📅 2021-yil 26-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 26 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 26 августа 2021 г. · Постановления Президента
Официальный текст. Официальный документ. Редакционные примечания не включены.
📅 26 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Сунъий интеллект технологияларини қўллаш бўйича махсус режимни жорий қилиш чора-тадбирлари тўғрисида
Ўзбекистон Республикаси Президентининг 2021 йил 17 февралдаги «Сунъий интеллект технологияларини жадал жорий этиш учун шарт-шароитлар яратиш чора-тадбирлари тўғрисида»ги ПҚ-4996-сон қарорига мувофиқ, шунингдек, сунъий интеллект технологиялари асосидаги инновацион бизнес-моделлар, маҳсулотлар ва хизмат кўрсатиш усуллари ривожланиши учун қулай ва мақбул экотизим яратиш, уларни белгилаб берилган устувор тармоқлар ва соҳаларда тезкорлик билан жорий этиш ва амалиётга татбиқ этиш мақсадида:
1. Иқтисодий тараққиёт ва камбағалликни қисқартириш вазирлиги, Ахборот технологиялари ва коммуникацияларини ривожлантириш вазирлиги, Инновацион ривожланиш вазирлигининг экспериментал инновацион тадқиқотлар доирасида Сунъий интеллект технологияларини қўллаш бўйича махсус режимни (кейинги ўринларда — махсус режим) жорий қилиш тўғрисидаги таклифи маъқуллансин.
2. Белгилансинки:
а) махсус режим этиб унинг доирасида сунъий интеллект технологияларига асосланган тажриба-синов ишларини амалга ошириш, дастурий маҳсулотларни ишлаб чиқиш ва хизматларни кўрсатиш (кейинги ўринларда — тажриба-синов лойиҳалари) билан боғлиқ фаолият юритувчи юридик шахслар ҳамда илмий ташкилотлар учун зарурий ташкилий-ҳуқуқий шароит яратиш, дастурий маҳсулотларни тажрибадан ўтказиш ва амалиётга жорий қилиш жараёнида юзага келадиган ҳуқуқий муносабатларда енгиллик яратиш тушунилади;
б) махсус режим Дастурий маҳсулотлар ва ахборот технологиялари технологик паркининг (кейинги ўринларда — IT-парк) алоҳида бўғини бўлиб, унинг иштирокчилари IT-парк резидентлари ҳисобланади ва улар ўз фаолиятини экстерриториаллик принципи асосида амалга оширади;
тажриба-синов лойиҳалари Ўзбекистон Республикаси Президентининг 2021 йил 17 февралдаги ПҚ-4996-сон қарори билан тасдиқланган Сунъий интеллект технологияларини жорий этиш бўйича 2021-2022 йилларда амалга ошириладиган тажриба-синов лойиҳалари ҳамда устувор тармоқлар ва соҳалар доирасида амалга оширилади;
в) махсус режим талабгорлари учун тажриба-синов лойиҳалари доирасида фаолиятга рухсат этиш хусусиятига эга тегишли ҳужжатларни тезлаштирилган ва соддалаштирилган ҳолда олиш тизими жорий қилинади. Бунда:
махсус режим талабгорларининг аризалари беш иш куни ичида тезлаштирилган тартибда кўриб чиқилади;
рухсат этиш хусусиятига эга тегишли ҳужжатларни олиш учун талаб этиладиган ҳужжатлар рўйхати ваколатли давлат органи томонидан қисқартирилади;
рухсат этиш хусусиятига эга тегишли ҳужжатларни олиш учун белгиланган тўлов миқдорлари 2 бараварга камайтирилади;
ваколатли давлат органи тегишли фаолиятни амалга оширишнинг камайтирилган талаблари ва шартларини белгилайди;
г) махсус режим иштирокчиларига тажриба-синов лойиҳаларини амалга ошириш доирасида:
Ўзбекистон Республикаси Президентининг 2017 йил 30 июндаги «Республикада ахборот технологиялари соҳасини ривожлантириш учун шарт-шароитларни тубдан яхшилаш чора-тадбирлари тўғрисида»ги ПФ-5099-сон Фармони билан IT-парк резидентларига берилган имтиёзлар ва преференциялар татбиқ этилади;
ўз ходимлари малакасини ошириш ва қайта тайёрлашга кетган харажатлари Ўзбекистон Республикаси Президентининг 2020 йил 13 октябрдаги «Аҳолини тадбиркорликка жалб қилиш тизимини такомиллаштириш ва тадбиркорликни ривожлантиришга доир қўшимча чора-тадбирлар тўғрисида»ги ПҚ-4862-сон қарорида белгиланган тартибда давлат томонидан компенсация қилинади;
зарур бўлган маълумот ҳамда ҳужжатларни (давлат сирлари ва қонун билан қўриқланадиган бошқа сир белгиларига эга бўлган маълумотлар бундан мустасно), шунингдек, шахсга доир эгасизлаштирилган маълумотларни вазирлик, идора ва ташкилотлардан олиш ҳуқуқи берилади;
д) махсус режим фаолиятининг муддати беш йилни ташкил этади ҳамда унинг фаолият муддатини узайтириш «Рақамли Ўзбекистон — 2030» стратегиясини амалга ошириш бўйича мувофиқлаштириш комиссияси (кейинги ўринларда — Мувофиқлаштириш комиссияси)нинг қарори асосида амалга оширилади;
е) тажриба-синов лойиҳалари бир йилдан кўп бўлмаган муддатда амалга оширилади.
3. Белгилансинки:
а) махсус режим иштирокчилари:
лойиҳалар тажриба-синовдан муваффақиятли ўтказилгандан сўнг уларни тўлиқ амалиётга жорий қилишга рухсат олиши мумкин;
маҳсулотни реализация қилишда ва хизматларни кўрсатишда буюртмачиларни тажриба-синовдан ўтказилаётганлиги тўғрисида огоҳлантиради ва уларнинг тегишли рўйхатини юритади;
тезлаштирилган ва соддалаштирилган тартибда олинган рухсат этиш хусусиятига эга тегишли ҳужжатларда белгилаб берилган талаблар ва мажбуриятларга тўлиқ риоя қилиши шарт;
б) махсус режим ва унинг иштирокчилари фаолиятини ўзаро мувофиқлаштиришни таъминлашга масъул — Мувофиқлаштириш комиссияси;
в) махсус режим фаолиятини ҳуқуқий тартибга солиш ва бошқариш соҳасидаги ишчи орган — Ахборот технологиялари ва коммуникацияларини ривожлантириш вазирлиги ҳисобланади.
Бунда, махсус режим иштирокчиларининг илмий фаолиятини кузатиб боришга Рақамли технологиялар ва сунъий интеллектни ривожлантириш илмий-тадқиқот институти ходимлари жалб қилинади.
4. Белгилаб қўйилсинки, махсус режим фаолияти бўйича масъул органлар ва тузилмалар қуйидаги асосий функцияларни бажаради:
а) Мувофиқлаштириш комиссияси:
давлат органлари ва ташкилотлари, маҳаллий ижро этувчи ҳокимият органлари томонидан махсус режим доирасида амалга ошириладиган ишларнинг ўз вақтида бажарилишини тизимли назорат қилади;
тегишли ваколатли давлат органи билан тузилган шартномалар асосида махсус режим иштирокчилари томонидан шахсга доир эгасизлаштирилган маълумотларни қайта ишлаш тартиби ва шартларини, шунингдек, уларга қўйиладиган талабларни белгилайди;
тегишли ваколатли давлат органи билан биргаликда махсус режим иштирокчиларига сунъий интеллект технологияларига асосланган дастурий маҳсулотларни тажрибадан ўтказиш ва амалиётга жорий қилиш жараёнида енгиллик яратиш ҳамда иштирокчиларнинг рухсат этиш хусусиятига эга тегишли ҳужжатларни тезлаштирилган ва соддалаштирилган тартибда олишини таъминлайди;
амалдаги қонуности ҳужжатларининг тегишли нормаларини тажриба-синов лойиҳалари муддатида истисно қилиш ҳақида қарор қабул қилади;
сунъий интеллект технологияларини ишлаб чиқиш, яратиш, амалга ошириш ва фойдаланишнинг алоҳида шартлари ҳамда тартибини белгилайди;
б) ишчи орган:
амалдаги қонуности ҳужжатларининг тегишли нормаларини тажриба-синов лойиҳалари муддатида истисно қилиш тартиблари бўйича таклифларни тайёрлайди;
махсус режим иштирокчиларига тажриба-синов лойиҳалари доирасида зарур бўладиган маълумотлар рўйхатини шакллантиради;
махсус режимнинг эксперт кенгашлари низоми, шунингдек, унинг иштирокчиси билан тузиладиган фаолият шартлари тўғрисидаги шартнома шаклини тасдиқлайди;
тажриба-синов лойиҳаларини татбиқ этишда юзага келадиган тўсиқларни бартараф этиш мақсадида иштирокчиларга махсус режим доирасида енгиллик яратиш бўйича таклифларни тайёрлайди;
махсус режим жараёнида норматив-ҳуқуқий ҳужжатларга ўзгартириш ва қўшимчалар киритиш тўғрисида таклифлар тайёрлайди ҳамда кўриб чиқиш учун ваколатли давлат органига тақдим қилади;
махсус режим таркибига иштирокчиларни киритиш ва чиқариш бўйича таклифларни кўриб чиқиш учун Мувофиқлаштириш комиссиясига тақдим қилади;
махсус режим иштирокчиларини тажриба-синов лойиҳалари муддати давомида ташкилий-ҳуқуқий, консультатив қўллаб-қувватлайди;
в) Мувофиқлаштириш комиссияси ва тегишли ваколатли давлат органнинг қарорлари ижросини таъминлаш мақсадида давлат органлари ва ташкилотлари:
шахсга доир маълумотлар тўғрисидаги қонунчилик талабларига тўлиқ риоя қилган ҳолда, шахсга доир эгасизлаштирилган маълумотларни тақдим этади;
рухсат этиш хусусиятига эга тегишли ҳужжатларни тезлаштирилган ва соддалаштирилган тартибда беради.
5. Вазирлар Маҳкамаси йигирма кун муддатда қуйидагиларни назарда тутадиган Сунъий интеллект технологияларини қўллаб-қувватлаш учун махсус режимни ташкил этиш ва фаолиятини йўлга қўйиш тартиби тўғрисидаги низомни тасдиқласин:
махсус режим ишчи органининг фаолиятини ташкил этиш;
талабгорлар томонидан махсус режимда иштирок этиш учун ариза билан мурожаат қилиш, аризани кўриб чиқиш, уларни махсус режим иштирокчилари сифатида рўйхатдан ўтказиш тартиби ва иштирокчи мақомидан маҳрум қилиш асослари;
талабгорларга қўйиладиган талаблар, махсус режим иштирокчиларининг ҳуқуқлари ва мажбуриятлари, уларга берилаётган имтиёзлар ва преференциялар рўйхати;
устувор йўналишлардаги соҳалар бўйича эксперт кенгашлари таркиблари.
6. Ахборот ва оммавий коммуникациялар агентлиги, Ўзбекистон Миллий ахборот агентлиги ва Ўзбекистон Миллий телерадиокомпанияси ушбу қарорнинг мақсад ва вазифаларини оммавий ахборот воситаларида кенг ёритиш бўйича ишларни ташкил этсин.
7. Ўзбекистон Республикаси Президентининг айрим ҳужжатларига иловага мувофиқ ўзгартиришлар ва қўшимча киритилсин.
8. Ахборот технологиялари ва коммуникацияларини ривожлантириш вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
9. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир маслаҳатчиси О.М. Умаров ҳамда ахборот технологиялари ва коммуникацияларини ривожлантириш вазири Ш.М. Садиков белгилансин.
Қарор ижросини ҳар чоракда муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 26 августдаги ПҚ-5234-сон қарорига ИЛОВА
Ўзбекистон Республикаси Президентининг айрим ҳужжатларига киритилаётган ўзгартиришлар ва қўшимча
1. Ўзбекистон Республикаси Президентининг 2020 йил 5 октябрдаги «Рақамли Ўзбекистон — 2030» стратегиясини тасдиқлаш ва уни самарали амалга ошириш чора-тадбирлари тўғрисида»ги ПФ-6079-сон Фармонида :
а) 1-иловада :
2.3-параграфнинг ўн биринчи хатбошисидаги «Интернет буюмлар» сўзлари «Буюмлар интернети» сўзлари билан алмаштирилсин;
2.5-параграфнинг йигирма саккизинчи хатбошисидаги «Интернет буюмлар» сўзлари «Буюмлар интернети» сўзлари билан алмаштирилсин;
б) 17-илованинг I-бўлими 1-позицияси қуйидаги таҳрирда баён этилсин:
« 1. Агросаноат мажмуида сунъий интеллект технологиялари элементларини ўз ичига олган ягона интеграцион платформани ташкил қилиш бўйича «Рақамли қишлоқ хўжалиги» ахборот тизимини яратиш. 1. Қишлоқ хўжалиги ва шу мақсадларда фойдаланиш учун берилган бошқа тоифадаги ерларнинг интеграциялашган ягона ахборот тизимини яратиш. 2021 йил ноябрь Давлат бюджетидан ажратилган маблағлар доирасида ва бюджетдан ташқари маблағлар, халқаро молия институтлари маблағлари Қишлоқ хўжалиги вазирлиги (Қ. Юлдашев) , Ахборот технологиялари вазирлиги (О. Пекось) , манфаатдор вазирлик ва идоралар 2. Қишлоқ хўжалиги маҳсулотларини ишлаб чиқарувчилар томонидан агрегатлашган ахборотларни қабул қилиш тажриба лойиҳасини амалга ошириш. 2022 йил июль 3. Тизимда хўжалик юритувчи субъектлар, банклар ва суғурта компанияларининг ишини таъминлаш. Экспортни ташкил этиш платформаси ва бошқа интернет тармоқлари (техникаларни бошқариш) платформаси фаолиятини йўлга қўйиш. «Рақамли дала», «Рақамли боғ» ва «Рақамли пода» каби бир қатор платформаларнинг иловаларини жорий этиш. «Ижтимоий муҳим турдаги озиқ-овқат» платформасини яратиш. 2023 йил январь »;
в) 17а-илованинг 1-позицияси қуйидаги таҳрирда баён этилсин:
« 1. Космик аппаратлар ва учувчисиз учиш аппаратлари орқали олинадиган, ерни масофадан зондлашнинг катта ҳажмдаги маълумотлари асосида сунъий интеллект технологияларидан фойдаланиб, тупроқнинг ва қишлоқ хўжалиги экинларининг ҳолатини, шунингдек, қишлоқ хўжалиги техникаси ишини мониторинг қилиш бўйича тажриба-синов лойиҳаларини амалга ошириш. 1. Лойиҳа-техник ҳужжатини ишлаб чиқиш ва уни белгиланган тартибда келишиш. 2021 йил сентябрь ХМИ ва ХҲМТ маблағлари ва грантлар, ижрочилар маблағлари Қишлоқ хўжалиги вазирлиги (Қ. Юлдашев) , Ахборот технологиялари вазирлиги (О. Пекось) , «Ўзбеккосмос» агентлиги (Ш. Кадиров) , Инновацион ривожланиш вазирлиги (И. Абдурахмонов) , Инвестициялар ва ташқи савдо вазирлиги (Л. Кудратов) , Тошкент давлат аграр университети (Б. Сулайманов) , Тошкент ирригация ва қишлоқ хўжалигини механизациялаш муҳандислари институти 2. Дастурий таъминот ва аппарат-дастурий комплекслари ишлаб чиқарувчиси ва интеграторини аниқлаш. 2021 йил октябрь 3. Дастурий таъминотни ишлаб чиқиш ва тажриба-синов лойиҳасини жорий этиш. 2021 йил декабрь »;
г) 24-иловада :
7-позициясидаги «Интернет буюмлар» сўзлари «Буюмлар интернети» сўзлари билан алмаштирилсин;
34-позициясидаги «Интернет буюмлар» сўзлари «Буюмлар интернети» сўзлари билан алмаштирилсин.
2. Ўзбекистон Республикаси Президентининг 2020 йил 6 ноябрдаги ПФ-6108-сон Фармони билан тасдиқланган Ахборот технологиялари, биология, кимё ва геология-минералогия фанлари бўйича фалсафа доктори (PhD) ва фан доктори (Dsc) илмий даражаларини бериш ваколати тақдим этиладиган илмий-тадқиқот ва олий таълим ташкилотлари рўйхатининг «Ахборот-коммуникация технологиялари» бўлими қуйидаги мазмундаги 2-позиция билан тўлдирилсин:
« 2. Ахборот технологиялари ва коммуникацияларини ривожлантириш вазирлиги ҳузуридаги Рақамли технологиялар ва сунъий интеллектни ривожлантириш илмий-тадқиқот институти ».
3. Ўзбекистон Республикаси Президентининг 2017 йил 15 мартдаги «Тошкент ахборот технологиялари университетининг фаолиятини янада такомиллаштириш чора-тадбирлари тўғрисида»ги ПҚ-2834-сон қарорида :
а) 3 ва 4-бандлар ўз кучини йўқотган деб ҳисоблансин;
б) 6-бандда :
учинчи хатбошидаги «Университет ва Марказнинг» сўзлари «Университетнинг» сўзи билан алмаштирилсин;
тўртинчи хатбошидаги «Университетда дарс бериш ва Марказда» сўзлари «Университетда дарс бериш ва» сўзлари билан алмаштирилсин.
4. Ўзбекистон Республикаси Президентининг 2018 йил 19 февралдаги «Ўзбекистон Республикаси Ахборот технологиялари ва коммуникацияларини ривожлантириш вазирлиги фаолиятини ташкил этиш тўғрисида»ги ПҚ-3549-сон қарори 5-бандининг биринчи хатбошисидаги «129» рақами «142» рақами билан алмаштирилсин.
6. Ўзбекистон Республикаси Президентининг 2021 йил 24 февралдаги «Қишлоқ хўжалигига мўлжалланган ерлардан фойдаланиш ва муҳофаза қилиш тизимини такомиллаштиришга доир қўшимча чора-тадбирлар тўғрисида»ги ПҚ-5006-сон қарори 7-иловасининг 3-банди ўз кучини йўқотган деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 26 август,
ПҚ-5234-сон
Oʻzbekiston Respublikasi Prezidentining
Qarori
Sunʼiy intellekt texnologiyalarini qoʻllash boʻyicha maxsus rejimni joriy qilish chora-tadbirlari toʻgʻrisida
Oʻzbekiston Respublikasi Prezidentining 2021-yil 17-fevraldagi “Sunʼiy intellekt texnologiyalarini jadal joriy etish uchun shart-sharoitlar yaratish chora-tadbirlari toʻgʻrisida”gi PQ-4996-son qaroriga muvofiq, shuningdek, sunʼiy intellekt texnologiyalari asosidagi innovatsion biznes-modellar, mahsulotlar va xizmat koʻrsatish usullari rivojlanishi uchun qulay va maqbul ekotizim yaratish, ularni belgilab berilgan ustuvor tarmoqlar va sohalarda tezkorlik bilan joriy etish va amaliyotga tatbiq etish maqsadida:
1. Iqtisodiy taraqqiyot va kambagʻallikni qisqartirish vazirligi, Axborot texnologiyalari va kommunikatsiyalarini rivojlantirish vazirligi, Innovatsion rivojlanish vazirligining eksperimental innovatsion tadqiqotlar doirasida Sunʼiy intellekt texnologiyalarini qoʻllash boʻyicha maxsus rejimni (keyingi oʻrinlarda — maxsus rejim) joriy qilish toʻgʻrisidagi taklifi maʼqullansin.
2. Belgilansinki:
a) maxsus rejim etib uning doirasida sunʼiy intellekt texnologiyalariga asoslangan tajriba-sinov ishlarini amalga oshirish, dasturiy mahsulotlarni ishlab chiqish va xizmatlarni koʻrsatish (keyingi oʻrinlarda — tajriba-sinov loyihalari) bilan bogʻliq faoliyat yurituvchi yuridik shaxslar hamda ilmiy tashkilotlar uchun zaruriy tashkiliy-huquqiy sharoit yaratish, dasturiy mahsulotlarni tajribadan oʻtkazish va amaliyotga joriy qilish jarayonida yuzaga keladigan huquqiy munosabatlarda yengillik yaratish tushuniladi;
b) maxsus rejim Dasturiy mahsulotlar va axborot texnologiyalari texnologik parkining (keyingi oʻrinlarda — IT-park) alohida boʻgʻini boʻlib, uning ishtirokchilari IT-park rezidentlari hisoblanadi va ular oʻz faoliyatini eksterritoriallik prinsipi asosida amalga oshiradi;
tajriba-sinov loyihalari Oʻzbekiston Respublikasi Prezidentining 2021-yil 17-fevraldagi PQ-4996-son qarori bilan tasdiqlangan Sunʼiy intellekt texnologiyalarini joriy etish boʻyicha 2021-2022-yillarda amalga oshiriladigan tajriba-sinov loyihalari hamda ustuvor tarmoqlar va sohalar doirasida amalga oshiriladi;
v) maxsus rejim talabgorlari uchun tajriba-sinov loyihalari doirasida faoliyatga ruxsat etish xususiyatiga ega tegishli hujjatlarni tezlashtirilgan va soddalashtirilgan holda olish tizimi joriy qilinadi. Bunda:
maxsus rejim talabgorlarining arizalari besh ish kuni ichida tezlashtirilgan tartibda koʻrib chiqiladi;
ruxsat etish xususiyatiga ega tegishli hujjatlarni olish uchun talab etiladigan hujjatlar roʻyxati vakolatli davlat organi tomonidan qisqartiriladi;
ruxsat etish xususiyatiga ega tegishli hujjatlarni olish uchun belgilangan toʻlov miqdorlari 2 baravarga kamaytiriladi;
vakolatli davlat organi tegishli faoliyatni amalga oshirishning kamaytirilgan talablari va shartlarini belgilaydi;
g) maxsus rejim ishtirokchilariga tajriba-sinov loyihalarini amalga oshirish doirasida:
Oʻzbekiston Respublikasi Prezidentining 2017-yil 30-iyundagi “Respublikada axborot texnologiyalari sohasini rivojlantirish uchun shart-sharoitlarni tubdan yaxshilash chora-tadbirlari toʻgʻrisida”gi PF-5099-son Farmoni bilan IT-park rezidentlariga berilgan imtiyozlar va preferensiyalar tatbiq etiladi;
oʻz xodimlari malakasini oshirish va qayta tayyorlashga ketgan xarajatlari Oʻzbekiston Respublikasi Prezidentining 2020-yil 13-oktabrdagi “Aholini tadbirkorlikka jalb qilish tizimini takomillashtirish va tadbirkorlikni rivojlantirishga doir qoʻshimcha chora-tadbirlar toʻgʻrisida”gi PQ-4862-son qarorida belgilangan tartibda davlat tomonidan kompensatsiya qilinadi;
zarur boʻlgan maʼlumot hamda hujjatlarni (davlat sirlari va qonun bilan qoʻriqlanadigan boshqa sir belgilariga ega boʻlgan maʼlumotlar bundan mustasno), shuningdek, shaxsga doir egasizlashtirilgan maʼlumotlarni vazirlik, idora va tashkilotlardan olish huquqi beriladi;
d) maxsus rejim faoliyatining muddati besh yilni tashkil etadi hamda uning faoliyat muddatini uzaytirish “Raqamli Oʻzbekiston — 2030” strategiyasini amalga oshirish boʻyicha muvofiqlashtirish komissiyasi (keyingi oʻrinlarda — Muvofiqlashtirish komissiyasi)ning qarori asosida amalga oshiriladi;
e) tajriba-sinov loyihalari bir yildan koʻp boʻlmagan muddatda amalga oshiriladi.
3. Belgilansinki:
a) maxsus rejim ishtirokchilari:
loyihalar tajriba-sinovdan muvaffaqiyatli oʻtkazilgandan soʻng ularni toʻliq amaliyotga joriy qilishga ruxsat olishi mumkin;
mahsulotni realizatsiya qilishda va xizmatlarni koʻrsatishda buyurtmachilarni tajriba-sinovdan oʻtkazilayotganligi toʻgʻrisida ogohlantiradi va ularning tegishli roʻyxatini yuritadi;
tezlashtirilgan va soddalashtirilgan tartibda olingan ruxsat etish xususiyatiga ega tegishli hujjatlarda belgilab berilgan talablar va majburiyatlarga toʻliq rioya qilishi shart;
b) maxsus rejim va uning ishtirokchilari faoliyatini oʻzaro muvofiqlashtirishni taʼminlashga masʼul — Muvofiqlashtirish komissiyasi;
v) maxsus rejim faoliyatini huquqiy tartibga solish va boshqarish sohasidagi ishchi organ — Axborot texnologiyalari va kommunikatsiyalarini rivojlantirish vazirligi hisoblanadi.
Bunda, maxsus rejim ishtirokchilarining ilmiy faoliyatini kuzatib borishga Raqamli texnologiyalar va sunʼiy intellektni rivojlantirish ilmiy-tadqiqot instituti xodimlari jalb qilinadi.
4. Belgilab qoʻyilsinki, maxsus rejim faoliyati boʻyicha masʼul organlar va tuzilmalar quyidagi asosiy funksiyalarni bajaradi:
a) Muvofiqlashtirish komissiyasi:
davlat organlari va tashkilotlari, mahalliy ijro etuvchi hokimiyat organlari tomonidan maxsus rejim doirasida amalga oshiriladigan ishlarning oʻz vaqtida bajarilishini tizimli nazorat qiladi;
tegishli vakolatli davlat organi bilan tuzilgan shartnomalar asosida maxsus rejim ishtirokchilari tomonidan shaxsga doir egasizlashtirilgan maʼlumotlarni qayta ishlash tartibi va shartlarini, shuningdek, ularga qoʻyiladigan talablarni belgilaydi;
tegishli vakolatli davlat organi bilan birgalikda maxsus rejim ishtirokchilariga sunʼiy intellekt texnologiyalariga asoslangan dasturiy mahsulotlarni tajribadan oʻtkazish va amaliyotga joriy qilish jarayonida yengillik yaratish hamda ishtirokchilarning ruxsat etish xususiyatiga ega tegishli hujjatlarni tezlashtirilgan va soddalashtirilgan tartibda olishini taʼminlaydi;
amaldagi qonunosti hujjatlarining tegishli normalarini tajriba-sinov loyihalari muddatida istisno qilish haqida qaror qabul qiladi;
sunʼiy intellekt texnologiyalarini ishlab chiqish, yaratish, amalga oshirish va foydalanishning alohida shartlari hamda tartibini belgilaydi;
b) ishchi organ:
amaldagi qonunosti hujjatlarining tegishli normalarini tajriba-sinov loyihalari muddatida istisno qilish tartiblari boʻyicha takliflarni tayyorlaydi;
maxsus rejim ishtirokchilariga tajriba-sinov loyihalari doirasida zarur boʻladigan maʼlumotlar roʻyxatini shakllantiradi;
maxsus rejimning ekspert kengashlari nizomi, shuningdek, uning ishtirokchisi bilan tuziladigan faoliyat shartlari toʻgʻrisidagi shartnoma shaklini tasdiqlaydi;
tajriba-sinov loyihalarini tatbiq etishda yuzaga keladigan toʻsiqlarni bartaraf etish maqsadida ishtirokchilarga maxsus rejim doirasida yengillik yaratish boʻyicha takliflarni tayyorlaydi;
maxsus rejim jarayonida normativ-huquqiy hujjatlarga oʻzgartirish va qoʻshimchalar kiritish toʻgʻrisida takliflar tayyorlaydi hamda koʻrib chiqish uchun vakolatli davlat organiga taqdim qiladi;
maxsus rejim tarkibiga ishtirokchilarni kiritish va chiqarish boʻyicha takliflarni koʻrib chiqish uchun Muvofiqlashtirish komissiyasiga taqdim qiladi;
maxsus rejim ishtirokchilarini tajriba-sinov loyihalari muddati davomida tashkiliy-huquqiy, konsultativ qoʻllab-quvvatlaydi;
v) Muvofiqlashtirish komissiyasi va tegishli vakolatli davlat organning qarorlari ijrosini taʼminlash maqsadida davlat organlari va tashkilotlari:
shaxsga doir maʼlumotlar toʻgʻrisidagi qonunchilik talablariga toʻliq rioya qilgan holda, shaxsga doir egasizlashtirilgan maʼlumotlarni taqdim etadi;
ruxsat etish xususiyatiga ega tegishli hujjatlarni tezlashtirilgan va soddalashtirilgan tartibda beradi.
5. Vazirlar Mahkamasi yigirma kun muddatda quyidagilarni nazarda tutadigan Sunʼiy intellekt texnologiyalarini qoʻllab-quvvatlash uchun maxsus rejimni tashkil etish va faoliyatini yoʻlga qoʻyish tartibi toʻgʻrisidagi nizomni tasdiqlasin:
maxsus rejim ishchi organining faoliyatini tashkil etish;
talabgorlar tomonidan maxsus rejimda ishtirok etish uchun ariza bilan murojaat qilish, arizani koʻrib chiqish, ularni maxsus rejim ishtirokchilari sifatida roʻyxatdan oʻtkazish tartibi va ishtirokchi maqomidan mahrum qilish asoslari;
talabgorlarga qoʻyiladigan talablar, maxsus rejim ishtirokchilarining huquqlari va majburiyatlari, ularga berilayotgan imtiyozlar va preferensiyalar roʻyxati;
ustuvor yoʻnalishlardagi sohalar boʻyicha ekspert kengashlari tarkiblari.
6. Axborot va ommaviy kommunikatsiyalar agentligi, Oʻzbekiston Milliy axborot agentligi va Oʻzbekiston Milliy teleradiokompaniyasi ushbu qarorning maqsad va vazifalarini ommaviy axborot vositalarida keng yoritish boʻyicha ishlarni tashkil etsin.
7. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirishlar va qoʻshimcha kiritilsin.
8. Axborot texnologiyalari va kommunikatsiyalarini rivojlantirish vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
9. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir maslahatchisi O.M. Umarov hamda axborot texnologiyalari va kommunikatsiyalarini rivojlantirish vaziri Sh.M. Sadikov belgilansin.
Qaror ijrosini har chorakda muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 26-avgustdagi PQ-5234-son qaroriga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2020-yil 5-oktabrdagi “Raqamli Oʻzbekiston — 2030” strategiyasini tasdiqlash va uni samarali amalga oshirish chora-tadbirlari toʻgʻrisida”gi PF-6079-son Farmonida :
a) 1-ilovada :
2.3-paragrafning oʻn birinchi xatboshisidagi “Internet buyumlar” soʻzlari “Buyumlar interneti” soʻzlari bilan almashtirilsin;
2.5-paragrafning yigirma sakkizinchi xatboshisidagi “Internet buyumlar” soʻzlari “Buyumlar interneti” soʻzlari bilan almashtirilsin;
b) 17-ilovaning I-boʻlimi 1-pozitsiyasi quyidagi tahrirda bayon etilsin:
“ 1. Agrosanoat majmuida sunʼiy intellekt texnologiyalari elementlarini oʻz ichiga olgan yagona integratsion platformani tashkil qilish boʻyicha “Raqamli qishloq xoʻjaligi” axborot tizimini yaratish. 1. Qishloq xoʻjaligi va shu maqsadlarda foydalanish uchun berilgan boshqa toifadagi yerlarning integratsiyalashgan yagona axborot tizimini yaratish. 2021-yil noyabr Davlat budjetidan ajratilgan mablagʻlar doirasida va budjetdan tashqari mablagʻlar, xalqaro moliya institutlari mablagʻlari Qishloq xoʻjaligi vazirligi (Q. Yuldashev) , Axborot texnologiyalari vazirligi (O. Pekos) , manfaatdor vazirlik va idoralar 2. Qishloq xoʻjaligi mahsulotlarini ishlab chiqaruvchilar tomonidan agregatlashgan axborotlarni qabul qilish tajriba loyihasini amalga oshirish. 2022-yil iyul 3. Tizimda xoʻjalik yurituvchi subyektlar, banklar va sugʻurta kompaniyalarining ishini taʼminlash. Eksportni tashkil etish platformasi va boshqa internet tarmoqlari (texnikalarni boshqarish) platformasi faoliyatini yoʻlga qoʻyish. “Raqamli dala”, “Raqamli bogʻ” va “Raqamli poda” kabi bir qator platformalarning ilovalarini joriy etish. “Ijtimoiy muhim turdagi oziq-ovqat” platformasini yaratish. 2023-yil yanvar ”;
v) 17a-ilovaning 1-pozitsiyasi quyidagi tahrirda bayon etilsin:
“ 1. Kosmik apparatlar va uchuvchisiz uchish apparatlari orqali olinadigan, yerni masofadan zondlashning katta hajmdagi maʼlumotlari asosida sunʼiy intellekt texnologiyalaridan foydalanib, tuproqning va qishloq xoʻjaligi ekinlarining holatini, shuningdek, qishloq xoʻjaligi texnikasi ishini monitoring qilish boʻyicha tajriba-sinov loyihalarini amalga oshirish. 1. Loyiha-texnik hujjatini ishlab chiqish va uni belgilangan tartibda kelishish. 2021-yil sentabr XMI va XHMT mablagʻlari va grantlar, ijrochilar mablagʻlari Qishloq xoʻjaligi vazirligi (Q. Yuldashev) , Axborot texnologiyalari vazirligi (O. Pekos) , “Oʻzbekkosmos” agentligi (Sh. Kadirov) , Innovatsion rivojlanish vazirligi (I. Abduraxmonov) , Investitsiyalar va tashqi savdo vazirligi (L. Kudratov) , Toshkent davlat agrar universiteti (B. Sulaymanov) , Toshkent irrigatsiya va qishloq xoʻjaligini mexanizatsiyalash muhandislari instituti 2. Dasturiy taʼminot va apparat-dasturiy komplekslari ishlab chiqaruvchisi va integratorini aniqlash. 2021-yil oktabr 3. Dasturiy taʼminotni ishlab chiqish va tajriba-sinov loyihasini joriy etish. 2021-yil dekabr ”;
g) 24-ilovada :
7-pozitsiyasidagi “Internet buyumlar” soʻzlari “Buyumlar interneti” soʻzlari bilan almashtirilsin;
34-pozitsiyasidagi “Internet buyumlar” soʻzlari “Buyumlar interneti” soʻzlari bilan almashtirilsin.
2. Oʻzbekiston Respublikasi Prezidentining 2020-yil 6-noyabrdagi PF-6108-son Farmoni bilan tasdiqlangan Axborot texnologiyalari, biologiya, kimyo va geologiya-mineralogiya fanlari boʻyicha falsafa doktori (PhD) va fan doktori (Dsc) ilmiy darajalarini berish vakolati taqdim etiladigan ilmiy-tadqiqot va oliy taʼlim tashkilotlari roʻyxatining “Axborot-kommunikatsiya texnologiyalari” boʻlimi quyidagi mazmundagi 2-pozitsiya bilan toʻldirilsin:
“ 2. Axborot texnologiyalari va kommunikatsiyalarini rivojlantirish vazirligi huzuridagi Raqamli texnologiyalar va sunʼiy intellektni rivojlantirish ilmiy-tadqiqot instituti ”.
3. Oʻzbekiston Respublikasi Prezidentining 2017-yil 15-martdagi “Toshkent axborot texnologiyalari universitetining faoliyatini yanada takomillashtirish chora-tadbirlari toʻgʻrisida”gi PQ-2834-son qarorida :
a) 3 va 4-bandlar oʻz kuchini yoʻqotgan deb hisoblansin;
b) 6-bandda :
uchinchi xatboshidagi “Universitet va Markazning” soʻzlari “Universitetning” soʻzi bilan almashtirilsin;
toʻrtinchi xatboshidagi “Universitetda dars berish va Markazda” soʻzlari “Universitetda dars berish va” soʻzlari bilan almashtirilsin.
4. Oʻzbekiston Respublikasi Prezidentining 2018-yil 19-fevraldagi “Oʻzbekiston Respublikasi Axborot texnologiyalari va kommunikatsiyalarini rivojlantirish vazirligi faoliyatini tashkil etish toʻgʻrisida”gi PQ-3549-son qarori 5-bandining birinchi xatboshisidagi “129” raqami “142” raqami bilan almashtirilsin.
6. Oʻzbekiston Respublikasi Prezidentining 2021-yil 24-fevraldagi “Qishloq xoʻjaligiga moʻljallangan yerlardan foydalanish va muhofaza qilish tizimini takomillashtirishga doir qoʻshimcha chora-tadbirlar toʻgʻrisida”gi PQ-5006-son qarori 7-ilovasining 3-bandi oʻz kuchini yoʻqotgan deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 26-avgust,
PQ-5234-son
Президента Республики Узбекистан
Постановление
О мерах по внедрению Специального режима применения технологий искусственного интеллекта
В соответствии с постановлением Президента Республики Узбекистан от 17 февраля 2021 года № ПП-4996 «О мерах по созданию условий для ускоренного внедрения технологий искусственного интеллекта», а также в целях создания благоприятной и оптимальной экосистемы для развития инновационных бизнес-моделей, продуктов и методов оказания услуг на основе технологий искусственного интеллекта, их внедрения и применения на практике в установленных приоритетных отраслях и сферах:
1. Одобрить предложение Министерства экономического развития и сокращения бедности, Министерства по развитию информационных технологий и коммуникаций, Министерства инновационного развития о внедрении Специального режима применения технологий искусственного интеллекта (далее — специальный режим) в рамках экспериментально-инновационных исследований.
2. Определить, что:
а) под специальным режимом понимается создание необходимых организационно-правовых условий для юридических лиц и научных организаций, осуществляющих в его рамках деятельность, связанную с проведением экспериментально-опытных работ, основанных на технологиях искусственного интеллекта, разработкой программных продуктов и оказанием услуг (далее — пилотные проекты), предоставление привилегий в правоотношениях, возникающих в процессе апробирования и внедрения в практику программных продуктов;
б) специальный режим является отдельным звеном Технологического парка программных продуктов и информационных технологий (далее — IT-парк), участники которого являются резидентами IT-парка и осуществляют свою деятельность по принципу экстерриториальности;
пилотные проекты реализовываются в рамках Пилотных проектов по внедрению технологий искусственного интеллекта, реализуемых в 2021-2022 годах, утвержденных постановлением Президента Республики Узбекистан от 17 февраля 2021 года № ПП-4996, а также приоритетных отраслей и сфер;
в) для претендентов на специальный режим внедряется система ускоренного и упрощенного получения документов разрешительного характера на осуществление деятельности в рамках пилотных проектов. При этом:
заявки претендентов на специальный режим рассматриваются в ускоренном порядке в течение пяти рабочих дней;
перечень документов, требуемых для получения соответствующих документов разрешительного характера, сокращается уполномоченным государственным органом;
размеры платы, установленные за получение соответствующих документов разрешительного характера, снижаются в 2 раза;
уполномоченным государственным органом устанавливаются заниженные требования и условия для осуществления соответствующей деятельности;
г) в рамках реализации пилотных проектов участникам специального режима:
распространяются льготы и преференции, предоставленные резидентам IT-парка Указом Президента Республики Узбекистан от 30 июня 2017 года № УП-5099 «О мерах по коренному улучшению условий для развития отрасли информационных технологий в республике»;
государством компенсируются расходы, затраченные на повышение квалификации и переподготовку своих работников в порядке, установленном постановлением Президента Республики Узбекистан от 13 октября 2020 года № ПП-4862 «О дополнительных мерах по совершенствованию системы вовлечения населения в предпринимательство и развитию предпринимательства»;
предоставляется право получать от министерств, ведомств и организаций необходимые сведения и документы (за исключением государственных секретов и иной информации с грифами секретности, охраняемых законом), а также обезличенную персональную информацию;
д) срок действия специального режима составляет пять лет и его продление осуществляется решением Координационной комиссии по реализации Стратегии «Цифровой Узбекистан — 2030» (далее — Координационная комиссия);
е) пилотные проекты реализуются на срок не более одного года.
3. Определить, что:
а) участники специального режима:
могут получить разрешение на полноценное внедрение в практику проектов после успешного проведения апробирования;
при реализации продуктов и оказании услуг уведомляют заказчиков о проведении апробирования и ведут соответствующий реестр;
обязуются полностью соблюдать требования и обязательства, определенные в соответствующих документах разрешительного характера, полученных в ускоренном и упрощенном порядке;
б) Координационная комиссия является ответственной за обеспечение взаимной координации деятельности специального режима и его участников;
в) Министерство по развитию информационных технологий и коммуникаций является рабочим органом в сфере правового регулирования деятельности и управления специального режима.
При этом, сотрудники Научно-исследовательского института цифровых технологий и развития искусственного интеллекта привлекаются к мониторингу научной деятельности участников специального режима.
4. Установить, что органы и структуры, ответственные за деятельность специального режима, выполняют следующие основные функции:
а) Координационная комиссия:
систематически контролирует своевременное осуществление работ, выполняемых в рамках специального режима государственными органами и организациями, органами исполнительной власти на местах;
определяет порядок и условия обработки участниками специального режима обезличенных персональных данных, а также требований к ним на основании заключенных договоров с соответствующим уполномоченным государственным органом;
совместно с соответствующим уполномоченным государственным органом обеспечивает участникам специального режима создание привилегий в процессе тестирования и внедрения в практику программных продуктов на основе технологий искусственного интеллекта, а также получение ими в ускоренном и упрощенном порядке соответствующих документов разрешительного характера;
принимает решение об ограничении применения соответствующих норм действующих подзаконных актов на срок пилотных проектов;
определяет отдельные условия и порядок разработки, создания, осуществления и использования технологий искусственного интеллекта;
б) рабочий орган:
подготавливает предложения об ограничении применения соответствующих норм действующих подзаконных актов на срок пилотных проектов;
формирует перечень сведений, необходимых участникам специального режима в рамках пилотных проектов;
утверждает устав экспертных советов специального режима, а также форму договора об условиях деятельности, заключаемого с участником специального режима;
подготавливает предложения о предоставлении участникам привилегий в рамках специального режима в целях устранения препятствий, возникающих при реализации пилотных проектов;
подготавливает предложения о внесении изменений и дополнений в нормативно-правовые акты в период действия специального режима и вносит их на рассмотрение в уполномоченный государственный орган;
вносит на рассмотрение Координационной комиссии предложения о включении и исключении участников специального режима;
оказывает организационно-правовую и консультационную поддержку участникам специального режима в течение срока пилотных проектов;
в) государственные органы и организации в целях обеспечения исполнения решений Координационной комиссии и соответствующего уполномоченного государственного органа:
представляют обезличенные персональные данные с полным соблюдением требований законодательства о персональных данных;
представляют в ускоренном и упрощенном виде соответствующие документы разрешительного характера.
5. Кабинету Министров в двадцатидневный срок утвердить Положение о порядке организации и функционирования специального режима для поддержки технологий искусственного интеллекта, предусматривающее следующее:
организация деятельности рабочего органа специального режима;
порядок обращения претендентов с заявками на участие в специальном режиме, рассмотрения заявок, их регистрации в качестве участников специального режима, а также основания лишения статуса участника;
перечень требований к претендентам, прав и обязательств участников специального режима, предоставляемых им льгот и преференций;
состав экспертных советов по сферам приоритетных направлений.
6. Агентству информации и массовых коммуникаций, Национальному информационному агентству Узбекистана и Национальной телерадиокомпании Узбекистана организовать работу по широкому освещению в средствах массовой информации целей и задач настоящего постановления.
7. Внести изменения и дополнение в некоторые акты Президента Республики Узбекистан согласно приложению.
8. Министерству по развитию информационных технологий и коммуникаций совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
9. Возложить на советника Премьер-министра О.М. Умарова и министра по развитию информационных технологий и коммуникаций Ш.М. Садикова персональную ответственность за эффективную организацию исполнения настоящего постановления.
Ежеквартальное обсуждение настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова
ПРИЛОЖЕНИЕ к постановлению Президента Республики Узбекистан от 26 августа 2021 года № ПП-5234
Изменения и дополнение, вносимые в некоторые акты Президента Республики Узбекистан
1. В тексте Указа Президента Республики Узбекистан от 5 октября 2020 года № УП-6079 «Об утверждении Стратегии «Цифровой Узбекистан — 2030» и мерах по ее эффективной реализации» на государственном языке:
а) в приложении № 1 :
в абзаце одиннадцатом параграфа 2.3 слова «Интернет буюмлари» заменить словами «Буюмлар интернети»;
в абзаце двадцать восьмом параграфа 2.5 слова «Интернет буюмлари» заменить словами «Буюмлар интернети»;
б) позицию 1 раздела I приложения № 17 изложить в следующей редакции:
« 1. Агросаноат мажмуида сунъий интеллект технологиялари элементларини ўз ичига олган ягона интеграцион платформани ташкил қилиш бўйича «Рақамли қишлоқ хўжалиги» ахборот тизимини яратиш. 1. Қишлоқ хўжалиги ва шу мақсадларда фойдаланиш учун берилган бошқа тоифадаги ерларнинг интеграциялашган ягона ахборот тизимини яратиш. 2021 йил ноябрь Давлат бюджетидан ажратилган маблағлар доирасида ва бюджетдан ташқари маблағлар, халқаро молия институтлари маблағлари Қишлоқ хўжалиги вазирлиги (Қ. Юлдашев) , Ахборот технологиялари вазирлиги (О. Пекось) , манфаатдор вазирлик ва идоралар 2. Қишлоқ хўжалиги маҳсулотларини ишлаб чиқарувчилар томонидан агрегатлашган ахборотларни қабул қилиш тажриба лойиҳасини амалга ошириш. 2022 йил июль 3. Тизимда хўжалик юритувчи субъектлар, банклар ва суғурта компанияларининг ишини таъминлаш. Экспортни ташкил этиш платформаси ва бошқа интернет тармоқлари (техникаларни бошқариш) платформаси фаолиятини йўлга қўйиш. «Рақамли дала», «Рақамли боғ» ва «Рақамли пода» каби бир қатор платформаларнинг иловаларини жорий этиш. «Ижтимоий муҳим турдаги озиқ-овқат» платформасини яратиш. 2023 йил январь »;
в) позицию 1 приложения № 17а изложить в следующей редакции:
« 1. Космик аппаратлар ва учувчисиз учиш аппаратлари орқали олинадиган, ерни масофадан зондлашнинг катта ҳажмдаги маълумотлари асосида сунъий интеллект технологияларидан фойдаланиб, тупроқнинг ва қишлоқ хўжалиги экинларининг ҳолатини, шунингдек, қишлоқ хўжалиги техникаси ишини мониторинг қилиш бўйича тажриба-синов лойиҳаларини амалга ошириш. 1. Лойиҳа-техник ҳужжатини ишлаб чиқиш ва уни белгиланган тартибда келишиш. 2021 йил сентябрь ХМИ ва ХҲМТ маблағлари ва грантлар, ижрочилар маблағлари Қишлоқ хўжалиги вазирлиги (Қ. Юлдашев) , Ахборот технологиялари вазирлиги (О. Пекось) , «Ўзбеккосмос» агентлиги (Ш. Кадиров) , Инновацион ривожланиш вазирлиги (И. Абдурахмонов) , Инвестициялар ва ташқи савдо вазирлиги (Л. Кудратов) , Тошкент давлат аграр университети (Б. Сулайманов) , Тошкент ирригация ва қишлоқ хўжалигини механизациялаш муҳандислари институти 2. Дастурий таъминот ва аппарат-дастурий комплекслари ишлаб чиқарувчиси ва интеграторини аниқлаш. 2021 йил октябрь 3. Дастурий таъминотни ишлаб чиқиш ва тажриба-синов лойиҳасини жорий этиш. 2021 йил декабрь »;
г) в приложении № 24 :
в позиции 7 слова «Интернет буюмлар» заменить словами «Буюмлар интернети»;
в позиции 34 слова «Интернет буюмлар» заменить словами «Буюмлар интернети».
2. Раздел «Информационно-коммуникационные технологии» Перечня научно-исследовательских и высших образовательных учреждений, уполномоченных присваивать ученую степень доктора философии (PhD) и доктора наук (DSc) по информационным технологиям, биологии, химии и геолого-минералогическим наукам, утвержденного Указом Президента Республики Узбекистан от 6 ноября 2020 года № УП-6108, дополнить позицией 2 следующего содержания:
« 2. Научно-исследовательский институт цифровых технологий и развития искусственного интеллекта при Министерстве по развитию информационных технологий и коммуникаций ».
3. В постановлении Президента Республики Узбекистан от 15 марта 2017 года № ПП-2834 «О мерах по дальнейшему совершенствованию деятельности Ташкентского университета информационных технологий»:
а) пункты 3 и 4 признать утратившими силу;
б) в пункте 6 :
в абзаце третьем слова «Университета и Центра» заменить словом «Университета»;
в абзаце четвертом слова «исследований в Центре» заменить словом «исследований».
4. В абзаце первом пункта 5 постановления Президента Республики Узбекистан от 19 февраля 2018 года № ПП-3549 «Об организации деятельности Министерства по развитию информационных технологий и коммуникаций Республики Узбекистан» цифру «129» заменить цифрой «142».
6. Пункт 3 приложения № 7 к постановлению Президента Республики Узбекистан от 24 февраля 2021 года № ПП-5006 «О дополнительных мерах по совершенствованию системы использования и охраны земель сельскохозяйственного назначения» признать утратившим силу.
Президент Республики Узбекистан Ш. МИРЗИЁЕВ
г. Ташкент,
26 августа 2021 г.,
№ ПП-5234