📅 2021-yil 25-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 25 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 августа 2021 г. · Постановления Президента
Официальный текст. Официальный документ. Редакционные примечания не включены.
📅 25 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Инвестиция лойиҳаларини ташқи инфратузилма билан таъминлаш чора-тадбирлари тўғрисида
Тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган масалалар ижросини, шунингдек хорижий ҳамда маҳаллий инвесторлар иштирокидаги инвестиция лойиҳаларини ташқи муҳандислик-коммуникация тармоқлари билан таъминлаш мақсадида:
1. Молия вазирлиги, Иқтисодий тараққиёт ва камбағалликни қисқартириш вазирлиги ҳамда Инвестициялар ва ташқи савдо вазирлигининг инвесторнинг қиймати 200 миллиард сўмдан (Қорақалпоғистон Республикаси ва Хоразм вилояти учун — 50 миллиард сўмдан) ошадиган, унинг ўз маблағлари улуши 25 фоиздан кам бўлмаган, инвестиция дастурларига киритилган лойиҳаларини (кейинги ўринларда — инвестиция лойиҳалари) зарур ташқи муҳандислик-коммуникация тармоқлари билан таъминлаш Давлат бюджети маблағлари ҳисобидан амалга оширилиши тўғрисидаги таклифига розилик берилсин.
Бунда, Қорақалпоғистон Республикаси ва Хоразм вилояти учун ушбу тартиб бўйича 50 миллиард сўмдан 200 миллиард сўмгача бўлган инвестиция лойиҳаларини ташқи муҳандислик-коммуникация тармоқлари билан таъминлаш харажатлари ушбу лойиҳалар қийматининг 20 фоизидан ошмаслиги лозим.
2. Инвестиция лойиҳалари доирасида ташқи муҳандислик-коммуникация тармоқлари билан таъминлаш ишлари бўйича:
а) молиялаштириш манбалари этиб қуйидагилар белгиланади:
кириш автомобиль йўллари, ичимлик суви ва оқова сув тармоқларини қуриш, реконструкция қилиш ва таъмирлаш ишларининг 90 фоизи бўйича — Ўзбекистон Республикаси ижтимоий ва ишлаб чиқариш инфратузилмасини ривожлантириш дастури маблағлари, 10 фоизи бўйича — Қорақалпоғистон Республикаси бюджети, вилоятлар ва Тошкент шаҳар маҳаллий бюджетининг қўшимча манбалари;
электр энергияси ва газ тармоғини қуриш, реконструкция қилиш ва таъмирлаш ишлари бўйича — республика бюджети маблағлари ҳисобидан таъминотчи корхоналарга 5 фоиз ставкада уч йил муддатда қайтариш шарти билан ажратиладиган бюджет ссудаси маблағлари;
алоқа тармоқларини қуриш, реконструкция қилиш ва таъмирлаш ишлари бўйича — таъминотчи корхоналар ва тадбиркорларнинг ўз маблағлари;
б) қуйидагилар:
ичимлик суви ва оқова сув тармоқларини қуриш, реконструкция қилиш ва таъмирлаш ишлари бўйича — «Сув таъминоти ва канализация объектларини қуриш бўйича инжиниринг компанияси» унитар корхонаси;
кириш автомобиль йўлларини қуриш, реконструкция қилиш ва таъмирлаш ишлари бўйича — Автомобиль йўллари қўмитаси ҳузуридаги «Минтақавий йўлларга буюртмачи хизмати» давлат унитар корхонаси, Тошкент шаҳрида Тошкент шаҳар ҳокимлигининг «Ягона буюртмачи хизмати» инжиниринг компанияси;
электр энергияси билан таъминлаш ишлари бўйича — «Ҳудудий электр тармоқлари» АЖ ва «Ўзбекистон миллий электр тармоқлари» АЖнинг ҳудудий филиаллари;
табиий газ етказиб бериш ишлари бўйича — «Ўзтрансгаз» АЖ ва «Ҳудудгазтаъминот» АЖнинг ҳудудий филиаллари;
алоқа тармоқларини етказиб бериш ишлари бўйича — «Ўзбектелеком» АК ва унинг ҳудудий ташкилотлари буюртмачи этиб белгиланади.
3. Шундай тартиб ўрнатилсинки, унга мувофиқ инвестиция лойиҳалари доирасида:
бюджет ссудаси маблағлари электр энергияси тармоқларини қуриш, реконструкция қилиш ва таъмирлаш ишлари учун «Ҳудудий электр тармоқлари» АЖ ва «Ўзбекистон миллий электр тармоқлари» АЖларга, табиий газ тармоқларини қуриш, реконструкция қилиш ва таъмирлаш ишлари учун «Ўзтрансгаз» АЖ ва «Ҳудудгазтаъминот» АЖларга ажратилади;
автомобиль йўлларини қуриш, реконструкция қилиш ва таъмирлаш ишлари Қорақалпоғистон Республикаси Молия вазирлиги, вилоятлар ва Тошкент шаҳар молия бош бошқармалари ҳузуридаги автомобиль йўлларини ривожлантириш жамғармалари ҳисобидан амалга оширилади.
5. Инвестициялар ва ташқи савдо вазирлиги (А.Б. Воитов) Энергетика вазирлиги (А.С. Султанов), Уй-жой коммунал хизмат кўрсатиш вазирлиги (Ш.С. Ҳидоятов) ва Транспорт вазирлиги (И.Р. Махкамов) билан биргаликда икки ҳафта муддатда ташқи муҳандислик-коммуникация тармоқлари билан таъминлаш учун зарур бўлган қиймати 200 миллиард сўмдан ошадиган инвестиция лойиҳаларининг дастлабки манзилли рўйхатини ҳамда тегишли ҳисоб-китобларни шакллантириб, Вазирлар Маҳкамасига киритсин.
6. Инвестиция лойиҳаларини ташқи муҳандислик-коммуникация тармоқлари билан таъминлаш учун бюджет маблағларини ўз вақтида ажратиш бўйича молия вазири Т.А. Ишметов ҳамда ажратилган маблағларни ўз вақтида ўзлаштириш ва зарур ташқи муҳандислик-коммуникация тармоқлари билан таъминлаш учун энергетика вазири А.С. Султанов, уй-жой коммунал хизмат кўрсатиш вазири Ш.С. Ҳидоятов ва транспорт вазири И.Р. Махкамов шахсан масъул эканлиги белгилаб қўйилсин.
7. Вазирлар Маҳкамаси икки ҳафта муддатда қуйидагиларни назарда тутувчи хорижий ва маҳаллий инвесторларнинг қиймати 200 миллиард сўмдан ошадиган инвестиция лойиҳаларини зарур ташқи муҳандислик-коммуникация тармоқлари билан таъминлаш тартиби тўғрисидаги низомни тасдиқласин:
инвестиция лойиҳасини амалга ошираётган талабгорлар томонидан ташқи муҳандислик-коммуникация тармоқлари билан таъминлаш учун мурожаат қилиш тартиби;
инвестиция лойиҳаларининг қиймати ва инфратузилма билан таъминлаш учун зарур харажатларнинг мутаносиблигини экспертиза қилиш тартиби;
инвестиция лойиҳаси жойлаштириладиган майдоннинг марказлашган тармоқларга уланиши учун оптимал ҳудудда жойлашганлиги ҳамда ташқи муҳандислик-коммуникация инфратузилмаси билан таъминланиши иқтисодий-молиявий самарадорлигини баҳолаш мезонлари;
инвестиция лойиҳаларини ташқи муҳандислик-коммуникация тармоқлари билан таъминлаш бўйича тегишли вазирлик ва идораларнинг хулоса бериш тартиби ва муддатлари;
ташқи муҳандислик-коммуникация тармоқлари билан таъминлаб берилганидан сўнг инвестиция лойиҳасининг амалга оширилишини мониторинг қилиш тартиби.
8. Иқтисодий тараққиёт ва камбағалликни қисқартириш вазирлиги:
Молия вазирлиги билан биргаликда 2022 йилдан бошлаб, ҳар йили Давлат бюджетининг асосий параметрларини шакллантиришда инвестиция лойиҳаларини ташқи муҳандислик-коммуникация инфратузилмаси билан таъминлаш ишлари учун Давлат бюджети маблағлари Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида ажратилишини кўзда тутсин;
Молия вазирлиги, Инвестициялар ва ташқи савдо вазирлиги, бошқа манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Ҳисоб палатаси (Б. Турабов) хорижий ва маҳаллий инвесторларнинг инвестиция лойиҳаларини зарур ташқи муҳандислик-коммуникация тармоқлари билан таъминлаш учун Давлат бюджетидан ажратилган маблағларнинг мақсадли сарфланиши устидан назорат ўрнатсин.
10. Мазкур қарор ижросини самарали ташкил қилишга масъул ва шахсий жавобгар этиб молия вазири Т.А. Ишметов, инвестициялар ва ташқи савдо вазирининг биринчи ўринбосари А.Б. Воитов, Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Бош вазир ўринбосарлари Ж.А. Қўчқоров ва С.Ў. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 25 август,
ПҚ-5233-сон
Oʻzbekiston Respublikasi Prezidentining
Qarori
Investitsiya loyihalarini tashqi infratuzilma bilan taʼminlash chora-tadbirlari toʻgʻrisida
Tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan masalalar ijrosini, shuningdek xorijiy hamda mahalliy investorlar ishtirokidagi investitsiya loyihalarini tashqi muhandislik-kommunikatsiya tarmoqlari bilan taʼminlash maqsadida:
1. Moliya vazirligi, Iqtisodiy taraqqiyot va kambagʻallikni qisqartirish vazirligi hamda Investitsiyalar va tashqi savdo vazirligining investorning qiymati 200 milliard soʻmdan (Qoraqalpogʻiston Respublikasi va Xorazm viloyati uchun — 50 milliard soʻmdan) oshadigan, uning oʻz mablagʻlari ulushi 25 foizdan kam boʻlmagan, investitsiya dasturlariga kiritilgan loyihalarini (keyingi oʻrinlarda — investitsiya loyihalari) zarur tashqi muhandislik-kommunikatsiya tarmoqlari bilan taʼminlash Davlat budjeti mablagʻlari hisobidan amalga oshirilishi toʻgʻrisidagi taklifiga rozilik berilsin.
Bunda, Qoraqalpogʻiston Respublikasi va Xorazm viloyati uchun ushbu tartib boʻyicha 50 milliard soʻmdan 200 milliard soʻmgacha boʻlgan investitsiya loyihalarini tashqi muhandislik-kommunikatsiya tarmoqlari bilan taʼminlash xarajatlari ushbu loyihalar qiymatining 20 foizidan oshmasligi lozim.
2. Investitsiya loyihalari doirasida tashqi muhandislik-kommunikatsiya tarmoqlari bilan taʼminlash ishlari boʻyicha:
a) moliyalashtirish manbalari etib quyidagilar belgilanadi:
kirish avtomobil yoʻllari, ichimlik suvi va oqova suv tarmoqlarini qurish, rekonstruksiya qilish va taʼmirlash ishlarining 90 foizi boʻyicha — Oʻzbekiston Respublikasi ijtimoiy va ishlab chiqarish infratuzilmasini rivojlantirish dasturi mablagʻlari, 10 foizi boʻyicha — Qoraqalpogʻiston Respublikasi budjeti, viloyatlar va Toshkent shahar mahalliy budjetining qoʻshimcha manbalari;
elektr energiyasi va gaz tarmogʻini qurish, rekonstruksiya qilish va taʼmirlash ishlari boʻyicha — respublika budjeti mablagʻlari hisobidan taʼminotchi korxonalarga 5 foiz stavkada uch yil muddatda qaytarish sharti bilan ajratiladigan budjet ssudasi mablagʻlari;
aloqa tarmoqlarini qurish, rekonstruksiya qilish va taʼmirlash ishlari boʻyicha — taʼminotchi korxonalar va tadbirkorlarning oʻz mablagʻlari;
b) quyidagilar:
ichimlik suvi va oqova suv tarmoqlarini qurish, rekonstruksiya qilish va taʼmirlash ishlari boʻyicha — “Suv taʼminoti va kanalizatsiya obyektlarini qurish boʻyicha injiniring kompaniyasi” unitar korxonasi;
kirish avtomobil yoʻllarini qurish, rekonstruksiya qilish va taʼmirlash ishlari boʻyicha — Avtomobil yoʻllari qoʻmitasi huzuridagi “Mintaqaviy yoʻllarga buyurtmachi xizmati” davlat unitar korxonasi, Toshkent shahrida Toshkent shahar hokimligining “Yagona buyurtmachi xizmati” injiniring kompaniyasi;
elektr energiyasi bilan taʼminlash ishlari boʻyicha — “Hududiy elektr tarmoqlari” AJ va “Oʻzbekiston milliy elektr tarmoqlari” AJning hududiy filiallari;
tabiiy gaz yetkazib berish ishlari boʻyicha — “Oʻztransgaz” AJ va “Hududgaztaʼminot” AJning hududiy filiallari;
aloqa tarmoqlarini yetkazib berish ishlari boʻyicha — “Oʻzbektelekom” AK va uning hududiy tashkilotlari buyurtmachi etib belgilanadi.
3. Shunday tartib oʻrnatilsinki, unga muvofiq investitsiya loyihalari doirasida:
budjet ssudasi mablagʻlari elektr energiyasi tarmoqlarini qurish, rekonstruksiya qilish va taʼmirlash ishlari uchun “Hududiy elektr tarmoqlari” AJ va “Oʻzbekiston milliy elektr tarmoqlari” AJlarga, tabiiy gaz tarmoqlarini qurish, rekonstruksiya qilish va taʼmirlash ishlari uchun “Oʻztransgaz” AJ va “Hududgaztaʼminot” AJlarga ajratiladi;
avtomobil yoʻllarini qurish, rekonstruksiya qilish va taʼmirlash ishlari Qoraqalpogʻiston Respublikasi Moliya vazirligi, viloyatlar va Toshkent shahar moliya bosh boshqarmalari huzuridagi avtomobil yoʻllarini rivojlantirish jamgʻarmalari hisobidan amalga oshiriladi.
5. Investitsiyalar va tashqi savdo vazirligi (A.B. Voitov) Energetika vazirligi (A.S. Sultanov), Uy-joy kommunal xizmat koʻrsatish vazirligi (Sh.S. Hidoyatov) va Transport vazirligi (I.R. Maxkamov) bilan birgalikda ikki hafta muddatda tashqi muhandislik-kommunikatsiya tarmoqlari bilan taʼminlash uchun zarur boʻlgan qiymati 200 milliard soʻmdan oshadigan investitsiya loyihalarining dastlabki manzilli roʻyxatini hamda tegishli hisob-kitoblarni shakllantirib, Vazirlar Mahkamasiga kiritsin.
6. Investitsiya loyihalarini tashqi muhandislik-kommunikatsiya tarmoqlari bilan taʼminlash uchun budjet mablagʻlarini oʻz vaqtida ajratish boʻyicha moliya vaziri T.A. Ishmetov hamda ajratilgan mablagʻlarni oʻz vaqtida oʻzlashtirish va zarur tashqi muhandislik-kommunikatsiya tarmoqlari bilan taʼminlash uchun energetika vaziri A.S. Sultanov, uy-joy kommunal xizmat koʻrsatish vaziri Sh.S. Hidoyatov va transport vaziri I.R. Maxkamov shaxsan masʼul ekanligi belgilab qoʻyilsin.
7. Vazirlar Mahkamasi ikki hafta muddatda quyidagilarni nazarda tutuvchi xorijiy va mahalliy investorlarning qiymati 200 milliard soʻmdan oshadigan investitsiya loyihalarini zarur tashqi muhandislik-kommunikatsiya tarmoqlari bilan taʼminlash tartibi toʻgʻrisidagi nizomni tasdiqlasin:
investitsiya loyihasini amalga oshirayotgan talabgorlar tomonidan tashqi muhandislik-kommunikatsiya tarmoqlari bilan taʼminlash uchun murojaat qilish tartibi;
investitsiya loyihalarining qiymati va infratuzilma bilan taʼminlash uchun zarur xarajatlarning mutanosibligini ekspertiza qilish tartibi;
investitsiya loyihasi joylashtiriladigan maydonning markazlashgan tarmoqlarga ulanishi uchun optimal hududda joylashganligi hamda tashqi muhandislik-kommunikatsiya infratuzilmasi bilan taʼminlanishi iqtisodiy-moliyaviy samaradorligini baholash mezonlari;
investitsiya loyihalarini tashqi muhandislik-kommunikatsiya tarmoqlari bilan taʼminlash boʻyicha tegishli vazirlik va idoralarning xulosa berish tartibi va muddatlari;
tashqi muhandislik-kommunikatsiya tarmoqlari bilan taʼminlab berilganidan soʻng investitsiya loyihasining amalga oshirilishini monitoring qilish tartibi.
8. Iqtisodiy taraqqiyot va kambagʻallikni qisqartirish vazirligi:
Moliya vazirligi bilan birgalikda 2022-yildan boshlab, har yili Davlat budjetining asosiy parametrlarini shakllantirishda investitsiya loyihalarini tashqi muhandislik-kommunikatsiya infratuzilmasi bilan taʼminlash ishlari uchun Davlat budjeti mablagʻlari Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida ajratilishini koʻzda tutsin;
Moliya vazirligi, Investitsiyalar va tashqi savdo vazirligi, boshqa manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Hisob palatasi (B. Turabov) xorijiy va mahalliy investorlarning investitsiya loyihalarini zarur tashqi muhandislik-kommunikatsiya tarmoqlari bilan taʼminlash uchun Davlat budjetidan ajratilgan mablagʻlarning maqsadli sarflanishi ustidan nazorat oʻrnatsin.
10. Mazkur qaror ijrosini samarali tashkil qilishga masʼul va shaxsiy javobgar etib moliya vaziri T.A. Ishmetov, investitsiyalar va tashqi savdo vazirining birinchi oʻrinbosari A.B. Voitov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Bosh vazir oʻrinbosarlari J.A. Qoʻchqorov va S.Oʻ. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 25-avgust,
PQ-5233-son
Президента Республики Узбекистан
Постановление
О мерах по обеспечению инвестиционных проектов внешней инфраструктурой
В целях исполнения задач, определенных в рамках открытого диалога с предпринимателями, проведенного Президентом Республики Узбекистан 20 августа 2021 года по непосредственному изучению проблем и вопросов предпринимателей и определению основных направлений последующего развития предпринимательства, а также обеспечения инвестиционных проектов с участием зарубежных и отечественных инвесторов внешними инженерно-коммуникационными сетями:
1. Согласиться с предложением Министерства финансов, Министерства экономического развития и сокращения бедности и Министерства инвестиций и внешней торговли по обеспечению необходимыми внешними инженерно-коммуникационными сетями проектов инвесторов стоимостью более 200 миллиардов сумов (для Республики Каракалпакстан и Хорезмской области — 50 миллиардов сумов), в которых доля их собственных средств составляет не менее 25 процентов, включенных в инвестиционные программы (далее — инвестиционные проекты), за счет средств Государственного бюджета.
При этом для Республики Каракалпакстан и Хорезмской области расходы по обеспечению внешними инженерно-коммуникационными сетями инвестиционных проектов стоимостью от 50 миллиардов сумов до 200 миллиардов сумов, согласно данному порядку не должны превышать 20 процентов стоимости данных проектов.
2. В части работ по обеспечению внешними инженерно-коммуникационными сетями в рамках инвестиционных проектов:
а) определить источниками финансирования:
работ по строительству, реконструкции и ремонту подъездных автомобильных дорог, сетей питьевой воды и канализации на 90 процентов — средства Программы развития социальной и производственной инфраструктуры Республики Узбекистан, на 10 процентов — дополнительные источники бюджета Республики Каракалпакстан, местных бюджетов областей и города Ташкента;
работ по строительству, реконструкции и ремонту сетей электрической энергии и газа — средства бюджетной ссуды, выделяемые снабжающим предприятиям за счет республиканского бюджета по ставке 5 процентов с условием возврата в трехлетний срок;
работ по строительству, реконструкции и ремонту линий связи — собственные средства снабжающих предприятий и предпринимателей;
б) определить заказчиками:
работ по строительству, реконструкции и ремонту сетей питьевой воды и канализации — унитарное предприятие «Инжиниринговая компания по строительству объектов водоснабжения и канализации»;
работ по строительству, реконструкции и ремонту подъездных автомобильных дорог — Государственное унитарное предприятие «Служба заказчика по региональным дорогам» при Комитете по автомобильным дорогам, в городе Ташкенте — инжиниринговую компанию «Служба единого заказчика» хокимията города Ташкента;
работ по обеспечению электрической энергией — региональные филиалы АО «Региональные электрические сети» и АО «Национальные электрические сети Узбекистана»;
работ по поставке природного газа — региональные филиалы АО «Узтрансгаз» и АО «Худудгазтаъминот»;
работ по проведению линий связи — АК «Узбектелеком» и ее региональные организации.
3. Установить порядок, в соответствии с которым в рамках инвестиционных проектов:
средства бюджетной ссуды на работы по строительству, реконструкции и ремонту сетей электрической энергии выделяются АО «Региональные электрические сети» и АО «Национальные электрические сети Узбекистана», на работы по строительству, реконструкции и ремонту сетей природного газа — АО «Узтрансгаз» и АО «Худудгазтаъминот»;
работы по строительству, реконструкции и ремонту автомобильных дорог проводятся за счет фондов по развитию автомобильных дорог при Министерстве финансов Республики Каракалпакстан и главных управлениях финансов областей и города Ташкента.
5. Министерству инвестиций и внешней торговли (А.Б. Воитов) совместно с Министерством энергетики (А.С. Султанов), Министерством жилищно-коммунального обслуживания (Ш.С. Хидоятов) и Министерством транспорта (И.Р. Махкамов) в двухнедельный срок сформировать и внести в Кабинет Министров предварительный адресный перечень и соответствующие расчеты инвестиционных проектов стоимостью более 200 миллиардов сумов, необходимые для обеспечения внешними инженерно-коммуникационными сетями.
6. Возложить персональную ответственность на министра финансов Т.А. Ишметова за своевременное выделение бюджетных средств для обеспечения внешними инженерно-коммуникационными сетями инвестиционных проектов министра энергетики А.С. Султанова, министра жилищно-коммунального обслуживания Ш.С. Хидоятова и министра транспорта И.Р. Махкамова — за своевременное освоение выделенных средств и обеспечение необходимыми внешними инженерно-коммуникационными сетями указанных проектов.
7. Кабинету Министров в двухнедельный срок утвердить Положение о порядке обеспечения необходимыми внешними инженерно-коммуникационными сетями инвестиционных проектов зарубежных и отечественных инвесторов стоимостью более 200 миллиардов сумов, предусматривающее:
порядок обращения претендентов, реализующих инвестиционный проект, для обеспечения внешними инженерно-коммуникационными сетями;
порядок проведения экспертизы соответствия стоимости инвестиционных проектов и расходов, необходимых для обеспечения их инфраструктурой;
критерии оценки расположения площади размещения инвестиционного проекта на территории, оптимальной для его подключения к централизованным сетям, а также экономической и финансовой эффективности его обеспечения внешней инженерно-коммуникационной инфраструктурой;
порядок и сроки выдачи заключений соответствующими министерствами и ведомствами по обеспечению инвестиционных проектов внешними инженерно-коммуникационными сетями;
порядок ведения мониторинга реализации инвестиционного проекта после его обеспечения внешними инженерно-коммуникационными сетями.
8. Министерству экономического развития и сокращения бедности:
совместно с Министерством финансов ежегодно начиная с 2022 года при формировании основных параметров Государственного бюджета предусматривать выделение средств Государственного бюджета на работы по обеспечению внешней инженерно-коммуникационной инфраструктурой инвестиционных проектов в рамках Программы развития социальной и производственной инфраструктуры Республики Узбекистан;
совместно с Министерством финансов, Министерством инвестиций и внешней торговли, а также другими заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Счетной палате (Б. Турабов) установить контроль за целевым расходованием средств, выделенных из Государственного бюджета на обеспечение необходимыми внешними инженерно-коммуникационными сетями инвестиционных проектов зарубежных и отечественных инвесторов.
10. Возложить персональную ответственность на министра финансов Т.А. Ишметова, первого заместителя министра инвестиций и внешней торговли А.Б. Воитова, Председателя Совета Министров Республики Каракалпакстан, хокимов областей и города Ташкента за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Д.А. Кучкарова и С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
25 августа 2021 г.,
№ ПП-5233