UzbekAI

Ўзбекистон Республикаси Президентининг

Фармони

Геология-қидирув ишларини янада рағбатлантириш ва ер қаъридан фойдаланувчиларга солиқ солиш тартибини такомиллаштириш чора-тадбирлари тўғрисида

Чет эл инвестицияларини кенг жалб қилган ҳолда фойдали қазилма конларини саноат усулида ўзлаштириш, замонавий усуллар ва технологиялар ёрдамида геология-қидирув ишларини рағбатлантириш ҳамда ер қаъридан фойдаланувчиларга солиқ солиш тартибини янада такомиллаштириш мақсадида:

1. Белгилансинки, 2022 йил 1 январдан бошлаб муҳим тижорат салоҳиятига эга бўлган углеводородлар, қимматбаҳо, рангли, нодир ва радиоактив металлар ва бошқа турдаги рудали фойдали қазилмалар объектлари бўйича геологик ўрганиш ёки аввал ўрганилган ер қаъри участкасида қазиш ишлари учун ер қаъри участкасидан фойдаланиш ҳуқуқини танлов савдоларига чиқаришнинг махсус тартиби ўрнатилади. Бунда:

сотув суммаси ер қаъридан фойдаланиш ҳуқуқи учун бонус суммаси сифатида қаралади ва танлов савдолари ташкилотчиларининг харажатларини чегирган ҳолда Ўзбекистон Республикаси республика бюджетига ўтказилади;

танлов савдолари ташкилотчиси ёки танлов савдолари иштирокчилари қонунчиликда белгиланган тартибда фойдали қазилмаларни қазиб олишда (ажратиб олишда) айрим солиқ турлари бўйича солиқ ставкаларини оширилган миқдорда таклиф қилиш ҳуқуқига эга.

2. Молия вазирлиги, Иқтисодий тараққиёт ва камбағалликни қисқартириш вазирлиги ҳамда Давлат геология ва минерал ресурслар қўмитасининг 2022 йил 1 январдан бошлаб фойдали қазилмаларни қазиб олиш ҳуқуқи учун ундириладиган тижоратбоп топилма бонусини ҳамда фойдали қазилмаларни аниқлаш ва разведка қилиш бўйича фаолиятни амалга ошириш ҳуқуқи учун ундириладиган имзоли бонусни бекор қилиш ҳақидаги таклифига розилик берилсин.

3. Белгилансинки, 2022 йил 1 январдан бошлаб:

а) геология-қидирув ва (ёки) изланиш ишлари ўтказиш учун ажратилган ер участкалари юридик шахслардан олинадиган ер солиғи солиш объекти ҳисобланмайди;

б) ажратилган майдон ва фойдали қазилма турларидан келиб чиқиб, қонунчилик ҳужжатлари билан белгиланган миқдорда ҳисоблаб чиқиладиган, геологик ўрганишлар учун ер қаъридан фойдаланганлик учун ҳар йиллик лицензия тўлови жорий қилинади;

в) геологик ўрганишлар учун ер қаъридан фойдаланганлик учун ҳар йиллик лицензия тўлови қуйидагиларга йўналтирилади:

70 фоизи — Ўзбекистон Республикасининг республика бюджетига;

15 фоизи — вилоят маҳаллий бюджетига;

15 фоизи — туман (шаҳар) маҳаллий бюджетига.

4. Геология-қидирув ишларини амалга оширувчи юридик шахслар, шунингдек, улар томонидан жалб этиладиган пудрат ва ёрдамчи пудрат ташкилотлари қуйидагилардан озод этилсин:

конларни қидириш, аниқлаш ва ишлатиш даврида геологик қидирувни амалга ошириш учун зарур бўлган махсус техникаларни вақтинча олиб киришда даврий божхона тўловларидан;

конларни қидириш, аниқлаш ва ишлатиш бўйича ишларни бажариш учун зарур бўлган, белгиланган тартибда шакллантириладиган рўйхатлар бўйича Ўзбекистон Республикасида ишлаб чиқарилмайдиган асбоб-ускуналар, моддий-техника ресурслари ва махсус техникаларни импорт қилишда божхона божидан.

Ўзбекистон Республикаси ҳудудида углеводород конларини аниқлаш ва қидиришни амалга оширувчи маҳаллий корхоналарга Ўзбекистон Республикаси Президентининг 2000 йил 28 апрелдаги «Нефть ва газ конларини разведка қилиш ҳамда уларни қазиб чиқаришга бевосита хорижий сармояларни жалб этиш чора-тадбирлари тўғрисида»ги ПФ-2598-сон Фармонининг 4-банди учинчи хатбошисида назарда тутилган имтиёзлар татбиқ қилинсин.

Белгилансинки, геология-қидирув ишларини амалга оширувчи юридик шахсларга қўшилган қиймат солиғи суммасини қоплаб бериш Ўзбекистон Республикаси Солиқ кодексида белгиланган тартибда, бироқ ариза берилган кундан бошлаб 30 кундан кечиктирмай амалга оширилади.

5. Белгилансинки, 2021 йил 1 октябрдан бошлаб:

табиий газни экспортга реализация қилишда акциз солиғи ставкаси ноль фоиз миқдорида белгиланади;

юридик шахслар табиий газни Ўзбекистон Республикаси ҳудудига импорт қилишда божхона божидан озод қилинади.

6. Давлат геология ва минерал ресурслар қўмитаси, Давлат активларини бошқариш агентлиги, Иқтисодий тараққиёт ва камбағалликни қисқартириш вазирлиги, Молия вазирлиги, Давлат солиқ қўмитаси уч ой муддатда танлов савдолари ташкилотчиси ёки танлов савдолари иштирокчиларига айрим солиқ турлари бўйича оширилган солиқ ставкаларини таклиф қилиш ҳуқуқини берган ҳолда, танлов савдоларини ўтказиш ва танлов савдоларига қўйилаётган ер қаъри участкасидан фойдаланиш ҳуқуқининг бошланғич қийматини аниқлашни инобатга олиб, ер қаъри участкаларидан фойдаланиш ҳуқуқига рухсат бериш тартибини ушбу Фармонга мувофиқлаштирсин.

7. Молия вазирлиги Давлат солиқ қўмитаси, Геология ва минерал ресурслар давлат қўмитаси ҳамда бошқа манфаатдор вазирлик ва идоралар билан биргаликда 2021 йил 1 декабрга қадар Вазирлар Маҳкамасига 2022 йил 1 январдан қуйидагиларни назарда тутувчи «Ўзбекистон Республикасининг Солиқ кодексига ўзгартиш ва қўшимчалар киритиш тўғрисида»ги қонун лойиҳасини киритсин:

ер қаъридан фойдаланганлик учун солиқ ставкаларини нефть ва табиий газ бўйича 10 фоизгача, олтин ва мис учун 7 фоизгача, вольфрам учун 2,7 фоизгача ва уран учун 8 фоизгача камайтириш. Бунда углеводородлар, қимматбаҳо, рангли, нодир ва радиоактив металларни, шунингдек, маҳсулот тақсимотига оид битимлар (агар 2021 йил 1 сентябрга қадар кучга кирган битим ва шартномаларда бошқача тартиб назарда тутилмаган бўлса) доирасида қазиб олишни амалга оширувчи давлат улушига эга корхоналар учун, Ўзбекистон Республикаси Президенти томонидан ер қаъридан фойдаланганлик учун солиқнинг оширилган ставкалари белгиланиши мумкин;

ер қаъридан фойдаланувчиларнинг капитал харажатларини ҳисобга олган ҳолда янги конларда нефть, табиий газ, газ конденсати, қимматбаҳо, рангли, нодир ва радиоактив металларни қазиб олиш (ажратиб олиш)ни амалга оширувчи ер қаъридан фойдаланувчилар учун рента даромади солиғини жорий этиш;

янги нефть ва газ қудуқларини, саноат усулида фойдаланишга топширилган ойдан бошлаб, дастлабки икки йил давомида юридик шахсларнинг мол-мулкига солинадиган солиқ тўлашдан озод қилиш, кейинги уч йилда ушбу солиқ учун белгиланган солиқ ставкасининг 50 фоизига камайтирилган ставкани қўллаш;

илғор хорижий тажрибани ҳисобга олган ва экспертларни жалб қилган ҳолда, ер қаъридан фойдаланганлик учун солиқни ҳисоблаш тартибини янада такомиллаштириш. Бунда, 2021 йил 1 январдан 31 декабргача бўлган даврда табиий газ, нефть ва айрим турдаги бошқа фойдали қазилмаларни қазиб олишда ер қаъридан фойдаланганлик учун солиқни ҳисоблашда солиқ базаси уларни ташиш ҳамда қайта ишлаш билан боғлиқ харажатлар суммасига камайтирилиши белгилансин;

норуда фойдали қазилмалар учун ер қаъридан фойдаланганлик учун солиқ ставкаларини унификация қилиш;

рента даромади солиғини тўловчи чет эл инвестициялари иштирокидаги корхоналарга солиқ ҳисобини АҚШ долларида юритиш ҳуқуқини бериш.

8. Давлат геология ва минерал ресурслар қўмитаси, Молия вазирлиги, Давлат солиқ қўмитаси янги таҳрирдаги «Ер ости бойликлари тўғрисида»ги қонун лойиҳасида мазкур Фармондан келиб чиқадиган тартибларни назарда тутсин.

9. Молия вазирлиги, Иқтисодий тараққиёт ва камбағалликни қисқартириш вазирлиги, Давлат геология ва минерал ресурслар қўмитаси манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

10. Мазкур Фармоннинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 6 октябрь,

ПФ-6319-сон

(Қонунчилик маълумотлари миллий базаси, 07.10.2021 й., 06/21/6319/0938-сон)

lex.uz

Oʻzbekiston Respublikasi Prezidentining

Farmoni

Geologiya-qidiruv ishlarini yanada ragʻbatlantirish va yer qaʼridan foydalanuvchilarga soliq solish tartibini takomillashtirish chora-tadbirlari toʻgʻrisida

Chet el investitsiyalarini keng jalb qilgan holda foydali qazilma konlarini sanoat usulida oʻzlashtirish, zamonaviy usullar va texnologiyalar yordamida geologiya-qidiruv ishlarini ragʻbatlantirish hamda yer qaʼridan foydalanuvchilarga soliq solish tartibini yanada takomillashtirish maqsadida:

1. Belgilansinki, 2022-yil 1-yanvardan boshlab muhim tijorat salohiyatiga ega boʻlgan uglevodorodlar, qimmatbaho, rangli, nodir va radioaktiv metallar va boshqa turdagi rudali foydali qazilmalar obyektlari boʻyicha geologik oʻrganish yoki avval oʻrganilgan yer qaʼri uchastkasida qazish ishlari uchun yer qaʼri uchastkasidan foydalanish huquqini tanlov savdolariga chiqarishning maxsus tartibi oʻrnatiladi. Bunda:

sotuv summasi yer qaʼridan foydalanish huquqi uchun bonus summasi sifatida qaraladi va tanlov savdolari tashkilotchilarining xarajatlarini chegirgan holda Oʻzbekiston Respublikasi respublika budjetiga oʻtkaziladi;

tanlov savdolari tashkilotchisi yoki tanlov savdolari ishtirokchilari qonunchilikda belgilangan tartibda foydali qazilmalarni qazib olishda (ajratib olishda) ayrim soliq turlari boʻyicha soliq stavkalarini oshirilgan miqdorda taklif qilish huquqiga ega.

2. Moliya vazirligi, Iqtisodiy taraqqiyot va kambagʻallikni qisqartirish vazirligi hamda Davlat geologiya va mineral resurslar qoʻmitasining 2022-yil 1-yanvardan boshlab foydali qazilmalarni qazib olish huquqi uchun undiriladigan tijoratbop topilma bonusini hamda foydali qazilmalarni aniqlash va razvedka qilish boʻyicha faoliyatni amalga oshirish huquqi uchun undiriladigan imzoli bonusni bekor qilish haqidagi taklifiga rozilik berilsin.

3. Belgilansinki, 2022-yil 1-yanvardan boshlab:

a) geologiya-qidiruv va (yoki) izlanish ishlari oʻtkazish uchun ajratilgan yer uchastkalari yuridik shaxslardan olinadigan yer soligʻi solish obyekti hisoblanmaydi;

b) ajratilgan maydon va foydali qazilma turlaridan kelib chiqib, qonunchilik hujjatlari bilan belgilangan miqdorda hisoblab chiqiladigan, geologik oʻrganishlar uchun yer qaʼridan foydalanganlik uchun har yillik litsenziya toʻlovi joriy qilinadi;

v) geologik oʻrganishlar uchun yer qaʼridan foydalanganlik uchun har yillik litsenziya toʻlovi quyidagilarga yoʻnaltiriladi:

70 foizi — Oʻzbekiston Respublikasining respublika budjetiga;

15 foizi — viloyat mahalliy budjetiga;

15 foizi — tuman (shahar) mahalliy budjetiga.

4. Geologiya-qidiruv ishlarini amalga oshiruvchi yuridik shaxslar, shuningdek, ular tomonidan jalb etiladigan pudrat va yordamchi pudrat tashkilotlari quyidagilardan ozod etilsin:

konlarni qidirish, aniqlash va ishlatish davrida geologik qidiruvni amalga oshirish uchun zarur boʻlgan maxsus texnikalarni vaqtincha olib kirishda davriy bojxona toʻlovlaridan;

konlarni qidirish, aniqlash va ishlatish boʻyicha ishlarni bajarish uchun zarur boʻlgan, belgilangan tartibda shakllantiriladigan roʻyxatlar boʻyicha Oʻzbekiston Respublikasida ishlab chiqarilmaydigan asbob-uskunalar, moddiy-texnika resurslari va maxsus texnikalarni import qilishda bojxona bojidan.

Oʻzbekiston Respublikasi hududida uglevodorod konlarini aniqlash va qidirishni amalga oshiruvchi mahalliy korxonalarga Oʻzbekiston Respublikasi Prezidentining 2000-yil 28-apreldagi “Neft va gaz konlarini razvedka qilish hamda ularni qazib chiqarishga bevosita xorijiy sarmoyalarni jalb etish chora-tadbirlari toʻgʻrisida”gi PF-2598-son Farmonining 4-bandi uchinchi xatboshisida nazarda tutilgan imtiyozlar tatbiq qilinsin.

Belgilansinki, geologiya-qidiruv ishlarini amalga oshiruvchi yuridik shaxslarga qoʻshilgan qiymat soligʻi summasini qoplab berish Oʻzbekiston Respublikasi Soliq kodeksida belgilangan tartibda, biroq ariza berilgan kundan boshlab 30 kundan kechiktirmay amalga oshiriladi.

5. Belgilansinki, 2021-yil 1-oktabrdan boshlab:

tabiiy gazni eksportga realizatsiya qilishda aksiz soligʻi stavkasi nol foiz miqdorida belgilanadi;

yuridik shaxslar tabiiy gazni Oʻzbekiston Respublikasi hududiga import qilishda bojxona bojidan ozod qilinadi.

6. Davlat geologiya va mineral resurslar qoʻmitasi, Davlat aktivlarini boshqarish agentligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat soliq qoʻmitasi uch oy muddatda tanlov savdolari tashkilotchisi yoki tanlov savdolari ishtirokchilariga ayrim soliq turlari boʻyicha oshirilgan soliq stavkalarini taklif qilish huquqini bergan holda, tanlov savdolarini oʻtkazish va tanlov savdolariga qoʻyilayotgan yer qaʼri uchastkasidan foydalanish huquqining boshlangʻich qiymatini aniqlashni inobatga olib, yer qaʼri uchastkalaridan foydalanish huquqiga ruxsat berish tartibini ushbu Farmonga muvofiqlashtirsin.

7. Moliya vazirligi Davlat soliq qoʻmitasi, Geologiya va mineral resurslar davlat qoʻmitasi hamda boshqa manfaatdor vazirlik va idoralar bilan birgalikda 2021-yil 1-dekabrga qadar Vazirlar Mahkamasiga 2022-yil 1-yanvardan quyidagilarni nazarda tutuvchi “Oʻzbekiston Respublikasining Soliq kodeksiga oʻzgartish va qoʻshimchalar kiritish toʻgʻrisida”gi qonun loyihasini kiritsin:

yer qaʼridan foydalanganlik uchun soliq stavkalarini neft va tabiiy gaz boʻyicha 10 foizgacha, oltin va mis uchun 7 foizgacha, volfram uchun 2,7 foizgacha va uran uchun 8 foizgacha kamaytirish. Bunda uglevodorodlar, qimmatbaho, rangli, nodir va radioaktiv metallarni, shuningdek, mahsulot taqsimotiga oid bitimlar (agar 2021-yil 1-sentabrga qadar kuchga kirgan bitim va shartnomalarda boshqacha tartib nazarda tutilmagan boʻlsa) doirasida qazib olishni amalga oshiruvchi davlat ulushiga ega korxonalar uchun, Oʻzbekiston Respublikasi Prezidenti tomonidan yer qaʼridan foydalanganlik uchun soliqning oshirilgan stavkalari belgilanishi mumkin;

yer qaʼridan foydalanuvchilarning kapital xarajatlarini hisobga olgan holda yangi konlarda neft, tabiiy gaz, gaz kondensati, qimmatbaho, rangli, nodir va radioaktiv metallarni qazib olish (ajratib olish)ni amalga oshiruvchi yer qaʼridan foydalanuvchilar uchun renta daromadi soligʻini joriy etish;

yangi neft va gaz quduqlarini, sanoat usulida foydalanishga topshirilgan oydan boshlab, dastlabki ikki yil davomida yuridik shaxslarning mol-mulkiga solinadigan soliq toʻlashdan ozod qilish, keyingi uch yilda ushbu soliq uchun belgilangan soliq stavkasining 50 foiziga kamaytirilgan stavkani qoʻllash;

ilgʻor xorijiy tajribani hisobga olgan va ekspertlarni jalb qilgan holda, yer qaʼridan foydalanganlik uchun soliqni hisoblash tartibini yanada takomillashtirish. Bunda, 2021-yil 1-yanvardan 31-dekabrgacha boʻlgan davrda tabiiy gaz, neft va ayrim turdagi boshqa foydali qazilmalarni qazib olishda yer qaʼridan foydalanganlik uchun soliqni hisoblashda soliq bazasi ularni tashish hamda qayta ishlash bilan bogʻliq xarajatlar summasiga kamaytirilishi belgilansin;

noruda foydali qazilmalar uchun yer qaʼridan foydalanganlik uchun soliq stavkalarini unifikatsiya qilish;

renta daromadi soligʻini toʻlovchi chet el investitsiyalari ishtirokidagi korxonalarga soliq hisobini AQSh dollarida yuritish huquqini berish.

8. Davlat geologiya va mineral resurslar qoʻmitasi, Moliya vazirligi, Davlat soliq qoʻmitasi yangi tahrirdagi “Yer osti boyliklari toʻgʻrisida”gi qonun loyihasida mazkur Farmondan kelib chiqadigan tartiblarni nazarda tutsin.

9. Moliya vazirligi, Iqtisodiy taraqqiyot va kambagʻallikni qisqartirish vazirligi, Davlat geologiya va mineral resurslar qoʻmitasi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

10. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 6-oktabr,

PF-6319-son

(Qonunchilik maʼlumotlari milliy bazasi, 07.10.2021-y., 06/21/6319/0938-son)

lex.uz

Президента Республики Узбекистан

Указ

О мерах по дальнейшему стимулированию геологоразведочных работ и совершенствованию порядка налогообложения недропользователей

В целях промышленного освоения месторождений полезных ископаемых с широким привлечением иностранных инвестиций, стимулирования геологоразведочных работ с помощью современных методов и технологий, а также дальнейшего совершенствования порядка налогообложения недропользователей:

1. Определить, что с 1 января 2022 года устанавливается специальный порядок выставления на конкурсные торги права пользования участком недр для геологического изучения или добычи на ранее разведанном участке недр углеводородов, драгоценных, цветных, редких и радиоактивных металлов и иных видов объектов рудных полезных ископаемых, имеющих существенный коммерческий потенциал. При этом:

сумма реализации рассматривается в качестве суммы бонуса за право пользования недрами и перечисляется в республиканский бюджет Республики Узбекистан за вычетом расходов организаторов конкурсных торгов;

организаторы или участники конкурсных торгов имеют право предлагать повышенный размер налоговых ставок по отдельным видам налогов при добыче (извлечении) полезных ископаемых в порядке, установленном законодательством.

2. Согласиться с предложением Министерства финансов, Министерства экономического развития и сокращения бедности и Государственного комитета по геологии и минеральным ресурсам об отмене с 1 января 2022 года бонуса коммерческого обнаружения, взимаемого за право добычи полезных ископаемых, а также подписного бонуса, взимаемого за право осуществления деятельности по поиску и разведке полезных ископаемых.

3. Установить, что с 1 января 2022 года:

а) земельные участки, отведенные для проведения геологоразведочных и (или) изыскательских работ, не являются объектом налогообложения земельным налогом с юридических лиц;

б) вводится ежегодный лицензионный платеж за пользование недрами для геологического изучения, исчисляемый исходя из отведенной площади и видов полезных ископаемых, в размерах, установленных актами законодательства;

в) ежегодный лицензионный платеж за пользование недрами для геологического изучения направляется:

70 процентов — в республиканский бюджет Республики Узбекистан;

15 процентов — в местные бюджеты областей;

15 процентов — в местные бюджеты районов (городов).

4. Освободить юридических лиц, осуществляющих геологоразведочные работы, а также привлеченные ими подрядные и субподрядные организации от:

периодических таможенных платежей при временном ввозе специальной техники, необходимой для осуществления геологоразведочных работ, на период поиска, разведки и разработки месторождений;

таможенной пошлины при импорте не производимых в Республике Узбекистан оборудования, материально-технических ресурсов и специальной техники, необходимых для проведения работ по поиску, разведке и разработке месторождений по перечням, формируемым в установленном порядке.

Распространить льготы, предусмотренные абзацем третьим пункта 4 Указа Президента Республики Узбекистан от 28 апреля 2000 года № УП-2598 «О мерах по привлечению прямых иностранных инвестиций в разведку и добычу нефти и газа», на отечественные предприятия, осуществляющие поиск и разведку месторождений углеводородов на территории Республики Узбекистан.

Определить, что возмещение суммы налога на добавленную стоимость юридическим лицам, осуществляющим геологоразведочные работы, производится в порядке, установленном Налоговым кодексом Республики Узбекистан, но не позднее 30 дней со дня подачи заявления.

5. Установить, что с 1 октября 2021 года:

при реализации природного газа на экспорт ставка акцизного налога устанавливается в размере ноль процентов;

при импорте природного газа на территорию Республики Узбекистан юридические лица освобождаются от таможенной пошлины.

6. Государственному комитету по геологии и минеральным ресурсам, Агентству по управлению государственными активами, Министерству экономического развития и сокращению бедности, Министерству финансов, Государственному налоговому комитету в трехмесячный срок привести в соответствие с настоящим Указом порядок выдачи разрешения на право пользования участком недр, с учетом проведения конкурсных торгов и определения первоначальной стоимости выставляемого на конкурсные торги права пользования участком недр, с предоставлением организаторам или участникам конкурсных торгов права предлагать повышенный размер налоговых ставок по отдельным видам налогов.

7. Министерству финансов совместно с Государственным налоговым комитетом, Государственным комитетом по геологии и минеральным ресурсам и другими заинтересованными министерствами и ведомствами в срок до 1 декабря 2021 года внести в Кабинет Министров проект Закона «О внесении изменений и дополнений в Налоговый кодекс Республики Узбекистан», предусматривающего с 1 января 2022 года:

снижение ставок налога за пользование недрами по нефти и природному газу до 10 процентов, золоту и меди — до 7 процентов, вольфраму — до 2,7 процента, урану — до 8 процентов. При этом для предприятий с государственной долей, осуществляющих добычу углеводородов, драгоценных, цветных, редких и радиоактивных металлов, а также в рамках соглашений о разделе продукции (если иной порядок не предусмотрен соглашениями и договорами, вступившими в силу до 1 сентября 2021 года) Президентом Республики Узбекистан могут устанавливаться повышенные ставки налога за пользование недрами;

введение налога на рентный доход для недропользователей, осуществляющих добычу (извлечение) нефти, природного газа, газового конденсата, драгоценных, цветных, редких и радиоактивных металлов на новых месторождениях, с учетом капитальных расходов недропользователей;

освобождение от налога на имущество юридических лиц новых нефтяных и газовых скважин в первые два года, начиная с месяца ввода их в эксплуатацию, в последующие три года — применение ставки налога на имущество юридических лиц, сниженной на 50 процентов от установленной налоговой ставки;

дальнейшее совершенствование порядка исчисления налога за пользование недрами с учетом передового зарубежного опыта и привлечением экспертов. При этом определить, что при исчислении налога за пользование недрами при добыче нефти, природного газа и отдельных видов полезных ископаемых в период с 1 января по 31 декабря 2021 года налоговая база уменьшается на сумму расходов, связанных с их транспортировкой и переработкой;

унификацию ставок налога за пользование недрами по нерудным полезным ископаемым;

предоставление права ведения налогового учета в долларах США предприятиям с иностранными инвестициями — налогоплательщикам налога на рентный доход.

8. Государственному комитету по геологии и минеральным ресурсам, Министерству финансов, Государственному налоговому комитету предусмотреть в новой редакции проекта Закона Республики Узбекистан «О недрах» порядок, вытекающий из настоящего Указа.

9. Министерству финансов, Министерству экономического развития и сокращения бедности, Государственному комитету по геологии и минеральным ресурсам совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

10. Контроль за исполнением настоящего Указа возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

6 октября 2021 г.,

№ УП-6319

(Национальная база данных законодательства, 07.10.2021 г., № 06/21/6319/0938)

lex.uz