📅 2021-yil 27-avgust · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 27 август · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 августа 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 27 August 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
«Ўзбекистон Республикаси мустақиллигининг 30 йиллиги» эсдалик нишони билан тақдирланадиганлар рўйхатларини тасдиқлаш ва уларни топшириш тўғрисида
[Кўчирма]
Давлатимиз иқтисодиёти ва аҳоли фаровонлигини юксалтиришда ибрат ва намуна бўлаётган, мамлакатимиз мустақиллиги, иқтисодий, сиёсий, илмий-таълим, маданий, маънавий салоҳияти ва мудофаа қудратини мустаҳкамлаш, унинг сарҳадлари хавфсизлиги ва дахлсизлигини таъминлашда, «Янги Ўзбекистон»нинг яратилишида алоҳида фидойилик кўрсатаётган юртдошларимизни «Ўзбекистон Республикаси мустақиллигининг 30 йиллиги» эсдалик нишони билан тақдирлаш, шунингдек, Ўзбекистон Мустақиллигининг 30 йиллигини тантанали ўтказишни ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Президенти Администрациясининг 2021 йил 27 августдаги 02-2633-сон топшириғи асосида Ўзбекистон Республикаси мустақиллигининг 30 йиллиги муносабати билан давлат мукофотларини тантанали равишда топшириш тадбирларига ҳар томонлама пухта тайёргарлик кўриш ҳамда уларни юқори савияда ва кўтаринки руҳда ўтказиш белгиланганлиги маълумот учун қабул қилинсин.
2. Ўзбекистон Республикаси Президентининг «Ўзбекистон Республикаси мустақиллигининг 30 йиллиги» эсдалик нишонини таъсис этиш тўғрисида» 2021 йил 24 майдаги ПФ-6234-сон ҳамда Ўзбекистон Республикаси Президентининг «Ўзбекистон Республикаси мустақиллигининг 30 йиллиги» эсдалик нишони билан мукофотлаш тўғрисида» 2021 йил 23 августдаги ПФ-6281-сон фармонлари ижросини таъминлаш мақсадида давлат бошқаруви органлари, хўжалик бирлашмалари, маҳаллий давлат ҳокимияти органлари, жамоат ташкилотлари ва бирлашмалари томонидан тақдим этилган «Ўзбекистон Республикаси мустақиллигининг 30 йиллиги» эсдалик нишони билан тақдирланадиган зиёлилар, фан ва санъат арбоблари, ишчи ва хизматчилар, тадбиркорлар, фермерлар, меҳнат фахрийлари, ҳарбий хизматчилар, ҳуқуқни муҳофаза қилувчи идоралар ходимлари ва бошқа шахслар рўйхатлари иловага мувофиқ тасдиқлансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 27 август,
547-сон
Oʻzbekiston Respublikasi Vazirlar Mahkamasining
qarori
“Oʻzbekiston Respublikasi mustaqilligining 30 yilligi” esdalik nishoni bilan taqdirlanadiganlar roʻyxatlarini tasdiqlash va ularni topshirish toʻgʻrisida
[Koʻchirma]
Davlatimiz iqtisodiyoti va aholi farovonligini yuksaltirishda ibrat va namuna boʻlayotgan, mamlakatimiz mustaqilligi, iqtisodiy, siyosiy, ilmiy-taʼlim, madaniy, maʼnaviy salohiyati va mudofaa qudratini mustahkamlash, uning sarhadlari xavfsizligi va daxlsizligini taʼminlashda, “Yangi Oʻzbekiston”ning yaratilishida alohida fidoyilik koʻrsatayotgan yurtdoshlarimizni “Oʻzbekiston Respublikasi mustaqilligining 30 yilligi” esdalik nishoni bilan taqdirlash, shuningdek, Oʻzbekiston Mustaqilligining 30 yilligini tantanali oʻtkazishni tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidenti Administratsiyasining 2021-yil 27-avgustdagi 02-2633-son topshirigʻi asosida Oʻzbekiston Respublikasi mustaqilligining 30 yilligi munosabati bilan davlat mukofotlarini tantanali ravishda topshirish tadbirlariga har tomonlama puxta tayyorgarlik koʻrish hamda ularni yuqori saviyada va koʻtarinki ruhda oʻtkazish belgilanganligi maʼlumot uchun qabul qilinsin.
2. Oʻzbekiston Respublikasi Prezidentining “Oʻzbekiston Respublikasi mustaqilligining 30 yilligi” esdalik nishonini taʼsis etish toʻgʻrisida” 2021-yil 24-maydagi PF-6234-son hamda Oʻzbekiston Respublikasi Prezidentining “Oʻzbekiston Respublikasi mustaqilligining 30 yilligi” esdalik nishoni bilan mukofotlash toʻgʻrisida” 2021-yil 23-avgustdagi PF-6281-son farmonlari ijrosini taʼminlash maqsadida davlat boshqaruvi organlari, xoʻjalik birlashmalari, mahalliy davlat hokimiyati organlari, jamoat tashkilotlari va birlashmalari tomonidan taqdim etilgan “Oʻzbekiston Respublikasi mustaqilligining 30 yilligi” esdalik nishoni bilan taqdirlanadigan ziyolilar, fan va sanʼat arboblari, ishchi va xizmatchilar, tadbirkorlar, fermyerlar, mehnat faxriylari, harbiy xizmatchilar, huquqni muhofaza qiluvchi idoralar xodimlari va boshqa shaxslar roʻyxatlari ilovaga muvofiq tasdiqlansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 27-avgust,
547-son