📅 2021-yil 24-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 24 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 24 сентября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 24 September 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ДАСТУРИ
ДАСТУРИ
Ёнғин-қутқарув спортини ривожлантириш чора-тадбирлари тўғрисида
Ўзбекистон Республикаси Президентининг «Фавқулодда вазиятлар тузилмаларининг фаолиятини янада такомиллаштириш бўйича ташкилий чора-тадбирлар тўғрисида» 2019 йил 10 апрелдаги ПҚ-4276-сон қарорига мувофиқ мамлакатимизда ёнғин-қутқарув спортини ривожлантириш учун зарур шарт-шароитлар ҳамда инфратузилмани яратиш, ушбу спорт тури бўйича Ўзбекистон миллий терма жамоасининг халқаро мусобақаларда муносиб иштирокини таъминлаш, қутқарувчиларнинг жисмоний ва касбий маҳоратини ошириш мақсадида Вазирлар Маҳкамаси қарор қилади:
1. Қуйидагилар ёнғин-қутқарув спортини ривожлантириш бўйича устувор вазифалар этиб белгилансин:
қутқарувчиларнинг жисмоний тайёргарлиги ва касбий маҳоратини изчил ошириб бориш;
ёшлар орасида ёнғин-қутқарув спортини оммалаштириш, истеъдодли спортчиларни саралаб олиш ва миллий терма жамоа захирасини шакллантириш;
замонавий спорт иншоотларини барпо этиш ҳамда спорт техникалари ва анжомлари билан тизимли таъминлаш орқали ёнғин-қутқарув спорти мажмуаларининг моддий-техник базасини мустаҳкамлаш;
ёнғин-қутқарув спортини ривожлантириш бўйича илғор жаҳон тажрибасини муттасил ўрганиб бориш ва амалиётга кенг жорий этиш.
2. Қуйидагилар:
2022 — 2024 йилларда ёнғин-қутқарув спорти мажмуаларининг моддий-техник базасини мустаҳкамлаш дастури 1-иловага мувофиқ;
2022 — 2024 йилларда ёнғин-қутқарув спорти мажмуаларини янгидан қуриш ва реконструкция қилиш дастури 2-иловага мувофиқ тасдиқлансин.
3. 2022 — 2024 йилларда ёнғин-қутқарув спорти мажмуаларини янгидан қуриш ва реконструкция қилиш дастуридаги (кейинги ўринларда — Қурилиш дастури) объектларни қуриш ва реконструкция қилиш бўйича:
Ўзбекистон Республикаси Фавқулодда вазиятлар вазирлигининг Капитал қурилиш ва таъмирлаш бошқармаси — буюртмачи этиб;
бош лойиҳа ташкилотлари ва бош пудрат ташкилотлари қонунчилик ҳужжатларига мувофиқ белгиланади.
4. Белгилансинки, 2022 — 2024 йилларда ёнғин-қутқарув спорти мажмуаларининг моддий-техника базасини мустаҳкамлаш дастури:
Ўзбекистон Республикаси Фавқулодда вазиятлар вазирлигига, асосланган ҳисоб-китобларига кўра, ҳар йили ажратиладиган Ўзбекистон Республикаси Давлат бюджети маблағлари;
Ўзбекистон Республикаси Фавқулодда вазиятлар вазирлигининг бюджетдан ташқари маблағлари;
халқаро молия институтлари, хорижий молия ташкилотларининг вакиллари ҳамда донор мамлакатларнинг кредит ва грантлари;
қонун ҳужжатлари билан тақиқланмаган бошқа манбалар ҳисобидан молиялаштирилади.
5. Ўзбекистон Республикаси Иқтисодий тараққиёт ва камбағалликни қисқартириш вазирлиги Молия вазирлиги, Фавқулодда вазиятлар вазирлиги билан биргаликда Қурилиш дастурида назарда тутилган марказлаштирилган маблағлар ҳисобидан молиялаштириладиган инвестиция лойиҳалари кўрсаткичларини ҳар йили аниқлаштириб ва янгилаб борган ҳолда, 2021 — 2025 йиллар учун Ўзбекистон Республикасининг ижтимоий ва ишлаб чиқариш инфратузилмасини ривожлантириш дастурини шакллантиришда инобатга олсин.
6. Фарғона вилояти ҳокимлиги ёнғин-қутқарув спорти мажмуасини қуриш учун икки ой муддатда Ўзбекистон Республикаси Фавқулодда вазиятлар вазирлигига доимий фойдаланиш ҳуқуқи асосида белгиланган тартибда ер участкасини ажратсин.
7. Ўзбекистон Республикаси Қурилиш вазирлиги буюртмачи ва лойиҳа ташкилотлари томонидан ишлаб чиқилган лойиҳа-смета ҳужжатларини давлат экспертизасидан ўтказсин ва қурилиш-монтаж ишлари бўйича давлат архитектура-қурилиш назорати ўрнатилишини таъминласин.
8. Ўзбекистон Республикаси Фавқулодда вазиятлар вазирлиги:
доимий равишда ёнғин-қутқарув спорти бўйича миллий терма жамоанинг жаҳон ва халқаро мусобақаларда муносиб иштирокини таъминлаш мақсадида хорижий давлатларнинг мазкур спорт тури бўйича иқтидорли тренерларини таклиф қилиш, улар иштирокида миллий терма жамоа тренерлари ва терма жамоага номзод спортчилар билан амалий маҳорат сабоқлари ҳамда намунали ўқув-йиғинларини ўтказишни ташкил этсин;
қутқарувчи касбини ёшлар орасида оммалаштириш, шунингдек, миллий терма жамоага муносиб номзодларни тайёрлаш мақсадида ёнғин- қутқарув спорти бўйича халқаро мусобақаларда муваффақиятли иштирок этиб, ғолиб ва совриндор бўлган спортчиларнинг шахсий ҳужжатлар йиғмажилдлари белгиланган тартибда расмийлаштирилган ва ҳарбий-тиббий комиссия томонидан ҳарбий хизматга яроқли деб топилган тақдирда, имтиёз (якуний суҳбатсиз) асосида ишга қабул қилиш чораларини кўрсин.
9. Ўзбекистон Республикаси Туризм ва спорт вазирлиги:
Ўзбекистон Республикаси Фавқулодда вазиятлар вазирлигининг таклифига мувофиқ ёнғин-қутқарув спорти бўйича ҳар йили бўлиб ўтадиган республика ва халқаро спорт мусобақаларининг Ўзбекистон Республикаси Туризм ва спорт вазирлигининг Спорт ва оммавий жисмоний тарбия тадбирларининг республика календарь режасига киритилишини таъминласин;
ёнғин-қутқарув спорти бўйича миллий терма жамоаларни шакллантириш, шунингдек, ушбу спорт тури бўйича ҳудудий ва республика босқичларини ўтказиш учун спорт майдонларини ажратишда Фавқулодда вазиятлар вазирлигига яқиндан амалий ёрдам берсин.
Белгилаб қўйилсинки, ёнғин-қутқарув спорти бўйича республика ва халқаро спорт мусобақаларини ўтказиш билан боғлиқ ташкилий масалалар бўйича харажатлар Ўзбекистон Республикаси Фавқулодда вазиятлар вазирлигининг бюджет ва бюджетдан ташқари маблағлари ҳамда қонун ҳужжатлари билан тақиқланмаган бошқа манбалар ҳисобидан қопланади.
10. Ўзбекистон Республикаси Фавқулодда вазиятлар вазирлигининг аҳоли ўртасида соғлом-турмуш тарзини кенг тарғиб қилиш ҳамда жисмоний тарбия билан шуғулланишни ташкил этишда вазирлик, идора ва бошқа ташкилотларга кўмаклашиш мақсадида ёнғин-қутқарув спорти мажмуаларини вазирликнинг тасдиқланган ҳисоб-китоблари бўйича юридик шахсларга шартнома асосида, шунингдек, фуқароларга нақд пул ва нақдсиз пул шаклида фойдаланиш учун бериш тўғрисидаги таклифига розилик берилсин.
11. Ўзбекистон Республикаси Туризм ва спорт вазирлиги, Фавқулодда вазиятлар вазирлиги ва Қурилиш вазирлигининг Ўзбекистон Республикаси Президентининг «Ўзбекистон Республикасида жисмоний тарбия ва спортни янада такомиллаштириш ва оммалаштириш чора-тадбирлари тўғрисида» 2020 йил 24 январдаги ПФ-5924-сон Фармони билан тасдиқланган Ўзбекистон Республикасида жисмоний тарбия ва спортни 2025 йилгача ривожлантириш концепцияси ижросини таъминлаш мақсадида, Фавқулодда вазиятлар вазирлиги Академиясида спортнинг минифутбол, баскетбол, волейбол, бадминтон ва бошқа турларига мўлжалланган кўптармоқли намунали типдаги спорт мажмуасини 2021-2022 йилларда қуриш тўғрисидаги таклифи маъқуллансин.
Ўзбекистон Республикаси Иқтисодий тараққиёт ва камбағалликни қисқартириш вазирлиги Молия вазирлиги билан биргаликда мазкур намунали типдаги спорт мажмуасини 2021-2022 йилларда қуриш учун Ўзбекистон Республикаси Президентининг 2020 йил 10 январдаги ПҚ-4565-сон қарорига мувофиқ Фавқулодда вазиятлар вазирлигига қўшимча маблағ ажратилишини таъминласин.
12. Ўзбекистон Миллий телерадиокомпанияси ҳамда Ўзбекистон Миллий ахборот агентлигига ёнғин ўчирувчилар ва қутқарувчилар спорти бўйича ўтказиладиган барча мусобақалар ва ушбу йўналишдаги тарғибот роликларини оммавий ахборот воситалари орқали кенг ёритиб бориш тавсия этилсин.
13. Ўзбекистон Республикаси Фавқулодда вазиятлар вазирлиги манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.
14. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — туризм ва спорт вазири А.А. Абдухакимов ва Ўзбекистон Республикаси фавқулодда вазиятлар вазири вазифасини бажарувчи Т.А. Худайбергенов зиммасига юклансин.
Вазирлар Маҳкамасининг 2021 йил 24 сентябрдаги 600-сон қарорига 1-ИЛОВА
2022 — 2024 йилларда ёнғин-қутқарув спорти мажмуаларининг моддий-техник базасини мустаҳкамлаш
Т/р Асбоб-ускуна ва жиҳозларнинг номи Ўлчов бирлиги Жами Йиллар бўйича 2022 йил 2023 йил 2024 йил 1. 4 қаватли ўқув-машқ минораси подиуми билан (йиғиладиган) дона 10 3 3 4 2. Титан илгакли спорт ишғол қилиш нарвони (йиғиладиган) дона 112 38 37 37 3. Титан илгак (спорт ишғол қилиш нарвони учун) дона 140 50 45 45 4. Спорт ёғоч нарвони (йиғиладиган) дона 112 38 37 37 5. Спорт уйчаси дона 28 10 9 9 6. Спорт буми (созланадиган) дона 56 20 18 18 7. Спорт девори (эркаклар учун) 2х2 м. (трансформер) дона 56 20 18 18 8. Спорт девори (аёллар учун) 0,7х2 м. (трансформер) дона 56 20 18 18 9. Хавфсизлик сеткаси (4 та йўлакка мўлжалланган) дона 28 10 9 9 10. Спорт нишони дона 56 20 18 18 11. Ёнувчи суюқликни ўчиришга мўлжалланган махсус идиш (протвеннь) дона 56 20 18 18 12. Жанговар ёйилиш тури учун сув сиғими дона 28 10 9 9 13. «СТАРТ-ФИНИШ» электрон ҳисоблаш ускунаси дона 3 1 1 1 14. РТ-70 русумли уч ёқлама сув айиргичи дона 56 20 18 18 15. Ёнғин ўчириш дастаги, шторц улагичли (жанговар ёйилиш учун) дона 112 38 37 37 16. Алюминли старт колодкаси дона 112 38 37 37 17. Спортчилар камари дона 140 50 45 45 18. Спортчилар дубулғаси дона 140 50 45 45 19. 77 мм диаметрли ёнғин ўчириш енги дона 1120 380 370 370 20. 51 мм диаметрли ёнғин ўчириш енги дона 1400 500 450 450 21. РТ-70 русумли спорт уч ёқлама сув айиргичи (эстафета учун) дона 112 38 37 37 22. Спорт ёнғин ўчириш дастаги (эстафета учун) дона 112 38 37 37 23. 51 мм диаметрли ёнғин ўчириш енги (эстафета учун) дона 140 50 45 45 24. «ОП-5» русумли ёнғин ўчиргич дона 560 200 180 180 25. Сув сўрувчи енг, шторц улагичли (жанговар ёйилиш учун) дона 56 20 18 18 26. Сув сўрувчи енг сеткаси, шторц улагичли (жанговар ёйилиш учун) дона 28 10 9 9 27. Сув конистраси, 20 литр ҳажмли (жанговар ёйилиш учун) дона 280 100 90 90 28. Тренажёрлар жамланмаси дона 7 2 2 3 29. Татами (м.кв.) дона 500 150 150 200
Вазирлар Маҳкамасининг 2021 йил 24 сентябрдаги 600-сон қарорига 2-ИЛОВА
2022 — 2024 йилларда ёнғин-қутқарув спорти мажмуаларини янгидан қуриш ва реконструкция қилиш
Т/р Ҳудуд номи Лойиҳа бўйича жами объектлар сони Янгидан қуриш ва реконструкция ишлари учун марказлашган капитал қўйилмалар прогнози (млн. сўм) 2022 йилда 2023 йилда 2024 йилда Янги қурилиш 1. Фарғона вилояти 1 5 250,0 Реконструкция 2. Қорақалпоғистон Республикаси 1 2 250,0 3. Бухоро вилояти 1 2 250,0 4. Жиззах вилояти 1 2 250,0 5. Қашқадарё вилояти 1 2 250,0 6. Навоий вилояти 1 2 250,0 7. Сурхондарё вилояти 1 2 250,0 8. Хоразм вилояти 1 2 250,0 Жами йиллар бўйича 8 4 500,0 4 500,0 12 000,0
Ўзбекистон Республикасининг Бош вазири А. АРИПОВ
Тошкент ш.,
2021 йил 24 сентябрь,
600-сон
Oʻzbekiston Respublikasi Vazirlar Mahkamasining
qarori
DASTURI
DASTURI
Yongʻin-qutqaruv sportini rivojlantirish chora-tadbirlari toʻgʻrisida
Oʻzbekiston Respublikasi Prezidentining “Favqulodda vaziyatlar tuzilmalarining faoliyatini yanada takomillashtirish boʻyicha tashkiliy chora-tadbirlar toʻgʻrisida” 2019-yil 10-apreldagi PQ-4276-son qaroriga muvofiq mamlakatimizda yongʻin-qutqaruv sportini rivojlantirish uchun zarur shart-sharoitlar hamda infratuzilmani yaratish, ushbu sport turi boʻyicha Oʻzbekiston milliy terma jamoasining xalqaro musobaqalarda munosib ishtirokini taʼminlash, qutqaruvchilarning jismoniy va kasbiy mahoratini oshirish maqsadida Vazirlar Mahkamasi qaror qiladi:
1. Quyidagilar yongʻin-qutqaruv sportini rivojlantirish boʻyicha ustuvor vazifalar etib belgilansin:
qutqaruvchilarning jismoniy tayyorgarligi va kasbiy mahoratini izchil oshirib borish;
yoshlar orasida yongʻin-qutqaruv sportini ommalashtirish, isteʼdodli sportchilarni saralab olish va milliy terma jamoa zaxirasini shakllantirish;
zamonaviy sport inshootlarini barpo etish hamda sport texnikalari va anjomlari bilan tizimli taʼminlash orqali yongʻin-qutqaruv sporti majmualarining moddiy-texnik bazasini mustahkamlash;
yongʻin-qutqaruv sportini rivojlantirish boʻyicha ilgʻor jahon tajribasini muttasil oʻrganib borish va amaliyotga keng joriy etish.
2. Quyidagilar:
2022 — 2024-yillarda yongʻin-qutqaruv sporti majmualarining moddiy-texnik bazasini mustahkamlash dasturi 1-ilovaga muvofiq;
2022 — 2024-yillarda yongʻin-qutqaruv sporti majmualarini yangidan qurish va rekonstruksiya qilish dasturi 2-ilovaga muvofiq tasdiqlansin.
3. 2022 — 2024-yillarda yongʻin-qutqaruv sporti majmualarini yangidan qurish va rekonstruksiya qilish dasturidagi (keyingi oʻrinlarda — Qurilish dasturi) obyektlarni qurish va rekonstruksiya qilish boʻyicha:
Oʻzbekiston Respublikasi Favqulodda vaziyatlar vazirligining Kapital qurilish va taʼmirlash boshqarmasi — buyurtmachi etib;
bosh loyiha tashkilotlari va bosh pudrat tashkilotlari qonunchilik hujjatlariga muvofiq belgilanadi.
4. Belgilansinki, 2022 — 2024-yillarda yongʻin-qutqaruv sporti majmualarining moddiy-texnika bazasini mustahkamlash dasturi:
Oʻzbekiston Respublikasi Favqulodda vaziyatlar vazirligiga, asoslangan hisob-kitoblariga koʻra, har yili ajratiladigan Oʻzbekiston Respublikasi Davlat budjeti mablagʻlari;
Oʻzbekiston Respublikasi Favqulodda vaziyatlar vazirligining budjetdan tashqari mablagʻlari;
xalqaro moliya institutlari, xorijiy moliya tashkilotlarining vakillari hamda donor mamlakatlarning kredit va grantlari;
qonun hujjatlari bilan taqiqlanmagan boshqa manbalar hisobidan moliyalashtiriladi.
5. Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi, Favqulodda vaziyatlar vazirligi bilan birgalikda Qurilish dasturida nazarda tutilgan markazlashtirilgan mablagʻlar hisobidan moliyalashtiriladigan investitsiya loyihalari koʻrsatkichlarini har yili aniqlashtirib va yangilab borgan holda, 2021 — 2025-yillar uchun Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturini shakllantirishda inobatga olsin.
6. Fargʻona viloyati hokimligi yongʻin-qutqaruv sporti majmuasini qurish uchun ikki oy muddatda Oʻzbekiston Respublikasi Favqulodda vaziyatlar vazirligiga doimiy foydalanish huquqi asosida belgilangan tartibda yer uchastkasini ajratsin.
7. Oʻzbekiston Respublikasi Qurilish vazirligi buyurtmachi va loyiha tashkilotlari tomonidan ishlab chiqilgan loyiha-smeta hujjatlarini davlat ekspertizasidan oʻtkazsin va qurilish-montaj ishlari boʻyicha davlat arxitektura-qurilish nazorati oʻrnatilishini taʼminlasin.
8. Oʻzbekiston Respublikasi Favqulodda vaziyatlar vazirligi:
doimiy ravishda yongʻin-qutqaruv sporti boʻyicha milliy terma jamoaning jahon va xalqaro musobaqalarda munosib ishtirokini taʼminlash maqsadida xorijiy davlatlarning mazkur sport turi boʻyicha iqtidorli trenerlarini taklif qilish, ular ishtirokida milliy terma jamoa trenerlari va terma jamoaga nomzod sportchilar bilan amaliy mahorat saboqlari hamda namunali oʻquv-yigʻinlarini oʻtkazishni tashkil etsin;
qutqaruvchi kasbini yoshlar orasida ommalashtirish, shuningdek, milliy terma jamoaga munosib nomzodlarni tayyorlash maqsadida yongʻin- qutqaruv sporti boʻyicha xalqaro musobaqalarda muvaffaqiyatli ishtirok etib, gʻolib va sovrindor boʻlgan sportchilarning shaxsiy hujjatlar yigʻmajildlari belgilangan tartibda rasmiylashtirilgan va harbiy-tibbiy komissiya tomonidan harbiy xizmatga yaroqli deb topilgan taqdirda, imtiyoz (yakuniy suhbatsiz) asosida ishga qabul qilish choralarini koʻrsin.
9. Oʻzbekiston Respublikasi Turizm va sport vazirligi:
Oʻzbekiston Respublikasi Favqulodda vaziyatlar vazirligining taklifiga muvofiq yongʻin-qutqaruv sporti boʻyicha har yili boʻlib oʻtadigan respublika va xalqaro sport musobaqalarining Oʻzbekiston Respublikasi Turizm va sport vazirligining Sport va ommaviy jismoniy tarbiya tadbirlarining respublika kalendar rejasiga kiritilishini taʼminlasin;
yongʻin-qutqaruv sporti boʻyicha milliy terma jamoalarni shakllantirish, shuningdek, ushbu sport turi boʻyicha hududiy va respublika bosqichlarini oʻtkazish uchun sport maydonlarini ajratishda Favqulodda vaziyatlar vazirligiga yaqindan amaliy yordam bersin.
Belgilab qoʻyilsinki, yongʻin-qutqaruv sporti boʻyicha respublika va xalqaro sport musobaqalarini oʻtkazish bilan bogʻliq tashkiliy masalalar boʻyicha xarajatlar Oʻzbekiston Respublikasi Favqulodda vaziyatlar vazirligining budjet va budjetdan tashqari mablagʻlari hamda qonun hujjatlari bilan taqiqlanmagan boshqa manbalar hisobidan qoplanadi.
10. Oʻzbekiston Respublikasi Favqulodda vaziyatlar vazirligining aholi oʻrtasida sogʻlom-turmush tarzini keng targʻib qilish hamda jismoniy tarbiya bilan shugʻullanishni tashkil etishda vazirlik, idora va boshqa tashkilotlarga koʻmaklashish maqsadida yongʻin-qutqaruv sporti majmualarini vazirlikning tasdiqlangan hisob-kitoblari boʻyicha yuridik shaxslarga shartnoma asosida, shuningdek, fuqarolarga naqd pul va naqdsiz pul shaklida foydalanish uchun berish toʻgʻrisidagi taklifiga rozilik berilsin.
11. Oʻzbekiston Respublikasi Turizm va sport vazirligi, Favqulodda vaziyatlar vazirligi va Qurilish vazirligining Oʻzbekiston Respublikasi Prezidentining “Oʻzbekiston Respublikasida jismoniy tarbiya va sportni yanada takomillashtirish va ommalashtirish chora-tadbirlari toʻgʻrisida” 2020-yil 24-yanvardagi PF-5924-son Farmoni bilan tasdiqlangan Oʻzbekiston Respublikasida jismoniy tarbiya va sportni 2025-yilgacha rivojlantirish konsepsiyasi ijrosini taʼminlash maqsadida, Favqulodda vaziyatlar vazirligi Akademiyasida sportning minifutbol, basketbol, voleybol, badminton va boshqa turlariga moʻljallangan koʻptarmoqli namunali tipdagi sport majmuasini 2021-2022-yillarda qurish toʻgʻrisidagi taklifi maʼqullansin.
Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi Moliya vazirligi bilan birgalikda mazkur namunali tipdagi sport majmuasini 2021-2022-yillarda qurish uchun Oʻzbekiston Respublikasi Prezidentining 2020-yil 10-yanvardagi PQ-4565-son qaroriga muvofiq Favqulodda vaziyatlar vazirligiga qoʻshimcha mablagʻ ajratilishini taʼminlasin.
12. Oʻzbekiston Milliy teleradiokompaniyasi hamda Oʻzbekiston Milliy axborot agentligiga yongʻin oʻchiruvchilar va qutqaruvchilar sporti boʻyicha oʻtkaziladigan barcha musobaqalar va ushbu yoʻnalishdagi targʻibot roliklarini ommaviy axborot vositalari orqali keng yoritib borish tavsiya etilsin.
13. Oʻzbekiston Respublikasi Favqulodda vaziyatlar vazirligi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
14. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — turizm va sport vaziri A.A. Abduxakimov va Oʻzbekiston Respublikasi favqulodda vaziyatlar vaziri vazifasini bajaruvchi T.A. Xudaybergenov zimmasiga yuklansin.
Vazirlar Mahkamasining 2021-yil 24-sentabrdagi 600-son qaroriga 1-ILOVA
2022 — 2024-yillarda yongʻin-qutqaruv sporti majmualarining moddiy-texnik bazasini mustahkamlash
T/r Asbob-uskuna va jihozlarning nomi Oʻlchov birligi Jami Yillar boʻyicha 2022-yil 2023-yil 2024-yil 1. 4 qavatli oʻquv-mashq minorasi podiumi bilan (yigʻiladigan) dona 10 3 3 4 2. Titan ilgakli sport ishgʻol qilish narvoni (yigʻiladigan) dona 112 38 37 37 3. Titan ilgak (sport ishgʻol qilish narvoni uchun) dona 140 50 45 45 4. Sport yogʻoch narvoni (yigʻiladigan) dona 112 38 37 37 5. Sport uychasi dona 28 10 9 9 6. Sport bumi (sozlanadigan) dona 56 20 18 18 7. Sport devori (erkaklar uchun) 2x2 m. (transformer) dona 56 20 18 18 8. Sport devori (ayollar uchun) 0,7x2 m. (transformer) dona 56 20 18 18 9. Xavfsizlik setkasi (4 ta yoʻlakka moʻljallangan) dona 28 10 9 9 10. Sport nishoni dona 56 20 18 18 11. Yonuvchi suyuqlikni oʻchirishga moʻljallangan maxsus idish (protvenn) dona 56 20 18 18 12. Jangovar yoyilish turi uchun suv sigʻimi dona 28 10 9 9 13. “START-FINISH” elektron hisoblash uskunasi dona 3 1 1 1 14. RT-70 rusumli uch yoqlama suv ayirgichi dona 56 20 18 18 15. Yongʻin oʻchirish dastagi, shtors ulagichli (jangovar yoyilish uchun) dona 112 38 37 37 16. Alyuminli start kolodkasi dona 112 38 37 37 17. Sportchilar kamari dona 140 50 45 45 18. Sportchilar dubulgʻasi dona 140 50 45 45 19. 77 mm diametrli yongʻin oʻchirish yengi dona 1120 380 370 370 20. 51 mm diametrli yongʻin oʻchirish yengi dona 1400 500 450 450 21. RT-70 rusumli sport uch yoqlama suv ayirgichi (estafeta uchun) dona 112 38 37 37 22. Sport yongʻin oʻchirish dastagi (estafeta uchun) dona 112 38 37 37 23. 51 mm diametrli yongʻin oʻchirish yengi (estafeta uchun) dona 140 50 45 45 24. “OP-5” rusumli yongʻin oʻchirgich dona 560 200 180 180 25. Suv soʻruvchi yeng, shtors ulagichli (jangovar yoyilish uchun) dona 56 20 18 18 26. Suv soʻruvchi yeng setkasi, shtors ulagichli (jangovar yoyilish uchun) dona 28 10 9 9 27. Suv konistrasi, 20 litr hajmli (jangovar yoyilish uchun) dona 280 100 90 90 28. Trenajyorlar jamlanmasi dona 7 2 2 3 29. Tatami (m.kv.) dona 500 150 150 200
Vazirlar Mahkamasining 2021-yil 24-sentabrdagi 600-son qaroriga 2-ILOVA
2022 — 2024-yillarda yongʻin-qutqaruv sporti majmualarini yangidan qurish va rekonstruksiya qilish
T/r Hudud nomi Loyiha boʻyicha jami obyektlar soni Yangidan qurish va rekonstruksiya ishlari uchun markazlashgan kapital qoʻyilmalar prognozi (mln. soʻm) 2022-yilda 2023-yilda 2024-yilda Yangi qurilish 1. Fargʻona viloyati 1 5 250,0 Rekonstruksiya 2. Qoraqalpogʻiston Respublikasi 1 2 250,0 3. Buxoro viloyati 1 2 250,0 4. Jizzax viloyati 1 2 250,0 5. Qashqadaryo viloyati 1 2 250,0 6. Navoiy viloyati 1 2 250,0 7. Surxondaryo viloyati 1 2 250,0 8. Xorazm viloyati 1 2 250,0 Jami yillar boʻyicha 8 4 500,0 4 500,0 12 000,0
Oʻzbekiston Respublikasining Bosh vaziri A. ARIPOV
Toshkent sh.,
2021-yil 24-sentabr,
600-son