UzbekAI

Ўзбекистон Республикаси Вазирлар Маҳкамасининг

қарори

РЎЙХАТИ

РЎЙХАТ

Республика олий таълим муассасаларида талабаларни турар жой билан қамраб олиш даражасини ошириш чора-тадбирлари тўғрисида

Республика олий таълим муассасаларида талабаларни турар жой билан қамраб олиш даражасини ошириш, барча қулайликларга эга бўлган замонавий талабалар турар жойларини қуриш учун қўшимча шароитлар яратиш мақсадида Вазирлар Маҳкамаси қарор қилади:

1. Олий ва ўрта махсус таълим вазирлиги, Молия вазирлиги ҳамда Иқтисодий тараққиёт ва камбағалликни қисқартириш вазирлигининг республика ҳудудларида талабалар турар жойларини давлат-хусусий шериклик шартлари асосида қуйидаги шаклларда барпо этиш тўғрисидаги таклифи маъқуллансин:

б) талабалар турар жойларини барпо этиш лойиҳаларини тадбиркорлик субъекти ва Давлат бюджети маблағлари ҳисобидан аралаш молиялаштириш. Бунда:

давлат-хусусий шериклик тўғрисидаги битим тадбиркорлик субъекти билан камида 200 ўринли талабалар турар жойини барпо этиш учун тузилади;

хусусий шерикка талабалар турар жойларини қуриш учун лойиҳа-смета ҳужжатлари бўйича бир ўринга тўғри келадиган қийматнинг 50 фоизи, бироқ базавий ҳисоблаш миқдорининг 100 бараваридан ортиқ бўлмаган миқдорда субсидия ажратилади;

талабалар турар жойида яшаш учун тўловлар давлат шериги билан келишилган нархларда хусусий шерик томонидан ундирилади.

Давлат қабул комиссияси томонидан белгиланган тартибда қабул қилинган талабалар турар жойларини сақлаш ва эксплуатация қилиш билан боғлиқ харажатларнинг 50 фоизи, бироқ ҳар бир талабага бир йилда Давлат бюджети ҳисобидан, базавий ҳисоблаш миқдорининг 3 бараваридан ортиқ бўлмаган миқдорда субсидия талабалар турар жойларига жойлаштирилган санадан бошлаб қоплаб борилади.

давлат-хусусий шериклик асосида барпо этилган талабалар турар жойлари давлат шериги томонидан ётоқхонага бўлган эҳтиёж тўлиқ қоплангандан сўнг, бинодан самарали фойдаланиш мақсадида бўш қолган ётоқхона ўринларига ётоқхонага эҳтиёжи бор бошқа олий таълим ташкилотлари талабаларини жойлаштиришга рухсат берилади.

в) талабалар турар жойларини барпо этиш лойиҳаларини тадбиркорлик субъектининг тўлиқ ўз маблағлари ҳисобидан белгиланган шартлар асосида молиялаштириш. Бунда:

давлат-хусусий шериклик тўғрисидаги битим тадбиркорлик субъекти билан камида 400 ўринли талабалар турар жойини барпо этиш шарти билан тузилади;

талабалар турар жойи жами қувватининг камида ярми талабалар учун давлат шериги билан келишилган нархларда ётоқ ўринлари сифатида фойдаланилади ва қолган қисмида ушбу турар жойларнинг бир ойлик тўлов миқдори хусусий шерик томонидан эркин белгиланади;

давлат шериги билан келишилган нархларда талабалар турар жойида яшаган ҳар бир талаба учун битимда белгиланган муддат давомида бир йил учун базавий ҳисоблаш миқдорининг 20 баравари миқдорида Давлат бюджетидан субсидия ажратилади;

талабалар турар жойини сақлаш ва эксплуатация қилиш билан боғлиқ барча харажатлар хусусий шерик ҳисобидан қопланади.

2. Белгилаб қўйилсинки:

а) ушбу қарорнинг 1-банди «в» кичик бандида назарда тутилган тартиб давлат олий таълим муассасаларига тегишли бино ва иншоотларни реконструкция ва жиҳозлаш ишларини тадбиркорлик субъектининг тўлиқ ўз маблағлари ҳисобидан молиялаштириш назарда тутилган лойиҳаларга ҳам татбиқ этилиб, давлат-хусусий шериклик тўғрисидаги битим мавжуд бино ва иншоотларни талабалар турар жойи сифатида фойдаланиш шарти билан тузилади;

б) давлат-хусусий шериклик тўғрисидаги битим муддати тугаган ва тарафлар ўртасида битимни узайтириш бўйича келишувга эришилмаган тақдирда, талабалар турар жойи тегишли давлат олий таълим муассасаси ихтиёрига ўтказилади;

в) талабалар турар жойларини давлат-хусусий шериклик шартлари асосида барпо этиш учун:

Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан Олий ва ўрта махсус таълим вазирлиги ҳамда тизимида давлат олий таълим муассасаси бўлган вазирлик ва идораларнинг сўровномасига асосан талабалар турар жойларини қуриш учун олий таълим муассасасига 0,5 гектаргача бўлган ер майдонлари унга яқин жойлардан ажратилади;

хусусий шерик «Давлат-хусусий шериклик тўғрисида»ги Ўзбекистон Республикаси Қонунига мувофиқ аниқланади ҳамда у билан талабалар турар жойини тасарруф этиш ҳуқуқисиз давлат-хусусий шериклик тўғрисидаги битим тузилади;

г) давлат олий таълим муассасалари талабалар турар жойларини давлат-хусусий шериклик асосида қуриш бўйича лойиҳаларда давлат шериги ҳисобланади;

д 1 ) давлат-хусусий шериклик шартлари асосида талабалар турар жойлари барпо этиш учун талабгор чиқмаган тақдирда, қурилиш харажатлари тенг улушларда давлат олий таълим муассасаси ва Давлат бюджети маблағлари ҳисобидан амалга оширилади. Талабалар турар жойларини қуриш ишлари олий таълим муассасасининг ўз маблағлари ҳисобидан амалга оширилган тақдирда, Давлат бюджети маблағлари ҳисобидан қопланадиган қисми кейинчалик субсидия шаклида молиялаштириб берилади;

д 2 ) заруратга кўра, Олий таълим, фан ва инновациялар вазирлигига Иқтисодиёт ва молия вазирлиги билан келишилган ҳолда 1 ва 1а-иловалари билан тасдиқланган рўйхатларга тегишли ўзгартириш ва қўшимчалар киритиб бориш ваколати берилади.

д 3 ) хусусий шерик томонидан барпо этилган талабалар турар жойи ҳамда ётоқхона учун ажратилган ер майдонида битимда белгиланган ётоқ ўринларидан ташқари қонунчилик ҳужжатларида тақиқланмаган тадбиркорлик фаолияти билан шуғулланишга ҳамда ётоқхона учун ажратилган қисмидан ортган майдонини ижарага беришга рухсат этилади;

д 4 ) 2027 йил 1 январдан бошлаб давлат-хусусий шериклик асосида барпо этилган талабалар турар жойларида яшовчи талабалар учун Давлат бюджетидан ҳар ойлик субсидия Олий таълим, фан ва инновациялар вазирлиги томонидан ишлаб чиқиладиган махсус платформада шахсни биометрик идентификация қилиш технологияси орқали шаклланган маълумотлар асосида ажратилади.

3. Давлат олий таълим муассасасининг буюртмаси ва тадбиркорлик субъектининг ташаббуси асосида тадбиркорга тегишли ер майдони ёки бинода камида 50 ўринли талабалар турар жойларини ташкил этиш 2026 йил 1 июлдан бошлаб тўхтатилсин (амалдаги лойиҳалар битим муддати тугагунга қадар сақланиб қолинади).

Бунда, талабалардан ҳар ой яшаш учун йиғиладиган тўлов давлат олий таълим муассасаси билан келишилади ҳамда ушбу нархда талабалар турар жойида яшаган ҳар бир талаба учун тадбиркорлик субъектига битимда белгиланган муддат давомида бир ўқув йили учун базавий ҳисоблаш миқдорининг 15 баравари миқдорида Давлат бюджетидан субсидия ажратилади.

4. Давлат олий таълим муассасаларига «Давлат-хусусий шериклик тўғрисида»ги Қонунга мувофиқ, ўқув ва ижтимоий инфратузилма объектларини қуриш бўйича давлат-хусусий шериклик лойиҳаларини муассасанинг бюджетдан ташқари маблағлари ҳисобидан қисман молиялаштиришга рухсат берилсин.

Бунда талабалар турар жойларини қуриш бўйича лойиҳалар тадбиркорлик субъекти ва давлат олий таълим ташкилотининг бюджетдан ташқари маблағлари ҳисобидан аралаш молиялаштириш орқали амалга оширилганда, уларни сақлаш ва эксплуатация қилиш билан боғлиқ харажатлар ушбу қарорнинг 1-банди «б» кичик банди бешинчи хатбошисига мувофиқ молиялаштирилади.

6. Энергетика вазирлиги талабалар турар жойлари учун ажратилган ер майдонларида ташқи муҳандислик коммуникацияларини қуриш тегишлилиги бўйича «Ҳудудгазтаъминот» АЖ ва «Ҳудудий электр тармоқлари» АЖ ҳисобидан амалга оширилишини таъминласин.

7. Қуйидагиларга рухсат берилсин:

Олий таълим, фан ва инновациялар вазирлиги марказий аппарати тузилмасида давлат-хусусий шериклик асосида ва тадбиркорлик субъектлари билан биргаликда молиялаштириладиган лойиҳаларни мувофиқлаштирувчи Олий таълим муассасаларини ривожлантириш жамғармаси ҳисобидан молиялаштириладиган қўшимча учта штат бирлигидан иборат бўлим 2031 йил 1 январга қадар фаолият юритади.

мазкур қарорнинг 1-банди «б» кичик бандида назарда тутилган шаклдан бошқа шаклларда қурилган талабалар турар жойларида қонунчиликда тақиқланмаган тадбиркорлик фаолияти билан шуғулланиш учун ажратилган, бироқ бино умумий майдонининг 20 фоизидан ошмаган қисмига бўлган мулк ҳуқуқини (ер майдони, умумий фойдаланишга мўлжалланган коммуникация қисмига эгалик ҳуқуқи бундан мустасно) хусусий шерикка (маҳаллий инвесторлар учун) талабалар турар жойлари фойдаланишга топширилган пайт ўтказишга;

давлат-хусусий шериклик шартлари асосида талабалар турар жойларини қуриш учун авралроқ давлат шериги, ваколатли давлат органи ва бошқа махсус веб-сайтларда эълон қилинган концепцияларни эълон қилиш муддатини қўшимча 10 кунга узайтирган ҳолда мазкур қарорда белгиланган шартларга мувофиқ ўзгартиришга;

давлат-хусусий шериклик битим муддатини талабалар турар жойларини қуриш учун сарфланган маблағларнинг қопланиш муддатига 2,3 коэффициентни қўллаш орқали белгилашга.

8. 2021 йил 1 сентябрдан бошлаб талабалар билан ишлаш бўйича «гуруҳ мураббийи» институти бекор қилинсин ҳамда давлат олий таълим муассасалари 1 — 3-курс талабаларининг маънавий ва ижтимоий ҳолатини доимий равишда таҳлил қилиб борувчи, мавжуд муаммоларни бартараф этишда яқиндан ёрдам кўрсатувчи тьюторларни бириктириш амалиёти йўлга қўйилсин. Бунда:

ҳар 120 — 150 нафар талабага 1 та штат бирлиги ҳисобида «Тьютор» лавозими киритилсин ҳамда унинг ойлик маоши «Ўқитувчи-стажёр» базавий лавозим маошига тенглаштирилсин;

Олий ва ўрта махсус таълим вазирлиги ҳузуридаги «Маънавият ва маърифат» маркази тузилмасида амалдаги штатлар доирасида учта штат бирлигидан иборат Тьюторлар фаолиятини мувофиқлаштириш ва мониторинг қилиш бўлими ташкил этилсин.

9. Молия вазирлиги бир ой муддатда:

Давлат солиқ қўмитаси билан биргаликда жисмоний шахсларнинг уй-жойларини талабаларга ижарага бериш фаолияти бўйича олган даромадларини солиқдан озод этиш юзасидан Солиқ кодексига ўзгартириш киритишни назарда тутувчи қонун лойиҳасини;

Олий ва ўрта махсус таълим вазирлиги билан биргаликда талабалар турар жойлари қурилиши учун Давлат бюджетидан субсидия ажратиш тартибини Вазирлар Маҳкамасига киритсин.

10. Давлат солиқ қўмитаси:

икки ой муддатда ижара шартномаларини ҳисобга қўйиш электрон тизимида шартномаларни ҳисобга қўйиш ва солиқ тўловларини амалга оширишнинг соддалаштирилган рақамли имзосиз шаклини ишга тушириш чораларини кўрсин;

уч ой муддатда ижара шартномаларини ҳисобга қўйиш электрон тизимини Олий ва ўрта махсус таълим вазирлиги ва тизимида олий таълим муассасаси бўлган вазирлик ва идораларнинг талабалар электрон базаси билан интеграция қилсин ҳамда ўз уй-жойларини ижарага берувчи жисмоний шахсларни даромад солиғидан озод этишнинг автоматлашган тизимини яратсин.

11. Олий ва ўрта махсус таълим вазирлиги:

а) уч ой муддатда Ички ишлар вазирлиги ва Соғлиқни сақлаш вазирлиги билан биргаликда талабаларни яшаш жойи бўйича рўйхатга қўйиш, уларнинг турмуш шароити ва соғлиғидан хабар олиш бўйича тегишлича таълим муассасаси раҳбарлари, маҳалла фуқаролар йиғини раиси, унинг ҳуқуқ-тартибот масалалари бўйича ўринбосари ва бирламчи тиббий-санитария ёрдами муассасаси раҳбарларининг шахсий жавобгарлигини, шунингдек, электрон маълумот алмашинувини йўлга қўйишни назарда тутувчи алоҳида тартиб ишлаб чиқиб, тасдиқласин;

б) 2022 йил 1 январга қадар:

Ахборот технологиялари ва коммуникацияларини ривожлантириш вазирлиги ҳамда Ички ишлар вазирлиги билан биргаликда «Манзил» автоматлаштирилган ахборот тизими билан интеграциялашган олий таълим муассасалари талабаларининг ҳудуд ва олий таълим муассасаси кесимидаги электрон базасини яратсин;

Олий таълим муассасаларини ривожлантириш жамғармаси ҳисобидан талабалар учун турар жой қидиришга ихтисослашган электрон платформани ишлаб чиқсин, талабалар турар жойи ва хусусий хонадонлардан ижарага турар жой қидиришнинг ишончли тизимини йўлга қўйсин ҳамда доимий равишда янгилаб борилишини таъминласин.

12. Талабаларни турар жой билан қамраб олиш даражасини ошириш бўйича ишларни самарали ташкил этиш мақсадида:

а) қурилиш вазири Б. Зокиров талабалар турар жойларида бир нафар талабага тўғри келадиган яшаш майдонини мақбуллаштириш бўйича шаҳарсозлик фаолиятини техник жиҳатдан тартибга солиш соҳасидаги норматив ҳужжатларга тегишли ўзгартиришлар киритиш;

б) олий ва ўрта махсус таълим вазири А. Тошкулов ҳамда тизимида давлат олий таълим муассасаси мавжуд вазирлик ва идоралар раҳбарлари талабалар турар жойларида қўшимча маиший хизмат турларини жорий этиш, соғлом овқатланиш учун шароит яратиш ва бошқа хизмат турларини йўлга қўйиш ҳисобига талабалар турар жойларини босқичма-босқич ўзини ўзи молиялаштириш тизимига ўтказиш;

в) молия вазири Т. Ишметов давлат-хусусий шериклик ва давлат олий таълим муассасасининг буюртмаси асосида талабалар турар жойини барпо этиш бўйича лойиҳаларга Давлат бюджетидан субсидия ажратиш учун зарур бўлган маблағларни 2022 йил ва келгуси йиллар учун бюджет параметрларини шакллантиришда назарда тутиб бориш;

г) Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари:

талабалар турар жойларини қуриш учун мазкур қарорга 1-иловага асосан ер майдонларини олий таълим муассасаларига улар жойлашган ҳудудга яқин жойлардан 2022 йил 1 январга қадар доимий фойдаланиш ҳуқуқи асосида ажратиш;

давлат олий таълим муассасаларига талабалар турар жойи бинолари ва тегишли ижтимоий инфратузилма объектларини қуриш учун давлат-хусусий шериклик асосидаги лойиҳаларга хусусий шерикларни жалб қилишга кўмаклашиб бориш;

ўз ҳудудида талабаларни турар жой билан таъминлаш, талабалар турар жойига туташ ҳудудларда талабалар учун зарур транспорт ва ижтимоий инфратузилма объектларининг яратилиши ва фаолият юритиши учун масъул ва жавобгар этиб белгилансин.

13. Ўзбекистон Республикаси Ҳукуматининг айрим қарорларига 2-иловага мувофиқ ўзгартириш ва қўшимчалар киритилсин.

14. Олий ва ўрта махсус таълим вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

15. Мазкур қарорнинг бажарилишини назорат қилиш Ўзбекистон Республикаси Бош вазирининг ижтимоий ривожлантириш масалалари бўйича ўринбосари Б.А. Мусаев, олий ва ўрта махсус таълим вазири А.Х. Тошкулов ҳамда молия вазири Т.А. Ишметов зиммасига юклансин.

Вазирлар Маҳкамасининг 2021 йил 9 сентябрдаги 563-сон қарорига 1-ИЛОВА

Ҳудудларда талабалар турар жойларини қуриш учун олий таълим муассасаларига доимий фойдаланиш ҳуқуқи асосида ажратилаётган ер майдонлари

Т/р Олий таълим муассасаси номи Жами барпо этиладиган талабалар турар жойлари Олий таълим муассасаси ҳудудида барпо этиладиган талабалар турар жойлари Олий таълим муассасасига яқин ҳудудда барпо этиладиган талабалар турар жойлари Йиллар бўйича (талабалар турар жойлари сони) сони қуввати ер майдони сони қуввати ер майдони сони қуввати ер майдони 2022 йил 2023 йил 2024 йил 2025 йил (га) (га) (га) Республика бўйича жами: 189 90 676 64,4 172 82 764 58,9 17 7 912 5,5 36 56 55 42 Қорақалпоғистон Республикаси 14 5 600 4,2 14 5 600 4,2 2 3 5 4 1. Бердақ номидаги Қорақалпоқ давлат университети 5 2 000 1,5 5 2 000 1,5 1 1 1 2 2. Ажиниёз номидаги Нукус давлат педагогика институти 4 1 600 1,2 4 1 600 1,2 1 1 1 1 3. Нукус давлат техника университети 1 400 0,3 1 400 0,3 1 4. Қорақалпоғистон қишлоқ хўжалиги ва агротехнологиялар институти 1 400 0,3 1 400 0,3 1 5. Ўзбекистон давлат жисмоний тарбия ва спорт университетининг Нукус филиали 1 400 0,3 1 400 0,3 1 6. Тошкент давлат иқтисодиёт университетининг Тўрткўл факультети 1 400 0,3 1 400 0,3 1 7. Самарқанд давлат ветеринария медицинаси, чорвачилик ва биотехнологиялар университети Нукус филиали 1 400 0,3 1 400 0,3 1 Андижон вилояти 16 6 350 4,8 16 6 350 4,8 4 7 2 3 8. Заҳириддин Муҳаммад Бобур номидаги Андижон давлат университети 3 1 200 0,9 3 1 200 0,9 1 1 1 9. Андижон давлат техника институти 4 1 550 1,2 4 1 550 1,2 2 2 10. Андижон давлат тиббиёт институти 2 800 0,6 2 800 0,6 1 1 11. Андижон давлат педагогика институти 2 800 0,6 2 800 0,6 1 1 12. Андижон қишлоқ хўжалиги ва агротехнологиялар институти 3 1 200 0,9 3 1 200 0,9 1 1 1 13. Андижон давлат чет тиллари институти 2 800 0,6 2 800 0,6 1 1 Бухоро вилояти 10 4 000 3,0 10 4 000 3,0 3 2 4 1 14. Бухоро давлат университети 4 1 600 1,2 4 1 600 1,2 2 1 1 15. Бухоро давлат техника университети 3 1 200 0,9 3 1 200 0,9 1 1 1 16. Бухоро давлат педагогика институти 1 400 0,3 1 400 0,3 1 17. Абу Али ибн Сино номидаги Бухоро давлат тиббиёт институти 2 800 0,6 2 800 0,6 1 1 Жиззах вилояти 7 3 250 2,7 7 3 250 2,7 1 3 1 2 18. Жиззах политехника институти 3 1 200 1,2 3 1 200 1,2 1 1 1 19. Абдулла Қодирий номидаги Жиззах давлат педагогика университети 4 2 050 1,5 4 2 050 1,5 2 1 1 Қашқадарё вилояти 7 2 780 2,4 7 2 780 2,4 3 2 1 1 20. Қарши давлат университети 2 600 0,6 2 600 0,6 2 21. Қарши давлат техника университети 4 1 780 1,5 4 1 780 1,5 1 1 1 1 22. Шаҳрисабз давлат педагогика институти 1 400 0,3 1 400 0,3 1 Навоий вилояти 3 1 200 0,9 3 1 200 0,9 1 1 1 23. Навоий давлат кончилик ва технологиялар университети 3 1 200 0,9 3 1 200 0,9 1 1 1 Наманган вилояти 8 4 000 3,0 8 4 000 3,0 1 2 3 2 24. Наманган давлат университети 4 1 600 1,2 4 1 600 1,2 1 1 1 1 25. Наманган давлат техника университети 2 1 600 1,2 2 1 600 1,2 1 1 26. Исъҳоқхон Ибрат номидаги Наманган давлат чет тиллари институти 2 800 0,6 2 800 0,6 1 1 Самарқанд вилояти 24 9 440 7,2 19 7 600 5,7 5 1 840 1,5 5 7 7 5 27. Шароф Рашидов номидаги Самарқанд давлат университети 7 2 800 2,1 7 2 800 2,1 0 0 0,0 3 2 1 1 28. Самарқанд давлат чет тиллар институти 2 800 0,6 1 400 0,3 1 400 0,3 1 1 29. Самарқанд иқтисодиёт ва сервис институти 2 640 0,6 1 400 0,3 1 240 0,3 0 2 0 0 30. Самарқанд давлат ветеринария медицинаси, чорвачилик ва биотехнологиялар университети 3 1 200 0,9 3 1 200 0,9 1 1 1 31. Самарқанд давлат тиббиёт университети 3 1 200 0,9 1 400 0,3 2 800 0,6 1 1 1 32. «Ипак йўли» туризм ва маданий мерос халқаро университети 1 400 0,3 1 400 0,3 1 33. Самарқанд агроинновациялар ва тадқиқотлар институти 1 400 0,3 1 400 0,3 1 34. Самарқанд давлат техника университети 2 800 0,6 2 800 0,6 1 1 35. Самарқанд давлат педагогика институтининг Ургут факультети 3 1 200 0,9 2 800 0,6 1 400 0,3 0 0 2 1 Сурхондарё вилояти 12 4 800 3,6 12 4 800 3,6 1 3 4 4 36. Термиз давлат университети 5 2 000 1,5 5 2 000 1,5 1 1 2 1 37. Денов тадбиркорлик ва педагогика институти 2 800 0,6 2 800 0,6 1 1 38. Термиз давлат муҳандислик ва агротехнологиялар университети 1 400 0,3 1 400 0,3 1 39. Термиз давлат педагогика институти 2 800 0,6 2 800 0,6 1 1 40. Тошкент давлат тиббиёт университети Термиз филиали 2 800 0,6 2 800 0,6 1 1 Сирдарё вилояти 6 2 400 1,8 6 2 400 1,8 1 2 1 2 41. Гулистон давлат университети 3 1 200 0,9 3 1 200 0,9 1 1 1 42. Тошкент кимё технология институтининг Янгиер филиали 1 400 0,3 1 400 0,3 1 43. Гулистон давлат педагогика институти 2 800 0,6 2 800 0,6 1 1 Тошкент вилояти 8 3 200 2,4 8 3 200 2,4 3 2 1 2 44. Чирчиқ давлат педагогика университети 4 1 600 1,2 4 1 600 1,2 2 1 1 45. Олмалиқ давлат техника институти 2 800 0,6 2 800 0,6 1 1 46. Тошкент давлат аграр университети 2 800 0,6 2 800 0,6 2 Фарғона вилояти 18 7 200 5,4 13 5 200 3,9 5 2 000 1,5 5 5 6 2 47. Фарғона давлат университети 7 2 800 2,1 6 2 400 1,8 1 400 0,3 2 2 2 1 48. Фарғона давлат техника университети 5 2 000 1,5 3 1 200 0,9 2 800 0,6 2 1 2 49. Қўқон давлат университети 5 2 000 1,5 3 1 200 0,9 2 800 0,6 1 1 2 1 50. Фарғона жамоат саломатлиги тиббиёт институти 1 400 0,3 1 400 0,3 1 Хоразм вилояти 8 3 500 2,7 8 3 500 2,7 1 3 2 2 51. Абу Райҳон Беруний номидаги Урганч давлат университети 4 1 600 1,2 4 1 600 1,2 1 1 1 1 52. Урганч давлат тиббиёт институти 3 1 300 1,2 3 1 300 1,2 1 1 1 53. Урганч давлат педагогика институти 1 600 0,3 1 600 0,3 1 Тошкент шаҳри 48 32 956 20,3 41 28 884 17,8 7 4 072 2,5 6 14 17 11 54. Мирзо Улуғбек номидаги Ўзбекистон Миллий университети 5 6 200 4,7 5 6 200 4,7 2 2 1 55. Тошкент давлат иқтисодиёт университети 5 3 140 1,8 5 3 140 1,8 3 1 1 56. Тошкент давлат шарқшунослик университети 2 1 120 0,9 2 1 120 0,9 1 1 57. Ислом Каримов номидаги Тошкент давлат техника университети 4 3 300 1,5 4 3 300 1,5 1 1 2 58. Низомий номидаги Ўзбекистон миллий педагогика университети 7 3 520 2,1 7 3 520 2,1 3 2 2 59. Алишер Навоий номидаги Тошкент давлат ўзбек тили ва адабиёти университети 1 832 0,3 1 832 0,3 1 60. Ўзбекистон давлат жаҳон тиллари университети 9 5 100 3,0 9 5 100 3,0 1 2 4 2 61. Ўзбекистон давлат санъат ва маданият институти 3 840 0,9 3 840 0,9 1 1 1 62. Тошкент давлат тиббиёт университети 7 5 200 3,0 5 3 200 2,0 2 2 000 1,0 1 2 2 2 63. Ўзбекистон халқаро исломшунослик академияси 1 400 0,3 1 400 0,3 1 64. Тошкент архитектура-қурилиш университети 1 1 440 0,6 1 1 440 0,6 1 65. Камолиддин Беҳзод номидаги Миллий рассомлик ва дизайн институти 1 624 0,3 1 624 0,3 1 66. Самарқанд давлат ветеринария медицинаси, чорвачилик ва биотехнологиялар университети Тошкент филиали 1 400 0,3 1 400 0,3 1 67. «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университети 1 840 0,6 1 840 0,6 1

Вазирлар Маҳкамасининг 2021 йил 9 сентябрдаги 563-сон қарорига 1а-ИЛОВА

Республика олий таълим муассасаларида 2026 — 2030 йиллар давомида олийгоҳларда талабалар турар жойларини барпо этиш бўйича

Вазирлар Маҳкамасининг 2021 йил 9 сентябрдаги 563-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

2. Вазирлар Маҳкамасининг «Самарқанд давлат университети фаолиятини янада такомиллаштириш чора-тадбирлари тўғрисида» 2018 йил 24 июлдаги 571-сон қарори 6-банди қуйидаги мазмундаги хатбоши билан тўлдирилсин:

«2021 йил ва келгуси йилларда мазкур банднинг биринчи хатбошисида назарда тутилган ишларни Университетнинг бюджетдан ташқари маблағлари ҳисобидан бажариш бўйича буюртмачи этиб — Университет белгилансин».

3. Вазирлар Маҳкамасининг 2019 йил 26 февралдаги 172-сон қарори билан тасдиқланган Ўзбекистон Республикаси Олий ва ўрта махсус таълим вазирлигининг Олий таълим муассасаларини ривожлантириш жамғармаси тўғрисидаги низомда :

а) 9-банд қуйидаги мазмундаги ўн саккизинчи хатбоши билан тўлдирилсин:

«Вазирлик ташкилий тузилмасига кирувчи ташкилотлар ходимларининг ижтимоий ҳимоясини таъминлаш мақсадида уларнинг ойлик маошларига устамалар белгилаш, моддий рағбатлантириш ҳамда моддий-техника базасини мустаҳкамлаш билан боғлиқ харажатларни қоплашга»;

б) 27-банддаги «Молиялаштириш ва бухгалтерия ҳисоби бошқармаси» сўзлари «Иқтисодиёт бошқармаси» сўзлари билан алмаштирилсин;

в) 29-банддаги «Молиялаштириш ва бухгалтерия ҳисоби бошқармаси» сўзлари «Бюджет ҳисоби методологияси ва бухгалтерия ҳисоботи таҳлили бошқармаси» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2021 йил 9 сентябрь,

563-сон

(Қонунчилик маълумотлари миллий базаси, 10.09.2021 й., 09/21/563/0859-сон; 26.03.2022 й., 09/22/135/0242-сон; 01.04.2022 й., 06/22/94/0256-сон; 07.05.2022 й., 09/22/239/0392-сон; 15.12.2023 й., 09/23/660/0938-сон; 13.06.2025 й., 09/25/362/0507-сон; 03.07.2026 й., 09/26/353/0680-сон)

lex.uz

Oʻzbekiston Respublikasi Vazirlar Mahkamasining

qarori

ROʻYXATI

ROʻYXAT

Respublika oliy taʼlim muassasalarida talabalarni turar joy bilan qamrab olish darajasini oshirish chora-tadbirlari toʻgʻrisida

Respublika oliy taʼlim muassasalarida talabalarni turar joy bilan qamrab olish darajasini oshirish, barcha qulayliklarga ega boʻlgan zamonaviy talabalar turar joylarini qurish uchun qoʻshimcha sharoitlar yaratish maqsadida Vazirlar Mahkamasi qaror qiladi:

1. Oliy va oʻrta maxsus taʼlim vazirligi, Moliya vazirligi hamda Iqtisodiy taraqqiyot va kambagʻallikni qisqartirish vazirligining respublika hududlarida talabalar turar joylarini davlat-xususiy sheriklik shartlari asosida quyidagi shakllarda barpo etish toʻgʻrisidagi taklifi maʼqullansin:

b) talabalar turar joylarini barpo etish loyihalarini tadbirkorlik subyekti va Davlat budjeti mablagʻlari hisobidan aralash moliyalashtirish. Bunda:

davlat-xususiy sheriklik toʻgʻrisidagi bitim tadbirkorlik subyekti bilan kamida 200 oʻrinli talabalar turar joyini barpo etish uchun tuziladi;

xususiy sherikka talabalar turar joylarini qurish uchun loyiha-smeta hujjatlari boʻyicha bir oʻringa toʻgʻri keladigan qiymatning 50 foizi, biroq bazaviy hisoblash miqdorining 100 baravaridan ortiq boʻlmagan miqdorda subsidiya ajratiladi;

talabalar turar joyida yashash uchun toʻlovlar davlat sherigi bilan kelishilgan narxlarda xususiy sherik tomonidan undiriladi.

Davlat qabul komissiyasi tomonidan belgilangan tartibda qabul qilingan talabalar turar joylarini saqlash va ekspluatatsiya qilish bilan bogʻliq xarajatlarning 50 foizi, biroq har bir talabaga bir yilda Davlat budjeti hisobidan, bazaviy hisoblash miqdorining 3 baravaridan ortiq boʻlmagan miqdorda subsidiya talabalar turar joylariga joylashtirilgan sanadan boshlab qoplab boriladi.

davlat-xususiy sheriklik asosida barpo etilgan talabalar turar joylari davlat sherigi tomonidan yotoqxonaga boʻlgan ehtiyoj toʻliq qoplangandan soʻng, binodan samarali foydalanish maqsadida boʻsh qolgan yotoqxona oʻrinlariga yotoqxonaga ehtiyoji bor boshqa oliy taʼlim tashkilotlari talabalarini joylashtirishga ruxsat beriladi.

v) talabalar turar joylarini barpo etish loyihalarini tadbirkorlik subyektining toʻliq oʻz mablagʻlari hisobidan belgilangan shartlar asosida moliyalashtirish. Bunda:

davlat-xususiy sheriklik toʻgʻrisidagi bitim tadbirkorlik subyekti bilan kamida 400 oʻrinli talabalar turar joyini barpo etish sharti bilan tuziladi;

talabalar turar joyi jami quvvatining kamida yarmi talabalar uchun davlat sherigi bilan kelishilgan narxlarda yotoq oʻrinlari sifatida foydalaniladi va qolgan qismida ushbu turar joylarning bir oylik toʻlov miqdori xususiy sherik tomonidan erkin belgilanadi;

davlat sherigi bilan kelishilgan narxlarda talabalar turar joyida yashagan har bir talaba uchun bitimda belgilangan muddat davomida bir yil uchun bazaviy hisoblash miqdorining 20 baravari miqdorida Davlat budjetidan subsidiya ajratiladi;

talabalar turar joyini saqlash va ekspluatatsiya qilish bilan bogʻliq barcha xarajatlar xususiy sherik hisobidan qoplanadi.

2. Belgilab qoʻyilsinki:

a) ushbu qarorning 1-bandi “v” kichik bandida nazarda tutilgan tartib davlat oliy taʼlim muassasalariga tegishli bino va inshootlarni rekonstruksiya va jihozlash ishlarini tadbirkorlik subyektining toʻliq oʻz mablagʻlari hisobidan moliyalashtirish nazarda tutilgan loyihalarga ham tatbiq etilib, davlat-xususiy sheriklik toʻgʻrisidagi bitim mavjud bino va inshootlarni talabalar turar joyi sifatida foydalanish sharti bilan tuziladi;

b) davlat-xususiy sheriklik toʻgʻrisidagi bitim muddati tugagan va taraflar oʻrtasida bitimni uzaytirish boʻyicha kelishuvga erishilmagan taqdirda, talabalar turar joyi tegishli davlat oliy taʼlim muassasasi ixtiyoriga oʻtkaziladi;

v) talabalar turar joylarini davlat-xususiy sheriklik shartlari asosida barpo etish uchun:

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan Oliy va oʻrta maxsus taʼlim vazirligi hamda tizimida davlat oliy taʼlim muassasasi boʻlgan vazirlik va idoralarning soʻrovnomasiga asosan talabalar turar joylarini qurish uchun oliy taʼlim muassasasiga 0,5 gektargacha boʻlgan yer maydonlari unga yaqin joylardan ajratiladi;

xususiy sherik “Davlat-xususiy sheriklik toʻgʻrisida”gi Oʻzbekiston Respublikasi Qonuniga muvofiq aniqlanadi hamda u bilan talabalar turar joyini tasarruf etish huquqisiz davlat-xususiy sheriklik toʻgʻrisidagi bitim tuziladi;

g) davlat oliy taʼlim muassasalari talabalar turar joylarini davlat-xususiy sheriklik asosida qurish boʻyicha loyihalarda davlat sherigi hisoblanadi;

d 1 ) davlat-xususiy sheriklik shartlari asosida talabalar turar joylari barpo etish uchun talabgor chiqmagan taqdirda, qurilish xarajatlari teng ulushlarda davlat oliy taʼlim muassasasi va Davlat budjeti mablagʻlari hisobidan amalga oshiriladi. Talabalar turar joylarini qurish ishlari oliy taʼlim muassasasining oʻz mablagʻlari hisobidan amalga oshirilgan taqdirda, Davlat budjeti mablagʻlari hisobidan qoplanadigan qismi keyinchalik subsidiya shaklida moliyalashtirib beriladi;

d 2 ) zaruratga koʻra, Oliy taʼlim, fan va innovatsiyalar vazirligiga Iqtisodiyot va moliya vazirligi bilan kelishilgan holda 1 va 1a-ilovalari bilan tasdiqlangan roʻyxatlarga tegishli oʻzgartirish va qoʻshimchalar kiritib borish vakolati beriladi.

d 3 ) xususiy sherik tomonidan barpo etilgan talabalar turar joyi hamda yotoqxona uchun ajratilgan yer maydonida bitimda belgilangan yotoq oʻrinlaridan tashqari qonunchilik hujjatlarida taqiqlanmagan tadbirkorlik faoliyati bilan shugʻullanishga hamda yotoqxona uchun ajratilgan qismidan ortgan maydonini ijaraga berishga ruxsat etiladi;

d 4 ) 2027-yil 1-yanvardan boshlab davlat-xususiy sheriklik asosida barpo etilgan talabalar turar joylarida yashovchi talabalar uchun Davlat budjetidan har oylik subsidiya Oliy taʼlim, fan va innovatsiyalar vazirligi tomonidan ishlab chiqiladigan maxsus platformada shaxsni biometrik identifikatsiya qilish texnologiyasi orqali shakllangan maʼlumotlar asosida ajratiladi.

3. Davlat oliy taʼlim muassasasining buyurtmasi va tadbirkorlik subyektining tashabbusi asosida tadbirkorga tegishli yer maydoni yoki binoda kamida 50 oʻrinli talabalar turar joylarini tashkil etish 2026-yil 1-iyuldan boshlab toʻxtatilsin (amaldagi loyihalar bitim muddati tugagunga qadar saqlanib qolinadi).

Bunda, talabalardan har oy yashash uchun yigʻiladigan toʻlov davlat oliy taʼlim muassasasi bilan kelishiladi hamda ushbu narxda talabalar turar joyida yashagan har bir talaba uchun tadbirkorlik subyektiga bitimda belgilangan muddat davomida bir oʻquv yili uchun bazaviy hisoblash miqdorining 15 baravari miqdorida Davlat budjetidan subsidiya ajratiladi.

4. Davlat oliy taʼlim muassasalariga “Davlat-xususiy sheriklik toʻgʻrisida”gi Qonunga muvofiq, oʻquv va ijtimoiy infratuzilma obyektlarini qurish boʻyicha davlat-xususiy sheriklik loyihalarini muassasaning budjetdan tashqari mablagʻlari hisobidan qisman moliyalashtirishga ruxsat berilsin.

Bunda talabalar turar joylarini qurish boʻyicha loyihalar tadbirkorlik subyekti va davlat oliy taʼlim tashkilotining budjetdan tashqari mablagʻlari hisobidan aralash moliyalashtirish orqali amalga oshirilganda, ularni saqlash va ekspluatatsiya qilish bilan bogʻliq xarajatlar ushbu qarorning 1-bandi “b” kichik bandi beshinchi xatboshisiga muvofiq moliyalashtiriladi.

6. Energetika vazirligi talabalar turar joylari uchun ajratilgan yer maydonlarida tashqi muhandislik kommunikatsiyalarini qurish tegishliligi boʻyicha “Hududgaztaʼminot” AJ va “Hududiy elektr tarmoqlari” AJ hisobidan amalga oshirilishini taʼminlasin.

7. Quyidagilarga ruxsat berilsin:

Oliy taʼlim, fan va innovatsiyalar vazirligi markaziy apparati tuzilmasida davlat-xususiy sheriklik asosida va tadbirkorlik subyektlari bilan birgalikda moliyalashtiriladigan loyihalarni muvofiqlashtiruvchi Oliy taʼlim muassasalarini rivojlantirish jamgʻarmasi hisobidan moliyalashtiriladigan qoʻshimcha uchta shtat birligidan iborat boʻlim 2031-yil 1-yanvarga qadar faoliyat yuritadi.

mazkur qarorning 1-bandi “b” kichik bandida nazarda tutilgan shakldan boshqa shakllarda qurilgan talabalar turar joylarida qonunchilikda taqiqlanmagan tadbirkorlik faoliyati bilan shugʻullanish uchun ajratilgan, biroq bino umumiy maydonining 20 foizidan oshmagan qismiga boʻlgan mulk huquqini (yer maydoni, umumiy foydalanishga moʻljallangan kommunikatsiya qismiga egalik huquqi bundan mustasno) xususiy sherikka (mahalliy investorlar uchun) talabalar turar joylari foydalanishga topshirilgan payt oʻtkazishga;

davlat-xususiy sheriklik shartlari asosida talabalar turar joylarini qurish uchun avralroq davlat sherigi, vakolatli davlat organi va boshqa maxsus veb-saytlarda eʼlon qilingan konsepsiyalarni eʼlon qilish muddatini qoʻshimcha 10 kunga uzaytirgan holda mazkur qarorda belgilangan shartlarga muvofiq oʻzgartirishga;

davlat-xususiy sheriklik bitim muddatini talabalar turar joylarini qurish uchun sarflangan mablagʻlarning qoplanish muddatiga 2,3 koeffitsiyentni qoʻllash orqali belgilashga.

8. 2021-yil 1-sentabrdan boshlab talabalar bilan ishlash boʻyicha “guruh murabbiyi” instituti bekor qilinsin hamda davlat oliy taʼlim muassasalari 1 — 3-kurs talabalarining maʼnaviy va ijtimoiy holatini doimiy ravishda tahlil qilib boruvchi, mavjud muammolarni bartaraf etishda yaqindan yordam koʻrsatuvchi tyutorlarni biriktirish amaliyoti yoʻlga qoʻyilsin. Bunda:

har 120 — 150 nafar talabaga 1 ta shtat birligi hisobida “Tyutor” lavozimi kiritilsin hamda uning oylik maoshi “Oʻqituvchi-stajyor” bazaviy lavozim maoshiga tenglashtirilsin;

Oliy va oʻrta maxsus taʼlim vazirligi huzuridagi “Maʼnaviyat va maʼrifat” markazi tuzilmasida amaldagi shtatlar doirasida uchta shtat birligidan iborat Tyutorlar faoliyatini muvofiqlashtirish va monitoring qilish boʻlimi tashkil etilsin.

9. Moliya vazirligi bir oy muddatda:

Davlat soliq qoʻmitasi bilan birgalikda jismoniy shaxslarning uy-joylarini talabalarga ijaraga berish faoliyati boʻyicha olgan daromadlarini soliqdan ozod etish yuzasidan Soliq kodeksiga oʻzgartirish kiritishni nazarda tutuvchi qonun loyihasini;

Oliy va oʻrta maxsus taʼlim vazirligi bilan birgalikda talabalar turar joylari qurilishi uchun Davlat budjetidan subsidiya ajratish tartibini Vazirlar Mahkamasiga kiritsin.

10. Davlat soliq qoʻmitasi:

ikki oy muddatda ijara shartnomalarini hisobga qoʻyish elektron tizimida shartnomalarni hisobga qoʻyish va soliq toʻlovlarini amalga oshirishning soddalashtirilgan raqamli imzosiz shaklini ishga tushirish choralarini koʻrsin;

uch oy muddatda ijara shartnomalarini hisobga qoʻyish elektron tizimini Oliy va oʻrta maxsus taʼlim vazirligi va tizimida oliy taʼlim muassasasi boʻlgan vazirlik va idoralarning talabalar elektron bazasi bilan integratsiya qilsin hamda oʻz uy-joylarini ijaraga beruvchi jismoniy shaxslarni daromad soligʻidan ozod etishning avtomatlashgan tizimini yaratsin.

11. Oliy va oʻrta maxsus taʼlim vazirligi:

a) uch oy muddatda Ichki ishlar vazirligi va Sogʻliqni saqlash vazirligi bilan birgalikda talabalarni yashash joyi boʻyicha roʻyxatga qoʻyish, ularning turmush sharoiti va sogʻligʻidan xabar olish boʻyicha tegishlicha taʼlim muassasasi rahbarlari, mahalla fuqarolar yigʻini raisi, uning huquq-tartibot masalalari boʻyicha oʻrinbosari va birlamchi tibbiy-sanitariya yordami muassasasi rahbarlarining shaxsiy javobgarligini, shuningdek, elektron maʼlumot almashinuvini yoʻlga qoʻyishni nazarda tutuvchi alohida tartib ishlab chiqib, tasdiqlasin;

b) 2022-yil 1-yanvarga qadar:

Axborot texnologiyalari va kommunikatsiyalarini rivojlantirish vazirligi hamda Ichki ishlar vazirligi bilan birgalikda “Manzil” avtomatlashtirilgan axborot tizimi bilan integratsiyalashgan oliy taʼlim muassasalari talabalarining hudud va oliy taʼlim muassasasi kesimidagi elektron bazasini yaratsin;

Oliy taʼlim muassasalarini rivojlantirish jamgʻarmasi hisobidan talabalar uchun turar joy qidirishga ixtisoslashgan elektron platformani ishlab chiqsin, talabalar turar joyi va xususiy xonadonlardan ijaraga turar joy qidirishning ishonchli tizimini yoʻlga qoʻysin hamda doimiy ravishda yangilab borilishini taʼminlasin.

12. Talabalarni turar joy bilan qamrab olish darajasini oshirish boʻyicha ishlarni samarali tashkil etish maqsadida:

a) qurilish vaziri B. Zokirov talabalar turar joylarida bir nafar talabaga toʻgʻri keladigan yashash maydonini maqbullashtirish boʻyicha shaharsozlik faoliyatini texnik jihatdan tartibga solish sohasidagi normativ hujjatlarga tegishli oʻzgartirishlar kiritish;

b) oliy va oʻrta maxsus taʼlim vaziri A. Toshkulov hamda tizimida davlat oliy taʼlim muassasasi mavjud vazirlik va idoralar rahbarlari talabalar turar joylarida qoʻshimcha maishiy xizmat turlarini joriy etish, sogʻlom ovqatlanish uchun sharoit yaratish va boshqa xizmat turlarini yoʻlga qoʻyish hisobiga talabalar turar joylarini bosqichma-bosqich oʻzini oʻzi moliyalashtirish tizimiga oʻtkazish;

v) moliya vaziri T. Ishmetov davlat-xususiy sheriklik va davlat oliy taʼlim muassasasining buyurtmasi asosida talabalar turar joyini barpo etish boʻyicha loyihalarga Davlat budjetidan subsidiya ajratish uchun zarur boʻlgan mablagʻlarni 2022-yil va kelgusi yillar uchun budjet parametrlarini shakllantirishda nazarda tutib borish;

g) Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari:

talabalar turar joylarini qurish uchun mazkur qarorga 1-ilovaga asosan yer maydonlarini oliy taʼlim muassasalariga ular joylashgan hududga yaqin joylardan 2022-yil 1-yanvarga qadar doimiy foydalanish huquqi asosida ajratish;

davlat oliy taʼlim muassasalariga talabalar turar joyi binolari va tegishli ijtimoiy infratuzilma obyektlarini qurish uchun davlat-xususiy sheriklik asosidagi loyihalarga xususiy sheriklarni jalb qilishga koʻmaklashib borish;

oʻz hududida talabalarni turar joy bilan taʼminlash, talabalar turar joyiga tutash hududlarda talabalar uchun zarur transport va ijtimoiy infratuzilma obyektlarining yaratilishi va faoliyat yuritishi uchun masʼul va javobgar etib belgilansin.

13. Oʻzbekiston Respublikasi Hukumatining ayrim qarorlariga 2-ilovaga muvofiq oʻzgartirish va qoʻshimchalar kiritilsin.

14. Oliy va oʻrta maxsus taʼlim vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

15. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari B.A. Musayev, oliy va oʻrta maxsus taʼlim vaziri A.X. Toshkulov hamda moliya vaziri T.A. Ishmetov zimmasiga yuklansin.

Vazirlar Mahkamasining 2021-yil 9-sentabrdagi 563-son qaroriga 1-ILOVA

Hududlarda talabalar turar joylarini qurish uchun oliy taʼlim muassasalariga doimiy foydalanish huquqi asosida ajratilayotgan yer maydonlari

T/r Oliy taʼlim muassasasi nomi Jami barpo etiladigan talabalar turar joylari Oliy taʼlim muassasasi hududida barpo etiladigan talabalar turar joylari Oliy taʼlim muassasasiga yaqin hududda barpo etiladigan talabalar turar joylari Yillar boʻyicha (talabalar turar joylari soni) soni quvvati yer maydoni soni quvvati yer maydoni soni quvvati yer maydoni 2022-yil 2023-yil 2024-yil 2025-yil (ga) (ga) (ga) Respublika boʻyicha jami: 189 90 676 64,4 172 82 764 58,9 17 7 912 5,5 36 56 55 42 Qoraqalpogʻiston Respublikasi 14 5 600 4,2 14 5 600 4,2 2 3 5 4 1. Berdaq nomidagi Qoraqalpoq davlat universiteti 5 2 000 1,5 5 2 000 1,5 1 1 1 2 2. Ajiniyoz nomidagi Nukus davlat pedagogika instituti 4 1 600 1,2 4 1 600 1,2 1 1 1 1 3. Nukus davlat texnika universiteti 1 400 0,3 1 400 0,3 1 4. Qoraqalpogʻiston qishloq xoʻjaligi va agrotexnologiyalar instituti 1 400 0,3 1 400 0,3 1 5. Oʻzbekiston davlat jismoniy tarbiya va sport universitetining Nukus filiali 1 400 0,3 1 400 0,3 1 6. Toshkent davlat iqtisodiyot universitetining Toʻrtkoʻl fakulteti 1 400 0,3 1 400 0,3 1 7. Samarqand davlat veterinariya meditsinasi, chorvachilik va biotexnologiyalar universiteti Nukus filiali 1 400 0,3 1 400 0,3 1 Andijon viloyati 16 6 350 4,8 16 6 350 4,8 4 7 2 3 8. Zahiriddin Muhammad Bobur nomidagi Andijon davlat universiteti 3 1 200 0,9 3 1 200 0,9 1 1 1 9. Andijon davlat texnika instituti 4 1 550 1,2 4 1 550 1,2 2 2 10. Andijon davlat tibbiyot instituti 2 800 0,6 2 800 0,6 1 1 11. Andijon davlat pedagogika instituti 2 800 0,6 2 800 0,6 1 1 12. Andijon qishloq xoʻjaligi va agrotexnologiyalar instituti 3 1 200 0,9 3 1 200 0,9 1 1 1 13. Andijon davlat chet tillari instituti 2 800 0,6 2 800 0,6 1 1 Buxoro viloyati 10 4 000 3,0 10 4 000 3,0 3 2 4 1 14. Buxoro davlat universiteti 4 1 600 1,2 4 1 600 1,2 2 1 1 15. Buxoro davlat texnika universiteti 3 1 200 0,9 3 1 200 0,9 1 1 1 16. Buxoro davlat pedagogika instituti 1 400 0,3 1 400 0,3 1 17. Abu Ali ibn Sino nomidagi Buxoro davlat tibbiyot instituti 2 800 0,6 2 800 0,6 1 1 Jizzax viloyati 7 3 250 2,7 7 3 250 2,7 1 3 1 2 18. Jizzax politexnika instituti 3 1 200 1,2 3 1 200 1,2 1 1 1 19. Abdulla Qodiriy nomidagi Jizzax davlat pedagogika universiteti 4 2 050 1,5 4 2 050 1,5 2 1 1 Qashqadaryo viloyati 7 2 780 2,4 7 2 780 2,4 3 2 1 1 20. Qarshi davlat universiteti 2 600 0,6 2 600 0,6 2 21. Qarshi davlat texnika universiteti 4 1 780 1,5 4 1 780 1,5 1 1 1 1 22. Shahrisabz davlat pedagogika instituti 1 400 0,3 1 400 0,3 1 Navoiy viloyati 3 1 200 0,9 3 1 200 0,9 1 1 1 23. Navoiy davlat konchilik va texnologiyalar universiteti 3 1 200 0,9 3 1 200 0,9 1 1 1 Namangan viloyati 8 4 000 3,0 8 4 000 3,0 1 2 3 2 24. Namangan davlat universiteti 4 1 600 1,2 4 1 600 1,2 1 1 1 1 25. Namangan davlat texnika universiteti 2 1 600 1,2 2 1 600 1,2 1 1 26. Isʼhoqxon Ibrat nomidagi Namangan davlat chet tillari instituti 2 800 0,6 2 800 0,6 1 1 Samarqand viloyati 24 9 440 7,2 19 7 600 5,7 5 1 840 1,5 5 7 7 5 27. Sharof Rashidov nomidagi Samarqand davlat universiteti 7 2 800 2,1 7 2 800 2,1 0 0 0,0 3 2 1 1 28. Samarqand davlat chet tillar instituti 2 800 0,6 1 400 0,3 1 400 0,3 1 1 29. Samarqand iqtisodiyot va servis instituti 2 640 0,6 1 400 0,3 1 240 0,3 0 2 0 0 30. Samarqand davlat veterinariya meditsinasi, chorvachilik va biotexnologiyalar universiteti 3 1 200 0,9 3 1 200 0,9 1 1 1 31. Samarqand davlat tibbiyot universiteti 3 1 200 0,9 1 400 0,3 2 800 0,6 1 1 1 32. “Ipak yoʻli” turizm va madaniy meros xalqaro universiteti 1 400 0,3 1 400 0,3 1 33. Samarqand agroinnovatsiyalar va tadqiqotlar instituti 1 400 0,3 1 400 0,3 1 34. Samarqand davlat texnika universiteti 2 800 0,6 2 800 0,6 1 1 35. Samarqand davlat pedagogika institutining Urgut fakulteti 3 1 200 0,9 2 800 0,6 1 400 0,3 0 0 2 1 Surxondaryo viloyati 12 4 800 3,6 12 4 800 3,6 1 3 4 4 36. Termiz davlat universiteti 5 2 000 1,5 5 2 000 1,5 1 1 2 1 37. Denov tadbirkorlik va pedagogika instituti 2 800 0,6 2 800 0,6 1 1 38. Termiz davlat muhandislik va agrotexnologiyalar universiteti 1 400 0,3 1 400 0,3 1 39. Termiz davlat pedagogika instituti 2 800 0,6 2 800 0,6 1 1 40. Toshkent davlat tibbiyot universiteti Termiz filiali 2 800 0,6 2 800 0,6 1 1 Sirdaryo viloyati 6 2 400 1,8 6 2 400 1,8 1 2 1 2 41. Guliston davlat universiteti 3 1 200 0,9 3 1 200 0,9 1 1 1 42. Toshkent kimyo texnologiya institutining Yangiyer filiali 1 400 0,3 1 400 0,3 1 43. Guliston davlat pedagogika instituti 2 800 0,6 2 800 0,6 1 1 Toshkent viloyati 8 3 200 2,4 8 3 200 2,4 3 2 1 2 44. Chirchiq davlat pedagogika universiteti 4 1 600 1,2 4 1 600 1,2 2 1 1 45. Olmaliq davlat texnika instituti 2 800 0,6 2 800 0,6 1 1 46. Toshkent davlat agrar universiteti 2 800 0,6 2 800 0,6 2 Fargʻona viloyati 18 7 200 5,4 13 5 200 3,9 5 2 000 1,5 5 5 6 2 47. Fargʻona davlat universiteti 7 2 800 2,1 6 2 400 1,8 1 400 0,3 2 2 2 1 48. Fargʻona davlat texnika universiteti 5 2 000 1,5 3 1 200 0,9 2 800 0,6 2 1 2 49. Qoʻqon davlat universiteti 5 2 000 1,5 3 1 200 0,9 2 800 0,6 1 1 2 1 50. Fargʻona jamoat salomatligi tibbiyot instituti 1 400 0,3 1 400 0,3 1 Xorazm viloyati 8 3 500 2,7 8 3 500 2,7 1 3 2 2 51. Abu Rayhon Beruniy nomidagi Urganch davlat universiteti 4 1 600 1,2 4 1 600 1,2 1 1 1 1 52. Urganch davlat tibbiyot instituti 3 1 300 1,2 3 1 300 1,2 1 1 1 53. Urganch davlat pedagogika instituti 1 600 0,3 1 600 0,3 1 Toshkent shahri 48 32 956 20,3 41 28 884 17,8 7 4 072 2,5 6 14 17 11 54. Mirzo Ulugʻbek nomidagi Oʻzbekiston Milliy universiteti 5 6 200 4,7 5 6 200 4,7 2 2 1 55. Toshkent davlat iqtisodiyot universiteti 5 3 140 1,8 5 3 140 1,8 3 1 1 56. Toshkent davlat sharqshunoslik universiteti 2 1 120 0,9 2 1 120 0,9 1 1 57. Islom Karimov nomidagi Toshkent davlat texnika universiteti 4 3 300 1,5 4 3 300 1,5 1 1 2 58. Nizomiy nomidagi Oʻzbekiston milliy pedagogika universiteti 7 3 520 2,1 7 3 520 2,1 3 2 2 59. Alisher Navoiy nomidagi Toshkent davlat oʻzbek tili va adabiyoti universiteti 1 832 0,3 1 832 0,3 1 60. Oʻzbekiston davlat jahon tillari universiteti 9 5 100 3,0 9 5 100 3,0 1 2 4 2 61. Oʻzbekiston davlat sanʼat va madaniyat instituti 3 840 0,9 3 840 0,9 1 1 1 62. Toshkent davlat tibbiyot universiteti 7 5 200 3,0 5 3 200 2,0 2 2 000 1,0 1 2 2 2 63. Oʻzbekiston xalqaro islomshunoslik akademiyasi 1 400 0,3 1 400 0,3 1 64. Toshkent arxitektura-qurilish universiteti 1 1 440 0,6 1 1 440 0,6 1 65. Kamoliddin Behzod nomidagi Milliy rassomlik va dizayn instituti 1 624 0,3 1 624 0,3 1 66. Samarqand davlat veterinariya meditsinasi, chorvachilik va biotexnologiyalar universiteti Toshkent filiali 1 400 0,3 1 400 0,3 1 67. “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universiteti 1 840 0,6 1 840 0,6 1

Vazirlar Mahkamasining 2021-yil 9-sentabrdagi 563-son qaroriga 1a-ILOVA

Respublika oliy taʼlim muassasalarida 2026 — 2030-yillar davomida oliygohlarda talabalar turar joylarini barpo etish boʻyicha

Vazirlar Mahkamasining 2021-yil 9-sentabrdagi 563-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

2. Vazirlar Mahkamasining “Samarqand davlat universiteti faoliyatini yanada takomillashtirish chora-tadbirlari toʻgʻrisida” 2018-yil 24-iyuldagi 571-son qarori 6-bandi quyidagi mazmundagi xatboshi bilan toʻldirilsin:

“2021-yil va kelgusi yillarda mazkur bandning birinchi xatboshisida nazarda tutilgan ishlarni Universitetning budjetdan tashqari mablagʻlari hisobidan bajarish boʻyicha buyurtmachi etib — Universitet belgilansin”.

3. Vazirlar Mahkamasining 2019-yil 26-fevraldagi 172-son qarori bilan tasdiqlangan Oʻzbekiston Respublikasi Oliy va oʻrta maxsus taʼlim vazirligining Oliy taʼlim muassasalarini rivojlantirish jamgʻarmasi toʻgʻrisidagi nizomda :

a) 9-band quyidagi mazmundagi oʻn sakkizinchi xatboshi bilan toʻldirilsin:

“Vazirlik tashkiliy tuzilmasiga kiruvchi tashkilotlar xodimlarining ijtimoiy himoyasini taʼminlash maqsadida ularning oylik maoshlariga ustamalar belgilash, moddiy ragʻbatlantirish hamda moddiy-texnika bazasini mustahkamlash bilan bogʻliq xarajatlarni qoplashga”;

b) 27-banddagi “Moliyalashtirish va buxgalteriya hisobi boshqarmasi” soʻzlari “Iqtisodiyot boshqarmasi” soʻzlari bilan almashtirilsin;

v) 29-banddagi “Moliyalashtirish va buxgalteriya hisobi boshqarmasi” soʻzlari “Budjet hisobi metodologiyasi va buxgalteriya hisoboti tahlili boshqarmasi” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2021-yil 9-sentabr,

563-son

(Qonunchilik maʼlumotlari milliy bazasi, 10.09.2021-y., 09/21/563/0859-son; 26.03.2022-y., 09/22/135/0242-son; 01.04.2022-y., 06/22/94/0256-son; 07.05.2022-y., 09/22/239/0392-son; 15.12.2023-y., 09/23/660/0938-son; 13.06.2025-y., 09/25/362/0507-son; 03.07.2026-y., 09/26/353/0680-son)

lex.uz