📅 2021-yil 4-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2021 г. · Постановления Президента
Официальный текст. Официальный документ. Редакционные примечания не включены.
📅 4 October 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Чакана савдо ва хизмат кўрсатиш соҳасида назорат-касса техникасидан фойдаланишни такомиллаштиришга доир қўшимча чора-тадбирлар тўғрисида
Чакана савдо ва хизмат кўрсатиш соҳасида ҳисоб-китобларни амалга ошириш тартибини такомиллаштириш, замонавий ахборот ечимларини жорий этиш, иқтисодиётда хуфиёна айланмани қисқартириш, шунингдек, ушбу соҳада таъсирчан жамоатчилик назоратини амалга ошириш учун шарт-шароитлар яратиш мақсадида:
1. Белгилансинки:
а) 2024 йил 1 январдан бошлаб:
чакана савдо, умумий овқатланиш ва аҳолига маиший хизмат кўрсатиш объектларида харидни амалга оширган ва ушбу харидни солиқ органларининг махсус мобиль иловасида харид чекининг фискал белгисини матрицали штрих код (QR-код) ёрдамида сканерлаш орқали рўйхатдан ўтказган жисмоний шахсларнинг банк карталарига ой якуни билан харид суммасининг базавий ҳисоблаш миқдорининг 60 бараваридан ошмаган қисмидан 1 фоизи республика бюджетидан қайтарилади, бундан автомобиль сотиб олганлик учун, темир йўл ва авиа чипта хариди, коммунал ва алоқа хизмати учун тўлов ҳамда ўзини-ўзи банд қилган шахслар ва якка тартибдаги тадбиркорлар томонидан рақамли платформаларда генерация қилинган махсус QR код орқали берилган харид чеклари мустасно;
назорат-касса техникасини ва ҳисоб-китоб терминалларини қўллаш тартибини бузганлик, нақд пул маблағлари ёки пластик карточкалар бўйича тўлов шаклига қараб нархларни сунъий равишда оширганлик ёки пасайтирганлик, тадбиркорлик фаолиятини давлат рўйхатидан ўтмасдан амалга оширганлик, шунингдек, идентификация қилиш воситалари билан мажбурий рақамли маркировка қилиш назарда тутилган маҳсулотларда қалбаки маркировка қўлланилганлик ёки маркировка мавжуд эмаслиги тўғрисида солиқ органларига махсус дастур орқали хабар берган жисмоний шахсларга, ушбу маълумот асосида ўтказилган текшириш якунига кўра ҳуқуқбузарлардан ундирилган жарима суммаси ҳисобидан назорат-касса техникасининг ва (ёки) ҳисоб-китоб терминалларини қўлламасдан савдони амалга оширганлик ва хизматлар кўрсатганлик бўйича белгиланган жариманинг 20 фоизи миқдорида мукофот тўланади. Бунда, жариманинг қолган ундириладиган қисми белгиланган тартибда тақсимланади;
б) тўлов тизимлари операторлари ўз тўлов тизимларини онлайн назорат-касса машиналарига мажбурий равишда улаш ва шу орқали солиқ органларининг ахборот тизимларига интеграциялашни таъминлаш талаби ўрнатилади.
2. Қуйидагилар тақиқлансин:
а) 2022 йил 1 январдан бошлаб Маҳсулотлар (товарлар ва хизматлар) ягона электрон миллий каталоги идентификациялаш кодлари акс эттирилмайдиган онлайн назорат-касса машинаси ва виртуал касса чекларини тақдим этиш.
Давлат солиқ қўмитаси ушбу кичик банднинг биринчи хатбошисида ўрнатилган талаблар бузилган онлайн назорат-касса машиналари ва виртуал кассаларни тегишли реестрдан чиқариб ташлаш чораларини кўриб борсин;
б) 2022 йил 1 январдан бошлаб қуйидаги имкониятларга эга бўлмаган онлайн назорат-касса техникаларини давлат реестрига киритиш ҳамда солиқ органларида рўйхатга олиш, 2023 йил 1 январдан бошлаб эса улардан аҳоли билан пулли ҳисоб-китобларни амалга оширишда фойдаланиш:
банк карталари орқали тўловларни қабул қилиш;
онлайн назорат-касса машинасининг жойлашган жойи тўғрисидаги маълумотни солиқ органларига тақдим этиш (виртуал кассалар ва онлайн назорат-касса машинаси сифатида фойдаланилаётган банк карталарини қабул қилувчи терминаллар бундан мустасно);
чакана савдони амалга оширувчи тадбиркорлик субъектлари учун — штрих-кодлар ва рақамли маркировка кодларини эркин ўқиш ва аниқлаш.
3. 2022 йил 1 январдан бошлаб рақамли маркировкаланган маҳсулотлар чакана савдосини амалга оширувчи тадбиркорлик субъектлари учун онлайн назорат-касса машинаси ва виртуал кассага уланган, штрих-кодлар ва рақамли маркировка кодларини тўғри ўқишни ва аниқлашни таъминловчи махсус қурилмалардан (2D-сканерлар, маълумотларни йиғувчи терминаллар ёки бошқа турдаги махсус қурилмалар) мажбурий фойдаланиш талаби ўрнатилсин.
2023 йил 1 январга қадар тадбиркорлик субъектларига онлайн назорат-касса машинаси ҳамда мазкур банднинг биринчи хатбошисида назарда тутилган махсус қурилмаларнинг ҳар бирини сотиб олиш билан боғлиқ харажатлар суммасига, лекин битта қурилма учун базавий ҳисоблаш миқдорининг 4 бараваридан кўп бўлмаган миқдорда, ҳисобланган ва тўланиши лозим бўлган фойда солиғи ёки айланмадан олинадиган солиқ ёхуд якка тартибдаги тадбиркорлар томонидан тўланадиган жисмоний шахслардан олинадиган даромад солиғи суммаларини камайтириш ҳуқуқи берилсин.
4. Давлат солиқ қўмитаси Марказий банк билан биргаликда 2022 йил 1 апрелга қадар:
тўлов терминали орқали амалга оширилган тўловларнинг бир вақтнинг ўзида онлайн назорат-касса машинаси ва виртуал касса чекларида ҳам акс эттирилишини;
барча тўлов тизимларини онлайн назорат-касса машиналари операторларига тўлиқ улашни таъминласин.
5. 2022 йил 1 февралдан бошлаб тўлов ташкилоти, тижорат банкларининг электрон тўлов хизматлари (шу жумладан мобил иловалар орқали), шунингдек, электрон тижорат платформалари — «Маркетплейс»-ларнинг ахборот тизимлари ёрдамида масофадан туриб амалга оширилган савдо ва пуллик хизматлар бўйича транзакция-ларнинг («P2P», кредит тўловлари бундан мустасно) электрон чекларида солиқ органлари ахборотлар тизимларига интеграциялашган ва автоматик тарзда шаклланувчи фискал белгиларни мажбурий акс эттириш талаби ўрнатилсин.
6. Давлат солиқ қўмитаси 2022 йил 1 мартга қадар ишлаб чиқарувчилар ва чакана савдо тармоқлари томонидан ўз мижозлари ўртасида лотерея ва ютуқли ўйинлар ўтказиш учун маҳсулотларнинг чакана реализацияси ҳажмлари ва номенклатураси ҳақида маълумот бериш имкониятига эга ахборот платформасини ишлаб чиқишни якунласин.
7. Молия вазирлиги Давлат солиқ қўмитасининг ўрнатилган тартибдаги сўрови асосида харид чекининг фискал белгисини матрицали штрих-код (QR-код) ёрдамида сканерлаш орқали рўйхатдан ўтказган жисмоний шахсларга харид суммасининг 1 фоизи республика бюджети маблағлари ҳисобидан белгиланган муддатларда ўтказиб борилишини таъминласин.
8. Ўзбекистон Миллий телерадиокомпанияси, Ахборот ва оммавий коммуникациялар агентлиги манфаатдор вазирлик ва идоралар билан биргаликда ушбу қарор моҳияти ва мазмунининг, шу жумладан оммавий ахборот воситалари ва Интернет тармоғи орқали кенг тушунтирилишини ташкил қилсин.
9. Давлат солиқ қўмитаси манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Мазкур қарор ижросини самарали ташкил қилишга масъул ва шахсий жавобгар этиб Давлат солиқ қўмитаси раиси Ш.Д. Кудбиев белгилансин.
Қарор ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 октябрь,
ПҚ-5252-сон
Oʻzbekiston Respublikasi Prezidentining
Qarori
Chakana savdo va xizmat koʻrsatish sohasida nazorat-kassa texnikasidan foydalanishni takomillashtirishga doir qoʻshimcha chora-tadbirlar toʻgʻrisida
Chakana savdo va xizmat koʻrsatish sohasida hisob-kitoblarni amalga oshirish tartibini takomillashtirish, zamonaviy axborot yechimlarini joriy etish, iqtisodiyotda xufiyona aylanmani qisqartirish, shuningdek, ushbu sohada taʼsirchan jamoatchilik nazoratini amalga oshirish uchun shart-sharoitlar yaratish maqsadida:
1. Belgilansinki:
a) 2024-yil 1-yanvardan boshlab:
chakana savdo, umumiy ovqatlanish va aholiga maishiy xizmat koʻrsatish obyektlarida xaridni amalga oshirgan va ushbu xaridni soliq organlarining maxsus mobil ilovasida xarid chekining fiskal belgisini matritsali shtrix kod (QR-kod) yordamida skanerlash orqali roʻyxatdan oʻtkazgan jismoniy shaxslarning bank kartalariga oy yakuni bilan xarid summasining bazaviy hisoblash miqdorining 60 baravaridan oshmagan qismidan 1 foizi respublika budjetidan qaytariladi, bundan avtomobil sotib olganlik uchun, temir yoʻl va avia chipta xaridi, kommunal va aloqa xizmati uchun toʻlov hamda oʻzini-oʻzi band qilgan shaxslar va yakka tartibdagi tadbirkorlar tomonidan raqamli platformalarda generatsiya qilingan maxsus QR kod orqali berilgan xarid cheklari mustasno;
nazorat-kassa texnikasini va hisob-kitob terminallarini qoʻllash tartibini buzganlik, naqd pul mablagʻlari yoki plastik kartochkalar boʻyicha toʻlov shakliga qarab narxlarni sunʼiy ravishda oshirganlik yoki pasaytirganlik, tadbirkorlik faoliyatini davlat roʻyxatidan oʻtmasdan amalga oshirganlik, shuningdek, identifikatsiya qilish vositalari bilan majburiy raqamli markirovka qilish nazarda tutilgan mahsulotlarda qalbaki markirovka qoʻllanilganlik yoki markirovka mavjud emasligi toʻgʻrisida soliq organlariga maxsus dastur orqali xabar bergan jismoniy shaxslarga, ushbu maʼlumot asosida oʻtkazilgan tekshirish yakuniga koʻra huquqbuzarlardan undirilgan jarima summasi hisobidan nazorat-kassa texnikasining va (yoki) hisob-kitob terminallarini qoʻllamasdan savdoni amalga oshirganlik va xizmatlar koʻrsatganlik boʻyicha belgilangan jarimaning 20 foizi miqdorida mukofot toʻlanadi. Bunda, jarimaning qolgan undiriladigan qismi belgilangan tartibda taqsimlanadi;
b) toʻlov tizimlari operatorlari oʻz toʻlov tizimlarini onlayn nazorat-kassa mashinalariga majburiy ravishda ulash va shu orqali soliq organlarining axborot tizimlariga integratsiyalashni taʼminlash talabi oʻrnatiladi.
2. Quyidagilar taqiqlansin:
a) 2022-yil 1-yanvardan boshlab Mahsulotlar (tovarlar va xizmatlar) yagona elektron milliy katalogi identifikatsiyalash kodlari aks ettirilmaydigan onlayn nazorat-kassa mashinasi va virtual kassa cheklarini taqdim etish.
Davlat soliq qoʻmitasi ushbu kichik bandning birinchi xatboshisida oʻrnatilgan talablar buzilgan onlayn nazorat-kassa mashinalari va virtual kassalarni tegishli reyestrdan chiqarib tashlash choralarini koʻrib borsin;
b) 2022-yil 1-yanvardan boshlab quyidagi imkoniyatlarga ega boʻlmagan onlayn nazorat-kassa texnikalarini davlat reyestriga kiritish hamda soliq organlarida roʻyxatga olish, 2023-yil 1-yanvardan boshlab esa ulardan aholi bilan pulli hisob-kitoblarni amalga oshirishda foydalanish:
bank kartalari orqali toʻlovlarni qabul qilish;
onlayn nazorat-kassa mashinasining joylashgan joyi toʻgʻrisidagi maʼlumotni soliq organlariga taqdim etish (virtual kassalar va onlayn nazorat-kassa mashinasi sifatida foydalanilayotgan bank kartalarini qabul qiluvchi terminallar bundan mustasno);
chakana savdoni amalga oshiruvchi tadbirkorlik subyektlari uchun — shtrix-kodlar va raqamli markirovka kodlarini erkin oʻqish va aniqlash.
3. 2022-yil 1-yanvardan boshlab raqamli markirovkalangan mahsulotlar chakana savdosini amalga oshiruvchi tadbirkorlik subyektlari uchun onlayn nazorat-kassa mashinasi va virtual kassaga ulangan, shtrix-kodlar va raqamli markirovka kodlarini toʻgʻri oʻqishni va aniqlashni taʼminlovchi maxsus qurilmalardan (2D-skanerlar, maʼlumotlarni yigʻuvchi terminallar yoki boshqa turdagi maxsus qurilmalar) majburiy foydalanish talabi oʻrnatilsin.
2023-yil 1-yanvarga qadar tadbirkorlik subyektlariga onlayn nazorat-kassa mashinasi hamda mazkur bandning birinchi xatboshisida nazarda tutilgan maxsus qurilmalarning har birini sotib olish bilan bogʻliq xarajatlar summasiga, lekin bitta qurilma uchun bazaviy hisoblash miqdorining 4 baravaridan koʻp boʻlmagan miqdorda, hisoblangan va toʻlanishi lozim boʻlgan foyda soligʻi yoki aylanmadan olinadigan soliq yoxud yakka tartibdagi tadbirkorlar tomonidan toʻlanadigan jismoniy shaxslardan olinadigan daromad soligʻi summalarini kamaytirish huquqi berilsin.
4. Davlat soliq qoʻmitasi Markaziy bank bilan birgalikda 2022-yil 1-aprelga qadar:
toʻlov terminali orqali amalga oshirilgan toʻlovlarning bir vaqtning oʻzida onlayn nazorat-kassa mashinasi va virtual kassa cheklarida ham aks ettirilishini;
barcha toʻlov tizimlarini onlayn nazorat-kassa mashinalari operatorlariga toʻliq ulashni taʼminlasin.
5. 2022-yil 1-fevraldan boshlab toʻlov tashkiloti, tijorat banklarining elektron toʻlov xizmatlari (shu jumladan mobil ilovalar orqali), shuningdek, elektron tijorat platformalari — “Marketpleys”-larning axborot tizimlari yordamida masofadan turib amalga oshirilgan savdo va pullik xizmatlar boʻyicha tranzaksiya-larning (“P2P”, kredit toʻlovlari bundan mustasno) elektron cheklarida soliq organlari axborotlar tizimlariga integratsiyalashgan va avtomatik tarzda shakllanuvchi fiskal belgilarni majburiy aks ettirish talabi oʻrnatilsin.
6. Davlat soliq qoʻmitasi 2022-yil 1-martga qadar ishlab chiqaruvchilar va chakana savdo tarmoqlari tomonidan oʻz mijozlari oʻrtasida lotereya va yutuqli oʻyinlar oʻtkazish uchun mahsulotlarning chakana realizatsiyasi hajmlari va nomenklaturasi haqida maʼlumot berish imkoniyatiga ega axborot platformasini ishlab chiqishni yakunlasin.
7. Moliya vazirligi Davlat soliq qoʻmitasining oʻrnatilgan tartibdagi soʻrovi asosida xarid chekining fiskal belgisini matritsali shtrix-kod (QR-kod) yordamida skanerlash orqali roʻyxatdan oʻtkazgan jismoniy shaxslarga xarid summasining 1 foizi respublika budjeti mablagʻlari hisobidan belgilangan muddatlarda oʻtkazib borilishini taʼminlasin.
8. Oʻzbekiston Milliy teleradiokompaniyasi, Axborot va ommaviy kommunikatsiyalar agentligi manfaatdor vazirlik va idoralar bilan birgalikda ushbu qaror mohiyati va mazmunining, shu jumladan ommaviy axborot vositalari va Internet tarmogʻi orqali keng tushuntirilishini tashkil qilsin.
9. Davlat soliq qoʻmitasi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qaror ijrosini samarali tashkil qilishga masʼul va shaxsiy javobgar etib Davlat soliq qoʻmitasi raisi Sh.D. Kudbiyev belgilansin.
Qaror ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-oktabr,
PQ-5252-son
Президента Республики Узбекистан
Постановление
О дополнительных мерах по совершенствованию использования контрольно-кассовой техники в сфере розничной торговли и оказания услуг
В целях совершенствования порядка расчетов в сфере розничной торговли и оказания услуг, внедрения современных информационных подходов, сокращения теневого оборота в экономике, а также создания условий для осуществления эффективного общественного контроля в данной сфере:
1. Установить, что:
а) начиная с 1 января 2024 года физическим лицам:
осуществившим покупки на объектах розничной торговли, общественного питания и оказания бытовых услуг населению и зарегистрировавшим эти покупки в специальном мобильном приложении налоговых органов путем сканирования фискальной отметки чеков покупки с помощью матричного штрихового кода (QR-кода), возвращается 1 процент от суммы покупок в части, не превышающей размера 60 базовых расчетных величин, на их банковские карты за счет средств республиканского бюджета по итогам месяца, за исключением чеков покупки автомобилей, авиа- и железнодорожных билетов, оплаты коммунальных услуг и услуг связи, а также чеков, выданных самозанятыми лицами и индивидуальными предпринимателями, генерация которых произведена на цифровых платформах посредством специального QR-кода;
известившим через специальную программу налоговые органы о нарушении порядка применения контрольно-кассовой техники и расчетных терминалов, искусственном завышении или снижении цен в зависимости от формы оплаты наличными денежными средствами или пластиковой картой, а также использовании поддельной маркировки или отсутствия маркировки на продукции, подлежащей обязательной цифровой маркировке средствами идентификации, выплачивается вознаграждение в размере 20 процентов суммы штрафа, установленного за осуществление торговли и оказание услуг без применения контрольно-кассовой техники и (или) расчетных терминалов, взысканного с правонарушителя по итогам проведенной проверки. При этом оставшаяся и подлежащая взысканию часть штрафа распределяется в установленном порядке;
б) к операторам платежных систем устанавливается требование об обязательном их подключении к онлайн контрольно-кассовым машинам с обеспечением интеграции к информационным системам налоговых органов.
2. Запретить:
а) начиная с 1 января 2022 года — выдачу чеков онлайн контрольно-кассовых машин и виртуальных касс, в которых не отображены идентификационные коды Единого электронного национального каталога продукции (товаров и услуг).
Государственному налоговому комитету регулярно принимать меры по исключению из соответствующего реестра онлайн контрольно-кассовые машины и виртуальные кассы, нарушающие требования, установленные в абзаце первом настоящего подпункта;
б) начиная с 1 января 2022 года — включение в Государственный реестр и регистрацию в налоговых органах, а начиная с 1 января 2023 года — использование в расчетах с населением онлайн контрольно-кассовой техники, не обладающей возможностями:
приема платежей с банковских карт;
представления налоговым органам информации о местонахождении онлайн контрольно-кассовых машин (за исключением терминалов по приему банковских карт, используемых в качестве виртуальных касс и онлайн контрольно-кассовых машин);
для субъектов предпринимательства, осуществляющих розничную продажу продукции — самостоятельного считывания и идентификации штрих-кодов и кодов цифровой маркировки.
3. Установить с 1 января 2022 года для субъектов предпринимательства, осуществляющих розничную продажу продукции с цифровой маркировкой, требование обязательного использования специальных устройств (2D-сканеров, терминалов сбора данных либо специальных устройств иного типа), подключенных к онлайн контрольно-кассовым машинам и виртуальным кассам, обеспечивающих правильное считывание и идентификацию штрих-кодов и кодов цифровой маркировки.
Предоставить на срок до 1 января 2023 года субъектам предпринимательства право на уменьшение суммы начисленного и подлежащего уплате налога на прибыль или налога с оборота либо налога на доходы физических лиц, уплачиваемого индивидуальными предпринимателями, на сумму расходов, связанных с приобретением онлайн контрольно-кассовых машин и предусмотренных в абзаце первом настоящего пункта каждого специального устройства, но в размере, не превышающем 4-кратного размера базовой расчетной величины за одно устройство.
4. Государственному налоговому комитету совместно с Центральным банком в срок до 1 апреля 2022 года обеспечить:
одновременное отображение платежей, осуществленных через платежные терминалы, в чеках онлайн контрольно-кассовых машин и виртуальных касс;
полное подключение всех платежных систем к операторам онлайн контрольно-кассовых машин.
5. Установить с 1 февраля 2022 года требование обязательного отображения автоматически формируемой и интегрированной с информационными системами налоговых органов фискальной отметки в электронных чеках транзакций (за исключением «P2P», кредитных платежей) по торговле и платным услугам, осуществленных дистанционно посредством электронных платежных услуг (в том числе мобильными приложениями), а также информационными системами электронных коммерческих платформ — «маркетплейсов».
6. Государственному налоговому комитету в срок до 1 марта 2022 года завершить разработку информационной платформы, имеющей возможность предоставления производителями и сетями розничной торговли информации об объеме и номенклатуре розничной реализации продукции в целях проведения лотерей и призовых игр среди своих клиентов.
7. Министерству финансов по запросам Государственного налогового комитета в установленном порядке обеспечить перечисление за счет средств республиканского бюджета 1 процента от суммы покупок физическим лицам, зарегистрировавшим фискальную отметку чеков покупки путем сканирования с помощью матричного штрихового кода (QR-кода).
8. Национальной телерадиокомпании Узбекистана, Агентству информации и массовых коммуникаций совместно с заинтересованными министерствами и ведомствами организовать широкое разъяснение сути и содержания настоящего постановления, в том числе в средствах массовой информации и сети Интернет.
9. Государственному налоговому комитету совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
10. Возложить на председателя Государственного налогового комитета Ш.Д. Кудбиева персональную ответственность за эффективную организацию исполнения настоящего постановления.
Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
4 октября 2021 г.,
№ ПП-5252