📅 2021-yil 13-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 13 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 13 августа 2021 г. · Постановления Президента
Официальный текст. Официальный документ. Редакционные примечания не включены.
📅 13 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТУЗИЛМАСИ
Ижтимоий-иқтисодий ривожланишда иқтисодий тадқиқотлар сифати ва ролини оширишнинг қўшимча чора-тадбирлари тўғрисида
Мамлакатимизда ижтимоий-иқтисодий соҳани ислоҳ қилиш бўйича ишлаб чиқилаётган ташаббусларнинг сифатини, олиб борилаётган ислоҳотлар натижадорлигини тубдан ошириш, шунингдек, 2022 — 2026 йилларда ҳудудлар, тармоқлар ва соҳаларни ривожлантириш бўйича дастурларни илмий асосланган инновацион ёндашувлар асосида ишлаб чиқиш мақсадида:
1. Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар маркази (кейинги ўринларда — Марказ) зиммасига қуйидаги қўшимча вазифалар юклатилсин:
ҳудудларда ижтимоий-иқтисодий ривожланиш жараёнларини жадаллаштиришга қаратилган дастурларни ишлаб чиқишда маҳаллий давлат ҳокимияти органларини илмий асосланган таклиф ва тавсиялар билан доимий равишда таъминлаб бориш;
жойларда мавжуд ресурслар базасини ўрганиш орқали иқтисодиёт тармоқларида янги ишлаб чиқариш занжирларини яратиш бўйича таклифлар ишлаб чиқиш;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ҳар чоракда туманлар кесимида аҳоли орасида сўровлар ўтказиб бориш;
Ўзбекистоннинг жаҳон иқтисодиётига қўшилиши жараёнларининг миллий иқтисодиётга таъсирини ўрганиб бориш ҳамда мазкур йўналишларда илмий асосланган таклиф ва тавсияларни ваколатли идораларга тақдим этиб бориш;
саноатда кластерлар фаолиятини ривожлантириб бориш бўйича илғор халқаро тажрибани чуқур таҳлил қилиш орқали илмий асосланган таклифларни ишлаб чиқиб, ваколатли идораларга тақдим этиб бориш;
замонавий ахборот технологиялари ва идоралараро интеграциялашган маълумотлар базасидан фойдаланган ҳолда маҳаллий давлат ҳокимияти органларига долзарб муаммоларни бартараф этишга қаратилган бизнес таҳлилларни тақдим этиб бориш;
Ўзбекистон Республикасида олиб борилаётган ислоҳотларнинг мазмун ва моҳиятини кенг жамоатчиликка етказиб бориш.
2. Иқтисодий тараққиёт ва камбағалликни қисқартириш вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг қуйидаги таклифларига розилик берилсин:
а) Марказ тузилмасида:
Саноат кластерлари фаолиятини ривожлантириш шуъбаси;
IT-технологияларни жорий этиш ва маълумотлар базасини интеграциялаш шуъбаси;
Жамоатчилик билан алоқалар ва маркетинг шуъбасини ташкил этиш;
б) Қорақалпоғистон Республикаси, Жиззах, Наманган, Самарқанд ва Қашқадарё вилоятларида Марказнинг ҳудудий филиалларини тузиш.
3. Белгилансинки:
Марказнинг ҳудудий филиаллари юридик шахс ташкил этмаган ҳолда тузилади;
ҳудудий филиаллар ходимлари Марказ директори томонидан лавозимга тайинланади ва лавозимидан озод этилади;
ҳудудий филиаллар илмий ходимларига Марказ ходимлари учун назарда тутилган меҳнатга ҳақ тўлаш шартлари ва тиббий хизмат кўрсатиш тартиби татбиқ этилади.
4. Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар маркази тузилмаси 1-иловага мувофиқ тасдиқлансин.
5. Шундай тартиб ўрнатилсинки, унга кўра:
Ахборот технологиялари ва коммуникацияларини ривожлантириш вазирлиги ҳамда бошқа давлат органлари ва ташкилотлари Марказга ҳудудларнинг ижтимоий-иқтисодий ривожланиши ҳолати бўйича мавжуд маълумотлар базаларидан фойдаланишга рухсат беради ва ҳудудлар бўйича маълумотлар базасини интеграциялашга кўмаклашади;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Марказнинг ҳудудий филиалларига мазкур қарор билан юклатилаётган вазифаларни самарали бажаришлари учун ҳар томонлама ёрдам беради.
6. Белгилансинки, ушбу қарорни амалга ошириш билан боғлиқ харажатлар 2021 йилда Инновацион ривожланиш вазирлигига давлат илмий дастурлари доирасида бажариладиган илмий лойиҳаларни молиялаштиришга ажратилган бюджет маблағлари ҳисобидан қопланади, 2022 йилдан эса Ўзбекистон Республикаси Давлат бюджети параметрларида назарда тутилади.
7. Олий ва ўрта махсус таълим вазирлиги, Давлат активларини бошқариш агентлиги Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда бир ой муддатда Марказнинг ҳудудий филиаллари олий ўқув юртларининг биноларида бепул фойдаланиш ҳуқуқи асосида жойлаштирилишини таъминласин.
8. Ўзбекистон Республикаси Президентининг 2019 йил 3 октябрдаги «Ижтимоий-иқтисодий ривожланишда иқтисодий тадқиқотлар сифати ва ролини ошириш чора-тадбирлари тўғрисида»ги ПҚ-4471-сон қарорига 2-иловага мувофиқ ўзгартиришлар киритилсин.
9. Мазкур қарорнинг ижросини назорат қилиш Ўзбекистон Республикаси Президенти Администрацияси раҳбари З.Ш. Низомиддинов ва Ўзбекистон Республикаси Президенти маслаҳатчиси Р.А. Гулямов зиммасига юклансин.
Ўзбекистон Республикаси Президентининг 2021 йил 13 августдаги ПҚ-5223-сон қарорига 1-ИЛОВА
Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар маркази
Ўзбекистон Республикаси Президентининг 2021 йил 13 августдаги ПҚ-5223-сон қарорига 2-ИЛОВА
Ўзбекистон Республикаси Президентининг 2019 йил 3 октябрдаги «Ижтимоий-иқтисодий ривожланишда иқтисодий тадқиқотлар сифати ва ролини ошириш чора-тадбирлари тўғрисида»ги ПҚ-4471-сон қарорига киритилаётган ўзгартиришлар
1. 9-бандда :
биринчи хатбоши чиқариб ташлансин;
иккинчи хатбоши биринчи хатбоши деб ҳисоблансин.
2. Қарорга 1-илова ўз кучини йўқотган деб топилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 13 август,
ПҚ-5223-сон
Oʻzbekiston Respublikasi Prezidentining
Qarori
TUZILMASI
Ijtimoiy-iqtisodiy rivojlanishda iqtisodiy tadqiqotlar sifati va rolini oshirishning qoʻshimcha chora-tadbirlari toʻgʻrisida
Mamlakatimizda ijtimoiy-iqtisodiy sohani isloh qilish boʻyicha ishlab chiqilayotgan tashabbuslarning sifatini, olib borilayotgan islohotlar natijadorligini tubdan oshirish, shuningdek, 2022 — 2026-yillarda hududlar, tarmoqlar va sohalarni rivojlantirish boʻyicha dasturlarni ilmiy asoslangan innovatsion yondashuvlar asosida ishlab chiqish maqsadida:
1. Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi (keyingi oʻrinlarda — Markaz) zimmasiga quyidagi qoʻshimcha vazifalar yuklatilsin:
hududlarda ijtimoiy-iqtisodiy rivojlanish jarayonlarini jadallashtirishga qaratilgan dasturlarni ishlab chiqishda mahalliy davlat hokimiyati organlarini ilmiy asoslangan taklif va tavsiyalar bilan doimiy ravishda taʼminlab borish;
joylarda mavjud resurslar bazasini oʻrganish orqali iqtisodiyot tarmoqlarida yangi ishlab chiqarish zanjirlarini yaratish boʻyicha takliflar ishlab chiqish;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda har chorakda tumanlar kesimida aholi orasida soʻrovlar oʻtkazib borish;
Oʻzbekistonning jahon iqtisodiyotiga qoʻshilishi jarayonlarining milliy iqtisodiyotga taʼsirini oʻrganib borish hamda mazkur yoʻnalishlarda ilmiy asoslangan taklif va tavsiyalarni vakolatli idoralarga taqdim etib borish;
sanoatda klasterlar faoliyatini rivojlantirib borish boʻyicha ilgʻor xalqaro tajribani chuqur tahlil qilish orqali ilmiy asoslangan takliflarni ishlab chiqib, vakolatli idoralarga taqdim etib borish;
zamonaviy axborot texnologiyalari va idoralararo integratsiyalashgan maʼlumotlar bazasidan foydalangan holda mahalliy davlat hokimiyati organlariga dolzarb muammolarni bartaraf etishga qaratilgan biznes tahlillarni taqdim etib borish;
Oʻzbekiston Respublikasida olib borilayotgan islohotlarning mazmun va mohiyatini keng jamoatchilikka yetkazib borish.
2. Iqtisodiy taraqqiyot va kambagʻallikni qisqartirish vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining quyidagi takliflariga rozilik berilsin:
a) Markaz tuzilmasida:
Sanoat klasterlari faoliyatini rivojlantirish shuʼbasi;
IT-texnologiyalarni joriy etish va maʼlumotlar bazasini integratsiyalash shuʼbasi;
Jamoatchilik bilan aloqalar va marketing shuʼbasini tashkil etish;
b) Qoraqalpogʻiston Respublikasi, Jizzax, Namangan, Samarqand va Qashqadaryo viloyatlarida Markazning hududiy filiallarini tuzish.
3. Belgilansinki:
Markazning hududiy filiallari yuridik shaxs tashkil etmagan holda tuziladi;
hududiy filiallar xodimlari Markaz direktori tomonidan lavozimga tayinlanadi va lavozimidan ozod etiladi;
hududiy filiallar ilmiy xodimlariga Markaz xodimlari uchun nazarda tutilgan mehnatga haq toʻlash shartlari va tibbiy xizmat koʻrsatish tartibi tatbiq etiladi.
4. Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi tuzilmasi 1-ilovaga muvofiq tasdiqlansin.
5. Shunday tartib oʻrnatilsinki, unga koʻra:
Axborot texnologiyalari va kommunikatsiyalarini rivojlantirish vazirligi hamda boshqa davlat organlari va tashkilotlari Markazga hududlarning ijtimoiy-iqtisodiy rivojlanishi holati boʻyicha mavjud maʼlumotlar bazalaridan foydalanishga ruxsat beradi va hududlar boʻyicha maʼlumotlar bazasini integratsiyalashga koʻmaklashadi;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Markazning hududiy filiallariga mazkur qaror bilan yuklatilayotgan vazifalarni samarali bajarishlari uchun har tomonlama yordam beradi.
6. Belgilansinki, ushbu qarorni amalga oshirish bilan bogʻliq xarajatlar 2021-yilda Innovatsion rivojlanish vazirligiga davlat ilmiy dasturlari doirasida bajariladigan ilmiy loyihalarni moliyalashtirishga ajratilgan budjet mablagʻlari hisobidan qoplanadi, 2022-yildan esa Oʻzbekiston Respublikasi Davlat budjeti parametrlarida nazarda tutiladi.
7. Oliy va oʻrta maxsus taʼlim vazirligi, Davlat aktivlarini boshqarish agentligi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda bir oy muddatda Markazning hududiy filiallari oliy oʻquv yurtlarining binolarida bepul foydalanish huquqi asosida joylashtirilishini taʼminlasin.
8. Oʻzbekiston Respublikasi Prezidentining 2019-yil 3-oktabrdagi “Ijtimoiy-iqtisodiy rivojlanishda iqtisodiy tadqiqotlar sifati va rolini oshirish chora-tadbirlari toʻgʻrisida”gi PQ-4471-son qaroriga 2-ilovaga muvofiq oʻzgartirishlar kiritilsin.
9. Mazkur qarorning ijrosini nazorat qilish Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisi R.A. Gulyamov zimmasiga yuklansin.
Oʻzbekiston Respublikasi Prezidentining 2021-yil 13-avgustdagi PQ-5223-son qaroriga 1-ILOVA
Oʻzbekiston Respublikasi Prezidenti Administratsiyasi huzuridagi Iqtisodiy tadqiqotlar va islohotlar markazi
Oʻzbekiston Respublikasi Prezidentining 2021-yil 13-avgustdagi PQ-5223-son qaroriga 2-ILOVA
Oʻzbekiston Respublikasi Prezidentining 2019-yil 3-oktabrdagi “Ijtimoiy-iqtisodiy rivojlanishda iqtisodiy tadqiqotlar sifati va rolini oshirish chora-tadbirlari toʻgʻrisida”gi PQ-4471-son qaroriga kiritilayotgan oʻzgartirishlar
1. 9-bandda :
birinchi xatboshi chiqarib tashlansin;
ikkinchi xatboshi birinchi xatboshi deb hisoblansin.
2. Qarorga 1-ilova oʻz kuchini yoʻqotgan deb topilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 13-avgust,
PQ-5223-son
Президента Республики Узбекистан
Постановление
СТРУКТУРА
О дополнительных мерах по повышению качества и роли экономических исследований в социально-экономическом развитии
В целях кардинального повышения качества разрабатываемых инициатив по реформированию социально-экономической сферы, результативности проводимых реформ в стране, а также разработки программ развития регионов, отраслей и сфер в 2022 — 2026 годах на основе научно обоснованных инновационных подходов:
1. Возложить на Центр экономических исследований и реформ при Администрации Президента Республики Узбекистан (далее — Центр) следующие дополнительные задачи:
обеспечение на постоянной основе научно обоснованными предложениями и рекомендациями органов государственной власти на местах при разработке программ, направленных на ускорение процессов социально-экономического развития в регионах;
разработку предложений по созданию новых производственных цепочек в отраслях экономики путем изучения существующей ресурсной базы на местах;
проведение совместно с Советом Министров Республики Каракалпакстан, хокимиятами областей и города Ташкента ежеквартальных опросов среди населения в разрезе района;
изучение влияния на национальную экономику процессов интеграции Узбекистана в мировую экономику, а также представление компетентным органам научно обоснованных предложений и рекомендаций в данном направлении;
разработку и предоставление компетентным органам научно обоснованных предложений путем глубокого анализа передового международного опыта по развитию деятельности кластеров в промышленности;
представление бизнес-аналитики органам государственной власти на местах, направленной на решение актуальных проблем с применением современных информационных технологий и межведомственной интегрированной базы данных;
информирование широкой общественности о сути и значении осуществляемых реформ в Республике Узбекистан.
2. Согласиться с предложениями Министерства экономического развития и сокращения бедности, Совета Министров Республики Каракалпакстан, хокимиятов областей и города Ташкента о создании:
а) в структуре Центра:
Сектора по развитию деятельности промышленных кластеров;
Сектора по внедрению IT-технологий и интеграции баз данных;
Сектора по связям с общественностью и маркетингу;
б) региональных филиалов Центра в Республике Каракалпакстан, Джизакской, Наманганской, Самаркандской и Кашкадарьинской областях.
3. Определить, что:
региональные филиалы Центра создаются без образования юридического лица;
сотрудники региональных филиалов назначаются на должность и освобождаются от должности директором Центра;
на научных сотрудников региональных филиалов распространяются условия оплаты труда и порядок медицинского обслуживания, предусмотренные для работников Центра.
4. Утвердить структуру Центра экономических исследований и реформ при Администрации Президента Республики Узбекистан согласно приложению № 1 .
5. Установить порядок, в соответствии с которым:
Министерство по развитию информационных технологий и коммуникаций, а также другие государственные органы и организации предоставляют Центру разрешение на использование существующих баз данных о состоянии социально-экономического развития регионов и содействуют в интеграции базы данных по регионам;
Совет Министров Республики Каракалпакстан, хокимияты областей и города Ташкента оказывают всестороннюю помощь региональным филиалам Центра для эффективного выполнения задач, возложенных на них настоящим постановлением.
6. Установить, что расходы, связанные с реализацией настоящего постановления, покрываются в 2021 году за счет средств бюджета, выделенных Министерству инновационного развития на финансирование научных проектов, реализуемых в рамках государственных научных программ, а с 2022 года — предусматриваются в параметрах Государственного бюджета Республики Узбекистан.
7. Министерству высшего и среднего специального образования, Агентству по управлению государственными активами совместно с Советом Министров Республики Каракалпакстан и хокимиятами областей в месячный срок обеспечить размещение региональных филиалов Центра в зданиях высших учебных заведений на праве безвозмездного пользования.
8. Внести изменения в постановление Президента Республики Узбекистан от 3 октября 2019 года № ПП-4471 «О мерах по повышению качества и роли экономических исследований в социально-экономическом развитии» согласно приложению № 2 .
9. Контроль за исполнением настоящего постановления возложить на руководителя Администрации Президента Республики Узбекистан З.Ш. Низомиддинова и советника Президента Республики Узбекистан Р.А. Гулямова.
ПРИЛОЖЕНИЕ № 1 к постановлению Президента Республики Узбекистан от 13 августа 2021 года № ПП-5223
Центра экономических исследований и реформ при Администрации Президента Республики Узбекистан
ПРИЛОЖЕНИЕ № 2 к постановлению Президента Республики Узбекистан от 13 августа 2021 года № ПП-5223
Изменения, вносимые в постановление Президента Республики Узбекистан от 3 октября 2019 года № ПП-4471 «О мерах по повышению качества и роли экономических исследований в социально-экономическом развитии»
1. В пункте 9 :
абзац первый исключить;
абзац второй считать абзацем первым.
2. Приложение № 1 к постановлению признать утратившим силу.
Президент Республики Узбекистан Ш. МИРЗИЁЕВ
г. Ташкент,
13 августа 2021 г.,
№ ПП-5223