📅 2021-yil 23-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 23 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 23 августа 2021 г. · Постановления Президента
Официальный текст. Официальный документ. Редакционные примечания не включены.
📅 23 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро кулолчилик форуми ва кулолчилик маҳсулотлари кўргазма-савдосини ўтказиш тўғрисида
Мамлакатимизда қадимдан ривожланиб келаётган кулолчилик анъаналарини асраб-авайлаш, тиклаш ва ривожлантириш, халқаро даражада кенг тарғиб қилиш, кулолчилик маҳсулотлари ишлаб чиқаришни кенгайтириш ва унинг экспортини ошириш, уста кулол ҳунармандларни ҳар томонлама қўллаб-қувватлаш, уста-шогирд мактаблари фаолиятини такомиллаштириш мақсадида:
1. 2022 йилдан бошлаб ҳар икки йилда бир марта сентябрь ойида Халқаро кулолчилик форуми ва кулолчилик маҳсулотлари кўргазма-савдоси (кейинги ўринларда — Форум) ҳамда унинг доирасида илмий-амалий конференция, кўрик-танлов, тақдимот ва намойишлар, кўргазма-савдолар, театрлашган концерт-томоша дастурлари, маданий-маърифий ва тарғибот-ташвиқот тадбирлари ўтказиб борилсин.
Белгилансинки:
Форум ҳар икки йилда бир марта сентябрь ойида Қўқон шаҳрида ўтказиладиган Халқаро ҳунармандчилик фестивали билан уйғун ҳолда;
дастлабки Форум ва унинг доирасида «Анъанавий кулолчиликни сақлаш ва уни ривожлантириш: муаммо ва ечимлар» мавзусидаги халқаро илмий-амалий конференция 2022 йил сентябрь ойида Фарғона вилоятининг Риштон туманида Қўқон шаҳрида ўтказиладиган II Халқаро ҳунармандчилик фестивали кунлари ташкил этилади.
2. Халқаро ҳунармандчилик фестивалини ташкил этиш ва ўтказиш бўйича Ташкилий қўмита (кейинги ўринларда — Ташкилий қўмита) тузилганлиги маълумот учун қабул қилинсин, шунингдек, ушбу Ташкилий қўмита Форумни ташкил этиш ва ўтказиш бўйича ҳам Ташкилий қўмита ҳисоблансин.
3. Ташкилий қўмитага (А.А. Абдухакимов):
Форумни юқори бадиий савияда ўтказиш, белгиланган вазифаларни ўз вақтида ва сифатли бажариш, бу борада масъул вазирлик, идора ва ташкилотлар фаолиятини мувофиқлаштириш;
Форум совриндорларига топшириладиган диплом ва сертификатлар намуналарини тайёрлаш ҳамда тасдиқлаш;
Форумни ташкил этиш ва ўтказиш билан боғлиқ бошқа масалаларни ҳал этиш вазифалари юклансин.
4. Белгилансинки:
а) Форум Ташкилий қўмита томонидан Ўзбекистон Республикаси Президенти Администрацияси билан келишилган ҳолда келгусида босқичма-босқич республиканинг бошқа ҳудудларида ўтказилиши мумкин;
б) Форум бевосита (офлайн) ёки аралаш шаклда (офлайн-онлайн) ўтказилиши мумкин;
в) 2022 йилдан кейин Форумни ташкил этиш бўйича «йўл харитаси» «Ҳунарманд» уюшмаси томонидан ишлаб чиқилади ҳамда уни ўтказишдан камида 6 ой олдин белгиланган тартибда Вазирлар Маҳкамаси томонидан тасдиқланади;
г) Форумга тайёргарлик кўриш ва уни ўтказиш билан боғлиқ харажатлар Ташкилий қўмита томонидан ишлаб чиқиладиган ва белгиланган тартибда тасдиқланган смета асосида қуйидаги тартибда:
Форумга тайёргарлик кўриш билан боғлиқ барча харажатлар Форум ўтказиладиган жой сифатида белгиланган ҳудуд маҳаллий бюджетининг қўшимча манбалари, жисмоний ва юридик шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар ҳисобидан;
Форумни ўтказиш билан боғлиқ харажатларнинг 50 фоизи — Вазирлар Маҳкамасининг захира жамғармаси маблағлари ҳисобидан, 50 фоизи — Форум ўтказиш белгиланган ҳудуд маҳаллий бюджетининг қўшимча манбалари, жисмоний ва юридик шахсларнинг ҳомийлик хайриялари ҳамда қонунчилик ҳужжатлари билан тақиқланмаган бошқа манбалар ҳисобидан қопланади.
5. Шундай тартиб ўрнатилсинки, унга мувофиқ Форум ҳамда Ўзбекистон Республикаси Президенти қарорлари билан ташкил этилган бошқа халқаро маданий тадбирлар доирасида:
а) 2022 йил 1 мартга қадар Форум расмий веб-сайти ишга туширилади, жумладан унда ҳунармандчилик маҳсулотлари ва бошқа эсдалик совғалари реализацияси ташкил этилади ҳамда веб-сайт электрон савдо платформалари билан интеграция қилинади.
Форум расмий веб-сайти орқали ҳунармандчилик маҳсулотлари ва бошқа эсдалик совғалари реализация қилинганда 2024 йил 1 октябрга қадар давлат харидларини амалга оширишда тўғридан-тўғри шартномалар тузишга рухсат берилади. Бунда, давлат буюртмачилари тўғридан-тўғри шартномалар тузилганлиги тўғрисидаги ахборотни шартнома тузилган пайтдан эътиборан уч иш куни ичида махсус ахборот порталига жойлаштириши шарт;
б) музей дўконлари, эсдалик совғалари савдо тармоқларининг вакиллари, халқаро харидорлар, машҳур коллекционерлар тадбирларга таклиф этилади, уларнинг Ўзбекистонга келиб-кетиши ва бўлиши билан боғлиқ харажатларини қоплаш ушбу халқаро маданий тадбирларнинг сметасида назарда тутилади. Бунда, уларнинг рўйхати тегишли халқаро тадбирларнинг ташкилий қўмитаси томонидан тасдиқланади;
в) қонунчиликда хорижга олиб чиқиб кетиш учун бадиий экспертизадан ўтказилиши талаб этиладиган ҳунармандчилик маҳсулотлари ва бошқа эсдалик совғалари улар сотиб олинган кунда тадбирлар ўтказилаётган жойнинг ўзида тўлов ундирилмасдан бадиий экспертизадан ўтказилади.
Ташкилий қўмита (А.А. Абдухакимов) ушбу бандда белгиланган вазифалар амалга оширилишини ташкил қилсин, Форум расмий веб-сайтини яратиш билан боғлиқ харажатларни Форумнинг харажатлар сметасида назарда тутсин.
6. Фарғона вилояти ҳокимлиги (Х.Х. Бозаров) Савдо-саноат палатаси (А.И. Икрамов), «Ҳунарманд» уюшмаси (У.Т. Абдуллаев), Туризм ва спорт вазирлиги (У.А. Азамов) билан биргаликда уч ой муддатда Форумни ўтказиш тартиби тўғрисидаги низомни ҳамда Форумни 2022 йилда ташкил этиш бўйича «йўл харитаси»ни ишлаб чиқсин ва тасдиқлаш учун Вазирлар Маҳкамасига киритсин.
7. Ташқи ишлар вазирлиги (А.Х. Камилов):
хорижий давлатлардан кулолчилик фаолияти билан шуғулланувчи ташкилотлар, маҳоратли кулоллар, амалий санъат усталари, соҳа олимлари ва мутахассислари, фахрий меҳмонларни Форумга таклиф этишда ташкилотчиларга амалий ёрдам кўрсатсин;
Савдо-саноат палатаси, «Ҳунарманд» уюшмасининг виза талабномаларига биноан Форумнинг хорижий иштирокчилари учун кириш визаларининг белгиланган тартибда расмийлаштирилишини таъминласин.
8. Маданият вазирлиги (О.А. Назарбеков) Савдо-саноат палатаси (А.И. Икрамов), «Ҳунарманд» уюшмаси (У.Т. Абдуллаев) ва Ёзувчилар уюшмаси (С.С. Саидов) билан биргаликда Форумнинг тантанали очилиш маросимини ҳар томонлама пухта ва бадиий жиҳатдан бетакрор усулда ўтказиш учун юксак профессионал маҳорат ва тажрибага эга бўлган сценарийнавис ва режиссёрлар, ёзувчи ва шоирлар, ҳунармандлар, саҳналаштирувчи рассомлар, истеъдодли санъаткорларнинг белгиланган тартибда кенг жалб этилишини таъминласин.
9. Форум ўтказиладиган жой сифатида белгиланган ҳудуд инобатга олинган ҳолда тегишли равишда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, жумладан 2022 йилда ўтказиладиган Форум бўйича Фарғона вилояти ҳокимлиги (Х.Х. Бозаров):
а) тегишли ҳудудларда кенг кўламли ободонлаштириш ва кўкаламзорлаштириш ишлари амалга оширилишини, Форум ўтказиладиган саҳна майдонлари ҳамда жойларнинг талаб даражасида тайёрланишини;
б) Савдо-саноат палатаси, «Ҳунарманд» уюшмаси, Маданият вазирлиги, Ташқи ишлар вазирлиги, Туризм ва спорт вазирлиги, Кинематография агентлиги ва Бадиий академия билан биргаликда:
Форум доирасида тадбирлар ўтказиладиган ҳудудда кулолчилик санъатига оид турли кўргазмалар, кулолчилик буюмлари, қадимий кулолчилик дастгоҳлари ва маҳсулотларини яратиш жараёнлари, кулолчиликка оид бадиий ва ҳужжатли фильмлар, китоблар, альбомлар, фотосуратлар намойиши ва уларнинг сотуви ташкил этилишини;
Форум доирасида театрлаштирилган томошалар, аския ва қизиқчилар, фольклор ва дорбозлик жамоаларининг томоша дастурлари намойиш этилишини;
Форум дастури ишлаб чиқилишини ва Форум бошланишидан уч ой олдин туристик ташкилотларга тақдим этилишини, Интернет тармоғи ва ижтимоий тармоқларда жойлаштирилишини;
Форумнинг туризм календарь режасига киритилишини ҳамда унга хорижий меҳмонлар ва сайёҳлар жалб қилинишини;
в) Туризм ва спорт вазирлиги, Савдо-саноат палатаси билан биргаликда Форум қатнашчилари ва меҳмонлар учун меҳмонхоналардан жой ажратилишини таъминласин.
10. Қуйидагилар:
Фарғона вилояти ҳокимлиги (Х.Х. Бозаров) Маданият вазирлиги, Ташқи ишлар вазирлиги, ЮНЕСКО ишлари бўйича Ўзбекистон Республикаси миллий комиссияси, «Ҳунарманд» уюшмаси билан биргаликда 2022 йил якунига қадар миллий ҳунармандчиликнинг кулолчилик йўналишларини ЮНЕСКОнинг Номоддий маданий мерос рўйхатига киритишга тавсия этиш бўйича;
Фарғона, Бухоро, Самарқанд, Қашқадарё, Навоий вилоятлари ва Тошкент шаҳар ҳокимликлари «Ҳунарманд» уюшмаси, Ташқи ишлар вазирлиги билан биргаликда 2025 йил якунига қадар тегишлича ҳунармандчиликнинг ҳудудда ривожланган йўналишини инобатга олиб, Риштон, Марғилон, Бухоро, Самарқанд, Тошкент, Шаҳрисабз ва Нурота шаҳарларини Жаҳон ҳунармандлари шаҳри мақомини олишга тавсия этиш бўйича чора-тадбирларни амалга оширсин.
Белгилаб қўйилсинки, ушбу бандда назарда тутилган тадбирлар халқаро ташкилотлар билан ҳамкорликда хорижий эксперт ва малакали мутахассисларни жалб этган ҳолда маҳаллий бюджет маблағлари ҳисобидан амалга оширилади.
11. Транспорт вазирлиги (И.Р. Махкамов) Форум қатнашчиларини Савдо-саноат палатаси ва «Ҳунарманд» уюшмаси буюртмаларига мувофиқ, белгиланган тартибда авиа ва темир йўл чипталари билан таъминласин.
12. Тошкент шаҳар ҳокимлиги (Ж.А. Артикходжаев) Савдо-саноат палатаси (А.И. Икрамов) ва «Ҳунарманд» уюшмаси (У.Т. Абдуллаев) билан биргаликда Форумга ташриф буюрувчи хорижий меҳмонлар ва қатнашчиларни кутиб олиш, жойлаштириш ва уларни Форум ўтказиладиган ҳудудга юборишни ташкил этсин.
13. Соғлиқни сақлаш вазирлиги (А.М. Хаджибаев) Форум ўтказиладиган жойларда ва ушбу тадбирлар давомида тез тиббий ёрдам пунктларини ташкил этсин ҳамда санитария нормалари, қоидалари ва гигиена нормативларига қатъий риоя қилинишини назорат қилсин.
14. Ўзбекистон Миллий ахборот агентлиги (А.К. Кўчимов), Ўзбекистон Миллий телерадиокомпанияси (А.Ж. Хаджаев), «Дунё» ахборот агентлиги (С.Л. Суяров) ва бошқа оммавий ахборот воситалари Форумга тайёргарлик кўриш ва уни ўтказиш бўйича амалга оширилаётган ишларни кенг ёритиб боришни ташкил этсин.
15. Мазкур қарорнинг ижросини самарали ташкил қилишга масъул ва шахсий жавобгар этиб Савдо-саноат палатаси раиси А.И. Икрамов ҳамда «Ҳунарманд» уюшмаси раиси У.Т. Абдуллаев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари А.А. Абдухакимов ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 23 август,
ПҚ-5229-сон
Oʻzbekiston Respublikasi Prezidentining
Qarori
Xalqaro kulolchilik forumi va kulolchilik mahsulotlari koʻrgazma-savdosini oʻtkazish toʻgʻrisida
Mamlakatimizda qadimdan rivojlanib kelayotgan kulolchilik anʼanalarini asrab-avaylash, tiklash va rivojlantirish, xalqaro darajada keng targʻib qilish, kulolchilik mahsulotlari ishlab chiqarishni kengaytirish va uning eksportini oshirish, usta kulol hunarmandlarni har tomonlama qoʻllab-quvvatlash, usta-shogird maktablari faoliyatini takomillashtirish maqsadida:
1. 2022-yildan boshlab har ikki yilda bir marta sentabr oyida Xalqaro kulolchilik forumi va kulolchilik mahsulotlari koʻrgazma-savdosi (keyingi oʻrinlarda — Forum) hamda uning doirasida ilmiy-amaliy konferensiya, koʻrik-tanlov, taqdimot va namoyishlar, koʻrgazma-savdolar, teatrlashgan konsert-tomosha dasturlari, madaniy-maʼrifiy va targʻibot-tashviqot tadbirlari oʻtkazib borilsin.
Belgilansinki:
Forum har ikki yilda bir marta sentabr oyida Qoʻqon shahrida oʻtkaziladigan Xalqaro hunarmandchilik festivali bilan uygʻun holda;
dastlabki Forum va uning doirasida “Anʼanaviy kulolchilikni saqlash va uni rivojlantirish: muammo va yechimlar” mavzusidagi xalqaro ilmiy-amaliy konferensiya 2022-yil sentabr oyida Fargʻona viloyatining Rishton tumanida Qoʻqon shahrida oʻtkaziladigan II Xalqaro hunarmandchilik festivali kunlari tashkil etiladi.
2. Xalqaro hunarmandchilik festivalini tashkil etish va oʻtkazish boʻyicha Tashkiliy qoʻmita (keyingi oʻrinlarda — Tashkiliy qoʻmita) tuzilganligi maʼlumot uchun qabul qilinsin, shuningdek, ushbu Tashkiliy qoʻmita Forumni tashkil etish va oʻtkazish boʻyicha ham Tashkiliy qoʻmita hisoblansin.
3. Tashkiliy qoʻmitaga (A.A. Abduxakimov):
Forumni yuqori badiiy saviyada oʻtkazish, belgilangan vazifalarni oʻz vaqtida va sifatli bajarish, bu borada masʼul vazirlik, idora va tashkilotlar faoliyatini muvofiqlashtirish;
Forum sovrindorlariga topshiriladigan diplom va sertifikatlar namunalarini tayyorlash hamda tasdiqlash;
Forumni tashkil etish va oʻtkazish bilan bogʻliq boshqa masalalarni hal etish vazifalari yuklansin.
4. Belgilansinki:
a) Forum Tashkiliy qoʻmita tomonidan Oʻzbekiston Respublikasi Prezidenti Administratsiyasi bilan kelishilgan holda kelgusida bosqichma-bosqich respublikaning boshqa hududlarida oʻtkazilishi mumkin;
b) Forum bevosita (oflayn) yoki aralash shaklda (oflayn-onlayn) oʻtkazilishi mumkin;
v) 2022-yildan keyin Forumni tashkil etish boʻyicha “yoʻl xaritasi” “Hunarmand” uyushmasi tomonidan ishlab chiqiladi hamda uni oʻtkazishdan kamida 6 oy oldin belgilangan tartibda Vazirlar Mahkamasi tomonidan tasdiqlanadi;
g) Forumga tayyorgarlik koʻrish va uni oʻtkazish bilan bogʻliq xarajatlar Tashkiliy qoʻmita tomonidan ishlab chiqiladigan va belgilangan tartibda tasdiqlangan smeta asosida quyidagi tartibda:
Forumga tayyorgarlik koʻrish bilan bogʻliq barcha xarajatlar Forum oʻtkaziladigan joy sifatida belgilangan hudud mahalliy budjetining qoʻshimcha manbalari, jismoniy va yuridik shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan;
Forumni oʻtkazish bilan bogʻliq xarajatlarning 50 foizi — Vazirlar Mahkamasining zaxira jamgʻarmasi mablagʻlari hisobidan, 50 foizi — Forum oʻtkazish belgilangan hudud mahalliy budjetining qoʻshimcha manbalari, jismoniy va yuridik shaxslarning homiylik xayriyalari hamda qonunchilik hujjatlari bilan taqiqlanmagan boshqa manbalar hisobidan qoplanadi.
5. Shunday tartib oʻrnatilsinki, unga muvofiq Forum hamda Oʻzbekiston Respublikasi Prezidenti qarorlari bilan tashkil etilgan boshqa xalqaro madaniy tadbirlar doirasida:
a) 2022-yil 1-martga qadar Forum rasmiy veb-sayti ishga tushiriladi, jumladan unda hunarmandchilik mahsulotlari va boshqa esdalik sovgʻalari realizatsiyasi tashkil etiladi hamda veb-sayt elektron savdo platformalari bilan integratsiya qilinadi.
Forum rasmiy veb-sayti orqali hunarmandchilik mahsulotlari va boshqa esdalik sovgʻalari realizatsiya qilinganda 2024-yil 1-oktabrga qadar davlat xaridlarini amalga oshirishda toʻgʻridan-toʻgʻri shartnomalar tuzishga ruxsat beriladi. Bunda, davlat buyurtmachilari toʻgʻridan-toʻgʻri shartnomalar tuzilganligi toʻgʻrisidagi axborotni shartnoma tuzilgan paytdan eʼtiboran uch ish kuni ichida maxsus axborot portaliga joylashtirishi shart;
b) muzey doʻkonlari, esdalik sovgʻalari savdo tarmoqlarining vakillari, xalqaro xaridorlar, mashhur kolleksionerlar tadbirlarga taklif etiladi, ularning Oʻzbekistonga kelib-ketishi va boʻlishi bilan bogʻliq xarajatlarini qoplash ushbu xalqaro madaniy tadbirlarning smetasida nazarda tutiladi. Bunda, ularning roʻyxati tegishli xalqaro tadbirlarning tashkiliy qoʻmitasi tomonidan tasdiqlanadi;
v) qonunchilikda xorijga olib chiqib ketish uchun badiiy ekspertizadan oʻtkazilishi talab etiladigan hunarmandchilik mahsulotlari va boshqa esdalik sovgʻalari ular sotib olingan kunda tadbirlar oʻtkazilayotgan joyning oʻzida toʻlov undirilmasdan badiiy ekspertizadan oʻtkaziladi.
Tashkiliy qoʻmita (A.A. Abduxakimov) ushbu bandda belgilangan vazifalar amalga oshirilishini tashkil qilsin, Forum rasmiy veb-saytini yaratish bilan bogʻliq xarajatlarni Forumning xarajatlar smetasida nazarda tutsin.
6. Fargʻona viloyati hokimligi (X.X. Bozarov) Savdo-sanoat palatasi (A.I. Ikramov), “Hunarmand” uyushmasi (U.T. Abdullayev), Turizm va sport vazirligi (U.A. Azamov) bilan birgalikda uch oy muddatda Forumni oʻtkazish tartibi toʻgʻrisidagi nizomni hamda Forumni 2022-yilda tashkil etish boʻyicha “yoʻl xaritasi”ni ishlab chiqsin va tasdiqlash uchun Vazirlar Mahkamasiga kiritsin.
7. Tashqi ishlar vazirligi (A.X. Kamilov):
xorijiy davlatlardan kulolchilik faoliyati bilan shugʻullanuvchi tashkilotlar, mahoratli kulollar, amaliy sanʼat ustalari, soha olimlari va mutaxassislari, faxriy mehmonlarni Forumga taklif etishda tashkilotchilarga amaliy yordam koʻrsatsin;
Savdo-sanoat palatasi, “Hunarmand” uyushmasining viza talabnomalariga binoan Forumning xorijiy ishtirokchilari uchun kirish vizalarining belgilangan tartibda rasmiylashtirilishini taʼminlasin.
8. Madaniyat vazirligi (O.A. Nazarbekov) Savdo-sanoat palatasi (A.I. Ikramov), “Hunarmand” uyushmasi (U.T. Abdullayev) va Yozuvchilar uyushmasi (S.S. Saidov) bilan birgalikda Forumning tantanali ochilish marosimini har tomonlama puxta va badiiy jihatdan betakror usulda oʻtkazish uchun yuksak professional mahorat va tajribaga ega boʻlgan ssenariynavis va rejissorlar, yozuvchi va shoirlar, hunarmandlar, sahnalashtiruvchi rassomlar, isteʼdodli sanʼatkorlarning belgilangan tartibda keng jalb etilishini taʼminlasin.
9. Forum oʻtkaziladigan joy sifatida belgilangan hudud inobatga olingan holda tegishli ravishda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, jumladan 2022-yilda oʻtkaziladigan Forum boʻyicha Fargʻona viloyati hokimligi (X.X. Bozarov):
a) tegishli hududlarda keng koʻlamli obodonlashtirish va koʻkalamzorlashtirish ishlari amalga oshirilishini, Forum oʻtkaziladigan sahna maydonlari hamda joylarning talab darajasida tayyorlanishini;
b) Savdo-sanoat palatasi, “Hunarmand” uyushmasi, Madaniyat vazirligi, Tashqi ishlar vazirligi, Turizm va sport vazirligi, Kinematografiya agentligi va Badiiy akademiya bilan birgalikda:
Forum doirasida tadbirlar oʻtkaziladigan hududda kulolchilik sanʼatiga oid turli koʻrgazmalar, kulolchilik buyumlari, qadimiy kulolchilik dastgohlari va mahsulotlarini yaratish jarayonlari, kulolchilikka oid badiiy va hujjatli filmlar, kitoblar, albomlar, fotosuratlar namoyishi va ularning sotuvi tashkil etilishini;
Forum doirasida teatrlashtirilgan tomoshalar, askiya va qiziqchilar, folklor va dorbozlik jamoalarining tomosha dasturlari namoyish etilishini;
Forum dasturi ishlab chiqilishini va Forum boshlanishidan uch oy oldin turistik tashkilotlarga taqdim etilishini, Internet tarmogʻi va ijtimoiy tarmoqlarda joylashtirilishini;
Forumning turizm kalendar rejasiga kiritilishini hamda unga xorijiy mehmonlar va sayyohlar jalb qilinishini;
v) Turizm va sport vazirligi, Savdo-sanoat palatasi bilan birgalikda Forum qatnashchilari va mehmonlar uchun mehmonxonalardan joy ajratilishini taʼminlasin.
10. Quyidagilar:
Fargʻona viloyati hokimligi (X.X. Bozarov) Madaniyat vazirligi, Tashqi ishlar vazirligi, YUNESKO ishlari boʻyicha Oʻzbekiston Respublikasi milliy komissiyasi, “Hunarmand” uyushmasi bilan birgalikda 2022-yil yakuniga qadar milliy hunarmandchilikning kulolchilik yoʻnalishlarini YUNESKOning Nomoddiy madaniy meros roʻyxatiga kiritishga tavsiya etish boʻyicha;
Fargʻona, Buxoro, Samarqand, Qashqadaryo, Navoiy viloyatlari va Toshkent shahar hokimliklari “Hunarmand” uyushmasi, Tashqi ishlar vazirligi bilan birgalikda 2025-yil yakuniga qadar tegishlicha hunarmandchilikning hududda rivojlangan yoʻnalishini inobatga olib, Rishton, Margʻilon, Buxoro, Samarqand, Toshkent, Shahrisabz va Nurota shaharlarini Jahon hunarmandlari shahri maqomini olishga tavsiya etish boʻyicha chora-tadbirlarni amalga oshirsin.
Belgilab qoʻyilsinki, ushbu bandda nazarda tutilgan tadbirlar xalqaro tashkilotlar bilan hamkorlikda xorijiy ekspert va malakali mutaxassislarni jalb etgan holda mahalliy budjet mablagʻlari hisobidan amalga oshiriladi.
11. Transport vazirligi (I.R. Maxkamov) Forum qatnashchilarini Savdo-sanoat palatasi va “Hunarmand” uyushmasi buyurtmalariga muvofiq, belgilangan tartibda avia va temir yoʻl chiptalari bilan taʼminlasin.
12. Toshkent shahar hokimligi (J.A. Artikxodjayev) Savdo-sanoat palatasi (A.I. Ikramov) va “Hunarmand” uyushmasi (U.T. Abdullayev) bilan birgalikda Forumga tashrif buyuruvchi xorijiy mehmonlar va qatnashchilarni kutib olish, joylashtirish va ularni Forum oʻtkaziladigan hududga yuborishni tashkil etsin.
13. Sogʻliqni saqlash vazirligi (A.M. Xadjibayev) Forum oʻtkaziladigan joylarda va ushbu tadbirlar davomida tez tibbiy yordam punktlarini tashkil etsin hamda sanitariya normalari, qoidalari va gigiyena normativlariga qatʼiy rioya qilinishini nazorat qilsin.
14. Oʻzbekiston Milliy axborot agentligi (A.K. Koʻchimov), Oʻzbekiston Milliy teleradiokompaniyasi (A.J. Xadjayev), “Dunyo” axborot agentligi (S.L. Suyarov) va boshqa ommaviy axborot vositalari Forumga tayyorgarlik koʻrish va uni oʻtkazish boʻyicha amalga oshirilayotgan ishlarni keng yoritib borishni tashkil etsin.
15. Mazkur qarorning ijrosini samarali tashkil qilishga masʼul va shaxsiy javobgar etib Savdo-sanoat palatasi raisi A.I. Ikramov hamda “Hunarmand” uyushmasi raisi U.T. Abdullayev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari A.A. Abduxakimov va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 23-avgust,
PQ-5229-son
Президента Республики Узбекистан
Постановление
О проведении Международного форума гончарного дела и выставки-продажи гончарной продукции
В целях бережного сохранения, возрождения, развития и широкой пропаганды на международном уровне издревле формирующихся в стране традиций гончарного дела, расширения производства и наращивания экспорта гончарной продукции, а также всесторонней поддержки искусных гончаров-ремесленников и совершенствования деятельности школ «уста-шогирд»:
1. Проводить начиная с 2022 года каждые два года в сентябре месяце Международный форум гончарного дела и выставку-продажу гончарной продукции (далее — Форум), а также в его рамках — научно-практическую конференцию, смотры-конкурсы, презентации и показы, выставки-продажи, театрализованные концертно-зрелищные программы, культурно-просветительские и пропагандистско-разъяснительные мероприятия.
Определить, что:
Форум организуется в созвучии с Международным фестивалем народно-прикладного искусства, проводимым в городе Коканде каждые два года в сентябре;
первый Форум и международная научно-практическая конференция в его рамках на тему «Сохранение и развитие традиционного гончарного дела: проблемы и решения» организуются в Риштанском районе Ферганской области в сентябре 2022 года в дни II Международного фестиваля народно-прикладного искусства, проводимого в городе Коканде.
2. Принять к сведению, что создан Организационный комитет по организации и проведению Международного фестиваля народно-прикладного искусства (далее — Организационный комитет), а также определить, что данный Организационный комитет является также Организационным комитетом по организации и проведению Форума.
3. Возложить на Организационный комитет (А.А. Абдухакимов) задачи по:
проведению Форума на высоком художественном уровне, своевременному и качественному выполнению определенных задач, осуществлению координации деятельности ответственных министерств, ведомств и организаций в данном направлении;
подготовке и утверждению образцов дипломов и сертификатов, вручаемых лауреатам Форума;
решению иных вопросов, связанных с организацией и проведением Форума.
4. Установить, что:
а) Форум в последующем может поэтапно проводиться Организационным комитетом в других регионах республики по согласованию с Администрацией Президента Республики Узбекистан;
б) Форум может проводиться непосредственно (офлайн) или в смешанной форме (офлайн-онлайн);
в) после 2022 года Ассоциацией «Хунарманд» разрабатывается «дорожная карта» по организации Форума, которая не менее чем за шесть месяцев до его проведения утверждается Кабинетом Министров в установленном порядке;
г) расходы, связанные с подготовкой и проведением Форума, покрываются на основе сметы, разрабатываемой и утверждаемой в установленном порядке Организационным комитетом, в следующем порядке:
все расходы, связанные с подготовкой к Форуму, — за счет дополнительных источников местного бюджета региона, определенного в качестве места проведения Форума, благотворительных пожертвований физических и юридических лиц, а также иных источников, не запрещенных актами законодательства;
расходы, связанные с проведением Форума, — 50 процентов за счет средств резервного фонда Кабинета Министров, 50 процентов — дополнительных источников местного бюджета региона, определенного в качестве места проведения Форума, благотворительных пожертвований физических и юридических лиц, а также иных источников, не запрещенных актами законодательства.
5. Установить порядок, в соответствии с которым в рамках Форума и иных международных культурных мероприятий, организованных в соответствии с постановлениями Президента Республики Узбекистан:
а) в срок до 1 марта 2022 года запускается официальный веб-сайт Форума, на котором организуется в том числе реализация продукции ремесленничества и иных памятных подарков, проводится также интеграция данного веб-сайта с электронными торговыми платформами.
При реализации продукции ремесленничества и иных памятных подарков посредством официального веб-сайта Форума разрешается на срок до 1 октября 2024 года заключение прямых договоров на осуществление государственных закупок. При этом государственные заказчики обязаны размещать информацию о заключении прямых договоров на специальном информационном портале в течение трех рабочих дней с момента заключения договоров;
б) представители музейных магазинов, сетей торговли памятными подарками, международные покупатели и известные коллекционеры приглашаются на мероприятия, расходы, связанные с их прибытием и убытием, пребыванием в Узбекистане, предусматриваются в смете расходов международных культурных мероприятий. При этом их списки утверждаются организационным комитетом соответствующих международных мероприятий;
в) художественная экспертиза продукции ремесленничества и иных памятных подарков, для вывоза которых за рубеж в соответствии с законодательством требуется проведение художественной экспертизы, проводится в день их приобретения без взимания платы непосредственно в местах проведения мероприятий.
Организационному комитету (А.А. Абдухакимов) организовать осуществление задач, определенных в настоящем пункте, предусмотреть в смете расходов Форума расходы, связанные с созданием официального веб-сайта Форума.
6. Хокимияту Ферганской области (Х.Х. Бозаров) совместно с Торгово-промышленной палатой (А.И. Икрамов), Ассоциацией «Хунарманд» (У.Т. Абдуллаев ) и Министерством туризма и спорта (У.А. Азамов) в трехмесячный срок разработать и внести на утверждение в Кабинет Министров Положение о порядке проведения Форума и «Дорожную карту» по организации Форума в 2022 году.
7. Министерству иностранных дел (А.Х. Камилов):
оказать практическую помощь организаторам в приглашении на Форум организаций, занимающихся гончарным делом, искусных гончаров, мастеров прикладного искусства, ученых и специалистов сферы, почетных гостей из зарубежных государств;
по визовым заявкам Торгово-промышленной палаты и Ассоциации «Хунарманд» обеспечить оформление въездных виз зарубежным участникам Форума в установленном порядке.
8. Министерству культуры (О.А. Назарбеков) совместно с Торгово-промышленной палатой (А.И. Икрамов), Ассоциацией «Хунарманд» (У.Т. Абдуллаев) и Союзом писателей (С.С. Саидов) обеспечить широкое привлечение в установленном порядке высокопрофессиональных и опытных сценаристов и режиссеров, писателей и поэтов, ремесленников, художников-постановщиков, талантливых деятелей искусства для всестороннего тщательного проведения церемонии торжественного открытия Форума с применением с художественной точки зрения неповторимых новаций.
9. Принимая во внимание особенности регионов, определенных в качестве мест проведения Форума, соответственно Совету Министров Республики Каракалпакстан, хокимиятам областей и города Ташкента, в частности хокимияту Ферганской области (Х.Х. Бозаров), в рамках предстоящего в 2022 году Форума обеспечить:
а) проведение широкомасштабных благоустроительных и озеленительных работ, подготовку сценических площадок и мест проведения Форума в соответствующих регионах на требуемом уровне;
б) совместно с Торгово-промышленной палатой, Ассоциацией «Хунарманд», Министерством культуры, Министерством иностранных дел, Министерством туризма и спорта, Агентством кинематографии и Академией художеств:
организацию на территории проведения мероприятий в рамках Форума различных выставок по гончарному искусству, демонстрации процессов изготовления гончарных изделий, древних гончарных станков и продукции, художественных и документальных фильмов, книг, альбомов и фотографий о гончарном деле, а также их продажи;
показ в рамках Форума театрализованных представлений, выступлений острословов и юмористов, фольклорных ансамблей и коллективов канатоходцев;
разработку и представление программы Форума туристским организациям за три месяца до начала Форума, размещение ее в сети Интернет и социальных сетях;
включение Форума в туристский календарный план и привлечение к нему зарубежных гостей и туристов;
в) совместно с Министерством туризма и спорта и Торгово-промышленной палатой — выделение номеров в гостиницах для участников и гостей Форума.
10. Возложить на:
хокимият Ферганской области (Х.Х. Бозаров) совместно с Министерством культуры, Министерством иностранных дел, Национальной комиссией Республики Узбекистан по делам ЮНЕСКО и Ассоциацией «Хунарманд» реализацию мер по рекомендации направлений гончарного дела национального ремесленничества для включения в список нематериального культурного наследия ЮНЕСКО до конца 2022 года;
хокимияты Ферганской, Бухарской, Самаркандской, Кашкадарьинской, Навоийской областей и города Ташкента совместно с Ассоциацией «Хунарманд» и Министерством иностранных дел реализацию мер по рекомендации соответственно городов Риштан, Маргилан, Бухара, Самарканд, Ташкент, Шахрисабз и Нурота для получения статуса Всемирного города ремесленников до конца 2025 года с учетом направления развития ремесленничества в регионе;
Определить, что мероприятия, предусмотренные в данном пункте, осуществляются совместно с международными организациями с привлечением зарубежных экспертов и квалифицированных специалистов за счет средств местных бюджетов.
11. Министерству транспорта (И.Р. Махкамов) по заявкам Торгово-промышленной палаты и Ассоциации «Хунарманд» обеспечить участников Форума авиа- и железнодорожными билетами в установленном порядке.
12. Хокимияту города Ташкента (Ж.А. Артикходжаев) совместно с Торгово-промышленной палатой (А.И. Икрамов) и Ассоциацией «Хунарманд» (У.Т. Абдуллаев) организовать прием, размещение и отправку зарубежных гостей и участников, прибывающих на Форум, в регион его проведения.
13. Министерству здравоохранения (А.М. Хаджибаев) организовать в местах проведения Форума пункты скорой медицинской помощи, а также осуществлять контроль за строгим соблюдением санитарных правил, норм и гигиенических нормативов в период проведения мероприятий.
14. Национальному информационному агентству Узбекистана (А.К. Кучимов), Национальной телерадиокомпании Узбекистана (А.Ж. Хаджаев), Информационному агентству «Дунё» (С.Л. Суяров) и другим средствам массовой информации организовать широкое освещение проводимой работы по подготовке и проведению Форума.
15. Возложить на председателя Торгово-промышленной палаты А.И. Икрамова и председателя Ассоциации «Хунарманд» У.Т. Абдуллаева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан А.А. Абдухакимова и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
23 августа 2021 г.,
№ ПП-5229