UzbekAI

Ўзбекистон Республикаси Вазирлар Маҳкамасининг

қарори

НИЗОМ

МЕЗОНЛАРИ

ТАРКИБИ

СХЕМАСИ

СХЕМАСИ

Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида» 2021 йил 11 мартдаги ПФ-6186-сон Фармони)

Ўзбекистон Республикаси Президентининг «Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида» 2021 йил 11 мартдаги ПФ-6186-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Ўзбекистон Республикаси Молия вазирлиги:

Иқтисодий тараққиёт ва камбағалликни қисқартириш вазирлиги билан биргаликда ушбу қарорнинг мазмун-моҳияти аҳоли ва тадбиркорлик субъектларига етказилишини таъминласин;

манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ҳамда Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров зиммасига юклансин.

Вазирлар Маҳкамасининг 2021 йил 23 августдаги 537-сон қарорига ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

1. Вазирлар Маҳкамасининг 2017 йил 11 августдаги 619-сон қарори билан тасдиқланган Ўзбекистон Республикаси Қуролли Кучларининг ҳарбий хизматчиларига турар жой сотиб олиш (қуриш) учун узоқ муддатли имтиёзли ипотека кредитлари ҳамда якка тартибда уй-жой қуриш учун ер участкалари бериш тартиби тўғрисидаги низомнинг 4 ва 5-бандлари қуйидаги таҳрирда баён қилинсин:

«4. Турар жой сотиб олиш (қуриш) учун ҳарбий хизматчилар томонидан ипотека кредити олинишида уй-жойнинг ҳисобланган қийматининг 25 фоизи миқдоридаги дастлабки бадал тегишли идоралар томонидан Ўзбекистон Республикаси Давлат бюджети маблағлари ва тегишли идораларнинг бюджетдан ташқари маблағлари ҳисобига киритилади.

Бунда сотиб олинадиган турар жойнинг шартномадаги қиймати уй-жойнинг ҳисобланган қийматидан кам бўлган тақдирда, дастлабки бадал шартномада кўрсатилган қийматнинг 25 фоизи миқдорида ажратилади.

5. Дастлабки бадал миқдори сотиб олинаётган (қурилаётган) уй-жойнинг ҳисобланган қийматининг 25 фоизидан ортиқ бўлмаслиги керак.

Сотиб олинаётган (қурилаётган) турар жой учун дастлабки бадал миқдори лойиҳа-смета ҳужжатлари белгиланган тартибда давлат экспертизасидан ўтказилиши натижалари бўйича унинг қийматидан келиб чиқиб аниқланади.

Бунда сотиб олинаётган (қурилаётган) турар жой қиймати ипотека кредити бўйича дастлабки бадал тўланаётган санада белгиланган уй-жойнинг ҳисобланган қийматидан ортиқ бўлмаслиги керак, қонунчилик ҳужжатларида белгиланган ҳолатлар бундан мустасно»;

2. Вазирлар Маҳкамасининг «Уй-жой сотиб олиш учун фуқароларга субсидия тўлаш тартиби тўғрисидаги низомни тасдиқлаш ҳақида» 2020 йил 25 мартдаги 182-сон қарорида :

а) қарор номи қуйидаги таҳрирда баён қилинсин:

«Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомни тасдиқлаш ҳақида»;

б) 1-банддан «(ёки)» сўзи чиқариб ташлансин;

в) 2-банд қуйидаги таҳрирда баён қилинсин:

«2. Қуйидагиларни назарда тутувчи Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисида низом иловага мувофиқ тасдиқлансин:

уй-жой сотиб олишга ипотека кредитининг бошланғич бадали ва фоизларнинг бир қисмини Ўзбекистон Республикаси Давлат бюджети маблағлари ҳисобидан қоплаб бериш;

якка тартибдаги уй-жойларга ажратилган ипотека кредитлари бўйича фоизларнинг бир қисмини Ўзбекистон Республикаси Давлат бюджети маблағлари ҳисобидан қоплаб бериш;

уй-жой шароитларини яхшилашга муҳтож бўлган фуқаролар томонидан субсидия олиш учун ариза бериш, ариза берувчини ижтимоий мезонлар бўйича баҳолаш;

туман (шаҳар)да уй-жой сотиб олиш ёки якка тартибдаги уй-жойларни қуриш ва реконструкция қилиш учун субсидия тўланадиган талабгорларни танлаш бўйича комиссиялар фаолиятини ташкил этиш ва ижтимоий мезонлар бўйича баҳолаш натижаларини кўриб чиқиш;

сотиб олинадиган ёки якка тартибдаги уй-жойларни қуриш ва реконструкция қилиш уй-жойларни аниқлаш, ажратиладиган ипотека кредити бўйича субсидияни ҳисоблаш, ипотека кредитини расмийлаштириш ва субсидияларни тўлаб бериш тартиби.»;

г) 3 1 -банднинг иккинчи хатбошисидаги «2021 йил 1 июлга» сўзлари «2021 йил 1 декабрга» сўзлари билан алмаштирилсин;

д) қуйидаги мазмундаги 3 2 -банд қўшилсин:

«3 2 . Белгилансинки, Ўзбекистон Республикаси Президентининг «Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида» 2021 йил 11 мартдаги ПФ-6186-сон Фармони қабул қилингунига қадар субсидия тақдим этиш тўғрисидаги хабарномаларни олган шахсларга ипотека кредитлари ва субсидиялар ажратишда 2020 йилда амалда бўлган шартлар ва миқдорлар сақлаб қолинади.

Ўзбекистон Республикаси Президентининг 2021 йил 11 мартдаги ПФ-6186-сон Фармони қабул қилинганидан сўнг субсидия олиш учун мурожаат қилган ариза берувчининг даромадларига у билан бирга яшамаётган яқин қариндошларининг даромадлари ҳам киритилиб ҳисобланаётганлиги маълумот учун қабул қилинсин»;

е) 4-банднинг биринчи хатбошисидаги , 5 ва 7-бандлардаги «Иқтисодиёт ва саноат» сўзлари «Иқтисодий тараққиёт ва камбағалликни қисқартириш» сўзлари билан алмаштирилсин;

ж) 9-банддаги «иқтисодиёт ва саноат» сўзлари «иқтисодий тараққиёт ва камбағалликни қисқартириш» сўзлари билан алмаштирилсин;

з) илова қуйидаги таҳрирда баён қилинсин:

«Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисида

1-боб. Умумий қоидалар

1. Ушбу Низом:

Ўзбекистон Республикаси Президентининг «Ипотека кредити механизмларини такомиллаштиришга оид қўшимча чора-тадбирлар тўғрисида» 2019 йил 28 ноябрдаги ПФ-5886-сон Фармони асосида жорий этилган бозор тамойилларига асосланган ипотека кредитлари орқали аҳолини уй-жой билан таъминлашнинг янги тартиби (кейинги ўринларда — янги тартиб) доирасида кўп квартирали уй-жойлардаги квартираларни сотиб олиш учун ипотека кредити бўйича бошланғич бадал ва фоизларнинг бир қисмини;

Ўзбекистон Республикаси Президентининг «Бозор тамойилларига асосланган ипотека кредитларини ажратиш орқали аҳолини уй-жой билан таъминлашга оид қўшимча чора-тадбирлар тўғрисида» 2021 йил 11 мартдаги ПФ-6186-сон Фармони асосида якка тартибдаги уй-жойларга ажратилган ипотека кредитлари бўйича фоизларнинг бир қисмини қоплаш учун Ўзбекистон Республикаси Давлат бюджети (кейинги ўринларда — Давлат бюджети) маблағлари ҳисобига субсидия тақдим этиладиган Ўзбекистон Республикаси фуқароларини (кейинги ўринларда — фуқаролар), шу жумладан, даромади юқори бўлмаган ва уй-жой шароитларини яхшилашга муҳтож бўлган фуқароларни аниқлаш мезонлари, субсидияларни ҳисоблаш ва тўлаш тартибини белгилайди.

2. Ушбу Низомда қуйидаги асосий тушунчалардан фойдаланилади:

ариза берувчи — ипотека кредитлари бўйича бошланғич бадал ва фоиз харажатларининг бир қисмини қоплаш учун субсидия олиш мақсадида ариза билан мурожаат қилувчи 18 ёшга тўлган Ўзбекистон Республикаси фуқароси;

баллар — уй-жойга муҳтож фуқароларни аниқлаш ва уларнинг ижтимоий устуворлигини белгилаш учун фойдаланиладиган ижтимоий мезонлар бўйича баҳолар тўплами;

бошланғич бадал — Қорақалпоғистон Республикаси, вилоятлар шаҳарлари ва Тошкент шаҳрида (кейинги ўринларда — шаҳарлар) ва туман маъмурий марказларига туташ ҳудудларда (кейинги ўринларда — қишлоқ жойлар) бирламчи уй-жой бозорида сотиб олинадиган квартира қийматининг 15 фоизидан кам бўлмаган миқдордаги маблағ;

даромади юқори бўлмаган оила — қонун ҳужжатларига мувофиқ аниқланиши мумкин бўлган ўртача ойлик даромадлар миқдори:

қишлоқ жойларда белгиланган меҳнатга ҳақ тўлашнинг энг кам миқдорининг (кейинги ўринларда — МҲТЭКМ) 3,0 бараваридан 6,9 бараваригача;

Қорақалпоғистон Республикаси ва вилоятлар шаҳарларида белгиланган МҲТЭКМнинг 3,0 бараваридан 8,0 бараваригача;

Тошкент шаҳрида белгиланган МҲТЭКМнинг 3,0 бараваридан 9,2 бараваригача бўлган оилалар;

ижтимоий мезонлар — уй-жой шароитини яхшилашга муҳтож фуқароларни аниқлашда қўлланиладиган ушбу Низомга 1-иловада келтирилган асосий кўрсаткичлар;

иштирок этувчи тижорат банклари — фуқаролар томонидан бирламчи бозорда танланган уй-жойларни сотиб олишга ёки якка тартибдаги уй-жойларни қуриш ва реконструкция қилишга ипотека кредитини тақдим этувчи тижорат банклари;

комиссия — тегишли туман (шаҳар) ҳокими қарори билан тасдиқланган туман (шаҳар)да субсидия тўланадиган фуқароларни танлаб олиш бўйича ушбу Низомга 3-иловага мувофиқ намунавий таркибда шакллантириладиган комиссия;

субсидия — ипотека кредитлари асосида:

квартира сотиб олиш учун бошланғич бадал ва кредит фоизининг бир қисмини;

якка тартибдаги уй-жойларни қуриш ва реконструкция қилиш учун кредит фоизининг бир қисмини қоплаш мақсадида Давлат бюджетидан фуқаро учун банкда унинг номига очилган тегишли ҳисобварағига ўтказилган маблағ;

бошланғич бадал учун субсидия — талабгорга шаҳарларда ва қишлоқ жойларда қурилган квартирани ипотека кредити асосида сотиб олишда бошланғич бадалнинг бир қисмини қоплаш учун уй-жой ҳисобланган қийматининг 10 фоизи миқдорида Давлат бюджетидан талабгор номига банкда очилган тегишли ҳисобварағига ўтказилган маблағ;

фоиз учун субсидия — талабгорга шаҳарларда ва қишлоқ жойларда қурилган квартирани сотиб олишда ёки якка тартибдаги уй-жойларни қуриш ва реконструкция қилишда ипотека кредити фоизининг бир қисмини қоплаш учун Давлат бюджетидан талабгорнинг банкда очилган тегишли ҳисобварағига биринчи 5 йил давомида ўтказиладиган маблағ;

талабгор — ипотека кредитлари бўйича субсидия бериш тўғрисида ижобий хабарномани олган ариза берувчи;

уй-жой — пудрат ташкилотлари томонидан ўз маблағлари, банк кредити ва қонунчилик ҳужжатларида тақиқланмаган бошқа манбалар ҳисобидан қурилган бирламчи уй-жой бозоридаги квартиралар ҳамда фуқаро билан тузилган шартнома доирасида унга умрбод эгалик қилиш ҳуқуқи асосида ажратилган ер участкасида қурилган (реконструкция қилинган) якка тартибдаги уй-жойлар;

уй-жойнинг ҳисобланган қиймати — ҳар йили келгуси йил учун бирламчи бозордаги уй-жойларни сотиб олишга ажратилиши мумкин бўлган ипотека кредитлари ва Ўзбекистон Республикаси Давлат бюджетидан бошланғич бадалнинг бир қисмини қоплашга ажратиладиган субсидиянинг юқори миқдорларини белгилаш мақсадида квартира хоналари сонидан қатъи назар унинг бир квадрат метрининг тегишли ҳудуддаги ўртача бозор қиймати ҳамда майдонининг энг кўп меъёридан келиб чиқиб аниқланадиган қиймат;

хабарнома — туман (шаҳар) Давлат хизматлари маркази ёки Ягона интерактив давлат хизматлари портали орқали ариза берувчига юбориладиган ушбу Низомга 2 ва 2а-иловаларга мувофиқ Ўзбекистон Республикаси Давлат бюджетидан субсидия бериш ёки уни беришни рад этиш тўғрисида комиссиянинг QR-кодга эга бўлган қарори.

3. Ушбу Низом доирасида аҳолига ипотека кредитлари бозор шартлари асосида белгиланадиган фоиз ставкаларида:

шаҳарлар ва қишлоқ жойларда бирламчи бозордаги квартираларни сотиб олиш;

якка тартибдаги уй-жойларни қуриш ва реконструкция қилиш учун ажратилади.

4. Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги ҳамда Қурилиш вазирлиги ҳар йили келгуси йил учун квартира хоналари сонидан қатъи назар унинг бир квадрат метрининг тегишли ҳудуддаги ўртача бозор қиймати ҳамда майдонининг энг кўп меъёридан келиб чиқиб уй-жойнинг ҳисобланган қийматини аниқлайди.

Уй-жойнинг ҳисобланган қиймати қуйидаги мақсадларда қўлланилади:

Ўзбекистон Республикаси Молия вазирлиги томонидан тижорат банкларига ажратилган маблағлар ҳисобидан бирламчи бозордаги уй-жойларни сотиб олишга ёки якка тартибдаги уй-жойларни қуриш ва реконструкция қилишга ажратилиши мумкин бўлган ипотека кредитларининг;

шаҳарларда ва қишлоқ жойларда талабгорлар учун Давлат бюджетидан бошланғич бадалнинг бир қисмини қоплашга ажратиладиган субсидиянинг юқори миқдорларини белгилаш.

5. Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари шаҳар ва қишлоқ жойларда белгиланган тартибда тасдиқланган субсидиялар тўлашнинг мақсадли параметрларидан келиб чиқиб субсидияларни туман (шаҳар)лар бўйича қурилган уй-жойлар сонига мутаносиб равишда тақсимлаш ва зарур ҳолларда қайта тақсимлаш бўйича қарор қабул қилади.

Субсидиялар субсидия тўлашнинг мақсадли параметрларида белгиланган ҳудуддаги қурилган уй-жойлар учун йўналтирилади.

Шунингдек, субсидия фуқароларга рўйхатга олинган доимий яшаш жойи бўлган ҳудуд (Қорақалпоғистон Республикаси, вилоятлар ва Тошкент шаҳар) доирасида ажратилади.

Қорақалпоғистон Республикаси ва вилоятлар шаҳарларига ажратилган субсидиялар ушбу ҳудуддаги аҳоли томонидан белгиланган тақсимот доирасида туман ва/ёки шаҳардан олиши мумкин, агар қонун ҳужжатларида бошқача тартиб белгиланмаган бўлса.

Шу билан бирга, Қорақалпоғистон Республикаси Вазирлар Кенгаши Раиси ва вилоятлар ҳокимларининг субсидияларни тақсимлаш бўйича қарорларида шаҳар ва қишлоқ жойларда қуриладиган ва реконструкция қилинадиган якка тартибдаги уй-жойлар сони ҳам инобатга олинади.

6. Ўзбекистон Республикаси Молия вазирлиги, Иқтисодий тараққиёт ва камбағалликни қисқартириш вазирлиги, Қурилиш вазирлиги туман (шаҳар) ҳокимликлари билан биргаликда шаҳар ва қишлоқ жойларда қурилиши режалаштирилаётган уй-жойлар сони, субсидия тўланадиган фуқароларни танлаб олиш мезонлари, субсидия сони ва умумий ҳажми ҳамда бериш тартиби ва шартларини кўрсатган ҳолда интернет тармоқлари ва оммавий ахборот воситалари орқали белгиланган муддатда эълон беради.

7. Ариза берувчи томонидан тақдим этилган ариза асосида ижтимоий мезонларга мос келишини аниқлаш ва баҳолаш қуйидаги масъул ташкилотларнинг туман (шаҳар) бўлимлари (кейинги ўринларда — масъул ташкилотлар) томонидан амалга оширилади:

ўрганиб чиқиш жараёнида доимий иштирок этувчи масъул ташкилотлар — ички ишлар бўлими (бошқармаси), ер тузиш ва кўчмас мулк кадастри давлат корхонаси, давлат солиқ инспекцияси, молия бўлими ва иштирок этувчи тижорат банклари;

ўрганиб чиқиш жараёнида фуқаронинг антека-аризасида кўрсатилган маълумотлардан келиб чиқиб, ушбу маълумотларни баҳолаш учун иштирок этувчи масъул ташкилотлар — тиббиёт бирлашмаси, аҳоли бандлигига кўмаклашиш маркази, маҳалла ва оилани қўллаб-қувватлаш бўлимлари, ёшлар ишлари агентлигининг туман (шаҳар) бўлими ва туман (шаҳар) ҳокимлиги.

8. Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш ушбу Низомга 4-иловага мувофиқ схема бўйича амалга оширилади.

2-боб. Субсидия олиш учун ариза бериш тартиби

9. Шаҳар ва қишлоқ жойларда қурилган бирламчи бозордаги квартираларни сотиб олишга ёки якка тартибдаги уй-жойларни қуриш ва реконструкция қилишга ажратилган ипотека кредитлари бўйича субсидия тўланадиган талабгорларни танлаш комиссия ва масъул ташкилотлар томонидан қонунийлик, шаффофлик, адолат ва ҳаққонийлик тамойиллари асосида амалга оширилади.

10. Ариза берувчи ипотека кредитлари бўйича субсидия олиш учун исталган туман (шаҳар) Давлат хизматлари марказига ўзи келиб мурожаат этади ёки Ягона интерактив давлат хизматлари портали (кейинги ўринларда — ЯИДХП)да давлат хизматидан электрон тарзда фойдаланиш учун рўйхатдан ўтади.

Ўзи келиб мурожаат этганда Давлат хизматлари маркази ходими ариза берувчи номидан, ЯИДХП орқали мурожаат қилинганда эса ариза берувчи мустақил равишда ушбу Низомга 5-иловага мувофиқ давлат хизматидан фойдаланиш учун анкета-аризани электрон тарзда тўлдиради ва қуйидаги ҳужжатларни электрон тарзда илова қилади ёки маълумотларни тақдим этади:

а) жисмоний шахснинг шахсий идентификация рақами маълумотлари;

б) оила аъзоларининг (жисмоний шахснинг) шахсий идентификация рақами маълумотлари ва никоҳ қайд этилганлиги гувоҳномаси (тўлиқ оила ва никоҳ ҳамда вояга етган фарзандлар мавжуд бўлган тақдирда) ва (ёки) фарзандлар туғилганлиги ҳақидаги гувоҳномалар (вояга етмаган фарзандлар бор бўлган тақдирда) нусхалари;

в) белгиланган тартибда никоҳ бекор қилинганлиги ҳақидаги гувоҳнома ёки никоҳ ҳақиқий эмас деб тан олинганлиги тўғрисида суд қарори (никоҳ қайд этилган ҳолатда) ёки оилавий ҳолати тўғрисида фуқаролик ҳолати далолатномаларини ёзиш органлари архивидан маълумотнома нусхаси (никоҳ қайд этилмаган ҳолатда);

г) доимий яшаш жойи бўйича рўйхатга олинган жойидан кадастр рақами ва турига тегишли маълумотлар (агар турар жойи доимий яшаш жойи бўйича рўйхатга олинган жойи билан тўғри келса);

д) доимий яшаш жойи бўйича рўйхатга олинган жойидан уй дафтарининг ёки квартиралар бўйича карточканинг (17-шакл) нусхаси (агар турар жойи доимий яшаш жойи бўйича рўйхатга олинган жойи билан тўғри келса);

е) ариза берувчи ва биргаликда қарз олувчиларнинг даромади ва ушлаб қолинган даромад солиқлари тўғрисидаги маълумотнома (қўшимча даромадлар бўлса солиқ декларацияси).

Ариза берувчидан ушбу бандда кўрсатилмаган маълумот ва ҳужжатларни талаб қилиш қатъиян тақиқланади.

Бунда субсидия олиш учун мурожаат қилган ариза берувчидан «Ижтимоий ҳимоя ягона реестри» ахборот тизими орқали олиш мумкин бўлган ҳужжатларни (маълумотларни) талаб қилиш ман этилади.

Меҳнат мигрантлари номидан ипотека кредитлари бўйича субсидия олиш тўғрисидаги аризани унинг оила аъзолари бериши мумкин.

Давлат хизматлари маркази ва ЯИДХП орқали кўрсатиладиган хизматлар ариза берувчиларга тўловларсиз амалга оширилади.

11. Ариза берувчи томонидан ипотека кредитлари бўйича субсидия олиш учун ариза йил давомида топширилиши мумкин.

12. Ариза берувчи туман (шаҳар) Давлат хизматлари маркази ёки ЯИДХП орқали тақдим этиладиган ҳужжатлар ва уларда кўрсатилган маълумотларнинг ишончлилиги ва ҳаққонийлиги учун жавоб беради.

13. ЯИДХП орқали мурожаат этилган тақдирда, ариза берувчи анкета-аризага асосан зарур бўлган маълумотларни ўзи киритади.

3-боб. Масъул ташкилотлар томонидан ариза берувчини ижтимоий мезонлар бўйича баҳолаш тартиби

14. Давлат хизматлари марказлари сўровнома тўлдирилган вақтдан бошлаб бир соат мобайнида уни ушбу Низомнинг 7-бандида назарда тутилган масъул ташкилотларга электрон тарзда юборади.

ЯИДХП орқали мурожаат қилинганда сўровнома автоматик тарзда ушбу Низомнинг 7-бандида назарда тутилган масъул ташкилотларга юборилади.

Ариза берувчининг аризаси у рўйхатга олинган доимий яшаш жойидаги туман ёки шаҳар комиссияси томонидан кўриб чиқилади.

15. Давлат хизматлари марказлари, комиссия ҳамда масъул ташкилотлар ўртасида ахборот алмашинуви электрон рақамли имзони (кейинги ўринларда — ЭРИ) мажбурий тартибда қўллаш орқали фақат идоралараро ўзаро электрон боғланиш ёрдамида амалга оширилади.

Масъул ташкилотлар ўн иш кунида ариза берувчининг ижтимоий мезонларга мувофиқлигини, тақдим этилган ҳужжатлар асосида, ташкилотларда мавжуд маълумотлар базаси билан солиштирган ҳолда ўрганиб чиқади ва ЯИДХПда онлайн электрон шаклда қуйидаги маълумотларни:

тиббиёт бирлашмаси — ариза берувчи ва унинг оила аъзолари орасида сурункали касалликнинг оғир турларидан азоб чекувчи ва Соғлиқни сақлаш вазирлиги томонидан тасдиқланган рўйхатга мувофиқ алоҳида хонада яшашга муҳтож бўлган шахслар, биринчи гуруҳ ногиронлиги бўлган шахсларнинг, ёлғиз ўзи оғир ногиронликка олиб келувчи касалликка чалинган болани парваришлаётган аёлларнинг мавжудлигини;

ички ишлар бўлими (бошқарма) — ариза берувчининг бошқа оилалар билан бир уйда (бир квартирада) яшашини;

молия бўлими — тақдим этиладиган субсидияларнинг миқдори бўйича ажратилган маблағларнинг мавжудлигини;

давлат солиқ инспекцияси — солиқ тўловчининг идентификация рақами, турар жойда ижара шартлари асосида яшаши ҳамда ариза берувчи ва ушбу Низомнинг 16-бандида келтирилган шахсларнинг (аризада кўрсатилган ҳолатларда) даромадларини;

аҳоли бандлигига кўмаклашиш маркази — ариза берувчининг кам таъминланганлиги, «Меҳнат — миграция» дастурида рўйхатдан ўтганлиги ҳамда хорижда вақтинчалик меҳнат фаолиятини амалга ошираётганлигини (оширганлигини);

туман (шаҳар) ер тузиш ва кўчмас мулк кадастри давлат корхонаси — ариза берувчида, шу жумладан, унинг турмуш ўртоғи ва фарзандларида мулк ҳуқуқи билан турар жойнинг бор-йўқлиги, яшаш учун яроқсиз турар жойда яшаши, уй-жой умумий майдонининг бир шахс учун қонун ҳужжатларида назарда тутилган ижтимоий нормага мувофиқ эмаслигини;

туман (шаҳар) маҳалла ва оилани қўллаб-қувватлаш бўлимлари –ариза берувчининг оғир ижтимоий вазиятга тушиб қолган хотин-қизлар, ногиронлиги бўлган, кам таъминланган, фарзандларини тўлиқсиз оилада тарбиялаётган ва уй-жой шароитини яхшилашган муҳтож оналар тоифасига мансублигини;

ёшлар ишлари агентлигининг туман (шаҳар) бўлими — ариза берувчининг алоҳида намуна кўрсатаётган ёш оилалар тоифасига мансублигини;

туман (шаҳар) ҳокимлиги — ариза берувчининг етим болалар ва ота-онасининг қарамоғидан маҳрум бўлган болалар тоифасига мансублигини;

иштирок этувчи тижорат банклари — ариза берувчи фуқаро (биргаликда қарз олувчи)нинг ажратиладиган ипотека кредити бўйича тўлов қобилияти, унга ажратилиши мумкин бўлган ипотека кредити ва сотиб олиши мумкин бўлган уй-жойнинг юқори қиймати, кредит ташкилотларидан аввалги олинган кредитлар бўйича муддати ўтган қарздорликларнинг мавжуд эмаслигини тасдиқлайди.

16. Агар ариза берувчининг ўртача ойлик даромадлари миқдори ушбу Низомнинг 2-бандида кўрсатилган меъёрлардан кам бўлса, унинг даромадлари ҳисоб-китобига хотини (эри), улар билан бир уйда биргаликда яшовчи ота-онаси ҳамда фарзандларининг (шу жумладан, асраб олинган фарзандлари) ёки у билан бирга яшамаётган яқин қариндошларининг даромадлари ҳам киритилиши мумкин.

Бунда ариза берувчининг ўртача ойлик даромадлари миқдорига яқин қариндошларининг ўртача ойлик даромадлари миқдори қўшилганда ва даромадлар миқдори ушбу Низомга 1-иловада кўрсатилган меъёрлардан ошиб кетган тақдирда, унинг фақат етмаган қисми инобатга олинади.

Яқин қариндошлар деганда ариза берувчининг ота-онаси, туғишган ва ўгай ака-укалари ва опа-сингиллари, эри (хотини), фарзандлари, шу жумладан, фарзандликка олинганлар, боболари, бувилари, неваралари, эр — хотиннинг ота-онаси тушунилади.

17. ЯИДХПда масъул ташкилотлар ўрганиб чиқиш натижаларига кўра киритилган маълумотлар асосида ариза берувчининг ижтимоий мезонларга мувофиқлиги автоматлаштирилган тарзда баллар кўринишида баҳоланади.

18. ЯИДХПда масъул ташкилотларнинг баҳолаш натижалари комиссияга ариза берувчи иштирокида муҳокама этиш учун юборилади.

4-боб. Комиссия фаолиятини ташкил этиш

19. Комиссия аъзолари жамоатчилик асосида ишлайдилар.

20. Комиссия унинг ваколатларига тегишли масалаларни комиссия раиси бошчилигида ўтказиладиган йиғилишларда кўриб чиқади.

21. Комиссия раиси:

комиссиянинг умумий фаолиятига раҳбарлик қилади, унинг иш режаси бажарилиши юзасидан доимий назоратни амалга оширади;

комиссиянинг йиғилишларини чақиради ва уларда раислик қилади;

комиссия ваколатига тегишли бўлган масалаларни унинг йиғилишида кўриб чиқиш учун киритади;

комиссия қарорларини тасдиқлайди.

22. Комиссия котиби:

комиссия раисининг топшириқларига асосан комиссия аъзоларини комиссия йиғилишининг ўтказиладиган жойи, вақти ва санаси тўғрисида хабардор қилади;

комиссия иш режаларини тайёрлайди;

комиссия баённомаларини юритади ва тасдиқланган баённомаларни комиссия аъзоларига юборади;

комиссия далолатномалари ва хулосаларини манзилларга етказади;

комиссия иш юритувини амалга оширади.

23. Комиссиянинг барча йиғилишлари баённома билан расмийлаштирилади ва қарор шаклида қабул қилинади.

24. Комиссия ишининг ташкилий шакли йиғилиш ҳисобланади. Комиссия мажлислари комиссия аъзолари рўйхатдаги таркибининг камида учдан икки қисми қатнашган тақдирда ўтказилади. Бунда туман (шаҳар) молия, солиқ идораларининг ва иштирок этувчи тижорат банкларининг вакиллари бир вақтнинг ўзида комиссия йиғилишида иштирок этиши шарт.

25. Кворум бўлмаган ҳамда туман (шаҳар) молия, солиқ органларининг ва иштирок этувчи тижорат банкларининг вакилларидан бири комиссия йиғилишида қатнашмаган тақдирда, комиссиянинг мажлисга келган аъзолари томонидан мажлисни кечиктириш тўғрисида қарор қабул қилинади, мажлисни ўтказишнинг янги санаси ва вақти тўғрисида қўшимча равишда комиссия котиби томонидан хабар қилинади.

26. Комиссия йиғилишларида иштирок этаётган аъзоларининг учдан икки қисми ёқлаб овоз берган комиссия қарорлари қабул қилинган ҳисобланади ва ушбу йиғилишларда қабул қилинган қарорлар йиғилиш котиби томонидан баённома билан расмийлаштирилади.

27. Комиссия қарорлари комиссия раиси томонидан имзоланади.

28. Комиссия ҳужжатлари туман (шаҳар) иқтисодий тараққиёт ва камбағалликни қисқартириш бўлимларида белгиланган муддатгача сақланади.

29. Комиссия ўзининг иш регламентини тасдиқлайди.

30. Комиссия котиби ариза берувчини унинг аризаси комиссия йиғилишда кўриб чиқилишидан 5 кун олдин таклиф этади ва қатнашишини таъминлайди.

31. Ариза берувчи узрли сабабларга кўра (меҳнатга лаёқатсизлик, сафарда бўлганлиги, яқин қариндошининг вафоти ва бошқалар) комиссия йиғилишида қатнашиш имконига эга бўлмаса, ариза берувчи бу ҳақида комиссия котибини хабардор қилиб сабабини кўрсатиши шарт. Бунда ариза берувчининг аризаси комиссиянинг кейинги йиғилишида кўриб чиқилади.

32. Ариза берувчи узрли сабабларсиз комиссия йиғилишига келмаганда комиссия аризани унинг иштирокисиз ариза берувчи ҳамда масъул ташкилотлар томонидан тақдим этилган ҳужжатлар асосида кўриб чиқади ва комиссия қарорини ариза берувчига билдиради.

5-боб. Комиссия томонидан баҳолаш натижаларини кўриб чиқиш тартиби

33. Комиссия аризаларни навбат асосида уларнинг қайд этилиши кетма-кетлигига мувофиқ кўриб чиқади.

Комиссия йиғилишлари, уларнинг ошкоралиги ва холислигини таъминлаш мақсадида зарур ҳолларда узлуксиз видеотасвирга (овозли) туширилади ҳамда туман (шаҳар) иқтисодий тараққиёт ва камбағалликни қисқартириш бўлимида уч йил мобайнида сақланади.

34. Комиссия талабгорларни аниқлаш бўйича тақдим этилган ҳужжатларни, масъул ташкилотларнинг баҳолаш натижаларини олган кундан бошлаб 7 иш куни ичида уларнинг ушбу Низом талабларига мувофиқлигини ўрганиб чиқади.

Комиссия тақдим этилган ҳужжатлар ва маълумотлар асосида ҳамда ижтимоий мезонлар бўйича баҳолаш натижаларига кўра ариза берувчига ипотека кредитлари бўйича субсидия бериш ёки беришни рад этиш тўғрисида қарор қабул қилади.

Субсидия бериш ёки беришни рад этиш тўғрисида комиссия электрон реестрни юритади.

Бунда комиссиянинг ипотека кредити бўйича субсидия бериш тўғрисидаги қарорида сотиб олиниши мумкин бўлган квартиранинг юқори қиймати уй-жойларнинг ҳисобланган қиймати ва иштирок этувчи тижорат банки томонидан белгиланган уй-жойнинг юқори қийматидан ошиб кетиши мумкин эмас.

35. Кўриб чиқиш якунлари бўйича комиссия йиғилишининг баённомаси расмийлаштирилиб, субсидия бериш ёки беришни рад этиш тўғрисида комиссиянинг QR-код (матрик штрихли код) қўйилган қарори қабул қилинади ва тегишли туман (шаҳар) Давлат хизматлари марказига хабарнома юборилади. Ушбу хабарнома Давлат хизматлари маркази томонидан бир иш кунида ариза берувчига юборилади.

ЯИДХП орқали электрон тарзда мурожаат этилганда комиссия томонидан субсидия бериш ёки беришни рад этиш тўғрисидаги хабарнома электрон шаклда ариза берувчига юборилади.

36. Ижтимоий мезонлар асосида баҳоланган ариза берувчи 30 ва ундан юқори балл тўплаган тақдирда, талабгор сифатида тан олиниб, квартира сотиб олиш ёки якка тартибдаги уй-жойларни қуриш ва реконструкция қилиш учун ипотека кредити бўйича субсидия олишга ҳақли деб ҳисобланади.

Бунда комиссия ушбу Низомнинг 38-бандига мувофиқ иштирок этувчи банк томонидан ариза берувчи ажратиладиган ипотека кредити бўйича тўловга лаёқатсиз деб топилган тақдирда, мазкур ариза берувчи фуқаро талабгор сифатида тан олмаслиги зарур.

37. Субсидия бериш тўғрисидаги хабарномада талабгор (биргаликда қарз олувчи)нинг реал даромадларидан келиб чиқиб қоплаб берилиши мумкин бўлган субсидия бўйича сотиб олиниши мумкин бўлган квартира ёки якка тартибдаги уй-жойларни қуриш ва реконструкция қилиш учун ажратиладиган ипотека кредитининг юқори қиймати кўрсатилади.

38. Қуйидаги ҳолларда ариза берувчига субсидия тўланиши рад этилиши мумкин:

а) ушбу Низомнинг 10-бандида кўрсатилган ҳужжатлар тўлиқ тақдим этилмаганда;

б) тақдим этилган ҳужжатлардаги маълумотлар ижтимоий мезонларга мос келмаганда;

в) тақдим этилган ҳужжатларда нотўғри ёки сохта маълумотлар мавжуд бўлганда;

г) ариза ва тегишли ҳужжатлар қабул қилишнинг охирги санаси тугагандан кейин тақдим этилганда;

д) масъул ташкилотлар хулосаларига асосан жами 30 дан паст балл тўплаганда;

е) илгари шаҳар ва қишлоқ жойларда арзон уй-жой қуриш дастурлари доирасида имтиёзли ипотека кредитларидан фойдаланган ҳолда квартира ёки якка тартибдаги уй-жой ҳамда субсидиялар олган оила аъзолари (эри, хотини) такрорий мурожаат этганда;

ж) жорий йил учун ажратиладиган субсидиялар сони тугаганда;

з) иштирок этувчи банк томонидан ариза берувчи фуқаро (биргаликда қарз олувчи) ажратиладиган ипотека кредити бўйича тўловга лаёқатсиз деб топилганда;

и) ариза берувчида кредит ташкилотларидан олдинги олинган кредитлар бўйича муддати ўтган қарздорлик мавжуд бўлганда;

к) оилаларнинг ўртача ойлик даромади:

қишлоқ жойларда — МҲТЭКМнинг 3,0 бараваридан кам ва 6,9 бараваридан юқори;

шаҳарларда — МҲТЭКМнинг 3,0 бараваридан кам ва 8,0 бараваридан юқори;

Тошкент шаҳрида — МҲТЭКМнинг 3,0 баравардан кам ва 9,2 бараваридан юқори бўлганда.

39. Ушбу Низомнинг 38-бандида кўрсатилмаган бошқа асослар бўйича субсидия тўланиши рад этилишига йўл қўйилмайди.

Субсидия тўлашни рад этиш ҳақида қарор қабул қилинган тақдирда, комиссия рад этиш сабабларини, қонун ҳужжатларининг аниқ нормаларини кўрсатган ҳолда QR-код қўйилган қарорни расмийлаштиради ҳамда тегишли хабарномани тегишли туман (шаҳар) Давлат хизматлари марказига (ўзи келиб мурожаат этган тақдирда) ёки ариза берувчига (электрон тарзда мурожаат этганда) ЯИДХП орқали электрон равишда юборади.

40. Ариза берувчи томонидан тақдим этилган ҳужжатлар тўлиқ бўлмаганда, нотўғри маълумотлар мавжудлиги аниқланган тақдирда комиссия ариза берувчига субсидия ажратишни рад этиш тўғрисида қарор қабул қилади. Аниқланган камчиликларни бартараф этиш имконияти мавжуд бўлган тақдирда қарор нусхаси такроран ариза топшириш мумкин бўлган муддат кўрсатилган ҳолда тегишли туман (шаҳар) Давлат хизматлари марказига бир иш куни мобайнида юборилади.

41. Субсидия тақдим этиладиган талабгорлар сони Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг туманлар (шаҳарлар) бўйича тасдиқланган қарорида белгиланган сонидан ошиб кетган тақдирда, талабгорлар сони қуйидаги тартибда аниқланади:

энг юқори балл олган талабгорлар кетма-кетлигида;

охирги энг юқори балл тўплаган икки ёки ундан ортиқ ариза берувчининг баллари тенг бўлиб қолган тақдирда, календарь тартибга кўра ҳужжатларни биринчи бўлиб топширган ариза берувчи талабгор сифатида тан олинади.

42. Ушбу Низомга мувофиқ тақдим этиладиган субсидиялар бир оилага (оила аъзоларининг биттасига) фақат 1 (бир) марта берилади. Квартира сотиб олиш ёки якка тартибдаги уй-жойларни қуриш ва реконструкция қилиш учун ажратиладиган ипотека кредити учун субсидия тақдим этиш тўғрисидаги хабарнома у берилган вақтдан бошлаб 12 ой давомида амал қилади.

Бунда талабгор фойдаланмаган квартира сотиб олиш ёки якка тартибдаги уй-жойларни қуриш ва реконструкция қилиш учун субсидия тақдим этиш тўғрисидаги хабарномани ўз хоҳишига кўра комиссияга ёзма ариза билан мурожаат этиб рад этиши мумкин.

Комиссия талабгорнинг рад этиш тўғрисидаги аризасига асосан квартира сотиб олиш ёки якка тартибдаги уй-жойларни қуриш ва реконструкция қилиш учун субсидия тақдим этиш тўғрисидаги хабарномани бекор қилиш тўғрисида қарор қабул қилади ҳамда дастурий таъминот тизимига тегишли тузатишлар киритади (субсидия олиш тўғрисидаги топширилган ариза бекор қилиниши бўйича масъул ташкилотларга хабар беради). Бунда хабарнома бекор қилинган тақдирда, ушбу ҳудуд учун белгиланган субсидиялар ажратишнинг параметрларида рад этилган субсидиялар сони қайта инобатга олинади.

Квартира сотиб олиш ёки якка тартибдаги уй-жойларни қуриш ва реконструкция қилиш учун субсидия тақдим этиш тўғрисидаги хабарномаси ёки аризаси рад этилган талабгор ёки ариза берувчи ушбу Низомда белгиланган умумий тартибда бир йилда қайта (икки марта) мурожаат қилишга ҳақли.

Ушбу Низомга мувофиқ тақдим этиладиган субсидиялар айрим тоифадаги шахслар (Ўзбекистон Республикаси Президенти Давлат хавфсизлик хизмати, Ўзбекистон Республикаси Давлат хавфсизлик хизмати, Мудофаа вазирлиги, Ички ишлар вазирлиги, Миллий гвардияси ва бошқа ҳарбий тузилмаларнинг ходимлари (ҳарбий хизматчиларидан ташқари)) ва давлат ҳисобидан уй-жойлар билан таъминланмаган нафақадаги ҳарбий хизматчилар, уларнинг оила аъзоларига (эр ёки хотини) нисбатан ҳам татбиқ этилади.

43. Субсидия тақдим этишни рад этиш тўғрисидаги хабарномани олган ариза берувчи ушбу Низомда белгиланган умумий тартибда такроран (бир календарь йилда икки марта) мурожаат қилишга ҳақли.

44. Ижтимоий мезонлар бўйича баҳолаш натижаларига кўра 30 ва ундан юқори балл тўплаган, лекин жорий йил учун белгиланган субсидиялар сони тугаганлиги сабабли субсидия олиш имкониятига эга бўлмаган талабгорлар кейинги йил учун субсидия олувчилар рўйхатига автоматик тарзда киритилади.

45. Жорий йил учун ажратилган субсидиялар сони тугаган тақдирда, комиссия томонидан уч иш куни мобайнида аризаларни қабул қилишни тўхтатиш ҳақида оммавий ахборот воситаларида эълон берилади ҳамда тегишли туман (шаҳар) Давлат хизматлари марказига ахборот юборилиши шарт.

Комиссия ёки масъул ташкилот ходимлари томонидан ижтимоий мезонлар бўйича баҳолаш жараёнида маълумотлар нотўғри ва/ёки хато киритилган тақдирда, комиссия раисининг ёзма мурожаатига асосан дастурий таъминот тизим оператори томонидан маълумотлар тўғрилаш учун комиссия ёки масъул ташкилотга қайтарилади.

Комиссия ёки масъул ташкилот тўғрилаш учун қайтарилган маълумотларни тизимга қайта киритиш ҳуқуқига эга.

Ариза берувчини ижтимоий мезонлар бўйича баҳолаш адолатли ва ҳаққонийлиги учун тегишлилиги бўйича комиссия аъзолари ва масъул ташкилот ходимлари шахсан жавобгардирлар.

6-боб. Ипотека кредити бўйича субсидияни ҳисоблаш тартиби

46. Давлат хизматлари марказидан субсидия бериш тўғрисида ижобий хабарномани олган талабгор уй-жойни ипотека кредити орқали сотиб олиш бўйича қурилиш (пудрат) ташкилоти билан шартнома тузади.

Талабгор томонидан танланган уй-жойнинг қиймати хабарномада кўрсатилган сотиб олиниши мумкин бўлган уй-жойнинг юқори қийматидан ошган тақдирда, қуйидаги шартлар билан субсидия тўланишига ва ипотека кредити ажратилишига рухсат этилади:

сотиб олинадиган квартиранинг қиймати уй-жойлар ҳисобланган қийматидан ошмаганда;

сотиб олинадиган квартира майдони квартира майдонининг энг кўп меъёридан ошмаганда;

бошланғич бадал учун субсидия миқдори хабарномада кўрсатилган сотиб олиниши мумкин бўлган уй-жойнинг юқори қиймати бўйича;

ипотека кредити ипотека кредитининг энг кўп миқдоридан ошмаган миқдорда.

Бунда сотиб олинадиган квартира бўйича бошланғич бадал учун тўлаб бериладиган субсидия суммасидан ортган қисми қарз олувчининг ўз маблағлари ва қонунчилик ҳужжатларида тақиқланмаган бошқа манбалар ҳисобидан тўланади.

47. Ипотека кредитини белгиланган тартибда расмийлаштириш учун талабгор исталган иштирок этувчи тижорат банкига:

уй-жой сотиб олиш учун субсидия тақдим этиш тўғрисидаги хабарномани ва уй-жойни ипотека шартлари асосида сотиб олиш бўйича қурилиш ташкилоти билан тузилган шартномани ҳамда фуқаро ўзига тегишли бўлган бадал маблағларини банкдаги ҳисобварағига жойлаштирганлиги тўғрисида маълумотномани;

қурилган ва реконструкция қилинган якка тартибдаги уй-жойнинг кадастр ҳужжатларини ҳамда банк томонидан белгиланган бошқа ҳужжатларни тақдим қилади.

48. Иштирок этувчи тижорат банки талабгорнинг ҳужжатларини уч иш куни мобайнида ўрганиб чиқади.

Ипотека кредити ажратиш (қурилган ва реконструкция қилинган якка тартибдаги уй-жойлар учун ажратилган кредитни ипотека кредитига қайта расмийлаштириш) маъқулланган тақдирда, тижорат банки туман (шаҳар) молия бўлими билан биргаликда ипотека кредити бўйича давлат бюджетидан талабгорга ажратилиши мумкин бўлган субсидия суммасини аниқлайди.

49. Субсидиялар:

а) уй-жойлар (квартиралар)ни сотиб олиш учун:

шаҳарлар ва қишлоқ жойларда — бошланғич бадалнинг бир қисмини тўлаш билан боғлиқ харажатларни қоплаш учун уй-жойнинг ҳисобланган қийматининг 10 фоизи миқдорида ва биринчи беш йил давомида ипотека кредити бўйича фоиз тўловлари билан боғлиқ харажатларни қоплаш учун — Тошкент шаҳрида 12 фоизлик пунктдан ошган қисмига, Қорақалпоғистон Республикаси ва вилоятлар шаҳарларида 10 фоизлик пунктдан ошган қисмига тўланади.

б) якка тартибдаги уй-жойларни қуриш ва реконструкция қилиш учун ажратилган ипотека кредитларининг биринчи беш йил давомида фоизларини қоплаш учун — Қорақалпоғистон Республикаси ва вилоятларида 10 фоизлик пунктдан ошган қисмига тўланади.

50. Шаҳарларда ва қишлоқ жойларда уй-жойлар (квартиралар)ни сотиб олиш учун ипотека кредити бўйича бошланғич бадалнинг бир қисмини қоплаш мақсадида Давлат бюджетидан ажратиладиган субсидия миқдори қуйидаги формула асосида ҳисобланади:

С бб = У қ * 10%,

бунда:

С бб — бошланғич бадалнинг бир қисмини тўлашга субсидия суммаси;

У қ — уй-жойнинг ҳисобланган қиймати (агар сотиб олинадиган уй-жойнинг шартномадаги қиймати уй-жой ҳисобланган қийматидан кам бўлган тақдирда, бошланғич бадалнинг бир қисми учун субсидиялар шартномада кўрсатилган қийматнинг 10 фоизи миқдорида ажратилади).

51. Шаҳар ва қишлоқ жойларда уй-жойлар (квартиралар)ни сотиб олиш ёки якка тартибдаги уй-жойларни қуриш ва реконструкция қилиш учун ажратиладиган ипотека кредити учун ипотека кредити бўйича фоиз харажатларининг бир қисмини биринчи 5 йил давомида қоплаш мақсадида Давлат бюджетидан ажратиладиган субсидия миқдори қуйидаги тартибда ҳисобланади:

ипотека кредити бўйича фоиз харажатларининг бир қисмини қоплаш учун тўланадиган субсидия суммаси қуйидаги формула билан аниқланади:

С м = К с *(А ф — Б ф )

бунда:

С м — ипотека кредити бўйича фоиз харажатларининг бир қисмини қоплаш учун тўланадиган субсидия суммаси;

К с — ипотека кредити бўйича асосий қарзнинг қолдиқ суммаси;

А ф — ипотека кредити шартномасида тижорат банки ҳамда ариза берувчи келишувига асосан белгиланган фоиз ставкаси;

Б ф — Тошкент шаҳрида 12 фоизлик пункт (якка тартибдаги уй-жойларни қуриш ва реконструкция қилишдан ташқари), Қорақалпоғистон Республикаси ва вилоятлар шаҳарларида ҳамда қишлоқ жойларда 10 фоизлик пункт.

Бунда якка тартибдаги уй-жойлар қуриш ва реконструкция қилиш учун ажратилган ипотека кредитлари бўйича субсидиялар ушбу якка тартибдаги уй-жойлар қуриб битказилгандан ва/ёки реконструкция қилингандан сўнг кадастр ҳужжатлари расмийлаштирилган ойдан кейинги ойдан бошлаб тўланади.

52. Ўзбекистон Республикаси Марказий банкининг асосий ставкаси пасайтирилган тақдирда, тижорат банкларининг ипотека кредитлари бўйича фоиз ставкалари мутаносиб равишда пасаяди, оширилган тақдирда эса ўзгаришсиз қолади.

Тижорат банкларининг ипотека кредитлари бўйича фоиз ставкалари пасайганда, фоиз харажатларининг бир қисмини қоплаш учун тўланадиган субсидия миқдори ушбу санадан бошлаб мутаносиб равишда камаяди.

7-боб. Ипотека кредитини расмийлаштириш ва субсидияларни тўлаб бериш тартиби

53. Сотиб олинадиган уй-жой (квартира) бўйича талабгор томонидан тўланиши лозим бўлган бошланғич бадал тўлиқ шакллантирилгандан сўнг иштирок этувчи тижорат банки талабгор билан бир иш кунида ипотека кредити шартномасини тузади.

54. Талабгор томонидан сотиб олинадиган уй-жой (квартира)нинг кадастр ҳужжатлари тақдим этилгандан сўнг тижорат банки бир иш куни ичида туман (шаҳар) ғазначилик бўлимларига бошланғич бадалнинг бир қисмини қоплаш учун кадастр ҳужжатларини илова қилган ҳолда субсидия суммасини тўлашга буюртманомани юборади.

55. Туман (шаҳар) ғазначилик бўлимлари уч иш куни мобайнида ипотека кредити бўйича бошланғич бадалнинг бир қисмини қоплаш учун субсидия суммасини тижорат банки томонидан кўрсатилган ҳисобварағига ўтказиб беради.

56. Бошланғич бадалнинг бир қисмини қоплаш учун субсидия суммаси ўтказилган санадан бошлаб ўттиз кун ичида узрли сабабларсиз фойдаланилмаган тақдирда, иштирок этувчи тижорат банки субсидия маблағларини туман (шаҳар) ғазначилик бўлимининг тегишли ҳисобварағига қайтаради.

Бунда иштирок этувчи тижорат банки томонидан ушбу банднинг биринчи хатбошисида назарда тутилган муддат ўтгандан сўнг уч иш куни ичида ажратилган субсидия суммаси туман (шаҳар) ғазначилик бўлимининг тегишли ҳисобварағига қайтарилмаган тақдирда, ҳар бир кечиктирилган кун учун ушбу қайтарилмаган субсидия суммасининг 0,033 фоизи миқдорида пеня ҳисобланади.

57. Талабгорларга шаҳар ва қишлоқ жойларда:

уй-жойларни сотиб олиш учун ипотека кредитлари ажратилган кундан бошлаб;

қуриб битказилган ва реконструкция қилинган якка тартибдаги уй-жойлар учун кадастр ҳужжатлари асосида ипотека кредитлари қайта расмийлаштирилган сўнг иштирок этувчи тижорат банклари томонидан уч иш куни ичида туман (шаҳар) ғазначилик бўлимларига ипотека кредитлари бўйича тўловларни қайтариш графиклари илова қилинган ҳолда фоиз харажатларининг бир қисмини қоплаш учун субсидиялар тўлашга буюртманомалар билан талабгорларнинг тегишли ҳисобварақлари реквизитлари юборилади.

Бунда қурилган ва реконструкция қилинган якка тартибдаги уй-жойлар учун ипотека кредитлари тўловларини қайтариш графикларида фоиз харажатларининг бир қисмини қоплаш учун субсидиялар кадастр ҳужжатлари расмийлаштирилган ойдан кейинги ойдан бошлаб тўланиши инобатга олинади.

58. Туман (шаҳар) ғазначилик бўлимлари томонидан ипотека кредитлари бўйича фоиз харажатларининг бир қисмини қоплаш учун субсидиялар суммаси ушбу Низомнинг 57-бандида кўрсатилган буюртманомалар тақдим этилган ойдан бошлаб ҳар ойнинг 25-кунига қадар ўтказиб берилади.

Бунда субсидия ажратилган фуқаронинг ипотека кредитлари бўйича тўловларни қайтариш графигида ўзгаришлар бўлган тақдирда, иштирок этувчи тижорат банки бу ҳақида 3 иш кунида туман (шаҳар) ғазначилик бўлимларига қўшимча маълумотлар киритади.

Иштирок этувчи тижорат банклари томонидан туман (шаҳар) ғазначилик бўлимларига кредит тўловларини қайтариш графикларидаги ўзгаришлар тўғрисида маълумотлар киритилмаслиги натижасида ортиқча тўланган субсидиялар тижорат банки ҳисобидан Давлат бюджетига тикланади.

8-боб. Якунловчи қоидалар

59. Ариза берувчи ариза ва унга илова қилинган ҳужжатларда кўрсатилган маълумотлар, талабгор ва пудрат ташкилоти уй-жойнинг ҳақиқий қиймати, иштирок этувчи тижорат банки ажратилган ипотека кредити суммаси ва фоиз ставкаси, молия бўлимлари ҳисобланган ва ажратилган субсидия суммаси тўғри ҳисобланиши учун жавоб беради.

60. Уй-жой сотиб олишга ёки якка тартибдаги уй-жойларни қуриш ва реконструкция қилиш учун ажратиладиган ипотека кредити талабгор билан тузилган ипотека кредит шартномалари шартларига риоя этилишини назорат қилиш иштирок этувчи тижорат банки томонидан амалга оширилади.

61. Иштирок этувчи тижорат банки ҳар чоракда туман (шаҳар) ғазначилик бўлимлари билан биргаликда талабгорнинг ипотека кредити бўйича тўловларни қайтариш графиги ва ажратилган субсидия суммалари асосида солиштирма далолатномани расмийлаштиради.

62. Субсидия бўйича охирги тўлов амалга оширилгандан сўнг иштирок этувчи тижорат банки уч иш куни мобайнида туман (шаҳар) ғазначилик бўлимлари ва талабгорга ажратилган субсидиядан тўлиқ фойдаланилганлиги тўғрисида хабарнома юборади ҳамда ғазначилик бўлимлари билан якуний солиштирма далолатномани расмийлаштиради.

63. Ойлик субсидия суммаси ортиқча тўланганда, туман (шаҳар) ғазначилик бўлимлари томонидан кейинги ойда талабгор учун субсидия тўлови аввал тўланган ортиқча тўловни ҳисобга олган ҳолда амалга оширилади.

64. Иштирок этувчи тижорат банкининг ички сиёсатларида белгиланган муддатларда ипотека кредитлари бўйича тўловларни сурункали равишда тўламаслик оқибатида бекор қилинган ипотека кредити шартномалари бўйича ундириладиган маблағлар (шу жумладан, гаровдаги уй-жойнинг сотилиши) ҳисобидан талабгорга бошланғич бадал ва фоиз тўловларининг бир қисми учун ажратилган субсидия суммаси ипотека кредити бўйича гаровга қўйилган уй-жойнинг сотилган қийматидан белгиланган тартибда тегишли туман (шаҳар) ғазначилик бўлимларига ушбу банклар томондан тўлиқ миқдорда қайтарилади.

65. Меҳнат мигрантлари, алоҳида намуна кўрсатаётган ёш оилалар ва оғир ижтимоий вазиятга тушиб қолган аёлларга бериладиган субсидиялар сони қонун ҳужжатларига мувофиқ янги тартиб доирасида улар учун қуриладиган уй-жойлар сонидан ошмаслиги лозим.

66. Ўзбекистон Республикаси Давлат бюджетидан субсидиялар ажратилиши, талабгорларга субсидиялар ҳисобланиши ва тўланиши юзасидан назорат Ўзбекистон Республикаси Молия вазирлигининг Давлат молиявий назорати департаменти томонидан амалга оширилади.

67. Ариза берувчилар давлат органлари ва бошқа ташкилотлар ходимларининг хатти-ҳаракатлари юзасидан қонун ҳужжатларида белгиланган тартибда шикоят қилишлари мумкин.

68. Ушбу Низом талаблари бузилишида айбдор бўлган шахслар қонун ҳужжатларида белгиланган тартибда жавоб берадилар.

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга 1-ИЛОВА

Уй-жойга муҳтож фуқароларни аниқлашнинг ижтимоий

Т/р Мезонлар Балл Масъул орган I. Ариза берувчи ва/ёки унинг оиласининг даромади (меҳнатга ҳақ тўлашнинг энг кам миқдори — МҲТЭКМ асосида) Қишлоқ жойларда (туман ва туман марказлари) 1. МҲТЭКМнинг 3,0 га тенг ва кўп бўлган, 6,0 га тенг ва кам бўлган 10 Туман (шаҳар) давлат солиқ инспекцияси 2. МҲТЭКМнинг 6,0 дан кўп бўлган, 6,5 га тенг ва кам бўлган 6 3. МҲТЭКМнинг 6,5 дан кўп бўлган, 6,9 га тенг ва кам бўлган 2 Шаҳарларда (Қорақалпоғистон Республикаси ва вилоятлар шаҳарлари) 1. МҲТЭКМнинг 3,0 га тенг ва кўп бўлган, 7,0 га тенг ва кам бўлган 10 Туман (шаҳар) давлат солиқ инспекцияси 2. МҲТЭКМнинг 7,0 дан кўп бўлган, 7,5 га тенг ва кам бўлган 6 3. МҲТЭКМнинг 7,5 дан кўп бўлган, 8,0 га тенг ва кам бўлган 2 Тошкент шаҳрида 1. МҲТЭКМнинг 3,0 дан га тенг ва кўп бўлган 8,0 га тенг ва кам бўлган 10 Туман (шаҳар) давлат солиқ инспекцияси 2. МҲТЭКМнинг 8,0 дан кўп бўлган 8,5 га тенг ва кам бўлган 6 3. МҲТЭКМнинг 8,5 дан кўп бўлган 9,2 га тенг ва кам бўлган 2 II. Ҳозирги турар жой мақоми* 1. Ижара (эр-хотин ўз мулкида уй-жойи мавжуд эмас) 20 Туман (шаҳар) давлат солиқ инспекцияси, Ер тузиш ва кўчмас мулк кадастри давлат корхонаси 2. Эгасининг рухсати билан текин турар жой (эр-хотин ўз мулкида уй-жойи мавжуд эмас) 3. Ариза берувчи яроқсиз якка тартибдаги уй-жойда яшаши ёки уй-жой яшаш майдонининг бир шахс учун қонунчилик ҳужжатларида назарда тутилган ижтимоий нормага мувофиқ эмаслиги. III. Ижтимоий ҳимояга муҳтож бўлган айрим шахслар 1. «labor-migration» дастурида рўйхатдан ўтган меҳнат мигранти 10 Туман (шаҳар) бандликка кўмаклашиш маркази 2. Етим болалар ва ота-онасининг қарамоғидан маҳрум бўлган болалар 10 Туман (шаҳар) ҳокимлиги 3. Алоҳида намуна кўрсатаётган ёш оилалар 10 Ёшлар ишлари агентлигининг туман (шаҳар) бўлими 4. Оғир ижтимоий вазиятга тушиб қолган аёллар** 10 Туман (шаҳар) маҳалла ва оилани қўллаб-қувватлаш бўлими 5. Ягона (ёлғиз) боқувчига эга бўлган оила (эркак ёки аёл) 9 6. Бошқалар 0 IV. Ариза берувчи ва унинг оиласидаги шахсларнинг қуйидаги тоифага мансублиги*** 1. Биринчи гуруҳ ногиронлиги бўлган шахс 10 Туман тиббиёт бирлашмаси хулосаси 2. Сурункали касалликнинг оғир турларидан азоб чекувчи 10 3. Оғир ногиронликка олиб келувчи касалликка чалинган болани парваришлаётган 10 Жами балл: 50

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга 2-ИЛОВА

‎‎‎ ‎ UY-JOY SOTIB OLISН YOKI YAKKA TARTIBDAGI UY-JOYLARNI QURISН VA REKONSTRUKSIYA QILISН UCНUN SUBSIDIYA ‎ ‎ ‎TAQDIM ETISH TOG`RISIDA ‎‎ 000000-son XABARNOMA ‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sanasi «___» _________ 20___ yil‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Amal qilish muddati «___» _________ 20___ yil‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Fuqaro ______________________________________________________________________________________ ‎‎ (F.I.O.) ‎‎ O`zbekiston Respublikasi Vazirlar Mahkamasinig 2021 yil _________ ______-son qarori bilan tasdiqlangan Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʼlash tartibi toʼgʼrisidagi nizomga muvofiq ________________________________ deb topildi. ‎ ‎ ‎ ‎ (ijtimoiy me`zonga muvofiqligi)‎ ‎ ‎ ‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Passport ma`lumotlari: seriyasi _______ raqami _______________________________‎‎______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kim tomonidan berilgan _________________________________ , berilgan sanasi ____________‎‎______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Yashash manzili _________________________________________________________‎‎_____________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ro`yxatdan o`tgan manzili ________________________________________________‎‎_______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Davlat byudjeti hisobidan turar joy bilan ta'minlash huquqiga ega bo'lgan u bilan birga yashaydigan oila a'zolari hisobga olingan holda (tegishlisi tanlanadi): 1. Uy-joy sotib olish uchun dastlabki badal va foiz toʻlovlarining bir qismini toʻlash bilan bogʻliq xarajatlarni qoplash uchun subsidiya ajratiladi. Bunda sotib olinishi mumkin boʼlgan uy-joyning yuqori qiymati ___________________________ soʼm. 2. Yakka tartibdagi uy-joylarni qurish va rekonstruksiya qilish uchun ipoteka krediti foiz toʻlovlarining bir qismini toʻlash bilan bogʻliq xarajatlarni qoplash uchun subsidiya ajratiladi. Bunda yakka tartibdagi uy-joylarni qurish va rekonstruksiya qilish uchun ajratilishi mumkin bulgan ipoteka kreditining yuqori qiymati _____________________________ soʼm. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎‎‎QR-kod ‎

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга 2а-ИЛОВА

UY-JOY SOTIB OLISН YOKI YAKKA TARTIBDAGI UY-JOYLARNI QURISН VA REKONSTRUKSIYA QILISН UCНUN SUBSIDIYA TAQDIM ETISНNI RAD ETISН TOG`RISIDA 000000-son‎‎ XABARNOMA‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sanasi «____» __________ 20___ yil‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Fuqaro _______________________________________________________________‎‎_______________________ (F.I.O.)‎‎ O`zbekiston Respublikasi Vazirlar Mahkamasinig 2021 yil _________ ______-son qarori bilan tasdiqlangan Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʼlash tartibi toʼgʼrisidagi nizomning talablariga ____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ sababli subsidiya taqdim etilishi muvofiq emas deb topildi. (nizomninig qaysi talablariga muvofiq emasligi koʼrsatilishi kerak) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Passport ma`lumotlari: seriyasi _______ raqami _____________________ ________________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kim tomonidan berilgan _________________________________ , berilgan sanasi __________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Yashash manzili ______________________________________________________________________________ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ro`yxatdan o`tgan manzili ________________________________________________‎‎_______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎QR-kod‎‎ ‎ ‎

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга 3-ИЛОВА

_______________ тумани (шаҳри)да субсидия тўланадиган талабгорларни танлаб олиш бўйича комиссиянинг намунавий

1. Лавозимига кўра — Туман (шаҳар) ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари, Комиссия раиси 2. Лавозимига кўра — Туман (шаҳар) халқ қабулхонаси раҳбари, Комиссия раиси ўринбосари 3. Лавозимига кўра — Туман (шаҳар) ҳокими ўринбосари — маҳалла ва оилани қўллаб-қувватлаш бўлими бошлиғи 4. Лавозимига кўра — Туман (шаҳар) молия бўлими бошлиғи 5. Лавозимига кўра — Туман (шаҳар) аҳоли бандлигига кўмаклашиш маркази директори 6. Лавозимига кўра — Ёшлар ишлари агентлигининг туман (шаҳар) бўлими бошлиғи 7. Лавозимига кўра — Туман (шаҳар) давлат солиқ инспекцияси раҳбари 8. Лавозимига кўра — Иштирок этувчи тижорат банкининг туман (шаҳар) филиали раҳбари 9. Лавозимига кўра — Туман (шаҳар) иқтисодий тараққиёт ва камбағалликни қисқартириш бўлими бошлиғи ўринбосари, Комиссия котиби

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга 4-ИЛОВА

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш

Босқичлар Субъектлар Тадбирлар Бажариш муддатлари 1-босқич Ариза берувчи Ариза берувчи субсидия олиш учун туман (шаҳар) Давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари портали орқали мустақил равишда анкета-аризани электрон тарзда тўлдиради. Й ил давомида (ҳафтанинг душанба-жума кунлари соат 9:00 дан 18:00 гача) 2-босқич Туман (шаҳар) Давлат хизматлари маркази 1. Анкета-ариза ва унга илова қилинган ҳужжатлар, туман (шаҳар) Давлат хизматлари маркази томонидан рўйхат бўйича қабул қилинади. 2. Туман (шаҳар) Давлат хизматлари маркази аризаларни қайд қилиниши навбатлигига кўра туман (шаҳар) тиббиёт бирлашмасига, ички ишлар бўлимига (бошқармасига), молия бўлимига, давлат солиқ инспекциясига, аҳоли бандлиги кўмаклашиш марказига, ер тузиш ва кўчмас мулк кадастри давлат корхонасига, туман (шаҳар) маҳалла ва оилани қўллаб-қувватлаш бўлимига, Ёшлар ишлари агентлигининг туман (шаҳар) бўлимига, туман (шаҳар) ҳокимлигига, иштирок этувчи тижорат банкига электрон шаклда тақдим этади. 1 иш куни мобайнида 3-босқич Тиббиёт бирлашмаси Ариза берувчи ва унинг оила аъзолари орасида сурункали касалликнинг оғир турларидан азоб чекувчи ва Ўзбекистон Республикаси Соғлиқни сақлаш вазирлиги томонидан тасдиқланган рўйхатга мувофиқ алоҳида хонада яшашга муҳтож бўлган шахсларнинг мавжудлиги, ариза берувчининг оила аъзолари орасида биринчи гуруҳ ногирони мавжудлиги, ёлғиз ўзи оғир ногиронликка олиб келувчи касалликка чалинган болани парваришлаётган аёллар тўғрисидаги маълумотларни дастурий таъминотга киритади ва тасдиқлайди. 10 иш куни мобайнида Ички ишлар бўлими (бошқармаси) Ариза берувчи бошқа оилалар билан бир уйда (бир квартирада) яшаши тўғрисидаги тегишли маълумотларни дастурий таъминотга киритади ва тасдиқлайди. Молия бўлими Тақдим этиладиган субсидияларнинг миқдори тугаганлиги тўғрисидаги маълумотни дастурий таъминотга киритади ва тасдиқлайди. Давлат солиқ инспекцияси Давлат солиқ инспекцияси — Солиқ тўловчининг идентификация рақами, турар жойда ижара шартлари асосида яшаши ҳамда ариза берувчи ва ушбу Низомнинг 16-бандида келтирилган шахсларнинг (аризада кўрсатилган ҳолатларда) даромадлари тўғрисидаги тегишли маълумотларни дастурий таъминотга киритади ва тасдиқлайди. Аҳоли бандлигига кўмаклашиш маркази Ариза берувчининг кам таъминланганларга мансублиги тўғрисидаги маълумотни дастурий таъминотга киритади ва тасдиқлайди. Ер тузиш ва кўчмас мулк кадастри давлат корхонаси Доимий яшаш жойи бўйича рўйхатга олинган жойидан кадастр ҳужжатининг маълумотлари (агар турар жойи доимий яшаш жойи бўйича рўйхатга олинган жой билан тўғри келса), ариза берувчида, шу жумладан, унинг турмуш ўртоғи ва фарзандларида мулк ҳуқуқи билан турар жойнинг бор-йўқлиги, яшаш учун яроқсиз турар жойда яшаши, уй-жой умумий майдонининг бир шахс учун қонун ҳужжатларида назарда тутилган ижтимоий нормага мувофиқ эмаслиги тўғрисидаги тегишли маълумотларни дастурий таъминотга киритади ва тасдиқлайди. Туман (шаҳар) Маҳалла ва оилани қўллаб-қувватлаш бўлими Ариза берувчининг оғир ижтимоий вазиятга тушиб қолган аёллар, ягона (ёлғиз) боқувчисига эга бўлган оила — аёллар тоифасига мансублиги. Ёшлар ишлари агентлигининг туман (шаҳар) бўлими Ариза берувчининг алоҳида намуна кўрсатаётган ёш оилалар тоифасига мансублиги. туман (шаҳар) ҳокимлиги Ариза берувчининг етим болалар ва ота-онасининг қарамоғидан маҳрум бўлган болалар тоифасига мансублиги. Иштирок этувчи тижорат банклари Ариза берувчи фуқаро (биргаликда қарз олувчи)нинг ажратиладиган ипотека кредити бўйича тўлов қобилияти, унга ажратилиши мумкин бўлган ипотека кредити ва сотиб олиши мумкин бўлган уй-жойнинг юқори қиймати, кредит ташкилотларидан аввал олинган кредит бўйича муддати ўтган қарздорликнинг мавжуд эмаслиги тўғрисидаги тегишли маълумотни дастурий таъминотга киритади ва тасдиқлайди. 4-босқич Комиссия 1. Аризаларни уларнинг қайд этилиши навбатлилигига кўра кўриб чиқади. 2. Талабгорларни аниқлаш бўйича тақдим этилган ҳужжатлар, масъул ташкилотларнинг баҳолаш натижалари Низом талабларига мувофиқлигини ўрганиб чиқади. Маълумотлар олинган кундан бошлаб 7 иш куни мобайнида, ариза берувчи иштирокида Танлов натижалари юзасидан субсидия бериш ёки рад этиш тўғрисида QR-код қўйилган қарор қабул қилади ва Давлат хизматлари маркази орқали электрон тарзда ариза берувчига юборади. 1 иш куни мобайнида 5-босқич Талабгор Ўзининг даромади ва имкониятларидан келиб чиқиб мўлжаллаётган уй-жойни, унинг ҳисобланган қийматидан ошмаган ҳақиқий қийматини инобатга олган ҳолда ипотека кредити орқали сотиб олиш бўйича хусусий қурилиш (пудрат) ташкилоти билан шартнома тузади. Субсидия бериш тўғрисидаги қарорни олгандан сўнг 1 ой (ҳабарнома амал қилиши муддатининг охирги кунигача) мобайнида Ипотека кредитини белгиланган тартибда расмийлаштириш учун талабгор исталган иштирок этувчи тижорат банкига квартира сотиб олиш учун субсидия тақдим этиш тўғрисидаги хабарномани ва уй-жойни ипотека шартлари асосида сотиб олиш бўйича қурилиш ташкилоти билан тузилган шартномани ҳамда фуқаро ўзига тегишли бўлган бадал маблағларини банкдаги ҳисобварағига жойлаштирганлиги тўғрисидаги маълумотномани ҳамда банк томонидан белгиланган бошқа ҳужжатларни тақдим қилади. Қурилган ва реконструкция қилинган якка тартибдаги уй-жойнинг кадастр ҳужжатларини ҳамда банк томонидан белгиланган бошқа ҳужжатларни тақдим қилади. Кадастр ҳужжатлари тақдим этилгандан сўнг 3 иш куни мобайнида 6-босқич Иштирок этувчи тижорат банки ва молия бўлими 1. Иштирок этувчи тижорат банки талабгорнинг ҳужжатларини ўрганиб чиқади. 2. Ажратиладиган ипотека кредити бўйича давлат бюджетидан талабгорга қоплаб берилиши мумкин бўлган субсидия суммасини аниқлайди. 3 иш куни мобайнида 7-босқич Иштирок этувчи тижорат банки 1. Талабгор билан ипотека кредитини ажратиш тўғрисида шартномани имзолайди ҳамда ипотека кредитини расмийлаштиради. 2. Талабгор томонидан сотиб олинадиган уй-жой (квартира)нинг кадастр ҳужжатлари тақдим этилгандан сўнг тижорат банки туман (шаҳар) ғазначилик бўлимига бошланғич бадалнинг бир қисмини қоплаш учун кадастр ҳужжатларини илова қилган ҳолда субсидия суммасини тўлашга буюртманомани юборади. 1 иш куни ичида 8-босқич Ҳудудий ғазначилик бўлими Сотиб олинаётган уй-жой (квартира) учун ажратилган ипотека кредити бўйича бошланғич бадалнинг бир қисмини қоплаш учун субсидия суммасини тижорат банки томонидан кўрсатилган ҳисобвараққа ўтказиб беради. 3 иш куни мобайнида 9-босқич Иштирок этувчи тижорат банки Ипотека кредитини ажратиш тўғрисида шартнома ва унга илова (тўловлар жадвали)ни ипотека кредити фоизини ҳар ойда тўлаб бориш учун субсидия ажратилиши бўйича ҳудудий ғазначилик бўлимига юборади. Ипотека кредити тақдим этилганидан сўнг 3 иш куни мобайнида Қурилган ва реконструкция қилинган якка тартибдаги уй-жойлар кадастр ҳужжатлари тақдим этилгандан сўнг ажратилган кредит ипотека кредитига қайта расмийлаштирилади. 1 иш куни мобайнида 10-босқич Ҳудудий ғазначилик бўлими Ипотека фоизларининг бир қисмини қоплаш учун маблағларни ўтказиб боради. Ҳар ойнинг 25-кунигача

Уй-жой сотиб олиш ёки якка тартибдаги уй-жойларни қуриш ва реконструкция қилиш учун фуқароларга субсидия тўлаш тартиби тўғрисидаги низомга 5-ИЛОВА

АНКЕТА-АРИЗА‎‎ Ариза № ________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Қабул қилиш санаси________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Қабул қилган шахс ________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. ________________________ (фамилияси) __________________________ (исми) ______________________ (отасининг исми) 2. Манзил:_______ (аҳоли пункти) ________________ (туман, шаҳар) _________________ (вилоят) 3. Туғилган санаси ‎ ___ / _____ / ______ 4.‎ Жинси ‎____ аёл _____ эркак 5. Солиқ тўловчининг идентификация рақами (СТИР) _________________ 6. Оилавий аҳволи _____ бўйдоқ / турмушга чиқмаган _____ уйланган / турмушга чиққан _____ ажрашган ‎_____ бева 7. Асосий фаолият тури (бандлик, иш жойи): _________________________________________ 8. Паспорт бўйича жисмоний шахснинг шахсий идентификация рақами (ЖШ ШИР) * : _______________________ 9. Оила аъзоларингизни уларнинг ёшини кўрсатган ҳолда санаб ўтинг: 1._____, ёш: ___ 2._____, ёш: ___ 3._____, ёш: ___ 4._____, ёш: ___ 5._____, ёш: ___ 6._____, ёш: ___ 10. Қуйидаги шахслар Сизнинг оилангизда яшайдими? Агар яшаса, сонини кўрсатинг: ‎1. Биринчи гуруҳ ногирони ____ киши. ‎2. Сурункали касалликларнинг оғир турларидан азоб чекувчилар ____ киши. ‎3. Оғир ногиронликка олиб келувчи касалликка чалинган болани парваришлаётган. 11. Ҳар ойлик даромад миқдори (зарурат бўлганда хотини (эри), улар билан бир уйда биргаликда яшовчи ота-онаси ҳамда фарзандларининг даромадлари): ‎_____________ сўм; _____________ сўм; _____________ сўм; _____________ сўм. ‎11.1. Ҳар ойлик қўшимча даромад миқдори: ___ сўм. ‎12. Ҳозирги вақтда оиланин? бир аъзосига тўғри келадиган турар жой майдони: ______ кв.м. 13. Сизнинг ҳозирги уй-жойингизнинг ҳуқуқий мақоми: _____ мулк ‎_____ ижара ‎______мулкдор рухсати билан бепул яшаш 14. Қайси турдаги арзон уй-жойдан олмоқчисиз? шаҳарда ________ қишлоқ жойда ___________ ‎14¹. Якка тартибдаги уй-жойни қурмоқчимисиз ёки реконструкция қилмоқчимисиз? ___________ ‎Якка тартибдаги уй-жойни қуриш ______________ ‎Якка тартибдаги уй-жойни реконструкция қилиш __ ‎14.1. Қиймати қанча бўлган уй-жой олмоқчисиз? __________________ 14¹.1. Қанча миқдорда ипотека кредити олмоқчисиз?_____________ ‎14.2. Уй нархининг неча фоизини бошланғич тўлов сифатида тўлай оласиз? ______________________ 14¹.2. Ажратиладиган ипотека кредити бўйича камида 15 фоиз миқдоридаги бошланғич бадал учун маблағлар мавжудми? ‎Нақд пул кўринишида _______ Қурилиш материаллари кўринишида _______ ‎ Якка тартибдаги уй-жой қисман қурилган ёки реконструкция қилинган ____________. 15. Сизнинг алоқа қилиш учун маълумотларингиз? ‎ эл.почта _________ ‎уй тел: _________ ‎иш тел: ________ ‎уяли тел: ________ ‎15.1. Ипотека кредитини қайси тижорат банкидан олмоқчисиз? ________________ 16. Сиз қуйидаги фуқаролар тоифаларига мансубмисиз? Агар мансуб бўлсангиз, қайсилигига кўрсатинг: ‎меҳнат мигранти _______; ‎етим болалар ва ота-онасининг қарамоғидан маҳрум бўлган болалар _______; ‎оғир ижтимоий вазиятга тушиб қолган аёллар _______; ‎алоҳида намуна кўрсатаётган ёш оилалар _______. Мен уй-жой олиш ҳамда уй-жой учун субсидия олишдан манфаатдорлигимни билдираман ва юқорида кўрсатилган маълумотларнинг ҳақиқийлигини тасдиқлайман ва тегишли маълумотларнинг ошкор этилишига розилигимни билдираман. Паспорт ва ижтимоий мезонларга мувофиқлигини тасдиқловчи ҳужжатлар нусхалари илова қилинади. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________ ‎ ‎ ‎ ‎ ‎ ‎ ‎ ‎ ‎ ‎ ‎ _____ _____ _____ ‎ ‎ ‎ ‎ ‎ ‎ имзо ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ йил кун ой ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎

3. Вазирлар Маҳкамасининг 2021 йил 5 февралдаги 56-сон қарори билан тасдиқланган Ўзбекистон Республикаси Молия вазирлиги томонидан жойлаштирилган маблағлар ҳисобидан ипотека кредитлари ажратиш тартиби тўғрисидаги низомда :

а) 2-бандда :

учинчи хатбоши қуйидаги таҳрирда баён қилинсин:

«якка тартибдаги уй-жойларни қуриш (реконструкция қилиш) учун ипотека кредитларини ажратишда»;

қуйидаги мазмундаги хатбоши қўшилсин:

«тижорат банклари томонидан ўз маблағлари ҳисобидан улушдор-жисмоний шахсларга берилган ипотека кредитларини Молия вазирлиги томонидан ажратилган маблағлар ҳисобидан қайта молиялаштиришда қўлланилади»;

б) 3-банднинг иккинчи хатбошиси қуйидаги таҳрирда баён қилинсин:

«тижорат банкларининг (кейинги ўринларда — банк) ички кредит сиёсатига мувофиқ ўз маблағлари (янги тартиб доирасида улушдор-жисмоний шахсларга ажратилган ипотека кредитлари бундан мустасно), халқаро молия ташкилотлари ва хорижий ҳукумат молия ташкилотлари маблағлари ҳамда бошқа жалб қилинган маблағлар ҳисобидан жисмоний шахсларга уй-жой (квартира) сотиб олиш, қуриш (реконструкция қилиш), таъмирлаш учун ипотека кредитлари ажратишга»;

в) 4-банд қуйидаги таҳрирда баён қилинсин:

«4. Ушбу Низомда қуйидаги асосий тушунчалар қўлланилади:

ариза берувчи — бирламчи уй-жой бозорида квартирани сотиб олиш ёки якка тартибда уй-жой қуриш (реконструкция қилиш) мақсадида ипотека кредити олиш учун банкка ариза тақдим этган фуқаро;

бирламчи уй-жой бозори (янги қурилган уй-жой) — туман (шаҳар) ҳокимининг қурилиши тугалланган уй-жойни фойдаланишга қабул қилиб олиш тўғрисида комиссия далолатномасини тасдиқлаш ҳақидаги қарори асосида мулк ҳуқуқи юзага келган ҳамда қабул қилиб олинганига уч йилдан кўп бўлмаган уй-жой;

биргаликда қарз олувчи — қарз олувчининг ипотека кредити асосий суммаси ва кредит бўйича ҳисобланган фоизларнинг ҳар ойдаги тўловларида қатнашадиган, шунингдек, ипотека кредити бўйича солидар жавоб берадиган жисмоний шахслар;

бошланғич бадал — сотиб олинадиган квартиранинг ёки қуриладиган (реконструкция қилинадиган) якка тартибдаги уй-жой қийматининг ипотека кредити олиш учун қарз олувчи томонидан ўз маблағлари ва қонун ҳужжатларида тақиқланмаган бошқа манбалар ҳисобидан белгиланган меъёрларда шакллантириладиган қисми;

ипотека кредити — аҳолига бирламчи уй-жой бозоридаги квартираларни сотиб олиш учун ёки якка тартибдаги уй-жойларни қуриш (реконструкция қилиш) учун Молия вазирлиги томонидан жойлаштирилган маблағлар ҳисобидан банклар томонидан бозор тамойиллари асосида ажратиладиган кредитлар;

иштирок этувчи тижорат банклари — фуқаролар томонидан бирламчи бозорда танланган уй-жойларни сотиб олишга ёки якка тартибдаги уй-жойларни қуришга (реконструкция қилишга) Молия вазирлиги томонидан жойлаштирилган маблағлар ҳисобидан ипотека кредитини тақдим этувчи банклар;

пудрат ташкилоти — кўп квартирали уйларни ёки якка тартибдаги уй-жойларни ўз маблағлари, банк кредити ва қонун ҳужжатларида тақиқланмаган бошқа маблағлар ҳисобидан қуриш (реконструкция қилиш)ни амалга оширувчи ҳамда бирламчи уй-жой бозорида қурилган квартираларни сотиш учун таклиф этувчи тадбиркорлик субъекти;

субсидия — ипотека кредитлари асосида:

уй-жой сотиб олиш учун бошланғич бадал ва кредит фоизининг бир қисмини;

якка тартибдаги уй-жойларни қуриш ва реконструкция қилиш учун кредит фоизининг бир қисмини қоплаш мақсадида давлат бюджетидан фуқаро учун банкда унинг номига очилган тегишли ҳисобвараққа ўтказилган маблағлар;

уй-жой — пудрат ташкилотлари томонидан ўз маблағлари, банк кредити ва қонун ҳужжатларида тақиқланмаган бошқа манбалар ҳисобидан қурилган бирламчи уй-жой бозоридаги квартиралар ҳамда фуқаронинг ўз кучи билан, хусусий пудрат ташкилотларини ёки ўзини ўзи банд қилган шахс сифатида рўйхатдан ўтган ёлланма ишчиларни жалб этган ҳолда қурилган (реконструкция қилинган) якка тартибдаги уй-жойлар;

уй-жойнинг ҳисобланган қиймати — квартира хоналари сонидан қатъи назар унинг бир квадрат метрининг тегишли ҳудуддаги ўртача бозор қиймати ҳамда майдонининг энг кўп меъёридан келиб чиқиб белгиланадиган қиймат;

қарз олувчи — бирламчи уй-жой бозоридаги квартирани сотиб олиш ёки якка тартибдаги уй-жойни қуриш (реконструкция қилиш) учун ипотека кредити олган ва кредит шартномасида белгиланган шартларда қайтариш мажбуриятини эга фуқаро;

якка тартибдаги уй-жой қуриш (реконструкция қилиш) — фуқаронинг белгиланган тартибда умрбод эгалик қилиш ҳуқуқи асосида ажратилган ер участкасида (кейинги ўринларда — ер участкаси) белгиланган тартибда келишилган ва тасдиқланган лойиҳа асосида (кейинги ўринларда — лойиҳа асосида) фуқаронинг ўз кучи билан, хусусий пудрат ташкилотини ёки ўзини ўзи банд қилган шахс сифатида рўйхатдан ўтган ёлланма ишчиларни ёллаган ҳолда якка тартибдаги уй-жой қуриш, унинг меъморчилик-режалаштириш ечимларини ўзгартириш, уйнинг устига, ёнига қўшимча қуриш, эскирган конструкциялар ва муҳандислик иншоотларини, шу жумладан, ташқи тармоқларни (магистрал тармоқдан ташқари) қисмларга ажратган, алмаштирган ҳолда ўзгартириш»;

г) 6-банд қуйидаги таҳрирда баён қилинсин:

«6. Молия вазирлиги томонидан банкларга ажратиладиган маблағлар ва банклар томонидан қарз олувчиларга бериладиган ипотека кредитлари:

20 йилдан кўп бўлмаган муддатга бозор (фоиз) ставкасида ажратилади;

улар бўйича қоида тариқасида аннуитет тўловлар тартиби татбиқ этилади;

фоиз ставкаси Ўзбекистон Республикаси Марказий банкининг (кейинги ўринларда — Марказий банк) асосий ставкаси пасайтирилган тақдирда, мутаносиб равишда камаяди, оширилган тақдирда эса ўзгаришсиз қолади.

Бунда:

фоиз тўловларидаги ўзгаришлар Марказий банк асосий ставкасининг пасайтирилиши амалга киритилган кундан бошлаб ҳисоб-китоб қилинади;

қарз олувчиларга уларнинг хоҳишига кўра 6 ойлик имтиёзли давр билан ва кредит тўловлари бўйича дифференциал тўловлар тартиби татбиқ этилиши, шунингдек, Молия вазирлиги томонидан банкларга ажратиладиган маблағлар бўйича ҳам ушбу шартлар белгиланиши мумкин;

улушдор-жисмоний шахсларга ипотека кредитлари улуш киритиш асосида қурилган кўп квартирали уй-жойлардаги квартиралар давлат рўйхатидан ўтказилгандан сўнг янги тартиб доирасида белгиланган ипотека кредитларининг энг кўп миқдоридан ошмаган миқдорда қайта молиялаштирилади.

Агар банклар томонидан ипотека кредитлари бўйича фоиз ставкаси пасайтирилмаган тақдирда, банкнинг ипотека кредитлари бўйича фоиз ставкасини пасайтирилмаслик натижасида олган фоиз даромадининг икки баравари миқдорида жарима ҳисоблаган ҳолда унинг барча ҳисобварақларидан Молия вазирлиги томонидан жойлаштирилган маблағлар (ундириш кунига ҳисобланган фоизлар билан бирга) сўзсиз ундирилади.

Ушбу шартлар Молия вазирлиги ва банклар ўртасидаги Бош битим ва шартномаларда ҳамда банклар ва қарз олувчилар ўртасидаги ипотека кредити шартномаларида белгилаб қўйилган бўлиши керак.»;

д) 7-банддаги «(қайта қуриш)» сўзлари «(реконструкция қилиш)» сўзлари билан алмаштирилсин;

е) 16-бандда :

«г» кичик банд қуйидаги таҳрирда баён қилинсин:

«г) ипотека кредити олиш учун бирламчи уй-жой бозорида сотиб олинадиган квартира қийматининг 15 фоизидан кам бўлмаган миқдорда (шу жумладан, бошланғич бадалнинг бир қисми учун субсидия тўланадиган шахслар бўйича субсидия суммасини инобатга олган ҳолда) бошланғич бадални шакллантириш имкониятига эга бўлиши;»;

«д» кичик банд қуйидаги таҳрирда баён қилинсин:

«д) якка тартибдаги уй-жой қуриш (реконструкция қилиш) ишлари қийматининг 15 фоизидан кам бўлмаган миқдорда бошланғич бадални шакллантириш имкониятига эга бўлиши»;

«е» кичик банддаги «(қайта қуриладиган)» сўзлари «(реконструкция қилинадиган)» сўзлари билан алмаштирилсин;

«з» кичик банддаги «(қайта қуриш)» сўзлари «(реконструкция қилиш)» сўзлари билан алмаштирилсин;

ж) 22-банд қуйидаги таҳрирда баён қилинсин:

«22. Қарз олувчининг ипотека кредитини қайтариш бўйича мажбурияти таъминоти сифатида:

бирламчи уй-жой бозоридан сотиб олинаётган квартира;

якка тартибда қуриладиган (реконструкция қилинадиган) уй-жой гарови ёки бошқа таъминот турлари тақдим этилади.

Улушдор-жисмоний шахслар ипотека кредити бўйича таъминот сифатида банкнинг ички кредит сиёсатига асосан пудрат ташкилотининг ёки қонунчиликда тақиқланмаган бошқа мол-мулкдан фойдаланиши мумкин.

Агар кредит олиш вақтида пудрат ташкилотининг мол-мулки ёки бошқа таъминот тури тақдим этилган бўлса, уй-жой қурилиши (реконструкция қилиниши) якунланиб кадастр ҳужжатлари расмийлаштирилганидан сўнг кредит бўйича таъминот ушбу уй-жойнинг ипотекасига алмаштирилади.»;

з) 24-банднинг иккинчи хатбошисидаги «(қайта қуриш)» сўзлари «(реконструкция қилиш)» сўзлари билан алмаштирилсин;

и) 25-банддаги «(қайта қуриладиган)» сўзлари «(реконструкция қилинадиган)» сўзлари билан алмаштирилсин;

к) 27-банднинг тўртинчи хатбошисидаги «(қайта қуриш)» сўзлари «(реконструкция қилиш) сўзлари билан алмаштирилсин;

л) 28-банд қуйидаги таҳрирда баён қилинсин:

«28. Тайёр ҳолда топшириш шарти билан қуриб битказилган кўп квартирали уй-жойлардаги квартираларни бирламчи уй-жой бозорида сотиб олиш ҳамда якка тартибдаги уй-жойни қуриш (реконструкция қилиш) ишлари учун Молия вазирлиги томонидан жойлаштирилган маблағлар ҳисобидан фуқароларга ипотека кредити банклар томонидан қуйидаги шартлар асосида ажратилади:

1) бозор ставкасида;

2) 20 йилдан кўп бўлмаган муддатга;

3) бошланғич бадали сотиб олинадиган квартира ва якка тартибда қурилаётган (реконструкция қилинаётган) уй-жой қийматининг 15 фоизидан кам бўлмаган миқдорда;

4) бир қарз олувчига бериладиган ипотека кредитлари уй-жой ҳисобланган қийматининг 85 фоизидан ошмайдиган миқдорда».

м) 30-банднинг биринчи хатбошисидаги «(қайта қурилган)» сўзлари «(реконструкция қилинган)» сўзлари билан алмаштирилсин;

н) 32-банднинг иккинчи хатбошисидаги «(қайта қуриш)» сўзлари «(реконструкция қилиш)» сўзлари билан алмаштирилсин;

о) 33-банддаги «(қайта қурилаётган)» сўзлари «(реконструкция қилинаётган)» сўзлари билан алмаштирилсин;

п) 40-бандда :

«а» кичик банддаги «(қайта қуриш)» сўзлари «(реконструкция қилиш)» сўзлари билан алмаштирилсин;

«в» кичик банддаги «(қайта қурилаётган)» сўзлари «(реконструкция қилинаётган)» сўзлари билан алмаштирилсин;

р) 5-бобнинг номи «(қайта қуриш)» сўзлари «(реконструкция қилиш)» сўзлари билан алмаштирилсин;

с) 44-бандда :

биринчи хатбошидаги «(қайта қуриш)» сўзлари «(реконструкция қилиш)» сўзлари билан алмаштирилсин;

қуйидаги мазмундаги хатбоши қўшилсин:

«Бунда қарз олувчининг ўз кучи билан ёки ўзини ўзи банд қилган шахс сифатида рўйхатдан ўтган ёлланма ишчиларни жалб этган ҳолда якка тартибдаги уй-жойлар қуриш (реконструкция қилиш) учун ажратилган кредитлар бажарилган ишлар ҳажмига мутаносиб равишда босқичма-босқич қарз олувчининг банк картасига ўтказиб берилади»;

т) 45-банднинг иккинчи хатбошиси қуйидаги таҳрирда баён қилинсин:

«Бажарилган ишлар ҳажмининг 95 фоизгача қисми қарз олувчининг бошланғич бадали (жами бажариладиган ишлар қийматининг 15 фоизи) ҳисобидан ўтказиб берилган аванс маблағларга мутаносиб равишда ушлаб қолинган ҳолда бажарилган қурилиш-монтаж ишлари тўғрисидаги далолатномага мувофиқ молиялаштириб борилади ҳамда якка тартибдаги уй-жой қийматининг 5 фоизи миқдоридаги қолган қисми банк ходими томонидан жойига чиқиб ипотека кредитини тўлиқ ажратиш тўғрисида хулоса берилгандан сўнг тўланади.»;

у) 46-банднинг биринчи хатбошисидаги «(қайта қурилиши)» сўзлари «(реконструкция қилиниши)» сўзлари билан алмаштирилсин;

ф) 50-банднинг учинчи хатбошиси қуйидаги таҳрирда баён қилинсин:

«Фоиз харажатининг бир қисмини қоплаш учун субсидия ҳудудий ғазначилик бўлинмаси томонидан қарз олувчининг банк томонидан кўрсатилган ҳисобварағига ўтказиб берилади.»;

х) 69-банддаги «(қайта қурилган)» сўзлари «(реконструкция қилинган)» сўзлари билан алмаштирилсин;

ц) Низомга 2-илова қуйидаги таҳрирда баён қилинсин:

«Ўзбекистон Республикаси Молия вазирлиги томонидан жойлаштирилган маблағлар ҳисобидан аҳолига ипотека кредитлари ажратиш тартиби тўғрисидаги низомга 2-ИЛОВА

Якка тартибда уй-жой қуриш (реконструкция қилиш) учун ипотека кредитлари ажратиш

Босқичлар Субъектлар Чора-тадбирлар Муддат 1-босқич Қарз олувчи Ер участкаларида белгиланган тартибда келишилган лойиҳа асосида ҳамда туман (шаҳар) аҳоли пунктлари бош режаси ва шаҳарсозлик нормаларига мос ҳолда пудрат ташкилоти ёки ўзини ўзи банд қилган шахс сифатида рўйхатдан ўтган ёлланма ишчилар билан якка тартибда уй-жой қуриш (реконструкция қилиш) бўйича шартномани имзолайди, ўз кучи билан амалга ошириш ҳолати бундан мустасно. Ўз хоҳишига кўра белгиланган муддатларда 2-босқич Қарз олувчи Банкка тегишли ҳужжатлар билан бошланғич бадал тўловини амалга оширган ҳолда ипотека кредити олиш учун ариза топширади. Бунда якка тартибда уй-жойни қуриш (реконструкция қилиш) амалга оширилишида, ажратиладиган ипотека кредити бўйича бошланғич бадал учун қарз олувчи томонидан сотиб олинган қурилиш материаллари ва/ёки бажарилган қурилиш-монтаж ишлари қиймати ҳисобга олиниши мумкин. Ўз хоҳишига кўра белгиланган муддатларда 3-босқич Банк Кредит олиш бўйича тақдим этилган ариза ва унга илова қилинган ҳужжатларни кўриб чиқиб, аризани қаноатлантириш ёки рад этиш тўғрисида қарор қабул қилади. Ариза қаноатлантирилган тақдирда, кредит шартномаси имзоланади. 3 иш кунида 4-босқич Пудрат ташкилоти (ўзини ўзи банд қилган шахс сифатида рўйхатдан ўтган ёлланма ишчилар), қарз олувчи Якка тартибдаги уй-жойни қуриш (реконструкция қилиш) ишларини амалга оширади. Шартномада белгиланган муддатларда 5-босқич Банк Шартнома ва лойиҳа асосида якка тартибдаги уй-жойни қуриш (реконструкция қилиш) бўйича бажарилган ишлар бўйича тўловлар учун ипотека кредити ва қарз олувчи томонидан банкда шаклланган маблағларни пудрат ташкилотларининг депозит ҳисобварағига нақд пулсиз шаклда ўтказиб беради. Бунда қарз олувчининг ўз кучи билан ёки ўзини ўзи банд қилган шахс сифатида рўйхатдан ўтган ёлланма ишчиларни жалб этган ҳолда якка тартибдаги уй-жойлар қуриш (реконструкция қилиш) учун ажратилган кредитларни қарз олувчининг банк картасига ўтказиб беради. Шартномада белгиланган муддатларда 6-босқич Қарз олувчи Кредит шартномасининг қайтариш графигига асосан ипотека кредити ва унга ҳисобланган фоиз тўловларини тўлаб боради. Ҳар ойнинг 25-кунигача

Ўзбекистон Республикасининг Бош вазири А. АРИПОВ

Тошкент ш.,

2021 йил 23 август,

537-сон

(Қонунчилик маълумотлари миллий базаси, 24.08.2021 й., 09/21/537/0818-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

MEZONLARI

TARKIBI

SXEMASI

SXEMASI

Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida” 2021-yil 11-martdagi PF-6186-son Farmoni)

Oʻzbekiston Respublikasi Prezidentining “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida” 2021-yil 11-martdagi PF-6186-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Oʻzbekiston Respublikasi Moliya vazirligi:

Iqtisodiy taraqqiyot va kambagʻallikni qisqartirish vazirligi bilan birgalikda ushbu qarorning mazmun-mohiyati aholi va tadbirkorlik subyektlariga yetkazilishini taʼminlasin;

manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov hamda Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov zimmasiga yuklansin.

Vazirlar Mahkamasining 2021-yil 23-avgustdagi 537-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

1. Vazirlar Mahkamasining 2017-yil 11-avgustdagi 619-son qarori bilan tasdiqlangan Oʻzbekiston Respublikasi Qurolli Kuchlarining harbiy xizmatchilariga turar joy sotib olish (qurish) uchun uzoq muddatli imtiyozli ipoteka kreditlari hamda yakka tartibda uy-joy qurish uchun yer uchastkalari berish tartibi toʻgʻrisidagi nizomning 4 va 5-bandlari quyidagi tahrirda bayon qilinsin:

“4. Turar joy sotib olish (qurish) uchun harbiy xizmatchilar tomonidan ipoteka krediti olinishida uy-joyning hisoblangan qiymatining 25 foizi miqdoridagi dastlabki badal tegishli idoralar tomonidan Oʻzbekiston Respublikasi Davlat budjeti mablagʻlari va tegishli idoralarning budjetdan tashqari mablagʻlari hisobiga kiritiladi.

Bunda sotib olinadigan turar joyning shartnomadagi qiymati uy-joyning hisoblangan qiymatidan kam boʻlgan taqdirda, dastlabki badal shartnomada koʻrsatilgan qiymatning 25 foizi miqdorida ajratiladi.

5. Dastlabki badal miqdori sotib olinayotgan (qurilayotgan) uy-joyning hisoblangan qiymatining 25 foizidan ortiq boʻlmasligi kerak.

Sotib olinayotgan (qurilayotgan) turar joy uchun dastlabki badal miqdori loyiha-smeta hujjatlari belgilangan tartibda davlat ekspertizasidan oʻtkazilishi natijalari boʻyicha uning qiymatidan kelib chiqib aniqlanadi.

Bunda sotib olinayotgan (qurilayotgan) turar joy qiymati ipoteka krediti boʻyicha dastlabki badal toʻlanayotgan sanada belgilangan uy-joyning hisoblangan qiymatidan ortiq boʻlmasligi kerak, qonunchilik hujjatlarida belgilangan holatlar bundan mustasno”;

2. Vazirlar Mahkamasining “Uy-joy sotib olish uchun fuqarolarga subsidiya toʻlash tartibi toʻgʻrisidagi nizomni tasdiqlash haqida” 2020-yil 25-martdagi 182-son qarorida :

a) qaror nomi quyidagi tahrirda bayon qilinsin:

“Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomni tasdiqlash haqida”;

b) 1-banddan “(yoki)” soʻzi chiqarib tashlansin;

v) 2-band quyidagi tahrirda bayon qilinsin:

“2. Quyidagilarni nazarda tutuvchi Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisida nizom ilovaga muvofiq tasdiqlansin:

uy-joy sotib olishga ipoteka kreditining boshlangʻich badali va foizlarning bir qismini Oʻzbekiston Respublikasi Davlat budjeti mablagʻlari hisobidan qoplab berish;

yakka tartibdagi uy-joylarga ajratilgan ipoteka kreditlari boʻyicha foizlarning bir qismini Oʻzbekiston Respublikasi Davlat budjeti mablagʻlari hisobidan qoplab berish;

uy-joy sharoitlarini yaxshilashga muhtoj boʻlgan fuqarolar tomonidan subsidiya olish uchun ariza berish, ariza beruvchini ijtimoiy mezonlar boʻyicha baholash;

tuman (shahar)da uy-joy sotib olish yoki yakka tartibdagi uy-joylarni qurish va rekonstruksiya qilish uchun subsidiya toʻlanadigan talabgorlarni tanlash boʻyicha komissiyalar faoliyatini tashkil etish va ijtimoiy mezonlar boʻyicha baholash natijalarini koʻrib chiqish;

sotib olinadigan yoki yakka tartibdagi uy-joylarni qurish va rekonstruksiya qilish uy-joylarni aniqlash, ajratiladigan ipoteka krediti boʻyicha subsidiyani hisoblash, ipoteka kreditini rasmiylashtirish va subsidiyalarni toʻlab berish tartibi.”;

g) 3 1 -bandning ikkinchi xatboshisidagi “2021-yil 1-iyulga” soʻzlari “2021-yil 1-dekabrga” soʻzlari bilan almashtirilsin;

d) quyidagi mazmundagi 3 2 -band qoʻshilsin:

“3 2 . Belgilansinki, Oʻzbekiston Respublikasi Prezidentining “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida” 2021-yil 11-martdagi PF-6186-son Farmoni qabul qilinguniga qadar subsidiya taqdim etish toʻgʻrisidagi xabarnomalarni olgan shaxslarga ipoteka kreditlari va subsidiyalar ajratishda 2020-yilda amalda boʻlgan shartlar va miqdorlar saqlab qolinadi.

Oʻzbekiston Respublikasi Prezidentining 2021-yil 11-martdagi PF-6186-son Farmoni qabul qilinganidan soʻng subsidiya olish uchun murojaat qilgan ariza beruvchining daromadlariga u bilan birga yashamayotgan yaqin qarindoshlarining daromadlari ham kiritilib hisoblanayotganligi maʼlumot uchun qabul qilinsin”;

e) 4-bandning birinchi xatboshisidagi , 5 va 7-bandlardagi “Iqtisodiyot va sanoat” soʻzlari “Iqtisodiy taraqqiyot va kambagʻallikni qisqartirish” soʻzlari bilan almashtirilsin;

j) 9-banddagi “iqtisodiyot va sanoat” soʻzlari “iqtisodiy taraqqiyot va kambagʻallikni qisqartirish” soʻzlari bilan almashtirilsin;

z) ilova quyidagi tahrirda bayon qilinsin:

“Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisida

1-bob. Umumiy qoidalar

1. Ushbu Nizom:

Oʻzbekiston Respublikasi Prezidentining “Ipoteka krediti mexanizmlarini takomillashtirishga oid qoʻshimcha chora-tadbirlar toʻgʻrisida” 2019-yil 28-noyabrdagi PF-5886-son Farmoni asosida joriy etilgan bozor tamoyillariga asoslangan ipoteka kreditlari orqali aholini uy-joy bilan taʼminlashning yangi tartibi (keyingi oʻrinlarda — yangi tartib) doirasida koʻp kvartirali uy-joylardagi kvartiralarni sotib olish uchun ipoteka krediti boʻyicha boshlangʻich badal va foizlarning bir qismini;

Oʻzbekiston Respublikasi Prezidentining “Bozor tamoyillariga asoslangan ipoteka kreditlarini ajratish orqali aholini uy-joy bilan taʼminlashga oid qoʻshimcha chora-tadbirlar toʻgʻrisida” 2021-yil 11-martdagi PF-6186-son Farmoni asosida yakka tartibdagi uy-joylarga ajratilgan ipoteka kreditlari boʻyicha foizlarning bir qismini qoplash uchun Oʻzbekiston Respublikasi Davlat budjeti (keyingi oʻrinlarda — Davlat budjeti) mablagʻlari hisobiga subsidiya taqdim etiladigan Oʻzbekiston Respublikasi fuqarolarini (keyingi oʻrinlarda — fuqarolar), shu jumladan, daromadi yuqori boʻlmagan va uy-joy sharoitlarini yaxshilashga muhtoj boʻlgan fuqarolarni aniqlash mezonlari, subsidiyalarni hisoblash va toʻlash tartibini belgilaydi.

2. Ushbu Nizomda quyidagi asosiy tushunchalardan foydalaniladi:

ariza beruvchi — ipoteka kreditlari boʻyicha boshlangʻich badal va foiz xarajatlarining bir qismini qoplash uchun subsidiya olish maqsadida ariza bilan murojaat qiluvchi 18 yoshga toʻlgan Oʻzbekiston Respublikasi fuqarosi;

ballar — uy-joyga muhtoj fuqarolarni aniqlash va ularning ijtimoiy ustuvorligini belgilash uchun foydalaniladigan ijtimoiy mezonlar boʻyicha baholar toʻplami;

boshlangʻich badal — Qoraqalpogʻiston Respublikasi, viloyatlar shaharlari va Toshkent shahrida (keyingi oʻrinlarda — shaharlar) va tuman maʼmuriy markazlariga tutash hududlarda (keyingi oʻrinlarda — qishloq joylar) birlamchi uy-joy bozorida sotib olinadigan kvartira qiymatining 15 foizidan kam boʻlmagan miqdordagi mablagʻ;

daromadi yuqori boʻlmagan oila — qonun hujjatlariga muvofiq aniqlanishi mumkin boʻlgan oʻrtacha oylik daromadlar miqdori:

qishloq joylarda belgilangan mehnatga haq toʻlashning eng kam miqdorining (keyingi oʻrinlarda — MHTEKM) 3,0 baravaridan 6,9 baravarigacha;

Qoraqalpogʻiston Respublikasi va viloyatlar shaharlarida belgilangan MHTEKMning 3,0 baravaridan 8,0 baravarigacha;

Toshkent shahrida belgilangan MHTEKMning 3,0 baravaridan 9,2 baravarigacha boʻlgan oilalar;

ijtimoiy mezonlar — uy-joy sharoitini yaxshilashga muhtoj fuqarolarni aniqlashda qoʻllaniladigan ushbu Nizomga 1-ilovada keltirilgan asosiy koʻrsatkichlar;

ishtirok etuvchi tijorat banklari — fuqarolar tomonidan birlamchi bozorda tanlangan uy-joylarni sotib olishga yoki yakka tartibdagi uy-joylarni qurish va rekonstruksiya qilishga ipoteka kreditini taqdim etuvchi tijorat banklari;

komissiya — tegishli tuman (shahar) hokimi qarori bilan tasdiqlangan tuman (shahar)da subsidiya toʻlanadigan fuqarolarni tanlab olish boʻyicha ushbu Nizomga 3-ilovaga muvofiq namunaviy tarkibda shakllantiriladigan komissiya;

subsidiya — ipoteka kreditlari asosida:

kvartira sotib olish uchun boshlangʻich badal va kredit foizining bir qismini;

yakka tartibdagi uy-joylarni qurish va rekonstruksiya qilish uchun kredit foizining bir qismini qoplash maqsadida Davlat budjetidan fuqaro uchun bankda uning nomiga ochilgan tegishli hisobvaragʻiga oʻtkazilgan mablagʻ;

boshlangʻich badal uchun subsidiya — talabgorga shaharlarda va qishloq joylarda qurilgan kvartirani ipoteka krediti asosida sotib olishda boshlangʻich badalning bir qismini qoplash uchun uy-joy hisoblangan qiymatining 10 foizi miqdorida Davlat budjetidan talabgor nomiga bankda ochilgan tegishli hisobvaragʻiga oʻtkazilgan mablagʻ;

foiz uchun subsidiya — talabgorga shaharlarda va qishloq joylarda qurilgan kvartirani sotib olishda yoki yakka tartibdagi uy-joylarni qurish va rekonstruksiya qilishda ipoteka krediti foizining bir qismini qoplash uchun Davlat budjetidan talabgorning bankda ochilgan tegishli hisobvaragʻiga birinchi 5 yil davomida oʻtkaziladigan mablagʻ;

talabgor — ipoteka kreditlari boʻyicha subsidiya berish toʻgʻrisida ijobiy xabarnomani olgan ariza beruvchi;

uy-joy — pudrat tashkilotlari tomonidan oʻz mablagʻlari, bank krediti va qonunchilik hujjatlarida taqiqlanmagan boshqa manbalar hisobidan qurilgan birlamchi uy-joy bozoridagi kvartiralar hamda fuqaro bilan tuzilgan shartnoma doirasida unga umrbod egalik qilish huquqi asosida ajratilgan yer uchastkasida qurilgan (rekonstruksiya qilingan) yakka tartibdagi uy-joylar;

uy-joyning hisoblangan qiymati — har yili kelgusi yil uchun birlamchi bozordagi uy-joylarni sotib olishga ajratilishi mumkin boʻlgan ipoteka kreditlari va Oʻzbekiston Respublikasi Davlat budjetidan boshlangʻich badalning bir qismini qoplashga ajratiladigan subsidiyaning yuqori miqdorlarini belgilash maqsadida kvartira xonalari sonidan qatʼi nazar uning bir kvadrat metrining tegishli hududdagi oʻrtacha bozor qiymati hamda maydonining eng koʻp meʼyoridan kelib chiqib aniqlanadigan qiymat;

xabarnoma — tuman (shahar) Davlat xizmatlari markazi yoki Yagona interaktiv davlat xizmatlari portali orqali ariza beruvchiga yuboriladigan ushbu Nizomga 2 va 2a-ilovalarga muvofiq Oʻzbekiston Respublikasi Davlat budjetidan subsidiya berish yoki uni berishni rad etish toʻgʻrisida komissiyaning QR-kodga ega boʻlgan qarori.

3. Ushbu Nizom doirasida aholiga ipoteka kreditlari bozor shartlari asosida belgilanadigan foiz stavkalarida:

shaharlar va qishloq joylarda birlamchi bozordagi kvartiralarni sotib olish;

yakka tartibdagi uy-joylarni qurish va rekonstruksiya qilish uchun ajratiladi.

4. Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi hamda Qurilish vazirligi har yili kelgusi yil uchun kvartira xonalari sonidan qatʼi nazar uning bir kvadrat metrining tegishli hududdagi oʻrtacha bozor qiymati hamda maydonining eng koʻp meʼyoridan kelib chiqib uy-joyning hisoblangan qiymatini aniqlaydi.

Uy-joyning hisoblangan qiymati quyidagi maqsadlarda qoʻllaniladi:

Oʻzbekiston Respublikasi Moliya vazirligi tomonidan tijorat banklariga ajratilgan mablagʻlar hisobidan birlamchi bozordagi uy-joylarni sotib olishga yoki yakka tartibdagi uy-joylarni qurish va rekonstruksiya qilishga ajratilishi mumkin boʻlgan ipoteka kreditlarining;

shaharlarda va qishloq joylarda talabgorlar uchun Davlat budjetidan boshlangʻich badalning bir qismini qoplashga ajratiladigan subsidiyaning yuqori miqdorlarini belgilash.

5. Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari shahar va qishloq joylarda belgilangan tartibda tasdiqlangan subsidiyalar toʻlashning maqsadli parametrlaridan kelib chiqib subsidiyalarni tuman (shahar)lar boʻyicha qurilgan uy-joylar soniga mutanosib ravishda taqsimlash va zarur hollarda qayta taqsimlash boʻyicha qaror qabul qiladi.

Subsidiyalar subsidiya toʻlashning maqsadli parametrlarida belgilangan hududdagi qurilgan uy-joylar uchun yoʻnaltiriladi.

Shuningdek, subsidiya fuqarolarga roʻyxatga olingan doimiy yashash joyi boʻlgan hudud (Qoraqalpogʻiston Respublikasi, viloyatlar va Toshkent shahar) doirasida ajratiladi.

Qoraqalpogʻiston Respublikasi va viloyatlar shaharlariga ajratilgan subsidiyalar ushbu hududdagi aholi tomonidan belgilangan taqsimot doirasida tuman va/yoki shahardan olishi mumkin, agar qonun hujjatlarida boshqacha tartib belgilanmagan boʻlsa.

Shu bilan birga, Qoraqalpogʻiston Respublikasi Vazirlar Kengashi Raisi va viloyatlar hokimlarining subsidiyalarni taqsimlash boʻyicha qarorlarida shahar va qishloq joylarda quriladigan va rekonstruksiya qilinadigan yakka tartibdagi uy-joylar soni ham inobatga olinadi.

6. Oʻzbekiston Respublikasi Moliya vazirligi, Iqtisodiy taraqqiyot va kambagʻallikni qisqartirish vazirligi, Qurilish vazirligi tuman (shahar) hokimliklari bilan birgalikda shahar va qishloq joylarda qurilishi rejalashtirilayotgan uy-joylar soni, subsidiya toʻlanadigan fuqarolarni tanlab olish mezonlari, subsidiya soni va umumiy hajmi hamda berish tartibi va shartlarini koʻrsatgan holda internet tarmoqlari va ommaviy axborot vositalari orqali belgilangan muddatda eʼlon beradi.

7. Ariza beruvchi tomonidan taqdim etilgan ariza asosida ijtimoiy mezonlarga mos kelishini aniqlash va baholash quyidagi masʼul tashkilotlarning tuman (shahar) boʻlimlari (keyingi oʻrinlarda — masʼul tashkilotlar) tomonidan amalga oshiriladi:

oʻrganib chiqish jarayonida doimiy ishtirok etuvchi masʼul tashkilotlar — ichki ishlar boʻlimi (boshqarmasi), yer tuzish va koʻchmas mulk kadastri davlat korxonasi, davlat soliq inspeksiyasi, moliya boʻlimi va ishtirok etuvchi tijorat banklari;

oʻrganib chiqish jarayonida fuqaroning anteka-arizasida koʻrsatilgan maʼlumotlardan kelib chiqib, ushbu maʼlumotlarni baholash uchun ishtirok etuvchi masʼul tashkilotlar — tibbiyot birlashmasi, aholi bandligiga koʻmaklashish markazi, mahalla va oilani qoʻllab-quvvatlash boʻlimlari, yoshlar ishlari agentligining tuman (shahar) boʻlimi va tuman (shahar) hokimligi.

8. Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash ushbu Nizomga 4-ilovaga muvofiq sxema boʻyicha amalga oshiriladi.

2-bob. Subsidiya olish uchun ariza berish tartibi

9. Shahar va qishloq joylarda qurilgan birlamchi bozordagi kvartiralarni sotib olishga yoki yakka tartibdagi uy-joylarni qurish va rekonstruksiya qilishga ajratilgan ipoteka kreditlari boʻyicha subsidiya toʻlanadigan talabgorlarni tanlash komissiya va masʼul tashkilotlar tomonidan qonuniylik, shaffoflik, adolat va haqqoniylik tamoyillari asosida amalga oshiriladi.

10. Ariza beruvchi ipoteka kreditlari boʻyicha subsidiya olish uchun istalgan tuman (shahar) Davlat xizmatlari markaziga oʻzi kelib murojaat etadi yoki Yagona interaktiv davlat xizmatlari portali (keyingi oʻrinlarda — YIDXP)da davlat xizmatidan elektron tarzda foydalanish uchun roʻyxatdan oʻtadi.

Oʻzi kelib murojaat etganda Davlat xizmatlari markazi xodimi ariza beruvchi nomidan, YIDXP orqali murojaat qilinganda esa ariza beruvchi mustaqil ravishda ushbu Nizomga 5-ilovaga muvofiq davlat xizmatidan foydalanish uchun anketa-arizani elektron tarzda toʻldiradi va quyidagi hujjatlarni elektron tarzda ilova qiladi yoki maʼlumotlarni taqdim etadi:

a) jismoniy shaxsning shaxsiy identifikatsiya raqami maʼlumotlari;

b) oila aʼzolarining (jismoniy shaxsning) shaxsiy identifikatsiya raqami maʼlumotlari va nikoh qayd etilganligi guvohnomasi (toʻliq oila va nikoh hamda voyaga yetgan farzandlar mavjud boʻlgan taqdirda) va (yoki) farzandlar tugʻilganligi haqidagi guvohnomalar (voyaga yetmagan farzandlar bor boʻlgan taqdirda) nusxalari;

v) belgilangan tartibda nikoh bekor qilinganligi haqidagi guvohnoma yoki nikoh haqiqiy emas deb tan olinganligi toʻgʻrisida sud qarori (nikoh qayd etilgan holatda) yoki oilaviy holati toʻgʻrisida fuqarolik holati dalolatnomalarini yozish organlari arxividan maʼlumotnoma nusxasi (nikoh qayd etilmagan holatda);

g) doimiy yashash joyi boʻyicha roʻyxatga olingan joyidan kadastr raqami va turiga tegishli maʼlumotlar (agar turar joyi doimiy yashash joyi boʻyicha roʻyxatga olingan joyi bilan toʻgʻri kelsa);

d) doimiy yashash joyi boʻyicha roʻyxatga olingan joyidan uy daftarining yoki kvartiralar boʻyicha kartochkaning (17-shakl) nusxasi (agar turar joyi doimiy yashash joyi boʻyicha roʻyxatga olingan joyi bilan toʻgʻri kelsa);

e) ariza beruvchi va birgalikda qarz oluvchilarning daromadi va ushlab qolingan daromad soliqlari toʻgʻrisidagi maʼlumotnoma (qoʻshimcha daromadlar boʻlsa soliq deklaratsiyasi).

Ariza beruvchidan ushbu bandda koʻrsatilmagan maʼlumot va hujjatlarni talab qilish qatʼiyan taqiqlanadi.

Bunda subsidiya olish uchun murojaat qilgan ariza beruvchidan “Ijtimoiy himoya yagona reyestri” axborot tizimi orqali olish mumkin boʻlgan hujjatlarni (maʼlumotlarni) talab qilish man etiladi.

Mehnat migrantlari nomidan ipoteka kreditlari boʻyicha subsidiya olish toʻgʻrisidagi arizani uning oila aʼzolari berishi mumkin.

Davlat xizmatlari markazi va YIDXP orqali koʻrsatiladigan xizmatlar ariza beruvchilarga toʻlovlarsiz amalga oshiriladi.

11. Ariza beruvchi tomonidan ipoteka kreditlari boʻyicha subsidiya olish uchun ariza yil davomida topshirilishi mumkin.

12. Ariza beruvchi tuman (shahar) Davlat xizmatlari markazi yoki YIDXP orqali taqdim etiladigan hujjatlar va ularda koʻrsatilgan maʼlumotlarning ishonchliligi va haqqoniyligi uchun javob beradi.

13. YIDXP orqali murojaat etilgan taqdirda, ariza beruvchi anketa-arizaga asosan zarur boʻlgan maʼlumotlarni oʻzi kiritadi.

3-bob. Masʼul tashkilotlar tomonidan ariza beruvchini ijtimoiy mezonlar boʻyicha baholash tartibi

14. Davlat xizmatlari markazlari soʻrovnoma toʻldirilgan vaqtdan boshlab bir soat mobaynida uni ushbu Nizomning 7-bandida nazarda tutilgan masʼul tashkilotlarga elektron tarzda yuboradi.

YIDXP orqali murojaat qilinganda soʻrovnoma avtomatik tarzda ushbu Nizomning 7-bandida nazarda tutilgan masʼul tashkilotlarga yuboriladi.

Ariza beruvchining arizasi u roʻyxatga olingan doimiy yashash joyidagi tuman yoki shahar komissiyasi tomonidan koʻrib chiqiladi.

15. Davlat xizmatlari markazlari, komissiya hamda masʼul tashkilotlar oʻrtasida axborot almashinuvi elektron raqamli imzoni (keyingi oʻrinlarda — ERI) majburiy tartibda qoʻllash orqali faqat idoralararo oʻzaro elektron bogʻlanish yordamida amalga oshiriladi.

Masʼul tashkilotlar oʻn ish kunida ariza beruvchining ijtimoiy mezonlarga muvofiqligini, taqdim etilgan hujjatlar asosida, tashkilotlarda mavjud maʼlumotlar bazasi bilan solishtirgan holda oʻrganib chiqadi va YIDXPda onlayn elektron shaklda quyidagi maʼlumotlarni:

tibbiyot birlashmasi — ariza beruvchi va uning oila aʼzolari orasida surunkali kasallikning ogʻir turlaridan azob chekuvchi va Sogʻliqni saqlash vazirligi tomonidan tasdiqlangan roʻyxatga muvofiq alohida xonada yashashga muhtoj boʻlgan shaxslar, birinchi guruh nogironligi boʻlgan shaxslarning, yolgʻiz oʻzi ogʻir nogironlikka olib keluvchi kasallikka chalingan bolani parvarishlayotgan ayollarning mavjudligini;

ichki ishlar boʻlimi (boshqarma) — ariza beruvchining boshqa oilalar bilan bir uyda (bir kvartirada) yashashini;

moliya boʻlimi — taqdim etiladigan subsidiyalarning miqdori boʻyicha ajratilgan mablagʻlarning mavjudligini;

davlat soliq inspeksiyasi — soliq toʻlovchining identifikatsiya raqami, turar joyda ijara shartlari asosida yashashi hamda ariza beruvchi va ushbu Nizomning 16-bandida keltirilgan shaxslarning (arizada koʻrsatilgan holatlarda) daromadlarini;

aholi bandligiga koʻmaklashish markazi — ariza beruvchining kam taʼminlanganligi, “Mehnat — migratsiya” dasturida roʻyxatdan oʻtganligi hamda xorijda vaqtinchalik mehnat faoliyatini amalga oshirayotganligini (oshirganligini);

tuman (shahar) yer tuzish va koʻchmas mulk kadastri davlat korxonasi — ariza beruvchida, shu jumladan, uning turmush oʻrtogʻi va farzandlarida mulk huquqi bilan turar joyning bor-yoʻqligi, yashash uchun yaroqsiz turar joyda yashashi, uy-joy umumiy maydonining bir shaxs uchun qonun hujjatlarida nazarda tutilgan ijtimoiy normaga muvofiq emasligini;

tuman (shahar) mahalla va oilani qoʻllab-quvvatlash boʻlimlari –ariza beruvchining ogʻir ijtimoiy vaziyatga tushib qolgan xotin-qizlar, nogironligi boʻlgan, kam taʼminlangan, farzandlarini toʻliqsiz oilada tarbiyalayotgan va uy-joy sharoitini yaxshilashgan muhtoj onalar toifasiga mansubligini;

yoshlar ishlari agentligining tuman (shahar) boʻlimi — ariza beruvchining alohida namuna koʻrsatayotgan yosh oilalar toifasiga mansubligini;

tuman (shahar) hokimligi — ariza beruvchining yetim bolalar va ota-onasining qaramogʻidan mahrum boʻlgan bolalar toifasiga mansubligini;

ishtirok etuvchi tijorat banklari — ariza beruvchi fuqaro (birgalikda qarz oluvchi)ning ajratiladigan ipoteka krediti boʻyicha toʻlov qobiliyati, unga ajratilishi mumkin boʻlgan ipoteka krediti va sotib olishi mumkin boʻlgan uy-joyning yuqori qiymati, kredit tashkilotlaridan avvalgi olingan kreditlar boʻyicha muddati oʻtgan qarzdorliklarning mavjud emasligini tasdiqlaydi.

16. Agar ariza beruvchining oʻrtacha oylik daromadlari miqdori ushbu Nizomning 2-bandida koʻrsatilgan meʼyorlardan kam boʻlsa, uning daromadlari hisob-kitobiga xotini (eri), ular bilan bir uyda birgalikda yashovchi ota-onasi hamda farzandlarining (shu jumladan, asrab olingan farzandlari) yoki u bilan birga yashamayotgan yaqin qarindoshlarining daromadlari ham kiritilishi mumkin.

Bunda ariza beruvchining oʻrtacha oylik daromadlari miqdoriga yaqin qarindoshlarining oʻrtacha oylik daromadlari miqdori qoʻshilganda va daromadlar miqdori ushbu Nizomga 1-ilovada koʻrsatilgan meʼyorlardan oshib ketgan taqdirda, uning faqat yetmagan qismi inobatga olinadi.

Yaqin qarindoshlar deganda ariza beruvchining ota-onasi, tugʻishgan va oʻgay aka-ukalari va opa-singillari, eri (xotini), farzandlari, shu jumladan, farzandlikka olinganlar, bobolari, buvilari, nevaralari, er — xotinning ota-onasi tushuniladi.

17. YIDXPda masʼul tashkilotlar oʻrganib chiqish natijalariga koʻra kiritilgan maʼlumotlar asosida ariza beruvchining ijtimoiy mezonlarga muvofiqligi avtomatlashtirilgan tarzda ballar koʻrinishida baholanadi.

18. YIDXPda masʼul tashkilotlarning baholash natijalari komissiyaga ariza beruvchi ishtirokida muhokama etish uchun yuboriladi.

4-bob. Komissiya faoliyatini tashkil etish

19. Komissiya aʼzolari jamoatchilik asosida ishlaydilar.

20. Komissiya uning vakolatlariga tegishli masalalarni komissiya raisi boshchiligida oʻtkaziladigan yigʻilishlarda koʻrib chiqadi.

21. Komissiya raisi:

komissiyaning umumiy faoliyatiga rahbarlik qiladi, uning ish rejasi bajarilishi yuzasidan doimiy nazoratni amalga oshiradi;

komissiyaning yigʻilishlarini chaqiradi va ularda raislik qiladi;

komissiya vakolatiga tegishli boʻlgan masalalarni uning yigʻilishida koʻrib chiqish uchun kiritadi;

komissiya qarorlarini tasdiqlaydi.

22. Komissiya kotibi:

komissiya raisining topshiriqlariga asosan komissiya aʼzolarini komissiya yigʻilishining oʻtkaziladigan joyi, vaqti va sanasi toʻgʻrisida xabardor qiladi;

komissiya ish rejalarini tayyorlaydi;

komissiya bayonnomalarini yuritadi va tasdiqlangan bayonnomalarni komissiya aʼzolariga yuboradi;

komissiya dalolatnomalari va xulosalarini manzillarga yetkazadi;

komissiya ish yurituvini amalga oshiradi.

23. Komissiyaning barcha yigʻilishlari bayonnoma bilan rasmiylashtiriladi va qaror shaklida qabul qilinadi.

24. Komissiya ishining tashkiliy shakli yigʻilish hisoblanadi. Komissiya majlislari komissiya aʼzolari roʻyxatdagi tarkibining kamida uchdan ikki qismi qatnashgan taqdirda oʻtkaziladi. Bunda tuman (shahar) moliya, soliq idoralarining va ishtirok etuvchi tijorat banklarining vakillari bir vaqtning oʻzida komissiya yigʻilishida ishtirok etishi shart.

25. Kvorum boʻlmagan hamda tuman (shahar) moliya, soliq organlarining va ishtirok etuvchi tijorat banklarining vakillaridan biri komissiya yigʻilishida qatnashmagan taqdirda, komissiyaning majlisga kelgan aʼzolari tomonidan majlisni kechiktirish toʻgʻrisida qaror qabul qilinadi, majlisni oʻtkazishning yangi sanasi va vaqti toʻgʻrisida qoʻshimcha ravishda komissiya kotibi tomonidan xabar qilinadi.

26. Komissiya yigʻilishlarida ishtirok etayotgan aʼzolarining uchdan ikki qismi yoqlab ovoz bergan komissiya qarorlari qabul qilingan hisoblanadi va ushbu yigʻilishlarda qabul qilingan qarorlar yigʻilish kotibi tomonidan bayonnoma bilan rasmiylashtiriladi.

27. Komissiya qarorlari komissiya raisi tomonidan imzolanadi.

28. Komissiya hujjatlari tuman (shahar) iqtisodiy taraqqiyot va kambagʻallikni qisqartirish boʻlimlarida belgilangan muddatgacha saqlanadi.

29. Komissiya oʻzining ish reglamentini tasdiqlaydi.

30. Komissiya kotibi ariza beruvchini uning arizasi komissiya yigʻilishda koʻrib chiqilishidan 5 kun oldin taklif etadi va qatnashishini taʼminlaydi.

31. Ariza beruvchi uzrli sabablarga koʻra (mehnatga layoqatsizlik, safarda boʻlganligi, yaqin qarindoshining vafoti va boshqalar) komissiya yigʻilishida qatnashish imkoniga ega boʻlmasa, ariza beruvchi bu haqida komissiya kotibini xabardor qilib sababini koʻrsatishi shart. Bunda ariza beruvchining arizasi komissiyaning keyingi yigʻilishida koʻrib chiqiladi.

32. Ariza beruvchi uzrli sabablarsiz komissiya yigʻilishiga kelmaganda komissiya arizani uning ishtirokisiz ariza beruvchi hamda masʼul tashkilotlar tomonidan taqdim etilgan hujjatlar asosida koʻrib chiqadi va komissiya qarorini ariza beruvchiga bildiradi.

5-bob. Komissiya tomonidan baholash natijalarini koʻrib chiqish tartibi

33. Komissiya arizalarni navbat asosida ularning qayd etilishi ketma-ketligiga muvofiq koʻrib chiqadi.

Komissiya yigʻilishlari, ularning oshkoraligi va xolisligini taʼminlash maqsadida zarur hollarda uzluksiz videotasvirga (ovozli) tushiriladi hamda tuman (shahar) iqtisodiy taraqqiyot va kambagʻallikni qisqartirish boʻlimida uch yil mobaynida saqlanadi.

34. Komissiya talabgorlarni aniqlash boʻyicha taqdim etilgan hujjatlarni, masʼul tashkilotlarning baholash natijalarini olgan kundan boshlab 7 ish kuni ichida ularning ushbu Nizom talablariga muvofiqligini oʻrganib chiqadi.

Komissiya taqdim etilgan hujjatlar va maʼlumotlar asosida hamda ijtimoiy mezonlar boʻyicha baholash natijalariga koʻra ariza beruvchiga ipoteka kreditlari boʻyicha subsidiya berish yoki berishni rad etish toʻgʻrisida qaror qabul qiladi.

Subsidiya berish yoki berishni rad etish toʻgʻrisida komissiya elektron reyestrni yuritadi.

Bunda komissiyaning ipoteka krediti boʻyicha subsidiya berish toʻgʻrisidagi qarorida sotib olinishi mumkin boʻlgan kvartiraning yuqori qiymati uy-joylarning hisoblangan qiymati va ishtirok etuvchi tijorat banki tomonidan belgilangan uy-joyning yuqori qiymatidan oshib ketishi mumkin emas.

35. Koʻrib chiqish yakunlari boʻyicha komissiya yigʻilishining bayonnomasi rasmiylashtirilib, subsidiya berish yoki berishni rad etish toʻgʻrisida komissiyaning QR-kod (matrik shtrixli kod) qoʻyilgan qarori qabul qilinadi va tegishli tuman (shahar) Davlat xizmatlari markaziga xabarnoma yuboriladi. Ushbu xabarnoma Davlat xizmatlari markazi tomonidan bir ish kunida ariza beruvchiga yuboriladi.

YIDXP orqali elektron tarzda murojaat etilganda komissiya tomonidan subsidiya berish yoki berishni rad etish toʻgʻrisidagi xabarnoma elektron shaklda ariza beruvchiga yuboriladi.

36. Ijtimoiy mezonlar asosida baholangan ariza beruvchi 30 va undan yuqori ball toʻplagan taqdirda, talabgor sifatida tan olinib, kvartira sotib olish yoki yakka tartibdagi uy-joylarni qurish va rekonstruksiya qilish uchun ipoteka krediti boʻyicha subsidiya olishga haqli deb hisoblanadi.

Bunda komissiya ushbu Nizomning 38-bandiga muvofiq ishtirok etuvchi bank tomonidan ariza beruvchi ajratiladigan ipoteka krediti boʻyicha toʻlovga layoqatsiz deb topilgan taqdirda, mazkur ariza beruvchi fuqaro talabgor sifatida tan olmasligi zarur.

37. Subsidiya berish toʻgʻrisidagi xabarnomada talabgor (birgalikda qarz oluvchi)ning real daromadlaridan kelib chiqib qoplab berilishi mumkin boʻlgan subsidiya boʻyicha sotib olinishi mumkin boʻlgan kvartira yoki yakka tartibdagi uy-joylarni qurish va rekonstruksiya qilish uchun ajratiladigan ipoteka kreditining yuqori qiymati koʻrsatiladi.

38. Quyidagi hollarda ariza beruvchiga subsidiya toʻlanishi rad etilishi mumkin:

a) ushbu Nizomning 10-bandida koʻrsatilgan hujjatlar toʻliq taqdim etilmaganda;

b) taqdim etilgan hujjatlardagi maʼlumotlar ijtimoiy mezonlarga mos kelmaganda;

v) taqdim etilgan hujjatlarda notoʻgʻri yoki soxta maʼlumotlar mavjud boʻlganda;

g) ariza va tegishli hujjatlar qabul qilishning oxirgi sanasi tugagandan keyin taqdim etilganda;

d) masʼul tashkilotlar xulosalariga asosan jami 30 dan past ball toʻplaganda;

e) ilgari shahar va qishloq joylarda arzon uy-joy qurish dasturlari doirasida imtiyozli ipoteka kreditlaridan foydalangan holda kvartira yoki yakka tartibdagi uy-joy hamda subsidiyalar olgan oila aʼzolari (eri, xotini) takroriy murojaat etganda;

j) joriy yil uchun ajratiladigan subsidiyalar soni tugaganda;

z) ishtirok etuvchi bank tomonidan ariza beruvchi fuqaro (birgalikda qarz oluvchi) ajratiladigan ipoteka krediti boʻyicha toʻlovga layoqatsiz deb topilganda;

i) ariza beruvchida kredit tashkilotlaridan oldingi olingan kreditlar boʻyicha muddati oʻtgan qarzdorlik mavjud boʻlganda;

k) oilalarning oʻrtacha oylik daromadi:

qishloq joylarda — MHTEKMning 3,0 baravaridan kam va 6,9 baravaridan yuqori;

shaharlarda — MHTEKMning 3,0 baravaridan kam va 8,0 baravaridan yuqori;

Toshkent shahrida — MHTEKMning 3,0 baravardan kam va 9,2 baravaridan yuqori boʻlganda.

39. Ushbu Nizomning 38-bandida koʻrsatilmagan boshqa asoslar boʻyicha subsidiya toʻlanishi rad etilishiga yoʻl qoʻyilmaydi.

Subsidiya toʻlashni rad etish haqida qaror qabul qilingan taqdirda, komissiya rad etish sabablarini, qonun hujjatlarining aniq normalarini koʻrsatgan holda QR-kod qoʻyilgan qarorni rasmiylashtiradi hamda tegishli xabarnomani tegishli tuman (shahar) Davlat xizmatlari markaziga (oʻzi kelib murojaat etgan taqdirda) yoki ariza beruvchiga (elektron tarzda murojaat etganda) YIDXP orqali elektron ravishda yuboradi.

40. Ariza beruvchi tomonidan taqdim etilgan hujjatlar toʻliq boʻlmaganda, notoʻgʻri maʼlumotlar mavjudligi aniqlangan taqdirda komissiya ariza beruvchiga subsidiya ajratishni rad etish toʻgʻrisida qaror qabul qiladi. Aniqlangan kamchiliklarni bartaraf etish imkoniyati mavjud boʻlgan taqdirda qaror nusxasi takroran ariza topshirish mumkin boʻlgan muddat koʻrsatilgan holda tegishli tuman (shahar) Davlat xizmatlari markaziga bir ish kuni mobaynida yuboriladi.

41. Subsidiya taqdim etiladigan talabgorlar soni Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining tumanlar (shaharlar) boʻyicha tasdiqlangan qarorida belgilangan sonidan oshib ketgan taqdirda, talabgorlar soni quyidagi tartibda aniqlanadi:

eng yuqori ball olgan talabgorlar ketma-ketligida;

oxirgi eng yuqori ball toʻplagan ikki yoki undan ortiq ariza beruvchining ballari teng boʻlib qolgan taqdirda, kalendar tartibga koʻra hujjatlarni birinchi boʻlib topshirgan ariza beruvchi talabgor sifatida tan olinadi.

42. Ushbu Nizomga muvofiq taqdim etiladigan subsidiyalar bir oilaga (oila aʼzolarining bittasiga) faqat 1 (bir) marta beriladi. Kvartira sotib olish yoki yakka tartibdagi uy-joylarni qurish va rekonstruksiya qilish uchun ajratiladigan ipoteka krediti uchun subsidiya taqdim etish toʻgʻrisidagi xabarnoma u berilgan vaqtdan boshlab 12 oy davomida amal qiladi.

Bunda talabgor foydalanmagan kvartira sotib olish yoki yakka tartibdagi uy-joylarni qurish va rekonstruksiya qilish uchun subsidiya taqdim etish toʻgʻrisidagi xabarnomani oʻz xohishiga koʻra komissiyaga yozma ariza bilan murojaat etib rad etishi mumkin.

Komissiya talabgorning rad etish toʻgʻrisidagi arizasiga asosan kvartira sotib olish yoki yakka tartibdagi uy-joylarni qurish va rekonstruksiya qilish uchun subsidiya taqdim etish toʻgʻrisidagi xabarnomani bekor qilish toʻgʻrisida qaror qabul qiladi hamda dasturiy taʼminot tizimiga tegishli tuzatishlar kiritadi (subsidiya olish toʻgʻrisidagi topshirilgan ariza bekor qilinishi boʻyicha masʼul tashkilotlarga xabar beradi). Bunda xabarnoma bekor qilingan taqdirda, ushbu hudud uchun belgilangan subsidiyalar ajratishning parametrlarida rad etilgan subsidiyalar soni qayta inobatga olinadi.

Kvartira sotib olish yoki yakka tartibdagi uy-joylarni qurish va rekonstruksiya qilish uchun subsidiya taqdim etish toʻgʻrisidagi xabarnomasi yoki arizasi rad etilgan talabgor yoki ariza beruvchi ushbu Nizomda belgilangan umumiy tartibda bir yilda qayta (ikki marta) murojaat qilishga haqli.

Ushbu Nizomga muvofiq taqdim etiladigan subsidiyalar ayrim toifadagi shaxslar (Oʻzbekiston Respublikasi Prezidenti Davlat xavfsizlik xizmati, Oʻzbekiston Respublikasi Davlat xavfsizlik xizmati, Mudofaa vazirligi, Ichki ishlar vazirligi, Milliy gvardiyasi va boshqa harbiy tuzilmalarning xodimlari (harbiy xizmatchilaridan tashqari)) va davlat hisobidan uy-joylar bilan taʼminlanmagan nafaqadagi harbiy xizmatchilar, ularning oila aʼzolariga (er yoki xotini) nisbatan ham tatbiq etiladi.

43. Subsidiya taqdim etishni rad etish toʻgʻrisidagi xabarnomani olgan ariza beruvchi ushbu Nizomda belgilangan umumiy tartibda takroran (bir kalendar yilda ikki marta) murojaat qilishga haqli.

44. Ijtimoiy mezonlar boʻyicha baholash natijalariga koʻra 30 va undan yuqori ball toʻplagan, lekin joriy yil uchun belgilangan subsidiyalar soni tugaganligi sababli subsidiya olish imkoniyatiga ega boʻlmagan talabgorlar keyingi yil uchun subsidiya oluvchilar roʻyxatiga avtomatik tarzda kiritiladi.

45. Joriy yil uchun ajratilgan subsidiyalar soni tugagan taqdirda, komissiya tomonidan uch ish kuni mobaynida arizalarni qabul qilishni toʻxtatish haqida ommaviy axborot vositalarida eʼlon beriladi hamda tegishli tuman (shahar) Davlat xizmatlari markaziga axborot yuborilishi shart.

Komissiya yoki masʼul tashkilot xodimlari tomonidan ijtimoiy mezonlar boʻyicha baholash jarayonida maʼlumotlar notoʻgʻri va/yoki xato kiritilgan taqdirda, komissiya raisining yozma murojaatiga asosan dasturiy taʼminot tizim operatori tomonidan maʼlumotlar toʻgʻrilash uchun komissiya yoki masʼul tashkilotga qaytariladi.

Komissiya yoki masʼul tashkilot toʻgʻrilash uchun qaytarilgan maʼlumotlarni tizimga qayta kiritish huquqiga ega.

Ariza beruvchini ijtimoiy mezonlar boʻyicha baholash adolatli va haqqoniyligi uchun tegishliligi boʻyicha komissiya aʼzolari va masʼul tashkilot xodimlari shaxsan javobgardirlar.

6-bob. Ipoteka krediti boʻyicha subsidiyani hisoblash tartibi

46. Davlat xizmatlari markazidan subsidiya berish toʻgʻrisida ijobiy xabarnomani olgan talabgor uy-joyni ipoteka krediti orqali sotib olish boʻyicha qurilish (pudrat) tashkiloti bilan shartnoma tuzadi.

Talabgor tomonidan tanlangan uy-joyning qiymati xabarnomada koʻrsatilgan sotib olinishi mumkin boʻlgan uy-joyning yuqori qiymatidan oshgan taqdirda, quyidagi shartlar bilan subsidiya toʻlanishiga va ipoteka krediti ajratilishiga ruxsat etiladi:

sotib olinadigan kvartiraning qiymati uy-joylar hisoblangan qiymatidan oshmaganda;

sotib olinadigan kvartira maydoni kvartira maydonining eng koʻp meʼyoridan oshmaganda;

boshlangʻich badal uchun subsidiya miqdori xabarnomada koʻrsatilgan sotib olinishi mumkin boʻlgan uy-joyning yuqori qiymati boʻyicha;

ipoteka krediti ipoteka kreditining eng koʻp miqdoridan oshmagan miqdorda.

Bunda sotib olinadigan kvartira boʻyicha boshlangʻich badal uchun toʻlab beriladigan subsidiya summasidan ortgan qismi qarz oluvchining oʻz mablagʻlari va qonunchilik hujjatlarida taqiqlanmagan boshqa manbalar hisobidan toʻlanadi.

47. Ipoteka kreditini belgilangan tartibda rasmiylashtirish uchun talabgor istalgan ishtirok etuvchi tijorat bankiga:

uy-joy sotib olish uchun subsidiya taqdim etish toʻgʻrisidagi xabarnomani va uy-joyni ipoteka shartlari asosida sotib olish boʻyicha qurilish tashkiloti bilan tuzilgan shartnomani hamda fuqaro oʻziga tegishli boʻlgan badal mablagʻlarini bankdagi hisobvaragʻiga joylashtirganligi toʻgʻrisida maʼlumotnomani;

qurilgan va rekonstruksiya qilingan yakka tartibdagi uy-joyning kadastr hujjatlarini hamda bank tomonidan belgilangan boshqa hujjatlarni taqdim qiladi.

48. Ishtirok etuvchi tijorat banki talabgorning hujjatlarini uch ish kuni mobaynida oʻrganib chiqadi.

Ipoteka krediti ajratish (qurilgan va rekonstruksiya qilingan yakka tartibdagi uy-joylar uchun ajratilgan kreditni ipoteka kreditiga qayta rasmiylashtirish) maʼqullangan taqdirda, tijorat banki tuman (shahar) moliya boʻlimi bilan birgalikda ipoteka krediti boʻyicha davlat budjetidan talabgorga ajratilishi mumkin boʻlgan subsidiya summasini aniqlaydi.

49. Subsidiyalar:

a) uy-joylar (kvartiralar)ni sotib olish uchun:

shaharlar va qishloq joylarda — boshlangʻich badalning bir qismini toʻlash bilan bogʻliq xarajatlarni qoplash uchun uy-joyning hisoblangan qiymatining 10 foizi miqdorida va birinchi besh yil davomida ipoteka krediti boʻyicha foiz toʻlovlari bilan bogʻliq xarajatlarni qoplash uchun — Toshkent shahrida 12 foizlik punktdan oshgan qismiga, Qoraqalpogʻiston Respublikasi va viloyatlar shaharlarida 10 foizlik punktdan oshgan qismiga toʻlanadi.

b) yakka tartibdagi uy-joylarni qurish va rekonstruksiya qilish uchun ajratilgan ipoteka kreditlarining birinchi besh yil davomida foizlarini qoplash uchun — Qoraqalpogʻiston Respublikasi va viloyatlarida 10 foizlik punktdan oshgan qismiga toʻlanadi.

50. Shaharlarda va qishloq joylarda uy-joylar (kvartiralar)ni sotib olish uchun ipoteka krediti boʻyicha boshlangʻich badalning bir qismini qoplash maqsadida Davlat budjetidan ajratiladigan subsidiya miqdori quyidagi formula asosida hisoblanadi:

S bb = U q * 10%,

bunda:

S bb — boshlangʻich badalning bir qismini toʻlashga subsidiya summasi;

U q — uy-joyning hisoblangan qiymati (agar sotib olinadigan uy-joyning shartnomadagi qiymati uy-joy hisoblangan qiymatidan kam boʻlgan taqdirda, boshlangʻich badalning bir qismi uchun subsidiyalar shartnomada koʻrsatilgan qiymatning 10 foizi miqdorida ajratiladi).

51. Shahar va qishloq joylarda uy-joylar (kvartiralar)ni sotib olish yoki yakka tartibdagi uy-joylarni qurish va rekonstruksiya qilish uchun ajratiladigan ipoteka krediti uchun ipoteka krediti boʻyicha foiz xarajatlarining bir qismini birinchi 5 yil davomida qoplash maqsadida Davlat budjetidan ajratiladigan subsidiya miqdori quyidagi tartibda hisoblanadi:

ipoteka krediti boʻyicha foiz xarajatlarining bir qismini qoplash uchun toʻlanadigan subsidiya summasi quyidagi formula bilan aniqlanadi:

S m = K s *(A f — B f )

bunda:

S m — ipoteka krediti boʻyicha foiz xarajatlarining bir qismini qoplash uchun toʻlanadigan subsidiya summasi;

K s — ipoteka krediti boʻyicha asosiy qarzning qoldiq summasi;

A f — ipoteka krediti shartnomasida tijorat banki hamda ariza beruvchi kelishuviga asosan belgilangan foiz stavkasi;

B f — Toshkent shahrida 12 foizlik punkt (yakka tartibdagi uy-joylarni qurish va rekonstruksiya qilishdan tashqari), Qoraqalpogʻiston Respublikasi va viloyatlar shaharlarida hamda qishloq joylarda 10 foizlik punkt.

Bunda yakka tartibdagi uy-joylar qurish va rekonstruksiya qilish uchun ajratilgan ipoteka kreditlari boʻyicha subsidiyalar ushbu yakka tartibdagi uy-joylar qurib bitkazilgandan va/yoki rekonstruksiya qilingandan soʻng kadastr hujjatlari rasmiylashtirilgan oydan keyingi oydan boshlab toʻlanadi.

52. Oʻzbekiston Respublikasi Markaziy bankining asosiy stavkasi pasaytirilgan taqdirda, tijorat banklarining ipoteka kreditlari boʻyicha foiz stavkalari mutanosib ravishda pasayadi, oshirilgan taqdirda esa oʻzgarishsiz qoladi.

Tijorat banklarining ipoteka kreditlari boʻyicha foiz stavkalari pasayganda, foiz xarajatlarining bir qismini qoplash uchun toʻlanadigan subsidiya miqdori ushbu sanadan boshlab mutanosib ravishda kamayadi.

7-bob. Ipoteka kreditini rasmiylashtirish va subsidiyalarni toʻlab berish tartibi

53. Sotib olinadigan uy-joy (kvartira) boʻyicha talabgor tomonidan toʻlanishi lozim boʻlgan boshlangʻich badal toʻliq shakllantirilgandan soʻng ishtirok etuvchi tijorat banki talabgor bilan bir ish kunida ipoteka krediti shartnomasini tuzadi.

54. Talabgor tomonidan sotib olinadigan uy-joy (kvartira)ning kadastr hujjatlari taqdim etilgandan soʻng tijorat banki bir ish kuni ichida tuman (shahar) gʻaznachilik boʻlimlariga boshlangʻich badalning bir qismini qoplash uchun kadastr hujjatlarini ilova qilgan holda subsidiya summasini toʻlashga buyurtmanomani yuboradi.

55. Tuman (shahar) gʻaznachilik boʻlimlari uch ish kuni mobaynida ipoteka krediti boʻyicha boshlangʻich badalning bir qismini qoplash uchun subsidiya summasini tijorat banki tomonidan koʻrsatilgan hisobvaragʻiga oʻtkazib beradi.

56. Boshlangʻich badalning bir qismini qoplash uchun subsidiya summasi oʻtkazilgan sanadan boshlab oʻttiz kun ichida uzrli sabablarsiz foydalanilmagan taqdirda, ishtirok etuvchi tijorat banki subsidiya mablagʻlarini tuman (shahar) gʻaznachilik boʻlimining tegishli hisobvaragʻiga qaytaradi.

Bunda ishtirok etuvchi tijorat banki tomonidan ushbu bandning birinchi xatboshisida nazarda tutilgan muddat oʻtgandan soʻng uch ish kuni ichida ajratilgan subsidiya summasi tuman (shahar) gʻaznachilik boʻlimining tegishli hisobvaragʻiga qaytarilmagan taqdirda, har bir kechiktirilgan kun uchun ushbu qaytarilmagan subsidiya summasining 0,033 foizi miqdorida penya hisoblanadi.

57. Talabgorlarga shahar va qishloq joylarda:

uy-joylarni sotib olish uchun ipoteka kreditlari ajratilgan kundan boshlab;

qurib bitkazilgan va rekonstruksiya qilingan yakka tartibdagi uy-joylar uchun kadastr hujjatlari asosida ipoteka kreditlari qayta rasmiylashtirilgan soʻng ishtirok etuvchi tijorat banklari tomonidan uch ish kuni ichida tuman (shahar) gʻaznachilik boʻlimlariga ipoteka kreditlari boʻyicha toʻlovlarni qaytarish grafiklari ilova qilingan holda foiz xarajatlarining bir qismini qoplash uchun subsidiyalar toʻlashga buyurtmanomalar bilan talabgorlarning tegishli hisobvaraqlari rekvizitlari yuboriladi.

Bunda qurilgan va rekonstruksiya qilingan yakka tartibdagi uy-joylar uchun ipoteka kreditlari toʻlovlarini qaytarish grafiklarida foiz xarajatlarining bir qismini qoplash uchun subsidiyalar kadastr hujjatlari rasmiylashtirilgan oydan keyingi oydan boshlab toʻlanishi inobatga olinadi.

58. Tuman (shahar) gʻaznachilik boʻlimlari tomonidan ipoteka kreditlari boʻyicha foiz xarajatlarining bir qismini qoplash uchun subsidiyalar summasi ushbu Nizomning 57-bandida koʻrsatilgan buyurtmanomalar taqdim etilgan oydan boshlab har oyning 25-kuniga qadar oʻtkazib beriladi.

Bunda subsidiya ajratilgan fuqaroning ipoteka kreditlari boʻyicha toʻlovlarni qaytarish grafigida oʻzgarishlar boʻlgan taqdirda, ishtirok etuvchi tijorat banki bu haqida 3 ish kunida tuman (shahar) gʻaznachilik boʻlimlariga qoʻshimcha maʼlumotlar kiritadi.

Ishtirok etuvchi tijorat banklari tomonidan tuman (shahar) gʻaznachilik boʻlimlariga kredit toʻlovlarini qaytarish grafiklaridagi oʻzgarishlar toʻgʻrisida maʼlumotlar kiritilmasligi natijasida ortiqcha toʻlangan subsidiyalar tijorat banki hisobidan Davlat budjetiga tiklanadi.

8-bob. Yakunlovchi qoidalar

59. Ariza beruvchi ariza va unga ilova qilingan hujjatlarda koʻrsatilgan maʼlumotlar, talabgor va pudrat tashkiloti uy-joyning haqiqiy qiymati, ishtirok etuvchi tijorat banki ajratilgan ipoteka krediti summasi va foiz stavkasi, moliya boʻlimlari hisoblangan va ajratilgan subsidiya summasi toʻgʻri hisoblanishi uchun javob beradi.

60. Uy-joy sotib olishga yoki yakka tartibdagi uy-joylarni qurish va rekonstruksiya qilish uchun ajratiladigan ipoteka krediti talabgor bilan tuzilgan ipoteka kredit shartnomalari shartlariga rioya etilishini nazorat qilish ishtirok etuvchi tijorat banki tomonidan amalga oshiriladi.

61. Ishtirok etuvchi tijorat banki har chorakda tuman (shahar) gʻaznachilik boʻlimlari bilan birgalikda talabgorning ipoteka krediti boʻyicha toʻlovlarni qaytarish grafigi va ajratilgan subsidiya summalari asosida solishtirma dalolatnomani rasmiylashtiradi.

62. Subsidiya boʻyicha oxirgi toʻlov amalga oshirilgandan soʻng ishtirok etuvchi tijorat banki uch ish kuni mobaynida tuman (shahar) gʻaznachilik boʻlimlari va talabgorga ajratilgan subsidiyadan toʻliq foydalanilganligi toʻgʻrisida xabarnoma yuboradi hamda gʻaznachilik boʻlimlari bilan yakuniy solishtirma dalolatnomani rasmiylashtiradi.

63. Oylik subsidiya summasi ortiqcha toʻlanganda, tuman (shahar) gʻaznachilik boʻlimlari tomonidan keyingi oyda talabgor uchun subsidiya toʻlovi avval toʻlangan ortiqcha toʻlovni hisobga olgan holda amalga oshiriladi.

64. Ishtirok etuvchi tijorat bankining ichki siyosatlarida belgilangan muddatlarda ipoteka kreditlari boʻyicha toʻlovlarni surunkali ravishda toʻlamaslik oqibatida bekor qilingan ipoteka krediti shartnomalari boʻyicha undiriladigan mablagʻlar (shu jumladan, garovdagi uy-joyning sotilishi) hisobidan talabgorga boshlangʻich badal va foiz toʻlovlarining bir qismi uchun ajratilgan subsidiya summasi ipoteka krediti boʻyicha garovga qoʻyilgan uy-joyning sotilgan qiymatidan belgilangan tartibda tegishli tuman (shahar) gʻaznachilik boʻlimlariga ushbu banklar tomondan toʻliq miqdorda qaytariladi.

65. Mehnat migrantlari, alohida namuna koʻrsatayotgan yosh oilalar va ogʻir ijtimoiy vaziyatga tushib qolgan ayollarga beriladigan subsidiyalar soni qonun hujjatlariga muvofiq yangi tartib doirasida ular uchun quriladigan uy-joylar sonidan oshmasligi lozim.

66. Oʻzbekiston Respublikasi Davlat budjetidan subsidiyalar ajratilishi, talabgorlarga subsidiyalar hisoblanishi va toʻlanishi yuzasidan nazorat Oʻzbekiston Respublikasi Moliya vazirligining Davlat moliyaviy nazorati departamenti tomonidan amalga oshiriladi.

67. Ariza beruvchilar davlat organlari va boshqa tashkilotlar xodimlarining xatti-harakatlari yuzasidan qonun hujjatlarida belgilangan tartibda shikoyat qilishlari mumkin.

68. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga 1-ILOVA

Uy-joyga muhtoj fuqarolarni aniqlashning ijtimoiy

T/r Mezonlar Ball Masʼul organ I. Ariza beruvchi va/yoki uning oilasining daromadi (mehnatga haq toʻlashning eng kam miqdori — MHTEKM asosida) Qishloq joylarda (tuman va tuman markazlari) 1. MHTEKMning 3,0 ga teng va koʻp boʻlgan, 6,0 ga teng va kam boʻlgan 10 Tuman (shahar) davlat soliq inspeksiyasi 2. MHTEKMning 6,0 dan koʻp boʻlgan, 6,5 ga teng va kam boʻlgan 6 3. MHTEKMning 6,5 dan koʻp boʻlgan, 6,9 ga teng va kam boʻlgan 2 Shaharlarda (Qoraqalpogʻiston Respublikasi va viloyatlar shaharlari) 1. MHTEKMning 3,0 ga teng va koʻp boʻlgan, 7,0 ga teng va kam boʻlgan 10 Tuman (shahar) davlat soliq inspeksiyasi 2. MHTEKMning 7,0 dan koʻp boʻlgan, 7,5 ga teng va kam boʻlgan 6 3. MHTEKMning 7,5 dan koʻp boʻlgan, 8,0 ga teng va kam boʻlgan 2 Toshkent shahrida 1. MHTEKMning 3,0 dan ga teng va koʻp boʻlgan 8,0 ga teng va kam boʻlgan 10 Tuman (shahar) davlat soliq inspeksiyasi 2. MHTEKMning 8,0 dan koʻp boʻlgan 8,5 ga teng va kam boʻlgan 6 3. MHTEKMning 8,5 dan koʻp boʻlgan 9,2 ga teng va kam boʻlgan 2 II. Hozirgi turar joy maqomi* 1. Ijara (er-xotin oʻz mulkida uy-joyi mavjud emas) 20 Tuman (shahar) davlat soliq inspeksiyasi, Yer tuzish va koʻchmas mulk kadastri davlat korxonasi 2. Egasining ruxsati bilan tekin turar joy (er-xotin oʻz mulkida uy-joyi mavjud emas) 3. Ariza beruvchi yaroqsiz yakka tartibdagi uy-joyda yashashi yoki uy-joy yashash maydonining bir shaxs uchun qonunchilik hujjatlarida nazarda tutilgan ijtimoiy normaga muvofiq emasligi. III. Ijtimoiy himoyaga muhtoj boʻlgan ayrim shaxslar 1. “labor-migration” dasturida roʻyxatdan oʻtgan mehnat migranti 10 Tuman (shahar) bandlikka koʻmaklashish markazi 2. Yetim bolalar va ota-onasining qaramogʻidan mahrum boʻlgan bolalar 10 Tuman (shahar) hokimligi 3. Alohida namuna koʻrsatayotgan yosh oilalar 10 Yoshlar ishlari agentligining tuman (shahar) boʻlimi 4. Ogʻir ijtimoiy vaziyatga tushib qolgan ayollar** 10 Tuman (shahar) mahalla va oilani qoʻllab-quvvatlash boʻlimi 5. Yagona (yolgʻiz) boquvchiga ega boʻlgan oila (erkak yoki ayol) 9 6. Boshqalar 0 IV. Ariza beruvchi va uning oilasidagi shaxslarning quyidagi toifaga mansubligi*** 1. Birinchi guruh nogironligi boʻlgan shaxs 10 Tuman tibbiyot birlashmasi xulosasi 2. Surunkali kasallikning ogʻir turlaridan azob chekuvchi 10 3. Ogʻir nogironlikka olib keluvchi kasallikka chalingan bolani parvarishlayotgan 10 Jami ball: 50

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga 2-ILOVA

‎‎‎ ‎ UY-JOY SOTIB OLISN YOKI YAKKA TARTIBDAGI UY-JOYLARNI QURISN VA REKONSTRUKSIYA QILISN UCNUN SUBSIDIYA ‎ ‎ ‎TAQDIM ETISH TOG`RISIDA ‎‎ 000000-son XABARNOMA ‎‎‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sanasi “___” _________ 20___ yil‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Amal qilish muddati “___” _________ 20___ yil‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Fuqaro ______________________________________________________________________________________ ‎‎ (F.I.O.) ‎‎ O`zbekiston Respublikasi Vazirlar Mahkamasinig 2021 yil _________ ______-son qarori bilan tasdiqlangan Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʼlash tartibi toʼgʼrisidagi nizomga muvofiq ________________________________ deb topildi. ‎ ‎ ‎ ‎ (ijtimoiy me`zonga muvofiqligi)‎ ‎ ‎ ‎ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Passport ma`lumotlari: seriyasi _______ raqami _______________________________‎‎______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kim tomonidan berilgan _________________________________ , berilgan sanasi ____________‎‎______________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Yashash manzili _________________________________________________________‎‎_____________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ro`yxatdan o`tgan manzili ________________________________________________‎‎_______________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Davlat byudjeti hisobidan turar joy bilan ta'minlash huquqiga ega bo'lgan u bilan birga yashaydigan oila a'zolari hisobga olingan holda (tegishlisi tanlanadi): 1. Uy-joy sotib olish uchun dastlabki badal va foiz toʻlovlarining bir qismini toʻlash bilan bogʻliq xarajatlarni qoplash uchun subsidiya ajratiladi. Bunda sotib olinishi mumkin boʼlgan uy-joyning yuqori qiymati ___________________________ soʼm. 2. Yakka tartibdagi uy-joylarni qurish va rekonstruksiya qilish uchun ipoteka krediti foiz toʻlovlarining bir qismini toʻlash bilan bogʻliq xarajatlarni qoplash uchun subsidiya ajratiladi. Bunda yakka tartibdagi uy-joylarni qurish va rekonstruksiya qilish uchun ajratilishi mumkin bulgan ipoteka kreditining yuqori qiymati _____________________________ soʼm. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎ ‎‎‎‎QR-kod ‎

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga 2a-ILOVA

UY-JOY SOTIB OLISN YOKI YAKKA TARTIBDAGI UY-JOYLARNI QURISN VA REKONSTRUKSIYA QILISN UCNUN SUBSIDIYA TAQDIM ETISNNI RAD ETISN TOG`RISIDA 000000-son‎‎ XABARNOMA‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Berilgan sanasi “____” __________ 20___ yil‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Fuqaro _______________________________________________________________‎‎_______________________ (F.I.O.)‎‎ O`zbekiston Respublikasi Vazirlar Mahkamasinig 2021 yil _________ ______-son qarori bilan tasdiqlangan Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʼlash tartibi toʼgʼrisidagi nizomning talablariga ____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________ sababli subsidiya taqdim etilishi muvofiq emas deb topildi. (nizomninig qaysi talablariga muvofiq emasligi koʼrsatilishi kerak) ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Passport ma`lumotlari: seriyasi _______ raqami _____________________ ________________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Kim tomonidan berilgan _________________________________ , berilgan sanasi __________________________‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Yashash manzili ______________________________________________________________________________ ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Ro`yxatdan o`tgan manzili ________________________________________________‎‎_______________________ ‎ ‎ ‎ ‎ ‎ ‎ ‎ ‎ ‎ ‎ ‎ � ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎QR-kod‎‎ ‎ ‎

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga 3-ILOVA

_______________ tumani (shahri)da subsidiya toʻlanadigan talabgorlarni tanlab olish boʻyicha komissiyaning namunaviy

1. Lavozimiga koʻra — Tuman (shahar) hokimining moliya-iqtisodiyot va kambagʻallikni qisqartirish masalalari boʻyicha birinchi oʻrinbosari, Komissiya raisi 2. Lavozimiga koʻra — Tuman (shahar) xalq qabulxonasi rahbari, Komissiya raisi oʻrinbosari 3. Lavozimiga koʻra — Tuman (shahar) hokimi oʻrinbosari — mahalla va oilani qoʻllab-quvvatlash boʻlimi boshligʻi 4. Lavozimiga koʻra — Tuman (shahar) moliya boʻlimi boshligʻi 5. Lavozimiga koʻra — Tuman (shahar) aholi bandligiga koʻmaklashish markazi direktori 6. Lavozimiga koʻra — Yoshlar ishlari agentligining tuman (shahar) boʻlimi boshligʻi 7. Lavozimiga koʻra — Tuman (shahar) davlat soliq inspeksiyasi rahbari 8. Lavozimiga koʻra — Ishtirok etuvchi tijorat bankining tuman (shahar) filiali rahbari 9. Lavozimiga koʻra — Tuman (shahar) iqtisodiy taraqqiyot va kambagʻallikni qisqartirish boʻlimi boshligʻi oʻrinbosari, Komissiya kotibi

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga 4-ILOVA

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash

Bosqichlar Subyektlar Tadbirlar Bajarish muddatlari 1-bosqich Ariza beruvchi Ariza beruvchi subsidiya olish uchun tuman (shahar) Davlat xizmatlari markaziga oʻzi kelib murojaat etadi yoki Oʻzbekiston Respublikasi Yagona interaktiv davlat xizmatlari portali orqali mustaqil ravishda anketa-arizani elektron tarzda toʻldiradi. Y il davomida (haftaning dushanba-juma kunlari soat 9:00 dan 18:00 gacha) 2-bosqich Tuman (shahar) Davlat xizmatlari markazi 1. Anketa-ariza va unga ilova qilingan hujjatlar, tuman (shahar) Davlat xizmatlari markazi tomonidan roʻyxat boʻyicha qabul qilinadi. 2. Tuman (shahar) Davlat xizmatlari markazi arizalarni qayd qilinishi navbatligiga koʻra tuman (shahar) tibbiyot birlashmasiga, ichki ishlar boʻlimiga (boshqarmasiga), moliya boʻlimiga, davlat soliq inspeksiyasiga, aholi bandligi koʻmaklashish markaziga, yer tuzish va koʻchmas mulk kadastri davlat korxonasiga, tuman (shahar) mahalla va oilani qoʻllab-quvvatlash boʻlimiga, Yoshlar ishlari agentligining tuman (shahar) boʻlimiga, tuman (shahar) hokim�igiga, ishtirok etuvchi tijorat bankiga elektron shaklda taqdim etadi. 1 ish kuni mobaynida 3-bosqich Tibbiyot birlashmasi Ariza beruvchi va uning oila aʼzolari orasida surunkali kasallikning ogʻir turlaridan azob chekuvchi va Oʻzbekiston Respublikasi Sogʻliqni saqlash vazirligi tomonidan tasdiqlangan roʻyxatga muvofiq alohida xonada yashashga muhtoj boʻlgan shaxslarning mavjudligi, ariza beruvchining oila aʼzolari orasida birinchi guruh nogironi mavjudligi, yolgʻiz oʻzi ogʻir nogironlikka olib keluvchi kasallikka chalingan bolani parvarishlayotgan ayollar toʻgʻrisidagi maʼlumotlarni dasturiy taʼminotga kiritadi va tasdiqlaydi. 10 ish kuni mobaynida Ichki ishlar boʻlimi (boshqarmasi) Ariza beruvchi boshqa oilalar bilan bir uyda (bir kvartirada) yashashi toʻgʻrisidagi tegishli maʼlumotlarni dasturiy taʼminotga kiritadi va tasdiqlaydi. Moliya boʻlimi Taqdim etiladigan subsidiyalarning miqdori tugaganligi toʻgʻrisidagi maʼlumotni dasturiy taʼminotga kiritadi va tasdiqlaydi. Davlat soliq inspeksiyasi Davlat soliq inspeksiyasi — Soliq toʻlovchining identifikatsiya raqami, turar joyda ijara shartlari asosida yashashi hamda ariza beruvchi va ushbu Nizomning 16-bandida keltirilgan shaxslarning (arizada koʻrsatilgan holatlarda) daromadlari toʻgʻrisidagi tegishli maʼlumotlarni dasturiy taʼminotga kiritadi va tasdiqlaydi. Aholi bandligiga koʻmaklashish markazi Ariza beruvchining kam taʼminlanganlarga mansubligi toʻgʻrisidagi maʼlumotni dasturiy taʼminotga kiritadi va tasdiqlaydi. Yer tuzish va koʻchmas mulk kadastri davlat korxonasi Doimiy yashash joyi boʻyicha roʻyxatga olingan joyidan kadastr hujjatining maʼlumotlari (agar turar joyi doimiy yashash joyi boʻyicha roʻyxatga olingan joy bilan toʻgʻri kelsa), ariza beruvchida, shu jumladan, uning turmush oʻrtogʻi va farzandlarida mulk huquqi bilan turar joyning bor-yoʻqligi, yashash uchun yaroqsiz turar joyda yashashi, uy-joy umumiy maydonining bir shaxs uchun qonun hujjatlarida nazarda tutilgan ijtimoiy normaga muvofiq emasligi toʻgʻrisidagi tegishli maʼlumotlarni dasturiy taʼminotga kiritadi va tasdiqlaydi. Tuman (shahar) Mahalla va oilani qoʻllab-quvvatlash boʻlimi Ariza beruvchining ogʻir ijtimoiy vaziyatga tushib qolgan ayollar, yagona (yolgʻiz) boquvchisiga ega boʻlgan oila — ayollar toifasiga mansubligi. Yoshlar ishlari agentligining tuman (shahar) boʻlimi Ariza beruvchining alohida namuna koʻrsatayotgan yosh oilalar toifasiga mansubligi. tuman (shahar) hokimligi Ariza beruvchining yetim bolalar va ota-onasining qaramogʻidan mahrum boʻlgan bolalar toifasiga mansubligi. Ishtirok etuvchi tijorat banklari Ariza beruvchi fuqaro (birgalikda qarz oluvchi)ning ajratiladigan ipoteka krediti boʻyicha toʻlov qobiliyati, unga ajratilishi mumkin boʻlgan ipoteka krediti va sotib olishi mumkin boʻlgan uy-joyning yuqori qiymati, kredit tashkilotlaridan avval olingan kredit boʻyicha muddati oʻtgan qarzdorlikning mavjud emasligi toʻgʻrisidagi tegishli maʼlumotni dasturiy taʼminotga kiritadi va tasdiqlaydi. 4-bosqich Komissiya 1. Arizalarni ularning qayd etilishi navbatliligiga koʻra koʻrib chiqadi. 2. Talabgorlarni aniqlash boʻyicha taqdim etilgan hujjatlar, masʼul tashkilotlarning baholash natijalari Nizom talablariga muvofiqligini oʻrganib chiqadi. Maʼlumotlar olingan kundan boshlab 7 ish kuni mobaynida, ariza beruvchi ishtirokida Tanlov natijalari yuzasidan subsidiya berish yoki rad etish toʻgʻrisida QR-kod qoʻyilgan qaror qabul qiladi va Davlat xizmatlari markazi orqali elektron tarzda ariza beruvchiga yuboradi. 1 ish kuni mobaynida 5-bosqich Talabgor Oʻzining daromadi va imkoniyatlaridan kelib chiqib moʻljallayotgan uy-joyni, uning hisoblangan qiymatidan oshmagan haqiqiy qiymatini inobatga olgan holda ipoteka krediti orqali sotib olish boʻyicha xususiy qurilish (pudrat) tashkiloti bilan shartnoma tuzadi. Subsidiya berish toʻgʻrisidagi qarorni olgandan soʻng 1 oy (habarnoma amal qilishi muddatining oxirgi kunigacha) mobaynida Ipoteka kreditini belgilangan tartibda rasmiylashtirish uchun talabgor istalgan ishtirok etuvchi tijorat bankiga kvartira sotib olish uchun subsidiya taqdim etish toʻgʻrisidagi xabarnomani va uy-joyni ipoteka shartlari asosida sotib olish boʻyicha qurilish tashkiloti bilan tuzilgan shartnomani hamda fuqaro oʻziga tegishli boʻlgan badal mablagʻlarini bankdagi hisobvaragʻiga joylashtirganligi toʻgʻrisidagi maʼlumotnomani hamda bank tomonidan belgilangan boshqa hujjatlarni taqdim qiladi. Qurilgan va rekonstruksiya qilingan yakka tartibdagi uy-joyning kadastr hujjatlarini hamda bank tomonidan belgilangan boshqa hujjatlarni taqdim qiladi. Kadastr hujjatlari taqdim etilgandan soʻng 3 ish kuni mobaynida 6-bosqich Ishtirok etuvchi tijorat banki va moliya boʻlimi 1. Ishtirok etuvchi tijorat banki talabgorning hujjatlarini oʻrganib chiqadi. 2. Ajratiladigan ipoteka krediti boʻyicha davlat budjetidan talabgorga qoplab berilishi mumkin boʻlgan subsidiya summasini aniqlaydi. 3 ish kuni mobaynida 7-bosqich Ishtirok etuvchi tijorat banki 1. Talabgor bilan ipoteka kreditini ajratish toʻgʻrisida shartnomani imzolaydi hamda ipoteka kreditini rasmiylashtiradi. 2. Talabgor tomonidan sotib olinadigan uy-joy (kvartira)ning kadastr hujjatlari taqdim etilgandan soʻng tijo�at banki tuman (shahar) gʻaznachilik boʻlimiga boshlangʻich badalning bir qismini qoplash uchun kadastr hujjatlarini ilova qilgan holda subsidiya summasini toʻlashga buyurtmanomani yuboradi. 1 ish kuni ichida 8-bosqich Hududiy gʻaznachilik boʻlimi Sotib olinayotgan uy-joy (kvartira) uchun ajratilgan ipoteka krediti boʻyicha boshlangʻich badalning bir qismini qoplash uchun subsidiya summasini tijorat banki tomonidan koʻrsatilgan hisobvaraqqa oʻtkazib beradi. 3 ish kuni mobaynida 9-bosqich Ishtirok etuvchi tijorat banki Ipoteka kreditini ajratish toʻgʻrisida shartnoma va unga ilova (toʻlovlar jadvali)ni ipoteka krediti foizini har oyda toʻlab borish uchun subsidiya ajratilishi boʻyicha hududiy gʻaznachilik boʻlimiga yuboradi. Ipoteka krediti taqdim etilganidan soʻng 3 ish kuni mobaynida Qurilgan va rekonstruksiya qilingan yakka tartibdagi uy-joylar kadastr hujjatlari taqdim etilgandan soʻng ajratilgan kredit ipoteka kreditiga qayta rasmiylashtiriladi. 1 ish kuni mobaynida 10-bosqich Hududiy gʻaznachilik boʻlimi Ipoteka foizlarining bir qismini qoplash uchun mablagʻlarni oʻtkazib boradi. Har oyning 25-kunigacha

Uy-joy sotib olish yoki yakka tartibdagi uy-joylarni qurish va rekonstruksiya qilish uchun fuqarolarga subsidiya toʻlash tartibi toʻgʻrisidagi nizomga 5-ILOVA

ANKETA-ARIZA‎‎ Ariza № ________________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Qabul qilish sanasi________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ Qabul qilgan shaxs ________ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ 1. ________________________ (familiyasi) __________________________ (ismi) ______________________ (otasining ismi) 2. Manzil:_______ (aholi punkti) ________________ (tuman, shahar) _________________ (viloyat) 3. Tugʻilgan sanasi ‎ ___ / _____ / ______ 4.‎ Jinsi ‎____ ayol _____ erkak 5. Soliq toʻlovchining identifikatsiya raqami (STIR) _________________ 6. Oilaviy ahvoli _____ boʻydoq / turmushga chiqmagan _____ uylangan / turmushga chiqqan _____ ajrashgan ‎_____ beva 7. Asosiy faoliyat turi (bandlik, ish joyi): _________________________________________ 8. Pasport boʻyicha jismoniy shaxsning shaxsiy identifikatsiya raqami (JSh ShIR) * : _______________________ 9. Oila aʼzolaringizni ularning yoshini koʻrsatgan holda sanab oʻting: 1._____, yosh: ___ 2._____, yosh: ___ 3._____, yosh: ___ 4._____, yosh: ___ 5._____, yosh: ___ 6._____, yosh: ___ 10. Quyidagi shaxslar Sizning oilangizda yashaydimi? Agar yashasa, sonini koʻrsating: ‎1. Birinchi guruh nogironi ____ kishi. ‎2. Surunkali kasalliklarning ogʻir turlaridan azob chekuvchilar ____ kishi. ‎3. Ogʻir nogironlikka olib keluvchi kasallikka chalingan bolani parvarishlayotgan. 11. Har oylik daromad miqdori (zarurat boʻlganda xotini (eri), ular bilan bir uyda birgalikda yashovchi ota-onasi hamda farzandlarining daromadlari): ‎_____________ soʻm; _____________ soʻm; _____________ soʻm; _____________ soʻm. ‎11.1. Har oylik qoʻshimcha daromad miqdori: ___ soʻm. ‎12. Hozirgi vaqtda oilanin? bir aʼzosiga toʻgʻri keladigan turar joy maydoni: ______ kv.m. 13. Sizning hozirgi uy-joyingizning huquqiy maqomi: _____ mulk ‎_____ ijara ‎______mulkdor ruxsati bilan bepul yashash 14. Qaysi turdagi arzon uy-joydan olmoqchisiz? shaharda ________ qishloq joyda ___________ ‎14¹. Yakka tartibdagi uy-joyni qurmoqchimisiz yoki rekonstruksiya qilmoqchimisiz? ___________ ‎Yakka tartibdagi uy-joyni qurish ______________ ‎Yakka tartibdagi uy-joyni rekonstruksiya qilish __ ‎14.1. Qiymati qancha boʻlgan uy-joy olmoqchisiz? __________________ 14¹.1. Qancha miqdorda ipoteka kr�diti olmoqchisiz?_____________ ‎14.2. Uy narxining necha foizini boshlangʻich toʻlov sifatida toʻlay olasiz? ______________________ 14¹.2. Ajratiladigan ipoteka krediti boʻyicha kamida 15 foiz miqdoridagi boshlangʻich badal uchun mablagʻlar mavjudmi? ‎Naqd pul koʻrinishida _______ Qurilish materiallari koʻrinishida _______ ‎ Yakka tartibdagi uy-joy qisman qurilgan yoki rekonstruksiya qilingan ____________. 15. Sizning aloqa qilish uchun maʼlumotlaringiz? ‎ el.pochta _________ ‎uy tel: _________ ‎ish tel: ________ ‎uyali tel: ________ ‎15.1. Ipoteka kreditini qaysi tijorat bankidan olmoqchisiz? ________________ 16. Siz quyidagi fuqarolar toifalariga mansubmisiz? Agar mansub boʻlsangiz, qaysiligiga koʻrsating: ‎mehnat migranti _______; ‎yetim bolalar va ota-onasining qaramogʻidan mahrum boʻlgan bolalar _______; ‎ogʻir ijtimoiy vaziyatga tushib qolgan ayollar _______; ‎alohida namuna koʻrsatayotgan yosh oilalar _______. Men uy-joy olish hamda uy-joy uchun subsidiya olishdan manfaatdorligimni bildiraman va yuqorida koʻrsatilgan maʼlumotlarning haqiqiyligini tasdiqlayman va tegishli maʼlumotlarning oshkor etilishiga roziligimni bildiraman. Pasport va ijtimoiy mezonlarga muvofiqligini tasdiqlovchi hujjatlar nusxalari ilova qilinadi. ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎____________ ‎ ‎ ‎ ‎ ‎ ‎ ‎ ‎ ‎ ‎ ‎ _____ _____ _____ ‎ ‎ ‎ ‎ ‎ ‎ imzo ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ yil kun oy ‎‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎ ‎‎

3. Vazirlar Mahkamasining 2021-yil 5-fevraldagi 56-son qarori bilan tasdiqlangan Oʻzbekiston Respublikasi Moliya vazirligi tomonidan joylashtirilgan mablagʻlar hisobidan ipoteka kreditlari ajratish tartibi toʻgʻrisidagi nizomda :

a) 2-bandda :

uchinchi xatboshi quyidagi tahrirda bayon qilinsin:

“yakka tartibdagi uy-joylarni qurish (rekonstruksiya qilish) uchun ipoteka kreditlarini ajratishda”;

quyidagi mazmundagi xatboshi qoʻshilsin:

“tijorat banklari tomonidan oʻz mablagʻlari hisobidan ulushdor-jismoniy shaxslarga berilgan ipoteka kreditlarini Moliya vazirligi tomonidan ajratilgan mablagʻlar hisobidan qayta moliyalashtirishda qoʻllaniladi”;

b) 3-bandning ikkinchi xatboshisi quyidagi tahrirda bayon qilinsin:

“tijorat banklarining (keyingi oʻrinlarda — bank) ichki kredit siyosatiga muvofiq oʻz mablagʻlari (yangi tartib doirasida ulushdor-jismoniy shaxslarga ajratilgan ipoteka kreditlari bundan mustasno), xalqaro moliya tashkilotlari va xorijiy hukumat moliya tashkilotlari mablagʻlari hamda boshqa jalb qilingan mablagʻlar hisobidan jismoniy shaxslarga uy-joy (kvartira) sotib olish, qurish (rekonstruksiya qilish), taʼmirlash uchun ipoteka kreditlari ajratishga”;

v) 4-band quyidagi tahrirda bayon qilinsin:

“4. Ushbu Nizomda quyidagi asosiy tushunchalar qoʻllaniladi:

ariza beruvchi — birlamchi uy-joy bozorida kvartirani sotib olish yoki yakka tartibda uy-joy qurish (rekonstruksiya qilish) maqsadida ipoteka krediti olish uchun bankka ariza taqdim etgan fuqaro;

birlamchi uy-joy bozori (yangi qurilgan uy-joy) — tuman (shahar) hokimining qurilishi tugallangan uy-joyni foydalanishga qabul qilib olish toʻgʻrisida komissiya dalolatnomasini tasdiqlash haqidagi qarori asosida mulk huquqi yuzaga kelgan hamda qabul qilib olinganiga uch yildan koʻp boʻlmagan uy-joy;

birgalikda qarz oluvchi — qarz oluvchining ipoteka krediti asosiy summasi va kredit boʻyicha hisoblangan foizlarning har oydagi toʻlovlarida qatnashadigan, shuningdek, ipoteka krediti boʻyicha solidar javob beradigan jismoniy shaxslar;

boshlangʻich badal — sotib olinadigan kvartiraning yoki quriladigan (rekonstruksiya qilinadigan) yakka tartibdagi uy-joy qiymatining ipoteka krediti olish uchun qarz oluvchi tomonidan oʻz mablagʻlari va qonun hujjatlarida taqiqlanmagan boshqa manbalar hisobidan belgilangan meʼyorlarda shakllantiriladigan qismi;

ipoteka krediti — aholiga birlamchi uy-joy bozoridagi kvartiralarni sotib olish uchun yoki yakka tartibdagi uy-joylarni qurish (rekonstruksiya qilish) uchun Moliya vazirligi tomonidan joylashtirilgan mablagʻlar hisobidan banklar tomonidan bozor tamoyillari asosida ajratiladigan kreditlar;

ishtirok etuvchi tijorat banklari — fuqarolar tomonidan birlamchi bozorda tanlangan uy-joylarni sotib olishga yoki yakka tartibdagi uy-joylarni qurishga (rekonstruksiya qilishga) Moliya vazirligi tomonidan joylashtirilgan mablagʻlar hisobidan ipoteka kreditini taqdim etuvchi banklar;

pudrat tashkiloti — koʻp kvartirali uylarni yoki yakka tartibdagi uy-joylarni oʻz mablagʻlari, bank krediti va qonun hujjatlarida taqiqlanmagan boshqa mablagʻlar hisobidan qurish (rekonstruksiya qilish)ni amalga oshiruvchi hamda birlamchi uy-joy bozorida qurilgan kvartiralarni sotish uchun taklif etuvchi tadbirkorlik subyekti;

subsidiya — ipoteka kreditlari asosida:

uy-joy sotib olish uchun boshlangʻich badal va kredit foizining bir qismini;

yakka tartibdagi uy-joylarni qurish va rekonstruksiya qilish uchun kredit foizining bir qismini qoplash maqsadida davlat budjetidan fuqaro uchun bankda uning nomiga ochilgan tegishli hisobvaraqqa oʻtkazilgan mablagʻlar;

uy-joy — pudrat tashkilotlari tomonidan oʻz mablagʻlari, bank krediti va qonun hujjatlarida taqiqlanmagan boshqa manbalar hisobidan qurilgan birlamchi uy-joy bozoridagi kvartiralar hamda fuqaroning oʻz kuchi bilan, xususiy pudrat tashkilotlarini yoki oʻzini oʻzi band qilgan shaxs sifatida roʻyxatdan oʻtgan yollanma ishchilarni jalb etgan holda qurilgan (rekonstruksiya qilingan) yakka tartibdagi uy-joylar;

uy-joyning hisoblangan qiymati — kvartira xonalari sonidan qatʼi nazar uning bir kvadrat metrining tegishli hududdagi oʻrtacha bozor qiymati hamda maydonining eng koʻp meʼyoridan kelib chiqib belgilanadigan qiymat;

qarz oluvchi — birlamchi uy-joy bozoridagi kvartirani sotib olish yoki yakka tartibdagi uy-joyni qurish (rekonstruksiya qilish) uchun ipoteka krediti olgan va kredit shartnomasida belgilangan shartlarda qaytarish majburiyatini ega fuqaro;

yakka tartibdagi uy-joy qurish (rekonstruksiya qilish) — fuqaroning belgilangan tartibda umrbod egalik qilish huquqi asosida ajratilgan yer uchastkasida (keyingi oʻrinlarda — yer uchastkasi) belgilangan tartibda kelishilgan va tasdiqlangan loyiha asosida (keyingi oʻrinlarda — loyiha asosida) fuqaroning oʻz kuchi bilan, xususiy pudrat tashkilotini yoki oʻzini oʻzi band qilgan shaxs sifatida roʻyxatdan oʻtgan yollanma ishchilarni yollagan holda yakka tartibdagi uy-joy qurish, uning meʼmorchilik-rejalashtirish yechimlarini oʻzgartirish, uyning ustiga, yoniga qoʻshimcha qurish, eskirgan konstruksiyalar va muhandislik inshootlarini, shu jumladan, tashqi tarmoqlarni (magistral tarmoqdan tashqari) qismlarga ajratgan, almashtirgan holda oʻzgartirish”;

g) 6-band quyidagi tahrirda bayon qilinsin:

“6. Moliya vazirligi tomonidan banklarga ajratiladigan mablagʻlar va banklar tomonidan qarz oluvchilarga beriladigan ipoteka kreditlari:

20 yildan koʻp boʻlmagan muddatga bozor (foiz) stavkasida ajratiladi;

ular boʻyicha qoida tariqasida annuitet toʻlovlar tartibi tatbiq etiladi;

foiz stavkasi Oʻzbekiston Respublikasi Markaziy bankining (keyingi oʻrinlarda — Markaziy bank) asosiy stavkasi pasaytirilgan taqdirda, mutanosib ravishda kamayadi, oshirilgan taqdirda esa oʻzgarishsiz qoladi.

Bunda:

foiz toʻlovlaridagi oʻzgarishlar Markaziy bank asosiy stavkasining pasaytirilishi amalga kiritilgan kundan boshlab hisob-kitob qilinadi;

qarz oluvchilarga ularning xohishiga koʻra 6 oylik imtiyozli davr bilan va kredit toʻlovlari boʻyicha differensial toʻlovlar tartibi tatbiq etilishi, shuningdek, Moliya vazirligi tomonidan banklarga ajratiladigan mablagʻlar boʻyicha ham ushbu shartlar belgilanishi mumkin;

ulushdor-jismoniy shaxslarga ipoteka kreditlari ulush kiritish asosida qurilgan koʻp kvartirali uy-joylardagi kvartiralar davlat roʻyxatidan oʻtkazilgandan soʻng yangi tartib doirasida belgilangan ipoteka kreditlarining eng koʻp miqdoridan oshmagan miqdorda qayta moliyalashtiriladi.

Agar banklar tomonidan ipoteka kreditlari boʻyicha foiz stavkasi pasaytirilmagan taqdirda, bankning ipoteka kreditlari boʻyicha foiz stavkasini pasaytirilmaslik natijasida olgan foiz daromadining ikki baravari miqdorida jarima hisoblagan holda uning barcha hisobvaraqlaridan Moliya vazirligi tomonidan joylashtirilgan mablagʻlar (undirish kuniga hisoblangan foizlar bilan birga) soʻzsiz undiriladi.

Ushbu shartlar Moliya vazirligi va banklar oʻrtasidagi Bosh bitim va shartnomalarda hamda banklar va qarz oluvchilar oʻrtasidagi ipoteka krediti shartnomalarida belgilab qoʻyilgan boʻlishi kerak.”;

d) 7-banddagi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

e) 16-bandda :

“g” kichik band quyidagi tahrirda bayon qilinsin:

“g) ipoteka krediti olish uchun birlamchi uy-joy bozorida sotib olinadigan kvartira qiymatining 15 foizidan kam boʻlmagan miqdorda (shu jumladan, boshlangʻich badalning bir qismi uchun subsidiya toʻlanadigan shaxslar boʻyicha subsidiya summasini inobatga olgan holda) boshlangʻich badalni shakllantirish imkoniyatiga ega boʻlishi;”;

“d” kichik band quyidagi tahrirda bayon qilinsin:

“d) yakka tartibdagi uy-joy qurish (rekonstruksiya qilish) ishlari qiymatining 15 foizidan kam boʻlmagan miqdorda boshlangʻich badalni shakllantirish imkoniyatiga ega boʻlishi”;

“e” kichik banddagi “(qayta quriladigan)” soʻzlari “(rekonstruksiya qilinadigan)” soʻzlari bilan almashtirilsin;

“z” kichik banddagi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

j) 22-band quyidagi tahrirda bayon qilinsin:

“22. Qarz oluvchining ipoteka kreditini qaytarish boʻyicha majburiyati taʼminoti sifatida:

birlamchi uy-joy bozoridan sotib olinayotgan kvartira;

yakka tartibda quriladigan (rekonstruksiya qilinadigan) uy-joy garovi yoki boshqa taʼminot turlari taqdim etiladi.

Ulushdor-jismoniy shaxslar ipoteka krediti boʻyicha taʼminot sifatida bankning ichki kredit siyosatiga asosan pudrat tashkilotining yoki qonunchilikda taqiqlanmagan boshqa mol-mulkdan foydalanishi mumkin.

Agar kredit olish vaqtida pudrat tashkilotining mol-mulki yoki boshqa taʼminot turi taqdim etilgan boʻlsa, uy-joy qurilishi (rekonstruksiya qilinishi) yakunlanib kadastr hujjatlari rasmiylashtirilganidan soʻng kredit boʻyicha taʼminot ushbu uy-joyning ipotekasiga almashtiriladi.”;

z) 24-bandning ikkinchi xatboshisidagi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

i) 25-banddagi “(qayta quriladigan)” soʻzlari “(rekonstruksiya qilinadigan)” soʻzlari bilan almashtirilsin;

k) 27-bandning toʻrtinchi xatboshisidagi “(qayta qurish)” soʻzlari “(rekonstruksiya qilish) soʻzlari bilan almashtirilsin;

l) 28-band quyidagi tahrirda bayon qilinsin:

“28. Tayyor holda topshirish sharti bilan qurib bitkazilgan koʻp kvartirali uy-joylardagi kvartiralarni birlamchi uy-joy bozorida sotib olish hamda yakka tartibdagi uy-joyni qurish (rekonstruksiya qilish) ishlari uchun Moliya vazirligi tomonidan joylashtirilgan mablagʻlar hisobidan fuqarolarga ipoteka krediti banklar tomonidan quyidagi shartlar asosida ajratiladi:

1) bozor stavkasida;

2) 20 yildan koʻp boʻlmagan muddatga;

3) boshlangʻich badali sotib olinadigan kvartira va yakka tartibda qurilayotgan (rekonstruksiya qilinayotgan) uy-joy qiymatining 15 foizidan kam boʻlmagan miqdorda;

4) bir qarz oluvchiga beriladigan ipoteka kreditlari uy-joy hisoblangan qiymatining 85 foizidan oshmaydigan miqdorda”.

m) 30-bandning birinchi xatboshisidagi “(qayta qurilgan)” soʻzlari “(rekonstruksiya qilingan)” soʻzlari bilan almashtirilsin;

n) 32-bandning ikkinchi xatboshisidagi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

o) 33-banddagi “(qayta qurilayotgan)” soʻzlari “(rekonstruksiya qilinayotgan)” soʻzlari bilan almashtirilsin;

p) 40-bandda :

“a” kichik banddagi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

“v” kichik banddagi “(qayta qurilayotgan)” soʻzlari “(rekonstruksiya qilinayotgan)” soʻzlari bilan almashtirilsin;

r) 5-bobning nomi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

s) 44-bandda :

birinchi xatboshidagi “(qayta qurish)” soʻzlari “(rekonstruksiya qilish)” soʻzlari bilan almashtirilsin;

quyidagi mazmundagi xatboshi qoʻshilsin:

“Bunda qarz oluvchining oʻz kuchi bilan yoki oʻzini oʻzi band qilgan shaxs sifatida roʻyxatdan oʻtgan yollanma ishchilarni jalb etgan holda yakka tartibdagi uy-joylar qurish (rekonstruksiya qilish) uchun ajratilgan kreditlar bajarilgan ishlar hajmiga mutanosib ravishda bosqichma-bosqich qarz oluvchining bank kartasiga oʻtkazib beriladi”;

t) 45-bandning ikkinchi xatboshisi quyidagi tahrirda bayon qilinsin:

“Bajarilgan ishlar hajmining 95 foizgacha qismi qarz oluvchining boshlangʻich badali (jami bajariladigan ishlar qiymatining 15 foizi) hisobidan oʻtkazib berilgan avans mablagʻlarga mutanosib ravishda ushlab qolingan holda bajarilgan qurilish-montaj ishlari toʻgʻrisidagi dalolatnomaga muvofiq moliyalashtirib boriladi hamda yakka tartibdagi uy-joy qiymatining 5 foizi miqdoridagi qolgan qismi bank xodimi tomonidan joyiga chiqib ipoteka kreditini toʻliq ajratish toʻgʻrisida xulosa berilgandan soʻng toʻlanadi.”;

u) 46-bandning birinchi xatboshisidagi “(qayta qurilishi)” soʻzlari “(rekonstruksiya qilinishi)” soʻzlari bilan almashtirilsin;

f) 50-bandning uchinchi xatboshisi quyidagi tahrirda bayon qilinsin:

“Foiz xarajatining bir qismini qoplash uchun subsidiya hududiy gʻaznachilik boʻlinmasi tomonidan qarz oluvchining bank tomonidan koʻrsatilgan hisobvaragʻiga oʻtkazib beriladi.”;

x) 69-banddagi “(qayta qurilgan)” soʻzlari “(rekonstruksiya qilingan)” soʻzlari bilan almashtirilsin;

ts) Nizomga 2-ilova quyidagi tahrirda bayon qilinsin:

“Oʻzbekiston Respublikasi Moliya vazirligi tomonidan joylashtirilgan mablagʻlar hisobidan aholiga ipoteka kreditlari ajratish tartibi toʻgʻrisidagi nizomga 2-ILOVA

Yakka tartibda uy-joy qurish (rekonstruksiya qilish) uchun ipoteka kreditlari ajratish

Bosqichlar Subyektlar Chora-tadbirlar Muddat 1-bosqich Qarz oluvchi Yer uchastkalarida belgilangan tartibda kelishilgan loyiha asosida hamda tuman (shahar) aholi punktlari bosh rejasi va shaharsozlik normalariga mos holda pudrat tashkiloti yoki oʻzini oʻzi band qilgan shaxs sifatida roʻyxatdan oʻtgan yollanma ishchilar bilan yakka tartibda uy-joy qurish (rekonstruksiya qilish) boʻyicha shartnomani imzolaydi, oʻz kuchi bilan amalga oshirish holati bundan mustasno. Oʻz xohishiga koʻra belgilangan muddatlarda 2-bosqich Qarz oluvchi Bankka tegishli hujjatlar bilan boshlangʻich badal toʻlovini amalga oshirgan holda ipoteka krediti olish uchun ariza topshiradi. Bunda yakka tartibda uy-joyni qurish (rekonstruksiya qilish) amalga oshirilishida, ajratiladigan ipoteka krediti boʻyicha boshlangʻich badal uchun qarz oluvchi tomonidan sotib olingan qurilish materiallari va/yoki bajarilgan qurilish-montaj ishlari qiymati hisobga olinishi mumkin. Oʻz xohishiga koʻra belgilangan muddatlarda 3-bosqich Bank Kredit olish boʻyicha taqdim etilgan ariza va unga ilova qilingan hujjatlarni koʻrib chiqib, arizani qanoatlantirish yoki rad etish toʻgʻrisida qaror qabul qiladi. Ariza qanoatlantirilgan taqdirda, kredit shartnomasi imzolanadi. 3 ish kunida 4-bosqich Pudrat tashkiloti (oʻzini oʻzi band qilgan shaxs sifatida roʻyxatdan oʻtgan yollanma ishchilar), qarz oluvchi Yakka tartibdagi uy-joyni qurish (rekonstruksiya qilish) ishlarini amalga oshiradi. Shartnomada belgilangan muddatlarda 5-bosqich Bank Shartnoma va loyiha asosida yakka tartibdagi uy-joyni qurish (rekonstruksiya qilish) boʻyicha bajarilgan ishlar boʻyicha toʻlovlar uchun ipoteka krediti va qarz oluvchi tomonidan bankda shakllangan mablagʻlarni pudrat tashkilotlarining depozit hisobvaragʻiga naqd pulsiz shaklda oʻtkazib beradi. Bunda qarz oluvchining oʻz kuchi bilan yoki oʻzini oʻzi band qilgan shaxs sifatida roʻyxatdan oʻtgan yollanma ishchilarni jalb etgan holda yakka tartibdagi uy-joylar qurish (rekonstruksiya qilish) uchun ajratilgan kreditlarni qarz oluvchining bank kartasiga oʻtkazib bera�i. Shartnomada belgilangan muddatlarda 6-bosqich Qarz oluvchi Kredit shartnomasining qaytarish grafigiga asosan ipoteka krediti va unga hisoblangan foiz toʻlovlarini toʻlab boradi. Har oyning 25-kunigacha

Oʻzbekiston Respublikasining Bosh vaziri A. ARIPOV

Toshkent sh.,

2021-yil 23-avgust,

537-son

(Qonunchilik maʼlumotlari milliy bazasi, 24.08.2021-y., 09/21/537/0818-son)

lex.uz