📅 2021-yil 10-sentabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 10 сентябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 10 сентября 2021 г. · Указы Президента
Официальный текст. Официальный документ. Редакционные примечания не включены.
📅 10 September 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
РЎЙХАТИ
ТУЗИЛМАСИ
Божхона тартиб-таомилларини соддалаштириш ва давлат божхона хизмати органлари ташкилий тузилмасини янада такомиллаштириш тўғрисида
Ўзбекистон Республикаси Президентининг 2020 йил 5 июндаги «Божхона маъмуриятчилигини ислоҳ этиш ва Ўзбекистон Республикаси давлат божхона хизмати органлари фаолиятини такомиллаштириш тўғрисида»ги ПФ-6005-сон Фармонига мувофиқ, шунингдек, божхона тартиб-таомилларини соддалаштиришда илғор рақамли технологияларни кенг жорий этиш орқали фаолият самарадорлигини янада ошириш мақсадида:
1. Давлат божхона қўмитасининг божхона органларининг умумий чекланган штатлар сони доирасида тоифадан ташқари мақомга эга бўлган «Масофавий электрон декларациялаш» божхона постларини:
2021 йил 1 октябрдан бошлаб Давлат божхона қўмитасининг Тошкент, Сирдарё, Қашқадарё ва Хоразм вилоятлари бўйича бошқармаларида;
2022 йил 1 апрелдан бошлаб Давлат божхона қўмитасининг бошқа ҳудудий бошқармаларида босқичма-босқич ташкил этиш тўғрисидаги таклифлари маъқуллансин.
2. Шундай тартиб ўрнатилсинки, унга мувофиқ:
а) 2021 йил 1 октябрдан бошлаб:
«Масофавий электрон декларациялаш» божхона постлари ташқи иқтисодий фаолият (кейинги ўринларда — ТИФ) иштирокчилари томонидан тақдим этилган электрон божхона юк декларацияларининг масофавий божхона расмийлаштирувини амалга оширади;
«Масофавий электрон декларациялаш» божхона постлари ташкил этилган ҳудудлардаги ТИФ божхона постларининг фаолияти божхона назорати шаклларини амалга оширишга ихтисослаштирилади;
«Масофавий электрон декларациялаш», ТИФ ва чегара божхона постлари фаолиятини ташкил этиш тартиби Давлат божхона қўмитаси томонидан белгиланади;
чегара божхона постларидаги инспекцион кўрик мажмуалари (рентген) билан ишлаш гуруҳлари ходимларига зарарли меҳнат шароитлари учун Ўзбекистон Республикаси Давлат бюджети маблағлари ҳисобидан лавозим маошининг 40 фоизи миқдорида ҳар ойлик устама берилади;
б) 2021 йил 1 декабрдан бошлаб Ўзбекистон Республикаси Давлат чегараси орқали автомобиль ўтказиш пунктларида:
ветеринария ва фитосанитария органларининг товарларга тегишли ҳужжатларни текшириш ва расмийлаштириш вазифалари «Ягона дарча» божхона ахборот тизими ёки унга интеграциялашган ахборот тизимлари орқали амалга оширилади;
ветеринария ва фитосанитария органлари томонидан товар-транспорт ҳужжатларига муҳр босиш ва уларни рўйхатга олиш амалиёти бекор қилинади;
тўланадиган барча йиғимларни транспорт воситалари чегара пунктига киргунга қадар ягона ҳисобварақ асосида олдиндан тўлаш амалиёти жорий этилади;
в) 2022 йил 1 январдан бошлаб:
ортиқча тўланган ёки ундирилган божхона тўловларини божхона органлари томонидан қайтариш тўғрисидаги қарор қабул қилингандан сўнг ушбу маблағлар ТИФ иштирокчисига уч иш куни давомида қайтарилади;
божхона тўловларини кечиктириб ёки бўлиб-бўлиб тўлашнинг энг кам муддати 14 кун этиб белгиланади ва ушбу муддатда фоизлар ундирилмайди, бунда кечиктириб ёки бўлиб-бўлиб тўлашнинг энг кам муддатидан ортганда тўлиқ давр учун фоизлар ҳисобланади;
қўшимча ҳисобланган божхона тўловларининг ундирилмайдиган ва қайтарилмайдиган миқдори базавий ҳисоблаш миқдорининг 20 фоизигача этиб белгиланади;
товарларнинг ТИФ товарлар номенклатураси бўйича кодини аниқлаш юзасидан божхона органи томонидан тайинланган экспертиза якунлангунга қадар товарларни божхона тўловлари тўланишини таъминлаш орқали шартли чиқариб юбориш амалиёти жорий этилади;
ТИФ иштирокчисининг бир нечта божхона операциялари доирасидаги мажбуриятларини таъминлаш учун ягона таъминот тақдим этиш имконияти яратилади, бундай таъминот божхона тўловлари бўйича барча мажбуриятларни бажариш учун етарли бўлиши лозим;
божхона органлари товарлар бўйича тўланиши лозим бўлган божхона тўловлари миқдорини аниқлаш учун ТИФ қатнашчисининг аризасига асосан дастлабки қарорни қабул қилади.
3. Давлат божхона қўмитасининг божхона органларининг умумий чекланган штатлар сони доирасида Давлат божхона қўмитаси тизимида алоҳида юридик шахс мақомига эга Марказий божхона лабораториясини ташкил этиш тўғрисидаги таклифи маъқуллансин.
Давлат божхона қўмитаси (М.Б. Азимов) икки ой муддатда Марказий божхона лабораторияси фаолиятини ташкил этиш, шу жумладан Жаҳон божхона ташкилотининг «Минтақавий божхона лабораторияси» мақомини олиш, у томонидан никотин сақловчи маҳсулотлар ва спиртли ичимликлар таркибини аниқлаш, товарларни экспертизадан ўтказиш ва сертификациялаш билан боғлиқ бўлган бошқа хизматларни кўрсатиш, гиёҳвандлик воситалари, психотроп моддалар ва бошқа турдаги криминалистик суд экспертизаларини амалга ошириш бўйича чора-тадбирларни назарда тутувчи қарор лойиҳасини Вазирлар Маҳкамасига киритсин.
4. Белгилансинки, мазкур Фармон билан божхона органларининг ташкилий тузилмаларига ўзгартириш ва қўшимчалар киритиш, шу жумладан «Масофавий электрон декларациялаш» божхона постлари фаолиятини ташкил этишда ходимларнинг иш ҳақини тўлаш билан боғлиқ қўшимча харажатлар 2022 йил 1 январга қадар Давлат божхона қўмитасининг Моддий ёрдам, ижтимоий ҳимоя, божхона органларини ривожлантириш ва кўзда тутилмаган харажатлар махсус жамғармаси маблағлари ҳисобидан, 2022 йил 1 январдан бошлаб эса Давлат бюджети маблағлари ҳисобидан амалга оширилади.
5. Давлат божхона қўмитасининг фаолияти тугатилаётган божхона постлари рўйхати 1-иловага мувофиқ тасдиқлансин.
6. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.
7. Давлат божхона қўмитаси:
а) бир ой муддатда «Масофавий электрон декларациялаш», ТИФ ва чегара божхона постлари фаолиятини ташкил этиш тартибини ишлаб чиқсин ва қабул қилсин;
б) манфаатдор вазирлик ва идоралар билан биргаликда икки ой муддатда:
Ўзбекистон Республикаси Давлат чегараси орқали автомобиль ўтказиш пунктларидаги назорат органларига ягона ҳисобварақ асосида тўланадиган йиғимлар ҳамда кириш ва транзит йиғимларини транспорт воситалари чегара пунктига киргунга қадар олдиндан тўлаш тизимини жорий қилсин;
товарлар бўйича тўланиши лозим бўлган божхона тўловларини аниқлашда божхона органлари томонидан дастлабки қарор бериш тартибини ишлаб чиқсин ва тасдиқласин;
қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур Фармоннинг ижросини самарали ташкил қилишга масъул ва шахсий жавобгар этиб Давлат божхона қўмитаси раиси М.Б. Азимов белгилансин.
Фармон ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 10 сентябрдаги ПФ-6310-сон Фармонига 1-ИЛОВА
Давлат божхона қўмитасининг фаолияти тугатилаётган божхона постлари
Т/р Божхона постларининг номи Штат бирлиги Қорақалпоғистон Республикаси 1. «Найманкўл» темир йўл чегара божхона пости 5 Қашқадарё вилояти 2. «Қарши тола» ТИФ божхона пости 4 3. «Қарши» темир йўл чегара божхона пости 14 Сурхондарё вилояти 4. «Амузанг» темир йўл чегара божхона пости 18 Фарғона вилояти 5. «Бешариқ» темир йўл чегара божхона пости 12 6. «Ўқчи» чегара божхона пости 10 Жами 63
Ўзбекистон Республикаси Президентининг 2021 йил 10 сентябрдаги ПФ-6310-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
6. Ўзбекистон Республикаси Президентининг 2018 йил 2 ноябрдаги «Ўзбекистон Республикаси божхона органлари кадрларини тайёрлаш тизимини тубдан такомиллаштириш чора-тадбирлари тўғрисида»ги ПҚ-3995-сон қарорида :
а) 4-бандда :
қуйидаги мазмундаги учинчи хатбоши билан тўлдирилсин:
«Институтда олий таълимдан кейинги таълим асосида илмий даражага эга илмий ва илмий-педагогик кадрлар тайёрланади»;
учинчи — саккизинчи хатбошилар тегишинча тўртинчи — тўққизинчи хатбошилар деб ҳисоблансин;
тўққизинчи хатбоши қуйидаги таҳрирда баён этилсин:
«Институтнинг офицерлар ва сержантлар таркибига, курсантларига, шунингдек, докторантларига (докторантларнинг охирги эгаллаб турган лавозими сақланган ҳолда) Ўзбекистон Республикаси Давлат божхона қўмитаси ходимларининг тегишли тоифалари учун кўзда тутилган пул таъминоти, имтиёзлар, буюмлар ва озиқ-овқат таъминоти ҳамда бошқа зарур нормалар, шунингдек, хизматни ўташ тартиби татбиқ этилади»;
б) 10-банддаги «Махсус жамғарма» сўзлари «Давлат бюджети» сўзлари билан алмаштирилсин;
в) 1-илова қуйидаги таҳрирда баён этилсин:
«Ўзбекистон Республикаси Президентининг 2018 йил 2 ноябрдаги ПҚ-3995-сон қарорига 1-ИЛОВА
Ўзбекистон Республикаси Давлат божхона қўмитасининг Божхона институти
Бошлиқ Институт кенгаши Бошлиқнинг ўқув ва илмий ишлар бўйича биринчи ўринбосари Тарбиявий ишлар ва ҳарбий тайёргарлик бўйича бошлиқ ўринбосари Молия-иқтисод ва хўжалик ишлари бўйича бошлиқ ўринбосари Шахсий хавфсизлик бўлими 1 Ахборот технологиялари ва моделлаштириш маркази 5 Илмий-тадқиқот ва илмий-педагогик кадрларни тайёрлаш бўлими 2 Маънавият ва ёшлар тарбияси маркази 3 Молия-иқтисод бўлими 4 Бош юрисконсульт 1 Ўқув батальони 9 Моддий-техник таъминот ва капитал таъмирлаш бўлими 7 Ташкилий-назорат, хизмат фаолиятини таҳлил қилиш ва баҳолаш бўлими 3 Ўқув-услубий бўлим 5 Ахборот-ресурс маркази 1 Қайта тайёрлаш ва малака ошириш факультети 2 Тиббий хизмат 4 Божхона иши факультети 3 Махсус фанлар кафедраси Кадрлар бўлими 4 Таҳририй-нашриёт хизмати 1 Кафедралар: Ихтисослаштирилган Божхона назорати Божхона тартибга солиниши ва божхона тўловлари Махсус-ҳуқуқий фанлар Божхона экспертизаси ва товарларни таснифлаш Умумҳуқуқий фанлар Умумтаълим Ахборот технологиялари ва математика Ўзбек ва хорижий тиллар Ҳарбий ва жисмоний тайёргарлик Иқтисодий ва ижтимоий фанлар Тил ва психологик тайёргарликни ривожлантириш маркази Биринчи бўлим 1 Босмахона Навбатчилик қисми 4 Халқаро алоқалар хизмати 1
г) 2-илованинг «Мутахассислик шифри» графасида:
бакалавриат бўлимининг 1 ва 2-позицияларидаги «5230500» ҳамда «5240100» рақамлари тегишинча «60410300» ва «60420100» рақамлари билан алмаштирилсин;
магистратура бўлимининг 1 ва 2-позицияларидаги «5А230501» ҳамда «5А240109» рақамлари тегишинча «70410301» ва «70420107» рақамлари билан алмаштирилсин;
д) 3-илова қуйидаги мазмундаги 12 1 -позиция билан тўлдирилсин:
« 12 1 . Институтда олий таълимдан кейинги таълимни ташкил этиш тўғрисидаги низомни ишлаб чиқиш ва тасдиқлаш. 2021 йил 1 декабрь Идоравий норматив-ҳуқуқий ҳужжат ДБҚ (М. Азимов) , Инновацион ривожланиш вазирлиги (А. Иброхимов) , Молия вазирлиги (Т. Ишметов) » .
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 10 сентябрь,
ПФ-6310-сон
Oʻzbekiston Respublikasi Prezidentining
Farmoni
ROʻYXATI
TUZILMASI
Bojxona tartib-taomillarini soddalashtirish va davlat bojxona xizmati organlari tashkiliy tuzilmasini yanada takomillashtirish toʻgʻrisida
Oʻzbekiston Respublikasi Prezidentining 2020-yil 5-iyundagi “Bojxona maʼmuriyatchiligini isloh etish va Oʻzbekiston Respublikasi davlat bojxona xizmati organlari faoliyatini takomillashtirish toʻgʻrisida”gi PF-6005-son Farmoniga muvofiq, shuningdek, bojxona tartib-taomillarini soddalashtirishda ilgʻor raqamli texnologiyalarni keng joriy etish orqali faoliyat samaradorligini yanada oshirish maqsadida:
1. Davlat bojxona qoʻmitasining bojxona organlarining umumiy cheklangan shtatlar soni doirasida toifadan tashqari maqomga ega boʻlgan “Masofaviy elektron deklaratsiyalash” bojxona postlarini:
2021-yil 1-oktabrdan boshlab Davlat bojxona qoʻmitasining Toshkent, Sirdaryo, Qashqadaryo va Xorazm viloyatlari boʻyicha boshqarmalarida;
2022-yil 1-apreldan boshlab Davlat bojxona qoʻmitasining boshqa hududiy boshqarmalarida bosqichma-bosqich tashkil etish toʻgʻrisidagi takliflari maʼqullansin.
2. Shunday tartib oʻrnatilsinki, unga muvofiq:
a) 2021-yil 1-oktabrdan boshlab:
“Masofaviy elektron deklaratsiyalash” bojxona postlari tashqi iqtisodiy faoliyat (keyingi oʻrinlarda — TIF) ishtirokchilari tomonidan taqdim etilgan elektron bojxona yuk deklaratsiyalarining masofaviy bojxona rasmiylashtiruvini amalga oshiradi;
“Masofaviy elektron deklaratsiyalash” bojxona postlari tashkil etilgan hududlardagi TIF bojxona postlarining faoliyati bojxona nazorati shakllarini amalga oshirishga ixtisoslashtiriladi;
“Masofaviy elektron deklaratsiyalash”, TIF va chegara bojxona postlari faoliyatini tashkil etish tartibi Davlat bojxona qoʻmitasi tomonidan belgilanadi;
chegara bojxona postlaridagi inspeksion koʻrik majmualari (rentgen) bilan ishlash guruhlari xodimlariga zararli mehnat sharoitlari uchun Oʻzbekiston Respublikasi Davlat budjeti mablagʻlari hisobidan lavozim maoshining 40 foizi miqdorida har oylik ustama beriladi;
b) 2021-yil 1-dekabrdan boshlab Oʻzbekiston Respublikasi Davlat chegarasi orqali avtomobil oʻtkazish punktlarida:
veterinariya va fitosanitariya organlarining tovarlarga tegishli hujjatlarni tekshirish va rasmiylashtirish vazifalari “Yagona darcha” bojxona axborot tizimi yoki unga integratsiyalashgan axborot tizimlari orqali amalga oshiriladi;
veterinariya va fitosanitariya organlari tomonidan tovar-transport hujjatlariga muhr bosish va ularni roʻyxatga olish amaliyoti bekor qilinadi;
toʻlanadigan barcha yigʻimlarni transport vositalari chegara punktiga kirgunga qadar yagona hisobvaraq asosida oldindan toʻlash amaliyoti joriy etiladi;
v) 2022-yil 1-yanvardan boshlab:
ortiqcha toʻlangan yoki undirilgan bojxona toʻlovlarini bojxona organlari tomonidan qaytarish toʻgʻrisidagi qaror qabul qilingandan soʻng ushbu mablagʻlar TIF ishtirokchisiga uch ish kuni davomida qaytariladi;
bojxona toʻlovlarini kechiktirib yoki boʻlib-boʻlib toʻlashning eng kam muddati 14 kun etib belgilanadi va ushbu muddatda foizlar undirilmaydi, bunda kechiktirib yoki boʻlib-boʻlib toʻlashning eng kam muddatidan ortganda toʻliq davr uchun foizlar hisoblanadi;
qoʻshimcha hisoblangan bojxona toʻlovlarining undirilmaydigan va qaytarilmaydigan miqdori bazaviy hisoblash miqdorining 20 foizigacha etib belgilanadi;
tovarlarning TIF tovarlar nomenklaturasi boʻyicha kodini aniqlash yuzasidan bojxona organi tomonidan tayinlangan ekspertiza yakunlangunga qadar tovarlarni bojxona toʻlovlari toʻlanishini taʼminlash orqali shartli chiqarib yuborish amaliyoti joriy etiladi;
TIF ishtirokchisining bir nechta bojxona operatsiyalari doirasidagi majburiyatlarini taʼminlash uchun yagona taʼminot taqdim etish imkoniyati yaratiladi, bunday taʼminot bojxona toʻlovlari boʻyicha barcha majburiyatlarni bajarish uchun yetarli boʻlishi lozim;
bojxona organlari tovarlar boʻyicha toʻlanishi lozim boʻlgan bojxona toʻlovlari miqdorini aniqlash uchun TIF qatnashchisining arizasiga asosan dastlabki qarorni qabul qiladi.
3. Davlat bojxona qoʻmitasining bojxona organlarining umumiy cheklangan shtatlar soni doirasida Davlat bojxona qoʻmitasi tizimida alohida yuridik shaxs maqomiga ega Markaziy bojxona laboratoriyasini tashkil etish toʻgʻrisidagi taklifi maʼqullansin.
Davlat bojxona qoʻmitasi (M.B. Azimov) ikki oy muddatda Markaziy bojxona laboratoriyasi faoliyatini tashkil etish, shu jumladan Jahon bojxona tashkilotining “Mintaqaviy bojxona laboratoriyasi” maqomini olish, u tomonidan nikotin saqlovchi mahsulotlar va spirtli ichimliklar tarkibini aniqlash, tovarlarni ekspertizadan oʻtkazish va sertifikatsiyalash bilan bogʻliq boʻlgan boshqa xizmatlarni koʻrsatish, giyohvandlik vositalari, psixotrop moddalar va boshqa turdagi kriminalistik sud ekspertizalarini amalga oshirish boʻyicha chora-tadbirlarni nazarda tutuvchi qaror loyihasini Vazirlar Mahkamasiga kiritsin.
4. Belgilansinki, mazkur Farmon bilan bojxona organlarining tashkiliy tuzilmalariga oʻzgartirish va qoʻshimchalar kiritish, shu jumladan “Masofaviy elektron deklaratsiyalash” bojxona postlari faoliyatini tashkil etishda xodimlarning ish haqini toʻlash bilan bogʻliq qoʻshimcha xarajatlar 2022-yil 1-yanvarga qadar Davlat bojxona qoʻmitasining Moddiy yordam, ijtimoiy himoya, bojxona organlarini rivojlantirish va koʻzda tutilmagan xarajatlar maxsus jamgʻarmasi mablagʻlari hisobidan, 2022-yil 1-yanvardan boshlab esa Davlat budjeti mablagʻlari hisobidan amalga oshiriladi.
5. Davlat bojxona qoʻmitasining faoliyati tugatilayotgan bojxona postlari roʻyxati 1-ilovaga muvofiq tasdiqlansin.
6. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
7. Davlat bojxona qoʻmitasi:
a) bir oy muddatda “Masofaviy elektron deklaratsiyalash”, TIF va chegara bojxona postlari faoliyatini tashkil etish tartibini ishlab chiqsin va qabul qilsin;
b) manfaatdor vazirlik va idoralar bilan birgalikda ikki oy muddatda:
Oʻzbekiston Respublikasi Davlat chegarasi orqali avtomobil oʻtkazish punktlaridagi nazorat organlariga yagona hisobvaraq asosida toʻlanadigan yigʻimlar hamda kirish va tranzit yigʻimlarini transport vositalari chegara punktiga kirgunga qadar oldindan toʻlash tizimini joriy qilsin;
tovarlar boʻyicha toʻlanishi lozim boʻlgan bojxona toʻlovlarini aniqlashda bojxona organlari tomonidan dastlabki qaror berish tartibini ishlab chiqsin va tasdiqlasin;
qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur Farmonning ijrosini samarali tashkil qilishga masʼul va shaxsiy javobgar etib Davlat bojxona qoʻmitasi raisi M.B. Azimov belgilansin.
Farmon ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 10-sentabrdagi PF-6310-son Farmoniga 1-ILOVA
Davlat bojxona qoʻmitasining faoliyati tugatilayotgan bojxona postlari
T/r Bojxona postlarining nomi Shtat birligi Qoraqalpogʻiston Respublikasi 1. “Naymankoʻl” temir yoʻl chegara bojxona posti 5 Qashqadaryo viloyati 2. “Qarshi tola” TIF bojxona posti 4 3. “Qarshi” temir yoʻl chegara bojxona posti 14 Surxondaryo viloyati 4. “Amuzang” temir yoʻl chegara bojxona posti 18 Fargʻona viloyati 5. “Beshariq” temir yoʻl chegara bojxona posti 12 6. “Oʻqchi” chegara bojxona posti 10 Jami 63
Oʻzbekiston Respublikasi Prezidentining 2021-yil 10-sentabrdagi PF-6310-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
6. Oʻzbekiston Respublikasi Prezidentining 2018-yil 2-noyabrdagi “Oʻzbekiston Respublikasi bojxona organlari kadrlarini tayyorlash tizimini tubdan takomillashtirish chora-tadbirlari toʻgʻrisida”gi PQ-3995-son qarorida :
a) 4-bandda :
quyidagi mazmundagi uchinchi xatboshi bilan toʻldirilsin:
“Institutda oliy taʼlimdan keyingi taʼlim asosida ilmiy darajaga ega ilmiy va ilmiy-pedagogik kadrlar tayyorlanadi”;
uchinchi — sakkizinchi xatboshilar tegishincha toʻrtinchi — toʻqqizinchi xatboshilar deb hisoblansin;
toʻqqizinchi xatboshi quyidagi tahrirda bayon etilsin:
“Institutning ofitserlar va serjantlar tarkibiga, kursantlariga, shuningdek, doktorantlariga (doktorantlarning oxirgi egallab turgan lavozimi saqlangan holda) Oʻzbekiston Respublikasi Davlat bojxona qoʻmitasi xodimlarining tegishli toifalari uchun koʻzda tutilgan pul taʼminoti, imtiyozlar, buyumlar va oziq-ovqat taʼminoti hamda boshqa zarur normalar, shuningdek, xizmatni oʻtash tartibi tatbiq etiladi”;
b) 10-banddagi “Maxsus jamgʻarma” soʻzlari “Davlat budjeti” soʻzlari bilan almashtirilsin;
v) 1-ilova quyidagi tahrirda bayon etilsin:
“Oʻzbekiston Respublikasi Prezidentining 2018-yil 2-noyabrdagi PQ-3995-son qaroriga 1-ILOVA
Oʻzbekiston Respublikasi Davlat bojxona qoʻmitasining Bojxona instituti
Boshliq Institut kengashi Boshliqning oʻquv va ilmiy ishlar boʻyicha birinchi oʻrinbosari Tarbiyaviy ishlar va harbiy tayyorgarlik boʻyicha boshliq oʻrinbosari Moliya-iqtisod va xoʻjalik ishlari boʻyicha boshliq oʻrinbosari Shaxsiy xavfsizlik boʻlimi 1 Axborot texnologiyalari va modellashtirish markazi 5 Ilmiy-tadqiqot va ilmiy-pedagogik kadrlarni tayyorlash boʻlimi 2 Maʼnaviyat va yoshlar tarbiyasi markazi 3 Moliya-iqtisod boʻlimi 4 Bosh yuriskonsult 1 Oʻquv batalyoni 9 Moddiy-texnik taʼminot va kapital taʼmirlash boʻlimi 7 Tashkiliy-nazorat, xizmat faoliyatini tahlil qilish va baholash boʻlimi 3 Oʻquv-uslubiy boʻlim 5 Axborot-resurs markazi 1 Qayta tayyorlash va malaka oshirish fakulteti 2 Tibbiy xizmat 4 Bojxona ishi fakulteti 3 Maxsus fanlar kafedrasi Kadrlar boʻlimi 4 Tahririy-nashriyot xizmati 1 Kafedralar: Ixtisoslashtirilgan Bojxona nazorati Bojxona tartibga solinishi va bojxona toʻlovlari Maxsus-huquqiy fanlar Bojxona ekspertizasi va tovarlarni tasniflash Umumhuquqiy fanlar Umumtaʼlim Axborot texnologiyalari va matematika Oʻzbek va xorijiy tillar Harbiy va jismoniy tayyorgarlik Iqtisodiy va ijtimoiy fanlar Til va psixologik tayyorgarlikni rivojlantirish markazi Birinchi boʻlim 1 Bosmaxona Navbatchilik qismi 4 Xalqaro aloqalar xizmati 1
g) 2-ilovaning “Mutaxassislik shifri” grafasida:
bakalavriat boʻlimining 1 va 2-pozitsiyalaridagi “5230500” hamda “5240100” raqamlari tegishincha “60410300” va “60420100” raqamlari bilan almashtirilsin;
magistratura boʻlimining 1 va 2-pozitsiyalaridagi “5A230501” hamda “5A240109” raqamlari tegishincha “70410301” va “70420107” raqamlari bilan almashtirilsin;
d) 3-ilova quyidagi mazmundagi 12 1 -pozitsiya bilan toʻldirilsin:
“ 12 1 . Institutda oliy taʼlimdan keyingi taʼlimni tashkil etish toʻgʻrisidagi nizomni ishlab chiqish va tasdiqlash. 2021-yil 1-dekabr Idoraviy normativ-huquqiy hujjat DBQ (M. Azimov) , Innovatsion rivojlanish vazirligi (A. Ibroximov) , Moliya vazirligi (T. Ishmetov) ” .
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 10-sentabr,
PF-6310-son
Президента Республики Узбекистан
Указ
ПЕРЕЧЕНЬ
СТРУКТУРА
Об упрощении таможенных процедур и дальнейшем совершенствовании организационной структуры органов государственной таможенной службы
В соответствии с Указом Президента Республики Узбекистан от 5 июня 2020 года № УП-6005 «О реформировании таможенного администрирования и совершенствовании деятельности органов государственной таможенной службы Республики Узбекистан», а также в целях дальнейшего повышения эффективности деятельности путем широкого внедрения передовых цифровых технологий при упрощении таможенных процедур:
1. Одобрить предложения Государственного таможенного комитета о создании внекатегорированных таможенных постов удаленного электронного декларирования в рамках общей предельной штатной численности таможенных органов:
с 1 октября 2021 года — в управлениях Государственного таможенного комитета по Ташкентской, Сырдарьинской, Кашкадарьинской и Хорезмской областям;
с 1 апреля 2022 года — поэтапно в других территориальных управлениях Государственного таможенного комитета.
2. Установить порядок, в соответствии с которым:
а) начиная с 1 октября 2021 года:
таможенные посты удаленного электронного декларирования проводят удаленное таможенное оформление электронных грузовых таможенных деклараций, представленных участниками внешнеэкономической деятельности (далее — ВЭД);
деятельность таможенных постов ВЭД на территориях, на которых созданы таможенные посты удаленного электронного декларирования, специализируется на осуществлении форм таможенного контроля;
порядок организации деятельности таможенных постов удаленного электронного декларирования и ВЭД, а также приграничных таможенных постов устанавливается Государственным таможенным комитетом;
сотрудникам групп по работе с инспекционно-досмотровыми комплексами (сканерами) приграничных таможенных постов выплачивается ежемесячная надбавка в размере 40 процентов должностного оклада за вредные условия труда за счет средств Государственного бюджета Республики Узбекистан;
б) начиная с 1 декабря 2021 года в пунктах пропуска автомобилей через Государственную границу Республики Узбекистан:
задачи проверки и оформления соответствующей документации на товары ветеринарных и фитосанитарных органов выполняются посредством таможенной информационной системы «Единое окно» или интегрированных с ней информационных систем;
отменяется практика проставления печати и регистрации товарно-транспортных документов ветеринарными и фитосанитарными органами;
внедряется практика предоплаты всех подлежащих уплате сборов на основе единого счета-фактуры до въезда транспортных средств в пограничный пункт;
в) начиная с 1 января 2022 года:
после принятия таможенными органами решения о возврате излишне уплаченных или взысканных таможенных платежей данные средства возвращаются участникам ВЭД в течение трех рабочих дней;
минимальным сроком отсрочки либо рассрочки оплаты таможенных платежей устанавливается срок в 14 дней, в течение данного срока проценты не взимаются, при превышении минимального срока отсрочки или рассрочки оплаты проценты начисляются полностью на весь период;
размер доначисленных таможенных платежей, не подлежащих взысканию и возврату, устанавливается до 20 процентов базовой расчетной величины;
внедряется практика условного выпуска товаров до завершения экспертизы на определение кода товаров в соответствии с товарной номенклатурой ВЭД, назначенной таможенным органом, с обеспечением оплаты таможенных платежей;
создается возможность представления единого обеспечения для обеспечения исполнения обязательств по оплате таможенных платежей участника ВЭД в рамках нескольких таможенных операций, такое обеспечение должно быть достаточным для исполнения всех обязательств по таможенным платежам;
по заявлению участника ВЭД таможенными органами принимается предварительное решение для определения суммы таможенных платежей, подлежащих к уплате по товарам.
3. Одобрить предложение Государственного таможенного комитета о создании в своей структуре Центральной таможенной лаборатории со статусом обособленного юридического лица в рамках общей предельной штатной численности таможенных органов.
Государственному таможенному комитету (М.Б. Азимов) в двухмесячный срок внести в Кабинет Министров проект постановления, предусматривающего организацию деятельности Центральной таможенной лаборатории, включая получение статуса Региональной таможенной лаборатории Всемирной таможенной организации, определение данной лабораторией состава никотиносодержащей продукции и спиртных напитков, оказание иных услуг, связанных с проведением экспертизы и сертификацией товаров, а также проведение экспертизы наркотических средств, психотропных веществ и их прекурсоров и иных видов судебно-криминалистической экспертизы.
4. Определить, что при внесении изменений и дополнений в организационную структуру таможенных органов, включая организацию деятельности таможенных постов удаленного электронного декларирования согласно настоящему Указу, дополнительные расходы, связанные с оплатой труда сотрудников, до 1 января 2022 года производятся за счет Специального фонда материальной помощи, социальной защиты, развития таможенных органов и непредвиденных расходов Государственного таможенного комитета, с 1 января 2022 года — за счет Государственного бюджета.
5. Утвердить перечень ликвидируемых таможенных постов Государственного таможенного комитета согласно приложению № 1 .
6. Внести изменения и дополнения в некоторые акты Президента Республики Узбекистан согласно приложению № 2 .
7. Государственному таможенному комитету:
а) в месячный срок разработать и принять порядок организации деятельности таможенных постов удаленного электронного декларирования и ВЭД, а также приграничных таможенных постов;
б) совместно с заинтересованными министерствами и ведомствами в двухмесячный срок:
внедрить систему предоплаты сборов, подлежащих уплате контролирующим органам в пунктах пропуска автомобилей через Государственную границу Республики Узбекистан на основе единого счета-фактуры, а также въездных и транзитных сборов до въезда транспортных средств в пограничный пункт;
разработать и утвердить порядок выдачи таможенными органами предварительного решения для определения таможенных платежей, подлежащих оплате по товарам;
внести в Кабинет Министров предложения об изменениях и дополнениях в акты законодательства, вытекающих из настоящего Указа.
8. Возложить на председателя Государственного таможенного комитета М.Б. Азимова персональную ответственность за эффективную организацию исполнения настоящего Указа.
Обсуждение хода исполнения настоящего Указа, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к Указу Президента Республики Узбекистан от 10 сентября 2021 года № УП-6310
ликвидируемых таможенных постов Государственного таможенного комитета
№ Наименование таможенных постов Штатные единицы Республика Каракалпакстан 1. Железнодорожный приграничный таможенный пост «Найманкул» 5 Кашкадарьинская область 2. Таможенный пост ВЭД «Карши тола» 4 3. Железнодорожный приграничный таможенный пост «Карши» 14 Сурхандарьинская область 4. Железнодорожный приграничный таможенный пост «Амузанг» 18 Ферганская область 5. Железнодорожный приграничный таможенный пост «Бешарык» 12 6. Приграничный таможенный пост «Укчи» 10 Всего 63
ПРИЛОЖЕНИЕ № 2 к Указу Президента Республики Узбекистан от 10 сентября 2021 года № УП-6310
Изменения и дополнения, вносимые в некоторые акты Президента Республики Узбекистан
6. В постановлении Президента Республики Узбекистан от 2 ноября 2018 года № ПП-3995 «О мерах по коренному совершенствованию системы подготовки кадров таможенных органов Республики Узбекистан»:
а) в пункте 4 :
дополнить абзацем третьим следующего содержания:
«в Институте готовятся научные и научно-педагогические кадры с учеными степенями на базе послевузовского образования»;
абзацы третий — восьмой считать соответственно абзацами четвертым — девятым;
абзац девятый изложить в следующей редакции:
«на офицерский и сержантский составы, курсантов, а также докторантов (с сохранением последней занимаемой должности докторантов) Института распространяются денежное довольствие, льготы, вещевое и продовольственное обеспечение и другие положенные нормы, а также порядок прохождения службы, предусмотренные для соответствующих категорий сотрудников Государственного таможенного комитета Республики Узбекистан»;
б) в пункте 10 слова «Специального фонда» заменить словами «Государственного бюджета»;
в) приложение № 1 изложить в следующей редакции:
«ПРИЛОЖЕНИЕ № 1 к постановлению Президента Республики Узбекистан от 2 ноября 2018 года № ПП-3995
Таможенного института Государственного таможенного комитета Республики Узбекистан
Начальник Совет института Первый заместитель начальника по учебной и научной работе Заместитель начальника по воспитательной работе и боевой подготовке Заместитель начальника по финансово-экономической части и хозяйственной работе Отдел личной безопасности 1 Центр информационных технологий и моделирования 5 Отдел научных исследований и подготовки научно-педагогических кадров 2 Центр духовности и воспитания молодежи 3 Финансово-экономический отдел 4 Главный юрисконсульт 1 Учебный батальон 9 Отдел материально-технического обеспечения и капитального ремонта 7 Отдел организационного контроля, анализа и оценки служебной деятельности 3 Учебно-методический отдел 5 Информационно-ресурсный центр 1 Факультет переподготовки и повышения квалификации 2 Медицинская служба 4 Факультет таможенного дела 3 Кафедра специальных дисциплин Отдел кадров 4 Редакционно-издательская служба 1 Кафедры: Специализированные Таможенного контроля Таможенного регулирования и таможенных платежей Специально-правовых наук Таможенной экспертизы и классификации товаров Общеправовых наук Общеобразовательные Информационных технологий и математики Узбекского и иностранных языков Военной и физической подготовки Экономических и социальных наук Центр совершенствования языковой и психологической подготовки Первый отдел 1 Типография Дежурная часть 4 Служба по международным связям 1
г) в графе «Шифр специальности» приложения № 2 :
в позициях 1 и 2 раздела «Бакалавриат» цифры «5230500» и «5240100» заменить соответственно цифрами «60410300» и «60420100»;
в позициях 1 и 2 раздела «Магистратура» цифры «5А230501» и «5А240109» заменить соответственно цифрами «70410301» и «70420107»;
д) приложение № 3 дополнить позицией 12 1 следующего содержания:
« 12 1 . Разработка и утверждение Положения об организации послевузовского образования в Институте. 1 декабря 2021 года Ведомственный нормативно-правовой акт ГТК (Азимов М.) , Министерство инновационного развития (Иброхимов А.) , Министерство финансов (Ишметов Т.) ».
Президент Республики Узбекистан Ш. МИРЗИЁЕВ
г. Ташкент,
10 сентября 2021 г.,
№ УП-6310