📅 2021-yil 9-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 9 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 9 сентября 2021 г. · Указы Президента
Официальный текст. Официальный документ. Редакционные примечания не включены.
📅 9 September 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Республика олий таълим муассасаларида таҳсил олаётган, илмий-тадқиқот фаолияти билан шуғулланаётган иқтидорли ёшларни янада қўллаб-қувватлаш тўғрисида
Талаба ёшларни ўз устида мунтазам ишлаш ва илмий-тадқиқот фаолияти билан шуғулланишга ундаш, уларнинг истеъдодларини намоён этиш ва ижодий қобилиятларини ривожлантириш, билимли ва иқтидорли ёшларни янада қўллаб-қувватлаш, шунингдек, 2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид давлат дастурида белгиланган вазифалар ижросини таъминлаш мақсадида:
1. 2021/2022 ўқув йилидан бошлаб:
а) Ўзбекистон Республикаси Президенти давлат стипендияси квотаси:
таянч докторантурада таҳсил олаётган докторантлар ва магистратура босқичи талабалари учун икки баробарга оширилиб, тегишлича 10 та ва 22 та этиб;
бакалавриат босқичи талабалари учун эса ҳар бир олий таълим муассасасига 1 тадан этиб белгилансин;
б) Қорақалпоғистон Республикасидаги олий таълим муассасаларида таҳсил олаётган иқтидорли талабаларни рағбатлантириш мақсадида Ўзбекистон Қаҳрамони, Ўзбекистон ва Қорақалпоғистон халқ ёзувчиси Тўлепберген Қаипбергенов ҳамда Ўзбекистон Қаҳрамони, Ўзбекистон ва Қорақалпоғистон халқ шоири Ибройим Юсупов номли давлат стипендиялари жорий этилсин;
в) Ўзбекистон Республикаси Президенти ва номли давлат стипендиялари давлат олий таълим муассасаларининг қўшма таълим дастурлари асосида таҳсил олаётган ҳамда республикада фаолият юритувчи хорижий олий таълим ташкилотларининг филиаллари ва нодавлат олий таълим ташкилотлари бакалавриат босқичи талабалари учун ҳам татбиқ этилсин.
2. Белгилаб қўйилсинки:
Ўзбекистон Республикаси Президенти ва номли давлат стипендиялари танловларининг дастлабки босқичи олий таълим муассасаси томонидан ўтказилади ва танловнинг навбатдаги босқичига тавсия этиладиган талабгорлар тегишли олий таълим муассасасининг профессор-ўқитувчилари ва талабалари иштирокида аниқланади;
Ўзбекистон Республикаси Президенти ва номли давлат стипендиялари танловлари Вазирлар Маҳкамаси томонидан тасдиқланган тартибга мувофиқ Олий таълим, фан ва инновациялар вазирлигида ташкил этиладиган комиссиялар томонидан ўтказилади;
қўшма таълим дастури асосида давлат олий таълим муассасасини, республикада фаолият юритувчи хорижий олий таълим ташкилотининг филиалини ёки нодавлат олий таълим ташкилотини тамомлаган Ўзбекистон Республикаси Президенти ёки номли давлат стипендияси соҳиби бўлган талабалар ҳам давлат олий таълим муассасаси магистратурасига бакалавриатнинг таълим йўналишига мос ва турдош мутахассислик бўйича кириш имтиҳонларисиз қўшимча давлат гранти асосида қабул қилинади.
3. Олий таълим, фан ва инновациялар вазирлиги:
бир ой муддатда Олий малакали илмий ва илмий-педагог кадрлар ихтисосликлари рўйхати ҳамда Олий таълим йўналишлари ва мутахассисликлари классификаторига мувофиқ таълим соҳаларини инобатга олган ҳолда таянч докторантурада таҳсил олаётган докторантлар ва магистратура босқичи талабалари учун Ўзбекистон Республикаси Президенти ҳамда бакалавриат босқичи талабалари учун номли давлат стипендияларининг танлов йўналишлари рўйхатини тасдиқласин;
ҳар йили бакалавриат босқичи талабалари учун Ўзбекистон Республикаси Президенти ва номли давлат стипендиялари квоталари бўйича таклифларни олий таълим муассасалари кесимида Вазирлар Маҳкамасига тасдиқлаш учун киритиб борсин;
тизимида олий таълим муассасаси мавжуд вазирлик ва идоралар билан биргаликда Ўзбекистон Республикаси Президенти ва номли давлат стипендиялари танловларининг дастлабки босқичи олий таълим муассасалари томонидан шаффоф, адолатли ва юқори савияда ўтказилишини таъминласин.
4. Мазкур Фармонда белгиланган чора-тадбирларни амалга ошириш учун зарур маблағлар 2021 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида тегишли вазирлик ва идораларга ажратилган маблағлар доирасида молиялаштирилади, 2022 йилдан бошлаб эса Давлат бюджети параметрларида назарда тутилади.
5. Ўзбекистон Республикаси Президентининг 1993 йил 5 февралдаги «Ўзбекистоннинг ўқувчи ёшларини рағбатлантириш чоралари тўғрисида»ги ПФ-555-сон Фармонига иловага мувофиқ ўзгартиришлар киритилсин.
6. Олий ва ўрта махсус таълим вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига мазкур Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Мазкур Фармон ижросини самарали ташкил қилишга масъул ва шахсий жавобгар этиб олий ва ўрта махсус таълим вазири А.Х. Тошкулов ҳамда Вазирлар Маҳкамаси ҳузуридаги Давлат тест маркази директори М.М. Каримов белгилансин.
Фармон ижросини назорат қилиш, масъул вазирлик ва идоралар фаолиятини мувофиқлаштириш Бош вазир ўринбосари Б.А. Мусаев ва Ўзбекистон Республикаси Президентининг маслаҳатчиси А.А. Абдувахитов зиммасига юклансин.
Ўзбекистон Республикаси Президентининг 2021 йил 9 сентябрдаги ПФ-6309-сон Фармонига ИЛОВА
Ўзбекистон Республикаси Президентининг 1993 йил 5 февралдаги «Ўзбекистоннинг ўқувчи ёшларини рағбатлантириш чоралари тўғрисида»ги ПФ-555-сон Фармонига киритилаётган ўзгартиришлар
1. 1-банд қуйидаги таҳрирда баён этилсин:
«1. Тадқиқотчилик фаолиятини муваффақиятли амалга ошираётган ва бутун ўқиш даврида аъло баҳоларга ўқиган охирги ўқув йили талабалари учун Ўзбекистон Республикаси Президентининг давлат стипендияси таъсис этилсин. Унинг сони магистратура мутахассисликлари бўйича жами 22 та, бакалавриат таълим йўналишлари бўйича ҳар бир олий таълим муассасаси учун биттадан этиб белгилансин».
2. 2-банд қуйидаги таҳрирда баён этилсин:
«2. Барча фанлардан ўзлаштириш кўрсаткичлари «аъло» (кўпи билан 25 фоизи «яхши») бўлган ҳамда ижодий ишда қатнашадиган бакалавриат таълим йўналишида ўқиётган охирги икки курс (кейинги ўринларда — юқори курс) талабалари учун қуйидаги номли давлат стипендиялари таъсис этилсин: техника йўналишларида — Беруний, тиббиёт йўналишларида — Ибн Сино, гуманитар йўналишларда — Навоий, тасвирий ва амалий санъат ҳамда дизайн йўналишларида — Камолиддин Беҳзод, табиий йўналишларда — Улуғбек, кинематография йўналишида — Худойберган Девонов, Ўзбекистон халқаро ислом академиясида — Имом ал-Бухорий, Қорақалпоғистон Республикасидаги олий таълим муассасаларида — Тўлепберген Қаипбергенов ва Ибройим Юсупов, шунингдек, барча йўналишларда — Ислом Каримов номли.
Белгилансинки:
Беруний, Ибн Сино, Навоий, Камолиддин Беҳзод ва Улуғбек номли давлат стипендиялари бакалавриат таълим йўналишлари бўйича юқори курсларнинг ҳар минг нафар талабасига биттадан;
Имом ал-Бухорий номли давлат стипендияси Ўзбекистон халқаро ислом академиясининг уч нафар юқори курс талабасига;
Худойберган Девонов номли давлат стипендияси кинематография соҳаси учун кадрлар тайёрловчи ҳар бир олий таълим муассасасининг бир нафар юқори курс талабасига;
Тўлепберген Қаипбергенов ва Ибройим Юсупов номли давлат стипендиялари Қорақалпоғистон Республикасидаги ҳар бир олий таълим муассасасининг бир нафар юқори курс талабасига;
Ислом Каримов номли давлат стипендияси ҳар бир олий таълим муассасасининг бир нафар юқори курс талабасига тайинланади».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 9 сентябрь,
ПФ-6309
Oʻzbekiston Respublikasi Prezidentining
Farmoni
Respublika oliy taʼlim muassasalarida tahsil olayotgan, ilmiy-tadqiqot faoliyati bilan shugʻullanayotgan iqtidorli yoshlarni yanada qoʻllab-quvvatlash toʻgʻrisida
Talaba yoshlarni oʻz ustida muntazam ishlash va ilmiy-tadqiqot faoliyati bilan shugʻullanishga undash, ularning isteʼdodlarini namoyon etish va ijodiy qobiliyatlarini rivojlantirish, bilimli va iqtidorli yoshlarni yanada qoʻllab-quvvatlash, shuningdek, 2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid davlat dasturida belgilangan vazifalar ijrosini taʼminlash maqsadida:
1. 2021/2022 oʻquv yilidan boshlab:
a) Oʻzbekiston Respublikasi Prezidenti davlat stipendiyasi kvotasi:
tayanch doktoranturada tahsil olayotgan doktorantlar va magistratura bosqichi talabalari uchun ikki barobarga oshirilib, tegishlicha 10 ta va 22 ta etib;
bakalavriat bosqichi talabalari uchun esa har bir oliy taʼlim muassasasiga 1 tadan etib belgilansin;
b) Qoraqalpogʻiston Respublikasidagi oliy taʼlim muassasalarida tahsil olayotgan iqtidorli talabalarni ragʻbatlantirish maqsadida Oʻzbekiston Qahramoni, Oʻzbekiston va Qoraqalpogʻiston xalq yozuvchisi Toʻlepbergen Qaipbergenov hamda Oʻzbekiston Qahramoni, Oʻzbekiston va Qoraqalpogʻiston xalq shoiri Ibroyim Yusupov nomli davlat stipendiyalari joriy etilsin;
v) Oʻzbekiston Respublikasi Prezidenti va nomli davlat stipendiyalari davlat oliy taʼlim muassasalarining qoʻshma taʼlim dasturlari asosida tahsil olayotgan hamda respublikada faoliyat yurituvchi xorijiy oliy taʼlim tashkilotlarining filiallari va nodavlat oliy taʼlim tashkilotlari bakalavriat bosqichi talabalari uchun ham tatbiq etilsin.
2. Belgilab qoʻyilsinki:
Oʻzbekiston Respublikasi Prezidenti va nomli davlat stipendiyalari tanlovlarining dastlabki bosqichi oliy taʼlim muassasasi tomonidan oʻtkaziladi va tanlovning navbatdagi bosqichiga tavsiya etiladigan talabgorlar tegishli oliy taʼlim muassasasining professor-oʻqituvchilari va talabalari ishtirokida aniqlanadi;
Oʻzbekiston Respublikasi Prezidenti va nomli davlat stipendiyalari tanlovlari Vazirlar Mahkamasi tomonidan tasdiqlangan tartibga muvofiq Oliy taʼlim, fan va innovatsiyalar vazirligida tashkil etiladigan komissiyalar tomonidan oʻtkaziladi;
qoʻshma taʼlim dasturi asosida davlat oliy taʼlim muassasasini, respublikada faoliyat yurituvchi xorijiy oliy taʼlim tashkilotining filialini yoki nodavlat oliy taʼlim tashkilotini tamomlagan Oʻzbekiston Respublikasi Prezidenti yoki nomli davlat stipendiyasi sohibi boʻlgan talabalar ham davlat oliy taʼlim muassasasi magistraturasiga bakalavriatning taʼlim yoʻnalishiga mos va turdosh mutaxassislik boʻyicha kirish imtihonlarisiz qoʻshimcha davlat granti asosida qabul qilinadi.
3. Oliy taʼlim, fan va innovatsiyalar vazirligi:
bir oy muddatda Oliy malakali ilmiy va ilmiy-pedagog kadrlar ixtisosliklari roʻyxati hamda Oliy taʼlim yoʻnalishlari va mutaxassisliklari klassifikatoriga muvofiq taʼlim sohalarini inobatga olgan holda tayanch doktoranturada tahsil olayotgan doktorantlar va magistratura bosqichi talabalari uchun Oʻzbekiston Respublikasi Prezidenti hamda bakalavriat bosqichi talabalari uchun nomli davlat stipendiyalarining tanlov yoʻnalishlari roʻyxatini tasdiqlasin;
har yili bakalavriat bosqichi talabalari uchun Oʻzbekiston Respublikasi Prezidenti va nomli davlat stipendiyalari kvotalari boʻyicha takliflarni oliy taʼlim muassasalari kesimida Vazirlar Mahkamasiga tasdiqlash uchun kiritib borsin;
tizimida oliy taʼlim muassasasi mavjud vazirlik va idoralar bilan birgalikda Oʻzbekiston Respublikasi Prezidenti va nomli davlat stipendiyalari tanlovlarining dastlabki bosqichi oliy taʼlim muassasalari tomonidan shaffof, adolatli va yuqori saviyada oʻtkazilishini taʼminlasin.
4. Mazkur Farmonda belgilangan chora-tadbirlarni amalga oshirish uchun zarur mablagʻlar 2021-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida tegishli vazirlik va idoralarga ajratilgan mablagʻlar doirasida moliyalashtiriladi, 2022-yildan boshlab esa Davlat budjeti parametrlarida nazarda tutiladi.
5. Oʻzbekiston Respublikasi Prezidentining 1993-yil 5-fevraldagi “Oʻzbekistonning oʻquvchi yoshlarini ragʻbatlantirish choralari toʻgʻrisida”gi PF-555-son Farmoniga ilovaga muvofiq oʻzgartirishlar kiritilsin.
6. Oliy va oʻrta maxsus taʼlim vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Mazkur Farmon ijrosini samarali tashkil qilishga masʼul va shaxsiy javobgar etib oliy va oʻrta maxsus taʼlim vaziri A.X. Toshkulov hamda Vazirlar Mahkamasi huzuridagi Davlat test markazi direktori M.M. Karimov belgilansin.
Farmon ijrosini nazorat qilish, masʼul vazirlik va idoralar faoliyatini muvofiqlashtirish Bosh vazir oʻrinbosari B.A. Musayev va Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.
Oʻzbekiston Respublikasi Prezidentining 2021-yil 9-sentabrdagi PF-6309-son Farmoniga ILOVA
Oʻzbekiston Respublikasi Prezidentining 1993-yil 5-fevraldagi “Oʻzbekistonning oʻquvchi yoshlarini ragʻbatlantirish choralari toʻgʻrisida”gi PF-555-son Farmoniga kiritilayotgan oʻzgartirishlar
1. 1-band quyidagi tahrirda bayon etilsin:
“1. Tadqiqotchilik faoliyatini muvaffaqiyatli amalga oshirayotgan va butun oʻqish davrida aʼlo baholarga oʻqigan oxirgi oʻquv yili talabalari uchun Oʻzbekiston Respublikasi Prezidentining davlat stipendiyasi taʼsis etilsin. Uning soni magistratura mutaxassisliklari boʻyicha jami 22 ta, bakalavriat taʼlim yoʻnalishlari boʻyicha har bir oliy taʼlim muassasasi uchun bittadan etib belgilansin”.
2. 2-band quyidagi tahrirda bayon etilsin:
“2. Barcha fanlardan oʻzlashtirish koʻrsatkichlari “aʼlo” (koʻpi bilan 25 foizi “yaxshi”) boʻlgan hamda ijodiy ishda qatnashadigan bakalavriat taʼlim yoʻnalishida oʻqiyotgan oxirgi ikki kurs (keyingi oʻrinlarda — yuqori kurs) talabalari uchun quyidagi nomli davlat stipendiyalari taʼsis etilsin: texnika yoʻnalishlarida — Beruniy, tibbiyot yoʻnalishlarida — Ibn Sino, gumanitar yoʻnalishlarda — Navoiy, tasviriy va amaliy sanʼat hamda dizayn yoʻnalishlarida — Kamoliddin Behzod, tabiiy yoʻnalishlarda — Ulugʻbek, kinematografiya yoʻnalishida — Xudoybergan Devonov, Oʻzbekiston xalqaro islom akademiyasida — Imom al-Buxoriy, Qoraqalpogʻiston Respublikasidagi oliy taʼlim muassasalarida — Toʻlepbergen Qaipbergenov va Ibroyim Yusupov, shuningdek, barcha yoʻnalishlarda — Islom Karimov nomli.
Belgilansinki:
Beruniy, Ibn Sino, Navoiy, Kamoliddin Behzod va Ulugʻbek nomli davlat stipendiyalari bakalavriat taʼlim yoʻnalishlari boʻyicha yuqori kurslarning har ming nafar talabasiga bittadan;
Imom al-Buxoriy nomli davlat stipendiyasi Oʻzbekiston xalqaro islom akademiyasining uch nafar yuqori kurs talabasiga;
Xudoybergan Devonov nomli davlat stipendiyasi kinematografiya sohasi uchun kadrlar tayyorlovchi har bir oliy taʼlim muassasasining bir nafar yuqori kurs talabasiga;
Toʻlepbergen Qaipbergenov va Ibroyim Yusupov nomli davlat stipendiyalari Qoraqalpogʻiston Respublikasidagi har bir oliy taʼlim muassasasining bir nafar yuqori kurs talabasiga;
Islom Karimov nomli davlat stipendiyasi har bir oliy taʼlim muassasasining bir nafar yuqori kurs talabasiga tayinlanadi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 9-sentabr,
PF-6309
Президента Республики Узбекистан
Указ
О дальнейшей поддержке одаренной молодежи, обучающейся и занимающейся научно-исследовательской деятельностью в высших образовательных учреждениях республики
В целях мотивации студенческой молодежи к регулярной работе над собой и занятию научно-исследовательской деятельностью, раскрытия ее талантов и развития творческих способностей, дальнейшей поддержки образованной и талантливой молодежи, а также обеспечения исполнения задач, определенных в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки молодежи и укрепления здоровья населения»:
1. Начиная с 2021/2022 учебного года:
а) установить квоту Государственной стипендии Президента Республики Узбекистан:
для докторантов, обучающихся в базовой докторантуре, и студентов ступени магистратуры, увеличив в два раза, в количестве 10 и 22 соответственно;
для студентов бакалавриата — по одной в каждом высшем образовательном учреждении;
б) в целях стимулирования одаренных студентов, обучающихся в высших образовательных учреждениях в Республике Каракалпакстан, учредить государственные стипендии имени Героя Узбекистана, народного писателя Узбекистана и Каракалпакстана Тулепбергена Каипбергенова и имени Героя Узбекистана, народного поэта Узбекистана и Каракалпакстана Ибройима Юсупова;
в) внедрить Государственную стипендию Президента Республики Узбекистан и государственные именные стипендии также для студентов бакалавриата, обучающихся по совместным образовательным программам государственных высших образовательных учреждений, а также в функционирующих в республике филиалах зарубежных высших образовательных организаций и негосударственных высших образовательных организациях.
2. Установить, что:
предварительный этап конкурса на Государственную стипендию Президента Республики Узбекистан и государственные именные стипендии проводится высшим образовательным учреждением, претенденты, рекомендуемые на очередной этап конкурса, определяются при участии профессоров-преподавателей и студентов соответствующего высшего образовательного учреждения;
конкурсы на Государственную стипендию Президента Республики Узбекистан и государственные именные стипендии проводятся согласно утвержденному Кабинетом Министров порядку комиссиями, создаваемыми в Министерстве высшего образования, науки и инноваций;
студенты-лауреаты Государственной стипендии Президента Республики Узбекистан и государственных именных стипендий, окончившие государственное высшее образовательное учреждение на основе совместной образовательной программы, функционирующие в республике филиал зарубежной высшей образовательной организации или негосударственную высшую образовательную организацию, также принимаются в магистратуру государственного высшего образовательного учреждения по соответствующему направлению образования бакалавриата и смежной специальности без вступительных экзаменов на основе дополнительного государственного гранта.
3. Министерству высшего образования, науки и инноваций:
в месячный срок в соответствии с Перечнем специализаций научных и научно-педагогических кадров высшей квалификации, а также Классификатором направлений и специальностей высшего образования утвердить с учетом образовательных сфер перечень направлений конкурса на Государственную стипендию Президента Республики Узбекистан для докторантов, обучающихся в базовой докторантуре, и студентов ступени магистратуры, а также государственные именные стипендии для студентов бакалавриата;
ежегодно вносить в Кабинет Министров на утверждение предложения по квотам на Государственную стипендию Президента Республики Узбекистан и государственные именные стипендии в разрезе высших образовательных учреждений;
совместно с министерствами и ведомствами, имеющими в своей системе высшее образовательное учреждение, обеспечить проведение предварительного этапа конкурсов на Государственную стипендию Президента Республики Узбекистан и государственные именные стипендии высшими образовательными учреждениями на основе прозрачности, справедливости и на высоком уровне.
4. Средства, необходимые для реализации определенных в настоящем Указе мер, финансируются в рамках средств, выделенных соответствующим министерствам и ведомствам из республиканского бюджета Республики Узбекистан на 2021 год в качестве распределителя бюджетных средств первого уровня, с 2022 года — предусматриваются в параметрах Государственного бюджета.
5. Внести изменения в Указ Президента Республики Узбекистан от 5 февраля 1993 года № УП-555 «О мерах поощрения учащейся молодежи Узбекистана» согласно приложению .
6. Министерству высшего и среднего специального образования совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.
7. Возложить на министра высшего и среднего специального образования А.Х. Тошкулова и директора Государственного центра тестирования при Кабинете Министров М.М. Каримова персональную ответственность за эффективную организацию исполнения настоящего Указа.
Контроль за исполнением Указа, осуществление координации деятельности ответственных министерств и ведомств возложить на заместителя Премьер-министра Б.А. Мусаева и советника Президента Республики Узбекистан А.А. Абдувахитова.
ПРИЛОЖЕНИЕ к Указу Президента Республики Узбекистан от 9 сентября 2021 года № УП-6309
Изменения, вносимые в Указ Президента Республики Узбекистан от 5 февраля 1993 года № УП–555 «О мерах поощрения учащейся молодежи Узбекистана»
1. Пункт 1 изложить в следующей редакции:
«1. Учредить Государственную стипендию Президента Республики Узбекистан для студентов последнего года обучения — отличников всего периода учебы и успешно осуществляющих исследовательскую деятельность. Установить их общее количество по специальностям магистратуры — 22, по направлениям образования бакалавриата — по одному для каждого высшего образовательного учреждения».
2. Пункт 2 изложить в следующей редакции:
«2. Учредить следующие именные государственные стипендии для студентов последних двух курсов (далее — старших курсов) по направлению бакалавриата, у которых показатели успеваемости на уровне «отлично» (максимум 25 процентов на уровне «хорошо») по всем предметам и участвующих в творческой работе: имени Беруни — по техническим направлениям, имени Ибн Сино — по медицинским направлениям, имени Навои — по гуманитарным направлениям, имени Камолиддина Бехзода — по изобразительному и прикладному искусству и дизайну, имени Улугбека — по естественным направлениям, имени Худойбергана Девонова — по направлению кинематографии, имени Имама аль-Бухари — в Международной исламской академии Узбекистана, имени Тулепбергена Каипбергенова и имени Ибрайима Юсупова — в высших образовательных учреждениях в Республике Каракалпакстан, а также имени Ислама Каримова — по всем направлениям.
Установить, что:
государственные стипендии имени Беруни, Ибн Сино, Навои, Камолиддина Бехзода и Улугбека назначаются по одной на каждую тысячу студентов старших курсов по направлениям образования бакалавриата;
государственная стипендия имени Имама аль-Бухари назначается трем студентам старших курсов Международной исламской академии Узбекистана;
государственная стипендия имени Худойбергана Девонова назначается одному студенту старшего курса каждого высшего образовательного учреждения, готовящего кадры для сферы кинематографии;
государственные стипендии имени Тулепбергена Каипбергенова и имени Ибройима Юсупова назначаются соответственно одному студенту старшего курса каждого высшего образовательного учреждения в Республике Каракалпакстан;
государственная стипендия имени Ислама Каримова назначается одному студенту каждого высшего образовательного учреждения».
Президент Республики Узбекистан Ш. МИРЗИЁЕВ
г. Ташкент,
9 сентября 2021 г.,
№ УП-6309