UzbekAI

Ўзбекистон Республикаси Президентининг

Қарори

тузилмаси

Сурхондарё вилоятида Қорабайир зотли отларни етиштириш ва оммалаштириш ҳамда от спорти турларини янада ривожлантириш чора-тадбирлари тўғрисида

Миллий меросимизнинг ажралмас қисми бўлган Қорабайир зотли отларни кўпайтириш ҳамда уларни от спортига кенг жалб этиш, мамлакатимизда от спорти турларини янада ривожлантириш мақсадида:

1. Миллий гвардия ҳузурида Қорабайир отлари маҳорат мактаби ташкил этилсин.

Сурхондарё вилояти Термиз тумани Янгиобод маҳалласи ҳудудидаги 64,6 га ер майдони бино ва иншоотлари билан бирга Миллий гвардиянинг балансига ўтказилсин ва унда Қорабайир отлари маҳорат мактаби жойлаштирилсин.

Миллий гвардия (Р. Джураев), Сурхондарё вилояти ҳокимлиги (Т. Боболов) ва Ўзбекистон йилқичилик ва от спорти федерацияси (Б. Газиев) Қорабайир отлари маҳорат мактаби фаолиятини 2021 йил 1 октябрдан бошлаб тўлиқ йўлга қўйсин.

Сурхондарё вилояти ҳокимлиги (Т. Боболов) икки ой муддатда Қорабайир отлари маҳорат мактаби отларига озуқа базасини яратиш мақсадида 100 га суғориладиган ер майдонини белгиланган тартибда ажратиш чораларини кўрсин.

2. Қуйидагилар Қорабайир отлари маҳорат мактабининг асосий вазифалари ва фаолият йўналишлари этиб белгилансин:

ёш авлод чавандозларини тарбиялашга йўналтирилган миллий от спорти мусобақаларини ташкил этиш ва ўтказишда Қорабайир зотли отлардан фойдаланишни оммалаштириш ҳамда миллий от спортининг халқаро довруғини ошириш бўйича комплекс чора-тадбирларни амалга ошириш;

йилқичиликда наслчилик ишларини такомиллаштириш йўли билан Қорабайир зотли отлар бош сонини кўпайтириш;

Қорабайир зотли отларни сақлаш ва сифатли ветеринария хизмати кўрсатиш ишларини яхшилашга кўмаклашиш, шунингдек, жаҳон бозорида от зотлари орасида Қорабайир от зотининг рақобатбардошлигини таъминлаш;

аҳолининг кенг қатламини, айниқса ёшларни, Қорабайир отлари маҳорат мактабидаги секция ва клубларга жалб этиш.

3. Қорабайир отлари маҳорат мактаби ходимларининг чекланган сони 50 нафардан иборат тузилмаси иловага мувофиқ тасдиқлансин.

4. Белгилаб қўйилсинки:

Қорабайир отлари маҳорат мактабининг штат бирликлари (хизмат кўрсатувчи ходимлардан ташқари) Миллий гвардияга ажратилган умумий штат бирликлари доирасида шакллантирилади;

Қорабайир отлари маҳорат мактабининг директори лавозими офицерлар таркибидаги ҳарбий хизматчи билан жамланувчи лавозим сифатида белгиланади ҳамда мазкур лавозим учун 16,3 тариф разряди ва «подполковник» ҳарбий унвон поғонаси ўрнатилади;

Қорабайир отлари маҳорат мактабининг раҳбар ходимлари, инструктор-методистлари, тренер-ўқитувчилари ва тиббиёт (ветеринария) хизмати, уста-чавандоз, от парваришловчи ва тақачи ходимлари меҳнатига ҳақ тўлаш ва уларнинг меҳнатини моддий рағбатлантириш Вазирлар Маҳкамасининг 2010 йил 23 сентябрдаги 211-сон қарори билан тасдиқланган Давлат бюджетидан молиялаштириладиган спорт мактаблари ходимлари меҳнатига ҳақ тўлаш ва уларнинг меҳнатини моддий рағбатлантириш тартиби тўғрисидаги низомга мувофиқ амалга оширилади;

Қорабайир отлари маҳорат мактабининг моддий-техника базасини дастлабки мустаҳкамлаш, жумладан техника, анжомлар ва бошқа зарур воситалар билан таъминлаш Сурхондарё вилоятининг маҳаллий бюджети маблағлари ҳисобидан амалга оширилади;

Қорабайир отлари маҳорат мактабининг моддий-техника базасини кейинчалик мустаҳкамлаш ва унинг молиявий таъминоти (иш ҳақи ва унга тенглаштирилган тўловлар, коммунал хизматлар, отларга озуқа ва дори-дармонлар сотиб олиш ҳамда бошқа харажатлар) Давлат бюджети маблағлари ҳисобидан амалга оширилади;

Қорабайир отлари маҳорат мактабининг ҳамда унинг секция ва клублари фаолиятини ташкилий-методик таъминлаш Ёшлар сиёсати ва спорт вазирлиги, Ўзбекистон йилқичилик ва от спорти федерацияси, Ўзбекистон замонавий бешкураш федерацияси, Ўзбекистон поло федерацияси ҳамда Ўзбекистон улоқ-кўпкари федерацияси билан биргаликда амалга оширилади;

Қорабайир отлари маҳорат мактаби учун Қорабайир зотли отлар Ўзбекистон йилқичилик ва от спорти федерацияси мутахассисларининг хулосасига асосан танлаб олинади.

Қорабайир отлари маҳорат мактабига ўз фаолияти ихтисослиги бўйича пуллик хизматлар кўрсатишдан тушадиган маблағлар, жисмоний ва юридик шахсларнинг ҳомийлик хайриялари, шунингдек, қонунчилик ҳужжатлари билан тақиқланмаган бошқа манбалар ҳисобидан мактабнинг моддий-техника базасини мустаҳкамлаш ҳамда унинг ходимларини моддий рағбатлантиришга рухсат берилсин.

5. Сурхондарё вилояти ҳокимлигининг Қорабайир отлари маҳорат мактабида шуғулланувчилар кейинчалик бепул фойдаланишлари учун Қорабайир зотли отларни Сурхондарё вилоятининг маҳаллий бюджети ва ҳарбий-маъмурий секторларнинг маблағлари ҳисобидан сотиб олиш ташаббуси қўллаб-қувватлансин.

6. Сурхондарё вилояти ҳокимлиги, Ўзбекистон йилқичилик ва от спорти федерацияси, Ўзбекистон замонавий бешкураш федерацияси, Ўзбекистон поло федерацияси ҳамда Ўзбекистон улоқ-кўпкари федерациясининг:

Сурхондарё вилоятини республикада Қорабайир зотли отлар наслчилиги ва спортини ривожлантириш бўйича етакчи ҳудуд сифатида белгилаш;

Сурхондарё вилоятининг барча туманларида Қорабайир зотли отлардан фойдаланишга ихтисослашган секция ва от спорти клубларини ташкил этиш ҳамда юқори малакали тренерларни тайёрлаш ва уларнинг малакасини ошириш тўғрисидаги таклифлари маъқуллансин.

Сурхондарё вилояти ҳокимлиги (Т. Боболов) икки ой муддатда вилоятнинг туманларида Қорабайир зотли отлардан фойдаланишга ихтисослашган секция ва от спорти клубларини ташкил этиш мақсадида тадбиркорлик субъектларига бепул фойдаланиш учун тегишли бино ва иншоотларни тақдим этсин, зарур ҳолларда, мазкур бандни амалга ошириш бўйича Вазирлар Маҳкамасига таклиф киритсин.

7. Миллий гвардия, Ёшлар сиёсати ва спорт вазирлиги, Сурхондарё вилояти ҳокимлиги ҳамда Ўзбекистон йилқичилик ва от спорти федерацияси:

бир ой муддатда Қорабайир зотли отлардан фойдаланишни оммалаштириш учун комплекс чора-тадбирлар дастурини тасдиқласин;

Миллий гвардия, манфаатдор вазирлик ва идораларнинг мутахассис-чавандоз, инструктор-чавандоз ва бошқа ходимларини ўқитиш ва малакасини оширишни ташкил этсин;

Қорабайир отлари маҳорат мактабини малакали мутахассислар билан тўлдириш, зарур ўқув-методик адабиётлар билан таъминлаш, шунингдек, ўқув-машқ жараёнини лозим даражада ташкил этиш учун ўқув биноларини жиҳозлашнинг зарур чораларини кўрсин;

икки ой муддатда Қорабайир отлари маҳорат мактаби томонидан жисмоний ва юридик шахсларга пуллик хизмат кўрсатиш тартибини мазкур хизматлар ҳажмини кўрсатган ҳолда тасдиқласин;

ҳар йили «Наврўз» умумхалқ байрами арафасида Қорабайир зотли отлар иштирокида халқаро чавандозлар мусобақасини ўтказсин;

ҳар йили Қорабайир зотли отлар иштирокида миллий от спорти турлари, замонавий бешкураш, поло бўйича маҳалла, туман, вилоят ва республика миқёсида мусобақалар ташкил этсин;

2022 йил 1 январга қадар Сурхондарё вилоятининг барча туманларида Қорабайир отлари маҳорат мактабининг секция ва клубларини ташкил этсин.

8. Молия вазирлиги (Т. Ишметов):

2021 йилда Миллий гвардиянинг асослантирилган ҳисоб-китоблари бўйича Қорабайир отлари маҳорат мактабини молиявий қўллаб-қувватлаш, шу жумладан хизмат кўрсатувчи ходимлар таъминоти учун Давлат бюджетидан қўшимча маблағлар ажратсин;

2022 йилдан бошлаб ҳар йили Давлат бюджети параметрларида ушбу қарор доирасида Қорабайир отлари маҳорат мактаби молиявий таъминоти ҳамда уни моддий-техник жиҳозлаш, шу жумладан отларни парваришлаш учун зарур бўлган бюджет маблағларини назарда тутсин.

9. Миллий гвардия (Р. Джураев) Ўзбекистон йилқичилик ва от спорти федерацияси билан биргаликда Қорабайир отлари маҳорат мактаби Қорабайир зотли отларининг селекциясига эътибор берган ҳолда ҳарбий хизматга яроқли хизмат отларини тайёрлаш ва уларни келгусида хизмат мақсадларида фойдаланиш чораларини кўрсин.

10. Соғлиқни сақлаш вазирлиги (А. Хаджибаев) марказий асаб тизими касалликлари ва от ёрдамида даволаш мумкин бўлган бошқа касалликларнинг рўйхатини шакллантирсин ва касалларни Қорабайир отлари маҳорат мактабига йўналтириш бўйича дастур ишлаб чиқсин.

11. Туризм ва спорт вазирлиги (А. Абдухакимов) Сурхондарё вилояти ҳокимлиги билан биргаликда икки ой муддатда Қорабайир отлари маҳорат мактабида туризм инфратузилмасини барпо этиш бўйича лойиҳаларни амалга ошириш чораларини кўрсин.

12. Ўзбекистон Миллий телерадиокомпанияси Ўзбекистон Миллий ахборот агентлиги, Ахборот технологиялари ва коммуникацияларини ривожлантириш вазирлиги ҳамда Миллий гвардия билан биргаликда:

Қорабайир отлари маҳорат мактабининг фаолиятини намойиш этувчи кўрсатув ва эшиттиришларни тайёрласин, бунда Қорабайир зотли отларнинг хусусиятларига алоҳида эътибор қаратсин;

мазкур қарорнинг мазмун-моҳияти ва амалий аҳамиятини ёритишга оид туркум мақолалар, брифинглар, тематик телекўрсатувлар ташкил этсин;

қорабайир зотли отларни оммалаштириш мақсадида махсус веб-сайтлар ташкил этсин ва унинг фаолиятини доимий йўлга қўйсин;

«Ҳар бир йигитнинг уйида оти бўлсин» шиори остида Қорабайир зотли отларнинг тарғиботини амалга оширсин.

13. Миллий гвардия бир ой муддатда:

Туризм ва спорт вазирлиги, Ўзбекистон йилқичилик ва от спорти федерацияси билан биргаликда Қорабайир отлари маҳорат мактаби уставининг белгиланган тартибда тасдиқланиши ва давлат рўйхатидан ўтказилишини таъминласин;

манфаатдор вазирлик ва идоралар билан биргаликда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

14. Мазкур қарорнинг ижросини самарали ташкил этишга масъул ва шахсий жавобгар этиб Миллий гвардия қўмондони Р.М. Джураев, Сурхондарё вилояти ҳокими У.Б. Қосимов ҳамда туризм ва спорт вазири ўринбосари Ш.Ш. Махмудов белгилансин.

Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Президентининг маслаҳатчиси К.К. Куранбаев ва Ўзбекистон Республикаси ёшлар сиёсати ва спорт вазири А.И. Икрамов зиммасига юклансин.

Амалга оширилаётган чора-тадбирлар натижадорлиги юзасидан 2022 йил 1 январгача Ўзбекистон Республикаси Президентига ахборот берилсин.

Ўзбекистон Республикаси Президентининг 2021 йил 5 августдаги ПҚ-5213-сон қарорига ИЛОВА

Қорабайир отлари маҳорат мактабининг

Директор Директорнинг ўқув-тарбиявий ишлар ва ёшлар билан ишлаш бўйича ўринбосари Директорнинг инновацион ривожланиш, туризм ва менежмент бўйича ўринбосари Юридик гуруҳ 1 Ўқув-методик гуруҳ 2 Инновацион ривожланиш ва ҳамкорлик гуруҳи 1 Кадрлар гуруҳи 1 Тренер-ўқитувчилар таркиби * 8 Молия гуруҳи 2 Моддий-техник таъминот ва хўжалик гуруҳи 2 Тиббий пункт 1 Пресс-гуруҳ 1 Хизмат кўрсатувчи ходимлар ** 25 Ветеринария хизмати 2 Канцелярия 1 Қорабайир отлари маҳорат мактабининг Сурхондарё вилояти туман (шаҳар)лардаги секция ва клублари

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 5 август,

ПҚ-5213-сон

(Қонунчилик маълумотлари миллий базаси, 06.08.2021 й., 07/21/5213/0764-сон; 13.06.2023 й., 06/23/92/0366-сон)

lex.uz

Oʻzbekiston Respublikasi Prezidentining

Qarori

tuzilmasi

Surxondaryo viloyatida Qorabayir zotli otlarni yetishtirish va ommalashtirish hamda ot sporti turlarini yanada rivojlantirish chora-tadbirlari toʻgʻrisida

Milliy merosimizning ajralmas qismi boʻlgan Qorabayir zotli otlarni koʻpaytirish hamda ularni ot sportiga keng jalb etish, mamlakatimizda ot sporti turlarini yanada rivojlantirish maqsadida:

1. Milliy gvardiya huzurida Qorabayir otlari mahorat maktabi tashkil etilsin.

Surxondaryo viloyati Termiz tumani Yangiobod mahallasi hududidagi 64,6 ga yer maydoni bino va inshootlari bilan birga Milliy gvardiyaning balansiga oʻtkazilsin va unda Qorabayir otlari mahorat maktabi joylashtirilsin.

Milliy gvardiya (R. Djurayev), Surxondaryo viloyati hokimligi (T. Bobolov) va Oʻzbekiston yilqichilik va ot sporti federatsiyasi (B. Gaziyev) Qorabayir otlari mahorat maktabi faoliyatini 2021-yil 1-oktabrdan boshlab toʻliq yoʻlga qoʻysin.

Surxondaryo viloyati hokimligi (T. Bobolov) ikki oy muddatda Qorabayir otlari mahorat maktabi otlariga ozuqa bazasini yaratish maqsadida 100 ga sugʻoriladigan yer maydonini belgilangan tartibda ajratish choralarini koʻrsin.

2. Quyidagilar Qorabayir otlari mahorat maktabining asosiy vazifalari va faoliyat yoʻnalishlari etib belgilansin:

yosh avlod chavandozlarini tarbiyalashga yoʻnaltirilgan milliy ot sporti musobaqalarini tashkil etish va oʻtkazishda Qorabayir zotli otlardan foydalanishni ommalashtirish hamda milliy ot sportining xalqaro dovrugʻini oshirish boʻyicha kompleks chora-tadbirlarni amalga oshirish;

yilqichilikda naslchilik ishlarini takomillashtirish yoʻli bilan Qorabayir zotli otlar bosh sonini koʻpaytirish;

Qorabayir zotli otlarni saqlash va sifatli veterinariya xizmati koʻrsatish ishlarini yaxshilashga koʻmaklashish, shuningdek, jahon bozorida ot zotlari orasida Qorabayir ot zotining raqobatbardoshligini taʼminlash;

aholining keng qatlamini, ayniqsa yoshlarni, Qorabayir otlari mahorat maktabidagi seksiya va klublarga jalb etish.

3. Qorabayir otlari mahorat maktabi xodimlarining cheklangan soni 50 nafardan iborat tuzilmasi ilovaga muvofiq tasdiqlansin.

4. Belgilab qoʻyilsinki:

Qorabayir otlari mahorat maktabining shtat birliklari (xizmat koʻrsatuvchi xodimlardan tashqari) Milliy gvardiyaga ajratilgan umumiy shtat birliklari doirasida shakllantiriladi;

Qorabayir otlari mahorat maktabining direktori lavozimi ofitserlar tarkibidagi harbiy xizmatchi bilan jamlanuvchi lavozim sifatida belgilanadi hamda mazkur lavozim uchun 16,3 tarif razryadi va “podpolkovnik” harbiy unvon pogʻonasi oʻrnatiladi;

Qorabayir otlari mahorat maktabining rahbar xodimlari, instruktor-metodistlari, trener-oʻqituvchilari va tibbiyot (veterinariya) xizmati, usta-chavandoz, ot parvarishlovchi va taqachi xodimlari mehnatiga haq toʻlash va ularning mehnatini moddiy ragʻbatlantirish Vazirlar Mahkamasining 2010-yil 23-sentabrdagi 211-son qarori bilan tasdiqlangan Davlat budjetidan moliyalashtiriladigan sport maktablari xodimlari mehnatiga haq toʻlash va ularning mehnatini moddiy ragʻbatlantirish tartibi toʻgʻrisidagi nizomga muvofiq amalga oshiriladi;

Qorabayir otlari mahorat maktabining moddiy-texnika bazasini dastlabki mustahkamlash, jumladan texnika, anjomlar va boshqa zarur vositalar bilan taʼminlash Surxondaryo viloyatining mahalliy budjeti mablagʻlari hisobidan amalga oshiriladi;

Qorabayir otlari mahorat maktabining moddiy-texnika bazasini keyinchalik mustahkamlash va uning moliyaviy taʼminoti (ish haqi va unga tenglashtirilgan toʻlovlar, kommunal xizmatlar, otlarga ozuqa va dori-darmonlar sotib olish hamda boshqa xarajatlar) Davlat budjeti mablagʻlari hisobidan amalga oshiriladi;

Qorabayir otlari mahorat maktabining hamda uning seksiya va klublari faoliyatini tashkiliy-metodik taʼminlash Yoshlar siyosati va sport vazirligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasi bilan birgalikda amalga oshiriladi;

Qorabayir otlari mahorat maktabi uchun Qorabayir zotli otlar Oʻzbekiston yilqichilik va ot sporti federatsiyasi mutaxassislarining xulosasiga asosan tanlab olinadi.

Qorabayir otlari mahorat maktabiga oʻz faoliyati ixtisosligi boʻyicha pullik xizmatlar koʻrsatishdan tushadigan mablagʻlar, jismoniy va yuridik shaxslarning homiylik xayriyalari, shuningdek, qonunchilik hujjatlari bilan taqiqlanmagan boshqa manbalar hisobidan maktabning moddiy-texnika bazasini mustahkamlash hamda uning xodimlarini moddiy ragʻbatlantirishga ruxsat berilsin.

5. Surxondaryo viloyati hokimligining Qorabayir otlari mahorat maktabida shugʻullanuvchilar keyinchalik bepul foydalanishlari uchun Qorabayir zotli otlarni Surxondaryo viloyatining mahalliy budjeti va harbiy-maʼmuriy sektorlarning mablagʻlari hisobidan sotib olish tashabbusi qoʻllab-quvvatlansin.

6. Surxondaryo viloyati hokimligi, Oʻzbekiston yilqichilik va ot sporti federatsiyasi, Oʻzbekiston zamonaviy beshkurash federatsiyasi, Oʻzbekiston polo federatsiyasi hamda Oʻzbekiston uloq-koʻpkari federatsiyasining:

Surxondaryo viloyatini respublikada Qorabayir zotli otlar naslchiligi va sportini rivojlantirish boʻyicha yetakchi hudud sifatida belgilash;

Surxondaryo viloyatining barcha tumanlarida Qorabayir zotli otlardan foydalanishga ixtisoslashgan seksiya va ot sporti klublarini tashkil etish hamda yuqori malakali trenerlarni tayyorlash va ularning malakasini oshirish toʻgʻrisidagi takliflari maʼqullansin.

Surxondaryo viloyati hokimligi (T. Bobolov) ikki oy muddatda viloyatning tumanlarida Qorabayir zotli otlardan foydalanishga ixtisoslashgan seksiya va ot sporti klublarini tashkil etish maqsadida tadbirkorlik subyektlariga bepul foydalanish uchun tegishli bino va inshootlarni taqdim etsin, zarur hollarda, mazkur bandni amalga oshirish boʻyicha Vazirlar Mahkamasiga taklif kiritsin.

7. Milliy gvardiya, Yoshlar siyosati va sport vazirligi, Surxondaryo viloyati hokimligi hamda Oʻzbekiston yilqichilik va ot sporti federatsiyasi:

bir oy muddatda Qorabayir zotli otlardan foydalanishni ommalashtirish uchun kompleks chora-tadbirlar dasturini tasdiqlasin;

Milliy gvardiya, manfaatdor vazirlik va idoralarning mutaxassis-chavandoz, instruktor-chavandoz va boshqa xodimlarini oʻqitish va malakasini oshirishni tashkil etsin;

Qorabayir otlari mahorat maktabini malakali mutaxassislar bilan toʻldirish, zarur oʻquv-metodik adabiyotlar bilan taʼminlash, shuningdek, oʻquv-mashq jarayonini lozim darajada tashkil etish uchun oʻquv binolarini jihozlashning zarur choralarini koʻrsin;

ikki oy muddatda Qorabayir otlari mahorat maktabi tomonidan jismoniy va yuridik shaxslarga pullik xizmat koʻrsatish tartibini mazkur xizmatlar hajmini koʻrsatgan holda tasdiqlasin;

har yili “Navroʻz” umumxalq bayrami arafasida Qorabayir zotli otlar ishtirokida xalqaro chavandozlar musobaqasini oʻtkazsin;

har yili Qorabayir zotli otlar ishtirokida milliy ot sporti turlari, zamonaviy beshkurash, polo boʻyicha mahalla, tuman, viloyat va respublika miqyosida musobaqalar tashkil etsin;

2022-yil 1-yanvarga qadar Surxondaryo viloyatining barcha tumanlarida Qorabayir otlari mahorat maktabining seksiya va klublarini tashkil etsin.

8. Moliya vazirligi (T. Ishmetov):

2021-yilda Milliy gvardiyaning asoslantirilgan hisob-kitoblari boʻyicha Qorabayir otlari mahorat maktabini moliyaviy qoʻllab-quvvatlash, shu jumladan xizmat koʻrsatuvchi xodimlar taʼminoti uchun Davlat budjetidan qoʻshimcha mablagʻlar ajratsin;

2022-yildan boshlab har yili Davlat budjeti parametrlarida ushbu qaror doirasida Qorabayir otlari mahorat maktabi moliyaviy taʼminoti hamda uni moddiy-texnik jihozlash, shu jumladan otlarni parvarishlash uchun zarur boʻlgan budjet mablagʻlarini nazarda tutsin.

9. Milliy gvardiya (R. Djurayev) Oʻzbekiston yilqichilik va ot sporti federatsiyasi bilan birgalikda Qorabayir otlari mahorat maktabi Qorabayir zotli otlarining seleksiyasiga eʼtibor bergan holda harbiy xizmatga yaroqli xizmat otlarini tayyorlash va ularni kelgusida xizmat maqsadlarida foydalanish choralarini koʻrsin.

10. Sogʻliqni saqlash vazirligi (A. Xadjibayev) markaziy asab tizimi kasalliklari va ot yordamida davolash mumkin boʻlgan boshqa kasalliklarning roʻyxatini shakllantirsin va kasallarni Qorabayir otlari mahorat maktabiga yoʻnaltirish boʻyicha dastur ishlab chiqsin.

11. Turizm va sport vazirligi (A. Abduxakimov) Surxondaryo viloyati hokimligi bilan birgalikda ikki oy muddatda Qorabayir otlari mahorat maktabida turizm infratuzilmasini barpo etish boʻyicha loyihalarni amalga oshirish choralarini koʻrsin.

12. Oʻzbekiston Milliy teleradiokompaniyasi Oʻzbekiston Milliy axborot agentligi, Axborot texnologiyalari va kommunikatsiyalarini rivojlantirish vazirligi hamda Milliy gvardiya bilan birgalikda:

Qorabayir otlari mahorat maktabining faoliyatini namoyish etuvchi koʻrsatuv va eshittirishlarni tayyorlasin, bunda Qorabayir zotli otlarning xususiyatlariga alohida eʼtibor qaratsin;

mazkur qarorning mazmun-mohiyati va amaliy ahamiyatini yoritishga oid turkum maqolalar, brifinglar, tematik telekoʻrsatuvlar tashkil etsin;

qorabayir zotli otlarni ommalashtirish maqsadida maxsus veb-saytlar tashkil etsin va uning faoliyatini doimiy yoʻlga qoʻysin;

“Har bir yigitning uyida oti boʻlsin” shiori ostida Qorabayir zotli otlarning targʻibotini amalga oshirsin.

13. Milliy gvardiya bir oy muddatda:

Turizm va sport vazirligi, Oʻzbekiston yilqichilik va ot sporti federatsiyasi bilan birgalikda Qorabayir otlari mahorat maktabi ustavining belgilangan tartibda tasdiqlanishi va davlat roʻyxatidan oʻtkazilishini taʼminlasin;

manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

14. Mazkur qarorning ijrosini samarali tashkil etishga masʼul va shaxsiy javobgar etib Milliy gvardiya qoʻmondoni R.M. Djurayev, Surxondaryo viloyati hokimi U.B. Qosimov hamda turizm va sport vaziri oʻrinbosari Sh.Sh. Maxmudov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchisi K.K. Kuranbayev va Oʻzbekiston Respublikasi yoshlar siyosati va sport vaziri A.I. Ikramov zimmasiga yuklansin.

Amalga oshirilayotgan chora-tadbirlar natijadorligi yuzasidan 2022-yil 1-yanvargacha Oʻzbekiston Respublikasi Prezidentiga axborot berilsin.

Oʻzbekiston Respublikasi Prezidentining 2021-yil 5-avgustdagi PQ-5213-son qaroriga ILOVA

Qorabayir otlari mahorat maktabining

Direktor Direktorning oʻquv-tarbiyaviy ishlar va yoshlar bilan ishlash boʻyicha oʻrinbosari Direktorning innovatsion rivojlanish, turizm va menejment boʻyicha oʻrinbosari Yuridik guruh 1 Oʻquv-metodik guruh 2 Innovatsion rivojlanish va hamkorlik guruhi 1 Kadrlar guruhi 1 Trener-oʻqituvchilar tarkibi * 8 Moliya guruhi 2 Moddiy-texnik taʼminot va xoʻjalik guruhi 2 Tibbiy punkt 1 Press-guruh 1 Xizmat koʻrsatuvchi xodimlar ** 25 Veterinariya xizmati 2 Kanselyariya 1 Qorabayir otlari mahorat maktabining Surxondaryo viloyati tuman (shahar)lardagi seksiya va klublari

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 5-avgust,

PQ-5213-son

(Qonunchilik maʼlumotlari milliy bazasi, 06.08.2021-y., 07/21/5213/0764-son; 13.06.2023-y., 06/23/92/0366-son)

lex.uz

Президента Республики Узбекистан

Постановление

СТРУКТУРА

О мерах по разведению и популяризации лошадей породы Карабаир и дальнейшему развитию видов конного спорта в Сурхандарьинской области

В целях разведения лошадей породы Карабаир, являющейся неотъемлемой частью нашего национального наследия, широкого вовлечения данной породы лошадей в конный спорт, а также дальнейшего развития видов конного спорта в нашей стране:

1. Создать Карабаирскую школу конного мастерства при Национальной гвардии.

Перевести на баланс Национальной гвардии земельный участок площадью 64,6 гектара, расположенный на территории махалли «Янгиабад» Термезского района Сурхандарьинской области, вместе со зданиями и сооружениями и разместить на нем Карабаирскую школу конного мастерства.

Национальной гвардии (Р. Джураев), хокимияту Сурхандарьинской области (Т. Боболов) и Федерации коневодства и конного спорта Узбекистана (Б. Газиев) обеспечить полное функционирование Карабаирской школы конного мастерства начиная с 1 октября 2021 года.

Хокимияту Сурхандарьинской области (Т. Боболов) в двухмесячный срок принять меры по выделению в установленном порядке 100 гектаров орошаемых земель с целью создания кормовой базы для лошадей Карабаирской школы конного мастерства.

2. Определить основными задачами и направлениями деятельности Карабаирской школы конного мастерства:

реализацию комплексных мер по популяризации использования лошадей породы Карабаир при организации и проведении национальных конноспортивных соревнований, направленных на воспитание молодого поколения наездников, а также повышению международного авторитета национального конного спорта;

увеличение поголовья лошадей породы Карабаир путем совершенствования племенного дела в коневодстве;

содействие в улучшении работ по содержанию лошадей породы Карабаир и оказанию качественных ветеринарных услуг, а также обеспечение конкурентоспособности лошадей породы Карабаир среди других пород лошадей на мировом рынке;

привлечение широких слоев населения, особенно молодежи, в секции и клубы Карабаирской школы конного мастерства.

3. Утвердить структуру Карабаирской школы конного мастерства с предельной численностью персонала 50 единиц согласно приложению .

4. Определить, что:

штатные единицы Карабаирской школы конного мастерства (кроме обслуживающего персонала) формируются в рамках общих штатных единиц, выделенных Национальной гвардии;

должность директора Карабаирской школы конного мастерства определяется в качестве должности военнослужащего офицерского состава и для данной должности устанавливается тарифный разряд 16,3 и воинское звание «подполковник»;

оплата и материальное стимулирование труда руководящего персонала, инструкторов-методистов, тренеров-преподавателей и работников медицинской (ветеринарной) службы, мастеров-наездников, конюхов и ковалей Карабаирской школы конного мастерства осуществляются в соответствии с Положением о порядке оплаты и материального стимулирования труда работников спортивных школ, финансируемых из Государственного бюджета, утвержденным постановлением Кабинета Министров от 23 сентября 2010 года № 211;

первоначальное укрепление материально-технической базы Карабаирской школы конного мастерства, включая оснащение техникой, инвентарем и другими необходимыми средствами, будет осуществляться за счет средств местного бюджета Сурхандарьинской области;

дальнейшее укрепление материально-технической базы Карабаирской школы конного мастерства и ее финансовое обеспечение (заработная плата и приравненные к ней выплаты, коммунальные услуги, закупка кормов и медикаментов для лошадей и другие расходы) будут осуществляться за счет средств Государственного бюджета;

организационно-методическое обеспечение деятельности Карабаирской школы конного мастерства, ее секций и клубов осуществляется совместно с Министерством молодежной политики и спорта, Федерацией коневодства и конного спорта Узбекистана, Федерацией современного пятиборья Узбекистана, Федерацией поло Узбекистана и Федерацией улок-купкари Узбекистана;

лошади породы Карабаир для Карабаирской школы конного мастерства отбираются на основании заключений специалистов Федерации коневодства и конного спорта Узбекистана.

Разрешить Карабаирской школе конного мастерства укрепить материально-техническую базу школы и обеспечить материальное стимулирование ее работников за счет средств, полученных от оказания платных услуг по специализации своей деятельности, благотворительных пожертвований физических и юридических лиц, а также иных источников, не запрещенных актами законодательства.

5. Поддержать инициативу хокимията Сурхандарьинской области о закупке лошадей породы Карабаир за счет средств местного бюджета Сурхандарьинской области и военно-административных секторов для их дальнейшего безвозмездного использования занимающимися в Карабаирской школе конного мастерства.

6. Одобрить предложения хокимията Сурхандарьинской области, Федерации коневодства и конного спорта Узбекистана, Федерации современного пятиборья Узбекистана, Федерации поло Узбекистана и Федерации улок-купкари Узбекистана:

об определении Сурхандарьинской области в качестве ведущего региона по развитию спорта и племенного дела лошадей породы Карабаир в республике;

о создании во всех районах Сурхандарьинской области секций и конноспортивных клубов, специализирующихся на использовании лошадей породы Карабаир, а также подготовке высококвалифицированных тренеров и повышении их квалификации.

Хокимияту Сурхандарьинской области (Т. Боболов) в двухмесячный срок предоставить субъектам предпринимательства соответствующие здания и сооружения в районах области в безвозмездное пользование для создания секций и конноспортивных клубов, специализирующихся на использовании лошадей породы Карабаир, в случае необходимости, внести в Кабинет Министров предложение о реализации настоящего пункта.

7. Национальной гвардии, Министерству молодежной политики и спорта, хокимияту Сурхандарьинской области и Федерации коневодства и конного спорта Узбекистана:

в месячный срок утвердить программу комплексных мер по популяризации использования лошадей породы Карабаир;

организовать обучение и повышение квалификации специалистов-наездников, инструкторов-наездников и других сотрудников Национальной гвардии, заинтересованных министерств и ведомств;

принять необходимые меры по укомплектованию Карабаирской школы конного мастерства квалифицированными специалистами, обеспечению ее необходимой учебно-методической литературой, а также оборудованию учебных корпусов для организации учебно-тренировочного процесса на надлежащем уровне;

в двухмесячный срок утвердить порядок оказания Карабаирской школой конного мастерства платных услуг физическим и юридическим лицам с указанием объема данных услуг;

ежегодно в канун всенародного праздника «Навруз» организовывать международные соревнования наездников с участием лошадей породы Карабаир;

ежегодно организовывать соревнования по национальным видам конного спорта, современному пятиборью, поло на уровне махалли, района, области и республики с участием лошадей породы Карабаир;

до 1 января 2022 года организовать секции и клубы Карабаирской школы конного мастерства во всех районах Сурхандарьинской области.

8. Министерству финансов (Т. Ишметов):

выделить из Государственного бюджета в 2021 году дополнительные средства на финансовую поддержку Карабаирской школы конного мастерства, в том числе на содержание обслуживающего персонала, согласно обоснованным расчетам Национальной гвардии;

начиная с 2022 года предусматривать в ежегодных параметрах Государственного бюджета бюджетные средства, необходимые в рамках настоящего постановления для финансового обеспечения и материально-технического оснащения Карабаирской школы конного мастерства, включая средства по содержанию лошадей.

9. Национальной гвардии (Р. Джураев) совместно с Федерацией коневодства и конного спорта Узбекистана с учетом селекции лошадей породы Карабаир Карабаирской школы конного мастерства принять меры по подготовке лошадей, пригодных для военной службы, и использованию их в последующем для служебных целей.

10. Министерству здравоохранения (А. Хаджибаев) сформировать перечень болезней центральной нервной системы и других заболеваний, лечение которых возможно с помощью лошадей, и разработать программу направления пациентов в Карабаирскую школу конного мастерства.

11. Министерству туризма и спорта (А. Абдухакимов) совместно с хокимиятом Сурхандарьинской области в двухмесячный срок принять меры по реализации проектов строительства туристской инфраструктуры в Карабаирской школе конного мастерства.

12. Национальной телерадиокомпании Узбекистана совместно с Национальным информационным агентством Узбекистана, Министерством по развитию информационных технологий и коммуникаций и Национальной гвардией:

подготовить передачи и вещания, демонстрирующие деятельность Карабаирской школы конного мастерства, уделяя при этом особое внимание характеристикам лошадей породы Карабаир;

организовать цикл статей, брифингов, тематических телепрограмм по широкому освещению сути и содержания, практического значения настоящего постановления;

создать и обеспечить постоянную деятельность специальных веб-сайтов с целью популяризации лошадей породы Карабаир;

проводить пропаганду лошадей породы Карабаир под лозунгом «Хар бир йигитнинг уйида оти булсин».

13. Национальной гвардии в месячный срок:

совместно с Министерством туризма и спорта, Федерацией коневодства и конного спорта Узбекистана обеспечить в установленном порядке утверждение устава Карабаирской школы конного мастерства и ее государственную регистрацию;

совместно с заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего постановления.

14. Возложить на командующего Национальной гвардией Р.М. Джураева, хокима Сурхандарьинской области У.Б. Косимова и заместителя министра молодежной политики и спорта Ш.Ш. Махмудова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на советника Президента Республики Узбекистан К.К. Курбанбаева и министра молодежной политики и спорта А.И. Икрамова.

О результативности осуществляемых мер информировать Президента Республики Узбекистан до 1 января 2022 года.

ПРИЛОЖЕНИЕ к постановлению Президента Республики Узбекистан от 5 августа 2021 года № ПП-5213

Карабаирской школы конного мастерства

Директор Заместитель директора по учебно-воспитательной работе и работе с молодежью Заместитель директора по инновационному развитию, туризму и менеджменту Юридическая группа 1 Учебно-методическая группа 2 Группа инновационного развития и сотрудничества 1 Группа кадров 1 Тренерско-преподавательский состав * 8 Финансовая группа 2 Группа материально-технического обеспечения и хозяйства 2 Медицинский пункт 1 Пресс-группа 1 Обслуживающий персонал ** 25 Ветеринарная служба 2 Канцелярия 1 Секции и клубы Карабаирской школы конного мастерства в районах (городах) Сурхандарьинской области

Президент Республики Узбекистан Ш. МИРЗИЁЕВ

г. Ташкент,

5 августа 2021 г.,

№ ПП-5213

(Национальная база данных законодательства, 06.08.2021 г., № 07/21/5213/0764; 13.06.2023 г., № 06/23/92/0366)

lex.uz