📅 2021-yil 4-oktabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 4 октябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 4 октября 2021 г. · Постановления Президента
Официальный текст. Официальный документ. Редакционные примечания не включены.
📅 4 October 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
таркиби
таркиби
тузилмаси
СХЕМАСИ
Болаларни қўллаб-қувватлаш жамоат фонди фаолиятини ташкил этиш чора-тадбирлари тўғрисида
2017 — 2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясини «Ёшларни қўллаб-қувватлаш ва аҳоли саломатлигини мустаҳкамлаш йили»да амалга оширишга оид Давлат дастурида белгиланган вазифалар ижросини таъминлаш, шунингдек, эҳтиёжманд оилаларнинг фарзандларини, чин етимларни, оғир касалликка чалинган ва ногиронлиги бўлган болаларни даволаш, уларнинг таълим олишини, уй-жой билан таъминланишини ҳамда касб эгаллашларини қўллаб-қувватлаш мақсадида:
1. Олий Мажлис палаталари ва Вазирлар Маҳкамасининг Болаларни қўллаб-қувватлаш жамоат фондини (кейинги ўринларда — Болалар жамоат фонди) ташкил этиш ва унга муассислик қилиш тўғрисидаги таклифи маъқуллансин.
2. Қуйидагилар Болалар жамоат фондининг энг муҳим вазифалари этиб белгиланганлиги маълумот учун қабул қилинсин:
оғир вазиятга тушган, ижтимоий ҳимояга муҳтож болаларни аниқлаш ва уларга манзилли ижтимоий ва моддий ёрдам кўрсатиш тадбирларини ташкил этиш ва молиялаштириш;
болаларнинг ҳаёти учун хавф солувчи оғир, сурункали ҳамда кам учрайдиган (орфан) касалликларга ўз вақтида ташхис қўйиш ва уларни республикада ёки зарур ҳолларда хорижий давлатларда даволаш учун тиббий, ижтимоий ва молиявий ёрдам кўрсатишнинг қўшимча механизмларини жорий этиш;
эҳтиёжманд оилаларнинг фарзандлари ҳамда имконияти чекланган болаларни бепул дори воситалари, тиббий ва протез-ортопедик буюмлар билан таъминлаш;
жисмоний ёки психик ривожланишида нуқсони бўлган болаларни таълим олишларида кўмаклашиш, шу жумладан махсус ўқув адабиётлар ва ўқув қуроллари билан таъминлаш;
ногиронлиги бўлган болаларни ижтимоий мослаштириш, уларга қизиқишларидан келиб чиқиб касб-ҳунар ўргатиш ва уларни уй шароитида ўзини ўзи банд қилиши учун асбоб-ускуналар билан таъминлаш;
оғир ташхисли касалликлари бўлган болаларни парвариш қилаётган Ижтимоий реестрга киритилган оилаларни ҳомийликка олиш;
ногиронлиги бўлган болаларни ижтимоий қўллаб-қувватлашга, шу жумладан уларга юқори технологик ихтисослашган реабилитацион ёрдам кўрсатишга доир тадбирларни ташкил этиш ва молиялаштириш.
3. Қуйидагилар:
Болаларни қўллаб-қувватлаш жамоат фондининг Васийлик кенгаши таркиби 1-иловага мувофиқ;
Болаларни қўллаб-қувватлаш жамоат фонди Васийлик кенгашининг ёрдамчи органи сифатида Экспертлар гуруҳи таркиби 2-иловага мувофиқ;
Болаларни қўллаб-қувватлаш жамоат фонди ижро дирекциясининг бошқарув ходимлари чекланган сони 10 нафар бўлган тузилмаси 3-иловага мувофиқ;
Болаларни қўллаб-қувватлаш жамоат фонди ижро дирекцияси томонидан жисмоний ва юридик шахсларнинг ҳомийлик ёрдамларини олиш бўйича мурожаатларни қабул қилиш ва кўриб чиқиш схемаси 4-иловага мувофиқ маъқуллансин.
4. Маълумот учун қабул қилинсинки:
Болалар жамоат фонди бошқарувининг юқори органи унинг муассислари умумий йиғилиши ҳисобланиб, ушбу йиғилиш ҳар йили камида бир марта ўтказилади;
Болалар жамоат фондининг Васийлик кенгаши Болалар жамоат фонди бошқарувининг умумий йиғилишлари оралиғидаги раҳбар органидир;
Болалар жамоат фонди ижрочи директори лавозимга Болалар жамоат фондининг Васийлик кенгаши томонидан муассислар умумий йиғилиши тақдимномасига мувофиқ тайинланади ва лавозимидан озод қилинади;
Болалар жамоат фонди ижро дирекциясининг штат бирликларини сақлаш билан боғлиқ харажатлар унинг шакллантирилган маблағлари ҳисобидан қоплаб борилади.
5. Болалар жамоат фондининг асосий пул маблағлари қуйидагилар ҳисобига шакллантирилади:
Давлат бюджети ҳисобидан 2021-2022 йилларда маблағларни амалда ўзлаштирилишига қараб 100 миллиард сўм миқдоридаги беғараз молиявий ёрдам;
жисмоний ва юридик шахсларнинг ихтиёрий хайриялари;
давлат, хорижий ва халқаро ташкилотлар, чет давлатлар ажратадиган грантлар;
краудфандинг механизмлари орқали келиб тушган маблағлар;
вақтинча бўш турган маблағларни тижорат банклари депозитларига жойлаштиришдан олинган даромадлар;
қонунчилик ҳужжатларида тақиқланмаган бошқа манбалар.
Молия вазирлиги (Т. Ишметов) Болалар жамоат фонди Васийлик кенгашининг (Б. Мусаев) асосланган ҳисоб-китобларига мувофиқ Болалар жамоат фондининг асосий вазифаларини амалга ошириш учун зарур маблағларнинг Давлат бюджети параметрларида назарда тутилишини таъминласин.
6. Белгилаб қўйилсинки:
Болалар жамоат фондига ҳомийлик қилинган маблағлар солиқ базасини аниқлашда чегириб ташланадиган харажатлар жумласига киритилади;
Болалар жамоат фонди солиқларнинг барча турларидан озод этилади (ижтимоий солиқ бундан мустасно).
7. Белгилансинки, 2024 йил 1 январга қадар даволанишга муҳтож бўлган болалар учун белгиланган тартибда тасдиқланадиган рўйхатлар бўйича Болалар жамоат фонди томонидан олиб келинадиган дори воситалари, тиббиёт ускуналари ва протезлаш воситалари божхона тўловларидан (қўшилган қиймат солиғи ва божхона расмийлаштируви йиғимларидан ташқари) озод қилинади.
8. Болалар жамоат фондига:
ўз маблағларини олувчилар кесимида, шу жумладан уларнинг шахсини очиқламаган ҳолда ёши, жинси, ижтимоий ҳолати ҳамда молиялаштириш манбаи кесимида, шунингдек, Давлат бюджетидан ажратиладиган маблағлар ва уларнинг ижроси тўғрисидаги маълумотларни ҳисобот ойининг якуни билан кейинги ойнинг 25-санасига қадар расмий веб-сайтига жойлаштириб бориш;
ўз маблағларининг сарфланишига доир масалаларни муҳокама қилишга жамоатчиликни жалб этиш;
фаолиятининг аудиторлик текшируви натижалари ҳисоботини кенг жамоатчиликка, шу жумладан оммавий ахборот воситалари, фуқаролик жамияти институтлари, халқаро ва бошқа ташкилотларга тақдим этиб бориш тавсия этилсин.
9. Болалар жамоат фонди Васийлик кенгаши (Б. Мусаев):
а) 2021 йил 20 октябрга қадар Болалар жамоат фонди ижро дирекциясини юқори малакали кадрлар билан тўлдириш ҳамда Болалар жамоат фонди уставини тасдиқлаш чораларини кўрсин;
б) 2021 йил 15 ноябрга қадар манфаатдор вазирлик ва идоралар билан биргаликда кенг жамоатчилик фикрини ва илғор хорижий тажрибани ҳисобга олган ҳолда, шу жумладан қуйидагиларни назарда тутувчи «Болаларни қўллаб-қувватлаш жамоат фонди тўғрисида»ги қонун лойиҳасини ишлаб чиқсин ва белгиланган тартибда Олий Мажлис Қонунчилик палатасига киритилишини таъминласин:
Болалар жамоат фондининг мақоми, фаолияти кафолатлари, ҳуқуқ ва мажбуриятлари;
Болалар жамоат фондининг давлат органлари ва ташкилотлар билан ўзаро ҳамкорлиги;
Болалар жамоат фонди фаолиятини молиявий таъминлаш ва маблағларидан фойдаланиш тартиби;
Болалар жамоат фондига ҳомийлик қилган шахсларга имтиёз ва преференциялар бериш ҳамда унинг фаолиятини давлат томонидан қўллаб-қувватлаш ва рағбатлантириш тартиби;
в) 2021 йил 1 декабрга қадар Болалар жамоат фонди ҳисобидан унинг платформаси ва ягона электрон базаси фаолиятини йўлга қўйсин ҳамда Болалар жамоат фонди фаолияти тўғрисидаги батафсил маълумотларнинг платформада жойлаштириб борилишини ва оммавий ахборот воситалари орқали кенг тарғиб этилишини таъминласин.
10. Тошкент шаҳар ҳокимлиги (Ж. Артикходжаев) Давлат активларини бошқариш агентлиги (А. Ортиқов) билан биргаликда бир ой муддатда Болалар жамоат фондини текин фойдаланиш ҳуқуқи асосида унинг фаолиятини самарали ташкил этиш учун зарур шароитларга эга бўлган мақбул бинога жойлаштирсин.
11. Ёшлар ишлари агентлиги Молия вазирлиги билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
12. Мазкур қарор ижросини самарали ташкил этишга масъул ва шахсий жавобгар этиб соғлиқни сақлаш вазири А.М. Хаджибаев, халқ таълими вазири Ш.Х. Шерматов, бандлик ва меҳнат муносабатлари вазири Н.Б. Хусанов ҳамда молия вазири Т.А. Ишметов белгилансин.
Қарор ижросини ҳар чоракда муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Б.А. Мусаев зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига 2022 йил 1 мартга қадар ахборот берилсин.
Ўзбекистон Республикаси Президентининг 2021 йил 4 октябрдаги ПҚ-5255-сон қарорига 1-ИЛОВА
Болаларни қўллаб-қувватлаш жамоат фонди Васийлик кенгаши
1. Б. Мусаев — Бош вазирнинг ўринбосари, Кенгаш раиси 2. М. Ходжаева — Олий Мажлис Қонунчилик палатаси Меҳнат ва ижтимоий масалалар қўмитаси раиси, Кенгаш раиси ўринбосари 3. Р. Маматов — маҳалла ва оилани қўллаб-қувватлаш вазири 4. Э. Мухитдинов — бандлик ва меҳнат муносабатлари вазирининг биринчи ўринбосари 5. Б. Онорбоев — мактабгача таълим вазирининг биринчи ўринбосари 6. У. Шарифходжаев — халқ таълими вазирининг биринчи ўринбосари 7. Э. Баситханова — соғлиқни сақлаш вазири ўринбосари 8. Ж. Абруев — молия вазири ўринбосари 9. С. Ашуров — Ёшлар ишлари агентлиги директорининг биринчи ўринбосари 10. К. Абдуллаев — Ўзбекистон ногиронлар жамияти раиси (келишув асосида) 11. А. Инаков — Тиббий-ижтимоий хизматларни ривожлантириш агентлиги директори 12. Т. Алиева — «ZAMIN» халқаро жамоат фонди директори 13. У. Турабов — Вазирлар Маҳкамасининг бош мутахассиси, Кенгаш котиби
Ўзбекистон Республикаси Президентининг 2021 йил 4 октябрдаги ПҚ-5255-сон қарорига 2-ИЛОВА
Болаларни қўллаб-қувватлаш жамоат фонди Васийлик кенгашининг Экспертлар гуруҳи
1. Б. Каримов — Тиббий-ижтимоий хизматларни ривожлантириш агентлиги директорининг биринчи ўринбосари, гуруҳ раҳбари 2. Ш. Амонов — Тошкент педиатрия тиббиёт институти кафедра мудири, тиббиёт фанлари доктори, профессор 3. М. Липартия — Республика ихтисослаштирилган онкология ва тиббий радиология илмий-амалий тиббиёт маркази шифокори, тиббиёт фанлари номзоди 4. А. Давлетяров — Иқтисодий тараққиёт ва камбағалликни қисқартириш вазирлигининг Инсон капиталини ривожлантириш департаменти директори 5. Р. Кливлеев — Молия вазирлигининг Аҳолини ижтимоий ҳимоя қилиш ва давлат ижтимоий хизматлари тармоқларида бюджет сиёсати департаменти бўлим бошлиғи 6. Л. Гайнутдинова — Халқ таълими вазирлигининг Психологик-педагогик республика ташхис маркази директори 7. Н. Умарова — «Ишга марҳамат» банд бўлмаган аҳолига хизмат кўрсатиш мономаркази директори 8. Т. Алиева — «ZAMIN» халқаро жамоат фонди директори 9. Келишув асосида — ЮНИСЕФнинг Ўзбекистондаги ваколатхонаси эксперти 10. Келишув асосида — БМТ Тараққиёт дастури ваколатхонаси эксперти 11. Лавозими бўйича — Болаларни қўллаб-қувватлаш жамоат фонди ижрочи директорининг ўринбосари, гуруҳ масъул котиби
Ўзбекистон Республикаси Президентининг 2021 йил 4 октябрдаги ПҚ-5255-сон қарорига 3-ИЛОВА
Болаларни қўллаб-қувватлаш жамоат фонди ижро дирекциясининг
Ўзбекистон Республикаси Президентининг 2021 йил 4 октябрдаги ПҚ-5255-сон қарорига 4-ИЛОВА
Жисмоний ва юридик шахсларнинг ҳомийлик ёрдамларини олиш бўйича мурожаатларини қабул қилиш ва кўриб чиқиш
Босқичлар Субъектлар Чора-тадбирлар Бажариш муддатлари Фуқаролар мурожаатларини кўриб чиқиш жараёни 1-босқич Болаларни қўллаб-қувватлаш жамоат фонди ижро дирекцияси Жисмоний ва юридик шахслардан келиб тушган: ёзма (почта, факс орқали ёки шахсан) мурожаатлар; электрон шаклда келиб тушган (Болаларни қўллаб-қувватлаш жамоат фонди веб-сайти, Халқ қабулхонаси ва бошқа электрон почталар орқали) мурожаатлар; оғзаки (шахсий қабул ёки Call-марказ орқали) мурожаатлар кунлик ўрганиб чиқилади ва таҳлил қилинади. Кунлик 2-босқич Молия вазирлиги, Тиббий-ижтимоий хизматлар агентлиги Мурожаатлар қуйидагилар асосида кўриб чиқилади: мурожаатчининг эҳтиёжи ва сўрови Болаларни қўллаб-қувватлаш жамоат фондининг мақсадлари ва вазифаларига мувофиқлиги; мурожаатчининг оилавий аҳволи ва имкониятларини (шу жумладан, Ижтимоий ҳимоя ягона реестри ва Тиббий-ижтимоий экспертиза дастурий таъминоти маълумотлари асосида, шунингдек, жойларга чиққан ҳолда) ўрганиш. Кунлик Вазирлик ва идоралар Ўрганиб чиқилган мурожаатлар ҳомийлик ёрдамини кўрсатиш йўналишлари бўйича гуруҳлаштирилади ҳамда тегишли вазирлик ва идоралардан мазкур йўналишлар бўйича ёрдам кўрсатиш мақсадга мувофиқлиги юзасидан маълумот олинади * Икки ҳафта муддатда Ҳомийлик амалга оширилишини экспертизадан ўтиш жараёни 3-босқич Болаларни қўллаб-қувватлаш жамоат фо?ди ижро дирекцияси Экспертлар гуруҳига касалликка чалинган болалар рўйхати, зарур дори воситалари, бошқа воситалар ва моддий ёрдамлар юзасидан чора-тадбирлар қиймати ва молиялаштириш суммаси бўйича маълумотлар тақдим этиб борилади. Ой якуни билан, кейинги ойнинг 5 санасига қадар Экспертлар гуруҳи Экспертлар гуруҳи: даволаш муолажалари ва амалиётлар ўтказилиши тиббий кўрсатмаларга (ташхисларга) мувофиқлиги; касалликка нисбатан даволаш муолажалари ва амалиётлар ўтказилишига тиббий қарши кўрсатмалар мавжуд эмаслиги; ижтимоий ҳимояга муҳтож болаларни даволаш, шу жумладан чет элда даволаш зарурлиги; махсус доривор препаратлар, протез-ортопедик буюмлар ҳамда махсус ўқув адабиётлари ва ўқув қуроллари зарурлиги бўйича хулосалар беради. Ҳар икки ҳафтада Болаларни қўллаб-қувватлаш жамоат фонди ижро дирекцияси Товарлар, хизматлар ва дори воситалари ўрнатилган тартибда харид қилинади, моддий ёрдамлар ва бошқа чора-тадбирлар молиялаштирилади. 3 кун ичида Назорат ва ҳисобдорлик тизими 4-босқич Болаларни қўллаб-қувватлаш жамоат фонди ижро дирекцияси Фонддан маблағ олувчилар кесимида ҳамда молиялаштириш манбаси кесимида маълумотларни ҳар ой якуни билан расмий веб-сайтига жойлаштириб боради. Ҳар ойининг 25 санасига қадар Болаларни қўллаб-қувватлаш жамоат фонди ижро дирекцияси Маблағларнинг сарфланиши масалалари кенг жамоатчиликни жалб этган ҳолда оммавий ахборот воситаларида муҳокама қилиб борилади. Ҳар ойда Болаларни қўллаб-қувватлаш жамоат фонди тафтиш комиссияси Аудиторлик текшируви натижалари ҳисоботи кенг жамоатчилик, шу жумладан оммавий ахборот воситалари, фуқаролик жамияти институтлари, халқаро ва бошқа ташкилотларга тақдим этилади. Ҳар йилнинг март ойига қадар Болаларни қўллаб-қувватлаш жамоат фонди Васийлик кенгаши Болаларни қўллаб-қувватлаш жамоат фонди ижро дирекциясининг амалга оширган ишлари, чора-тадбирлари, маблағларнинг мақсадли сарфланганлиги ҳамда келгуси йил учун белгиланган муҳим вазифалар тўғрисидаги ҳисоботи эшитилади. Ҳар йилнинг апрель ойига қадар
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 4 октябрь,
ПҚ-5255-сон
Oʻzbekiston Respublikasi Prezidentining
qarori
tarkibi
tarkibi
tuzilmasi
SXEMASI
Bolalarni qoʻllab-quvvatlash jamoat fondi faoliyatini tashkil etish chora-tadbirlari toʻgʻrisida
2017 — 2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini “Yoshlarni qoʻllab-quvvatlash va aholi salomatligini mustahkamlash yili”da amalga oshirishga oid Davlat dasturida belgilangan vazifalar ijrosini taʼminlash, shuningdek, ehtiyojmand oilalarning farzandlarini, chin yetimlarni, ogʻir kasallikka chalingan va nogironligi boʻlgan bolalarni davolash, ularning taʼlim olishini, uy-joy bilan taʼminlanishini hamda kasb egallashlarini qoʻllab-quvvatlash maqsadida:
1. Oliy Majlis palatalari va Vazirlar Mahkamasining Bolalarni qoʻllab-quvvatlash jamoat fondini (keyingi oʻrinlarda — Bolalar jamoat fondi) tashkil etish va unga muassislik qilish toʻgʻrisidagi taklifi maʼqullansin.
2. Quyidagilar Bolalar jamoat fondining eng muhim vazifalari etib belgilanganligi maʼlumot uchun qabul qilinsin:
ogʻir vaziyatga tushgan, ijtimoiy himoyaga muhtoj bolalarni aniqlash va ularga manzilli ijtimoiy va moddiy yordam koʻrsatish tadbirlarini tashkil etish va moliyalashtirish;
bolalarning hayoti uchun xavf soluvchi ogʻir, surunkali hamda kam uchraydigan (orfan) kasalliklarga oʻz vaqtida tashxis qoʻyish va ularni respublikada yoki zarur hollarda xorijiy davlatlarda davolash uchun tibbiy, ijtimoiy va moliyaviy yordam koʻrsatishning qoʻshimcha mexanizmlarini joriy etish;
ehtiyojmand oilalarning farzandlari hamda imkoniyati cheklangan bolalarni bepul dori vositalari, tibbiy va protez-ortopedik buyumlar bilan taʼminlash;
jismoniy yoki psixik rivojlanishida nuqsoni boʻlgan bolalarni taʼlim olishlarida koʻmaklashish, shu jumladan maxsus oʻquv adabiyotlar va oʻquv qurollari bilan taʼminlash;
nogironligi boʻlgan bolalarni ijtimoiy moslashtirish, ularga qiziqishlaridan kelib chiqib kasb-hunar oʻrgatish va ularni uy sharoitida oʻzini oʻzi band qilishi uchun asbob-uskunalar bilan taʼminlash;
ogʻir tashxisli kasalliklari boʻlgan bolalarni parvarish qilayotgan Ijtimoiy reyestrga kiritilgan oilalarni homiylikka olish;
nogironligi boʻlgan bolalarni ijtimoiy qoʻllab-quvvatlashga, shu jumladan ularga yuqori texnologik ixtisoslashgan reabilitatsion yordam koʻrsatishga doir tadbirlarni tashkil etish va moliyalashtirish.
3. Quyidagilar:
Bolalarni qoʻllab-quvvatlash jamoat fondining Vasiylik kengashi tarkibi 1-ilovaga muvofiq;
Bolalarni qoʻllab-quvvatlash jamoat fondi Vasiylik kengashining yordamchi organi sifatida Ekspertlar guruhi tarkibi 2-ilovaga muvofiq;
Bolalarni qoʻllab-quvvatlash jamoat fondi ijro direksiyasining boshqaruv xodimlari cheklangan soni 10 nafar boʻlgan tuzilmasi 3-ilovaga muvofiq;
Bolalarni qoʻllab-quvvatlash jamoat fondi ijro direksiyasi tomonidan jismoniy va yuridik shaxslarning homiylik yordamlarini olish boʻyicha murojaatlarni qabul qilish va koʻrib chiqish sxemasi 4-ilovaga muvofiq maʼqullansin.
4. Maʼlumot uchun qabul qilinsinki:
Bolalar jamoat fondi boshqaruvining yuqori organi uning muassislari umumiy yigʻilishi hisoblanib, ushbu yigʻilish har yili kamida bir marta oʻtkaziladi;
Bolalar jamoat fondining Vasiylik kengashi Bolalar jamoat fondi boshqaruvining umumiy yigʻilishlari oraligʻidagi rahbar organidir;
Bolalar jamoat fondi ijrochi direktori lavozimga Bolalar jamoat fondining Vasiylik kengashi tomonidan muassislar umumiy yigʻilishi taqdimnomasiga muvofiq tayinlanadi va lavozimidan ozod qilinadi;
Bolalar jamoat fondi ijro direksiyasining shtat birliklarini saqlash bilan bogʻliq xarajatlar uning shakllantirilgan mablagʻlari hisobidan qoplab boriladi.
5. Bolalar jamoat fondining asosiy pul mablagʻlari quyidagilar hisobiga shakllantiriladi:
Davlat budjeti hisobidan 2021-2022-yillarda mablagʻlarni amalda oʻzlashtirilishiga qarab 100 milliard soʻm miqdoridagi begʻaraz moliyaviy yordam;
jismoniy va yuridik shaxslarning ixtiyoriy xayriyalari;
davlat, xorijiy va xalqaro tashkilotlar, chet davlatlar ajratadigan grantlar;
kraudfanding mexanizmlari orqali kelib tushgan mablagʻlar;
vaqtincha boʻsh turgan mablagʻlarni tijorat banklari depozitlariga joylashtirishdan olingan daromadlar;
qonunchilik hujjatlarida taqiqlanmagan boshqa manbalar.
Moliya vazirligi (T. Ishmetov) Bolalar jamoat fondi Vasiylik kengashining (B. Musayev) asoslangan hisob-kitoblariga muvofiq Bolalar jamoat fondining asosiy vazifalarini amalga oshirish uchun zarur mablagʻlarning Davlat budjeti parametrlarida nazarda tutilishini taʼminlasin.
6. Belgilab qoʻyilsinki:
Bolalar jamoat fondiga homiylik qilingan mablagʻlar soliq bazasini aniqlashda chegirib tashlanadigan xarajatlar jumlasiga kiritiladi;
Bolalar jamoat fondi soliqlarning barcha turlaridan ozod etiladi (ijtimoiy soliq bundan mustasno).
7. Belgilansinki, 2024-yil 1-yanvarga qadar davolanishga muhtoj boʻlgan bolalar uchun belgilangan tartibda tasdiqlanadigan roʻyxatlar boʻyicha Bolalar jamoat fondi tomonidan olib kelinadigan dori vositalari, tibbiyot uskunalari va protezlash vositalari bojxona toʻlovlaridan (qoʻshilgan qiymat soligʻi va bojxona rasmiylashtiruvi yigʻimlaridan tashqari) ozod qilinadi.
8. Bolalar jamoat fondiga:
oʻz mablagʻlarini oluvchilar kesimida, shu jumladan ularning shaxsini ochiqlamagan holda yoshi, jinsi, ijtimoiy holati hamda moliyalashtirish manbai kesimida, shuningdek, Davlat budjetidan ajratiladigan mablagʻlar va ularning ijrosi toʻgʻrisidagi maʼlumotlarni hisobot oyining yakuni bilan keyingi oyning 25-sanasiga qadar rasmiy veb-saytiga joylashtirib borish;
oʻz mablagʻlarining sarflanishiga doir masalalarni muhokama qilishga jamoatchilikni jalb etish;
faoliyatining auditorlik tekshiruvi natijalari hisobotini keng jamoatchilikka, shu jumladan ommaviy axborot vositalari, fuqarolik jamiyati institutlari, xalqaro va boshqa tashkilotlarga taqdim etib borish tavsiya etilsin.
9. Bolalar jamoat fondi Vasiylik kengashi (B. Musayev):
a) 2021-yil 20-oktabrga qadar Bolalar jamoat fondi ijro direksiyasini yuqori malakali kadrlar bilan toʻldirish hamda Bolalar jamoat fondi ustavini tasdiqlash choralarini koʻrsin;
b) 2021-yil 15-noyabrga qadar manfaatdor vazirlik va idoralar bilan birgalikda keng jamoatchilik fikrini va ilgʻor xorijiy tajribani hisobga olgan holda, shu jumladan quyidagilarni nazarda tutuvchi “Bolalarni qoʻllab-quvvatlash jamoat fondi toʻgʻrisida”gi qonun loyihasini ishlab chiqsin va belgilangan tartibda Oliy Majlis Qonunchilik palatasiga kiritilishini taʼminlasin:
Bolalar jamoat fondining maqomi, faoliyati kafolatlari, huquq va majburiyatlari;
Bolalar jamoat fondining davlat organlari va tashkilotlar bilan oʻzaro hamkorligi;
Bolalar jamoat fondi faoliyatini moliyaviy taʼminlash va mablagʻlaridan foydalanish tartibi;
Bolalar jamoat fondiga homiylik qilgan shaxslarga imtiyoz va preferensiyalar berish hamda uning faoliyatini davlat tomonidan qoʻllab-quvvatlash va ragʻbatlantirish tartibi;
v) 2021-yil 1-dekabrga qadar Bolalar jamoat fondi hisobidan uning platformasi va yagona elektron bazasi faoliyatini yoʻlga qoʻysin hamda Bolalar jamoat fondi faoliyati toʻgʻrisidagi batafsil maʼlumotlarning platformada joylashtirib borilishini va ommaviy axborot vositalari orqali keng targʻib etilishini taʼminlasin.
10. Toshkent shahar hokimligi (J. Artikxodjayev) Davlat aktivlarini boshqarish agentligi (A. Ortiqov) bilan birgalikda bir oy muddatda Bolalar jamoat fondini tekin foydalanish huquqi asosida uning faoliyatini samarali tashkil etish uchun zarur sharoitlarga ega boʻlgan maqbul binoga joylashtirsin.
11. Yoshlar ishlari agentligi Moliya vazirligi bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
12. Mazkur qaror ijrosini samarali tashkil etishga masʼul va shaxsiy javobgar etib sogʻliqni saqlash vaziri A.M. Xadjibayev, xalq taʼlimi vaziri Sh.X. Shermatov, bandlik va mehnat munosabatlari vaziri N.B. Xusanov hamda moliya vaziri T.A. Ishmetov belgilansin.
Qaror ijrosini har chorakda muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari B.A. Musayev zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga 2022-yil 1-martga qadar axborot berilsin.
Oʻzbekiston Respublikasi Prezidentining 2021-yil 4-oktabrdagi PQ-5255-son qaroriga 1-ILOVA
Bolalarni qoʻllab-quvvatlash jamoat fondi Vasiylik kengashi
1. B. Musayev — Bosh vazirning oʻrinbosari, Kengash raisi 2. M. Xodjayeva — Oliy Majlis Qonunchilik palatasi Mehnat va ijtimoiy masalalar qoʻmitasi raisi, Kengash raisi oʻrinbosari 3. R. Mamatov — mahalla va oilani qoʻllab-quvvatlash vaziri 4. E. Muxitdinov — bandlik va mehnat munosabatlari vazirining birinchi oʻrinbosari 5. B. Onorboyev — maktabgacha taʼlim vazirining birinchi oʻrinbosari 6. U. Sharifxodjayev — xalq taʼlimi vazirining birinchi oʻrinbosari 7. E. Basitxanova — sogʻliqni saqlash vaziri oʻrinbosari 8. J. Abruyev — moliya vaziri oʻrinbosari 9. S. Ashurov — Yoshlar ishlari agentligi direktorining birinchi oʻrinbosari 10. K. Abdullayev — Oʻzbekiston nogironlar jamiyati raisi (kelishuv asosida) 11. A. Inakov — Tibbiy-ijtimoiy xizmatlarni rivojlantirish agentligi direktori 12. T. Aliyeva — “ZAMIN” xalqaro jamoat fondi direktori 13. U. Turabov — Vazirlar Mahkamasining bosh mutaxassisi, Kengash kotibi
Oʻzbekiston Respublikasi Prezidentining 2021-yil 4-oktabrdagi PQ-5255-son qaroriga 2-ILOVA
Bolalarni qoʻllab-quvvatlash jamoat fondi Vasiylik kengashining Ekspertlar guruhi
1. B. Karimov — Tibbiy-ijtimoiy xizmatlarni rivojlantirish agentligi direktorining birinchi oʻrinbosari, guruh rahbari 2. Sh. Amonov — Toshkent pediatriya tibbiyot instituti kafedra mudiri, tibbiyot fanlari doktori, professor 3. M. Lipartiya — Respublika ixtisoslashtirilgan onkologiya va tibbiy radiologiya ilmiy-amaliy tibbiyot markazi shifokori, tibbiyot fanlari nomzodi 4. A. Davletyarov — Iqtisodiy taraqqiyot va kambagʻallikni qisqartirish vazirligining Inson kapitalini rivojlantirish departamenti direktori 5. R. Klivleyev — Moliya vazirligining Aholini ijtimoiy himoya qilish va davlat ijtimoiy xizmatlari tarmoqlarida budjet siyosati departamenti boʻlim boshligʻi 6. L. Gaynutdinova — Xalq taʼlimi vazirligining Psixologik-pedagogik respublika tashxis markazi direktori 7. N. Umarova — “Ishga marhamat” band boʻlmagan aholiga xizmat koʻrsatish monomarkazi direktori 8. T. Aliyeva — “ZAMIN” xalqaro jamoat fondi direktori 9. Kelishuv asosida — YUNISEFning Oʻzbekistondagi vakolatxonasi eksperti 10. Kelishuv asosida — BMT Taraqqiyot dasturi vakolatxonasi eksperti 11. Lavozimi boʻyicha — Bolalarni qoʻllab-quvvatlash jamoat fondi ijrochi direktorining oʻrinbosari, guruh masʼul kotibi
Oʻzbekiston Respublikasi Prezidentining 2021-yil 4-oktabrdagi PQ-5255-son qaroriga 3-ILOVA
Bolalarni qoʻllab-quvvatlash jamoat fondi ijro direksiyasining
Oʻzbekiston Respublikasi Prezidentining 2021-yil 4-oktabrdagi PQ-5255-son qaroriga 4-ILOVA
Jismoniy va yuridik shaxslarning homiylik yordamlarini olish boʻyicha murojaatlarini qabul qilish va koʻrib chiqish
Bosqichlar Subyektlar Chora-tadbirlar Bajarish muddatlari Fuqarolar murojaatlarini koʻrib chiqish jarayoni 1-bosqich Bolalarni qoʻllab-quvvatlash jamoat fondi ijro direksiyasi Jismoniy va yuridik shaxslardan kelib tushgan: yozma (pochta, faks orqali yoki shaxsan) murojaatlar; elektron shaklda kelib tushgan (Bolalarni qoʻllab-quvvatlash jamoat fondi veb-sayti, Xalq qabulxonasi va boshqa elektron pochtalar orqali) murojaatlar; ogʻzaki (shaxsiy qabul yoki Call-markaz orqali) murojaatlar kunlik oʻrganib chiqiladi va tahlil qilinadi. Kunlik 2-bosqich Moliya vazirligi, Tibbiy-ijtimoiy xizmatlar agentligi Murojaatlar quyidagilar asosida koʻrib chiqiladi: murojaatchining ehtiyoji va soʻrovi Bolalarni qoʻllab-quvvatlash jamoat fondining maqsadlari va vazifalariga muvofiqligi; murojaatchining oilaviy ahvoli va imkoniyatlarini (shu jumladan, Ijtimoiy himoya yagona reyestri va Tibbiy-ijtimoiy ekspertiza dasturiy taʼminoti maʼlumotlari asosida, shuningdek, joylarga chiqqan holda) oʻrganish. Kunlik Vazirlik va idoralar Oʻrganib chiqilgan murojaatlar homiylik yordamini koʻrsatish yoʻnalishlari boʻyicha guruhlashtiriladi hamda tegishli vazirlik va idoralardan mazkur yoʻnalishlar boʻyicha yordam koʻrsatish maqsadga muvofiqligi yuzasidan maʼlumot olinadi * Ikki hafta muddatda Homiylik amalga oshirilishini ekspertizadan oʻtish jarayoni 3-bosqich Bolalarni qoʻllab-quvvatlash jamoat fo?di ijro direksiyasi Ekspertlar guruhiga kasallikka chalingan bolalar roʻyxati, zarur dori vositalari, boshqa vositalar va moddiy yordamlar yuzasidan chora-tadbirlar qiymati va moliyalashtirish summasi boʻyicha maʼlumotlar taqdim etib boriladi. Oy yakuni bilan, keyingi oyning 5 sanasiga qadar Ekspertlar guruhi Ekspertlar guruhi: davolash muolajalari va amaliyotlar oʻtkazilishi tibbiy koʻrsatmalarga (tashxislarga) muvofiqligi; kasallikka nisbatan davolash muolajalari va amaliyotlar oʻtkazilishiga tibbiy qarshi koʻrsatmalar mavjud emasligi; ijtimoiy himoyaga muhtoj bolalarni davolash, shu jumladan chet elda davolash zarurligi; maxsus dorivor preparatlar, protez-ortopedik buyumlar hamda maxsus oʻquv adabiyotlari va oʻquv qurollari zarurligi boʻyicha xulosalar beradi. Har ikki haftada Bolalarni qoʻllab-quvvatlash jamoat fondi ijro direksiyasi Tovarlar, xizmatlar va dori vositalari oʻrnatilgan tartibda xarid qilinadi, moddiy yordamlar va boshqa chora-tadbirlar moliyalashtiriladi. 3 kun ichida Nazorat va hisobdorlik tizimi 4-bosqich Bolalarni qoʻllab-quvvatlash jamoat fondi ijro direksiyasi Fonddan mablagʻ oluvchilar kesimida hamda moliyalashtirish manbasi kesimida maʼlumotlarni har oy yakuni bilan rasmiy veb-saytiga joylashtirib boradi. Har oyining 25 sanasiga qadar Bolalarni qoʻllab-quvvatlash jamoat fondi ijro direksiyasi Mablagʻlarning sarflanishi masalalari keng jamoatchilikni jalb etgan holda ommaviy axborot vositalarida muhokama qilib boriladi. Har oyda Bolalarni qoʻllab-quvvatlash jamoat fondi taftish komissiyasi Auditorlik tekshiruvi natijalari hisoboti keng jamoatchilik, shu jumladan ommaviy axborot vositalari, fuqarolik jamiyati institutlari, xalqaro va boshqa tashkilotlarga taqdim etiladi. Har yilning mart oyiga qadar Bolalarni qoʻllab-quvvatlash jamoat fondi Vasiylik kengashi Bolalarni qoʻllab-quvvatlash jamoat fondi ijro direksiyasining amalga oshirgan ishlari, chora-tadbirlari, mablagʻlarning maqsadli sarflanganligi hamda kelgusi yil uchun belgilangan muhim vazifalar toʻgʻrisidagi hisoboti eshitiladi. Har yilning aprel oyiga qadar
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 4-oktabr,
PQ-5255-son
Президента Республики Узбекистан
Постановление
Состав
Состав
Структура
СХЕМА
О мерах по организации деятельности Общественного фонда по поддержке детей
В целях обеспечения исполнения задач, определенных в Государственной программе по реализации Стратегии действий по пяти приоритетным направлениям развития Республики Узбекистан в 2017 — 2021 годах в «Год поддержки молодежи и укрепления здоровья населения», а также лечения детей из нуждающихся семей, круглых сирот, детей, страдающих тяжелыми заболеваниями, и детей с инвалидностью, поддержки получения ими образования, обеспечения жильем и овладения профессией:
1. Одобрить предложение палат Олий Мажлиса и Кабинета Министров о создании при их учредительстве Общественного фонда по поддержке детей (далее — Детский общественный фонд).
2. Принять к сведению, что важнейшими задачами Детского общественного фонда определены:
организация и финансирование мероприятий по выявлению детей, попавших в сложную ситуацию и нуждающихся в социальной защите, оказанию им адресной социальной и материальной помощи;
внедрение дополнительных механизмов оказания медицинской, социальной и финансовой помощи для своевременной диагностики тяжелых, хронических заболеваний, представляющих угрозу жизни детей, и редких (орфанных) заболеваний, лечения их в республике или при необходимости — в зарубежных государствах;
обеспечение детей из нуждающихся семей и детей с ограниченными возможностями лекарственными средствами, медицинскими и протезно-ортопедическими изделиями на бесплатной основе;
оказание содействия в получении образования детьми с отклонениями в физическом или психическом развитии, включая обеспечение специальной учебной литературой и учебными принадлежностями;
социальная адаптация детей с инвалидностью, обучение профессиям исходя из их интересов и обеспечение оборудованием для их самозанятости на дому;
установление попечительства над семьями, включенными в Социальный реестр, осуществляющими уход за детьми с диагнозом тяжелых заболеваний;
организация и финансирование мероприятий по социальной поддержке детей с инвалидностью, в том числе оказанию им высокотехнологичной специализированной реабилитационной помощи.
3. Одобрить:
Состав Попечительского совета Общественного фонда по поддержке детей согласно приложению № 1 ;
Состав Экспертной группы в качестве вспомогательного органа Попечительского совета Общественного фонда по поддержке детей согласно приложению № 2 ;
Структуру Исполнительной дирекции Общественного фонда по поддержке детей с предельной численностью управленческого персонала 10 человек согласно приложению № 3 ;
Схему приема и рассмотрения Исполнительной дирекцией Общественного фонда по поддержке детей обращений физических и юридических лиц на получение спонсорской помощи согласно приложению № 4 .
4. Принять к сведению, что:
высшим органом правления Детского общественного фонда является общее собрание его учредителей, которое проводится не реже одного раза в год;
Попечительский совет Детского общественного фонда является руководящим органом в период между общими собраниями правления Детского общественного фонда;
исполнительный директор Детского общественного фонда назначается на должность и освобождается от должности Попечительским советом Детского общественного фонда по представлению общего собрания его учредителей;
расходы, связанные с содержанием штатных единиц Исполнительной дирекции Детского общественного фонда, покрываются за счет его сформированных средств.
5. Основные денежные средства Детского общественного фонда формируются за счет:
Государственного бюджета, исходя из фактического освоения средств в 2021-2022 годах, в виде безвозмездной финансовой помощи в размере 100 миллиардов сумов;
добровольных пожертвований физических и юридических лиц;
грантов, выделяемых государственными, зарубежными и международными организациями, зарубежными государствами;
средств, поступивших посредством механизмов краудфандинга;
доходов, полученных от размещения временно свободных средств на депозиты коммерческих банков;
иных источников, не запрещенных актами законодательства.
Министерству финансов (Т. Ишметов) по обоснованным расчетам Попечительского совета Детского общественного фонда (Б. Мусаев) обеспечить предусмотрение в параметрах Государственного бюджета средств, необходимых для реализации основных задач Детского общественного фонда.
6. Установить, что:
средства, пожертвованные Детскому общественному фонду, относятся к вычитываемым расходам при определении налоговой базы;
Детский общественный фонд освобождается от всех видов налогов (за исключением социального налога).
7. Установить, что на срок до 1 января 2024 года лекарственные средства, медицинское оборудование и протезные изделия, ввозимые Детским общественным фондом по перечням, утверждаемым в установленном порядке, для детей, нуждающихся в лечении, освобождаются от таможенных платежей (за исключением налога на добавленную стоимость и сборов за таможенное оформление).
8. Рекомендовать Детскому общественному фонду:
размещение на официальном веб-сайте сведений в разрезе получателей его средств, в том числе в разрезе их возраста, пола, социального положения и источника финансирования, не раскрывая их личности, а также о средствах, выделяемых из Государственного бюджета, их расходовании, до 25-го числа месяца, следующего за отчетным;
привлечение общественности к обсуждению вопросов, касающихся расходования его средств;
представление отчета о результатах аудиторской проверки своей деятельности широкой общественности, в том числе средствам массовой информации, институтам гражданского общества, международным и другим организациям.
9. Попечительскому совету Детского общественного фонда (Б. Мусаев):
а) в срок до 20 октября 2021 года принять меры по укомплектованию исполнительной дирекции Детского общественного фонда высококвалифицированными кадрами, а также утверждению устава Детского общественного фонда;
б) в срок до 15 ноября 2021 года совместно с заинтересованными министерствами и ведомствами, с учетом мнения широкой общественности и передового зарубежного опыта, разработать и обеспечить внесение в Законодательную палату Олий Мажлиса в установленном порядке проекта закона «Об Общественном фонде по поддержке детей», в том числе предусматривающего:
статус, гарантии деятельности, права и обязательства Детского общественного фонда;
взаимодействие Детского общественного фонда с государственными органами и организациями;
порядок финансового обеспечения деятельности и использования средств Детского общественного фонда;
порядок предоставления льгот и преференций лицам, оказавшим спонсорскую помощь Детскому общественному фонду, а также государственной поддержки и стимулирования деятельности Фонда;
в) в срок до 1 декабря 2021 года наладить за счет Детского общественного фонда функционирование его платформы и единой электронной базы, а также обеспечить регулярное размещение на платформе и широкую пропаганду в средствах массовой информации подробной информации о деятельности Детского общественного фонда.
10. Хокимияту города Ташкента (Ж. Артыкходжаев) совместно с Агентством по управлению государственными активами (О. Артиков) в месячный срок разместить Детский общественный фонд в здании, имеющем необходимые условия для эффективной организации его деятельности, на основе права безвозмездного пользования.
11. Агентству по делам молодежи совместно с Министерством финансов в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
12. Возложить на министра здравоохранения А.М. Хаджибаева, министра народного образования Ш.Х. Шерматова, министра занятости и трудовых отношений Н.Б. Хусанова и министра финансов Т.А. Ишметова персональную ответственность за эффективную организацию исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на заместителя Премьер-министра Республики Узбекистан Б.А. Мусаева.
О результативности осуществляемых мер информировать Президента Республики Узбекистан до 1 марта 2022 года.
ПРИЛОЖЕНИЕ № 1 к постановлению Президента Республики Узбекистан от 4 октября 2021 года № ПП-5255
Попечительского совета Общественного фонда по поддержке детей
1. Мусаев Б. — заместитель Премьер-министра, председатель Совета 2. Ходжаева М. — председатель Комитета Законодательной палаты Олий Мажлиса по труду и социальным вопросам, заместитель председателя Совета 3. Маматов Р. — министр по поддержке махалли и семьи 4. Мухитдинов Э. — первый заместитель министра занятости и трудовых отношений 5. Онорбоев Б. — первый заместитель министра дошкольного образования 6. Шарифходжаев У. — первый заместитель министра народного образования 7. Баситханова Э. — заместитель министра здравоохранения 8. Абруев Ж. — заместитель министра финансов 9. Ашуров С. — первый заместитель директора Агентства по делам молодежи 10. Абдуллаев К. — председатель Общества инвалидов Узбекистана (по согласованию) 11. Инаков А. — директор Агентства по развитию медико-социальных услуг 12. Алиева Т. — директор Международного общественного фонда «ZAMIN» 13. Турабов У. — главный специалист Кабинета Министров, секретарь Совета
ПРИЛОЖЕНИЕ № 2 к постановлению Президента Республики Узбекистан от 4 октября 2021 года № ПП-5255
Экспертной группы Попечительского совета Общественного фонда по поддержке детей
1. Каримов Б. — первый заместитель директора Агентства по развитию медико-социальных услуг, руководитель группы 2. Амонов Ш. — заведующий кафедрой Ташкентского педиатрического медицинского института, доктор медицинских наук, профессор 3. Липартия М. — врач Республиканского специализированного научно-практического медицинского центра онкологии и медицинской радиологии, кандидат медицинских наук 4. Давлетяров А. — директор Департамента развития человеческого капитала Министерства экономического развития и сокращения бедности 5. Кливлеев Р. — начальник отдела Департамента бюджетной политики в отраслях социальной защиты населения и государственных социальных услуг Министерства финансов 6. Гайнутдинова Л. — директор Республиканского центра психолого-педагогической диагностики Министерства народного образования 7. Умарова Н. — директор Моноцентра по оказанию услуг незанятому населению «Ишга мархамат» 8. Алиева Т. — директор Международного общественного фонда «ZAMIN» 9. По согласованию — эксперт представительства ЮНИСЕФ в Узбекистане 10. По согласованию — эксперт представительства Программы развития ООН 11. По согласованию — заместитель исполнительного директора Общественного фонда по поддержке детей, ответственный секретарь группы
ПРИЛОЖЕНИЕ № 3 к постановлению Президента Республики Узбекистан от 4 октября 2021 года № ПП-5255
исполнительной дирекции Общественного фонда по поддержке детей
ПРИЛОЖЕНИЕ № 4 к постановлению Президента Республики Узбекистан от 4 октября 2021 года № ПП-5255
приема и рассмотрения обращений физических и юридических лиц на получение спонсорской помощи
Этапы Субъекты Меры Сроки выполнения Процесс рассмотрения обращений граждан 1-й этап Исполнительная дирекция Общественного фонда по поддержке детей Ежедневно изучает и анализирует следующие обращения, поступившие от юридических и физических лиц: письменные обращения (поступившие по почте, факсу или личные); обращения, поступившие в электронном виде (через веб-сайт Общественного фонда по поддержке детей, Народную приемную и другие электронные почты); устные обращения (посредством личного приема или Call-центра). Ежедневно 2-й этап Министерство финансов, Агентство по развитию медико-социальных услуг Рассматривают обращения на основе: соответствия запросов и потребностей заявителя целям и задачам Общественного фонда по поддержке детей; изучения семейного положения и возможностей заявителя (в том числе на основе сведений Единого реестра социальной защиты и программного обеспечения медико-социальной экспертизы, а также с выездом на места). Ежедневно Министерства и ведомства Группируют изученные обращения по направлениям оказания благотворительной помощи с получением от соответствующих министерств и ведомств информации о целесообразности оказания помощи по данным направлениям * . В двух-недельный срок Процесс экспертизы оказания благотворительности 3-й этап Исполнительная дирекция Общественного фонда по поддержке детей Представляет экспертной группе перечень детей, страдающих болезнями, данные о стоимости и сумме финансирования мер по необходимым лекарственным средствам, другим средствам и материальной помощи. По итогам месяца, до 5-го числа следующего месяца Экспертная группа Экспертная группа выдает заключения: о соответствии проведения процедур и практик лечения их медицинским показаниям (диагнозам); об отсутствии медицинских противопоказаний на проведение процедур и практик лечения по отношению к болезни; о необходимости лечения детей, нуждающихся в социальной защите, в том числе за рубежом; о необходимости специальных лекарственных препаратов, протезно-ортопедических изделий, а также специальной учебной литературы и учебных принадлежностей. Каждые две недели Исполнительная дирекция Общественного фонда по поддержке детей Закупает в установленном порядке товары, услуги и лекарственные средства, финансирует материальную помощь и другие меры. В течение 3 дней Система контроля и отчетности 4-й этап Исполнительная дирекция Общественного фонда по поддержке детей Размещает по итогам месяца на официальном веб-сайте сведения в разрезе получателей средств Фонда и в разрезе источников финансирования. Ежемесячно до 25-го числа Исполнительная дирекция Общественного фонда по поддержке детей Проводит обсуждение в ?редствах массовой информации по вопросам расходования средств с привлечением широкой общественности. Ежемесячно Ревизионная комиссия Общественного фонда по поддержке детей Представляет широкой общественности, в том числе средствам массовой информации, институтам гражданского общества, международным и другим организациям результаты аудиторских проверок. Ежегодно не позднее марта Попечительский совет Общественного фонда по поддержке детей Заслушивает отчет о проделанной работе Исполнительной дирекции Общественного фонда по поддержке детей, мерах, целевом расходовании средств, а также о важных задачах, определенных на следующий год. Ежегодно не позднее апреля
Президент Республики Узбекистан Ш. МИРЗИЁЕВ
г. Ташкент,
4 октября 2021 г.,
№ ПП-5255