📅 2021-yil 7-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 7 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 сентября 2021 г. · Указы Президента
Официальный текст. Официальный документ. Редакционные примечания не включены.
📅 7 September 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Экспортчи корхоналарни рағбатлантиришга оид қўшимча чора-тадбирлар тўғрисида
Республикамизнинг экспорт салоҳиятини ошириш, экспортчи корхоналарни молиявий қўллаб-қувватлашни янада кучайтириш, миллий маҳсулотларнинг ташқи бозорлардаги рақобатбардошлигини мустаҳкамлаш ва валюта тушумларини кўпайтириш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган вазифалар ижросини таъминлаш мақсадида:
1. Ўзбекистон Республикаси Президентининг 2020 йил 21 октябрдаги «Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида»ги ПФ-6091-сон Фармони ва 2021 йил 13 июлдаги «Экспорт фаолиятини молиявий қўллаб-қувватлашни янада кучайтириш тўғрисида»ги ПҚ-5184-сон қарорига асосан экспорт билан боғлиқ савдо операциялари ва экспортолди молиялаштириш кредитлари учун Тикланиш ва тараққиёт жамғармасидан Экспортни рағбатлантириш агентлиги ҳузуридаги Экспортни қўллаб-қувватлаш жамғармасига 200 миллион АҚШ доллари ажратилганлиги маълумот учун қабул қилинсин.
2. Инвестициялар ва ташқи савдо вазирлиги ҳамда Молия вазирлигининг 2021 йил 1 октябрдан бошлаб:
Экспортни рағбатлантириш агентлиги томонидан йиллик экспорт ҳажми (шу жумладан «реэкспорт» божхона режимида олиб чиқилган қайта ишлаш маҳсулотлари) ҳажми 20 миллион АҚШ долларидан ошган корхоналарга экспорт (шу жумладан қайта ишлаш маҳсулотлари реэкспорти) билан боғлиқ савдо операциялари ва экспортолди молиялаштириш кредитлари учун тижорат банклари орқали бир марталик молиявий ресурслар 5 миллион АҚШ долларигача миқдорда ҳамда бир йилгача муддатга тақдим этилиши;
охирги ўн икки ой давомида 1 миллион АҚШ долларидан ортиқ тайёр тўқимачилик маҳсулотларини экспорт қилган корхоналарга асосий ва ёрдамчи ишлаб чиқариши учун бутловчи буюмлар, хом ашё ва материаллар олиб киришда божхона тўловларини тўлаш бўйича фоиз ҳисобланмаган ҳамда уларнинг тўланишини таъминлаш талаб этилмаган ҳолда 120 кунга тўловни кечиктириш (бўлиб-бўлиб тўлаш) имкониятини бериш тўғрисидаги таклифларига розилик берилсин.
Вазирлар Маҳкамаси бир ой муддатда товарлар (ишлар, хизматлар)ни импорт қилишда қўшилган қиймат солиғини тўловчилар учун қўшилган қиймат солиғини тўлаш муддатини узайтириш тартиби тўғрисидаги низомга тегишли ўзгартириш ва қўшимчалар киритсин.
3. Белгилаб қўйилсинки:
ташқи савдо операциялари бўйича муддати ўтган дебитор қарздорлик учун хўжалик юритувчи субъектларга нисбатан жарималар қўлланилиши, шунингдек, ушбу Фармон кучга киргунига қадар қўлланилган жарималар ундирилиши 2021 йил 31 декабрга қадар тўхтатилади;
Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссиясига Экспортни рағбатлантириш агентлиги томонидан корхоналарга экспорт билан боғлиқ савдо операциялари ва экспортолди молиялаштириш кредитлари учун тижорат банклари орқали бир марталик молиявий ресурслар тақдим этиш тартибини тасдиқлаш ва ўзгартириш киритиш ҳуқуқи берилади.
4. Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси (С.У. Умурзаков) икки ҳафта муддатда:
Экспортни рағбатлантириш агентлиги томонидан тижорат банкларига экспорт билан боғлиқ савдо операциялари ва экспортолди молиялаштириш кредитлари учун бир марталик молиявий ресурслар тақдим этиш тартибига тегишли ўзгартиришлар киритсин;
Европа мамлакатларига қўшилган қиймати юқори бўлган маҳсулотларни экспорт қилишда ҳамда «реэкспорт» божхона режимида қайта ишлаш маҳсулотларини олиб чиқишда транспорт харажатларининг 50 фоизини компенсация қилиш тизимини бир йил муддатга жорий этсин.
5. Белгилансинки, тариқ (ТИФ ТН кодлари 1008 21 000 0, 1008 29 000 0), қуритилган дуккакли экинлардан олинган ун ва кукун (ТИФ ТН коди 1106 10 000 0), мева ва ёнғоқлардан олинган ун ва кукун (ТИФ ТН коди 1106 30 900 0) экспорти учун Ўзбекистон Республикаси Президенти ёки Вазирлар Маҳкамаси рухсати талаб қилинмайди.
6. Ўзбекистон Республикаси Президентининг айрим фармонларига иловага мувофиқ ўзгартиришлар ва қўшимча киритилсин.
7. Мазкур Фармоннинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президентининг 2021 йил 7 сентябрдаги ПФ-6306-сон Фармонига ИЛОВА
Ўзбекистон Республикаси Президентининг айрим фармонларига киритилаётган ўзгартиришлар ва қўшимча
1. Ўзбекистон Республикаси Президентининг 2017 йил 15 декабрдаги «Ташқи бозорларда маҳаллий маҳсулотлар экспорт қилинишини рағбатлантириш ва рақобатдошлигини таъминлаш юзасидан қўшимча чора-тадбирлар тўғрисида»ги ПФ-5286-сон Фармони 1-иловасининг рус тилидаги матнида :
а) 3-банд қуйидаги таҳрирда баён этилсин:
« 3. Зерно: пшеница, рожь, ячмень, овес, кукуруза, рис, гречиха группа 10 (кроме 1008 21 000 0, 1008 29 000 0) » ;
б) 4-банд қуйидаги таҳрирда баён этилсин:
« 4. Мука, крупа 1101 00 — 1106 (кроме 1106 10 000 0, 1106 30 900 0 ) » ;
2. Ўзбекистон Республикаси Президентининг 2020 йил 18 августдаги «Республикада экспорт ва инвестиция салоҳиятини янада ривожлантиришга оид қўшимча чора-тадбирлар тўғрисида»ги ПФ-6042-сон Фармонида :
а) 1-банддаги «Экспорт ва инвестицияларни ривожлантириш масалалари бўйича Ҳукумат комиссияси» сўзлари «Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси» сўзлари билан алмаштирилсин;
б) 1-илованинг номидаги «Экспорт ва инвестицияларни ривожлантириш масалалари бўйича Ҳукумат комиссияси» сўзлари «Ташқи савдо, инвестициялар, маҳаллий саноатни ривожлантириш ва техник жиҳатдан тартибга солиш масалалари бўйича Ҳукумат комиссияси» сўзлари билан алмаштирилсин.
3. Ўзбекистон Республикаси Президентининг 2020 йил 21 октябрдаги «Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида»ги ПФ-6091-сон Фармони 5-бандининг учинчи хатбошиси «1 миллион АҚШ доллари эквивалентидан ошмаган миқдорда» сўзларидан кейин «(йиллик экспорт ҳажми 20 миллион АҚШ долларидан ошган экспорт қилувчи корхоналарга 5 миллион АҚШ долларигача эквивалентда)» сўзлари билан тўлдирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 7 сентябрь,
ПФ-6306-сон
Oʻzbekiston Respublikasi Prezidentining
Farmoni
Eksportchi korxonalarni ragʻbatlantirishga oid qoʻshimcha chora-tadbirlar toʻgʻrisida
Respublikamizning eksport salohiyatini oshirish, eksportchi korxonalarni moliyaviy qoʻllab-quvvatlashni yanada kuchaytirish, milliy mahsulotlarning tashqi bozorlardagi raqobatbardoshligini mustahkamlash va valyuta tushumlarini koʻpaytirish, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida:
1. Oʻzbekiston Respublikasi Prezidentining 2020-yil 21-oktabrdagi “Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida”gi PF-6091-son Farmoni va 2021-yil 13-iyuldagi “Eksport faoliyatini moliyaviy qoʻllab-quvvatlashni yanada kuchaytirish toʻgʻrisida”gi PQ-5184-son qaroriga asosan eksport bilan bogʻliq savdo operatsiyalari va eksportoldi moliyalashtirish kreditlari uchun Tiklanish va taraqqiyot jamgʻarmasidan Eksportni ragʻbatlantirish agentligi huzuridagi Eksportni qoʻllab-quvvatlash jamgʻarmasiga 200 million AQSh dollari ajratilganligi maʼlumot uchun qabul qilinsin.
2. Investitsiyalar va tashqi savdo vazirligi hamda Moliya vazirligining 2021-yil 1-oktabrdan boshlab:
Eksportni ragʻbatlantirish agentligi tomonidan yillik eksport hajmi (shu jumladan “reeksport” bojxona rejimida olib chiqilgan qayta ishlash mahsulotlari) hajmi 20 million AQSh dollaridan oshgan korxonalarga eksport (shu jumladan qayta ishlash mahsulotlari reeksporti) bilan bogʻliq savdo operatsiyalari va eksportoldi moliyalashtirish kreditlari uchun tijorat banklari orqali bir martalik moliyaviy resurslar 5 million AQSh dollarigacha miqdorda hamda bir yilgacha muddatga taqdim etilishi;
oxirgi oʻn ikki oy davomida 1 million AQSh dollaridan ortiq tayyor toʻqimachilik mahsulotlarini eksport qilgan korxonalarga asosiy va yordamchi ishlab chiqarishi uchun butlovchi buyumlar, xomashyo va materiallar olib kirishda bojxona toʻlovlarini toʻlash boʻyicha foiz hisoblanmagan hamda ularning toʻlanishini taʼminlash talab etilmagan holda 120 kunga toʻlovni kechiktirish (boʻlib-boʻlib toʻlash) imkoniyatini berish toʻgʻrisidagi takliflariga rozilik berilsin.
Vazirlar Mahkamasi bir oy muddatda tovarlar (ishlar, xizmatlar)ni import qilishda qoʻshilgan qiymat soligʻini toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomga tegishli oʻzgartirish va qoʻshimchalar kiritsin.
3. Belgilab qoʻyilsinki:
tashqi savdo operatsiyalari boʻyicha muddati oʻtgan debitor qarzdorlik uchun xoʻjalik yurituvchi subyektlarga nisbatan jarimalar qoʻllanilishi, shuningdek, ushbu Farmon kuchga kirguniga qadar qoʻllanilgan jarimalar undirilishi 2021-yil 31-dekabrga qadar toʻxtatiladi;
Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasiga Eksportni ragʻbatlantirish agentligi tomonidan korxonalarga eksport bilan bogʻliq savdo operatsiyalari va eksportoldi moliyalashtirish kreditlari uchun tijorat banklari orqali bir martalik moliyaviy resurslar taqdim etish tartibini tasdiqlash va oʻzgartirish kiritish huquqi beriladi.
4. Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi (S.U. Umurzakov) ikki hafta muddatda:
Eksportni ragʻbatlantirish agentligi tomonidan tijorat banklariga eksport bilan bogʻliq savdo operatsiyalari va eksportoldi moliyalashtirish kreditlari uchun bir martalik moliyaviy resurslar taqdim etish tartibiga tegishli oʻzgartirishlar kiritsin;
Yevropa mamlakatlariga qoʻshilgan qiymati yuqori boʻlgan mahsulotlarni eksport qilishda hamda “reeksport” bojxona rejimida qayta ishlash mahsulotlarini olib chiqishda transport xarajatlarining 50 foizini kompensatsiya qilish tizimini bir yil muddatga joriy etsin.
5. Belgilansinki, tariq (TIF TN kodlari 1008 21 000 0, 1008 29 000 0), quritilgan dukkakli ekinlardan olingan un va kukun (TIF TN kodi 1106 10 000 0), meva va yongʻoqlardan olingan un va kukun (TIF TN kodi 1106 30 900 0) eksporti uchun Oʻzbekiston Respublikasi Prezidenti yoki Vazirlar Mahkamasi ruxsati talab qilinmaydi.
6. Oʻzbekiston Respublikasi Prezidentining ayrim farmonlariga ilovaga muvofiq oʻzgartirishlar va qoʻshimcha kiritilsin.
7. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidentining 2021-yil 7-sentabrdagi PF-6306-son Farmoniga ILOVA
Oʻzbekiston Respublikasi Prezidentining ayrim farmonlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2017-yil 15-dekabrdagi “Tashqi bozorlarda mahalliy mahsulotlar eksport qilinishini ragʻbatlantirish va raqobatdoshligini taʼminlash yuzasidan qoʻshimcha chora-tadbirlar toʻgʻrisida”gi PF-5286-son Farmoni 1-ilovasining rus tilidagi matnida :
a) 3-band quyidagi tahrirda bayon etilsin:
“ 3. Zerno: pshenitsa, roj, yachmen, oves, kukuruza, ris, grechixa gruppa 10 (krome 1008 21 000 0, 1008 29 000 0) ” ;
b) 4-band quyidagi tahrirda bayon etilsin:
“ 4. Muka, krupa 1101 00 — 1106 (krome 1106 10 000 0, 1106 30 900 0 ) ” ;
2. Oʻzbekiston Respublikasi Prezidentining 2020-yil 18-avgustdagi “Respublikada eksport va investitsiya salohiyatini yanada rivojlantirishga oid qoʻshimcha chora-tadbirlar toʻgʻrisida”gi PF-6042-son Farmonida :
a) 1-banddagi “Eksport va investitsiyalarni rivojlantirish masalalari boʻyicha Hukumat komissiyasi” soʻzlari “Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin;
b) 1-ilovaning nomidagi “Eksport va investitsiyalarni rivojlantirish masalalari boʻyicha Hukumat komissiyasi” soʻzlari “Tashqi savdo, investitsiyalar, mahalliy sanoatni rivojlantirish va texnik jihatdan tartibga solish masalalari boʻyicha Hukumat komissiyasi” soʻzlari bilan almashtirilsin.
3. Oʻzbekiston Respublikasi Prezidentining 2020-yil 21-oktabrdagi “Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida”gi PF-6091-son Farmoni 5-bandining uchinchi xatboshisi “1 million AQSh dollari ekvivalentidan oshmagan miqdorda” soʻzlaridan keyin “(yillik eksport hajmi 20 million AQSh dollaridan oshgan eksport qiluvchi korxonalarga 5 million AQSh dollarigacha ekvivalentda)” soʻzlari bilan toʻldirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 7-sentabr,
PF-6306-son
Президента Республики Узбекистан
Указ
О дополнительных мерах по стимулированию предприятий-экспортеров
В целях наращивания экспортного потенциала республики, дальнейшего усиления финансовой поддержки предприятий-экспортеров, укрепления конкурентоспособности национальной продукции на внешних рынках и увеличения валютных поступлений, а также обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года по непосредственному изучению проблем и предложений предпринимателей и определению основных направлений последующего развития предпринимательства:
1. Принять к сведению, что на основании Указа Президента Республики Узбекистан от 21 октября 2020 года № УП-6091 «О мерах по дальнейшему расширению финансовой поддержки экспортной деятельности» и постановления Президента Республики Узбекистан от 13 июля 2021 года № ПП-5184 «О дальнейшем усилении финансовой поддержки экспортной деятельности» Фонду по поддержке экспорта при Агентстве продвижения экспорта из Фонда реконструкции и развития выделено 200 миллионов долларов США для кредитов на торговые операции, связанные с экспортом, и предэкспортное финансирование.
2. Согласиться с предложениями Министерства инвестиций и внешней торговли и Министерства финансов о предоставлении с 1 октября 2021 года:
Агентством продвижения экспорта единовременных финансовых ресурсов в размере до 5 миллионов долларов США на срок до одного года предприятиям, годовой объем экспорта (в том числе продуктов переработки, вывезенных в таможенном режиме «реэкспорт») которых превышает 20 миллионов долларов США, для кредитов на торговые операции, связанные с экспортом (в том числе реэкспортом продуктов переработки), и предэкспортного финансирования через коммерческие банки;
возможности отсрочки (рассрочки) на 120 дней уплаты таможенных платежей без начисления процентов и истребования обеспечения оплаты по ним для предприятий, экспортировавших готовую текстильную продукцию на сумму более 1 миллиона долларов США в течение последних двенадцати месяцев, при ввозе ими комплектующих изделий, сырья и материалов для основного и вспомогательного производств.
Кабинету Министров в месячный срок внести соответствующие изменения и дополнения в Положение о порядке предоставления отсрочки по уплате налога на добавленную стоимость для плательщиков налога на добавленную стоимость при импорте товаров (работ, услуг).
3. Установить, что:
на срок до 31 декабря 2021 года приостанавливаются применение штрафных санкций в отношении хозяйствующих субъектов за просроченную дебиторскую задолженность по внешнеторговым операциям, а также взыскание штрафных санкций, наложенных до вступления в силу настоящего Указа;
предоставить Правительственной комиссии по вопросам внешней торговли, инвестиций, развития местной промышленности и технического регулирования право утверждения, а также внесения изменений в Порядок предоставления Агентством продвижения экспорта единовременных финансовых ресурсов предприятиям для кредитов на торговые операции, связанные с экспортом, и предэкспортное финансирование через коммерческие банки.
4. Правительственной комиссии по вопросам внешней торговли, инвестиций, развития местной промышленности и технического регулирования (С.У. Умурзаков) в двухнедельный срок:
внести соответствующие изменения в Порядок предоставления Агентством продвижения экспорта единовременных финансовых ресурсов коммерческим банкам для кредитов на торговые операции, связанные с экспортом, и предэкспортное финансирование;
внедрить сроком на один год систему компенсации 50 процентов транспортных расходов при экспорте продукции с высокой добавленной стоимостью в страны Европы, а также при вывозе продуктов переработки в таможенном режиме «реэкспорт».
5. Определить, что для экспорта проса (коды ТН ВЭД 1008 21 000 0, 1008 29 000 0), муки и порошка из сушеных бобовых культур (код ТН ВЭД 1106 10 000 0), а также муки и порошка из фруктов и орехов (код ТН ВЭД 1106 30 900 0) разрешение Президента Республики Узбекистан или Кабинета Министров не требуется.
6. Внести изменения и дополнение в некоторые указы Президента Республики Узбекистан согласно приложению .
7. Контроль за исполнением настоящего Указа возложить на заместителя Премьер-министра Республики Узбекистан С.У. Умурзакова.
ПРИЛОЖЕНИЕ к Указу Президента Республики Узбекистан от 7 сентября 2021 года № УП-6306
Изменения и дополнение, вносимые в некоторые указы Президента Республики Узбекистан
1. В приложении № 1 к Указу Президента Республики Узбекистан от 15 декабря 2017 года № УП-5286 «О дополнительных мерах по стимулированию экспорта и обеспечению конкурентоспособности отечественных товаров на внешних рынках»:
а) пункт 3 изложить в следующей редакции:
« 3. Зерно: пшеница, рожь, ячмень, овес, кукуруза, рис, гречиха группа 10 (кроме 1008 21 000 0, 1008 29 000 0) ».
б) пункт 4 изложить в следующей редакции:
« 4. Мука, крупа 1101 00 — 1106 (кроме 1106 10 000 0, 1106 30 900 0) ».
2. В Указе Президента Республики Узбекистан от 18 августа 2020 года № УП-6042 «О дополнительных мерах по дальнейшему развитию экспортного и инвестиционного потенциала республики»:
а) в пункте 1 слова «Правительственную комиссию по вопросам развития экспорта и инвестиций» заменить словами «Правительственную комиссию по вопросам внешней торговли, инвестиций, развития местной промышленности и технического регулирования»;
б) в наименовании приложения № 1 слова «Правительственной комиссии по вопросам развития экспорта и инвестиций» заменить словами «Правительственной комиссии по вопросам внешней торговли, инвестиций, развития местной промышленности и технического регулирования».
3. В абзаце третьем пункта 5 Указа Президента Республики Узбекистан от 21 октября 2020 года № УП-6091 «О мерах по дальнейшему расширению финансовой поддержки экспортной деятельности» после слов «в размере, не превышающем в эквиваленте 1 миллиона долларов США» дополнить словами «(предприятиям-экспортерам, годовой объем экспорта которых превышает 20 миллионов долларов США, в эквиваленте до 5 миллионов долларов США),».
Президент Республики Узбекистан Ш. МИРЗИЁЕВ
г. Ташкент,
7 сентября 2021 г.,
№ УП-6306