📅 2021-yil 28-avgust · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 28 август · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 28 августа 2021 г. · Постановления Президента
Официальный текст. Официальный документ. Редакционные примечания не включены.
📅 28 August 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
ТАРКИБИ
ТАРКИБИ
РЎЙХАТИ
Тошкент шаҳрида «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиали фаолиятини ташкил этиш тўғрисида
Кинематография соҳаси учун юқори малакали ижодий кадрлар тайёрлаш тизимини янада такомиллаштириш, ривожланган хорижий мамлакатларнинг етакчи олий таълим ташкилотлари билан ҳамкорликни кенгайтириш, таълим муассасаларининг олий маълумотли ижодий кадрларга бўлган эҳтиёжларини қондириш мақсадида:
1. 2018 йил 19 октябрда Ўзбекистон Республикаси Ҳукумати билан Россия Федерацияси Ҳукумати ўртасида «Ўзбекистон Республикасида Россия Федерациясининг олий таълим бўйича таълим муассасалари филиалларини ташкил этиш ва уларнинг фаолият юритиши тўғрисида»ги битим тузилганлиги маълумот учун қабул қилинсин.
2. Кинематография агентлиги, Олий ва ўрта махсус таълим вазирлиги, ва «С.А. Герасимов номидаги Бутунроссия давлат кинематография институти» федерал давлат бюджети олий таълим муассасасининг (Россия Федерацияси) (кейинги ўринларда — БДКИ) Тошкент шаҳрида «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалини (кейинги ўринларда — Филиал) ташкил этиш тўғрисидаги таклифига розилик берилсин.
3. Қуйидагилар Филиал фаолиятининг асосий йўналишлари этиб белгилансин:
кинокомпаниялар ва киностудияларнинг юқори малакали кадрларга бўлган эҳтиёжларини ҳисобга олган ҳолда Россия Федерацияси Олий таълим федерал давлат таълим стандартларига мувофиқ олий таълим соҳасида юқори малакали ижодий кадрларни тайёрлаш;
замонавий таълим дастурлари, ўқитиш услубларини ишлаб чиқиш ва амалиётга жорий қилиш, ўқув жараёнига илғор педагогик ва ахборот технологияларини ҳамда фаннинг сўнгги ютуқларини татбиқ этиш, педагогик салоҳиятни ривожлантириш;
кино санъати бўйича тадқиқотлар ўтказиш, ўқув жараёни сифатини яхшилашга йўналтирилган мақсадли инновацион лойиҳаларни ишлаб чиқиш ва амалга ошириш;
ўқув жараёнига масофавий таълим технологияларини кенг жорий этиш, электрон таълим ресурсларини ишлаб чиқиш ва татбиқ қилиш;
хорижий мамлакатларнинг етакчи таълим ташкилотлари, илмий-тадқиқот марказлари ва бизнес ҳамжамиятлари билан таълим ҳамда илм-фан соҳаларида узоқ муддатли ҳамкорликни мустаҳкамлаш ва ривожлантириш.
4. Белгилансинки, Филиал:
БДКИ устави ва БДКИ томонидан тасдиқланган Филиал тўғрисидаги низом асосида фаолият юритади;
БДКИнинг юридик шахс мақомига эга бўлган алоҳида таркибий бўлинмаси — олий таълим муассасаси ҳисобланади;
таълим фаолиятини 2021/2022 ўқув йилидан бошлаб амалга оширади;
кадрларга бўлган эҳтиёжларни инобатга олган ҳолда олий таълимнинг сифатига қўйиладиган талабларга мос таълим дастурлари асосида Россия Федерацияси олий таълим федерал давлат таълим стандартларига мувофиқ, барча даражадаги мутахассисликлар ва йўналишлар бўйича кадрлар тайёрлашни амалга оширади;
таълим жараёнини Кинематография агентлиги билан келишган ҳолда БДКИ томонидан тасдиқланадиган ўқув режа ва дастурлар асосида рус тилида олиб боради, шу билан бирга унда ўзбек тили ва Ўзбекистон тарихи ўқитилади;
таълим фаолиятини кундузги, сиртқи таълим шаклида ҳамда ахборот коммуникация технологияларини қўллаган ҳолда масофавий тарзда олиб боради;
абитуриентларни қабул қилиш ва битирувчиларни аттестациядан ўтказишни Олий таълим, фан ва инновациялар вазирлиги ҳамда Кинематография агентлиги билан келишган ҳолда БДКИ томонидан белгиланган қоидалар ва муддатларга мувофиқ амалга оширади;
битирувчиларига Ўзбекистон Республикасида олий маълумот сифатида тан олинадиган Россия Федерацияси давлат намунасидаги БДКИ дипломини беради;
фаолиятини Ўзбекистон Республикаси ва Россия Федерацияси қонунчилигига мувофиқ амалга оширади.
5. Маълумот учун қабул қилинсинки, БДКИ:
илғор педагогик ва ахборот технологияларини ўқув жараёнига жорий этади;
Филиал профессор-ўқитувчиларини қайта тайёрлаш ва уларнинг малакасини ошириш ишларини ташкил этади;
Филиалнинг кутубхона фондини шакллантиради ва уни замонавий ўқув-методик ҳамда илмий-педагогик адабиётлар билан тўлдириб боради, шу жумладан БДКИ ахборот-ресурс базасидан фойдаланиш имкониятини яратади.
6. Қуйидагилар:
Тошкент шаҳридаги «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалини ташкил этиш бўйича Ташкилий комиссия таркиби 1-иловага мувофиқ;
Тошкент шаҳридаги «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалининг Васийлик кенгаши таркиби 2-иловага мувофиқ;
Тошкент шаҳридаги «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалининг асосий таълим йўналишлари ва мутахассисликлари рўйхати 3-иловага мувофиқ тасдиқлансин.
7. Ташкилий комиссияга 2021 йил 20 сентябргача қуйидаги вазифалар юклатилсин:
Филиални жойлаштириш учун бино ва иншоотларни тартибга солиш;
Филиал талабалари ва ўқитувчилари учун талабалар турар жойини тайёрлаш;
Филиални жойлаштириш ва зарур инвентарлар, мебеллар, замонавий ўқув ва лаборатория жиҳозлари, кутубхона фондлари, компьютер техникаси ва бошқалар билан таъминлаш.
8. Белгилансинки:
Филиалга қабул режаси тегишли кадрларга бўлган эҳтиёжни ҳисобга олган ҳолда Россия Федерацияси Маданият вазирлиги, БДКИ ҳамда Ўзбекистон Республикаси Олий таълим, фан ва инновациялар вазирлиги билан келишилган ҳолда Филиалнинг Васийлик кенгаши қарори билан тасдиқланади;
давлат гранти асосида таълим олган Филиал битирувчилари беш йилдан кам бўлмаган муддатга мажбурий ишлаб бериш шарти билан кинокомпаниялар, телерадиокомпаниялар ёки кино ва телевидение соҳасидаги ташкилотларга тақсимланади;
Филиалга БДКИдан жалб қилинадиган профессор ва ўқитувчиларнинг хизмат сафари ва меҳнатига ҳақ тўлаш харажатлари ўқув жараёнининг эҳтиёжларидан келиб чиқиб, тузилган шартномаларга мувофиқ амалга оширилади;
профессор-ўқитувчилар ва бошқа ходимларнинг ойлик маоши Ўзбекистон Республикаси қонунчилигига мувофиқ белгиланади;
Филиалда ўқитишнинг тўлов-контракт миқдори БДКИ томонидан Кинематография агентлиги ва Олий таълим, фан ва инновациялар вазирлиги билан келишилган ҳолда белгиланади;
Филиалга ўқитувчилик ва илмий фаолият олиб бориш учун таклиф этиладиган хорижий профессор-ўқитувчиларнинг яшаш ҳамда транспорт харажатларини тузиладиган шартномалар асосида Ўзбекистон Республикаси фуқаролари учун белгиланган тарифларда тўлашга рухсат берилади;
Филиалга ажратилган бино, иншоотлар ва ҳудудларни сақлаш билан боғлиқ барча харажатлар, шу жумладан коммунал тўловлар Филиал маблағлари ҳисобидан қопланади;
Филиалга Давлат бюджети маблағлари ҳисобидан 1 та енгил автотранспорт воситасини сотиб олиш ва сақлаш учун лимит ажратилади.
9. Филиал фаолиятини молиялаштириш қуйидаги манбалар ҳисобидан амалга оширилади:
Филиалга 2021/2022 ўқув йилида ўқишга қабул қилинган талабалар умумий сонининг 50 фоизидан, кейинги ўқув йилидан бошлаб 30 фоизидан ошмаган ҳолда давлат гранти асосида талабаларни ўқитиш учун Маданият вазирлигига ажратиладиган Давлат бюджети маблағлари;
талабаларни тўлов-контракт асосида ўқитишдан тушадиган маблағлар;
жисмоний ва юридик шахсларнинг ҳомийлик хайриялари;
халқаро молия институтлари ва хорижий ташкилотларнинг грантлари;
ижодий фаолият субъектлари ўртасида тузиладиган фуқаролик ҳуқуқий шартномалар;
қонунчилик ҳужжатлари билан тақиқланмаган бошқа манбалар.
2021 йилда Филиалнинг жорий сақлаш билан боғлиқ харажатлари Ўзбекистон Республикаси республика бюджетидан биринчи даражали бюджет маблағларини тақсимловчи сифатида Маданият вазирлигига ажратилган маблағлар доирасида амалга оширилади ва 2022 йилдан бошлаб Давлат бюджети параметрларида назарда тутилади.
10. Филиал «Ҳужжатли ва хроникал фильмлар киностудияси» ДУКнинг Тошкент шаҳар, Чилонзор тумани, Чилонзор кўчаси, 1А-уй манзилида жойлашган бино ва иншоотларига текин фойдаланиш ҳуқуқи асосида жойлаштирилсин.
11. Кинематография агентлиги (Ф.Ф. Абдухаликов) Олий ва ўрта махсус таълим вазирлиги (А.Ҳ. Тошкулов) ҳамда БДКИ билан ҳамкорликда:
бир ой муддатда Филиалнинг таъсис ҳужжатларини ишлаб чиқсин ва тасдиқласин, шунингдек, Филиални белгиланган тартибда давлат рўйхатидан ўтказсин;
Филиалнинг тузилмаси ва штат жадвалини тасдиқласин;
ўқув йили бошлангунига қадар Филиални танлов асосида малакали профессор-ўқитувчилар билан таъминласин.
12. Васийлик Кенгашининг асосий вазифалари этиб қуйидагилар белгилансин:
талабаларнинг турли шаклдаги амалиётини самарали ташкил этиш, Филиал битирувчиларини ишга жойлаштириш, меҳнат бозорининг кейинги ривожини ҳисобга олган ҳолда мутахассислар ва ижодий кадрлар тайёрлашнинг истиқболли йўналишларини белгилашда кўмаклашиш;
Филиал фаолиятининг жадал ривожланишини таъминлаш учун хайрия, техник кўмак маблағларини (грантларни) ва бошқа бюджетдан ташқари маблағларни жалб этиш;
Филиалнинг моддий-техник, ўқув-методик базасини мустаҳкамлаш, уни замонавий павильон ва студия ускуналари ва ўқув-методик адабиётлар билан жиҳозлаш, ижтимоий инфратузилмасини яхшилашга кўмаклашиш;
талабаларни, энг аввало, етим ва ота-она қарамоғидан маҳрум бўлган болаларни ижтимоий ҳимоя қилишни таъминлаш;
иқтидорли талабаларни ўқитиш учун стипендияларни молиялаштириш;
талабаларнинг яшаш шароитларини яхшилаш ва талабалар турар жойида бўш вақтларидан самарали фойдаланишини ташкил этиш, шунингдек, уларнинг дам олишлари учун зарур шарт-шароитлар яратишга кўмаклашиш;
истиқболли талабаларни танлов асосида БДКИ ва соҳага ихтисослашган хориждаги бошқа етакчи таълим ташкилотларига стажировка ўташга юбориш учун танлаб олишни ҳамда уларга хорижда таҳсил олиш учун махсус стипендиялар ажратишни ташкил этиш.
13. Филиал талабалари ва ходимларига Муҳаммад ал-Хоразмий номидаги Тошкент ахборот технологиялари университетининг Медиа марказидаги мавжуд асбоб-ускуналардан ўқув, амалий, илмий-тадқиқот ва лаборатория ишларида бепул фойдаланишга рухсат берилсин.
14. 2024 йил 1 январга қадар Филиалнинг фаолиятини таъминлаш учун белгиланган тартибда шакллантириладиган рўйхатлар бўйича олиб кириладиган, Ўзбекистон Республикасида ишлаб чиқарилмайдиган ўқув ва илмий-лаборатория жиҳозлари, компьютер техникаси, дастурий маҳсулотлар, ўқув ва илмий-услубий адабиётлар, инвентарлар ва моддий-техник ресурслар божхона божидан озод этилсин.
15. Кинематография агентлиги (Ф.Ф. Абдухаликов) манфаатдор вазирлик ва идоралар билан биргаликда икки ой муддатда қонунчиликка мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини самарали ташкил қилишга масъул ва шахсий жавобгар этиб Кинематография агентлиги бош директори Ф.Ф. Абдухаликов ҳамда олий ва ўрта махсус таълим вазири А.Ҳ. Тошкулов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари А.А. Абдухакимов ҳамда Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Амалга оширилаётган чора-тадбирлар натижадорлиги юзасидан 2022 йил 1 апрелга қадар Ўзбекистон Республикаси Президентига ахборот киритилсин.
Ўзбекистон Республикаси Президентининг 2021 йил 28 августдаги ПҚ-5238-сон қарорига 1-ИЛОВА
Тошкент шаҳрида «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалини ташкил этиш бўйича ташкилий комиссия
А.А. Абдухакимов — Бош вазир ўринбосари — туризм ва спорт вазири, ташкилий комиссия раиси Ф.Ф. Абдухаликов — Кинематография агентлиги бош директори, ташкилий комиссия раиси ўринбосари О.А. Назарбеков — маданият вазири Б.И. Закиров — қурилиш вазири А.Ҳ. Тошкулов — олий ва ўрта махсус таълим вазири И.И. Норқулов — иқтисодий тараққиёт ва камбағалликни қисқартириш вазирининг биринчи ўринбосари Ф.У. Давруков — Тошкент шаҳар ҳокимининг ўринбосари А.Д. Хаджаев — Ўзбекистон Миллий телерадиокомпанияси раиси М.А. Маджидов — Вазирлар Маҳкамаси бош мутахассиси, ташкилий комиссия котиби
Ўзбекистон Республикаси Президентининг 2021 йил 28 августдаги ПҚ-5238-сон қарорига 2-ИЛОВА
Тошкент шаҳридаги «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалининг Васийлик кенгаши
А.Б. Таджиханов — маданият вазирининг биринчи ўринбосари, Васийлик кенгаши раиси А.В. Малишев — Россия Федерацияси маданият вазири ўринбосари, Васийлик кенгаши ҳамраиси (келишувга мувофиқ) Ш.Т. Ризаев — Кинематография агентлиги директори в.б. Ш.Х. Далиев — олий таълим, фан ва инновациялар вазирининг биринчи ўринбосари Ф.Э. Боқиев — мактабгача ва мактаб таълими вазири ўринбосари М.Ю. Жураев — камбағалликни қисқартириш ва бандлик вазирининг биринчи ўринбосари А.А. Жўрабоев — Ўзбекистон миллий телерадиокомпанияси раиси Ш.Р. Ражаббаев — инновацион ривожланиш агентлиги директори С.Ш. Таджиев — Тошкент шаҳар ҳокимининг ўринбосари Б.Х. Махмадалиев — Ўзбекистон Касаба уюшмалари федерацияси кенгаши раиси ўринбосари В.С. Малишев — «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси ректори вазифасини бажарувчи (келишувга мувофиқ) И.М. Мелиқўзиев — Тошкент шаҳридаги «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалининг директори, Васийлик кенгаши котиби
Ўзбекистон Республикаси Президентининг 2021 йил 28 августдаги ПҚ-5238-сон қарорига 3-ИЛОВА
Тошкент шаҳридаги «С.А. Герасимов номидаги Бутунроссия давлат кинематография институти» федерал давлат бюджети олий таълим муассасаси филиалининг асосий таълим йўналишлари ва мутахассисликлари
1. Драматургия.
2. Продюсерлик (турлари бўйича).
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 28 август,
ПҚ-5238-сон
Oʻzbekiston Respublikasi Prezidentining
Qarori
TARKIBI
TARKIBI
ROʻYXATI
Toshkent shahrida “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filiali faoliyatini tashkil etish toʻgʻrisida
Kinematografiya sohasi uchun yuqori malakali ijodiy kadrlar tayyorlash tizimini yanada takomillashtirish, rivojlangan xorijiy mamlakatlarning yetakchi oliy taʼlim tashkilotlari bilan hamkorlikni kengaytirish, taʼlim muassasalarining oliy maʼlumotli ijodiy kadrlarga boʻlgan ehtiyojlarini qondirish maqsadida:
1. 2018-yil 19-oktabrda Oʻzbekiston Respublikasi Hukumati bilan Rossiya Federatsiyasi Hukumati oʻrtasida “Oʻzbekiston Respublikasida Rossiya Federatsiyasining oliy taʼlim boʻyicha taʼlim muassasalari filiallarini tashkil etish va ularning faoliyat yuritishi toʻgʻrisida”gi bitim tuzilganligi maʼlumot uchun qabul qilinsin.
2. Kinematografiya agentligi, Oliy va oʻrta maxsus taʼlim vazirligi, va “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasining (Rossiya Federatsiyasi) (keyingi oʻrinlarda — BDKI) Toshkent shahrida “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialini (keyingi oʻrinlarda — Filial) tashkil etish toʻgʻrisidagi taklifiga rozilik berilsin.
3. Quyidagilar Filial faoliyatining asosiy yoʻnalishlari etib belgilansin:
kinokompaniyalar va kinostudiyalarning yuqori malakali kadrlarga boʻlgan ehtiyojlarini hisobga olgan holda Rossiya Federatsiyasi Oliy taʼlim federal davlat taʼlim standartlariga muvofiq oliy taʼlim sohasida yuqori malakali ijodiy kadrlarni tayyorlash;
zamonaviy taʼlim dasturlari, oʻqitish uslublarini ishlab chiqish va amaliyotga joriy qilish, oʻquv jarayoniga ilgʻor pedagogik va axborot texnologiyalarini hamda fanning soʻnggi yutuqlarini tatbiq etish, pedagogik salohiyatni rivojlantirish;
kino sanʼati boʻyicha tadqiqotlar oʻtkazish, oʻquv jarayoni sifatini yaxshilashga yoʻnaltirilgan maqsadli innovatsion loyihalarni ishlab chiqish va amalga oshirish;
oʻquv jarayoniga masofaviy taʼlim texnologiyalarini keng joriy etish, elektron taʼlim resurslarini ishlab chiqish va tatbiq qilish;
xorijiy mamlakatlarning yetakchi taʼlim tashkilotlari, ilmiy-tadqiqot markazlari va biznes hamjamiyatlari bilan taʼlim hamda ilm-fan sohalarida uzoq muddatli hamkorlikni mustahkamlash va rivojlantirish.
4. Belgilansinki, Filial:
BDKI ustavi va BDKI tomonidan tasdiqlangan Filial toʻgʻrisidagi nizom asosida faoliyat yuritadi;
BDKIning yuridik shaxs maqomiga ega boʻlgan alohida tarkibiy boʻlinmasi — oliy taʼlim muassasasi hisoblanadi;
taʼlim faoliyatini 2021/2022 oʻquv yilidan boshlab amalga oshiradi;
kadrlarga boʻlgan ehtiyojlarni inobatga olgan holda oliy taʼlimning sifatiga qoʻyiladigan talablarga mos taʼlim dasturlari asosida Rossiya Federatsiyasi oliy taʼlim federal davlat taʼlim standartlariga muvofiq, barcha darajadagi mutaxassisliklar va yoʻnalishlar boʻyicha kadrlar tayyorlashni amalga oshiradi;
taʼlim jarayonini Kinematografiya agentligi bilan kelishgan holda BDKI tomonidan tasdiqlanadigan oʻquv reja va dasturlar asosida rus tilida olib boradi, shu bilan birga unda oʻzbek tili va Oʻzbekiston tarixi oʻqitiladi;
taʼlim faoliyatini kunduzgi, sirtqi taʼlim shaklida hamda axborot kommunikatsiya texnologiyalarini qoʻllagan holda masofaviy tarzda olib boradi;
abituriyentlarni qabul qilish va bitiruvchilarni attestatsiyadan oʻtkazishni Oliy taʼlim, fan va innovatsiyalar vazirligi hamda Kinematografiya agentligi bilan kelishgan holda BDKI tomonidan belgilangan qoidalar va muddatlarga muvofiq amalga oshiradi;
bitiruvchilariga Oʻzbekiston Respublikasida oliy maʼlumot sifatida tan olinadigan Rossiya Federatsiyasi davlat namunasidagi BDKI diplomini beradi;
faoliyatini Oʻzbekiston Respublikasi va Rossiya Federatsiyasi qonunchiligiga muvofiq amalga oshiradi.
5. Maʼlumot uchun qabul qilinsinki, BDKI:
ilgʻor pedagogik va axborot texnologiyalarini oʻquv jarayoniga joriy etadi;
Filial professor-oʻqituvchilarini qayta tayyorlash va ularning malakasini oshirish ishlarini tashkil etadi;
Filialning kutubxona fondini shakllantiradi va uni zamonaviy oʻquv-metodik hamda ilmiy-pedagogik adabiyotlar bilan toʻldirib boradi, shu jumladan BDKI axborot-resurs bazasidan foydalanish imkoniyatini yaratadi.
6. Quyidagilar:
Toshkent shahridagi “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialini tashkil etish boʻyicha Tashkiliy komissiya tarkibi 1-ilovaga muvofiq;
Toshkent shahridagi “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialining Vasiylik kengashi tarkibi 2-ilovaga muvofiq;
Toshkent shahridagi “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialining asosiy taʼlim yoʻnalishlari va mutaxassisliklari roʻyxati 3-ilovaga muvofiq tasdiqlansin.
7. Tashkiliy komissiyaga 2021-yil 20-sentabrgacha quyidagi vazifalar yuklatilsin:
Filialni joylashtirish uchun bino va inshootlarni tartibga solish;
Filial talabalari va oʻqituvchilari uchun talabalar turar joyini tayyorlash;
Filialni joylashtirish va zarur inventarlar, mebellar, zamonaviy oʻquv va laboratoriya jihozlari, kutubxona fondlari, kompyuter texnikasi va boshqalar bilan taʼminlash.
8. Belgilansinki:
Filialga qabul rejasi tegishli kadrlarga boʻlgan ehtiyojni hisobga olgan holda Rossiya Federatsiyasi Madaniyat vazirligi, BDKI hamda Oʻzbekiston Respublikasi Oliy taʼlim, fan va innovatsiyalar vazirligi bilan kelishilgan holda Filialning Vasiylik kengashi qarori bilan tasdiqlanadi;
davlat granti asosida taʼlim olgan Filial bitiruvchilari besh yildan kam boʻlmagan muddatga majburiy ishlab berish sharti bilan kinokompaniyalar, teleradiokompaniyalar yoki kino va televideniye sohasidagi tashkilotlarga taqsimlanadi;
Filialga BDKIdan jalb qilinadigan professor va oʻqituvchilarning xizmat safari va mehnatiga haq toʻlash xarajatlari oʻquv jarayonining ehtiyojlaridan kelib chiqib, tuzilgan shartnomalarga muvofiq amalga oshiriladi;
professor-oʻqituvchilar va boshqa xodimlarning oylik maoshi Oʻzbekiston Respublikasi qonunchiligiga muvofiq belgilanadi;
Filialda oʻqitishning toʻlov-kontrakt miqdori BDKI tomonidan Kinematografiya agentligi va Oliy taʼlim, fan va innovatsiyalar vazirligi bilan kelishilgan holda belgilanadi;
Filialga oʻqituvchilik va ilmiy faoliyat olib borish uchun taklif etiladigan xorijiy professor-oʻqituvchilarning yashash hamda transport xarajatlarini tuziladigan shartnomalar asosida Oʻzbekiston Respublikasi fuqarolari uchun belgilangan tariflarda toʻlashga ruxsat beriladi;
Filialga ajratilgan bino, inshootlar va hududlarni saqlash bilan bogʻliq barcha xarajatlar, shu jumladan kommunal toʻlovlar Filial mablagʻlari hisobidan qoplanadi;
Filialga Davlat budjeti mablagʻlari hisobidan 1 ta yengil avtotransport vositasini sotib olish va saqlash uchun limit ajratiladi.
9. Filial faoliyatini moliyalashtirish quyidagi manbalar hisobidan amalga oshiriladi:
Filialga 2021/2022 oʻquv yilida oʻqishga qabul qilingan talabalar umumiy sonining 50 foizidan, keyingi oʻquv yilidan boshlab 30 foizidan oshmagan holda davlat granti asosida talabalarni oʻqitish uchun Madaniyat vazirligiga ajratiladigan Davlat budjeti mablagʻlari;
talabalarni toʻlov-kontrakt asosida oʻqitishdan tushadigan mablagʻlar;
jismoniy va yuridik shaxslarning homiylik xayriyalari;
xalqaro moliya institutlari va xorijiy tashkilotlarning grantlari;
ijodiy faoliyat subyektlari oʻrtasida tuziladigan fuqarolik huquqiy shartnomalar;
qonunchilik hujjatlari bilan taqiqlanmagan boshqa manbalar.
2021-yilda Filialning joriy saqlash bilan bogʻliq xarajatlari Oʻzbekiston Respublikasi respublika budjetidan birinchi darajali budjet mablagʻlarini taqsimlovchi sifatida Madaniyat vazirligiga ajratilgan mablagʻlar doirasida amalga oshiriladi va 2022-yildan boshlab Davlat budjeti parametrlarida nazarda tutiladi.
10. Filial “Hujjatli va xronikal filmlar kinostudiyasi” DUKning Toshkent shahar, Chilonzor tumani, Chilonzor koʻchasi, 1A-uy manzilida joylashgan bino va inshootlariga tekin foydalanish huquqi asosida joylashtirilsin.
11. Kinematografiya agentligi (F.F. Abduxalikov) Oliy va oʻrta maxsus taʼlim vazirligi (A.H. Toshkulov) hamda BDKI bilan hamkorlikda:
bir oy muddatda Filialning taʼsis hujjatlarini ishlab chiqsin va tasdiqlasin, shuningdek, Filialni belgilangan tartibda davlat roʻyxatidan oʻtkazsin;
Filialning tuzilmasi va shtat jadvalini tasdiqlasin;
oʻquv yili boshlanguniga qadar Filialni tanlov asosida malakali professor-oʻqituvchilar bilan taʼminlasin.
12. Vasiylik Kengashining asosiy vazifalari etib quyidagilar belgilansin:
talabalarning turli shakldagi amaliyotini samarali tashkil etish, Filial bitiruvchilarini ishga joylashtirish, mehnat bozorining keyingi rivojini hisobga olgan holda mutaxassislar va ijodiy kadrlar tayyorlashning istiqbolli yoʻnalishlarini belgilashda koʻmaklashish;
Filial faoliyatining jadal rivojlanishini taʼminlash uchun xayriya, texnik koʻmak mablagʻlarini (grantlarni) va boshqa budjetdan tashqari mablagʻlarni jalb etish;
Filialning moddiy-texnik, oʻquv-metodik bazasini mustahkamlash, uni zamonaviy pavilyon va studiya uskunalari va oʻquv-metodik adabiyotlar bilan jihozlash, ijtimoiy infratuzilmasini yaxshilashga koʻmaklashish;
talabalarni, eng avvalo, yetim va ota-ona qaramogʻidan mahrum boʻlgan bolalarni ijtimoiy himoya qilishni taʼminlash;
iqtidorli talabalarni oʻqitish uchun stipendiyalarni moliyalashtirish;
talabalarning yashash sharoitlarini yaxshilash va talabalar turar joyida boʻsh vaqtlaridan samarali foydalanishini tashkil etish, shuningdek, ularning dam olishlari uchun zarur shart-sharoitlar yaratishga koʻmaklashish;
istiqbolli talabalarni tanlov asosida BDKI va sohaga ixtisoslashgan xorijdagi boshqa yetakchi taʼlim tashkilotlariga stajirovka oʻtashga yuborish uchun tanlab olishni hamda ularga xorijda tahsil olish uchun maxsus stipendiyalar ajratishni tashkil etish.
13. Filial talabalari va xodimlariga Muhammad al-Xorazmiy nomidagi Toshkent axborot texnologiyalari universitetining Media markazidagi mavjud asbob-uskunalardan oʻquv, amaliy, ilmiy-tadqiqot va laboratoriya ishlarida bepul foydalanishga ruxsat berilsin.
14. 2024-yil 1-yanvarga qadar Filialning faoliyatini taʼminlash uchun belgilangan tartibda shakllantiriladigan roʻyxatlar boʻyicha olib kiriladigan, Oʻzbekiston Respublikasida ishlab chiqarilmaydigan oʻquv va ilmiy-laboratoriya jihozlari, kompyuter texnikasi, dasturiy mahsulotlar, oʻquv va ilmiy-uslubiy adabiyotlar, inventarlar va moddiy-texnik resurslar bojxona bojidan ozod etilsin.
15. Kinematografiya agentligi (F.F. Abduxalikov) manfaatdor vazirlik va idoralar bilan birgalikda ikki oy muddatda qonunchilikka mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini samarali tashkil qilishga masʼul va shaxsiy javobgar etib Kinematografiya agentligi bosh direktori F.F. Abduxalikov hamda oliy va oʻrta maxsus taʼlim vaziri A.H. Toshkulov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari A.A. Abduxakimov hamda Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Amalga oshirilayotgan chora-tadbirlar natijadorligi yuzasidan 2022-yil 1-aprelga qadar Oʻzbekiston Respublikasi Prezidentiga axborot kiritilsin.
Oʻzbekiston Respublikasi Prezidentining 2021-yil 28-avgustdagi PQ-5238-son qaroriga 1-ILOVA
Toshkent shahrida “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialini tashkil etish boʻyicha tashkiliy komissiya
A.A. Abduxakimov — Bosh vazir oʻrinbosari — turizm va sport vaziri, tashkiliy komissiya raisi F.F. Abduxalikov — Kinematografiya agentligi bosh direktori, tashkiliy komissiya raisi oʻrinbosari O.A. Nazarbekov — madaniyat vaziri B.I. Zakirov — qurilish vaziri A.H. Toshkulov — oliy va oʻrta maxsus taʼlim vaziri I.I. Norqulov — iqtisodiy taraqqiyot va kambagʻallikni qisqartirish vazirining birinchi oʻrinbosari F.U. Davrukov — Toshkent shahar hokimining oʻrinbosari A.D. Xadjayev — Oʻzbekiston Milliy teleradiokompaniyasi raisi M.A. Madjidov — Vazirlar Mahkamasi bosh mutaxassisi, tashkiliy komissiya kotibi
Oʻzbekiston Respublikasi Prezidentining 2021-yil 28-avgustdagi PQ-5238-son qaroriga 2-ILOVA
Toshkent shahridagi “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialining Vasiylik kengashi
A.B. Tadjixanov — madaniyat vazirining birinchi oʻrinbosari, Vasiylik kengashi raisi A.V. Malishev — Rossiya Federatsiyasi madaniyat vaziri oʻrinbosari, Vasiylik kengashi hamraisi (kelishuvga muvofiq) Sh.T. Rizayev — Kinematografiya agentligi direktori v.b. Sh.X. Daliyev — oliy taʼlim, fan va innovatsiyalar vazirining birinchi oʻrinbosari F.E. Boqiyev — maktabgacha va maktab taʼlimi vaziri oʻrinbosari M.Yu. Jurayev — kambagʻallikni qisqartirish va bandlik vazirining birinchi oʻrinbosari A.A. Joʻraboyev — Oʻzbekiston milliy teleradiokompaniyasi raisi Sh.R. Rajabbayev — innovatsion rivojlanish agentligi direktori S.Sh. Tadjiyev — Toshkent shahar hokimining oʻrinbosari B.X. Maxmadaliyev — Oʻzbekiston Kasaba uyushmalari federatsiyasi kengashi raisi oʻrinbosari V.S. Malishev — “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi rektori vazifasini bajaruvchi (kelishuvga muvofiq) I.M. Meliqoʻziyev — Toshkent shahridagi “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialining direktori, Vasiylik kengashi kotibi
Oʻzbekiston Respublikasi Prezidentining 2021-yil 28-avgustdagi PQ-5238-son qaroriga 3-ILOVA
Toshkent shahridagi “S.A. Gerasimov nomidagi Butunrossiya davlat kinematografiya instituti” federal davlat budjeti oliy taʼlim muassasasi filialining asosiy taʼlim yoʻnalishlari va mutaxassisliklari
1. Dramaturgiya.
2. Prodyuserlik (turlari boʻyicha).
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 28-avgust,
PQ-5238-son
Президента Республики Узбекистан
Постановление
СОСТАВ
СОСТАВ
ПЕРЕЧЕНЬ
Об организации деятельности филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте
В целях дальнейшего совершенствования системы подготовки высококвалифицированных творческих кадров для сферы кинематографии, расширения сотрудничества с ведущими высшими образовательными организациями развитых зарубежных стран, удовлетворения потребностей образовательных учреждений в творческих кадрах с высшим образованием:
1. Принять к сведению, что 19 октября 2018 года между Правительством Республики Узбекистан и Правительством Российской Федерации подписано Соглашение «О создании и функционировании филиалов образовательных организаций высшего образования Российской Федерации в Республике Узбекистан».
2. Согласиться с предложением Агентства кинематографии, Министерства высшего и среднего специального образования и Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» (Российская Федерация) (далее — ВГИК) о создании филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте (далее — Филиал).
3. Определить основными направлениями деятельности Филиала:
подготовку высококвалифицированных творческих кадров в сфере высшего образования в соответствии с Федеральными государственными образовательными стандартами высшего образования Российской Федерации с учетом потребностей кинокомпаний и киностудий в высококвалифицированных кадрах;
разработку и внедрение на практике современных образовательных программ, методов обучения, внедрение в учебный процесс передовых педагогических и информационных технологий, а также новейших достижений науки, развитие педагогического потенциала;
проведение исследований в области киноискусства, разработку и реализацию целевых инновационных проектов, направленных на улучшение качества учебного процесса;
широкое внедрение дистанционных образовательных технологий в учебный процесс, разработку и применение электронных образовательных ресурсов;
укрепление и развитие долгосрочного сотрудничества с ведущими образовательными организациям, научно-исследовательскими центрами и бизнес-сообществами зарубежных стран в сферах образования и науки.
4. Установить, что Филиал:
действует на основании Устава ВГИК и Положения о Филиале, утвержденного ВГИК;
является высшим образовательным учреждением — обособленным структурным подразделением ВГИК со статусом юридического лица;
осуществляет образовательную деятельность начиная с 2021/2022 учебного года;
осуществляет подготовку кадров по специальностям и направлениям всех уровней на основе образовательных программ, соответствующих требованиям, предъявляемым к качеству высшего образования, в соответствии с Федеральными государственными образовательными стандартами высшего образования Российской Федерации, с учетом потребностей в кадрах;
ведет образовательный процесс на русском языке на основе учебных планов и программ, утверждаемых ВГИК по согласованию с Агентством кинематографии, с изучением узбекского языка и истории Узбекистана;
ведет образовательную деятельность по очной и заочной формам обучения, а также в дистанционной форме с применением информационно-коммуникационных технологий;
осуществляет прием абитуриентов и проводит аттестацию выпускников в соответствии с правилами и сроками, установленными ВГИК по согласованию с Министерством высшего образования, науки и инноваций и Агентством кинематографии;
выдает выпускникам диплом ВГИК государственного образца Российской Федерации, признаваемый документом о высшем образовании в Республике Узбекистан;
осуществляет свою деятельность в соответствии с законодательствами Республики Узбекистан и Российской Федерации.
5. Принять к сведению, что ВГИК:
внедряет в учебный процесс передовые педагогические и информационные технологии;
организует работу по переподготовке и повышению квалификации профессоров-преподавателей Филиала;
формирует библиотечный фонд Филиала, пополняет его современной учебно-методической и научно-педагогической литературой, в том числе предоставляет возможность доступа к информационно-ресурсной базе ВГИК.
6. Утвердить:
состав Организационной комиссии по созданию филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте согласно приложению № 1 ;
состав Попечительского совета филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте согласно приложению № 2 ;
перечень основных направлений образования и специальностей филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте согласно приложению № 3 .
7. Возложить на Организационную комиссию в срок до 20 сентября 2021 года задачи по:
благоустройству зданий и сооружений, в которых размещается Филиал;
подготовке мест проживания студентов для проживания студентов и преподавателей Филиала;
размещению Филиала и его обеспечению необходимым инвентарем, мебелью, современным учебным и лабораторным оборудованием, библиотечными фондами, компьютерной техникой и другим.
8. Установить, что:
план приема в Филиал утверждается решением Попечительского совета Филиала по согласованию с Министерством культуры Российской Федерации, ВГИК и Министерством высшего образования, науки и инноваций Республики Узбекистан с учетом потребности в соответствующих кадрах;
выпускники Филиала, обучавшиеся на основе государственного гранта, распределяются в кинокомпании, телерадиокомпании или организации в сфере кино и телевидения с условием обязательной отработки на срок не менее пяти лет;
расходы на служебные командировки и оплату труда профессоров и преподавателей, привлекаемых в Филиал из ВГИК, производятся в соответствии с заключенными договорами, исходя из потребности учебного процесса;
заработная плата профессоров-преподавателей и других сотрудников устанавливается в соответствии с законодательством Республики Узбекистан;
стоимость платного контракта за обучение в Филиале устанавливается ВГИК по согласованию с Агентством кинематографии, Министерством высшего образования, науки и инноваций;
расходы на проживание и транспортные расходы зарубежных профессоров-преподавателей, приглашаемых в Филиал для осуществления педагогической и научной деятельности, разрешается оплачивать на основе заключаемых договоров по тарифам, установленным для граждан Республики Узбекистан;
все расходы, связанные с содержанием выделенных Филиалу зданий, сооружений и территорий, включая коммунальные платежи, покрываются за счет средств Филиала;
Филиалу выделяется лимит на приобретение и содержание 1 единицы легкового автотранспортного средства за счет средств Государственного бюджета.
9. Финансирование деятельности Филиала осуществляется за счет следующих источников:
средств Государственного бюджета, выделяемых Министерству культуры для обучения студентов на основе государственного гранта, но не более 50 процентов общего числа студентов, принятых на учебу в Филиал в 2021/2022 учебном году, не более 30 процентов — начиная со следующего учебного года;
средств, поступающих от обучения студентов на платно-контрактной основе;
благотворительных пожертвований физических и юридических лиц;
грантов международных финансовых институтов и зарубежных организаций;
гражданско-правовых договоров, заключаемых между субъектами творческой деятельности;
других источников, не запрещенных актами законодательства.
Расходы, связанные с текущим содержанием Филиала, в 2021 году производятся в рамках средств, выделенных Министерству культуры из республиканского бюджета Республики Узбекистан в качестве распределителя бюджетных средств первого уровня, с 2022 года — предусматриваются в параметрах Государственного бюджета.
10. Разместить Филиал в зданиях и сооружениях ГУП «Киностудия документальных и хроникальных фильмов», расположенных по адресу: город Ташкент, Чиланзарский район, улица Чиланзарская, 1А, на основе права безвозмездного пользования.
11. Агентству кинематографии (Ф.Ф. Абдухаликов) совместно с Министерством высшего и среднего специального образования (А.Х. Тошкулов) и ВГИК:
в месячный срок разработать и утвердить учредительные документы Филиала, а также провести государственную регистрацию Филиала в установленном порядке;
утвердить структуру и штатное расписание Филиала;
до начала учебного года укомплектовать Филиал квалифицированным профессорами и преподавателями на конкурсной основе.
12. Определить основными задачами Попечительского совета:
оказание содействия в определении приоритетных направлений подготовки специалистов и творческих кадров с учетом эффективной организации практики студентов в различных формах, трудоустройства выпускников Филиала, дальнейшего развития рынка труда;
привлечение благотворительных средств, средств технического содействия (грантов) и других внебюджетных средств для обеспечения ускоренного развития деятельности Филиала;
оказание содействия в укреплении материально-технической, учебно-методической базы Филиала, его оснащении современными павильонами и студийным оборудованием, учебно-методической литературой, улучшении социальной инфраструктуры;
обеспечение социальной защиты студентов, прежде всего детей-сирот и детей, оставшихся без попечения родителей;
финансирование стипендий на обучение одаренных студентов;
оказание содействия в улучшении жилищных условий студентов и организации эффективного использования свободного времени в местах проживания студентов, а также создании необходимых условий для их отдыха;
организацию отбора перспективных студентов для направления на стажировку в ВГИК и другие профильные ведущие образовательные организации за рубежом на конкурсной основе, а также выделения специальных стипендий для их обучения за рубежом.
13. Разрешить студентам и работникам Филиала бесплатно пользоваться оборудованием, имеющимся в медиацентре Ташкентского университета информационных технологий имени Мухаммада аль Хорезми, в учебной, практической, научно-исследовательской и лабораторной работах.
14. Освободить на срок до 1 января 2024 года от таможенной пошлины учебное и научно-лабораторное оборудование, компьютерную технику, программные продукты, учебную и научно-методическую литературу, инвентарь и материально-технические ресурсы, не производимые в Республике Узбекистан, ввозимые для обеспечения деятельности Филиала по перечням, формируемым в установленном порядке.
15. Агентству кинематографии (Ф.Ф. Абдухаликов) совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
16. Возложить на генерального директора Агентства кинематографии Ф.Ф. Абдухаликова и министра высшего и среднего специального образования А.Х. Тошкулова персональную ответственность за эффективную организацию исполнения настоящего постановления.
Обсуждение хода исполнения настоящего постановления, а также осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан А.А. Абдухакимова и советника Президента Республики Узбекистан А.А. Абдувахитова.
О результативности осуществляемых мер информировать Президента Республики Узбекистан до 1 апреля 2022 года.
ПРИЛОЖЕНИЕ № 1 к постановлению Президента Республики Узбекистан от 28 августа 2021 года № ПП-5238
Организационной комиссии по созданию филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте
А.А. Абдухакимов — заместитель Премьер-министра — министр туризма и спорта, председатель Организационной комиссии Ф.Ф. Абдухаликов — генеральный директор Агентства кинематографии, заместитель председателя Организационной комиссии О.А. Назарбеков — министр культуры Б.И. Закиров — министр строительства А.Х. Тошкулов — министр высшего и среднего специального образования И.И. Норкулов — первый заместитель министра экономического развития и сокращения бедности Ф.У. Давруков — заместитель хокима города Ташкента А.Д. Хаджаев — председатель Национальной телерадиокомпании Узбекистана М.А. Маджидов — главный специалист Кабинета Министров, секретарь О рганизационной комиссии
ПРИЛОЖЕНИЕ № 2 к постановлению Президента Республики Узбекистан от 28 августа 2021 года № ПП-5238
Попечительского совета филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте
А.Б. Таджиханов — первый заместитель министра культуры, председатель Попечительского совета А.В. Малышев — заместитель министра культуры Российской Федерации, сопредседатель Попечительского совета (по согласованию) Ш.Т. Ризаев — и.о.директора Агентства кинематографии Ш.Х. Далиев — первый заместитель министра высшего образования, науки и инноваций Ф.Э. Бокиев — заместитель министра дошкольного и школьного образования М.Ю. Жураев — первый заместитель министра занятости и сокращения бедности А.А. Журабоев — председатель Национальной телерадиокомпании Узбекистана Ш.Р. Ражаббаев — директор Агентства инновационного развития С.Ш. Таджиев — заместитель хокима города Ташкента Б.Х. Махмадалиев — заместитель председателя Совета Федерации профсоюзов Узбекистана В.С. Малышев — и.о. ректора Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» (по согласованию) И.М. Меликузиев — директор филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте, секретарь Попечительского совета
ПРИЛОЖЕНИЕ № 3 к постановлению Президента Республики Узбекистан от 28 августа 2021 года № ПП-5238
основных направлений образования и специальностей филиала Федерального государственного бюджетного образовательного учреждения высшего образования «Всероссийский государственный институт кинематографии имени С.А. Герасимова» в городе Ташкенте
1. Драматургия.
2. Продюсерство (по видам).
Президент Республики Узбекистан Ш. МИРЗИЁЕВ
г. Ташкент,
28 августа 2021 г.,
№ ПП-5238