📅 2021-yil 31-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 31 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 августа 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 31 August 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ГРАФИГИ
Европа инвестиция банки иштирокида «Ўзбекистондa глобaл коронaвирус пaндемияси даврида зарар кўрган тадбиркорлик субъектларини фавқулодда қўллaб-қуввaтлaш» лойиҳасини амалга ошириш чора-тадбирлари тўғрисида
Ўзбекистон Республикаси Президентининг «Коронавирус пандемияси даврида аҳоли, бюджет, базавий инфратузилма ва тадбиркорлик субъектларини қўллаб-қувватлаш учун ташқи ёрдам маблағларини жалб қилиш чора-тадбирлари тўғрисида» 2020 йил 22 апрелдаги ПҚ-4691-сон қарори ижросини таъминлаш ҳамда Европа инвестиция банки билан ҳамкорликни янада кенгайтириш, тадбиркорлик субъектларини янада қўллаб-қувватлаш мақсадида Вазирлар Маҳкамаси қарор қилади:
1. Европа инвестиция банки (кейинги ўринларда — ЕИБ) Директорлар кенгаши «Ўзбекистонда глобал коронавирус пандемияси даврида зарар кўрган тадбиркорлик субъектларини фавқулодда қўллаб-қувватлаш» лойиҳасини (кейинги ўринларда — Лойиҳа) амалга ошириш учун Ўзбекистон Республикасига 15 йил муддатга 5 йиллик имтиёзли даври билан 100,0 млн. АҚШ долларигача кредит линиясини тақдим этишни маъқуллагани маълумот учун қабул қилинсин.
2. Белгилансинки:
100 млн. АҚШ долларигача эквивалент миқдоридаги кредит маблағлари «Ўзсаноатқурилишбанк» АТБга — 30,0 млн. АҚШ доллари, «Микрокредитбанк» АТБга — 35,0 млн. АҚШ доллари ва «Қишлоқ қурилиш банк» АТБга — 35,0 млн. АҚШ доллари (кейинги ўринларда — иштирок этувчи тижорат банклари) миқдорида коронавирус пандемияси даврида зарар кўрган тадбиркорлик субъектларининг инвестиция лойиҳаларини молиялаштириш учун револьвер шаклида қайта молиялаштиради;
битта инвестиция лойиҳаси учун ЕИБ маблағлари ҳисобидан тадбиркорлик субъектларига бериладиган кредитларнинг максимал қиймати 12,5 млн. евро эквивалентига тенг бўлган миқдордан оширилмайди ҳамда ЕИБ кредит линиялари бўйича битта инвестиция лойиҳасининг максимал қиймати 25,0 млн. евро эквивалентидан ошмайди;
иштирок этувчи тижорат банкларига тақдим этилаётган ЕИБ кредит линиясининг камида 30 фоизи ЕИБ мезонларига кўра аёллар тадбиркорлигини молиялаштиришга йўналтирилиши, шу билан бирга, аёллар тадбиркорлик субъектлари ажратилган лимитдан фойдаланилмаган тақдирда, иштирок этувчи тижорат банклар ЕИБ ва Инвестициялар ва ташқи савдо вазирлиги билан келишган ҳолда лойиҳанинг иккинчи йилида бошқа кредит олувчиларни молиялаштириш учун фойдаланилмаган маблағларни қайта тақсимлаш ҳуқуқи берилади;
лойиҳа маблағлари ҳисобидан кредит олувчилардан қайтариладиган маблағлар иштирок этувчи тижорат банклари томонидан револьвер асосида, қайта молиялаш тўғрисидаги битимлар бўйича ўрнатилган муддатларда қайтарилиши лозим бўлган ресурслар бундан мустасно, коронавирус пандемияси даврида зарар кўрган тадбиркорлик субъектларининг инвестиция лойиҳаларини молиялаштиришга йўналтирилади.
3. Шундай тартиб ўрнатилсинки, унга мувофиқ:
иштирок этувчи тижорат банклари ижро этувчи органлар бўлиб, қайта молиялаштирилган ЕИБ кредитларидан мақсадли ва самарали фойдаланиш учун жавоб беради;
ЕИБнинг кредитини қайтариш, шунингдек, фоизлар ва бошқа харажатларни тўлаш қайта молиялаштирилган кредит миқдорида иштирок этувчи тижорат банклари томонидан амалга оширилади;
Ўзбекистон Республикаси Иқтисодий тараққиёт ва камбағалликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлиги (кейинги ўринларда — Агентлик) лойиҳани мувофиқлаштирувчи орган ҳисобланади.
4. «Ўзбекистонда глобал коронавирус пандемияси даврида зарар кўрган тадбиркорлик субъектларини фавқулодда қўллаб-қувватлаш» лойиҳаси доирасида Европа инвестиция банкининг кредитини жалб қилиш графиги иловага мувофиқ тасдиқлансин.
5. Ўзбекистон Республикаси молия вазирига Ўзбекистон Республикаси номидан Ўзбекистон Республикаси, иштирок этувчи тижорат банклари ва Агентлик ўртасидаги ЕИБнинг кредитини қайта кредитлаш тўғрисидаги битимни имзолаш ваколати берилсин.
6. Ўзбекистон Республикаси Адлия вазирлиги Ўзбекистон Республикаси билан ЕИБ ўртасидаги молиявий битим бўйича белгиланган тартибда юридик хулоса берсин.
7. Молия вазирлиги икки ҳафта муддатда:
лойиҳа бўйича ЕИБ билан молиявий битим имзоланишини;
иштирок этувчи тижорат банклари билан ҳамкорликда лойиҳа доирасида кредит бериш тартиби, тадбиркорлар лойиҳаларини танлаш ва баҳолаш мезонлари, шунингдек молиявий бошқарув, харидларни амалга ошириш, лойиҳани амалга оширишни мониторинг қилиш тартибини белгилайдиган ЕИБнинг операцион қўлланмасини («Side Letter») ЕИБга тақдим этилишини;
ЕИБ билан кредитни қайтариш ва унинг фоизларини тўлаш графигини тасдиқланишини ҳамда иштирок этувчи тижорат банклари билан ЕИБ кредитини қайта кредитлаш шартномалари тузилишини таъминласин.
8. Агентлик:
бир ой муддатда иштирок этувчи тижорат банклари билан биргаликда ЕИБ билан келишилган ҳолда ўзининг расмий веб-сайтларида лойиҳани молиялаштириш шартлари ва имтиёзларини кенг ёритилишини таъминласин;
ҳар чорак якуни бўйича ЕИБ кредити ҳисобидан молиялаштирилган лойиҳалар тўғрисида, шунингдек, уларнинг ўз вақтида ва самарали амалга оширилиши устидан мониторинг натижалари юзасидан Молия вазирлиги ва Вазирлар Маҳкамасига ҳисобот киритиб борсин.
9. Мазкур қарорнинг ижросини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси Бош вазирининг инвестициялар ва ташқи иқтисодий алоқалар масалалари бўйича ўринбосари — инвестициялар ва ташқи савдо вазири С.У. Умурзаков зиммасига юклансин.
Вазирлар Маҳкамасининг 2021 йил 31 августдаги 554-сон қарорига ИЛОВА
«Ўзбекистонда глобал коронавирус пандемияси даврида зарар кўрган тадбиркорлик субъектларини фавқулодда қўллаб-қувватлаш» лойиҳаси доирасида Европа инвестиция банкининг кредитини жалб қилиш
( млн. АҚШ доллари) Компонент номи 2021 йил 2022 йил Жами Иштирок этувчи тижорат банклари учун кредит линияси, шу жумладан: 70,0 * 30,0 100,0 «Ўзсаноатқурилишбанк» АТБ 20,0 10,0 30,0 «Микрокредитбанк» АТБ 25,0 10,0 35,0 «Қишлоқ қурилиш банк» АТБ 25,0 10,0 35,0
Ўзбекистон Республикасининг Бош вазири А. АРИПОВ
Тошкент ш.,
2021 йил 31 август,
554-сон
Oʻzbekiston Respublikasi Vazirlar Mahkamasining
qarori
GRAFIGI
Yevropa investitsiya banki ishtirokida “Oʻzbekistonda global koronavirus pandemiyasi davrida zarar koʻrgan tadbirkorlik subyektlarini favqulodda qoʻllab-quvvatlash” loyihasini amalga oshirish chora-tadbirlari toʻgʻrisida
Oʻzbekiston Respublikasi Prezidentining “Koronavirus pandemiyasi davrida aholi, budjet, bazaviy infratuzilma va tadbirkorlik subyektlarini qoʻllab-quvvatlash uchun tashqi yordam mablagʻlarini jalb qilish chora-tadbirlari toʻgʻrisida” 2020-yil 22-apreldagi PQ-4691-son qarori ijrosini taʼminlash hamda Yevropa investitsiya banki bilan hamkorlikni yanada kengaytirish, tadbirkorlik subyektlarini yanada qoʻllab-quvvatlash maqsadida Vazirlar Mahkamasi qaror qiladi:
1. Yevropa investitsiya banki (keyingi oʻrinlarda — YIB) Direktorlar kengashi “Oʻzbekistonda global koronavirus pandemiyasi davrida zarar koʻrgan tadbirkorlik subyektlarini favqulodda qoʻllab-quvvatlash” loyihasini (keyingi oʻrinlarda — Loyiha) amalga oshirish uchun Oʻzbekiston Respublikasiga 15 yil muddatga 5 yillik imtiyozli davri bilan 100,0 mln. AQSh dollarigacha kredit liniyasini taqdim etishni maʼqullagani maʼlumot uchun qabul qilinsin.
2. Belgilansinki:
100 mln. AQSh dollarigacha ekvivalent miqdoridagi kredit mablagʻlari “Oʻzsanoatqurilishbank” ATBga — 30,0 mln. AQSh dollari, “Mikrokreditbank” ATBga — 35,0 mln. AQSh dollari va “Qishloq qurilish bank” ATBga — 35,0 mln. AQSh dollari (keyingi oʻrinlarda — ishtirok etuvchi tijorat banklari) miqdorida koronavirus pandemiyasi davrida zarar koʻrgan tadbirkorlik subyektlarining investitsiya loyihalarini moliyalashtirish uchun revolver shaklida qayta moliyalashtiradi;
bitta investitsiya loyihasi uchun YIB mablagʻlari hisobidan tadbirkorlik subyektlariga beriladigan kreditlarning maksimal qiymati 12,5 mln. yevro ekvivalentiga teng boʻlgan miqdordan oshirilmaydi hamda YIB kredit liniyalari boʻyicha bitta investitsiya loyihasining maksimal qiymati 25,0 mln. yevro ekvivalentidan oshmaydi;
ishtirok etuvchi tijorat banklariga taqdim etilayotgan YIB kredit liniyasining kamida 30 foizi YIB mezonlariga koʻra ayollar tadbirkorligini moliyalashtirishga yoʻnaltirilishi, shu bilan birga, ayollar tadbirkorlik subyektlari ajratilgan limitdan foydalanilmagan taqdirda, ishtirok etuvchi tijorat banklar YIB va Investitsiyalar va tashqi savdo vazirligi bilan kelishgan holda loyihaning ikkinchi yilida boshqa kredit oluvchilarni moliyalashtirish uchun foydalanilmagan mablagʻlarni qayta taqsimlash huquqi beriladi;
loyiha mablagʻlari hisobidan kredit oluvchilardan qaytariladigan mablagʻlar ishtirok etuvchi tijorat banklari tomonidan revolver asosida, qayta moliyalash toʻgʻrisidagi bitimlar boʻyicha oʻrnatilgan muddatlarda qaytarilishi lozim boʻlgan resurslar bundan mustasno, koronavirus pandemiyasi davrida zarar koʻrgan tadbirkorlik subyektlarining investitsiya loyihalarini moliyalashtirishga yoʻnaltiriladi.
3. Shunday tartib oʻrnatilsinki, unga muvofiq:
ishtirok etuvchi tijorat banklari ijro etuvchi organlar boʻlib, qayta moliyalashtirilgan YIB kreditlaridan maqsadli va samarali foydalanish uchun javob beradi;
YIBning kreditini qaytarish, shuningdek, foizlar va boshqa xarajatlarni toʻlash qayta moliyalashtirilgan kredit miqdorida ishtirok etuvchi tijorat banklari tomonidan amalga oshiriladi;
Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Mahallabay ishlash va tadbirkorlikni rivojlantirish agentligi (keyingi oʻrinlarda — Agentlik) loyihani muvofiqlashtiruvchi organ hisoblanadi.
4. “Oʻzbekistonda global koronavirus pandemiyasi davrida zarar koʻrgan tadbirkorlik subyektlarini favqulodda qoʻllab-quvvatlash” loyihasi doirasida Yevropa investitsiya bankining kreditini jalb qilish grafigi ilovaga muvofiq tasdiqlansin.
5. Oʻzbekiston Respublikasi moliya vaziriga Oʻzbekiston Respublikasi nomidan Oʻzbekiston Respublikasi, ishtirok etuvchi tijorat banklari va Agentlik oʻrtasidagi YIBning kreditini qayta kreditlash toʻgʻrisidagi bitimni imzolash vakolati berilsin.
6. Oʻzbekiston Respublikasi Adliya vazirligi Oʻzbekiston Respublikasi bilan YIB oʻrtasidagi moliyaviy bitim boʻyicha belgilangan tartibda yuridik xulosa bersin.
7. Moliya vazirligi ikki hafta muddatda:
loyiha boʻyicha YIB bilan moliyaviy bitim imzolanishini;
ishtirok etuvchi tijorat banklari bilan hamkorlikda loyiha doirasida kredit berish tartibi, tadbirkorlar loyihalarini tanlash va baholash mezonlari, shuningdek moliyaviy boshqaruv, xaridlarni amalga oshirish, loyihani amalga oshirishni monitoring qilish tartibini belgilaydigan YIBning operatsion qoʻllanmasini (“Side Letter”) YIBga taqdim etilishini;
YIB bilan kreditni qaytarish va uning foizlarini toʻlash grafigini tasdiqlanishini hamda ishtirok etuvchi tijorat banklari bilan YIB kreditini qayta kreditlash shartnomalari tuzilishini taʼminlasin.
8. Agentlik:
bir oy muddatda ishtirok etuvchi tijorat banklari bilan birgalikda YIB bilan kelishilgan holda oʻzining rasmiy veb-saytlarida loyihani moliyalashtirish shartlari va imtiyozlarini keng yoritilishini taʼminlasin;
har chorak yakuni boʻyicha YIB krediti hisobidan moliyalashtirilgan loyihalar toʻgʻrisida, shuningdek, ularning oʻz vaqtida va samarali amalga oshirilishi ustidan monitoring natijalari yuzasidan Moliya vazirligi va Vazirlar Mahkamasiga hisobot kiritib borsin.
9. Mazkur qarorning ijrosini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi Bosh vazirining investitsiyalar va tashqi iqtisodiy aloqalar masalalari boʻyicha oʻrinbosari — investitsiyalar va tashqi savdo vaziri S.U. Umurzakov zimmasiga yuklansin.
Vazirlar Mahkamasining 2021-yil 31-avgustdagi 554-son qaroriga ILOVA
“Oʻzbekistonda global koronavirus pandemiyasi davrida zarar koʻrgan tadbirkorlik subyektlarini favqulodda qoʻllab-quvvatlash” loyihasi doirasida Yevropa investitsiya bankining kreditini jalb qilish
( mln. AQSh dollari) Komponent nomi 2021-yil 2022-yil Jami Ishtirok etuvchi tijorat banklari uchun kredit liniyasi, shu jumladan: 70,0 * 30,0 100,0 “Oʻzsanoatqurilishbank” ATB 20,0 10,0 30,0 “Mikrokreditbank” ATB 25,0 10,0 35,0 “Qishloq qurilish bank” ATB 25,0 10,0 35,0
Oʻzbekiston Respublikasining Bosh vaziri A. ARIPOV
Toshkent sh.,
2021-yil 31-avgust,
554-son