📅 2021-yil 5-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 5 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 5 августа 2021 г. · Постановления Президента
Официальный текст. Официальный документ. Редакционные примечания не включены.
📅 5 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маҳаллаларда тадбиркорликни янада қўллаб-қувватлаш ва тадбиркорлик субъектлари билан аҳоли ўртасида кооперацияни ривожлантиришнинг қўшимча чора-тадбирлари тўғрисида
«Маҳаллабай» ишлаш тизими асосида ижтимоий-иқтисодий ривожланишдан ортда қолаётган ва ишсизлик даражаси юқори бўлган маҳаллаларда (кейинги ўринларда — «оғир» маҳалла) тадбиркорликни янада қўллаб-қувватлаш ҳамда тадбиркорлик субъектлари ва хонадонлар ўртасида иқтисодий кооперацияни кенгайтириш мақсадида:
1. Андижон вилоятида 210 та «оғир» маҳалла аниқланганлиги ҳамда ушбу маҳаллаларда тадбиркорликни янада қўллаб-қувватлаш, шунингдек, тадбиркорлик субъектлари ва хонадонлар ўртасида иқтисодий кооперацияни кенгайтириш учун Ўзбекистон Республикаси Президентининг 2021 йил 21 июндаги «Янги Андижон» шаҳарчасини барпо этиш ва Андижон вилоятида тадбиркорликни янада қўллаб-қувватлаш чора-тадбирлари тўғрисида»ги ПҚ-5154-сон қарорига мувофиқ 40 миллион АҚШ доллари эквивалентидаги маблағлар ажратилганлиги маълумот учун қабул қилинсин.
2. «Маҳаллабай» ва «хонадонбай» ишлаш асосида «оғир» маҳаллаларда тадбиркорликни янада қўллаб-қувватлаш бўйича янгича ёндашувни (кейинги ўринларда — «Андижон тажрибаси») республиканинг бошқа ҳудудларига ҳам татбиқ этиш учун Тикланиш ва тараққиёт жамғармасидан давлат улушига эга бўлган тижорат банкларига алоҳида тасдиқланадиган тақсимотга асосан 100 миллион АҚШ доллари эквивалентидаги маблағлар 3 йиллик имтиёзли давр билан 7 йил муддатга 7 фоиз ставкада ажратилсин.
3. Республика ҳудудлари кесимида «Андижон тажрибаси» асосида «маҳаллабай» ишлаш тизими жорий этиладиган маҳаллалар сони ва ажратиладиган ресурс миқдори иловага мувофиқ тасдиқлансин.
Бош вазир ўринбосари Ж. Қўчқоров ва Марказий банк раиси М. Нурмуратовга «оғир» маҳаллаларга бириктирилган «етакчи» тадбиркорлик субъектларининг ҳақиқий талабидан келиб чиққан ҳолда ажратилаётган ресурсларни тижорат банклари кесимида тақсимлаш ваколати берилсин.
4. Белгилансинки:
тижорат банклари томонидан кредитлар кооперация асосида кичик бизнесни ва оилавий тадбиркорликни ривожлантиришга кўмаклашиш учун «оғир» маҳаллаларга бириктирилган «етакчи» тадбиркорлик субъектларига 3 йил муддатгача йиллик 10 фоиз ставкада битта маҳалла учун 2 миллиард сўмгача миқдорда ажратилади.
5. Қорақалпоғистон Республикаси Вазирлар Кенгаши Раиси ва вилоятлар ҳокимлари икки ҳафта муддатда «Андижон тажрибаси» асосида «маҳаллабай» ишлаш тизими жорий этиладиган «оғир» маҳаллаларнинг манзилли рўйхатини Иқтисодий тараққиёт ва камбағалликни қисқартириш вазирлиги билан келишган ҳолда тасдиқласин.
6. Вазирлар Маҳкамаси икки ой муддатда «2021 йил учун Ўзбекистон Республикасининг Давлат бюджети тўғрисида»ги Ўзбекистон Республикаси Қонунига ўзгартиш ва қўшимчалар киритиш ҳақида»ги қонун лойиҳасини Олий Мажлис Қонунчилик палатасига белгиланган тартибда киритсин.
7. Мазкур қарорнинг бажарилишини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президентининг 2021 йил 5 августдаги ПҚ-5214-сон қарорига ИЛОВА
«Андижон тажрибаси» асосида «маҳаллабай» ишлаш тизими жорий этиладиган маҳаллалар сони ва ажратиладиган ресурс миқдори
Т/р Ҳудуд номи Жами маҳаллалар сони «Оғир» маҳаллалар сони Ажратиладиган маблағ (млн АҚШ долл.) Жами 7 838 500 100 1. Қорақалпоғистон Республикаси 422 38 7,6 2. Бухоро вилояти 544 42 8,4 3. Жиззах вилояти 299 27 5,4 4. Қашқадарё вилояти 792 52 10,4 5. Навоий вилояти 307 27 5,4 6. Наманган вилояти 777 52 10,4 7. Самарқанд вилояти 1 114 52 10,4 8. Сурхондарё вилояти 721 47 9,4 9. Сирдарё вилояти 236 27 5,4 10. Тошкент вилояти 1 050 52 10,4 11. Фарғона вилояти 1 050 52 10,4 12. Хоразм вилояти 526 32 6,4
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 5 август,
ПҚ-5214-сон
Oʻzbekiston Respublikasi Prezidentining
Qarori
Mahallalarda tadbirkorlikni yanada qoʻllab-quvvatlash va tadbirkorlik subyektlari bilan aholi oʻrtasida kooperatsiyani rivojlantirishning qoʻshimcha chora-tadbirlari toʻgʻrisida
“Mahallabay” ishlash tizimi asosida ijtimoiy-iqtisodiy rivojlanishdan ortda qolayotgan va ishsizlik darajasi yuqori boʻlgan mahallalarda (keyingi oʻrinlarda — “ogʻir” mahalla) tadbirkorlikni yanada qoʻllab-quvvatlash hamda tadbirkorlik subyektlari va xonadonlar oʻrtasida iqtisodiy kooperatsiyani kengaytirish maqsadida:
1. Andijon viloyatida 210 ta “ogʻir” mahalla aniqlanganligi hamda ushbu mahallalarda tadbirkorlikni yanada qoʻllab-quvvatlash, shuningdek, tadbirkorlik subyektlari va xonadonlar oʻrtasida iqtisodiy kooperatsiyani kengaytirish uchun Oʻzbekiston Respublikasi Prezidentining 2021-yil 21-iyundagi “Yangi Andijon” shaharchasini barpo etish va Andijon viloyatida tadbirkorlikni yanada qoʻllab-quvvatlash chora-tadbirlari toʻgʻrisida”gi PQ-5154-son qaroriga muvofiq 40 million AQSH dollari ekvivalentidagi mablagʻlar ajratilganligi maʼlumot uchun qabul qilinsin.
2. “Mahallabay” va “xonadonbay” ishlash asosida “ogʻir” mahallalarda tadbirkorlikni yanada qoʻllab-quvvatlash boʻyicha yangicha yondashuvni (keyingi oʻrinlarda — “Andijon tajribasi”) respublikaning boshqa hududlariga ham tatbiq etish uchun Tiklanish va taraqqiyot jamgʻarmasidan davlat ulushiga ega boʻlgan tijorat banklariga alohida tasdiqlanadigan taqsimotga asosan 100 million AQSH dollari ekvivalentidagi mablagʻlar 3 yillik imtiyozli davr bilan 7 yil muddatga 7 foiz stavkada ajratilsin.
3. Respublika hududlari kesimida “Andijon tajribasi” asosida “mahallabay” ishlash tizimi joriy etiladigan mahallalar soni va ajratiladigan resurs miqdori ilovaga muvofiq tasdiqlansin.
Bosh vazir oʻrinbosari J. Qoʻchqorov va Markaziy bank raisi M. Nurmuratovga “ogʻir” mahallalarga biriktirilgan “yetakchi” tadbirkorlik subyektlarining haqiqiy talabidan kelib chiqqan holda ajratilayotgan resurslarni tijorat banklari kesimida taqsimlash vakolati berilsin.
4. Belgilansinki:
tijorat banklari tomonidan kreditlar kooperatsiya asosida kichik biznesni va oilaviy tadbirkorlikni rivojlantirishga koʻmaklashish uchun “ogʻir” mahallalarga biriktirilgan “yetakchi” tadbirkorlik subyektlariga 3 yil muddatgacha yillik 10 foiz stavkada bitta mahalla uchun 2 milliard soʻmgacha miqdorda ajratiladi.
5. Qoraqalpogʻiston Respublikasi Vazirlar Kengashi Raisi va viloyatlar hokimlari ikki hafta muddatda “Andijon tajribasi” asosida “mahallabay” ishlash tizimi joriy etiladigan “ogʻir” mahallalarning manzilli roʻyxatini Iqtisodiy taraqqiyot va kambagʻallikni qisqartirish vazirligi bilan kelishgan holda tasdiqlasin.
6. Vazirlar Mahkamasi ikki oy muddatda “2021-yil uchun Oʻzbekiston Respublikasining Davlat budjeti toʻgʻrisida”gi Oʻzbekiston Respublikasi Qonuniga oʻzgartish va qoʻshimchalar kiritish haqida”gi qonun loyihasini Oliy Majlis Qonunchilik palatasiga belgilangan tartibda kiritsin.
7. Mazkur qarorning bajarilishini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidentining 2021-yil 5-avgustdagi PQ-5214-son qaroriga ILOVA
“Andijon tajribasi” asosida “mahallabay” ishlash tizimi joriy etiladigan mahallalar soni va ajratiladigan resurs miqdori
T/r Hudud nomi Jami mahallalar soni “Ogʻir” mahallalar soni Ajratiladigan mablagʻ (mln AQSH doll.) Jami 7 838 500 100 1. Qoraqalpogʻiston Respublikasi 422 38 7,6 2. Buxoro viloyati 544 42 8,4 3. Jizzax viloyati 299 27 5,4 4. Qashqadaryo viloyati 792 52 10,4 5. Navoiy viloyati 307 27 5,4 6. Namangan viloyati 777 52 10,4 7. Samarqand viloyati 1 114 52 10,4 8. Surxondaryo viloyati 721 47 9,4 9. Sirdaryo viloyati 236 27 5,4 10. Toshkent viloyati 1 050 52 10,4 11. Fargʻona viloyati 1 050 52 10,4 12. Xorazm viloyati 526 32 6,4
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 5-avgust,
PQ-5214-son
Президента Республики Узбекистан
Постановление
О дополнительных мерах по дальнейшей поддержке предпринимательства и развитию кооперации между субъектами предпринимательства и населением в махаллях
В целях дальнейшей поддержки предпринимательства в махаллях, отстающих в социально-экономическом развитии и с высоким уровнем безработицы (далее — махалля с тяжелыми условиями), а также расширения экономической кооперации между субъектами предпринимательства и домохозяйствами на основе системы работы «махаллабай»:
1. Принять к сведению, что в Андижанской области выявлено 210 махаллей с тяжелыми условиями и в соответствии с постановлением Президента Республики Узбекистан от 21 июня 2021 года № ПП-5154 «О мерах по строительству городка «Янги Андижон» и дальнейшей поддержке предпринимательства в Андижанской области» для дальнейшей поддержки предпринимательства в данных махаллях, а также расширения экономической кооперации между субъектами предпринимательства и домохозяйствами выделены средства в эквиваленте 40 миллионов долларов США.
2. В целях распространения нового подхода по дальнейшей поддержке предпринимательства в махаллях с тяжелыми условиями на основе работы «махаллабай» и «хонадонбай» (далее — «Андижанский опыт») также в других регионах республики выделить из Фонда реконструкции и развития коммерческим банкам с долей государства средства в эквиваленте 100 миллионов долларов США с трехлетним льготным периодом сроком на 7 лет по ставке 7 процентов на основе отдельно утверждаемого распределения.
3. Утвердить количество махаллей, в которых внедряется система работы «махаллабай» на основе «Андижанского опыта», и объем выделяемых ресурсов в разрезе регионов республики согласно приложению .
Уполномочить заместителя Премьер-министра Д. Кучкарова и председателя Центрального банка М. Нурмуратова распределять выделяемые ресурсы исходя из фактического спроса «ведущих» субъектов предпринимательства, закрепленных за махаллями с тяжелыми условиями, в разрезе коммерческих банков.
4. Установить, что:
кредиты для содействия развитию малого бизнеса и семейного предпринимательства на основе кооперации выделяются коммерческими банками «ведущим» субъектам предпринимательства, закрепленным за махаллями с тяжелыми условиями, в размере до 2 миллиардов сумов на каждую махаллю на срок до трех лет по ставке 10 процентов годовых.
5. Председателю Совета Министров Республики Каракалпакстан и хокимам областей в двухнедельный срок утвердить по согласованию с Министерством экономического развития и сокращения бедности адресный перечень махаллей с тяжелыми условиями, в которых внедряется система работы «махаллабай» на основе «Андижанского опыта».
6. Кабинету Министров в двухмесячный срок внести в установленном порядке в Законодательную палату Олий Мажлиса проект закона «О внесении изменений и дополнений в Закон Республики Узбекистан «О Государственном бюджете Республики Узбекистан на 2021 год»».
7. Контроль за исполнением настоящего постановления возложить на Премьер-министра Республики Узбекистан А.Н. Арипова и заместителя Премьер-министра Республики Узбекистан Д.А. Кучкарова.
ПРИЛОЖЕНИЕ к постановлению Президента Республики Узбекистан от 5 августа 2021 года № ПП-5214
Количество махаллей, в которых внедряется система работы «махаллабай» на основе «Андижанского опыта», и объем выделяемых ресурсов
№ Наименование региона Количество махаллей, всего Количество махаллей с тяжелыми условиями Выделяемые средства (млн долл. США) Всего 7 838 500 100 1 . Республика Каракалпакстан 422 38 7,6 2 . Бухарская область 544 42 8,4 3 . Джизакская область 299 27 5,4 4 . Кашкадарьинская область 792 52 10,4 5 . Навоийская область 307 27 5,4 6 . Наманганская область 777 52 10,4 7 . Самаркандская область 1 114 52 10,4 8 . Сурхандарьинская область 721 47 9,4 9 . Сырдарьинская область 236 27 5,4 10 . Ташкентская область 1 050 52 10,4 11 . Ферганская область 1 050 52 10,4 12 . Хорезмская область 526 32 6,4
Президент Республики Узбекистан Ш. МИРЗИЁЕВ
г. Ташкент,
5 августа 2021 г.,
№ ПП-5214