UzbekAI

Ўзбекистон Республикаси Президентининг

Қарори

ТАРКИБИ

«Ватандошлар» жамоат фондини ташкил этиш тўғрисида

Хорижда истиқомат қилаётган ватандошларни тарихий Ватани атрофида янада жипслаштириш, уларнинг қалби ва онгида юрт билан фахрланиш туйғусини юксалтириш, миллий ўзликни сақлаб қолиш, ватандошлар ва улар томонидан тузилган жамоат бирлашмаларини қўллаб-қувватлаш, турли соҳаларда фаолият юритаётган ватандошларимизнинг салоҳиятини мамлакатимиз тараққиётига самарали йўналтириш мақсадида:

1. Ташқи ишлар вазирлиги, Маданият вазирлиги, Молия вазирлиги, Бандлик ва меҳнат муносабатлари вазирлиги, Миллатлараро муносабатлар ва хориждаги ватандошлар масалалари бўйича қўмитаси, Ўзбекистон нодавлат нотижорат ташкилотлари миллий ассоциацияси, «Юксалиш» умуммиллий ҳаракати, «Тараққиёт стратегияси» марказининг улар муассислигидаги нодавлат нотижорат ташкилоти — «Ватандошлар» жамоат фондини (кейинги ўринларда — Фонд) ташкил этиш тўғрисидаги таклифи маъқуллансин.

2. Фонд фаолиятининг асосий йўналишлари этиб қуйидагилар белгиланиши маълумот учун қабул қилинсин:

хорижда истиқомат қилаётган ватандошлар ва улар томонидан тузилган жамоат бирлашмалари билан ҳамкорлик алоқаларини йўлга қўйиш ва ривожлантириш;

халқаро ҳуқуқнинг умумэътироф этилган принциплари ва нормалари, ватандошлар истиқомат қилаётган мамлакатларнинг қонунлари ва Ўзбекистон Республикасининг халқаро шартномалари асосида хорижда истиқомат қилаётган ватандошларнинг ҳуқуқ ва эркинликларини ҳимоя қилишга кўмаклашиш;

хорижда мураккаб ҳаётий вазиятга тушиб қолган ватандошларни белгиланган тартибда моддий ва ижтимоий қўллаб-қувватлаш, уларга ахборот жиҳатидан ва ҳуқуқий ёрдам кўрсатиш;

хорижда ўзбек тили, маданияти ва анъаналарини сақлаб қолиш ва ривожлантиришга қаратилган фаолиятни қўллаб-қувватлаш;

хорижда юртимизнинг бой илмий, маданий ва маънавий меросини кенг тарғиб қилиш ва оммалаштириш, ватандошларга маданий-маърифий тадбирларни ташкил этишда кўмаклашиш;

ватандошлар томонидан ташкил этилган жамоат бирлашмалари фаолиятини рағбатлантириш, уларга хорижда ўзбек миллий маданий марказларини ташкил этишда амалий ёрдам кўрсатиш;

хорижий давлатларнинг таълим ўзбек тилида олиб борилаётган муассасаларида педагог кадрларга бўлган мавжуд эҳтиёждан келиб чиқиб, хорижда истиқомат қилаётган иқтидорли ватандошларимизнинг республика олий таълим муассасаларида таълим олишларига кўмак кўрсатиш;

ривожланган хорижий давлатларда яшаб келаётган олим ва ижодкор ватандошларимизнинг юртимиз нуфузини оширишга қаратилган илмий, ижодий изланишларини қўллаб-қувватлаш;

хорижда ватандошлар томонидан ташкил этиладиган нуфузли тадбирларда мамлакатимизнинг таниқли ёзувчи ва шоирлари, фан арбоблари, диний уламолари, маданият ва санъат вакиллари, спортчилари иштирокини таъминлашда кўмаклашиш;

хорижда истиқомат қилаётган ватандошларни Ўзбекистон ҳудудида тадбиркорлик, инвестициявий, илмий, маърифий ва маданий фаолият билан шуғулланишга фаол жалб қилиш;

хорижда истиқомат қилаётган ватандошларни Ўзбекистоннинг тарихи, маданияти, сиёсий ва ижтимоий-иқтисодий ҳаётига оид маълумотлар билан таъминлашга қаратилган интерфаол электрон портални юритиш;

хорижда истиқомат қилаётган ватандошлар дуч келаётган муаммоларни тизимли асосда таҳлил қилиб бориш ва уларнинг ечими юзасидан аниқ таклифлар ишлаб чиқиш;

миграция ва таълим соҳаларида шартномавий-ҳуқуқий ҳамкорликни кенгайтириш юзасидан таклифлар ишлаб чиқиш ва тегишли давлат органларига киритиб бориш;

Фонд Уставига мувофиқ бошқа вазифаларни амалга ошириш.

3. Қуйидагилар:

«Ватандошлар» жамоат фондининг васийлик кенгаши (кейинги ўринларда — Фонднинг Васийлик кенгаши) — Фонднинг олий органи;

Васийлик кенгаши томонидан шакллантириладиган Фонд Бошқаруви — Фонднинг ижро органи ҳисобланиши инобатга олинсин.

4. «Ватандошлар» жамоат фондининг васийлик кенгаши таркиби иловага мувофиқ маъқуллансин.

5. Фонднинг Васийлик кенгашига:

бир ой муддатда Фонднинг Устави, ташкилий тузилмаси ва Фонд Бошқаруви аъзоларини тасдиқлаш, шунингдек, Фонд Бошқарувини малакали кадрлар билан тўлдириш;

ҳар йили Фонд маблағларидан фойдаланишнинг асосий йўналишларини, даромад ва харажатлари бўйича прогноз кўрсаткичларни тасдиқлаш;

Фонд зиммасига юкланган вазифаларни амалга ошириш учун манфаатдор давлат ва нодавлат нотижорат ташкилотлари, шунингдек, ҳомийларни жалб этиш тавсия этилсин.

6. Қуйидагилар Фонд маблағларини шакллантириш манбалари этиб белгилансин:

давлат субсидияси ва давлат ижтимоий буюртмаларидан келиб тушадиган маблағлар;

муассислар томонидан ажратиладиган маблағлар;

юридик ва жисмоний шахсларнинг ҳомийлик хайриялари;

юридик ва жисмоний шахслар, хорижий ва халқаро ташкилотлар, хорижий давлатларнинг грантлари;

Фонд маблағларини тижорат банкларида депозитга қўйишдан олинадиган даромадлар;

Фонднинг тадбиркорлик фаолиятидан олинадиган даромадлар (фойда);

қонунчилик ҳужжатларида тақиқланмаган бошқа манбалар.

7. Ўзбекистон Республикаси Олий Мажлиси ҳузуридаги Нодавлат нотижорат ташкилотларини ва фуқаролик жамиятининг бошқа институтларини қўллаб-қувватлаш жамоат фонди маблағларини бошқариш бўйича Парламент комиссиясига ҳар йили асосланган буюртманома асосида Фонднинг асосий вазифаларини бажариш доирасидаги тадбирларни ташкил этиш ва ўтказишни молиялаштириш учун субсидия шаклида зарур маблағлар ажратилишини таъминлаш тавсия этилсин.

8. Фондни ташкил этиш учун зарур бўлган дастлабки маблағ сифатида Вазирлар Маҳкамасининг захира жамғармасидан 5 миллиард сўм миқдорда маблағ ажратилсин.

Белгилансинки, ушбу бандда назарда тутилган маблағ:

бир ой муддатда Молия вазирлиги томонидан муассислардан бири сифатида ўз номидан Фондга ўтказилади;

Фонд жойлаштириладиган хизмат хоналарини таъмирлаш, уларнинг зарур техника билан жиҳозланиши, автотранспорт воситалари, офис анжомлари, мебель ва алоқа воситалари билан таъминланиши, шу жумладан кенг полосали Интернет жаҳон ахборот тармоғига уланиши, шунингдек, тижорат банклари депозитларига маблағ қўйиб, даромад олиш учун сарфланади.

9. Хорижда истиқомат қилаётган ватандошлар Ўзбекистон Республикаси олий таълим муассасаларига ўқишга қабул қилиш ва ўқитиш шартларига кўра Ўзбекистон Республикаси фуқароларига тенглаштирилсин.

Олий ва ўрта махсус таълим вазирлиги бир ой муддатда мазкур бандни амалга ошириш мақсадида қонунчиликка ўзгартириш ва қўшимчалар тўғрисида Вазирлар Маҳкамасига таклифлар киритсин.

10. Қуйидагилар:

Ўзбекистон Республикаси Президентининг маслаҳатчилари Ш.Ш. Миноваров ва А.А. Абдувахитов — Фонднинг фаолиятини самарали ташкил этиш, ушбу масалада барча давлат органлари фаолиятини мувофиқлаштиришда;

камбағалликни қисқартириш ва бандлик вазири (Б.А. Мусаев) — Фонднинг хорижда вақтинчалик меҳнат фаолиятини амалга ошираётган Ўзбекистон Республикаси фуқароларини қўллаб-қувватлаш бўйича вазифаларини амалга оширишда;

Ташқи ишлар вазирлиги (Ф.Н. Арзиев) — Ўзбекистон Республикасининг хорижий давлатлардаги дипломатик ваколатхоналари орқали Фонднинг хорижда истиқомат қилаётган ватандошлар билан узвий ҳамкорлигини йўлга қўйиш ҳамда хориждаги тадбирларни ташкил этишда;

Миллатлараро муносабатлар ва хориждаги ватандошлар масалалари бўйича қўмитаси (Р.Ж. Курбанов) — Фонднинг ватандошлар ва улар томонидан тузилган жамоат бирлашмалари билан алоқаларини йўлга қўйишда, шунингдек, хорижий давлатларда фаолият юритаётган ўзбек миллий маданий марказлари ва жамиятлари билан ҳамкорлик алоқаларини ўрнатишда;

Халқ таълими вазирлиги (Ш.Х. Шерматов) — Фонд маблағлари ҳисобидан хорижда ўзбек тилида таълим олиб бориладиган мактаб ўқувчиларини дарслик ва бадиий адабиётлар билан таъминлаш, педагог ходимлар учун малака ошириш курсларини ташкил этиш ҳамда мактабларни қуриш, таъмирлаш ва жиҳозлашда;

Маданият вазирлиги (О.А. Назарбеков), Бадиий академия (А.В. Нуриддинов), Ёзувчилар уюшмаси (С.С. Саидов) — хорижда ватандошлар билан биргаликда ўтказиладиган маданий-маърифий тадбирларни ташкил этишда ҳамда уларда маданият ва санъат вакиллари, таниқли ёзувчи ва шоирларнинг иштирок этишини Фонд маблағлари ҳисобидан таъминлашда;

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Инвестициялар ва ташқи савдо вазирлиги (Б.Н. Абидов), Инновацион ривожланиш вазирлиги (И.Ю. Абдурахмонов), Олий ва ўрта махсус таълим вазирлиги (А.Х. Тошкулов) — Фонд томонидан республика ҳудудида тадбиркорлик, инвестициявий, илмий, маърифий ва маданий фаолият билан шуғулланишга жалб қилинган ватандошларга тегишли лойиҳаларни амалга оширишда ҳар томонлама амалий ёрдам кўрсатсин.

11. Ташқи ишлар вазирлиги бошқа муассислар ва Адлия вазирлиги билан биргаликда икки ой муддатда Фонднинг белгиланган тартибда давлат рўйхатидан ўтказилишини таъминласин.

12. Фонднинг Васийлик кенгашига икки ой муддатда Фонднинг 2021 йилга мўлжалланган фаолият дастурини ишлаб чиқиш ва тасдиқлаш тавсия этилсин.

13. Фонд Ташқи ишлар вазирлиги биносига вақтинчалик текин фойдаланиш ҳуқуқи билан жойлаштирилсин.

14. Ахборот технологиялари ва коммуникацияларини ривожлантириш вазирлиги Фонднинг мурожаатига асосан, уни телекоммуникация хизматлари, шу жумладан ҳукумат алоқаси билан белгиланган тартибда таъминласин.

15. Ташқи ишлар вазирлиги бошқа муассислар билан биргаликда бир ой муддатда қонунчиликка ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

16. Мазкур қарорнинг ижросини самарали ташкил этишга масъул ва шахсий жавобгар қилиб Ўзбекистон Республикаси Бош вазирининг маслаҳатчиси М.А. Хайриддинов ва ташқи ишлар вазирининг биринчи ўринбосари Ф.Н. Арзиев белгилансин.

Қарор ижросини муҳокама қилиб бориш, ижро учун масъул идора ва ташкилотлар фаолиятини мувофиқлаштириш ва назорат қилиш Ўзбекистон Республикаси Президентининг маслаҳатчилари Ш.Ш. Миноваров ва А.А. Абдувахитов зиммасига юклансин.

Ўзбекистон Республикаси Президентининг 2021 йил 11 августдаги ПҚ-5220-сон қарорига ИЛОВА

«Ватандошлар» жамоат фонди Васийлик кенгашининг

1. Лавозими бўйича — Ўзбекистон Республикаси Олий Мажлиси Сенатининг Халқаро муносабатлар, ташқи иқтисодий алоқалар, хорижий инвестициялар ва туризм масалалари қўмитаси раиси, Васийлик кенгаши раиси 2. Лавозими бўйича — Миллатлараро муносабатлар ва хориждаги ватандошлар масалалари бўйича қўмитаси раиси, Васийлик кенгаши раиси ўринбосари 3. Бахтиёр Саидов — ташқи ишлар вазири 4. Конгратбай Шарипов — олий таълим, фан ва инновациялар вазири 5. Озодбек Назарбеков — маданият вазири 6. Адхам Икрамов — спорт вазири 7. Бехзод Мусаев — Миграция агентлиги директори 8. Умид Шадиев — Туризм қўмитаси раиси 9. Алишер Саъдуллаев — Ёшлар ишлари агентлиги директори 10. Қудратилла Рафиков — Ўзбекистон Касаба уюшмалари федерацияси кенгаши раиси 11. Шавкат Аюпов — Ўзбекистон Фанлар академияси президенти 12. Сирожиддин Саидов — Ўзбекистон Ёзувчилар уюшмаси раиси 13. Адхам Бекмуродов — «Эл-юрт умиди» жамғармаси директори в.б. 14. Бобур Бекмуродов — «Юксалиш» умуммиллий ҳаракати раиси 15. Элдор Туляков — «Тараққиёт стратегияси» маркази ижрочи директори 16. Акмал Нуридинов — Ўзбекистон Бадиий академияси раиси 17. Олимжон Давлатов — Алишер Навоий номидаги халқаро жамоат фонди ижрочи директори, адабиётшунос олим 18. Ёдгор Сагдиев — Ўзбек миллий академик драма театри директори 19. Маҳмуд Тоир — Ўзбекистон халқ шоири, Ўзбекистон Ёзувчилар уюшмаси Тошкент вилояти бўлими раҳбари 20. Эркин Комилов — Ўзбекистон халқ артисти

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 11 август,

ПҚ-5220-сон

(Қонунчилик маълумотлари миллий базаси, 12.08.2021 й., 07/21/5220/0786-сон; 21.03.2025 й., 06/25/52/0262-сон)

lex.uz

Oʻzbekiston Respublikasi Prezidentining

Qarori

TARKIBI

“Vatandoshlar” jamoat fondini tashkil etish toʻgʻrisida

Xorijda istiqomat qilayotgan vatandoshlarni tarixiy Vatani atrofida yanada jipslashtirish, ularning qalbi va ongida yurt bilan faxrlanish tuygʻusini yuksaltirish, milliy oʻzlikni saqlab qolish, vatandoshlar va ular tomonidan tuzilgan jamoat birlashmalarini qoʻllab-quvvatlash, turli sohalarda faoliyat yuritayotgan vatandoshlarimizning salohiyatini mamlakatimiz taraqqiyotiga samarali yoʻnaltirish maqsadida:

1. Tashqi ishlar vazirligi, Madaniyat vazirligi, Moliya vazirligi, Bandlik va mehnat munosabatlari vazirligi, Millatlararo munosabatlar va xorijdagi vatandoshlar masalalari boʻyicha qoʻmitasi, Oʻzbekiston nodavlat notijorat tashkilotlari milliy assotsiatsiyasi, “Yuksalish” umummilliy harakati, “Taraqqiyot strategiyasi” markazining ular muassisligidagi nodavlat notijorat tashkiloti — “Vatandoshlar” jamoat fondini (keyingi oʻrinlarda — Fond) tashkil etish toʻgʻrisidagi taklifi maʼqullansin.

2. Fond faoliyatining asosiy yoʻnalishlari etib quyidagilar belgilanishi maʼlumot uchun qabul qilinsin:

xorijda istiqomat qilayotgan vatandoshlar va ular tomonidan tuzilgan jamoat birlashmalari bilan hamkorlik aloqalarini yoʻlga qoʻyish va rivojlantirish;

xalqaro huquqning umumeʼtirof etilgan prinsiplari va normalari, vatandoshlar istiqomat qilayotgan mamlakatlarning qonunlari va Oʻzbekiston Respublikasining xalqaro shartnomalari asosida xorijda istiqomat qilayotgan vatandoshlarning huquq va erkinliklarini himoya qilishga koʻmaklashish;

xorijda murakkab hayotiy vaziyatga tushib qolgan vatandoshlarni belgilangan tartibda moddiy va ijtimoiy qoʻllab-quvvatlash, ularga axborot jihatidan va huquqiy yordam koʻrsatish;

xorijda oʻzbek tili, madaniyati va anʼanalarini saqlab qolish va rivojlantirishga qaratilgan faoliyatni qoʻllab-quvvatlash;

xorijda yurtimizning boy ilmiy, madaniy va maʼnaviy merosini keng targʻib qilish va ommalashtirish, vatandoshlarga madaniy-maʼrifiy tadbirlarni tashkil etishda koʻmaklashish;

vatandoshlar tomonidan tashkil etilgan jamoat birlashmalari faoliyatini ragʻbatlantirish, ularga xorijda oʻzbek milliy madaniy markazlarini tashkil etishda amaliy yordam koʻrsatish;

xorijiy davlatlarning taʼlim oʻzbek tilida olib borilayotgan muassasalarida pedagog kadrlarga boʻlgan mavjud ehtiyojdan kelib chiqib, xorijda istiqomat qilayotgan iqtidorli vatandoshlarimizning respublika oliy taʼlim muassasalarida taʼlim olishlariga koʻmak koʻrsatish;

rivojlangan xorijiy davlatlarda yashab kelayotgan olim va ijodkor vatandoshlarimizning yurtimiz nufuzini oshirishga qaratilgan ilmiy, ijodiy izlanishlarini qoʻllab-quvvatlash;

xorijda vatandoshlar tomonidan tashkil etiladigan nufuzli tadbirlarda mamlakatimizning taniqli yozuvchi va shoirlari, fan arboblari, diniy ulamolari, madaniyat va sanʼat vakillari, sportchilari ishtirokini taʼminlashda koʻmaklashish;

xorijda istiqomat qilayotgan vatandoshlarni Oʻzbekiston hududida tadbirkorlik, investitsiyaviy, ilmiy, maʼrifiy va madaniy faoliyat bilan shugʻullanishga faol jalb qilish;

xorijda istiqomat qilayotgan vatandoshlarni Oʻzbekistonning tarixi, madaniyati, siyosiy va ijtimoiy-iqtisodiy hayotiga oid maʼlumotlar bilan taʼminlashga qaratilgan interfaol elektron portalni yuritish;

xorijda istiqomat qilayotgan vatandoshlar duch kelayotgan muammolarni tizimli asosda tahlil qilib borish va ularning yechimi yuzasidan aniq takliflar ishlab chiqish;

migratsiya va taʼlim sohalarida shartnomaviy-huquqiy hamkorlikni kengaytirish yuzasidan takliflar ishlab chiqish va tegishli davlat organlariga kiritib borish;

Fond Ustaviga muvofiq boshqa vazifalarni amalga oshirish.

3. Quyidagilar:

“Vatandoshlar” jamoat fondining vasiylik kengashi (keyingi oʻrinlarda — Fondning Vasiylik kengashi) — Fondning oliy organi;

Vasiylik kengashi tomonidan shakllantiriladigan Fond Boshqaruvi — Fondning ijro organi hisoblanishi inobatga olinsin.

4. “Vatandoshlar” jamoat fondining vasiylik kengashi tarkibi ilovaga muvofiq maʼqullansin.

5. Fondning Vasiylik kengashiga:

bir oy muddatda Fondning Ustavi, tashkiliy tuzilmasi va Fond Boshqaruvi aʼzolarini tasdiqlash, shuningdek, Fond Boshqaruvini malakali kadrlar bilan toʻldirish;

har yili Fond mablagʻlaridan foydalanishning asosiy yoʻnalishlarini, daromad va xarajatlari boʻyicha prognoz koʻrsatkichlarni tasdiqlash;

Fond zimmasiga yuklangan vazifalarni amalga oshirish uchun manfaatdor davlat va nodavlat notijorat tashkilotlari, shuningdek, homiylarni jalb etish tavsiya etilsin.

6. Quyidagilar Fond mablagʻlarini shakllantirish manbalari etib belgilansin:

davlat subsidiyasi va davlat ijtimoiy buyurtmalaridan kelib tushadigan mablagʻlar;

muassislar tomonidan ajratiladigan mablagʻlar;

yuridik va jismoniy shaxslarning homiylik xayriyalari;

yuridik va jismoniy shaxslar, xorijiy va xalqaro tashkilotlar, xorijiy davlatlarning grantlari;

Fond mablagʻlarini tijorat banklarida depozitga qoʻyishdan olinadigan daromadlar;

Fondning tadbirkorlik faoliyatidan olinadigan daromadlar (foyda);

qonunchilik hujjatlarida taqiqlanmagan boshqa manbalar.

7. Oʻzbekiston Respublikasi Oliy Majlisi huzuridagi Nodavlat notijorat tashkilotlarini va fuqarolik jamiyatining boshqa institutlarini qoʻllab-quvvatlash jamoat fondi mablagʻlarini boshqarish boʻyicha Parlament komissiyasiga har yili asoslangan buyurtmanoma asosida Fondning asosiy vazifalarini bajarish doirasidagi tadbirlarni tashkil etish va oʻtkazishni moliyalashtirish uchun subsidiya shaklida zarur mablagʻlar ajratilishini taʼminlash tavsiya etilsin.

8. Fondni tashkil etish uchun zarur boʻlgan dastlabki mablagʻ sifatida Vazirlar Mahkamasining zaxira jamgʻarmasidan 5 milliard soʻm miqdorda mablagʻ ajratilsin.

Belgilansinki, ushbu bandda nazarda tutilgan mablagʻ:

bir oy muddatda Moliya vazirligi tomonidan muassislardan biri sifatida oʻz nomidan Fondga oʻtkaziladi;

Fond joylashtiriladigan xizmat xonalarini taʼmirlash, ularning zarur texnika bilan jihozlanishi, avtotransport vositalari, ofis anjomlari, mebel va aloqa vositalari bilan taʼminlanishi, shu jumladan keng polosali Internet jahon axborot tarmogʻiga ulanishi, shuningdek, tijorat banklari depozitlariga mablagʻ qoʻyib, daromad olish uchun sarflanadi.

9. Xorijda istiqomat qilayotgan vatandoshlar Oʻzbekiston Respublikasi oliy taʼlim muassasalariga oʻqishga qabul qilish va oʻqitish shartlariga koʻra Oʻzbekiston Respublikasi fuqarolariga tenglashtirilsin.

Oliy va oʻrta maxsus taʼlim vazirligi bir oy muddatda mazkur bandni amalga oshirish maqsadida qonunchilikka oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Quyidagilar:

Oʻzbekiston Respublikasi Prezidentining maslahatchilari Sh.Sh. Minovarov va A.A. Abduvaxitov — Fondning faoliyatini samarali tashkil etish, ushbu masalada barcha davlat organlari faoliyatini muvofiqlashtirishda;

kambagʻallikni qisqartirish va bandlik vaziri (B.A. Musayev) — Fondning xorijda vaqtinchalik mehnat faoliyatini amalga oshirayotgan Oʻzbekiston Respublikasi fuqarolarini qoʻllab-quvvatlash boʻyicha vazifalarini amalga oshirishda;

Tashqi ishlar vazirligi (F.N. Arziyev) — Oʻzbekiston Respublikasining xorijiy davlatlardagi diplomatik vakolatxonalari orqali Fondning xorijda istiqomat qilayotgan vatandoshlar bilan uzviy hamkorligini yoʻlga qoʻyish hamda xorijdagi tadbirlarni tashkil etishda;

Millatlararo munosabatlar va xorijdagi vatandoshlar masalalari boʻyicha qoʻmitasi (R.J. Kurbanov) — Fondning vatandoshlar va ular tomonidan tuzilgan jamoat birlashmalari bilan aloqalarini yoʻlga qoʻyishda, shuningdek, xorijiy davlatlarda faoliyat yuritayotgan oʻzbek milliy madaniy markazlari va jamiyatlari bilan hamkorlik aloqalarini oʻrnatishda;

Xalq taʼlimi vazirligi (Sh.X. Shermatov) — Fond mablagʻlari hisobidan xorijda oʻzbek tilida taʼlim olib boriladigan maktab oʻquvchilarini darslik va badiiy adabiyotlar bilan taʼminlash, pedagog xodimlar uchun malaka oshirish kurslarini tashkil etish hamda maktablarni qurish, taʼmirlash va jihozlashda;

Madaniyat vazirligi (O.A. Nazarbekov), Badiiy akademiya (A.V. Nuriddinov), Yozuvchilar uyushmasi (S.S. Saidov) — xorijda vatandoshlar bilan birgalikda oʻtkaziladigan madaniy-maʼrifiy tadbirlarni tashkil etishda hamda ularda madaniyat va sanʼat vakillari, taniqli yozuvchi va shoirlarning ishtirok etishini Fond mablagʻlari hisobidan taʼminlashda;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Investitsiyalar va tashqi savdo vazirligi (B.N. Abidov), Innovatsion rivojlanish vazirligi (I.Yu. Abduraxmonov), Oliy va oʻrta maxsus taʼlim vazirligi (A.X. Toshkulov) — Fond tomonidan respublika hududida tadbirkorlik, investitsiyaviy, ilmiy, maʼrifiy va madaniy faoliyat bilan shugʻullanishga jalb qilingan vatandoshlarga tegishli loyihalarni amalga oshirishda har tomonlama amaliy yordam koʻrsatsin.

11. Tashqi ishlar vazirligi boshqa muassislar va Adliya vazirligi bilan birgalikda ikki oy muddatda Fondning belgilangan tartibda davlat roʻyxatidan oʻtkazilishini taʼminlasin.

12. Fondning Vasiylik kengashiga ikki oy muddatda Fondning 2021-yilga moʻljallangan faoliyat dasturini ishlab chiqish va tasdiqlash tavsiya etilsin.

13. Fond Tashqi ishlar vazirligi binosiga vaqtinchalik tekin foydalanish huquqi bilan joylashtirilsin.

14. Axborot texnologiyalari va kommunikatsiyalarini rivojlantirish vazirligi Fondning murojaatiga asosan, uni telekommunikatsiya xizmatlari, shu jumladan hukumat aloqasi bilan belgilangan tartibda taʼminlasin.

15. Tashqi ishlar vazirligi boshqa muassislar bilan birgalikda bir oy muddatda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

16. Mazkur qarorning ijrosini samarali tashkil etishga masʼul va shaxsiy javobgar qilib Oʻzbekiston Respublikasi Bosh vazirining maslahatchisi M.A. Xayriddinov va tashqi ishlar vazirining birinchi oʻrinbosari F.N. Arziyev belgilansin.

Qaror ijrosini muhokama qilib borish, ijro uchun masʼul idora va tashkilotlar faoliyatini muvofiqlashtirish va nazorat qilish Oʻzbekiston Respublikasi Prezidentining maslahatchilari Sh.Sh. Minovarov va A.A. Abduvaxitov zimmasiga yuklansin.

Oʻzbekiston Respublikasi Prezidentining 2021-yil 11-avgustdagi PQ-5220-son qaroriga ILOVA

“Vatandoshlar” jamoat fondi Vasiylik kengashining

1. Lavozimi boʻyicha — Oʻzbekiston Respublikasi Oliy Majlisi Senatining Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi raisi, Vasiylik kengashi raisi 2. Lavozimi boʻyicha — Millatlararo munosabatlar va xorijdagi vatandoshlar masalalari boʻyicha qoʻmitasi raisi, Vasiylik kengashi raisi oʻrinbosari 3. Baxtiyor Saidov — tashqi ishlar vaziri 4. Kongratbay Sharipov — oliy taʼlim, fan va innovatsiyalar vaziri 5. Ozodbek Nazarbekov — madaniyat vaziri 6. Adxam Ikramov — sport vaziri 7. Bexzod Musayev — Migratsiya agentligi direktori 8. Umid Shadiyev — Turizm qoʻmitasi raisi 9. Alisher Saʼdullayev — Yoshlar ishlari agentligi direktori 10. Qudratilla Rafikov — Oʻzbekiston Kasaba uyushmalari federatsiyasi kengashi raisi 11. Shavkat Ayupov — Oʻzbekiston Fanlar akademiyasi prezidenti 12. Sirojiddin Saidov — Oʻzbekiston Yozuvchilar uyushmasi raisi 13. Adxam Bekmurodov — “El-yurt umidi” jamgʻarmasi direktori v.b. 14. Bobur Bekmurodov — “Yuksalish” umummilliy harakati raisi 15. Eldor Tulyakov — “Taraqqiyot strategiyasi” markazi ijrochi direktori 16. Akmal Nuridinov — Oʻzbekiston Badiiy akademiyasi raisi 17. Olimjon Davlatov — Alisher Navoiy nomidagi xalqaro jamoat fondi ijrochi direktori, adabiyotshunos olim 18. Yodgor Sagdiyev — Oʻzbek milliy akademik drama teatri direktori 19. Mahmud Toir — Oʻzbekiston xalq shoiri, Oʻzbekiston Yozuvchilar uyushmasi Toshkent viloyati boʻlimi rahbari 20. Erkin Komilov — Oʻzbekiston xalq artisti

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 11-avgust,

PQ-5220-son

(Qonunchilik maʼlumotlari milliy bazasi, 12.08.2021-y., 07/21/5220/0786-son; 21.03.2025-y., 06/25/52/0262-son)

lex.uz

Президента Республики Узбекистан

Постановление

СОСТАВ

О создании Общественного фонда «Ватандошлар»

В целях дальнейшего объединения соотечественников, проживающих за рубежом, вокруг исторической родины, укрепления в их сердцах и сознании чувства гордости за страну, сохранения национальной самобытности, поддержки соотечественников и созданных ими общественных объединений, эффективного направления потенциала соотечественников, осуществляющих деятельность в разных сферах, на развитие нашей страны:

1. Одобрить предложение Министерства иностранных дел, Министерства культуры, Министерства финансов, Министерства занятости и трудовых отношений, Комитета по вопросам межнациональных отношений и соотечественников за рубежом, Национальной ассоциации негосударственных некоммерческих организаций Узбекистана, Общенационального движения «Юксалиш» и Центра «Стратегия развития» о создании при их учредительстве негосударственной некоммерческой организации — Общественного фонда «Ватандошлар» (далее — Фонд).

2. Принять к сведению, что основными направлениями деятельности Фонда определены:

налаживание и развитие партнерских связей с соотечественниками, проживающими за рубежом, созданными ими общественными объединениями;

оказание содействия в защите прав и свобод соотечественников, проживающих за рубежом, на основе общепризнанных принципов и норм международного права, законов стран проживания соотечественников и международных договоров Республики Узбекистан;

материальная и социальная поддержка соотечественников, попавших в сложную жизненную ситуацию за рубежом, оказание им информационной и правовой помощи в установленном порядке;

поддержка деятельности, направленной на сохранение и развитие узбекского языка, культуры и традиций за рубежом;

широкая пропаганда и популяризация богатого научного, культурного и духовного наследия нашей страны за рубежом, оказание содействия соотечественникам в организации культурно-просветительских мероприятий;

поощрение деятельности созданных соотечественниками общественных объединений, оказание им практической помощи по созданию узбекских национальных культурных центров за рубежом;

оказание содействия в обучении талантливых соотечественников, проживающих за рубежом, в высших образовательных учреждениях республики исходя из имеющейся потребности в педагогических кадрах учреждений зарубежных государств, в которых обучение ведется на узбекском языке;

поддержка направленных на повышение авторитета нашей страны научных и творческих изысканий соотечественников из числа ученых и творческих деятелей, проживающих в развитых зарубежных государствах;

оказание содействия в обеспечении участия известных писателей и поэтов, ученых, религиозных деятелей, представителей культуры и искусства, а также спортсменов нашей страны в престижных мероприятиях, организуемых соотечественниками за рубежом;

активное привлечение соотечественников, проживающих за рубежом, к занятию предпринимательской, инвестиционной, научной, просветительской и культурной деятельностью на территории Узбекистана;

ведение интерактивного электронного портала, направленного на предоставление соотечественникам, проживающим за рубежом, информации об истории, культуре, политической и социально-экономической жизни Узбекистана;

проведение на системной основе анализа проблем, с которыми сталкиваются соотечественники, проживающие за рубежом, и разработка конкретных предложений по их решению;

разработка и внесение в соответствующие государственные органы предложений о расширении договорно-правового сотрудничества в сферах миграции и образования;

осуществление других задач в соответствии с Уставом Фонда.

3. Принять во внимание, что:

Попечительский совет Общественного фонда «Ватандошлар» (далее — Попечительский совет Фонда), является высшим органом Фонда;

Правление Фонда, формируемое Попечительским советом, является исполнительным органом Фонда.

4. Одобрить состав Попечительского совета Общественного фонда «Ватандошлар» согласно приложению .

5. Рекомендовать Попечительскому совету Фонда:

в месячный срок утвердить Устав, организационную структуру и членов Правления Фонда, а также укомплектовать Правление Фонда квалифицированными кадрами;

ежегодно утверждать основные направления использования средств, а также прогнозные показатели доходов и расходов Фонда;

привлекать заинтересованные государственные и негосударственные некоммерческие организации, а также спонсоров к реализации возложенных на Фонд задач.

6. Определить источниками формирования средств Фонда:

государственные субсидии и средства, поступающие от государственных социальных заказов;

средства, выделяемые учредителями;

благотворительные пожертвования юридических и физических лиц;

гранты юридических и физических лиц, зарубежных и международных организаций, а также зарубежных государств;

доходы, получаемые от размещения средств Фонда на депозиты коммерческих банков;

доходы (прибыль), получаемые от предпринимательской деятельности Фонда;

иные источники, не запрещенные актами законодательства.

7. Рекомендовать Парламентской комиссии по управлению средствами Общественного фонда по поддержке негосударственных некоммерческих организаций и других институтов гражданского общества при Олий Мажлисе Республики Узбекистан обеспечение ежегодного выделения необходимых средств в форме субсидий для финансирования организации и проведения мероприятий на основании обоснованных заказов в рамках реализации основных задач Фонда.

8. Выделить из резервного фонда Кабинета Министров 5 миллиардов сумов в качестве первоначальных средств, необходимых для создания Фонда.

Установить, что средства, предусмотренные настоящим пунктом:

перечисляются Фонду Министерством финансов в качестве одного из его учредителей в месячный срок;

расходуются на ремонт и оснащение необходимой техникой служебных помещений, в которых размещается Фонд, обеспечение автотранспортными средствами, офисными принадлежностями, мебелью и средствами связи, включая подключение к широкополосной глобальной информационной сети Интернет, а также размещение на депозиты коммерческих банков для получения дохода.

9. Приравнять соотечественников, проживающих за рубежом, к гражданам Республики Узбекистан, по условиям приема на учебу и обучения в высших образовательных учреждениях Республики Узбекистан.

Министерству высшего и среднего специального образования в месячный срок в целях исполнения настоящего пункта внести в Кабинет Министров предложения об изменениях и дополнениях в законодательство.

10. Возложить оказание всесторонней практической помощи на:

советников Президента Республики Узбекистан Ш.Ш. Миноварова и А.А. Абдувахитова — за эффективную организацию деятельности Фонда, координацию деятельности всех государственных органов по данному вопросу;

министр занятости и сокращения бедности (Б.А. Мусаев) — за реализацию задач Фонда по поддержке граждан Республики Узбекистан, осуществляющих временную трудовую деятельность за рубежом;

Министерство иностранных дел (Ф.Н. Арзиев) — за налаживание тесного взаимодействия Фонда с соотечественниками, проживающими за рубежом, а также организацию мероприятий за рубежом посредством дипломатических представительств Республики Узбекистан в зарубежных государствах;

Комитет по вопросам межнациональных отношений и соотечественников за рубежом (Р.Ж. Курбанов) — за налаживание связей Фонда с соотечественниками и созданными ими общественными объединениями, а также установление партнерских связей с узбекскими национальными культурными центрами и обществами, осуществляющими деятельность в зарубежных государствах;

Министерство народного образования (Ш.Х. Шерматов) — за обеспечение учебниками и художественной литературой учащихся школ за рубежом, обучение в которых ведется на узбекском языке, организацию курсов по повышению квалификации педагогических работников, а также строительство, ремонт и оснащение школ, за счет средств Фонда;

Министерство культуры (О.А. Назарбеков), Академию художеств (А.В. Нуриддинов), Союз писателей (С.С. Саидов) — за организацию культурно-просветительских мероприятий, проводимых за рубежом совместно с соотечественниками, обеспечение участия в данных мероприятиях представителей культуры и искусства, известных писателей и поэтов за счет средств Фонда;

Совет Министров Республики Каракалпакстан, хокимияты областей и города Ташкента, Министерство инвестиций и внешней торговли (Б.Н. Абидов), Министерство инновационного развития (И.Ю. Абдурахмонов), Министерство высшего и среднего специального образования (А.Х. Тошкулов) — за реализацию соответствующих проектов соотечественников, привлеченных Фондом к занятию предпринимательской, инвестиционной, научной, просветительской и культурной деятельностью на территории республики.

11. Министерству иностранных дел совместно с другими учредителями и Министерством юстиции в двухмесячный срок обеспечить государственную регистрацию Фонда в установленном порядке.

12. Рекомендовать Попечительскому совету Фонда в двухмесячный срок разработать и утвердить Программу деятельности Фонда на 2021 год.

13. Временно разместить Фонд в здании Министерства иностранных дел с правом безвозмездного пользования.

14. Министерству по развитию информационных технологий и коммуникаций по обращению Фонда обеспечить его телекоммуникационными услугами, включая правительственную связь, в установленном порядке.

15. Министерству иностранных дел совместно с другими учредителями в месячный срок внести в Кабинет Министров предложения об изменениях и дополнениях в законодательство, вытекающих из настоящего постановления.

16. Возложить на советника Премьер-министра Республики Узбекистан М.А. Хайриддинова и первого заместителя министра иностранных дел Ф.Н. Арзиева персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств и организаций, ответственных за его исполнение, возложить на советников Президента Республики Узбекистан Ш.Ш. Миноварова и А.А. Абдувахитова.

ПРИЛОЖЕНИЕ к постановлению Президента Республики Узбекистан от 11 августа 2021 года № ПП-5220

Попечительского совета Общественного фонда «Ватандошлар»

1. По должности — председатель Комитета Сената Олий Мажлиса Республики Узбекистан по вопросам международных отношений, внешнеэкономических связей, иностранных инвестиций и туризма, председатель Попечительского совета 2. По должности — председатель Комитета по вопросам межнациональных отношений и соотечественников за рубежом, заместитель председателя Попечительского совета 3. Саидов Бахтиёр — министр иностранных дел 4. Шарипов Конгратбай — министр высшего образования, науки и инноваций 5. Назарбеков Озодбек — министр культуры 6. Икрамов Адхам — министр спорта 7. Мусаев Бехзод — директор Агентства миграции 8. Шадиев Умид — председатель Комитета по туризму 9. Саъдуллаев Алишер — директор Агентства по делам молодежи 10. Рафиков Кудратилла — председатель Совета профсоюзов Узбекистана 11. Аюпов Шавкат — президент Академии наук Узбекистана 12. Саидов Сирожиддин — председатель Союза писателей Узбекистана 13. Бекмуродов Адхам — и.о. директора Фонда «Эл-юрт умиди» 14. Бекмуродов Бобур — председатель Общенационального движения «Юксалиш» 15. Туляков Элдор — исполнительный директор Центра «Стратегия развития» 16. Нуридинов Акмал — председатель Академии художеств Узбекистана 17. Давлатов Олимжон — исполнительный директор Международного общественного фонда имени Алишера Навои, ученый-литературовед 18. Сагдиев Ёдгор — директор Узбекского национального академического драматического театра 19. Махмуд Тоир — Народный поэт Узбекистана, руководитель Ташкентского областного отделения Союза писателей Узбекистана 20. Комилов Эркин — Народный артист Узбекистана

Президент Республики Узбекистан Ш. МИРЗИЁЕВ

г. Ташкент,

11 августа 2021 г.,

№ ПП-5220

(Национальная база данных законодательства, 12.08.2021 г., № 07/21/5220/0786; 21.03.2025 г., № 06/25/52/0262)

lex.uz