UzbekAI

Ўзбекистон Республикаси Вазирлар Маҳкамасининг

қарори

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

НАМУНАВИЙ НИЗОМ

РЎЙХАТИ

Маҳаллий ижроия ҳокимияти органлари раҳбарлари ўринбосарларининг функционал вазифалари тўғрисидаги намунавий низомларни тасдиқлаш ҳақида

Маҳаллий ижроия ҳокимияти органлари раҳбарлари ўринбосарларининг функционал вазифаларини белгилаш мақсадида Вазирлар Маҳкамаси қарор қилади.

2. Қуйидагиларни назарда тутувчи Вилоятлар ва Тошкент шаҳар ҳокимлари ўринбосарларининг функционал вазифалари тўғрисидаги намунавий низомлар 1 — 8-иловаларга мувофиқ тасдиқлансин:

ҳоким ўринбосарларининг асосий вазифалари;

ҳоким ўринбосарларининг зиммасига юкланган асосий вазифалардан келиб чиқадиган, улар амалга оширадиган функциялар;

ҳоким ўринбосарларининг ҳуқуқлари, шахсий масъулияти ва жавобгарлиги;

ҳоким ўринбосарларининг фаолиятини ташкил этиш.

3. Вилоятлар ва Тошкент шаҳар ҳокимликлари:

2021 йил 10 сентябрга қадар мазкур қарор билан тасдиқланган намунавий низомлар асосида ҳар бир ҳоким ўринбосарининг функционал вазифалари тўғрисидаги низомларни тасдиқласин;

2021 йил 1 октябрга қадар ҳокимнинг маслаҳатчилари, маҳаллий саноатни ривожлантириш масалалари бўйича ёрдамчиси, туман (шаҳар)лар ҳокимлари ҳамда уларнинг ўринбосарларининг функционал вазифалари тўғрисидаги низомларни ишлаб чиқсин ва тасдиқласин.

Белгилансинки, вилоятлар ва Тошкент шаҳар ҳокимликларининг алоҳида йўналишлар бўйича ташкил этилган ўринбосарларининг функционал вазифалари тўғрисидаги низомлар Вазирлар Маҳкамаси билан келишилган ҳолда тегишлича вилоятлар ва Тошкент шаҳар ҳокимлари томонидан тасдиқланади.

4. Қорақалпоғистон Республикаси Вазирлар Кенгаши 2021 йил 10 сентябрга қадар ушбу қарорда белгиланган талабларга мувофиқ Қорақалпоғистон Республикаси Вазирлар Кенгаши Раиси ўринбосарларининг функционал вазифалари тўғрисидаги низомларни ишлаб чиқсин ва тасдиқласин.

6. Мазкур қарорнинг бажарилишини, шу жумладан энг муҳим самарадорлик кўрсаткичларини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари зиммасига юклансин.

Вазирлар Маҳкамасининг 2021 йил 28 августдаги 548-сон қарорига 1-ИЛОВА

Ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосарининг функционал вазифалари тўғрисида

1-боб. Умумий қоидалар

2. Вилоятлар ва Тошкент шаҳар ҳокимларининг биринчи ўринбосари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ҳукуматнинг ҳужжатларига, тегишли халқ депутатлари Кенгаши қарорларига, вилоятлар ва Тошкент шаҳар ҳокимларининг қарорлари ва фармойишларига, шунингдек, ушбу Намунавий низомга амал қилади.

3. Вилоятлар ва Тошкент шаҳар ҳокимларининг биринчи ўринбосари ўзига бириктирилган тармоқ ва соҳалардаги фаолиятининг самарадорлиги ва натижадорлиги, ўз фаолиятида Ўзбекистон Республикаси Президенти ҳамда Вазирлар Маҳкамасининг ҳужжатлари ва топшириқларининг тўлиқ ва сифатли бажарилишини ташкил этиш учун Ўзбекистон Республикасининг Президенти олдида шахсан жавобгар ҳамда тегишли халқ депутатлари Кенгаши олдида ҳисобдордир.

4. Вилоятлар ва Тошкент шаҳар ҳокимларининг биринчи ўринбосари тегишлича вилоятлар ва Тошкент шаҳар ҳокимларига бўйсунади.

Вилоятлар ва Тошкент шаҳар ҳокимлари биринчи ўринбосарининг ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларни ҳал қилиш бўйича фаолияти Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири томонидан мувофиқлаштирилади.

6. Вилоятлар ва Тошкент шаҳар ҳокимларининг биринчи ўринбосари туман ва шаҳар ҳокимининг иқтисодиёт ва тадбиркорлик масалалари бўйича биринчи ўринбосарлари фаолиятини мувофиқлаштиради.

7. Вилоятлар ва Тошкент шаҳар ҳокимларининг биринчи ўринбосари илмий ва педагогик фаолиятдан ташқари ҳақ тўланадиган бошқа турдаги фаолият билан шуғулланиши мумкин эмас.

2-боб. Вилоятлар ва Тошкент шаҳар ҳокимлари биринчи ўринбосарининг асосий вазифалари ва функциялари

8. Қуйидагилар вилоятлар ва Тошкент шаҳар ҳокимлари биринчи ўринбосарининг асосий вазифалари ҳисобланади:

ҳудудларнинг комплекс иқтисодий-ижтимоий ривожланишини таъминлаш;

ҳудудларда «маҳаллабай» ишлаш тизимини амалиётга жорий этиш ва оилавий тадбиркорликни ривожлантириш;

ҳудуднинг белгиланган асосий макроиқтисодий кўрсаткичларга эришишини таъминлаш;

иқтисодиёт ва тадбиркорлик масалалари бўйича тегишли вазирликлар, идоралар ва тижорат банкларининг ҳудудий тузилмалари иш фаолиятини мувофиқлаштириш;

солиқ-бюджет сиёсатига қатъий риоя этилишини таъминлаш, маҳаллий бюджетларнинг даромад базасини мустаҳкамлаш, «хуфиёна иқтисодиёт»ни камайтириш чораларини кўриш;

хусусийлаштирилган корхоналарга кўмаклашиш, ҳудудда бўш турган ва қурилиши тугалланмаган объектлардан самарали фойдаланишни таъминлаш;

ишлаб чиқариш ва меҳнат ресурсларини оқилона жойлаштириш чора-тадбирларини ишлаб чиқиш;

кичик бизнес ва хусусий тадбиркорликни ривожлантириш;

аҳолининг турмуш даражасини ва сифатини ошириш ҳамда уларнинг тўлов қобилиятини мустаҳкамлаш.

9. Вилоятлар ва Тошкент шаҳар ҳокимларининг биринчи ўринбосари ўз зиммасига юкланган вазифаларни бажариш учун қуйидаги функцияларни амалга оширади:

а) ҳудудларнинг комплекс иқтисодий-ижтимоий ривожланишини таъминлаш соҳасида:

Ўзбекистон Республикаси қонунларида, Ўзбекистон Республикаси Президенти ва Вазирлар Маҳкамаси ҳужжатларида белгиланадиган иқтисодий, ижтимоий ва тадбиркорлик соҳасининг энг муҳим устувор вазифаларига мувофиқ ҳудудни иқтисодий ва ижтимоий ривожлантиришнинг ўта муҳим ва устувор йўналишлари бўйича яқин, ўрта ва узоқ муддатли истиқболга мўлжалланган концепциялар, давлат дастурлари лойиҳалари, ҳудудни комплекс ривожлантириш дастурлари ҳамда «йўл хариталари»нинг тайёрланишини ташкил этади ва ижросини таъминлайди;

республика миқёсида ишлаб чиқилган ва тасдиқланган мақсадли дастурлар ижросини таъминлаш чораларини кўради;

иқтисодий ислоҳотларни чуқурлаштириш, ҳудуд иқтисодиёти ва ижтимоий соҳасини комплекс ривожлантириш дастурларининг молиявий манбаларини аниқлаган ҳолда маҳаллий бюджет параметрлари билан узвий боғлиқ тарзда ишлаб чиқиш ва сўзсиз амалга оширишни таъминлайди;

ҳудудни ижтимоий-иқтисодий ривожлантиришни таъминлаш борасида тегишли вазирлик, идора ва тижорат банкларининг ҳудудий тузилмалари фаолиятининг аниқ кўрсаткичлари ҳамда мақсадли индикаторларини ишлаб чиқади, натижаларини баҳолаб боради ва уларни яхшилаш чораларини кўради ҳамда раҳбарлари фаолиятини мувофиқлаштиради ва назорат қилади;

барқарор иқтисодий ўсиш суръатларини таъминлаш, тадбиркорлик муҳитини яхшилаш орқали мамлакатда камбағалликни қисқартириш борасида мақбул сиёсатни амалга ошириш тизимини жорий этади;

рақобатбардош маҳсулотлар ишлаб чиқариш учун ишлаб чиқаришни модернизациялаш, таркибий ўзгартириш ва диверсификациялашни амалга ошириш чораларини кўради;

ишлаб чиқарилган маҳсулотларни, нарх конъюнктурасини ўрганади ва таҳлил қилади, янги турдаги маҳсулотларни ўзлаштириш ҳамда улар янги бозорларда сотилишини таъминлаш бўйича комплекс чора-тадбирларни ишлаб чиқади ва амалга оширади;

б) ҳудудларда «маҳаллабай» ишлаш тизимини амалиётга жорий этиш ва оилавий тадбиркорликни ривожлантириш соҳасида:

ҳудудда «маҳаллабай» ишлаш тизимини амалиётга жорий этиш ва оилавий тадбиркорликни ривожлантириш бўйича комплекс тадбирларни амалга оширади;

маҳаллаларнинг «ўсиш нуқталари»ни (ихтисослашув йўналишларини) аниқлаш ва янги тадбиркорлик, шу жумладан «драйвер» лойиҳаларини амалга оширишда ташаббускорларга кўмаклашади ва шу орқали иқтисодий ўсишни таъминлайди;

оилаларнинг даромад манбаларини, шу жумладан томорқа ерларидан фойдаланиш ҳамда даромадли меҳнатга бўлган интилиши ва эҳтиёжларини «хонадонбай» ўрганади;

банд бўлмаган аҳолининг, айниқса ишсиз ёшлар ва хотин-қизларнинг муаммоларини ўрганиш орқали, уларни касб-ҳунар ва тадбиркорликка ўргатувчи курсларга йўналтириш ва меҳнат фаолияти билан шуғулланиш борасида амалий кўмаклашади;

ёшларнинг тадбиркорлик ташаббуслари, стартап лойиҳалари ва ғояларини янада қўллаб-қувватлашга қаратилган кредитлар ажратилишида кўмаклашиш;

мавжуд имкониятларни (бўш турган бинолар, фойдаланилмаётган ер майдонлари, норуда фойдали қазилмалар ва бандликнинг анъанавий соҳалари) ўрганиш ва улардан самарали фойдаланиш орқали жойларда тадбиркорлик, инвестициявий ва рақобат муҳитини яхшилаш чораларини кўради;

банкларнинг самарадорлик ва даромадлилик тамойилларидан келиб чиқиб, тадбиркорларга сифатли хизмат кўрсатиш, маслаҳат бериш ва бизнес-режаларни тайёрлаш учун банкнинг қуйи бўғин ходимларини тўлиқ қайта тайёрлаш орқали мижозга йўналтирилган хизмат кўрсатиш («мижозбай» ишлаш) тизимини такомиллаштириш юзасидан комплекс тадбирларни амалга оширади;

жойларда тадбиркорлик фаолиятини амалга ошириш учун тўсиқ бўлаётган (қурилиш учун рухсат бериш, турли хил фаолиятлар учун лицензия олиш, бўш бино ва ер майдонларини тадбиркорлик учун ажратиш, коммуникация тизимларига уланиш) муаммоларни тезкорлик билан ҳал этади;

маҳаллаларда тадбиркорлик, инвестициявий ва рақобат муҳитини яхшилаш ҳамда «драйвер» лойиҳаларни амалга ошириш бўйича ҳар бир секторлар ҳузурида сектор раҳбарлари бошчилигида ташкил этилган бошқарув офислари ва доимий вакилларнинг фаолиятини мувофиқлаштириб боради;

в) ҳудудларнинг белгиланган асосий макроиқтисодий кўрсаткичларига эришишини таъминлаш соҳасида:

ҳудуднинг макроиқтисодий кўрсаткичларини, шу жумладан ялпи ҳудудий маҳсулот, саноат, инвестиция, хизмат кўрсатиш, чакана савдо айланмаси, экспорт, инфляция, бандлик, маҳаллий бюджетнинг ҳар йилги прогноз параметрлари асосланган ҳолда ишлаб чиқилишини таъминлайди;

ишлаб чиқилган макроиқтисодий кўрсаткичларнинг самарали ижросини ташкил қилади;

дебитор-кредитор қарздорликлар юзага келишининг олдини олиш юзасидан тизимли ишларни амалга оширади, қарздорликни бартараф қилишнинг самарали усулларини жорий этади;

г) иқтисодиёт ва тадбиркорлик масалалари бўйича тегишли вазирликлар, идоралар ва тижорат банкларининг ҳудудий тузилмалари иш фаолиятини мувофиқлаштириш соҳасида:

тегишли вазирликлар, идоралар ва тижорат банкларининг ҳудудий тузилмалари фаолиятини доимий назорат ва таҳлил қилади, улар фаолияти самарадорлигини ошириш бўйича тегишли чораларни белгилайди ва ижросини таъминлаш чораларини кўради;

банк тизими ва молиявий инфратузилмани янада ислоҳ қилиш, умумий қабул қилинган халқаро нормалар, стандартлар ҳамда баҳолаш кўрсаткичларига мувофиқ уларнинг барқарорлигини ошириш ва янада юқори даражага чиқишини таъминлайдиган чора-тадбирларни амалга ошириш ишларини мувофиқлаштиради;

аҳолини тадбиркорликка фаол жалб қилиш мақсадида улар билан тижорат банкларининг ҳудудий тузилмалари ўртасида тизимли мулоқот ўрнатиш учун ҳар бир хонадонга комплекс банк ва молиявий хизматларни таклиф қилиш орқали имтиёзли кредитлаш дастурларини ишлаб чиқиш ва сўзсиз амалга ошириш чораларини кўради;

молиявий ва суғурта хизматларининг ҳажмлари, турларини кенгайтириш ҳамда сифатини оширишга қаратилган дастурий чора-тадбирлар амалга оширилишини комплекс таҳлил қилади;

д) солиқ-бюджет сиёсатига қатъий риоя этилишини таъминлаш, маҳаллий бюджетларнинг даромад базасини мустаҳкамлаш, «хуфиёна иқтисодиёт»ни камайтириш чораларини кўриш соҳасида:

ҳудудлар бўйича республика бюджети ва маҳаллий бюджетга белгиланган солиқ тушумлари бўйича прогноз кўрсаткичлари бажарилишини таъминлайди;

«хуфиёна иқтисодиёт»ни қисқартириш, ноқонуний тадбиркорлик билан шуғулланаётган фуқароларни ҳамда хусусий секторда норасмий бандликни легаллаштириш орқали бюджет тушумларини ошириш чораларини кўради;

ҳудуднинг табиий-географик, ижтимоий-иқтисодий хусусиятларидан келиб чиқиб бюджет тушумларини кўпайтириш йўналишларини ишлаб чиқиш, бюджетга қўшимча тушум тушириш манбаларини излаб топиш чораларини кўради;

тегишли бюджет лойиҳасини ишлаб чиқиш ва уни ижро этиш жараёнини ташкил этади ҳамда мувофиқлаштириб боради;

вилоятлар ва Тошкент шаҳар маҳаллий бюджетлари, туманлар ва шаҳарлар бюджетлари лойиҳалари тегишлича халқ депутатлари Кенгашларига кўриб чиқиш ва қабул қилиш учун тақдим этилишини таъминлайди;

Давлат бюджетига ва давлат мақсадли жамғармалари бюджетларига тушумлар тўлиқ ва ўз вақтида тушиши, бюджет маблағларининг мақсадли сарфланиши устидан назоратни ташкил этади;

қонун ҳужжатларида белгиланадиган алоҳида солиқлар бўйича белгиланган ставкаларга пасайтирувчи ва ошиб борувчи коэффициентларни киритиш тўғрисида ҳудудларнинг фаолиятни амалга ошириш жойининг хусусиятларини инобатга олган ҳолда қарорлар тайёрлайди ва қабул қилиш чораларини кўради;

е) хусусийлаштирилган корхоналарга кўмаклашиш, ҳудудда бўш турган ва қурилиши тугалланмаган объектлардан самарали фойдаланишни таъминлаш соҳасида:

ҳудуддаги бўш турган ва қурилиши тугалланмаган объектларни хатловдан ўтказиш, улардан самарали фойдаланиш, инвестиция ва ижтимоий мажбуриятлар олиш шарти билан инвестиция лойиҳаларини амалга ошириш бўйича таклифлар ишлаб чиқади;

хусусийлаштириш жараёнларини бошқариш самарадорлигини ошириш, инвесторлар, жумладан, хорижий инвесторлар томонидан қабул қилинган инвестиция ва ижтимоий мажбуриятлар бажарилиши бўйича мониторинг олиб бориш ва хусусийлаштирилган корхоналарга кўмаклашиш соҳасида таклифлар тайёрлайди;

ҳудуддаги давлат иштирокидаги корхоналарда корпоратив бошқарувнинг замонавий усуллари жорий этилишини, ушбу корхоналар фаолиятининг самарадорлиги учун уларни бошқариш органлари масъулиятини оширишни таъминлайди;

хорижий ва халқаро институтлар ҳамда компаниялар билан биргаликда давлат иштирокидаги корхоналарни хусусийлаштиришга тайёрлаш, шу жумладан уларнинг жозибадорлигини ҳамда бошқариш сифатини оширишни назарда тутувчи самарали механизмларини ўрганиш ва жорий қилишга қаратилган доимий ишлар юритилишини таъминлайди;

ҳудудда жойлашган давлат иштирокидаги корхоналарнинг устав капиталидаги давлат улушини босқичма-босқич камайтириш ишларини мувофиқлаштиради, самарали ва ошкора хусусийлаштиришни таъминлайди;

ж) ишлаб чиқариш ва меҳнат ресурсларини оқилона жойлаштириш чора-тадбирларини ишлаб чиқиш соҳасида:

ҳудудда янги иш ўринлари ташкил этиш, аҳоли бандлигини ошириш ҳудудий дастури ишлаб чиқилишини таъминлаш, аҳолининг турмуши сифати ва фаровонлиги даражасини янада ошириш дастурларини шакллантиради, шунингдек, меҳнатни муҳофаза қилиш ва ходимлар меҳнат ҳуқуқларини ҳимоя қилиш тизимларини кучайтириш чораларини кўради;

демографик омиллар ва иқтисодиётни ривожлантириш истиқболларини ҳисобга олган ҳолда ишга жойлаштиришнинг илғор шаклларини жорий этишга йўналтирилган аҳоли бандлигини таъминлашнинг ҳудудий дастурларини шакллантириш, пенсионерлар, ногирон шахслар ва аҳолининг бошқа ижтимоий ночор гуруҳларини ижтимоий қўллаб-қувватлашга доир манзилли дастурлар ва самарали тадбирларни ишлаб чиқиш борасида маҳаллий ижроия ҳокимияти органлари ишини мувофиқлаштиради;

бандлик, меҳнат ва аҳолини ижтимоий ҳимоя қилиш тизимини мустаҳкамлаш, моддий рағбатлантириш механизмларини ва меҳнатни муҳофаза қилиш шароитларини яхшилаш соҳасидаги қонунчиликни такомиллаштиришга йўналтирилган мақсадли дастурлар, қабул қилинган қонунлар, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президенти ва Вазирлар Маҳкамасининг қарорлари амалга оширилишини назорат қилади;

з) кичик бизнес ва хусусий тадбиркорликни ривожлантириш ва қўллаб-қувватлаш соҳасида:

қулай ишбилармонлик муҳитини шакллантириш, янги корхоналар, шу жумладан кичик бизнес ва хусусий тадбиркорлик корхоналарини ташкил этиш, ишламаётган корхоналар фаолиятини тиклаш дастурларини ишлаб чиқади ва амалга оширади;

кичик бизнес ва хусусий тадбиркорлик субъектларининг ҳуқуқларини ҳимоя қилиш ҳамда улар фаолияти эркинлигининг кафолатларини таъминлаш чораларини кўради;

кичик бизнес ва хусусий тадбиркорлик субъектлари иш юритиши учун уларни тегишли ресурслар билан таъминлаш чораларини кўриш, уларнинг банк кредитларини олиш, энергия тармоқларига уланиш ва бошқа шу каби муаммолари ечими юзасидан чоралар белгилайди ва ижросини доимий назорат қилиб боради;

чакана ва улгуржи савдони, хизматлар кўрсатиш соҳасини ташкил этиш тизимини такомиллаштириш, аҳолини истеъмол товарлари ва хизматлар билан таъминлаш чораларини кўради;

«ягона дарча» тамойили бўйича тадбиркорлик субъектларига давлат хизматлари кўрсатувчи ваколатли органларнинг фаолиятини, шунингдек, давлат органлари билан тадбиркорлик субъектлари ўртасидаги ўзаро муносабатларнинг бевосита алоқасиз шаклларини жорий этишнинг ҳолатини таҳлил қилиб боради;

давлат-хусусий шериклик асосида тадбиркорлик субъектлари билан биргаликда иқтисодий, ижтимоий ва инфратузилмавий вазифаларни ҳал этиш чораларини кўради;

тадбиркорликни қўллаб-қувватлаш юзасидан кўрилаётган чора-тадбирларнинг самарадорлиги тўғрисидаги материалларни оммавий ахборот воситаларида эълон қилиш йўли билан тадбиркорлик субъектлари орасида ахборот ва тушунтириш ишларини ташкил этади;

и) аҳолининг турмуш даражасини ва сифатини ошириш ҳамда уларнинг тўлов қобилиятини мустаҳкамлаш соҳасида:

жисмоний ва юридик шахсларнинг мурожаатлари белгиланган тартибда кўриб чиқилишини таъминлайди, уларда қайд қилинган муаммолар ҳал этилиши юзасидан тегишли чораларни белгилайди;

нафақалар, аҳолининг реал даромадларини барқарор ошириш манбаларини яратиш чораларини кўради;

замонавий банк ва молия инфратузилмасини яратиш ҳисобига тўловларни ўз вақтида амалга оширишнинг янги механизми ва тизимини жорий қилади;

янги иш ўринларини яратиш ва аҳолининг турли қатламлари бандлиги масалаларини ҳал этиш орқали уларнинг турмуш даражасини ва сифатини ошириш чораларини кўради.

Шунингдек, вилоятлар ва Тошкент шаҳар ҳокимларининг биринчи ўринбосари қуйидаги қўшимча функцияларни амалга оширади:

Ўзбекистон Республикаси қонунлари, Ўзбекистон Республикаси Президенти ҳамда Ҳукуматнинг ҳужжатлари ва топшириқлари бажарилиши юзасидан таъсирчан назоратни таъминлайди;

иқтисодиёт ва тадбиркорлик йўналишларида ислоҳотларни таъминлаш борасида амалга оширилаётган ишлар самарадорлигини таҳлил қилиб боради, уларнинг натижалари бўйича таҳлилий материаллар тайёрланиши ва ҳокимлик йиғилишларида муҳокама қилиб борилишини тизимли асосда таъминлайди;

ҳудудда бўш турган ва қурилиши тугалланмаган объектлардан самарали фойдаланиш, уларга инвестицияларни кенг жалб этган ҳолда давлат иштирокидаги корхоналарнинг устав капиталидаги давлат улушини босқичма-босқич камайтириш чораларини кўради;

туман ва шаҳар ҳокимларининг биринчи ўринбосарларига юкланган вазифалар ва функцияларнинг самарали ва натижали бажарилиши учун уларнинг шахсий масъулияти ва жавобгарлигини ошириш чораларини кўради ҳамда йил якунлари бўйича уларнинг фаолиятини баҳолаб боради;

тегишли комиссияларга (кенгашлар, гуруҳлар) самарали раҳбарлик қилади, комиссиялар (кенгашлар) фаолиятини ташкил этади ва қарорларининг бажарилиши устидан назоратни таъминлайди;

белгиланган тартибда ўзларига юкланган бошқа функцияларни амалга оширади.

3-боб. Вилоятлар ва Тошкент шаҳар ҳокимлари биринчи ўринбосарининг ҳуқуқлари ва жавобгарлиги

10. Вилоятлар ва Тошкент шаҳар ҳокимларининг биринчи ўринбосари ўзига юкланган вазифалар ва функцияларни бажариш учун қуйидаги ҳуқуқларга эга:

ҳудудни иқтисодий, ижтимоий ва тадбиркорлик соҳасида комплекс ривожлантириш бўйича қарорлар, дастурлар ва «йўл хариталари»ни ишлаб чиқиш, ижросини ташкил этиш;

ҳудуднинг макроиқтисодий кўрсаткичларини, шу жумладан маҳаллий бюджетнинг ҳар йилги прогноз параметрларини ишлаб чиқиш, ижросини доимий таҳлил қилиб бориш, мавжуд муаммоларни ҳал этиш юзасидан тезкор чоралар кўриш;

иқтисодиёт ва тадбиркорлик масалалари бўйича тегишли вазирликлар, идоралар ва тижорат банкларининг ҳудудий тузилмалари фаолиятини доимий назорат ва таҳлил қилиш;

вазирликлар, идоралар ва тижорат банкларининг ҳудудий тузилмалари, туман ва шаҳарлар ҳокимликларининг иқтисодий-ижтимоий ҳамда тадбиркорликни ривожлантириш борасида амалга оширилаётган ишлар самарадорлиги бўйича ҳисоботларини муҳокама қилиш;

Давлат бюджетига ва давлат мақсадли жамғармалари бюджетларига тушумлар тўлиқ ва ўз вақтида тушиши, бюджет маблағларининг мақсадли сарфланиши устидан назоратни амалга ошириш борасида тегишли идоралар фаолиятини мувофиқлаштириш;

қулай ишбилармонлик муҳитини шакллантириш, кичик бизнес ва хусусий тадбиркорлик субъектларининг ҳуқуқларини ҳимоя қилиш ҳамда улар фаолияти эркинлигининг кафолатларини таъминлаш юзасидан зарур чораларни кўриш;

кичик бизнес ва хусусий тадбиркорлик субъектлари иш юритиши учун тегишли ресурслар билан таъминлаш чораларини кўриш, уларнинг ўз фаолиятини бошлашлари учун белгиланган тартибда банк кредитларини олиш, электр энергияси тармоқларига уланиш ва бошқа шу каби муаммоларини ҳал этиш юзасидан чоралар белгилаш ва ижросини назорат қилиш.

11. Вилоятлар ва Тошкент шаҳар ҳокимларининг биринчи ўринбосари ушбу Намунавий низомнинг 8 ва 9-бандларида ўзларига юкланган вазифалар ва функцияларнинг тегишли равишда ва самарали бажарилиши учун шахсан жавобгардирлар.

Вилоятлар ва Тошкент шаҳар ҳокимларининг биринчи ўринбосари Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони , «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ҳамда « Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон қарорлари шунингдек, Вазирлар Маҳкамасининг 1999 йил 12 январдаги «Ижро интизомини мустаҳкамлаш чора-тадбирлари тўғрисида»ги 12-сон қарорига мувофиқ ижро интизомига сўзсиз риоя этилишини таъминлаш учун жавоб беради.

4-боб. Вилоятлар ва Тошкент шаҳар ҳокимлари биринчи ўринбосарлари фаолиятини ташкил этиш

12. Вилоятлар ва Тошкент шаҳар ҳокимларининг биринчи ўринбосарлари ишлари Ўзбекистон Республикасининг «Маҳаллий давлат ҳокимияти тўғрисида»ги Қонунига , Ўзбекистон Республикаси Президентининг ва Вазирлар Маҳкамасининг қарорларига, шунингдек, ушбу Намунавий низомга мувофиқ, вилоятлар ва Тошкент шаҳар ҳокимларининг чораклик ва ярим йиллик иш режалари асосида ташкил этилади.

Ушбу иш режалари асосида вилоятлар ва Тошкент шаҳар ҳокимлари биринчи ўринбосарларининг ойлик шахсий иш режалари ишлаб чиқилади ҳамда вилоятлар ва Тошкент шаҳар ҳокимлари томонидан тасдиқланади.

13. Вилоятлар ва Тошкент шаҳар ҳокимлари биринчи ўринбосарларининг ҳисоботи вилоятлар ва Тошкент шаҳар ҳокимларининг тезкор йиғилишларида ҳар ҳафтада эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан вилоятлар ва Тошкент шаҳар ҳокимларининг биринчи ўринбосарларининг тегишли ҳисоботлари халқ депутатлари Кенгаши мажлисида эшитилади.

15. Вилоятлар ва Тошкент шаҳар ҳокимларининг биринчи ўринбосарлари фаолиятини таъминлаш котибият томонидан амалга оширилади.

Вилоятлар ва Тошкент шаҳар ҳокимларининг биринчи ўринбосарлари томонидан фаолияти мувофиқлаштириб бориладиган давлат органлари ва ташкилотларининг ҳудудий бўлинмалари

1. Иқтисодий тараққиёт ва камбағалликни қисқартириш бош бошқармаси.

2. Молия бош бошқармаси.

3. Ғазначилик бошқармаси.

5. Бандлик бош бошқармаси.

6. Давлат солиқ бошқармаси.

7. Божхона бошқармаси

8. Статистика бошқармаси.

9. Монополияга қарши курашиш қўмитасининг ҳудудий бошқармаси.

10. Давлат активларини бошқариш агентлигининг ҳудудий бошқармаси.

11. Давлат молиявий назорат бошқармаси.

12. «Ўзбекистон республика товар хом ашё биржаси» АЖ ҳудудий филиали.

13. Ташқи меҳнат миграцияси агентлиги ҳудудий филиали.

14. Ҳокимлик ҳузуридаги «Янги иш ўринлари ташкил этишни рағбатлантириш» ҳудудий жамғармаси.

15. Кадастр агентлигининг ҳамда Агентлик ҳузуридаги Давлат кадастрлари палатаси ҳудудий бошқармалари.

16. Давлат улушига эга бўлган барча тижорат банкларининг ҳудудий тузилмалари.

17. Бошқа тижорат банкларининг ҳудудий тузилмалари — банк тизими барқарорлигини таъминлаш, ислоҳ қилиш, хорижий кредитлар ва қарзларга хизмат кўрсатиш масалалари юзасидан.

18. Вазирликлар ва идоралар, хўжалик бирлашмалари, корхоналар ва бошқа ташкилотларнинг ҳудудий бўлинмалари — иқтисодий ислоҳотларни амалга ошириш масалалари юзасидан.

Вилоятлар ва Тошкент шаҳар ҳокимларининг биринчи ўринбосарлари томонидан ўзаро ҳамкорлиги таъминланадиган ташкилотларнинг ҳудудий бўлинмалари

1. Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг ҳудудда фаолият кўрсатувчи девони ходимлари.

2. Марказий банк вилоят бош бошқармаси.

3. Савдо-саноат палатаси ҳудудий бошқармаси.

4. Ўзбекистон Республикаси Бош вазирининг ҳудудлардаги Тадбиркорлар мурожаатларини кўриб чиқиш қабулхоналари.

5. Суғурта ташкилотларининг ҳудудий филиаллари.

6. Ўзбекистон истеъмолчилар ҳуқуқларини ҳимоя қилиш жамиятлари Федерацияси ҳудудий бирлашмаси.

7. Бозорлар ва савдо комплекслари уюшмаси.

Вазирлар Маҳкамасининг 2021 йил 28 августдаги 548-сон қарорига 2-ИЛОВА

Ҳокимнинг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосарининг функционал вазифалари тўғрисида

1-боб. Умумий қоидалар

1. Ушбу Намунавий низом Ўзбекистон Республикасининг «Маҳаллий давлат ҳокимияти тўғрисида»ги Қонунига , Ўзбекистон Республикаси Президентининг ва Вазирлар Маҳкамасининг ҳужжатларига, шунингдек, бошқа норматив-ҳуқуқий ҳужжатларга мувофиқ вилоятлар ҳокимларининг, қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари, Тошкент вилояти ҳокимининг шаҳарлар инфратузилмасини ривожлантириш, ободонлаштириш ва коммунал хўжалик масалалари бўйича биринчи ўринбосари, Тошкент шаҳар ҳокимининг қурилиш, коммуникацияларни ривожлантириш, экология ва кўкаламзорлаштириш масалалари бўйича биринчи ўринбосари лавозими, Тошкент шаҳар ҳокимининг ўринбосари — Уй-жой коммунал хизмат кўрсатиш бош бошқармаси бошлиғи ҳамда Тошкент шаҳар ҳокими ўринбосари — Тошкент шаҳар каналлардан фойдаланиш ва уларга туташ ҳудудларни ободонлаштириш бошқармаси бошлиғи (кейинги ўринларда — вилоятлар ва Тошкент шаҳар ҳокимларининг ўринбосари)нинг вазифалари, функциялари, ҳуқуқлари, шахсий масъулияти, ваколати ва жавобгарлигини белгилайди.

2. Вилоятлар ва Тошкент шаҳар ҳокимларининг ўринбосари ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг ва Ҳукуматининг ҳужжатларига, тегишли халқ депутатлари Кенгаши қарорларига, вилоят ва Тошкент шаҳар ҳокимларининг қарор ва фармойишларига, шунингдек, ушбу Намунавий низомга амал қилади.

3. Вилоятлар ва Тошкент шаҳар ҳокимларининг ўринбосари ўзига бириктирилган тармоқ ва соҳалардаги фаолиятининг самарадорлиги ва натижадорлиги, ўз фаолиятида Ўзбекистон Республикаси Президенти ҳамда Вазирлар Маҳкамасининг ҳужжатлари ва топшириқларининг тўлиқ ва сифатли бажарилишини ташкил этиш учун Ўзбекистон Республикасининг Президенти олдида шахсан жавобгар ҳамда тегишли халқ депутатлари Кенгаши олдида ҳисобдордир.

4. Вилоятлар ва Тошкент шаҳар ҳокимларининг ўринбосари тегишлича вилоятлар ва Тошкент шаҳар ҳокимларига бўйсунади.

Вилоятлар ва Тошкент шаҳар ҳокимларининг ўринбосари ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларни ҳал қилиш бўйича фаолияти Ўзбекистон Республикаси Бош вазирининг биринчи ўринбосари томонидан мувофиқлаштирилади.

6. Вилоятлар ва Тошкент шаҳар ҳокимларининг ўринбосари тегишли туман ва шаҳар ҳокимининг, қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосарлари фаолиятини мувофиқлаштиради.

7. Вилоятлар ва Тошкент шаҳар ҳокимларининг ўринбосари ўз ваколати даврида илмий ва педагогик фаолиятдан ташқари ҳақ тўланадиган бошқа турдаги фаолият билан шуғулланиши мумкин эмас.

2-боб. Вилоятлар ва Тошкент шаҳар ҳокимлари ўринбосарининг асосий вазифалари ва функциялари

8. Қуйидагилар вилоятлар ва Тошкент шаҳар ҳокимлари ўринбосарининг асосий вазифалари ҳисобланади:

капитал қурилиш соҳасини жадал ривожлантириш, ижтимоий соҳа, уй-жой ва инфратузилма объектларини қуриш ишларининг сифатини янги даражага кўтариш;

«Обод қишлоқ» ва «Обод маҳалла» дастурлари доирасида ҳар бир ҳудуднинг ўзига хослиги ва хусусиятларини ҳисобга олган ҳолда шаҳар, туман, қишлоқ ва маҳаллаларни комплекс ҳамда жадал ривожлантириш;

замонавий ахборот-коммуникация технологияларини кенг жорий этиш, электрон давлат хизматларидан фойдаланиш имконини яратиш учун телекоммуникация тармоқлари ва ахборот тизимлари, шунингдек, почта алоқаси ва архив объектларининг самарали фаолиятини ташкил этиш;

транспорт ва транспорт коммуникациялари соҳасини ривожлантириш, ташишларнинг юқори даражадаги хавфсизлигини таъминлаш;

аҳолининг сифатли коммунал хизматлар билан қамраб олинишини тубдан яхшилаш, кўп квартирали уй-жой фондидан фойдаланиш тизимини такомиллаштириш, ҳудуднинг санитария ва экологик вазиятини яхшилаш;

давлат чегараларини делимитация, демаркация ва редемаркация қилиш ва чегарабўйи муаммоларини ҳал қилиш ҳамда аҳолини ва ҳудудларни тошқинлар, сел оқимлари, қор кўчиш ва ер кўчки ҳодисалари билан боғлиқ фавқулодда вазиятлардан муҳофаза қилиш.

9. Вилоятлар ва Тошкент шаҳар ҳокимларининг ўринбосари ўз зиммасига юкланган вазифаларни бажариш учун қуйидаги функцияларни амалга оширади:

а) капитал қурилиш индустрияси соҳасини жадал ривожлантириш, ижтимоий соҳа, уй-жой ва инфратузилма объектлари қуриш ишларининг сифатини янги даражага кўтариш соҳасида:

Ўзбекистон Республикасининг Шаҳарсозлик кодексига мувофиқ амалга ошириладиган шаҳарсозлик фаолияти, шунингдек, капитал қурилиш ва пудрат ишлари соҳасида ислоҳотлар ва сиёсатнинг амалга оширилишини тизимли ҳамда комплекс ўрганишни ташкил этади;

шаҳарсозлик фаолиятида ва капитал қурилишда, шунингдек, муҳим объектлар, шу жумладан ижтимоий соҳа, уй-жой ва инфратузилма объектлари қурилишида пудрат ишларини ташкил этиш соҳасида мониторингни таъминлайди, мавжуд муаммоларни аниқлаб, уларни ҳал этиш чораларини кўради;

Ижтимоий ва инфратузилмани ривожлантириш дастурига киритилган лойиҳалар (объектлар) бўйича лойиҳа-смета ҳужжатларини ўз вақтида ишлаб чиқиш ва экспертизадан ўтказиш, тендер жараёнларини очиқлик ва шаффофлик тамойиллари асосида ўтказиш ҳамда молиялаштиришни ўз вақтида очиш ишларини ташкил қилади;

Ижтимоий ва инфратузилмани ривожлантириш дастурига киритилган лойиҳалар (объектлар) доирасида бюджет маблағларидан самарали ва мақсадли фойдаланишни ташкил қилади;

ҳар йили қабул қилинадиган Ижтимоий ва инфратузилмани ривожлантириш дастурлари лойиҳаларини шакллантириш жараёнида ҳудуддаги мавжуд ҳолатни тўғри ва тўлиқ таҳлил қилган ҳолда, ваколатли органларга асосланган таклифлар киритиб боради;

Инвестиция дастури лойиҳасини шакллантириш жараёнида йирик инвестиция лойиҳаларини керакли инфратузилма объектлари билан таъминланганлик даражасини Инвестициялар ва ташқи савдо вазирлигининг ҳудудий бошқармалари билан биргаликда таҳлил қилиб, асосланган таклифлар ишлаб чиқишда қатнашади;

шаҳарларда ва қишлоқ жойларда намунавий лойиҳалар бўйича уй-жой қуриш дастурий ҳужжатларини амалга ошириш ишларини мувофиқлаштиради;

йирик ихтисослаштирилган қурилиш-пудрат ташкилотларини шакллантириш дастурини амалга ошириш, пудрат ва лойиҳа ташкилотларининг моддий-техника базасини такомиллаштириш ҳамда қурилиш-пудрат ташкилотларининг реестрини юритиш ишларини мувофиқлаштиради;

ҳудудий давлат органлари ва ташкилотлари томонидан шаҳарсозлик тўғрисидаги қонун ҳужжатларига, шаҳарсозлик нормалари ва қоидаларига, ҳоким ўринбосари ваколатига кирувчи масалалар бўйича ҳукумат комиссиялари ва кенгашлар қарорларига риоя этилишини назорат қилади;

ваколатли давлат органларини жалб қилган ҳолда, объектларнинг лойиҳа-смета ҳужжатларини сифатли тайёрлаш ва аҳоли пунктларининг шаҳарсозлик ҳужжатларини ишлаб чиқишга доир лойиҳа-қидирув ташкилотлари фаолиятининг мониторинги олиб борилишини ва назорат қилинишини ташкил этади;

объектларни қуриш, реконструкция қилиш ва мукаммал таъмирлашда техник шартлар ва регламентларга риоя этилиши, буюртмачилар (қурувчилар) томонидан лойиҳалаштириш, қурилиш сифати юзасидан техник назорат, шунингдек, муаллифлик назоратининг амалга оширилиши ҳолатини ўрганади;

қурилиш-монтаж ишлари ва зарур архитектура-қурилиш назорати сифати юзасидан қурилиш, реконструкция қилиш ва мукаммал таъмирлаш объектларининг тизимли мониторингини амалга оширади ҳамда натижалари бўйича объектларда қурилиш-таъмирлаш ишларидаги мавжуд қолоқликларни бартараф этиш, қурилиш-таъмирлаш ишларини жадаллаштириш ҳамда объектларни ўз вақтида фойдаланишга топшириш юзасидан чоралар кўради;

қурилишда илғор технологиялар ва замонавий маҳаллий қурилиш материалларидан фойдаланган ҳолда, янги конструктив ечимлар қўлланилишини ўрганади ва таҳлил қилади, қурилишнинг юқори сифатини ва таннархини пасайтиришни таъминлашга йўналтирилган чора-тадбирларнинг самарадорлигини ошириш юзасидан таклифлар киритади;

қурилиш тармоғини жадал ривожлантириш ва диверсификация қилиш учун қулай шарт-шароит яратиш, салоҳиятли хорижий инвесторларни кенг жалб этган ҳолда, қурилиш материалларини ишлаб чиқаришга замонавий илғор, энергиядан самарали фойдаланадиган ва ресурсларни тежайдиган технологияларни жорий этиш, шу асосда тармоқнинг экспорт салоҳиятини ошириш, шундай маҳсулотларни импорт қилишни босқичма-босқич қисқартириш ишларини ташкил этади;

б) «Обод қишлоқ» ва «Обод маҳалла» дастурлари доирасида ҳар бир ҳудуднинг ўзига хослиги ва хусусиятларини ҳисобга олган ҳолда шаҳар, туман, қишлоқ ва маҳаллаларни комплекс ва жадал ривожлантириш соҳасида:

қишлоқ аҳоли пунктларининг меъморий қиёфасини тубдан янгилаш, йўл-транспорт, муҳандислик-коммуникация инфратузилмаси ҳамда ижтимоий соҳа объектларини барпо этиш ва шу асосда аҳолининг турмуш маданиятини юксалтириш ва дунёқарашини кенгайтириш бўйича таклифлар ишлаб чиқади;

«Обод қишлоқ» ва «Обод маҳалла» дастурлари бўйича ҳар йилги тасдиқланадиган асосий параметрларнинг ўз вақтида ва сифатли ижросини таъминлаш юзасидан аниқ чоралар белгилайди;

в) замонавий ахборот-коммуникация технологияларини кенг жорий этиш, электрон давлат хизматларидан фойдаланиш имконини яратиш учун телекоммуникация тармоқлари ва ахборот тизимлари, шунингдек, почта алоқаси ва архив объектларининг самарали фаолиятини ташкил этиш соҳасида:

Ўзбекистон Республикасининг « Телекоммуникациялар тўғрисида »ги ва « Почта алоқаси тўғрисида »ги қонунларига мувофиқ аҳоли масканлари, бинолар ва иншоотларни лойиҳалаштириш ҳамда ривожлантиришда белгиланган нормативларга мувофиқ телекоммуникация воситалари ва почта алоқаси объектларини жойлаштириш назарда тутилишини таъминлайди, телекоммуникация тармоқлари ва почта алоқаси объектларида рўй берган ҳодисалар оқибатларини бартараф этишда кўмаклашади;

иқтисодиёт тармоқлари ва давлат бошқаруви тизимига замонавий ахборот технологияларини кенг жорий этиш ва телекоммуникация тармоқларини кенгайтириш орқали республика иқтисодиётининг рақобатбардошлигини янада оширади;

«Хавфсиз шаҳар» лойиҳасини жорий этиш доирасида тизимни муҳандислик-коммуникация инфратузилмаси билан таъминлаш ва ривожлантириш учун зарур шарт-шароитлар яратади;

Ўзбекистон Республикасининг «Архив иши тўғрисида»ги Қонунига мувофиқ давлат ва идоравий архивлар ҳужжатларининг сақланиши учун тегишли даражадаги шарт-шароитларни таъминлаш, уларнинг ҳолати бўйича давлат назоратини амалга ошириш чораларини кўради ва архивларни молиялаштириш миқдорини аниқлайди;

г) транспорт ва транспорт коммуникациялари соҳасини ривожлантириш, ташишларнинг юқори даражадаги хавфсизлигини таъминлаш соҳасида:

транспорт ва транспорт коммуникациялари соҳасида ислоҳотларнинг амалга оширилиши тизимли ва комплекс ўрганилишини ташкил этади;

транспорт ва транспорт коммуникациялари соҳасининг фаолияти масалаларида давлат органлари, маҳаллий ижроия ҳокимияти органлари, бошқа органлар ва ташкилотларнинг ўзаро ҳамкорлигини таъминлайди;

рақобат муҳитини шакллантириш, соҳага давлат-хусусий шериклик тамойилларини жорий этиш, транспорт хизматлари бозоридан тенг фойдаланилишини таъминлаш юзасидан таклифлар ишлаб чиқади;

транспорт ва транспорт коммуникациялари соҳасидаги корхоналарда корпоратив бошқарувнинг замонавий усулларини жорий этиш, ишлаб чиқариш, инвестиция, моддий-техника, молиявий ва меҳнат ресурсларидан фойдаланиш самарадорлигини оширишни ташкил этади;

транспорт ва транспорт коммуникациялари соҳасида ёқилғи-энергетика ресурсларини тежашга доир ташкилий-техник тадбирлар ва энергия сарфини камайтириш тармоқ дастурини ишлаб чиқиш ва амалга ошириш ишларини мувофиқлаштиради;

хўжаликлараро қишлоқ автомобиль йўлларини, шаҳарларнинг, шаҳар посёлкаларининг, қишлоқларнинг ва овулларнинг кўчаларини ривожлантириш ҳудудий дастурларини махсус ваколатли орган билан келишган ҳолда ишлаб чиқади ҳамда амалга оширади;

шаҳарларнинг, шаҳар посёлкаларининг, қишлоқлар ва овулларнинг транспорт инфратузилмасини ривожлантириш дастурларини махсус ваколатли орган билан келишган ҳолда ишлаб чиқади ва амалга оширади;

хўжаликлараро қишлоқ автомобиль йўлларини, шаҳарларнинг, шаҳар посёлкаларининг, қишлоқларнинг ва овулларнинг кўчаларини жорий таъмирлаш, сақлаш (шу жумладан, ёритиш тизимларини ўрнатиш), ободонлаштиришни ташкил этади ҳамда ҳисобини юритади;

шаҳарларнинг, шаҳар посёлкаларининг, хўжаликлараро қишлоқ автомобиль йўлларининг, қишлоқлар ва овулларнинг йўл-транспорт ва йўл бўйи инфратузилмасини ривожлантиришни давлат-хусусий шериклик тамойиллари асосида амалга оширади;

д) аҳолининг сифатли коммунал хизматлар билан қамраб олинишини тубдан яхшилаш, кўп квартирали уй-жой фондидан фойдаланиш тизимини такомиллаштириш, ҳудуднинг санитария ва экологик вазиятини яхшилаш соҳасида:

коммунал хўжалиги соҳасида ислоҳотларнинг амалга оширилишини тизимли ва комплекс ўрганишни ташкил этади;

коммунал хизмат кўрсатиш соҳасига хорижий инвестициялар ва инновацион ғоялар, технологияларни жалб этиш ҳамда коммунал хизмат кўрсатиш ташкилотларини давлат-хусусий шериклик асосида ишончли бошқарувга бериш учун шарт-шароитлар яратади;

аҳоли пунктларини ривожлантириш схемаларига ва бош режаларига мувофиқ сув таъминоти, канализация объектларини ривожлантириш, модернизациялаш ва реконструкция қилишга доир дастурий ҳужжатларни ишлаб чиқиш ва амалга ошириш ишларини мувофиқлаштиради;

ҳудуддаги давлат ва хўжалик бошқарувининг тегишли органлари билан биргаликда уй-жой коммунал хўжалиги объектларини замонавий ҳисобга олиш асбоблари билан жиҳозлашни, қурилиш-монтаж ишлари таннархини пасайтиришни таъминловчи замонавий ва сифатли маҳаллий қурилиш материалларини кенг қўллашни назарда тутувчи амалий механизмлар ҳамда чора-тадбирларни ишлаб чиқади;

сув таъминоти, канализация, иссиқлик таъминоти объектларини қуриш давлат дастурларини амалга ошириш, хусусий уй-жой мулкдорлари ширкатлари фаолиятини такомиллаштириш, кўп квартирали, шу жумладан эскирган ва авария ҳолатидаги уй-жойлар ҳолатини хатловдан ўтказиш ишларини мувофиқлаштиради;

кўп квартирали уй-жойларнинг туташ ҳудудларини ободонлаштириш, кўп квартирали уй-жой фондини сақлаш, улардан фойдаланиш, кўп квартирали уйлардан техник жиҳатдан фойдаланиш қоидалари талабларига риоя этилишини назорат қилади;

иссиқлик таъминоти тизимларини ривожлантириш, ҳудудларни ободонлаштиришга доир дастурий ҳужжатларнинг сифатли бажарилишини назорат қилади, ушбу соҳа ташкилотларининг фаолияти мувофиқлаштирилиши ва бошқарилишини таъминлайди;

уй-жой коммунал соҳа учун кадрлар тайёрлаш, хорижда ўқув стажировкалари ташкил этишни ҳисобга олган ҳолда, кадрларни қайта тайёрлаш ва уларнинг малакасини ошириш, замонавий ахборот-коммуникация технологияларини, дастурий маҳсулотларни, идоравий ахборот тизимлари ва маълумотлар базасини жорий этиш юзасидан таклифлар киритади;

Ўзбекистон Республикасининг «Экологик назорат тўғрисида»ги Қонунини амалга ошириш доирасида табиий ресурсларни асраб-авайлаш ва улардан оқилона фойдаланиш юзасидан экологик назорат соҳасидаги махсус ваколатли давлат органлари, давлат органлари, маҳаллий ижроия ҳокимияти органлари, тадбиркорлик субъектлари ва бошқа ташкилотларнинг фуқароларнинг ўзини ўзи бошқариш органлари, нодавлат нотижорат ташкилотлари ва фуқаролар билан ўзаро ҳамкорлигини мувофиқлаштиради;

чиқиндилар билан ишлаш тизимини такомиллаштириш, ҳудудда санитария ва экологик вазиятни яхшилаш, чиқиндиларнинг фуқаролар ҳаёти ва саломатлигига, атроф-муҳитга зарарли таъсирининг олдини олиш, чиқиндилар ҳосил бўлишини қисқартириш ва хўжалик фаолиятига жалб этилишини таъминлаш бўйича комплекс чора-тадбирларни амалга оширади;

экология ва атроф-муҳитни муҳофаза қилиш тадбирларининг сўзсиз ва сифатли бажарилиши, шунингдек, биологик ресурсларни сақлаш, қайта тиклаш ва улардан оқилона фойдаланишга йўналтирилган узоқ, ўрта ва қисқа муддатли ҳудудий экологик дастурларни ишлаб чиқиш ишларини мувофиқлаштиради;

каналларни санитар тозалашни комплекс ва тубдан яхшилаш, каналларга туташ ҳудудларни санитария, экологик норма ва қоидаларга мувофиқ ободонлаштириш ишларини амалга ошириш ҳамда қирғоқ бўйларида замонавий ландшафт меъморчилиги усулларини қўллаган ҳолда рекреацион ҳудудларни шакллантиради;

е) давлат чегараларини делимитация, демаркация ва редемаркация қилиш ва чегарабўйи муаммоларини ҳал қилиш ҳамда аҳолини ва ҳудудларни тошқинлар, сел оқимлари, қор кўчиш ва ер кўчки ҳодисалари билан боғлиқ фавқулодда вазиятлардан муҳофаза қилиш соҳасида:

Ўзбекистон Республикасининг чегарабўйи ҳудудида юзага келиши мумкин бўлган вазиятнинг ҳар томонлама ва чуқур ўрганилишини ташкил этади, давлат чегарасини муҳандислик-техник жиҳатдан жиҳозлаш билан боғлиқ комплекс чора-тадбирлар ишлаб чиқилиши ва амалга оширилишини таъминлайди;

тошқин сувлари ва сел оқимларини хавфсиз ўтказиш имкониятларини баҳолаш ҳамда дарёлар ўзанларини тозалаш ва қирғоқларини мустаҳкамлаш ишларини амалга ошириш жойини, ҳажмини ва бошқа шарт-шароитларини, сув оқимлари бўйлаб жойлашган сув хўжалиги ва бошқа ижтимоий объектларни қуриш, реконструкция қилиш, таъмирлаш ва тиклаш бўйича устувор ҳимоялаш ишларини белгилайди;

сув оқимлари орқали тошқин сувлари ва сел оқимларининг барқарор ва хавфсиз ўтказилишини таъминлаш бўйича ҳудудий манзилли дастурларни шакллантиради ҳамда уларда белгиланган тадбирларни ўз муддатида ва сифатли бажарилишини таъминлайди.

Шунингдек, вилоятлар ва Тошкент шаҳар ҳокимларининг ўринбосари қуйидаги қўшимча функцияларни амалга оширади:

Ўзбекистон Республикасининг қонунлари, Ўзбекистон Республикаси Президентининг фармонлари, қарорлари, фармойишлари ва топшириқлари, Ҳукумат қарорларининг бажарилиши юзасидан назоратни таъминлайди;

ҳудудни, капитал қурилиш, коммуникациялар ва коммунал хўжалик соҳаларини ривожлантиришнинг ўта муҳим ва устувор йўналишлари бўйича яқин, ўрта ва узоқ муддатли истиқболга мўлжалланган концепциялар, давлат дастурлари ҳамда «йўл хариталари» лойиҳаларининг тайёрланишини ташкил этади ва ижросини таъминлайди;

соҳалар ва йўналишларда амалга оширилаётган ислоҳотларнинг самарадорлигини таҳлил қилиб боради, уларнинг натижалари бўйича таҳлилий материаллар тайёрланиши ва ҳокимлик йиғилишларида муҳокама қилиб борилишини тизимли асосда таъминлайди;

капитал қурилиш, коммуникациялар ва коммунал хўжалик масалалари бўйича тегишли вазирлик, идора, тижорат банклари ҳудудий тузилмаларининг аниқ кўрсаткичлар ҳамда мақсадли индикаторларга эришишга асосланган фаолиятини тизимли баҳолайди;

тегишли вазирлик, идоралар, қўмиталарининг ҳудудий тузилмалари раҳбарлари, туман ва шаҳар ҳокимларининг ўринбосарларига юкланган вазифа ҳамда функциялар самарали ва натижали бажарилиши учун уларнинг масъулиятини ошириш чораларини кўради;

ҳокимнинг топшириқларига биноан ўзига бириктирилган йўналиш бўйича ҳудуд ва тармоқларда ижтимоий-иқтисодий ривожлантириш ҳамда иқтисодий ислоҳотларнинг устувор вазифалари ва дастурлари бажарилишини мувофиқлаштириб боради;

ҳудудда маъмурий ва иқтисодий ислоҳотларнинг ҳолати ва натижадорлигининг тизимли мониторинги олиб борилишини ва маълумотлар банки шакллантирилишини, шунингдек, муаммоли масалаларни ҳал этиш, уларни ривожлантиришнинг истиқболли вазифаларини амалга ошириш бўйича амалий чора-тадбирлар ишлаб чиқилиши ва амалга оширилиши ташкил этилишини таъминлайди;

давлат чегараларини делимитация, демаркация ва редемаркация қилиш масалалари бўйича Ҳукумат делегациясининг йиғилишлари ва тадбирларида иштирок этади;

давлат чегараларини делимитация, демаркация ва редемаркация қилиш, чегарабўйи муаммоларини ҳал қилиш, нолегал миграция, республика ҳудудига товарлар ва контрафакт маҳсулотлар олиб кирилишининг олдини олиш масалалари билан боғлиқ тадбирларни белгиланган тартибда амалга оширади;

туман ва шаҳар ҳокимларининг қурилиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосарларига юкланган вазифа ҳамда функцияларнинг самарали ва натижали бажарилиши учун уларнинг шахсий масъулияти ва жавобгарлигини ошириш чораларини кўради ҳамда йил якуни бўйича уларнинг фаолиятини баҳолаб боради;

тегишли комиссияларга (кенгашлар, гуруҳлар) самарали раҳбарлик қилади, вилоят ва Тошкент шаҳар ҳокими раҳбарлик қиладиган комиссиялар (кенгашлар) фаолиятини ташкил этади ва қарорларининг бажарилиши бўйича назоратни таъминлайди;

белгиланган тартибда ўзига юкланган бошқа функцияларни амалга оширади.

3-боб. Вилоятлар ва Тошкент шаҳар ҳокимлари ўринбосарининг ҳуқуқлари ва жавобгарлиги

10. Вилоятлар ва Тошкент шаҳар ҳокимларининг ўринбосари ўзига юкланган вазифа ва функцияларни бажариш учун қуйидаги ҳуқуқларга эга:

капитал қурилиш, коммуникациялар ва коммунал хўжалик соҳасида ҳудудни комплекс ривожлантириш бўйича қарорлар, дастур ва «йўл хариталари»ни ишлаб чиқиш ва ижросини ташкил этиш;

капитал қурилиш соҳасини жадал ривожлантириш, жумладан, ижтимоий соҳа, уй-жой ва инфратузилма объектларини қуриш ишларини ҳар йилги мақсадли параметрларини ишлаб чиқиш, ижросини таҳлил қилиб бориш, мавжуд муаммолар ечими юзасидан тезкор чоралар кўриш;

капитал қурилиш, коммуникациялар ва коммунал хўжалик масалалари бўйича тегишли вазирлик, идоралар, қўмиталарнинг ҳудудий тузилмалари фаолиятини доимий назорат ва таҳлил қилиш;

вазирлик, идора ва қўмиталарнинг ҳудудий тузилмалари, туман ва шаҳарлар ҳокимликларининг капитал қурилиш, коммуникациялар ва коммунал хўжалигини ривожлантириш борасида амалга оширилаётган ишлар самарадорлиги бўйича ҳисоботларини муҳокама қилиш;

ичимлик суви ва иссиқлик таъминоти, канализация объектларини ривожлантириш, модернизациялаш ва реконструкция қилишга доир дастурий ҳужжатларни ишлаб чиқиш, шунингдек, коммунал соҳа ташкилотларининг молиявий-иқтисодий барқарорлигини таъминлаш ва моддий-техника базасини мустаҳкамлаш ишларини ташкил этиш;

кўп квартирали уй-жой фондидан фойдаланиш тизимини такомиллаштириш, коммунал соҳа ташкилотларини давлат-хусусий шериклик асосида ишончли бошқарувга бериш ҳамда ҳудудда санитария ва экологик вазиятни яхшилаш, чиқиндиларнинг фуқаролар ҳаёти ва саломатлигига, атроф-муҳитга зарарли таъсирининг олдини олиш бўйича ваколати доирасида зарур чораларни кўриш;

шаҳарлар ва қишлоқ жойларда намунавий лойиҳалар асосида уй-жойлар ва кўп қаватли уй-жойлар қурилиши бўйича тасдиқланган дастурлар ижросини таъминлаш, шунингдек, пудрат ва лойиҳа ташкилотларининг моддий-техника базасини такомиллаштириш юзасидан таклифлар киритиш.

11. Вилоятлар ва Тошкент шаҳар ҳокимларининг ўринбосари ушбу Намунавий низомнинг 8 ва 9-бандларида ўзига юкланган вазифа ва функцияларнинг тегишли равишда ҳамда самарали бажарилиши учун шахсан жавобгардирлар.

Вилоятлар ва Тошкент шаҳар ҳокимларининг ўринбосари Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони , «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ҳамда « Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон қарорлари шунингдек, Вазирлар Маҳкамасининг 1999 йил 12 январдаги «Ижро интизомини мустаҳкамлаш чора-тадбирлари тўғрисида»ги 12-сон қарорига мувофиқ ижро интизомига сўзсиз риоя этилишини таъминлаш учун жавоб беради.

4-боб. Вилоятлар ва Тошкент шаҳар ҳокимларининг ўринбосари фаолиятини ташкил этиш

12. Вилоятлар ва Тошкент шаҳар ҳокимлари ўринбосарининг ишлари Ўзбекистон Республикасининг «Маҳаллий давлат ҳокимияти тўғрисида»ги Қонуни , Ўзбекистон Республикаси Президентининг ва Вазирлар Маҳкамасининг қарорлари, шунингдек, ушбу Намунавий низомга мувофиқ, вилоятлар ва Тошкент шаҳар ҳокимларининг чораклик ва ярим йиллик иш режалари асосида ташкил этилади.

Ушбу иш режалар асосида вилоятлар ва Тошкент шаҳар ҳокимлари ўринбосарининг ойлик шахсий иш режалари ишлаб чиқилади ва вилоятлар ва Тошкент шаҳар ҳокимлари томонидан тасдиқланади.

13. Вилоятлар ва Тошкент шаҳар ҳокимлари ўринбосарининг ҳисоботлари вилоятлар ва Тошкент шаҳар ҳокимларининг тезкор йиғилишларида ҳар ҳафта эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан вилоятлар ҳокимлари ўринбосарининг ҳисоботлари тегишли халқ депутатлари Кенгаши мажлисида эшитилади.

15. Вилоятлар ва Тошкент шаҳар ҳокимларининг ўринбосари фаолияти тегишли котибият томонидан таъминланади.

Вилоятлар ва Тошкент шаҳар ҳокимларининг ўринбосари томонидан фаолияти мувофиқлаштириб бориладиган давлат ва органлари ва ташкилотларининг ҳудудий бўлинмалари

1. Қурилиш бош бошқармаси.

2. Уй-жой коммунал хизмат кўрсатиш бошқармаси.

3. «Ягона буюртмачи хизмати» инжиниринг компанияси.

4. Экология ва атроф-муҳитни муҳофаза қилиш бошқармаси.

5. Транспорт бошқармаси.

6. Автомобиль йўллари ҳудудий бошқармаси.

7. Ҳудудий газ таъминоти корхонаси.

8. Ҳудудий ва магистрал электр тармоқлари корхоналари.

9. Ахборот технологиялари ва коммуникацияларини ривожлантириш ҳудудий бошқармаси.

10. «Ўзархив» агентлигининг ҳудудий бошқармаси.

11. Саноат хавфсизлиги қўмитасининг ҳудудий бўлими.

12. Ичимлик суви ва иссиқлик таъминоти ташкилотлари.

13. Ичимлик сувидан фойдаланишни назорат қилиш, Кўп қаватли уй-жой фондидан фойдаланишни назорат қилиш, Йўл-қурилиш ишлари сифатини назорат қилиш, «Ўзнефтгазинспекция», «Ўзэнергоинспекция» инспекциялари, Алоқа, ахборотлаштириш ва телекоммуникация технологиялари соҳасида назорат бўйича давлат инспекциясининг ҳудудий бўлимлари.

14. Вазирлик ва идоралар таркибидаги объектларни қуриш бўйича буюртмачи ташкилотларнинг ҳудудий бўлимлари.

15. «Тоза ҳудуд» ДУК.

16. Вазирликлар ва идоралар, хўжалик бирлашмалари, корхоналар ва бошқа ташкилотларнинг ҳудудий бўлинмалари — саноат, капитал қурилиш, коммуникациялар ва коммунал хўжалик соҳасидаги ислоҳотларни амалга ошириш масалалари юзасидан.

Вилоятлар ва Тошкент шаҳар ҳокимларининг ўринбосари томонидан ўзаро ҳамкорлиги таъминланадиган ташкилотларнинг ҳудудий бўлинмалари

1. «Қишлоқ қурилиш инвест» МЧЖ ИК ҳудудий филиали.

2. «Ўзбектелеком» АК ҳудудий филиали.

3. «Ўзбекистон почтаси» АЖ ҳудудий филиали.

4. «Ўзбекнефтгаз» АЖнинг нефть базалари.

5. Қора ва рангли металлар парчалари, чиқиндиларини тайёрлаш идоралари.

6. «Ўзбеккўмир» АЖнинг кўмир таъминоти омборлари.

7. «Uzbekistan Airports» АЖ ва «Ўзбекистон темир йўллари» АЖларнинг ҳудудий ташкилотлари ва бошқа транспорт корхоналари.

Вазирлар Маҳкамасининг 2021 йил 28 августдаги 548-сон қарорига 3-ИЛОВА

Ҳоким ўринбосари — вилоятлар ва Тошкент шаҳар инвестициялар ва ташқи савдо бошқармаси бошлиқларининг функционал вазифалари тўғрисида

1-боб. Умумий қоидалар

2. Вилоятлар ва Тошкент шаҳар ҳокимининг ўринбосари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ҳукуматнинг ҳужжатларига, тегишли халқ депутатлари Кенгашининг қарорларига, вилоят ва Тошкент шаҳар ҳокимларининг қарорлари ва фармойишларига, шунингдек, ушбу Намунавий низомга амал қилади.

3. Вилоятлар ва Тошкент шаҳар ҳокимининг ўринбосари ўзига бириктирилган тармоқ ва соҳалардаги фаолиятининг самарадорлиги ва натижадорлиги, ўз фаолиятида Ўзбекистон Республикаси Президенти ҳамда Вазирлар Маҳкамасининг ҳужжатлари ва топшириқларининг тўлиқ ва сифатли бажарилишини ташкил этиш учун Ўзбекистон Республикасининг Президенти олдида шахсан жавобгар ҳамда тегишли халқ депутатлари Кенгаши олдида ҳисобдордир.

Вилоятлар ва Тошкент шаҳар ҳокимлари ўринбосарининг ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларни ҳал қилиш бўйича фаолияти Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири томонидан мувофиқлаштирилади.

6. Вилоятлар ва Тошкент шаҳар ҳокимларининг ўринбосари туман ва шаҳар ҳокимининг ўринбосари — инвестициялар ва ташқи савдо бўлими бошлиқлари фаолиятини мувофиқлаштиради.

2-боб. Вилоятлар ва Тошкент шаҳар ҳокимлари ўринбосарининг асосий вазифалари ва функциялари

8. Қуйидагилар вилоятлар ва Тошкент шаҳар ҳокимлари ўринбосарининг асосий вазифалари ҳисобланади:

инвестиция дастурларига киритилган лойиҳаларнинг амалга оширилишини таъминлаш, хорижий инвестицияларни жалб этиш ва самарали ўзлаштириш;

ҳудуднинг экспорт салоҳиятини ошириш, маҳаллий корхоналар маҳсулотларининг экспорт ҳажмлари, номенклатураси ҳамда географиясини кенгайтириш бўйича манзилли дастурларни ишлаб чиқиш ҳамда уларнинг ижросини таъминлаш;

илмий ва илмий-техникавий фаолиятни амалга ошириш, илмий-техникавий ва инновацион ривожланишни таъминлаш;

эркин иқтисодий зоналарни ривожлантириш ҳамда экспортбоп ва импорт ўрнини босувчи маҳсулотлар ишлаб чиқариш учун шарт-шароитлар яратиш;

кичик саноат зоналарининг самарали фаолиятини ташкил этиш, уларда рақобатбардош замонавий ишлаб чиқаришлар ва кичик корхоналарни ривожлантириш.

а) инвестиция дастурларига киритилган лойиҳаларнинг амалга оширилишини таъминлаш, хорижий инвестицияларни жалб этиш ва самарали ўзлаштириш соҳасида:

инвестиция дастурларига киритилган лойиҳаларнинг ўз муддатида ва сифатли амалга оширилишини таъминлайди;

инвестиция фаолияти йўналишида ҳудудда бошқарув тизимини, шу жумладан хорижий инвестицияларни жалб этиш ва ўзлаштириш соҳасида ҳудудда давлат органлари ва ташкилотларининг ҳудудий тузилмалари фаолиятини мувофиқлаштиради, хорижий инвесторларни ҳудуднинг имкониятлари ва салоҳияти тўғрисида хабардор қилиш, хорижий капитал иштирокидаги корхоналарни ривожлантиришни қўллаб-қувватлашга қаратилган ишларни рағбатлантиради;

инвестиция дастурларини, жумладан ҳудудий дастурларни шакллантириш, жалб этилган маблағларни ўзлаштириш соҳасидаги ишларни мувофиқлаштиради;

ҳар ҳафтанинг чоршанба куни ҳудуд бўйича «Инвестиция куни» тадбирларини ўтказиш ишларини ташкил этиш, инвестиция лойиҳаларини амалга ошириш борасидаги ишларни мувофиқлаштириш, салоҳиятли инвесторларни аниқлаш ва улар билан музокаралар ўтказиш, инвесторларнинг муаммоларини ҳал қилиш бўйича тизимли ишларни олиб боради;

инвестиция лойиҳалари амалга оширилишининг тизимли мониторингини олиб бориш, хорижий капитал иштирокидаги корхоналар фаолиятини, инвестор томонидан ўзининг инвестиция мажбуриятлари тўлиқ бажарилишини таҳлил қилиш, хорижий инвестициялар иштирокида инвестиция лойиҳаларининг ўз вақтида ва самарали амалга оширилишига тўсқинлик қилаётган омилларни аниқлаш ҳамда уларни ҳал этиш юзасидан тезкор чоралар кўриш орқали жалб этилаётган хорижий инвестициялардан фойдаланиш самарадорлигини ошириш, инвестиция дастурларини амалга оширишнинг сифат ва самарадорлик мезонларига асосланган баҳолаш тизимини амалда татбиқ этади;

Ўзбекистон Республикасининг хорижий давлатлардаги элчилари ва консуллари билан яқин ҳамкорликда ҳудудда ишлаб чиқариладиган маҳсулотлар, ишлар (хизматлар) экспортини кенгайтириш ва диверсификация қилиш, тўғридан-тўғри хорижий инвестициялар ва илғор технологияларини жалб этиш, ҳудуднинг савдо-иқтисодий, молиявий-инвестициявий ва илмий-техник имкониятларини мустаҳкамлаш чораларини кўради;

хорижий инвестициялар ва кредитларни жалб этиш учун инвестиция таклифларининг ягона базасини шакллантириш ва янгилаш жараёнини мувофиқлаштиришни таъминлаш, шунингдек, Ўзбекистон Республикасида яратилган инвестиция муҳити, шу жумладан инвестиция киритиш жараёнининг асосий тартиб-таомили масалалари, шунингдек, амалга ошириш таклиф этилаётган инвестиция таклифлари тўғрисидаги ахборотни салоҳиятли инвесторлар ва кредиторларга етказади;

хорижий инвестициялар иштирокидаги инвестиция лойиҳалари бўйича лойиҳаолди ва лойиҳа ҳужжатларини ишлаб чиқиш борасида лойиҳа институтлари ҳамда республика ташкилотлари билан самарали ҳамкорликни ташкил этади;

ҳудуднинг ишлаб чиқариш салоҳияти ва инвестицияларга бўлган эҳтиёжи, олдиндан ҳисоб-китоб қилинган аниқ лойиҳалар ҳамда салоҳиятли инвесторлар учун қизиқиш уйғотадиган бошқа ахборот акс эттирилган ҳудуднинг интерфаол инвестиция харитасини ишлаб чиқиш ҳамда унинг фаолиятини таъминлаш ишларини мувофиқлаштиради;

молиялаштиришнинг турли манбалари, шу жумладан тўғридан-тўғри хорижий инвестициялар ҳисобидан ҳудуднинг иқтисодиёт тармоқлари ва ижтимоий соҳасини юксалтириш ҳамда мувозанатли ривожлантириш суръатларининг инвестиция ресурсларига бўлган эҳтиёжлар билан боғлиқлигини таъминлашга доир таклифларни ишлаб чиқади;

инвестиция дастурлари доирасида маблағлар жалб этилиши ҳамда ўзлаштирилиши бўйича белгиланган прогноз параметрларнинг бажарилиши учун тизимли ва қатъий назоратни ташкил қилиш, шунингдек, инвестиция лойиҳаларини амалга ошириш ҳолатини комплекс таҳлил қилиш ҳамда мониторинг давомида аниқланган муаммоларни бартараф этиш юзасидан таклифлар киритади;

ҳудудий инвестиция дастурларига киритилган инвестиция лойиҳалари бўйича маълумотлар базаси яратилишини, юритилишини ҳамда мунтазам янгиланишини таъминлайди;

б) ҳудуднинг экспорт салоҳиятини ошириш, маҳаллий корхоналар маҳсулотларининг экспорт ҳажмлари, номенклатураси ҳамда географиясини кенгайтириш бўйича манзилли дастурларни ишлаб чиқиш ҳамда уларнинг ижросини таъминлаш соҳасида:

ҳудуднинг экспорт салоҳиятини кенгайтириш дастурларини ишлаб чиқиш ва амалга оширилишини таъминлаш, корхоналарнинг, шу жумладан кичик ва хусусий тадбиркорлик субъектларининг экспорт номенклатурасини кенгайтириш ва ҳажмларини ошириш бўйича комплекс чора-тадбирларни амалга оширади;

ҳудудий экспорт штабларининг фаолиятини бошқаради, ҳудудий корхоналарнинг экспорт маҳсулотлари ва экспортчилари бўйича маълумотлар базасининг юритилишини таъминлайди, маҳаллий корхоналарга экспортни ташкил этишда кўмаклашади;

ҳудудий корхоналар экспорт прогнозининг бажарилиши ҳолати бўйича мониторинг олиб бориш, бунинг асосида уларнинг экспорт фаолиятини таҳлил қилиш ва корхоналар экспортини жадаллаштириш ва рағбатлантириш бўйича аниқ таклифлар ишлаб чиқади;

ҳудудий корхоналарнинг ишлаб чиқариш салоҳиятини ўрганиш асосида уларнинг мавжуд экспорт захираларини аниқлаш ва улардан самарали фойдаланишни ташкил этади;

ҳудудий корхоналарга экспорт салоҳиятини ривожлантириш бўйича савдо-саноат кўргазмалари, ярмаркалар, форумлар, тақдимотлар, конференциялар ва бошқа тадбирларда иштирок этишда кўмаклашади, шундай тадбирларни ҳудудда ташкил этади ва ўтказади;

экспорт қилувчи тадбиркорлик субъектларини қўллаб-қувватлаш, тижорат банкларининг экспортолди кредитлари бўйича компенсация тақдим этишни ташкиллаштиради ва мувофиқлаштиради;

в) илмий ва илмий-техник фаолиятни амалга ошириш, илмий-техник ва инновацион ривожланишни таъминлаш соҳасида:

ҳудудда илмий ва илмий-техник фаолиятни амалга ошириш, илмий-техник ва инновацион ривожланишни таъминлаш учун қулай шарт-шароитларни яратади, илм-фан, инновацион фаолият ва ишлаб чиқариш ўртасида интеграцияни кучайтиради;

ҳудудда илм-фан, таълим ва ишлаб чиқариш ўртасида интеграцияни кучайтириш асосида ҳудуднинг илмий салоҳиятини ва инновацион ривожлантиришга қаратилган изчил чора-тадбирларни амалга оширади;

инновацион лойиҳалар-стартапларни ишлаб чиқиш, синовдан ўтказиш ва ўзлаштириш, инновацион фаолият натижаларини трансфер қилиш ва тижоратлаштиришни амалга оширувчи инновацион ғоялар, ишланмалар ва технологиялар марказлари билан ҳамкорликда ҳудудни ижтимоий-иқтисодий ривожлантиришда инновациялар ва илғор юқори технологияларни жорий қилиш учун зарур шарт-шароит яратишга қаратилган изчил чора-тадбирларни ишлаб чиқади ва амалга оширади;

ҳудуднинг барча туманларида инновацион фаолиятни юритиш, янги инновацион технологияларга асосланган маҳсулотларни ишлаб чиқаришни йўлга қўйиш бўйича фаолиятни мувофиқлаштиради;

илм-фан соҳасини ва инновацион ривожлантиришга доир ҳудудий дастурларни ишлаб чиқиш, уларнинг бажарилиши юзасидан назорат ўрнатиш, шунингдек, ҳудудни ижтимоий-иқтисодий ривожлантиришга қаратилган илмий ва инновацион лойиҳаларни амалга ошириш учун зарур инвестицияларни жалб этади;

ҳудудда инновацион инфратузилмани шакллантириш, шу жумладан ихтисослаштирилган илмий-тажриба ташкилотлари, юқори технологиялар марказлари ва технологик парклар фаолиятини самарали йўлга қўйишни таъминлайди;

ёшларни илм-фан ва инновацион фаолиятга жалб қилиш, ёш олимларнинг илмий ва инновацион ишланмаларини ишлаб чиқаришга жорий этиш ва уларни ҳар томонлама қўллаб-қувватлаш бўйича тизимли ишларни олиб боради;

республика олимларининг илмий-амалий ва инновацион лойиҳалари ҳамда ишланмалари учун хўжалик юритувчи субъектларнинг буюртмалари портфелини шакллантиради;

д) эркин иқтисодий зоналарни ривожлантириш ҳамда экспортбоп ва импорт ўрнини босувчи маҳсулотлар ишлаб чиқариш учун шароитлар яратиш соҳасида:

ҳудудда эркин иқтисодий зоналар маъмурий кенгашлари ва дирекцияларининг, жумладан, тўғридан-тўғри хорижий инвестицияларни ва маҳаллий инвесторларни жалб этиш масалаларидаги фаолиятини мувофиқлаштиради ҳамда самарадорлигини таҳлил қилади, эркин иқтисодий зоналарнинг маъмурий кенгашларига ташқи бозорларда талаб бўлган ва импорт ўрнини босувчи юқори қўшилган қийматли маҳсулотлар ишлаб чиқаришни ташкил этишга кўмаклашади;

саноат ва қишлоқ хўжалиги маҳсулотларини чуқур қайта ишлаш соҳасида янги замонавий ишлаб чиқаришларнинг ташкил этилиши, шу жумладан маҳаллий хом ашё ва материаллар негизида юқори технологияли маҳсулотлар ишлаб чиқаришни маҳаллийлаштириш бўйича ҳудуддаги эркин иқтисодий зоналарда жойлаштирилган инвестиция лойиҳаларининг амалга оширилиши мониторинги олиб борилишини ва таҳлил қилинишини ташкил этади;

инвестиция лойиҳаларини таҳлил қилишда, эркин иқтисодий зоналар ҳудудида транспорт, муҳандислик-коммуникация ва ижтимоий инфратузилмани жадал ривожлантиришни ва улардан самарали фойдаланишни таъминлаш бўйича дастурларни ишлаб чиқишда иштирок этади;

эркин иқтисодий зоналарни, ҳудуднинг мавжуд ишлаб чиқариш ва ресурс салоҳиятини ҳисобга олган ҳолда, маҳаллий хом ашё ва материалларни маҳаллийлаштириш жараёнларини чуқурлаштириш ҳамда улардан фойдаланиш асосида уларда юқори технологик маҳсулотлар ишлаб чиқаришни таъминлайдиган лойиҳаларни янада ривожлантириш бўйича таклифлар ва дастурларни шакллантиради;

эркин иқтисодий зоналар ҳудудида лойиҳаларни амалга оширувчи инвесторлар учун янада қулай шарт-шароитлар яратиш, шунингдек, улар томонидан ишлаб чиқариладиган маҳсулотларни экспортга етказиб беришни кўпайтириш мақсадида қонун ҳужжатларини янада такомиллаштиришга доир таклифларни белгиланган тартибда киритади;

е) кичик саноат зоналарининг самарали фаолиятини ташкил этиш, уларда рақобатбардош замонавий ишлаб чиқаришлар ва кичик корхоналарни ривожлантириш соҳасида:

кичик саноат зоналари маъмурий кенгашлари ва дирекцияларининг, жумладан, маҳаллий тадбиркорлик субъектларини жалб этиш масалаларида фаолиятини мувофиқлаштиради ҳамда самарадорлигини таҳлил қилади, кичик саноат зоналарининг маъмурий кенгашларига рақобатбардош замонавий ишлаб чиқаришни ташкил этишда кўмаклашади;

кичик саноат зоналарини ривожлантиришга хорижий инвестицияларни ва маҳаллий инвесторларни жалб этишда кўмаклашади, зарур инфратузилма объектларини ривожлантириш орқали улардан самарали фойдаланишни таъминлайди;

ҳудудлардаги фойдаланилмаётган корхоналар негизида ва бўш турган ер участкаларида ташкил этилган кичик саноат зоналарига жойлаштирилган тадбиркорлик субъектлари томонидан инвестиция мажбуриятларининг бажарилиши мониторинги олиб борилиши ва таҳлил қилинишини ташкил этади;

кичик саноат зоналари ҳудудида транспорт, муҳандислик-коммуникация ва ижтимоий инфратузилмани жадал ривожлантиришни ва улардан самарали фойдаланишни таъминлаш бўйича дастурларни ишлаб чиқишда иштирок этади;

кичик саноат зоналари фаолиятини самарали ташкил этиш, тадбиркорлик субъектларига қулай шарт-шароитлар яратиш мақсадида рақобатбардош маҳсулотлар ишлаб чиқаришни кўпайтириш учун қонун ҳужжатларини янада такомиллаштиришга доир таклифларни белгиланган тартибда киритади;

кичик саноат зоналарининг самарали фаолиятини ташкил этиш, уларда рақобатбардош замонавий ишлаб чиқаришлар ва кичик корхоналарни ривожлантиришни таъминлайди.

инвестиция дастурларини амалга оширишда, жумладан, ҳудудий дастурларни шакллантириш, хорижий инвестицияларни жалб этиш ва ўзлаштириш соҳасида ҳудудда давлат бошқаруви органлари ва ташкилотларининг ҳудудий тузилмалари фаолиятини мувофиқлаштиради;

хорижий инвестицияларни жалб этиш, бунинг учун зарур шарт-шароитлар яратиш ва преференциялар бериш, тадбиркорлик субъектларига экспортда кўмаклашиш соҳасида вазирликлар, идоралар, республика ташкилотларининг ҳудудий тузилмалари фаолиятини мувофиқлаштиради;

ҳудуднинг экспорт салоҳиятини ошириш, ҳудудий корхоналар маҳсулотларининг экспорт ҳажмлари, номенклатураси ҳамда географиясини кенгайтириш бўйича манзилли дастурлар кўрсаткичларининг ижросини таъминлайди;

ёшларни илм-фан ва инновацион фаолиятга жалб қилиш, илм-фан, таълим ва ишлаб чиқариш ўртасида интеграцияни кучайтириш ҳамда инновациялар ва илғор юқори технологияларни жорий қилиш учун зарур шарт-шароит яратади;

ҳудудда эркин иқтисодий зоналарни ривожлантиришга хорижий инвестицияларни ва маҳаллий инвесторларни жалб этишга кўмаклашиш, уларда зарур инфратузилма объектларини ривожлантириш орқали самарали фойдаланишни таъминлайди;

олий ва юқори даражадаги ташрифлар якунлари бўйича амалий тадбирлар режаларининг («йўл хариталари») бажарилишини таъминлайди ва тизимли назоратини олиб боради;

инвестициялар, экспорт ва инновацияларни қўллаб-қувватлаш, хусусийлаштирилган корхоналарга кўмаклашиш, эркин иқтисодий зоналарни ривожлантириш масалаларида сайёр (очиқ) мажлисларни тизимли ўтказади.

3-боб. Вилоятлар ва Тошкент шаҳар ҳокимининг ўринбосарининг ҳуқуқлари ва жавобгарлиги

10. Вилоятлар ва Тошкент шаҳар ҳокимининг ўринбосари ўзига юкланган вазифалар ва функцияларни бажариш учун қуйидаги ҳуқуқларга эга:

кўриб чиқиладиган масалаларни таҳлил қилиш ва тайёрлаш учун зарур бўлган материаллар ҳамда маълумотларни давлат бошқаруви органлари ҳамда бошқа органлар ва ташкилотлардан белгиланган тартибда сўраш ва олиш;

давлат бошқаруви органлари, маҳаллий ижроия ҳокимияти органлари, бошқа ташкилотлар раҳбарлари ҳамда вакиллари иштирокида йиғилишлар ўтказиш, ваколати доирасига кирувчи соҳаларнинг самарали ишлаши ҳамда уларни ривожлантириш бўйича тегишли давлат бошқаруви органларига кўриб чиқиш учун таклифлар киритиш;

бириктирилган вазирликлар, давлат қўмиталари ва идоралар, хўжалик бирлашмаларининг ҳудудий тузилмаларининг мажлисларида, шунингдек, вилоят ва Тошкент шаҳар ҳокими топшириқлари бўйича — бошқа давлат органларининг, нодавлат нотижорат ташкилотлари ва бошқа ташкилотлар ҳудудий тузилмаларининг ўзи юритадиган соҳага кирувчи масалалар бўйича ўтказиладиган мажлислари ва йиғилишларида қатнашиш;

олий ва юқори даражадаги ташрифлар якунлари бўйича амалий чора-тадбирлар режаларига («йўл харита»ларига) киритиш учун бириктирилган ташкилотлар раҳбарлари билан биргаликда хорижий мамлакатлар билан ҳамкорликни чуқурлаштириш, шунингдек, тегишли тармоқ корхоналари ва ҳудудларнинг муаммоли масалалари бўйича таклифлар тайёрлаш;

давлат бошқаруви органлари, илмий муассасалар ва бошқа ташкилотларнинг ҳудудий тузилмалари раҳбарлари ҳамда вакилларини ҳокимликда кўриб чиқиладиган масалаларни ишлаб чиқиш учун белгиланган тартибда жалб этиш, тегишли масалалар бўйича вақтинча ишчи гуруҳлар тузиш.

11. Вилоятлар ва Тошкент шаҳар ҳокимининг ўринбосари ушбу Намунавий низомнинг 8 ва 9-бандларида ўзига юкланган вазифа ва функцияларнинг тегишли равишда ва самарали бажарилиши учун шахсан жавобгардир.

Вилоятлар ва Тошкент шаҳар ҳокимининг ўринбосари Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони , «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ҳамда « Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон қарорлари шунингдек, Вазирлар Маҳкамасининг 1999 йил 12 январдаги «Ижро интизомини мустаҳкамлаш чора-тадбирлари тўғрисида»ги 12-сон қарорига мувофиқ ижро интизомига сўзсиз риоя этилишини таъминлаш учун жавоб беради.

4-боб. Вилоятлар ва Тошкент шаҳар ҳокимининг ўринбосари фаолиятини ташкил этиш

12. Вилоятлар ва Тошкент шаҳар ҳокими ўринбосарининг фаолияти Ўзбекистон Республикасининг «Маҳаллий давлат ҳокимияти тўғрисида»ги Қонуни, Ўзбекистон Республикаси Президентининг ва Вазирлар Маҳкамасининг қарорлари, шунингдек, ушбу Намунавий низомга мувофиқ, вилоятлар ва Тошкент шаҳар ҳокимларининг чораклик ва ярим йиллик иш режалари асосида ташкил этилади.

Ушбу иш режалар асосида вилоятлар ва Тошкент шаҳар ҳокими ўринбосарининг ойлик шахсий иш режалари ишлаб чиқилади ҳамда вилоятлар ва Тошкент шаҳар ҳокимлари томонидан тасдиқланади.

13. Вилоятлар ва Тошкент шаҳар ҳокимлари ўринбосарининг ҳисоботи вилоятлар ва Тошкент шаҳар ҳокимларининг тезкор йиғилишларида ҳар ҳафта эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан вилоятлар ва Тошкент шаҳар ҳокимининг ўринбосарининг тегишли ҳисоботлари халқ депутатлари Кенгаши мажлисида эшитилади.

15. Вилоятлар ва Тошкент шаҳар ҳокимлари ўринбосарининг фаолияти тегишли котибият томонидан таъминланади.

Вилоятлар ва Тошкент шаҳар ҳокимларининг ўринбосарлари томонидан фаолияти мувофиқлаштириладиган давлат органлари ва ташкилотларининг ҳудудий бўлинмалари

1. Инвестициялар ва ташқи савдо бошқармаси.

2. Ўзбекистон техник жиҳатдан тартибга солиш агентлигининг ҳудудий бошқармаси.

3. Вилоятлар ва шаҳарлардаги синов ва сертификатлаштириш марказлари.

4. Эркин иқтисодий зоналар, ихтисослаштирилган технопарклар дирекциялари, ҳудуддаги илмий ташкилотлар, ҳудудда ташкил этилган инновацион марказлар ва инновацияларни трансфер қилиш билан шуғулланувчи ташкилотлар.

5. Кичик саноат зоналари дирекциялари.

Вилоятлар ва Тошкент шаҳар ҳокимларининг ўринбосарлари томонидан ўзаро ҳамкорлиги таъминланадиган ташкилотларнинг ҳудудий бўлинмалари

1. Иқтисодий тараққиёт ва камбағалликни қисқартириш бош бошқармаси — инвестиция ва экспорт масалалари бўйича.

2. Ташқи ишлар вазирлигининг ҳудудий бўлинмалари — тўғридан-тўғри хорижий инвестицияларни жалб этиш масалалари бўйича.

3. Қурилиш бош бошқармаси — инвестиция лойиҳалари экспертизаси масалалари бўйича.

4. Давлат божхона қўмитасининг ҳудудий бошқармаси — экспортни қўллаб-қувватлаш ва импортни оптималлаштириш юзасидан.

5. Давлат активларини бошқариш агентлигининг ҳудудий бошқармалари — хусусийлаштириш ва давлат мулки объектларига инвестициялар жалб қилиш ва бошқа юкланган вазифалар доирасида.

6. Тижорат банкларининг ҳудудий филиаллари — инвестиция лойиҳаларини молиялаштириш ҳамда олий ва юқори даражалардаги ташрифлар якунлари бўйича амалий тадбирлар режаларини («йўл харита»лари) ишлаб чиқиш ва уларнинг самарали амалга оширилиши устидан мониторинг олиб бориш масалалари бўйича.

7. Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакилнинг ҳудудда фаолият кўрсатувчи девони ходимлари — инвесторлар, хусусийлаштирилган корхоналар, эркин иқтисодий зоналар иштирокчиларининг ҳуқуқлари ва қонуний манфаатларини ҳимоя қилиш масалалари бўйича.

9. Илмий ташкилотлар, инновацион лойиҳалар-стартапларни ишлаб чиқиш, синовдан ўтказиш ва ўзлаштириш, инновацион фаолият натижаларини трансфер қилиш ва тижоратлаштиришни амалга оширувчи инновацион ғоялар, ишланмалар ва технологиялар марказлари.

10. Вазирликлар, идоралар, хўжалик бирлашмалари ва бошқа ташкилотлар ҳудудий бошқармаси — инвестициялар, инновацион фаолият, эркин иқтисодий зоналар масалалари бўйича.

Вазирлар Маҳкамасининг 2021 йил 28 августдаги 548-сон қарорига 4-ИЛОВА

Ҳокимнинг қишлоқ ва сув хўжалиги масалалари бўйича ўринбосарининг функционал вазифалари тўғрисида

1-боб. Умумий қоидалар

2. Вилоят ҳокимининг ўринбосари ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ҳукуматнинг ҳужжатларига, халқ депутатлари Кенгаши қарорларига, вилоят ҳокимининг қарорлари ва фармойишларига, шунингдек, ушбу Намунавий низомга амал қилади.

3. Вилоят ҳокимининг ўринбосарининг ўзига бириктирилган тармоқ ва соҳалардаги фаолиятининг самарадорлиги ва натижадорлиги, ўз фаолиятида Ўзбекистон Республикаси Президенти ҳамда Вазирлар Маҳкамасининг ҳужжатлари ва топшириқларининг тўлиқ ва сифатли бажарилишини ташкил этиш учун Ўзбекистон Республикасининг Президенти олдида шахсан жавобгар ҳамда тегишли халқ депутатлари Кенгаши олдида ҳисобдордир.

4. Вилоят ҳокимининг ўринбосари вилоят ҳокимига бўйсунади.

Вилоят ҳокими ўринбосининг ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларни ҳал қилиш бўйича фаолияти Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари томонидан мувофиқлаштирилади.

6. Вилоят ҳокимининг ўринбосари тегишли туман ҳокимларининг қишлоқ ва сув хўжалиги масалалари бўйича ўринбосарлари фаолиятини мувофиқлаштиради.

7. Вилоят ҳокимининг ўринбосари ўз ваколати даврида илмий ва педагогик фаолиятдан ташқари ҳақ тўланадиган бошқа турдаги фаолият билан шуғулланиши мумкин эмас.

2-боб. Вилоят ҳокими ўринбосарининг асосий вазифалари ва функциялари

8. Қуйидагилар вилоят ҳокими ўринбосарининг асосий вазифалари ҳисобланади:

аграр ва озиқ-овқат соҳаларини ривожлантириш бўйича қабул қилинган норматив-ҳуқуқий ҳужжатларда белгиланган вазифалар ва топшириқлар ижросини ташкил этиш;

қишлоқ хўжалиги экинларини оқилона жойлаштириш, қишлоқ хўжалиги маҳсулотларини етиштиришнинг самарали усулларини жорий этиш, агросаноат кластерларини ташкил этиш ва ривожлантириш;

янги интенсив боғлар, узумзор ва иссиқхоналар ташкил этиш бўйича қабул қилинган дастурлар ижросини таъминлаш;

ер ресурсларидан самарали фойдаланиш, тупроқ унумдорлигини ошириш бўйича комплекс чора-тадбирларни ишлаб чиқиш ва амалга ошириш;

сув ресурсларидан оқилона фойдаланиш, сувни тежовчи ва инновацион технологияларни кенг жорий этиш ва мелиорация тадбирларини амалга ошириш;

қишлоқ хўжалиги экинларини етиштиришда ресурсларни тежайдиган ва инновацион технологияларни кенг жорий этиш;

тупроқ унумдорлиги ва экинлар ҳосилдорлигидан келиб чиқиб, қишлоқ хўжалиги экинларини етиштириш учун талаб этиладиган минерал ўғитлар миқдорини белгилаш, қишлоқ хўжалиги экинларини касаллик ва зараркунанда ҳашаротлардан ҳимоя қилиш;

ўрмон хўжалиги ерларидан самарали фойдаланиш, ўрмон хўжаликларида маҳсулот етиштириш ҳажмларини ошириш;

ветеринария хизматини кўрсатиш ҳамда чорвачилик, паррандачилик, балиқчилик, асаларичилик ва пиллачилик тармоқларини ривожлантириш бўйича қабул қилинган дастурлар ижросини ташкил этиш;

қишлоқ хўжалиги маҳсулотларини қайта ишлаш лойиҳаларини амалга ошириш ва қишлоқ жойларда савдо ва пулли хизматларни ташкил этиш.

9. Вилоят ҳокими ўринбосари ўз зиммасига юкланган вазифаларни бажариш учун қуйидаги функцияларни амалга оширади:

а) аграр ва озиқ-овқат соҳаларини ривожлантириш бўйича қабул қилинган норматив-ҳуқуқий ҳужжатларда белгиланган вазифалар ва топшириқлар ижросини ташкил этиш соҳасида:

Ўзбекистон Республикаси Президентининг 2019 йил 23 октябрдаги ПФ-5853-сон Фармони билан тасдиқланган Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегияси ҳамда Ўзбекистон Республикаси қишлоқ хўжалигини ривожлантиришнинг 2020 — 2030 йилларга мўлжалланган стратегиясида белгиланган вазифаларни амалга ошириш бўйича « Йўл харитаси »да белгиланган вазифаларни ўз вақтида ва тўлиқ бажарилишини таъминлайди;

Ўзбекистон Республикаси қонунларида, Ўзбекистон Республикаси Президенти ва Вазирлар Маҳкамаси томонидан қабул қилинган ҳужжатларда белгиланадиган устувор вазифаларга мувофиқ ҳудудда қишлоқ хўжалигини ривожлантириш дастурларига таклифлар ишлаб чиқади;

аграр ва озиқ-овқат соҳаларини ривожлантириш бўйича қабул қилинган норматив-ҳуқуқий ҳужжатларда белгиланган вазифалар ва топшириқлар ижросини ташкил этади;

қишлоқ хўжалиги экинларини жойлаштириш, юқори қўшилган қийматли рақобатбардош маҳсулотлар етиштириш лойиҳаларини амалга ошириш, қишлоқ хўжалиги соҳасининг барча тармоқларини ривожлантириш бўйича вилоят ҳокимининг қарорлари ва фармойишлари лойиҳаларини ишлаб чиқади;

б) қишлоқ хўжалиги экинларини оқилона жойлаштириш, қишлоқ хўжалиги маҳсулотлари етиштиришнинг самарали усулларини жорий этиш, агросаноат кластерларини ташкил этиш ва ривожлантириш соҳасида:

ҳар бир ҳудуднинг ихтисослашуви, тупроқ-иқлим шароитлари, ерларнинг мелиоратив ҳолати, унумдорлиги, сув билан таъминланганлигини инобатга олган ҳолда қайта ишловчи, тайёрловчи ва экспорт қилувчи ташкилотларнинг талабларидан келиб чиққан ҳолда қишлоқ хўжалиги экинлари тўлиқ экилишини, агротехник тадбирлар ўз вақтида ва сифатли ўтказилишини ҳамда қишлоқ хўжалиги экинларидан белгиланган ҳосил етиштирилишини ташкил этади;

пахта хом ашёси, бошоқли дон ва бошқа қишлоқ хўжалиги маҳсулотлари етиштиришнинг янги шаклларини жорий этади;

агросаноат кластерларини ташкил этиш бўйича таклифлар ишлаб чиқади, кластерлар моделидаги ташкилотлар фаолиятини қўллаб-қувватлаш ва ривожлантириш чораларини кўради;

қишлоқ хўжалигида кооперация муносабатларини ривожлантириш, жумладан, мева-сабзавот маҳсулотларини ишлаб чиқариш, тайёрлаш, сақлаш ва сотиш бўйича биргаликдаги фаолиятни амалга оширувчи қишлоқ хўжалиги бирлашмаларини ташкил этади;

қишлоқ хўжалиги маҳсулотлари етиштириш бўйича тузилган контрактация ва фьючерс шартномалари бажарилишини ва ҳисоб-китоблар ўз вақтида амалга оширилишини ташкил қилади;

в) янги интенсив боғлар, узумзор ва иссиқхоналар ташкил этиш бўйича қабул қилинган дастурлар ижросини таъминлаш соҳасида:

Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги билан биргаликда ҳудудларнинг тупроқ-иқлим шароитларига мос бўлган интенсив боғлар ва узумзорлар барпо этиш ҳамда иссиқхона хўжаликлари ташкил этиш бўйича комплекс дастурларни ишлаб чиқади ва амалга оширади.

г) ер ресурсларидан самарали фойдаланиш, тупроқ унумдорлигини ошириш бўйича комплекс чора-тадбирларни ишлаб чиқиш ва амалга ошириш соҳасида:

тупроқ унумдорлигини ошириш, ерлардан оқилона фойдаланиш ҳамда уларни муҳофаза қилиш бўйича ҳудудий дастурларни ишлаб чиқади ва амалга оширади;

ер ресурсларидан белгиланган мақсадларда оқилона ва самарали фойдаланишни, ерларни муҳофаза қилиш устидан давлат назоратини амалга оширади;

ер тузиш, ер мониторинги ўтказилиши ва давлат ер кадастрини юритиш ишларини ташкил этади;

юридик шахсларга қишлоқ хўжалиги эҳтиёжлари ҳамда бошқа жамоат эҳтиёжлари учун эгалик қилишга, фойдаланишга ва ижарага ер бериш ишларини ташкил этади;

ерга эгалик қилиш ва ундан фойдаланиш, шунингдек, ер участкасини ижарага олиш ҳуқуқларини ҳамда ер участкаларига бўлган мулк ҳуқуқини белгиланган тартибда бекор қилиш жараёнларини мувофиқлаштиради;

д) сув ресурсларидан оқилона фойдаланиш, сувни тежовчи технологияларни кенг жорий этиш ва мелиорация тадбирларини амалга ошириш соҳасида:

Ўзбекистон Республикаси Президентининг 2021 йил 24 февралдаги ПҚ-5005-сон қарори билан тасдиқланган Ўзбекистон Республикасида сув ресурсларини бошқариш ва ирригация секторини ривожлантиришнинг 2021 — 2023 йилларга мўлжалланган стратегиясида белгиланган вазифаларни ўз вақтида ва тўлиқ бажарилишини таъминлайди;

сув ресурсларидан оқилона фойдаланиш, сув олиш лимитларини белгилаш, сувдан фойдаланиш ва сув истеъмоли бўйича шартномаларни расмийлаштириш ҳамда сувдан фойдаланиш ва сув истеъмоли бўйича тартиб ижросини ҳамда суғориладиган ерларда мелиоратив назоратни ташкил қилади;

сув хўжалиги объектларини қуриш, реконструкция қилиш ва таъмирлаш-тиклаш ҳамда ерларнинг мелиоратив ҳолатини яхшилаш бўйича ҳудудий дастурларни шакллантиради ҳамда ижросини ташкил қилади;

сувни тежовчи суғориш технологияларини кенг жорий қилиш бўйича ҳудудий дастурларни шакллантиради ва ижросини таъминлайди;

сув истеъмолчилари уюшмалари фаолиятини қўллаб-қувватлаш, уларнинг молиявий ҳолатини яхшилаш ва ривожлантиришга кўмаклашади, фермер хўжаликлари, кластер ташкилотлари ҳамда бошқа сув истеъмолчилари билан уларнинг шартномавий муносабатларини ташкил қилади;

сув истеъмолчилари уюшмалари ва сувдан фойдаланувчилар ҳисобидаги суғориш тармоқлари, улардаги гидротехника иншоотларининг техник ҳолатини яхшилаш, сув олиш жойларини сувни бошқариш ва ҳисобга олиш воситалари билан жиҳозлашни ҳамда сувнинг ҳисоби ва ҳисоботи юритилишини таъминлайди;

сув ва сув хўжалиги объектларининг муҳофаза зоналари ва соҳилбўйи минтақаларини ташкил қилиш, ажратилган ерлардан оқилона фойдаланишни таъминлайди;

инвестиция дастурлари доирасида сув хўжалиги объектларини қуриш, реконструкция қилиш ва таъмирлаш-тиклаш бўйича лойиҳаларни ўз вақтида амалга ошириш учун зарур чораларни кўради ҳамда фойдаланишга топширилган объектлардан мақсадли фойдаланиш устидан назоратни ташкил қилади;

е) қишлоқ хўжалиги экинларини етиштиришда ресурсларни тежовчи ва инновацион технологияларни кенг жорий этиш соҳасида:

қишлоқ хўжалиги маҳсулотлари етиштирувчиларга ресурсларни тежовчи ва инновацион технологияларни қўллашга кўмаклашади, қишлоқ хўжалиги экинларининг истиқболли, интенсив ҳамда серҳосил навларини экишни ташкил этади;

инновацион ишланмалар, шунингдек, замонавий автоматлаштириш ва ахборот-коммуникация технологияларини қишлоқ хўжалиги тармоқларига жорий этади;

аграр секторга инвестицияларни жалб этиш соҳасида хорижий мамлакатлар билан ҳамкорликни кенгайтириш чораларини кўради;

ж) тупроқ унумдорлиги ва экинлар ҳосилдорлигидан келиб чиқиб, қишлоқ хўжалиги экинларини етиштириш учун талаб этиладиган минерал ўғитлар миқдорини белгилаш, қишлоқ хўжалиги экинларини касаллик ва зараркунанда ҳашаротлардан ҳимоя қилиш соҳасида:

ҳар бир тумандаги қишлоқ хўжалиги ер майдонларининг тупроқ унумдорлиги ва белгиланадиган экинлар ҳосилдорлигидан келиб чиқиб, қишлоқ хўжалиги экинларини етиштириш учун талаб этиладиган минерал ўғитлар, ўсишни бошқарувчи воситалар ва кимёвий препаратлар миқдорини белгилайди;

мутасадди ташкилотлар томонидан қишлоқ хўжалиги экинларини озиқлантириш учун минерал ўғитлар, ўсишни бошқарувчи воситалар ва ўсимликларни ҳимоя қилувчи зарур кимёвий препаратлар билан узлуксиз таъминлаш чораларини кўради;

мавжуд биолабораторияларнинг тўла қувват билан ишлашини ташкил этади, қишлоқ хўжалиги экинлари зараркунандаларига қарши биринчи навбатда биологик ва кимёвий курашиш тадбирларини ташкил этади;

з) ўрмон хўжалиги ерларидан самарали фойдаланиш, ўрмон хўжаликларида маҳсулот етиштириш ҳажмларини ошириш соҳасида:

юридик ва жисмоний шахсларнинг давлат ўрмон фонди участкаларидан маданий-маърифий, тарбиявий, соғломлаштириш, рекреацион ва эстетик мақсадларда фойдаланиши бўйича ҳудудий дастурларни ишлаб чиқади ва амалга оширилишини назорат қилади;

Ўзбекистон Республикаси Ўрмон хўжалиги давлат қўмитаси билан биргаликда ўрмон хўжаликларида давлат ўрмон фондининг маданий-маърифий, тарбиявий, соғломлаштириш, рекреацион ва эстетик мақсадларда фойдаланиш учун берилган участкаларида ўрмонларни ва табиий ландшафтларни сақлаш, ўрмонларда ёнғин хавфсизлиги ва санитария қоидаларига риоя қилиш шарти билан бу участкаларни ободонлаштириш тадбирларини ташкил этади;

ўрмонларнинг давлат ҳисоби ва давлат ўрмон кадастри юритилишини таъминлайди;

ўрмонларни муҳофаза қилиш, қўриқлаш, улардан фойдаланиш ва уларни такрорий кўпайтириш устидан давлат назоратини амалга оширади;

ўрмонлар ҳолатига зарар етказилган ҳолларда корхоналар, муассасалар ва ташкилотлар фаолиятини чеклаш, тўхтатиб қўйиш ва тугатиш тўғрисида таклифларни ишлаб чиқади;

Ўзбекистон Республикаси Ўрмон хўжалиги давлат қўмитаси билан биргаликда ҳудуддаги ўрмон хўжаликлари ер майдонларидан самарали фойдаланиш, озиқ-овқат маҳсулотларини кўпайтириш бўйича дастурларни ишлаб чиқади ҳамда амалга оширилишини назорат қилади;

Ўзбекистон Республикаси Ўрмон хўжалиги давлат қўмитаси, Туризмни ривожлантириш давлат қўмитаси билан келишган ҳолда ўрмон фонди ерларида экотуризмни ривожлантириш, туристик йўналишлар ва замонавий инфратузилма объектларини барпо этиш бўйича ишлаб чиқилган ҳудудий дастурлар ижросини ташкил қилади;

и) ветеринария хизматини кўрсатиш ҳамда чорвачилик, паррандачилик, балиқчилик, асаларичилик ва пиллачилик тармоқларини ривожлантириш бўйича қабул қилинган дастурлар ижросини ташкил этиш соҳасида:

ветеринар осойишталикни таъминлашга қаратилган чораларни кўради ва эпизоотияга қарши тадбирларни ўтказиш ишларини мувофиқлаштириб боради;

ички истеъмол бозорини сифатли гўшт ва гўшт маҳсулотлари, сут ва сут маҳсулотлари, тухум, балиқ ҳамда асал маҳсулотлари билан узлуксиз таъминлаш, маҳсулотлар нархининг барқарорлигини сақлаш мақсадида замонавий чорвачилик комплексларини ташкил этиш чора-тадбирларини ишлаб чиқади;

чорва моллари бош сонини, гўшт, сут, тухум, балиқ ва асал ишлаб чиқариш ҳажмини ошириш бўйича прогноз кўрсаткичлар бажарилишини таъминлайди;

чорвачилик хўжаликларидаги мавжуд чорва моллари учун ажратилган ер майдонларидан самарали фойдаланишнинг ҳолатини ўрганади ва самарали фойдаланиш юзасидан тегишли чоралар кўради;

паррандачилик, балиқчилик ва пиллачилик тармоқларида кластер усулини жорий этади;

сув танқислиги шароитида сунъий сув ҳавзаларига бошқа манбалардан қўшимча сув бериш чораларини кўради;

асаларичилик хўжаликларини ўрмон фонди ерларига, тоғ ва тоғолди ҳудудларга, табиий пичанзор ва яйловларга ҳамда қишлоқ хўжалиги ерларига жойлаштириш чораларини кўради;

фермер хўжаликларининг дала атрофларига тут кўчатларини экиш, интенсив тутзорлар барпо этиш ва парваришлашни ташкил этади ва пиллачиликнинг озуқа базасини мустаҳкамлаш чораларини кўради;

к) қишлоқ хўжалиги маҳсулотларини қайта ишлаш лойиҳаларини амалга ошириш ва қишлоқ жойларда савдо ва пуллик хизматлар ташкил этиш соҳасида:

қишлоқ хўжалиги маҳсулотларини қайта ишлаш ва озиқ-овқат товарлари ишлаб чиқариш тармоқларида бозор принциплари ва механизмларини ҳамда озиқ-овқат саноати корхоналарида замонавий технологияларни жорий этиш юзасидан тасдиқланган чора-тадбирларнинг ижросини таъминлайди;

савдо ва пулли хизматларни ривожлантириш соҳасида иқтисодий ислоҳотлар тизимли амалга оширилишини таъминлаш чораларини кўради;

озиқ-овқат маҳсулотлари билан таъминлаш юзасидан бозорлар, ярмарка ва кўргазмалар фаолияти мониторингини олиб боради, қишлоқ аҳолисини талаб этиладиган озиқ-овқат товарлари билан таъминлаш ва пулли хизматлар кўрсатиш чора-тадбирларини ишлаб чиқади ва ижросини таъминлайди;

ҳудуд аҳолисини қиш-баҳор даврида узлуксиз таъминлаш учун озиқ-овқат маҳсулотларининг асосий турларини захирага ғамлаш бўйича қабул қилинган чора-тадбирлар ижросини ташкил этади;

ҳудудда омборхоналар, картошка сақлаш жойлари ва совитиш камераларини қуриш, мавжудларини реконструкция ва модернизация қилиш ҳисобига мева-сабзавот маҳсулотларини сақлашнинг моддий-техника базасини мустаҳкамлаш чораларини кўради;

деҳқон бозорлари фаолиятини тартибга солиш чораларини кўради;

ҳудуд аҳолисини, шу жумладан қиш-баҳор ойларида бориш қийин бўлган олис ва чўл зоналарида яшайдиган аҳолига, шунингдек, ижтимоий соҳа муассасаларига озиқ-овқат маҳсулотлари ишончли ва узлуксиз етказиб берилишини таъминлайди.

Шунингдек, вилоят ҳокимининг ўринбосари қуйидаги қўшимча функцияларни амалга оширади:

Ўзбекистон Республикаси қонунлари, Ўзбекистон Республикаси Президентининг фармонлари, қарорлари, фармойишлари ва топшириқлари, Ҳукумат қарорларининг бажарилиши юзасидан назоратни таъминлайди;

ҳудудда қишлоқ хўжалигини ривожлантиришнинг ўта муҳим ва устувор йўналишлари бўйича яқин, ўрта ва узоқ муддатли истиқболга мўлжалланган концепциялар, давлат дастурлари ҳамда «йўл хариталари» лойиҳаларининг тайёрланишини ташкил этади ва ижросини таъминлайди;

ҳудудда қишлоқ хўжалигини ривожлантиришни таъминлаш борасида тегишли вазирликлар, идоралар, қўмиталар ва хўжалик бирлашмаларининг ҳудудий тузилмалари раҳбарлари фаолиятини мувофиқлаштиради ва назорат қилади;

қишлоқ хўжалигининг барча тармоқларини ривожлантириш бўйича амалга оширилаётган ислоҳотларнинг самарадорлигини таҳлил қилиб боради, уларнинг натижалари бўйича таҳлилий материаллар тайёрланиши ва ҳокимлик йиғилишларида муҳокама қилиб борилишини ташкил этади;

қишлоқ хўжалиги, сув хўжалиги ва ўрмон хўжалиги масалалари бўйича тегишли вазирликлар, идоралар, қўмиталар, хўжалик бирлашмалари ҳудудий тузилмаларининг аниқ кўрсаткичлар ҳамда мақсадли индикаторларга эришишга асосланган фаолиятини тизимли баҳолайди;

тегишли вазирликлар, идоралар, қўмиталар, хўжалик бирлашмаларнинг ҳудудий тузилмалари раҳбарлари, туман ҳокимларининг қишлоқ ва сув хўжалиги масалалари бўйича ўринбосарларига юкланган вазифалар ҳамда функциялар самарали ва натижали бажарилиши учун уларнинг масъулиятини ошириш чораларини кўради;

тегишли вилоят комиссияларига (кенгашлар, гуруҳларга) раҳбарлик қилади, вилоят ҳокими иштирокидаги комиссиялар (кенгашлар, гуруҳлар) ишини ташкил этади, қишлоқ ва сув хўжалиги соҳасидаги республика комиссиялари қарорлари ижро этилишини таъминлайди;

белгиланган тартибда ўзларига юкланган бошқа функцияларни амалга оширади.

3-боб. Вилоят ҳокими ўринбосарининг ҳуқуқлари ва жавобгарлиги

10. Вилоят ҳокимининг ўринбосари ўзига юкланган вазифалар ва функцияларни бажариш учун қуйидаги ҳуқуқларга эга:

ҳудудда қишлоқ хўжалиги соҳасини комплекс ривожлантириш бўйича қарорлар, дастурлар ва «йўл хариталари»ни ишлаб чиқиш, ижросини ташкил этиш;

вилоят ҳокимлигида кўриб чиқиладиган масалаларни таҳлил қилиш ва ишлаб чиқиш учун зарур бўлган материаллар ва маълумотларни ҳудудий бошқарув органлари, туманлар ҳокимликлари ва бошқа ташкилотлардан белгиланган тартибда сўраш ва олиш;

зарурат бўлганда вилоят ҳокимлигида кўриб чиқиладиган масалаларни ишлаб чиқиш, ахборот ва таҳлилий материалларни тайёрлаш учун ҳудудий бошқарув органлари, шаҳар ва туман ҳокимликлари раҳбарлари ва ходимларини таклиф этиш, ушбу мақсадлар учун вақтинчалик эксперт гуруҳлари ташкил этиш;

ҳудудий бошқарув органлари, шаҳар ва туман ҳокимликлари, бошқа ташкилотлардан улар томонидан киритилган вилоят ҳокимининг ҳужжатлари ва қарорлари лойиҳаларини пухта қайта ишлашни белгиланган тартибда талаб қилиш;

қишлоқ, сув, ўрмон хўжалиги, ердан фойдаланиш ва чорвачилик масалаларини ҳудудий бошқарув органлари, туман ҳокимликлари, бошқа ташкилотлар раҳбарлари ва ходимлари иштирокида кўриб чиқилиши ва муҳокама қилинишини ташкил этиш;

ҳудудий бошқарув органлари, туман ҳокимликлари, бошқа ташкилотлар раҳбарларига тезкорлик билан ҳал этишни талаб қиладиган масалалар бўйича белгиланган тартибда топшириқлар бериш;

норматив-ҳуқуқий ва бошқа ҳужжатлар, вилоят ҳокими ўринбосари топшириқларининг ҳудудий бошқарув органлари, шаҳар ва туман ҳокимликлари, бошқа ташкилотлар томонидан бажарилишини ўрганиш.

11. Вилоят ҳокимининг ўринбосари ушбу Намунавий низомнинг 8 ва 9-бандларидаги ўзига юкланган вазифаларнинг тегишли равишда ва самарали бажарилиши учун шахсан жавобгардир.

Вилоят ҳокимининг ўринбосари Ўзбекистон Республикаси Президентининг «Қонунчилик ҳужжатлари ижросини самарали ташкил этишда давлат бошқаруви органлари ва маҳаллий ижро этувчи ҳокимият органлари раҳбарларининг шахсий жавобгарлигини кучайтиришга доир қўшимча чора-тадбирлар тўғрисида» 2021 йил 10 февралдаги ПФ-6166-сон Фармони , «Ўзбекистон Республикаси Президентининг ҳужжатлари ва топшириқлари самарали ва натижали ижро этилиши, шунингдек, ижро интизоми мустаҳкамланиши учун Ўзбекистон Республикаси Президенти Давлат маслаҳатчиларининг, Вазирлар Маҳкамаси ва унинг комплекслари, давлат ва хўжалик бошқаруви органлари ҳамда барча даражалардаги ҳокимликлар раҳбарларининг шахсий жавобгарлиги тўғрисида» 2017 йил 11 апрелдаги ПҚ-2881-сон ҳамда « Ijro.gov.uz» ижро интизоми идоралараро ягона электрон тизими самарали фаолият кўрсатишини таъминлашга қаратилган қўшимча чора-тадбирлар тўғрисида » 2021 йил 31 майдаги ПҚ-5132-сон қарорлари шунингдек, Вазирлар Маҳкамасининг 1999 йил 12 январдаги «Ижро интизомини мустаҳкамлаш чора-тадбирлари тўғрисида»ги 12-сон қарорига мувофиқ ижро интизомига сўзсиз риоя этилишини таъминлаш учун жавоб беради.

12. Вилоят ҳокимининг ўринбосари ўз вазифалари ва функцияларини бажармаганлиги ёки зарур даражада бажармаганлиги учун қонун ҳужжатларига мувофиқ жавобгар бўлади.

4-боб. Ҳоким ўринбосари фаолиятини ташкил этиш

13. Вилоят ҳокимининг ўринбосари ишлари Ўзбекистон Республикаси Вазирлар Маҳкамасининг қарорлари, шунингдек, ушбу Намунавий низомга мувофиқ вилоят ҳокимининг чораклик ва ярим йиллик иш режалари асосида ташкил этилади.

Ушбу иш режалар асосида вилоят ҳокими ўринбосарининг ойлик шахсий иш режалари ишлаб чиқилади ва вилоят ҳокими томонидан тасдиқланади.

14. Вилоят ҳокими ўринбосарининг ҳисоботи вилоят ҳокимининг тезкор йиғилишларида ҳар ҳафтада эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан вилоят ҳокими ўринбосарининг ҳисоботлари халқ депутатлари вилоят Кенгаши мажлисида эшитилади.

16. Вилоят ҳокими ўринбосари фаолиятини таъминлаш тегишли котибият томонидан амалга оширилади.

Вилоят ҳокими ўринбосари томонидан фаолияти мувофиқлаштириб бориладиган давлат ва хўжалик бошқаруви органларининг ҳудудий ва тармоқ бўлинмалари

1. Қишлоқ хўжалиги бошқармаси.

2. Ирригация тизимлари ҳавза бошқармаси.

3. Ирригация тизимлари бошқармалари.

4. Насос станциялари ва энергетика бошқармаси.

5. Мелиоратив экспедицияси.

6. Ўрмон хўжалиги бошқармаси.

7. Ветеринария ва чорвачиликни ривожлантириш бошқармаси.

8. Ўсимликлар карантини ва ҳимояси Агентлиги ҳудудий бошқармаси.

9. Агросаноат мажмуи устидан назорат қилиш инспекцияси вилоят бошқармаси.

10. Ипакчилик ва жун саноатини ривожлантириш ҳудудий бошқармаси.

11. Қишлоқ хўжалиги ва озиқ-овқат таъминоти илмий-ишлаб чиқариш марказининг ҳудудий филиаллари.

Вилоят ҳокими ўринбосари томонидан ўзаро ҳамкорлиги таъминланадиган ташкилотларнинг ҳудудий бўлинмалари

1. Ҳудудий «Агрокимёҳимоя» АЖ.

2. Дон қабул қилиш корхоналари.

3. «Агросервис» МЧЖ.

4. «Ўзагромашлизинг» АЖ вилоят филиали.

5. «Яйлов хўжалигини ривожлантириш» уюшмаси.

6. Уруғчилик маркази.

7. «Балиқсаноат» МЧЖ.

8. Пахта ва дон кластерлари.

Вазирлар Маҳкамасининг 2021 йил 28 августдаги 548-сон қарорига 5-ИЛОВА

Ҳокимнинг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарининг функционал вазифалари тўғрисида

1-боб. Умумий қоидалар

2. Вилоятлар ва Тошкент шаҳар ҳокимларининг ўринбосари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ҳукуматнинг ҳужжатларига, халқ депутатлари Кенгаши қарорларига, вилоятлар ва Тошкент шаҳар ҳокимларининг қарорлари ва фармойишларига, шунингдек, ушбу Намунавий низомга амал қилади.

3. Вилоятлар ва Тошкент шаҳар ўринбосари ўзига бириктирилган тармоқ ва соҳалардаги фаолиятининг самарадорлиги ва натижадорлиги, ўз фаолиятида Ўзбекистон Республикаси Президенти ҳамда Вазирлар Маҳкамасининг ҳужжатлари ва топшириқларининг тўлиқ ва сифатли бажарилишини ташкил этиш учун Ўзбекистон Республикасининг Президенти олдида шахсан жавобгар ҳамда тегишли халқ депутатлари Кенгаши олдида ҳисобдордир.

4. Вилоятлар ва Тошкент шаҳар ҳокимининг ўринбосари тегишлича вилоятлар ва Тошкент шаҳар ҳокимларига бўйсунади.

Вилоятлар ва Тошкент шаҳар ҳокими ўринбосарининг ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларини ҳал қилиш бўйича фаолияти Ўзбекистон Республикаси Бош вазирининг ижтимоий ривожлантириш масалалари бўйича ўринбосари томонидан мувофиқлаштирилади.

6. Вилоятлар ва Тошкент шаҳар ҳокимининг ўринбосарига туманлар ва шаҳарлар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари бўйсунади.

7. Вилоятлар ва Тошкент шаҳар ҳокимининг ўринбосари ўз ваколати даврида илмий ва педагогик фаолиятдан ташқари ҳақ тўланадиган бошқа турдаги фаолият билан шуғулланиши мумкин эмас.

2-боб. Вилоятлар ва Тошкент шаҳар ҳокимининг ўринбосари фаолиятининг асосий йўналишлари, вазифалари ва функциялари

8. Қуйидагилар вилоятлар ва Тошкент шаҳар ҳокимининг ўринбосари фаолиятининг асосий йўналишлари ҳисобланади:

ҳудудда ёшларга оид давлат сиёсатини амалга ошириш, шунингдек, иқтидорли ва оғир ҳаётий вазиятга тушиб қолган ёшларни ва ёш оилаларни қўллаб-қувватлаш ҳамда ёшлар бандлигини таъминлаш ва тадбиркорлигини ривожлантириш, улар ўртасида жиноятчиликнинг олдини олиш;

узлуксиз таълим ва кадрлар тайёрлаш тизими ислоҳотларини амалга ошириш, мактабгача таълим муассасалари тармоқларини кенгайтириш, ўқувчиларнинг маънавий-ахлоқий ва интеллектуал ривожланишини таъминлаш, тарбиячилар, ўқитувчилар, профессор-ўқитувчиларнинг малакасини ошириш ва жамиятда уларнинг мавқеини кўтариш;

аҳолига сифатли тиббий хизмат кўрсатишни таъминлаш ва аҳолининг репродуктив саломатлигини янада мустаҳкамлаш ҳамда ҳудудда фармацевтика саноатини ривожлантиришни таъминлаш;

ҳудудда ногиронлиги бўлган шахсларни тизимли равишда ижтимоий қўллаб-қувватлаш ва уларни реабилитация қилишни таъминлаш;

аҳоли, айниқса ёшларнинг интеллектуал салоҳияти, онгу тафаккури, мафкуравий иммунитети ва дунёқарашини юксалтиришга, ватанпарварлик, халққа муҳаббат ва садоқат туйғуси билан яшайдиган баркамол авлодни тарбиялашга қаратилган чора-тадбирларнинг самарадорлигини таъминлаш.

9. Қуйидагилар вилоятлар ва Тошкент шаҳар ҳокимининг ўринбосарининг асосий вазифалари ҳисобланади:

а) ҳудудда ёшларга оид давлат сиёсатини амалга ошириш, шунингдек, иқтидорли ва оғир ҳаётий вазиятга тушиб қолган ёшларни ҳамда ёш оилаларни қўллаб-қувватлаш, ёшлар бандлигини таъминлаш ва тадбиркорлигини ривожлантириш, улар ўртасида жиноятчиликнинг олдини олиш соҳасида:

Ўзбекистон Республикаси Президентининг «Ўзбекистон Республикасида ёшларга оид давлат сиёсатини тубдан ислоҳ қилиш ва янги босқичга олиб чиқиш чора-тадбирлари тўғрисида» 2020 йил 30 июндаги ПФ-6017-сон Фармонига мувофиқ, Ўзбекистонда ёшларга оид давлат сиёсатини янги босқичга олиб чиқиш, ёшлар соҳасидаги муаммоларга самарали ечимлар ишлаб чиқиш, ваколатли органлар фаолиятини самарали амалга ошириш этиш;

Ўзбекистонда ёшларга оид давлат сиёсатини 2025 йилгача ривожлантириш концепциясини самарадор ва натижали ижросини таъминлаш;

ёшларга оид давлат сиёсатини амалга оширишда, шунингдек, «Ёшларга оид давлат сиёсати тўғрисида»ги Ўзбекистон Республикаси Қонуни ижросини таъминлашда маҳаллий ижро этувчи ҳокимият органларининг нодавлат нотижорат ташкилотлар ва фуқаролик жамиятининг бошқа институтлари билан самарали ўзаро ҳамкорлигини ташкил этади;

Ўзбекистон Республикаси Президентининг ёшларни маданият ва санъат муассасаларига, жисмоний тарбия ва спортга кенг жалб этиш ҳамда аҳоли ва ёшлар ўртасида компьютер технологиялари ва интернетдан самарали фойдаланиш чора-тадбирларини амалга ошириш, ёшлар маънавиятини юксалтириш, улар ўртасида китобхонликни кенг тарғиб қилишга қаратилган комплекс чора-тадбирларни ўз ичига олган бешта муҳим ташаббусини амалга оширади;

Ўзбекистон Республикаси Президентининг 2018 йил 27 июндаги «Yoshlar — kelajagimiz» давлат дастури тўғрисида»ги ПФ-5466-сон Фармонининг ҳудудда тўлиқ ижросини таъминлаш чораларини кўради;

ёшларнинг ҳуқуқлари, эркинликлари ва қонуний манфаатларини ҳимоя қилиш, иқтидорли ёшларни, шунингдек, ёш оилаларни ижтимоий қўллаб-қувватлаш, улар учун муносиб шарт-шароитлар яратиш чора-тадбирларини амалга оширади;

ёшлар онгида Ватанга муҳаббат ва содиқлик принципларини сингдиришга йўналтирилган комплекс чора-тадбирларни амалга оширади ҳамда ёшларни ҳарбий хизматга тайёрлаш, чақирув тадбирларини ташкил этиш ва ўтказиш ишларини тизимли ташкил этади;

ёш раҳбар кадрларни тайёрлаш, ёш кадрлар захирасини яратиш ва уларни давлат ва хўжалик бошқаруви органларида масъул лавозимларга кўтариш бўйича тизимли ишларни ташкил этади;

ёшлар ўртасида жиноятларни содир этиш сабаблари ва шароитларини аниқлаш ва уларнинг олдини олиш ҳамда ҳуқуқбузарлик ва жиноятчиликка мойиллиги бўлган ёшлар билан якка тартибда ишлашнинг босқичли режаларини ишлаб чиқади ва ижросини таъминлаш чораларини кўради;

ёшлар бандлигини, айниқса қишлоқ жойларда таъминлаш, шунингдек, меҳнат миграциясидан қайтган ёшларга, турмушида оғир ҳаётий вазиятга тушиб қолган ёшларга ҳаётда ўз ўринларини топишда кўмаклашади;

б) узлуксиз таълим ва кадрлар тайёрлаш тизими ислоҳотларини амалга ошириш, мактабгача таълим муассасалари тармоқларини кенгайтириш, ўқувчиларнинг маънавий-ахлоқий ва интеллектуал ривожланишини таъминлаш, тарбиячилар, ўқитувчилар, профессор-ўқитувчиларнинг малакасини ошириш ва жамиятда уларнинг мавқеини кўтариш:

узлуксиз таълим ва кадрлар тайёрлаш соҳасида ислоҳотлар амалга оширилишини тизимли ўрганишни таъминлаш, таълим-тарбия жараёнига илғор ўқув-педагогика ва ахборот-коммуникация технологияларини, ўқув ва тарбия жараёнларининг ўзаро мустаҳкам алоқаси ва узлуксизлигини таъминлаш, тарбиявий ишларнинг усуллари ва мазмунини такомиллаштириш, маънавий-ахлоқий тарбиянинг самарали ташкилий ва педагогик шаклларини жорий этиш, таълим тизимини ислоҳ қилиш жараёнларини янада ривожлантириш ва чуқурлаштириш юзасидан таклифлар ишлаб чиқиш;

узлуксиз таълим тизимининг муҳим бўғини сифатида мактабгача таълим тизимини янада такомиллаштириш, мактабгача таълим муассасалари тармоқларини кенгайтириш ва уларнинг моддий-техника базасини мустаҳкамлаш, уларни малакали педагог кадрлар билан таъминлаш, таълим-тарбия жараёнига болаларни ҳар томонлама интеллектуал, болаларни мактабга тайёрлаш даражасини тубдан ошириш чора-тадбирлари комплекси амалга оширилишини таъминлаш;

умумий ўрта ва мактабгача таълим сифатининг янги даражага оширилишини таъминлаш, ҳар томонлама ривожланган авлодни тарбиялаш, ўқувчиларнинг маънавий-ахлоқий ва интеллектуал ривожланишини таъминлаш;

халқ таълимини бошқариш тизимига замонавий ахборот-коммуникация технологиялари кенг жорий этилишини таъминлаш, жамоатчилик назоратининг шаффофлиги ва самарадорлигига эришиш, шу жумладан, барча муассасаларнинг телекоммуникация тармоқларидан фойдаланишини таъминлаш, умумий фойдаланиладиган маълумотлар базасини яратиш, уларнинг фаолиятини баҳолашнинг электрон рейтинг тизимини жорий қилишда иштирок этиш;

умумий ўрта ва мактабгача таълим соҳасида нодавлат хизматлари кўрсатиш фаолияти билан шуғулланадиган юридик шахслар тармоғини улар учун ташкилий-ҳуқуқий ва техник-иқтисодий шароитлар яратиш орқали янада ривожлантиришни таъминлаш, ушбу соҳага давлат-хусусий шерикликнинг турли шаклларини самарали жорий қилишда иштирок этиш;

илғор хорижий тажрибани ҳисобга олган ҳолда олий таълим муассасаларининг раҳбар ва педагог кадрларини замонавий талаблар даражасида қайта тайёрлаш ҳамда уларнинг малакасини оширишни ташкил қилиш, профессор-ўқитувчи кадрларнинг педагогик ва профессионал даражасини мунтазам ошириш, уларнинг қонунчилик нормаларини, назарий илм-фан, илмий ва амалий изланишлар, ўқитилаётган фан бўйича технологик жараён ва инновациялар соҳасидаги энг сўнгги ютуқларни, шунингдек, ўқув жараёнини ташкил этишнинг замонавий усулларини чуқур ўрганишига кўмаклашиш ва рағбатлантириш бўйича тизимли ишларни амалга ошириш;

таълим, соғлиқни сақлаш, иқтисодиёт ва давлат бошқаруви, айниқса, янги, истиқболли соҳаларга хорижий олимлар, ўқитувчилар, муҳандислар ва бошқа мутахассисларни, шу жумладан, ватандошларни жалб қилишга доир таклифларни ишлаб чиқиш ҳамда тадбирларни амалга ошириш масалаларини мувофиқлаштириш, улар учун қулай шарт-шароитлар яратиш, муҳим муаммоларни ҳал этиш, уларнинг салоҳиятидан самарали фойдаланишни таъминлаш;

в) аҳолига сифатли тиббий хизмат кўрсатишни таъминлаш ва аҳолининг репродуктив саломатлигини янада мустаҳкамлаш соҳасида:

Ўзбекистон Республикаси Президентининг 2018 йил 7 декабрдаги «Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида»ги ПФ-5590-сон Фармонига мувофиқ соғлиқни сақлашни ташкил этиш ва молиялаштириш бўйича аҳолига тиббий ёрдам кўрсатишнинг сифати, самарадорлиги ва оммабоплигини тубдан ошириш;

соғлиқни сақлаш тизимини янада ислоҳ қилиш, аҳолига тиббий хизмат кўрсатиш даражасини ошириш, оналар ва болалар саломатлигини муҳофаза қилишни таъминлаш, оилавий поликлиникалар, қишлоқ врачлик пунктлари ҳамда касалликлар профилактикаси ва саломатлигини муҳофаза қилиш бўйича патронаж тиббиёт ҳамширалари ишларининг самарадорлигини ошириш ҳисобидан аҳолига, айниқса, қишлоқ жойларда бирламчи тиббий-санитария ёрдами кўрсатиш сифатини янада яхшилаш бўйича мониторинг олиб борилиши ташкил этилишини ва чора-тадбирлар кўрилишини таъминлаш;

тез тиббий ёрдам хизмати самарадорлигини, у томонидан кўрсатиладиган хизматларнинг тезкорлиги ва сифати оширилишини, уни энг янги диагностика ва даволаш ускуналари билан тизимли асосда қайта жиҳозлаш, замонавий мобил тиббиёт ускуналари ва алоқа воситалари билан жиҳозланган ихтисослаштирилган автотранспорт билан тўлиқ таъминлаш чораларини кўриш;

аҳолининг репродуктив саломатлигини янада мустаҳкамлаш, оналар, болалар ва ўсмирлар саломатлигини муҳофаза қилиш, перинатал ва скрининг-марказларнинг моддий-техника базасини мустаҳкамлаш бўйича маҳаллий давлат органлари ва ташкилотлар фаолиятини мувофиқлаштириш;

соғлом турмуш тарзи ва жисмоний фаоллик тамойилларини тарғиб этиш ва жорий қилиш асосида меҳнатга лаёқатли аҳоли, кекса кишиларнинг соғлиғини яхшилаш, жароҳатланишни камайтириш бўйича профилактика тадбирларини такомиллаштириш, фуқароларнинг ўз соғлиғи учун шахсий масъулиятини кучайтириш, геронтология, аҳолининг гендер ва ёш хусусиятлари масалаларида замонавий илмий ёндашувларни жорий этиш йўли билан аҳоли саломатлигининг муҳим тиббий-демографик тавсифи сифатида узоқ умр кўришга йўналтирилган комплекс чора-тадбирларнинг амалга оширилишини таъминлаш;

катта ёшдагиларга тиббий ва ижтимоий хизмат кўрсатиш даражаси ва сифатини ошириш, уларнинг ҳаёти, фаолияти ва дам олишини ташкил этиш тизимининг ишлашини сифат жиҳатидан янги даражага кўтариш учун қулай ташкилий-ҳуқуқий шарт-шароитлар яратиш;

туғма ва ирсий касалликларнинг юзага келиши сабабларини ўрганиш ва олдини олиш, ҳудуддаги ижтимоий, табиий-иқлим шароитларига хос бўлган касалликларни ўрганиш масалаларида тиббиёт илм-фанини ривожлантириш ҳамда уларнинг олдини олиш бўйича амалий чора-тадбирларни жорий этиш чора-тадбирлари амалга оширилишини таъминлаш;

ҳудудда санитария-эпидемиологик ҳолат ва радиациявий вазият мониторинги олиб борилишини ташкил этиш ва амалга ошириш, келгусида аҳоли соғлиғини мустаҳкамлашга, яшаш муҳити омилларининг инсонга зарарли таъсирини бартараф этишга, атмосфера ҳавоси, тупроқ, сув таъминоти манбалари, озиқ-овқат маҳсулотлари ифлосланишининг олдини олишга йўналтирилган комплекс санитария-гигиена, эпидемияга қарши ва ташкилий тадбирлар амалга оширилишини таъминлаш;

фармацевтика ишлаб чиқаришини таркибий ўзгартириш, модернизациялаш ва диверсификациялашни, фармацевтика тармоғи корхоналарида корпоратив бошқарувнинг замонавий усулларини жорий этиш, дори-дармонлар ва тиббиёт буюмлари ишлаб чиқаришни маҳаллийлаштиришни янада чуқурлаштириш;

г) ҳудудда ногиронлиги бўлган шахсларни тизимли равишда ижтимоий қўллаб-қувватлаш ва уларни реабилитация қилишни таъминлаш соҳасида:

ногиронлиги бўлган шахсларни ижтимоий қўллаб-қувватлашда ҳамкорликни мувофиқлаштириш ва ногиронлиги бўлган шахсларни ҳар томонлама қўллаб-қувватлаш чора-тадбирларини ишлаб чиқиш ҳамда амалга оширишда маҳаллий давлат ҳокимияти органлари ва ташкилотларининг тўғридан-тўғри иштирок этиши механизмларини яратиш;

ижтимоий қўллаб-қувватлашнинг юқори самарадорлигига ва унинг мураккаб ҳаётий вазиятга тушиб қолган муайян шахслар ҳамда оилалар эҳтиёжларига мос келишига эришиш учун ижтимоий ҳимоя қилиш тизимининг барча даражаларида профессионал ижтимоий фаолият ишлаб чиқилиши ва жорий этилишини мувофиқлаштириш;

самарали ижтимоий ҳимоя қилиш учун моддий ресурсларнинг етарли миқдорда ажратилишини, улардан оқилона ва тегишли равишда фойдаланилишини мувофиқлаштириш;

д) аҳоли, айниқса, ёшларнинг интеллектуал салоҳияти, онгу тафаккури, мафкуравий иммунитети ва дунёқарашини юксалтириш соҳасида:

Ўзбекистон Республикаси Президентининг 2019 йил 3 майдаги «Маънавий-маърифий ишлар самарадорлигини ошириш бўйича қўшимча чора-тадбирлар тўғрисида»ги ПҚ-4307-сон қарорига мувофиқ фуқаролар, айниқса ёшлар онгида миллий ғояга, умуминсоний қадриятлар ва демократик принципларга асосланган дунёқарашни шакллантириш, жамоатчилик онгида мустақиллик ғояларига, Ватанга муҳаббат ва содиқлик принципларини сингдиришга йўналтирилган комплекс чора-тадбирларни амалга ошириш;

мамлакатимизда амалга оширилаётган сиёсий, иқтисодий, ижтимоий, маънавий-маърифий ислоҳотларнинг мазмун-моҳиятини кенг жамоатчиликка самарали етказиш бўйича зарур чоралар кўриш;

оила, маҳалла, таълим муассасалари ва меҳнат жамоаларида ижтимоий-маънавий муҳитни ўрганишни ташкил этади ҳамда «маҳалла-туман-вилоят» принципи асосида ҳудудлар бўйича ижтимоий-маънавий муҳит харитасини шакллантириш;

«Жаҳолатга қарши маърифат» ғояси асосида жамиятда узлуксиз маънавий-маърифий тарбия ва тарғибот-ташвиқотнинг стратегик йўналишлари, таъсирчан, креатив ва инновацион усулларини ишлаб чиқилишини таъминлаш;

тинчлик ва осойишталикка, мамлакатимизнинг барқарор тараққиётига, қадрият ва урф-одатларга ҳамда инсонпарварлик ғояларига хавф солувчи турли ички ва ташқи таҳдидларга қарши самарали тарғибот ишларини олиб бориш учун зарур шароитлар яратиш;

10. Вилоятлар ва Тошкент шаҳар ҳокимининг ўринбосари ўз зиммасига юкланган вазифаларни бажариш учун қуйидаги функцияларни амалга оширади:

Ўзбекистон Республикаси қонунлари, Ўзбекистон Республикаси Президенти ва Ҳукуматнинг ҳужжатлари ва топшириқлари бажарилиши юзасидан таъсирчан назоратни таъминлайди;

ҳудудда ёшлар сиёсати ва ижтимоий соҳаларини ривожлантириш, маънавий-маърифий масалаларнинг ўта муҳим ва устувор йўналишлари бўйича яқин, ўрта ва узоқ муддатли истиқболга мўлжалланган концепциялар, давлат дастурлари ҳамда «йўл хариталари» лойиҳаларининг тайёрланишини ташкил этади ва ижросини таъминлайди;

ҳудудни ёшлар сиёсати ва ижтимоий соҳаларини ривожлантириш, маънавий-маърифий ишлар борасида тегишли вазирликлар, идораларлар, қўмиталар, тижорат банкларининг ҳудудий тузилмалари раҳбарлари фаолиятини мувофиқлаштиради ва назорат қилади;

соҳалар ва йўналишларда ислоҳотларнинг амалга оширилаётган ишлари самарадорлигини таҳлил қилиб боради, уларнинг натижалари бўйича таҳлилий материаллар тайёрланиши ва ҳокимлик йиғилишларида муҳокама қилиб борилишини тизимли асосда таъминлайди;

ёшлар сиёсати ва ижтимоий соҳаларини ривожлантириш, маънавий-маърифий масалалар бўйича тегишли вазирликлар, идоралар, қўмиталар ва бошқа ташкилотларнинг ҳудудий тузилмаларининг аниқ кўрсаткичлар ҳамда мақсадли индикаторларга эришишга асосланган фаолиятини тизимли баҳолайди;

туман ва шаҳар ҳокимининг ўринбосарларига юкланган вазифалар ва функцияларнинг самарали ва натижали бажарилиши учун уларнинг шахсий масъулияти ва жавобгарлигини ошириш чораларини кўради ҳамда йил якуни бўйича уларнинг фаолиятини баҳолаб боради;

тегишли комиссияларга (кенгашлар, гуруҳларга) самарали раҳбарлик қилади, комиссиялар (кенгашлар) фаолиятини ташкил этади ва қарорларининг бажарилиши устидан назоратни таъминлайди.

Вилоятлар ва Тошкент шаҳар ҳокимининг ўринбосари белгиланган тартибда ўзига юкланган бошқа функцияларни ҳам амалга оширади.

3-боб. Вилоятлар ва Тошкент шаҳар ҳокими ўринбосарининг ҳуқуқлари ва жавобгарлиги

11. Вилоятлар ва Тошкент шаҳар ҳокимининг ўринбосари ўзига юкланган вазифалар ва функцияларни бажариш учун қуйидаги ҳуқуқларга эгадир:

ҳудудни ёшлар сиёсати ва ижтимоий соҳаларини ривожлантириш, маънавий-маърифий ишлар бўйича қарорлар, дастурлар ва «йўл хариталари»ни ишлаб чиқиш, ижросини ташкил этиш;

соҳа бўйича тегишли вазирликлар, идоралар, қўмиталар, тижорат банкларининг ҳудудий тузилмалари фаолиятини доимий назорат ва таҳлил қилиш;

вазирликлар, идоралар, қўмиталарнинг ҳудудий тузилмалари, туманлар ва шаҳарлар ҳокимликларининг ёшлар сиёсати ва ижтимоий соҳаларини ривожлантириш, маънавий-маърифий ишлар самарадорлиги бўйича ҳисоботларини муҳокама қилиш;

вилоятлар ва Тошкент шаҳар ҳокими ҳузурида ва ўзи раислигида кўриб чиқиладиган масалаларни таҳлил қилиш ва тайёрлаш учун зарур бўлган материаллар ва маълумотларни ҳокимлик аппаратининг бошқа таркибий бўлинмаларидан, маҳаллий давлат ҳокимияти органлари ва ташкилотларидан белгиланган тартибда сўраш ва олиш;

маҳаллий давлат ҳокимияти органлари ва ташкилотлар раҳбарлари ҳамда вакиллари иштирокида йиғилишлар ўтказиш;

вилоятлар ва Тошкент шаҳар ҳокимининг ўринбосарига бириктирилган маҳаллий давлат ҳокимияти органлари ва ташкилотлари ҳамда уларнинг коллегиал органлари мажлислари ва йиғилишларида қатнашиш;

зарурат бўлганда вилоятлар ва Тошкент шаҳар ҳокими ҳузурида ва ўзи раҳбарлигида кўриб чиқиладиган масалаларни ишлаб чиқиш учун маҳаллий давлат ҳокимияти органлари ва ташкилотларининг, илмий муассасалар ва бошқа ташкилотларнинг раҳбарлари ва вакилларини белгиланган тартибда жалб этиш, тегишли масалалар бўйича вақтинчалик ишчи гуруҳлар ташкил этиш.

12. Вилоятлар ва Тошкент шаҳар ҳокимининг ўринбосари ушбу Намунавий низомнинг 9 ва 10-бандларидаги ўзига юкланган вазифалар ва функцияларнинг тегишли равишда ва самарали бажарилиши учун шахсан жавобгардир. Шу жумладан:

ёшлар сиёсати, ижтимоий ривожлантириш ва маънавий-маърифий масалалар бўйича белгиланган асосий кўрсаткичларга ва мақсадларга эришилиши;

ёшларни маданият ва санъат муассасаларига, жисмоний тарбия ва спортга кенг жалб этиш ҳамда аҳоли ва ёшлар ўртасида компьютер технологиялари ва интернетдан самарали фойдаланиш чора-тадбирларини амалга ошириш, ёшлар маънавиятини юксалтириш, улар ўртасида китобхонликни кенг тарғиб қилишга қаратилган комплекс чора-тадбирларни ўз ичига олган бешта ташаббус амалиётга татбиқ этилиши;

«Yoshlar — kelajagimiz» давлат дастури доирасида назарда тутилган тадбирларнинг, хусусан, имтиёзли кредитлар ажратиш орқали ёшлар тадбиркорлигининг кенг ривожланиши;

иқтидорли ёшларни, шунингдек, ёш оилалар ижтимоий қўллаб-қувватланиши, улар учун муносиб шарт-шароитлар яратилиши, ёшлар ўртасида жиноятчилик ва ҳуқуқбузарликларнинг камайиши;

«Меҳрибонлик» уйлари тарбияланувчилари учун соғломлаштириш оромгоҳлари ва шаҳар ташқарисидаги уйларнинг моддий-техник базасини мустаҳкамлаш чоралари кўрилиши;

доимий равишда бевосита таълим муассасаларига чиққан ҳолда педагог ходимлар иш фаолияти самарадорлигини оширишга, таълим сифатини яхшилашга қаратилган тадбирлар ташкил этилиши, ўқитувчиларни мажбурий меҳнатга жалб қилмаслик учун қатъий назорат амалга оширилиши, ўқувчилар тўгаракларга тўлиқ жалб этилиши ҳамда уларнинг ёзги ва қишки таътиллари мазмунли ташкил этилиши;

аҳоли саломатлиги кўрсаткичларининг йилдан йилга яхшиланиши, айниқса, аҳолининг ўртача умр кўриш ёшининг ошиши, оналар ва болалар ўлими, бахтсиз ҳодисалардан ўлим, юқумли бўлмаган касалликлардан барвақт ўлим кўрсаткичларининг пасайиши, онкология касалликларидан беш йиллик яшаш кўрсаткичи ошиши, бир йиллик ўлим кўрсаткичининг камайиши;

давлат томонидан кафолатланган тиббий ёрдамнинг белгиланган ҳажмларда ва сифатда кўрсатилиши ҳамда ҳудудда нодавлат тиббиёт ташкилотлари сони ва улар томонидан кўрсатиладиган тиббий хизматлар ҳажмининг ошиши;

аҳолининг эҳтиёжманд қатламларининг ижтимоий ҳимояси давлат талаби даражасида ташкил этилиши, мазкур гуруҳга кирувчи шахсларнинг ижтимоий мослашувини таъминлаш орқали уларнинг сони йилдан-йилга камайиши;

маданий-маърифий, оммавий-спорт, спорт-соғломлаштириш тадбирларига аҳолининг кенг қатламини жалб этиш сонини ошириб бориш, шу орқали ҳудудда маданият ва санъатни янада ривожлантириш учун, спорт турлари бўйича ёш чемпионлар тарбияланишига етарли шарт-шароитлар яратилиши;

мавжуд маданий ва маърифий объектлардан мақсадли ва оқилона фойдаланиш кўрсаткичлари яхшиланиши;

маҳаллий ижро этувчи ҳокимият органлари фаолиятининг очиқлиги таъминланиши ҳамда уларнинг ахборот хизматлари самарадорлиги оширилиши;

ахборот-кутубхона марказлари тармоғи кенгайтирилиши ва улар томонидан хизмат кўрсатиш сифати яхшиланиши;

аҳолининг муҳим муаммоларини ҳал этишда маҳалла институтининг роли кучайтирилиши, фуқаролар йиғинининг давлат органлари ва фуқаролик жамияти институтлари билан тизимли ҳамкорлигини кучайтириш бўйича тегишли чора-тадбирлар белгиланиши учун масъулдир.

4-боб. Вилоятлар ва Тошкент шаҳар ҳокимининг ўринбосари фаолиятини ташкил этиш

13. Вилоятлар ва Тошкент шаҳар ҳокимининг ўринбосарининг фаолияти Ўзбекистон Республикасининг «Маҳаллий давлат ҳокимияти тўғрисида»ги Қонунига , Ўзбекистон Республикаси Президенти ва Вазирлар Маҳкамасининг қарорларига, шунингдек, ушбу Намунавий низомга мувофиқ, вилоятлар ва Тошкент шаҳар ҳокимларининг чораклик ва ярим йиллик иш режалари асосида ташкил этилади.

Ушбу иш режалар асосида вилоятлар ва Тошкент шаҳар ҳокимлари ўринбосарининг ойлик шахсий иш режалари ишлаб чиқилади ҳамда вилоятлар ва Тошкент шаҳар ҳокимлари томонидан тасдиқланади.

14. Вилоятлар ва Тошкент шаҳар ҳокимининг ёшлар масалалари бўйича ўринбосарининг ҳисоботи вилоятлар ва Тошкент шаҳар ҳокимларининг тезкор йиғилишларида ҳар ҳафтада эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига мувофиқ вилоятлар ва Тошкент шаҳар ҳокими ўринбосарининг тегишли ҳисоботлари халқ депутатлари Кенгаши мажлисида эшитилади.

15. Котибият мудири ва мутахассисларнинг шахсий иш режалари вилоятлар ва Тошкент шаҳар ҳокимининг ўринбосари томонидан тасдиқланади.

16. Вилоятлар ва Тошкент шаҳар ҳокимининг ўринбосари фаолиятини таъминлаш тегишли котибият томонидан амалга оширилади.

Вилоятлар ва Тошкент шаҳар ҳокимининг ўринбосари томонидан фаолияти мувофиқлаштириладиган давлат ва хўжалик бошқаруви органларининг ҳудудий бўлинмалари

1. Мактабгача таълим бошқармаси.

2. Халқ таълими бошқармаси.

3. Соғлиқни сақлаш бошқармаси.

4. Санитария-эпидемиология хизматининг ҳудудий бошқармаси.

5. Тиббий-ижтимоий хизматларни ривожлантириш агентлигининг ҳудудий бўлими.

6. Ёшлар ишлари агентлиги ҳудудий бошқармаси.

7. Вазирлар Маҳкамаси ҳузуридаги Таълим сифатини назорат қилиш давлат инспекциясининг ҳудудий бўлими.

8. Олий таълим муассасалари.

9. Касбий таълимни ривожлантириш ва мувофиқлаштириш ҳудудий бошқармаси.

10. Ҳудудлардаги Президент мактаблари, ижод ва ихтисослаштирилган мактаблар.

11. Вазирликлар ва идоралар, хўжалик бирлашмалари, корхоналар ва бошқа ташкилотларнинг ҳудудий бўлинмалари — ёшлар сиёсати, ижтимоий ривожлантириш, маънавий-маърифий ишларни ривожлантириш масалалари юзасидан.

Вилоятлар ва Тошкент шаҳар ҳокимининг ўринбосари томонидан ўзаро ҳамкорлиги таъминланадиган ташкилотларнинг ҳудудий бўлинмалари

1. Республика Маънавият ва маърифат маркази ҳудудий бўлими.

2. Фуқароларнинг ўзини ўзи бошқариш органлари фаолиятини мувофиқлаштириш ҳудудий кенгаши.

3. Ўзбекистон ёшлар иттифоқи ҳудудий кенгаши, «Yoshlar — kelajagimiz» жамғармасининг туман, шаҳар бўлимлари.

4. Ўзбекистон Ёзувчилар уюшмаси ҳудудий бўлими.

5. Касаба уюшмалари федерациясининг ҳудудий кенгаши.

Вазирлар Маҳкамасининг 2021 йил 28 августдаги 548-сон қарорига 6-ИЛОВА

Ҳоким ўринбосари — вилоятлар ва Тошкент шаҳар оила ва хотин-қизлар бошқармаси бошлиқларининг функционал вазифалари тўғрисида

1-боб. Умумий қоидалар

2. Вилоятлар ва Тошкент шаҳар ҳокимларининг ўринбосари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ҳукуматининг ҳужжатларига, халқ депутатлари Кенгаши қарорларига, вилоятлар ва Тошкент шаҳар ҳокимларининг қарорлари ва фармойишларига, шунингдек, ушбу Намунавий низомга амал қилади.

6. Вилоятлар ва Тошкент шаҳар ҳокимининг ўринбосарига туманлар ва шаҳарлар ҳокимининг ўринбосари — оила ва хотин-қизлар бўлими бошлиқлари бўйсунади.

2-боб. Вилоятлар ва Тошкент шаҳар ҳокими ўринбосарининг асосий вазифалари ва функциялари

8. Қуйидагилар вилоятлар ва Тошкент шаҳар ҳокими ўринбосарининг асосий вазифалари ҳисобланади:

хотин-қизларнинг ҳуқуқ ва қонуний манфаатларини ҳимоя қилиш, уларнинг мамлакат ижтимоий-сиёсий ҳаётидаги ўрни ва фаоллигини ошириш, гендер тенглик кафолатларини таъминлаш, илмий фаолиятга кенг жалб қилиш;

оила ва хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган оила ва хотин-қизларга ижтимоий-ҳуқуқий, психологик ёрдам кўрсатиш;

хотин-қизларга меҳнат бозорида талаб юқори бўлган касблар бўйича билим ва кўникмаларни эгаллашлари учун зарур шароитлар яратиш, қишлоқ жойлардаги хотин-қизларни оилавий ва хусусий тадбиркорликка, ҳунармандчиликка кенг жалб этиш;

хотин-қизлар ўртасида соғлом турмуш тарзини шакллантириш, оиладаги маънавий-ахлоқий қадриятларни мустаҳкамлаш бўйича манзилли чора-тадбирларни амалга ошириш;

хотин-қизлар йўналишидаги нодавлат нотижорат ташкилотлар фаолиятига ёрдам кўрсатиш;

концепциялар, давлат дастурлари ва «йўл хариталари»ни ишлаб чиқиш ва амалга ошириш.

9. Вилоятлар ва Тошкент шаҳар ҳокими ўринбосари ўз зиммасига юкланган вазифаларни бажариш учун қуйидаги функцияларни амалга оширади:

а) хотин-қизларнинг ҳуқуқ ва қонуний манфаатларини ҳимоя қилиш, уларнинг мамлакат ижтимоий-сиёсий ҳаётидаги ўрни ва фаоллигини ошириш, гендер тенглик кафолатларини таъминлаш, илмий фаолиятга кенг жалб қилиш соҳасида:

хотин-қизларни қўллаб-қувватлашга доир давлат сиёсатининг самарали ижросини таъминлаш, уларнинг ҳуқуқлари ва қонуний манфаатларини ҳимоя қилиш ҳамда хотин-қизларнинг ижтимоий-сиёсий ҳаётдаги роли ва фаоллигини ошириш бўйича таклифлар ишлаб чиқади ва тегишли чора-тадбирларни амалга оширади;

хотин-қизларни оила, маҳалла ва меҳнат жамоаларида ижтимоий-ҳуқуқий жиҳатдан қўллаб-қувватлаш, ижтимоий-сиёсий фаоллигини ошириш, маънавиятини юксалтириш, ёшларни оилавий ҳаётга тайёрлаш, замонавий намунали оилани шакллантириш, унинг маънавий-ахлоқий муҳитини ва анъанавий оилавий қадриятларни мустаҳкамлаш бўйича мақсадли чора-тадбирларни амалга оширишда туман (шаҳар)лар оила ва хотин-қизлар бўлимлари ва маҳаллалардаги хотин-қизлар фаолларини ишини самарали ташкил этиш чораларини кўради;

хотин-қизларни ижтимоий-сиёсий фаоллигини ошириш, уларни қўллаб-қувватлашга доир ислоҳотларнинг мазмун-моҳияти ва аҳамиятини аҳоли ўртасида кенг тарғиб қилади;

оилалар ва хотин-қизлар, айниқса, оғир ижтимоий аҳволга тушиб қолган оилалар ва хотин-қизларни ижтимоий ва моддий қўллаб-қувватлаш, шунингдек, уларнинг биринчи навбатдаги эҳтиёжлари қондирилишида ҳар томонлама ёрдам беришни ташкил этади;

оғир ижтимоий аҳволга тушиб қолган оила ва хотин-қизлар назарда тутилган имтиёзлар бўйича қонунчилик ҳужжатлари ижросининг назоратини, уларни ижтимоий қўллаб-қувватлаш ва тиббий ёрдам билан таъминлаш соҳасида тегишли давлат ва жамоат ташкилотлари билан ҳамкорликни амалга ошириш чораларини кўради;

хотин-қизларнинг мурожаатлари ва уйма-уй юриш жараёнида аниқланган муаммоларнинг ҳудудларни ижтимоий-иқтисодий ривожлантириш бўйича секторлар, мутасадди давлат ва жамоат ташкилотлари томонидан ўз вақтида ҳал этилиши юзасидан мунтазам мониторинг юритади ва кўмаклашади;

хотин-қизлар ҳуқуқлари ва қонуний манфаатларини кўзлаб, судларга ариза (шикоят) ва даъволарни киритади;

хотин-қизлар ҳуқуқларини ҳимоя қилиш соҳасида ижтимоий шериклик тизимини ривожлантиришга, Ҳукумат ва маҳаллий давлат ҳокимияти органлари билан ҳамкорлик тамойилларининг амалга оширилишига кўмаклашади;

хотин-қизлар жамоатчилик кенгашлари ишини самарали ташкил этиш бўйича таклифлар ишлаб чиқади ва тегишли чора-тадбирларни амалга оширади;

хотин-қизлар масалалари бўйича бошланғич ташкилотларга, жумладан, ташкилот, муассаса ва корхоналарда хотин-қизлар масалалари бўйича маслаҳат кенгашларига ҳар томонлама кўмаклашади ҳамда уларнинг фаолияти самарадорлигини ошириш чораларини кўради;

иқтидорли қизларни аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда адабиёт, маданият, санъат, таълим ва спорт соҳаларидаги алоҳида ютуқлари учун Зулфия номидаги Давлат мукофоти билан тақдирлаш учун таклифлар тайёрлаш ишларини ҳамда ушбу мукофот бўйича маҳаллий комиссиялар фаолиятини ташкил қилади;

хотин-қизлар ўртасида ҳар йили уларнинг ижтимоий-сиёсий ҳаётдаги ўрни ва фаоллигини оширишга қаратилган турли кўрик-танловларни ташкил этади;

ўз ваколати доирасида ҳудудларни ижтимоий-иқтисодий ривожлантириш дастурлари лойиҳаларини ишлаб чиқишда иштирок этади;

олий таълим ва илмий-тадқиқот муассасалари билан ҳамкорликда хотин-қизларни илм-фанга кенг жалб этиш, улар ўртасида инновацияларни ривожлантиришга оид чора-тадбирларни амалга оширади;

ташаббускор, амалий иш тажрибасига эга бўлган қизлардан кадрлар захирасини шакллантириш ва уларнинг номзодларини тегишли раҳбарлик лавозимларига тавсия этиш тизимини йўлга қўяди;

б) оила ва хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган оила ва хотин-қизларга ижтимоий-ҳуқуқий, психологик ёрдам кўрсатиш соҳасида:

хотин-қизларнинг муаммоларини ўз вақтида аниқлаш, оғир ижтимоий аҳволга тушиб қолган хотин-қизлар, шу жумладан, ногиронлиги бўлган аёллар билан якка тартибда ҳамда аниқ мақсадга йўналтирилган ишларни олиб бориш, уларга ижтимоий-ҳуқуқий, психологик ва моддий ёрдам кўрсатиш ишларини ташкил этади, ушбу йўналишда маҳаллалардаги хотин-қизлар фаолларининг ишини мувофиқлаштириб боради;

маҳаллалардаги хотин-қизлар фаолларига хотин-қизларнинг муаммоларини ўз вақтида аниқлаш ва бартараф этишда, уларни оғир ижтимоий аҳволдан чиқариш чораларини амалга оширишда услубий ва амалий кўмаклашади;

оғир ижтимоий аҳволга тушиб қолган хотин-қизларга, шу жумладан, ногиронлиги бўлган аёлларга ижтимоий-ҳуқуқий, психологик ва моддий ёрдам кўрсатиш тизимини шакллантириш, уларнинг иқтисодий барқарорлигини таъминлаш бўйича таклифлар ишлаб чиқади ва тегишли чора-тадбирларни амалга оширади;

хотин-қизларнинг муаммоларини ўз вақтида аниқлаш, ёрдамга муҳтож бўлган ва оғир ижтимоий аҳволга тушиб қолган хотин-қизларнинг, шу жумладан, кам таъминланган ҳамда ногиронлиги бўлган аёлларнинг манзилли рўйхатларини тузиш, уларга ижтимоий-ҳуқуқий, психологик ва моддий ёрдам кўрсатиш ишларини ташкил этади;

уй-жойга муҳтож, оғир ижтимоий аҳволга тушиб қолган, кам таъминланган ҳамда ногиронлиги бўлган хотин-қизларнинг рўйхатини тузиш, зарур ҳужжатларни расмийлаштириш, Оила ва хотин-қизларни қўллаб-қувватлаш давлат мақсадли жамғармаси ҳисобидан бошланғич бадални тўлаб бериш орқали уларни арзон уй-жойлар билан таъминлаш ишларини ташкил этади;

оилалардаги ижтимоий-маънавий муҳитни ўрганиш ҳамда соғломлаштиришга қаратилган чора-тадбирларни амалга оширишда маҳаллалардаги хотин-қизлар фаолларининг давлат ҳамда жамоат ташкилотлари билан ўзаро ҳамкорликдаги фаолиятини таъминлайди;

нотинч ва муаммоли оилаларни аниқлаш, уларнинг манзилли рўйхатларини тузиш, маънавий-ахлоқий муҳитни соғломлаштириш, низоли ҳолатларнинг олдини олиш, оилавий муносабатларни мустаҳкамлаш ва миллий менталитетга зид бўлган ёт хавф-хатарларга қарши курашиш мақсадида улар билан тўғридан-тўғри ишлашни ташкил этади;

«Меҳрибонлик» уйлари, Болалар шаҳарчалари ва оилавий болалар уйларида тарбияланаётган, васийликка, ҳомийликка ва оилага тарбияга олинган (патронат) қизларнинг таълим-тарбияси, уларни балоғатга, турмушга тайёрлаш ишларига ёрдамлашади;

ҳар йили камида икки маротаба ўқув-тарбия муассасаларида тарбияланаётган, васийликка, ҳомийликка ва оилага тарбияга олинган (патронат) қизларнинг ижтимоий ҳолатини ўрганиб боради;

ўқув-тарбия муассасаларида тарбияланаётган, васийликка, ҳомийликка ва оилага тарбияга олинган (патронат) қизларнинг муаммоларини жойида ҳал қилишга ҳамда ўқув-тарбия муассасаларидан кейинги ҳаётида ўз ўрнини топишига ҳар томонлама кўмаклашади;

хотин-қизлар ўртасида турли салбий ижтимоий ҳаракатлар, айниқса, ўз жонига қасд қилиш, фоҳишабозлик, вояга етмаган қизларнинг эрта турмушга чиқиш каби ҳолатларнинг сабабларини чуқур ўрганиш ҳамда натижалари бўйича маҳаллалар, маҳаллий ҳокимликлар, ҳуқуқни муҳофаза қилувчи органлар ва тегишли ташкилотлар билан ҳамкорликда профилактика чора-тадбирлари амалга оширилишини ташкил этади;

в) хотин-қизларга меҳнат бозорида талаб юқори бўлган касблар бўйича билим ва кўникмаларни эгаллашлари учун зарур шароитлар яратиш, қишлоқ жойлардаги хотин-қизларни оилавий ва хусусий тадбиркорликка, ҳунармандчиликка кенг жалб этиш соҳасида:

аҳоли бандлигига кўмаклашиш марказлари билан хотин-қизларнинг бандлигини таъминлаш чораларини кўриш, меҳнат шароитларини яхшилашга оид масалаларни ҳал этиш, қишлоқ жойларидаги хотин-қизларни, айниқса, ёш қизларни тадбиркорликка, ҳунармандчиликка кенг жалб этиш учун бизнес тузилмалари, тадбиркор аёл бирлашмаларининг имкониятларидан самарали фойдаланиш бўйича таклифлар ишлаб чиқади ва тегишли чора-тадбирларни амалга оширади;

ишсиз ва ижтимоий фаол бўлмаган хотин-қизлар билан индивидуал иш олиб бориш, уларни касб-ҳунарга тайёрлаш бўйича ўқитишга қаратилган ташкилий чора-тадбирларни амалга оширади;

тадбиркорлик фаолиятини амалга ошираётган ва йўлга қўйиш истагида бўлган хотин-қизларга тижорат банклари томонидан белгиланган тартибда кредит маблағлари, Оила ва хотин-қизларни қўллаб-қувватлаш давлат мақсадли жамғармаси маблағлари ҳисобидан кредитлар ажратилишига кўмаклашади;

хотин-қизларнинг тадбиркорлик ғояларини амалга ошириш, улар фаолиятига кредит, субсидия ва бошқа ёрдам чораларини жалб қилиш бўйича маҳаллалардаги хотин-қизлар фаолларининг ҳудуддаги тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича туман (шаҳар) ҳокимлари ёрдамчилари билан ҳамкорлигини ташкил этади;

маҳаллалардаги хотин-қизлар фаолларининг «Аёллар маслаҳат кенгашлари» билан яқин ҳамкорликда ижтимоий ҳимояга муҳтож хотин-қизларни тадбиркорликка ўқитиш, бизнесга оид намунавий режаларни ишлаб чиқиш ва кредит олишда уларга кўмаклашиш, «Аёллар дафтари»га киритилган хотин-қизлар билан манзилли ишларни амалга ошириш ишларини ташкил этади ва мувофиқлаштириб боради;

жойларда хотин-қизларнинг бандлигини таъминлаш, улар ўртасида тадбиркорликни, ҳунармандчиликни ривожлантириш бўйича кўрилаётган амалий чоралар самарадорлигини мониторинг қилади;

маҳаллаларда хотин-қизларни касбга ўқитиш, уларнинг молиявий саводхонлигини ошириш, тадбиркорлик билан шуғулланиш ҳиссини уйғотиш бўйича таклифлар ишлаб чиқади ва тегишли чора-тадбирларни амалга оширади;

Республика ва ҳудудий «Хотин-қизлар тадбиркорлик марказлари» фаолиятини самарали ташкил этиш чораларини кўради;

г) хотин-қизлар ўртасида соғлом турмуш тарзини шакллантириш, оиладаги маънавий-ахлоқий қадриятларни мустаҳкамлаш бўйича манзилли чора-тадбирларни амалга ошириш соҳасида:

маҳаллаларда хотин-қизлар учун уларнинг ёшини ҳисобга олган ҳолда, турли ижтимоий-маданий ва соғломлаштириш тадбирлари, махсус спорт мусобақалари, шунингдек, ёзувчилар, санъаткорлар, рассомлар ва бошқа ижод аҳли вакилларини таклиф этган ҳолда ижодий кечалар ташкил этади;

хотин-қизларни соғломлаштириш тадбирларини ташкил этиш, маданият, туризм, оммавий жисмоний тарбия ва спорт муассасалари, санаторий-курортларда даволаш, болаларни соғломлаштириш ва уларнинг дам олиши масалаларида давлат органлари, маҳаллалар, иш берувчилар, нодавлат нотижорат ташкилотлари ва фуқаролик жамиятининг бошқа институтлари билан ҳамкорликни амалга оширади;

оила институтини мустаҳкамлаш, «Соғлом оила — соғлом жамият» ғоясини ижтимоий ҳаётга татбиқ этиш чораларини кўради;

замонавий оилани ривожлантириш, оиланинг ички муносабатлари, шахслараро муносабатлар, яхши қўшничилик муносабатлари, бой маданий, тарихий мерос ва анъанавий оилавий қадриятлар асосида оила институтини мустаҳкамлаш бўйича таклифлар ишлаб чиқади ва тегишли чора-тадбирларни амалга оширади;

ёшларни оилавий ҳаётга тайёрлаш, уларга оиладаги низоли ҳолатларни ҳал қилишнинг ҳуқуқий ва психологик асосларини ўргатиш, оилаларни мустаҳкамлаш, эрта никоҳ ва оилавий ажралишларнинг олдини олиш бўйича таклифлар ишлаб чиқади ва тегишли чора-тадбирларни амалга оширади;

оила-никоҳ муносабатлари соҳасида амалиётни ўрганиш ҳамда тажриба алмашиш борасида халқаро ва хорижий ташкилотлар, илмий-тадқиқот муассасалари билан ҳамкорликни амалга оширади;

хотин-қизларнинг оилаларни мустаҳкамлаш, миллий ва умуминсоний қадриятларни асраб-авайлаш ҳамда уларнинг фарзанд тарбиясидаги ролини оширишга қаратилган чора-тадбирларни ишлаб чиқади ва амалга оширади;

ҳудудларда, айниқса, қишлоқларда хотин-қизларга кўрсатиладиган тиббий-ижтимоий хизматлар сифатини, улар ўртасида соғлом турмуш тарзини таъминлаш борасидаги ишлар самарадорлигини ошириш чораларини кўради;

жамият ва давлат ҳаётида фаоллик ва ташаббускорлик кўрсатган, ўзининг самарали меҳнати билан оиланинг тотувлиги ва фаровонлиги мустаҳкамланишига, оналик ва болалик муҳофазасига муносиб ҳисса қўшган, шунингдек, соғлом ва баркамол авлодни вояга етказиш, уларни Ватанга садоқат руҳида тарбиялаш, жойларда маънавий-ахлоқий муҳитни соғломлаштириш ва миллий қадриятларни кенг тарғиб этиш борасида ибратли фаолият олиб бораётган хотин-қизларни «Мўътабар аёл» кўкрак нишони билан тақдирлаш ишларини ташкил этади;

фаровон ва барқарор оилаларнинг ҳаётий тажрибаларини оммалаштириш мақсадида оила институтини мустаҳкамлаш, оилавий қадриятларни сақлаш ва ривожлантиришга муносиб ҳисса қўшган оилаларни «Ибратли оила» кўкрак нишони билан тақдирлашга доир таклифлар тайёрлаш ишларини ташкил этади;

д) хотин-қизлар йўналишидаги нодавлат нотижорат ташкилотлар фаолиятига ёрдам кўрсатиш соҳасида:

хотин-қизларнинг ҳуқуқ ва қонуний манфаатларини ҳимоя қилиш, уларнинг мамлакат ижтимоий-сиёсий ҳаётидаги ўрни ва фаоллигини ошириш, гендер тенглик кафолатларини таъминлаш соҳаларида нодавлат нотижорат ташкилотларига кўмаклашади;

хотин-қизлар йўналишидаги нодавлат нотижорат ташкилотларнинг илғор тажрибаларини оммалаштириш, улар томонидан ишлаб чиқилган истиқболли лойиҳаларни амалга оширишда кўмаклашиш чораларини кўради;

маҳаллаларда соҳа мутахассисларини ҳамда нодавлат нотижорат ташкилотларни жалб этган ҳолда, хотин-қизлар учун «Маънавият соатлари» ва «Ҳуқуқий билимлар» тадбирлари ўтказилишини ташкил этади;

хотин-қизларнинг ҳуқуқ ва манфаатларини таъминлаш, кам таъминланган ва ижтимоий ҳимояга муҳтож оилаларни эҳтиёжмандлик даражасидан чиқариш бўйича жамоатчилик назоратини таъминлашда нодавлат нотижорат ташкилотларни жалб этиш ишларини ташкил этади.

Шунингдек, вилоятлар ва Тошкент шаҳар ҳокимининг ўринбосари қуйидаги қўшимча функцияларни амалга оширади:

хотин-қизларни ҳар томонлама қўллаб-қувватлаш, уларнинг ижтимоий муаммоларини ҳал этиш, оилалар мустаҳкамлигини таъминлаш борасида ўта муҳим ва устувор йўналишлар бўйича яқин, ўрта ва узоқ муддатли истиқболга мўлжалланган концепциялар, давлат дастурлари ҳамда «йўл хариталари» лойиҳаларининг тайёрланишини ташкил этади ва ижросини таъминлайди;

вилоятлар ва Тошкент шаҳар ҳокимликлари мажлисларида, ҳокимлар ҳузурида ўтказиладиган йиғилишларда кўриб чиқиш учун хотин-қизлар ва оила масалалари бўйича материаллар тайёрланишини ва киритилишини таъминлайди;

туманлар ва шаҳарлар ҳокимларининг ўринбосари — оила ва хотин-қизлар бўлими бошлиқларига юкланган вазифалар ва функцияларнинг самарали бажарилиши учун уларнинг шахсий масъулияти ва жавобгарлигини ошириш чораларини кўради ҳамда йил якуни бўйича уларнинг фаолиятини баҳолаб боради;

Ўзбекистон Республикаси Президентининг Ўзбекистон Республикаси Олий Мажлисига Мурожаатномасидан келиб чиқадиган тегишли йилга мўлжалланган давлат дастурининг амалга оширилиши тўғрисида ҳар ойлик ҳисоботлар тайёрланишини ва уларнинг Вазирлар Маҳкамасига, вилоятлар ва Тошкент шаҳар ҳокимликларининг тегишли хизматларига тақдим этилишини таъминлайди;

хотин-қизлар муаммоларини ҳал этиш ва уларнинг ижтимоий-сиёсий фаоллигини ошириш, уларни тадбиркорлик фаолиятига кенг жалб этиш борасида Ўзбекистон Республикаси Президентининг вилоятлар ва Тошкент шаҳридаги Халқ қабулхоналари, Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхоналари, сиёсий партиялар билан ҳамкорлик қилади;

ўз ваколатига кирадиган масалалар бўйича жисмоний шахсларни ва юридик шахсларнинг вакилларини қабул қилади, шунингдек, уларнинг мурожаатларини кўриб чиқади.

3-боб. Вилоятлар ва Тошкент шаҳар ҳокими ўринбосарининг ҳуқуқлари ва жавобгарлиги

10. Вилоятлар ва Тошкент шаҳар ҳокимининг ўринбосари ўзига юкланган вазифалар ва функцияларни бажариш учун қуйидаги ҳуқуқларга эгадир:

хотин-қизларнинг турмуш шароитларини яхшилаш бўйича қарорлар, дастурлар ва «йўл хариталари»ни ишлаб чиқиш ҳамда ижросини ташкил этиш;

вилоятлар ва Тошкент шаҳар ҳокимликларида кўриб чиқиладиган масалаларни таҳлил қилиш ва тайёрлаш учун зарур бўлган материаллар ва маълумотларни давлат ва хўжалик бошқаруви органлари ҳудудий бўлинмаларидан, бошқа органлар ва ташкилотлардан белгиланган тартибда сўраш ва олиш;

давлат ташкилотлари ва нодавлат ташкилотлар, маҳаллий ижро этувчи ҳокимият органлари ва ташкилотлар раҳбарларининг хотин-қизлар ва оила масалаларида олиб бораётган ишлари самарадорлигини муҳокама қилиш;

давлат ва хўжалик бошқаруви органлари ҳудудий бўлинмалари, илмий муассасалар ва бошқа ташкилотлар раҳбарлари ва вакилларини вилоятлар ва Тошкент шаҳар ҳокимликларида ҳамда Вазирлар Маҳкамасида кўриб чиқиладиган масалаларни ишлаб чиқиш учун белгиланган тартибда жалб этиш, тегишли масалалар бўйича вақтинчалик ишчи гуруҳлар тузиш;

ўз ваколатига кирадиган масалалар бўйича бошқармалар, идоралар ва бошқа ташкилотлар раҳбарларига топшириқлар бериш ва ижросини талаб қилиш;

мутасаддилик қилинадиган ташкилотлар, шунингдек, туманлар, шаҳарлар ҳокимликлари ва бошқа ташкилотларнинг ўзи мутасаддилик қиладиган масалалар бўйича фаолиятини мувофиқлаштириш ва назорат қилиш;

вилоятлар ва Тошкент шаҳар ҳокимининг ўринбосари котибияти мудири, бош ва етакчи мутахассислар лавозимига номзодлар юзасидан вилоятлар ва Тошкент шаҳар ҳокимларига таклифлар киритиш;

котибият мудирини, бош ва етакчи мутахассисларни қайта тайёрлаш, малакасини ошириш, уларни рағбатлантириш ҳамда уларга нисбатан интизомий жазо чораларини қўллаш тўғрисида таклифлар киритиш.

11. Вилоятлар ва Тошкент шаҳар ҳокимининг ўринбосари ушбу Намунавий низомнинг 8 ва 9-бандларидаги ўзига юкланган вазифаларнинг тегишли равишда ва самарали бажарилиши учун шахсан жавобгардирлар.

4-боб. Вилоятлар ва Тошкент шаҳар ҳокими ўринбосарининг фаолиятини ташкил этиш

12. Вилоятлар ва Тошкент шаҳар ҳокими ўринбосарининг ишлари Вазирлар Маҳкамаси, вилоятлар ва Тошкент шаҳар ҳокимликларининг чораклик ва ярим йилликка мўлжалланган иш режаси асосида ташкил этилади.

Мазкур иш режалари асосида вилоятлар ва Тошкент шаҳар ҳокими ўринбосарининг вилоятлар ва Тошкент шаҳар ҳокимлари томонидан тасдиқланадиган ойлик шахсий иш режалари ишлаб чиқилади.

13. Вилоятлар ва Тошкент шаҳар ҳокимлари ҳузурида ҳар ҳафта ўтказиладиган тезкор мажлисларда вилоятлар ва Тошкент шаҳар ҳокими ўринбосарининг ҳисоботлари эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан вилоятлар ва Тошкент шаҳар ҳокимининг ўринбосарининг ҳисоботлари тегишли халқ депутатлари Кенгаши мажлисларида эшитилади.

14. Котибият мудири ва мутахассисларнинг шахсий иш режалари вилоятлар ва Тошкент шаҳар ҳокимининг ўринбосари томонидан тасдиқланади.

15. Вилоятлар ва Тошкент шаҳар ҳокимининг ўринбосари фаолиятини таъминлаш тегишли котибият томонидан амалга оширилади.

Вилоятлар ва Тошкент шаҳар ҳокимининг ўринбосари томонидан фаолияти мувофиқлаштириладиган ташкилотларнинг ҳудудий бўлинмалари

1. Оила ва хотин-қизлар бошқармаси.

2. Ички ишлар бош бошқармалари — оилаларни мустаҳкамлаш, хотин-қизлар ўртасида ҳуқуқбузарликларнинг барвақт олдини олиш, хотин-қизларни тазйиқ ва зўравонликлардан ҳимоя қилиш чора-тадбирларини амалга ошириш юзасидан.

3. Туман ва шаҳар ФҲДЁ органлари — оилани мустаҳкамлаш, ажралишларнинг олдини олиш, туғилиш ва никоҳни ўз вақтида рўйхатдан ўтказиш, тарғибот ва маърифат чора-тадбирларини амалга ошириш юзасидан.

1. «Соғлом авлод учун» ҳукуматга қарашли бўлмаган халқаро хайрия фондининг вилоятлар ва Тошкент шаҳар минтақавий филиали.

2. Қизил Ярим ой жамияти вилоятлар ва Тошкент шаҳар кенгашлари.

3. «Тадбиркор аёл» уюшмаси вилоятлар ва Тошкент шаҳар бўлимлари.

5. Вилоятлар ва Тошкент шаҳар «Хотин-қизлар тадбиркорлиги марказлари.

Вазирлар Маҳкамасининг 2021 йил 28 август 548-сон қарорига 7-ИЛОВА

Ҳокимнинг туризм, спорт, маданият, маданий мерос ва оммавий коммуникацияларни ривожлантириш масалалари бўйича ўринбосари — туризм ва спорт бош бошқармалари бошлиқларининг функционал вазифалари тўғрисида

1-боб. Умумий қоидалар

2. Вилоятлар ва Тошкент шаҳар ҳокимининг ўринбосари ўз фаолиятида Ўзбекистон Республикаси Конституциясига ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг ва Ҳукуматининг ҳужжатларига, тегишли халқ депутатлари Кенгашлари қарорларига, вилоят ҳокимларининг қарор ва фармойишларига, шунингдек, ушбу Намунавий низомга амал қилади.

Вилоятлар ва Тошкент шаҳар ҳокими ўринбосарининг ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларни ҳал қилиш бўйича фаолияти Ўзбекистон Республикаси Бош вазирининг ўринбосари — туризм ва спорт вазири томонидан мувофиқлаштирилади.

6. Вилоятлар ва Тошкент шаҳар ҳокимининг ўринбосарига шаҳар ва туманлар ҳокимларининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосарлари тегишли йўналиш бўйича ҳисобот берадилар.

2-боб. Вилоятлар ва Тошкент шаҳар ҳокимининг ўринбосарининг асосий вазифалари ва функциялари

8. Қуйидагилар вилоятлар ва Тошкент шаҳар ҳокими ўринбосарининг асосий вазифалари ҳисобланади:

туризмни жадал ривожлантириш, ҳудуднинг туристик салоҳиятидан самарали фойдаланиш, туристик маҳсулотлар ва хизматларни диверсификация қилиш, туризм инфратузилмасини такомиллаштириш;

ички туризмни жадал ривожлантириш, янги туризм маҳсулотларини яратиш, зиёрат туризмини ривожлантириш;

туризм инфратузилмаси ва транспорт логистикасини ривожлантириш, туризм соҳасида юқори малакали мутахассисларни тайёрлаш, хизмат кўрсатувчи ходимларни қайта тайёрлаш ва малакасини ошириш;

аҳолининг кенг қатламлари спорт билан мунтазам шуғулланиши учун етарли шарт-шароитлар яратиш ва шу орқали ёшларнинг жисмонан соғлом бўлиб вояга етиши кўрсаткичларини оширишни таъминлаш;

маданий соҳадаги ислоҳотларни жойларда амалга оширилишини таъминлаш;

аҳолининг кенг қатламлари, айниқса ёшларни маданият муассасаларига жалб этиш ва маданий-оммавий тадбирлар билан тўлиқ қамраб олишни таъминлаш;

ҳудудда оммавий ахборот воситалари, ахборот тарғибот соҳасини комплекс ривожлантиришни таъминлаш чораларини кўриш.

а) ҳудуднинг туристик салоҳиятидан самарали фойдаланиш ва туризмни ривожлантиришни таъминлаш соҳасида:

туризм инфратузилмасини янада ривожлантириш, шу жумладан ушбу соҳада аҳолининг бандлиги ва реал даромадлари оширилишини таъминловчи комплекс чора-тадбирларни амалга оширади;

ҳудудга ташриф буюраётган хорижий ва маҳаллий туристлар оқимини кўпайтириш мақсадида яқин, ўрта муддатли ва узоқ муддатли истиқболда туризм соҳасини стратегик ривожлантириш дастурларини сифатли ва самарали амалга оширилишини таъминлайди;

жойларда туризм соҳасини ривожлантириш бўйича ислоҳотлар амалга оширилишининг самарадорлигини доимий ва тизимли асосда ҳар томонлама ва танқидий таҳлил қилади, аниқланган муаммоларни ўз вақтида бартараф этиш бўйича асосли таклифлар тайёрлайди;

туризм соҳасига замонавий ахборот-коммуникация технологияларини кенг жалб этиш чораларини кўради;

ваколат доирасида Хавфсиз туризмни таъминлаш концепциясини амалга ошириш бўйича зарур чораларни кўради;

туризмни ривожлантириш учун қулай шарт-шароитлар яратиш, ҳудудларда кўрсатилаётган хизматларнинг рақобатбардошлигини ва сифатини ошириш, ҳудуднинг ўзига хос маданияти ва анъаналаридан келиб чиқиб, туризм маҳсулотини фаол ва комплекс тарғиб қилиш чораларини амалга оширади;

Ўзбекистон Республикасида меҳмонхоналар қуришнинг мақсадли параметрлари, меҳмонхоналар ташкил этиш бўйича истиқболли инвестиция лойиҳаларини амалга оширишни таъминлаш бўйича ўз ваколати доирасида тегишли чора-тадбирларни амалга оширади;

б) ички туризмни жадал ривожлантириш, янги туризм маҳсулотларини яратиш соҳасида:

«Ўзбекистон бўйлаб саёҳат қил!» Дастури доирасида ташриф буюраётган маҳаллий туристлар учун туризм инфратузилмасини, шу жумладан меҳмонхона ва овқатланиш шохобчаларининг тайёрлигини таъминлаш, ҳудуддаги жойлаштириш воситалари ва умумий овқатланиш шохобчаларини хатловдан ўтказган ҳолда мавжуд камчиликларни бартараф этиш юзасидан чораларни амалга оширади;

экологик, этномаданий, қишлоқ, агро ва саноат туризми йўналишларини ривожлантириш ҳудудий дастурларини ишлаб чиқиш ҳамда амалга ошириш бўйича чора-тадбирларни белгилайди;

маҳаллий туристлар учун тавсия этиладиган ташриф буюриш объектлари рўйхатини шакллантириш ва уни доимий янгилаб боришни ташкил этади;

маҳаллий туристлар учун театрлаштирилган миллий анъана ва урф-одатлар билан бойитилган томошалар ташкил этилишини таъминлайди;

в) кириш туризмини ривожлантириш ҳамда туристик маҳсулотлар ва хизматларни диверсификация қилиш соҳасида:

туризм йўналишларини тизимлаштиради, шу жумладан туризм намойиши объектларининг ягона ахборот базасини шакллантиради;

танлов асосида вилоят туризм брендининг ишлаб чиқилишини ва Ўзбекистон Республикаси Туризмни ривожлантириш давлат қўмитаси билан ҳамкорликда тасдиқланишини таъминлайди;

тематик туристик зоналари ва кластерларни яратиш орқали ҳамда ҳудуднинг туристик салоҳияти ва хусусиятларини ҳисобга олган ҳолда туризмнинг истиқболли турлари (зиёрат, маърифий, экологик, этнографик, гастрономик, спорт, даволовчи-соғломлаштирувчи, қишлоқ, саноат, ишбилармонлик («MICE-туризм») ва бошқалар)ни ривожлантириш бўйича ҳудудий туризм дастурларини ишлаб чиқади ва амалга оширади;

ҳудуднинг тарихий-маданий меросини кенг тарғиб қилиш, туризм соҳасидаги нуфузини сақлаш ва ривожлантириш, миллий туризм маҳсулотлари ва брендларининг халқаро туризм бозорларига кириб боришига ҳамда янги туризм йўналишларини ташкил этишга қаратилган фаол реклама-ахборот сиёсатини амалга оширади;

бепул фаолият кўрсатувчи, шу жумладан брон қилиш, сувенирлар, китоблар ва туризм хариталари бўйича маълумот берувчи «туризм ахборот шохобчалари» фаолиятини ташкил этади;

юқори туристик салоҳиятга эга бўлган ҳудудларда хавфсиз туризмни таъминлаш бўйича ички ишлар органларининг махсус бўлинмалари билан яқиндан ҳамкорликни ташкил қилади;

г) туризм инфратузилмаси ва транспорт логистикасини ривожлантириш соҳасида:

жойлаштириш воситаларини босқичма-босқич ривожлантириш, йирик, ўрта, кичик меҳмонхоналар ва хостелларни қуришни рағбатлантириш ҳамда мавжуд меҳмонхоналарни реконструкция ва модернизация қилиш бўйича белгиланган чора-тадбирларни амалга оширади;

туризм соҳасига туташ инфратузилмани (умумий овқатланиш объектлари, транспорт-логистика тузилмалари, кўнгилочар масканлар индустрияси, маданий ва спорт муассасалари, туристик намойиш объектлари ва бошқаларни) ривожлантиришга қаратилган комплекс чора-тадбирларни амалга оширади;

туризм инфратузилмаси объектларини қуриш истагини билдирган тадбиркорлик субъектларини қўллаб-қувватлаш бўйича барча зарур чораларни кўради, шу жумладан Ўзбекистон Республикасининг «Давлат-хусусий шериклик тўғрисида»ги Қонуни асосида туризмни ривожлантириш соҳасида давлат-хусусий шериклик лойиҳаларини амалга оширади;

тўғридан-тўғри хорижий инвестицияларни, шунингдек, халқаро молия институтлари ва бошқа ташкилотларнинг кредитлари ва грантларини туризм инфратузилмасини халқаро стандартларга мувофиқ ривожлантиришга жалб этиш чораларини кўради;

туризм навигациясининг унификациялаштирилган ягона тизимини жорий этиш ва ривожлантиришни ташкиллаштиради;

жойлардаги туризм соҳасидаги тадбиркорлик субъектлари билан очиқ мулоқот ва шахсий учрашувлар ўтказади;

йўловчилар ташишни ривожлантириш, шу жумладан автомобиль йўлларини қуриш ва мавжудларини реконструкция қилиш чора-тадбирлари дастурларида белгиланган лойиҳаларнинг амалга оширилишини назорат қилади;

республика ҳудудлари ўртасида авиақатновларни ривожлантириш юзасидан таклифлар ишлаб чиқади;

транспорт хизматларини сифатли кўрсатиш учун ҳудудда транспорт воситаларининг ҳаракатланувчи таркибини мунтазам янгилаб бориш бўйича таклифлар киритади;

д) юқори малакали мутахассисларни тайёрлаш, хизмат кўрсатувчи ходимларни қайта тайёрлаш ва малакасини ошириш соҳасида:

туризм соҳасида юқори малакали кадрларни тайёрлаш юзасидан белгиланган устувор вазифаларнинг бажарилишини таъминлаш, туризм соҳасидаги тадбиркорлик субъектларига кўмаклашган ҳолда уларнинг ходимлари малакасини ошириш юзасидан зарур чоралар кўради;

туризм соҳасида касб-ҳунар таълими муассасаларидаги кадрлар ва битирувчилар тўғрисидаги маълумотлар базасини шакллантиради;

ички ва кириш туризми соҳасида бевосита туристик хизматларни кўрсатувчи туризм соҳаси ходимлари (гидлар, йўриқчи-кузатувчи, туризм фаолияти субъектлари, умумий овқатланиш ташкилотлари, транспорт хизмати ва бошқа ходимлари) учун малака ошириш ўқув машғулотларини ташкил этади;

туризм соҳасида халқаро талабларга жавоб берадиган узлуксиз, кўп босқичли таълим тизимини яратиш юзасидан таклифлар ишлаб чиқади;

туризм соҳасида таълимнинг амалиётга йўналтирилган ва замонавий таълим стандартлари, ўқув-услубий дастурлари ҳамда илғор ахборот-коммуникация технологияларини жорий этиш юзасидан таклифлар ишлаб чиқади;

е) аҳолининг кенг қатламлари спорт билан мунтазам шуғулланишини таъминлаш соҳасида:

аҳолининг кенг қатламларини спорт билан мунтазам шуғулланишга кенг жалб этиш учун шарт-шароитлар яратади ва амалий чора-тадбирларни бажариш, жисмонан соғлом баркамол ёш авлодни вояга етказиш, болалар спортини устувор ривожлантириш, илмий асосланган спорт тиббиётини ривожлантириш, тренерлар таркибининг касбий даражасини доимий равишда ошириш чораларини кўради;

аҳолининг ўсиб бораётган эҳтиёжларидан келиб чиққан ҳолда спорт иншоотларининг моддий-техника базасини янада мустаҳкамлаш чора-тадбирларини амалга оширади, жаҳон стандартларига жавоб берадиган замонавий спорт инвентарлари ва асбоб-ускуналари билан жиҳозлашни ҳисобга олган ҳолда илғор хорижий тажриба асосида халқаро тоифадаги спорт усталарини тайёрлаш учун спорт комплекслари ташкил этилишини таъминлайди;

жисмоний тарбия-спорт жамоат ҳудудий бирлашмалари фаолиятини ривожлантириш ҳамда мустаҳкамлашга доир комплекс чора-тадбирларни ишлаб чиқади ва амалга оширилишини ташкил қилади;

жисмоний тарбия ва спорт соҳасида маҳаллий давлат ҳокимияти органлари ва бошқа ташкилотлар фаолиятини мувофиқлаштиради;

иқтидорли ва истиқболли спортчиларнинг Олимпия ва Осиё ўйинларида, шунингдек, жаҳон чемпионатларида юқори натижаларга эришиши ҳамда мамлакатимизни муносиб ифодалаши учун уларни спорт секциялари ва мактаблари даражасидан бошлаб мамлакат терма жамоасигача танлаш, тайёрлаш ҳамда маҳоратини оширишнинг узлуксиз тизимини янада такомиллаштириш чора-тадбирлари амалга оширилишини таъминлайди;

ж) аҳолининг кенг қатламлари, айниқса ёшларни маданият муассасаларига жалб этиш ва маданий-маърифий тадбирлар билан тўлиқ қамраб олишни таъминлаш соҳасида:

ҳудуддаги маданият муассасалари, жумладан, театрлар, музейлар, маданият марказлари, цирклар, маданият ва истироҳат боғлари, ҳайвонот боғлари фаолияти самарадорлигини ошириш, моддий-техника базасини мустаҳкамлаш ҳамда ушбу муассасаларга аҳоли, айниқса, ёшларни тизимли тарзда жалб этиш чораларини кўради;

ҳудуддаги моддий маданий мерос объектларини муҳофаза қилиш, ишончли сақлаш ва илмий ўрганиш, улардан оқилона фойдаланиш ишларини ташкил этади;

жамиятнинг маданий ва маънавий ҳаётида, айниқса, ёшларни тарбиялашда кино санъатининг роли ва аҳамиятини ошириш, кино маҳсулотларининг ғоявий-бадиий савиясини ошириш, кино санъатини янада такомиллаштириш бўйича зарур шароитлар яратади;

ҳудудда тасвирий, амалий санъатни ва дизайн соҳасини янада ривожлантириш, иқтидорли ёшларни қўллаб-қувватлаш ва уларнинг ўз иқтидорини намоён қилишлари учун муносиб шароитлар яратади;

з) оммавий ахборот воситалари, ахборот тарғиботи соҳасида:

аҳолининг ахборот билан таъминланганлик даражасини ва маданий савиясини ошириш, турли ахборот таҳдидларининг олдини олиш, ёшларнинг онги ва тафаккурини «оммавий маданият»нинг салбий таъсиридан ҳимоя қилишда оммавий ахборот воситаларининг роли ва аҳамиятини янада кучайтириш бўйича комплекс чора-тадбирларни амалга оширади;

маҳаллий ижроя ҳокимияти органлари фаолиятининг очиқлиги мониторингини олиб бориш, оммавий ахборот воситалари ва давлат бошқаруви ҳамда маҳаллий ижро этувчи ҳокимият органлари ахборот хизматларининг ўзаро ҳамкорлиги самарадорлигини ошириш юзасидан зарур чора-тадбирлар кўради;

ахборот-кутубхона марказлари тармоғини кенгайтириш, ахборот-кутубхона хизматлари кўрсатиш сифатини ошириш, жамиятда китоб ўқиш маданиятини ошириш бўйича комплекс чора-тадбирларни амалга оширади;

журналистларнинг ҳуқуқлари ва қонуний манфаатларини ҳимоя қилиш, меҳнат шароитларини яхшилаш чора-тадбирларини амалга оширади;

маҳаллий ижроя ҳокимияти органлари фаолиятининг очиқлиги мониторингини олиб бориш, уларга бириктирилган соҳаларда амалга оширилаётган ишларнинг мақсадлари, вазифалари, амалга оширилиши ва натижалари тўғрисида кенг жамоатчиликка ўз вақтида, холисона ва тўлиқ ахборот берилишини ташкил этади.

Шунингдек, вилоятлар ва Тошкент шаҳар ҳокими ўринбосари қуйидаги қўшимча функцияларни амалга оширади:

Ўзбекистон Республикасининг қонунлари, Ўзбекистон Республикаси Президенти ҳамда Ҳукуматининг ҳужжатлари ва топшириқларининг бажарилиши юзасидан таъсирчан назоратни таъминлайди;

ҳудуднинг туризм салоҳиятини ривожлантиришнинг ўта муҳим ва устувор йўналишлари бўйича яқин, ўрта ва узоқ муддатли истиқболга мўлжалланган концепциялар, ҳудудий дастурлар ҳамда «йўл хариталари» лойиҳаларининг тайёрланишини ташкил этади ва ижросини таъминлайди;

туризм соҳасидаги ислоҳотлар доирасида амалга оширилаётган ишлар самарадорлигини таҳлил қилиб боради, уларнинг натижалари бўйича таҳлилий материаллар тайёрланиши ва ҳокимлик йиғилишларида муҳокама қилиб борилишини тизимли асосда таъминлайди;

вилоят ҳокимлигининг иш режасига туризм соҳасини ривожлантириш йўналиши бўйича масалаларга доир таклифлар киритади;

туман ва шаҳар ҳокимларининг инвестициялар, инновациялар, хусусийлаштирилган корхоналарга кўмаклашиш, эркин иқтисодий ва кичик саноат зоналари ҳамда туризмни ривожлантириш масалалари бўйича ўринбосарларига юкланган туризмни ривожлантириш бўйича вазифалар ҳамда функцияларнинг самарали ва натижали бажарилиши учун уларнинг шахсий масъулияти ва жавобгарлигини ошириш чораларини кўради ҳамда йил якуни бўйича уларнинг мазкур йўналишдаги фаолиятини баҳолаб боради;

тегишли комиссияларга (кенгашлар, гуруҳлар) самарали раҳбарлик қилади, вилоят ҳокими бошчилик қиладиган комиссиялар (кенгашлар) фаолиятини ташкил этади ва қарорларининг бажарилиши устидан назоратни таъминлайди;

белгиланган тартибда ўзига юкланган бошқа функцияларни амалга оширади.

3-боб. Вилоятлар ва Тошкент шаҳар ҳокимининг ўринбосари ҳуқуқлари ва жавобгарлиги

10. Вилоятлар ва Тошкент шаҳар ҳокимининг ўринбосари ўзига юкланган вазифа ва функцияларни бажариш учун қуйидаги ҳуқуқларга эга:

ҳокимликда кўриб чиқиладиган туризм соҳасига оид масалаларни ишлаб чиқиш, ахборот ва таҳлилий материалларни тайёрлаш, ушбу мақсадлар учун вақтинчалик эксперт гуруҳларини ташкил этиш;

туризмни ривожлантириш бўйича ҳудудий дастурлар ва «йўл хариталари»ни ишлаб чиқиш ва ижросини ташкил этиш;

ҳудудда туризмни ривожлантириш масалаларини давлат ва хўжалик бошқаруви органларининг ҳудудий бошқарма ва бўлинмалари, шаҳар ва туман ҳокимликлари, бошқа ташкилотлар раҳбарлари ва ходимлари иштирокида кўриб чиқиш ва муҳокама қилиш;

давлат ва хўжалик бошқаруви органларининг ҳудудий бошқарма ва бўлинмалари, шаҳарлар ва туманлар ҳокимликлари, бошқа ташкилотлар раҳбарларига тезкорлик билан ҳал этишни талаб қиладиган ҳамда бошқарув аппаратига юкланган вазифалар ва функцияларни бажариш билан боғлиқ бўлган масалалар бўйича белгиланган тартибда топшириқлар бериш.

4-боб. Вилоятлар ва Тошкент шаҳар ҳокимининг ўринбосари фаолиятини ташкил этиш

12. Вилоятлар ва Тошкент шаҳар ҳокими ўринбосарининг иши Ўзбекистон Республикасининг «Маҳаллий давлат ҳокимияти тўғрисида»ги Қонуни , Ўзбекистон Республикаси Президентининг ва Вазирлар Маҳкамасининг қарорлари, шунингдек, ушбу Намунавий низомга мувофиқ, вилоятлар ҳокимларининг чораклик ва ярим йиллик иш режалари асосида ташкил этилади.

Ушбу иш режалари асосида вилоятлар ва Тошкент шаҳар ҳокими ўринбосарининг ойлик шахсий иш режалари ишлаб чиқилади ва улар вилоятлар ҳокимлари томонидан тасдиқланади.

13. Вилоятлар ва Тошкент шаҳар ҳокими ўринбосарининг Ўзбекистон Республикаси қонунлари, Ўзбекистон Республикаси Президенти ва Ҳукуматининг ҳужжатларида белгиланган вазифаларнинг бажарилишини таъминлаш бўйича фаолияти Ўзбекистон Республикаси Бош вазири ўринбосари — туризм ва спорт вазири ва ҳоким топшириқларига мувофиқ комплекс ўрганишларни амалга ошириш, Вазирлар Маҳкамаси Раёсати ва вилоят ҳокимлиги мажлисларида ҳисоботларни эшитиш йўли билан ташкил этилади.

14. Вилоятлар ва Тошкент шаҳар ҳокимларининг тезкор йиғилишларида вилоятлар ва Тошкент шаҳар ҳокими ўринбосарининг ҳисоботлари ҳар ҳафтада эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан ҳокимлар ўринбосарларининг ҳисоботлари тегишли халқ депутатлари Кенгаши мажлисида эшитилади.

Вилоятлар ва Тошкент шаҳар ҳокимининг ўринбосари томонидан фаолияти мувофиқлаштириб бориладиган давлат ва хўжалик бошқаруви органларининг ҳудудий бўлинмалари

1. Туризм ва спорт бошқармаси.

2. Маданият бошқармаси.

3. Маданий мерос бошқармаси.

4. Кинематография агентлигининг ҳудудий бўлими.

5. Ҳудудий ахборот ва оммавий коммуникациялар бошқармаси.

6. Вилоят телерадиокомпанияси.

7. Ҳудуддаги маданият, санъат ва ижодий ташкилотлар ҳамда муассасалар.

8. Вазирликлар ва идоралар, хўжалик бирлашмалари, корхоналар ва бошқа ташкилотларнинг ҳудудий бўлинмалари — туризм, спорт, маданият, маданий мерос ва оммавий коммуникацияларни ривожлантириш масалалари юзасидан.

1. Туризм соҳасидаги коллежлар ва техникумлар.

2. Жисмоний тарбия ва спорт бирлашмалари, спорт федерацияларининг ҳудудий бўлимлари ҳамда муассасалари.

3. Ҳудуддаги маданият, санъат ва ижодий ташкилотлар ҳамда муассасалар.

Вазирлар Маҳкамасининг 2021 йил 28 августдаги 548-сон қарорига 8-ИЛОВА

Ҳокимнинг жамоат ва диний ташкилотлар билан алоқалар бўйича ўринбосарининг функционал вазифалари тўғрисида

1-боб. Умумий қоидалар

2. Вилоятлар ва Тошкент шаҳар ҳокимларининг ўринбосари ўз фаолиятида Ўзбекистон Республикаси Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президенти ва Ҳукуматининг ҳужжатларига, тегишли халқ депутатлари Кенгашларининг қарорларига, вилоятлар ва Тошкент шаҳар ҳокимларининг қарорлари ва фармойишларига, шунингдек, ушбу Намунавий низомга амал қилади.

Вилоятлар ва Тошкент шаҳар ҳокими ўринбосарининг ўзига бириктирилган тармоқ ва соҳаларда ҳудудларни ривожлантириш билан боғлиқ вазифаларини ҳал қилиш бўйича фаолияти Ўзбекистон Республикаси Бош вазирининг ўринбосари — туризм ва спорт вазири томонидан мувофиқлаштирилади..

6. Вилоятлар ва Тошкент шаҳар ҳокимларининг ўринбосари ўз ваколати даврида илмий ва педагогик фаолиятдан ташқари ҳақ тўланадиган бошқа турдаги фаолият билан шуғулланиши мумкин эмас.

2-боб. Вилоятлар ва Тошкент шаҳар ҳокимлари ўринбосарининг асосий вазифалари ва функциялари

7. Қуйидагилар вилоятлар ва Тошкент шаҳар ҳокими ўринбосарининг асосий вазифалари ҳисобланади:

давлат бошқаруви ва маҳаллий ижро этувчи ҳокимият органларининг нодавлат нотижорат ташкилотлари ва фуқаролик жамиятининг бошқа институтлари билан ўзаро самарали ҳамкорлигини ташкил этиш;

ижтимоий-маънавий муҳитни янада соғломлаштириш ҳамда ёшларни миллий ва умуминсоний қадриятларга ҳурмат руҳида тарбиялаш;

жамиятда виждон ва диний эътиқод эркинлигини таъминлаш, диний ташкилотлар фаолияти учун зарур шарт-шароитлар яратиш;

жамиятда умуммиллий бирдамлик, ҳамжиҳатлик ва бағрикенгликни ҳамда хориждаги ватандошлар билан алоқаларни мустаҳкамлаш, шунингдек хорижий давлатлар ҳудудлари билан дўстлик ва биродарлик муносабатларини ривожлантириш;

Ўзбекистонни янгилаш ва ривожлантиришнинг маънавий-ахлоқий негизларини мустаҳкамлашда, кексалар ролини ошириш, уларнинг ижтимоий-сиёсий ҳаётда фаол иштирок этиши учун зарур шарт-шароитлар яратиш.

8. Вилоятлар ва Тошкент шаҳар ҳокими ўринбосари ўз зиммасига юкланган вазифаларни бажариш учун қуйидаги функцияларни амалга оширади:

а) давлат бошқаруви ва маҳаллий ижро этувчи ҳокимият органларининг нодавлат нотижорат ташкилотлари ва фуқаролик жамиятининг бошқа институтлари билан ўзаро самарали ҳамкорлигини ташкил этиш соҳасида:

Ўзбекистон Республикаси қонунлари, Ўзбекистон Республикаси Олий Мажлиси палаталарининг ҳужжатлари, Ўзбекистон Республикаси Президенти ва Вазирлар Маҳкамасининг қарорлари ва топшириқлари, халқ депутатлари Кенгашлари қарорлари, вилоят ва шаҳар ҳокимининг фармойишлари ижросини, жамоат ташкилотларини ҳар томонлама ривожлантириш бўйича стратегик ва устувор вазифалар сўзсиз бажарилишини таъминлайди;

демократик давлат ва кучли фуқаролик жамияти қуришда нодавлат нотижорат ташкилотларининг фаоллигини ошириш, давлат дастурлари ижросини таъминлашда уларнинг иштирокини кенгайтириш бўйича дастурларга таклифлар ишлаб чиқади;

жамоат ташкилотлари фаолиятини қўллаб-қувватлаш, жамоат ташкилотларининг ижтимоий-иқтисодий фаоллигини ошириш, демократик ислоҳотларни амалга оширишда уларнинг роли ва аҳамиятини мустаҳкамлаш, фуқаролик жамияти институтларини кенг ривожлантириш чора-тадбирларини амалга оширади;

мамлакатни ижтимоий-иқтисодий ривожлантириш дастурларини, шу жумладан тармоқ, ҳудудий дастурларни ҳамда норматив-ҳуқуқий ҳужжатларни ва фуқароларнинг ҳуқуқлари қонуний манфаатларига дахл қиладиган бошқа қарорларни ишлаб чиқиш ва амалга оширишда давлат органларининг жамоат ташкилотлари ва фуқаролик жамиятининг бошқа институтлари билан ўзаро ҳамкорлигини таъминлайди;

фуқароларнинг манфаатларига дахл қилувчи ижтимоий лойиҳалар ва дастурларни ишлаб чиқиш ва амалга оширишда давлат органлари билан фуқаролик жамияти институтлари ўртасидаги ижтимоий шерикликни кучайтириш чора-тадбирларини амалга оширади;

жамоат ташкилотлари билан ўзаро ҳамкорликда яқин, ўрта ва узоқ муддатли истиқболга мўлжалланган ҳудудий дастурлар лойиҳаларини тайёрлайди;

жамиятнинг маданий ва маънавий ҳаётида, айниқса, ёшларни тарбиялашда жамоат ташкилотларининг роли ва аҳамиятини кучайтириш чора-тадбирларини амалга оширади;

б) ижтимоий-маънавий муҳитни янада соғломлаштириш ҳамда ёшларни миллий ва умуминсоний қадриятларга ҳурмат руҳида тарбиялаш соҳасида:

жойлардаги ижтимоий-маънавий муҳитнинг реал ҳолатини доимий равишда ўрганади, соҳадаги муаммоларни ҳар томонлама таҳлил қилади ва шу асосда стратегик ва устувор вазифаларни амалга ошириш бўйича комплекс таклифлар ишлаб чиқади;

аҳолининг, айниқса, ёшларнинг турли мафкуравий таҳдидларга, жумладан, диний экстремизм, терроризм ва бошқа ёт ғояларга қарши мустаҳкам иммунитетини шакллантиришга қаратилган чора-тадбирларни амалга оширишни, бу борадаги дастурлар ижросини таъминлайди;

Ўзбекистон халқининг миллий ва диний меросини асраш, аҳолининг диний савиясини ошириш бўйича аниқ чора-тадбирларни амалга оширади;

ахборот таҳдидларининг олдини олишда, аҳолининг онги ва тафаккурини салбий таъсирлардан ҳимоя қилишда оммавий ахборот воситалари билан ҳамкорликни янада кучайтириш бўйича комплекс чора-тадбирларни амалга оширади;

маънавий ва миллий қадриятларга, халқимизнинг диний эътиқоди ва урф-одатларига қарши йўналтирилган мафкуравий таҳдидларга қарши самарали курашиш, ёт ғояларни тарқатишга қарши кураш олиб бориш тадбирларини тизимли амалга оширади;

чегарадош ҳудудларга тизимли равишда нуфузли уламолар, салоҳиятли имомлар ҳамда жамоат ташкилотлари вакилларидан иборат тарғибот гуруҳларини юбориб, аҳоли ўртасида маънавий-маърифий тадбирлар ташкил қилади;

ёшларнинг ёт ғоялар таъсирига тушишини олдини олиш мақсадида уларни ватанпарварлик руҳида тарбиялаш учун зиёлилар, олимлар ва уламолар иштирокида турли учрашув ва давра суҳбатларини ташкил этади;

«Ёшлар экстремизмнинг ҳар қандай кўринишига қарши», «Жаҳолатга қарши маърифат» рукнларида оммабоп теле-радио дастурлар, учрашувлар ва бошқа тадбирларни ташкил этади;

в) жамиятда виждон ва диний эътиқод эркинлигини таъминлаш, диний ташкилотлар фаолияти учун зарур шарт-шароитлар яратиш соҳасида:

маҳаллий давлат ҳокимияти органлари билан биргаликда Ўзбекистон Республикасининг «Виждон эркинлиги ва диний ташкилотлар тўғрисида»ги Қонуни ва ушбу соҳадаги бошқа қонун ҳужжатлари ижросини таъминлайди;

Ўзбекистон Республикаси Президентининг 2018 йил 16 апрелдаги «Диний-маърифий соҳа фаолиятини тубдан такомиллаштириш чора-тадбирлари тўғрисида»ги ПФ-5416-сон Фармонида белгилаб берилган устувор вазифалар ижросини сўзсиз таъминлайди;

диний ташкилотлар фаолияти билан боғлиқ ишларнинг реал ҳолатини доимий равишда ўрганади, соҳадаги муаммоларни ҳар томонлама таҳлил қилади ва шу асосда стратегик ва устувор вазифаларни амалга ошириш бўйича таклифлар тайёрлайди;

«Ҳаж» ва «Умра» тадбирларини юқори ташкилий даражада ўтказишга шахсан жавоб беради, бу йўналишда маҳаллий давлат бошқаруви органлари, жамоатчилик ва диний ташкилотларнинг фаолиятини мувофиқлаштиради;

маҳаллаларда ёшларни оилавий ҳаётга тайёрлаш, эрта турмушнинг олдини олиш, ёш оила қурувчилар ўртасида тушунтириш ишларини олиб бориш юзасидан тегишли чора-тадбирларни ва тушунтириш-тарғибот ишларини амалга оширади;

зиёратгоҳлар ва қабристонларни ободонлаштириш ишларини ташкил этади, бу йўналишдаги ишлар сифатли амалга оширилиши учун шахсан жавоб беради;

г) жамиятда умуммиллий бирдамлик, ҳамжиҳатлик ва бағрикенгликни ҳамда хориждаги ватандошлар билан алоқаларни мустаҳкамлаш, шунингдек хорижий давлатлар ҳудудлари билан дўстлик ва биродарлик муносабатларини ривожлантириш соҳасида:

миллатлараро муносабатлар ва хориждаги ватандошлар билан алоқаларни мустаҳкамлашга қаратилган давлат сиёсатини ҳудудда изчил амалга оширилишини таъминлайди;

Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасига юкланган вазифаларнинг ҳудудларда сифатли бажарилишини ташкил этади ва таъсирчан назоратни амалга оширади;

ҳудудларда умуммиллий тотувлик ва хориждаги ватандошлар билан алоқаларнинг мавжуд ҳолати, уни янада мустаҳкамлаш истиқболлари тўғрисида тегишли ахборот, ахборот-таҳлилий ҳужжатлар ва ҳисоботларни Ўзбекистон Республикаси Миллатлараро муносабатлар ва хориждаги ватандошлар масалалари бўйича қўмитасига киритади;

миллатлараро муносабатлар ва хориждаги ватандошлар билан алоқаларни мустаҳкамлаш соҳасини ривожлантириш ва ҳудудларнинг муаммоли масалаларини ҳал қилиш бўйича дастур, чора-тадбирлар режаси, «йўл хариталари» ва бошқа ҳужжатлар ижросини таъминлайди;

ҳудуддаги аҳоли ўртасида умуммиллий бирдамлик, ҳамжиҳатлик ва бағрикенгликни таъминлашга қаратилган чора-тадбирларни ишлаб чиқади, давлат органлари ва нодавлат ташкилотлар билан ҳамкорликда амалга оширади;

мамлакатимизга ишлаш, таълим олиш мақсадида узоқ муддатга келган хорижий фуқароларнинг маҳаллий шарт-шароитларга ва ижтимоий-маданий мослашувини таъминлаш чораларини кўради;

ҳудудларда миллий маданий марказлар умуммиллий ҳамжиҳатликни мустаҳкамлашга қаратилган фаолиятини амалга оширишига кўмаклашади;

хорижий давлатлар ҳудудлари билан дўстлик ва биродарлик алоқаларини ривожлантириш чораларини кўради.

д) Ўзбекистонни янгилаш ва ривожлантиришнинг маънавий-ахлоқий негизларини мустаҳкамлашда, кексалар ролини ошириш, уларнинг ижтимоий-сиёсий ҳаётда фаол иштирок этиши учун зарур шарт-шароитлар яратиш соҳасида:

кексалар ва пенсиядаги фуқароларнинг ижтимоий фаолиятини қўллаб-қувватлаш чора-тадбирларини амалга оширади;

кексалар ва пенсияга чиқадиган ходимларга доимий ғамхўрлик ва эътибор кўрсатишни, уларга зарур моддий ва ижтимоий кўмак бериш, шунингдек, ҳар йили пенсионерлардан, айниқса, якка-ёлғизларидан хабар олиш тадбирларини ташкил этади;

ёлғиз кексаларнинг уй-жой, маиший муаммоларини ҳал этишга кўмаклашади, уларни санаторий-курортда соғломлаштириш ва даволанишини ташкил этади;

кексалар ва пенсионерлар билан очиқ мулоқотни тизимли йўлга қўяди, уларнинг ҳаётий муҳим муаммоларини ҳал этишга ёрдам бериш мақсадида ҳудудий давлат ва хўжалик бошқаруви органлари, корхона ва ташкилотлар раҳбарлари томонидан қабул қилиш ишларини ташкил этади;

маҳаллаларда энг обрўли отахон ва онахонлар, хотин-қизлар, имомларни жалб этган ҳолда жамиятдаги иллатларнинг (ўз жонига қасд қилиш, оилавий ажрим ва бошқа) келиб чиқиш сабабларини аниқлаш, бундай ҳолатларнинг олдини олиш чораларини кўради;

кекса авлод вакиллари томонидан ёшлар билан ишлаш, ҳуқуқбузарликнинг олдини олиш, содир этилган ғайриижтимоий ҳолатларни ўз вақтида аҳоли ўртасида муҳокама қилиш ишларини амалга оширади.

Шунингдек, вилоятлар ва Тошкент шаҳар ҳокими ўринбосари қуйидаги қўшимча функцияларни амалга оширади:

ҳудудда жамоат ташкилотларини ривожлантириш, ижтимоий-маънавий муҳитни янада соғломлаштириш, диний соҳада муҳим устувор вазифаларни амалга ошириш, миллатлараро тотувликни таъминлаш, кексаларнинг ижтимоий фаолиятини қўллаб-қувватлашнинг ўта муҳим ва устувор йўналишлари бўйича яқин, ўрта ва узоқ муддатли истиқболга мўлжалланган концепциялар, ҳудудий дастурлар ҳамда «йўл хариталари» лойиҳаларининг тайёрланишини ташкил этади ва ижросини таъминлайди;

фуқаролик жамияти институтларини ривожлантиришнинг ўта муҳим ва устувор йўналишлари бўйича ҳудудий дастурлар лойиҳаларини тайёрлайди;

амалга оширилаётган ислоҳотларнинг рўёбга чиқарилишини ўрганиш мақсадида маҳаллий ижро этувчи ҳокимият органлари, давлат бошқаруви ҳудудий органлари раҳбарлари, жамоат ташкилотлари вакиллари иштирокида тегишли мавзуларга бағишланган сайёр (очиқ) мажлисларни тизимли асосда ўтказади;

халқ депутатлари Кенгашларининг сессияларида, ҳоким ҳузуридаги йиғилишларда кўриб чиқиш учун тегишли режали масалаларни тайёрлайди ва киритади;

тегишли чора-тадбирлар кўриш учун ўз фаолияти соҳасига кирадиган муаммоли масалалар бўйича жамоатчилик фикрини тизимли ўрганади;

давлат органларининг вилоятда жойлашган тузилмалари билан жамоат ташкилотлари, диний ташкилотлар ҳамда миллий маданий марказлар ва дўстлик жамиятлари ўртасида ўзаро алоқа ва ҳамкорликни таъминлайди;

ҳоким томонидан тегишли соҳада ислоҳотларнинг амалга оширилишини ўрганиш мақсадида ҳудудларда маҳаллий ижро этувчи ҳокимият органлари, ҳудудий давлат бошқаруви органлари раҳбарлари, жамоат ташкилотлари вакиллари иштирокида мавзуга оид сайёр (очиқ) мажлислар ўтказиш учун тегишли таҳлилий материаллар тайёрланиши ва киритилишини тизимли асосда таъминлайди;

ўзига бўйсунадиган котибият раҳбари ва мутахассисларнинг аниқ кўрсаткичлар, шунингдек, мақсадли индикаторларга эришишга асосланган фаолиятини тизимли баҳолайди, уларнинг зиммасига юкланган вазифа ҳамда функцияларнинг самарали ва натижали бажарилиши учун шахсий масъулияти ва жавобгарлигини ошириш чораларини кўради;

Ўзбекистон Республикаси Президентининг хорижий сафарлари ва республика ҳудудларига ташрифлари якунлари бўйича диний бағрикенглик ва миллатлараро муносабатларга оид белгиланган топшириқлар ҳамда вазифаларни бажариш бўйича «йўл хариталари»нинг амалга оширилишини мувофиқлаштиради;

ҳужжатлар амалга оширилиши юзасидан тизимли назорат ташкил этилишини таъминлайди.

3-боб. Вилоятлар ва Тошкент шаҳар ҳокими ўринбосарининг ҳуқуқлари ва жавобгарлиги

9. Вилоятлар ва Тошкент шаҳар ҳокимининг ўринбосари ўзига юкланган вазифалар ва функцияларни бажариш учун қуйидаги ҳуқуқларга эга:

ҳудудий давлат ва хўжалик бошқаруви органлари, маҳаллий ижроя ҳокимияти органлари таркибий бўлинмалари, бошқа органлар ва ташкилотлар раҳбарлари ҳамда вакиллари иштирокида йиғилишлар ўтказиш;

ҳудудда жамоат ташкилотларини ривожлантириш, ижтимоий-маънавий муҳитни янада соғломлаштириш, диний соҳада муҳим устувор вазифаларни амалга ошириш, миллатлараро тотувликни таъминлаш, кексаларнинг ижтимоий фаолиятини қўллаб-қувватлаш бўйича қарорлар, ҳудудий дастурлар ҳамда «йўл хариталари» лойиҳаларини ишлаб чиқиш ҳамда уларнинг ижросини ташкил этиш;

халқ депутатлари Кенгашлари сессиялари, ҳокимлик йиғилишларида кўриб чиқиладиган масалаларни таҳлил қилиш ва тайёрлаш учун зарур бўлган материаллар ва маълумотларни ҳудудий давлат ва хўжалик бошқаруви органларидан, бошқа органлар ва ташкилотлардан белгиланган тартибда сўраб олиш;

ўзи ҳамкорлик қиладиган ҳудудий давлат ва хўжалик бошқаруви органлари ва бошқа ташкилотларнинг коллегиал органлари мажлисларида, нодавлат нотижорат ва бошқа ташкилотларнинг соҳага оид масалалар бўйича ўтказиладиган мажлис ва йиғилишларида уларнинг таклифи асосида қатнашиш;

тегишли комиссиялар (кенгашлар, гуруҳлар)га самарали раҳбарлик қилиш, вилоятлар ва Тошкент шаҳар ҳокими раҳбарлик қиладиган комиссиялар (кенгашлар) фаолиятини ташкил этиш ва қарорларининг бажарилиши, шунингдек, ижтимоий-маънавий муҳит бўйича республика комиссияларининг қарорлари бажарилиши бўйича назоратни таъминлаш;

халқ депутатлари Кенгашлари сессияларида, ҳоким ҳузуридаги йиғилишларда кўриб чиқиладиган масалаларни ишлаб чиқиш учун зарур бўлганда, ҳудудий давлат ва хўжалик бошқаруви органлари, илмий муассасалар ва бошқа ташкилотларнинг вакилларини белгиланган тартибда жалб этган ҳолда, ахборот-таҳлилий тадқиқотларни амалга ошириш ҳамда вақтинчалик ишчи гуруҳлар ташкил этиш.

10. Вилоятлар ва Тошкент шаҳар ҳокимларининг ўринбосари ушбу Намунавий низомнинг 7 ва 8-бандларида ўзига юкланган вазифа ва функцияларнинг тегишли равишда ва самарали бажарилиши учун шахсан жавобгардирлар.

4-боб. Вилоятлар ва Тошкент шаҳар ҳокимлари ўринбосарининг фаолиятини ташкил этиш

11. Вилоятлар ва Тошкент шаҳар ҳокимлари ўринбосарининг ишлари Ўзбекистон Республикасининг «Маҳаллий давлат ҳокимияти тўғрисида»ги Қонуни , Ўзбекистон Республикаси Президентининг ва Вазирлар Маҳкамасининг қарорлари, шунингдек ушбу Намунавий низомга мувофиқ, вилоятлар ва Тошкент шаҳар ҳокимларининг чораклик ва ярим йиллик иш режалари асосида ташкил этилади.

12. Вилоятлар ва Тошкент шаҳар ҳокимлари ўринбосарларининг ҳисоботи вилоятлар ва Тошкент шаҳар ҳокимларининг тезкор йиғилишларида ҳар ҳафтада эшитиб борилади.

Ўзбекистон Республикасининг «Маҳаллий давлат ҳокимияти тўғрисида»ги Қонунига асосан вилоятлар ва Тошкент шаҳар ҳокимлари ўринбосарининг тегишли ҳисоботлари халқ депутатлари Кенгаши мажлисида эшитилади.

14. Вилоятлар ва Тошкент шаҳар ҳокимлари ўринбосарининг фаолияти тегишли котибият томонидан таъминланади.

1. Ўзбекистон мудофаасига кўмаклашувчи «Ватанпарвар» ташкилотининг ҳудудий кенгашлари.

2. «Меҳр-шафқат ва саломатлик» жамғармасининг ҳудудий бўлимлари.

3. «Олтин мерос» жамғармасининг вилоятлар ва Тошкент шаҳар бўлимлари.

4. Ўзбекистон мусулмонлари идорасининг вилоятлар ва Тошкент шаҳар вакиллари.

5. Ноисломий диний ташкилотлар.

6. Миллий маданий марказлар.

7. Дўстлик жамиятлари.

8. Фуқаролик жамиятини ривожлантириш марказининг вилоятлар ва Тошкент шаҳар бўлинмалари.

9. Бошқа нодавлат нотижорат ташкилотлари.

10. Вазирликлар ва идоралар, хўжалик бирлашмалари, корхоналар ва бошқа ташкилотларнинг ҳудудий бўлинмалари — жамоат ва диний ислоҳотларни амалга ошириш масалалари юзасидан.

Ўзбекистон Республикасининг Бош вазири А. АРИПОВ

Тошкент ш.,

2021 йил 28 август,

548-сон

(Қонунчилик маълумотлари миллий базаси, 28.08.2021 й., 09/21/548/0836-сон; 19.04.2022 й., 09/22/195/0319-сон; 30.04.2022 й., 09/22/230/0377-сон; 10.08.2022 й., 09/22/438/0726-сон; 18.12.2023 й., 09/23/665/0942-сон; 04.01.2025 й., 09/25/891/0011-сон; 23.04.2025 й., 09/25/255/0376-сон; 26.11.2025 й., 09/25/740/1090-сон)

lex.uz

Oʻzbekiston Respublikasi Vazirlar Mahkamasining

qarori

NAMUNAVIY NIZOM

ROʻYXATI

NAMUNAVIY NIZOM

ROʻYXATI

NAMUNAVIY NIZOM

ROʻYXATI

NAMUNAVIY NIZOM

ROʻYXATI

NAMUNAVIY NIZOM

ROʻYXATI

NAMUNAVIY NIZOM

ROʻYXATI

NAMUNAVIY NIZOM

ROʻYXATI

NAMUNAVIY NIZOM

ROʻYXATI

Mahalliy ijroiya hokimiyati organlari rahbarlari oʻrinbosarlarining funksional vazifalari toʻgʻrisidagi namunaviy nizomlarni tasdiqlash haqida

Mahalliy ijroiya hokimiyati organlari rahbarlari oʻrinbosarlarining funksional vazifalarini belgilash maqsadida Vazirlar Mahkamasi qaror qiladi.

2. Quyidagilarni nazarda tutuvchi Viloyatlar va Toshkent shahar hokimlari oʻrinbosarlarining funksional vazifalari toʻgʻrisidagi namunaviy nizomlar 1 — 8-ilovalarga muvofiq tasdiqlansin:

hokim oʻrinbosarlarining asosiy vazifalari;

hokim oʻrinbosarlarining zimmasiga yuklangan asosiy vazifalardan kelib chiqadigan, ular amalga oshiradigan funksiyalar;

hokim oʻrinbosarlarining huquqlari, shaxsiy masʼuliyati va javobgarligi;

hokim oʻrinbosarlarining faoliyatini tashkil etish.

3. Viloyatlar va Toshkent shahar hokimliklari:

2021-yil 10-sentabrga qadar mazkur qaror bilan tasdiqlangan namunaviy nizomlar asosida har bir hokim oʻrinbosarining funksional vazifalari toʻgʻrisidagi nizomlarni tasdiqlasin;

2021-yil 1-oktabrga qadar hokimning maslahatchilari, mahalliy sanoatni rivojlantirish masalalari boʻyicha yordamchisi, tuman (shahar)lar hokimlari hamda ularning oʻrinbosarlarining funksional vazifalari toʻgʻrisidagi nizomlarni ishlab chiqsin va tasdiqlasin.

Belgilansinki, viloyatlar va Toshkent shahar hokimliklarining alohida yoʻnalishlar boʻyicha tashkil etilgan oʻrinbosarlarining funksional vazifalari toʻgʻrisidagi nizomlar Vazirlar Mahkamasi bilan kelishilgan holda tegishlicha viloyatlar va Toshkent shahar hokimlari tomonidan tasdiqlanadi.

4. Qoraqalpogʻiston Respublikasi Vazirlar Kengashi 2021-yil 10-sentabrga qadar ushbu qarorda belgilangan talablarga muvofiq Qoraqalpogʻiston Respublikasi Vazirlar Kengashi Raisi oʻrinbosarlarining funksional vazifalari toʻgʻrisidagi nizomlarni ishlab chiqsin va tasdiqlasin.

6. Mazkur qarorning bajarilishini, shu jumladan eng muhim samaradorlik koʻrsatkichlarini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga yuklansin.

Vazirlar Mahkamasining 2021-yil 28-avgustdagi 548-son qaroriga 1-ILOVA

Hokimning moliya-iqtisodiyot va kambagʻallikni qisqartirish masalalari boʻyicha birinchi oʻrinbosarining funksional vazifalari toʻgʻrisida

1-bob. Umumiy qoidalar

2. Viloyatlar va Toshkent shahar hokimlarining birinchi oʻrinbosari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatning hujjatlariga, tegishli xalq deputatlari Kengashi qarorlariga, viloyatlar va Toshkent shahar hokimlarining qarorlari va farmoyishlariga, shuningdek, ushbu Namunaviy nizomga amal qiladi.

3. Viloyatlar va Toshkent shahar hokimlarining birinchi oʻrinbosari oʻziga biriktirilgan tarmoq va sohalardagi faoliyatining samaradorligi va natijadorligi, oʻz faoliyatida Oʻzbekiston Respublikasi Prezidenti hamda Vazirlar Mahkamasining hujjatlari va topshiriqlarining toʻliq va sifatli bajarilishini tashkil etish uchun Oʻzbekiston Respublikasining Prezidenti oldida shaxsan javobgar hamda tegishli xalq deputatlari Kengashi oldida hisobdordir.

4. Viloyatlar va Toshkent shahar hokimlarining birinchi oʻrinbosari tegishlicha viloyatlar va Toshkent shahar hokimlariga boʻysunadi.

Viloyatlar va Toshkent shahar hokimlari birinchi oʻrinbosarining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarni hal qilish boʻyicha faoliyati Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri tomonidan muvofiqlashtiriladi.

6. Viloyatlar va Toshkent shahar hokimlarining birinchi oʻrinbosari tuman va shahar hokimining iqtisodiyot va tadbirkorlik masalalari boʻyicha birinchi oʻrinbosarlari faoliyatini muvofiqlashtiradi.

7. Viloyatlar va Toshkent shahar hokimlarining birinchi oʻrinbosari ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimlari birinchi oʻrinbosarining asosiy vazifalari va funksiyalari

8. Quyidagilar viloyatlar va Toshkent shahar hokimlari birinchi oʻrinbosarining asosiy vazifalari hisoblanadi:

hududlarning kompleks iqtisodiy-ijtimoiy rivojlanishini taʼminlash;

hududlarda “mahallabay” ishlash tizimini amaliyotga joriy etish va oilaviy tadbirkorlikni rivojlantirish;

hududning belgilangan asosiy makroiqtisodiy koʻrsatkichlarga erishishini taʼminlash;

iqtisodiyot va tadbirkorlik masalalari boʻyicha tegishli vazirliklar, idoralar va tijorat banklarining hududiy tuzilmalari ish faoliyatini muvofiqlashtirish;

soliq-budjet siyosatiga qatʼiy rioya etilishini taʼminlash, mahalliy budjetlarning daromad bazasini mustahkamlash, “xufiyona iqtisodiyot”ni kamaytirish choralarini koʻrish;

xususiylashtirilgan korxonalarga koʻmaklashish, hududda boʻsh turgan va qurilishi tugallanmagan obyektlardan samarali foydalanishni taʼminlash;

ishlab chiqarish va mehnat resurslarini oqilona joylashtirish chora-tadbirlarini ishlab chiqish;

kichik biznes va xususiy tadbirkorlikni rivojlantirish;

aholining turmush darajasini va sifatini oshirish hamda ularning toʻlov qobiliyatini mustahkamlash.

9. Viloyatlar va Toshkent shahar hokimlarining birinchi oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) hududlarning kompleks iqtisodiy-ijtimoiy rivojlanishini taʼminlash sohasida:

Oʻzbekiston Respublikasi qonunlarida, Oʻzbekiston Respublikasi Prezidenti va Vazirlar Mahkamasi hujjatlarida belgilanadigan iqtisodiy, ijtimoiy va tadbirkorlik sohasining eng muhim ustuvor vazifalariga muvofiq hududni iqtisodiy va ijtimoiy rivojlantirishning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, davlat dasturlari loyihalari, hududni kompleks rivojlantirish dasturlari hamda “yoʻl xaritalari”ning tayyorlanishini tashkil etadi va ijrosini taʼminlaydi;

respublika miqyosida ishlab chiqilgan va tasdiqlangan maqsadli dasturlar ijrosini taʼminlash choralarini koʻradi;

iqtisodiy islohotlarni chuqurlashtirish, hudud iqtisodiyoti va ijtimoiy sohasini kompleks rivojlantirish dasturlarining moliyaviy manbalarini aniqlagan holda mahalliy budjet parametrlari bilan uzviy bogʻliq tarzda ishlab chiqish va soʻzsiz amalga oshirishni taʼminlaydi;

hududni ijtimoiy-iqtisodiy rivojlantirishni taʼminlash borasida tegishli vazirlik, idora va tijorat banklarining hududiy tuzilmalari faoliyatining aniq koʻrsatkichlari hamda maqsadli indikatorlarini ishlab chiqadi, natijalarini baholab boradi va ularni yaxshilash choralarini koʻradi hamda rahbarlari faoliyatini muvofiqlashtiradi va nazorat qiladi;

barqaror iqtisodiy oʻsish surʼatlarini taʼminlash, tadbirkorlik muhitini yaxshilash orqali mamlakatda kambagʻallikni qisqartirish borasida maqbul siyosatni amalga oshirish tizimini joriy etadi;

raqobatbardosh mahsulotlar ishlab chiqarish uchun ishlab chiqarishni modernizatsiyalash, tarkibiy oʻzgartirish va diversifikatsiyalashni amalga oshirish choralarini koʻradi;

ishlab chiqarilgan mahsulotlarni, narx konyunkturasini oʻrganadi va tahlil qiladi, yangi turdagi mahsulotlarni oʻzlashtirish hamda ular yangi bozorlarda sotilishini taʼminlash boʻyicha kompleks chora-tadbirlarni ishlab chiqadi va amalga oshiradi;

b) hududlarda “mahallabay” ishlash tizimini amaliyotga joriy etish va oilaviy tadbirkorlikni rivojlantirish sohasida:

hududda “mahallabay” ishlash tizimini amaliyotga joriy etish va oilaviy tadbirkorlikni rivojlantirish boʻyicha kompleks tadbirlarni amalga oshiradi;

mahallalarning “oʻsish nuqtalari”ni (ixtisoslashuv yoʻnalishlarini) aniqlash va yangi tadbirkorlik, shu jumladan “drayver” loyihalarini amalga oshirishda tashabbuskorlarga koʻmaklashadi va shu orqali iqtisodiy oʻsishni taʼminlaydi;

oilalarning daromad manbalarini, shu jumladan tomorqa yerlaridan foydalanish hamda daromadli mehnatga boʻlgan intilishi va ehtiyojlarini “xonadonbay” oʻrganadi;

band boʻlmagan aholining, ayniqsa ishsiz yoshlar va xotin-qizlarning muammolarini oʻrganish orqali, ularni kasb-hunar va tadbirkorlikka oʻrgatuvchi kurslarga yoʻnaltirish va mehnat faoliyati bilan shugʻullanish borasida amaliy koʻmaklashadi;

yoshlarning tadbirkorlik tashabbuslari, startap loyihalari va gʻoyalarini yanada qoʻllab-quvvatlashga qaratilgan kreditlar ajratilishida koʻmaklashish;

mavjud imkoniyatlarni (boʻsh turgan binolar, foydalanilmayotgan yer maydonlari, noruda foydali qazilmalar va bandlikning anʼanaviy sohalari) oʻrganish va ulardan samarali foydalanish orqali joylarda tadbirkorlik, investitsiyaviy va raqobat muhitini yaxshilash choralarini koʻradi;

banklarning samaradorlik va daromadlilik tamoyillaridan kelib chiqib, tadbirkorlarga sifatli xizmat koʻrsatish, maslahat berish va biznes-rejalarni tayyorlash uchun bankning quyi boʻgʻin xodimlarini toʻliq qayta tayyorlash orqali mijozga yoʻnaltirilgan xizmat koʻrsatish (“mijozbay” ishlash) tizimini takomillashtirish yuzasidan kompleks tadbirlarni amalga oshiradi;

joylarda tadbirkorlik faoliyatini amalga oshirish uchun toʻsiq boʻlayotgan (qurilish uchun ruxsat berish, turli xil faoliyatlar uchun litsenziya olish, boʻsh bino va yer maydonlarini tadbirkorlik uchun ajratish, kommunikatsiya tizimlariga ulanish) muammolarni tezkorlik bilan hal etadi;

mahallalarda tadbirkorlik, investitsiyaviy va raqobat muhitini yaxshilash hamda “drayver” loyihalarni amalga oshirish boʻyicha har bir sektorlar huzurida sektor rahbarlari boshchiligida tashkil etilgan boshqaruv ofislari va doimiy vakillarning faoliyatini muvofiqlashtirib boradi;

v) hududlarning belgilangan asosiy makroiqtisodiy koʻrsatkichlariga erishishini taʼminlash sohasida:

hududning makroiqtisodiy koʻrsatkichlarini, shu jumladan yalpi hududiy mahsulot, sanoat, investitsiya, xizmat koʻrsatish, chakana savdo aylanmasi, eksport, inflyatsiya, bandlik, mahalliy budjetning har yilgi prognoz parametrlari asoslangan holda ishlab chiqilishini taʼminlaydi;

ishlab chiqilgan makroiqtisodiy koʻrsatkichlarning samarali ijrosini tashkil qiladi;

debitor-kreditor qarzdorliklar yuzaga kelishining oldini olish yuzasidan tizimli ishlarni amalga oshiradi, qarzdorlikni bartaraf qilishning samarali usullarini joriy etadi;

g) iqtisodiyot va tadbirkorlik masalalari boʻyicha tegishli vazirliklar, idoralar va tijorat banklarining hududiy tuzilmalari ish faoliyatini muvofiqlashtirish sohasida:

tegishli vazirliklar, idoralar va tijorat banklarining hududiy tuzilmalari faoliyatini doimiy nazorat va tahlil qiladi, ular faoliyati samaradorligini oshirish boʻyicha tegishli choralarni belgilaydi va ijrosini taʼminlash choralarini koʻradi;

bank tizimi va moliyaviy infratuzilmani yanada isloh qilish, umumiy qabul qilingan xalqaro normalar, standartlar hamda baholash koʻrsatkichlariga muvofiq ularning barqarorligini oshirish va yanada yuqori darajaga chiqishini taʼminlaydigan chora-tadbirlarni amalga oshirish ishlarini muvofiqlashtiradi;

aholini tadbirkorlikka faol jalb qilish maqsadida ular bilan tijorat banklarining hududiy tuzilmalari oʻrtasida tizimli muloqot oʻrnatish uchun har bir xonadonga kompleks bank va moliyaviy xizmatlarni taklif qilish orqali imtiyozli kreditlash dasturlarini ishlab chiqish va soʻzsiz amalga oshirish choralarini koʻradi;

moliyaviy va sugʻurta xizmatlarining hajmlari, turlarini kengaytirish hamda sifatini oshirishga qaratilgan dasturiy chora-tadbirlar amalga oshirilishini kompleks tahlil qiladi;

d) soliq-budjet siyosatiga qatʼiy rioya etilishini taʼminlash, mahalliy budjetlarning daromad bazasini mustahkamlash, “xufiyona iqtisodiyot”ni kamaytirish choralarini koʻrish sohasida:

hududlar boʻyicha respublika budjeti va mahalliy budjetga belgilangan soliq tushumlari boʻyicha prognoz koʻrsatkichlari bajarilishini taʼminlaydi;

“xufiyona iqtisodiyot”ni qisqartirish, noqonuniy tadbirkorlik bilan shugʻullanayotgan fuqarolarni hamda xususiy sektorda norasmiy bandlikni legallashtirish orqali budjet tushumlarini oshirish choralarini koʻradi;

hududning tabiiy-geografik, ijtimoiy-iqtisodiy xususiyatlaridan kelib chiqib budjet tushumlarini koʻpaytirish yoʻnalishlarini ishlab chiqish, budjetga qoʻshimcha tushum tushirish manbalarini izlab topish choralarini koʻradi;

tegishli budjet loyihasini ishlab chiqish va uni ijro etish jarayonini tashkil etadi hamda muvofiqlashtirib boradi;

viloyatlar va Toshkent shahar mahalliy budjetlari, tumanlar va shaharlar budjetlari loyihalari tegishlicha xalq deputatlari Kengashlariga koʻrib chiqish va qabul qilish uchun taqdim etilishini taʼminlaydi;

Davlat budjetiga va davlat maqsadli jamgʻarmalari budjetlariga tushumlar toʻliq va oʻz vaqtida tushishi, budjet mablagʻlarining maqsadli sarflanishi ustidan nazoratni tashkil etadi;

qonun hujjatlarida belgilanadigan alohida soliqlar boʻyicha belgilangan stavkalarga pasaytiruvchi va oshib boruvchi koeffitsiyentlarni kiritish toʻgʻrisida hududlarning faoliyatni amalga oshirish joyining xususiyatlarini inobatga olgan holda qarorlar tayyorlaydi va qabul qilish choralarini koʻradi;

e) xususiylashtirilgan korxonalarga koʻmaklashish, hududda boʻsh turgan va qurilishi tugallanmagan obyektlardan samarali foydalanishni taʼminlash sohasida:

hududdagi boʻsh turgan va qurilishi tugallanmagan obyektlarni xatlovdan oʻtkazish, ulardan samarali foydalanish, investitsiya va ijtimoiy majburiyatlar olish sharti bilan investitsiya loyihalarini amalga oshirish boʻyicha takliflar ishlab chiqadi;

xususiylashtirish jarayonlarini boshqarish samaradorligini oshirish, investorlar, jumladan, xorijiy investorlar tomonidan qabul qilingan investitsiya va ijtimoiy majburiyatlar bajarilishi boʻyicha monitoring olib borish va xususiylashtirilgan korxonalarga koʻmaklashish sohasida takliflar tayyorlaydi;

hududdagi davlat ishtirokidagi korxonalarda korporativ boshqaruvning zamonaviy usullari joriy etilishini, ushbu korxonalar faoliyatining samaradorligi uchun ularni boshqarish organlari masʼuliyatini oshirishni taʼminlaydi;

xorijiy va xalqaro institutlar hamda kompaniyalar bilan birgalikda davlat ishtirokidagi korxonalarni xususiylashtirishga tayyorlash, shu jumladan ularning jozibadorligini hamda boshqarish sifatini oshirishni nazarda tutuvchi samarali mexanizmlarini oʻrganish va joriy qilishga qaratilgan doimiy ishlar yuritilishini taʼminlaydi;

hududda joylashgan davlat ishtirokidagi korxonalarning ustav kapitalidagi davlat ulushini bosqichma-bosqich kamaytirish ishlarini muvofiqlashtiradi, samarali va oshkora xususiylashtirishni taʼminlaydi;

j) ishlab chiqarish va mehnat resurslarini oqilona joylashtirish chora-tadbirlarini ishlab chiqish sohasida:

hududda yangi ish oʻrinlari tashkil etish, aholi bandligini oshirish hududiy dasturi ishlab chiqilishini taʼminlash, aholining turmushi sifati va farovonligi darajasini yanada oshirish dasturlarini shakllantiradi, shuningdek, mehnatni muhofaza qilish va xodimlar mehnat huquqlarini himoya qilish tizimlarini kuchaytirish choralarini koʻradi;

demografik omillar va iqtisodiyotni rivojlantirish istiqbollarini hisobga olgan holda ishga joylashtirishning ilgʻor shakllarini joriy etishga yoʻnaltirilgan aholi bandligini taʼminlashning hududiy dasturlarini shakllantirish, pensionerlar, nogiron shaxslar va aholining boshqa ijtimoiy nochor guruhlarini ijtimoiy qoʻllab-quvvatlashga doir manzilli dasturlar va samarali tadbirlarni ishlab chiqish borasida mahalliy ijroiya hokimiyati organlari ishini muvofiqlashtiradi;

bandlik, mehnat va aholini ijtimoiy himoya qilish tizimini mustahkamlash, moddiy ragʻbatlantirish mexanizmlarini va mehnatni muhofaza qilish sharoitlarini yaxshilash sohasidagi qonunchilikni takomillashtirishga yoʻnaltirilgan maqsadli dasturlar, qabul qilingan qonunlar, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidenti va Vazirlar Mahkamasining qarorlari amalga oshirilishini nazorat qiladi;

z) kichik biznes va xususiy tadbirkorlikni rivojlantirish va qoʻllab-quvvatlash sohasida:

qulay ishbilarmonlik muhitini shakllantirish, yangi korxonalar, shu jumladan kichik biznes va xususiy tadbirkorlik korxonalarini tashkil etish, ishlamayotgan korxonalar faoliyatini tiklash dasturlarini ishlab chiqadi va amalga oshiradi;

kichik biznes va xususiy tadbirkorlik subyektlarining huquqlarini himoya qilish hamda ular faoliyati erkinligining kafolatlarini taʼminlash choralarini koʻradi;

kichik biznes va xususiy tadbirkorlik subyektlari ish yuritishi uchun ularni tegishli resurslar bilan taʼminlash choralarini koʻrish, ularning bank kreditlarini olish, energiya tarmoqlariga ulanish va boshqa shu kabi muammolari yechimi yuzasidan choralar belgilaydi va ijrosini doimiy nazorat qilib boradi;

chakana va ulgurji savdoni, xizmatlar koʻrsatish sohasini tashkil etish tizimini takomillashtirish, aholini isteʼmol tovarlari va xizmatlar bilan taʼminlash choralarini koʻradi;

“yagona darcha” tamoyili boʻyicha tadbirkorlik subyektlariga davlat xizmatlari koʻrsatuvchi vakolatli organlarning faoliyatini, shuningdek, davlat organlari bilan tadbirkorlik subyektlari oʻrtasidagi oʻzaro munosabatlarning bevosita aloqasiz shakllarini joriy etishning holatini tahlil qilib boradi;

davlat-xususiy sheriklik asosida tadbirkorlik subyektlari bilan birgalikda iqtisodiy, ijtimoiy va infratuzilmaviy vazifalarni hal etish choralarini koʻradi;

tadbirkorlikni qoʻllab-quvvatlash yuzasidan koʻrilayotgan chora-tadbirlarning samaradorligi toʻgʻrisidagi materiallarni ommaviy axborot vositalarida eʼlon qilish yoʻli bilan tadbirkorlik subyektlari orasida axborot va tushuntirish ishlarini tashkil etadi;

i) aholining turmush darajasini va sifatini oshirish hamda ularning toʻlov qobiliyatini mustahkamlash sohasida:

jismoniy va yuridik shaxslarning murojaatlari belgilangan tartibda koʻrib chiqilishini taʼminlaydi, ularda qayd qilingan muammolar hal etilishi yuzasidan tegishli choralarni belgilaydi;

nafaqalar, aholining real daromadlarini barqaror oshirish manbalarini yaratish choralarini koʻradi;

zamonaviy bank va moliya infratuzilmasini yaratish hisobiga toʻlovlarni oʻz vaqtida amalga oshirishning yangi mexanizmi va tizimini joriy qiladi;

yangi ish oʻrinlarini yaratish va aholining turli qatlamlari bandligi masalalarini hal etish orqali ularning turmush darajasini va sifatini oshirish choralarini koʻradi.

Shuningdek, viloyatlar va Toshkent shahar hokimlarining birinchi oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasi qonunlari, Oʻzbekiston Respublikasi Prezidenti hamda Hukumatning hujjatlari va topshiriqlari bajarilishi yuzasidan taʼsirchan nazoratni taʼminlaydi;

iqtisodiyot va tadbirkorlik yoʻnalishlarida islohotlarni taʼminlash borasida amalga oshirilayotgan ishlar samaradorligini tahlil qilib boradi, ularning natijalari boʻyicha tahliliy materiallar tayyorlanishi va hokimlik yigʻilishlarida muhokama qilib borilishini tizimli asosda taʼminlaydi;

hududda boʻsh turgan va qurilishi tugallanmagan obyektlardan samarali foydalanish, ularga investitsiyalarni keng jalb etgan holda davlat ishtirokidagi korxonalarning ustav kapitalidagi davlat ulushini bosqichma-bosqich kamaytirish choralarini koʻradi;

tuman va shahar hokimlarining birinchi oʻrinbosarlariga yuklangan vazifalar va funksiyalarning samarali va natijali bajarilishi uchun ularning shaxsiy masʼuliyati va javobgarligini oshirish choralarini koʻradi hamda yil yakunlari boʻyicha ularning faoliyatini baholab boradi;

tegishli komissiyalarga (kengashlar, guruhlar) samarali rahbarlik qiladi, komissiyalar (kengashlar) faoliyatini tashkil etadi va qarorlarining bajarilishi ustidan nazoratni taʼminlaydi;

belgilangan tartibda oʻzlariga yuklangan boshqa funksiyalarni amalga oshiradi.

3-bob. Viloyatlar va Toshkent shahar hokimlari birinchi oʻrinbosarining huquqlari va javobgarligi

10. Viloyatlar va Toshkent shahar hokimlarining birinchi oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

hududni iqtisodiy, ijtimoiy va tadbirkorlik sohasida kompleks rivojlantirish boʻyicha qarorlar, dasturlar va “yoʻl xaritalari”ni ishlab chiqish, ijrosini tashkil etish;

hududning makroiqtisodiy koʻrsatkichlarini, shu jumladan mahalliy budjetning har yilgi prognoz parametrlarini ishlab chiqish, ijrosini doimiy tahlil qilib borish, mavjud muammolarni hal etish yuzasidan tezkor choralar koʻrish;

iqtisodiyot va tadbirkorlik masalalari boʻyicha tegishli vazirliklar, idoralar va tijorat banklarining hududiy tuzilmalari faoliyatini doimiy nazorat va tahlil qilish;

vazirliklar, idoralar va tijorat banklarining hududiy tuzilmalari, tuman va shaharlar hokimliklarining iqtisodiy-ijtimoiy hamda tadbirkorlikni rivojlantirish borasida amalga oshirilayotgan ishlar samaradorligi boʻyicha hisobotlarini muhokama qilish;

Davlat budjetiga va davlat maqsadli jamgʻarmalari budjetlariga tushumlar toʻliq va oʻz vaqtida tushishi, budjet mablagʻlarining maqsadli sarflanishi ustidan nazoratni amalga oshirish borasida tegishli idoralar faoliyatini muvofiqlashtirish;

qulay ishbilarmonlik muhitini shakllantirish, kichik biznes va xususiy tadbirkorlik subyektlarining huquqlarini himoya qilish hamda ular faoliyati erkinligining kafolatlarini taʼminlash yuzasidan zarur choralarni koʻrish;

kichik biznes va xususiy tadbirkorlik subyektlari ish yuritishi uchun tegishli resurslar bilan taʼminlash choralarini koʻrish, ularning oʻz faoliyatini boshlashlari uchun belgilangan tartibda bank kreditlarini olish, elektr energiyasi tarmoqlariga ulanish va boshqa shu kabi muammolarini hal etish yuzasidan choralar belgilash va ijrosini nazorat qilish.

11. Viloyatlar va Toshkent shahar hokimlarining birinchi oʻrinbosari ushbu Namunaviy nizomning 8 va 9-bandlarida oʻzlariga yuklangan vazifalar va funksiyalarning tegishli ravishda va samarali bajarilishi uchun shaxsan javobgardirlar.

Viloyatlar va Toshkent shahar hokimlarining birinchi oʻrinbosari Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni , “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son hamda “ Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son qarorlari shuningdek, Vazirlar Mahkamasining 1999-yil 12-yanvardagi “Ijro intizomini mustahkamlash chora-tadbirlari toʻgʻrisida”gi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

4-bob. Viloyatlar va Toshkent shahar hokimlari birinchi oʻrinbosarlari faoliyatini tashkil etish

12. Viloyatlar va Toshkent shahar hokimlarining birinchi oʻrinbosarlari ishlari Oʻzbekiston Respublikasining “Mahalliy davlat hokimiyati toʻgʻrisida”gi Qonuniga , Oʻzbekiston Respublikasi Prezidentining va Vazirlar Mahkamasining qarorlariga, shuningdek, ushbu Namunaviy nizomga muvofiq, viloyatlar va Toshkent shahar hokimlarining choraklik va yarim yillik ish rejalari asosida tashkil etiladi.

Ushbu ish rejalari asosida viloyatlar va Toshkent shahar hokimlari birinchi oʻrinbosarlarining oylik shaxsiy ish rejalari ishlab chiqiladi hamda viloyatlar va Toshkent shahar hokimlari tomonidan tasdiqlanadi.

13. Viloyatlar va Toshkent shahar hokimlari birinchi oʻrinbosarlarining hisoboti viloyatlar va Toshkent shahar hokimlarining tezkor yigʻilishlarida har haftada eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan viloyatlar va Toshkent shahar hokimlarining birinchi oʻrinbosarlarining tegishli hisobotlari xalq deputatlari Kengashi majlisida eshitiladi.

15. Viloyatlar va Toshkent shahar hokimlarining birinchi oʻrinbosarlari faoliyatini taʼminlash kotibiyat tomonidan amalga oshiriladi.

Viloyatlar va Toshkent shahar hokimlarining birinchi oʻrinbosarlari tomonidan faoliyati muvofiqlashtirib boriladigan davlat organlari va tashkilotlarining hududiy boʻlinmalari

1. Iqtisodiy taraqqiyot va kambagʻallikni qisqartirish bosh boshqarmasi.

2. Moliya bosh boshqarmasi.

3. Gʻaznachilik boshqarmasi.

5. Bandlik bosh boshqarmasi.

6. Davlat soliq boshqarmasi.

7. Bojxona boshqarmasi

8. Statistika boshqarmasi.

9. Monopoliyaga qarshi kurashish qoʻmitasining hududiy boshqarmasi.

10. Davlat aktivlarini boshqarish agentligining hududiy boshqarmasi.

11. Davlat moliyaviy nazorat boshqarmasi.

12. “Oʻzbekiston respublika tovar xom ashyo birjasi” AJ hududiy filiali.

13. Tashqi mehnat migratsiyasi agentligi hududiy filiali.

14. Hokimlik huzuridagi “Yangi ish oʻrinlari tashkil etishni ragʻbatlantirish” hududiy jamgʻarmasi.

15. Kadastr agentligining hamda Agentlik huzuridagi Davlat kadastrlari palatasi hududiy boshqarmalari.

16. Davlat ulushiga ega boʻlgan barcha tijorat banklarining hududiy tuzilmalari.

17. Boshqa tijorat banklarining hududiy tuzilmalari — bank tizimi barqarorligini taʼminlash, isloh qilish, xorijiy kreditlar va qarzlarga xizmat koʻrsatish masalalari yuzasidan.

18. Vazirliklar va idoralar, xoʻjalik birlashmalari, korxonalar va boshqa tashkilotlarning hududiy boʻlinmalari — iqtisodiy islohotlarni amalga oshirish masalalari yuzasidan.

Viloyatlar va Toshkent shahar hokimlarining birinchi oʻrinbosarlari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilning hududda faoliyat koʻrsatuvchi devoni xodimlari.

2. Markaziy bank viloyat bosh boshqarmasi.

3. Savdo-sanoat palatasi hududiy boshqarmasi.

4. Oʻzbekiston Respublikasi Bosh vazirining hududlardagi Tadbirkorlar murojaatlarini koʻrib chiqish qabulxonalari.

5. Sugʻurta tashkilotlarining hududiy filiallari.

6. Oʻzbekiston isteʼmolchilar huquqlarini himoya qilish jamiyatlari Federatsiyasi hududiy birlashmasi.

7. Bozorlar va savdo komplekslari uyushmasi.

Vazirlar Mahkamasining 2021-yil 28-avgustdagi 548-son qaroriga 2-ILOVA

Hokimning qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosarining funksional vazifalari toʻgʻrisida

1-bob. Umumiy qoidalar

1. Ushbu Namunaviy nizom Oʻzbekiston Respublikasining “Mahalliy davlat hokimiyati toʻgʻrisida”gi Qonuniga , Oʻzbekiston Respublikasi Prezidentining va Vazirlar Mahkamasining hujjatlariga, shuningdek, boshqa normativ-huquqiy hujjatlarga muvofiq viloyatlar hokimlarining, qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosari, Toshkent viloyati hokimining shaharlar infratuzilmasini rivojlantirish, obodonlashtirish va kommunal xoʻjalik masalalari boʻyicha birinchi oʻrinbosari, Toshkent shahar hokimining qurilish, kommunikatsiyalarni rivojlantirish, ekologiya va koʻkalamzorlashtirish masalalari boʻyicha birinchi oʻrinbosari lavozimi, Toshkent shahar hokimining oʻrinbosari — Uy-joy kommunal xizmat koʻrsatish bosh boshqarmasi boshligʻi hamda Toshkent shahar hokimi oʻrinbosari — Toshkent shahar kanallardan foydalanish va ularga tutash hududlarni obodonlashtirish boshqarmasi boshligʻi (keyingi oʻrinlarda — viloyatlar va Toshkent shahar hokimlarining oʻrinbosari)ning vazifalari, funksiyalari, huquqlari, shaxsiy masʼuliyati, vakolati va javobgarligini belgilaydi.

2. Viloyatlar va Toshkent shahar hokimlarining oʻrinbosari oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining va Hukumatining hujjatlariga, tegishli xalq deputatlari Kengashi qarorlariga, viloyat va Toshkent shahar hokimlarining qaror va farmoyishlariga, shuningdek, ushbu Namunaviy nizomga amal qiladi.

3. Viloyatlar va Toshkent shahar hokimlarining oʻrinbosari oʻziga biriktirilgan tarmoq va sohalardagi faoliyatining samaradorligi va natijadorligi, oʻz faoliyatida Oʻzbekiston Respublikasi Prezidenti hamda Vazirlar Mahkamasining hujjatlari va topshiriqlarining toʻliq va sifatli bajarilishini tashkil etish uchun Oʻzbekiston Respublikasining Prezidenti oldida shaxsan javobgar hamda tegishli xalq deputatlari Kengashi oldida hisobdordir.

4. Viloyatlar va Toshkent shahar hokimlarining oʻrinbosari tegishlicha viloyatlar va Toshkent shahar hokimlariga boʻysunadi.

Viloyatlar va Toshkent shahar hokimlarining oʻrinbosari oʻziga biriktirilgan tarmoq va sohalarda hududlarni rivojlantirish bilan bogʻliq vazifalarni hal qilish boʻyicha faoliyati Oʻzbekiston Respublikasi Bosh vazirining birinchi oʻrinbosari tomonidan muvofiqlashtiriladi.

6. Viloyatlar va Toshkent shahar hokimlarining oʻrinbosari tegishli tuman va shahar hokimining, qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosarlari faoliyatini muvofiqlashtiradi.

7. Viloyatlar va Toshkent shahar hokimlarining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimlari oʻrinbosarining asosiy vazifalari va funksiyalari

8. Quyidagilar viloyatlar va Toshkent shahar hokimlari oʻrinbosarining asosiy vazifalari hisoblanadi:

kapital qurilish sohasini jadal rivojlantirish, ijtimoiy soha, uy-joy va infratuzilma obyektlarini qurish ishlarining sifatini yangi darajaga koʻtarish;

“Obod qishloq” va “Obod mahalla” dasturlari doirasida har bir hududning oʻziga xosligi va xususiyatlarini hisobga olgan holda shahar, tuman, qishloq va mahallalarni kompleks hamda jadal rivojlantirish;

zamonaviy axborot-kommunikatsiya texnologiyalarini keng joriy etish, elektron davlat xizmatlaridan foydalanish imkonini yaratish uchun telekommunikatsiya tarmoqlari va axborot tizimlari, shuningdek, pochta aloqasi va arxiv obyektlarining samarali faoliyatini tashkil etish;

transport va transport kommunikatsiyalari sohasini rivojlantirish, tashishlarning yuqori darajadagi xavfsizligini taʼminlash;

aholining sifatli kommunal xizmatlar bilan qamrab olinishini tubdan yaxshilash, koʻp kvartirali uy-joy fondidan foydalanish tizimini takomillashtirish, hududning sanitariya va ekologik vaziyatini yaxshilash;

davlat chegaralarini delimitatsiya, demarkatsiya va redemarkatsiya qilish va chegaraboʻyi muammolarini hal qilish hamda aholini va hududlarni toshqinlar, sel oqimlari, qor koʻchish va yer koʻchki hodisalari bilan bogʻliq favqulodda vaziyatlardan muhofaza qilish.

9. Viloyatlar va Toshkent shahar hokimlarining oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) kapital qurilish industriyasi sohasini jadal rivojlantirish, ijtimoiy soha, uy-joy va infratuzilma obyektlari qurish ishlarining sifatini yangi darajaga koʻtarish sohasida:

Oʻzbekiston Respublikasining Shaharsozlik kodeksiga muvofiq amalga oshiriladigan shaharsozlik faoliyati, shuningdek, kapital qurilish va pudrat ishlari sohasida islohotlar va siyosatning amalga oshirilishini tizimli hamda kompleks oʻrganishni tashkil etadi;

shaharsozlik faoliyatida va kapital qurilishda, shuningdek, muhim obyektlar, shu jumladan ijtimoiy soha, uy-joy va infratuzilma obyektlari qurilishida pudrat ishlarini tashkil etish sohasida monitoringni taʼminlaydi, mavjud muammolarni aniqlab, ularni hal etish choralarini koʻradi;

Ijtimoiy va infratuzilmani rivojlantirish dasturiga kiritilgan loyihalar (obyektlar) boʻyicha loyiha-smeta hujjatlarini oʻz vaqtida ishlab chiqish va ekspertizadan oʻtkazish, tender jarayonlarini ochiqlik va shaffoflik tamoyillari asosida oʻtkazish hamda moliyalashtirishni oʻz vaqtida ochish ishlarini tashkil qiladi;

Ijtimoiy va infratuzilmani rivojlantirish dasturiga kiritilgan loyihalar (obyektlar) doirasida budjet mablagʻlaridan samarali va maqsadli foydalanishni tashkil qiladi;

har yili qabul qilinadigan Ijtimoiy va infratuzilmani rivojlantirish dasturlari loyihalarini shakllantirish jarayonida hududdagi mavjud holatni toʻgʻri va toʻliq tahlil qilgan holda, vakolatli organlarga asoslangan takliflar kiritib boradi;

Investitsiya dasturi loyihasini shakllantirish jarayonida yirik investitsiya loyihalarini kerakli infratuzilma obyektlari bilan taʼminlanganlik darajasini Investitsiyalar va tashqi savdo vazirligining hududiy boshqarmalari bilan birgalikda tahlil qilib, asoslangan takliflar ishlab chiqishda qatnashadi;

shaharlarda va qishloq joylarda namunaviy loyihalar boʻyicha uy-joy qurish dasturiy hujjatlarini amalga oshirish ishlarini muvofiqlashtiradi;

yirik ixtisoslashtirilgan qurilish-pudrat tashkilotlarini shakllantirish dasturini amalga oshirish, pudrat va loyiha tashkilotlarining moddiy-texnika bazasini takomillashtirish hamda qurilish-pudrat tashkilotlarining reyestrini yuritish ishlarini muvofiqlashtiradi;

hududiy davlat organlari va tashkilotlari tomonidan shaharsozlik toʻgʻrisidagi qonun hujjatlariga, shaharsozlik normalari va qoidalariga, hokim oʻrinbosari vakolatiga kiruvchi masalalar boʻyicha hukumat komissiyalari va kengashlar qarorlariga rioya etilishini nazorat qiladi;

vakolatli davlat organlarini jalb qilgan holda, obyektlarning loyiha-smeta hujjatlarini sifatli tayyorlash va aholi punktlarining shaharsozlik hujjatlarini ishlab chiqishga doir loyiha-qidiruv tashkilotlari faoliyatining monitoringi olib borilishini va nazorat qilinishini tashkil etadi;

obyektlarni qurish, rekonstruksiya qilish va mukammal taʼmirlashda texnik shartlar va reglamentlarga rioya etilishi, buyurtmachilar (quruvchilar) tomonidan loyihalashtirish, qurilish sifati yuzasidan texnik nazorat, shuningdek, mualliflik nazoratining amalga oshirilishi holatini oʻrganadi;

qurilish-montaj ishlari va zarur arxitektura-qurilish nazorati sifati yuzasidan qurilish, rekonstruksiya qilish va mukammal taʼmirlash obyektlarining tizimli monitoringini amalga oshiradi hamda natijalari boʻyicha obyektlarda qurilish-taʼmirlash ishlaridagi mavjud qoloqliklarni bartaraf etish, qurilish-taʼmirlash ishlarini jadallashtirish hamda obyektlarni oʻz vaqtida foydalanishga topshirish yuzasidan choralar koʻradi;

qurilishda ilgʻor texnologiyalar va zamonaviy mahalliy qurilish materiallaridan foydalangan holda, yangi konstruktiv yechimlar qoʻllanilishini oʻrganadi va tahlil qiladi, qurilishning yuqori sifatini va tannarxini pasaytirishni taʼminlashga yoʻnaltirilgan chora-tadbirlarning samaradorligini oshirish yuzasidan takliflar kiritadi;

qurilish tarmogʻini jadal rivojlantirish va diversifikatsiya qilish uchun qulay shart-sharoit yaratish, salohiyatli xorijiy investorlarni keng jalb etgan holda, qurilish materiallarini ishlab chiqarishga zamonaviy ilgʻor, energiyadan samarali foydalanadigan va resurslarni tejaydigan texnologiyalarni joriy etish, shu asosda tarmoqning eksport salohiyatini oshirish, shunday mahsulotlarni import qilishni bosqichma-bosqich qisqartirish ishlarini tashkil etadi;

b) “Obod qishloq” va “Obod mahalla” dasturlari doirasida har bir hududning oʻziga xosligi va xususiyatlarini hisobga olgan holda shahar, tuman, qishloq va mahallalarni kompleks va jadal rivojlantirish sohasida:

qishloq aholi punktlarining meʼmoriy qiyofasini tubdan yangilash, yoʻl-transport, muhandislik-kommunikatsiya infratuzilmasi hamda ijtimoiy soha obyektlarini barpo etish va shu asosda aholining turmush madaniyatini yuksaltirish va dunyoqarashini kengaytirish boʻyicha takliflar ishlab chiqadi;

“Obod qishloq” va “Obod mahalla” dasturlari boʻyicha har yilgi tasdiqlanadigan asosiy parametrlarning oʻz vaqtida va sifatli ijrosini taʼminlash yuzasidan aniq choralar belgilaydi;

v) zamonaviy axborot-kommunikatsiya texnologiyalarini keng joriy etish, elektron davlat xizmatlaridan foydalanish imkonini yaratish uchun telekommunikatsiya tarmoqlari va axborot tizimlari, shuningdek, pochta aloqasi va arxiv obyektlarining samarali faoliyatini tashkil etish sohasida:

Oʻzbekiston Respublikasining “ Telekommunikatsiyalar toʻgʻrisida ”gi va “ Pochta aloqasi toʻgʻrisida ”gi qonunlariga muvofiq aholi maskanlari, binolar va inshootlarni loyihalashtirish hamda rivojlantirishda belgilangan normativlarga muvofiq telekommunikatsiya vositalari va pochta aloqasi obyektlarini joylashtirish nazarda tutilishini taʼminlaydi, telekommunikatsiya tarmoqlari va pochta aloqasi obyektlarida roʻy bergan hodisalar oqibatlarini bartaraf etishda koʻmaklashadi;

iqtisodiyot tarmoqlari va davlat boshqaruvi tizimiga zamonaviy axborot texnologiyalarini keng joriy etish va telekommunikatsiya tarmoqlarini kengaytirish orqali respublika iqtisodiyotining raqobatbardoshligini yanada oshiradi;

“Xavfsiz shahar” loyihasini joriy etish doirasida tizimni muhandislik-kommunikatsiya infratuzilmasi bilan taʼminlash va rivojlantirish uchun zarur shart-sharoitlar yaratadi;

Oʻzbekiston Respublikasining “Arxiv ishi toʻgʻrisida”gi Qonuniga muvofiq davlat va idoraviy arxivlar hujjatlarining saqlanishi uchun tegishli darajadagi shart-sharoitlarni taʼminlash, ularning holati boʻyicha davlat nazoratini amalga oshirish choralarini koʻradi va arxivlarni moliyalashtirish miqdorini aniqlaydi;

g) transport va transport kommunikatsiyalari sohasini rivojlantirish, tashishlarning yuqori darajadagi xavfsizligini taʼminlash sohasida:

transport va transport kommunikatsiyalari sohasida islohotlarning amalga oshirilishi tizimli va kompleks oʻrganilishini tashkil etadi;

transport va transport kommunikatsiyalari sohasining faoliyati masalalarida davlat organlari, mahalliy ijroiya hokimiyati organlari, boshqa organlar va tashkilotlarning oʻzaro hamkorligini taʼminlaydi;

raqobat muhitini shakllantirish, sohaga davlat-xususiy sheriklik tamoyillarini joriy etish, transport xizmatlari bozoridan teng foydalanilishini taʼminlash yuzasidan takliflar ishlab chiqadi;

transport va transport kommunikatsiyalari sohasidagi korxonalarda korporativ boshqaruvning zamonaviy usullarini joriy etish, ishlab chiqarish, investitsiya, moddiy-texnika, moliyaviy va mehnat resurslaridan foydalanish samaradorligini oshirishni tashkil etadi;

transport va transport kommunikatsiyalari sohasida yoqilgʻi-energetika resurslarini tejashga doir tashkiliy-texnik tadbirlar va energiya sarfini kamaytirish tarmoq dasturini ishlab chiqish va amalga oshirish ishlarini muvofiqlashtiradi;

xoʻjaliklararo qishloq avtomobil yoʻllarini, shaharlarning, shahar posyolkalarining, qishloqlarning va ovullarning koʻchalarini rivojlantirish hududiy dasturlarini maxsus vakolatli organ bilan kelishgan holda ishlab chiqadi hamda amalga oshiradi;

shaharlarning, shahar posyolkalarining, qishloqlar va ovullarning transport infratuzilmasini rivojlantirish dasturlarini maxsus vakolatli organ bilan kelishgan holda ishlab chiqadi va amalga oshiradi;

xoʻjaliklararo qishloq avtomobil yoʻllarini, shaharlarning, shahar posyolkalarining, qishloqlarning va ovullarning koʻchalarini joriy taʼmirlash, saqlash (shu jumladan, yoritish tizimlarini oʻrnatish), obodonlashtirishni tashkil etadi hamda hisobini yuritadi;

shaharlarning, shahar posyolkalarining, xoʻjaliklararo qishloq avtomobil yoʻllarining, qishloqlar va ovullarning yoʻl-transport va yoʻl boʻyi infratuzilmasini rivojlantirishni davlat-xususiy sheriklik tamoyillari asosida amalga oshiradi;

d) aholining sifatli kommunal xizmatlar bilan qamrab olinishini tubdan yaxshilash, koʻp kvartirali uy-joy fondidan foydalanish tizimini takomillashtirish, hududning sanitariya va ekologik vaziyatini yaxshilash sohasida:

kommunal xoʻjaligi sohasida islohotlarning amalga oshirilishini tizimli va kompleks oʻrganishni tashkil etadi;

kommunal xizmat koʻrsatish sohasiga xorijiy investitsiyalar va innovatsion gʻoyalar, texnologiyalarni jalb etish hamda kommunal xizmat koʻrsatish tashkilotlarini davlat-xususiy sheriklik asosida ishonchli boshqaruvga berish uchun shart-sharoitlar yaratadi;

aholi punktlarini rivojlantirish sxemalariga va bosh rejalariga muvofiq suv taʼminoti, kanalizatsiya obyektlarini rivojlantirish, modernizatsiyalash va rekonstruksiya qilishga doir dasturiy hujjatlarni ishlab chiqish va amalga oshirish ishlarini muvofiqlashtiradi;

hududdagi davlat va xoʻjalik boshqaruvining tegishli organlari bilan birgalikda uy-joy kommunal xoʻjaligi obyektlarini zamonaviy hisobga olish asboblari bilan jihozlashni, qurilish-montaj ishlari tannarxini pasaytirishni taʼminlovchi zamonaviy va sifatli mahalliy qurilish materiallarini keng qoʻllashni nazarda tutuvchi amaliy mexanizmlar hamda chora-tadbirlarni ishlab chiqadi;

suv taʼminoti, kanalizatsiya, issiqlik taʼminoti obyektlarini qurish davlat dasturlarini amalga oshirish, xususiy uy-joy mulkdorlari shirkatlari faoliyatini takomillashtirish, koʻp kvartirali, shu jumladan eskirgan va avariya holatidagi uy-joylar holatini xatlovdan oʻtkazish ishlarini muvofiqlashtiradi;

koʻp kvartirali uy-joylarning tutash hududlarini obodonlashtirish, koʻp kvartirali uy-joy fondini saqlash, ulardan foydalanish, koʻp kvartirali uylardan texnik jihatdan foydalanish qoidalari talablariga rioya etilishini nazorat qiladi;

issiqlik taʼminoti tizimlarini rivojlantirish, hududlarni obodonlashtirishga doir dasturiy hujjatlarning sifatli bajarilishini nazorat qiladi, ushbu soha tashkilotlarining faoliyati muvofiqlashtirilishi va boshqarilishini taʼminlaydi;

uy-joy kommunal soha uchun kadrlar tayyorlash, xorijda oʻquv stajirovkalari tashkil etishni hisobga olgan holda, kadrlarni qayta tayyorlash va ularning malakasini oshirish, zamonaviy axborot-kommunikatsiya texnologiyalarini, dasturiy mahsulotlarni, idoraviy axborot tizimlari va maʼlumotlar bazasini joriy etish yuzasidan takliflar kiritadi;

Oʻzbekiston Respublikasining “Ekologik nazorat toʻgʻrisida”gi Qonunini amalga oshirish doirasida tabiiy resurslarni asrab-avaylash va ulardan oqilona foydalanish yuzasidan ekologik nazorat sohasidagi maxsus vakolatli davlat organlari, davlat organlari, mahalliy ijroiya hokimiyati organlari, tadbirkorlik subyektlari va boshqa tashkilotlarning fuqarolarning oʻzini oʻzi boshqarish organlari, nodavlat notijorat tashkilotlari va fuqarolar bilan oʻzaro hamkorligini muvofiqlashtiradi;

chiqindilar bilan ishlash tizimini takomillashtirish, hududda sanitariya va ekologik vaziyatni yaxshilash, chiqindilarning fuqarolar hayoti va salomatligiga, atrof-muhitga zararli taʼsirining oldini olish, chiqindilar hosil boʻlishini qisqartirish va xoʻjalik faoliyatiga jalb etilishini taʼminlash boʻyicha kompleks chora-tadbirlarni amalga oshiradi;

ekologiya va atrof-muhitni muhofaza qilish tadbirlarining soʻzsiz va sifatli bajarilishi, shuningdek, biologik resurslarni saqlash, qayta tiklash va ulardan oqilona foydalanishga yoʻnaltirilgan uzoq, oʻrta va qisqa muddatli hududiy ekologik dasturlarni ishlab chiqish ishlarini muvofiqlashtiradi;

kanallarni sanitar tozalashni kompleks va tubdan yaxshilash, kanallarga tutash hududlarni sanitariya, ekologik norma va qoidalarga muvofiq obodonlashtirish ishlarini amalga oshirish hamda qirgʻoq boʻylarida zamonaviy landshaft meʼmorchiligi usullarini qoʻllagan holda rekreatsion hududlarni shakllantiradi;

e) davlat chegaralarini delimitatsiya, demarkatsiya va redemarkatsiya qilish va chegaraboʻyi muammolarini hal qilish hamda aholini va hududlarni toshqinlar, sel oqimlari, qor koʻchish va yer koʻchki hodisalari bilan bogʻliq favqulodda vaziyatlardan muhofaza qilish sohasida:

Oʻzbekiston Respublikasining chegaraboʻyi hududida yuzaga kelishi mumkin boʻlgan vaziyatning har tomonlama va chuqur oʻrganilishini tashkil etadi, davlat chegarasini muhandislik-texnik jihatdan jihozlash bilan bogʻliq kompleks chora-tadbirlar ishlab chiqilishi va amalga oshirilishini taʼminlaydi;

toshqin suvlari va sel oqimlarini xavfsiz oʻtkazish imkoniyatlarini baholash hamda daryolar oʻzanlarini tozalash va qirgʻoqlarini mustahkamlash ishlarini amalga oshirish joyini, hajmini va boshqa shart-sharoitlarini, suv oqimlari boʻylab joylashgan suv xoʻjaligi va boshqa ijtimoiy obyektlarni qurish, rekonstruksiya qilish, taʼmirlash va tiklash boʻyicha ustuvor himoyalash ishlarini belgilaydi;

suv oqimlari orqali toshqin suvlari va sel oqimlarining barqaror va xavfsiz oʻtkazilishini taʼminlash boʻyicha hududiy manzilli dasturlarni shakllantiradi hamda ularda belgilangan tadbirlarni oʻz muddatida va sifatli bajarilishini taʼminlaydi.

Shuningdek, viloyatlar va Toshkent shahar hokimlarining oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasining qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Hukumat qarorlarining bajarilishi yuzasidan nazoratni taʼminlaydi;

hududni, kapital qurilish, kommunikatsiyalar va kommunal xoʻjalik sohalarini rivojlantirishning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, davlat dasturlari hamda “yoʻl xaritalari” loyihalarining tayyorlanishini tashkil etadi va ijrosini taʼminlaydi;

sohalar va yoʻnalishlarda amalga oshirilayotgan islohotlarning samaradorligini tahlil qilib boradi, ularning natijalari boʻyicha tahliliy materiallar tayyorlanishi va hokimlik yigʻilishlarida muhokama qilib borilishini tizimli asosda taʼminlaydi;

kapital qurilish, kommunikatsiyalar va kommunal xoʻjalik masalalari boʻyicha tegishli vazirlik, idora, tijorat banklari hududiy tuzilmalarining aniq koʻrsatkichlar hamda maqsadli indikatorlarga erishishga asoslangan faoliyatini tizimli baholaydi;

tegishli vazirlik, idoralar, qoʻmitalarining hududiy tuzilmalari rahbarlari, tuman va shahar hokimlarining oʻrinbosarlariga yuklangan vazifa hamda funksiyalar samarali va natijali bajarilishi uchun ularning masʼuliyatini oshirish choralarini koʻradi;

hokimning topshiriqlariga binoan oʻziga biriktirilgan yoʻnalish boʻyicha hudud va tarmoqlarda ijtimoiy-iqtisodiy rivojlantirish hamda iqtisodiy islohotlarning ustuvor vazifalari va dasturlari bajarilishini muvofiqlashtirib boradi;

hududda maʼmuriy va iqtisodiy islohotlarning holati va natijadorligining tizimli monitoringi olib borilishini va maʼlumotlar banki shakllantirilishini, shuningdek, muammoli masalalarni hal etish, ularni rivojlantirishning istiqbolli vazifalarini amalga oshirish boʻyicha amaliy chora-tadbirlar ishlab chiqilishi va amalga oshirilishi tashkil etilishini taʼminlaydi;

davlat chegaralarini delimitatsiya, demarkatsiya va redemarkatsiya qilish masalalari boʻyicha Hukumat delegatsiyasining yigʻilishlari va tadbirlarida ishtirok etadi;

davlat chegaralarini delimitatsiya, demarkatsiya va redemarkatsiya qilish, chegaraboʻyi muammolarini hal qilish, nolegal migratsiya, respublika hududiga tovarlar va kontrafakt mahsulotlar olib kirilishining oldini olish masalalari bilan bogʻliq tadbirlarni belgilangan tartibda amalga oshiradi;

tuman va shahar hokimlarining qurilish, kommunikatsiyalar, kommunal xoʻjalik, ekologiya va koʻkalamzorlashtirish masalalari boʻyicha oʻrinbosarlariga yuklangan vazifa hamda funksiyalarning samarali va natijali bajarilishi uchun ularning shaxsiy masʼuliyati va javobgarligini oshirish choralarini koʻradi hamda yil yakuni boʻyicha ularning faoliyatini baholab boradi;

tegishli komissiyalarga (kengashlar, guruhlar) samarali rahbarlik qiladi, viloyat va Toshkent shahar hokimi rahbarlik qiladigan komissiyalar (kengashlar) faoliyatini tashkil etadi va qarorlarining bajarilishi boʻyicha nazoratni taʼminlaydi;

belgilangan tartibda oʻziga yuklangan boshqa funksiyalarni amalga oshiradi.

3-bob. Viloyatlar va Toshkent shahar hokimlari oʻrinbosarining huquqlari va javobgarligi

10. Viloyatlar va Toshkent shahar hokimlarining oʻrinbosari oʻziga yuklangan vazifa va funksiyalarni bajarish uchun quyidagi huquqlarga ega:

kapital qurilish, kommunikatsiyalar va kommunal xoʻjalik sohasida hududni kompleks rivojlantirish boʻyicha qarorlar, dastur va “yoʻl xaritalari”ni ishlab chiqish va ijrosini tashkil etish;

kapital qurilish sohasini jadal rivojlantirish, jumladan, ijtimoiy soha, uy-joy va infratuzilma obyektlarini qurish ishlarini har yilgi maqsadli parametrlarini ishlab chiqish, ijrosini tahlil qilib borish, mavjud muammolar yechimi yuzasidan tezkor choralar koʻrish;

kapital qurilish, kommunikatsiyalar va kommunal xoʻjalik masalalari boʻyicha tegishli vazirlik, idoralar, qoʻmitalarning hududiy tuzilmalari faoliyatini doimiy nazorat va tahlil qilish;

vazirlik, idora va qoʻmitalarning hududiy tuzilmalari, tuman va shaharlar hokimliklarining kapital qurilish, kommunikatsiyalar va kommunal xoʻjaligini rivojlantirish borasida amalga oshirilayotgan ishlar samaradorligi boʻyicha hisobotlarini muhokama qilish;

ichimlik suvi va issiqlik taʼminoti, kanalizatsiya obyektlarini rivojlantirish, modernizatsiyalash va rekonstruksiya qilishga doir dasturiy hujjatlarni ishlab chiqish, shuningdek, kommunal soha tashkilotlarining moliyaviy-iqtisodiy barqarorligini taʼminlash va moddiy-texnika bazasini mustahkamlash ishlarini tashkil etish;

koʻp kvartirali uy-joy fondidan foydalanish tizimini takomillashtirish, kommunal soha tashkilotlarini davlat-xususiy sheriklik asosida ishonchli boshqaruvga berish hamda hududda sanitariya va ekologik vaziyatni yaxshilash, chiqindilarning fuqarolar hayoti va salomatligiga, atrof-muhitga zararli taʼsirining oldini olish boʻyicha vakolati doirasida zarur choralarni koʻrish;

shaharlar va qishloq joylarda namunaviy loyihalar asosida uy-joylar va koʻp qavatli uy-joylar qurilishi boʻyicha tasdiqlangan dasturlar ijrosini taʼminlash, shuningdek, pudrat va loyiha tashkilotlarining moddiy-texnika bazasini takomillashtirish yuzasidan takliflar kiritish.

11. Viloyatlar va Toshkent shahar hokimlarining oʻrinbosari ushbu Namunaviy nizomning 8 va 9-bandlarida oʻziga yuklangan vazifa va funksiyalarning tegishli ravishda hamda samarali bajarilishi uchun shaxsan javobgardirlar.

Viloyatlar va Toshkent shahar hokimlarining oʻrinbosari Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni , “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son hamda “ Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son qarorlari shuningdek, Vazirlar Mahkamasining 1999-yil 12-yanvardagi “Ijro intizomini mustahkamlash chora-tadbirlari toʻgʻrisida”gi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

4-bob. Viloyatlar va Toshkent shahar hokimlarining oʻrinbosari faoliyatini tashkil etish

12. Viloyatlar va Toshkent shahar hokimlari oʻrinbosarining ishlari Oʻzbekiston Respublikasining “Mahalliy davlat hokimiyati toʻgʻrisida”gi Qonuni , Oʻzbekiston Respublikasi Prezidentining va Vazirlar Mahkamasining qarorlari, shuningdek, ushbu Namunaviy nizomga muvofiq, viloyatlar va Toshkent shahar hokimlarining choraklik va yarim yillik ish rejalari asosida tashkil etiladi.

Ushbu ish rejalar asosida viloyatlar va Toshkent shahar hokimlari oʻrinbosarining oylik shaxsiy ish rejalari ishlab chiqiladi va viloyatlar va Toshkent shahar hokimlari tomonidan tasdiqlanadi.

13. Viloyatlar va Toshkent shahar hokimlari oʻrinbosarining hisobotlari viloyatlar va Toshkent shahar hokimlarining tezkor yigʻilishlarida har hafta eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan viloyatlar hokimlari oʻrinbosarining hisobotlari tegishli xalq deputatlari Kengashi majlisida eshitiladi.

15. Viloyatlar va Toshkent shahar hokimlarining oʻrinbosari faoliyati tegishli kotibiyat tomonidan taʼminlanadi.

Viloyatlar va Toshkent shahar hokimlarining oʻrinbosari tomonidan faoliyati muvofiqlashtirib boriladigan davlat va organlari va tashkilotlarining hududiy boʻlinmalari

1. Qurilish bosh boshqarmasi.

2. Uy-joy kommunal xizmat koʻrsatish boshqarmasi.

3. “Yagona buyurtmachi xizmati” injiniring kompaniyasi.

4. Ekologiya va atrof-muhitni muhofaza qilish boshqarmasi.

5. Transport boshqarmasi.

6. Avtomobil yoʻllari hududiy boshqarmasi.

7. Hududiy gaz taʼminoti korxonasi.

8. Hududiy va magistral elektr tarmoqlari korxonalari.

9. Axborot texnologiyalari va kommunikatsiyalarini rivojlantirish hududiy boshqarmasi.

10. “Oʻzarxiv” agentligining hududiy boshqarmasi.

11. Sanoat xavfsizligi qoʻmitasining hududiy boʻlimi.

12. Ichimlik suvi va issiqlik taʼminoti tashkilotlari.

13. Ichimlik suvidan foydalanishni nazorat qilish, Koʻp qavatli uy-joy fondidan foydalanishni nazorat qilish, Yoʻl-qurilish ishlari sifatini nazorat qilish, “Oʻzneftgazinspeksiya”, “Oʻzenergoinspeksiya” inspeksiyalari, Aloqa, axborotlashtirish va telekommunikatsiya texnologiyalari sohasida nazorat boʻyicha davlat inspeksiyasining hududiy boʻlimlari.

14. Vazirlik va idoralar tarkibidagi obyektlarni qurish boʻyicha buyurtmachi tashkilotlarning hududiy boʻlimlari.

15. “Toza hudud” DUK.

16. Vazirliklar va idoralar, xoʻjalik birlashmalari, korxonalar va boshqa tashkilotlarning hududiy boʻlinmalari — sanoat, kapital qurilish, kommunikatsiyalar va kommunal xoʻjalik sohasidagi islohotlarni amalga oshirish masalalari yuzasidan.

Viloyatlar va Toshkent shahar hokimlarining oʻrinbosari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. “Qishloq qurilish invest” MCHJ IK hududiy filiali.

2. “Oʻzbektelekom” AK hududiy filiali.

3. “Oʻzbekiston pochtasi” AJ hududiy filiali.

4. “Oʻzbekneftgaz” AJning neft bazalari.

5. Qora va rangli metallar parchalari, chiqindilarini tayyorlash idoralari.

6. “Oʻzbekkoʻmir” AJning koʻmir taʼminoti omborlari.

7. “Uzbekistan Airports” AJ va “Oʻzbekiston temir yoʻllari” AJlarning hududiy tashkilotlari va boshqa transport korxonalari.

Vazirlar Mahkamasining 2021-yil 28-avgustdagi 548-son qaroriga 3-ILOVA

Hokim oʻrinbosari — viloyatlar va Toshkent shahar investitsiyalar va tashqi savdo boshqarmasi boshliqlarining funksional vazifalari toʻgʻrisida

1-bob. Umumiy qoidalar

2. Viloyatlar va Toshkent shahar hokimining oʻrinbosari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatning hujjatlariga, tegishli xalq deputatlari Kengashining qarorlariga, viloyat va Toshkent shahar hokimlarining qarorlari va farmoyishlariga, shuningdek, ushbu Namunaviy nizomga amal qiladi.

3. Viloyatlar va Toshkent shahar hokimining oʻrinbosari oʻziga biriktirilgan tarmoq va sohalardagi faoliyatining samaradorligi va natijadorligi, oʻz faoliyatida Oʻzbekiston Respublikasi Prezidenti hamda Vazirlar Mahkamasining hujjatlari va topshiriqlarining toʻliq va sifatli bajarilishini tashkil etish uchun Oʻzbekiston Respublikasining Prezidenti oldida shaxsan javobgar hamda tegishli xalq deputatlari Kengashi oldida hisobdordir.

4. Viloyatlar va Toshkent shahar hokimlarining oʻrinbosari tegishlicha viloyatlar va Toshkent shahar hokimlariga boʻysunadi.

Viloyatlar va Toshkent shahar hokimlari oʻrinbosarining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarni hal qilish boʻyicha faoliyati Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri tomonidan muvofiqlashtiriladi.

6. Viloyatlar va Toshkent shahar hokimlarining oʻrinbosari tuman va shahar hokimining oʻrinbosari — investitsiyalar va tashqi savdo boʻlimi boshliqlari faoliyatini muvofiqlashtiradi.

7. Viloyatlar va Toshkent shahar hokimlarining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimlari oʻrinbosarining asosiy vazifalari va funksiyalari

8. Quyidagilar viloyatlar va Toshkent shahar hokimlari oʻrinbosarining asosiy vazifalari hisoblanadi:

investitsiya dasturlariga kiritilgan loyihalarning amalga oshirilishini taʼminlash, xorijiy investitsiyalarni jalb etish va samarali oʻzlashtirish;

hududning eksport salohiyatini oshirish, mahalliy korxonalar mahsulotlarining eksport hajmlari, nomenklaturasi hamda geografiyasini kengaytirish boʻyicha manzilli dasturlarni ishlab chiqish hamda ularning ijrosini taʼminlash;

ilmiy va ilmiy-texnikaviy faoliyatni amalga oshirish, ilmiy-texnikaviy va innovatsion rivojlanishni taʼminlash;

erkin iqtisodiy zonalarni rivojlantirish hamda eksportbop va import oʻrnini bosuvchi mahsulotlar ishlab chiqarish uchun shart-sharoitlar yaratish;

kichik sanoat zonalarining samarali faoliyatini tashkil etish, ularda raqobatbardosh zamonaviy ishlab chiqarishlar va kichik korxonalarni rivojlantirish.

9. Viloyatlar va Toshkent shahar hokimlarining oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) investitsiya dasturlariga kiritilgan loyihalarning amalga oshirilishini taʼminlash, xorijiy investitsiyalarni jalb etish va samarali oʻzlashtirish sohasida:

investitsiya dasturlariga kiritilgan loyihalarning oʻz muddatida va sifatli amalga oshirilishini taʼminlaydi;

investitsiya faoliyati yoʻnalishida hududda boshqaruv tizimini, shu jumladan xorijiy investitsiyalarni jalb etish va oʻzlashtirish sohasida hududda davlat organlari va tashkilotlarining hududiy tuzilmalari faoliyatini muvofiqlashtiradi, xorijiy investorlarni hududning imkoniyatlari va salohiyati toʻgʻrisida xabardor qilish, xorijiy kapital ishtirokidagi korxonalarni rivojlantirishni qoʻllab-quvvatlashga qaratilgan ishlarni ragʻbatlantiradi;

investitsiya dasturlarini, jumladan hududiy dasturlarni shakllantirish, jalb etilgan mablagʻlarni oʻzlashtirish sohasidagi ishlarni muvofiqlashtiradi;

har haftaning chorshanba kuni hudud boʻyicha “Investitsiya kuni” tadbirlarini oʻtkazish ishlarini tashkil etish, investitsiya loyihalarini amalga oshirish borasidagi ishlarni muvofiqlashtirish, salohiyatli investorlarni aniqlash va ular bilan muzokaralar oʻtkazish, investorlarning muammolarini hal qilish boʻyicha tizimli ishlarni olib boradi;

investitsiya loyihalari amalga oshirilishining tizimli monitoringini olib borish, xorijiy kapital ishtirokidagi korxonalar faoliyatini, investor tomonidan oʻzining investitsiya majburiyatlari toʻliq bajarilishini tahlil qilish, xorijiy investitsiyalar ishtirokida investitsiya loyihalarining oʻz vaqtida va samarali amalga oshirilishiga toʻsqinlik qilayotgan omillarni aniqlash hamda ularni hal etish yuzasidan tezkor choralar koʻrish orqali jalb etilayotgan xorijiy investitsiyalardan foydalanish samaradorligini oshirish, investitsiya dasturlarini amalga oshirishning sifat va samaradorlik mezonlariga asoslangan baholash tizimini amalda tatbiq etadi;

Oʻzbekiston Respublikasining xorijiy davlatlardagi elchilari va konsullari bilan yaqin hamkorlikda hududda ishlab chiqariladigan mahsulotlar, ishlar (xizmatlar) eksportini kengaytirish va diversifikatsiya qilish, toʻgʻridan-toʻgʻri xorijiy investitsiyalar va ilgʻor texnologiyalarini jalb etish, hududning savdo-iqtisodiy, moliyaviy-investitsiyaviy va ilmiy-texnik imkoniyatlarini mustahkamlash choralarini koʻradi;

xorijiy investitsiyalar va kreditlarni jalb etish uchun investitsiya takliflarining yagona bazasini shakllantirish va yangilash jarayonini muvofiqlashtirishni taʼminlash, shuningdek, Oʻzbekiston Respublikasida yaratilgan investitsiya muhiti, shu jumladan investitsiya kiritish jarayonining asosiy tartib-taomili masalalari, shuningdek, amalga oshirish taklif etilayotgan investitsiya takliflari toʻgʻrisidagi axborotni salohiyatli investorlar va kreditorlarga yetkazadi;

xorijiy investitsiyalar ishtirokidagi investitsiya loyihalari boʻyicha loyihaoldi va loyiha hujjatlarini ishlab chiqish borasida loyiha institutlari hamda respublika tashkilotlari bilan samarali hamkorlikni tashkil etadi;

hududning ishlab chiqarish salohiyati va investitsiyalarga boʻlgan ehtiyoji, oldindan hisob-kitob qilingan aniq loyihalar hamda salohiyatli investorlar uchun qiziqish uygʻotadigan boshqa axborot aks ettirilgan hududning interfaol investitsiya xaritasini ishlab chiqish hamda uning faoliyatini taʼminlash ishlarini muvofiqlashtiradi;

moliyalashtirishning turli manbalari, shu jumladan toʻgʻridan-toʻgʻri xorijiy investitsiyalar hisobidan hududning iqtisodiyot tarmoqlari va ijtimoiy sohasini yuksaltirish hamda muvozanatli rivojlantirish surʼatlarining investitsiya resurslariga boʻlgan ehtiyojlar bilan bogʻliqligini taʼminlashga doir takliflarni ishlab chiqadi;

investitsiya dasturlari doirasida mablagʻlar jalb etilishi hamda oʻzlashtirilishi boʻyicha belgilangan prognoz parametrlarning bajarilishi uchun tizimli va qatʼiy nazoratni tashkil qilish, shuningdek, investitsiya loyihalarini amalga oshirish holatini kompleks tahlil qilish hamda monitoring davomida aniqlangan muammolarni bartaraf etish yuzasidan takliflar kiritadi;

hududiy investitsiya dasturlariga kiritilgan investitsiya loyihalari boʻyicha maʼlumotlar bazasi yaratilishini, yuritilishini hamda muntazam yangilanishini taʼminlaydi;

b) hududning eksport salohiyatini oshirish, mahalliy korxonalar mahsulotlarining eksport hajmlari, nomenklaturasi hamda geografiyasini kengaytirish boʻyicha manzilli dasturlarni ishlab chiqish hamda ularning ijrosini taʼminlash sohasida:

hududning eksport salohiyatini kengaytirish dasturlarini ishlab chiqish va amalga oshirilishini taʼminlash, korxonalarning, shu jumladan kichik va xususiy tadbirkorlik subyektlarining eksport nomenklaturasini kengaytirish va hajmlarini oshirish boʻyicha kompleks chora-tadbirlarni amalga oshiradi;

hududiy eksport shtablarining faoliyatini boshqaradi, hududiy korxonalarning eksport mahsulotlari va eksportchilari boʻyicha maʼlumotlar bazasining yuritilishini taʼminlaydi, mahalliy korxonalarga eksportni tashkil etishda koʻmaklashadi;

hududiy korxonalar eksport prognozining bajarilishi holati boʻyicha monitoring olib borish, buning asosida ularning eksport faoliyatini tahlil qilish va korxonalar eksportini jadallashtirish va ragʻbatlantirish boʻyicha aniq takliflar ishlab chiqadi;

hududiy korxonalarning ishlab chiqarish salohiyatini oʻrganish asosida ularning mavjud eksport zaxiralarini aniqlash va ulardan samarali foydalanishni tashkil etadi;

hududiy korxonalarga eksport salohiyatini rivojlantirish boʻyicha savdo-sanoat koʻrgazmalari, yarmarkalar, forumlar, taqdimotlar, konferensiyalar va boshqa tadbirlarda ishtirok etishda koʻmaklashadi, shunday tadbirlarni hududda tashkil etadi va oʻtkazadi;

eksport qiluvchi tadbirkorlik subyektlarini qoʻllab-quvvatlash, tijorat banklarining eksportoldi kreditlari boʻyicha kompensatsiya taqdim etishni tashkillashtiradi va muvofiqlashtiradi;

v) ilmiy va ilmiy-texnik faoliyatni amalga oshirish, ilmiy-texnik va innovatsion rivojlanishni taʼminlash sohasida:

hududda ilmiy va ilmiy-texnik faoliyatni amalga oshirish, ilmiy-texnik va innovatsion rivojlanishni taʼminlash uchun qulay shart-sharoitlarni yaratadi, ilm-fan, innovatsion faoliyat va ishlab chiqarish oʻrtasida integratsiyani kuchaytiradi;

hududda ilm-fan, taʼlim va ishlab chiqarish oʻrtasida integratsiyani kuchaytirish asosida hududning ilmiy salohiyatini va innovatsion rivojlantirishga qaratilgan izchil chora-tadbirlarni amalga oshiradi;

innovatsion loyihalar-startaplarni ishlab chiqish, sinovdan oʻtkazish va oʻzlashtirish, innovatsion faoliyat natijalarini transfer qilish va tijoratlashtirishni amalga oshiruvchi innovatsion gʻoyalar, ishlanmalar va texnologiyalar markazlari bilan hamkorlikda hududni ijtimoiy-iqtisodiy rivojlantirishda innovatsiyalar va ilgʻor yuqori texnologiyalarni joriy qilish uchun zarur shart-sharoit yaratishga qaratilgan izchil chora-tadbirlarni ishlab chiqadi va amalga oshiradi;

hududning barcha tumanlarida innovatsion faoliyatni yuritish, yangi innovatsion texnologiyalarga asoslangan mahsulotlarni ishlab chiqarishni yoʻlga qoʻyish boʻyicha faoliyatni muvofiqlashtiradi;

ilm-fan sohasini va innovatsion rivojlantirishga doir hududiy dasturlarni ishlab chiqish, ularning bajarilishi yuzasidan nazorat oʻrnatish, shuningdek, hududni ijtimoiy-iqtisodiy rivojlantirishga qaratilgan ilmiy va innovatsion loyihalarni amalga oshirish uchun zarur investitsiyalarni jalb etadi;

hududda innovatsion infratuzilmani shakllantirish, shu jumladan ixtisoslashtirilgan ilmiy-tajriba tashkilotlari, yuqori texnologiyalar markazlari va texnologik parklar faoliyatini samarali yoʻlga qoʻyishni taʼminlaydi;

yoshlarni ilm-fan va innovatsion faoliyatga jalb qilish, yosh olimlarning ilmiy va innovatsion ishlanmalarini ishlab chiqarishga joriy etish va ularni har tomonlama qoʻllab-quvvatlash boʻyicha tizimli ishlarni olib boradi;

respublika olimlarining ilmiy-amaliy va innovatsion loyihalari hamda ishlanmalari uchun xoʻjalik yurituvchi subyektlarning buyurtmalari portfelini shakllantiradi;

d) erkin iqtisodiy zonalarni rivojlantirish hamda eksportbop va import oʻrnini bosuvchi mahsulotlar ishlab chiqarish uchun sharoitlar yaratish sohasida:

hududda erkin iqtisodiy zonalar maʼmuriy kengashlari va direksiyalarining, jumladan, toʻgʻridan-toʻgʻri xorijiy investitsiyalarni va mahalliy investorlarni jalb etish masalalaridagi faoliyatini muvofiqlashtiradi hamda samaradorligini tahlil qiladi, erkin iqtisodiy zonalarning maʼmuriy kengashlariga tashqi bozorlarda talab boʻlgan va import oʻrnini bosuvchi yuqori qoʻshilgan qiymatli mahsulotlar ishlab chiqarishni tashkil etishga koʻmaklashadi;

sanoat va qishloq xoʻjaligi mahsulotlarini chuqur qayta ishlash sohasida yangi zamonaviy ishlab chiqarishlarning tashkil etilishi, shu jumladan mahalliy xom ashyo va materiallar negizida yuqori texnologiyali mahsulotlar ishlab chiqarishni mahalliylashtirish boʻyicha hududdagi erkin iqtisodiy zonalarda joylashtirilgan investitsiya loyihalarining amalga oshirilishi monitoringi olib borilishini va tahlil qilinishini tashkil etadi;

investitsiya loyihalarini tahlil qilishda, erkin iqtisodiy zonalar hududida transport, muhandislik-kommunikatsiya va ijtimoiy infratuzilmani jadal rivojlantirishni va ulardan samarali foydalanishni taʼminlash boʻyicha dasturlarni ishlab chiqishda ishtirok etadi;

erkin iqtisodiy zonalarni, hududning mavjud ishlab chiqarish va resurs salohiyatini hisobga olgan holda, mahalliy xom ashyo va materiallarni mahalliylashtirish jarayonlarini chuqurlashtirish hamda ulardan foydalanish asosida ularda yuqori texnologik mahsulotlar ishlab chiqarishni taʼminlaydigan loyihalarni yanada rivojlantirish boʻyicha takliflar va dasturlarni shakllantiradi;

erkin iqtisodiy zonalar hududida loyihalarni amalga oshiruvchi investorlar uchun yanada qulay shart-sharoitlar yaratish, shuningdek, ular tomonidan ishlab chiqariladigan mahsulotlarni eksportga yetkazib berishni koʻpaytirish maqsadida qonun hujjatlarini yanada takomillashtirishga doir takliflarni belgilangan tartibda kiritadi;

e) kichik sanoat zonalarining samarali faoliyatini tashkil etish, ularda raqobatbardosh zamonaviy ishlab chiqarishlar va kichik korxonalarni rivojlantirish sohasida:

kichik sanoat zonalari maʼmuriy kengashlari va direksiyalarining, jumladan, mahalliy tadbirkorlik subyektlarini jalb etish masalalarida faoliyatini muvofiqlashtiradi hamda samaradorligini tahlil qiladi, kichik sanoat zonalarining maʼmuriy kengashlariga raqobatbardosh zamonaviy ishlab chiqarishni tashkil etishda koʻmaklashadi;

kichik sanoat zonalarini rivojlantirishga xorijiy investitsiyalarni va mahalliy investorlarni jalb etishda koʻmaklashadi, zarur infratuzilma obyektlarini rivojlantirish orqali ulardan samarali foydalanishni taʼminlaydi;

hududlardagi foydalanilmayotgan korxonalar negizida va boʻsh turgan yer uchastkalarida tashkil etilgan kichik sanoat zonalariga joylashtirilgan tadbirkorlik subyektlari tomonidan investitsiya majburiyatlarining bajarilishi monitoringi olib borilishi va tahlil qilinishini tashkil etadi;

kichik sanoat zonalari hududida transport, muhandislik-kommunikatsiya va ijtimoiy infratuzilmani jadal rivojlantirishni va ulardan samarali foydalanishni taʼminlash boʻyicha dasturlarni ishlab chiqishda ishtirok etadi;

kichik sanoat zonalari faoliyatini samarali tashkil etish, tadbirkorlik subyektlariga qulay shart-sharoitlar yaratish maqsadida raqobatbardosh mahsulotlar ishlab chiqarishni koʻpaytirish uchun qonun hujjatlarini yanada takomillashtirishga doir takliflarni belgilangan tartibda kiritadi;

kichik sanoat zonalarining samarali faoliyatini tashkil etish, ularda raqobatbardosh zamonaviy ishlab chiqarishlar va kichik korxonalarni rivojlantirishni taʼminlaydi.

Shuningdek, viloyatlar va Toshkent shahar hokimlarining oʻrinbosari quyidagi qoʻshimcha funksiyalarni amalga oshiradi:

investitsiya dasturlarini amalga oshirishda, jumladan, hududiy dasturlarni shakllantirish, xorijiy investitsiyalarni jalb etish va oʻzlashtirish sohasida hududda davlat boshqaruvi organlari va tashkilotlarining hududiy tuzilmalari faoliyatini muvofiqlashtiradi;

xorijiy investitsiyalarni jalb etish, buning uchun zarur shart-sharoitlar yaratish va preferensiyalar berish, tadbirkorlik subyektlariga eksportda koʻmaklashish sohasida vazirliklar, idoralar, respublika tashkilotlarining hududiy tuzilmalari faoliyatini muvofiqlashtiradi;

hududning eksport salohiyatini oshirish, hududiy korxonalar mahsulotlarining eksport hajmlari, nomenklaturasi hamda geografiyasini kengaytirish boʻyicha manzilli dasturlar koʻrsatkichlarining ijrosini taʼminlaydi;

yoshlarni ilm-fan va innovatsion faoliyatga jalb qilish, ilm-fan, taʼlim va ishlab chiqarish oʻrtasida integratsiyani kuchaytirish hamda innovatsiyalar va ilgʻor yuqori texnologiyalarni joriy qilish uchun zarur shart-sharoit yaratadi;

hududda erkin iqtisodiy zonalarni rivojlantirishga xorijiy investitsiyalarni va mahalliy investorlarni jalb etishga koʻmaklashish, ularda zarur infratuzilma obyektlarini rivojlantirish orqali samarali foydalanishni taʼminlaydi;

oliy va yuqori darajadagi tashriflar yakunlari boʻyicha amaliy tadbirlar rejalarining (“yoʻl xaritalari”) bajarilishini taʼminlaydi va tizimli nazoratini olib boradi;

investitsiyalar, eksport va innovatsiyalarni qoʻllab-quvvatlash, xususiylashtirilgan korxonalarga koʻmaklashish, erkin iqtisodiy zonalarni rivojlantirish masalalarida sayyor (ochiq) majlislarni tizimli oʻtkazadi.

3-bob. Viloyatlar va Toshkent shahar hokimining oʻrinbosarining huquqlari va javobgarligi

10. Viloyatlar va Toshkent shahar hokimining oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

koʻrib chiqiladigan masalalarni tahlil qilish va tayyorlash uchun zarur boʻlgan materiallar hamda maʼlumotlarni davlat boshqaruvi organlari hamda boshqa organlar va tashkilotlardan belgilangan tartibda soʻrash va olish;

davlat boshqaruvi organlari, mahalliy ijroiya hokimiyati organlari, boshqa tashkilotlar rahbarlari hamda vakillari ishtirokida yigʻilishlar oʻtkazish, vakolati doirasiga kiruvchi sohalarning samarali ishlashi hamda ularni rivojlantirish boʻyicha tegishli davlat boshqaruvi organlariga koʻrib chiqish uchun takliflar kiritish;

biriktirilgan vazirliklar, davlat qoʻmitalari va idoralar, xoʻjalik birlashmalarining hududiy tuzilmalarining majlislarida, shuningdek, viloyat va Toshkent shahar hokimi topshiriqlari boʻyicha — boshqa davlat organlarining, nodavlat notijorat tashkilotlari va boshqa tashkilotlar hududiy tuzilmalarining oʻzi yuritadigan sohaga kiruvchi masalalar boʻyicha oʻtkaziladigan majlislari va yigʻilishlarida qatnashish;

oliy va yuqori darajadagi tashriflar yakunlari boʻyicha amaliy chora-tadbirlar rejalariga (“yoʻl xarita”lariga) kiritish uchun biriktirilgan tashkilotlar rahbarlari bilan birgalikda xorijiy mamlakatlar bilan hamkorlikni chuqurlashtirish, shuningdek, tegishli tarmoq korxonalari va hududlarning muammoli masalalari boʻyicha takliflar tayyorlash;

davlat boshqaruvi organlari, ilmiy muassasalar va boshqa tashkilotlarning hududiy tuzilmalari rahbarlari hamda vakillarini hokimlikda koʻrib chiqiladigan masalalarni ishlab chiqish uchun belgilangan tartibda jalb etish, tegishli masalalar boʻyicha vaqtincha ishchi guruhlar tuzish.

11. Viloyatlar va Toshkent shahar hokimining oʻrinbosari ushbu Namunaviy nizomning 8 va 9-bandlarida oʻziga yuklangan vazifa va funksiyalarning tegishli ravishda va samarali bajarilishi uchun shaxsan javobgardir.

Viloyatlar va Toshkent shahar hokimining oʻrinbosari Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni , “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son hamda “ Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son qarorlari shuningdek, Vazirlar Mahkamasining 1999-yil 12-yanvardagi “Ijro intizomini mustahkamlash chora-tadbirlari toʻgʻrisida”gi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

4-bob. Viloyatlar va Toshkent shahar hokimining oʻrinbosari faoliyatini tashkil etish

12. Viloyatlar va Toshkent shahar hokimi oʻrinbosarining faoliyati Oʻzbekiston Respublikasining “Mahalliy davlat hokimiyati toʻgʻrisida”gi Qonuni, Oʻzbekiston Respublikasi Prezidentining va Vazirlar Mahkamasining qarorlari, shuningdek, ushbu Namunaviy nizomga muvofiq, viloyatlar va Toshkent shahar hokimlarining choraklik va yarim yillik ish rejalari asosida tashkil etiladi.

Ushbu ish rejalar asosida viloyatlar va Toshkent shahar hokimi oʻrinbosarining oylik shaxsiy ish rejalari ishlab chiqiladi hamda viloyatlar va Toshkent shahar hokimlari tomonidan tasdiqlanadi.

13. Viloyatlar va Toshkent shahar hokimlari oʻrinbosarining hisoboti viloyatlar va Toshkent shahar hokimlarining tezkor yigʻilishlarida har hafta eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan viloyatlar va Toshkent shahar hokimining oʻrinbosarining tegishli hisobotlari xalq deputatlari Kengashi majlisida eshitiladi.

15. Viloyatlar va Toshkent shahar hokimlari oʻrinbosarining faoliyati tegishli kotibiyat tomonidan taʼminlanadi.

Viloyatlar va Toshkent shahar hokimlarining oʻrinbosarlari tomonidan faoliyati muvofiqlashtiriladigan davlat organlari va tashkilotlarining hududiy boʻlinmalari

1. Investitsiyalar va tashqi savdo boshqarmasi.

2. Oʻzbekiston texnik jihatdan tartibga solish agentligining hududiy boshqarmasi.

3. Viloyatlar va shaharlardagi sinov va sertifikatlashtirish markazlari.

4. Erkin iqtisodiy zonalar, ixtisoslashtirilgan texnoparklar direksiyalari, hududdagi ilmiy tashkilotlar, hududda tashkil etilgan innovatsion markazlar va innovatsiyalarni transfer qilish bilan shugʻullanuvchi tashkilotlar.

5. Kichik sanoat zonalari direksiyalari.

Viloyatlar va Toshkent shahar hokimlarining oʻrinbosarlari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. Iqtisodiy taraqqiyot va kambagʻallikni qisqartirish bosh boshqarmasi — investitsiya va eksport masalalari boʻyicha.

2. Tashqi ishlar vazirligining hududiy boʻlinmalari — toʻgʻridan-toʻgʻri xorijiy investitsiyalarni jalb etish masalalari boʻyicha.

3. Qurilish bosh boshqarmasi — investitsiya loyihalari ekspertizasi masalalari boʻyicha.

4. Davlat bojxona qoʻmitasining hududiy boshqarmasi — eksportni qoʻllab-quvvatlash va importni optimallashtirish yuzasidan.

5. Davlat aktivlarini boshqarish agentligining hududiy boshqarmalari — xususiylashtirish va davlat mulki obyektlariga investitsiyalar jalb qilish va boshqa yuklangan vazifalar doirasida.

6. Tijorat banklarining hududiy filiallari — investitsiya loyihalarini moliyalashtirish hamda oliy va yuqori darajalardagi tashriflar yakunlari boʻyicha amaliy tadbirlar rejalarini (“yoʻl xarita”lari) ishlab chiqish va ularning samarali amalga oshirilishi ustidan monitoring olib borish masalalari boʻyicha.

7. Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakilning hududda faoliyat koʻrsatuvchi devoni xodimlari — investorlar, xususiylashtirilgan korxonalar, erkin iqtisodiy zonalar ishtirokchilarining huquqlari va qonuniy manfaatlarini himoya qilish masalalari boʻyicha.

9. Ilmiy tashkilotlar, innovatsion loyihalar-startaplarni ishlab chiqish, sinovdan oʻtkazish va oʻzlashtirish, innovatsion faoliyat natijalarini transfer qilish va tijoratlashtirishni amalga oshiruvchi innovatsion gʻoyalar, ishlanmalar va texnologiyalar markazlari.

10. Vazirliklar, idoralar, xoʻjalik birlashmalari va boshqa tashkilotlar hududiy boshqarmasi — investitsiyalar, innovatsion faoliyat, erkin iqtisodiy zonalar masalalari boʻyicha.

Vazirlar Mahkamasining 2021-yil 28-avgustdagi 548-son qaroriga 4-ILOVA

Hokimning qishloq va suv xoʻjaligi masalalari boʻyicha oʻrinbosarining funksional vazifalari toʻgʻrisida

1-bob. Umumiy qoidalar

2. Viloyat hokimining oʻrinbosari oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatning hujjatlariga, xalq deputatlari Kengashi qarorlariga, viloyat hokimining qarorlari va farmoyishlariga, shuningdek, ushbu Namunaviy nizomga amal qiladi.

3. Viloyat hokimining oʻrinbosarining oʻziga biriktirilgan tarmoq va sohalardagi faoliyatining samaradorligi va natijadorligi, oʻz faoliyatida Oʻzbekiston Respublikasi Prezidenti hamda Vazirlar Mahkamasining hujjatlari va topshiriqlarining toʻliq va sifatli bajarilishini tashkil etish uchun Oʻzbekiston Respublikasining Prezidenti oldida shaxsan javobgar hamda tegishli xalq deputatlari Kengashi oldida hisobdordir.

4. Viloyat hokimining oʻrinbosari viloyat hokimiga boʻysunadi.

Viloyat hokimi oʻrinbosining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarni hal qilish boʻyicha faoliyati Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari tomonidan muvofiqlashtiriladi.

6. Viloyat hokimining oʻrinbosari tegishli tuman hokimlarining qishloq va suv xoʻjaligi masalalari boʻyicha oʻrinbosarlari faoliyatini muvofiqlashtiradi.

7. Viloyat hokimining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyat hokimi oʻrinbosarining asosiy vazifalari va funksiyalari

8. Quyidagilar viloyat hokimi oʻrinbosarining asosiy vazifalari hisoblanadi:

agrar va oziq-ovqat sohalarini rivojlantirish boʻyicha qabul qilingan normativ-huquqiy hujjatlarda belgilangan vazifalar va topshiriqlar ijrosini tashkil etish;

qishloq xoʻjaligi ekinlarini oqilona joylashtirish, qishloq xoʻjaligi mahsulotlarini yetishtirishning samarali usullarini joriy etish, agrosanoat klasterlarini tashkil etish va rivojlantirish;

yangi intensiv bogʻlar, uzumzor va issiqxonalar tashkil etish boʻyicha qabul qilingan dasturlar ijrosini taʼminlash;

yer resurslaridan samarali foydalanish, tuproq unumdorligini oshirish boʻyicha kompleks chora-tadbirlarni ishlab chiqish va amalga oshirish;

suv resurslaridan oqilona foydalanish, suvni tejovchi va innovatsion texnologiyalarni keng joriy etish va melioratsiya tadbirlarini amalga oshirish;

qishloq xoʻjaligi ekinlarini yetishtirishda resurslarni tejaydigan va innovatsion texnologiyalarni keng joriy etish;

tuproq unumdorligi va ekinlar hosildorligidan kelib chiqib, qishloq xoʻjaligi ekinlarini yetishtirish uchun talab etiladigan mineral oʻgʻitlar miqdorini belgilash, qishloq xoʻjaligi ekinlarini kasallik va zararkunanda hasharotlardan himoya qilish;

oʻrmon xoʻjaligi yerlaridan samarali foydalanish, oʻrmon xoʻjaliklarida mahsulot yetishtirish hajmlarini oshirish;

veterinariya xizmatini koʻrsatish hamda chorvachilik, parrandachilik, baliqchilik, asalarichilik va pillachilik tarmoqlarini rivojlantirish boʻyicha qabul qilingan dasturlar ijrosini tashkil etish;

qishloq xoʻjaligi mahsulotlarini qayta ishlash loyihalarini amalga oshirish va qishloq joylarda savdo va pulli xizmatlarni tashkil etish.

9. Viloyat hokimi oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) agrar va oziq-ovqat sohalarini rivojlantirish boʻyicha qabul qilingan normativ-huquqiy hujjatlarda belgilangan vazifalar va topshiriqlar ijrosini tashkil etish sohasida:

Oʻzbekiston Respublikasi Prezidentining 2019-yil 23-oktabrdagi PF-5853-son Farmoni bilan tasdiqlangan Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasi hamda Oʻzbekiston Respublikasi qishloq xoʻjaligini rivojlantirishning 2020 — 2030-yillarga moʻljallangan strategiyasida belgilangan vazifalarni amalga oshirish boʻyicha “ Yoʻl xaritasi ”da belgilangan vazifalarni oʻz vaqtida va toʻliq bajarilishini taʼminlaydi;

Oʻzbekiston Respublikasi qonunlarida, Oʻzbekiston Respublikasi Prezidenti va Vazirlar Mahkamasi tomonidan qabul qilingan hujjatlarda belgilanadigan ustuvor vazifalarga muvofiq hududda qishloq xoʻjaligini rivojlantirish dasturlariga takliflar ishlab chiqadi;

agrar va oziq-ovqat sohalarini rivojlantirish boʻyicha qabul qilingan normativ-huquqiy hujjatlarda belgilangan vazifalar va topshiriqlar ijrosini tashkil etadi;

qishloq xoʻjaligi ekinlarini joylashtirish, yuqori qoʻshilgan qiymatli raqobatbardosh mahsulotlar yetishtirish loyihalarini amalga oshirish, qishloq xoʻjaligi sohasining barcha tarmoqlarini rivojlantirish boʻyicha viloyat hokimining qarorlari va farmoyishlari loyihalarini ishlab chiqadi;

b) qishloq xoʻjaligi ekinlarini oqilona joylashtirish, qishloq xoʻjaligi mahsulotlari yetishtirishning samarali usullarini joriy etish, agrosanoat klasterlarini tashkil etish va rivojlantirish sohasida:

har bir hududning ixtisoslashuvi, tuproq-iqlim sharoitlari, yerlarning meliorativ holati, unumdorligi, suv bilan taʼminlanganligini inobatga olgan holda qayta ishlovchi, tayyorlovchi va eksport qiluvchi tashkilotlarning talablaridan kelib chiqqan holda qishloq xoʻjaligi ekinlari toʻliq ekilishini, agrotexnik tadbirlar oʻz vaqtida va sifatli oʻtkazilishini hamda qishloq xoʻjaligi ekinlaridan belgilangan hosil yetishtirilishini tashkil etadi;

paxta xom ashyosi, boshoqli don va boshqa qishloq xoʻjaligi mahsulotlari yetishtirishning yangi shakllarini joriy etadi;

agrosanoat klasterlarini tashkil etish boʻyicha takliflar ishlab chiqadi, klasterlar modelidagi tashkilotlar faoliyatini qoʻllab-quvvatlash va rivojlantirish choralarini koʻradi;

qishloq xoʻjaligida kooperatsiya munosabatlarini rivojlantirish, jumladan, meva-sabzavot mahsulotlarini ishlab chiqarish, tayyorlash, saqlash va sotish boʻyicha birgalikdagi faoliyatni amalga oshiruvchi qishloq xoʻjaligi birlashmalarini tashkil etadi;

qishloq xoʻjaligi mahsulotlari yetishtirish boʻyicha tuzilgan kontraktatsiya va fyuchers shartnomalari bajarilishini va hisob-kitoblar oʻz vaqtida amalga oshirilishini tashkil qiladi;

v) yangi intensiv bogʻlar, uzumzor va issiqxonalar tashkil etish boʻyicha qabul qilingan dasturlar ijrosini taʼminlash sohasida:

Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi bilan birgalikda hududlarning tuproq-iqlim sharoitlariga mos boʻlgan intensiv bogʻlar va uzumzorlar barpo etish hamda issiqxona xoʻjaliklari tashkil etish boʻyicha kompleks dasturlarni ishlab chiqadi va amalga oshiradi.

g) yer resurslaridan samarali foydalanish, tuproq unumdorligini oshirish boʻyicha kompleks chora-tadbirlarni ishlab chiqish va amalga oshirish sohasida:

tuproq unumdorligini oshirish, yerlardan oqilona foydalanish hamda ularni muhofaza qilish boʻyicha hududiy dasturlarni ishlab chiqadi va amalga oshiradi;

yer resurslaridan belgilangan maqsadlarda oqilona va samarali foydalanishni, yerlarni muhofaza qilish ustidan davlat nazoratini amalga oshiradi;

yer tuzish, yer monitoringi oʻtkazilishi va davlat yer kadastrini yuritish ishlarini tashkil etadi;

yuridik shaxslarga qishloq xoʻjaligi ehtiyojlari hamda boshqa jamoat ehtiyojlari uchun egalik qilishga, foydalanishga va ijaraga yer berish ishlarini tashkil etadi;

yerga egalik qilish va undan foydalanish, shuningdek, yer uchastkasini ijaraga olish huquqlarini hamda yer uchastkalariga boʻlgan mulk huquqini belgilangan tartibda bekor qilish jarayonlarini muvofiqlashtiradi;

d) suv resurslaridan oqilona foydalanish, suvni tejovchi texnologiyalarni keng joriy etish va melioratsiya tadbirlarini amalga oshirish sohasida:

Oʻzbekiston Respublikasi Prezidentining 2021-yil 24-fevraldagi PQ-5005-son qarori bilan tasdiqlangan Oʻzbekiston Respublikasida suv resurslarini boshqarish va irrigatsiya sektorini rivojlantirishning 2021 — 2023-yillarga moʻljallangan strategiyasida belgilangan vazifalarni oʻz vaqtida va toʻliq bajarilishini taʼminlaydi;

suv resurslaridan oqilona foydalanish, suv olish limitlarini belgilash, suvdan foydalanish va suv isteʼmoli boʻyicha shartnomalarni rasmiylashtirish hamda suvdan foydalanish va suv isteʼmoli boʻyicha tartib ijrosini hamda sugʻoriladigan yerlarda meliorativ nazoratni tashkil qiladi;

suv xoʻjaligi obyektlarini qurish, rekonstruksiya qilish va taʼmirlash-tiklash hamda yerlarning meliorativ holatini yaxshilash boʻyicha hududiy dasturlarni shakllantiradi hamda ijrosini tashkil qiladi;

suvni tejovchi sugʻorish texnologiyalarini keng joriy qilish boʻyicha hududiy dasturlarni shakllantiradi va ijrosini taʼminlaydi;

suv isteʼmolchilari uyushmalari faoliyatini qoʻllab-quvvatlash, ularning moliyaviy holatini yaxshilash va rivojlantirishga koʻmaklashadi, fermer xoʻjaliklari, klaster tashkilotlari hamda boshqa suv isteʼmolchilari bilan ularning shartnomaviy munosabatlarini tashkil qiladi;

suv isteʼmolchilari uyushmalari va suvdan foydalanuvchilar hisobidagi sugʻorish tarmoqlari, ulardagi gidrotexnika inshootlarining texnik holatini yaxshilash, suv olish joylarini suvni boshqarish va hisobga olish vositalari bilan jihozlashni hamda suvning hisobi va hisoboti yuritilishini taʼminlaydi;

suv va suv xoʻjaligi obyektlarining muhofaza zonalari va sohilboʻyi mintaqalarini tashkil qilish, ajratilgan yerlardan oqilona foydalanishni taʼminlaydi;

investitsiya dasturlari doirasida suv xoʻjaligi obyektlarini qurish, rekonstruksiya qilish va taʼmirlash-tiklash boʻyicha loyihalarni oʻz vaqtida amalga oshirish uchun zarur choralarni koʻradi hamda foydalanishga topshirilgan obyektlardan maqsadli foydalanish ustidan nazoratni tashkil qiladi;

e) qishloq xoʻjaligi ekinlarini yetishtirishda resurslarni tejovchi va innovatsion texnologiyalarni keng joriy etish sohasida:

qishloq xoʻjaligi mahsulotlari yetishtiruvchilarga resurslarni tejovchi va innovatsion texnologiyalarni qoʻllashga koʻmaklashadi, qishloq xoʻjaligi ekinlarining istiqbolli, intensiv hamda serhosil navlarini ekishni tashkil etadi;

innovatsion ishlanmalar, shuningdek, zamonaviy avtomatlashtirish va axborot-kommunikatsiya texnologiyalarini qishloq xoʻjaligi tarmoqlariga joriy etadi;

agrar sektorga investitsiyalarni jalb etish sohasida xorijiy mamlakatlar bilan hamkorlikni kengaytirish choralarini koʻradi;

j) tuproq unumdorligi va ekinlar hosildorligidan kelib chiqib, qishloq xoʻjaligi ekinlarini yetishtirish uchun talab etiladigan mineral oʻgʻitlar miqdorini belgilash, qishloq xoʻjaligi ekinlarini kasallik va zararkunanda hasharotlardan himoya qilish sohasida:

har bir tumandagi qishloq xoʻjaligi yer maydonlarining tuproq unumdorligi va belgilanadigan ekinlar hosildorligidan kelib chiqib, qishloq xoʻjaligi ekinlarini yetishtirish uchun talab etiladigan mineral oʻgʻitlar, oʻsishni boshqaruvchi vositalar va kimyoviy preparatlar miqdorini belgilaydi;

mutasaddi tashkilotlar tomonidan qishloq xoʻjaligi ekinlarini oziqlantirish uchun mineral oʻgʻitlar, oʻsishni boshqaruvchi vositalar va oʻsimliklarni himoya qiluvchi zarur kimyoviy preparatlar bilan uzluksiz taʼminlash choralarini koʻradi;

mavjud biolaboratoriyalarning toʻla quvvat bilan ishlashini tashkil etadi, qishloq xoʻjaligi ekinlari zararkunandalariga qarshi birinchi navbatda biologik va kimyoviy kurashish tadbirlarini tashkil etadi;

z) oʻrmon xoʻjaligi yerlaridan samarali foydalanish, oʻrmon xoʻjaliklarida mahsulot yetishtirish hajmlarini oshirish sohasida:

yuridik va jismoniy shaxslarning davlat oʻrmon fondi uchastkalaridan madaniy-maʼrifiy, tarbiyaviy, sogʻlomlashtirish, rekreatsion va estetik maqsadlarda foydalanishi boʻyicha hududiy dasturlarni ishlab chiqadi va amalga oshirilishini nazorat qiladi;

Oʻzbekiston Respublikasi Oʻrmon xoʻjaligi davlat qoʻmitasi bilan birgalikda oʻrmon xoʻjaliklarida davlat oʻrmon fondining madaniy-maʼrifiy, tarbiyaviy, sogʻlomlashtirish, rekreatsion va estetik maqsadlarda foydalanish uchun berilgan uchastkalarida oʻrmonlarni va tabiiy landshaftlarni saqlash, oʻrmonlarda yongʻin xavfsizligi va sanitariya qoidalariga rioya qilish sharti bilan bu uchastkalarni obodonlashtirish tadbirlarini tashkil etadi;

oʻrmonlarning davlat hisobi va davlat oʻrmon kadastri yuritilishini taʼminlaydi;

oʻrmonlarni muhofaza qilish, qoʻriqlash, ulardan foydalanish va ularni takroriy koʻpaytirish ustidan davlat nazoratini amalga oshiradi;

oʻrmonlar holatiga zarar yetkazilgan hollarda korxonalar, muassasalar va tashkilotlar faoliyatini cheklash, toʻxtatib qoʻyish va tugatish toʻgʻrisida takliflarni ishlab chiqadi;

Oʻzbekiston Respublikasi Oʻrmon xoʻjaligi davlat qoʻmitasi bilan birgalikda hududdagi oʻrmon xoʻjaliklari yer maydonlaridan samarali foydalanish, oziq-ovqat mahsulotlarini koʻpaytirish boʻyicha dasturlarni ishlab chiqadi hamda amalga oshirilishini nazorat qiladi;

Oʻzbekiston Respublikasi Oʻrmon xoʻjaligi davlat qoʻmitasi, Turizmni rivojlantirish davlat qoʻmitasi bilan kelishgan holda oʻrmon fondi yerlarida ekoturizmni rivojlantirish, turistik yoʻnalishlar va zamonaviy infratuzilma obyektlarini barpo etish boʻyicha ishlab chiqilgan hududiy dasturlar ijrosini tashkil qiladi;

i) veterinariya xizmatini koʻrsatish hamda chorvachilik, parrandachilik, baliqchilik, asalarichilik va pillachilik tarmoqlarini rivojlantirish boʻyicha qabul qilingan dasturlar ijrosini tashkil etish sohasida:

veterinar osoyishtalikni taʼminlashga qaratilgan choralarni koʻradi va epizootiyaga qarshi tadbirlarni oʻtkazish ishlarini muvofiqlashtirib boradi;

ichki isteʼmol bozorini sifatli goʻsht va goʻsht mahsulotlari, sut va sut mahsulotlari, tuxum, baliq hamda asal mahsulotlari bilan uzluksiz taʼminlash, mahsulotlar narxining barqarorligini saqlash maqsadida zamonaviy chorvachilik komplekslarini tashkil etish chora-tadbirlarini ishlab chiqadi;

chorva mollari bosh sonini, goʻsht, sut, tuxum, baliq va asal ishlab chiqarish hajmini oshirish boʻyicha prognoz koʻrsatkichlar bajarilishini taʼminlaydi;

chorvachilik xoʻjaliklaridagi mavjud chorva mollari uchun ajratilgan yer maydonlaridan samarali foydalanishning holatini oʻrganadi va samarali foydalanish yuzasidan tegishli choralar koʻradi;

parrandachilik, baliqchilik va pillachilik tarmoqlarida klaster usulini joriy etadi;

suv tanqisligi sharoitida sunʼiy suv havzalariga boshqa manbalardan qoʻshimcha suv berish choralarini koʻradi;

asalarichilik xoʻjaliklarini oʻrmon fondi yerlariga, togʻ va togʻoldi hududlarga, tabiiy pichanzor va yaylovlarga hamda qishloq xoʻjaligi yerlariga joylashtirish choralarini koʻradi;

fermer xoʻjaliklarining dala atroflariga tut koʻchatlarini ekish, intensiv tutzorlar barpo etish va parvarishlashni tashkil etadi va pillachilikning ozuqa bazasini mustahkamlash choralarini koʻradi;

k) qishloq xoʻjaligi mahsulotlarini qayta ishlash loyihalarini amalga oshirish va qishloq joylarda savdo va pullik xizmatlar tashkil etish sohasida:

qishloq xoʻjaligi mahsulotlarini qayta ishlash va oziq-ovqat tovarlari ishlab chiqarish tarmoqlarida bozor prinsiplari va mexanizmlarini hamda oziq-ovqat sanoati korxonalarida zamonaviy texnologiyalarni joriy etish yuzasidan tasdiqlangan chora-tadbirlarning ijrosini taʼminlaydi;

savdo va pulli xizmatlarni rivojlantirish sohasida iqtisodiy islohotlar tizimli amalga oshirilishini taʼminlash choralarini koʻradi;

oziq-ovqat mahsulotlari bilan taʼminlash yuzasidan bozorlar, yarmarka va koʻrgazmalar faoliyati monitoringini olib boradi, qishloq aholisini talab etiladigan oziq-ovqat tovarlari bilan taʼminlash va pulli xizmatlar koʻrsatish chora-tadbirlarini ishlab chiqadi va ijrosini taʼminlaydi;

hudud aholisini qish-bahor davrida uzluksiz taʼminlash uchun oziq-ovqat mahsulotlarining asosiy turlarini zaxiraga gʻamlash boʻyicha qabul qilingan chora-tadbirlar ijrosini tashkil etadi;

hududda omborxonalar, kartoshka saqlash joylari va sovitish kameralarini qurish, mavjudlarini rekonstruksiya va modernizatsiya qilish hisobiga meva-sabzavot mahsulotlarini saqlashning moddiy-texnika bazasini mustahkamlash choralarini koʻradi;

dehqon bozorlari faoliyatini tartibga solish choralarini koʻradi;

hudud aholisini, shu jumladan qish-bahor oylarida borish qiyin boʻlgan olis va choʻl zonalarida yashaydigan aholiga, shuningdek, ijtimoiy soha muassasalariga oziq-ovqat mahsulotlari ishonchli va uzluksiz yetkazib berilishini taʼminlaydi.

Shuningdek, viloyat hokimining oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasi qonunlari, Oʻzbekiston Respublikasi Prezidentining farmonlari, qarorlari, farmoyishlari va topshiriqlari, Hukumat qarorlarining bajarilishi yuzasidan nazoratni taʼminlaydi;

hududda qishloq xoʻjaligini rivojlantirishning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, davlat dasturlari hamda “yoʻl xaritalari” loyihalarining tayyorlanishini tashkil etadi va ijrosini taʼminlaydi;

hududda qishloq xoʻjaligini rivojlantirishni taʼminlash borasida tegishli vazirliklar, idoralar, qoʻmitalar va xoʻjalik birlashmalarining hududiy tuzilmalari rahbarlari faoliyatini muvofiqlashtiradi va nazorat qiladi;

qishloq xoʻjaligining barcha tarmoqlarini rivojlantirish boʻyicha amalga oshirilayotgan islohotlarning samaradorligini tahlil qilib boradi, ularning natijalari boʻyicha tahliliy materiallar tayyorlanishi va hokimlik yigʻilishlarida muhokama qilib borilishini tashkil etadi;

qishloq xoʻjaligi, suv xoʻjaligi va oʻrmon xoʻjaligi masalalari boʻyicha tegishli vazirliklar, idoralar, qoʻmitalar, xoʻjalik birlashmalari hududiy tuzilmalarining aniq koʻrsatkichlar hamda maqsadli indikatorlarga erishishga asoslangan faoliyatini tizimli baholaydi;

tegishli vazirliklar, idoralar, qoʻmitalar, xoʻjalik birlashmalarning hududiy tuzilmalari rahbarlari, tuman hokimlarining qishloq va suv xoʻjaligi masalalari boʻyicha oʻrinbosarlariga yuklangan vazifalar hamda funksiyalar samarali va natijali bajarilishi uchun ularning masʼuliyatini oshirish choralarini koʻradi;

tegishli viloyat komissiyalariga (kengashlar, guruhlarga) rahbarlik qiladi, viloyat hokimi ishtirokidagi komissiyalar (kengashlar, guruhlar) ishini tashkil etadi, qishloq va suv xoʻjaligi sohasidagi respublika komissiyalari qarorlari ijro etilishini taʼminlaydi;

belgilangan tartibda oʻzlariga yuklangan boshqa funksiyalarni amalga oshiradi.

3-bob. Viloyat hokimi oʻrinbosarining huquqlari va javobgarligi

10. Viloyat hokimining oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

hududda qishloq xoʻjaligi sohasini kompleks rivojlantirish boʻyicha qarorlar, dasturlar va “yoʻl xaritalari”ni ishlab chiqish, ijrosini tashkil etish;

viloyat hokimligida koʻrib chiqiladigan masalalarni tahlil qilish va ishlab chiqish uchun zarur boʻlgan materiallar va maʼlumotlarni hududiy boshqaruv organlari, tumanlar hokimliklari va boshqa tashkilotlardan belgilangan tartibda soʻrash va olish;

zarurat boʻlganda viloyat hokimligida koʻrib chiqiladigan masalalarni ishlab chiqish, axborot va tahliliy materiallarni tayyorlash uchun hududiy boshqaruv organlari, shahar va tuman hokimliklari rahbarlari va xodimlarini taklif etish, ushbu maqsadlar uchun vaqtinchalik ekspert guruhlari tashkil etish;

hududiy boshqaruv organlari, shahar va tuman hokimliklari, boshqa tashkilotlardan ular tomonidan kiritilgan viloyat hokimining hujjatlari va qarorlari loyihalarini puxta qayta ishlashni belgilangan tartibda talab qilish;

qishloq, suv, oʻrmon xoʻjaligi, yerdan foydalanish va chorvachilik masalalarini hududiy boshqaruv organlari, tuman hokimliklari, boshqa tashkilotlar rahbarlari va xodimlari ishtirokida koʻrib chiqilishi va muhokama qilinishini tashkil etish;

hududiy boshqaruv organlari, tuman hokimliklari, boshqa tashkilotlar rahbarlariga tezkorlik bilan hal etishni talab qiladigan masalalar boʻyicha belgilangan tartibda topshiriqlar berish;

normativ-huquqiy va boshqa hujjatlar, viloyat hokimi oʻrinbosari topshiriqlarining hududiy boshqaruv organlari, shahar va tuman hokimliklari, boshqa tashkilotlar tomonidan bajarilishini oʻrganish.

11. Viloyat hokimining oʻrinbosari ushbu Namunaviy nizomning 8 va 9-bandlaridagi oʻziga yuklangan vazifalarning tegishli ravishda va samarali bajarilishi uchun shaxsan javobgardir.

Viloyat hokimining oʻrinbosari Oʻzbekiston Respublikasi Prezidentining “Qonunchilik hujjatlari ijrosini samarali tashkil etishda davlat boshqaruvi organlari va mahalliy ijro etuvchi hokimiyat organlari rahbarlarining shaxsiy javobgarligini kuchaytirishga doir qoʻshimcha chora-tadbirlar toʻgʻrisida” 2021-yil 10-fevraldagi PF-6166-son Farmoni , “Oʻzbekiston Respublikasi Prezidentining hujjatlari va topshiriqlari samarali va natijali ijro etilishi, shuningdek, ijro intizomi mustahkamlanishi uchun Oʻzbekiston Respublikasi Prezidenti Davlat maslahatchilarining, Vazirlar Mahkamasi va uning komplekslari, davlat va xoʻjalik boshqaruvi organlari hamda barcha darajalardagi hokimliklar rahbarlarining shaxsiy javobgarligi toʻgʻrisida” 2017-yil 11-apreldagi PQ-2881-son hamda “ Ijro.gov.uz” ijro intizomi idoralararo yagona elektron tizimi samarali faoliyat koʻrsatishini taʼminlashga qaratilgan qoʻshimcha chora-tadbirlar toʻgʻrisida ” 2021-yil 31-maydagi PQ-5132-son qarorlari shuningdek, Vazirlar Mahkamasining 1999-yil 12-yanvardagi “Ijro intizomini mustahkamlash chora-tadbirlari toʻgʻrisida”gi 12-son qaroriga muvofiq ijro intizomiga soʻzsiz rioya etilishini taʼminlash uchun javob beradi.

12. Viloyat hokimining oʻrinbosari oʻz vazifalari va funksiyalarini bajarmaganligi yoki zarur darajada bajarmaganligi uchun qonun hujjatlariga muvofiq javobgar boʻladi.

4-bob. Hokim oʻrinbosari faoliyatini tashkil etish

13. Viloyat hokimining oʻrinbosari ishlari Oʻzbekiston Respublikasi Vazirlar Mahkamasining qarorlari, shuningdek, ushbu Namunaviy nizomga muvofiq viloyat hokimining choraklik va yarim yillik ish rejalari asosida tashkil etiladi.

Ushbu ish rejalar asosida viloyat hokimi oʻrinbosarining oylik shaxsiy ish rejalari ishlab chiqiladi va viloyat hokimi tomonidan tasdiqlanadi.

14. Viloyat hokimi oʻrinbosarining hisoboti viloyat hokimining tezkor yigʻilishlarida har haftada eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan viloyat hokimi oʻrinbosarining hisobotlari xalq deputatlari viloyat Kengashi majlisida eshitiladi.

16. Viloyat hokimi oʻrinbosari faoliyatini taʼminlash tegishli kotibiyat tomonidan amalga oshiriladi.

Viloyat hokimi oʻrinbosari tomonidan faoliyati muvofiqlashtirib boriladigan davlat va xoʻjalik boshqaruvi organlarining hududiy va tarmoq boʻlinmalari

1. Qishloq xoʻjaligi boshqarmasi.

2. Irrigatsiya tizimlari havza boshqarmasi.

3. Irrigatsiya tizimlari boshqarmalari.

4. Nasos stansiyalari va energetika boshqarmasi.

5. Meliorativ ekspeditsiyasi.

6. Oʻrmon xoʻjaligi boshqarmasi.

7. Veterinariya va chorvachilikni rivojlantirish boshqarmasi.

8. Oʻsimliklar karantini va himoyasi Agentligi hududiy boshqarmasi.

9. Agrosanoat majmui ustidan nazorat qilish inspeksiyasi viloyat boshqarmasi.

10. Ipakchilik va jun sanoatini rivojlantirish hududiy boshqarmasi.

11. Qishloq xoʻjaligi va oziq-ovqat taʼminoti ilmiy-ishlab chiqarish markazining hududiy filiallari.

Viloyat hokimi oʻrinbosari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. Hududiy “Agrokimyohimoya” AJ.

2. Don qabul qilish korxonalari.

3. “Agroservis” MCHJ.

4. “Oʻzagromashlizing” AJ viloyat filiali.

5. “Yaylov xoʻjaligini rivojlantirish” uyushmasi.

6. Urugʻchilik markazi.

7. “Baliqsanoat” MCHJ.

8. Paxta va don klasterlari.

Vazirlar Mahkamasining 2021-yil 28-avgustdagi 548-son qaroriga 5-ILOVA

Hokimning yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarining funksional vazifalari toʻgʻrisida

1-bob. Umumiy qoidalar

2. Viloyatlar va Toshkent shahar hokimlarining oʻrinbosari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatning hujjatlariga, xalq deputatlari Kengashi qarorlariga, viloyatlar va Toshkent shahar hokimlarining qarorlari va farmoyishlariga, shuningdek, ushbu Namunaviy nizomga amal qiladi.

3. Viloyatlar va Toshkent shahar oʻrinbosari oʻziga biriktirilgan tarmoq va sohalardagi faoliyatining samaradorligi va natijadorligi, oʻz faoliyatida Oʻzbekiston Respublikasi Prezidenti hamda Vazirlar Mahkamasining hujjatlari va topshiriqlarining toʻliq va sifatli bajarilishini tashkil etish uchun Oʻzbekiston Respublikasining Prezidenti oldida shaxsan javobgar hamda tegishli xalq deputatlari Kengashi oldida hisobdordir.

4. Viloyatlar va Toshkent shahar hokimining oʻrinbosari tegishlicha viloyatlar va Toshkent shahar hokimlariga boʻysunadi.

Viloyatlar va Toshkent shahar hokimi oʻrinbosarining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarini hal qilish boʻyicha faoliyati Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari tomonidan muvofiqlashtiriladi.

6. Viloyatlar va Toshkent shahar hokimining oʻrinbosariga tumanlar va shaharlar hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari boʻysunadi.

7. Viloyatlar va Toshkent shahar hokimining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimining oʻrinbosari faoliyatining asosiy yoʻnalishlari, vazifalari va funksiyalari

8. Quyidagilar viloyatlar va Toshkent shahar hokimining oʻrinbosari faoliyatining asosiy yoʻnalishlari hisoblanadi:

hududda yoshlarga oid davlat siyosatini amalga oshirish, shuningdek, iqtidorli va ogʻir hayotiy vaziyatga tushib qolgan yoshlarni va yosh oilalarni qoʻllab-quvvatlash hamda yoshlar bandligini taʼminlash va tadbirkorligini rivojlantirish, ular oʻrtasida jinoyatchilikning oldini olish;

uzluksiz taʼlim va kadrlar tayyorlash tizimi islohotlarini amalga oshirish, maktabgacha taʼlim muassasalari tarmoqlarini kengaytirish, oʻquvchilarning maʼnaviy-axloqiy va intellektual rivojlanishini taʼminlash, tarbiyachilar, oʻqituvchilar, professor-oʻqituvchilarning malakasini oshirish va jamiyatda ularning mavqeyini koʻtarish;

aholiga sifatli tibbiy xizmat koʻrsatishni taʼminlash va aholining reproduktiv salomatligini yanada mustahkamlash hamda hududda farmatsevtika sanoatini rivojlantirishni taʼminlash;

hududda nogironligi boʻlgan shaxslarni tizimli ravishda ijtimoiy qoʻllab-quvvatlash va ularni reabilitatsiya qilishni taʼminlash;

aholi, ayniqsa yoshlarning intellektual salohiyati, ongu tafakkuri, mafkuraviy immuniteti va dunyoqarashini yuksaltirishga, vatanparvarlik, xalqqa muhabbat va sadoqat tuygʻusi bilan yashaydigan barkamol avlodni tarbiyalashga qaratilgan chora-tadbirlarning samaradorligini taʼminlash.

9. Quyidagilar viloyatlar va Toshkent shahar hokimining oʻrinbosarining asosiy vazifalari hisoblanadi:

a) hududda yoshlarga oid davlat siyosatini amalga oshirish, shuningdek, iqtidorli va ogʻir hayotiy vaziyatga tushib qolgan yoshlarni hamda yosh oilalarni qoʻllab-quvvatlash, yoshlar bandligini taʼminlash va tadbirkorligini rivojlantirish, ular oʻrtasida jinoyatchilikning oldini olish sohasida:

Oʻzbekiston Respublikasi Prezidentining “Oʻzbekiston Respublikasida yoshlarga oid davlat siyosatini tubdan isloh qilish va yangi bosqichga olib chiqish chora-tadbirlari toʻgʻrisida” 2020-yil 30-iyundagi PF-6017-son Farmoniga muvofiq, Oʻzbekistonda yoshlarga oid davlat siyosatini yangi bosqichga olib chiqish, yoshlar sohasidagi muammolarga samarali yechimlar ishlab chiqish, vakolatli organlar faoliyatini samarali amalga oshirish etish;

Oʻzbekistonda yoshlarga oid davlat siyosatini 2025-yilgacha rivojlantirish konsepsiyasini samarador va natijali ijrosini taʼminlash;

yoshlarga oid davlat siyosatini amalga oshirishda, shuningdek, “Yoshlarga oid davlat siyosati toʻgʻrisida”gi Oʻzbekiston Respublikasi Qonuni ijrosini taʼminlashda mahalliy ijro etuvchi hokimiyat organlarining nodavlat notijorat tashkilotlar va fuqarolik jamiyatining boshqa institutlari bilan samarali oʻzaro hamkorligini tashkil etadi;

Oʻzbekiston Respublikasi Prezidentining yoshlarni madaniyat va sanʼat muassasalariga, jismoniy tarbiya va sportga keng jalb etish hamda aholi va yoshlar oʻrtasida kompyuter texnologiyalari va internetdan samarali foydalanish chora-tadbirlarini amalga oshirish, yoshlar maʼnaviyatini yuksaltirish, ular oʻrtasida kitobxonlikni keng targʻib qilishga qaratilgan kompleks chora-tadbirlarni oʻz ichiga olgan beshta muhim tashabbusini amalga oshiradi;

Oʻzbekiston Respublikasi Prezidentining 2018-yil 27-iyundagi “Yoshlar — kelajagimiz” davlat dasturi toʻgʻrisida”gi PF-5466-son Farmonining hududda toʻliq ijrosini taʼminlash choralarini koʻradi;

yoshlarning huquqlari, erkinliklari va qonuniy manfaatlarini himoya qilish, iqtidorli yoshlarni, shuningdek, yosh oilalarni ijtimoiy qoʻllab-quvvatlash, ular uchun munosib shart-sharoitlar yaratish chora-tadbirlarini amalga oshiradi;

yoshlar ongida Vatanga muhabbat va sodiqlik prinsiplarini singdirishga yoʻnaltirilgan kompleks chora-tadbirlarni amalga oshiradi hamda yoshlarni harbiy xizmatga tayyorlash, chaqiruv tadbirlarini tashkil etish va oʻtkazish ishlarini tizimli tashkil etadi;

yosh rahbar kadrlarni tayyorlash, yosh kadrlar zaxirasini yaratish va ularni davlat va xoʻjalik boshqaruvi organlarida masʼul lavozimlarga koʻtarish boʻyicha tizimli ishlarni tashkil etadi;

yoshlar oʻrtasida jinoyatlarni sodir etish sabablari va sharoitlarini aniqlash va ularning oldini olish hamda huquqbuzarlik va jinoyatchilikka moyilligi boʻlgan yoshlar bilan yakka tartibda ishlashning bosqichli rejalarini ishlab chiqadi va ijrosini taʼminlash choralarini koʻradi;

yoshlar bandligini, ayniqsa qishloq joylarda taʼminlash, shuningdek, mehnat migratsiyasidan qaytgan yoshlarga, turmushida ogʻir hayotiy vaziyatga tushib qolgan yoshlarga hayotda oʻz oʻrinlarini topishda koʻmaklashadi;

b) uzluksiz taʼlim va kadrlar tayyorlash tizimi islohotlarini amalga oshirish, maktabgacha taʼlim muassasalari tarmoqlarini kengaytirish, oʻquvchilarning maʼnaviy-axloqiy va intellektual rivojlanishini taʼminlash, tarbiyachilar, oʻqituvchilar, professor-oʻqituvchilarning malakasini oshirish va jamiyatda ularning mavqeyini koʻtarish:

uzluksiz taʼlim va kadrlar tayyorlash sohasida islohotlar amalga oshirilishini tizimli oʻrganishni taʼminlash, taʼlim-tarbiya jarayoniga ilgʻor oʻquv-pedagogika va axborot-kommunikatsiya texnologiyalarini, oʻquv va tarbiya jarayonlarining oʻzaro mustahkam aloqasi va uzluksizligini taʼminlash, tarbiyaviy ishlarning usullari va mazmunini takomillashtirish, maʼnaviy-axloqiy tarbiyaning samarali tashkiliy va pedagogik shakllarini joriy etish, taʼlim tizimini isloh qilish jarayonlarini yanada rivojlantirish va chuqurlashtirish yuzasidan takliflar ishlab chiqish;

uzluksiz taʼlim tizimining muhim boʻgʻini sifatida maktabgacha taʼlim tizimini yanada takomillashtirish, maktabgacha taʼlim muassasalari tarmoqlarini kengaytirish va ularning moddiy-texnika bazasini mustahkamlash, ularni malakali pedagog kadrlar bilan taʼminlash, taʼlim-tarbiya jarayoniga bolalarni har tomonlama intellektual, bolalarni maktabga tayyorlash darajasini tubdan oshirish chora-tadbirlari kompleksi amalga oshirilishini taʼminlash;

umumiy oʻrta va maktabgacha taʼlim sifatining yangi darajaga oshirilishini taʼminlash, har tomonlama rivojlangan avlodni tarbiyalash, oʻquvchilarning maʼnaviy-axloqiy va intellektual rivojlanishini taʼminlash;

xalq taʼlimini boshqarish tizimiga zamonaviy axborot-kommunikatsiya texnologiyalari keng joriy etilishini taʼminlash, jamoatchilik nazoratining shaffofligi va samaradorligiga erishish, shu jumladan, barcha muassasalarning telekommunikatsiya tarmoqlaridan foydalanishini taʼminlash, umumiy foydalaniladigan maʼlumotlar bazasini yaratish, ularning faoliyatini baholashning elektron reyting tizimini joriy qilishda ishtirok etish;

umumiy oʻrta va maktabgacha taʼlim sohasida nodavlat xizmatlari koʻrsatish faoliyati bilan shugʻullanadigan yuridik shaxslar tarmogʻini ular uchun tashkiliy-huquqiy va texnik-iqtisodiy sharoitlar yaratish orqali yanada rivojlantirishni taʼminlash, ushbu sohaga davlat-xususiy sheriklikning turli shakllarini samarali joriy qilishda ishtirok etish;

ilgʻor xorijiy tajribani hisobga olgan holda oliy taʼlim muassasalarining rahbar va pedagog kadrlarini zamonaviy talablar darajasida qayta tayyorlash hamda ularning malakasini oshirishni tashkil qilish, professor-oʻqituvchi kadrlarning pedagogik va professional darajasini muntazam oshirish, ularning qonunchilik normalarini, nazariy ilm-fan, ilmiy va amaliy izlanishlar, oʻqitilayotgan fan boʻyicha texnologik jarayon va innovatsiyalar sohasidagi eng soʻnggi yutuqlarni, shuningdek, oʻquv jarayonini tashkil etishning zamonaviy usullarini chuqur oʻrganishiga koʻmaklashish va ragʻbatlantirish boʻyicha tizimli ishlarni amalga oshirish;

taʼlim, sogʻliqni saqlash, iqtisodiyot va davlat boshqaruvi, ayniqsa, yangi, istiqbolli sohalarga xorijiy olimlar, oʻqituvchilar, muhandislar va boshqa mutaxassislarni, shu jumladan, vatandoshlarni jalb qilishga doir takliflarni ishlab chiqish hamda tadbirlarni amalga oshirish masalalarini muvofiqlashtirish, ular uchun qulay shart-sharoitlar yaratish, muhim muammolarni hal etish, ularning salohiyatidan samarali foydalanishni taʼminlash;

v) aholiga sifatli tibbiy xizmat koʻrsatishni taʼminlash va aholining reproduktiv salomatligini yanada mustahkamlash sohasida:

Oʻzbekiston Respublikasi Prezidentining 2018-yil 7-dekabrdagi “Oʻzbekiston Respublikasi sogʻliqni saqlash tizimini tubdan takomillashtirish boʻyicha kompleks chora-tadbirlar toʻgʻrisida”gi PF-5590-son Farmoniga muvofiq sogʻliqni saqlashni tashkil etish va moliyalashtirish boʻyicha aholiga tibbiy yordam koʻrsatishning sifati, samaradorligi va ommabopligini tubdan oshirish;

sogʻliqni saqlash tizimini yanada isloh qilish, aholiga tibbiy xizmat koʻrsatish darajasini oshirish, onalar va bolalar salomatligini muhofaza qilishni taʼminlash, oilaviy poliklinikalar, qishloq vrachlik punktlari hamda kasalliklar profilaktikasi va salomatligini muhofaza qilish boʻyicha patronaj tibbiyot hamshiralari ishlarining samaradorligini oshirish hisobidan aholiga, ayniqsa, qishloq joylarda birlamchi tibbiy-sanitariya yordami koʻrsatish sifatini yanada yaxshilash boʻyicha monitoring olib borilishi tashkil etilishini va chora-tadbirlar koʻrilishini taʼminlash;

tez tibbiy yordam xizmati samaradorligini, u tomonidan koʻrsatiladigan xizmatlarning tezkorligi va sifati oshirilishini, uni eng yangi diagnostika va davolash uskunalari bilan tizimli asosda qayta jihozlash, zamonaviy mobil tibbiyot uskunalari va aloqa vositalari bilan jihozlangan ixtisoslashtirilgan avtotransport bilan toʻliq taʼminlash choralarini koʻrish;

aholining reproduktiv salomatligini yanada mustahkamlash, onalar, bolalar va oʻsmirlar salomatligini muhofaza qilish, perinatal va skrining-markazlarning moddiy-texnika bazasini mustahkamlash boʻyicha mahalliy davlat organlari va tashkilotlar faoliyatini muvofiqlashtirish;

sogʻlom turmush tarzi va jismoniy faollik tamoyillarini targʻib etish va joriy qilish asosida mehnatga layoqatli aholi, keksa kishilarning sogʻligʻini yaxshilash, jarohatlanishni kamaytirish boʻyicha profilaktika tadbirlarini takomillashtirish, fuqarolarning oʻz sogʻligʻi uchun shaxsiy masʼuliyatini kuchaytirish, gerontologiya, aholining gender va yosh xususiyatlari masalalarida zamonaviy ilmiy yondashuvlarni joriy etish yoʻli bilan aholi salomatligining muhim tibbiy-demografik tavsifi sifatida uzoq umr koʻrishga yoʻnaltirilgan kompleks chora-tadbirlarning amalga oshirilishini taʼminlash;

katta yoshdagilarga tibbiy va ijtimoiy xizmat koʻrsatish darajasi va sifatini oshirish, ularning hayoti, faoliyati va dam olishini tashkil etish tizimining ishlashini sifat jihatidan yangi darajaga koʻtarish uchun qulay tashkiliy-huquqiy shart-sharoitlar yaratish;

tugʻma va irsiy kasalliklarning yuzaga kelishi sabablarini oʻrganish va oldini olish, hududdagi ijtimoiy, tabiiy-iqlim sharoitlariga xos boʻlgan kasalliklarni oʻrganish masalalarida tibbiyot ilm-fanini rivojlantirish hamda ularning oldini olish boʻyicha amaliy chora-tadbirlarni joriy etish chora-tadbirlari amalga oshirilishini taʼminlash;

hududda sanitariya-epidemiologik holat va radiatsiyaviy vaziyat monitoringi olib borilishini tashkil etish va amalga oshirish, kelgusida aholi sogʻligʻini mustahkamlashga, yashash muhiti omillarining insonga zararli taʼsirini bartaraf etishga, atmosfera havosi, tuproq, suv taʼminoti manbalari, oziq-ovqat mahsulotlari ifloslanishining oldini olishga yoʻnaltirilgan kompleks sanitariya-gigiyena, epidemiyaga qarshi va tashkiliy tadbirlar amalga oshirilishini taʼminlash;

farmatsevtika ishlab chiqarishini tarkibiy oʻzgartirish, modernizatsiyalash va diversifikatsiyalashni, farmatsevtika tarmogʻi korxonalarida korporativ boshqaruvning zamonaviy usullarini joriy etish, dori-darmonlar va tibbiyot buyumlari ishlab chiqarishni mahalliylashtirishni yanada chuqurlashtirish;

g) hududda nogironligi boʻlgan shaxslarni tizimli ravishda ijtimoiy qoʻllab-quvvatlash va ularni reabilitatsiya qilishni taʼminlash sohasida:

nogironligi boʻlgan shaxslarni ijtimoiy qoʻllab-quvvatlashda hamkorlikni muvofiqlashtirish va nogironligi boʻlgan shaxslarni har tomonlama qoʻllab-quvvatlash chora-tadbirlarini ishlab chiqish hamda amalga oshirishda mahalliy davlat hokimiyati organlari va tashkilotlarining toʻgʻridan-toʻgʻri ishtirok etishi mexanizmlarini yaratish;

ijtimoiy qoʻllab-quvvatlashning yuqori samaradorligiga va uning murakkab hayotiy vaziyatga tushib qolgan muayyan shaxslar hamda oilalar ehtiyojlariga mos kelishiga erishish uchun ijtimoiy himoya qilish tizimining barcha darajalarida professional ijtimoiy faoliyat ishlab chiqilishi va joriy etilishini muvofiqlashtirish;

samarali ijtimoiy himoya qilish uchun moddiy resurslarning yetarli miqdorda ajratilishini, ulardan oqilona va tegishli ravishda foydalanilishini muvofiqlashtirish;

d) aholi, ayniqsa, yoshlarning intellektual salohiyati, ongu tafakkuri, mafkuraviy immuniteti va dunyoqarashini yuksaltirish sohasida:

Oʻzbekiston Respublikasi Prezidentining 2019-yil 3-maydagi “Maʼnaviy-maʼrifiy ishlar samaradorligini oshirish boʻyicha qoʻshimcha chora-tadbirlar toʻgʻrisida”gi PQ-4307-son qaroriga muvofiq fuqarolar, ayniqsa yoshlar ongida milliy gʻoyaga, umuminsoniy qadriyatlar va demokratik prinsiplarga asoslangan dunyoqarashni shakllantirish, jamoatchilik ongida mustaqillik gʻoyalariga, Vatanga muhabbat va sodiqlik prinsiplarini singdirishga yoʻnaltirilgan kompleks chora-tadbirlarni amalga oshirish;

mamlakatimizda amalga oshirilayotgan siyosiy, iqtisodiy, ijtimoiy, maʼnaviy-maʼrifiy islohotlarning mazmun-mohiyatini keng jamoatchilikka samarali yetkazish boʻyicha zarur choralar koʻrish;

oila, mahalla, taʼlim muassasalari va mehnat jamoalarida ijtimoiy-maʼnaviy muhitni oʻrganishni tashkil etadi hamda “mahalla-tuman-viloyat” prinsipi asosida hududlar boʻyicha ijtimoiy-maʼnaviy muhit xaritasini shakllantirish;

“Jaholatga qarshi maʼrifat” gʻoyasi asosida jamiyatda uzluksiz maʼnaviy-maʼrifiy tarbiya va targʻibot-tashviqotning strategik yoʻnalishlari, taʼsirchan, kreativ va innovatsion usullarini ishlab chiqilishini taʼminlash;

tinchlik va osoyishtalikka, mamlakatimizning barqaror taraqqiyotiga, qadriyat va urf-odatlarga hamda insonparvarlik gʻoyalariga xavf soluvchi turli ichki va tashqi tahdidlarga qarshi samarali targʻibot ishlarini olib borish uchun zarur sharoitlar yaratish;

10. Viloyatlar va Toshkent shahar hokimining oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

Oʻzbekiston Respublikasi qonunlari, Oʻzbekiston Respublikasi Prezidenti va Hukumatning hujjatlari va topshiriqlari bajarilishi yuzasidan taʼsirchan nazoratni taʼminlaydi;

hududda yoshlar siyosati va ijtimoiy sohalarini rivojlantirish, maʼnaviy-maʼrifiy masalalarning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, davlat dasturlari hamda “yoʻl xaritalari” loyihalarining tayyorlanishini tashkil etadi va ijrosini taʼminlaydi;

hududni yoshlar siyosati va ijtimoiy sohalarini rivojlantirish, maʼnaviy-maʼrifiy ishlar borasida tegishli vazirliklar, idoralarlar, qoʻmitalar, tijorat banklarining hududiy tuzilmalari rahbarlari faoliyatini muvofiqlashtiradi va nazorat qiladi;

sohalar va yoʻnalishlarda islohotlarning amalga oshirilayotgan ishlari samaradorligini tahlil qilib boradi, ularning natijalari boʻyicha tahliliy materiallar tayyorlanishi va hokimlik yigʻilishlarida muhokama qilib borilishini tizimli asosda taʼminlaydi;

yoshlar siyosati va ijtimoiy sohalarini rivojlantirish, maʼnaviy-maʼrifiy masalalar boʻyicha tegishli vazirliklar, idoralar, qoʻmitalar va boshqa tashkilotlarning hududiy tuzilmalarining aniq koʻrsatkichlar hamda maqsadli indikatorlarga erishishga asoslangan faoliyatini tizimli baholaydi;

tuman va shahar hokimining oʻrinbosarlariga yuklangan vazifalar va funksiyalarning samarali va natijali bajarilishi uchun ularning shaxsiy masʼuliyati va javobgarligini oshirish choralarini koʻradi hamda yil yakuni boʻyicha ularning faoliyatini baholab boradi;

tegishli komissiyalarga (kengashlar, guruhlarga) samarali rahbarlik qiladi, komissiyalar (kengashlar) faoliyatini tashkil etadi va qarorlarining bajarilishi ustidan nazoratni taʼminlaydi.

Viloyatlar va Toshkent shahar hokimining oʻrinbosari belgilangan tartibda oʻziga yuklangan boshqa funksiyalarni ham amalga oshiradi.

3-bob. Viloyatlar va Toshkent shahar hokimi oʻrinbosarining huquqlari va javobgarligi

11. Viloyatlar va Toshkent shahar hokimining oʻrinbosari oʻziga yuklangan vazifalar va funksiyalarni bajarish uchun quyidagi huquqlarga egadir:

hududni yoshlar siyosati va ijtimoiy sohalarini rivojlantirish, maʼnaviy-maʼrifiy ishlar boʻyicha qarorlar, dasturlar va “yoʻl xaritalari”ni ishlab chiqish, ijrosini tashkil etish;

soha boʻyicha tegishli vazirliklar, idoralar, qoʻmitalar, tijorat banklarining hududiy tuzilmalari faoliyatini doimiy nazorat va tahlil qilish;

vazirliklar, idoralar, qoʻmitalarning hududiy tuzilmalari, tumanlar va shaharlar hokimliklarining yoshlar siyosati va ijtimoiy sohalarini rivojlantirish, maʼnaviy-maʼrifiy ishlar samaradorligi boʻyicha hisobotlarini muhokama qilish;

viloyatlar va Toshkent shahar hokimi huzurida va oʻzi raisligida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni hokimlik apparatining boshqa tarkibiy boʻlinmalaridan, mahalliy davlat hokimiyati organlari va tashkilotlaridan belgilangan tartibda soʻrash va olish;

mahalliy davlat hokimiyati organlari va tashkilotlar rahbarlari hamda vakillari ishtirokida yigʻilishlar oʻtkazish;

viloyatlar va Toshkent shahar hokimining oʻrinbosariga biriktirilgan mahalliy davlat hokimiyati organlari va tashkilotlari hamda ularning kollegial organlari majlislari va yigʻilishlarida qatnashish;

zarurat boʻlganda viloyatlar va Toshkent shahar hokimi huzurida va oʻzi rahbarligida koʻrib chiqiladigan masalalarni ishlab chiqish uchun mahalliy davlat hokimiyati organlari va tashkilotlarining, ilmiy muassasalar va boshqa tashkilotlarning rahbarlari va vakillarini belgilangan tartibda jalb etish, tegishli masalalar boʻyicha vaqtinchalik ishchi guruhlar tashkil etish.

12. Viloyatlar va Toshkent shahar hokimining oʻrinbosari ushbu Namunaviy nizomning 9 va 10-bandlaridagi oʻziga yuklangan vazifalar va funksiyalarning tegishli ravishda va samarali bajarilishi uchun shaxsan javobgardir. Shu jumladan:

yoshlar siyosati, ijtimoiy rivojlantirish va maʼnaviy-maʼrifiy masalalar boʻyicha belgilangan asosiy koʻrsatkichlarga va maqsadlarga erishilishi;

yoshlarni madaniyat va sanʼat muassasalariga, jismoniy tarbiya va sportga keng jalb etish hamda aholi va yoshlar oʻrtasida kompyuter texnologiyalari va internetdan samarali foydalanish chora-tadbirlarini amalga oshirish, yoshlar maʼnaviyatini yuksaltirish, ular oʻrtasida kitobxonlikni keng targʻib qilishga qaratilgan kompleks chora-tadbirlarni oʻz ichiga olgan beshta tashabbus amaliyotga tatbiq etilishi;

“Yoshlar — kelajagimiz” davlat dasturi doirasida nazarda tutilgan tadbirlarning, xususan, imtiyozli kreditlar ajratish orqali yoshlar tadbirkorligining keng rivojlanishi;

iqtidorli yoshlarni, shuningdek, yosh oilalar ijtimoiy qoʻllab-quvvatlanishi, ular uchun munosib shart-sharoitlar yaratilishi, yoshlar oʻrtasida jinoyatchilik va huquqbuzarliklarning kamayishi;

“Mehribonlik” uylari tarbiyalanuvchilari uchun sogʻlomlashtirish oromgohlari va shahar tashqarisidagi uylarning moddiy-texnik bazasini mustahkamlash choralari koʻrilishi;

doimiy ravishda bevosita taʼlim muassasalariga chiqqan holda pedagog xodimlar ish faoliyati samaradorligini oshirishga, taʼlim sifatini yaxshilashga qaratilgan tadbirlar tashkil etilishi, oʻqituvchilarni majburiy mehnatga jalb qilmaslik uchun qatʼiy nazorat amalga oshirilishi, oʻquvchilar toʻgaraklarga toʻliq jalb etilishi hamda ularning yozgi va qishki taʼtillari mazmunli tashkil etilishi;

aholi salomatligi koʻrsatkichlarining yildan yilga yaxshilanishi, ayniqsa, aholining oʻrtacha umr koʻrish yoshining oshishi, onalar va bolalar oʻlimi, baxtsiz hodisalardan oʻlim, yuqumli boʻlmagan kasalliklardan barvaqt oʻlim koʻrsatkichlarining pasayishi, onkologiya kasalliklaridan besh yillik yashash koʻrsatkichi oshishi, bir yillik oʻlim koʻrsatkichining kamayishi;

davlat tomonidan kafolatlangan tibbiy yordamning belgilangan hajmlarda va sifatda koʻrsatilishi hamda hududda nodavlat tibbiyot tashkilotlari soni va ular tomonidan koʻrsatiladigan tibbiy xizmatlar hajmining oshishi;

aholining ehtiyojmand qatlamlarining ijtimoiy himoyasi davlat talabi darajasida tashkil etilishi, mazkur guruhga kiruvchi shaxslarning ijtimoiy moslashuvini taʼminlash orqali ularning soni yildan-yilga kamayishi;

madaniy-maʼrifiy, ommaviy-sport, sport-sogʻlomlashtirish tadbirlariga aholining keng qatlamini jalb etish sonini oshirib borish, shu orqali hududda madaniyat va sanʼatni yanada rivojlantirish uchun, sport turlari boʻyicha yosh chempionlar tarbiyalanishiga yetarli shart-sharoitlar yaratilishi;

mavjud madaniy va maʼrifiy obyektlardan maqsadli va oqilona foydalanish koʻrsatkichlari yaxshilanishi;

mahalliy ijro etuvchi hokimiyat organlari faoliyatining ochiqligi taʼminlanishi hamda ularning axborot xizmatlari samaradorligi oshirilishi;

axborot-kutubxona markazlari tarmogʻi kengaytirilishi va ular tomonidan xizmat koʻrsatish sifati yaxshilanishi;

aholining muhim muammolarini hal etishda mahalla institutining roli kuchaytirilishi, fuqarolar yigʻinining davlat organlari va fuqarolik jamiyati institutlari bilan tizimli hamkorligini kuchaytirish boʻyicha tegishli chora-tadbirlar belgilanishi uchun masʼuldir.

4-bob. Viloyatlar va Toshkent shahar hokimining oʻrinbosari faoliyatini tashkil etish

13. Viloyatlar va Toshkent shahar hokimining oʻrinbosarining faoliyati Oʻzbekiston Respublikasining “Mahalliy davlat hokimiyati toʻgʻrisida”gi Qonuniga , Oʻzbekiston Respublikasi Prezidenti va Vazirlar Mahkamasining qarorlariga, shuningdek, ushbu Namunaviy nizomga muvofiq, viloyatlar va Toshkent shahar hokimlarining choraklik va yarim yillik ish rejalari asosida tashkil etiladi.

Ushbu ish rejalar asosida viloyatlar va Toshkent shahar hokimlari oʻrinbosarining oylik shaxsiy ish rejalari ishlab chiqiladi hamda viloyatlar va Toshkent shahar hokimlari tomonidan tasdiqlanadi.

14. Viloyatlar va Toshkent shahar hokimining yoshlar masalalari boʻyicha oʻrinbosarining hisoboti viloyatlar va Toshkent shahar hokimlarining tezkor yigʻilishlarida har haftada eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga muvofiq viloyatlar va Toshkent shahar hokimi oʻrinbosarining tegishli hisobotlari xalq deputatlari Kengashi majlisida eshitiladi.

15. Kotibiyat mudiri va mutaxassislarning shaxsiy ish rejalari viloyatlar va Toshkent shahar hokimining oʻrinbosari tomonidan tasdiqlanadi.

16. Viloyatlar va Toshkent shahar hokimining oʻrinbosari faoliyatini taʼminlash tegishli kotibiyat tomonidan amalga oshiriladi.

Viloyatlar va Toshkent shahar hokimining oʻrinbosari tomonidan faoliyati muvofiqlashtiriladigan davlat va xoʻjalik boshqaruvi organlarining hududiy boʻlinmalari

1. Maktabgacha taʼlim boshqarmasi.

2. Xalq taʼlimi boshqarmasi.

3. Sogʻliqni saqlash boshqarmasi.

4. Sanitariya-epidemiologiya xizmatining hududiy boshqarmasi.

5. Tibbiy-ijtimoiy xizmatlarni rivojlantirish agentligining hududiy boʻlimi.

6. Yoshlar ishlari agentligi hududiy boshqarmasi.

7. Vazirlar Mahkamasi huzuridagi Taʼlim sifatini nazorat qilish davlat inspeksiyasining hududiy boʻlimi.

8. Oliy taʼlim muassasalari.

9. Kasbiy taʼlimni rivojlantirish va muvofiqlashtirish hududiy boshqarmasi.

10. Hududlardagi Prezident maktablari, ijod va ixtisoslashtirilgan maktablar.

11. Vazirliklar va idoralar, xoʻjalik birlashmalari, korxonalar va boshqa tashkilotlarning hududiy boʻlinmalari — yoshlar siyosati, ijtimoiy rivojlantirish, maʼnaviy-maʼrifiy ishlarni rivojlantirish masalalari yuzasidan.

Viloyatlar va Toshkent shahar hokimining oʻrinbosari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. Respublika Maʼnaviyat va maʼrifat markazi hududiy boʻlimi.

2. Fuqarolarning oʻzini oʻzi boshqarish organlari faoliyatini muvofiqlashtirish hududiy kengashi.

3. Oʻzbekiston yoshlar ittifoqi hududiy kengashi, “Yoshlar — kelajagimiz” jamgʻarmasining tuman, shahar boʻlimlari.

4. Oʻzbekiston Yozuvchilar uyushmasi hududiy boʻlimi.

5. Kasaba uyushmalari federatsiyasining hududiy kengashi.

Vazirlar Mahkamasining 2021-yil 28-avgustdagi 548-son qaroriga 6-ILOVA

Hokim oʻrinbosari — viloyatlar va Toshkent shahar oila va xotin-qizlar boshqarmasi boshliqlarining funksional vazifalari toʻgʻrisida

1-bob. Umumiy qoidalar

2. Viloyatlar va Toshkent shahar hokimlarining oʻrinbosari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatining hujjatlariga, xalq deputatlari Kengashi qarorlariga, viloyatlar va Toshkent shahar hokimlarining qarorlari va farmoyishlariga, shuningdek, ushbu Namunaviy nizomga amal qiladi.

4. Viloyatlar va Toshkent shahar hokimining oʻrinbosari tegishlicha viloyatlar va Toshkent shahar hokimlariga boʻysunadi.

6. Viloyatlar va Toshkent shahar hokimining oʻrinbosariga tumanlar va shaharlar hokimining oʻrinbosari — oila va xotin-qizlar boʻlimi boshliqlari boʻysunadi.

7. Viloyatlar va Toshkent shahar hokimining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimi oʻrinbosarining asosiy vazifalari va funksiyalari

8. Quyidagilar viloyatlar va Toshkent shahar hokimi oʻrinbosarining asosiy vazifalari hisoblanadi:

xotin-qizlarning huquq va qonuniy manfaatlarini himoya qilish, ularning mamlakat ijtimoiy-siyosiy hayotidagi oʻrni va faolligini oshirish, gender tenglik kafolatlarini taʼminlash, ilmiy faoliyatga keng jalb qilish;

oila va xotin-qizlarning muammolarini oʻz vaqtida aniqlash, ogʻir ijtimoiy ahvolga tushib qolgan oila va xotin-qizlarga ijtimoiy-huquqiy, psixologik yordam koʻrsatish;

xotin-qizlarga mehnat bozorida talab yuqori boʻlgan kasblar boʻyicha bilim va koʻnikmalarni egallashlari uchun zarur sharoitlar yaratish, qishloq joylardagi xotin-qizlarni oilaviy va xususiy tadbirkorlikka, hunarmandchilikka keng jalb etish;

xotin-qizlar oʻrtasida sogʻlom turmush tarzini shakllantirish, oiladagi maʼnaviy-axloqiy qadriyatlarni mustahkamlash boʻyicha manzilli chora-tadbirlarni amalga oshirish;

xotin-qizlar yoʻnalishidagi nodavlat notijorat tashkilotlar faoliyatiga yordam koʻrsatish;

konsepsiyalar, davlat dasturlari va “yoʻl xaritalari”ni ishlab chiqish va amalga oshirish.

9. Viloyatlar va Toshkent shahar hokimi oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) xotin-qizlarning huquq va qonuniy manfaatlarini himoya qilish, ularning mamlakat ijtimoiy-siyosiy hayotidagi oʻrni va faolligini oshirish, gender tenglik kafolatlarini taʼminlash, ilmiy faoliyatga keng jalb qilish sohasida:

xotin-qizlarni qoʻllab-quvvatlashga doir davlat siyosatining samarali ijrosini taʼminlash, ularning huquqlari va qonuniy manfaatlarini himoya qilish hamda xotin-qizlarning ijtimoiy-siyosiy hayotdagi roli va faolligini oshirish boʻyicha takliflar ishlab chiqadi va tegishli chora-tadbirlarni amalga oshiradi;

xotin-qizlarni oila, mahalla va mehnat jamoalarida ijtimoiy-huquqiy jihatdan qoʻllab-quvvatlash, ijtimoiy-siyosiy faolligini oshirish, maʼnaviyatini yuksaltirish, yoshlarni oilaviy hayotga tayyorlash, zamonaviy namunali oilani shakllantirish, uning maʼnaviy-axloqiy muhitini va anʼanaviy oilaviy qadriyatlarni mustahkamlash boʻyicha maqsadli chora-tadbirlarni amalga oshirishda tuman (shahar)lar oila va xotin-qizlar boʻlimlari va mahallalardagi xotin-qizlar faollarini ishini samarali tashkil etish choralarini koʻradi;

xotin-qizlarni ijtimoiy-siyosiy faolligini oshirish, ularni qoʻllab-quvvatlashga doir islohotlarning mazmun-mohiyati va ahamiyatini aholi oʻrtasida keng targʻib qiladi;

oilalar va xotin-qizlar, ayniqsa, ogʻir ijtimoiy ahvolga tushib qolgan oilalar va xotin-qizlarni ijtimoiy va moddiy qoʻllab-quvvatlash, shuningdek, ularning birinchi navbatdagi ehtiyojlari qondirilishida har tomonlama yordam berishni tashkil etadi;

ogʻir ijtimoiy ahvolga tushib qolgan oila va xotin-qizlar nazarda tutilgan imtiyozlar boʻyicha qonunchilik hujjatlari ijrosining nazoratini, ularni ijtimoiy qoʻllab-quvvatlash va tibbiy yordam bilan taʼminlash sohasida tegishli davlat va jamoat tashkilotlari bilan hamkorlikni amalga oshirish choralarini koʻradi;

xotin-qizlarning murojaatlari va uyma-uy yurish jarayonida aniqlangan muammolarning hududlarni ijtimoiy-iqtisodiy rivojlantirish boʻyicha sektorlar, mutasaddi davlat va jamoat tashkilotlari tomonidan oʻz vaqtida hal etilishi yuzasidan muntazam monitoring yuritadi va koʻmaklashadi;

xotin-qizlar huquqlari va qonuniy manfaatlarini koʻzlab, sudlarga ariza (shikoyat) va daʼvolarni kiritadi;

xotin-qizlar huquqlarini himoya qilish sohasida ijtimoiy sheriklik tizimini rivojlantirishga, Hukumat va mahalliy davlat hokimiyati organlari bilan hamkorlik tamoyillarining amalga oshirilishiga koʻmaklashadi;

xotin-qizlar jamoatchilik kengashlari ishini samarali tashkil etish boʻyicha takliflar ishlab chiqadi va tegishli chora-tadbirlarni amalga oshiradi;

xotin-qizlar masalalari boʻyicha boshlangʻich tashkilotlarga, jumladan, tashkilot, muassasa va korxonalarda xotin-qizlar masalalari boʻyicha maslahat kengashlariga har tomonlama koʻmaklashadi hamda ularning faoliyati samaradorligini oshirish choralarini koʻradi;

iqtidorli qizlarni aʼlo xulqi, noyob isteʼdodi, zukkoligi, tashabbuskorligi, oʻqishdagi muvaffaqiyatlari hamda adabiyot, madaniyat, sanʼat, taʼlim va sport sohalaridagi alohida yutuqlari uchun Zulfiya nomidagi Davlat mukofoti bilan taqdirlash uchun takliflar tayyorlash ishlarini hamda ushbu mukofot boʻyicha mahalliy komissiyalar faoliyatini tashkil qiladi;

xotin-qizlar oʻrtasida har yili ularning ijtimoiy-siyosiy hayotdagi oʻrni va faolligini oshirishga qaratilgan turli koʻrik-tanlovlarni tashkil etadi;

oʻz vakolati doirasida hududlarni ijtimoiy-iqtisodiy rivojlantirish dasturlari loyihalarini ishlab chiqishda ishtirok etadi;

oliy taʼlim va ilmiy-tadqiqot muassasalari bilan hamkorlikda xotin-qizlarni ilm-fanga keng jalb etish, ular oʻrtasida innovatsiyalarni rivojlantirishga oid chora-tadbirlarni amalga oshiradi;

tashabbuskor, amaliy ish tajribasiga ega boʻlgan qizlardan kadrlar zaxirasini shakllantirish va ularning nomzodlarini tegishli rahbarlik lavozimlariga tavsiya etish tizimini yoʻlga qoʻyadi;

b) oila va xotin-qizlarning muammolarini oʻz vaqtida aniqlash, ogʻir ijtimoiy ahvolga tushib qolgan oila va xotin-qizlarga ijtimoiy-huquqiy, psixologik yordam koʻrsatish sohasida:

xotin-qizlarning muammolarini oʻz vaqtida aniqlash, ogʻir ijtimoiy ahvolga tushib qolgan xotin-qizlar, shu jumladan, nogironligi boʻlgan ayollar bilan yakka tartibda hamda aniq maqsadga yoʻnaltirilgan ishlarni olib borish, ularga ijtimoiy-huquqiy, psixologik va moddiy yordam koʻrsatish ishlarini tashkil etadi, ushbu yoʻnalishda mahallalardagi xotin-qizlar faollarining ishini muvofiqlashtirib boradi;

mahallalardagi xotin-qizlar faollariga xotin-qizlarning muammolarini oʻz vaqtida aniqlash va bartaraf etishda, ularni ogʻir ijtimoiy ahvoldan chiqarish choralarini amalga oshirishda uslubiy va amaliy koʻmaklashadi;

ogʻir ijtimoiy ahvolga tushib qolgan xotin-qizlarga, shu jumladan, nogironligi boʻlgan ayollarga ijtimoiy-huquqiy, psixologik va moddiy yordam koʻrsatish tizimini shakllantirish, ularning iqtisodiy barqarorligini taʼminlash boʻyicha takliflar ishlab chiqadi va tegishli chora-tadbirlarni amalga oshiradi;

xotin-qizlarning muammolarini oʻz vaqtida aniqlash, yordamga muhtoj boʻlgan va ogʻir ijtimoiy ahvolga tushib qolgan xotin-qizlarning, shu jumladan, kam taʼminlangan hamda nogironligi boʻlgan ayollarning manzilli roʻyxatlarini tuzish, ularga ijtimoiy-huquqiy, psixologik va moddiy yordam koʻrsatish ishlarini tashkil etadi;

uy-joyga muhtoj, ogʻir ijtimoiy ahvolga tushib qolgan, kam taʼminlangan hamda nogironligi boʻlgan xotin-qizlarning roʻyxatini tuzish, zarur hujjatlarni rasmiylashtirish, Oila va xotin-qizlarni qoʻllab-quvvatlash davlat maqsadli jamgʻarmasi hisobidan boshlangʻich badalni toʻlab berish orqali ularni arzon uy-joylar bilan taʼminlash ishlarini tashkil etadi;

oilalardagi ijtimoiy-maʼnaviy muhitni oʻrganish hamda sogʻlomlashtirishga qaratilgan chora-tadbirlarni amalga oshirishda mahallalardagi xotin-qizlar faollarining davlat hamda jamoat tashkilotlari bilan oʻzaro hamkorlikdagi faoliyatini taʼminlaydi;

notinch va muammoli oilalarni aniqlash, ularning manzilli roʻyxatlarini tuzish, maʼnaviy-axloqiy muhitni sogʻlomlashtirish, nizoli holatlarning oldini olish, oilaviy munosabatlarni mustahkamlash va milliy mentalitetga zid boʻlgan yot xavf-xatarlarga qarshi kurashish maqsadida ular bilan toʻgʻridan-toʻgʻri ishlashni tashkil etadi;

“Mehribonlik” uylari, Bolalar shaharchalari va oilaviy bolalar uylarida tarbiyalanayotgan, vasiylikka, homiylikka va oilaga tarbiyaga olingan (patronat) qizlarning taʼlim-tarbiyasi, ularni balogʻatga, turmushga tayyorlash ishlariga yordamlashadi;

har yili kamida ikki marotaba oʻquv-tarbiya muassasalarida tarbiyalanayotgan, vasiylikka, homiylikka va oilaga tarbiyaga olingan (patronat) qizlarning ijtimoiy holatini oʻrganib boradi;

oʻquv-tarbiya muassasalarida tarbiyalanayotgan, vasiylikka, homiylikka va oilaga tarbiyaga olingan (patronat) qizlarning muammolarini joyida hal qilishga hamda oʻquv-tarbiya muassasalaridan keyingi hayotida oʻz oʻrnini topishiga har tomonlama koʻmaklashadi;

xotin-qizlar oʻrtasida turli salbiy ijtimoiy harakatlar, ayniqsa, oʻz joniga qasd qilish, fohishabozlik, voyaga yetmagan qizlarning erta turmushga chiqish kabi holatlarning sabablarini chuqur oʻrganish hamda natijalari boʻyicha mahallalar, mahalliy hokimliklar, huquqni muhofaza qiluvchi organlar va tegishli tashkilotlar bilan hamkorlikda profilaktika chora-tadbirlari amalga oshirilishini tashkil etadi;

v) xotin-qizlarga mehnat bozorida talab yuqori boʻlgan kasblar boʻyicha bilim va koʻnikmalarni egallashlari uchun zarur sharoitlar yaratish, qishloq joylardagi xotin-qizlarni oilaviy va xususiy tadbirkorlikka, hunarmandchilikka keng jalb etish sohasida:

aholi bandligiga koʻmaklashish markazlari bilan xotin-qizlarning bandligini taʼminlash choralarini koʻrish, mehnat sharoitlarini yaxshilashga oid masalalarni hal etish, qishloq joylaridagi xotin-qizlarni, ayniqsa, yosh qizlarni tadbirkorlikka, hunarmandchilikka keng jalb etish uchun biznes tuzilmalari, tadbirkor ayol birlashmalarining imkoniyatlaridan samarali foydalanish boʻyicha takliflar ishlab chiqadi va tegishli chora-tadbirlarni amalga oshiradi;

ishsiz va ijtimoiy faol boʻlmagan xotin-qizlar bilan individual ish olib borish, ularni kasb-hunarga tayyorlash boʻyicha oʻqitishga qaratilgan tashkiliy chora-tadbirlarni amalga oshiradi;

tadbirkorlik faoliyatini amalga oshirayotgan va yoʻlga qoʻyish istagida boʻlgan xotin-qizlarga tijorat banklari tomonidan belgilangan tartibda kredit mablagʻlari, Oila va xotin-qizlarni qoʻllab-quvvatlash davlat maqsadli jamgʻarmasi mablagʻlari hisobidan kreditlar ajratilishiga koʻmaklashadi;

xotin-qizlarning tadbirkorlik gʻoyalarini amalga oshirish, ular faoliyatiga kredit, subsidiya va boshqa yordam choralarini jalb qilish boʻyicha mahallalardagi xotin-qizlar faollarining hududdagi tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha tuman (shahar) hokimlari yordamchilari bilan hamkorligini tashkil etadi;

mahallalardagi xotin-qizlar faollarining “Ayollar maslahat kengashlari” bilan yaqin hamkorlikda ijtimoiy himoyaga muhtoj xotin-qizlarni tadbirkorlikka oʻqitish, biznesga oid namunaviy rejalarni ishlab chiqish va kredit olishda ularga koʻmaklashish, “Ayollar daftari”ga kiritilgan xotin-qizlar bilan manzilli ishlarni amalga oshirish ishlarini tashkil etadi va muvofiqlashtirib boradi;

joylarda xotin-qizlarning bandligini taʼminlash, ular oʻrtasida tadbirkorlikni, hunarmandchilikni rivojlantirish boʻyicha koʻrilayotgan amaliy choralar samaradorligini monitoring qiladi;

mahallalarda xotin-qizlarni kasbga oʻqitish, ularning moliyaviy savodxonligini oshirish, tadbirkorlik bilan shugʻullanish hissini uygʻotish boʻyicha takliflar ishlab chiqadi va tegishli chora-tadbirlarni amalga oshiradi;

Respublika va hududiy “Xotin-qizlar tadbirkorlik markazlari” faoliyatini samarali tashkil etish choralarini koʻradi;

g) xotin-qizlar oʻrtasida sogʻlom turmush tarzini shakllantirish, oiladagi maʼnaviy-axloqiy qadriyatlarni mustahkamlash boʻyicha manzilli chora-tadbirlarni amalga oshirish sohasida:

mahallalarda xotin-qizlar uchun ularning yoshini hisobga olgan holda, turli ijtimoiy-madaniy va sogʻlomlashtirish tadbirlari, maxsus sport musobaqalari, shuningdek, yozuvchilar, sanʼatkorlar, rassomlar va boshqa ijod ahli vakillarini taklif etgan holda ijodiy kechalar tashkil etadi;

xotin-qizlarni sogʻlomlashtirish tadbirlarini tashkil etish, madaniyat, turizm, ommaviy jismoniy tarbiya va sport muassasalari, sanatoriy-kurortlarda davolash, bolalarni sogʻlomlashtirish va ularning dam olishi masalalarida davlat organlari, mahallalar, ish beruvchilar, nodavlat notijorat tashkilotlari va fuqarolik jamiyatining boshqa institutlari bilan hamkorlikni amalga oshiradi;

oila institutini mustahkamlash, “Sogʻlom oila — sogʻlom jamiyat” gʻoyasini ijtimoiy hayotga tatbiq etish choralarini koʻradi;

zamonaviy oilani rivojlantirish, oilaning ichki munosabatlari, shaxslararo munosabatlar, yaxshi qoʻshnichilik munosabatlari, boy madaniy, tarixiy meros va anʼanaviy oilaviy qadriyatlar asosida oila institutini mustahkamlash boʻyicha takliflar ishlab chiqadi va tegishli chora-tadbirlarni amalga oshiradi;

yoshlarni oilaviy hayotga tayyorlash, ularga oiladagi nizoli holatlarni hal qilishning huquqiy va psixologik asoslarini oʻrgatish, oilalarni mustahkamlash, erta nikoh va oilaviy ajralishlarning oldini olish boʻyicha takliflar ishlab chiqadi va tegishli chora-tadbirlarni amalga oshiradi;

oila-nikoh munosabatlari sohasida amaliyotni oʻrganish hamda tajriba almashish borasida xalqaro va xorijiy tashkilotlar, ilmiy-tadqiqot muassasalari bilan hamkorlikni amalga oshiradi;

xotin-qizlarning oilalarni mustahkamlash, milliy va umuminsoniy qadriyatlarni asrab-avaylash hamda ularning farzand tarbiyasidagi rolini oshirishga qaratilgan chora-tadbirlarni ishlab chiqadi va amalga oshiradi;

hududlarda, ayniqsa, qishloqlarda xotin-qizlarga koʻrsatiladigan tibbiy-ijtimoiy xizmatlar sifatini, ular oʻrtasida sogʻlom turmush tarzini taʼminlash borasidagi ishlar samaradorligini oshirish choralarini koʻradi;

jamiyat va davlat hayotida faollik va tashabbuskorlik koʻrsatgan, oʻzining samarali mehnati bilan oilaning totuvligi va farovonligi mustahkamlanishiga, onalik va bolalik muhofazasiga munosib hissa qoʻshgan, shuningdek, sogʻlom va barkamol avlodni voyaga yetkazish, ularni Vatanga sadoqat ruhida tarbiyalash, joylarda maʼnaviy-axloqiy muhitni sogʻlomlashtirish va milliy qadriyatlarni keng targʻib etish borasida ibratli faoliyat olib borayotgan xotin-qizlarni “Moʻtabar ayol” koʻkrak nishoni bilan taqdirlash ishlarini tashkil etadi;

farovon va barqaror oilalarning hayotiy tajribalarini ommalashtirish maqsadida oila institutini mustahkamlash, oilaviy qadriyatlarni saqlash va rivojlantirishga munosib hissa qoʻshgan oilalarni “Ibratli oila” koʻkrak nishoni bilan taqdirlashga doir takliflar tayyorlash ishlarini tashkil etadi;

d) xotin-qizlar yoʻnalishidagi nodavlat notijorat tashkilotlar faoliyatiga yordam koʻrsatish sohasida:

xotin-qizlar yoʻnalishidagi nodavlat notijorat tashkilotlarning ilgʻor tajribalarini ommalashtirish, ular tomonidan ishlab chiqilgan istiqbolli loyihalarni amalga oshirishda koʻmaklashish choralarini koʻradi;

mahallalarda soha mutaxassislarini hamda nodavlat notijorat tashkilotlarni jalb etgan holda, xotin-qizlar uchun “Maʼnaviyat soatlari” va “Huquqiy bilimlar” tadbirlari oʻtkazilishini tashkil etadi;

xotin-qizlarning huquq va manfaatlarini taʼminlash, kam taʼminlangan va ijtimoiy himoyaga muhtoj oilalarni ehtiyojmandlik darajasidan chiqarish boʻyicha jamoatchilik nazoratini taʼminlashda nodavlat notijorat tashkilotlarni jalb etish ishlarini tashkil etadi.

Shuningdek, viloyatlar va Toshkent shahar hokimining oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasi qonunlari, Oʻzbekiston Respublikasi Prezidenti hamda Hukumatning hujjatlari va topshiriqlari bajarilishi yuzasidan taʼsirchan nazoratni taʼminlaydi;

xotin-qizlarni har tomonlama qoʻllab-quvvatlash, ularning ijtimoiy muammolarini hal etish, oilalar mustahkamligini taʼminlash borasida oʻta muhim va ustuvor yoʻnalishlar boʻyicha yaqin, oʻrta va uzoq muddatli istiqbolga moʻljallangan konsepsiyalar, davlat dasturlari hamda “yoʻl xaritalari” loyihalarining tayyorlanishini tashkil etadi va ijrosini taʼminlaydi;

viloyatlar va Toshkent shahar hokimliklari majlislarida, hokimlar huzurida oʻtkaziladigan yigʻilishlarda koʻrib chiqish uchun xotin-qizlar va oila masalalari boʻyicha materiallar tayyorlanishini va kiritilishini taʼminlaydi;

tumanlar va shaharlar hokimlarining oʻrinbosari — oila va xotin-qizlar boʻlimi boshliqlariga yuklangan vazifalar va funksiyalarning samarali bajarilishi uchun ularning shaxsiy masʼuliyati va javobgarligini oshirish choralarini koʻradi hamda yil yakuni boʻyicha ularning faoliyatini baholab boradi;

Oʻzbekiston Respublikasi Prezidentining Oʻzbekiston Respublikasi Oliy Majlisiga Murojaatnomasidan kelib chiqadigan tegishli yilga moʻljallangan davlat dasturining amalga oshirilishi toʻgʻrisida har oylik hisobotlar tayyorlanishini va ularning Vazirlar Mahkamasiga, viloyatlar va Toshkent shahar hokimliklarining tegishli xizmatlariga taqdim etilishini taʼminlaydi;

xotin-qizlar muammolarini hal etish va ularning ijtimoiy-siyosiy faolligini oshirish, ularni tadbirkorlik faoliyatiga keng jalb etish borasida Oʻzbekiston Respublikasi Prezidentining viloyatlar va Toshkent shahridagi Xalq qabulxonalari, Oʻzbekiston Respublikasi Bosh vazirining Tadbirkorlar murojaatlarini koʻrib chiqish qabulxonalari, siyosiy partiyalar bilan hamkorlik qiladi;

oʻz vakolatiga kiradigan masalalar boʻyicha jismoniy shaxslarni va yuridik shaxslarning vakillarini qabul qiladi, shuningdek, ularning murojaatlarini koʻrib chiqadi.

3-bob. Viloyatlar va Toshkent shahar hokimi oʻrinbosarining huquqlari va javobgarligi

10. Viloyatlar va Toshkent shahar hokimining oʻrinbosari oʻziga yuklangan vazifalar va funksiyalarni bajarish uchun quyidagi huquqlarga egadir:

xotin-qizlarning turmush sharoitlarini yaxshilash boʻyicha qarorlar, dasturlar va “yoʻl xaritalari”ni ishlab chiqish hamda ijrosini tashkil etish;

viloyatlar va Toshkent shahar hokimliklarida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni davlat va xoʻjalik boshqaruvi organlari hududiy boʻlinmalaridan, boshqa organlar va tashkilotlardan belgilangan tartibda soʻrash va olish;

davlat tashkilotlari va nodavlat tashkilotlar, mahalliy ijro etuvchi hokimiyat organlari va tashkilotlar rahbarlarining xotin-qizlar va oila masalalarida olib borayotgan ishlari samaradorligini muhokama qilish;

davlat va xoʻjalik boshqaruvi organlari hududiy boʻlinmalari, ilmiy muassasalar va boshqa tashkilotlar rahbarlari va vakillarini viloyatlar va Toshkent shahar hokimliklarida hamda Vazirlar Mahkamasida koʻrib chiqiladigan masalalarni ishlab chiqish uchun belgilangan tartibda jalb etish, tegishli masalalar boʻyicha vaqtinchalik ishchi guruhlar tuzish;

oʻz vakolatiga kiradigan masalalar boʻyicha boshqarmalar, idoralar va boshqa tashkilotlar rahbarlariga topshiriqlar berish va ijrosini talab qilish;

mutasaddilik qilinadigan tashkilotlar, shuningdek, tumanlar, shaharlar hokimliklari va boshqa tashkilotlarning oʻzi mutasaddilik qiladigan masalalar boʻyicha faoliyatini muvofiqlashtirish va nazorat qilish;

viloyatlar va Toshkent shahar hokimining oʻrinbosari kotibiyati mudiri, bosh va yetakchi mutaxassislar lavozimiga nomzodlar yuzasidan viloyatlar va Toshkent shahar hokimlariga takliflar kiritish;

kotibiyat mudirini, bosh va yetakchi mutaxassislarni qayta tayyorlash, malakasini oshirish, ularni ragʻbatlantirish hamda ularga nisbatan intizomiy jazo choralarini qoʻllash toʻgʻrisida takliflar kiritish.

11. Viloyatlar va Toshkent shahar hokimining oʻrinbosari ushbu Namunaviy nizomning 8 va 9-bandlaridagi oʻziga yuklangan vazifalarning tegishli ravishda va samarali bajarilishi uchun shaxsan javobgardirlar.

4-bob. Viloyatlar va Toshkent shahar hokimi oʻrinbosarining faoliyatini tashkil etish

12. Viloyatlar va Toshkent shahar hokimi oʻrinbosarining ishlari Vazirlar Mahkamasi, viloyatlar va Toshkent shahar hokimliklarining choraklik va yarim yillikka moʻljallangan ish rejasi asosida tashkil etiladi.

Mazkur ish rejalari asosida viloyatlar va Toshkent shahar hokimi oʻrinbosarining viloyatlar va Toshkent shahar hokimlari tomonidan tasdiqlanadigan oylik shaxsiy ish rejalari ishlab chiqiladi.

13. Viloyatlar va Toshkent shahar hokimlari huzurida har hafta oʻtkaziladigan tezkor majlislarda viloyatlar va Toshkent shahar hokimi oʻrinbosarining hisobotlari eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan viloyatlar va Toshkent shahar hokimining oʻrinbosarining hisobotlari tegishli xalq deputatlari Kengashi majlislarida eshitiladi.

14. Kotibiyat mudiri va mutaxassislarning shaxsiy ish rejalari viloyatlar va Toshkent shahar hokimining oʻrinbosari tomonidan tasdiqlanadi.

15. Viloyatlar va Toshkent shahar hokimining oʻrinbosari faoliyatini taʼminlash tegishli kotibiyat tomonidan amalga oshiriladi.

Viloyatlar va Toshkent shahar hokimining oʻrinbosari tomonidan faoliyati muvofiqlashtiriladigan tashkilotlarning hududiy boʻlinmalari

1. Oila va xotin-qizlar boshqarmasi.

2. Ichki ishlar bosh boshqarmalari — oilalarni mustahkamlash, xotin-qizlar oʻrtasida huquqbuzarliklarning barvaqt oldini olish, xotin-qizlarni tazyiq va zoʻravonliklardan himoya qilish chora-tadbirlarini amalga oshirish yuzasidan.

3. Tuman va shahar FHDY organlari — oilani mustahkamlash, ajralishlarning oldini olish, tugʻilish va nikohni oʻz vaqtida roʻyxatdan oʻtkazish, targʻibot va maʼrifat chora-tadbirlarini amalga oshirish yuzasidan.

Viloyatlar va Toshkent shahar hokimining oʻrinbosari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. “Sogʻlom avlod uchun” hukumatga qarashli boʻlmagan xalqaro xayriya fondining viloyatlar va Toshkent shahar mintaqaviy filiali.

2. Qizil Yarim oy jamiyati viloyatlar va Toshkent shahar kengashlari.

3. “Tadbirkor ayol” uyushmasi viloyatlar va Toshkent shahar boʻlimlari.

5. Viloyatlar va Toshkent shahar “Xotin-qizlar tadbirkorligi markazlari.

Vazirlar Mahkamasining 2021-yil 28-avgust 548-son qaroriga 7-ILOVA

Hokimning turizm, sport, madaniyat, madaniy meros va ommaviy kommunikatsiyalarni rivojlantirish masalalari boʻyicha oʻrinbosari — turizm va sport bosh boshqarmalari boshliqlarining funksional vazifalari toʻgʻrisida

1-bob. Umumiy qoidalar

2. Viloyatlar va Toshkent shahar hokimining oʻrinbosari oʻz faoliyatida Oʻzbekiston Respublikasi Konstitutsiyasiga va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining va Hukumatining hujjatlariga, tegishli xalq deputatlari Kengashlari qarorlariga, viloyat hokimlarining qaror va farmoyishlariga, shuningdek, ushbu Namunaviy nizomga amal qiladi.

4. Viloyatlar va Toshkent shahar hokimining oʻrinbosari tegishlicha viloyatlar va Toshkent shahar hokimlariga boʻysunadi.

Viloyatlar va Toshkent shahar hokimi oʻrinbosarining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarni hal qilish boʻyicha faoliyati Oʻzbekiston Respublikasi Bosh vazirining oʻrinbosari — turizm va sport vaziri tomonidan muvofiqlashtiriladi.

6. Viloyatlar va Toshkent shahar hokimining oʻrinbosariga shahar va tumanlar hokimlarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha oʻrinbosarlari tegishli yoʻnalish boʻyicha hisobot beradilar.

7. Viloyatlar va Toshkent shahar hokimining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimining oʻrinbosarining asosiy vazifalari va funksiyalari

8. Quyidagilar viloyatlar va Toshkent shahar hokimi oʻrinbosarining asosiy vazifalari hisoblanadi:

turizmni jadal rivojlantirish, hududning turistik salohiyatidan samarali foydalanish, turistik mahsulotlar va xizmatlarni diversifikatsiya qilish, turizm infratuzilmasini takomillashtirish;

ichki turizmni jadal rivojlantirish, yangi turizm mahsulotlarini yaratish, ziyorat turizmini rivojlantirish;

turizm infratuzilmasi va transport logistikasini rivojlantirish, turizm sohasida yuqori malakali mutaxassislarni tayyorlash, xizmat koʻrsatuvchi xodimlarni qayta tayyorlash va malakasini oshirish;

aholining keng qatlamlari sport bilan muntazam shugʻullanishi uchun yetarli shart-sharoitlar yaratish va shu orqali yoshlarning jismonan sogʻlom boʻlib voyaga yetishi koʻrsatkichlarini oshirishni taʼminlash;

madaniy sohadagi islohotlarni joylarda amalga oshirilishini taʼminlash;

aholining keng qatlamlari, ayniqsa yoshlarni madaniyat muassasalariga jalb etish va madaniy-ommaviy tadbirlar bilan toʻliq qamrab olishni taʼminlash;

hududda ommaviy axborot vositalari, axborot targʻibot sohasini kompleks rivojlantirishni taʼminlash choralarini koʻrish.

9. Viloyatlar va Toshkent shahar hokimi oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) hududning turistik salohiyatidan samarali foydalanish va turizmni rivojlantirishni taʼminlash sohasida:

turizm infratuzilmasini yanada rivojlantirish, shu jumladan ushbu sohada aholining bandligi va real daromadlari oshirilishini taʼminlovchi kompleks chora-tadbirlarni amalga oshiradi;

hududga tashrif buyurayotgan xorijiy va mahalliy turistlar oqimini koʻpaytirish maqsadida yaqin, oʻrta muddatli va uzoq muddatli istiqbolda turizm sohasini strategik rivojlantirish dasturlarini sifatli va samarali amalga oshirilishini taʼminlaydi;

joylarda turizm sohasini rivojlantirish boʻyicha islohotlar amalga oshirilishining samaradorligini doimiy va tizimli asosda har tomonlama va tanqidiy tahlil qiladi, aniqlangan muammolarni oʻz vaqtida bartaraf etish boʻyicha asosli takliflar tayyorlaydi;

turizm sohasiga zamonaviy axborot-kommunikatsiya texnologiyalarini keng jalb etish choralarini koʻradi;

vakolat doirasida Xavfsiz turizmni taʼminlash konsepsiyasini amalga oshirish boʻyicha zarur choralarni koʻradi;

turizmni rivojlantirish uchun qulay shart-sharoitlar yaratish, hududlarda koʻrsatilayotgan xizmatlarning raqobatbardoshligini va sifatini oshirish, hududning oʻziga xos madaniyati va anʼanalaridan kelib chiqib, turizm mahsulotini faol va kompleks targʻib qilish choralarini amalga oshiradi;

Oʻzbekiston Respublikasida mehmonxonalar qurishning maqsadli parametrlari, mehmonxonalar tashkil etish boʻyicha istiqbolli investitsiya loyihalarini amalga oshirishni taʼminlash boʻyicha oʻz vakolati doirasida tegishli chora-tadbirlarni amalga oshiradi;

b) ichki turizmni jadal rivojlantirish, yangi turizm mahsulotlarini yaratish sohasida:

“Oʻzbekiston boʻylab sayohat qil!” Dasturi doirasida tashrif buyurayotgan mahalliy turistlar uchun turizm infratuzilmasini, shu jumladan mehmonxona va ovqatlanish shoxobchalarining tayyorligini taʼminlash, hududdagi joylashtirish vositalari va umumiy ovqatlanish shoxobchalarini xatlovdan oʻtkazgan holda mavjud kamchiliklarni bartaraf etish yuzasidan choralarni amalga oshiradi;

ekologik, etnomadaniy, qishloq, agro va sanoat turizmi yoʻnalishlarini rivojlantirish hududiy dasturlarini ishlab chiqish hamda amalga oshirish boʻyicha chora-tadbirlarni belgilaydi;

mahalliy turistlar uchun tavsiya etiladigan tashrif buyurish obyektlari roʻyxatini shakllantirish va uni doimiy yangilab borishni tashkil etadi;

mahalliy turistlar uchun teatrlashtirilgan milliy anʼana va urf-odatlar bilan boyitilgan tomoshalar tashkil etilishini taʼminlaydi;

v) kirish turizmini rivojlantirish hamda turistik mahsulotlar va xizmatlarni diversifikatsiya qilish sohasida:

turizm yoʻnalishlarini tizimlashtiradi, shu jumladan turizm namoyishi obyektlarining yagona axborot bazasini shakllantiradi;

tanlov asosida viloyat turizm brendining ishlab chiqilishini va Oʻzbekiston Respublikasi Turizmni rivojlantirish davlat qoʻmitasi bilan hamkorlikda tasdiqlanishini taʼminlaydi;

tematik turistik zonalari va klasterlarni yaratish orqali hamda hududning turistik salohiyati va xususiyatlarini hisobga olgan holda turizmning istiqbolli turlari (ziyorat, maʼrifiy, ekologik, etnografik, gastronomik, sport, davolovchi-sogʻlomlashtiruvchi, qishloq, sanoat, ishbilarmonlik (“MICE-turizm”) va boshqalar)ni rivojlantirish boʻyicha hududiy turizm dasturlarini ishlab chiqadi va amalga oshiradi;

hududning tarixiy-madaniy merosini keng targʻib qilish, turizm sohasidagi nufuzini saqlash va rivojlantirish, milliy turizm mahsulotlari va brendlarining xalqaro turizm bozorlariga kirib borishiga hamda yangi turizm yoʻnalishlarini tashkil etishga qaratilgan faol reklama-axborot siyosatini amalga oshiradi;

bepul faoliyat koʻrsatuvchi, shu jumladan bron qilish, suvenirlar, kitoblar va turizm xaritalari boʻyicha maʼlumot beruvchi “turizm axborot shoxobchalari” faoliyatini tashkil etadi;

yuqori turistik salohiyatga ega boʻlgan hududlarda xavfsiz turizmni taʼminlash boʻyicha ichki ishlar organlarining maxsus boʻlinmalari bilan yaqindan hamkorlikni tashkil qiladi;

g) turizm infratuzilmasi va transport logistikasini rivojlantirish sohasida:

joylashtirish vositalarini bosqichma-bosqich rivojlantirish, yirik, oʻrta, kichik mehmonxonalar va xostellarni qurishni ragʻbatlantirish hamda mavjud mehmonxonalarni rekonstruksiya va modernizatsiya qilish boʻyicha belgilangan chora-tadbirlarni amalga oshiradi;

turizm sohasiga tutash infratuzilmani (umumiy ovqatlanish obyektlari, transport-logistika tuzilmalari, koʻngilochar maskanlar industriyasi, madaniy va sport muassasalari, turistik namoyish obyektlari va boshqalarni) rivojlantirishga qaratilgan kompleks chora-tadbirlarni amalga oshiradi;

turizm infratuzilmasi obyektlarini qurish istagini bildirgan tadbirkorlik subyektlarini qoʻllab-quvvatlash boʻyicha barcha zarur choralarni koʻradi, shu jumladan Oʻzbekiston Respublikasining “Davlat-xususiy sheriklik toʻgʻrisida”gi Qonuni asosida turizmni rivojlantirish sohasida davlat-xususiy sheriklik loyihalarini amalga oshiradi;

toʻgʻridan-toʻgʻri xorijiy investitsiyalarni, shuningdek, xalqaro moliya institutlari va boshqa tashkilotlarning kreditlari va grantlarini turizm infratuzilmasini xalqaro standartlarga muvofiq rivojlantirishga jalb etish choralarini koʻradi;

turizm navigatsiyasining unifikatsiyalashtirilgan yagona tizimini joriy etish va rivojlantirishni tashkillashtiradi;

joylardagi turizm sohasidagi tadbirkorlik subyektlari bilan ochiq muloqot va shaxsiy uchrashuvlar oʻtkazadi;

yoʻlovchilar tashishni rivojlantirish, shu jumladan avtomobil yoʻllarini qurish va mavjudlarini rekonstruksiya qilish chora-tadbirlari dasturlarida belgilangan loyihalarning amalga oshirilishini nazorat qiladi;

respublika hududlari oʻrtasida aviaqatnovlarni rivojlantirish yuzasidan takliflar ishlab chiqadi;

transport xizmatlarini sifatli koʻrsatish uchun hududda transport vositalarining harakatlanuvchi tarkibini muntazam yangilab borish boʻyicha takliflar kiritadi;

d) yuqori malakali mutaxassislarni tayyorlash, xizmat koʻrsatuvchi xodimlarni qayta tayyorlash va malakasini oshirish sohasida:

turizm sohasida yuqori malakali kadrlarni tayyorlash yuzasidan belgilangan ustuvor vazifalarning bajarilishini taʼminlash, turizm sohasidagi tadbirkorlik subyektlariga koʻmaklashgan holda ularning xodimlari malakasini oshirish yuzasidan zarur choralar koʻradi;

turizm sohasida kasb-hunar taʼlimi muassasalaridagi kadrlar va bitiruvchilar toʻgʻrisidagi maʼlumotlar bazasini shakllantiradi;

ichki va kirish turizmi sohasida bevosita turistik xizmatlarni koʻrsatuvchi turizm sohasi xodimlari (gidlar, yoʻriqchi-kuzatuvchi, turizm faoliyati subyektlari, umumiy ovqatlanish tashkilotlari, transport xizmati va boshqa xodimlari) uchun malaka oshirish oʻquv mashgʻulotlarini tashkil etadi;

turizm sohasida xalqaro talablarga javob beradigan uzluksiz, koʻp bosqichli taʼlim tizimini yaratish yuzasidan takliflar ishlab chiqadi;

turizm sohasida taʼlimning amaliyotga yoʻnaltirilgan va zamonaviy taʼlim standartlari, oʻquv-uslubiy dasturlari hamda ilgʻor axborot-kommunikatsiya texnologiyalarini joriy etish yuzasidan takliflar ishlab chiqadi;

e) aholining keng qatlamlari sport bilan muntazam shugʻullanishini taʼminlash sohasida:

aholining keng qatlamlarini sport bilan muntazam shugʻullanishga keng jalb etish uchun shart-sharoitlar yaratadi va amaliy chora-tadbirlarni bajarish, jismonan sogʻlom barkamol yosh avlodni voyaga yetkazish, bolalar sportini ustuvor rivojlantirish, ilmiy asoslangan sport tibbiyotini rivojlantirish, trenerlar tarkibining kasbiy darajasini doimiy ravishda oshirish choralarini koʻradi;

aholining oʻsib borayotgan ehtiyojlaridan kelib chiqqan holda sport inshootlarining moddiy-texnika bazasini yanada mustahkamlash chora-tadbirlarini amalga oshiradi, jahon standartlariga javob beradigan zamonaviy sport inventarlari va asbob-uskunalari bilan jihozlashni hisobga olgan holda ilgʻor xorijiy tajriba asosida xalqaro toifadagi sport ustalarini tayyorlash uchun sport komplekslari tashkil etilishini taʼminlaydi;

jismoniy tarbiya-sport jamoat hududiy birlashmalari faoliyatini rivojlantirish hamda mustahkamlashga doir kompleks chora-tadbirlarni ishlab chiqadi va amalga oshirilishini tashkil qiladi;

jismoniy tarbiya va sport sohasida mahalliy davlat hokimiyati organlari va boshqa tashkilotlar faoliyatini muvofiqlashtiradi;

iqtidorli va istiqbolli sportchilarning Olimpiya va Osiyo oʻyinlarida, shuningdek, jahon chempionatlarida yuqori natijalarga erishishi hamda mamlakatimizni munosib ifodalashi uchun ularni sport seksiyalari va maktablari darajasidan boshlab mamlakat terma jamoasigacha tanlash, tayyorlash hamda mahoratini oshirishning uzluksiz tizimini yanada takomillashtirish chora-tadbirlari amalga oshirilishini taʼminlaydi;

j) aholining keng qatlamlari, ayniqsa yoshlarni madaniyat muassasalariga jalb etish va madaniy-maʼrifiy tadbirlar bilan toʻliq qamrab olishni taʼminlash sohasida:

hududdagi madaniyat muassasalari, jumladan, teatrlar, muzeylar, madaniyat markazlari, sirklar, madaniyat va istirohat bogʻlari, hayvonot bogʻlari faoliyati samaradorligini oshirish, moddiy-texnika bazasini mustahkamlash hamda ushbu muassasalarga aholi, ayniqsa, yoshlarni tizimli tarzda jalb etish choralarini koʻradi;

hududdagi moddiy madaniy meros obyektlarini muhofaza qilish, ishonchli saqlash va ilmiy oʻrganish, ulardan oqilona foydalanish ishlarini tashkil etadi;

jamiyatning madaniy va maʼnaviy hayotida, ayniqsa, yoshlarni tarbiyalashda kino sanʼatining roli va ahamiyatini oshirish, kino mahsulotlarining gʻoyaviy-badiiy saviyasini oshirish, kino sanʼatini yanada takomillashtirish boʻyicha zarur sharoitlar yaratadi;

hududda tasviriy, amaliy sanʼatni va dizayn sohasini yanada rivojlantirish, iqtidorli yoshlarni qoʻllab-quvvatlash va ularning oʻz iqtidorini namoyon qilishlari uchun munosib sharoitlar yaratadi;

z) ommaviy axborot vositalari, axborot targʻiboti sohasida:

aholining axborot bilan taʼminlanganlik darajasini va madaniy saviyasini oshirish, turli axborot tahdidlarining oldini olish, yoshlarning ongi va tafakkurini “ommaviy madaniyat”ning salbiy taʼsiridan himoya qilishda ommaviy axborot vositalarining roli va ahamiyatini yanada kuchaytirish boʻyicha kompleks chora-tadbirlarni amalga oshiradi;

mahalliy ijroya hokimiyati organlari faoliyatining ochiqligi monitoringini olib borish, ommaviy axborot vositalari va davlat boshqaruvi hamda mahalliy ijro etuvchi hokimiyat organlari axborot xizmatlarining oʻzaro hamkorligi samaradorligini oshirish yuzasidan zarur chora-tadbirlar koʻradi;

axborot-kutubxona markazlari tarmogʻini kengaytirish, axborot-kutubxona xizmatlari koʻrsatish sifatini oshirish, jamiyatda kitob oʻqish madaniyatini oshirish boʻyicha kompleks chora-tadbirlarni amalga oshiradi;

jurnalistlarning huquqlari va qonuniy manfaatlarini himoya qilish, mehnat sharoitlarini yaxshilash chora-tadbirlarini amalga oshiradi;

mahalliy ijroya hokimiyati organlari faoliyatining ochiqligi monitoringini olib borish, ularga biriktirilgan sohalarda amalga oshirilayotgan ishlarning maqsadlari, vazifalari, amalga oshirilishi va natijalari toʻgʻrisida keng jamoatchilikka oʻz vaqtida, xolisona va toʻliq axborot berilishini tashkil etadi.

Shuningdek, viloyatlar va Toshkent shahar hokimi oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasining qonunlari, Oʻzbekiston Respublikasi Prezidenti hamda Hukumatining hujjatlari va topshiriqlarining bajarilishi yuzasidan taʼsirchan nazoratni taʼminlaydi;

hududning turizm salohiyatini rivojlantirishning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, hududiy dasturlar hamda “yoʻl xaritalari” loyihalarining tayyorlanishini tashkil etadi va ijrosini taʼminlaydi;

turizm sohasidagi islohotlar doirasida amalga oshirilayotgan ishlar samaradorligini tahlil qilib boradi, ularning natijalari boʻyicha tahliliy materiallar tayyorlanishi va hokimlik yigʻilishlarida muhokama qilib borilishini tizimli asosda taʼminlaydi;

viloyat hokimligining ish rejasiga turizm sohasini rivojlantirish yoʻnalishi boʻyicha masalalarga doir takliflar kiritadi;

tuman va shahar hokimlarining investitsiyalar, innovatsiyalar, xususiylashtirilgan korxonalarga koʻmaklashish, erkin iqtisodiy va kichik sanoat zonalari hamda turizmni rivojlantirish masalalari boʻyicha oʻrinbosarlariga yuklangan turizmni rivojlantirish boʻyicha vazifalar hamda funksiyalarning samarali va natijali bajarilishi uchun ularning shaxsiy masʼuliyati va javobgarligini oshirish choralarini koʻradi hamda yil yakuni boʻyicha ularning mazkur yoʻnalishdagi faoliyatini baholab boradi;

tegishli komissiyalarga (kengashlar, guruhlar) samarali rahbarlik qiladi, viloyat hokimi boshchilik qiladigan komissiyalar (kengashlar) faoliyatini tashkil etadi va qarorlarining bajarilishi ustidan nazoratni taʼminlaydi;

belgilangan tartibda oʻziga yuklangan boshqa funksiyalarni amalga oshiradi.

3-bob. Viloyatlar va Toshkent shahar hokimining oʻrinbosari huquqlari va javobgarligi

10. Viloyatlar va Toshkent shahar hokimining oʻrinbosari oʻziga yuklangan vazifa va funksiyalarni bajarish uchun quyidagi huquqlarga ega:

hokimlikda koʻrib chiqiladigan turizm sohasiga oid masalalarni ishlab chiqish, axborot va tahliliy materiallarni tayyorlash, ushbu maqsadlar uchun vaqtinchalik ekspert guruhlarini tashkil etish;

turizmni rivojlantirish boʻyicha hududiy dasturlar va “yoʻl xaritalari”ni ishlab chiqish va ijrosini tashkil etish;

hududda turizmni rivojlantirish masalalarini davlat va xoʻjalik boshqaruvi organlarining hududiy boshqarma va boʻlinmalari, shahar va tuman hokimliklari, boshqa tashkilotlar rahbarlari va xodimlari ishtirokida koʻrib chiqish va muhokama qilish;

davlat va xoʻjalik boshqaruvi organlarining hududiy boshqarma va boʻlinmalari, shaharlar va tumanlar hokimliklari, boshqa tashkilotlar rahbarlariga tezkorlik bilan hal etishni talab qiladigan hamda boshqaruv apparatiga yuklangan vazifalar va funksiyalarni bajarish bilan bogʻliq boʻlgan masalalar boʻyicha belgilangan tartibda topshiriqlar berish.

4-bob. Viloyatlar va Toshkent shahar hokimining oʻrinbosari faoliyatini tashkil etish

12. Viloyatlar va Toshkent shahar hokimi oʻrinbosarining ishi Oʻzbekiston Respublikasining “Mahalliy davlat hokimiyati toʻgʻrisida”gi Qonuni , Oʻzbekiston Respublikasi Prezidentining va Vazirlar Mahkamasining qarorlari, shuningdek, ushbu Namunaviy nizomga muvofiq, viloyatlar hokimlarining choraklik va yarim yillik ish rejalari asosida tashkil etiladi.

Ushbu ish rejalari asosida viloyatlar va Toshkent shahar hokimi oʻrinbosarining oylik shaxsiy ish rejalari ishlab chiqiladi va ular viloyatlar hokimlari tomonidan tasdiqlanadi.

13. Viloyatlar va Toshkent shahar hokimi oʻrinbosarining Oʻzbekiston Respublikasi qonunlari, Oʻzbekiston Respublikasi Prezidenti va Hukumatining hujjatlarida belgilangan vazifalarning bajarilishini taʼminlash boʻyicha faoliyati Oʻzbekiston Respublikasi Bosh vaziri oʻrinbosari — turizm va sport vaziri va hokim topshiriqlariga muvofiq kompleks oʻrganishlarni amalga oshirish, Vazirlar Mahkamasi Rayosati va viloyat hokimligi majlislarida hisobotlarni eshitish yoʻli bilan tashkil etiladi.

14. Viloyatlar va Toshkent shahar hokimlarining tezkor yigʻilishlarida viloyatlar va Toshkent shahar hokimi oʻrinbosarining hisobotlari har haftada eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan hokimlar oʻrinbosarlarining hisobotlari tegishli xalq deputatlari Kengashi majlisida eshitiladi.

16. Viloyatlar va Toshkent shahar hokimining oʻrinbosari faoliyatini taʼminlash tegishli kotibiyat tomonidan amalga oshiriladi.

Viloyatlar va Toshkent shahar hokimining oʻrinbosari tomonidan faoliyati muvofiqlashtirib boriladigan davlat va xoʻjalik boshqaruvi organlarining hududiy boʻlinmalari

1. Turizm va sport boshqarmasi.

2. Madaniyat boshqarmasi.

3. Madaniy meros boshqarmasi.

4. Kinematografiya agentligining hududiy boʻlimi.

5. Hududiy axborot va ommaviy kommunikatsiyalar boshqarmasi.

6. Viloyat teleradiokompaniyasi.

7. Hududdagi madaniyat, sanʼat va ijodiy tashkilotlar hamda muassasalar.

8. Vazirliklar va idoralar, xoʻjalik birlashmalari, korxonalar va boshqa tashkilotlarning hududiy boʻlinmalari — turizm, sport, madaniyat, madaniy meros va ommaviy kommunikatsiyalarni rivojlantirish masalalari yuzasidan.

Viloyatlar va Toshkent shahar hokimlarining oʻrinbosarlari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. Turizm sohasidagi kollejlar va texnikumlar.

2. Jismoniy tarbiya va sport birlashmalari, sport federatsiyalarining hududiy boʻlimlari hamda muassasalari.

3. Hududdagi madaniyat, sanʼat va ijodiy tashkilotlar hamda muassasalar.

Vazirlar Mahkamasining 2021-yil 28-avgustdagi 548-son qaroriga 8-ILOVA

Hokimning jamoat va diniy tashkilotlar bilan aloqalar boʻyicha oʻrinbosarining funksional vazifalari toʻgʻrisida

1-bob. Umumiy qoidalar

2. Viloyatlar va Toshkent shahar hokimlarining oʻrinbosari oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidenti va Hukumatining hujjatlariga, tegishli xalq deputatlari Kengashlarining qarorlariga, viloyatlar va Toshkent shahar hokimlarining qarorlari va farmoyishlariga, shuningdek, ushbu Namunaviy nizomga amal qiladi.

4. Viloyatlar va Toshkent shahar hokimining oʻrinbosari tegishlicha viloyatlar va Toshkent shahar hokimlariga boʻysunadi.

Viloyatlar va Toshkent shahar hokimi oʻrinbosarining oʻziga biriktirilgan tarmoq va sohalarda hududlarni rivojlantirish bilan bogʻliq vazifalarini hal qilish boʻyicha faoliyati Oʻzbekiston Respublikasi Bosh vazirining oʻrinbosari — turizm va sport vaziri tomonidan muvofiqlashtiriladi..

6. Viloyatlar va Toshkent shahar hokimlarining oʻrinbosari oʻz vakolati davrida ilmiy va pedagogik faoliyatdan tashqari haq toʻlanadigan boshqa turdagi faoliyat bilan shugʻullanishi mumkin emas.

2-bob. Viloyatlar va Toshkent shahar hokimlari oʻrinbosarining asosiy vazifalari va funksiyalari

7. Quyidagilar viloyatlar va Toshkent shahar hokimi oʻrinbosarining asosiy vazifalari hisoblanadi:

davlat boshqaruvi va mahalliy ijro etuvchi hokimiyat organlarining nodavlat notijorat tashkilotlari va fuqarolik jamiyatining boshqa institutlari bilan oʻzaro samarali hamkorligini tashkil etish;

ijtimoiy-maʼnaviy muhitni yanada sogʻlomlashtirish hamda yoshlarni milliy va umuminsoniy qadriyatlarga hurmat ruhida tarbiyalash;

jamiyatda vijdon va diniy eʼtiqod erkinligini taʼminlash, diniy tashkilotlar faoliyati uchun zarur shart-sharoitlar yaratish;

jamiyatda umummilliy birdamlik, hamjihatlik va bagʻrikenglikni hamda xorijdagi vatandoshlar bilan aloqalarni mustahkamlash, shuningdek xorijiy davlatlar hududlari bilan doʻstlik va birodarlik munosabatlarini rivojlantirish;

Oʻzbekistonni yangilash va rivojlantirishning maʼnaviy-axloqiy negizlarini mustahkamlashda, keksalar rolini oshirish, ularning ijtimoiy-siyosiy hayotda faol ishtirok etishi uchun zarur shart-sharoitlar yaratish.

8. Viloyatlar va Toshkent shahar hokimi oʻrinbosari oʻz zimmasiga yuklangan vazifalarni bajarish uchun quyidagi funksiyalarni amalga oshiradi:

a) davlat boshqaruvi va mahalliy ijro etuvchi hokimiyat organlarining nodavlat notijorat tashkilotlari va fuqarolik jamiyatining boshqa institutlari bilan oʻzaro samarali hamkorligini tashkil etish sohasida:

Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining hujjatlari, Oʻzbekiston Respublikasi Prezidenti va Vazirlar Mahkamasining qarorlari va topshiriqlari, xalq deputatlari Kengashlari qarorlari, viloyat va shahar hokimining farmoyishlari ijrosini, jamoat tashkilotlarini har tomonlama rivojlantirish boʻyicha strategik va ustuvor vazifalar soʻzsiz bajarilishini taʼminlaydi;

respublika miqyosida ishlab chiqilgan va tasdiqlangan maqsadli dasturlar ijrosini taʼminlash choralarini koʻradi;

demokratik davlat va kuchli fuqarolik jamiyati qurishda nodavlat notijorat tashkilotlarining faolligini oshirish, davlat dasturlari ijrosini taʼminlashda ularning ishtirokini kengaytirish boʻyicha dasturlarga takliflar ishlab chiqadi;

jamoat tashkilotlari faoliyatini qoʻllab-quvvatlash, jamoat tashkilotlarining ijtimoiy-iqtisodiy faolligini oshirish, demokratik islohotlarni amalga oshirishda ularning roli va ahamiyatini mustahkamlash, fuqarolik jamiyati institutlarini keng rivojlantirish chora-tadbirlarini amalga oshiradi;

mamlakatni ijtimoiy-iqtisodiy rivojlantirish dasturlarini, shu jumladan tarmoq, hududiy dasturlarni hamda normativ-huquqiy hujjatlarni va fuqarolarning huquqlari qonuniy manfaatlariga daxl qiladigan boshqa qarorlarni ishlab chiqish va amalga oshirishda davlat organlarining jamoat tashkilotlari va fuqarolik jamiyatining boshqa institutlari bilan oʻzaro hamkorligini taʼminlaydi;

fuqarolarning manfaatlariga daxl qiluvchi ijtimoiy loyihalar va dasturlarni ishlab chiqish va amalga oshirishda davlat organlari bilan fuqarolik jamiyati institutlari oʻrtasidagi ijtimoiy sheriklikni kuchaytirish chora-tadbirlarini amalga oshiradi;

jamoat tashkilotlari bilan oʻzaro hamkorlikda yaqin, oʻrta va uzoq muddatli istiqbolga moʻljallangan hududiy dasturlar loyihalarini tayyorlaydi;

jamiyatning madaniy va maʼnaviy hayotida, ayniqsa, yoshlarni tarbiyalashda jamoat tashkilotlarining roli va ahamiyatini kuchaytirish chora-tadbirlarini amalga oshiradi;

b) ijtimoiy-maʼnaviy muhitni yanada sogʻlomlashtirish hamda yoshlarni milliy va umuminsoniy qadriyatlarga hurmat ruhida tarbiyalash sohasida:

joylardagi ijtimoiy-maʼnaviy muhitning real holatini doimiy ravishda oʻrganadi, sohadagi muammolarni har tomonlama tahlil qiladi va shu asosda strategik va ustuvor vazifalarni amalga oshirish boʻyicha kompleks takliflar ishlab chiqadi;

aholining, ayniqsa, yoshlarning turli mafkuraviy tahdidlarga, jumladan, diniy ekstremizm, terrorizm va boshqa yot gʻoyalarga qarshi mustahkam immunitetini shakllantirishga qaratilgan chora-tadbirlarni amalga oshirishni, bu boradagi dasturlar ijrosini taʼminlaydi;

Oʻzbekiston xalqining milliy va diniy merosini asrash, aholining diniy saviyasini oshirish boʻyicha aniq chora-tadbirlarni amalga oshiradi;

axborot tahdidlarining oldini olishda, aholining ongi va tafakkurini salbiy taʼsirlardan himoya qilishda ommaviy axborot vositalari bilan hamkorlikni yanada kuchaytirish boʻyicha kompleks chora-tadbirlarni amalga oshiradi;

maʼnaviy va milliy qadriyatlarga, xalqimizning diniy eʼtiqodi va urf-odatlariga qarshi yoʻnaltirilgan mafkuraviy tahdidlarga qarshi samarali kurashish, yot gʻoyalarni tarqatishga qarshi kurash olib borish tadbirlarini tizimli amalga oshiradi;

chegaradosh hududlarga tizimli ravishda nufuzli ulamolar, salohiyatli imomlar hamda jamoat tashkilotlari vakillaridan iborat targʻibot guruhlarini yuborib, aholi oʻrtasida maʼnaviy-maʼrifiy tadbirlar tashkil qiladi;

yoshlarning yot gʻoyalar taʼsiriga tushishini oldini olish maqsadida ularni vatanparvarlik ruhida tarbiyalash uchun ziyolilar, olimlar va ulamolar ishtirokida turli uchrashuv va davra suhbatlarini tashkil etadi;

“Yoshlar ekstremizmning har qanday koʻrinishiga qarshi”, “Jaholatga qarshi maʼrifat” ruknlarida ommabop tele-radio dasturlar, uchrashuvlar va boshqa tadbirlarni tashkil etadi;

v) jamiyatda vijdon va diniy eʼtiqod erkinligini taʼminlash, diniy tashkilotlar faoliyati uchun zarur shart-sharoitlar yaratish sohasida:

mahalliy davlat hokimiyati organlari bilan birgalikda Oʻzbekiston Respublikasining “Vijdon erkinligi va diniy tashkilotlar toʻgʻrisida”gi Qonuni va ushbu sohadagi boshqa qonun hujjatlari ijrosini taʼminlaydi;

Oʻzbekiston Respublikasi Prezidentining 2018-yil 16-apreldagi “Diniy-maʼrifiy soha faoliyatini tubdan takomillashtirish chora-tadbirlari toʻgʻrisida”gi PF-5416-son Farmonida belgilab berilgan ustuvor vazifalar ijrosini soʻzsiz taʼminlaydi;

diniy tashkilotlar faoliyati bilan bogʻliq ishlarning real holatini doimiy ravishda oʻrganadi, sohadagi muammolarni har tomonlama tahlil qiladi va shu asosda strategik va ustuvor vazifalarni amalga oshirish boʻyicha takliflar tayyorlaydi;

“Haj” va “Umra” tadbirlarini yuqori tashkiliy darajada oʻtkazishga shaxsan javob beradi, bu yoʻnalishda mahalliy davlat boshqaruvi organlari, jamoatchilik va diniy tashkilotlarning faoliyatini muvofiqlashtiradi;

mahallalarda yoshlarni oilaviy hayotga tayyorlash, erta turmushning oldini olish, yosh oila quruvchilar oʻrtasida tushuntirish ishlarini olib borish yuzasidan tegishli chora-tadbirlarni va tushuntirish-targʻibot ishlarini amalga oshiradi;

ziyoratgohlar va qabristonlarni obodonlashtirish ishlarini tashkil etadi, bu yoʻnalishdagi ishlar sifatli amalga oshirilishi uchun shaxsan javob beradi;

g) jamiyatda umummilliy birdamlik, hamjihatlik va bagʻrikenglikni hamda xorijdagi vatandoshlar bilan aloqalarni mustahkamlash, shuningdek xorijiy davlatlar hududlari bilan doʻstlik va birodarlik munosabatlarini rivojlantirish sohasida:

millatlararo munosabatlar va xorijdagi vatandoshlar bilan aloqalarni mustahkamlashga qaratilgan davlat siyosatini hududda izchil amalga oshirilishini taʼminlaydi;

Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiga yuklangan vazifalarning hududlarda sifatli bajarilishini tashkil etadi va taʼsirchan nazoratni amalga oshiradi;

hududlarda umummilliy totuvlik va xorijdagi vatandoshlar bilan aloqalarning mavjud holati, uni yanada mustahkamlash istiqbollari toʻgʻrisida tegishli axborot, axborot-tahliliy hujjatlar va hisobotlarni Oʻzbekiston Respublikasi Millatlararo munosabatlar va xorijdagi vatandoshlar masalalari boʻyicha qoʻmitasiga kiritadi;

millatlararo munosabatlar va xorijdagi vatandoshlar bilan aloqalarni mustahkamlash sohasini rivojlantirish va hududlarning muammoli masalalarini hal qilish boʻyicha dastur, chora-tadbirlar rejasi, “yoʻl xaritalari” va boshqa hujjatlar ijrosini taʼminlaydi;

hududdagi aholi oʻrtasida umummilliy birdamlik, hamjihatlik va bagʻrikenglikni taʼminlashga qaratilgan chora-tadbirlarni ishlab chiqadi, davlat organlari va nodavlat tashkilotlar bilan hamkorlikda amalga oshiradi;

mamlakatimizga ishlash, taʼlim olish maqsadida uzoq muddatga kelgan xorijiy fuqarolarning mahalliy shart-sharoitlarga va ijtimoiy-madaniy moslashuvini taʼminlash choralarini koʻradi;

hududlarda milliy madaniy markazlar umummilliy hamjihatlikni mustahkamlashga qaratilgan faoliyatini amalga oshirishiga koʻmaklashadi;

xorijiy davlatlar hududlari bilan doʻstlik va birodarlik aloqalarini rivojlantirish choralarini koʻradi.

d) Oʻzbekistonni yangilash va rivojlantirishning maʼnaviy-axloqiy negizlarini mustahkamlashda, keksalar rolini oshirish, ularning ijtimoiy-siyosiy hayotda faol ishtirok etishi uchun zarur shart-sharoitlar yaratish sohasida:

keksalar va pensiyadagi fuqarolarning ijtimoiy faoliyatini qoʻllab-quvvatlash chora-tadbirlarini amalga oshiradi;

keksalar va pensiyaga chiqadigan xodimlarga doimiy gʻamxoʻrlik va eʼtibor koʻrsatishni, ularga zarur moddiy va ijtimoiy koʻmak berish, shuningdek, har yili pensionerlardan, ayniqsa, yakka-yolgʻizlaridan xabar olish tadbirlarini tashkil etadi;

yolgʻiz keksalarning uy-joy, maishiy muammolarini hal etishga koʻmaklashadi, ularni sanatoriy-kurortda sogʻlomlashtirish va davolanishini tashkil etadi;

keksalar va pensionerlar bilan ochiq muloqotni tizimli yoʻlga qoʻyadi, ularning hayotiy muhim muammolarini hal etishga yordam berish maqsadida hududiy davlat va xoʻjalik boshqaruvi organlari, korxona va tashkilotlar rahbarlari tomonidan qabul qilish ishlarini tashkil etadi;

mahallalarda eng obroʻli otaxon va onaxonlar, xotin-qizlar, imomlarni jalb etgan holda jamiyatdagi illatlarning (oʻz joniga qasd qilish, oilaviy ajrim va boshqa) kelib chiqish sabablarini aniqlash, bunday holatlarning oldini olish choralarini koʻradi;

keksa avlod vakillari tomonidan yoshlar bilan ishlash, huquqbuzarlikning oldini olish, sodir etilgan gʻayriijtimoiy holatlarni oʻz vaqtida aholi oʻrtasida muhokama qilish ishlarini amalga oshiradi.

Shuningdek, viloyatlar va Toshkent shahar hokimi oʻrinbosari quyidagi qoʻshimcha funksiyalarni amalga oshiradi:

Oʻzbekiston Respublikasining qonunlari, Oʻzbekiston Respublikasi Prezidenti hamda Hukumatining hujjatlari va topshiriqlarining bajarilishi yuzasidan taʼsirchan nazoratni taʼminlaydi;

hududda jamoat tashkilotlarini rivojlantirish, ijtimoiy-maʼnaviy muhitni yanada sogʻlomlashtirish, diniy sohada muhim ustuvor vazifalarni amalga oshirish, millatlararo totuvlikni taʼminlash, keksalarning ijtimoiy faoliyatini qoʻllab-quvvatlashning oʻta muhim va ustuvor yoʻnalishlari boʻyicha yaqin, oʻrta va uzoq muddatli istiqbolga moʻljallangan konsepsiyalar, hududiy dasturlar hamda “yoʻl xaritalari” loyihalarining tayyorlanishini tashkil etadi va ijrosini taʼminlaydi;

fuqarolik jamiyati institutlarini rivojlantirishning oʻta muhim va ustuvor yoʻnalishlari boʻyicha hududiy dasturlar loyihalarini tayyorlaydi;

amalga oshirilayotgan islohotlarning roʻyobga chiqarilishini oʻrganish maqsadida mahalliy ijro etuvchi hokimiyat organlari, davlat boshqaruvi hududiy organlari rahbarlari, jamoat tashkilotlari vakillari ishtirokida tegishli mavzularga bagʻishlangan sayyor (ochiq) majlislarni tizimli asosda oʻtkazadi;

xalq deputatlari Kengashlarining sessiyalarida, hokim huzuridagi yigʻilishlarda koʻrib chiqish uchun tegishli rejali masalalarni tayyorlaydi va kiritadi;

tegishli chora-tadbirlar koʻrish uchun oʻz faoliyati sohasiga kiradigan muammoli masalalar boʻyicha jamoatchilik fikrini tizimli oʻrganadi;

davlat organlarining viloyatda joylashgan tuzilmalari bilan jamoat tashkilotlari, diniy tashkilotlar hamda milliy madaniy markazlar va doʻstlik jamiyatlari oʻrtasida oʻzaro aloqa va hamkorlikni taʼminlaydi;

hokim tomonidan tegishli sohada islohotlarning amalga oshirilishini oʻrganish maqsadida hududlarda mahalliy ijro etuvchi hokimiyat organlari, hududiy davlat boshqaruvi organlari rahbarlari, jamoat tashkilotlari vakillari ishtirokida mavzuga oid sayyor (ochiq) majlislar oʻtkazish uchun tegishli tahliliy materiallar tayyorlanishi va kiritilishini tizimli asosda taʼminlaydi;

oʻziga boʻysunadigan kotibiyat rahbari va mutaxassislarning aniq koʻrsatkichlar, shuningdek, maqsadli indikatorlarga erishishga asoslangan faoliyatini tizimli baholaydi, ularning zimmasiga yuklangan vazifa hamda funksiyalarning samarali va natijali bajarilishi uchun shaxsiy masʼuliyati va javobgarligini oshirish choralarini koʻradi;

Oʻzbekiston Respublikasi Prezidentining xorijiy safarlari va respublika hududlariga tashriflari yakunlari boʻyicha diniy bagʻrikenglik va millatlararo munosabatlarga oid belgilangan topshiriqlar hamda vazifalarni bajarish boʻyicha “yoʻl xaritalari”ning amalga oshirilishini muvofiqlashtiradi;

hujjatlar amalga oshirilishi yuzasidan tizimli nazorat tashkil etilishini taʼminlaydi.

3-bob. Viloyatlar va Toshkent shahar hokimi oʻrinbosarining huquqlari va javobgarligi

9. Viloyatlar va Toshkent shahar hokimining oʻrinbosari oʻziga yuklangan vazifalar va funksiyalarni bajarish uchun quyidagi huquqlarga ega:

hududiy davlat va xoʻjalik boshqaruvi organlari, mahalliy ijroya hokimiyati organlari tarkibiy boʻlinmalari, boshqa organlar va tashkilotlar rahbarlari hamda vakillari ishtirokida yigʻilishlar oʻtkazish;

hududda jamoat tashkilotlarini rivojlantirish, ijtimoiy-maʼnaviy muhitni yanada sogʻlomlashtirish, diniy sohada muhim ustuvor vazifalarni amalga oshirish, millatlararo totuvlikni taʼminlash, keksalarning ijtimoiy faoliyatini qoʻllab-quvvatlash boʻyicha qarorlar, hududiy dasturlar hamda “yoʻl xaritalari” loyihalarini ishlab chiqish hamda ularning ijrosini tashkil etish;

xalq deputatlari Kengashlari sessiyalari, hokimlik yigʻilishlarida koʻrib chiqiladigan masalalarni tahlil qilish va tayyorlash uchun zarur boʻlgan materiallar va maʼlumotlarni hududiy davlat va xoʻjalik boshqaruvi organlaridan, boshqa organlar va tashkilotlardan belgilangan tartibda soʻrab olish;

oʻzi hamkorlik qiladigan hududiy davlat va xoʻjalik boshqaruvi organlari va boshqa tashkilotlarning kollegial organlari majlislarida, nodavlat notijorat va boshqa tashkilotlarning sohaga oid masalalar boʻyicha oʻtkaziladigan majlis va yigʻilishlarida ularning taklifi asosida qatnashish;

tegishli komissiyalar (kengashlar, guruhlar)ga samarali rahbarlik qilish, viloyatlar va Toshkent shahar hokimi rahbarlik qiladigan komissiyalar (kengashlar) faoliyatini tashkil etish va qarorlarining bajarilishi, shuningdek, ijtimoiy-maʼnaviy muhit boʻyicha respublika komissiyalarining qarorlari bajarilishi boʻyicha nazoratni taʼminlash;

xalq deputatlari Kengashlari sessiyalarida, hokim huzuridagi yigʻilishlarda koʻrib chiqiladigan masalalarni ishlab chiqish uchun zarur boʻlganda, hududiy davlat va xoʻjalik boshqaruvi organlari, ilmiy muassasalar va boshqa tashkilotlarning vakillarini belgilangan tartibda jalb etgan holda, axborot-tahliliy tadqiqotlarni amalga oshirish hamda vaqtinchalik ishchi guruhlar tashkil etish.

10. Viloyatlar va Toshkent shahar hokimlarining oʻrinbosari ushbu Namunaviy nizomning 7 va 8-bandlarida oʻziga yuklangan vazifa va funksiyalarning tegishli ravishda va samarali bajarilishi uchun shaxsan javobgardirlar.

4-bob. Viloyatlar va Toshkent shahar hokimlari oʻrinbosarining faoliyatini tashkil etish

11. Viloyatlar va Toshkent shahar hokimlari oʻrinbosarining ishlari Oʻzbekiston Respublikasining “Mahalliy davlat hokimiyati toʻgʻrisida”gi Qonuni , Oʻzbekiston Respublikasi Prezidentining va Vazirlar Mahkamasining qarorlari, shuningdek ushbu Namunaviy nizomga muvofiq, viloyatlar va Toshkent shahar hokimlarining choraklik va yarim yillik ish rejalari asosida tashkil etiladi.

Ushbu ish rejalar asosida viloyatlar va Toshkent shahar hokimlari oʻrinbosarining oylik shaxsiy ish rejalari ishlab chiqiladi hamda viloyatlar va Toshkent shahar hokimlari tomonidan tasdiqlanadi.

12. Viloyatlar va Toshkent shahar hokimlari oʻrinbosarlarining hisoboti viloyatlar va Toshkent shahar hokimlarining tezkor yigʻilishlarida har haftada eshitib boriladi.

Oʻzbekiston Respublikasining “Mahalliy davlat hokimiyati toʻgʻrisida”gi Qonuniga asosan viloyatlar va Toshkent shahar hokimlari oʻrinbosarining tegishli hisobotlari xalq deputatlari Kengashi majlisida eshitiladi.

14. Viloyatlar va Toshkent shahar hokimlari oʻrinbosarining faoliyati tegishli kotibiyat tomonidan taʼminlanadi.

Viloyatlar va Toshkent shahar hokimining oʻrinbosari tomonidan oʻzaro hamkorligi taʼminlanadigan tashkilotlarning hududiy boʻlinmalari

1. Oʻzbekiston mudofaasiga koʻmaklashuvchi “Vatanparvar” tashkilotining hududiy kengashlari.

2. “Mehr-shafqat va salomatlik” jamgʻarmasining hududiy boʻlimlari.

3. “Oltin meros” jamgʻarmasining viloyatlar va Toshkent shahar boʻlimlari.

4. Oʻzbekiston musulmonlari idorasining viloyatlar va Toshkent shahar vakillari.

5. Noislomiy diniy tashkilotlar.

6. Milliy madaniy markazlar.

7. Doʻstlik jamiyatlari.

8. Fuqarolik jamiyatini rivojlantirish markazining viloyatlar va Toshkent shahar boʻlinmalari.

9. Boshqa nodavlat notijorat tashkilotlari.

10. Vazirliklar va idoralar, xoʻjalik birlashmalari, korxonalar va boshqa tashkilotlarning hududiy boʻlinmalari — jamoat va diniy islohotlarni amalga oshirish masalalari yuzasidan.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 28-avgust,

548-son

(Qonunchilik maʼlumotlari milliy bazasi, 28.08.2021-y., 09/21/548/0836-son; 19.04.2022-y., 09/22/195/0319-son; 30.04.2022-y., 09/22/230/0377-son; 10.08.2022-y., 09/22/438/0726-son; 18.12.2023-y., 09/23/665/0942-son; 04.01.2025-y., 09/25/891/0011-son; 23.04.2025-y., 09/25/255/0376-son; 26.11.2025-y., 09/25/740/1090-son)

lex.uz