📅 2021-yil 28-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 28 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 августа 2021 г. · Постановления Президента
Официальный текст. Официальный документ. Редакционные примечания не включены.
📅 28 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Жиззах шаҳрида «Қозон (Волгабўйи) федерал университети» федерал давлат автоном олий таълим муассасаси филиали фаолиятини ташкил этиш чора-тадбирлари тўғрисида
«Қозон (Волгабўйи) федерал университети» федерал давлат автоном олий таълим муассасасининг халқаро стандартларга жавоб берадиган замонавий таълим дастурлари асосида чуқур фундаментал ва илмий-амалий билимга эга юқори малакали кадрларни тайёрлаш, ҳудудий инновацион-таълим тармоғини яратиш, рақамли таълим тизимини шакллантириш ҳамда иш берувчиларнинг олий маълумотли мутахассисларга бўлган эҳтиёжларини қондириш мақсадида:
1. Олий ва ўрта махсус таълим вазирлиги, Соғлиқни сақлаш вазирлиги, Жиззах вилояти ҳокимлиги ҳамда «Қозон (Волгабўйи) федерал университети»нинг федерал давлат автоном олий таълим муассасасининг (Россия Федерацияси) (кейинги ўринларда — Университет) Жиззах шаҳрида «Қозон (Волгабўйи) федерал университети» федерал давлат автоном олий таълим муассасасининг филиалини ташкил этиш тўғрисидаги таклифига розилик берилсин.
2. Қуйидагилар Жиззах шаҳридаги «Қозон (Волгабўйи) федерал университети» федерал давлат автоном олий таълим муассасасининг филиали (кейинги ўринларда — Филиал) фаолиятининг асосий йўналишлари этиб белгилансин:
олий таълим сифатига қўйиладиган халқаро талабларга мувофиқ геология, дастурий инжиниринг, иқтисодиёт, машинасозлик, даволаш иши, стоматология, фармация, тиббий биокимё каби бакалавриат таълим йўналишлари ва магистратура мутахассисликлари бўйича юқори малакали кадрларни тайёрлаш;
замонавий таълим дастурлари ва ўқитиш шаклларини ишлаб чиқиш ҳамда жорий этиш, ўқув жараёнига илғор педагогик ва ахборот технологияларини, илм-фан ва техниканинг энг сўнгги ютуқларини татбиқ этиш, ўқув-педагогик салоҳиятни ривожлантириш;
фундаментал, илмий-амалий ва инновацион тадқиқот лойиҳаларини ишлаб чиқиш ва амалга ошириш;
илм-фан ва таълимнинг сифатини ошириш, уларнинг узвийлигини таъминлаш, жаҳон таълим ва илмий ҳамжамиятига мақсадли интеграциялашув орқали мутахассислар ва илмий-педагогик кадрлар тайёрлаш тизимини такомиллаштириш;
хорижий мамлакатларнинг етакчи таълим ташкилотлари, илмий-тадқиқот марказлари ва бизнес-ҳамжамиятлари билан таълим ҳамда илм-фан соҳаларида узоқ муддатли ҳамкорликни мустаҳкамлаш ва ривожлантириш.
3. Белгилансинки, Филиал:
Университетнинг юридик шахс мақомига эга бўлган таркибий бўлинмаси ҳисобланади;
кадрларга бўлган эҳтиёжларни инобатга олган ҳолда олий таълимнинг сифатига қўйиладиган халқаро талабларга мос таълим дастурлари асосида барча даражадаги мутахассисларни тайёрлаш, қайта тайёрлаш ва уларнинг малакасини оширишни амалга оширади;
таълим жараёнини Олий таълим, фан ва инновациялар вазирлиги ҳамда Соғлиқни сақлаш вазирлиги билан келишилган ҳолда Университет томонидан тасдиқланадиган ўқув режа ва таълим дастурлари асосида олиб боради;
кадрлар тайёрлашни кундузги, сиртқи ва бошқа таълим шаклларида олиб боради;
таълим фаолиятини 2022/2023 ўқув йилидан бошлайди;
абитуриентларни қабул қилиш ва битирувчиларни аттестациядан ўтказишни Олий таълим, фан ва инновациялар вазирлиги билан келишилган ҳолда Университет томонидан белгиланадиган талаблар, тартиб ва муддатларга мувофиқ амалга оширади;
битирувчиларига Ўзбекистон Республикаси ва Россия Федерациясида олий маълумот сифатида тан олинадиган Университетнинг белгиланган намунадаги дипломини беради;
фаолиятини Ўзбекистон Республикаси ва Россия Федерацияси қонунчилигига мувофиқ амалга оширади.
4. Маълумот учун қабул қилинсинки, Университет:
Филиал таълим жараёнига илғор педагогик ҳамда ахборот технологияларини, фан ва техниканинг энг янги ютуқларини жорий этади;
Филиал профессор-ўқитувчилари таркибининг 40 фоиздан кам бўлмаган миқдорини Университет ва хорижий олий таълим ташкилотларининг профессор-ўқитувчиларини дарс беришга ва илмий фаолиятга жалб этиш орқали шакллантиради;
Филиал профессор-ўқитувчиларини маҳаллий ҳамда хорижий олий таълим ташкилотлари, илмий-тадқиқот марказлари ва етакчи корхоналарда қайта тайёрлаш ва малакасини ошириш ишларини тизимли равишда ташкил этади;
Филиалнинг кутубхона фондини шакллантириш ҳамда уни замонавий ўқув, ўқув-методик ва илмий-техник адабиётлар билан тўлдиришга кўмаклашади;
Филиалнинг зарур ўқув, лаборатория ва илмий асбоб-ускуналар билан жиҳозланишини таъминлайди;
Филиалнинг профессор-ўқитувчилари ва талабаларини Н.И. Лобачевский номидаги кутубхонанинг электрон ресурслар базасидан фойдаланиш имконияти билан таъминлайди.
5. Белгилансинки:
Филиалга бакалавриат таълим йўналишлари ва магистратура мутахассисликлари бўйича қабул параметрлари манфаатдор вазирлик ва идораларнинг кадрларга бўлган реал эҳтиёжини ҳисобга олиб, Иқтисодиёт ва молия вазирлиги, Олий таълим, фан ва инновациялар вазирлиги, Соғлиқни сақлаш вазирлиги, Жиззах вилояти ҳокимлиги ҳамда Университет билан келишилган ҳолда Филиал томонидан тасдиқланади;
Филиалга талабаларни ўқишга қабул қилиш давлат гранти ҳамда тўлов-контракт асосида амалга оширилади. Бунда, давлат гранти асосида таълим олган Филиал битирувчилари уч йилдан кам бўлмаган муддат мажбурий ишлаб бериш шарти билан Ўзбекистон Республикасининг давлат органлари ва ташкилотларига тақсимланади;
Филиалда ўқитишнинг тўлов-контракт миқдори Олий таълим, фан ва инновациялар вазирлиги, Соғлиқни сақлаш вазирлиги ҳамда Университет билан келишилган ҳолда Филиал томонидан белгиланади;
2021/2022 ўқув йилидан Университет Ўзбекистон Миллий университетининг Жиззах филиали билан ҳамкорликда «Дастурий инжиниринг», «Фармация» ва «Ахборот тизимлари ва технологиялари» таълим йўналишлари бўйича қўшма таълим дастурлари асосида кадрлар тайёрлашни бошлайди ҳамда мазкур йўналишлар бўйича ўқишга қабул қилинган талабалар келгусида ўқишларини Филиалда давом эттиради;
Филиал ўттиз суткадан ортиқ муддатга Университетдан жалб қилинадиган профессор-ўқитувчиларнинг хизмат сафари харажатлари Россия Федерациясининг олий таълим ташкилотлари учун белгиланган нормаларга мувофиқ қопланади;
Филиал ўқув жараёнининг эҳтиёжларидан келиб чиқиб, Университетдан узоқ муддатга жалб қилинадиган профессор-ўқитувчиларнинг меҳнатига ҳақ тўлаш тузилган шартномаларга мувофиқ амалга оширилади;
Филиалнинг дарс жараёнида фойдаланиладиган махсус ускуналар ва дастурлар билан ишлаш кўникмасига эга, юқори малакали ходимлари учун Филиалнинг бюджетдан ташқари маблағлари ҳисобидан устамалар белгиланиши мумкин;
Филиалга илмий фаолият олиб бориш учун таклиф этиладиган хорижлик профессор-ўқитувчиларнинг яшаш харажатларини тузиладиган шартномалар асосида Ўзбекистон Республикаси фуқаролари учун белгиланган тарифларда тўлашга рухсат берилади;
2022 йилда Филиал фаолияти йўлга қўйилган кундан бошлаб Филиални сақлаш учун бюджет маблағлари Олий ва ўрта махсус таълим вазирлигига Давлат бюджетидан ажратилган маблағлар доирасида ажратилади ва кейинги йиллардан бошлаб Давлат бюджети параметрларида назарда тутилади.
6. Қуйидагилар Филиал фаолиятини молиялаштириш манбалари этиб белгилансин:
Филиалга ўқишга қабул қилинадиган талабалар умумий сонининг 30 фоизидан ошмаган ҳолда давлат гранти асосида талабаларни ўқитиш учун Олий таълим, фан ва инновациялар вазирлигига ажратиладиган Давлат бюджети маблағлари;
талабаларни тўлов-контракт асосида ўқитишдан тушадиган маблағлар;
жисмоний ва юридик шахсларнинг ҳомийлик хайриялари;
халқаро молия институтлари ва хорижий ташкилотларнинг грантлари;
хўжалик фаолияти ва шартнома асосида хизматлар кўрсатишдан келиб тушадиган маблағлар;
қонунчилик ҳужжатлари билан тақиқланмаган бошқа манбалар.
7. Жиззах вилояти ҳокимлиги (Э. Салиев):
Филиални Жиззах шаҳри, Шароф Рашидов кўчасида жойлашган собиқ Олий ҳарбий авиация билим юрти бино ва иншоотларининг бир қисмига ижара ҳақининг ноль ставкаси асосида жойлаштирсин;
Соғлиқни сақлаш вазирлиги билан биргаликда симуляцион ва имитацион ўқитиш усуллари асосида Филиалда оилавий поликлиника ташкил этсин.
8. Олий ва ўрта махсус таълим вазирлиги (А. Тошкулов) Жиззах вилояти ҳокимлиги (Э. Салиев) ва Университет билан ҳамкорликда:
2021 йил якунига қадар Филиалнинг таъсис ҳужжатларини ишлаб чиқсин ва тасдиқласин, шунингдек, Филиални белгиланган тартибда давлат рўйхатидан ўтказсин;
2022/2023 ўқув йили бошлангунига қадар Филиални танлов асосида малакали профессор-ўқитувчилар билан таъминласин;
2022 йилнинг якунига қадар Филиал таркибида OpenLab илмий-тадқиқот лабораторияси фаолиятини ташкил этсин.
OpenLab лабораторияси республика ва чет эл илмий тадқиқотчилари учун фундаментал ва амалий илмий-тадқиқотларни амалга оширишга мўлжалланган, замонавий жиҳозланган илмий инфратузилмага эга марказ сифатида фаолият юритиши инобатга олинсин.
9. Белгилансинки, Филиалга ажратилган:
бино, иншоотлар ва ҳудудларни сақлаш билан боғлиқ барча харажатлар, шу жумладан коммунал тўловлар Филиал маблағлари ҳисобидан қопланади;
ўқув хоналари, талабалар турар жойи ва хорижий профессор-ўқитувчилар меҳмонхонасини таъмирлаш ва жиҳозлаш Филиалга 2022 йилда республика бюджетидан ажратиладиган маблағлар ҳисобидан амалга оширилади.
Молия вазирлиги мазкур банддаги тегишли чора-тадбирларни молиялаштириш учун зарур маблағларни 2022 йилдаги Давлат бюджети параметрларида назарда тутсин.
Иқтисодий тараққиёт ва камбағалликни қисқартириш вазирлиги Олий ва ўрта махсус таълим вазирлиги ҳамда Жиззах вилоят ҳокимлигининг асосланган ҳисоб-китобларига мувофиқ Филиал учун бино ва иншоотларни қуриш, реконструкция қилиш ҳамда капитал таъмирлаш ишларини 2023–2025 йилларда ижтимоий ва ишлаб чиқариш инфратузилмасини ривожлантириш дастурига киритсин.
10. 2024 йил 1 январга қадар Филиални реконструкция қилиш, капитал таъмирлаш, жиҳозлаш ва унинг фаолиятини таъминлаш учун белгиланган тартибда шакллантириладиган рўйхатлар бўйича олиб кириладиган, Ўзбекистон Республикасида ишлаб чиқарилмайдиган ўқув ва илмий-лаборатория жиҳозлари, компьютер техникаси, дастурий маҳсулотлар, ўқув ва илмий-услубий адабиётлар, инвентарлар, қурилиш материаллари ва моддий-техник ресурслар божхона божидан озод этилсин.
11. Мазкур қарорнинг ижросини самарали ташкил қилишга масъул ва шахсий жавобгар этиб олий ва ўрта махсус таълим вазири А.Х. Тошкулов, соғлиқни сақлаш вазирининг биринчи ўринбосари А.Ш. Иноятов ва Жиззах вилояти ҳокими Э.А. Салиев белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Б.А. Мусаев ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 28 август,
ПҚ-5237-сон
Oʻzbekiston Respublikasi Prezidentining
Qarori
Jizzax shahrida “Qozon (Volgaboʻyi) federal universiteti” federal davlat avtonom oliy taʼlim muassasasi filiali faoliyatini tashkil etish chora-tadbirlari toʻgʻrisida
“Qozon (Volgaboʻyi) federal universiteti” federal davlat avtonom oliy taʼlim muassasasining xalqaro standartlarga javob beradigan zamonaviy taʼlim dasturlari asosida chuqur fundamental va ilmiy-amaliy bilimga ega yuqori malakali kadrlarni tayyorlash, hududiy innovatsion-taʼlim tarmogʻini yaratish, raqamli taʼlim tizimini shakllantirish hamda ish beruvchilarning oliy maʼlumotli mutaxassislarga boʻlgan ehtiyojlarini qondirish maqsadida:
1. Oliy va oʻrta maxsus taʼlim vazirligi, Sogʻliqni saqlash vazirligi, Jizzax viloyati hokimligi hamda “Qozon (Volgaboʻyi) federal universiteti”ning federal davlat avtonom oliy taʼlim muassasasining (Rossiya Federatsiyasi) (keyingi oʻrinlarda — Universitet) Jizzax shahrida “Qozon (Volgaboʻyi) federal universiteti” federal davlat avtonom oliy taʼlim muassasasining filialini tashkil etish toʻgʻrisidagi taklifiga rozilik berilsin.
2. Quyidagilar Jizzax shahridagi “Qozon (Volgaboʻyi) federal universiteti” federal davlat avtonom oliy taʼlim muassasasining filiali (keyingi oʻrinlarda — Filial) faoliyatining asosiy yoʻnalishlari etib belgilansin:
oliy taʼlim sifatiga qoʻyiladigan xalqaro talablarga muvofiq geologiya, dasturiy injiniring, iqtisodiyot, mashinasozlik, davolash ishi, stomatologiya, farmatsiya, tibbiy biokimyo kabi bakalavriat taʼlim yoʻnalishlari va magistratura mutaxassisliklari boʻyicha yuqori malakali kadrlarni tayyorlash;
zamonaviy taʼlim dasturlari va oʻqitish shakllarini ishlab chiqish hamda joriy etish, oʻquv jarayoniga ilgʻor pedagogik va axborot texnologiyalarini, ilm-fan va texnikaning eng soʻnggi yutuqlarini tatbiq etish, oʻquv-pedagogik salohiyatni rivojlantirish;
fundamental, ilmiy-amaliy va innovatsion tadqiqot loyihalarini ishlab chiqish va amalga oshirish;
ilm-fan va taʼlimning sifatini oshirish, ularning uzviyligini taʼminlash, jahon taʼlim va ilmiy hamjamiyatiga maqsadli integratsiyalashuv orqali mutaxassislar va ilmiy-pedagogik kadrlar tayyorlash tizimini takomillashtirish;
xorijiy mamlakatlarning yetakchi taʼlim tashkilotlari, ilmiy-tadqiqot markazlari va biznes-hamjamiyatlari bilan taʼlim hamda ilm-fan sohalarida uzoq muddatli hamkorlikni mustahkamlash va rivojlantirish.
3. Belgilansinki, Filial:
Universitetning yuridik shaxs maqomiga ega boʻlgan tarkibiy boʻlinmasi hisoblanadi;
kadrlarga boʻlgan ehtiyojlarni inobatga olgan holda oliy taʼlimning sifatiga qoʻyiladigan xalqaro talablarga mos taʼlim dasturlari asosida barcha darajadagi mutaxassislarni tayyorlash, qayta tayyorlash va ularning malakasini oshirishni amalga oshiradi;
taʼlim jarayonini Oliy taʼlim, fan va innovatsiyalar vazirligi hamda Sogʻliqni saqlash vazirligi bilan kelishilgan holda Universitet tomonidan tasdiqlanadigan oʻquv reja va taʼlim dasturlari asosida olib boradi;
kadrlar tayyorlashni kunduzgi, sirtqi va boshqa taʼlim shakllarida olib boradi;
taʼlim faoliyatini 2022/2023 oʻquv yilidan boshlaydi;
abituriyentlarni qabul qilish va bitiruvchilarni attestatsiyadan oʻtkazishni Oliy taʼlim, fan va innovatsiyalar vazirligi bilan kelishilgan holda Universitet tomonidan belgilanadigan talablar, tartib va muddatlarga muvofiq amalga oshiradi;
bitiruvchilariga Oʻzbekiston Respublikasi va Rossiya Federatsiyasida oliy maʼlumot sifatida tan olinadigan Universitetning belgilangan namunadagi diplomini beradi;
faoliyatini Oʻzbekiston Respublikasi va Rossiya Federatsiyasi qonunchiligiga muvofiq amalga oshiradi.
4. Maʼlumot uchun qabul qilinsinki, Universitet:
Filial taʼlim jarayoniga ilgʻor pedagogik hamda axborot texnologiyalarini, fan va texnikaning eng yangi yutuqlarini joriy etadi;
Filial professor-oʻqituvchilari tarkibining 40 foizdan kam boʻlmagan miqdorini Universitet va xorijiy oliy taʼlim tashkilotlarining professor-oʻqituvchilarini dars berishga va ilmiy faoliyatga jalb etish orqali shakllantiradi;
Filial professor-oʻqituvchilarini mahalliy hamda xorijiy oliy taʼlim tashkilotlari, ilmiy-tadqiqot markazlari va yetakchi korxonalarda qayta tayyorlash va malakasini oshirish ishlarini tizimli ravishda tashkil etadi;
Filialning kutubxona fondini shakllantirish hamda uni zamonaviy oʻquv, oʻquv-metodik va ilmiy-texnik adabiyotlar bilan toʻldirishga koʻmaklashadi;
Filialning zarur oʻquv, laboratoriya va ilmiy asbob-uskunalar bilan jihozlanishini taʼminlaydi;
Filialning professor-oʻqituvchilari va talabalarini N.I. Lobachevskiy nomidagi kutubxonaning elektron resurslar bazasidan foydalanish imkoniyati bilan taʼminlaydi.
5. Belgilansinki:
Filialga bakalavriat taʼlim yoʻnalishlari va magistratura mutaxassisliklari boʻyicha qabul parametrlari manfaatdor vazirlik va idoralarning kadrlarga boʻlgan real ehtiyojini hisobga olib, Iqtisodiyot va moliya vazirligi, Oliy taʼlim, fan va innovatsiyalar vazirligi, Sogʻliqni saqlash vazirligi, Jizzax viloyati hokimligi hamda Universitet bilan kelishilgan holda Filial tomonidan tasdiqlanadi;
Filialga talabalarni oʻqishga qabul qilish davlat granti hamda toʻlov-kontrakt asosida amalga oshiriladi. Bunda, davlat granti asosida taʼlim olgan Filial bitiruvchilari uch yildan kam boʻlmagan muddat majburiy ishlab berish sharti bilan Oʻzbekiston Respublikasining davlat organlari va tashkilotlariga taqsimlanadi;
Filialda oʻqitishning toʻlov-kontrakt miqdori Oliy taʼlim, fan va innovatsiyalar vazirligi, Sogʻliqni saqlash vazirligi hamda Universitet bilan kelishilgan holda Filial tomonidan belgilanadi;
2021/2022 oʻquv yilidan Universitet Oʻzbekiston Milliy universitetining Jizzax filiali bilan hamkorlikda “Dasturiy injiniring”, “Farmatsiya” va “Axborot tizimlari va texnologiyalari” taʼlim yoʻnalishlari boʻyicha qoʻshma taʼlim dasturlari asosida kadrlar tayyorlashni boshlaydi hamda mazkur yoʻnalishlar boʻyicha oʻqishga qabul qilingan talabalar kelgusida oʻqishlarini Filialda davom ettiradi;
Filial oʻttiz sutkadan ortiq muddatga Universitetdan jalb qilinadigan professor-oʻqituvchilarning xizmat safari xarajatlari Rossiya Federatsiyasining oliy taʼlim tashkilotlari uchun belgilangan normalarga muvofiq qoplanadi;
Filial oʻquv jarayonining ehtiyojlaridan kelib chiqib, Universitetdan uzoq muddatga jalb qilinadigan professor-oʻqituvchilarning mehnatiga haq toʻlash tuzilgan shartnomalarga muvofiq amalga oshiriladi;
Filialning dars jarayonida foydalaniladigan maxsus uskunalar va dasturlar bilan ishlash koʻnikmasiga ega, yuqori malakali xodimlari uchun Filialning budjetdan tashqari mablagʻlari hisobidan ustamalar belgilanishi mumkin;
Filialga ilmiy faoliyat olib borish uchun taklif etiladigan xorijlik professor-oʻqituvchilarning yashash xarajatlarini tuziladigan shartnomalar asosida Oʻzbekiston Respublikasi fuqarolari uchun belgilangan tariflarda toʻlashga ruxsat beriladi;
2022-yilda Filial faoliyati yoʻlga qoʻyilgan kundan boshlab Filialni saqlash uchun budjet mablagʻlari Oliy va oʻrta maxsus taʼlim vazirligiga Davlat budjetidan ajratilgan mablagʻlar doirasida ajratiladi va keyingi yillardan boshlab Davlat budjeti parametrlarida nazarda tutiladi.
6. Quyidagilar Filial faoliyatini moliyalashtirish manbalari etib belgilansin:
Filialga oʻqishga qabul qilinadigan talabalar umumiy sonining 30 foizidan oshmagan holda davlat granti asosida talabalarni oʻqitish uchun Oliy taʼlim, fan va innovatsiyalar vazirligiga ajratiladigan Davlat budjeti mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
jismoniy va yuridik shaxslarning homiylik xayriyalari;
xalqaro moliya institutlari va xorijiy tashkilotlarning grantlari;
xoʻjalik faoliyati va shartnoma asosida xizmatlar koʻrsatishdan kelib tushadigan mablagʻlar;
qonunchilik hujjatlari bilan taqiqlanmagan boshqa manbalar.
7. Jizzax viloyati hokimligi (E. Saliyev):
Filialni Jizzax shahri, Sharof Rashidov koʻchasida joylashgan sobiq Oliy harbiy aviatsiya bilim yurti bino va inshootlarining bir qismiga ijara haqining nol stavkasi asosida joylashtirsin;
Sogʻliqni saqlash vazirligi bilan birgalikda simulyatsion va imitatsion oʻqitish usullari asosida Filialda oilaviy poliklinika tashkil etsin.
8. Oliy va oʻrta maxsus taʼlim vazirligi (A. Toshkulov) Jizzax viloyati hokimligi (E. Saliyev) va Universitet bilan hamkorlikda:
2021-yil yakuniga qadar Filialning taʼsis hujjatlarini ishlab chiqsin va tasdiqlasin, shuningdek, Filialni belgilangan tartibda davlat roʻyxatidan oʻtkazsin;
2022/2023 oʻquv yili boshlanguniga qadar Filialni tanlov asosida malakali professor-oʻqituvchilar bilan taʼminlasin;
2022-yilning yakuniga qadar Filial tarkibida OpenLab ilmiy-tadqiqot laboratoriyasi faoliyatini tashkil etsin.
OpenLab laboratoriyasi respublika va chet el ilmiy tadqiqotchilari uchun fundamental va amaliy ilmiy-tadqiqotlarni amalga oshirishga moʻljallangan, zamonaviy jihozlangan ilmiy infratuzilmaga ega markaz sifatida faoliyat yuritishi inobatga olinsin.
9. Belgilansinki, Filialga ajratilgan:
bino, inshootlar va hududlarni saqlash bilan bogʻliq barcha xarajatlar, shu jumladan kommunal toʻlovlar Filial mablagʻlari hisobidan qoplanadi;
oʻquv xonalari, talabalar turar joyi va xorijiy professor-oʻqituvchilar mehmonxonasini taʼmirlash va jihozlash Filialga 2022-yilda respublika budjetidan ajratiladigan mablagʻlar hisobidan amalga oshiriladi.
Moliya vazirligi mazkur banddagi tegishli chora-tadbirlarni moliyalashtirish uchun zarur mablagʻlarni 2022-yildagi Davlat budjeti parametrlarida nazarda tutsin.
Iqtisodiy taraqqiyot va kambagʻallikni qisqartirish vazirligi Oliy va oʻrta maxsus taʼlim vazirligi hamda Jizzax viloyat hokimligining asoslangan hisob-kitoblariga muvofiq Filial uchun bino va inshootlarni qurish, rekonstruksiya qilish hamda kapital taʼmirlash ishlarini 2023–2025-yillarda ijtimoiy va ishlab chiqarish infratuzilmasini rivojlantirish dasturiga kiritsin.
10. 2024-yil 1-yanvarga qadar Filialni rekonstruksiya qilish, kapital taʼmirlash, jihozlash va uning faoliyatini taʼminlash uchun belgilangan tartibda shakllantiriladigan roʻyxatlar boʻyicha olib kiriladigan, Oʻzbekiston Respublikasida ishlab chiqarilmaydigan oʻquv va ilmiy-laboratoriya jihozlari, kompyuter texnikasi, dasturiy mahsulotlar, oʻquv va ilmiy-uslubiy adabiyotlar, inventarlar, qurilish materiallari va moddiy-texnik resurslar bojxona bojidan ozod etilsin.
11. Mazkur qarorning ijrosini samarali tashkil qilishga masʼul va shaxsiy javobgar etib oliy va oʻrta maxsus taʼlim vaziri A.X. Toshkulov, sogʻliqni saqlash vazirining birinchi oʻrinbosari A.Sh. Inoyatov va Jizzax viloyati hokimi E.A. Saliyev belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari B.A. Musayev va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 28-avgust,
PQ-5237-son
Президента Республики Узбекистан
Постановление
О мерах по организации деятельности филиала Федерального государственного автономного образовательного учреждения высшего образования «Казанский (Приволжский) Федеральный университет» в городе Джизаке
В целях подготовки высококвалифицированных кадров, обладающих глубокими фундаментальными и научно-практическими знаниями на основе современных образовательных программ Федерального государственного автономного образовательного учреждения высшего образования «Казанский (Приволжский) Федеральный университет», отвечающих международным стандартам, а также создания региональной инновационно-образовательной сети, формирования цифровой образовательной системы и удовлетворения потребности работодателей в специалистах с высшим образованием:
1. Согласиться с предложением Министерства высшего и среднего специального образования, Министерства здравоохранения, хокимията Джизакской области и Федерального государственного автономного образовательного учреждения высшего образования «Казанский (Приволжский) Федеральный университет» (Российская Федерация) (далее — Университет) о создании филиала Федерального государственного автономного образовательного учреждения высшего образования «Казанский (Приволжский) Федеральный университет» в городе Джизаке.
2. Определить основными направлениями деятельности филиала Федерального государственного автономного образовательного учреждения высшего образования «Казанский (Приволжский) Федеральный университет» в городе Джизаке (далее — Филиал):
подготовку высококвалифицированных кадров по таким направлениям образования бакалавриата и специальностям магистратуры, как геология, программный инжиниринг, экономика, машиностроение, лечебное дело, стоматология, фармация и медицинская биохимия в соответствии с международными требованиями, предъявляемыми к качеству высшего образования;
разработку и внедрение современных образовательных программ и форм обучения, применение передовых педагогических и информационных технологий, последних достижений науки и техники в учебном процессе, развитие учебно-педагогического потенциала;
разработку и реализацию проектов фундаментальных, научно-практических и инновационных исследований;
повышение качества науки и образования, обеспечение их преемственности, совершенствование системы подготовки специалистов и научно-педагогических кадров путем целенаправленной интеграции в мировое образовательное и научное сообщество;
укрепление и развитие долгосрочного сотрудничества в сфере образования и науки с ведущими образовательными организациями, научно-исследовательскими центрами и бизнес-сообществами зарубежных стран.
3. Определить, что Филиал:
является структурным подразделением Университета со статусом юридического лица;
осуществляет подготовку, переподготовку и повышение квалификации специалистов всех уровней на основе образовательных программ, соответствующих международным требованиям, предъявляемым к качеству высшего образования, с учетом потребности в кадрах;
ведет образовательный процесс на основе учебных планов и образовательных программ, утверждаемых Университетом по согласованию с Министерством высшего образования, науки и инноваций и Министерством здравоохранения;
осуществляет подготовку кадров по дневной, заочной и другим формам обучения;
начинает образовательную деятельность с 2022/2023 учебного года;
осуществляет прием абитуриентов и проводит аттестацию выпускников в соответствии с требованиями, порядком и сроками, устанавливаемыми Университетом по согласованию с Министерством высшего образования, науки и инноваций;
выдает выпускникам диплом Университета установленного образца, признаваемый документом о высшем образовании в Республике Узбекистан и Российской Федерации;
осуществляет деятельность в соответствии с законодательством Республики Узбекистан и Российской Федерации.
4. Принять к сведению, что Университет:
внедряет в образовательный процесс Филиала передовые педагогические и информационные технологии, новейшие достижения науки и техники;
формирует не менее 40 процентов профессорского-преподавательского состава Филиала путем привлечения к преподаванию и научной деятельности профессоров-преподавателей Университета и зарубежных высших образовательных организаций;
на системной основе организует работу по переподготовке и повышению квалификации профессоров-преподавателей Филиала в отечественных и зарубежных высших образовательных организациях, научно-исследовательских центрах и на ведущих предприятиях;
оказывает содействие в формировании библиотечного фонда Филиала и его пополнении современной учебной, учебно-методической и научно-технической литературой;
обеспечивает оснащение Филиала необходимым учебным, лабораторным и научным оборудованием;
обеспечивает доступ профессоров-преподавателей и студентов Филиала к базе электронных ресурсов библиотеки имени Н.И. Лобачевского.
5. Установить, что:
параметры приема на направления образования бакалавриата и специальности магистратуры Филиала утверждаются Филиалом по согласованию с Министерством экономики и финансов, Министерством высшего образования, науки и инноваций, Министерством здравоохранения, хокимиятом Джизакской области и Университетом с учетом реальной потребности в кадрах заинтересованных министерств и ведомств;
прием студентов на учебу в Филиал проводится на основе государственного гранта и платного контракта. При этом, выпускники Филиала, прошедшие обучение на основе государственного гранта, распределяются в государственные органы и организации Республики Узбекистан с условием обязательной отработки на срок не менее трех лет;
размеры платного контракта за обучение в Филиале определяются Филиалом по согласованию с Министерством высшего образования, науки и инноваций, Министерством здравоохранения и Университетом;
Университет совместно с Джизакским филиалом Национального университета Узбекистана с 2021/2022 учебного года начинает подготовку кадров по таким направлениям образования, как «Программный инжиниринг», «Фармация» и «Информационные системы и технологии» на основе совместных образовательных программ, и студенты, принятые на обучение по данным направлениям, в будущем продолжат учебу в Филиале;
расходы на служебные командировки профессоров-преподавателей, привлекаемых в Филиал из Университета на срок более тридцати суток, покрываются в соответствии с нормами, установленными для высших образовательных организаций Российской Федерации;
оплата труда профессоров-преподавателей, привлекаемых из Университета на длительный срок, производится в соответствии с заключенными договорами исходя из потребностей учебного процесса Филиала;
для высококвалифицированных работников, имеющих навыки работы со специальным оборудованием и программами, применяемыми в процессе обучения в Филиале, могут устанавливаться надбавки за счет внебюджетных средств Филиала;
разрешается оплачивать расходы на проживание зарубежных профессоров-преподавателей, приглашаемых в Филиал для ведения научной деятельности, на основе заключаемых договоров по тарифам, установленным для граждан Республики Узбекистан;
начиная со дня организации деятельности Филиала бюджетные средства на содержание Филиала в 2022 году выделяются в рамках средств, выделенных Министерству высшего и среднего специального образования из Государственного бюджета, в последующие годы — предусматриваются в параметрах Государственного бюджета.
6. Определить источниками финансирования деятельности Филиала:
средства Государственного бюджета, выделяемые Министерству высшего образования, науки и инноваций для обучения студентов на основе государственного гранта, но не более 30 процентов общего числа студентов, принятых на учебу в Филиал;
средства, поступающие от обучения студентов на платно-контрактной основе;
благотворительные пожертвования физических и юридических лиц;
гранты международных финансовых институтов и зарубежных организаций;
средства, поступающие от хозяйственной деятельности и оказания услуг на договорной основе;
другие источники, не запрещенные актами законодательства.
7. Хокимияту Джизакской области (Э. Салиев):
разместить Филиал в части зданий и сооружений бывшего Высшего военного авиационного училища, расположенного по адресу город Джизак, улица Шарафа Рашидова, по нулевой ставке арендной платы;
совместно с Министерством здравоохранения создать в Филиале семейную поликлинику на основе симуляционных и имитационных методов обучения.
8. Министерству высшего и среднего специального образования (А. Тошкулов) совместно с хокимиятом Джизакской области (Э. Салиев) и Университетом:
до конца 2021 года разработать и утвердить учредительные документы Филиала, а также провести государственную регистрацию Филиала в установленном порядке;
до начала 2022/2023 учебного года обеспечить Филиал квалифицированными профессорами-преподавателями на конкурсной основе;
до конца 2022 года организовать в составе Филиала деятельность научно-исследовательской лаборатории OpenLab.
Принять во внимание, что лаборатория OpenLab осуществляет деятельность в качестве центра, имеющего современно оборудованную научную инфраструктуру, предназначенную для проведения отечественными и зарубежными научными изыскателями фундаментальных и практических научных исследований.
9. Определить, что:
все расходы, связанные с содержанием выделенных Филиалу зданий, сооружений и территорий, включая коммунальные платежи, покрываются за счет средств Филиала;
ремонт и оснащение выделенных Филиалу учебных помещений, мест проживания студентов и гостиницы для зарубежных профессоров-преподавателей осуществляются за счет средств, выделяемых Филиалу из республиканского бюджета в 2022 году.
Министерству финансов в параметрах Государственного бюджета на 2022 год предусмотреть средства, необходимые для финансирования соответствующих мер настоящего пункта.
Министерству экономического развития и сокращения бедности в соответствии с обоснованными расчетами Министерства высшего и среднего специального образования и хокимията Джизакской области включить работы по строительству, реконструкции и капитальному ремонту зданий и сооружений для Филиала в Программу развития социальной и производственной инфраструктуры на 2023 — 2025 годы.
10. Освободить Филиал на срок до 1 января 2024 года от таможенной пошлины за учебное и научно-лабораторное оборудование, компьютерную технику, программные продукты, учебную и научно-методическую литературу, инвентарь, строительные материалы и материально-технические ресурсы, не производимые в Республике Узбекистан, ввозимые для реконструкции, капитального ремонта, оснащения и обеспечения деятельности Филиала по перечням, формируемым в установленном порядке.
11. Возложить на министра высшего и среднего специального образования А.Х. Тошкулова, первого заместителя министра здравоохранения А.Ш. Иноятова и хокима Джизакской области Э.А. Салиева персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Б.А. Мусаева и советника Президента Республики Узбекистан А.А. Абдувахитова.
Президент Республики Узбекистан Ш. МИРЗИЁЕВ
г. Ташкент,
28 августа 2021 г.,
№ ПП-5237