📅 2021-yil 24-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 24 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 августа 2021 г. · Постановления Президента
Официальный текст. Официальный документ. Редакционные примечания не включены.
📅 24 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қўшилган қиймат солиғи маъмуриятчилигини такомиллаштириш тўғрисида
Тадбиркорларнинг муаммо ва масалаларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида билдирилган таклифларни инобатга олган ҳолда, инсофли солиқ тўловчиларга солиқ мажбуриятларини бажаришлари учун янада қулай шарт-шароитларни яратиш мақсадида:
1. 2021 йил 1 октябрдан бошлаб экспорт қилинадиган товарлар учун ишлатилган, ҳақиқатда олинган товарлар (хизматлар) бўйича тўланиши лозим бўлган (тўланган) қўшилган қиймат солиғи суммасини солиқ тўловчининг Ўзбекистон Республикасидаги банк ҳисобварағига чет эл валютаси тушуми келиб тушишидан қатъи назар ҳисобга олиш тартиби ўрнатилсин.
2. Ўрнатилсинки:
мазкур қарорнинг 1-бандида назарда тутилган имконият охирги бир йил давомида валюта тушумларини ўз вақтида таъминлаб келаётган ва экспорт шартномалари бўйича муддати ўтган дебитор қарздорлиги бўлмаган — интизомли солиқ тўловчиларга татбиқ этилади;
товарлар «экспорт» божхона режими остида чиқарилган кундан эътиборан 180 календарь куни ичида валюта тушуми ёки унинг бир қисми экспорт қилувчининг Ўзбекистон Республикаси тижорат банкларидаги ҳисобварағига келиб тушмаган тақдирда, қўшилган қиймат солиғининг ҳисобга олинган суммаси ёки унинг тегишли қисми белгиланган тартибда ҳисобдан чиқарилади.
3. Белгилансинки, 2022 йил 1 январдан бошлаб:
қўшилган қиймат солиғининг салбий суммасини қоплаш (қайтариш) учун солиқ органларига ариза билан алоҳида мурожаат қилиш ҳақидаги мажбурий талаб бекор қилинади;
солиқ тўловчига тегишли солиқ даври учун солиқ ҳисоботини топширишда, солиқ органларини хабардор этган ҳолда қўшилган қиймат солиғи салбий суммасини қоплаш (қайтариш) талабини билдириш ҳуқуқи берилади.
Давлат солиқ қўмитаси (Ш. Кудбиев) уч ой муддатда қўшилган қиймат солиғи бўйича солиқ ҳисоботи шаклларига солиқ тўловчиларга қўшилган қиймат солиғининг салбий миқдорини қоплаб бериш (қайтариш) бўйича солиқ органларига мурожаат қилишни акс эттирувчи тегишли ўзгартириш ва қўшимчалар киритсин.
4. Молия вазирлиги (Т. Ишметов) Давлат солиқ қўмитаси (Ш. Кудбиев), Давлат божхона қўмитаси (М. Азимов), Ахборот технологиялари ва коммуникацияларини ривожлантириш вазирлиги (Ш. Садиков) билан биргаликда 2021 йил якунига қадар товарларни импорт қилишда ва товарларни (хизматларни) реализация қилишда тўланадиган қўшилган қиймат солиғи суммаларини ўзаро ҳисобга олиш тартибини ишлаб чиқсин ва мазкур тартибни тажриба тариқасида 2022 йил 31 декабргача амалиётга жорий қилсин.
5. Молия вазирлиги икки ой муддатда манфаатдор вазирлик ва идоралар билан биргаликда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
6. Ўзбекистон Миллий телерадиокомпанияси, Ахборот ва оммавий коммуникациялар агентлиги манфаатдор вазирлик ва идоралар билан биргаликда ушбу қарор моҳияти ва мазмунининг, шу жумладан оммавий ахборот воситалари ва Интернет тармоғи орқали кенг тушунтирилишини ташкил қилсин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 24 август,
ПҚ-5231-сон
Oʻzbekiston Respublikasi Prezidentining
Qarori
Qoʻshilgan qiymat soligʻi maʼmuriyatchiligini takomillashtirish toʻgʻrisida
Tadbirkorlarning muammo va masalalarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida bildirilgan takliflarni inobatga olgan holda, insofli soliq toʻlovchilarga soliq majburiyatlarini bajarishlari uchun yanada qulay shart-sharoitlarni yaratish maqsadida:
1. 2021-yil 1-oktabrdan boshlab eksport qilinadigan tovarlar uchun ishlatilgan, haqiqatda olingan tovarlar (xizmatlar) boʻyicha toʻlanishi lozim boʻlgan (toʻlangan) qoʻshilgan qiymat soligʻi summasini soliq toʻlovchining Oʻzbekiston Respublikasidagi bank hisobvaragʻiga chet el valyutasi tushumi kelib tushishidan qatʼi nazar hisobga olish tartibi oʻrnatilsin.
2. Oʻrnatilsinki:
mazkur qarorning 1-bandida nazarda tutilgan imkoniyat oxirgi bir yil davomida valyuta tushumlarini oʻz vaqtida taʼminlab kelayotgan va eksport shartnomalari boʻyicha muddati oʻtgan debitor qarzdorligi boʻlmagan — intizomli soliq toʻlovchilarga tatbiq etiladi;
tovarlar “eksport” bojxona rejimi ostida chiqarilgan kundan eʼtiboran 180 kalendar kuni ichida valyuta tushumi yoki uning bir qismi eksport qiluvchining Oʻzbekiston Respublikasi tijorat banklaridagi hisobvaragʻiga kelib tushmagan taqdirda, qoʻshilgan qiymat soligʻining hisobga olingan summasi yoki uning tegishli qismi belgilangan tartibda hisobdan chiqariladi.
3. Belgilansinki, 2022-yil 1-yanvardan boshlab:
qoʻshilgan qiymat soligʻining salbiy summasini qoplash (qaytarish) uchun soliq organlariga ariza bilan alohida murojaat qilish haqidagi majburiy talab bekor qilinadi;
soliq toʻlovchiga tegishli soliq davri uchun soliq hisobotini topshirishda, soliq organlarini xabardor etgan holda qoʻshilgan qiymat soligʻi salbiy summasini qoplash (qaytarish) talabini bildirish huquqi beriladi.
Davlat soliq qoʻmitasi (Sh. Kudbiyev) uch oy muddatda qoʻshilgan qiymat soligʻi boʻyicha soliq hisoboti shakllariga soliq toʻlovchilarga qoʻshilgan qiymat soligʻining salbiy miqdorini qoplab berish (qaytarish) boʻyicha soliq organlariga murojaat qilishni aks ettiruvchi tegishli oʻzgartirish va qoʻshimchalar kiritsin.
4. Moliya vazirligi (T. Ishmetov) Davlat soliq qoʻmitasi (Sh. Kudbiyev), Davlat bojxona qoʻmitasi (M. Azimov), Axborot texnologiyalari va kommunikatsiyalarini rivojlantirish vazirligi (Sh. Sadikov) bilan birgalikda 2021-yil yakuniga qadar tovarlarni import qilishda va tovarlarni (xizmatlarni) realizatsiya qilishda toʻlanadigan qoʻshilgan qiymat soligʻi summalarini oʻzaro hisobga olish tartibini ishlab chiqsin va mazkur tartibni tajriba tariqasida 2022-yil 31-dekabrgacha amaliyotga joriy qilsin.
5. Moliya vazirligi ikki oy muddatda manfaatdor vazirlik va idoralar bilan birgalikda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Oʻzbekiston Milliy teleradiokompaniyasi, Axborot va ommaviy kommunikatsiyalar agentligi manfaatdor vazirlik va idoralar bilan birgalikda ushbu qaror mohiyati va mazmunining, shu jumladan ommaviy axborot vositalari va Internet tarmogʻi orqali keng tushuntirilishini tashkil qilsin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 24-avgust,
PQ-5231-son
Президента Республики Узбекистан
Постановление
О совершенствовании администрирования налога на добавленную стоимость
В целях создания более благоприятных условий добросовестным налогоплательщикам для исполнения ими своих налоговых обязательств, а также учитывая предложения, озвученные в рамках открытого диалога Президента Республики Узбекистан с предпринимателями, проведенного 20 августа 2021 года для непосредственного изучения проблем и вопросов предпринимателей, определения основных направлений последующего развития предпринимательства:
1. Установить с 1 октября 2021 года порядок зачета сумм налога на добавленную стоимость, подлежащих уплате (уплаченная) по фактически полученным товарам (услугам), использованным для экспортируемых товаров, вне зависимости от поступления валютной выручки на счета налогоплательщика в банке Республики Узбекистан.
2. Определить, что:
предусмотренная пунктом 1 настоящего постановления возможность распространяется на дисциплинированных налогоплательщиков, обеспечивающих своевременное поступление валютной выручки за прошедший год и не имеющих просроченную дебиторскую задолженность по экспортным контрактам;
в случае непоступления валютной выручки или ее части на счет экспортера в коммерческих банках Республики Узбекистан в течение 180 календарных дней со дня выпуска товаров в таможенном режиме «экспорта» отнесенная сумма налога на добавленную стоимость к зачету либо ее соответствующая часть исключается из зачета в установленном порядке.
3. Установить, что начиная с 1 января 2022 года:
отменяется обязательное требование по отдельному обращению с заявлением в налоговые органы о возмещении (возврате) отрицательной суммы налога на добавленную стоимость;
налогоплательщик при представлении налоговой отчетности за соответствующий налоговый период вправе обратиться за возмещением (возвратом) отрицательной суммы налога на добавленную стоимость, уведомив об этом налоговые органы.
Государственному налоговому комитету (Ш. Кудбиев) в трехмесячный срок внести соответствующие изменения и дополнения в формы налоговой отчетности по налогу на добавленную стоимость, предусматривающие для налогоплательщиков обращение в налоговые органы за возмещением (возвратом) отрицательной суммы налога на добавленную стоимость.
4. Министерству финансов (Т. Ишметов) совместно с Государственным налоговым комитетом (Ш. Кудбиев), Государственным таможенным комитетом (М. Азимов), Министерством по развитию информационных технологий и коммуникаций (Ш. Садиков) до конца 2021 года разработать порядок осуществления взаимозачета сумм налога на добавленную стоимость, уплачиваемых при импорте товаров и реализации товаров (услуг) и внедрить его в порядке эксперимента до 31 декабря 2022 года.
5. Министерству финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
6. Национальной телерадиокомпании Узбекистана, Агентству информации и массовых коммуникаций совместно с заинтересованными министерствами и ведомствами организовать широкое разъяснение сути и содержания настоящего постановления, в том числе в средствах массовой информации и сети Интернет.
7. Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
24 августа 2021 г.,
№ ПП-5231