📅 2021-yil 27-sentabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 27 сентябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 27 сентября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 27 September 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
хабарнома
СХЕМАСИ
Транспорт воситалари эгаларининг фуқаролик жавобгарлигини мажбурий суғурта қилиш қоидаларига ўзгартириш ва қўшимчалар киритиш ҳақида
Ўзбекистон Республикасининг «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида» 2021 йил 25 августдаги ЎРҚ-711-сон Қонуни ҳамда Ўзбекистон Республикаси Президентининг «2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Илм, маърифат ва рақамли иқтисодиётни ривожлантириш йили»да амалга оширишга оид давлат дастури тўғрисида» 2020 йил 2 мартдаги ПФ-5953-сон Фармони ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикасининг «Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида» 2021 йил 25 августдаги ЎРҚ-711-сон Қонунига мувофиқ йўл-транспорт ҳодисалари бўйича ҳайдовчилар томонидан ички ишлар органи ходимларининг иштирокисиз йўл-транспорт ҳодисаси тўғрисидаги хабарномани тузиш орқали суғурта товонини олиш тартиби жорий этилганлиги маълумот учун қабул қилинсин.
2. Вазирлар Маҳкамасининг 2008 йил 24 июндаги 141-сон қарори (Ўзбекистон Республикаси ҚТ, 2008 й., 6-сон, 32-модда) билан тасдиқланган Транспорт воситалари эгаларининг фуқаролик жавобгарлигини мажбурий суғурта қилиш қоидаларига иловага мувофиқ ўзгартириш ва қўшимчалар киритилсин.
3. Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги 2021 йил 1 ноябрга қадар суғурта ташкилотларининг Интернет жаҳон ахборот тармоғидаги расмий веб-сайтларида йўл-транспорт ҳодисаси тўғрисидаги хабарнома бланкасининг намунасини жойлаштириш ва уни юклаб олиш имконияти яратилишини таъминласин.
4. Ўзбекистон Республикаси Ички ишлар вазирлиги Соғлиқни сақлаш вазирлиги ва Молия вазирлиги ҳузуридаги Суғурта бозорини ривожлантириш агентлиги билан биргаликда 2021 йил 1 ноябрга қадар Интернет жаҳон ахборот тармоғидаги ўзларининг расмий веб-сайтларида ҳудудлардаги наркологик диспансерлар ёхуд ҳайдовчиларнинг мастлик ҳолатини аниқлаш бўйича тиббий текширув ўтказадиган туман (шаҳар) даволаш-профилактика муассасалари рўйхатларини жойлаштирсин ҳамда доимий равишда янгилаб борилишини таъминласин.
5. Ўзбекистон Миллий ахборот агентлиги, Ўзбекистон Миллий телерадиокомпанияси Ўзбекистон Республикаси Молия вазирлиги ҳузуридаги Суғурта бозорини ривожлантириш агентлиги ва Ички ишлар вазирлиги билан биргаликда мазкур қарорнинг мазмун-моҳияти ҳамда амалий аҳамияти аҳоли ўртасида кенг ёритилишини таъминласин.
6. Ўзбекистон Республикаси Молия вазирлиги манфаатдор вазирликлар ва идоралар билан биргаликда ушбу қарор кучга кирган кундан бошлаб бир ой муддатда ўзлари қабул қилган норматив-ҳуқуқий ҳужжатларни мазкур қарорга мувофиқлаштирсин.
7. Ушбу қарор 2021 йил 25 ноябрдан кучга киради.
8. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ва Ўзбекистон Республикаси ички ишлар вазири П.Р. Бобожонов зиммасига юклансин.
Вазирлар Маҳкамасининг 2021 йил 27 сентябрдаги 609-сон қарорига ИЛОВА
Вазирлар Маҳкамасининг 2008 йил 24 июндаги 141-сон қарори билан тасдиқланган Транспорт воситалари эгаларининг фуқаролик жавобгарлигини мажбурий суғурта қилиш қоидаларига киритилаётган ўзгартириш ва қўшимчалар
1. 2-бандга қуйидаги мазмундаги ўн саккизинчи хатбоши қўшилсин:
« йўл-транспорт ҳодисаси тўғрисидаги хабарнома — содир этилган йўл-транспорт ҳодисаси ҳақида суғурталовчига хабар бериш учун йўл-транспорт ҳодисаси содир этилган жойда йўл-транспорт ҳодисасида иштирок этган ҳайдовчилар томонидан ихтиёрий равишда тўлдириладиган, транспорт воситалари эгаларининг фуқаролик жавобгарлиги юзага келганлиги фактини тасдиқловчи ҳужжат».
2. 47-банд қуйидаги таҳрирда баён қилинсин:
«47. Суғурта тўлови амалга оширилишига асос бўлган мустақил экспертиза (баҳолаш) ҳамда ҳайдовчиларнинг мастлик ҳолатини текширувдан ўтказиш қиймати мажбурий суғурта шартномаси бўйича суғурталовчи томонидан ўрни қопланиши лозим бўлган зарарлар таркибига киритилади».
3. Қуйидаги мазмундаги V 1 боб қўшилсин:
«V 1 . Йўл-транспорт ҳодисаси тўғрисидаги хабарномани тузиш асослари ва тартиби
47 1 . Йўл-транспорт ҳодисаси тўғрисидаги хабарнома йўл-транспорт ҳодисасида иштирок этган ҳайдовчилар томонидан дарҳол жойнинг ўзида ички ишлар органи ходимларининг иштирокисиз ихтиёрий равишда икки нусхада тузилади.
Йўл-транспорт ҳодисаси тўғрисидаги хабарнома бланкаси суғурталовчи томонидан мустақил равишда ёки босмахона усулида мазкур Қоидаларга 7-иловада келтирилган шаклга мувофиқ тайёрланади.
Суғурта қилдирувчи суғурталовчининг дастурий таъминоти (мобил иловаси)дан йўл-транспорт ҳодисаси тўғрисидаги хабарнома бланкасини мустақил равишда чоп этиб олиш ҳуқуқига эга.
Йўл-транспорт ҳодисаси тўғрисидаги хабарномани тузиш мазкур Қоидаларга 8-иловада келтирилган схемага мувофиқ амалга оширилади.
47 2 . Йўл-транспорт ҳодисаси тўғрисидаги хабарномани тузиш учун қуйидаги асослар бир вақтнинг ўзида мавжуд бўлиши шарт:
йўл-транспорт ҳодисаси жабрланувчига енгил тан жароҳати етказилишига ёхуд йўл ҳаракатини тартибга солувчи воситалар ёки бошқа мол-мулк шикастланишига олиб келмаган бўлса;
йўл-транспорт ҳодисасида иштирокчи бўлган ҳайдовчилардан бири ўз айбига тўлиқ иқрор бўлса;
йўл-транспорт ҳодисаси пиёда иштирокисиз содир этилган бўлса;
йўл-транспорт ҳодисаси иккита транспорт воситаси (шу жумладан, тиркамали транспорт воситалари) тўқнашуви натижасида рўй берган ҳамда фақат ушбу транспорт воситаларига шикаст етказилган бўлса;
транспорт воситалари эгаларининг фуқаролик жавобгарлиги йўл-транспорт ҳодисаси содир этилгунига қадар суғурта қилинган бўлса;
йўл-транспорт ҳодисасида иштирок этган ҳайдовчиларда ҳайдовчилик гувоҳномаси, транспорт воситаси рўйхатдан ўтказилганлиги тўғрисидаги гувоҳнома, ишончнома (ишончнома талаб этилмайдиган ҳоллар бундан мустасно), йўл варақаси (қонунчиликда назарда тутилган ҳолларда) мавжуд бўлиб, мазкур ҳужжатларнинг амал қилиш муддати ўтмаган бўлса;
йўл-транспорт ҳодисаси иштирокчилари бўлган ҳайдовчиларда мастлик ҳолати бўлмаса;
йўл-транспорт ҳодисаси натижасида транспорт воситаларининг шикастланиши ҳолатлари, шунингдек, транспорт воситаларининг шикастланган қисмлари тавсифлари ва рўйхати йўл-транспорт ҳодисаси иштирокчилари ўртасида келишмовчиликларни (низоларни) келтириб чиқармаса.
Ушбу бандда кўрсатилган асослардан биттаси мавжуд бўлмаган тақдирда, тузилган йўл-транспорт ҳодисаси тўғрисидаги хабарнома ҳақиқий эмас деб ҳисобланади.
47 3 . Йўл-транспорт ҳодисаси тўғрисидаги хабарнома ҳақиқий эмас деб топилган тақдирда ёхуд суғурталовчи томонидан ишни кўриб чиқиш жараёнида айбдор тараф ўзгарганлиги факти аниқланган тақдирда (айбдорлик видеоёзувлар ёхуд кўрик ва (ёки) мустақил экспертиза натижалари асосида яққол намоён бўлганда) суғурталовчи йўл-транспорт ҳодисаси тўғрисидаги хабарномани ва унга илова қилинган ҳужжатларни, шунингдек, кўрик ва (ёки) мустақил экспертиза натижаларини (айбдор тараф ўзгарганлиги факти аниқланган ҳолларда) ўша куннинг ўзида ички ишлар органларига юборади.
Йўл-транспорт ҳодисаси тўғрисидаги хабарномани кўриб чиқиш чоғида айбдор тараф ўзгарганлиги факти аниқланиши ва бошқа тарафнинг айбини тасдиқловчи материаллар ёки видеоёзувлар ёхуд ушбу банднинг биринчи хатбошисида кўрсатилган кўрик ва (ёки) мустақил экспертиза натижалари бўлмаганда суғурталовчининг йиғилган ҳужжатларни ички ишлар органларига юбориши суғурталовчи суғурта товонини тўлашни асоссиз рад этган деб баҳоланади.
Йўл-транспорт ҳодисаси тўғрисидаги хабарнома ушбу банднинг иккинчи хатбошисида кўрсатилган ҳолда юборилганда, ички ишлар органлари уч иш куни мобайнида хабарнома ва унга илова қилинган ҳужжатларни ўрганиб чиқади ва йўл-транспорт ҳодисаси юзасидан хабарнома тузишни рад этувчи ҳолатлар мавжуд эмас деб топилганда хабарнома ҳамда унга илова қилинган материаллар ва ҳужжатларни суғурталовчига қайтариб юборади.
47 4 . Йўл-транспорт ҳодисаси тўғрисидаги хабарнома ҳайдовчиларнинг фуқаролик жавобгарлигини суғурта қилган суғурталовчиларга қуйидаги материаллар ва ҳужжатлар илова қилинган ҳолда уч иш куни ичида юборилади:
йўл-транспорт ҳодисаси жойининг (автотранспорт воситалари тўқнашган жойнинг (вазият ўзгартирилмаган ҳолдаги), транспорт воситаларининг фотосурати ва (ёки) видеоёзуви, транспорт воситаларининг шикастланган қисмларининг фотосурати ва (ёки) видеоёзуви;
ҳайдовчиларнинг суғурта ҳодисасини тўғридан-тўғри ҳал этиш тўғрисидаги аризалари;
йўл-транспорт ҳодисаси содир бўлган жойдаги ёки унга яқин жойдаги наркологик диспансерда ёхуд соғлиқни сақлаш органлари томонидан белгиланган туман ва шаҳар даволаш-профилактика муассасасида йўл-транспорт ҳодисаси ҳақида хабарнома тузилган пайтдан эътиборан тўрт соат ичида ҳайдовчиларнинг мастлик ҳолатини аниқлаш бўйича тиббий текширув ўтказилганлиги тўғрисидаги баённома;
йўл-транспорт ҳодисасида иштирок этган ҳайдовчиларнинг транспорт воситасини бошқариш ҳуқуқини берувчи ҳужжатларининг, транспорт воситалари рўйхатдан ўтказилганлиги ҳақидаги ҳужжатларининг кўчирма нусхалари, шунингдек суғурта полисининг кўчирма нусхалари.
47 5 . Йўл-транспорт ҳодисаси тўғрисидаги хабарномада йўл-транспорт ҳодисаси натижасида транспорт воситаларининг шикастланиши ҳолатлари, шунингдек, транспорт воситаларининг шикастланган қисмлари тавсифлари ва рўйхати бўйича йўл-транспорт иштирокчилари ўртасида келишмовчиликлар (низолар) йўқлиги ҳақидаги маълумотлар акс эттирилади.
47 6 . Йўл-транспорт ҳодисаси тўғрисидаги хабарноманинг кўчирма нусхаси суғурталовчига ушбу Қоидаларнинг 47 4 -бандида кўрсатилган материаллар ва ҳужжатлар илова қилинган ҳолда суғурталовчининг дастурий таъминоти (мобиль иловаси) орқали электрон шаклда юборилиши мумкин.
47 7 . Транспорт воситалари эгалари йўл-транспорт ҳодисаси тўғрисидаги хабарномада кўрсатилган транспорт воситаларини кўрикдан ва (ёки) мустақил экспертизадан ўтказиш учун сўров олинган кундан эътиборан уч иш куни ичида суғурталовчининг сўровига кўра тақдим этиши шарт.
47 8 . Йўл-транспорт ҳодисаси тўғрисида хабарнома ички ишлар органи ходимларининг иштирокисиз тузилган ҳолатларда йўл-транспорт ҳодисасида иштирок этган транспорт воситаларини кўрикдан ёки мустақил техник экспертизадан ўтказиш ушбу Қоидаларнинг 41 — 44-бандларида кўрсатилган тартибда ва шартларда амалга оширилади.
Транспорт воситаларининг эгалари транспорт воситаларини суғурталовчининг ёзма розилигисиз ёки суғурталовчи суғурта товонини тўлаш тўғрисида ёхуд уни тўлашни рад этиш ҳақида қарор қабул қиладиган кунга қадар таъмирлашга ёки утилизация қилишга ҳақли эмас.
47 9 . Суғурталовчи йўл-транспорт ҳодисаси тўғрисидаги хабарнома ушбу Қоидаларнинг 47 4 -бандида кўрсатилган материаллар ва ҳужжатлар илова қилинган ҳолда тақдим этилган кундан эътиборан ўн беш календарь кун ичида суғурта товонини тўлаш тўғрисида ёки уни тўлашни рад этиш ҳақида қарор қабул қилади.
Транспорт воситаларини кўздан кечириш, мустақил экспертизани ҳамда ўрни қопланиши лозим бўлган зарарнинг миқдорини белгилаш учун баҳолашни ташкил этиш ушбу банднинг биринчи хатбошисида кўрсатилган муддатда суғурталовчи томонидан амалга оширилади.
47 10 . Йўл-транспорт ҳодисаси тўғрисида хабарнома тузилганда жабрланувчининг транспорт воситасига етказилган зарар ушбу Қоидаларнинг 39-бандида белгиланган суғурта тўлови миқдоридан ошмаслиги керак. Бунда етказилган зарар миқдори йўл-транспорт ҳодисаси ҳақидаги хабарнома суғурталовчига тақдим этилганидан сўнг ошган тақдирда, суғурталовчи суғурта суммасининг фақат ушбу Қоидаларнинг 39-бандида кўрсатилган миқдордан ортиқ бўлмаган қисмини суғурта товони сифатида тўлайди».
4. 78-бандга қуйидаги мазмундаги «ж» кичик банд қўшилсин:
«ж) мазкур шахс йўл-транспорт ҳодисаси тўғрисидаги хабарнома тузилганидан кейин тўрт соат ичида мастлик ҳолатини аниқлаш учун тиббий текширувдан ўтиш чораларини кўрмаган бўлса ёки йўл-транспорт ҳодисаси тўғрисидаги хабарномани суғурталовчига узрли сабабларсиз ўз вақтида тақдим этмаган бўлса».
5. Транспорт воситалари эгаларининг фуқаролик жавобгарлигини мажбурий суғурта қилиш қоидаларига қуйидаги мазмундаги 7 ва 8-иловалар қўшилсин:
«Транспорт воситалари эгаларининг фуқаролик жавобгарлигини мажбурий суғурта қилиш қоидаларига 7-ИЛОВА
Йўл-транспорт ҳодисаси тўғрисидаги
Транспорт воситалари эгаларининг фуқаролик жавобгарлигини мажбурий суғурта қилиш қоидаларига 8-ИЛОВА
Йўл-транспорт ҳодисаси тўғрисидаги хабарномани тузиш
Босқичлар Субъектлар Тадбирлар Бажариш муддатлари 1-босқич Йўл-транспорт ҳодисаси содир этилган икки транспорт ҳайдовчилари, суғурталовчи 1. Тан жароҳати билан боғлиқ бўлмаган ҳамда икки транспорт воситаси тўқнашуви натижасида содир этилган йўл-транспорт ҳодисасида иштирок этган ҳайдовчилар томонидан ўзаро келишилган ҳолда ихтиёрий равишда икки нусхада йўл-транспорт ҳодисаси тўғрисидаги хабарнома тузилади. 2. Йўл-транспорт ҳодисаси тўғрисидаги хабарномани тузиш билан бир вақтнинг ўзида йўл-транспорт ҳодисаси жойи (автотранспорт воситалари тўқнашган жой (вазият ўзгартирилмаган ҳолдаги), транспорт воситаларини фотосуратга ва (ёки) видеоёзувга олинади, шунингдек, транспорт воситаларининг шикастланган қисмларини фотосуратга ва (ёки) видеоёзувга туширилади. Ҳодиса содир этилган вақтда ўша жойнинг ўзида 2-босқич Йўл-транспорт ҳодисаси содир этилган икки транспорт ҳайдовчилари, нарколог ёки масъул тиббиёт ходими 1. Й ўл-транспорт ҳодисаси тўғрисидаги хабарнома тузилганидан сўнг иккала ҳайдовчи мастлик даражасини аниқлаш юзасидан ушбу ҳудуддаги ёки унга яқин бўлган наркологик диспансер ёхуд соғлиқни сақлаш органлари томонидан белгиланган туман ва шаҳар даволаш-профилактика муассасасига мурожаат қилиб, текширувдан ўтадилар. 1. Ҳодиса содир этилган вақтдан эътиборан 4 соат ичида Йўл-транспорт ҳодисаси содир этилган икки транспорт воситалари ҳайдовчилари, экспертиза (баҳолаш) ўтказадиган ташкилот 2. Жабрланувчи йўл-транспорт ҳодисаси натижасида ўзининг мол-мулкига етказилган зарар миқдорини аниқлаш мақсадида ўз ташаббуси билан ёки суғурталовчининг талабига асосан транспорт воситасини мустақил экспертизадан (баҳолашдан) ўтказади ва мустақил экспертиза натижаларини йўл-транспорт ҳодисаси тўғрисидаги хабарномага илова қилади. 2. Ҳодиса содир этилган вақтдан эътиборан 3 иш кун ичида Йўл-транспорт ҳодисаси содир этилган икки транспорт ҳайдовчилари, суғурталовчи 3. Ҳайдовчилар томонидан суғурталовчиларга йўл-транспорт ҳодисаси тўғрисидаги хабарномага қуйидаги ҳужжатлар илова қилинган ҳолда тақдим этилади: йўл-транспорт ҳодисаси жойининг (автотранспорт воситалари тўқнашган жойнинг (вазият ўзгартирилмаган ҳолдаги), транспорт воситаларининг фотосурати ва (ёки) видеоёзуви, транспорт воситаларининг шикастланган қисмларининг фотосурати ва (ёки) видеоёзуви; ҳайдовчиларнинг суғурта ҳодисасини тўғридан-тўғри ҳал этиш тўғрисидаги аризалари; йўл-транспорт ҳодисаси содир бўлган жойдаги ёки унга яқин жойдаги наркологик диспансерда ёхуд соғлиқни сақлаш органлари томонидан белгиланган туман ва шаҳар даволаш-профилактика муассасасида йўл-транспорт ҳодисаси ҳақида хабарнома тузилган пайтдан эътиборан тўрт соат ичида ҳайдовчиларнинг мастлик ҳолатини аниқлаш бўйича тиббий текширув ўтказилганлиги тўғрисидаги баённома; йўл-транспорт ҳодисасида иштирок этган ҳайдовчиларнинг транспорт воситасини бошқариш ҳуқуқини берувчи ҳужжатларининг, транспорт воситалари рўйхатдан ўтказилганлиги ҳақидаги ҳужжатларининг кўчирма нусхалари, шунингдек, суғурта полисининг кўчирма нусхалари. 3. Ҳодиса содир этилган вақтдан эътиборан 3 иш куни ичида 3-босқич Суғурталовчи, экспертиза (баҳолаш) ўтказадиган ташкилот, ҳайдовчилар 1. Суғурталовчи йўл-транспорт ҳодисаси тўғрисидаги хабарномани ҳамда тўғридан-тўғри зарарларни қоплаш тўғрисидаги аризани қабул қилганидан сўнг уни тегишли журналда рўйхатдан ўтказиб, ҳужжатларни текширади ҳамда шикастланган транспорт воситасини кўздан кечиради, зарурат бўлса мустақил экспертизани (баҳолашни) ташкил этади. Суғурталовчига тақдим этилган кундан эътиборан 15 календарь кун ичида Суғурталовчи 2. Суғурталовчи йўл-транспорт ҳодисаси тўғрисидаги хабарномани ва унга илова қилинган материаллар ва ҳужжатларни кўриб чиқади ва унинг натижасига асосан суғурта товонини тўлашни рад этиш ҳақида ёки уни тўлаш ҳақида қарор қабул қилади ва шу билан бирга ҳайдовчиларга тегишли транспорт воситаларини таъмирлаш ҳамда утилизация қилишга рухсат беради. Суғурталовчи, ҳайдовчи (жабрланувчи) 3. Суғурта товонини тўлаш тўғрисида қарор қабул қилинган тақдирда, жабрланувчининг суғурталовчиси суғурта товонини тўғридан-тўғри тўлайди, бунда суғурта товонини тўлаш билан боғлиқ барча харажатлар қопланади. 3. Суғурта товонини тўлаш тўғрисида қарор қабул қилинган кундан эътиборан 5 иш куни ичида Суғурталовчилар 4. Суғурта ҳодисасини тўғридан-тўғри ҳал этиш қўлланилганда айбдор тарафнинг суғурталовчиси жабрланувчининг суғурталовчисига жабрланувчига суғурта товонини тўлаш билан боғлиқ барча харажатларни қоплаб беради. 4-босқич Суғурталовчи, ҳайдовчилар 1. Суғурталовчи зарар етказган шахсдан (суғурта қилдирувчига, фуқаролик жавобгарлиги мажбурий суғурта шартномаси бўйича суғурталанган бошқа шахсга) ўзи тўлаган суғурта тўлови миқдорида йўл-транспорт ҳодисаси тўғрисидаги хабарномани ички ишлар органи ходимларининг иштирокисиз тузилганда белгиланган вақтда мастлик даражасини аниқлаш чорасини кўрмаган бўлса, шунингдек, суғурталовчига тақдим этилиши лозим бўлган ҳужжатларни узрли сабабларсиз ўз вақтида тақдим этмаган бўлса, регресс тартибида талаб қилиб олади. Суғурталовчига тақдим этилган кундан 15 иш кун ичида Суғурталовчи, ҳайдовчилар, ички ишлар органи ходимлари 2. Суғурталовчи ички ишлар органи ходимларининг иштирокисиз тузилган йўл-транспорт ҳодисаси тўғрисида хабарномани кўриб чиқиш вақтида йўл-транспорт ҳодисасида жиноят аломатлари ёки йўл-транспорт ҳодисаси тўғрисидаги хабарномани расмийлаштиришни истисно этадиган ҳолатларни аниқлаган тақдирда, тўпланган ҳужжатларни тегишлилиги бўйича ҳуқуқни муҳофаза қилувчи органларга тақдим этади. » .
Ўзбекистон Республикасининг Бош вазири А. АРИПОВ
Тошкент ш.,
2021 йил 27 сентябрь,
609-сон
Oʻzbekiston Respublikasi Vazirlar Mahkamasining
qarori
xabarnoma
SXEMASI
Transport vositalari egalarining fuqarolik javobgarligini majburiy sugʻurta qilish qoidalariga oʻzgartirish va qoʻshimchalar kiritish haqida
Oʻzbekiston Respublikasining “Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” 2021-yil 25-avgustdagi OʻRQ-711-son Qonuni hamda Oʻzbekiston Respublikasi Prezidentining “2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Ilm, maʼrifat va raqamli iqtisodiyotni rivojlantirish yili”da amalga oshirishga oid davlat dasturi toʻgʻrisida” 2020-yil 2-martdagi PF-5953-son Farmoni ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasining “Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” 2021-yil 25-avgustdagi OʻRQ-711-son Qonuniga muvofiq yoʻl-transport hodisalari boʻyicha haydovchilar tomonidan ichki ishlar organi xodimlarining ishtirokisiz yoʻl-transport hodisasi toʻgʻrisidagi xabarnomani tuzish orqali sugʻurta tovonini olish tartibi joriy etilganligi maʼlumot uchun qabul qilinsin.
2. Vazirlar Mahkamasining 2008-yil 24-iyundagi 141-son qarori (Oʻzbekiston Respublikasi QT, 2008-y., 6-son, 32-modda) bilan tasdiqlangan Transport vositalari egalarining fuqarolik javobgarligini majburiy sugʻurta qilish qoidalariga ilovaga muvofiq oʻzgartirish va qoʻshimchalar kiritilsin.
3. Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi 2021-yil 1-noyabrga qadar sugʻurta tashkilotlarining Internet jahon axborot tarmogʻidagi rasmiy veb-saytlarida yoʻl-transport hodisasi toʻgʻrisidagi xabarnoma blankasining namunasini joylashtirish va uni yuklab olish imkoniyati yaratilishini taʼminlasin.
4. Oʻzbekiston Respublikasi Ichki ishlar vazirligi Sogʻliqni saqlash vazirligi va Moliya vazirligi huzuridagi Sugʻurta bozorini rivojlantirish agentligi bilan birgalikda 2021-yil 1-noyabrga qadar Internet jahon axborot tarmogʻidagi oʻzlarining rasmiy veb-saytlarida hududlardagi narkologik dispanserlar yoxud haydovchilarning mastlik holatini aniqlash boʻyicha tibbiy tekshiruv oʻtkazadigan tuman (shahar) davolash-profilaktika muassasalari roʻyxatlarini joylashtirsin hamda doimiy ravishda yangilab borilishini taʼminlasin.
5. Oʻzbekiston Milliy axborot agentligi, Oʻzbekiston Milliy teleradiokompaniyasi Oʻzbekiston Respublikasi Moliya vazirligi huzuridagi Sugʻurta bozorini rivojlantirish agentligi va Ichki ishlar vazirligi bilan birgalikda mazkur qarorning mazmun-mohiyati hamda amaliy ahamiyati aholi oʻrtasida keng yoritilishini taʼminlasin.
6. Oʻzbekiston Respublikasi Moliya vazirligi manfaatdor vazirliklar va idoralar bilan birgalikda ushbu qaror kuchga kirgan kundan boshlab bir oy muddatda oʻzlari qabul qilgan normativ-huquqiy hujjatlarni mazkur qarorga muvofiqlashtirsin.
7. Ushbu qaror 2021-yil 25-noyabrdan kuchga kiradi.
8. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Vazirlar Mahkamasining 2021-yil 27-sentabrdagi 609-son qaroriga ILOVA
Vazirlar Mahkamasining 2008-yil 24-iyundagi 141-son qarori bilan tasdiqlangan Transport vositalari egalarining fuqarolik javobgarligini majburiy sugʻurta qilish qoidalariga kiritilayotgan oʻzgartirish va qoʻshimchalar
1. 2-bandga quyidagi mazmundagi oʻn sakkizinchi xatboshi qoʻshilsin:
“ yoʻl-transport hodisasi toʻgʻrisidagi xabarnoma — sodir etilgan yoʻl-transport hodisasi haqida sugʻurtalovchiga xabar berish uchun yoʻl-transport hodisasi sodir etilgan joyda yoʻl-transport hodisasida ishtirok etgan haydovchilar tomonidan ixtiyoriy ravishda toʻldiriladigan, transport vositalari egalarining fuqarolik javobgarligi yuzaga kelganligi faktini tasdiqlovchi hujjat”.
2. 47-band quyidagi tahrirda bayon qilinsin:
“47. Sugʻurta toʻlovi amalga oshirilishiga asos boʻlgan mustaqil ekspertiza (baholash) hamda haydovchilarning mastlik holatini tekshiruvdan oʻtkazish qiymati majburiy sugʻurta shartnomasi boʻyicha sugʻurtalovchi tomonidan oʻrni qoplanishi lozim boʻlgan zararlar tarkibiga kiritiladi”.
3. Quyidagi mazmundagi V 1 bob qoʻshilsin:
“V 1 . Yoʻl-transport hodisasi toʻgʻrisidagi xabarnomani tuzish asoslari va tartibi
47 1 . Yoʻl-transport hodisasi toʻgʻrisidagi xabarnoma yoʻl-transport hodisasida ishtirok etgan haydovchilar tomonidan darhol joyning oʻzida ichki ishlar organi xodimlarining ishtirokisiz ixtiyoriy ravishda ikki nusxada tuziladi.
Yoʻl-transport hodisasi toʻgʻrisidagi xabarnoma blankasi sugʻurtalovchi tomonidan mustaqil ravishda yoki bosmaxona usulida mazkur Qoidalarga 7-ilovada keltirilgan shaklga muvofiq tayyorlanadi.
Sugʻurta qildiruvchi sugʻurtalovchining dasturiy taʼminoti (mobil ilovasi)dan yoʻl-transport hodisasi toʻgʻrisidagi xabarnoma blankasini mustaqil ravishda chop etib olish huquqiga ega.
Yoʻl-transport hodisasi toʻgʻrisidagi xabarnomani tuzish mazkur Qoidalarga 8-ilovada keltirilgan sxemaga muvofiq amalga oshiriladi.
47 2 . Yoʻl-transport hodisasi toʻgʻrisidagi xabarnomani tuzish uchun quyidagi asoslar bir vaqtning oʻzida mavjud boʻlishi shart:
yoʻl-transport hodisasi jabrlanuvchiga yengil tan jarohati yetkazilishiga yoxud yoʻl harakatini tartibga soluvchi vositalar yoki boshqa mol-mulk shikastlanishiga olib kelmagan boʻlsa;
yoʻl-transport hodisasida ishtirokchi boʻlgan haydovchilardan biri oʻz aybiga toʻliq iqror boʻlsa;
yoʻl-transport hodisasi piyoda ishtirokisiz sodir etilgan boʻlsa;
yoʻl-transport hodisasi ikkita transport vositasi (shu jumladan, tirkamali transport vositalari) toʻqnashuvi natijasida roʻy bergan hamda faqat ushbu transport vositalariga shikast yetkazilgan boʻlsa;
transport vositalari egalarining fuqarolik javobgarligi yoʻl-transport hodisasi sodir etilguniga qadar sugʻurta qilingan boʻlsa;
yoʻl-transport hodisasida ishtirok etgan haydovchilarda haydovchilik guvohnomasi, transport vositasi roʻyxatdan oʻtkazilganligi toʻgʻrisidagi guvohnoma, ishonchnoma (ishonchnoma talab etilmaydigan hollar bundan mustasno), yoʻl varaqasi (qonunchilikda nazarda tutilgan hollarda) mavjud boʻlib, mazkur hujjatlarning amal qilish muddati oʻtmagan boʻlsa;
yoʻl-transport hodisasi ishtirokchilari boʻlgan haydovchilarda mastlik holati boʻlmasa;
yoʻl-transport hodisasi natijasida transport vositalarining shikastlanishi holatlari, shuningdek, transport vositalarining shikastlangan qismlari tavsiflari va roʻyxati yoʻl-transport hodisasi ishtirokchilari oʻrtasida kelishmovchiliklarni (nizolarni) keltirib chiqarmasa.
Ushbu bandda koʻrsatilgan asoslardan bittasi mavjud boʻlmagan taqdirda, tuzilgan yoʻl-transport hodisasi toʻgʻrisidagi xabarnoma haqiqiy emas deb hisoblanadi.
47 3 . Yoʻl-transport hodisasi toʻgʻrisidagi xabarnoma haqiqiy emas deb topilgan taqdirda yoxud sugʻurtalovchi tomonidan ishni koʻrib chiqish jarayonida aybdor taraf oʻzgarganligi fakti aniqlangan taqdirda (aybdorlik videoyozuvlar yoxud koʻrik va (yoki) mustaqil ekspertiza natijalari asosida yaqqol namoyon boʻlganda) sugʻurtalovchi yoʻl-transport hodisasi toʻgʻrisidagi xabarnomani va unga ilova qilingan hujjatlarni, shuningdek, koʻrik va (yoki) mustaqil ekspertiza natijalarini (aybdor taraf oʻzgarganligi fakti aniqlangan hollarda) oʻsha kunning oʻzida ichki ishlar organlariga yuboradi.
Yoʻl-transport hodisasi toʻgʻrisidagi xabarnomani koʻrib chiqish chogʻida aybdor taraf oʻzgarganligi fakti aniqlanishi va boshqa tarafning aybini tasdiqlovchi materiallar yoki videoyozuvlar yoxud ushbu bandning birinchi xatboshisida koʻrsatilgan koʻrik va (yoki) mustaqil ekspertiza natijalari boʻlmaganda sugʻurtalovchining yigʻilgan hujjatlarni ichki ishlar organlariga yuborishi sugʻurtalovchi sugʻurta tovonini toʻlashni asossiz rad etgan deb baholanadi.
Yoʻl-transport hodisasi toʻgʻrisidagi xabarnoma ushbu bandning ikkinchi xatboshisida koʻrsatilgan holda yuborilganda, ichki ishlar organlari uch ish kuni mobaynida xabarnoma va unga ilova qilingan hujjatlarni oʻrganib chiqadi va yoʻl-transport hodisasi yuzasidan xabarnoma tuzishni rad etuvchi holatlar mavjud emas deb topilganda xabarnoma hamda unga ilova qilingan materiallar va hujjatlarni sugʻurtalovchiga qaytarib yuboradi.
47 4 . Yoʻl-transport hodisasi toʻgʻrisidagi xabarnoma haydovchilarning fuqarolik javobgarligini sugʻurta qilgan sugʻurtalovchilarga quyidagi materiallar va hujjatlar ilova qilingan holda uch ish kuni ichida yuboriladi:
yoʻl-transport hodisasi joyining (avtotransport vositalari toʻqnashgan joyning (vaziyat oʻzgartirilmagan holdagi), transport vositalarining fotosurati va (yoki) videoyozuvi, transport vositalarining shikastlangan qismlarining fotosurati va (yoki) videoyozuvi;
haydovchilarning sugʻurta hodisasini toʻgʻridan-toʻgʻri hal etish toʻgʻrisidagi arizalari;
yoʻl-transport hodisasi sodir boʻlgan joydagi yoki unga yaqin joydagi narkologik dispanserda yoxud sogʻliqni saqlash organlari tomonidan belgilangan tuman va shahar davolash-profilaktika muassasasida yoʻl-transport hodisasi haqida xabarnoma tuzilgan paytdan eʼtiboran toʻrt soat ichida haydovchilarning mastlik holatini aniqlash boʻyicha tibbiy tekshiruv oʻtkazilganligi toʻgʻrisidagi bayonnoma;
yoʻl-transport hodisasida ishtirok etgan haydovchilarning transport vositasini boshqarish huquqini beruvchi hujjatlarining, transport vositalari roʻyxatdan oʻtkazilganligi haqidagi hujjatlarining koʻchirma nusxalari, shuningdek sugʻurta polisining koʻchirma nusxalari.
47 5 . Yoʻl-transport hodisasi toʻgʻrisidagi xabarnomada yoʻl-transport hodisasi natijasida transport vositalarining shikastlanishi holatlari, shuningdek, transport vositalarining shikastlangan qismlari tavsiflari va roʻyxati boʻyicha yoʻl-transport ishtirokchilari oʻrtasida kelishmovchiliklar (nizolar) yoʻqligi haqidagi maʼlumotlar aks ettiriladi.
47 6 . Yoʻl-transport hodisasi toʻgʻrisidagi xabarnomaning koʻchirma nusxasi sugʻurtalovchiga ushbu Qoidalarning 47 4 -bandida koʻrsatilgan materiallar va hujjatlar ilova qilingan holda sugʻurtalovchining dasturiy taʼminoti (mobil ilovasi) orqali elektron shaklda yuborilishi mumkin.
47 7 . Transport vositalari egalari yoʻl-transport hodisasi toʻgʻrisidagi xabarnomada koʻrsatilgan transport vositalarini koʻrikdan va (yoki) mustaqil ekspertizadan oʻtkazish uchun soʻrov olingan kundan eʼtiboran uch ish kuni ichida sugʻurtalovchining soʻroviga koʻra taqdim etishi shart.
47 8 . Yoʻl-transport hodisasi toʻgʻrisida xabarnoma ichki ishlar organi xodimlarining ishtirokisiz tuzilgan holatlarda yoʻl-transport hodisasida ishtirok etgan transport vositalarini koʻrikdan yoki mustaqil texnik ekspertizadan oʻtkazish ushbu Qoidalarning 41 — 44-bandlarida koʻrsatilgan tartibda va shartlarda amalga oshiriladi.
Transport vositalarining egalari transport vositalarini sugʻurtalovchining yozma roziligisiz yoki sugʻurtalovchi sugʻurta tovonini toʻlash toʻgʻrisida yoxud uni toʻlashni rad etish haqida qaror qabul qiladigan kunga qadar taʼmirlashga yoki utilizatsiya qilishga haqli emas.
47 9 . Sugʻurtalovchi yoʻl-transport hodisasi toʻgʻrisidagi xabarnoma ushbu Qoidalarning 47 4 -bandida koʻrsatilgan materiallar va hujjatlar ilova qilingan holda taqdim etilgan kundan eʼtiboran oʻn besh kalendar kun ichida sugʻurta tovonini toʻlash toʻgʻrisida yoki uni toʻlashni rad etish haqida qaror qabul qiladi.
Transport vositalarini koʻzdan kechirish, mustaqil ekspertizani hamda oʻrni qoplanishi lozim boʻlgan zararning miqdorini belgilash uchun baholashni tashkil etish ushbu bandning birinchi xatboshisida koʻrsatilgan muddatda sugʻurtalovchi tomonidan amalga oshiriladi.
47 10 . Yoʻl-transport hodisasi toʻgʻrisida xabarnoma tuzilganda jabrlanuvchining transport vositasiga yetkazilgan zarar ushbu Qoidalarning 39-bandida belgilangan sugʻurta toʻlovi miqdoridan oshmasligi kerak. Bunda yetkazilgan zarar miqdori yoʻl-transport hodisasi haqidagi xabarnoma sugʻurtalovchiga taqdim etilganidan soʻng oshgan taqdirda, sugʻurtalovchi sugʻurta summasining faqat ushbu Qoidalarning 39-bandida koʻrsatilgan miqdordan ortiq boʻlmagan qismini sugʻurta tovoni sifatida toʻlaydi”.
4. 78-bandga quyidagi mazmundagi “j” kichik band qoʻshilsin:
“j) mazkur shaxs yoʻl-transport hodisasi toʻgʻrisidagi xabarnoma tuzilganidan keyin toʻrt soat ichida mastlik holatini aniqlash uchun tibbiy tekshiruvdan oʻtish choralarini koʻrmagan boʻlsa yoki yoʻl-transport hodisasi toʻgʻrisidagi xabarnomani sugʻurtalovchiga uzrli sabablarsiz oʻz vaqtida taqdim etmagan boʻlsa”.
5. Transport vositalari egalarining fuqarolik javobgarligini majburiy sugʻurta qilish qoidalariga quyidagi mazmundagi 7 va 8-ilovalar qoʻshilsin:
“Transport vositalari egalarining fuqarolik javobgarligini majburiy sugʻurta qilish qoidalariga 7-ILOVA
Yoʻl-transport hodisasi toʻgʻrisidagi
Transport vositalari egalarining fuqarolik javobgarligini majburiy sugʻurta qilish qoidalariga 8-ILOVA
Yoʻl-transport hodisasi toʻgʻrisidagi xabarnomani tuzish
Bosqichlar Subyektlar Tadbirlar Bajarish muddatlari 1-bosqich Yoʻl-transport hodisasi sodir etilgan ikki transport haydovchilari, sugʻurtalovchi 1. Tan jarohati bilan bogʻliq boʻlmagan hamda ikki transport vositasi toʻqnashuvi natijasida sodir etilgan yoʻl-transport hodisasida ishtirok etgan haydovchilar tomonidan oʻzaro kelishilgan holda ixtiyoriy ravishda ikki nusxada yoʻl-transport hodisasi toʻgʻrisidagi xabarnoma tuziladi. 2. Yoʻl-transport hodisasi toʻgʻrisidagi xabarnomani tuzish bilan bir vaqtning oʻzida yoʻl-transport hodisasi joyi (avtotransport vositalari toʻqnashgan joy (vaziyat oʻzgartirilmagan holdagi), transport vositalarini fotosuratga va (yoki) videoyozuvga olinadi, shuningdek, transport vositalarining shikastlangan qismlarini fotosuratga va (yoki) videoyozuvga tushiriladi. Hodisa sodir etilgan vaqtda oʻsha joyning oʻzida 2-bosqich Yoʻl-transport hodisasi sodir etilgan ikki transport haydovchilari, narkolog yoki masʼul tibbiyot xodimi 1. Y oʻl-transport hodisasi toʻgʻrisidagi xabarnoma tuzilganidan soʻng ikkala haydovchi mastlik darajasini aniqlash yuzasidan ushbu hududdagi yoki unga yaqin boʻlgan narkologik dispanser yoxud sogʻliqni saqlash organlari tomonidan belgilangan tuman va shahar davolash-profilaktika muassasasiga murojaat qilib, tekshiruvdan oʻtadilar. 1. Hodisa sodir etilgan vaqtdan eʼtiboran 4 soat ichida Yoʻl-transport hodisasi sodir etilgan ikki transport vositalari haydovchilari, ekspertiza (baholash) oʻtkazadigan tashkilot 2. Jabrlanuvchi yoʻl-transport hodisasi natijasida oʻzining mol-mulkiga yetkazilgan zarar miqdorini aniqlash maqsadida oʻz tashabbusi bilan yoki sugʻurtalovchining talabiga asosan transport vositasini mustaqil ekspertizadan (baholashdan) oʻtkazadi va mustaqil ekspertiza natijalarini yoʻl-transport hodisasi toʻgʻrisidagi xabarnomaga ilova qiladi. 2. Hodisa sodir etilgan vaqtdan eʼtiboran 3 ish kun ichida Yoʻl-transport hodisasi sodir etilgan ikki transport haydovchilari, sugʻurtalovchi 3. Haydovchilar tomonidan sugʻurtalovchilarga yoʻl-transport hodisasi toʻgʻrisidagi xabarnomaga quyidagi hujjatlar ilova qilingan holda taqdim etiladi: yoʻl-transport hodisasi joyining (avtotransport vositalari toʻqnashgan joyning (vaziyat oʻzgartirilmagan holdagi), transport vositalarining fotosurati va (yoki) videoyozuvi, transport vositalarining shikastlangan qismlarining fotosurati va (yoki) videoyozuvi; haydovchilarning sugʻurta hodisasini toʻgʻridan-toʻgʻri hal etish toʻgʻrisidagi arizalari; yoʻl-transport hodisasi sodir boʻlgan joydagi yoki unga yaqin joydagi narkologik dispanserda yoxud sogʻliqni saqlash organlari tomonidan belgilangan tuman va shahar davolash-profilaktika muassasasida yoʻl-transport hodisasi haqida xabarnoma tuzilgan paytdan eʼtiboran toʻrt soat ichida haydovchilarning mastlik holatini aniqlash boʻyicha tibbiy tekshiruv oʻtkazilganligi toʻgʻrisidagi bayonnoma; yoʻl-transport hodisasida ishtirok etgan haydovchilarning transport vositasini boshqarish huquqini beruvchi hujjatlarining, transport vositalari roʻyxatdan oʻtkazilganligi haqidagi hujjatlarining koʻchirma nusxalari, shuningdek, sugʻurta polisining koʻchirma nusxalari. 3. Hodisa sodir etilgan vaqtdan eʼtiboran 3 ish kuni ichida 3-bosqich Sugʻurtalovchi, ekspertiza (baholash) oʻtkazadigan tashkilot, haydovchilar 1. Sugʻurtalovchi yoʻl-transport hodisasi toʻgʻrisidagi xabarnomani hamda toʻgʻridan-toʻgʻri zararlarni qoplash toʻgʻrisidagi arizani qabul qilganidan soʻng uni tegishli jurnalda roʻyxatdan oʻtkazib, hujjatlarni tekshiradi hamda shikastlangan transport vositasini koʻzdan kechiradi, zarurat boʻlsa mustaqil ekspertizani (baholashni) tashkil etadi. Sugʻurtalovchiga taqdim etilgan kundan eʼtiboran 15 kalendar kun ichida Sugʻurtalovchi 2. Sugʻurtalovchi yoʻl-transport hodisasi toʻgʻrisidagi xabarnomani va unga ilova qilingan materiallar va hujjatlarni koʻrib chiqadi va uning natijasiga asosan sugʻurta tovonini toʻlashni rad etish haqida yoki uni toʻlash haqida qaror qabul qiladi va shu bilan birga haydovchilarga tegishli transport vositalarini taʼmirlash hamda utilizatsiya qilishga ruxsat beradi. Sugʻurtalovchi, haydovchi (jabrlanuvchi) 3. Sugʻurta tovonini toʻlash toʻgʻrisida qaror qabul qilingan taqdirda, jabrlanuvchining sugʻurtalovchisi sugʻurta tovonini toʻgʻridan-toʻgʻri toʻlaydi, bunda sugʻurta tovonini toʻlash bilan bogʻliq barcha xarajatlar qoplanadi. 3. Sugʻurta tovonini toʻlash toʻgʻrisida qaror qabul qilingan kundan eʼtiboran 5 ish kuni ichida Sugʻurtalovchilar 4. Sugʻurta hodisasini toʻgʻridan-toʻgʻri hal etish qoʻllanilganda aybdor tarafning sugʻurtalovchisi jabrlanuvchining sugʻurtalovchisiga jabrlanuvchiga sugʻurta tovonini toʻlash bilan bogʻliq barcha xarajatlarni qoplab beradi. 4-bosqich Sugʻurtalovchi, haydovchilar 1. Sugʻurtalovchi zarar yetkazgan shaxsdan (sugʻurta qildiruvchiga, fuqarolik javobgarligi majburiy sugʻurta shartnomasi boʻyicha sugʻurtalangan boshqa shaxsga) oʻzi toʻlagan sugʻurta toʻlovi miqdorida yoʻl-transport hodisasi toʻgʻrisidagi xabarnomani ichki ishlar organi xodimlarining ishtirokisiz tuzilganda belgilangan vaqtda mastlik darajasini aniqlash chorasini koʻrmagan boʻlsa, shuningdek, sugʻurtalovchiga taqdim etilishi lozim boʻlgan hujjatlarni uzrli sabablarsiz oʻz vaqtida taqdim etmagan boʻlsa, regress tartibida talab qilib oladi. Sugʻurtalovchiga taqdim etilgan kundan 15 ish kun ichida Sugʻurtalovchi, haydovchilar, ichki ishlar organi xodimlari 2. Sugʻurtalovchi ichki ishlar organi xodimlarining ishtirokisiz tuzilgan yoʻl-transport hodisasi toʻgʻrisida xabarnomani koʻrib chiqish vaqtida yoʻl-transport hodisasida jinoyat alomatlari yoki yoʻl-transport hodisasi toʻgʻrisidagi xabarnomani rasmiylashtirishni istisno etadigan holatlarni aniqlagan taqdirda, toʻplangan hujjatlarni tegishliligi boʻyicha huquqni muhofaza qiluvchi organlarga taqdim etadi. ” .
Oʻzbekiston Respublikasining Bosh vaziri A. ARIPOV
Toshkent sh.,
2021-yil 27-sentabr,
609-son