📅 2021-yil 14-sentabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 14 сентябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 14 сентября 2021 г. · Постановления Президента
Официальный текст. Официальный документ. Редакционные примечания не включены.
📅 14 September 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Махсус иқтисодий зоналар иштирокчиларини янада қўллаб-қувватлаш чора-тадбирлари тўғрисида
Инвесторларнинг ҳуқуқ ва манфаатлари ҳимоясини мустаҳкамлаш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган вазифалар ижросини таъминлаш мақсадида:
1. Белгилансинки:
2020 йил 1 январдан бошлаб махсус иқтисодий зоналар иштирокчиларига фойда солиғи бўйича имтиёзлар бекор бўлганлиги муносабати билан мазкур солиқ имтиёзларининг фойдаланилмай қолган қисми 2020 йил 1 октябрга қадар махсус иқтисодий зона иштирокчиларининг реестрига киритилган иштирокчилар учун, улар томонидан киритилган инвестициялар ҳажмидан келиб чиққан ҳолда, улар реестрга киритилган санадан бошлаб 3 йилдан 10 йилгача бўлган муддатларда тўлиқ қўлланилади;
махсус иқтисодий зоналар иштирокчиларига 2021 йил 15 сентябрдан бошлаб маҳсулот ишлаб чиқариш ва ўз эҳтиёжлари учун фойдаланиладиган бутловчи буюмлар, хом ашё ва материалларни импорт қилганда қўшилган қиймат солиғи ва божхона божини фоизлар ҳисобланмаган ва уларнинг тўланишини таъминлаш талаб этилмаган ҳолда 120 кунгача муддатга кечиктириб (бўлиб-бўлиб) тўлаш ҳуқуқи берилади.
2. Молия вазирлиги ва Давлат солиқ қўмитаси махсус иқтисодий зоналарнинг иштирокчиларига ортиқча қўшилган қиймат солиғи суммасини етти кун ичида қоплаб бериш тартибига қатъий амал қилсин.
Бунда, камерал солиқ текшируви натижаларига кўра қопланган қўшилган қиймат солиғи суммаси асоссизлиги аниқланган тақдирда, мазкур сумма белгиланган тартибда ундирилади.
3. Инвестициялар ва ташқи савдо вазирлиги Иқтисодий тараққиёт ва камбағалликни қисқартириш вазирлиги ҳамда Молия вазирлиги билан биргаликда:
икки ой муддатда махсус иқтисодий зоналар иштирокчиларига улар томонидан киритилган инвестициялар ҳажмидан келиб чиққан ҳолда фойда солиғи бўйича имтиёзлар беришни назарда тутувчи қонун лойиҳасини;
2022 йил 1 июлга қадар халқаро тажрибадан келиб чиққан ҳолда махсус иқтисодий зоналар фаолиятини, уларнинг вазифалари ва кутилаётган натижаларни, шунингдек, уларни жойлаштириш жойларини белгилаган ҳолда янада такомиллаштириш бўйича таклифларни Вазирлар Маҳкамасига киритсин.
4. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари С.У. Умурзаков зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 14 сентябрь,
ПҚ-5243-сон
Oʻzbekiston Respublikasi Prezidentining
Qarori
Maxsus iqtisodiy zonalar ishtirokchilarini yanada qoʻllab-quvvatlash chora-tadbirlari toʻgʻrisida
Investorlarning huquq va manfaatlari himoyasini mustahkamlash, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan vazifalar ijrosini taʼminlash maqsadida:
1. Belgilansinki:
2020-yil 1-yanvardan boshlab maxsus iqtisodiy zonalar ishtirokchilariga foyda soligʻi boʻyicha imtiyozlar bekor boʻlganligi munosabati bilan mazkur soliq imtiyozlarining foydalanilmay qolgan qismi 2020-yil 1-oktabrga qadar maxsus iqtisodiy zona ishtirokchilarining reyestriga kiritilgan ishtirokchilar uchun, ular tomonidan kiritilgan investitsiyalar hajmidan kelib chiqqan holda, ular reyestrga kiritilgan sanadan boshlab 3 yildan 10 yilgacha boʻlgan muddatlarda toʻliq qoʻllaniladi;
maxsus iqtisodiy zonalar ishtirokchilariga 2021-yil 15-sentabrdan boshlab mahsulot ishlab chiqarish va oʻz ehtiyojlari uchun foydalaniladigan butlovchi buyumlar, xom ashyo va materiallarni import qilganda qoʻshilgan qiymat soligʻi va bojxona bojini foizlar hisoblanmagan va ularning toʻlanishini taʼminlash talab etilmagan holda 120 kungacha muddatga kechiktirib (boʻlib-boʻlib) toʻlash huquqi beriladi.
2. Moliya vazirligi va Davlat soliq qoʻmitasi maxsus iqtisodiy zonalarning ishtirokchilariga ortiqcha qoʻshilgan qiymat soligʻi summasini yetti kun ichida qoplab berish tartibiga qatʼiy amal qilsin.
Bunda, kameral soliq tekshiruvi natijalariga koʻra qoplangan qoʻshilgan qiymat soligʻi summasi asossizligi aniqlangan taqdirda, mazkur summa belgilangan tartibda undiriladi.
3. Investitsiyalar va tashqi savdo vazirligi Iqtisodiy taraqqiyot va kambagʻallikni qisqartirish vazirligi hamda Moliya vazirligi bilan birgalikda:
ikki oy muddatda maxsus iqtisodiy zonalar ishtirokchilariga ular tomonidan kiritilgan investitsiyalar hajmidan kelib chiqqan holda foyda soligʻi boʻyicha imtiyozlar berishni nazarda tutuvchi qonun loyihasini;
2022-yil 1-iyulga qadar xalqaro tajribadan kelib chiqqan holda maxsus iqtisodiy zonalar faoliyatini, ularning vazifalari va kutilayotgan natijalarni, shuningdek, ularni joylashtirish joylarini belgilagan holda yanada takomillashtirish boʻyicha takliflarni Vazirlar Mahkamasiga kiritsin.
4. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari S.U. Umurzakov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 14-sentabr,
PQ-5243-son
Президента Республики Узбекистан
Постановление
О мерах по дальнейшей поддержке участников специальных экономических зон
В целях укрепления защиты прав и интересов инвесторов, а также обеспечения исполнения задач, определенных в рамках проведенного 20 августа 2021 года открытого диалога Президента Республики Узбекистан с предпринимателями по непосредственному изучению проблем и предложений предпринимателей и определению основных направлений последующего развития предпринимательства:
1. Установить, что:
в связи с отменой с 1 января 2020 года льгот по налогу на прибыль участников специальных экономических зон неиспользованная часть данных налоговых льгот будет полностью применена для участников специальных экономических зон, включенных в реестр участников специальных экономических зон по состоянию на 1 октября 2020 года, на срок от 3 до 10 лет с момента включения их в реестр, исходя из внесенного ими объема инвестиций;
участникам специальных экономических зон с 15 сентября 2021 года предоставляется право на отсрочку (рассрочку) уплаты налога на добавленную стоимость и таможенной пошлины при импорте комплектующих, сырья и материалов для производства продукции и собственных нужд на срок до 120 дней без начисления процентов и истребования обеспечения их уплаты.
2. Министерству финансов и Государственному налоговому комитету строго соблюдать порядок возмещения участникам специальных экономических зон суммы превышения по налогу на добавленную стоимость в течение семи дней.
При этом в случаях выявления по результатам камеральной налоговой проверки необоснованности возмещенной суммы налога на добавленную стоимость данная сумма взыскивается в установленном порядке.
3. Министерству инвестиций и внешней торговли совместно с Министерством экономического развития и сокращения бедности и Министерством финансов внести в Кабинет Министров:
в двухмесячный срок — проект закона, предусматривающий предоставление льгот по налогу на прибыль участникам специальных экономических зон исходя из внесенного ими объема инвестиций;
в срок до 1 июля 2022 года — предложения о дальнейшем совершенствовании деятельности специальных экономических зон, их задачи и ожидаемые результаты, а также с определением мест их размещения, исходя из международного опыта.
4. Контроль за исполнением настоящего постановления возложить на заместителя Премьер-министра Республики Узбекистан С.У. Умурзакова.
Президент Республики Узбекистан Ш. МИРЗИЁЕВ
г. Ташкент,
14 сентября 2021 г.,
№ ПП-5243