📅 2021-yil 17-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 17 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 17 сентября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 17 September 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
Қарори
МАНЗИЛЛИ ДАСТУРИ
«Машинасозлик ва электротехника махсус саноат хаби» махсус саноат зонаси чегарасини белгилаш ва ташқи муҳандислик-коммуникация инфратузилмаси билан таъминлаш чора-тадбирлари тўғрисида
Ўзбекистон Республикаси Президентининг «Машинасозлик ва электротехника махсус саноат хаби» махсус саноат зонасини ташкил этиш чора тадбирлари тўғрисида» 2021 йил 27 майдаги ПҚ-5128-сон қарорига мувофиқ «Машинасозлик ва электротехника махсус саноат хаби» махсус саноат зонаси чегарасини белгилаш ва ташқи муҳандислик-коммуникация инфратузилмаси билан таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Машинасозлик ва электротехника махсус саноат хаби» махсус саноат зонасини ташкил этиш чора тадбирлари тўғрисида» 2021 йил 27 майдаги ПҚ-5128-сон қарорига мувофиқ Андижон вилояти, Андижон туманида «Машинасозлик ва электротехника махсус саноат хаби» махсус саноат зонаси ҳамда Андижон вилояти ҳокимлиги муассислигида «Andijon sanoat xabi» МЧЖ ташкил этилганлиги маълумот учун қабул қилинсин.
2. «Машинасозлик ва электротехника махсус саноат хаби» (кейинги ўринларда — Саноат хаби) махсус саноат зонасини бошқариш «Andijon sanoat xabi» МЧЖга юклансин.
3. Қуйидагилар:
«Машинасозлик ва электротехника саноат хаби» махсус саноат зонаси чегарасининг тавсифи 1-иловага мувофиқ;
«Машинасозлик ва электротехника махсус саноат хаби» махсус саноат зонасини ташқи муҳандислик-коммуникация инфратузилмаси билан таъминлашнинг манзилли дастури 2-иловага мувофиқ тасдиқлансин.
4. Белгилансинки:
а) табиий газ ва алоқа тармоқларини қуриш ишлари учун талаб этиладиган маблағлар «Ўзтрансгаз» АЖ, «Ҳудудгазтаъминот» АЖ ва «Ўзбектелеком» АКнинг ўз маблағлари ҳисобидан;
Саноат хаби махсус саноат зонасини ташқи муҳандислик-коммуникация инфратузилмаси билан таъминлаш учун жорий йилда талаб этиладиган маблағлар Ўзбекистон Республикаси Президентининг «Махсус иқтисодий ва кичик саноат зоналари муҳандислик-коммуникация инфратузилмасини янада ривожлантириш чора-тадбирлари тўғрисида» 2021 йил 30 апрелдаги ПҚ-5101-сон қарори билан тўғридан-тўғри хорижий ва маҳаллий инвестициялар иштирокидаги ишлаб чиқариш лойиҳаларини инфратузилма билан таъминлаш харажатларининг бир қисмини қоплаш учун ажратилган маблағлар ҳисобидан йўналтирилади;
б) электр қурилмалари ва тармоқларини қуриш ишларига «Ҳудудий электр тармоқлари» АЖнинг Андижон ҳудудий филиали томонидан тегишли лицензияга (рухсатномага) эга тизим ташкилотлари жалб қилинади.
5. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Андижон вилояти ҳокими Ш.Қ. Абдураҳмонов зиммасига юклансин.
Вазирлар Маҳкамасининг 2021 йил 17 сентябрдаги 582-сон қарорига 1-ИЛОВА
«Машинасозлик ва электротехника саноат хаби» махсус саноат зонаси чегарасининг тавсифи
Чегара чизиғининг бошланғич 1-нуқтасидан (40°42'59.20''С, 72°18'11.16''В) чап томони Андижон-Асака йўналишидаги катта автомобиль йўли, ўнг томонида «логистика маркази» учун ажратилган ер майдонида жойлашган.
1-нуқтадан (40°42'59.20''С, 72°18'11.16''В) чегара чизиғи Андижон-Асака йўналишидаги автомобиль йўли йўналишида 2320 метр масофада 2-нуқтасига қадар чўзилган.
2-нуқтадан (40°41'51.63''С, 72°17'17.31''В) чегара чизиғи фермер хўжалиги ерлари ва «Ахтачи саноат» кичик саноат хонаси ҳудудидан 3800 метр масофада 3-нуқтасига қадар чўзилган.
3-нуқтадан (40°42'39.71''С, 72°17'18.76''В) чегара чизиғи 1200 метр масофада «Ахтачи саноат» кичик саноат зонаси ҳудуди ва темир йўли 4-нуқтасига қадар чўзилган.
4-нуқтадан (40°43'10.73''С, 72°17'41.33''В) чегара чизиғи 763 метр масофада «логистика маркази» учун ажратилган ер майдонига қадар қизил чизиқ билан белгиланган 1-нуқтасига қадар чўзилган.
Вазирлар Маҳкамасининг 2021 йил 17 сентябрдаги 582-сон қарорига 2-ИЛОВА
«Машинасозлик ва электротехника махсус саноат хаби» махсус саноат зонасини ташқи муҳандислик-коммуникация инфратузилмаси билан таъминлашнинг
Т/р Чора-тадбирлар номи Ўлчов бирлиги Миқдори Лойиҳа қиймати * , млн сўм Амалга ошириш муддати Молиялаштириш манбаси Масъул ижрочилар 1. Электр энергияси 25 МВт кичик станция қуриш ва тармоқ тортиш дона 1 80 000 2021 йил декабрь Махсус иқтисодий ва кичик саноат зоналари ташқи инфратузилма тармоқларини қуриш ишлари учун ажратилган маблағлар доирасида Иқтисодий тараққиёт вазирлиги, Молия вазирлиги, «Ҳудудий электр тармоқлари» АЖ, Андижон вилояти ҳокимлиги км 28 2. Табиий газ тармоқларини қуриш км 5,5 2 200 2021 йил декабрь «Ўзтрансгаз» АЖ, «Ҳудудгазтаъминот» АЖ маблағлари «Ўзтрансгаз» АЖ, «Ҳудудгазтаъминот» АЖ 3. Ичимлик сув иншоотини қуриш ва тармоқларини тортиш дона 1 11 000 2022 йил декабрь Ижтимоий ва ишлаб чиқариш инфратузилмасини ривожлантириш дастури доирасида ажратилган маблағлар «Ўзсувтаъминот» АЖ, Иқтисодий тараққиёт вазирлиги, Молия вазирлиги, Андижон вилояти ҳокимлиги км 2,0 4. Оқова сув иншоотини қуриш ва тармоқларини тортиш дона 1 7 000 2022 йил декабрь Ижтимоий ва ишлаб чиқариш инфратузилмасини ривожлантириш дастури доирасида ажратилган маблағлар «Ўзсувтаъминот» АЖ, Иқтисодий тараққиёт вазирлиги, Молия вазирлиги, Андижон вилояти ҳокимлиги км 12,0 5. Алоқа тармоқларини қуриш км 6,5 200 2021 йил декабрь «Ўзбектелеком» АК маблағлари «Ўзбектелеком» АК
Ўзбекистон Республикасининг Бош вазири А. АРИПОВ
Тошкент ш.,
2021 йил 17 сентябрь,
582-сон
Oʻzbekiston Respublikasi Vazirlar Mahkamasining
Qarori
MANZILLI DASTURI
“Mashinasozlik va elektrotexnika maxsus sanoat xabi” maxsus sanoat zonasi chegarasini belgilash va tashqi muhandislik-kommunikatsiya infratuzilmasi bilan taʼminlash chora-tadbirlari toʻgʻrisida
Oʻzbekiston Respublikasi Prezidentining “Mashinasozlik va elektrotexnika maxsus sanoat xabi” maxsus sanoat zonasini tashkil etish chora tadbirlari toʻgʻrisida” 2021-yil 27-maydagi PQ-5128-son qaroriga muvofiq “Mashinasozlik va elektrotexnika maxsus sanoat xabi” maxsus sanoat zonasi chegarasini belgilash va tashqi muhandislik-kommunikatsiya infratuzilmasi bilan taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Mashinasozlik va elektrotexnika maxsus sanoat xabi” maxsus sanoat zonasini tashkil etish chora tadbirlari toʻgʻrisida” 2021-yil 27-maydagi PQ-5128-son qaroriga muvofiq Andijon viloyati, Andijon tumanida “Mashinasozlik va elektrotexnika maxsus sanoat xabi” maxsus sanoat zonasi hamda Andijon viloyati hokimligi muassisligida “Andijon sanoat xabi” MCHJ tashkil etilganligi maʼlumot uchun qabul qilinsin.
2. “Mashinasozlik va elektrotexnika maxsus sanoat xabi” (keyingi oʻrinlarda — Sanoat xabi) maxsus sanoat zonasini boshqarish “Andijon sanoat xabi” MCHJga yuklansin.
3. Quyidagilar:
“Mashinasozlik va elektrotexnika sanoat xabi” maxsus sanoat zonasi chegarasining tavsifi 1-ilovaga muvofiq;
“Mashinasozlik va elektrotexnika maxsus sanoat xabi” maxsus sanoat zonasini tashqi muhandislik-kommunikatsiya infratuzilmasi bilan taʼminlashning manzilli dasturi 2-ilovaga muvofiq tasdiqlansin.
4. Belgilansinki:
a) tabiiy gaz va aloqa tarmoqlarini qurish ishlari uchun talab etiladigan mablagʻlar “Oʻztransgaz” AJ, “Hududgaztaʼminot” AJ va “Oʻzbektelekom” AKning oʻz mablagʻlari hisobidan;
Sanoat xabi maxsus sanoat zonasini tashqi muhandislik-kommunikatsiya infratuzilmasi bilan taʼminlash uchun joriy yilda talab etiladigan mablagʻlar Oʻzbekiston Respublikasi Prezidentining “Maxsus iqtisodiy va kichik sanoat zonalari muhandislik-kommunikatsiya infratuzilmasini yanada rivojlantirish chora-tadbirlari toʻgʻrisida” 2021-yil 30-apreldagi PQ-5101-son qarori bilan toʻgʻridan-toʻgʻri xorijiy va mahalliy investitsiyalar ishtirokidagi ishlab chiqarish loyihalarini infratuzilma bilan taʼminlash xarajatlarining bir qismini qoplash uchun ajratilgan mablagʻlar hisobidan yoʻnaltiriladi;
b) elektr qurilmalari va tarmoqlarini qurish ishlariga “Hududiy elektr tarmoqlari” AJning Andijon hududiy filiali tomonidan tegishli litsenziyaga (ruxsatnomaga) ega tizim tashkilotlari jalb qilinadi.
5. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Andijon viloyati hokimi Sh.Q. Abdurahmonov zimmasiga yuklansin.
Vazirlar Mahkamasining 2021-yil 17-sentabrdagi 582-son qaroriga 1-ILOVA
“Mashinasozlik va elektrotexnika sanoat xabi” maxsus sanoat zonasi chegarasining tavsifi
Chegara chizigʻining boshlangʻich 1-nuqtasidan (40°42'59.20''S, 72°18'11.16''V) chap tomoni Andijon-Asaka yoʻnalishidagi katta avtomobil yoʻli, oʻng tomonida “logistika markazi” uchun ajratilgan yer maydonida joylashgan.
1-nuqtadan (40°42'59.20''S, 72°18'11.16''V) chegara chizigʻi Andijon-Asaka yoʻnalishidagi avtomobil yoʻli yoʻnalishida 2320 metr masofada 2-nuqtasiga qadar choʻzilgan.
2-nuqtadan (40°41'51.63''S, 72°17'17.31''V) chegara chizigʻi fermer xoʻjaligi yerlari va “Axtachi sanoat” kichik sanoat xonasi hududidan 3800 metr masofada 3-nuqtasiga qadar choʻzilgan.
3-nuqtadan (40°42'39.71''S, 72°17'18.76''V) chegara chizigʻi 1200 metr masofada “Axtachi sanoat” kichik sanoat zonasi hududi va temir yoʻli 4-nuqtasiga qadar choʻzilgan.
4-nuqtadan (40°43'10.73''S, 72°17'41.33''V) chegara chizigʻi 763 metr masofada “logistika markazi” uchun ajratilgan yer maydoniga qadar qizil chiziq bilan belgilangan 1-nuqtasiga qadar choʻzilgan.
Vazirlar Mahkamasining 2021-yil 17-sentabrdagi 582-son qaroriga 2-ILOVA
“Mashinasozlik va elektrotexnika maxsus sanoat xabi” maxsus sanoat zonasini tashqi muhandislik-kommunikatsiya infratuzilmasi bilan taʼminlashning
T/r Chora-tadbirlar nomi Oʻlchov birligi Miqdori Loyiha qiymati * , mln soʻm Amalga oshirish muddati Moliyalashtirish manbasi Masʼul ijrochilar 1. Elektr energiyasi 25 MVt kichik stansiya qurish va tarmoq tortish dona 1 80 000 2021-yil dekabr Maxsus iqtisodiy va kichik sanoat zonalari tashqi infratuzilma tarmoqlarini qurish ishlari uchun ajratilgan mablagʻlar doirasida Iqtisodiy taraqqiyot vazirligi, Moliya vazirligi, “Hududiy elektr tarmoqlari” AJ, Andijon viloyati hokimligi km 28 2. Tabiiy gaz tarmoqlarini qurish km 5,5 2 200 2021-yil dekabr “Oʻztransgaz” AJ, “Hududgaztaʼminot” AJ mablagʻlari “Oʻztransgaz” AJ, “Hududgaztaʼminot” AJ 3. Ichimlik suv inshootini qurish va tarmoqlarini tortish dona 1 11 000 2022-yil dekabr Ijtimoiy va ishlab chiqarish infratuzilmasini rivojlantirish dasturi doirasida ajratilgan mablagʻlar “Oʻzsuvtaʼminot” AJ, Iqtisodiy taraqqiyot vazirligi, Moliya vazirligi, Andijon viloyati hokimligi km 2,0 4. Oqova suv inshootini qurish va tarmoqlarini tortish dona 1 7 000 2022-yil dekabr Ijtimoiy va ishlab chiqarish infratuzilmasini rivojlantirish dasturi doirasida ajratilgan mablagʻlar “Oʻzsuvtaʼminot” AJ, Iqtisodiy taraqqiyot vazirligi, Moliya vazirligi, Andijon viloyati hokimligi km 12,0 5. Aloqa tarmoqlarini qurish km 6,5 200 2021-yil dekabr “Oʻzbektelekom” AK mablagʻlari “Oʻzbektelekom” AK
Oʻzbekiston Respublikasining Bosh vaziri A. ARIPOV
Toshkent sh.,
2021-yil 17-sentabr,
582-son