📅 2021-yil 7-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 7 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 7 сентября 2021 г. · Указы Президента
Официальный текст. Официальный документ. Редакционные примечания не включены.
📅 7 September 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Солиқ мажбуриятларини бажаришда тадбиркорлик субъектларига янада қулай шарт-шароитлар яратиш чора-тадбирлари тўғрисида
Солиқ маъмуриятчилигини янада такомиллаштириш ва солиқ қонунчилигини бузганлик учун жавобгарликни либераллаштириш орқали ишбилармонлик муҳитини яхшилаш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган вазифалар ижросини таъминлаш мақсадида:
1. Белгилансинки, 2022 йил 1 январдан бошлаб:
камерал солиқ текшируви натижалари бўйича аниқланган ҳуқуқбузарликлар учун молиявий санкциялар қўлланилмайди;
тадбиркорлик субъектлари томонидан солиқ ҳисоботини белгиланган муддатларда тақдим этмаганлик учун молиявий санкциялар бекор қилинади.
2. Давлат солиқ қўмитасининг 2022 йил январь — июль ойларида эксперимент тариқасида Хоразм вилояти давлат солиқ бошқармасида ҳисобда турган солиқ тўловчиларнинг қўшилган қиймат солиғи, акциз солиғи, айланмадан олинадиган солиқ ва юридик шахслардан олинадиган ер солиғи бўйича солиқ ҳисоботларининг солиқ органлари томонидан ҳисоблаб чиқарилиши ва шакллантириб берилиши тўғрисидаги таклифи қўллаб-қувватлансин.
3. Шундай тартиб ўрнатилсинки, унга мувофиқ, эксперимент доирасида:
а) солиқ органлари:
юридик шахслардан олинадиган ер солиғини — Кадастр агентлиги органлари маълумотлари асосида;
қўшилган қиймат солиғи, акциз солиғи ва айланмадан олинадиган солиқни — электрон ҳисобварақ-фактура ва онлайн назорат-касса техникаси маълумотлари ҳамда солиқ органларида мавжуд бошқа маълумотлар асосида ҳисоблаб чиқаради ва солиқ ҳисоботини шакллантиради;
б) солиқ органлари томонидан шакллантирилган солиқ ҳисоботи солиқ тўловчилар учун белгиланган тегишли солиқ ҳисоботини тақдим этиш муддатидан камида 10 кун олдин солиқ тўловчининг шахсий кабинети орқали юборилади;
в) солиқ тўловчи солиқ органлари томонидан шакллантирилган солиқ ҳисоботини олган кундан бошлаб 5 кун ичида уни тасдиқлайди ёки, агар эътирозлари мавжуд бўлса, уни рад этган ҳолда, солиқ ҳисоботини қайта ишлайди ва ўрнатилган тартибда солиқ органларига тақдим этади.
4. Давлат солиқ қўмитаси манфаатдор вазирлик ва идоралар билан биргаликда:
а) 2022 йил 1 январга қадар солиқ тўловчиларга қўшилган қиймат солиғи, акциз солиғи ва айланмадан олинадиган солиқни ҳисоблаш учун зарур бўлган солиқ солиш объекти ёки солиқ солиш билан боғлиқ бошқа объектларни электрон ҳисобварақ-фактураларда акс эттириш имкониятларини яратсин;
б) қуйидагиларни Вазирлар Маҳкамасига киритсин:
2021 йил 1 ноябрга қадар қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида, шунингдек, солиқ солиш объекти ва (ёки) солиқ солиш билан боғлиқ бошқа объектлар бўйича маълумот тақдим этиш талабларини бузганлик учун жавобгарлик чораларини кучайтириш бўйича таклифларни;
2022 йил 1 августга қадар эксперимент натижаларини чуқур таҳлил қилган ҳолда уни республиканинг барча ҳудудларидаги солиқ тўловчиларга татбиқ этиш ҳамда солиқ органлари томонидан солиқ ҳисоботи шакллантириладиган солиқлар рўйхатини кенгайтириш бўйича таклифларни.
5. Мазкур Фармон ижросини самарали ташкил қилишга масъул ва шахсий жавобгар этиб Давлат солиқ қўмитаси раиси Ш.Д. Кудбиев белгилансин.
Фармон ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Амалга оширилаётган чора-тадбирлар натижадорлиги юзасидан 2022 йил 1 августгача Ўзбекистон Республикаси Президентига ахборот берилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 7 сентябрь,
ПФ-6307-сон
Oʻzbekiston Respublikasi Prezidentining
Farmoni
Soliq majburiyatlarini bajarishda tadbirkorlik subyektlariga yanada qulay shart-sharoitlar yaratish chora-tadbirlari toʻgʻrisida
Soliq maʼmuriyatchiligini yanada takomillashtirish va soliq qonunchiligini buzganlik uchun javobgarlikni liberallashtirish orqali ishbilarmonlik muhitini yaxshilash, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida:
1. Belgilansinki, 2022-yil 1-yanvardan boshlab:
kameral soliq tekshiruvi natijalari boʻyicha aniqlangan huquqbuzarliklar uchun moliyaviy sanksiyalar qoʻllanilmaydi;
tadbirkorlik subyektlari tomonidan soliq hisobotini belgilangan muddatlarda taqdim etmaganlik uchun moliyaviy sanksiyalar bekor qilinadi.
2. Davlat soliq qoʻmitasining 2022-yil yanvar — iyul oylarida eksperiment tariqasida Xorazm viloyati davlat soliq boshqarmasida hisobda turgan soliq toʻlovchilarning qoʻshilgan qiymat soligʻi, aksiz soligʻi, aylanmadan olinadigan soliq va yuridik shaxslardan olinadigan yer soligʻi boʻyicha soliq hisobotlarining soliq organlari tomonidan hisoblab chiqarilishi va shakllantirib berilishi toʻgʻrisidagi taklifi qoʻllab-quvvatlansin.
3. Shunday tartib oʻrnatilsinki, unga muvofiq, eksperiment doirasida:
a) soliq organlari:
yuridik shaxslardan olinadigan yer soligʻini — Kadastr agentligi organlari maʼlumotlari asosida;
qoʻshilgan qiymat soligʻi, aksiz soligʻi va aylanmadan olinadigan soliqni — elektron hisobvaraq-faktura va onlayn nazorat-kassa texnikasi maʼlumotlari hamda soliq organlarida mavjud boshqa maʼlumotlar asosida hisoblab chiqaradi va soliq hisobotini shakllantiradi;
b) soliq organlari tomonidan shakllantirilgan soliq hisoboti soliq toʻlovchilar uchun belgilangan tegishli soliq hisobotini taqdim etish muddatidan kamida 10 kun oldin soliq toʻlovchining shaxsiy kabineti orqali yuboriladi;
v) soliq toʻlovchi soliq organlari tomonidan shakllantirilgan soliq hisobotini olgan kundan boshlab 5 kun ichida uni tasdiqlaydi yoki, agar eʼtirozlari mavjud boʻlsa, uni rad etgan holda, soliq hisobotini qayta ishlaydi va oʻrnatilgan tartibda soliq organlariga taqdim etadi.
4. Davlat soliq qoʻmitasi manfaatdor vazirlik va idoralar bilan birgalikda:
a) 2022-yil 1-yanvarga qadar soliq toʻlovchilarga qoʻshilgan qiymat soligʻi, aksiz soligʻi va aylanmadan olinadigan soliqni hisoblash uchun zarur boʻlgan soliq solish obyekti yoki soliq solish bilan bogʻliq boshqa obyektlarni elektron hisobvaraq-fakturalarda aks ettirish imkoniyatlarini yaratsin;
b) quyidagilarni Vazirlar Mahkamasiga kiritsin:
2021-yil 1-noyabrga qadar qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida, shuningdek, soliq solish obyekti va (yoki) soliq solish bilan bogʻliq boshqa obyektlar boʻyicha maʼlumot taqdim etish talablarini buzganlik uchun javobgarlik choralarini kuchaytirish boʻyicha takliflarni;
2022-yil 1-avgustga qadar eksperiment natijalarini chuqur tahlil qilgan holda uni respublikaning barcha hududlaridagi soliq toʻlovchilarga tatbiq etish hamda soliq organlari tomonidan soliq hisoboti shakllantiriladigan soliqlar roʻyxatini kengaytirish boʻyicha takliflarni.
5. Mazkur Farmon ijrosini samarali tashkil qilishga masʼul va shaxsiy javobgar etib Davlat soliq qoʻmitasi raisi Sh.D. Kudbiyev belgilansin.
Farmon ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Amalga oshirilayotgan chora-tadbirlar natijadorligi yuzasidan 2022-yil 1-avgustgacha Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 7-sentabr,
PF-6307-son
Президента Республики Узбекистан
Указ
О мерах по созданию более благоприятных условий субъектам предпринимательства при исполнении налоговых обязательств
В целях улучшения деловой среды путем дальнейшего совершенствования налогового администрирования и либерализации ответственности за нарушение налогового законодательства, а также обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года по непосредственному изучению проблем и предложений предпринимателей и определению основных направлений последующего развития предпринимательства:
1. Установить, что с 1 января 2022 года:
финансовые санкции за правонарушения, выявленные по результатам камеральной налоговой проверки, не применяются;
отменяются финансовые санкции за непредставление субъектами предпринимательства налоговой отчетности в установленные сроки.
2. Поддержать предложение Государственного налогового комитета по исчислению и формированию в порядке эксперимента в январе — июле 2022 года налоговыми органами налоговых отчетностей по налогу на добавленную стоимость, акцизному налогу, налогу с оборота, земельному налогу с юридических лиц налогоплательщиков, состоящих на учете в государственном налоговом управлении Хорезмской области.
3. Установить порядок, в соответствии с которым в рамках эксперимента:
а) налоговые органы исчисляют и формируют налоговую отчетность:
по земельному налогу с юридических лиц — на основе данных органов Агентства по кадастру;
по налогу на добавленную стоимость, акцизному налогу и налогу с оборота — на основе данных электронных счетов-фактур и онлайн контрольно-кассовой техники, а также других данных, имеющихся в налоговых органах.
б) налоговая отчетность, сформированная налоговыми органами, направляется через персональный кабинет налогоплательщика не менее чем за 10 дней до установленного срока представления налогоплательщиками соответствующей налоговой отчетности;
в) налогоплательщик в течение 5 дней со дня получения налоговой отчетности, сформированной налоговыми органами, утверждает ее или при наличии возражений — отклоняет, перерабатывает и представляет налоговую отчетность налоговым органам в установленном порядке.
4. Государственному налоговому комитету совместно с заинтересованными министерствами и ведомствами:
а) в срок до 1 января 2022 года создать налогоплательщикам возможность отображения в электронных счетах-фактурах объектов налогообложения либо иных объектов, связанных с налогообложением, необходимых для исчисления налога на добавленную стоимость, акцизного налога и налога с оборота;
б) внести в Кабинет Министров:
в срок до 1 ноября 2021 года предложения об изменениях и дополнениях в акты законодательства, вытекающих из настоящего Указа, а также по усилению мер ответственности за нарушение требований о представлении данных об объектах налогообложения и (или) иных объектах, связанных с налогообложением;
в срок до 1 августа 2022 года предложения по распространению эксперимента на налогоплательщиков во всех регионах республики и расширению перечня налогов, по которым налоговая отчетность формируется налоговыми органами, с проведением глубокого анализа результатов эксперимента.
5. Возложить на председателя Государственного налогового комитета Ш.Д. Кудбиева персональную ответственность за организацию эффективного исполнения настоящего Указа.
Контроль за исполнением настоящего Указа возложить на заместителя Премьер-министра Республики Узбекистан Д.А. Кучкарова.
О результативности осуществляемых мер информировать Президента Республики Узбекистан до 1 августа 2022 года.
Президент Республики Узбекистан Ш. МИРЗИЁЕВ
г. Ташкент,
7 сентября 2021 г.,
№ УП-6307