📅 2021-yil 9-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 9 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 9 августа 2021 г. · Постановления Президента
Официальный текст. Официальный документ. Редакционные примечания не включены.
📅 9 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ногиронлиги бўлган шахсларга кўрсатилаётган тиббий-ижтимоий хизматлар сифатини янада яхшилаш чора-тадбирлари тўғрисида
Ногиронлиги бўлган шахслар, айниқса, болаларни реабилитация қилиш, тўлақонли ҳаёт тарзини юритишига кўмаклашиш ҳамда имкониятларини ошириш учун уларни замонавий протез-ортопедия мосламалари ва реабилитация қилишнинг техник воситалари билан таъминлаш, соҳада ахборот-коммуникацион технологияларини жорий этиш, шунингдек, Ўзбекистон Республикаси Президенти раислигида 2021 йил 28 июль куни ўтказилган ногиронлиги бўлган, ота-она қарамоғидан маҳрум ва етим болаларни давлат томонидан қўллаб-қувватлашни кенгайтириш бўйича видеоселектор йиғилишида белгиланган вазифаларни самарали бажариш мақсадида:
1. Қуйидагилар ногиронлиги бўлган шахсларга, айниқса, болаларга кўрсатилаётган тиббий-ижтимоий хизматлар сифатини бугунги босқичда яхшилашнинг энг муҳим йўналишлари деб ҳисоблансин:
мактабгача ва ихтисослаштирилган таълим муассасаларида таълим олаётган эшитиш қобилияти заиф болаларни замонавий эшитиш мосламалари билан таъминлаш орқали мослаштирилган (адаптив) ўқув тизимини жорий қилиш;
кохлеар имплантатларини ўрнатиш бўйича жарроҳлик амалиётини ўтказишдан олдин ва ундан кейинги реабилитация жараёнини Давлат бюджети маблағлари ҳисобидан тўлиқ бепул амалга ошириш;
болаларни туғма, патологик ва орттирилган суяк-мушак тизимидаги ўзгаришлар ва деформацияларни даволаш учун зарур бўлган тиббиёт буюмлари ва эндопротезлар билан узлуксиз таъминлаш, жумладан экзоскелет ускунасини олиб кириш орқали ногиронлиги бўлган шахсларнинг одатий ҳаётга мослашувини тезлаштириш;
бош миядаги патологик ўзгаришлар (жумладан, гидроцефалия) билан туғилган болаларнинг, шунингдек, янги туғилган чақалоқлар, болалар ва ўсмирлардаги туғма юрак нуқсонларининг жарроҳлик амалиётини ўтказишни давлат таъминотига олиш;
ногиронлиги бўлган шахсларни замонавий электр юритмали ногиронлар аравачалари билан босқичма-босқич таъминлаш;
кўзи ожиз болалар ва катталарни ҳаёти учун зарур бўлган техник воситалар, жумладан овозли термометр, овозли тонометр ва йиғма Брайл алифбоси билан босқичма-босқич таъминлаш.
2. Эшитиш қобилияти заиф болаларни даволашни сифат жиҳатдан янги даражага олиб чиқиш ҳамда ногиронлиги бўлган шахсларнинг одатий ҳаётга мослашувини осонлаштириш борасида 2021 йил ва келгуси йилларда қуйидаги чора-тадбирлар амалга оширилсин:
2021 йил якунига қадар 2 минг дона замонавий эшитиш мосламаларини харид қилиш ва уларни ихтисослаштирилган таълим муассасаларида таълим олаётган эшитиш қобилияти заиф болаларга етказиш;
2021 йилда харид қилиниши режалаштирилган 260 та кохлеар имплантатларига қўшимча равишда 355 та кохлеар имплантатларини харид қилиб, уларни 5 ёшгача болаларга жарроҳлик амалиёти орқали ўрнатиш;
2021 йилда қўшимча 2 минг нафаргача, 2022 йилдан бошлаб эса ҳар йили 3 минг нафаргача болага туғма юрак нуқсони ҳамда бош миядаги патологик ўзгаришлар (жумладан, гидроцефалия) бўйича жарроҳлик амалиётларини ўтказиш;
ҳар йили камида 110 нафар бемор бола учун транспедикуляр тизим (фиксаторлар) тўпламларини харид қилган ҳолда, уларда сколиоз ва умуртқа поғонасининг бошқа патологияси бўйича жарроҳлик амалиётларини амалга ошириш;
йилига ўртача 1 000 нафар болага туғма ва патологик сон чиқишини жарроҳлик амалиётлари орқали даволаш учун зарур металл конструкцияларини сотиб олиш;
ҳар йили камида 140 нафар бемор болада кўкрак қафаси деформациясини даволаш учун 150 та махсус пластиналарни харид қилиш ва ўрнатиш;
бемор болаларга туғма оёқ-қўл патологияларини даволаш учун 350 та Илизаров аппаратларини харид қилиш;
ҳар йили камида 100 нафар бемор болага жарроҳлик амалиётлари давомида суяк дефектларини тўғрилаш учун коллопан гранулаларини харид қилиш;
болалар церебрал фалажи, умуртқа поғонасининг патологик синиши билан касалланган болалар ва катталарда мустақил юриш функцияларини қайта тиклаш учун Ногиронлиги бўлган шахсларни реабилитация қилиш ва протезлаш миллий маркази ва унинг ҳудудий марказларини 2021-2022 йилларда 28 та, шундан 2021 йилда 14 та замонавий экзоскелет ускунаси, 2023 йилда роботлаштирилган локомат тўплами ва бошқа замонавий реабилитация ускуналари билан таъминлаш;
2021 — 2025 йилларда 11,6 минг дона, шу жумладан 2021 йилда 1 100 дона электр юритмали кресло-аравачаларини ногиронлиги бўлган шахслар учун харид қилиш;
кўзи ожиз болалар ва катталарни 9 минг дона овозли термометр, 10 минг дона овозли тонометр билан таъминлаш;
ўзгалар парваришига муҳтож ёлғиз кексалар ва ногиронлиги бўлган шахслар оғир ва фавқулодда вазиятларга тушганда уларга тезкор ёрдам кўрсатиш ҳақида хабар беришнинг инновацион лойиҳасини амалиётга жорий этиш. Бунда, 2021 йилда 5 мингтагача ва 2022 йилда 6 мингта махсус функцияга эга соатнинг («Ақлли соат») Давлат бюджети маблағлари ҳисобидан тегишли тоифадаги шахсларга етказиб берилишини йўлга қўйиш.
4. Молия вазирлиги (Т.А. Ишметов) мазкур қарорнинг 1 — 3 бандларида назарда тутилган чора-тадбирларни молиялаштириш учун 2021 йилда Давлат бюджетидан қўшимча маблағ ажратсин, 2022 йилдан бошлаб эса Давлат бюджети параметрларини шакллантиришда зарур маблағларни инобатга олсин.
5. Ногиронлиги бўлган шахслар ишлари бўйича идоралараро кенгаш (Б.А. Мусаев):
бир ой муддатда мазкур қарорнинг 1 ва 2-бандларида белгиланган вазифаларни 2021 йил ва келгуси йилларда амалга ошириш бўйича чора-тадбирлар дастурини, шунингдек, 3-бандида белгиланган платформани яратиш, унинг буюртмачисини аниқлаш ҳамда келгусида техник қўллаб-қувватлаш ва модернизация қилиб боришга қаратилган чора-тадбирлар дастурини тасдиқласин;
икки ой муддатда тегишли жамоат ташкилотлари ва малакали мутахассислар билан биргаликда 2022 йилдан бошлаб янги туғилган чақалоқларнинг эшитиш қобилиятини неонаталь скринингдан ўтказишни тўлиқ жорий этиш бўйича таклиф киритсин;
зарур ҳолларда мамлакатдаги эпидемиологик вазият, тиббиёт муассасаларининг пандемия давридаги юкламаси ҳамда амалдаги эҳтиёжлардан келиб чиқиб, мазкур қарорнинг 2-бандида белгиланган кўрсаткичларга ўзгартириш киритсин.
6. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари Тиббий-ижтимоий хизматларни ривожлантириш агентлиги билан биргаликда:
жойлардаги инфратузилмаларнинг ногиронлиги бўлган шахслар учун қулайлигини босқичма-босқич таъминлашга йўналтирилган чораларни, шу жумладан янги қурилаётган объектлар, йўл инфратузилмаси, фаолият юритаётган жамоат транспорти ва ижтимоий инфратузилма объектларида ногиронлиги бўлган шахсларга нисбатан бўлган талабларга риоя этилишини таъминласин;
ногиронлиги бўлган шахсларнинг жамоат ташкилотлари фаолиятини ҳар томонлама қўллаб-қувватласин, улар билан ижтимоий шериклик тўғрисидаги битимларини тузсин;
ногиронлиги бўлган шахсларга ҳар томонлама кўмак кўрсатиш, ижтимоий ҳаётда фаоллигини ошириш, улар учун маърифий ва маданий-оммавий тадбирларни ташкил этиш каби масалалар юзасидан лойиҳаларни амалга оширсин.
7. Мазкур қарорнинг ижросини самарали ташкил этишга масъул ва шахсий жавобгар этиб Тиббий-ижтимоий хизматларни ривожлантириш агентлиги директори А.К. Инаков, соғлиқни сақлаш вазири А.М. Хаджибаев ва молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосари Б.А. Мусаев ва Ўзбекистон Республикаси Президенти маслаҳатчисининг ўринбосари Д.М. Кенжаев зиммасига юклансин.
Амалга оширилаётган чора-тадбирлар натижадорлиги юзасидан 2021 йил 31 декабрга қадар Ўзбекистон Республикаси Президентига ахборот киритилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 9 август,
ПҚ-5217-сон
Oʻzbekiston Respublikasi Prezidentining
Qarori
Nogironligi boʻlgan shaxslarga koʻrsatilayotgan tibbiy-ijtimoiy xizmatlar sifatini yanada yaxshilash chora-tadbirlari toʻgʻrisida
Nogironligi boʻlgan shaxslar, ayniqsa, bolalarni reabilitatsiya qilish, toʻlaqonli hayot tarzini yuritishiga koʻmaklashish hamda imkoniyatlarini oshirish uchun ularni zamonaviy protez-ortopediya moslamalari va reabilitatsiya qilishning texnik vositalari bilan taʼminlash, sohada axborot-kommunikatsion texnologiyalarini joriy etish, shuningdek, Oʻzbekiston Respublikasi Prezidenti raisligida 2021-yil 28-iyul kuni oʻtkazilgan nogironligi boʻlgan, ota-ona qaramogʻidan mahrum va yetim bolalarni davlat tomonidan qoʻllab-quvvatlashni kengaytirish boʻyicha videoselektor yigʻilishida belgilangan vazifalarni samarali bajarish maqsadida:
1. Quyidagilar nogironligi boʻlgan shaxslarga, ayniqsa, bolalarga koʻrsatilayotgan tibbiy-ijtimoiy xizmatlar sifatini bugungi bosqichda yaxshilashning eng muhim yoʻnalishlari deb hisoblansin:
maktabgacha va ixtisoslashtirilgan taʼlim muassasalarida taʼlim olayotgan eshitish qobiliyati zaif bolalarni zamonaviy eshitish moslamalari bilan taʼminlash orqali moslashtirilgan (adaptiv) oʻquv tizimini joriy qilish;
koxlear implantatlarini oʻrnatish boʻyicha jarrohlik amaliyotini oʻtkazishdan oldin va undan keyingi reabilitatsiya jarayonini Davlat budjeti mablagʻlari hisobidan toʻliq bepul amalga oshirish;
bolalarni tugʻma, patologik va orttirilgan suyak-mushak tizimidagi oʻzgarishlar va deformatsiyalarni davolash uchun zarur boʻlgan tibbiyot buyumlari va endoprotezlar bilan uzluksiz taʼminlash, jumladan ekzoskelet uskunasini olib kirish orqali nogironligi boʻlgan shaxslarning odatiy hayotga moslashuvini tezlashtirish;
bosh miyadagi patologik oʻzgarishlar (jumladan, gidrotsefaliya) bilan tugʻilgan bolalarning, shuningdek, yangi tugʻilgan chaqaloqlar, bolalar va oʻsmirlardagi tugʻma yurak nuqsonlarining jarrohlik amaliyotini oʻtkazishni davlat taʼminotiga olish;
nogironligi boʻlgan shaxslarni zamonaviy elektr yuritmali nogironlar aravachalari bilan bosqichma-bosqich taʼminlash;
koʻzi ojiz bolalar va kattalarni hayoti uchun zarur boʻlgan texnik vositalar, jumladan ovozli termometr, ovozli tonometr va yigʻma Brayl alifbosi bilan bosqichma-bosqich taʼminlash.
2. Eshitish qobiliyati zaif bolalarni davolashni sifat jihatdan yangi darajaga olib chiqish hamda nogironligi boʻlgan shaxslarning odatiy hayotga moslashuvini osonlashtirish borasida 2021-yil va kelgusi yillarda quyidagi chora-tadbirlar amalga oshirilsin:
2021-yil yakuniga qadar 2 ming dona zamonaviy eshitish moslamalarini xarid qilish va ularni ixtisoslashtirilgan taʼlim muassasalarida taʼlim olayotgan eshitish qobiliyati zaif bolalarga yetkazish;
2021-yilda xarid qilinishi rejalashtirilgan 260 ta koxlear implantatlariga qoʻshimcha ravishda 355 ta koxlear implantatlarini xarid qilib, ularni 5 yoshgacha bolalarga jarrohlik amaliyoti orqali oʻrnatish;
2021-yilda qoʻshimcha 2 ming nafargacha, 2022-yildan boshlab esa har yili 3 ming nafargacha bolaga tugʻma yurak nuqsoni hamda bosh miyadagi patologik oʻzgarishlar (jumladan, gidrotsefaliya) boʻyicha jarrohlik amaliyotlarini oʻtkazish;
har yili kamida 110 nafar bemor bola uchun transpedikulyar tizim (fiksatorlar) toʻplamlarini xarid qilgan holda, ularda skolioz va umurtqa pogʻonasining boshqa patologiyasi boʻyicha jarrohlik amaliyotlarini amalga oshirish;
yiliga oʻrtacha 1 000 nafar bolaga tugʻma va patologik son chiqishini jarrohlik amaliyotlari orqali davolash uchun zarur metall konstruksiyalarini sotib olish;
har yili kamida 140 nafar bemor bolada koʻkrak qafasi deformatsiyasini davolash uchun 150 ta maxsus plastinalarni xarid qilish va oʻrnatish;
bemor bolalarga tugʻma oyoq-qoʻl patologiyalarini davolash uchun 350 ta Ilizarov apparatlarini xarid qilish;
har yili kamida 100 nafar bemor bolaga jarrohlik amaliyotlari davomida suyak defektlarini toʻgʻrilash uchun kollopan granulalarini xarid qilish;
bolalar serebral falaji, umurtqa pogʻonasining patologik sinishi bilan kasallangan bolalar va kattalarda mustaqil yurish funksiyalarini qayta tiklash uchun Nogironligi boʻlgan shaxslarni reabilitatsiya qilish va protezlash milliy markazi va uning hududiy markazlarini 2021-2022-yillarda 28 ta, shundan 2021-yilda 14 ta zamonaviy ekzoskelet uskunasi, 2023-yilda robotlashtirilgan lokomat toʻplami va boshqa zamonaviy reabilitatsiya uskunalari bilan taʼminlash;
2021 — 2025-yillarda 11,6 ming dona, shu jumladan 2021-yilda 1 100 dona elektr yuritmali kreslo-aravachalarini nogironligi boʻlgan shaxslar uchun xarid qilish;
koʻzi ojiz bolalar va kattalarni 9 ming dona ovozli termometr, 10 ming dona ovozli tonometr bilan taʼminlash;
oʻzgalar parvarishiga muhtoj yolgʻiz keksalar va nogironligi boʻlgan shaxslar ogʻir va favqulodda vaziyatlarga tushganda ularga tezkor yordam koʻrsatish haqida xabar berishning innovatsion loyihasini amaliyotga joriy etish. Bunda, 2021-yilda 5 mingtagacha va 2022-yilda 6 mingta maxsus funksiyaga ega soatning (“Aqlli soat”) Davlat budjeti mablagʻlari hisobidan tegishli toifadagi shaxslarga yetkazib berilishini yoʻlga qoʻyish.
4. Moliya vazirligi (T.A. Ishmetov) mazkur qarorning 1 — 3 bandlarida nazarda tutilgan chora-tadbirlarni moliyalashtirish uchun 2021-yilda Davlat budjetidan qoʻshimcha mablagʻ ajratsin, 2022-yildan boshlab esa Davlat budjeti parametrlarini shakllantirishda zarur mablagʻlarni inobatga olsin.
5. Nogironligi boʻlgan shaxslar ishlari boʻyicha idoralararo kengash (B.A. Musayev):
bir oy muddatda mazkur qarorning 1 va 2-bandlarida belgilangan vazifalarni 2021-yil va kelgusi yillarda amalga oshirish boʻyicha chora-tadbirlar dasturini, shuningdek, 3-bandida belgilangan platformani yaratish, uning buyurtmachisini aniqlash hamda kelgusida texnik qoʻllab-quvvatlash va modernizatsiya qilib borishga qaratilgan chora-tadbirlar dasturini tasdiqlasin;
ikki oy muddatda tegishli jamoat tashkilotlari va malakali mutaxassislar bilan birgalikda 2022-yildan boshlab yangi tugʻilgan chaqaloqlarning eshitish qobiliyatini neonatal skriningdan oʻtkazishni toʻliq joriy etish boʻyicha taklif kiritsin;
zarur hollarda mamlakatdagi epidemiologik vaziyat, tibbiyot muassasalarining pandemiya davridagi yuklamasi hamda amaldagi ehtiyojlardan kelib chiqib, mazkur qarorning 2-bandida belgilangan koʻrsatkichlarga oʻzgartirish kiritsin.
6. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari Tibbiy-ijtimoiy xizmatlarni rivojlantirish agentligi bilan birgalikda:
joylardagi infratuzilmalarning nogironligi boʻlgan shaxslar uchun qulayligini bosqichma-bosqich taʼminlashga yoʻnaltirilgan choralarni, shu jumladan yangi qurilayotgan obyektlar, yoʻl infratuzilmasi, faoliyat yuritayotgan jamoat transporti va ijtimoiy infratuzilma obyektlarida nogironligi boʻlgan shaxslarga nisbatan boʻlgan talablarga rioya etilishini taʼminlasin;
nogironligi boʻlgan shaxslarning jamoat tashkilotlari faoliyatini har tomonlama qoʻllab-quvvatlasin, ular bilan ijtimoiy sheriklik toʻgʻrisidagi bitimlarini tuzsin;
nogironligi boʻlgan shaxslarga har tomonlama koʻmak koʻrsatish, ijtimoiy hayotda faolligini oshirish, ular uchun maʼrifiy va madaniy-ommaviy tadbirlarni tashkil etish kabi masalalar yuzasidan loyihalarni amalga oshirsin.
7. Mazkur qarorning ijrosini samarali tashkil etishga masʼul va shaxsiy javobgar etib Tibbiy-ijtimoiy xizmatlarni rivojlantirish agentligi direktori A.K. Inakov, sogʻliqni saqlash vaziri A.M. Xadjibayev va moliya vaziri T.A. Ishmetov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosari B.A. Musayev va Oʻzbekiston Respublikasi Prezidenti maslahatchisining oʻrinbosari D.M. Kenjayev zimmasiga yuklansin.
Amalga oshirilayotgan chora-tadbirlar natijadorligi yuzasidan 2021-yil 31-dekabrga qadar Oʻzbekiston Respublikasi Prezidentiga axborot kiritilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 9-avgust,
PQ-5217-son
Президента Республики Узбекистан
Постановление
О мерах по дальнейшему улучшению качества медико-социальных услуг, оказываемых лицам с инвалидностью
В целях обеспечения лиц с инвалидностью, особенно детей данной категории, современными протезно-ортопедическими изделиями и техническими средствами реабилитации для оказания содействия и увеличения возможностей ведения полноценного образа жизни, реабилитации, внедрения информационно-коммуникационных технологий в сферу, а также эффективного исполнения задач, определенных на видеоселекторном совещании по вопросам расширения государственной поддержки детей с инвалидностью, детей, оставшихся без попечения родителей и детей-сирот, проведенном под председательством Президента Республики Узбекистан 28 июля 2021 года:
1. Определить наиболее важными направлениями улучшения качества медико-социальных услуг, оказываемых лицам с инвалидностью, особенно детям данной категории, на сегодняшнем этапе:
внедрение адаптивной системы обучения путем обеспечения современными слуховыми аппаратами слабослышащих детей, обучающихся в дошкольных и специализированных образовательных учреждениях;
проведение процессов реабилитации до и после хирургической операции по установке кохлеарных имплантов полностью на безвозмездной основе за счет средств Государственного бюджета;
бесперебойное обеспечение детей изделиями медицинского назначения и эндопротезами, необходимыми для лечения врожденных, патологических и приобретенных изменений и деформаций костно-мышечной системы, в том числе ускорение процесса адаптации к обычному образу жизни лиц с инвалидностью путем ввоза экзоскелетов;
принятие на государственное обеспечение хирургического лечения детей, родившихся с патологическими изменениями головного мозга (в том числе гидроцефалией), а также новорожденных, детей и подростков с врожденным пороком сердца;
поэтапное обеспечение лиц с инвалидностью современными инвалидными колясками с электроприводом;
поэтапное обеспечение техническими средствами, в том числе голосовым термометром, голосовым тонометром и разборной азбукой Брайля, необходимыми для слепых детей и взрослых.
2. В целях поднятия на качественно новый уровень лечения слабослышащих детей и упрощения адаптации лиц с инвалидностью к обычному образу жизни осуществить в 2021 году и последующие годы меры по:
закупке и доставке слабослышащим детям, обучающимся в специализированных образовательных учреждениях, 2 тысяч единиц современных слуховых аппаратов до конца 2021 года;
закупке и установке дополнительно к 260 кохлеарным имплантам, приобретение которых запланировано на 2021 год, 355 кохлеарных имплантов детям в возрасте до 5 лет, путем проведения операций;
лечению путем хирургического вмешательства врожденного порока сердца и патологических изменений головного мозга (в том числе гидроцефалии) в 2021 году — дополнительно в количестве до двух тысяч детей, с 2022 года — ежегодно в количестве до трех тысяч детей;
лечению путем хирургического вмешательства сколиоза и иных патологий позвоночника с закупкой комплектов системы транспедикулярной фиксации позвоночника для не менее 110 больных детей ежегодно;
закупке металлических конструкций, необходимых для лечения врожденного и патологического вывиха бедра в среднем у 1 000 детей в год путем хирургического вмешательства;
закупке и установке 150 специальных пластин для лечения деформации грудной клетки у не менее 140 больных детей ежегодно;
закупке 350 аппаратов Илизарова для лечения больных детей с врожденной патологией конечностей;
закупке коллопан гранул для исправления в процессе хирургических вмешательств дефектов кости у не менее 100 больных детей ежегодно;
обеспечению Национального центра реабилитации и протезирования лиц с инвалидностью и его территориальных центров 28 единицами современного экзоскелета в 2021-2022 годах, в том числе 14 единицами в 2021 году, в 2023 году — комплектами роботизированных локоматоров и другим современным реабилитационным оборудованием в целях восстановления функции самостоятельного передвижения у детей с церебральным параличом, а также детей и взрослых с патологическим переломом позвоночника;
закупке 11,6 тысячи единиц кресел-колясок с электроприводом для лиц с инвалидностью в 2021 — 2025 годах, в том числе 1 100 единиц в 2021 году;
обеспечению слепых детей и взрослых 9 тысячами единиц голосовых термометров, 10 тысячами единиц голосовых тонометров;
внедрению на практике инновационного проекта, предусматривающего отправку сообщения о необходимости оказания оперативной помощи одиноким престарелым и лицам с инвалидностью, нуждающимся в постороннем уходе, попавшим в трудную и чрезвычайную ситуацию, при этом организацию доставки данной категории лиц до 5 тысяч единиц часов со специальной функцией («умных часов») в 2021 году, 6 тысяч единиц — в 2022 году за счет средств Государственного бюджета.
4. Министерству финансов (Т.А. Ишметов) выделить в 2021 году дополнительные средства из Государственного бюджета на финансирование мер, предусмотренных в пунктах 1 — 3 настоящего постановления, с 2022 года — предусматривать необходимые средства при формировании параметров Государственного бюджета.
5. Межведомственному совету по делам лиц с инвалидностью (Б.А. Мусаев):
в месячный срок утвердить программу мер по реализации в 2021 году и последующие годы задач, определенных в пунктах 1 и 2 настоящего постановления и программу мер, направленную на разработку определенной в пункте 3 настоящего постановления платформы, определение ее заказчика, а также ее техническую поддержку и модернизацию в будущем;
в двухмесячный срок совместно с соответствующими общественными организациями и квалифицированными специалистами внести предложение о полном внедрении с 2022 года практики проведения неонатального скрининга слуха новорожденных;
при необходимости вносить изменения в показатели, определенные в пункте 2 настоящего постановления, исходя из эпидемиологической обстановки в стране, нагрузки медицинских учреждений в период пандемии и фактической потребности.
6. Председателю Совета Министров Республики Каракалпакстан, хокимам областей и города Ташкента совместно с Агентством по развитию медико-социальных услуг:
поэтапно обеспечить удобство инфраструктуры на местах для лиц с инвалидностью, в том числе организовать соблюдение потребностей лиц с инвалидностью, в строящихся новых объектах, объектах дорожной и социальной инфраструктуры, в общественном транспорте;
оказывать всестороннюю поддержку деятельности общественных организаций лиц с инвалидностью, заключить с ними соглашение о социальном партнерстве;
реализовывать проекты по оказанию всестороннего содействия и повышению активности в общественной жизни лиц с инвалидностью, организации просветительских и культурно-массовых мероприятий с их участием.
7. Возложить на директора Агентства по развитию медико-социальных услуг А.К. Инакова, министра здравоохранения А.М. Хаджибаева и министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Б.А. Мусаева и заместителя советника Президента Республики Узбекистан Д.М. Кенжаева.
О результативности осуществляемых мер информировать Президента Республики Узбекистан в срок до 31 декабря 2021 года.
Президент Республики Узбекистан Ш. МИРЗИЁЕВ
г. Ташкент,
9 августа 2021 г.,
№ ПП-5217