UzbekAI

Ўзбекистон Республикасининг Қонуни

Ўзбекистон Республикасининг Солиқ кодексига ўзгартиш ва қўшимчалар киритиш тўғрисида

Қонунчилик палатаси томонидан 2021 йил 27 июлда қабул қилинган Сенат томонидан 2021 йил 27 августда маъқулланган

1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова) қуйидаги ўзгартиш ва қўшимчалар киритилсин:

1) 18-модданинг биринчи қисми қуйидаги таҳрирда баён этилсин:

«Солиқ тўловчиларнинг айрим тоифалари учун Ўзбекистон Республикаси ҳудудида қуйидаги махсус солиқ режимлари белгиланади:

1) айланмадан олинадиган солиқ;

2) маҳсулот тақсимотига оид битимлар иштирокчиларига солиқ солишнинг алоҳида тартиби;

3) махсус иқтисодий зоналар иштирокчиларига ва айрим тоифадаги солиқ тўловчиларга солиқ солишнинг алоҳида тартиби;

4) Ўзбекистон Республикасининг айрим ҳудудларида солиқ солишнинг алоҳида тартиби»;

2) 131-модданинг учинчи қисми қуйидаги таҳрирда баён этилсин:

«Ҳисобга қўйилмаган жойда ер солиғини, мол-мулк солиғини ёки сув ресурсларидан фойдаланганлик учун солиқни тўлаш мажбурияти ўзида юзага келган солиқ тўловчи мазкур мажбурият юзага келган кундан эътиборан ўн кун ичида солиқ солиш объектларини улар жойлашган ерда ҳисобга қўйиш учун давлат солиқ хизмати органларига қонунчиликда белгиланган тартибда мурожаат қилиши керак, бундан ушбу Кодекс 133-моддасининг учинчи ва бешинчи қисмларига мувофиқ солиқ органларига бундай маълумотларни тақдим этиш органлар, муассасалар ва ташкилотларнинг мажбурияти бўлган ҳоллар мустасно»;

3) 133-модданинг :

учинчи қисми қуйидаги таҳрирда баён этилсин:

«Кўчмас мулкка бўлган ҳуқуқни давлат рўйхатидан ўтказишни амалга оширувчи органлар тегишли ҳудудда жойлашган ер участкаси ва бошқа кўчмас мол-мулк, уларнинг мулкдорлари (эгалари) тўғрисидаги ахборотни давлат солиқ органларига реал вақт режимида электрон шаклда тақдим этиши шарт»;

бешинчи қисми қуйидаги таҳрирда баён этилсин:

«Сув ресурсларини ҳисобга олишни амалга оширувчи органлар сувдан фойдаланиш ёки сувни истеъмол қилиш жойидаги солиқ органларига сувдан фойдаланувчи шахслар ва улар томонидан фойдаланилган сув ҳажмлари тўғрисида реал вақт режимида электрон шаклда ахборот тақдим этиши шарт»;

ўнинчи қисми қуйидаги таҳрирда баён этилсин:

«Нотариал ҳаракатларни амалга оширишга ваколатли бўлган органлар (муассасалар) кўчмас мулк олди-сотди шартномалари, мол-мулк ижараси шартномалари тасдиқланганлиги ва ижара ҳақи миқдори ҳақида, меросга эгалик қилиш ҳуқуқи тўғрисидаги гувоҳномалар берилганлиги ҳамда ҳадя этиш шартномалари нотариал тарзда тасдиқланганлиги тўғрисида солиқ органларига ахборот-коммуникация технологиялари воситасида реал вақт режимида хабар қилиши шарт. Бунда ҳадя этиш шартномалари тасдиқланганлиги тўғрисида тақдим этилаётган ахборотда ҳадя қилувчи ва ҳадя олувчи шахс ўртасидаги қариндошлик даражаси тўғрисидаги маълумотлар бўлиши керак»;

4) 169-модданинг бешинчи қисмидаги «камида ўн миллиард сўмни» деган сўзлар «камида беш миллиард сўмни» деган сўзлар билан алмаштирилсин;

5) 237-модданинг тўртинчи қисмидаги «Давлат солиқ қўмитаси» деган сўзлар «Вазирлар Маҳкамаси» деган сўзлар билан алмаштирилсин;

6) 369-модда иккинчи қисми :

7-банди қуйидаги таҳрирда баён этилсин:

«7) ходим бошқа жойга ишга ўтказилганда ёхуд кўчиб борганда кўчиш, мол-мулкини кўчириб боришга, жой ижарасига (йўл харажатлари учун бериладиган пул) оид харажатларни тўлаш ёки бу харажатларнинг ўрнини қоплаш харажатлари, шу жумладан Ўзбекистон Республикаси Вазирлар Маҳкамаси томонидан аниқланадиган олис ва бориш қийин бўлган ҳудудларда жойлашган бюджет ташкилотларига олий таълим муассасалари битирувчилари орасидан бакалавриатни ёки магистратурани тамомлагандан сўнг уч йил ичида ишга қабул қилинган ходимларга, шунингдек мазкур олис ва бориш қийин бўлган ҳудудларда жойлашган оилавий шифокорлик пунктларига ва оилавий поликлиникаларга ҳамда таълим муассасаларига ишга қабул қилинган, бошқа ҳудудларда яшайдиган олий маълумотли шифокорларга ва мутахассисларга тўланадиган бошланғич ёрдам пули»;

9-банди :

қуйидаги мазмундаги бешинчи хатбоши билан тўлдирилсин:

«Ўзбекистон Республикаси Вазирлар Маҳкамаси томонидан аниқланадиган олис ва бориш қийин бўлган ҳудудларда жойлашган бюджет ташкилотларига олий таълим муассасалари битирувчилари орасидан бакалавриатни ёки магистратурани тамомлагандан сўнг уч йил ичида ишга қабул қилинган ходимларга, шунингдек мазкур олис ва бориш қийин бўлган ҳудудларда жойлашган оилавий шифокорлик пунктларига ва оилавий поликлиникаларга ҳамда таълим муассасаларига ишга қабул қилинган, бошқа ҳудудда яшайдиган олий маълумотли шифокорларга ва мутахассисларга уй-жой ижараси учун ҳар ойлик пул компенсацияси»;

бешинчи хатбошиси олтинчи хатбоши деб ҳисоблансин;

қуйидаги мазмундаги 16-банд билан тўлдирилсин:

«16) солиқ тўловчининг Ўзбекистон Республикаси Президентининг ёки Ўзбекистон Республикаси Вазирлар Маҳкамасининг қарорлари билан белгиланадиган дастурларда иштирок этиши натижасида олинган бонуслар, пул мукофотлари тарзидаги пул тўловларидан иборат даромадлари»;

7) 408-модда иккинчи қисмининг биринчи хатбошиси қуйидаги таҳрирда баён этилсин:

«Меҳнат стажи ҳисобланиши учун ўзини ўзи банд қилган шахслар, меҳнат шартномаси асосида чет элда ишлаётган Ўзбекистон Республикаси фуқаролари, Ўзбекистон Республикаси давлат органлари ва бошқа ташкилотлар томонидан чет давлатларда ташкил этилган (очилган) савдо уйларида, ваколатхоналарда (шу жумладан юридик шахс ташкил этмасдан), ташкилотларда ишлаётган Ўзбекистон Республикаси фуқаролари, шунингдек ишламайдиган эри (хотини) учун солиқ тўловини амалга оширувчи ишлаётган фуқаролар томонидан йилига базавий ҳисоблаш миқдорининг камида бир баравари миқдорида ихтиёрий тартибда, қуйидаги солиқ тўловчилар томонидан эса мажбурий тартибда тўланади»;

8) 429-модда :

ўн тўртинчи қисми қуйидаги таҳрирда баён этилсин:

«Конлар ва карьерлар банд этган ерлар учун солиқ туманлар ва шаҳарлар халқ депутатлари Кенгашлари белгилаган солиқ ставкаларига нисбатан 0,1 коэффициент, лалми-яйлов зонада жойлашган ерлар учун эса — 0,05 коэффициент қўлланилган ҳолда тўланади»;

қуйидаги мазмундаги ўн бешинчи қисм билан тўлдирилсин:

«Лалми-яйлов зонада жойлашган ерлар учун солиқ туманлар ва шаҳарлар халқ депутатлари Кенгашлари белгилаган солиқ ставкаларига нисбатан 0,3 коэффициент қўлланилган ҳолда тўланади, бундан ушбу модданинг ўн тўртинчи қисмида назарда тутилган ҳоллар мустасно»;

9) 459-модда қуйидаги мазмундаги 9-банд билан тўлдирилсин:

«9) фақат электр двигатель орқали ҳаракатга келтириладиган автомототранспорт воситаларини сотиб олувчи ва (ёки) уларни Ўзбекистон Республикаси ҳудудига вақтинча олиб киришни амалга оширувчи шахслар»;

10) ХХI бўлимнинг номи қуйидаги таҳрирда баён этилсин:

«ХХI БЎЛИМ. СОЛИҚ ТЎЛОВЧИЛАРНИНГ АЙРИМ ТОИФАЛАРИГА ВА ЎЗБЕКИСТОН РЕСПУБЛИКАСИНИНГ АЙРИМ ҲУДУДЛАРИДА СОЛИҚ СОЛИШНИНГ ЎЗИГА ХОС ХУСУСИЯТЛАРИ»;

11) қуйидаги мазмундаги 71 1 -боб билан тўлдирилсин:

«71 1 -боб. Ўзбекистон Республикасининг айрим ҳудудларида солиқ солишнинг ўзига хос хусусиятлари

480 1 -модда. Умумий қоидалар

Ўзбекистон Республикасининг алоҳида ҳудудларида мазкур Кодекснинг 480 2 -моддасида белгиланган махсус солиқ ставкалари қўлланилишини назарда тутувчи солиқ солишнинг алоҳида тартиби белгиланиши мумкин.

Солиқ солишнинг алоҳида тартибига эга Ўзбекистон Республикасининг алоҳида ҳудудлари қуйидагилардан иборат: Фарғона вилоятининг Сўх тумани, Риштон туманининг Чўнғара маҳалласи, шунингдек Фарғона туманининг Шоҳимардон, Ёрдон маҳаллалари ва Ҳосилот маҳалласининг Тоштепа — 2 кўчаси.

480 2 -модда. Ўзбекистон Республикасининг айрим ҳудудларида солиқ ставкаларини қўллашнинг ўзига хос хусусиятлари

Ўзбекистон Республикасининг айрим ҳудудларида солиқ ставкалари қуйидаги миқдорларда белгиланади:

1) фойда солиғи бўйича — 1 фоиз. Мазкур солиқ ставкаси Ўзбекистон Республикасининг айрим ҳудудларида солиқ органида ҳисобда турган ва айрим ҳудудларида амалга оширилаётган фаолиятдан даромадлар олаётган солиқ тўловчиларга нисбатан қўлланилади;

2) жисмоний шахслардан олинадиган даромад солиғи бўйича — 1 фоиз. Мазкур солиқ ставкаси Ўзбекистон Республикасининг айрим ҳудудларида меҳнат фаолиятини амалга ошириш чоғида қўлланилади.

Ўзбекистон Республикасининг айрим ҳудудларида тадбиркорлик фаолиятини амалга ошираётган солиқ тўловчилар учун қатъий белгиланган миқдорлардаги жисмоний шахслардан олинадиган даромад солиғи ҳар чоракда йигирма беш минг сўм миқдорида тўланади;

3) ижтимоий солиқ бўйича:

юридик шахслар учун (бундан бюджет ташкилотлари мустасно) — 1 фоиз. Мазкур солиқ ставкаси Ўзбекистон Республикасининг айрим ҳудудларида меҳнат фаолиятини амалга ошираётган жисмоний шахсларнинг меҳнатига ҳақ тўлаш фондига нисбатан қўлланилади;

Ўзбекистон Республикасининг айрим ҳудудларида меҳнат фаолиятини амалга ошираётган якка тартибдаги тадбиркорлар учун — йилига базавий ҳисоблаш миқдорининг камида бир баравари миқдорида;

4) айланмадан олинадиган солиқ бўйича — 1 фоиз. Мазкур солиқ ставкаси солиқ тўловчиларга нисбатан улар тушумининг Ўзбекистон Республикасининг айрим ҳудудларида амалга оширилаётган фаолиятидан олинадиган қисмига нисбатан қўлланилади.

Ўзбекистон Республикасининг алоҳида ҳудудларида жойлашган кўчмас мулк объектларига ва ер участкаларига, шунингдек ушбу ҳудудларда фойдаланиладиган сув ресурсларига нисбатан мазкур Кодекснинг 415, 422, 429, 437 ва 445-моддаларида белгиланган мол-мулк солиғи, ер солиғи ва сув ресурсларидан фойдаланганлик учун солиқ ставкаларига 0,1 коэффициент қўлланилади»;

12) 482-модда :

биринчи қисмининг учинчи хатбошисидаги «1 октябрга» деган сўзлар «31 декабрга» деган сўзлар билан алмаштирилсин;

бешинчи қисмининг биринчи хатбошисидаги «2020 йил 1 октябрдан кейин» деган сўзлар чиқариб ташлансин;

қуйидаги мазмундаги олтинчи қисм билан тўлдирилсин:

«Ушбу модданинг биринчи қисмига мувофиқ мол-мулк ва ер солиғининг 2020 йил 31 декабрдаги ҳолатига кўра кечиктирилган ҳамда тўланмаган суммаларини тўлаш 2022 йил 1 январдан эътиборан амалга оширилади. Бунда маҳаллий давлат ҳокимияти органлари ушбу модда биринчи қисмининг иккинчи хатбошисига мувофиқ кечиктирилган солиқ суммаси кейинчалик тўланадиган, бироқ икки йилдан кўп бўлмаган муддатни мустақил равишда белгилашга ҳақли»;

олтинчи — тўққизинчи қисмлари тегишинча еттинчи — ўнинчи қисмлар деб ҳисоблансин;

13) 483-модда қуйидаги мазмундаги тўртинчи, бешинчи ва олтинчи қисмлар билан тўлдирилсин:

«2022 йил 1 январга қадар бўлган даврда 2020 йил 31 декабрдаги ҳолатга кўра солиқ қарзини мажбурий равишда ундириш, шунингдек қуйидагилар бўйича пеня ҳисоблаш чоралари кўрилмайди:

фаолиятни туризм, транспорт ва умумий овқатланиш соҳасида амалга ошираётган тадбиркорлик субъектлари учун юридик шахсларнинг мол-мулкига солинадиган солиқ ва юридик шахслардан олинадиган ер солиғи бўйича;

2020 йилда ҳисобланган ва вақтинча қийинчиликлар муносабати билан юридик шахслар томонидан тўланмаган юридик шахсларнинг мол-мулкига солинадиган солиқ ва юридик шахслардан олинадиган ер солиғи бўйича;

2020 йил 15 майдаги ҳолатга кўра қарздорлиги мавжуд бўлган микрофирмалар ва кичик корхоналарга солиқлар, пенялар ва солиқ тўғрисидаги қонунчиликни бузганлик учун ҳисобланган жарималар бўйича.

2021 йил 31 декабргача бўлган давр учун туроператорлар, турагентлар ва туризм соҳасида меҳмонхона хизматлари (жойлаштириш хизматлари) кўрсатувчи тадбиркорлик субъектлари:

фойда солиғини белгиланган солиқ ставкаларига нисбатан 50 фоиз камайтирилган солиқ ставкалари бўйича тўлайди;

ижтимоий солиқни 1 фоиз миқдоридаги солиқ ставкаси бўйича тўлайди;

юридик шахсларнинг мол-мулкидан олинадиган солиқни ва юридик шахслардан олинадиган ер солиғини тўлашдан озод қилинади.

Қуйидагилар мол-мулк солиғини, ер солиғини, айланмадан олинадиган солиқни тўлашдан, якка тартибдаги тадбиркорлар учун жисмоний шахслардан олинадиган даромад солиғининг қатъий белгиланган суммаларини тўлашдан озод қилинади:

Ўзбекистон Республикаси Президентининг қарорида Қорақалпоғистон Республикасининг ҳар бир шаҳари ва тумани учун «ўсиш нуқтаси» деб белгиланган фаолият турларини амалга ошираётган янгидан ташкил этилган тадбиркорлик субъектлари — 2024 йил 1 январга қадар бўлган муддатга;

Қорақалпоғистон Республикасининг Тахтакўпир, Бўзатов ва Шуманай туманларида жойлашган, янгидан ташкил этилган саноат соҳасидаги тадбиркорлик субъектлари — 2024 йил 1 январга қадар бўлган муддатга. Солиқ тўловчиларнинг мазкур тоифаси фойда солиғини ва сув ресурсларидан фойдаланганлик учун солиқни белгиланган солиқ ставкасидан 50 фоиз пасайтирилган солиқ ставкалари бўйича тўлайди;

Қорақалпоғистон Республикаси Жўқорғи Кенгеси томонидан аниқланган рўйхат бўйича Қорақалпоғистон Республикасида хизматлар кўрсатишга ихтисослаштирилган ва оғир шароитлардаги 45 та маҳалла ва овулларда жойлашган, янгидан ташкил этилган тадбиркорлик субъектлари — 2026 йил 1 январга қадар бўлган муддатга. Тадбиркорлик субъектларининг мазкур тоифаси фойда солиғидан ҳам озод қилинади».

2-модда. Ўзбекистон Республикаси Молия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.

Ушбу Қонун 1-моддаси 6-бандининг қоидалари 2021 йил 1 июндан эътиборан юзага келадиган муносабатларга нисбатан ҳам татбиқ этилади.

Ушбу Қонун 1-моддаси 7 , 8 , 11 ва 12-бандларининг қоидалари 2021 йил 1 январдан эътиборан юзага келадиган муносабатларга нисбатан ҳам татбиқ этилади.

Ушбу Қонун 1-моддаси 9 ва 10-бандларининг қоидалари 2021 йил 1 мартдан эътиборан юзага келадиган муносабатларга нисбатан ҳам татбиқ этилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2021 йил 14 сентябрь,

ЎРҚ-714-сон

(Қонунчилик маълумотлари миллий базаси, 15.09.2021 й., 03/21/714/0874-сон)

lex.uz

Oʻzbekiston Respublikasining Qonuni

Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida

Qonunchilik palatasi tomonidan 2021-yil 27-iyulda qabul qilingan Senat tomonidan 2021-yil 27-avgustda maʼqullangan

1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova) quyidagi oʻzgartish va qoʻshimchalar kiritilsin:

1) 18-moddaning birinchi qismi quyidagi tahrirda bayon etilsin:

“Soliq toʻlovchilarning ayrim toifalari uchun Oʻzbekiston Respublikasi hududida quyidagi maxsus soliq rejimlari belgilanadi:

1) aylanmadan olinadigan soliq;

2) mahsulot taqsimotiga oid bitimlar ishtirokchilariga soliq solishning alohida tartibi;

3) maxsus iqtisodiy zonalar ishtirokchilariga va ayrim toifadagi soliq toʻlovchilarga soliq solishning alohida tartibi;

4) Oʻzbekiston Respublikasining ayrim hududlarida soliq solishning alohida tartibi”;

2) 131-moddaning uchinchi qismi quyidagi tahrirda bayon etilsin:

“Hisobga qoʻyilmagan joyda yer soligʻini, mol-mulk soligʻini yoki suv resurslaridan foydalanganlik uchun soliqni toʻlash majburiyati oʻzida yuzaga kelgan soliq toʻlovchi mazkur majburiyat yuzaga kelgan kundan eʼtiboran oʻn kun ichida soliq solish obyektlarini ular joylashgan erda hisobga qoʻyish uchun davlat soliq xizmati organlariga qonunchilikda belgilangan tartibda murojaat qilishi kerak, bundan ushbu Kodeks 133-moddasining uchinchi va beshinchi qismlariga muvofiq soliq organlariga bunday maʼlumotlarni taqdim etish organlar, muassasalar va tashkilotlarning majburiyati boʻlgan hollar mustasno”;

3) 133-moddaning :

uchinchi qismi quyidagi tahrirda bayon etilsin:

“Koʻchmas mulkka boʻlgan huquqni davlat roʻyxatidan oʻtkazishni amalga oshiruvchi organlar tegishli hududda joylashgan yer uchastkasi va boshqa koʻchmas mol-mulk, ularning mulkdorlari (egalari) toʻgʻrisidagi axborotni davlat soliq organlariga real vaqt rejimida elektron shaklda taqdim etishi shart”;

beshinchi qismi quyidagi tahrirda bayon etilsin:

“Suv resurslarini hisobga olishni amalga oshiruvchi organlar suvdan foydalanish yoki suvni isteʼmol qilish joyidagi soliq organlariga suvdan foydalanuvchi shaxslar va ular tomonidan foydalanilgan suv hajmlari toʻgʻrisida real vaqt rejimida elektron shaklda axborot taqdim etishi shart”;

oʻninchi qismi quyidagi tahrirda bayon etilsin:

“Notarial harakatlarni amalga oshirishga vakolatli boʻlgan organlar (muassasalar) koʻchmas mulk oldi-sotdi shartnomalari, mol-mulk ijarasi shartnomalari tasdiqlanganligi va ijara haqi miqdori haqida, merosga egalik qilish huquqi toʻgʻrisidagi guvohnomalar berilganligi hamda hadya etish shartnomalari notarial tarzda tasdiqlanganligi toʻgʻrisida soliq organlariga axborot-kommunikatsiya texnologiyalari vositasida real vaqt rejimida xabar qilishi shart. Bunda hadya etish shartnomalari tasdiqlanganligi toʻgʻrisida taqdim etilayotgan axborotda hadya qiluvchi va hadya oluvchi shaxs oʻrtasidagi qarindoshlik darajasi toʻgʻrisidagi maʼlumotlar boʻlishi kerak”;

4) 169-moddaning beshinchi qismidagi “kamida oʻn milliard soʻmni” degan soʻzlar “kamida besh milliard soʻmni” degan soʻzlar bilan almashtirilsin;

5) 237-moddaning toʻrtinchi qismidagi “Davlat soliq qoʻmitasi” degan soʻzlar “Vazirlar Mahkamasi” degan soʻzlar bilan almashtirilsin;

6) 369-modda ikkinchi qismi :

7-bandi quyidagi tahrirda bayon etilsin:

“7) xodim boshqa joyga ishga oʻtkazilganda yoxud koʻchib borganda koʻchish, mol-mulkini koʻchirib borishga, joy ijarasiga (yoʻl xarajatlari uchun beriladigan pul) oid xarajatlarni toʻlash yoki bu xarajatlarning oʻrnini qoplash xarajatlari, shu jumladan Oʻzbekiston Respublikasi Vazirlar Mahkamasi tomonidan aniqlanadigan olis va borish qiyin boʻlgan hududlarda joylashgan budjet tashkilotlariga oliy taʼlim muassasalari bitiruvchilari orasidan bakalavriatni yoki magistraturani tamomlagandan soʻng uch yil ichida ishga qabul qilingan xodimlarga, shuningdek mazkur olis va borish qiyin boʻlgan hududlarda joylashgan oilaviy shifokorlik punktlariga va oilaviy poliklinikalarga hamda taʼlim muassasalariga ishga qabul qilingan, boshqa hududlarda yashaydigan oliy maʼlumotli shifokorlarga va mutaxassislarga toʻlanadigan boshlangʻich yordam puli”;

9-bandi :

quyidagi mazmundagi beshinchi xatboshi bilan toʻldirilsin:

“Oʻzbekiston Respublikasi Vazirlar Mahkamasi tomonidan aniqlanadigan olis va borish qiyin boʻlgan hududlarda joylashgan budjet tashkilotlariga oliy taʼlim muassasalari bitiruvchilari orasidan bakalavriatni yoki magistraturani tamomlagandan soʻng uch yil ichida ishga qabul qilingan xodimlarga, shuningdek mazkur olis va borish qiyin boʻlgan hududlarda joylashgan oilaviy shifokorlik punktlariga va oilaviy poliklinikalarga hamda taʼlim muassasalariga ishga qabul qilingan, boshqa hududda yashaydigan oliy maʼlumotli shifokorlarga va mutaxassislarga uy-joy ijarasi uchun har oylik pul kompensatsiyasi”;

beshinchi xatboshisi oltinchi xatboshi deb hisoblansin;

quyidagi mazmundagi 16-band bilan toʻldirilsin:

“16) soliq toʻlovchining Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlari bilan belgilanadigan dasturlarda ishtirok etishi natijasida olingan bonuslar, pul mukofotlari tarzidagi pul toʻlovlaridan iborat daromadlari”;

7) 408-modda ikkinchi qismining birinchi xatboshisi quyidagi tahrirda bayon etilsin:

“Mehnat staji hisoblanishi uchun oʻzini oʻzi band qilgan shaxslar, mehnat shartnomasi asosida chet elda ishlayotgan Oʻzbekiston Respublikasi fuqarolari, Oʻzbekiston Respublikasi davlat organlari va boshqa tashkilotlar tomonidan chet davlatlarda tashkil etilgan (ochilgan) savdo uylarida, vakolatxonalarda (shu jumladan yuridik shaxs tashkil etmasdan), tashkilotlarda ishlayotgan Oʻzbekiston Respublikasi fuqarolari, shuningdek ishlamaydigan eri (xotini) uchun soliq toʻlovini amalga oshiruvchi ishlayotgan fuqarolar tomonidan yiliga bazaviy hisoblash miqdorining kamida bir baravari miqdorida ixtiyoriy tartibda, quyidagi soliq toʻlovchilar tomonidan esa majburiy tartibda toʻlanadi”;

8) 429-modda :

oʻn toʻrtinchi qismi quyidagi tahrirda bayon etilsin:

“Konlar va karyerlar band etgan yerlar uchun soliq tumanlar va shaharlar xalq deputatlari Kengashlari belgilagan soliq stavkalariga nisbatan 0,1 koeffitsiyent, lalmi-yaylov zonada joylashgan yerlar uchun esa — 0,05 koeffitsiyent qoʻllanilgan holda toʻlanadi”;

quyidagi mazmundagi oʻn beshinchi qism bilan toʻldirilsin:

“Lalmi-yaylov zonada joylashgan yerlar uchun soliq tumanlar va shaharlar xalq deputatlari Kengashlari belgilagan soliq stavkalariga nisbatan 0,3 koeffitsiyent qoʻllanilgan holda toʻlanadi, bundan ushbu moddaning oʻn toʻrtinchi qismida nazarda tutilgan hollar mustasno”;

9) 459-modda quyidagi mazmundagi 9-band bilan toʻldirilsin:

“9) faqat elektr dvigatel orqali harakatga keltiriladigan avtomototransport vositalarini sotib oluvchi va (yoki) ularni Oʻzbekiston Respublikasi hududiga vaqtincha olib kirishni amalga oshiruvchi shaxslar”;

10) XXI boʻlimning nomi quyidagi tahrirda bayon etilsin:

“XXI BOʻLIM. SOLIQ TOʻLOVChILARNING AYRIM TOIFALARIGA VA OʻZBEKISTON RESPUBLIKASINING AYRIM HUDUDLARIDA SOLIQ SOLIShNING OʻZIGA XOS XUSUSIYATLARI”;

11) quyidagi mazmundagi 71 1 -bob bilan toʻldirilsin:

“71 1 -bob. Oʻzbekiston Respublikasining ayrim hududlarida soliq solishning oʻziga xos xususiyatlari

480 1 -modda. Umumiy qoidalar

Oʻzbekiston Respublikasining alohida hududlarida mazkur Kodeksning 480 2 -moddasida belgilangan maxsus soliq stavkalari qoʻllanilishini nazarda tutuvchi soliq solishning alohida tartibi belgilanishi mumkin.

Soliq solishning alohida tartibiga ega Oʻzbekiston Respublikasining alohida hududlari quyidagilardan iborat: Fargʻona viloyatining Soʻx tumani, Rishton tumanining Choʻngʻara mahallasi, shuningdek Fargʻona tumanining Shohimardon, Yordon mahallalari va Hosilot mahallasining Toshtepa — 2 koʻchasi.

480 2 -modda. Oʻzbekiston Respublikasining ayrim hududlarida soliq stavkalarini qoʻllashning oʻziga xos xususiyatlari

Oʻzbekiston Respublikasining ayrim hududlarida soliq stavkalari quyidagi miqdorlarda belgilanadi:

1) foyda soligʻi boʻyicha — 1 foiz. Mazkur soliq stavkasi Oʻzbekiston Respublikasining ayrim hududlarida soliq organida hisobda turgan va ayrim hududlarida amalga oshirilayotgan faoliyatdan daromadlar olayotgan soliq toʻlovchilarga nisbatan qoʻllaniladi;

2) jismoniy shaxslardan olinadigan daromad soligʻi boʻyicha — 1 foiz. Mazkur soliq stavkasi Oʻzbekiston Respublikasining ayrim hududlarida mehnat faoliyatini amalga oshirish chogʻida qoʻllaniladi.

Oʻzbekiston Respublikasining ayrim hududlarida tadbirkorlik faoliyatini amalga oshirayotgan soliq toʻlovchilar uchun qatʼiy belgilangan miqdorlardagi jismoniy shaxslardan olinadigan daromad soligʻi har chorakda yigirma besh ming soʻm miqdorida toʻlanadi;

3) ijtimoiy soliq boʻyicha:

yuridik shaxslar uchun (bundan budjet tashkilotlari mustasno) — 1 foiz. Mazkur soliq stavkasi Oʻzbekiston Respublikasining ayrim hududlarida mehnat faoliyatini amalga oshirayotgan jismoniy shaxslarning mehnatiga haq toʻlash fondiga nisbatan qoʻllaniladi;

Oʻzbekiston Respublikasining ayrim hududlarida mehnat faoliyatini amalga oshirayotgan yakka tartibdagi tadbirkorlar uchun — yiliga bazaviy hisoblash miqdorining kamida bir baravari miqdorida;

4) aylanmadan olinadigan soliq boʻyicha — 1 foiz. Mazkur soliq stavkasi soliq toʻlovchilarga nisbatan ular tushumining Oʻzbekiston Respublikasining ayrim hududlarida amalga oshirilayotgan faoliyatidan olinadigan qismiga nisbatan qoʻllaniladi.

Oʻzbekiston Respublikasining alohida hududlarida joylashgan koʻchmas mulk obyektlariga va yer uchastkalariga, shuningdek ushbu hududlarda foydalaniladigan suv resurslariga nisbatan mazkur Kodeksning 415, 422, 429, 437 va 445-moddalarida belgilangan mol-mulk soligʻi, yer soligʻi va suv resurslaridan foydalanganlik uchun soliq stavkalariga 0,1 koeffitsiyent qoʻllaniladi”;

12) 482-modda :

birinchi qismining uchinchi xatboshisidagi “1-oktabrga” degan soʻzlar “31-dekabrga” degan soʻzlar bilan almashtirilsin;

beshinchi qismining birinchi xatboshisidagi “2020-yil 1-oktabrdan keyin” degan soʻzlar chiqarib tashlansin;

quyidagi mazmundagi oltinchi qism bilan toʻldirilsin:

“Ushbu moddaning birinchi qismiga muvofiq mol-mulk va yer soligʻining 2020-yil 31-dekabrdagi holatiga koʻra kechiktirilgan hamda toʻlanmagan summalarini toʻlash 2022-yil 1-yanvardan eʼtiboran amalga oshiriladi. Bunda mahalliy davlat hokimiyati organlari ushbu modda birinchi qismining ikkinchi xatboshisiga muvofiq kechiktirilgan soliq summasi keyinchalik toʻlanadigan, biroq ikki yildan koʻp boʻlmagan muddatni mustaqil ravishda belgilashga haqli”;

oltinchi — toʻqqizinchi qismlari tegishincha yettinchi — oʻninchi qismlar deb hisoblansin;

13) 483-modda quyidagi mazmundagi toʻrtinchi, beshinchi va oltinchi qismlar bilan toʻldirilsin:

“2022-yil 1-yanvarga qadar boʻlgan davrda 2020-yil 31-dekabrdagi holatga koʻra soliq qarzini majburiy ravishda undirish, shuningdek quyidagilar boʻyicha penya hisoblash choralari koʻrilmaydi:

faoliyatni turizm, transport va umumiy ovqatlanish sohasida amalga oshirayotgan tadbirkorlik subyektlari uchun yuridik shaxslarning mol-mulkiga solinadigan soliq va yuridik shaxslardan olinadigan yer soligʻi boʻyicha;

2020-yilda hisoblangan va vaqtincha qiyinchiliklar munosabati bilan yuridik shaxslar tomonidan toʻlanmagan yuridik shaxslarning mol-mulkiga solinadigan soliq va yuridik shaxslardan olinadigan yer soligʻi boʻyicha;

2020-yil 15-maydagi holatga koʻra qarzdorligi mavjud boʻlgan mikrofirmalar va kichik korxonalarga soliqlar, penyalar va soliq toʻgʻrisidagi qonunchilikni buzganlik uchun hisoblangan jarimalar boʻyicha.

2021-yil 31-dekabrgacha boʻlgan davr uchun turoperatorlar, turagentlar va turizm sohasida mehmonxona xizmatlari (joylashtirish xizmatlari) koʻrsatuvchi tadbirkorlik subyektlari:

foyda soligʻini belgilangan soliq stavkalariga nisbatan 50 foiz kamaytirilgan soliq stavkalari boʻyicha toʻlaydi;

ijtimoiy soliqni 1 foiz miqdoridagi soliq stavkasi boʻyicha toʻlaydi;

yuridik shaxslarning mol-mulkidan olinadigan soliqni va yuridik shaxslardan olinadigan yer soligʻini toʻlashdan ozod qilinadi.

Quyidagilar mol-mulk soligʻini, yer soligʻini, aylanmadan olinadigan soliqni toʻlashdan, yakka tartibdagi tadbirkorlar uchun jismoniy shaxslardan olinadigan daromad soligʻining qatʼiy belgilangan summalarini toʻlashdan ozod qilinadi:

Oʻzbekiston Respublikasi Prezidentining qarorida Qoraqalpogʻiston Respublikasining har bir shahari va tumani uchun “oʻsish nuqtasi” deb belgilangan faoliyat turlarini amalga oshirayotgan yangidan tashkil etilgan tadbirkorlik subyektlari — 2024-yil 1-yanvarga qadar boʻlgan muddatga;

Qoraqalpogʻiston Respublikasining Taxtakoʻpir, Boʻzatov va Shumanay tumanlarida joylashgan, yangidan tashkil etilgan sanoat sohasidagi tadbirkorlik subyektlari — 2024-yil 1-yanvarga qadar boʻlgan muddatga. Soliq toʻlovchilarning mazkur toifasi foyda soligʻini va suv resurslaridan foydalanganlik uchun soliqni belgilangan soliq stavkasidan 50 foiz pasaytirilgan soliq stavkalari boʻyicha toʻlaydi;

Qoraqalpogʻiston Respublikasi Joʻqorgʻi Kengesi tomonidan aniqlangan roʻyxat boʻyicha Qoraqalpogʻiston Respublikasida xizmatlar koʻrsatishga ixtisoslashtirilgan va ogʻir sharoitlardagi 45 ta mahalla va ovullarda joylashgan, yangidan tashkil etilgan tadbirkorlik subyektlari — 2026-yil 1-yanvarga qadar boʻlgan muddatga. Tadbirkorlik subyektlarining mazkur toifasi foyda soligʻidan ham ozod qilinadi”.

2-modda. Oʻzbekiston Respublikasi Moliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasi 6-bandining qoidalari 2021-yil 1-iyundan eʼtiboran yuzaga keladigan munosabatlarga nisbatan ham tatbiq etiladi.

Ushbu Qonun 1-moddasi 7 , 8 , 11 va 12-bandlarining qoidalari 2021-yil 1-yanvardan eʼtiboran yuzaga keladigan munosabatlarga nisbatan ham tatbiq etiladi.

Ushbu Qonun 1-moddasi 9 va 10-bandlarining qoidalari 2021-yil 1-martdan eʼtiboran yuzaga keladigan munosabatlarga nisbatan ham tatbiq etiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2021-yil 14-sentabr,

OʻRQ-714-son

(Qonunchilik maʼlumotlari milliy bazasi, 15.09.2021-y., 03/21/714/0874-son)

lex.uz

Закон Республики Узбекистан

О внесении изменений и дополнений в Налоговый кодекс Республики Узбекистан

Принят Законодательной палатой 27 июля 2021 года Одобрен Сенатом 27 августа 2021 года

Статья 1. Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4), следующие изменения и дополнения:

1) часть первую статьи 18 изложить в следующей редакции:

«Для отдельных категорий налогоплательщиков на территории Республики Узбекистан устанавливаются следующие специальные налоговые режимы:

1) налог с оборота;

2) особый порядок налогообложения участников соглашений о разделе продукции;

3) особый порядок налогообложения участников специальных экономических зон и отдельных категорий налогоплательщиков;

4) особый порядок налогообложения отдельных территорий Республики Узбекистан»;

2) часть третью статьи 131 изложить в следующей редакции:

«Налогоплательщик, у которого возникло обязательство по уплате земельного налога, налога на имущество или налога за пользование водными ресурсами не по месту постановки на учет, в течение десяти дней со дня возникновения данного обязательства должен обратиться в налоговые органы для постановки на учет объектов налогообложения по месту их нахождения в порядке, установленном законодательством, за исключением случаев, когда предоставление таких сведений в налоговые органы является обязанностью органов, учреждений и организаций в соответствии с частями третьей и пятой статьи 133 настоящего Кодекса»;

3) в статье 133 :

часть третью изложить в следующей редакции:

«Органы, осуществляющие государственную регистрацию прав на недвижимое имущество, обязаны предоставить информацию о расположенном на соответствующей территории земельном участке и ином недвижимом имуществе, их собственниках (владельцах) в органы государственной налоговой службы в электронной форме в режиме реального времени»;

часть пятую изложить в следующей редакции:

«Органы, осуществляющие учет водных ресурсов, в электронной форме в режиме реального времени обязаны предоставить налоговым органам по месту водопользования или водопотребления информацию о лицах, использующих воду, и об объемах воды, использованных ими»;

часть десятую изложить в следующей редакции:

«Органы (учреждения), уполномоченные совершать нотариальные действия, обязаны посредством информационно-коммуникационных технологий сообщать в налоговые органы в режиме реального времени об удостоверении договоров купли-продажи недвижимого имущества, договоров аренды имущества и о размере арендной платы, выдаче свидетельств о праве на наследство и нотариальном удостоверении договоров дарения. При этом предоставляемая информация об удостоверении договоров дарения должна содержать сведения о степени родства между дарителем и одаряемым»;

4) в части пятой статьи 169 слова «не менее десяти миллиардов сумов» заменить словами «не менее пяти миллиардов сумов»;

5) в части четвертой статьи 237 слова «Государственным налоговым комитетом» заменить словами «Кабинетом Министров»;

6) в части второй статьи 369:

пункт 7 изложить в следующей редакции:

«7) оплата расходов или их возмещение по проезду, провозу имущества, найму помещения (подъемные) при переводе либо переезде работника на работу в другую местность, включая предусмотренные законодательством выплаты первоначальной денежной помощи работникам из числа выпускников высших образовательных учреждений, принятых в течение трех лет после окончания бакалавриата или магистратуры на работу в бюджетные организации, расположенные в отдаленных и труднодоступных районах, определяемых Кабинетом Министров Республики Узбекистан, а также проживающих в других регионах врачей и специалистов с высшим образованием, принятых на работу в семейные врачебные пункты, семейные поликлиники и образовательные учреждения, расположенные в данных отдаленных и труднодоступных районах»;

в пункте 9 :

дополнить абзацем пятым следующего содержания:

«ежемесячная денежная компенсация за аренду жилья, выплачиваемая работникам из числа выпускников высших образовательных учреждений, принятых в течение трех лет после окончания бакалавриата или магистратуры на работу в бюджетные организации, расположенные в отдаленных и труднодоступных районах, определяемых Кабинетом Министров Республики Узбекистан, а также проживающих в других регионах врачей и специалистов с высшим образованием, принятых на работу в семейные врачебные пункты, семейные поликлиники и образовательные учреждения, расположенные в данных отдаленных и труднодоступных районах»;

абзац пятый считать абзацем шестым;

дополнить пунктом 16 следующего содержания:

«16) доходы налогоплательщика в виде денежных выплат в виде бонусов и вознаграждений, полученных вследствие участия в программах, определяемых решениями Президента Республики Узбекистан или Кабинета Министров Республики Узбекистан»;

7) абзац первый части второй статьи 408 изложить в следующей редакции:

«Для исчисления трудового стажа самозанятыми лицами, гражданами Республики Узбекистан, работающими за границей по найму на основе трудового договора, гражданами Республики Узбекистан, работающими в торговых домах, представительствах (в том числе без образования юридического лица), организациях, созданных (открытых) в иностранных государствах государственными органами и другими организациями Республики Узбекистан, а также работающими гражданами, осуществляющими уплату налога за их неработающих супругов, налог уплачивается в размере не менее одного размера базовой расчетной величины в год в добровольном порядке, а следующими налогоплательщиками — в обязательном порядке»;

8) в статье 429 :

часть четырнадцатую изложить в следующей редакции:

«За земли, занятые под рудниками и карьерами, налог уплачивается с применением коэффициента 0,1, а расположенные в богарно-пастбищной зоне — коэффициента 0,05 к налоговым ставкам, установленным Кенгашами народных депутатов районов и городов»;

дополнить частью пятнадцатой следующего содержания:

«За земли, расположенные в богарно-пастбищной зоне, налог уплачивается с применением коэффициента 0,3 к налоговым ставкам, установленным Кенгашами народных депутатов районов и городов, за исключением случаев, предусмотренных частью четырнадцатой настоящей статьи»;

9) статью 459 дополнить пунктом 9 следующего содержания:

«9) лица, приобретающие и (или) осуществляющие временный ввоз на территорию Республики Узбекистан автомототранспортных средств, приводимых в движение только электрическим двигателем»;

10) наименование раздела XXI изложить в следующей редакции:

«РАЗДЕЛ XXI. ОСОБЕННОСТИ НАЛОГООБЛОЖЕНИЯ ОТДЕЛЬНЫХ КАТЕГОРИЙ НАЛОГОПЛАТЕЛЬЩИКОВ И НА ОТДЕЛЬНЫХ ТЕРРИТОРИЯХ РЕСПУБЛИКИ УЗБЕКИСТАН»;

11) дополнить главой 71 1 следующего содержания:

«Глава 71 1 . Особенности налогообложения на отдельных территориях Республики Узбекистан

Статья 480 1 . Общие положения

На отдельных территориях Республики Узбекистан может устанавливаться особый порядок налогообложения, предусматривающий применение специальных налоговых ставок, определенных статьей 480 2 настоящего Кодекса.

Отдельными территориями Республики Узбекистан с особым порядком налогообложения являются: Сохский район, махалля Чунгара Риштанского района, а также махалли Шахимардан, Ёрдан и улица Таштепа — 2 махалли Хосилот Ферганского района Ферганской области.

Статья 480 2 . Особенности применения налоговых ставок на отдельных территориях Республики Узбекистан

Налоговые ставки на отдельных территориях Республики Узбекистан устанавливаются в следующих размерах:

1) по налогу на прибыль — 1 процент. Данная налоговая ставка применяется к налогоплательщикам, состоящим на учете в налоговом органе отдельных территорий и получающим доходы от деятельности, осуществляемой на отдельных территориях Республики Узбекистан;

2) по налогу на доходы физических лиц — 1 процент. Данная налоговая ставка применяется при осуществлении трудовой деятельности на отдельных территориях Республики Узбекистан.

Для налогоплательщиков, осуществляющих предпринимательскую деятельность на отдельных территориях Республики Узбекистан, налог на доходы физических лиц в фиксированных размерах уплачивается в размере двадцати пяти тысяч сумов в квартал;

3) по социальному налогу:

для юридических лиц (за исключением бюджетных организаций) — 1 процент. Данная налоговая ставка применяется к фонду оплаты труда физических лиц, осуществляющих трудовую деятельность на отдельных территориях Республики Узбекистан;

для индивидуальных предпринимателей, осуществляющих деятельность на отдельных территориях Республики Узбекистан, — в размере не менее одного размера базовой расчетной величины в год;

4) по налогу с оборота — 1 процент. Данная налоговая ставка применяется к налогоплательщикам в части выручки, получаемой от деятельности, осуществляемой на отдельных территориях Республики Узбекистан.

К налоговым ставкам по налогу на имущество, земельному налогу и налогу за пользование водными ресурсами, установленным в статьях 415, 422, 429, 437 и 445 настоящего Кодекса, применяется коэффициент 0,1 в отношении объектов недвижимого имущества и земельных участков, расположенных на отдельных территориях Республики Узбекистан, а также водных ресурсов, используемых на этих территориях»;

12) в статье 482 :

в абзаце третьем части первой слова «1 октября» заменить словами «31 декабря»;

из абзаца первого части пятой слова «после 1 октября 2020 года» исключить;

дополнить частью шестой следующего содержания:

«Уплата отсроченной в соответствии с частью первой настоящей статьи и непогашенной суммы налога на имущество и земельного налога по состоянию на 31 декабря 2020 года производится с 1 января 2022 года. При этом органы государственной власти на местах вправе самостоятельно, но не более чем на два года определять срок, в течение которого будет уплачиваться в последующем сумма налогов, отсроченная в соответствии с абзацем вторым части первой настоящей статьи»;

части шестую — девятую считать соответственно частями седьмой — десятой;

13) статью 483 дополнить частями четвертой, пятой и шестой следующего содержания:

«На период до 1 января 2022 года не принимаются меры принудительного взыскания налоговой задолженности по состоянию на 31 декабря 2020 года, а также начисление пени:

по налогу на имущество юридических лиц и земельному налогу с юридических лиц для субъектов предпринимательства, осуществляющих деятельность в сфере туризма, транспорта и общественного питания;

по налогу на имущество юридических лиц и земельному налогу с юридических лиц, начисленных и не уплаченных юридическими лицами в 2020 году в связи с временными трудностями;

по налогам, пеням и начисленным штрафам за нарушение налогового законодательства для микрофирм и малых предприятий, имеющих задолженность по состоянию на 15 мая 2020 года.

На период до 31 декабря 2021 года туроператоры, турагенты и субъекты, оказывающие гостиничные услуги (услуги по размещению) в сфере туризма:

уплачивают налог на прибыль по налоговым ставкам, сниженным на 50 процентов от установленной налоговой ставки;

уплачивают социальный налог по налоговой ставке в размере 1 процента;

освобождаются от уплаты налога на имущество юридических лиц и земельного налога с юридических лиц.

Освобождаются от уплаты налога на имущество, земельного налога, налога с оборота, фиксированной суммы налога на доходы физических лиц для индивидуальных предпринимателей:

сроком до 1 января 2024 года вновь созданные субъекты предпринимательства, осуществляющие виды деятельности, определенные решением Президента Республики Узбекистан как «точки роста» для каждого района и города Республики Каракалпакстан;

сроком до 1 января 2024 года вновь созданные субъекты предпринимательства в сфере промышленности, размещенные в Тахтакупырском, Бозатауском и Шуманайском районах Республики Каракалпакстан. Данная категория налогоплательщиков уплачивает налог на прибыль и налог за пользование водными ресурсами по налоговым ставкам, сниженным на 50 процентов от установленной налоговой ставки;

сроком до 1 января 2026 года вновь созданные субъекты предпринимательства, специализирующиеся на оказании услуг и размещенные на территории 45 махаллей и аулов с тяжелыми условиями в Республике Каракалпакстан, по перечню, определяемому Жокаргы Кенесом Республики Каракалпакстан. Данная категория субъектов предпринимательства также освобождается от налога на прибыль».

Статья 2. Министерству финансов Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену органами государственного управления их нормативно-правовых актов, противоречащих настоящему Закону.

Статья 4. Настоящий Закон вступает в силу со дня его официального опубликования.

Положения пункта 6 статьи 1 настоящего Закона распространяются также на отношения, возникающие с 1 июня 2021 года.

Положения пунктов 7 , 8 , 11 и 12 статьи 1 настоящего Закона распространяются также на отношения, возникающие с 1 января 2021 года.

Положения пунктов 9 и 10 статьи 1 настоящего Закона распространяются также на отношения, возникающие с 1 марта 2021 года.

Президент Республики Узбекистан Ш. МИРЗИЁЕВ

г. Ташкент,

14 сентября 2021 г.,

№ ЗРУ-714

(Национальная база данных законодательства, 15.09.2021 г., № 03/21/714/0874)

lex.uz