📅 2021-yil 11-avgust · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 11 август · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 11 августа 2021 г. · Указы Президента
Официальный текст. Официальный документ. Редакционные примечания не включены.
📅 11 August 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
Кам таъминланган оилаларга моддий ёрдам кўрсатиш ҳамда камбағаллик билан курашиш кўламини янада кенгайтириш чора-тадбирлари тўғрисида
Бола тарбиялаётган оилаларни қўллаб-қувватлаш тизимининг самарадорлигини ошириш, ижтимоий ҳимоя ва кўмакка муҳтож оилалар моддий таъминотини кучайтириш, эҳтиёжманд оилаларни аниқлашда умумэътироф этилган халқаро стандартларни ва автоматлашган шаффоф электрон баҳолаш механизмларини жорий этиш орқали нафақаларни тўлаш тизимини болалар салоҳиятини ривожлантириш ва камбағалликни қисқартиришга қаратиш мақсадида:
1. Шундай тартиб ўрнатилсинки, унга мувофиқ 2021 йил 1 сентябрдан бошлаб:
а) 14 ёшгача болалари бўлган оилаларга нафақа ҳамда бола 2 ёшга тўлгунига қадар уни парвариш қилиш нафақаси ўрнига Ижтимоий реестрга киритилган оилаларга болалар нафақаси (кейинги ўринларда — болалар нафақаси) жорий этилади. Бунда, болалар нафақасини тайинлашда:
инобатга олинадиган болалар ёши 14 ёшдан 18 ёшгача оширилади;
унинг миқдорини оиладаги болалар сонидан келиб чиқиб белгилаш тартиби қўлланилади;
б) якка-ёлғиз бўлган фуқароларга, фарзанди бўлмаган ёки барча фарзандлари 18 ёшдан катта бўлган Ижтимоий реестрга киритилган оилаларга моддий ёрдам тайинланади.
2. Ижтимоий реестрга киритилган оилаларга болалар нафақаси ва моддий ёрдам тўловларининг миқдорлари Ўзбекистон Республикаси Президентининг қарорлари билан белгиланади.
Вазирлар Маҳкамасининг қарорлари билан Ижтимоий реестрга киритилган оилаларга тўланадиган болалар нафақаси ва моддий ёрдамнинг миқдорларига ўзгартириш киритилиши мумкин.
3. Молия вазирлиги 2021 йил якунига қадар болалар нафақаси ва моддий ёрдам олувчи кам таъминланган оилалар сонининг ўртача 20 фоизга ошишини ҳисобга олган ҳолда 2021 йилда ушбу чора-тадбирларни молиялаштиришга бюджетдан қўшимча маблағ ажратсин ҳамда Давлат бюджетининг 2022 йилдаги параметрларини шакллантиришда мазкур Фармоннинг амалга оширилиши билан боғлиқ харажатларни назарда тутсин.
4. Шундай тартиб ўрнатилсинки, унга мувофиқ 2021 йил 1 октябрдан бошлаб, «Ижтимоий ҳимоя ягона реестри» ахборот тизими орқали кам таъминланган деб эътироф этилган оилалар ва шахслар тўғрисидаги маълумотлар манфаатдор вазирлик ва идораларга «Электрон ҳукумат» тизими идоралараро интеграциялашув платформаси орқали тақдим этилади.
Молия вазирлиги (Т. Ишметов) Ахборот технологиялари ва коммуникацияларини ривожлантириш вазирлиги (Ш. Садиков) билан биргаликда «Ижтимоий ҳимоя ягона реестри» ахборот тизими маълумотлар базасидаги кам таъминланган деб эътироф этилган оилалар ва шахслар тўғрисидаги маълумотларни вазирлик ва идораларга «Электрон ҳукумат» тизими идоралараро интеграциялашув платформаси орқали тақдим этилиши ҳамда ахборот алмашинувининг самарали ишлашини таъминласин.
5. Молия вазирлиги (Т. Ишметов) Иқтисодий тараққиёт ва камбағалликни қисқартириш вазирлиги (И. Норқулов), Маҳалла ва оилани қўллаб-қувватлаш вазирлиги (Р. Маматов), Бандлик ва меҳнат муносабатлари вазирлиги (Н. Хусанов) билан биргаликда 2021 йил 20 августга қадар қуйидагиларни назарда тутувчи Ҳукумат қарори лойиҳаларини Вазирлар Маҳкамасига киритсин:
кам таъминланган болали оилаларга нафақани ҳамда кам таъминланган оилаларга моддий ёрдамни тайинлаш ва тўлаш тартиби;
минимал истеъмол харажатлари қийматини ҳисоблаш тартиби.
6. Молия вазирлиги, Иқтисодий тараққиёт ва камбағалликни қисқартириш вазирлиги, Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги ушбу Фармон мақсади, вазифалари ва бундан кутилаётган натижаларни оммавий ахборот воситалари, Интернет ва ижтимоий тармоқларда кенг ёритиш ишларини ташкил қилсин.
7. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига 1-иловага мувофиқ ўзгартириш ва қўшимчалар киритилсин.
8. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатлари 2-иловага мувофиқ ўз кучини йўқотган деб ҳисоблансин.
9. Молия вазирлиги бир ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклиф киритсин.
10. Мазкур Фармоннинг ижросини самарали ташкил қилишга масъул ва шахсий жавобгар этиб молия вазири Т.А. Ишметов ҳамда иқтисодий тараққиёт ва камбағалликни қисқартириш вазирининг биринчи ўринбосари И.И. Норқулов белгилансин.
Фармон ижросини муҳокама қилиб бориш, масъул ижрочи ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига 2021 йил 1 ноябрь ва 2022 йил 1 апрелга қадар ахборот берилсин.
Ўзбекистон Республикаси Президентининг 2021 йил 11 августдаги ПФ-6277-сон Фармонига 1-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 1994 йил 16 июндаги «Болали оилаларга давлат ижтимоий ёрдами тизимини такомиллаштириш тўғрисида» ПФ-871-сон Фармонида :
а) 1-бандда :
иккинчи хатбоши чиқариб ташлансин;
учинчи ва тўртинчи хатбошилар тегишинча иккинчи ва учинчи хатбошилар деб ҳисоблансин;
учинчи хатбошидаги «парваришлаш учун» сўзларидан кейин «ишлайдиган (бюджет ташкилотларида ишлайдиганлар бундан мустасно)» сўзлари билан тўлдирилсин;
б) 3-бандда :
иккинчи хатбоши чиқариб ташлансин;
учинчи — олтинчи хатбошилар тегишинча иккинчи — бешинчи хатбошилар деб ҳисоблансин;
учинчи ва тўртинчи хатбошилар қуйидаги таҳрирда баён этилсин:
«бола икки ёшга етгунча уни парваришлаш учун ишлайдиган (бюджет ташкилотларида ишлайдиганлар бундан мустасно) оналарга бериладиган ҳар ойлик нафақалар — корхоналар, муассасалар ва ташкилотларнинг маблағлари».
Бунда, 2021 йил 1 сентябрдан бошлаб бола икки ёшга тўлгунга қадар уни парваришлаш учун ишлайдиган (бюджет ташкилотларида ишлайдиганлар бундан мустасно) оналарга бериладиган ҳар ойлик нафақалар миқдори меҳнатга ҳақ тўлашнинг энг кам миқдори 60 фоизи миқдорида белгилансин»;
бешинчи хатбоши чиқариб ташлансин.
2. Ўзбекистон Республикаси Президентининг 2003 йил 26 февралдаги ПФ-3214-сон Фармони билан тасдиқланган Барча республика ихтисослаштирилган илмий-амалий тиббиёт марказлари томонидан Ўзбекистон Республикасининг Давлат бюджети маблағлари ҳисобига тиббий ёрдам кўрсатиладиган имтиёзли тоифадаги шахслар рўйхатининг 9-банди қуйидаги таҳрирда баён этилсин:
«9. «Ижтимоий ҳимоя ягона реестри» ахборот тизими орқали кам таъминланган деб эътироф этилган оилаларнинг аъзолари».
3. Ўзбекистон Республикаси Президентининг 2007 йил 19 мартдаги «Аҳолини ижтимоий ҳимоя қилиш тизимини янада такомиллаштириш ва мустаҳкамлашга оид чора-тадбирлар тўғрисида» ПФ-3864-сон Фармонида :
а) 1-банд ўз кучини йўқотган деб ҳисоблансин;
б) 2-бандда :
иккинчи хатбоши чиқариб ташлансин;
учинчи ва тўртинчи хатбошилар тегишинча иккинчи ва учинчи хатбошилар деб ҳисоблансин.
4. Ўзбекистон Республикаси Президентининг 2020 йил 22 апрелдаги «Доимий прописка қилиш ҳамда турган жойи бўйича ҳисобга олиш тартибини ислоҳ қилиш чора-тадбирлари тўғрисида»ги ПФ-5984-сон Фармонининг 4-банди қуйидаги мазмундаги «г 1 » кичик банд билан тўлдирилсин:
«г 1 ) Ўзбекистон Республикаси Молия вазирлиги 2021 йил 1 сентябрга қадар «Ижтимоий ҳимоя ягона реестри» ахборот тизимини Ички ишлар вазирлиги билан биргаликда «Манзил» тизимига интеграция қилсин».
6. Ўзбекистон Республикаси Президентининг 2020 йил 5 октябрдаги «Рақамли Ўзбекистон — 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармони 15-иловаси 9-позицияси қуйидаги таҳрирда баён этилсин:
« 9. «Пенсия» дастурий таъминоти ни функционал кенгайтириш орқали Пенсия жамғармасини бошқариш ахборот тизимини яратиш. Бунда, пенсия ва нафақаларни босқичма-босқич биргина паспорт асосида тайинлаш тизимини жорий этишни назарда тутиш. 1. Ахборот тизимини яратиш бўйича лойиҳа-техник ҳужжатларни ишлаб чиқиш. 2. « Пенсия» дастурини функционал кенгайтириш бўйича шартнома имзолаш. 3. « Пенсия» дастурий таъминотини функционал кенгайтириш. 4. Ахборот тизимини амалиётга жорий этиш. 2022 йил сентябрь Давлат бюджетидан ажратилган маблағлар доирасида ва бюджетдан ташқари маблағлар Молия вазирлиги ҳузуридаги бюджетдан ташқари Пенсия жамғармаси (А. Хайдаров) » .
7. Ўзбекистон Республикаси Президентининг 2007 йил 12 декабрдаги «Ўзбекистон Республикасининг 2008 йилги асосий макроиқтисодий кўрсаткичлари ва Давлат бюджети параметрлари тўғрисида»ги ПҚ-744-сон қарорининг 21-банди қуйидаги таҳрирда баён этилсин:
«21. Кам таъминланган оилаларни давлат томонидан аниқ қўллаб-қувватлашни кучайтириш мақсадида Ўзбекистон Республикаси Маҳалла ва оилани қўллаб-қувватлаш вазирлиги, Молия вазирлиги ҳамда Бандлик ва меҳнат муносабатлари вазирлигининг бюджет муассасаларида ишлаётган оналарга:
2008 йил 1 январдан бошлаб бола икки ёшга тўлгунга қадар унинг парвариши бўйича ижтимоий нафақаларни фуқароларнинг ўзини-ўзини бошқариш органлари орқали;
2021 йилнинг 1 сентябридан бошлаб «Ижтимоий ҳимоя ягона реестри» ахборот тизими орқали кам таъминланган оилаларга болалар нафақасини тайинлаш ва тўлаш тартиби жорий этилиши тўғрисидаги таклифи қабул қилинсин».
8. Ўзбекистон Республикаси Президентининг 2018 йил 5 апрелдаги ПҚ-3651-сон қарори билан тасдиқланган Мактабгача таълим соҳасида давлат-хусусий шериклик тўғрисидаги низомнинг 2-банди ўн биринчи хатбошиси қуйидаги таҳрирда баён этилсин:
«ижтимоий кўмакка муҳтож оилалар — «Ижтимоий ҳимоя ягона реестри» ахборот тизими орқали кам таъминланган деб эътироф этилган оилалар, аъзолари ногиронлиги бўлган шахслардан иборат бўлган оилалар, боқувчисини йўқотган оилалар, боланинг ота-онаси квоталар бўйича минтақаларга тақсимланган ижтимоий соҳа ходимлари бўлган оилалар, тўрт ёки ундан кўп болалари бўлган оилалар».
9. Ўзбекистон Республикаси Президентининг 2020 йил 4 августдаги «Аҳолига давлат ижтимоий хизматлари ва ёрдам тақдим этиш тартиб-таомилларини автоматлаштириш бўйича қўшимча чора-тадбирлар тўғрисида»ги ПҚ-4797-сон қарорининг 11-банди «(турмуш ўртоғи ва болалари)» сўзларидан кейин «шунингдек, пенсионерлари» сўзлари билан тўлдирилсин.
10. Ўзбекистон Республикаси Президентининг 2020 йил 30 декабрдаги «Ўзбекистон Республикасининг «2021 йил учун Ўзбекистон Республикасининг Давлат бюджети тўғрисида»ги Қонуни ижросини таъминлаш чора-тадбирлари тўғрисида»ги ПҚ-4938-сон қарорида :
а) 1-банди бешинчи хатбошиси қуйидаги таҳрирда баён этилсин:
«Қорақалпоғистон Республикаси ва Хоразм вилоятидаги муҳтож оилаларга бир марталик моддий ёрдам миқдорлари — 434 000 сўмдан 1 085 000 сўмгача этиб белгилансин»;
б) 1-илова ўз кучини йўқотган деб ҳисоблансин.
11. Вазирлар Маҳкамасининг 2008 йил 18 мартдаги 48-сон қарори билан тасдиқланган Вилоят кўп тармоқли тиббиёт маркази тўғрисидаги низом иловасининг 9-банди қуйидаги таҳрирда баён этилсин:
«9. «Ижтимоий ҳимоя ягона реестри» ахборот тизими орқали кам таъминланган деб эътироф этилган оилаларнинг аъзолари».
12. Вазирлар Маҳкамасининг 2009 йил 21 майдаги 145-сон қарори билан тасдиқланган Республика ихтисослаштирилган терапия ва тиббий реабилитация илмий-амалий тиббиёт маркази тўғрисидаги низом иловасининг 11-банди қуйидаги таҳрирда баён этилсин:
«11. «Ижтимоий ҳимоя ягона реестри» ахборот тизими орқали кам таъминланган деб эътироф этилган оилаларнинг аъзолари».
13. Вазирлар Маҳкамасининг 2018 йил 12 апрелдаги 285-сон қарори билан тасдиқланган Оғир ижтимоий вазиятга тушиб қолган хотин-қизларга, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашга муҳтож оналарга арзон уй-жойлар бериш тартиби тўғрисидаги низомнинг 2-банди тўққизинчи хатбошиси қуйидаги таҳрирда баён этилсин:
«кам таъминланган оила — «Ижтимоий ҳимоя ягона реестри» ахборот тизими орқали кам таъминланган деб эътироф этилган оила».
14. Вазирлар Маҳкамасининг 2018 йил 13 сентябрдаги «Мамлакатимиз аҳолисини ва иқтисодиёт тармоқларини рақобат ва бозор механизмларини жорий этиш асосида дон, ун ва нон билан ишончли таъминлаш чора-тадбирлари тўғрисида»ги 731-сон қарори 3-бандининг «б» кичик банди биринчи хатбошиси қуйидаги таҳрирда баён этилсин:
«б) ун ва қолипли нон харид қилиш бўйича қўшимча харажатларни қоплаш учун тўланаётган пул компенсацияси (кейинги ўринларда пул компенсацияси деб аталади) нафақалар тўланиши учун масъул бўлган органлар томонидан ҳисобланади ва 2021 йил 1 сентябрга қадар тайинланган 14 ёшгача болалари бўлган оилаларга нафақа, бола икки ёшга тўлгунига қадар уни парвариш қилиш нафақаси, кам таъминланган оилаларга моддий ёрдам билан бир вақтда Ўзбекистон Республикаси Давлат бюджети маблағлари ҳисобидан тўланади.»
Ўзбекистон Республикаси Президентининг 2021 йил 11 августдаги ПФ-6277-сон Фармонига 2-ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг ўз кучини йўқотган деб эътироф этилаётган айрим ҳужжатлар
1. Ўзбекистон Республикаси Президентининг 1994 йил 23 августдаги «Кам таъминланган оилаларни ижтимоий ҳимоялашни кучайтиришга оид тадбирлар тўғрисида»ги ПФ-938-сон Фармони .
2. Ўзбекистон Республикаси Президентининг 2009 йил 21 декабрдаги «Ўзбекистон Республикаси Президентининг айрим фармонларига ўзгартишлар киритиш тўғрисида»ги ПФ-4158-сон Фармони иловасининг 2-банди .
3. Вазирлар Маҳкамасининг 2012 йил 12 декабрдаги «Ижтимоий нафақаларни тайинлаш ва тўлаш тартибини янада такомиллаштириш чора-тадбирлари тўғрисида»ги 350-сон қарори .
4. Вазирлар Маҳкамасининг 2019 йил 14 октябрдаги «Дон, ун ва нон етказиб бериш тизимига бозор механизмларини тўлиқ жорий этиш чора-тадбирлари тўғрисида»ги 866-сон қарорининг 5-банди .
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 11 август,
ПФ-6277-сон
Oʻzbekiston Respublikasi Prezidentining
Farmoni
ROʻYXATI
Kam taʼminlangan oilalarga moddiy yordam koʻrsatish hamda kambagʻallik bilan kurashish koʻlamini yanada kengaytirish chora-tadbirlari toʻgʻrisida
Bola tarbiyalayotgan oilalarni qoʻllab-quvvatlash tizimining samaradorligini oshirish, ijtimoiy himoya va koʻmakka muhtoj oilalar moddiy taʼminotini kuchaytirish, ehtiyojmand oilalarni aniqlashda umumeʼtirof etilgan xalqaro standartlarni va avtomatlashgan shaffof elektron baholash mexanizmlarini joriy etish orqali nafaqalarni toʻlash tizimini bolalar salohiyatini rivojlantirish va kambagʻallikni qisqartirishga qaratish maqsadida:
1. Shunday tartib oʻrnatilsinki, unga muvofiq 2021-yil 1-sentabrdan boshlab:
a) 14 yoshgacha bolalari boʻlgan oilalarga nafaqa hamda bola 2 yoshga toʻlguniga qadar uni parvarish qilish nafaqasi oʻrniga Ijtimoiy reyestrga kiritilgan oilalarga bolalar nafaqasi (keyingi oʻrinlarda — bolalar nafaqasi) joriy etiladi. Bunda, bolalar nafaqasini tayinlashda:
inobatga olinadigan bolalar yoshi 14 yoshdan 18 yoshgacha oshiriladi;
uning miqdorini oiladagi bolalar sonidan kelib chiqib belgilash tartibi qoʻllaniladi;
b) yakka-yolgʻiz boʻlgan fuqarolarga, farzandi boʻlmagan yoki barcha farzandlari 18 yoshdan katta boʻlgan Ijtimoiy reyestrga kiritilgan oilalarga moddiy yordam tayinlanadi.
2. Ijtimoiy reyestrga kiritilgan oilalarga bolalar nafaqasi va moddiy yordam toʻlovlarining miqdorlari Oʻzbekiston Respublikasi Prezidentining qarorlari bilan belgilanadi.
Vazirlar Mahkamasining qarorlari bilan Ijtimoiy reyestrga kiritilgan oilalarga toʻlanadigan bolalar nafaqasi va moddiy yordamning miqdorlariga oʻzgartirish kiritilishi mumkin.
3. Moliya vazirligi 2021-yil yakuniga qadar bolalar nafaqasi va moddiy yordam oluvchi kam taʼminlangan oilalar sonining oʻrtacha 20 foizga oshishini hisobga olgan holda 2021-yilda ushbu chora-tadbirlarni moliyalashtirishga budjetdan qoʻshimcha mablagʻ ajratsin hamda Davlat budjetining 2022-yildagi parametrlarini shakllantirishda mazkur Farmonning amalga oshirilishi bilan bogʻliq xarajatlarni nazarda tutsin.
4. Shunday tartib oʻrnatilsinki, unga muvofiq 2021-yil 1-oktabrdan boshlab, “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oilalar va shaxslar toʻgʻrisidagi maʼlumotlar manfaatdor vazirlik va idoralarga “Elektron hukumat” tizimi idoralararo integratsiyalashuv platformasi orqali taqdim etiladi.
Moliya vazirligi (T. Ishmetov) Axborot texnologiyalari va kommunikatsiyalarini rivojlantirish vazirligi (Sh. Sadikov) bilan birgalikda “Ijtimoiy himoya yagona reyestri” axborot tizimi maʼlumotlar bazasidagi kam taʼminlangan deb eʼtirof etilgan oilalar va shaxslar toʻgʻrisidagi maʼlumotlarni vazirlik va idoralarga “Elektron hukumat” tizimi idoralararo integratsiyalashuv platformasi orqali taqdim etilishi hamda axborot almashinuvining samarali ishlashini taʼminlasin.
5. Moliya vazirligi (T. Ishmetov) Iqtisodiy taraqqiyot va kambagʻallikni qisqartirish vazirligi (I. Norqulov), Mahalla va oilani qoʻllab-quvvatlash vazirligi (R. Mamatov), Bandlik va mehnat munosabatlari vazirligi (N. Xusanov) bilan birgalikda 2021-yil 20-avgustga qadar quyidagilarni nazarda tutuvchi Hukumat qarori loyihalarini Vazirlar Mahkamasiga kiritsin:
kam taʼminlangan bolali oilalarga nafaqani hamda kam taʼminlangan oilalarga moddiy yordamni tayinlash va toʻlash tartibi;
minimal isteʼmol xarajatlari qiymatini hisoblash tartibi.
6. Moliya vazirligi, Iqtisodiy taraqqiyot va kambagʻallikni qisqartirish vazirligi, Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi ushbu Farmon maqsadi, vazifalari va bundan kutilayotgan natijalarni ommaviy axborot vositalari, Internet va ijtimoiy tarmoqlarda keng yoritish ishlarini tashkil qilsin.
7. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga 1-ilovaga muvofiq oʻzgartirish va qoʻshimchalar kiritilsin.
8. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlari 2-ilovaga muvofiq oʻz kuchini yoʻqotgan deb hisoblansin.
9. Moliya vazirligi bir oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga taklif kiritsin.
10. Mazkur Farmonning ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov hamda iqtisodiy taraqqiyot va kambagʻallikni qisqartirish vazirining birinchi oʻrinbosari I.I. Norqulov belgilansin.
Farmon ijrosini muhokama qilib borish, masʼul ijrochi tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2021-yil 1-noyabr va 2022-yil 1-aprelga qadar axborot berilsin.
Oʻzbekiston Respublikasi Prezidentining 2021-yil 11-avgustdagi PF-6277-son Farmoniga 1-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 1994-yil 16-iyundagi “Bolali oilalarga davlat ijtimoiy yordami tizimini takomillashtirish toʻgʻrisida” PF-871-son Farmonida :
a) 1-bandda :
ikkinchi xatboshi chiqarib tashlansin;
uchinchi va toʻrtinchi xatboshilar tegishincha ikkinchi va uchinchi xatboshilar deb hisoblansin;
uchinchi xatboshidagi “parvarishlash uchun” soʻzlaridan keyin “ishlaydigan (budjet tashkilotlarida ishlaydiganlar bundan mustasno)” soʻzlari bilan toʻldirilsin;
b) 3-bandda :
ikkinchi xatboshi chiqarib tashlansin;
uchinchi — oltinchi xatboshilar tegishincha ikkinchi — beshinchi xatboshilar deb hisoblansin;
uchinchi va toʻrtinchi xatboshilar quyidagi tahrirda bayon etilsin:
“bola ikki yoshga yetguncha uni parvarishlash uchun ishlaydigan (budjet tashkilotlarida ishlaydiganlar bundan mustasno) onalarga beriladigan har oylik nafaqalar — korxonalar, muassasalar va tashkilotlarning mablagʻlari”.
Bunda, 2021-yil 1-sentabrdan boshlab bola ikki yoshga toʻlgunga qadar uni parvarishlash uchun ishlaydigan (budjet tashkilotlarida ishlaydiganlar bundan mustasno) onalarga beriladigan har oylik nafaqalar miqdori mehnatga haq toʻlashning eng kam miqdori 60 foizi miqdorida belgilansin”;
beshinchi xatboshi chiqarib tashlansin.
2. Oʻzbekiston Respublikasi Prezidentining 2003-yil 26-fevraldagi PF-3214-son Farmoni bilan tasdiqlangan Barcha respublika ixtisoslashtirilgan ilmiy-amaliy tibbiyot markazlari tomonidan Oʻzbekiston Respublikasining Davlat budjeti mablagʻlari hisobiga tibbiy yordam koʻrsatiladigan imtiyozli toifadagi shaxslar roʻyxatining 9-bandi quyidagi tahrirda bayon etilsin:
“9. “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oilalarning aʼzolari”.
3. Oʻzbekiston Respublikasi Prezidentining 2007-yil 19-martdagi “Aholini ijtimoiy himoya qilish tizimini yanada takomillashtirish va mustahkamlashga oid chora-tadbirlar toʻgʻrisida” PF-3864-son Farmonida :
a) 1-band oʻz kuchini yoʻqotgan deb hisoblansin;
b) 2-bandda :
ikkinchi xatboshi chiqarib tashlansin;
uchinchi va toʻrtinchi xatboshilar tegishincha ikkinchi va uchinchi xatboshilar deb hisoblansin.
4. Oʻzbekiston Respublikasi Prezidentining 2020-yil 22-apreldagi “Doimiy propiska qilish hamda turgan joyi boʻyicha hisobga olish tartibini isloh qilish chora-tadbirlari toʻgʻrisida”gi PF-5984-son Farmonining 4-bandi quyidagi mazmundagi “g 1 ” kichik band bilan toʻldirilsin:
“g 1 ) Oʻzbekiston Respublikasi Moliya vazirligi 2021-yil 1-sentabrga qadar “Ijtimoiy himoya yagona reyestri” axborot tizimini Ichki ishlar vazirligi bilan birgalikda “Manzil” tizimiga integratsiya qilsin”.
6. Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmoni 15-ilovasi 9-pozitsiyasi quyidagi tahrirda bayon etilsin:
“ 9. “Pensiya” dasturiy taʼminoti ni funksional kengaytirish orqali Pensiya jamgʻarmasini boshqarish axborot tizimini yaratish. Bunda, pensiya va nafaqalarni bosqichma-bosqich birgina pasport asosida tayinlash tizimini joriy etishni nazarda tutish. 1. Axborot tizimini yaratish boʻyicha loyiha-texnik hujjatlarni ishlab chiqish. 2. “ Pensiya” dasturini funksional kengaytirish boʻyicha shartnoma imzolash. 3. “ Pensiya” dasturiy taʼminotini funksional kengaytirish. 4. Axborot tizimini amaliyotga joriy etish. 2022-yil sentabr Davlat budjetidan ajratilgan mablagʻlar doirasida va budjetdan tashqari mablagʻlar Moliya vazirligi huzuridagi budjetdan tashqari Pensiya jamgʻarmasi (A. Xaydarov) ” .
7. Oʻzbekiston Respublikasi Prezidentining 2007-yil 12-dekabrdagi “Oʻzbekiston Respublikasining 2008-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi PQ-744-son qarorining 21-bandi quyidagi tahrirda bayon etilsin:
“21. Kam taʼminlangan oilalarni davlat tomonidan aniq qoʻllab-quvvatlashni kuchaytirish maqsadida Oʻzbekiston Respublikasi Mahalla va oilani qoʻllab-quvvatlash vazirligi, Moliya vazirligi hamda Bandlik va mehnat munosabatlari vazirligining budjet muassasalarida ishlayotgan onalarga:
2008-yil 1-yanvardan boshlab bola ikki yoshga toʻlgunga qadar uning parvarishi boʻyicha ijtimoiy nafaqalarni fuqarolarning oʻzini-oʻzini boshqarish organlari orqali;
2021-yilning 1-sentabridan boshlab “Ijtimoiy himoya yagona reyestri” axborot tizimi orqali kam taʼminlangan oilalarga bolalar nafaqasini tayinlash va toʻlash tartibi joriy etilishi toʻgʻrisidagi taklifi qabul qilinsin”.
8. Oʻzbekiston Respublikasi Prezidentining 2018-yil 5-apreldagi PQ-3651-son qarori bilan tasdiqlangan Maktabgacha taʼlim sohasida davlat-xususiy sheriklik toʻgʻrisidagi nizomning 2-bandi oʻn birinchi xatboshisi quyidagi tahrirda bayon etilsin:
“ijtimoiy koʻmakka muhtoj oilalar — “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oilalar, aʼzolari nogironligi boʻlgan shaxslardan iborat boʻlgan oilalar, boquvchisini yoʻqotgan oilalar, bolaning ota-onasi kvotalar boʻyicha mintaqalarga taqsimlangan ijtimoiy soha xodimlari boʻlgan oilalar, toʻrt yoki undan koʻp bolalari boʻlgan oilalar”.
9. Oʻzbekiston Respublikasi Prezidentining 2020-yil 4-avgustdagi “Aholiga davlat ijtimoiy xizmatlari va yordam taqdim etish tartib-taomillarini avtomatlashtirish boʻyicha qoʻshimcha chora-tadbirlar toʻgʻrisida”gi PQ-4797-son qarorining 11-bandi “(turmush oʻrtogʻi va bolalari)” soʻzlaridan keyin “shuningdek, pensionerlari” soʻzlari bilan toʻldirilsin.
10. Oʻzbekiston Respublikasi Prezidentining 2020-yil 30-dekabrdagi “Oʻzbekiston Respublikasining “2021-yil uchun Oʻzbekiston Respublikasining Davlat budjeti toʻgʻrisida”gi Qonuni ijrosini taʼminlash chora-tadbirlari toʻgʻrisida”gi PQ-4938-son qarorida :
a) 1-bandi beshinchi xatboshisi quyidagi tahrirda bayon etilsin:
“Qoraqalpogʻiston Respublikasi va Xorazm viloyatidagi muhtoj oilalarga bir martalik moddiy yordam miqdorlari — 434 000 soʻmdan 1 085 000 soʻmgacha etib belgilansin”;
b) 1-ilova oʻz kuchini yoʻqotgan deb hisoblansin.
11. Vazirlar Mahkamasining 2008-yil 18-martdagi 48-son qarori bilan tasdiqlangan Viloyat koʻp tarmoqli tibbiyot markazi toʻgʻrisidagi nizom ilovasining 9-bandi quyidagi tahrirda bayon etilsin:
“9. “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oilalarning aʼzolari”.
12. Vazirlar Mahkamasining 2009-yil 21-maydagi 145-son qarori bilan tasdiqlangan Respublika ixtisoslashtirilgan terapiya va tibbiy reabilitatsiya ilmiy-amaliy tibbiyot markazi toʻgʻrisidagi nizom ilovasining 11-bandi quyidagi tahrirda bayon etilsin:
“11. “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oilalarning aʼzolari”.
13. Vazirlar Mahkamasining 2018-yil 12-apreldagi 285-son qarori bilan tasdiqlangan Ogʻir ijtimoiy vaziyatga tushib qolgan xotin-qizlarga, nogironligi boʻlgan, kam taʼminlangan, farzandlarini toʻliqsiz oilada tarbiyalayotgan va uy-joy sharoitini yaxshilashga muhtoj onalarga arzon uy-joylar berish tartibi toʻgʻrisidagi nizomning 2-bandi toʻqqizinchi xatboshisi quyidagi tahrirda bayon etilsin:
“kam taʼminlangan oila — “Ijtimoiy himoya yagona reyestri” axborot tizimi orqali kam taʼminlangan deb eʼtirof etilgan oila”.
14. Vazirlar Mahkamasining 2018-yil 13-sentabrdagi “Mamlakatimiz aholisini va iqtisodiyot tarmoqlarini raqobat va bozor mexanizmlarini joriy etish asosida don, un va non bilan ishonchli taʼminlash chora-tadbirlari toʻgʻrisida”gi 731-son qarori 3-bandining “b” kichik bandi birinchi xatboshisi quyidagi tahrirda bayon etilsin:
“b) un va qolipli non xarid qilish boʻyicha qoʻshimcha xarajatlarni qoplash uchun toʻlanayotgan pul kompensatsiyasi (keyingi oʻrinlarda pul kompensatsiyasi deb ataladi) nafaqalar toʻlanishi uchun masʼul boʻlgan organlar tomonidan hisoblanadi va 2021-yil 1-sentabrga qadar tayinlangan 14 yoshgacha bolalari boʻlgan oilalarga nafaqa, bola ikki yoshga toʻlguniga qadar uni parvarish qilish nafaqasi, kam taʼminlangan oilalarga moddiy yordam bilan bir vaqtda Oʻzbekiston Respublikasi Davlat budjeti mablagʻlari hisobidan toʻlanadi.”
Oʻzbekiston Respublikasi Prezidentining 2021-yil 11-avgustdagi PF-6277-son Farmoniga 2-ILOVA
Oʻzbekiston Respublikasi Prezidentining va Oʻzbekiston Respublikasi Hukumatining oʻz kuchini yoʻqotgan deb eʼtirof etilayotgan ayrim hujjatlar
1. Oʻzbekiston Respublikasi Prezidentining 1994-yil 23-avgustdagi “Kam taʼminlangan oilalarni ijtimoiy himoyalashni kuchaytirishga oid tadbirlar toʻgʻrisida”gi PF-938-son Farmoni .
2. Oʻzbekiston Respublikasi Prezidentining 2009-yil 21-dekabrdagi “Oʻzbekiston Respublikasi Prezidentining ayrim farmonlariga oʻzgartishlar kiritish toʻgʻrisida”gi PF-4158-son Farmoni ilovasining 2-bandi .
3. Vazirlar Mahkamasining 2012-yil 12-dekabrdagi “Ijtimoiy nafaqalarni tayinlash va toʻlash tartibini yanada takomillashtirish chora-tadbirlari toʻgʻrisida”gi 350-son qarori .
4. Vazirlar Mahkamasining 2019-yil 14-oktabrdagi “Don, un va non yetkazib berish tizimiga bozor mexanizmlarini toʻliq joriy etish chora-tadbirlari toʻgʻrisida”gi 866-son qarorining 5-bandi .
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 11-avgust,
PF-6277-son
Президента Республики Узбекистан
Указ
ПЕРЕЧЕНЬ
О мерах по оказанию материальной помощи малообеспеченным семьям и дальнейшему расширению масштаба борьбы с бедностью
В целях направления системы выплаты пособий на развитие потенциала детей и сокращение бедности путем повышения эффективности системы поддержки семей, воспитывающих детей, усиления материального обеспечения семей, нуждающихся в социальной защите и поддержке, внедрения общепризнанных международных стандартов и автоматизированных прозрачных электронных механизмов оценки при выявлении нуждающихся семей:
1. Ввести порядок, в соответствии с которым начиная с 1 сентября 2021 года:
а) вводится детское пособие семьям, включенным в Социальный реестр, (далее — детское пособие) вместо пособия для семей с детьми до 14 лет и пособия по уходу за ребенком до достижения им двух лет. При этом при назначении детского пособия:
учитываемый возраст детей увеличивается с 14 лет до 18 лет;
применяется порядок определения его размера исходя из количества детей в семье;
б) назначается материальная помощь одиноким гражданам, семьям, не имеющим детей, или семьям, включенным в Социальный реестр, возраст всех детей которых выше 18 лет.
2. Размеры детского пособия и выплат материальной помощи семьям, включенным в Социальный реестр, устанавливаются решениями Президента Республики Узбекистан.
В размеры детского пособия и материальной помощи, выплачиваемых семьям, включенным в Социальный реестр, постановлениями Кабинета Министров могут вноситься изменения.
3. Министерству финансов выделить дополнительные средства из бюджета на финансирование данных мер в 2021 году с учетом увеличения в среднем на 20 процентов количества малообеспеченных семей, получающих детское пособие и материальную помощь до конца 2021 года, а также предусмотреть расходы, связанные с реализацией настоящего Указа, при формировании параметров Государственного бюджета на 2022 год.
4. Установить порядок, в соответствии с которым начиная с 1 октября 2021 года сведения о семьях и лицах, признанных малообеспеченными посредством информационной системы «Единый реестр социальной защиты», предоставляются заинтересованным министерствам и ведомствам через межведомственную интеграционную платформу системы «Электронное правительство».
Министерству финансов (Т. Ишметов) совместно с Министерством по развитию информационных технологий и коммуникаций (Ш. Садиков) обеспечить представление министерствам и ведомствам через межведомственную интеграционную платформу системы «Электронное правительство» сведений о семьях и лицах, признанных малообеспеченными в базе данных информационной системы «Единый реестр социальной защиты», а также эффективное осуществление обмена информацией.
5. Министерству финансов (Т. Ишметов) совместно с Министерством экономического развития и сокращения бедности (И. Норкулов), Министерством по поддержке махалли и семьи (Р. Маматов), Министерством занятости и трудовых отношений (Н. Хусанов) в срок до 20 августа 2021 года внести в Кабинет Министров проекты Правительственных решений, предусматривающих порядок:
назначения и выплаты пособия малообеспеченным семьям с детьми, а также материальной помощи малообеспеченным семьям;
расчета стоимости минимальных потребительских расходов.
6. Министерству финансов, Министерству экономического развития и сокращения бедности, Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций организовать в средствах массовой информации, сети Интернет и социальных сетях работу по широкому освещению целей, задач настоящего Указа и ожидаемых от этого результатов.
7. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению № 1 .
8. Признать утратившими силу некоторые акты Президента Республики Узбекистан и Правительства Республики Узбекистан согласно приложению № 2 .
9. Министерству финансов в месячный срок внести в Кабинет Министров предложение об изменениях и дополнениях в акты законодательства, вытекающих из настоящего Указа.
10. Возложить на министра финансов Т.А. Ишметова и первого заместителя министра экономического развития и сокращения бедности И.И Норкулова. персональную ответственность за эффективную организацию исполнения настоящего Указа.
Обсуждение хода исполнения Указа, осуществление координации и контроля за деятельностью ответственных организаций-исполнителей, возложить на заместителя Премьер-министра Республики Узбекистан Д.А. Кучкарова.
О результативности осуществляемых мер информировать Президента Республики Узбекистан до 1 ноября 2021 года и до 1 апреля 2022 года.
ПРИЛОЖЕНИЕ № 1 к Указу Президента Республики Узбекистан от 11 августа 2021 года № УП-6277
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. В Указе Президента Республики Узбекистан от 16 июня 1994 года № УП-871 «О совершенствовании системы государственной социальной помощи семьям с детьми»:
а) в пункте 1 :
абзац второй исключить;
абзацы третий и четвертый считать соответственно абзацами вторым и третьим;
абзац третий после слова «пособия» дополнить словами «работающим (за исключением работающих в бюджетных организациях)»;
б) в пункте 3 :
абзац второй исключить;
абзацы третий — шестой считать соответственно абзацами вторым — пятым;
абзацы третий и четвертый изложить в следующей редакции:
«ежемесячного пособия работающим матерям (за исключением работающих в бюджетных организациях) по уходу за ребенком до достижения им возраста двух лет — средства предприятий, учреждений и организаций.
При этом начиная с 1 сентября 2021 года размер ежемесячного пособия работающим матерям (за исключением работающих в бюджетных организациях) по уходу за ребенком до достижения им возраста двух лет установить в размере 60 процентов минимального размера оплаты труда»;
абзац пятый исключить.
2. Пункт 9 Перечня льготной категории лиц, медицинская помощь которым оказывается всеми республиканскими специализированными научно-практическими медицинскими центрами за счет средств Государственного бюджета Республики Узбекистан, утвержденного Указом Президента Республики Узбекистан от 26 февраля 2003 года № УП-3214, изложить в следующей редакции:
«9. Члены семей, признанные малообеспеченными посредством информационной системы «Единый реестр социальной защиты».
3. В Указе Президента Республики Узбекистан от 19 марта 2007 года № УП-3864 «О мерах по дальнейшему совершенствованию и укреплению системы социальной защиты населения»:
а) пункт 1 признать утратившим силу;
б) в пункте 2 :
абзац второй исключить;
абзацы третий и четвертый считать соответственно абзацами вторым и третьим.
4. Пункт 4 Указа Президента Республики Узбекистан от 22 апреля 2020 года № УП-5984 «О мерах по реформированию порядка постоянной прописки и учета по месту пребывания» дополнить подпунктом «г 1 » следующего содержания:
«г 1 ) Министерству финансов Республики Узбекистан до 1 сентября 2021 года совместно с Министерством внутренних дел интегрировать информационную систему «Единый реестр социальной защиты» с системой «Манзил».
6. Позицию 9 приложения № 15 к Указу Президента Республики Узбекистан от 5 октября 2020 года № УП-6079 «Об утверждении Стратегии «Цифровой Узбекистан — 2030» и мерах по ее эффективной реализации» в тексте на государственном языке изложить в следующей редакции:
« 9. «Пенсия» дастурий таъминоти ни функционал кенгайтириш орқали Пенсия жамғармасини бошқариш ахборот тизимини яратиш. Бунда, пенсия ва нафақаларни босқичма-босқич биргина паспорт асосида тайинлаш тизимини жорий этишни назарда тутиш. 1. Ахборот тизимини яратиш бўйича лойиҳа-техник ҳужжатларни ишлаб чиқиш. 2. « Пенсия» дастурини функционал кенгайтириш бўйича шартнома имзолаш. 3. « Пенсия» дастурий таъминотини функционал кенгайтириш. 4. Ахборот тизимини амалиётга жорий этиш. 2022 йил сентябрь Давлат бюджетидан ажратилган маблағлар доирасида ва бюджетдан ташқари маблағлар Молия вазирлиги ҳузуридаги бюджетдан ташқари Пенсия жамғармаси (А. Хайдаров) » .
7. Пункт 21 постановления Президента Республики Узбекистан от 12 декабря 2007 года № ПП-744 «О прогнозе основных макроэкономических показателей и параметрах Государственного бюджета Республики Узбекистан на 2008 год» изложить в следующей редакции:
«21. Для усиления адресности государственной поддержки малоимущих семей принять предложение Министерства по поддержке махалли и семьи, Министерства финансов и Министерства занятости и трудовых отношений Республики Узбекистан о внедрении порядка назначения и выплаты матерям, работающим в бюджетных учреждениях:
с 1 января 2008 года социальных пособий по уходу за ребенком до достижения им возраста двух лет — через органы самоуправления граждан;
с 1 сентября 2021 года детских пособий малообеспеченным семьям — посредством информационной системы «Единый реестр социальной защиты».
8. Абзац одиннадцатый пункта 2 Положения о государственно-частном партнерстве в сфере дошкольного образования, утвержденного постановлением Президента Республики Узбекистан от 5 апреля 2018 года № ПП-3651, изложить в следующей редакции:
«семьи, нуждающиеся в социальной поддержке, — семьи, признанные малообеспеченными посредством информационной системы «Единый реестр социальной защиты», семьи, состоящие из членов — лиц с инвалидностью, семьи, потерявшие кормильца, семьи, в которых родители ребенка являются работниками социальной сферы, распределенными в регионы по квотам, семьи, имеющие четырех и более детей».
9. Пункт 11 постановления Президента Республики Узбекистан от 4 августа 2020 года № ПП-4797 «О дополнительных мерах по автоматизации процедур предоставления государственных социальных услуг и помощи населению» после слов «(супруги (га) и детей)» дополнить словами «а также пенсионеров».
10. В постановлении Президента Республики Узбекистан от 30 декабря 2020 года № ПП-4938 «О мерах по обеспечению исполнения Закона Республики Узбекистан «О Государственном бюджете Республики Узбекистан на 2021 год»:
а) абзац пятый пункта 1 изложить в следующей редакции:
«размеры единовременной материальной помощи нуждающимся семьям в Республике Каракалпакстан и Хорезмской области — от 434 000 сумов до 1 085 000 сумов»;
б) приложение № 1 признать утратившим силу.
11. Пункт 9 приложения к Положению об областном многопрофильном медицинском центре, утвержденному постановлением Кабинета Министров от 18 марта 2008 года № 48, изложить в следующей редакции:
«9. Члены семей, признанные малообеспеченными посредством информационной системы «Единый реестр социальной защиты».
12. Пункт 11 приложения к Положению о Республиканском специализированном научно-практическом медицинском центре терапии и медицинской реабилитации, утвержденного постановлением Кабинета Министров от 21 мая 2009 года № 145, изложить в следующей редакции:
«11. Члены семей, признанные малообеспеченными посредством информационной системы «Единый реестр социальной защиты».
13. Абзац девятый пункта 2 Положения о порядке предоставления доступных жилых домов женщинам, находящимся в тяжелом социальном положении, матерям с инвалидностью, малообеспеченным, воспитывающим детей в неполной семье и нуждающимся в улучшении жилищных условий, утвержденного постановлением Кабинета Министров от 12 апреля 2018 года № 285, в тексте на государственном языке изложить в следующей редакции:
«кам таъминланган оила — «Ижтимоий ҳимоя ягона реестри» ахборот тизими орқали кам таъминланган деб эътироф этилган оила».
14. Абзац первый подпункта «б» пункта 3 постановления Кабинета Министров от 13 сентября 2018 года № 731 «О мерах по надежному обеспечению населения страны и отраслей экономики зерном, мукой и хлебом на основе конкуренции и внедрения рыночных механизмов» изложить в следующей редакции:
«б) денежная компенсация, выплачиваемая на покрытие дополнительных расходов по покупке муки и формового хлеба, начисляется органами, ответственными за выплату пособий, и выплачивается одновременно с назначенными в срок до 1 сентября 2021 года пособием семьям с детьми в возрасте до 14 лет, пособием по уходу за ребенком до достижения им возраста двух лет, материальной помощью малообеспеченным семьям за счет средств Государственного бюджета Республики Узбекистан».
ПРИЛОЖЕНИЕ № 2 к Указу Президента Республики Узбекистан от 11 августа 2021 года № УП-6277
некоторых актов Президента Республики Узбекистан и Правительства Республики Узбекистан, признаваемых утратившими силу
1. Указ Президента Республики Узбекистан от 23 августа 1994 года № УП-938 «О мерах по усилению социальной защиты малообеспеченных семей».
2. Пункт 2 приложения к Указу Президента Республики Узбекистан от 21 декабря 2009 года № УП-4158 «О внесении изменений в некоторые указы Президента Республики Узбекистан».
3. Постановление Кабинета Министров от 12 декабря 2012 года № 350 «О мерах по дальнейшему совершенствованию порядка назначения и выплаты социальных пособий».
4. Пункт 5 постановления Кабинета Министров от 14 октября 2019 года № 866 «О мерах по полной реализации рыночных механизмов в системе доставки зерна, муки и хлеба».
Президент Республики Узбекистан Ш. МИРЗИЁЕВ
г. Ташкент,
11 августа 2021 г.,
№ УП-6277