📅 2021-yil 23-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 августа 2021 г. · Постановления Президента
Официальный текст. Официальный документ. Редакционные примечания не включены.
📅 23 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
ТАРКИБИ
Меҳнат ва ижтимоий муносабатлар академиясини ташкил этиш тўғрисида
Сўнгги йилларда мамлакатимизда олий таълимни ривожлантириш, таълим жараёнига илғор педагогик технологияларни жорий этиш, кадрларни тайёрлаш сифатини ошириш, таълим, илм-фан ва ишлаб чиқаришни интеграция қилишнинг таъсирчан механизмларини яратишга йўналтирилган кенг кўламли чора-тадбирлар амалга оширилмоқда.
Шу билан бирга, меҳнат ва ижтимоий муносабатлар соҳасидаги кадрлар етарли билим ва кўникмаларга эга эмаслиги, меҳнат муҳофазаси нормаларига амал қилиш бўйича профилактик ишларнинг тўғри йўлга қўйилмаганлиги оқибатида ишлаб чиқариш жараёнида кўплаб бахтсиз ҳодисалар рўй бермоқда.
Меҳнат ҳуқуқи йўналиши бўйича мутахассисларнинг етишмаслиги натижасида меҳнат қонунчилиги соҳасидаги қонун бузилиши ҳолатлари сони ортиб бормоқда. Жумладан, касаба уюшмалари томонидан ҳар йили ушбу масалага оид ўртача 28 мингга яқин мурожаатлар кўриб чиқилади.
Меҳнат шароитларининг санитария қоидалари нормалари ва гигиена нормативларига жавоб беришини аниқлаш бўйича зарур билим ва кўникмаларга эга кадрларнинг етишмаслиги боис, ходимларнинг касб касалликларига чалиниш даражаси юқорилигича қолмоқда.
Республикада меҳнат тиббиёти мутахассисликлари бўйича кадрлар етарли миқдорда тайёрланмаётганлиги сабабли касб касалликларини даволаш ва профилактика қилиш ишлари лозим даражада амалга оширилмаяпти.
Шунингдек, соҳада тизимли илмий изланишлар ўтказилмаётганлиги, асосланган таклиф ва тавсиялар етишмаслиги туфайли меҳнат муносабатлари соҳасига оид ўз ечимини кутаётган қатор масалалар сақланиб қолмоқда.
Меҳнат ва ижтимоий муносабатлар соҳасида халқаро талаблар ва стандартларга мувофиқ малакали кадрларни тайёрлаш, иқтисодиёт тармоқларининг олий маълумотли мутахассисларга бўлган эҳтиёжларини қондириш, соҳага оид муаммоларни илмий ва амалий жиҳатдан тадқиқ этиш мақсадида:
1. Ўзбекистон касаба уюшмалари Федерацияси (кейинги ўринларда — Муассис) ҳамда Олий ва ўрта махсус таълим вазирлигининг Меҳнат ва ижтимоий муносабатлар академиясини (кейинги ўринларда — Академия) ташкил этиш тўғрисидаги таклифи маъқуллансин.
2. Қуйидагилар Академиянинг асосий вазифалари ва фаолият йўналишлари этиб белгилансин:
замонавий инновацион ва илмий-педагогик технологияларни, фан ва техниканинг энг сўнгги ютуқларини қўллаган ҳолда, меҳнат ва ижтимоий муносабатлар соҳасида талаб юқори бўлган касблар, йўналишлар ва мутахассисликлар бўйича малакали кадрларни тайёрлаш;
таълимнинг тегишли йўналишлари ва мутахассисликлари бўйича ўқув-методик адабиётларни яратиш, талабалар ва ёш мутахассисларни жалб қилган ҳолда фундаментал ва илмий-амалий тадқиқотлар олиб бориш, таълим тизимига етакчи хорижий таълим ташкилотлари тажрибасини жорий қилиш;
меҳнат ва ижтимоий муносабатлар соҳасида кадрлар тайёрлаш тизимини такомиллаштиришга қаратилган янги таълим дастурларини ҳамда ўқитишнинг инновацион шаклларини ишлаб чиқиш ва жорий этиш;
истиқболли битирувчиларни хорижий олий таълим ташкилотларига ва илмий-тадқиқот марказларига тегишлича бакалавриат, магистратура ҳамда докторантурада ўқишга юбориш орқали Академиянинг илмий-педагогик салоҳиятини ошириш, педагогик технологиялар ва ўқитиш услубларини такомиллаштириш;
халқаро ва миллий меҳнат стандартлари, меҳнат ҳуқуқи, инсон ҳуқуқлари, меҳнат тиббиёти, ижтимоий ҳимоя ва меҳнат муҳофазаси йўналишлари бўйича олий малакали илмий-педагогик кадрларни тайёрлаш ҳамда илмий-тадқиқот фаолиятини амалга ошириш;
таълим ва илмий фаолиятнинг ишлаб чиқариш соҳаси билан узвий интеграциялашуви учун зарур шарт-шароитлар яратиш;
ижтимоий-меҳнат муносабатлари мутахассислари, касаба уюшмалари тизими ҳамда тиббий профилактика муассасалари ходимларини замонавий талаблар асосида қайта тайёрлаш, малакасини ошириш, шунингдек, халқаро ва хорижий ташкилотларда тажриба орттиришини ташкил этиш;
республика ва хориждаги етакчи таълим ташкилотлари, халқаро ташкилотлар ҳамда илмий-тадқиқот марказлари билан ҳамкорликни ривожлантириш, уларнинг етакчи мутахассисларини таълим ва илмий тадқиқот жараёнларига жалб қилиш, меҳнат ва ижтимоий муносабатлар соҳасидаги долзарб масалаларни муҳокама қилиш бўйича халқаро илмий-амалий конференциялар, семинарлар ва симпозиумлар ташкил этиш;
профессионал таълим, бакалавриат, магистратура ва олий ўқув юртидан кейинги таълим йўналишлари бўйича етакчи хорижий таълим ташкилотлари билан қўшма таълим дастурларини жорий этиш;
Академиянинг фаолият йўналишлари бўйича шартнома асосида хизматлар кўрсатиш, ушбу вазифаларни амалга ошириш учун ташкилий-ҳуқуқий ва инновацион-инвестициявий тузилмаларни ташкил этиш.
3. Белгилансинки:
Академия қонунчилик ҳужжатларида белгилаб қўйилган барча таълим босқичларида фаолият кўрсатадиган нодавлат таълим ташкилоти ҳисобланади;
Академияда таълим фаолияти 2022/2023 ўқув йилидан бошланади;
Академияда ўқитиш Ўзбекистон Республикасида амалда мавжуд таълим шакллари бўйича ўзбек, рус ва инглиз тилларида тўлов-контракт асосида амалга оширилади;
Академиянинг тузилмаси, штатлар жадвали, қабул параметрлари, абитуриентларни қабул қилиш тартиби ва қоидалари, Академияда ўқитишнинг тўлов-контракт қиймати ҳамда педагог кадрларнинг меҳнатига ҳақ тўлаш миқдори Муассис билан келишилган ҳолда Академия томонидан тасдиқланади;
Академияда ўқитиш Ўзбекистон Республикаси Давлат таълим стандартлари талабларини инобатга олган ҳолда кадрлар буюртмачиларининг эҳтиёжлари асосида ишлаб чиқилган ўқув режалари ва дастурларига мувофиқ амалга оширилади;
Академия битирувчиларига олий таълим ёки профессионал таълим тўғрисидаги ҳужжат сифатида тан олинадиган Ўзбекистон Республикасининг белгиланган намунадаги дипломи берилади.
4. Қуйидагилар:
Меҳнат ва ижтимоий муносабатлар академияси Васийлик кенгашининг таркиби 1-иловага мувофиқ;
Меҳнат ва ижтимоий муносабатлар академиясини ташкил этиш бўйича ташкилий комиссия таркиби 2-иловага мувофиқ тасдиқлансин.
5. Қуйидагилар Васийлик кенгашининг асосий вазифалари этиб белгилансин:
таълим жараёнини, талабаларнинг ўқув ҳамда ишлаб чиқариш амалиётини самарали ташкил этиш ва такомиллаштириш, таълим сифатини тизимли равишда ошириш, Академия битирувчиларини ишга жойлаштириш;
Академия фаолиятининг жадал ривожланишини таъминлаш учун хайрия ва техник кўмак маблағларини (грантларни) жалб этиш;
Академиянинг моддий-техник, ўқув-методик базасини мустаҳкамлаш, ижтимоий инфратузилмасини яхшилашга кўмаклашиш, уни замонавий ўқув-лаборатория ускуналари ва ўқув-методик адабиётлар билан жиҳозлаш;
илмий ишланмалар натижаларини ҳаётга самарали жорий этиш, таълим ва илм-фан соҳасида халқаро ҳамкорлик ўрнатиш ва уни ривожлантириш;
талабаларни, энг аввало, етим болалар ва ота-она қарамоғидан маҳрум бўлган болаларни ижтимоий ҳимоя қилишни таъминлаш, талабаларнинг яшаш шароитларини яхшилаш ва яшаш жойларида бўш вақтларидан самарали фойдаланишини ташкил этиш, шунингдек, уларнинг дам олиши учун зарур шарт-шароитлар яратишга кўмаклашиш;
истиқболли талабаларни танлов асосида соҳага ихтисослашган хориждаги бошқа етакчи таълим ташкилотларига стажировка ўташга юбориш учун танлаб олишни ҳамда уларга хорижда таҳсил олиш учун махсус стипендиялар ажратишни ташкил этиш.
6. Ташкилий комиссияга (Мусаев) Академия фаолиятини ташкил этиш ишларини бошқариш, унинг тўлақонли фаолият юритиши билан боғлиқ ташкилий, молиявий, ҳуқуқий, иқтисодий, ўқув-методик, моддий-техник таъминот ва бошқа масалаларни ҳал қилиш вазифаси юклансин.
7. Муассиснинг қуйидаги мажбуриятларни ўз зиммасига олиши тўғрисидаги таклифи маъқуллансин:
Академиянинг бино ва иншоотларини қуриш, реконструкция қилиш, капитал таъмирлаш ҳамда жиҳозлаш;
Академияни замонавий лаборатория ускуналари, ўқув ва илмий адабиётлар, мебель, компьютер техникаси билан таъминлаш ҳамда ўқув жараёнига замонавий ахборот-коммуникация технологияларини жорий этиш;
Академияни танлов асосида малакали профессор-ўқитувчилар билан тўлдириш;
ҳар йили 20 нафардан кам бўлмаган, Академияга кириш имтиҳонларида юқори балл тўплаган, Ижтимоий реестрга киритилган оилаларнинг фарзандларини бепул (Муассис гранти асосида) ўқишга қабул қилиш.
8. Муассис Олий ва ўрта махсус таълим вазирлиги билан биргаликда:
икки ой муддатда Академиянинг таъсис ҳужжатларини ишлаб чиқсин ва тасдиқласин, шунингдек, Академияни белгиланган тартибда давлат рўйхатидан ўтказсин;
Академиянинг танлов асосида малакали профессор-ўқитувчилар билан тўлдирилишини таъминласин.
9. Қуйидагилар Академия фаолиятини молиялаштириш манбалари этиб белгилансин:
тўлов-контракт асосида ўқитишдан тушадиган маблағлар;
хўжалик фаолияти бўйича ва шартнома асосида кўрсатиладиган хизматлардан тушумлар;
жисмоний ва юридик шахсларнинг ҳомийлик хайриялари;
халқаро ва хорижий ташкилотларнинг грантлари;
Муассиснинг маблағлари;
қонунчилик ҳужжатлари билан тақиқланмаган бошқа манбалар.
10. Камбағалликни қисқартириш ва бандлик вазирлиги Академия буюртмаларига биноан, ўрнатилган тартибда хорижий мутахассисларнинг (Ўзбекистон Республикаси фуқаролари орасида бундай мутахассислар бўлмаган тақдирда) Ўзбекистон Республикаси ҳудудида меҳнат фаолиятини амалга ошириш ҳуқуқига тасдиқномалар берилишини (муддати узайтирилишини) таъминласин.
11. Вазирлар Маҳкамаси бир ой муддатда Академияни жойлаштириш учун Муассисга бино ажратиш чораларини кўрсин.
12. Академия:
босма ва китоб маҳсулотлари (ҳуқуқий, ижтимоий-сиёсий ва иқтисодий нашрлар)нинг бепул нусхаларини (бир нусхада) оладиган ташкилотлар рўйхатига;
Миллий статистика қўмитаси, шунингдек, бошқа вазирлик ва идораларнинг статистик ахборотлари мажбурий юбориладиган рўйхатга киритилсин.
13. Олий ва ўрта махсус таълим вазирлиги Адлия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
14. Мазкур қарорнинг ижросини назорат қилиш Ўзбекистон Республикаси Президентининг маслаҳатчиси Ш.Ш. Миноваров ва Ўзбекистон Республикаси Бош вазирининг ўринбосари Б.А. Мусаев зиммасига юклансин.
Ўзбекистон Республикаси Президентининг 2021 йил 23 августдаги ПҚ-5227-сон қарорига 1-ИЛОВА
Меҳнат ва ижтимоий муносабатлар академияси Васийлик кенгашининг
1. Қ.М. Рафиков — Ўзбекистон касаба уюшмалари федерацияси Кенгаши раиси, Васийлик кенгаши раиси 2. Лавозим бўйича — Васийлик кенгаши раиси ўринбосари 3. И.И. Норқулов — иқтисодий тараққиёт ва камбағалликни қисқартириш вазирининг биринчи ўринбосари 4. А.Ҳ. Камилов — ташқи ишлар вазири 5. Р.Қ. Давлетов — адлия вазири 6. Н.Б. Хусанов — бандлик ва меҳнат муносабатлари вазири 7. А.М. Хаджибаев — соғлиқни сақлаш вазири 8. А.Ҳ. Тошкулов — олий ва ўрта махсус таълим вазири 9. Ш.Х. Шерматов — халқ таълими вазири 10. Р.Т. Маматов — маҳалла ва оилани қўллаб-қувватлаш вазири 11. Ш.М. Садиков — ахборот технологиялари ва коммуникацияларини ривожлантириш вазири 12. И.Ю. Абдурахмонов — инновацион ривожланиш вазири 13. Б.И. Закиров — қурилиш вазири 14. А.С. Султанов — энергетика вазири 15. И.Р. Махкамов — транспорт вазири 16. Б.В. Гулямов — Саноат хавфсизлиги давлат қўмитаси раиси 17. А.И. Максудов — Экология ва атроф-муҳитни муҳофаза қилиш давлат қўмитаси раиси 18. Б.Ф. Исламов — Давлат геология ва минерал ресурслар қўмитаси раиси 19. А.Х. Саидов — Инсон ҳуқуқлари бўйича Миллий марказ директори 20. Ш.Б. Умурзаков — «Ўзавтосаноат» АЖ бошқаруви раиси 21. Х.Н. Хасилов — «Ўзбекистон темир йўллари» АЖ бошқаруви раиси в.б. 22. Р.Ҳ.Пирматов — «Ўзбекистон металлургия комбинати» АЖ бошқаруви раиси 23. А.Х. Хурсанов — «Олмалиқ кон-металлургия комбинати» АЖ бошқаруви раиси 24. К.С. Санакулов — «Навоий кон-металлургия комбинати» давлат корхонаси бош директори 25. У.Н. Ташкенбаев — Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғи 26. У.А. Тешабаева — Алишер Навоий номидаги Ўзбекистон Миллий кутубхонаси директори 27. Лавозимига кўра — Меҳнат ва ижтимоий муносабатлар академияси ректори, Васийлик кенгаши котиби
Ўзбекистон Республикаси Президентининг 2021 йил 23 августдаги ПҚ-5227-сон қарорига 2-ИЛОВА
Меҳнат ва ижтимоий муносабатлар академиясини ташкил этиш бўйича ташкилий комиссия
1. Б.А. Мусаев — Бош вазир ўринбосари, Ташкилий комиссия раиси 2. Қ.М. Рафиков — Ўзбекистон касаба уюшмалари федерацияси Кенгаши раиси, ташкилий комиссия раиси ўринбосари 3. Б.Х. Маҳмадалиев — Ўзбекистон касаба уюшмалари федерацияси Кенгаши раиси ўринбосари 4. А.Ҳ. Тошкулов — олий ва ўрта махсус таълим вазири 5. Н.Б. Хусанов — бандлик ва меҳнат муносабатлари вазири 6. Б.И. Закиров — қурилиш вазири 7. Ш.М. Садиков — ахборот технологиялари ва коммуникацияларини ривожлантириш вазири 8. И.Ю. Абдурахмонов — инновацион ривожланиш вазири 9. Б.В. Гулямов — Саноат хавфсизлиги давлат қўмитаси раиси 10. Ж.А. Артикходжаев — Тошкент шаҳар ҳокими 11. И.И. Норқулов — иқтисодий тараққиёт ва камбағалликни қисқартириш вазирининг биринчи ўринбосари 12. Ф.Н. Арзиев — ташқи ишлар вазирининг биринчи ўринбосари 13. А.Ш. Иноятов — соғлиқни сақлаш вазирининг биринчи ўринбосари 14. У.Н. Ташкенбаев — Вазирлар Маҳкамаси ҳузуридаги Таълим сифатини назорат қилиш давлат инспекцияси бошлиғи 15. Ф.К. Умаров — Давлат солиқ қўмитаси ҳузуридаги Кадастр агентлиги директори 16. Н.У. Касимов — Вазирлар Маҳкамаси бош мутахассиси, Ташкилий комиссия котиби
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 август,
ПҚ-5227-сон
Oʻzbekiston Respublikasi Prezidentining
Qarori
TARKIBI
TARKIBI
Mehnat va ijtimoiy munosabatlar akademiyasini tashkil etish toʻgʻrisida
Soʻnggi yillarda mamlakatimizda oliy taʼlimni rivojlantirish, taʼlim jarayoniga ilgʻor pedagogik texnologiyalarni joriy etish, kadrlarni tayyorlash sifatini oshirish, taʼlim, ilm-fan va ishlab chiqarishni integratsiya qilishning taʼsirchan mexanizmlarini yaratishga yoʻnaltirilgan keng koʻlamli chora-tadbirlar amalga oshirilmoqda.
Shu bilan birga, mehnat va ijtimoiy munosabatlar sohasidagi kadrlar yetarli bilim va koʻnikmalarga ega emasligi, mehnat muhofazasi normalariga amal qilish boʻyicha profilaktik ishlarning toʻgʻri yoʻlga qoʻyilmaganligi oqibatida ishlab chiqarish jarayonida koʻplab baxtsiz hodisalar roʻy bermoqda.
Mehnat huquqi yoʻnalishi boʻyicha mutaxassislarning yetishmasligi natijasida mehnat qonunchiligi sohasidagi qonun buzilishi holatlari soni ortib bormoqda. Jumladan, kasaba uyushmalari tomonidan har yili ushbu masalaga oid oʻrtacha 28 mingga yaqin murojaatlar koʻrib chiqiladi.
Mehnat sharoitlarining sanitariya qoidalari normalari va gigiyena normativlariga javob berishini aniqlash boʻyicha zarur bilim va koʻnikmalarga ega kadrlarning yetishmasligi bois, xodimlarning kasb kasalliklariga chalinish darajasi yuqoriligicha qolmoqda.
Respublikada mehnat tibbiyoti mutaxassisliklari boʻyicha kadrlar yetarli miqdorda tayyorlanmayotganligi sababli kasb kasalliklarini davolash va profilaktika qilish ishlari lozim darajada amalga oshirilmayapti.
Shuningdek, sohada tizimli ilmiy izlanishlar oʻtkazilmayotganligi, asoslangan taklif va tavsiyalar yetishmasligi tufayli mehnat munosabatlari sohasiga oid oʻz yechimini kutayotgan qator masalalar saqlanib qolmoqda.
Mehnat va ijtimoiy munosabatlar sohasida xalqaro talablar va standartlarga muvofiq malakali kadrlarni tayyorlash, iqtisodiyot tarmoqlarining oliy maʼlumotli mutaxassislarga boʻlgan ehtiyojlarini qondirish, sohaga oid muammolarni ilmiy va amaliy jihatdan tadqiq etish maqsadida:
1. Oʻzbekiston kasaba uyushmalari Federatsiyasi (keyingi oʻrinlarda — Muassis) hamda Oliy va oʻrta maxsus taʼlim vazirligining Mehnat va ijtimoiy munosabatlar akademiyasini (keyingi oʻrinlarda — Akademiya) tashkil etish toʻgʻrisidagi taklifi maʼqullansin.
2. Quyidagilar Akademiyaning asosiy vazifalari va faoliyat yoʻnalishlari etib belgilansin:
zamonaviy innovatsion va ilmiy-pedagogik texnologiyalarni, fan va texnikaning eng soʻnggi yutuqlarini qoʻllagan holda, mehnat va ijtimoiy munosabatlar sohasida talab yuqori boʻlgan kasblar, yoʻnalishlar va mutaxassisliklar boʻyicha malakali kadrlarni tayyorlash;
taʼlimning tegishli yoʻnalishlari va mutaxassisliklari boʻyicha oʻquv-metodik adabiyotlarni yaratish, talabalar va yosh mutaxassislarni jalb qilgan holda fundamental va ilmiy-amaliy tadqiqotlar olib borish, taʼlim tizimiga yetakchi xorijiy taʼlim tashkilotlari tajribasini joriy qilish;
mehnat va ijtimoiy munosabatlar sohasida kadrlar tayyorlash tizimini takomillashtirishga qaratilgan yangi taʼlim dasturlarini hamda oʻqitishning innovatsion shakllarini ishlab chiqish va joriy etish;
istiqbolli bitiruvchilarni xorijiy oliy taʼlim tashkilotlariga va ilmiy-tadqiqot markazlariga tegishlicha bakalavriat, magistratura hamda doktoranturada oʻqishga yuborish orqali Akademiyaning ilmiy-pedagogik salohiyatini oshirish, pedagogik texnologiyalar va oʻqitish uslublarini takomillashtirish;
xalqaro va milliy mehnat standartlari, mehnat huquqi, inson huquqlari, mehnat tibbiyoti, ijtimoiy himoya va mehnat muhofazasi yoʻnalishlari boʻyicha oliy malakali ilmiy-pedagogik kadrlarni tayyorlash hamda ilmiy-tadqiqot faoliyatini amalga oshirish;
taʼlim va ilmiy faoliyatning ishlab chiqarish sohasi bilan uzviy integratsiyalashuvi uchun zarur shart-sharoitlar yaratish;
ijtimoiy-mehnat munosabatlari mutaxassislari, kasaba uyushmalari tizimi hamda tibbiy profilaktika muassasalari xodimlarini zamonaviy talablar asosida qayta tayyorlash, malakasini oshirish, shuningdek, xalqaro va xorijiy tashkilotlarda tajriba orttirishini tashkil etish;
respublika va xorijdagi yetakchi taʼlim tashkilotlari, xalqaro tashkilotlar hamda ilmiy-tadqiqot markazlari bilan hamkorlikni rivojlantirish, ularning yetakchi mutaxassislarini taʼlim va ilmiy tadqiqot jarayonlariga jalb qilish, mehnat va ijtimoiy munosabatlar sohasidagi dolzarb masalalarni muhokama qilish boʻyicha xalqaro ilmiy-amaliy konferensiyalar, seminarlar va simpoziumlar tashkil etish;
professional taʼlim, bakalavriat, magistratura va oliy oʻquv yurtidan keyingi taʼlim yoʻnalishlari boʻyicha yetakchi xorijiy taʼlim tashkilotlari bilan qoʻshma taʼlim dasturlarini joriy etish;
Akademiyaning faoliyat yoʻnalishlari boʻyicha shartnoma asosida xizmatlar koʻrsatish, ushbu vazifalarni amalga oshirish uchun tashkiliy-huquqiy va innovatsion-investitsiyaviy tuzilmalarni tashkil etish.
3. Belgilansinki:
Akademiya qonunchilik hujjatlarida belgilab qoʻyilgan barcha taʼlim bosqichlarida faoliyat koʻrsatadigan nodavlat taʼlim tashkiloti hisoblanadi;
Akademiyada taʼlim faoliyati 2022/2023 oʻquv yilidan boshlanadi;
Akademiyada oʻqitish Oʻzbekiston Respublikasida amalda mavjud taʼlim shakllari boʻyicha oʻzbek, rus va ingliz tillarida toʻlov-kontrakt asosida amalga oshiriladi;
Akademiyaning tuzilmasi, shtatlar jadvali, qabul parametrlari, abituriyentlarni qabul qilish tartibi va qoidalari, Akademiyada oʻqitishning toʻlov-kontrakt qiymati hamda pedagog kadrlarning mehnatiga haq toʻlash miqdori Muassis bilan kelishilgan holda Akademiya tomonidan tasdiqlanadi;
Akademiyada oʻqitish Oʻzbekiston Respublikasi Davlat taʼlim standartlari talablarini inobatga olgan holda kadrlar buyurtmachilarining ehtiyojlari asosida ishlab chiqilgan oʻquv rejalari va dasturlariga muvofiq amalga oshiriladi;
Akademiya bitiruvchilariga oliy taʼlim yoki professional taʼlim toʻgʻrisidagi hujjat sifatida tan olinadigan Oʻzbekiston Respublikasining belgilangan namunadagi diplomi beriladi.
4. Quyidagilar:
Mehnat va ijtimoiy munosabatlar akademiyasi Vasiylik kengashining tarkibi 1-ilovaga muvofiq;
Mehnat va ijtimoiy munosabatlar akademiyasini tashkil etish boʻyicha tashkiliy komissiya tarkibi 2-ilovaga muvofiq tasdiqlansin.
5. Quyidagilar Vasiylik kengashining asosiy vazifalari etib belgilansin:
taʼlim jarayonini, talabalarning oʻquv hamda ishlab chiqarish amaliyotini samarali tashkil etish va takomillashtirish, taʼlim sifatini tizimli ravishda oshirish, Akademiya bitiruvchilarini ishga joylashtirish;
Akademiya faoliyatining jadal rivojlanishini taʼminlash uchun xayriya va texnik koʻmak mablagʻlarini (grantlarni) jalb etish;
Akademiyaning moddiy-texnik, oʻquv-metodik bazasini mustahkamlash, ijtimoiy infratuzilmasini yaxshilashga koʻmaklashish, uni zamonaviy oʻquv-laboratoriya uskunalari va oʻquv-metodik adabiyotlar bilan jihozlash;
ilmiy ishlanmalar natijalarini hayotga samarali joriy etish, taʼlim va ilm-fan sohasida xalqaro hamkorlik oʻrnatish va uni rivojlantirish;
talabalarni, eng avvalo, yetim bolalar va ota-ona qaramogʻidan mahrum boʻlgan bolalarni ijtimoiy himoya qilishni taʼminlash, talabalarning yashash sharoitlarini yaxshilash va yashash joylarida boʻsh vaqtlaridan samarali foydalanishini tashkil etish, shuningdek, ularning dam olishi uchun zarur shart-sharoitlar yaratishga koʻmaklashish;
istiqbolli talabalarni tanlov asosida sohaga ixtisoslashgan xorijdagi boshqa yetakchi taʼlim tashkilotlariga stajirovka oʻtashga yuborish uchun tanlab olishni hamda ularga xorijda tahsil olish uchun maxsus stipendiyalar ajratishni tashkil etish.
6. Tashkiliy komissiyaga (Musayev) Akademiya faoliyatini tashkil etish ishlarini boshqarish, uning toʻlaqonli faoliyat yuritishi bilan bogʻliq tashkiliy, moliyaviy, huquqiy, iqtisodiy, oʻquv-metodik, moddiy-texnik taʼminot va boshqa masalalarni hal qilish vazifasi yuklansin.
7. Muassisning quyidagi majburiyatlarni oʻz zimmasiga olishi toʻgʻrisidagi taklifi maʼqullansin:
Akademiyaning bino va inshootlarini qurish, rekonstruksiya qilish, kapital taʼmirlash hamda jihozlash;
Akademiyani zamonaviy laboratoriya uskunalari, oʻquv va ilmiy adabiyotlar, mebel, kompyuter texnikasi bilan taʼminlash hamda oʻquv jarayoniga zamonaviy axborot-kommunikatsiya texnologiyalarini joriy etish;
Akademiyani tanlov asosida malakali professor-oʻqituvchilar bilan toʻldirish;
har yili 20 nafardan kam boʻlmagan, Akademiyaga kirish imtihonlarida yuqori ball toʻplagan, Ijtimoiy reyestrga kiritilgan oilalarning farzandlarini bepul (Muassis granti asosida) oʻqishga qabul qilish.
8. Muassis Oliy va oʻrta maxsus taʼlim vazirligi bilan birgalikda:
ikki oy muddatda Akademiyaning taʼsis hujjatlarini ishlab chiqsin va tasdiqlasin, shuningdek, Akademiyani belgilangan tartibda davlat roʻyxatidan oʻtkazsin;
Akademiyaning tanlov asosida malakali professor-oʻqituvchilar bilan toʻldirilishini taʼminlasin.
9. Quyidagilar Akademiya faoliyatini moliyalashtirish manbalari etib belgilansin:
toʻlov-kontrakt asosida oʻqitishdan tushadigan mablagʻlar;
xoʻjalik faoliyati boʻyicha va shartnoma asosida koʻrsatiladigan xizmatlardan tushumlar;
jismoniy va yuridik shaxslarning homiylik xayriyalari;
xalqaro va xorijiy tashkilotlarning grantlari;
Muassisning mablagʻlari;
qonunchilik hujjatlari bilan taqiqlanmagan boshqa manbalar.
10. Kambagʻallikni qisqartirish va bandlik vazirligi Akademiya buyurtmalariga binoan, oʻrnatilgan tartibda xorijiy mutaxassislarning (Oʻzbekiston Respublikasi fuqarolari orasida bunday mutaxassislar boʻlmagan taqdirda) Oʻzbekiston Respublikasi hududida mehnat faoliyatini amalga oshirish huquqiga tasdiqnomalar berilishini (muddati uzaytirilishini) taʼminlasin.
11. Vazirlar Mahkamasi bir oy muddatda Akademiyani joylashtirish uchun Muassisga bino ajratish choralarini koʻrsin.
12. Akademiya:
bosma va kitob mahsulotlari (huquqiy, ijtimoiy-siyosiy va iqtisodiy nashrlar)ning bepul nusxalarini (bir nusxada) oladigan tashkilotlar roʻyxatiga;
Milliy statistika qoʻmitasi, shuningdek, boshqa vazirlik va idoralarning statistik axborotlari majburiy yuboriladigan roʻyxatga kiritilsin.
13. Oliy va oʻrta maxsus taʼlim vazirligi Adliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
14. Mazkur qarorning ijrosini nazorat qilish Oʻzbekiston Respublikasi Prezidentining maslahatchisi Sh.Sh. Minovarov va Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Oʻzbekiston Respublikasi Prezidentining 2021-yil 23-avgustdagi PQ-5227-son qaroriga 1-ILOVA
Mehnat va ijtimoiy munosabatlar akademiyasi Vasiylik kengashining
1. Q.M. Rafikov — Oʻzbekiston kasaba uyushmalari federatsiyasi Kengashi raisi, Vasiylik kengashi raisi 2. Lavozim boʻyicha — Vasiylik kengashi raisi oʻrinbosari 3. I.I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari 4. A.H. Kamilov — tashqi ishlar vaziri 5. R.Q. Davletov — adliya vaziri 6. N.B. Xusanov — bandlik va mehnat munosabatlari vaziri 7. A.M. Xadjibayev — sogʻliqni saqlash vaziri 8. A.H. Toshkulov — oliy va oʻrta maxsus taʼlim vaziri 9. Sh.X. Shermatov — xalq taʼlimi vaziri 10. R.T. Mamatov — mahalla va oilani qoʻllab-quvvatlash vaziri 11. Sh.M. Sadikov — axborot texnologiyalari va kommunikatsiyalarini rivojlantirish vaziri 12. I.Yu. Abduraxmonov — innovatsion rivojlanish vaziri 13. B.I. Zakirov — qurilish vaziri 14. A.S. Sultanov — energetika vaziri 15. I.R. Maxkamov — transport vaziri 16. B.V. Gulyamov — Sanoat xavfsizligi davlat qoʻmitasi raisi 17. A.I. Maksudov — Ekologiya va atrof-muhitni muhofaza qilish davlat qoʻmitasi raisi 18. B.F. Islamov — Davlat geologiya va mineral resurslar qoʻmitasi raisi 19. A.X. Saidov — Inson huquqlari boʻyicha Milliy markaz direktori 20. Sh.B. Umurzakov — “Oʻzavtosanoat” AJ boshqaruvi raisi 21. X.N. Xasilov — “Oʻzbekiston temir yoʻllari” AJ boshqaruvi raisi v.b. 22. R.H.Pirmatov — “Oʻzbekiston metallurgiya kombinati” AJ boshqaruvi raisi 23. A.X. Xursanov — “Olmaliq kon-metallurgiya kombinati” AJ boshqaruvi raisi 24. K.S. Sanakulov — “Navoiy kon-metallurgiya kombinati” davlat korxonasi bosh direktori 25. U.N. Tashkenbayev — Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi 26. U.A. Teshabayeva — Alisher Navoiy nomidagi Oʻzbekiston Milliy kutubxonasi direktori 27. Lavozimiga koʻra — Mehnat va ijtimoiy munosabatlar akademiyasi rektori, Vasiylik kengashi kotibi
Oʻzbekiston Respublikasi Prezidentining 2021-yil 23-avgustdagi PQ-5227-son qaroriga 2-ILOVA
Mehnat va ijtimoiy munosabatlar akademiyasini tashkil etish boʻyicha tashkiliy komissiya
1. B.A. Musayev — Bosh vazir oʻrinbosari, Tashkiliy komissiya raisi 2. Q.M. Rafikov — Oʻzbekiston kasaba uyushmalari federatsiyasi Kengashi raisi, tashkiliy komissiya raisi oʻrinbosari 3. B.X. Mahmadaliyev — Oʻzbekiston kasaba uyushmalari federatsiyasi Kengashi raisi oʻrinbosari 4. A.H. Toshkulov — oliy va oʻrta maxsus taʼlim vaziri 5. N.B. Xusanov — bandlik va mehnat munosabatlari vaziri 6. B.I. Zakirov — qurilish vaziri 7. Sh.M. Sadikov — axborot texnologiyalari va kommunikatsiyalarini rivojlantirish vaziri 8. I.Yu. Abduraxmonov — innovatsion rivojlanish vaziri 9. B.V. Gulyamov — Sanoat xavfsizligi davlat qoʻmitasi raisi 10. J.A. Artikxodjayev — Toshkent shahar hokimi 11. I.I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari 12. F.N. Arziyev — tashqi ishlar vazirining birinchi oʻrinbosari 13. A.Sh. Inoyatov — sogʻliqni saqlash vazirining birinchi oʻrinbosari 14. U.N. Tashkenbayev — Vazirlar Mahkamasi huzuridagi Taʼlim sifatini nazorat qilish davlat inspeksiyasi boshligʻi 15. F.K. Umarov — Davlat soliq qoʻmitasi huzuridagi Kadastr agentligi direktori 16. N.U. Kasimov — Vazirlar Mahkamasi bosh mutaxassisi, Tashkiliy komissiya kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-avgust,
PQ-5227-son
Президента Республики Узбекистан
Постановление
СОСТАВ
СОСТАВ
Об образовании Академии труда и социальных отношений
В последние годы в стране осуществляются широкомасштабные меры, направленные на развитие высшего образования, внедрение передовых педагогических технологий в образовательный процесс, повышение качества подготовки кадров, а также создание действенных механизмов интеграции образования, науки и производства.
Вместе с тем вследствие отсутствия достаточных знаний и навыков у кадров сферы труда и социальных отношений, а также неправильной организации профилактической работы по соблюдению норм охраны труда происходит множество несчастных случаев в процессе производства.
В результате нехватки специалистов по направлению «Трудовое право» растет число правонарушений в сфере трудового законодательства. В частности, профессиональными союзами ежегодно рассматривается в среднем около 28 тысяч обращений по данному вопросу.
Вследствие нехватки кадров, обладающих необходимыми знаниями и навыками определения соответствия условий труда нормам санитарных правил и гигиеническим нормативам, уровень распространенности профессиональных заболеваний среди работников остается высоким.
По причине недостаточного количества подготавливаемых кадров по специальностям трудовой медицины работа по лечению и профилактике профессиональных заболеваний в республике ведется не на должном уровне.
Также из-за непроведения системных научных изысканий и нехватки обоснованных предложений и рекомендаций в сфере трудовых отношений остается ряд вопросов, ожидающих своего решения.
В целях подготовки квалифицированных кадров в сфере труда и социальных отношений в соответствии с международными требованиями и стандартами, удовлетворения потребностей отраслей экономики в специалистах с высшим образованием, а также научного и практического исследования проблем в данной сфере:
1. Одобрить предложение Федерации профсоюзов Узбекистана (далее — Учредитель) и Министерства высшего и среднего специального образования о создании Академии труда и социальных отношений (далее — Академия).
2. Определить основными задачами и направлениями деятельности Академии:
подготовку квалифицированных кадров по востребованным профессиям, направлениям и специальностям в сфере труда и социальных отношений с применением современных инновационных и научно-педагогических технологий, новейших достижений науки и техники;
создание учебно-методической литературы, проведение фундаментальных и научно-практических исследований с привлечением студентов и молодых специалистов по соответствующим направлениям и специальностям образования, внедрение опыта ведущих зарубежных образовательных организаций в систему образования;
разработку и внедрение новых образовательных программ и инновационных форм обучения, направленных на совершенствование системы подготовки кадров в сфере труда и социальных отношений;
повышение научно-педагогического потенциала, совершенствование педагогических технологий и методов обучения в Академии посредством направления перспективных выпускников на обучение в бакалавриат, магистратуру и докторантуру зарубежных высших образовательных организаций и научно-исследовательских центров соответственно;
подготовку научно-педагогических кадров высшей квалификации и осуществление научно-исследовательской деятельности по таким направлениям, как международные и национальные стандарты труда, трудовое право, права человека, трудовая медицина, социальная защита и охрана труда;
создание условий, необходимых для тесной интеграции образования и научной деятельности с производством;
организацию переподготовки, повышения квалификации и получения опыта в международных и зарубежных организациях специалистами по социальным и трудовым отношениям, работниками системы профсоюзов и учреждений медицинской профилактики на основе современных требований;
развитие сотрудничества с республиканскими и зарубежными ведущими образовательными и международными организациями, научно-исследовательскими центрами, привлечение их ведущих специалистов к образовательному и научно-исследовательскому процессам, организацию международных научно-практических конференций, семинаров и симпозиумов по обсуждению актуальных проблем в сфере труда и социальных отношений;
внедрение совместных образовательных программ с ведущими зарубежными образовательными организациями по направлениям профессионального образования, бакалавриата, магистратуры, а также послевузовского образования;
оказание услуг по направлениям деятельности Академии на договорной основе, создание организационно-правовых и инновационно-инвестиционных структур по выполнению данных задач.
3. Установить, что:
Академия является негосударственной образовательной организацией, осуществляющей деятельность на всех ступенях образования, определенных актами законодательства;
образовательная деятельность в Академии начинается с 2022/2023 учебного года;
обучение в Академии ведется на узбекском, русском и английском языках по действующим в Республике Узбекистан формам образования на платно-контрактной основе;
структура, штатное расписание, параметры приема, порядок и правила приема абитуриентов, стоимость обучения на платно-контрактной основе, а также размеры оплаты труда педагогических кадров Академии утверждаются Академией по согласованию с Учредителем;
обучение в Академии осуществляется в соответствии с учебными планами и программами, разработанными на основе потребности заказчиков кадров с учетом требований Государственных образовательных стандартов Республики Узбекистан;
выпускникам Академии выдается диплом установленного образца Республики Узбекистан, который признается документом о высшем образовании или профессиональном образовании.
4. Утвердить:
Состав Попечительского совета Академии труда и социальных отношений согласно приложению № 1 ;
Состав Организационной комиссии по созданию Академии труда и социальных отношений согласно приложению № 2 .
5. Определить основными задачами Попечительского совета:
эффективную организацию и совершенствование образовательного процесса, учебной и производственной практики студентов, повышение качества обучения на системной основе, трудоустройство выпускников Академии;
привлечение благотворительных средств и средств технического содействия (грантов) на обеспечение ускоренного развития деятельности Академии;
укрепление материально-технической и учебно-методической баз, содействие улучшению социальной инфраструктуры Академии, оснащение ее современным учебно-лабораторным оборудованием и учебно-методической литературой;
эффективное внедрение в жизнь результатов научных разработок, установление и развитие международного сотрудничества в сфере образования и науки;
обеспечение социальной защиты студентов, прежде всего детей-сирот и детей, оставшихся без попечения родителей, улучшение условий жизни студентов, организацию эффективного проведения свободного времени в местах их проживания, а также оказание содействия в создании необходимых условий для отдыха студентов;
организацию отбора на конкурсной основе перспективных студентов для направления в другие ведущие профильные зарубежные образовательные организации для прохождения стажировки, а также выделения им специальных стипендий для обучения за рубежом.
6. Возложить на Организационную комиссию (Мусаев) управление работой по организации деятельности Академии и решение организационных, финансовых, правовых, экономических, учебно-методических и иных задач, а также задачу материально-технического обеспечения, связанных с полноценным осуществлением ее деятельности.
7. Одобрить предложение Учредителя о возложении на него обязательств по:
строительству, реконструкции, капитальному ремонту и оснащению зданий и сооружений Академии;
обеспечению Академии современным лабораторным оборудованием, учебной и научной литературой, мебелью и компьютерной техникой, а также внедрению современных информационно-коммуникационных технологий в учебный процесс;
укомплектованию Академии квалифицированными профессорами-преподавателями на конкурсной основе;
ежегодному приему на учебу на бесплатной основе (по гранту Учредителя) не менее 20 детей из семей, включенных в Социальный реестр, набравших высокие баллы на вступительных экзаменах в Академию.
8. Учредителю совместно с Министерством высшего и среднего специального образования:
в двухмесячный срок разработать и утвердить учредительные документы Академии, а также провести государственную регистрацию Академии в установленном порядке;
обеспечить укомплектование Академии квалифицированными профессорами-преподавателями на конкурсной основе.
9. Определить источниками финансирования деятельности Академии:
средства, поступающие от обучения на платно-контрактной основе;
поступления от оказания услуг по хозяйственной деятельности и на договорной основе;
благотворительные пожертвования физических и юридических лиц;
гранты международных и зарубежных организаций;
средства Учредителя;
иные источники, не запрещенные актами законодательства.
10. Министерству занятости и сокращения бедности по заявкам Академии обеспечить выдачу (продление) в установленном порядке подтверждений зарубежным специалистам на право осуществления трудовой деятельности на территории Республики Узбекистан (при отсутствии таких специалистов среди граждан Республики Узбекистан).
11. Кабинету Министров в месячный срок принять меры по выделению Учредителю здания для размещения Академии.
12. Включить Академию в:
перечень организаций, получающих бесплатные контрольные экземпляры (в одном экземпляре) печатной и книжной продукции (правовые, общественно-политические и экономические издания);
реестр обязательной рассылки статистической информации Национального комитета Республики Узбекистан по статистике, а также иных министерств и ведомств.
13. Министерству высшего и среднего специального образования совместно с Министерством юстиции в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
14. Контроль за исполнением настоящего постановления возложить на советника Президента Республики Узбекистан Ш.Ш. Миноварова и заместителя Премьер-министра Республики Узбекистан Б.А. Мусаева.
ПРИЛОЖЕНИЕ № 1 к постановлению Президента Республики Узбекистан от 23 августа 2021 года № ПП-5227
Попечительского совета Академии труда и социальных отношений
1. К.М. Рафиков — председатель Совета Федерации профсоюзов Узбекистана, председатель Попечительского совета 2. По должности — заместитель председателя Попечительского совета 3. И.И. Норкулов — первый заместитель министра экономического развития и сокращения бедности 4. А.Х. Камилов — министр иностранных дел 5. Р.К. Давлетов — министр юстиции 6. Н.Б. Хусанов — министр занятости и трудовых отношений 7. А.М. Хаджибаев — министр здравоохранения 8. А.Х. Тошкулов — министр высшего и среднего специального образования 9. Ш.Х. Шерматов — министр народного образования 10. Р.Т. Маматов — министр по поддержке махалли и семьи 11. Ш.М. Садиков — министр по развитию информационных технологий и коммуникаций 12. И.Ю. Абдурахмонов — министр инновационного развития 13. Б.И. Закиров — министр строительства 14. А.С. Султанов — министр энергетики 15. И.Р. Махкамов — министр транспорта 16. Б.В. Гулямов — председатель Государственного комитета промышленной безопасности 17. А.И. Максудов — председатель Государственного комитета по экологии и охране окружающей среды 18. Б.Ф. Исламов — председатель Государственного комитета по геологии и минеральным ресурсам 19. А.Х. Саидов — директор Национального центра по правам человека 20. Ш.Б. Умурзаков — председатель правления АО « Узавтосаноат » 21. Х.Н. Хасилов — и.о. председателя правления АО « Узбекистон темир йуллари » 22. Р.Х. Пирматов — председатель правления АО «Узбекский металлургический комбинат» 23. А.Х. Хурсанов — председатель правления АО « Алмалыкский горно-металлургический комбинат » 24. К.С. Санакулов — генеральный директор государственного предприятия « Навоийский горно-металлургический комбинат » 25. У.Н. Ташкенбаев — начальник Государственной инспекции по надзору за качеством образования при Кабинете Министров 26. У.А. Тешабаева — директор Национальной библиотеки Узбекистана имени Алишера Навои 27. По должности — ректор Академии труда и социальных отношений, секретарь Попечительского совета
ПРИЛОЖЕНИЕ № 2 к постановлению Президента Республики Узбекистан от 23 августа 2021 года № ПП-5227
Организационной комиссии по созданию Академии труда и социальных отношений
1. Б.А. Мусаев — заместитель Премьер-министра, председатель Организационной комиссии 2. К.М. Рафиков — председатель Совета Федерации профсоюзов Узбекистана, заместитель председателя Организационной комиссии 3. Б.Х. Махмадалиев — заместитель председателя Совета Федерации профсоюзов Узбекистана 4. А.Х. Тошкулов — министр высшего и среднего специального образования 5. Н.Б. Хусанов — министр занятости и трудовых отношений 6. Б.И. Закиров — министр строительства 7. Ш.М. Садиков — министр по развитию информационных технологий и коммуникаций 8. И.Ю. Абдурахмонов — министр инновационного развития 9. Б.В. Гулямов — председатель Государственного комитета промышленной безопасности 10. Ж.А. Артыкходжаев — хоким города Ташкента 11. И.И. Норкулов — первый заместитель министра экономического развития и сокращения бедности 12. Ф.Н. Арзиев — первый заместитель министра иностранных дел 13. А.Ш. Иноятов — первый заместитель министра здравоохранения 14. У.Н. Ташкенбаев — начальник Государственной инспекции по надзору за качеством образования при Кабинете Министров 15. Ф.К. Умаров — директор Агентства по кадастру при Государственном налоговом комитете 16. Н.У. Касимов — главный специалист Кабинета Министров, секретарь Организационной комиссии
Президент Республики Узбекистан Ш. МИРЗИЁЕВ
г. Ташкент,
23 августа 2021 г.,
№ ПП-5227