UzbekAI

Ўзбекистон Республикаси Вазирлар Маҳкамасининг

қарори

Ғаллаорол, Когон ва Ургут ихтисослаштирилган давлат ўрмон хўжаликлари фаолиятини ташкил этиш чора-тадбирлари тўғрисида

Ўзбекистон Республикаси Президентининг «Доривор ўсимликларни етиштириш ва қайта ишлаш, уларнинг уруғчилигини йўлга қўйишни ривожлантириш бўйича илмий тадқиқотлар кўламини кенгайтиришга оид чора-тадбирлар тўғрисида» 2020 йил 26 ноябрдаги ПҚ-4901-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Доривор ўсимликларни етиштириш ва қайта ишлаш, уларнинг уруғчилигини йўлга қўйишни ривожлантириш бўйича илмий тадқиқотлар кўламини кенгайтиришга оид чора-тадбирлар тўғрисида» 2020 йил 26 ноябрдаги ПҚ-4901-сон қарорига мувофиқ Жиззах, Бухоро ва Самарқанд вилоятларида тегишлича Ғаллаорол, Когон ва Ургут ихтисослаштирилган давлат ўрмон хўжаликлари ташкил этилсин.

2. Ғаллаорол, Когон ва Ургут ихтисослаштирилган давлат ўрмон хўжаликларининг ер майдонлари иловага мувофиқ тасдиқлансин.

3. Ғаллаорол, Когон ва Ургут ихтисослаштирилган давлат ўрмон хўжаликлари фаолиятини молиялаштириш Вазирлар Маҳкамасининг 2017 йил 19 июлдаги 530-сон қарори билан тасдиқланган Ўзбекистон Республикаси Ўрмон хўжалиги давлат қўмитаси тўғрисидаги низом талаблари асосида давлат ўрмон хўжаликлари учун белгиланган шартларга асосан амалга оширилиши белгилаб қўйилсин.

4. Жиззах, Бухоро ва Самарқанд вилоятлари ҳокимликлари Ўзбекистон Республикаси Ўрмон хўжалиги давлат қўмитаси, Давлат солиқ қўмитаси ҳузуридаги Кадастр агентлиги, Қишлоқ хўжалиги вазирлиги билан биргаликда бир ой муддатда Ғаллаорол, Когон ва Ургут ихтисослаштирилган давлат ўрмон хўжаликларига ер майдонлари ажратишга доир ҳужжатлар белгиланган тартибда расмийлаштирилиши ҳамда ер-кадастр ҳужжатларига тегишли ўзгартиришлар киритилишини таъминласин.

5. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев ва Ўзбекистон Республикаси Ўрмон хўжалиги давлат қўмитаси раиси Н.Ж. Бакиров зиммасига юклансин.

Вазирлар Маҳкамасининг 2021 йил 9 августдаги 505-сон қарорига ИЛОВА

Жиззах, Бухоро ва Самарқанд вилоятларида тегишлича Ғаллаорол, Когон ва Ургут ихтисослаштирилган давлат ўрмон хўжаликларининг ер майдонлари

гектарда Т/р Ихтисослаштирилган давлат ўрмон хўжаликлари номи Умумий ер майдони шундан Экин ерлар шундан Кўп йиллик дов-дарахтлар Яйловлар Мелиоратив ҳолати ёмонлашган ерлар Ўрмонзорлар Қишлоқ хўжалигида фойдаланилмайдиган бошқа ерлар суғориладиган лалмикор 1. Ғаллаорол 37870 99 35 64 3 36193 11 1174 390 2. Ургут 10577 18 4227 2093 4239 3. Когон 1000 970 30

Ўзбекистон Республикасининг Бош вазири А. АРИПОВ

Тошкент ш.,

2021 йил 9 август,

505-сон

(Қонунчилик маълумотлари миллий базаси, 10.08.2021 й., 09/21/505/0772-сон)

lex.uz

Oʻzbekiston Respublikasi Vazirlar Mahkamasining

qarori

Gʻallaorol, Kogon va Urgut ixtisoslashtirilgan davlat oʻrmon xoʻjaliklari faoliyatini tashkil etish chora-tadbirlari toʻgʻrisida

Oʻzbekiston Respublikasi Prezidentining “Dorivor oʻsimliklarni yetishtirish va qayta ishlash, ularning urugʻchiligini yoʻlga qoʻyishni rivojlantirish boʻyicha ilmiy tadqiqotlar koʻlamini kengaytirishga oid chora-tadbirlar toʻgʻrisida” 2020-yil 26-noyabrdagi PQ-4901-son qarori ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Dorivor oʻsimliklarni yetishtirish va qayta ishlash, ularning urugʻchiligini yoʻlga qoʻyishni rivojlantirish boʻyicha ilmiy tadqiqotlar koʻlamini kengaytirishga oid chora-tadbirlar toʻgʻrisida” 2020-yil 26-noyabrdagi PQ-4901-son qaroriga muvofiq Jizzax, Buxoro va Samarqand viloyatlarida tegishlicha Gʻallaorol, Kogon va Urgut ixtisoslashtirilgan davlat oʻrmon xoʻjaliklari tashkil etilsin.

2. Gʻallaorol, Kogon va Urgut ixtisoslashtirilgan davlat oʻrmon xoʻjaliklarining yer maydonlari ilovaga muvofiq tasdiqlansin.

3. Gʻallaorol, Kogon va Urgut ixtisoslashtirilgan davlat oʻrmon xoʻjaliklari faoliyatini moliyalashtirish Vazirlar Mahkamasining 2017-yil 19-iyuldagi 530-son qarori bilan tasdiqlangan Oʻzbekiston Respublikasi Oʻrmon xoʻjaligi davlat qoʻmitasi toʻgʻrisidagi nizom talablari asosida davlat oʻrmon xoʻjaliklari uchun belgilangan shartlarga asosan amalga oshirilishi belgilab qoʻyilsin.

4. Jizzax, Buxoro va Samarqand viloyatlari hokimliklari Oʻzbekiston Respublikasi Oʻrmon xoʻjaligi davlat qoʻmitasi, Davlat soliq qoʻmitasi huzuridagi Kadastr agentligi, Qishloq xoʻjaligi vazirligi bilan birgalikda bir oy muddatda Gʻallaorol, Kogon va Urgut ixtisoslashtirilgan davlat oʻrmon xoʻjaliklariga yer maydonlari ajratishga doir hujjatlar belgilangan tartibda rasmiylashtirilishi hamda yer-kadastr hujjatlariga tegishli oʻzgartirishlar kiritilishini taʼminlasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev va Oʻzbekiston Respublikasi Oʻrmon xoʻjaligi davlat qoʻmitasi raisi N.J. Bakirov zimmasiga yuklansin.

Vazirlar Mahkamasining 2021-yil 9-avgustdagi 505-son qaroriga ILOVA

Jizzax, Buxoro va Samarqand viloyatlarida tegishlicha Gʻallaorol, Kogon va Urgut ixtisoslashtirilgan davlat oʻrmon xoʻjaliklarining yer maydonlari

gektarda T/r Ixtisoslashtirilgan davlat oʻrmon xoʻjaliklari nomi Umumiy yer maydoni shundan Ekin yerlar shundan Koʻp yillik dov-daraxtlar Yaylovlar Meliorativ holati yomonlashgan yerlar Oʻrmonzorlar Qishloq xoʻjaligida foydalanilmaydigan boshqa yerlar sugʻoriladigan lalmikor 1. Gʻallaorol 37870 99 35 64 3 36193 11 1174 390 2. Urgut 10577 18 4227 2093 4239 3. Kogon 1000 970 30

Oʻzbekiston Respublikasining Bosh vaziri A. ARIPOV

Toshkent sh.,

2021-yil 9-avgust,

505-son

(Qonunchilik maʼlumotlari milliy bazasi, 10.08.2021-y., 09/21/505/0772-son)

lex.uz