📅 2021-yil 17-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 17 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 сентября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 17 September 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Ўзбекистон Республикаси Вазирлар Маҳкамасининг «Ўзбекистон Республикаси ҳудуди орқали махсус юклар ва ҳарбий таркибларнинг транзитини давлат томонидан тартибга солиш ва назорат қилиш тўғрисида» 2002 йил 21 февралдаги 62-сон қарорига ўзгартиришлар киритиш ҳақида
«Махсус юклар ва ҳарбий таркибларнинг транзити тўғрисида»ги Ўзбекистон Республикаси Қонунига ҳамда Вазирлар Маҳкамасининг «Ўзбекистон Республикаси Транспорт вазирлиги тўғрисидаги низомни тасдиқлаш ҳақида» 2019 йил 19 апрелдаги 336-сон қарорига мувофиқ хавфли юклар, қурол-яроғ, ҳарбий техника, ҳарбий мол-мулк ва ҳарбий таркибларнинг Ўзбекистон Республикаси ҳудуди орқали транзити устидан назорат қилиш самарадорлигини ошириш, бюрократик, шу жумладан, рухсат берувчи ҳужжатларни олиш масалаларидаги тўсиқларни бартараф этиш орқали тадбиркорлик субъектларига қўшимча шарт-шароитлар яратиш мақсадида Вазирлар Маҳкамаси қарор қилади:
1. Вазирлар Маҳкамасининг «Ўзбекистон Республикаси ҳудуди орқали махсус юклар ва ҳарбий таркибларнинг транзитини давлат томонидан тартибга солиш ва назорат қилиш тўғрисида» 2002 йил 21 февралдаги 62-сон қарорига иловага мувофиқ ўзгартиришлар киритилсин.
2. Ўзбекистон Республикаси Транспорт вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари А.Ж. Раматов зиммасига юклансин.
Вазирлар Маҳкамасининг 2021 йил 17 сентябрдаги 580-сон қарорига ИЛОВА
Вазирлар Маҳкамасининг «Ўзбекистон Республикаси ҳудуди орқали махсус юклар ва ҳарбий таркибларнинг транзитини давлат томонидан тартибга солиш ва назорат қилиш тўғрисида» 2002 йил 21 февралдаги 62-сон қарорига киритилаётган ўзгартиришлар
1. Қарорнинг 4-бандида :
иккинчи хатбошидаги «Транспорт вазирлиги» сўзлари чиқариб ташлансин;
учинчи хатбошидаги «Ўзбекистон Республикасининг Бош вазири» сўзлари «Ўзбекистон Республикаси транспорт вазири» сўзлари билан алмаштирилсин.
2. Қарорга 3-иловада :
а) 3-банд қуйидаги таҳрирда баён қилинсин:
«3. Хавфли юкларнинг Ўзбекистон Республикаси ҳудуди орқали транзити Ўзбекистон Республикаси Транспорт вазирлиги томонидан бериладиган рухсатномалар асосида амалга оширилади. Хавфли юкларнинг транзитига рухсатномани махсус ваколатли органларнинг хулосалари асосида Ўзбекистон Республикаси транспорт вазири имзолайди»;
б) 12-банднинг иккинчи хатбошиси чиқариб ташлансин;
в) 13-банддаги «Вазирлар Маҳкамаси» сўзлари «Транспорт вазирлиги» сўзлари билан алмаштирилсин;
г) 14-банднинг ўн биринчи хатбошисидаги «Вазирлар Маҳкамаси» сўзлари «Транспорт вазирлиги» сўзлари билан алмаштирилсин;
д) 17-банддаги «уч ойни» сўзлари «ўттиз кунни» сўзлари билан алмаштирилсин;
е) 18-банднинг учинчи хатбошисидаги «Вазирлар Маҳкамаси» сўзлари «Транспорт вазирлиги» сўзлари билан алмаштирилсин;
ж) 19-банднинг биринчи хатбошисидаги «Вазирлар Маҳкамаси» сўзлари «Транспорт вазирлиги» сўзлари билан алмаштирилсин;
з) 20-банднинг иккинчи хатбошисидаги «Вазирлар Маҳкамаси» сўзлари «Транспорт вазирлиги» сўзлари билан алмаштирилсин.
Ўзбекистон Республикасининг Бош вазири А. АРИПОВ
Тошкент ш.,
2021 йил 17 сентябрь,
580-сон
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Vazirlar Mahkamasining “Oʻzbekiston Respublikasi hududi orqali maxsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida” 2002-yil 21-fevraldagi 62-son qaroriga oʻzgartirishlar kiritish haqida
“Maxsus yuklar va harbiy tarkiblarning tranziti toʻgʻrisida”gi Oʻzbekiston Respublikasi Qonuniga hamda Vazirlar Mahkamasining “Oʻzbekiston Respublikasi Transport vazirligi toʻgʻrisidagi nizomni tasdiqlash haqida” 2019-yil 19-apreldagi 336-son qaroriga muvofiq xavfli yuklar, qurol-yarogʻ, harbiy texnika, harbiy mol-mulk va harbiy tarkiblarning Oʻzbekiston Respublikasi hududi orqali tranziti ustidan nazorat qilish samaradorligini oshirish, byurokratik, shu jumladan, ruxsat beruvchi hujjatlarni olish masalalaridagi toʻsiqlarni bartaraf etish orqali tadbirkorlik subyektlariga qoʻshimcha shart-sharoitlar yaratish maqsadida Vazirlar Mahkamasi qaror qiladi:
1. Vazirlar Mahkamasining “Oʻzbekiston Respublikasi hududi orqali maxsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida” 2002-yil 21-fevraldagi 62-son qaroriga ilovaga muvofiq oʻzgartirishlar kiritilsin.
2. Oʻzbekiston Respublikasi Transport vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov zimmasiga yuklansin.
Vazirlar Mahkamasining 2021-yil 17-sentabrdagi 580-son qaroriga ILOVA
Vazirlar Mahkamasining “Oʻzbekiston Respublikasi hududi orqali maxsus yuklar va harbiy tarkiblarning tranzitini davlat tomonidan tartibga solish va nazorat qilish toʻgʻrisida” 2002-yil 21-fevraldagi 62-son qaroriga kiritilayotgan oʻzgartirishlar
1. Qarorning 4-bandida :
ikkinchi xatboshidagi “Transport vazirligi” soʻzlari chiqarib tashlansin;
uchinchi xatboshidagi “Oʻzbekiston Respublikasining Bosh vaziri” soʻzlari “Oʻzbekiston Respublikasi transport vaziri” soʻzlari bilan almashtirilsin.
2. Qarorga 3-ilovada :
a) 3-band quyidagi tahrirda bayon qilinsin:
“3. Xavfli yuklarning Oʻzbekiston Respublikasi hududi orqali tranziti Oʻzbekiston Respublikasi Transport vazirligi tomonidan beriladigan ruxsatnomalar asosida amalga oshiriladi. Xavfli yuklarning tranzitiga ruxsatnomani maxsus vakolatli organlarning xulosalari asosida Oʻzbekiston Respublikasi transport vaziri imzolaydi”;
b) 12-bandning ikkinchi xatboshisi chiqarib tashlansin;
v) 13-banddagi “Vazirlar Mahkamasi” soʻzlari “Transport vazirligi” soʻzlari bilan almashtirilsin;
g) 14-bandning oʻn birinchi xatboshisidagi “Vazirlar Mahkamasi” soʻzlari “Transport vazirligi” soʻzlari bilan almashtirilsin;
d) 17-banddagi “uch oyni” soʻzlari “oʻttiz kunni” soʻzlari bilan almashtirilsin;
e) 18-bandning uchinchi xatboshisidagi “Vazirlar Mahkamasi” soʻzlari “Transport vazirligi” soʻzlari bilan almashtirilsin;
j) 19-bandning birinchi xatboshisidagi “Vazirlar Mahkamasi” soʻzlari “Transport vazirligi” soʻzlari bilan almashtirilsin;
z) 20-bandning ikkinchi xatboshisidagi “Vazirlar Mahkamasi” soʻzlari “Transport vazirligi” soʻzlari bilan almashtirilsin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 17-sentabr,
580-son