📅 2021-yil 27-avgust · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 27 август · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 27 августа 2021 г. · Законы и кодексы
Официальный текст. Официальный документ. Редакционные примечания не включены.
📅 27 August 2021 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикаси Ҳисоб палатаси фаолияти такомиллаштирилаётганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида
Қонунчилик палатаси томонидан 2021 йил 6 июлда қабул қилинган Сенат томонидан 2021 йил 31 июлда маъқулланган
1-модда. Ўзбекистон Республикасининг 2013 йил 26 декабрда қабул қилинган ЎРҚ-360-сонли Қонуни билан тасдиқланган Ўзбекистон Республикасининг Бюджет кодекси (Ўзбекистон Республикаси Олий Мажлиси палаталарининг Ахборотномаси, 2013 йил, 12-сонга 1-илова; 2014 йил, № 9, 244-модда; 2015 йил, № 12, 452-модда; 2016 йил, № 12, 383, 385-моддалар; 2017 йил, № 6, 300-модда, № 10, 605-модда, № 12, 772-модда; 2018 йил, № 1, 1-модда, № 7, 431, 433-моддалар, № 12, 783-модда; 2019 йил, № 1, 1-модда, № 5, 265-модда, № 8, 470-модда, № 9, 588-модда, № 11, 791-модда, № 12, 884, 891-моддалар; 2020 йил, № 3, 203-модда, № 11, 652-модда, № 12, 691-модда; 2021 йил, № 1, 7, 13-моддалар, 4-сонга илова) 174-моддасининг бешинчи хатбошисидаги «замонавий ахборот-коммуникация технологияларини қўллаш орқали» деган сўзлар чиқариб ташлансин.
2-модда. Ўзбекистон Республикасининг 2019 йил 1 июлда қабул қилинган «Ўзбекистон Республикасининг Ҳисоб палатаси тўғрисида»ги ЎРҚ-546-сонли Қонунига (Ўзбекистон Республикаси Олий Мажлиси палаталарининг Ахборотномаси, 2019 йил, № 7, 384-модда, № 9, 588-модда; 2021 йил, 4-сонга илова) қуйидаги ўзгартиш ва қўшимчалар киритилсин:
1) 4-модда :
тўртинчи хатбошиси қуйидаги мазмундаги тўртинчи, бешинчи ва олтинчи хатбошилар билан алмаштирилсин:
«давлат харидлари тўғрисидаги қонунчилик талабларининг тўғри қўлланилиши устидан давлат назоратини амалга ошириш;
бюджет жараёнининг очиқлигини таъминлаш тартибига риоя этилиши устидан назоратни амалга ошириш;
бюджет тизими бюджетларига ва белгиланган тартибда ташкил этилган бошқа жамғармаларга маблағлар тушумларининг тўлиқлигини, шунингдек яширин иқтисодиётни қисқартиришга қаратилган чораларнинг амалга оширилишини ўрганиш ҳамда назорат қилиш»;
бешинчи — ўн биринчи хатбошилари тегишинча еттинчи — ўн учинчи хатбошилар деб ҳисоблансин;
ўн иккинчи хатбошиси қуйидаги таҳрирда баён этилсин:
«Ўзбекистон Республикаси Президентининг қарорлари ва топшириқлари тўлиқ ҳамда ўз вақтида бажарилиши устидан назоратни ташкил этиш ва амалга ошириш»;
қуйидаги мазмундаги ўн тўртинчи хатбоши билан тўлдирилсин:
«давлат бошқарув органларида, шунингдек устав фондида (устав капиталида) давлат улуши 50 фоиз ва ундан ортиқ бўлган муассаса ва ташкилотларда коррупцияга қарши курашиш бўйича ички назорат тизимини жорий қилишга, шунингдек унинг самарали фаолият кўрсатишига доир чораларнинг амалга оширилиши устидан назорат қилиш»;
2) қуйидаги мазмундаги 21 1 ва 21 2 -моддалар билан тўлдирилсин:
«21 1 -модда. Ҳисоб палатасининг давлат харидлари тўғрисидаги қонунчилик талабларининг тўғри қўлланилиши устидан давлат назоратини амалга ошириш соҳасидаги функциялари
Ҳисоб палатаси давлат харидлари тўғрисидаги қонунчилик талабларининг тўғри қўлланилиши устидан давлат назоратини амалга ошириш соҳасида:
давлат харидлари тўғрисидаги қонунчиликка риоя этилиши устидан мониторинг ва назоратни амалга оширади;
давлат буюртмачилари томонидан амалга оширилаётган давлат харидларининг самарадорлиги ва қонунийлигининг аудитини ўтказади;
давлат харидларини амалга ошириш механизмлари, тартиб-таомиллари ҳамда усулларининг самарадорлиги ва шаффофлигини оширишга қаратилган таклифларни тайёрлайди.
21 2 -модда. Ҳисоб палатасининг бюджет жараёнининг очиқлигини таъминлаш тартибига риоя этилиши устидан назоратни амалга ошириш соҳасидаги функциялари
Ҳисоб палатаси бюджет жараёнининг очиқлигини таъминлаш тартибига риоя этилиши устидан назоратни амалга ошириш соҳасида:
биринчи даражали бюджет маблағларини тақсимловчилар, иккинчи даражали бюджет маблағларини тақсимловчилар, ҳудудий бюджет маблағларини тақсимловчилар, давлат мақсадли жамғармалари, Ўзбекистон Республикаси Тикланиш ва тараққиёт жамғармаси, Ўзбекистон Республикаси Иқтисодий тараққиёт ва камбағалликни қисқартириш вазирлиги, Давлат солиқ қўмитаси, Давлат божхона қўмитаси, давлат молиявий назорат органлари, Қорақалпоғистон Республикаси Вазирлар Кенгаши, вилоятлар ва Тошкент шаҳар, туманлар ва шаҳарлар ҳокимликлари томонидан ўз расмий веб-сайтларига бюджет жараёнининг очиқлигини таъминлайдиган ахборотнинг жойлаштирилиши устидан назоратни амалга оширади;
қонунчилик ҳужжатларида белгиланган бюджет жараёнининг очиқлигини таъминлайдиган ахборотни жойлаштириш муддатларига риоя этилиши устидан назоратни амалга оширади»;
3) 22-модда :
номидаги ва биринчи хатбошисидаги «тушумларининг тўлиқлигини» деган сўзлар «тушумларининг тўлиқлигини, шунингдек яширин иқтисодиётни қисқартиришга қаратилган чораларнинг амалга оширилишини» деган сўзлар билан алмаштирилсин;
қуйидаги мазмундаги еттинчи хатбоши билан тўлдирилсин:
«яширин иқтисодиётни қисқартиришга қаратилган чораларнинг амалга оширилиши устидан мониторинг ўтказади ва назорат қилади»;
4) 24-модданинг :
олтинчи хатбошиси чиқариб ташлансин;
еттинчи — ўнинчи хатбошилари тегишинча олтинчи — тўққизинчи хатбошилар деб ҳисоблансин;
5) 26-модда қуйидаги мазмундаги еттинчи хатбоши билан тўлдирилсин:
«яширин иқтисодиётнинг ривожланишига олиб келадиган омилларни таҳлил қилади, уларни бартараф этиш механизмларини жорий этишга доир таклифларни тайёрлайди ва киритади»;
6) 28-модда қуйидаги таҳрирда баён этилсин:
«28-модда. Ҳисоб палатасининг Ўзбекистон Республикаси Президентининг қарорлари ва топшириқлари тўлиқ ҳамда ўз вақтида бажарилиши устидан назоратни ташкил этиш ва амалга ошириш соҳасидаги функциялари
Ҳисоб палатаси Ўзбекистон Республикаси Президентининг қарорлари ва топшириқлари тўлиқ ҳамда ўз вақтида бажарилиши устидан назоратни ташкил этиш ва амалга ошириш соҳасида:
Ўзбекистон Республикаси Президенти қарорлари ва топшириқларининг маълумотлар базаларини шакллантиради;
Ўзбекистон Республикаси Президенти қарорлари ва топшириқларининг тўлиқ ҳамда ўз вақтида бажарилиши устидан мониторингни ва доимий назоратни амалга оширади ҳамда уларнинг натижалари бўйича Ўзбекистон Республикаси Президенти Администрациясига ахборот киритади»;
7) қуйидаги мазмундаги 29 1 -модда билан тўлдирилсин:
«29 1 -модда. Ҳисоб палатасининг коррупцияга қарши курашиш бўйича ички назорат тизимини жорий этишга, шунингдек унинг самарали фаолият кўрсатишига доир чораларнинг амалга оширилиши устидан назорат қилиш соҳасидаги функциялари
Ҳисоб палатаси давлат бошқаруви органларида, шунингдек устав фондида (устав капиталида) давлат иштироки улуши 50 фоиз ва ундан ортиқ бўлган муассаса ва ташкилотларда коррупцияга қарши курашиш бўйича ички назорат тизимини жорий этишга, шунингдек унинг самарали фаолият кўрсатишига доир чораларнинг амалга оширилиши устидан назорат қилиш соҳасида:
коррупцияга қарши курашиш бўйича ички назорат тизимини жорий этишга, шунингдек унинг самарали фаолият кўрсатишига доир чораларнинг амалга оширилиши устидан мониторинг ўтказади ва назорат қилади ҳамда уларнинг натижалари бўйича Ўзбекистон Республикаси Президенти Администрациясига ахборот киритади;
коррупцияга қарши курашиш бўйича ички назорат тизимини ўз вақтида жорий этишга ва унинг самарали фаолият кўрсатишига монелик қилаётган омилларни аниқлайди, шунингдек уларни тизимли равишда таҳлил қилади»;
8) 30-модданинг ўн еттинчи хатбошисидаги «шунингдек олий даражадаги ташрифлар давомида имзоланган ҳужжатлар ҳамда стратегик корхоналар иштирокидаги инвестиция лойиҳалари тўлиқ ва ўз вақтида ижро этилмаганлиги учун, шу жумладан уларнинг ижроси жараёни тўғрисидаги ахборот «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги, расмиятчиликка ҳамда масалаларни ҳал этиш муддатлари бузилишига йўл қўйилганлиги» деган сўзлар «тўлиқ ва ўз вақтида ижро этилмаганлиги, шу жумладан уларнинг ижро этилиши жараёни тўғрисидаги ахборот «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги, шунингдек коррупцияга қарши курашиш бўйича ички назорат тизимининг жорий этилишига ҳамда самарали фаолият кўрсатишига доир чоралар ўз вақтида амалга оширилмаганлиги» деган сўзлар билан алмаштирилсин;
9) 33-модданинг иккинчи қисмидаги «шунингдек олий даражадаги ташрифлар давомида имзоланган ҳужжатларнинг ҳамда стратегик корхоналар иштирокидаги инвестиция лойиҳаларининг ижроси тўғрисидаги ахборот «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги учун» деган сўзлар «ижроси тўғрисидаги ахборот «ijro.gov.uz» ахборот тизими орқали тўлиқ, ҳаққоний тарзда ва ўз вақтида тақдим этилмаганлиги учун, шунингдек кейинги назорат жараёнида коррупцияга қарши курашиш бўйича ички назорат тизимининг жорий этилишига ва самарали фаолият кўрсатишига доир чоралар ўз вақтида амалга оширилмаганлиги аниқланган тақдирда» деган сўзлар билан алмаштирилсин.
3-модда. Ўзбекистон Республикаси Ҳисоб палатаси ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
4-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
5-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2021 йил 27 август,
ЎРҚ-712-сон
Oʻzbekiston Respublikasining Qonuni
Oʻzbekiston Respublikasi Hisob palatasi faoliyati takomillashtirilayotganligi munosabati bilan Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida
Qonunchilik palatasi tomonidan 2021-yil 6-iyulda qabul qilingan Senat tomonidan 2021-yil 31-iyulda maʼqullangan
1-modda. Oʻzbekiston Respublikasining 2013-yil 26-dekabrda qabul qilingan OʻRQ-360-sonli Qonuni bilan tasdiqlangan Oʻzbekiston Respublikasining Budjet kodeksi (Oʻzbekiston Respublikasi Oliy Majlisi palatalarining Axborotnomasi, 2013-yil, 12-songa 1-ilova; 2014-yil, № 9, 244-modda; 2015-yil, № 12, 452-modda; 2016-yil, № 12, 383, 385-moddalar; 2017-yil, № 6, 300-modda, № 10, 605-modda, № 12, 772-modda; 2018-yil, № 1, 1-modda, № 7, 431, 433-moddalar, № 12, 783-modda; 2019-yil, № 1, 1-modda, № 5, 265-modda, № 8, 470-modda, № 9, 588-modda, № 11, 791-modda, № 12, 884, 891-moddalar; 2020-yil, № 3, 203-modda, № 11, 652-modda, № 12, 691-modda; 2021-yil, № 1, 7, 13-moddalar, 4-songa ilova) 174-moddasining beshinchi xatboshisidagi “zamonaviy axborot-kommunikatsiya texnologiyalarini qoʻllash orqali” degan soʻzlar chiqarib tashlansin.
2-modda. Oʻzbekiston Respublikasining 2019-yil 1-iyulda qabul qilingan “Oʻzbekiston Respublikasining Hisob palatasi toʻgʻrisida”gi OʻRQ-546-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2019-yil, № 7, 384-modda, № 9, 588-modda; 2021-yil, 4-songa ilova) quyidagi oʻzgartish va qoʻshimchalar kiritilsin:
1) 4-modda :
toʻrtinchi xatboshisi quyidagi mazmundagi toʻrtinchi, beshinchi va oltinchi xatboshilar bilan almashtirilsin:
“davlat xaridlari toʻgʻrisidagi qonunchilik talablarining toʻgʻri qoʻllanilishi ustidan davlat nazoratini amalga oshirish;
budjet jarayonining ochiqligini taʼminlash tartibiga rioya etilishi ustidan nazoratni amalga oshirish;
budjet tizimi budjetlariga va belgilangan tartibda tashkil etilgan boshqa jamgʻarmalarga mablagʻlar tushumlarining toʻliqligini, shuningdek yashirin iqtisodiyotni qisqartirishga qaratilgan choralarning amalga oshirilishini oʻrganish hamda nazorat qilish”;
beshinchi — oʻn birinchi xatboshilari tegishincha yettinchi — oʻn uchinchi xatboshilar deb hisoblansin;
oʻn ikkinchi xatboshisi quyidagi tahrirda bayon etilsin:
“Oʻzbekiston Respublikasi Prezidentining qarorlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish”;
quyidagi mazmundagi oʻn toʻrtinchi xatboshi bilan toʻldirilsin:
“davlat boshqaruv organlarida, shuningdek ustav fondida (ustav kapitalida) davlat ulushi 50 foiz va undan ortiq boʻlgan muassasa va tashkilotlarda korrupsiyaga qarshi kurashish boʻyicha ichki nazorat tizimini joriy qilishga, shuningdek uning samarali faoliyat koʻrsatishiga doir choralarning amalga oshirilishi ustidan nazorat qilish”;
2) quyidagi mazmundagi 21 1 va 21 2 -moddalar bilan toʻldirilsin:
“21 1 -modda. Hisob palatasining davlat xaridlari toʻgʻrisidagi qonunchilik talablarining toʻgʻri qoʻllanilishi ustidan davlat nazoratini amalga oshirish sohasidagi funksiyalari
Hisob palatasi davlat xaridlari toʻgʻrisidagi qonunchilik talablarining toʻgʻri qoʻllanilishi ustidan davlat nazoratini amalga oshirish sohasida:
davlat xaridlari toʻgʻrisidagi qonunchilikka rioya etilishi ustidan monitoring va nazoratni amalga oshiradi;
davlat buyurtmachilari tomonidan amalga oshirilayotgan davlat xaridlarining samaradorligi va qonuniyligining auditini oʻtkazadi;
davlat xaridlarini amalga oshirish mexanizmlari, tartib-taomillari hamda usullarining samaradorligi va shaffofligini oshirishga qaratilgan takliflarni tayyorlaydi.
21 2 -modda. Hisob palatasining budjet jarayonining ochiqligini taʼminlash tartibiga rioya etilishi ustidan nazoratni amalga oshirish sohasidagi funksiyalari
Hisob palatasi budjet jarayonining ochiqligini taʼminlash tartibiga rioya etilishi ustidan nazoratni amalga oshirish sohasida:
birinchi darajali budjet mablagʻlarini taqsimlovchilar, ikkinchi darajali budjet mablagʻlarini taqsimlovchilar, hududiy budjet mablagʻlarini taqsimlovchilar, davlat maqsadli jamgʻarmalari, Oʻzbekiston Respublikasi Tiklanish va taraqqiyot jamgʻarmasi, Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi, Davlat soliq qoʻmitasi, Davlat bojxona qoʻmitasi, davlat moliyaviy nazorat organlari, Qoraqalpogʻiston Respublikasi Vazirlar Kengashi, viloyatlar va Toshkent shahar, tumanlar va shaharlar hokimliklari tomonidan oʻz rasmiy veb-saytlariga budjet jarayonining ochiqligini taʼminlaydigan axborotning joylashtirilishi ustidan nazoratni amalga oshiradi;
qonunchilik hujjatlarida belgilangan budjet jarayonining ochiqligini taʼminlaydigan axborotni joylashtirish muddatlariga rioya etilishi ustidan nazoratni amalga oshiradi”;
3) 22-modda :
nomidagi va birinchi xatboshisidagi “tushumlarining toʻliqligini” degan soʻzlar “tushumlarining toʻliqligini, shuningdek yashirin iqtisodiyotni qisqartirishga qaratilgan choralarning amalga oshirilishini” degan soʻzlar bilan almashtirilsin;
quyidagi mazmundagi yettinchi xatboshi bilan toʻldirilsin:
“yashirin iqtisodiyotni qisqartirishga qaratilgan choralarning amalga oshirilishi ustidan monitoring oʻtkazadi va nazorat qiladi”;
4) 24-moddaning :
oltinchi xatboshisi chiqarib tashlansin;
yettinchi — oʻninchi xatboshilari tegishincha oltinchi — toʻqqizinchi xatboshilar deb hisoblansin;
5) 26-modda quyidagi mazmundagi yettinchi xatboshi bilan toʻldirilsin:
“yashirin iqtisodiyotning rivojlanishiga olib keladigan omillarni tahlil qiladi, ularni bartaraf etish mexanizmlarini joriy etishga doir takliflarni tayyorlaydi va kiritadi”;
6) 28-modda quyidagi tahrirda bayon etilsin:
“28-modda. Hisob palatasining Oʻzbekiston Respublikasi Prezidentining qarorlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish sohasidagi funksiyalari
Hisob palatasi Oʻzbekiston Respublikasi Prezidentining qarorlari va topshiriqlari toʻliq hamda oʻz vaqtida bajarilishi ustidan nazoratni tashkil etish va amalga oshirish sohasida:
Oʻzbekiston Respublikasi Prezidenti qarorlari va topshiriqlarining maʼlumotlar bazalarini shakllantiradi;
Oʻzbekiston Respublikasi Prezidenti qarorlari va topshiriqlarining toʻliq hamda oʻz vaqtida bajarilishi ustidan monitoringni va doimiy nazoratni amalga oshiradi hamda ularning natijalari boʻyicha Oʻzbekiston Respublikasi Prezidenti Administratsiyasiga axborot kiritadi”;
7) quyidagi mazmundagi 29 1 -modda bilan toʻldirilsin:
“29 1 -modda. Hisob palatasining korrupsiyaga qarshi kurashish boʻyicha ichki nazorat tizimini joriy etishga, shuningdek uning samarali faoliyat koʻrsatishiga doir choralarning amalga oshirilishi ustidan nazorat qilish sohasidagi funksiyalari
Hisob palatasi davlat boshqaruvi organlarida, shuningdek ustav fondida (ustav kapitalida) davlat ishtiroki ulushi 50 foiz va undan ortiq boʻlgan muassasa va tashkilotlarda korrupsiyaga qarshi kurashish boʻyicha ichki nazorat tizimini joriy etishga, shuningdek uning samarali faoliyat koʻrsatishiga doir choralarning amalga oshirilishi ustidan nazorat qilish sohasida:
korrupsiyaga qarshi kurashish boʻyicha ichki nazorat tizimini joriy etishga, shuningdek uning samarali faoliyat koʻrsatishiga doir choralarning amalga oshirilishi ustidan monitoring oʻtkazadi va nazorat qiladi hamda ularning natijalari boʻyicha Oʻzbekiston Respublikasi Prezidenti Administratsiyasiga axborot kiritadi;
korrupsiyaga qarshi kurashish boʻyicha ichki nazorat tizimini oʻz vaqtida joriy etishga va uning samarali faoliyat koʻrsatishiga monelik qilayotgan omillarni aniqlaydi, shuningdek ularni tizimli ravishda tahlil qiladi”;
8) 30-moddaning oʻn yettinchi xatboshisidagi “shuningdek oliy darajadagi tashriflar davomida imzolangan hujjatlar hamda strategik korxonalar ishtirokidagi investitsiya loyihalari toʻliq va oʻz vaqtida ijro etilmaganligi uchun, shu jumladan ularning ijrosi jarayoni toʻgʻrisidagi axborot “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi, rasmiyatchilikka hamda masalalarni hal etish muddatlari buzilishiga yoʻl qoʻyilganligi” degan soʻzlar “toʻliq va oʻz vaqtida ijro etilmaganligi, shu jumladan ularning ijro etilishi jarayoni toʻgʻrisidagi axborot “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi, shuningdek korrupsiyaga qarshi kurashish boʻyicha ichki nazorat tizimining joriy etilishiga hamda samarali faoliyat koʻrsatishiga doir choralar oʻz vaqtida amalga oshirilmaganligi” degan soʻzlar bilan almashtirilsin;
9) 33-moddaning ikkinchi qismidagi “shuningdek oliy darajadagi tashriflar davomida imzolangan hujjatlarning hamda strategik korxonalar ishtirokidagi investitsiya loyihalarining ijrosi toʻgʻrisidagi axborot “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi uchun” degan soʻzlar “ijrosi toʻgʻrisidagi axborot “ijro.gov.uz” axborot tizimi orqali toʻliq, haqqoniy tarzda va oʻz vaqtida taqdim etilmaganligi uchun, shuningdek keyingi nazorat jarayonida korrupsiyaga qarshi kurashish boʻyicha ichki nazorat tizimining joriy etilishiga va samarali faoliyat koʻrsatishiga doir choralar oʻz vaqtida amalga oshirilmaganligi aniqlangan taqdirda” degan soʻzlar bilan almashtirilsin.
3-modda. Oʻzbekiston Respublikasi Hisob palatasi ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
4-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
5-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2021-yil 27-avgust,
OʻRQ-712-son
Закон Республики Узбекистан
О внесении изменений и дополнений в некоторые законодательные акты Республики Узбекистан в связи с совершенствованием деятельности Счетной палаты Республики Узбекистан
Принят Законодательной палатой 6 июля 2021 года Одобрен Сенатом 31 июля 2021 года
Статья 1. Из абзаца пятого статьи 174 Бюджетного кодекса Республики Узбекистан, утвержденного Законом Республики Узбекистан от 26 декабря 2013 года № ЗРУ-360 (Ведомости палат Олий Мажлиса Республики Узбекистан, 2013 г., приложение 1 к № 12; 2014 г., № 9, ст. 244; 2015 г., № 12, ст. 452; 2016 г., № 12, ст.ст. 383, 385; 2017 г., № 6, ст. 300, № 10, ст. 605, № 12, ст. 772; 2018 г., № 1, ст. 1, № 7, ст.ст. 431, 433, № 12, ст. 783; 2019 г., № 1, ст. 1, № 5, ст. 265, № 8, ст. 470, № 9, ст. 588, № 11, ст. 791, № 12, ст.ст. 884, 891; 2020 г., № 3, ст. 203, № 11, ст. 652, № 12, ст. 691; 2021 г., № 1, ст.ст. 7, 13, приложение к № 4), слова «путем применения современных информационно-коммуникационных технологий» исключить.
Статья 2. Внести в Закон Республики Узбекистан от 1 июля 2019 года № ЗРУ-546 «О Счетной палате Республики Узбекистан» (Ведомости палат Олий Мажлиса Республики Узбекистан, 2019 г., № 7, ст. 384, № 9, ст. 588; 2021 г., приложение к № 4) следующие изменения и дополнения:
1) в статье 4 :
абзац четвертый заменить абзацами четвертым, пятым и шестым следующего содержания:
«осуществление государственного контроля за правильным применением требований законодательства о государственных закупках;
осуществление контроля за соблюдением порядка обеспечения открытости бюджетного процесса;
изучение и контроль полноты поступлений средств в бюджеты бюджетной системы и иные фонды, созданные в установленном порядке, а также реализации мер, направленных на сокращение теневой экономики»;
абзацы пятый — одиннадцатый считать соответственно абзацами седьмым — тринадцатым;
абзац двенадцатый изложить в следующей редакции:
«организация и осуществление контроля за полным и своевременным исполнением решений и поручений Президента Республики Узбекистан»;
дополнить абзацем четырнадцатым следующего содержания:
«осуществление контроля за реализацией в органах государственного управления, а также в учреждениях и организациях с долей участия государства в их уставном фонде (уставном капитале) в размере 50 процентов и более, мер по внедрению системы внутреннего антикоррупционного контроля, а также ее эффективному функционированию»;
2) дополнить статьями 21 1 и 21 2 следующего содержания:
«Статья 21 1 . Функции Счетной палаты в сфере осуществления государственного контроля за правильным применением требований законодательства о государственных закупках
Счетная палата в сфере осуществления государственного контроля за правильным применением требований законодательства о государственных закупках:
осуществляет мониторинг и контроль за соблюдением законодательства о государственных закупках;
проводит аудит эффективности и законности государственных закупок, осуществляемых государственными заказчиками;
подготавливает предложения, направленные на повышение эффективности и прозрачности механизмов, процедур и способов осуществления государственных закупок.
Статья 21 2 . Функции Счетной палаты в сфере осуществления контроля за соблюдением порядка обеспечения открытости бюджетного процесса
Счетная палата в сфере осуществления контроля за соблюдением порядка обеспечения открытости бюджетного процесса:
осуществляет контроль за размещением распорядителями бюджетных средств первого уровня, распорядителями бюджетных средств второго уровня, территориальными распорядителями бюджетных средств, государственными целевыми фондами, Фондом реконструкции и развития Республики Узбекистан, Министерством экономического развития и сокращения бедности, Государственным налоговым комитетом, Государственным таможенным комитетом Республики Узбекистан, органами государственного финансового контроля, Советом Министров Республики Каракалпакстан, хокимиятами областей и города Ташкента, районов и городов на своих официальных веб-сайтах информации, обеспечивающей открытость бюджетного процесса;
осуществляет контроль за соблюдением установленных актами законодательства сроков размещения информации, обеспечивающей открытость бюджетного процесса»;
3) в статье 22 :
в наименовании и абзаце первом слова «в установленном порядке» заменить словами «в установленном порядке, а также реализации мер, направленных на сокращение теневой экономики»;
дополнить абзацем седьмым следующего содержания:
«проводит мониторинг и контроль за реализацией мер, направленных на сокращение теневой экономики»;
4) в статье 24 :
абзац шестой исключить;
абзацы седьмой — десятый считать соответственно абзацами шестым — девятым;
5) статью 26 дополнить абзацем седьмым следующего содержания:
«проводит анализ факторов, способствующих развитию теневой экономики, подготавливает и вносит предложения по внедрению механизмов их устранения»;
6) статью 28 изложить в следующей редакции:
«Статья 28. Функции Счетной палаты в сфере организации и осуществления контроля за полным и своевременным исполнением решений и поручений Президента Республики Узбекистан
Счетная палата в сфере организации и осуществления контроля за полным и своевременным исполнением решений и поручений Президента Республики Узбекистан:
формирует базы данных решений и поручений Президента Республики Узбекистан;
осуществляет мониторинг и постоянный контроль за полным и своевременным исполнением решений и поручений Президента Республики Узбекистан и вносит по их результатам информацию в Администрацию Президента Республики Узбекистан»;
7) дополнить статьей 29 1 следующего содержания:
«Статья 29 1 . Функции Счетной палаты в сфере осуществления контроля за реализацией мер по внедрению системы внутреннего антикоррупционного контроля, а также ее эффективному функционированию
Счетная палата в сфере осуществления контроля за реализацией в органах государственного управления, а также в учреждениях и организациях с долей участия государства в их уставном фонде (уставном капитале) в размере 50 процентов и более, мер по внедрению системы внутреннего антикоррупционного контроля, а также ее эффективному функционированию:
осуществляет мониторинг и контроль за реализацией мер по внедрению системы внутреннего антикоррупционного контроля, а также ее эффективному функционированию, и вносит по их результатам информацию в Администрацию Президента Республики Узбекистан;
выявляет факторы, препятствующие своевременному внедрению системы внутреннего антикоррупционного контроля и ее эффективному функционированию, а также проводит их системный анализ»;
8) в абзаце семнадцатом статьи 30 слова «а также документов, подписанных в ходе визитов на высшем уровне, и инвестиционных проектов с участием стратегических предприятий, в том числе за неполное, недостоверное и несвоевременное предоставление информации о ходе их исполнения посредством информационной системы «ijro.gov.uz», допущение бюрократизма и затягивание сроков решения вопросов» заменить словами «в том числе за неполное, недостоверное и несвоевременное предоставление информации о ходе их исполнения посредством информационной системы «ijro.gov.uz», а также несвоевременную реализацию мер по внедрению и эффективному функционированию системы внутреннего антикоррупционного контроля»;
9) в части второй статьи 33 слова «а также документов, подписанных в ходе визитов на высшем уровне, и инвестиционных проектов с участием стратегических предприятий посредством информационной системы «ijro.gov.uz» заменить словами «посредством информационной системы «ijro.gov.uz», а также при выявлении в ходе последующего контроля несвоевременной реализации мер по внедрению и эффективному функционированию системы внутреннего антикоррупционного контроля».
Статья 3. Счетной палате Республики Узбекистан обеспечить исполнение, доведение до исполнителей и разъяснение среди населения сути и значения настоящего Закона.
Статья 4. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену органами государственного управления их нормативно-правовых актов, противоречащих настоящему Закону.
Статья 5. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
27 августа 2021 г.,
№ ЗРУ-712