📅 2021-yil 7-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 7 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 сентября 2021 г. · Постановления Президента
Официальный текст. Официальный документ. Редакционные примечания не включены.
📅 7 September 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномани тасдиқлаш тўғрисида
«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:
1. Тожикистон Республикасининг Душанбе шаҳрида 2021 йил 10 июнь куни Ўзбекистон Республикаси Ҳукумати билан Тожикистон Республикаси Ҳукумати ўртасида имзоланган Тожикистон-Ўзбекистон инвестиция компаниясини ташкил этиш тўғрисидаги Битим тасдиқлансин.
2. Ўзбекистон Республикаси Тикланиш ва тараққиёт жамғармаси мазкур халқаро шартномани амалга ошириш учун масъул бўлган ваколатли орган этиб белгилансин.
3. Қуйидагилар:
Тожикистон-Ўзбекистон инвестиция компанияси (кейинги ўринларда — Компания) 12 миллион АҚШ доллари миқдоридаги бошланғич устав капитали ҳамда инвестиция портфели шаклланган сари уни 50 миллион АҚШ долларигача босқичма-босқич етказиш шарти билан масъулияти чекланган жамият шаклида ташкил қилиниши;
ўрнатилган тартибда қўшимча иштирокчиларни жалб қилиш имконияти билан Ўзбекистон Республикаси Тикланиш ва тараққиёт жамғармасининг Компания устав капиталини шакллантиришдаги улуши 75 фоизни ҳамда Тожикистон Республикаси Инвестициялар ва давлат мулкини бошқариш давлат қўмитаси ҳузуридаги «Тажинвест» давлат унитар корхонасининг улуши 25 фоизни ташкил этиши маълумот учун қабул қилинсин.
4. Ўзбекистон Республикаси Ташқи ишлар вазирлиги Тожикистон томонига қуйидагилар тўғрисида тегишли билдиришномани йўлласин:
мазкур халқаро шартноманинг кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги ҳамда уни амалга ошириш учун масъул бўлган ваколатли орган белгиланганлиги;
Компания Кузатув кенгаши аъзолигига Ўзбекистон Республикаси томонидан Ўзбекистон Республикаси Бош вазирининг ўринбосари — Ж.А. Ходжаев, инвестициялар, саноат ва савдо вазири — Л.Ш. Кудратов ҳамда Стратегик ислоҳотлар агентлиги бош директори — Тикланиш ва тараққиёт жамғармаси ижрочи директори Ш.А. Вафаевнинг номзодлари тақдим этилиши;
Ўзбекистон Республикаси инвестициялар ва ташқи савдо вазирининг ўринбосари — Ўзбекистон Республикаси Тикланиш ва тараққиёт жамғармаси ижрочи директори Ш.А. Вафаевга Компаниянинг уставини имзолаш ваколати берилганлиги.
5. Ўзбекистон Республикаси Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин унинг қоидалари амалга оширилиши устидан ўрнатилган тартибда назоратни таъминласин.
6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 7 сентябрь,
ПҚ-5242-сон
Oʻzbekiston Respublikasi Prezidentining
Qarori
Xalqaro shartnomani tasdiqlash toʻgʻrisida
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:
1. Tojikiston Respublikasining Dushanbe shahrida 2021-yil 10-iyun kuni Oʻzbekiston Respublikasi Hukumati bilan Tojikiston Respublikasi Hukumati oʻrtasida imzolangan Tojikiston-Oʻzbekiston investitsiya kompaniyasini tashkil etish toʻgʻrisidagi Bitim tasdiqlansin.
2. Oʻzbekiston Respublikasi Tiklanish va taraqqiyot jamgʻarmasi mazkur xalqaro shartnomani amalga oshirish uchun masʼul boʻlgan vakolatli organ etib belgilansin.
3. Quyidagilar:
Tojikiston-Oʻzbekiston investitsiya kompaniyasi (keyingi oʻrinlarda — Kompaniya) 12 million AQSH dollari miqdoridagi boshlangʻich ustav kapitali hamda investitsiya portfeli shakllangan sari uni 50 million AQSH dollarigacha bosqichma-bosqich yetkazish sharti bilan masʼuliyati cheklangan jamiyat shaklida tashkil qilinishi;
oʻrnatilgan tartibda qoʻshimcha ishtirokchilarni jalb qilish imkoniyati bilan Oʻzbekiston Respublikasi Tiklanish va taraqqiyot jamgʻarmasining Kompaniya ustav kapitalini shakllantirishdagi ulushi 75 foizni hamda Tojikiston Respublikasi Investitsiyalar va davlat mulkini boshqarish davlat qoʻmitasi huzuridagi “Tajinvest” davlat unitar korxonasining ulushi 25 foizni tashkil etishi maʼlumot uchun qabul qilinsin.
4. Oʻzbekiston Respublikasi Tashqi ishlar vazirligi Tojikiston tomoniga quyidagilar toʻgʻrisida tegishli bildirishnomani yoʻllasin:
mazkur xalqaro shartnomaning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organ belgilanganligi;
Kompaniya Kuzatuv kengashi aʼzoligiga Oʻzbekiston Respublikasi tomonidan Oʻzbekiston Respublikasi Bosh vazirining oʻrinbosari — J.A. Xodjayev, investitsiyalar, sanoat va savdo vaziri — L.Sh. Kudratov hamda Strategik islohotlar agentligi bosh direktori — Tiklanish va taraqqiyot jamgʻarmasi ijrochi direktori Sh.A. Vafayevning nomzodlari taqdim etilishi;
Oʻzbekiston Respublikasi investitsiyalar va tashqi savdo vazirining oʻrinbosari — Oʻzbekiston Respublikasi Tiklanish va taraqqiyot jamgʻarmasi ijrochi direktori Sh.A. Vafayevga Kompaniyaning ustavini imzolash vakolati berilganligi.
5. Oʻzbekiston Respublikasi Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin uning qoidalari amalga oshirilishi ustidan oʻrnatilgan tartibda nazoratni taʼminlasin.
6. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 7-sentabr,
PQ-5242-son
Президента Республики Узбекистан
Постановление
Об утверждении международного договора
В соответствии со статьей 22 Закона Республики Узбекистан «О международных договорах Республики Узбекистан»:
1. Утвердить Соглашение между Правительством Республики Узбекистан и Правительством Республики Таджикистан о создании Таджикско-Узбекской инвестиционной компании, подписанное 10 июня 2021 года в городе Душанбе Республики Таджикистан.
2. Определить Фонд реконструкции и развития Республики Узбекистан уполномоченным органом, ответственным за реализацию настоящего международного договора.
3. Принять к сведению, что:
Таджикско-Узбекская инвестиционная компания (далее — Компания) создается в форме общества с ограниченной ответственностью с первоначальным уставным капиталом в размере 12 млн долларов США с поэтапным его доведением до 50 млн долларов США по мере формирования инвестиционного портфеля;
доля Фонда реконструкции и развития Республики Узбекистан в формировании уставного капитала Компании составляет 75 процентов и доля Государственного унитарного предприятия «Таджинвест» при Государственном комитете по инвестициям и управлению государственным имуществом Республики Таджикистан — 25 процентов с возможностью привлечения в установленном порядке дополнительных участников.
4. Министерству иностранных дел Республики Узбекистан направить таджикской стороне соответствующее уведомление о:
выполнении Республикой Узбекистан внутригосударственных процедур, необходимых для вступления в силу настоящего международного договора, и определении уполномоченного органа, ответственного за его реализацию;
представлении в члены Наблюдательного совета Компании от Республики Узбекистан заместителя Премьер-министра — Ж.А. Ходжаева, министра инвестиций, промышленности и торговли — Л.Ш. Кудратова, и генерального директора Агентства стратегических реформ — исполнительного директора Фонда реконструкции и развития Ш.А. Вафаева;
предоставлении полномочий заместителю министра инвестиций и внешней торговли — исполнительному директору Фонда реконструкции и развития Республики Узбекистан Ш.А. Вафаеву подписать Устав Компании.
5. Кабинету Министров Республики Узбекистан и руководителям соответствующих министерств и ведомств обеспечить в установленном порядке контроль за исполнением положений настоящего международного договора после его вступления в силу.
6. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 сентября 2021 г.,
№ ПП-5242