязательной сертификации, а также таможенных пошлин, акцизного налога и налога на добавленную стоимость (за исключением сборов за таможенное оформление).
Предусмотренные в настоящем пункте налоговые и таможенные льготы применяются после вступления в силу Соглашения в установленном порядке.
5. По заявкам Министерства инвестиций и внешней торговли в установленном порядке обеспечить иностранным специалистам, принимающим участие в реализации проекта:
Министерством иностранных дел (А.Х. Камилов) — оформление въездных виз;
Министерством внутренних дел (П.Р. Бобожонов) — выдачу многократных виз, а также временную регистрацию (их продление) по месту временного пребывания.
6. Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
4 августа 2021 г.,
№ ПП-5208