📅 2021-yil 8-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 8 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 8 октября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 8 October 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ТУЗИЛМАСИ
НАМУНАВИЙ ТУЗИЛМАСИ
ТУЗИЛМАСИ
НАМУНАВИЙ ТУЗИЛМАСИ
ТУЗИЛМАСИ
НАМУНАВИЙ ТУЗИЛМАСИ
Ўзбекистон Республикаси Ўсимликлар карантини ва ҳимояси агентлиги тизимидаги айрим ташкилотлар тузилмаларини тасдиқлаш тўғрисида
Ўзбекистон Республикаси Президентининг «Ўзбекистон Республикаси Ўсимликлар карантини ва ҳимояси агентлигини ташкил этиш тўғрисида» 2021 йил 15 июлдаги ПҚ-5185-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Ўзбекистон Республикаси Ўсимликлар карантини ва ҳимояси агентлигини ташкил этиш тўғрисида» 2021 йил 15 июлдаги ПҚ-5185-сон қарорига мувофиқ:
а) Ўзбекистон Республикаси Ўсимликлар карантини ва ҳимояси агентлиги (кейинги ўринларда — Агентлик) тизимида:
Қишлоқ хўжалиги вазирлиги ҳузуридаги Қишлоқ хўжалигида билим ва инновациялар миллий маркази тизимидаги Ўсимликларни ҳимоя қилиш илмий-тадқиқот институти ва Вазирлар Маҳкамаси ҳузуридаги Ўсимликлар карантини давлат инспекцияси тизимидаги Ўсимликлар карантини илмий-тадқиқот маркази негизида Ўсимликлар карантини ва ҳимояси агентлигининг Ўсимликлар карантини ва ҳимояси илмий-тадқиқот институти ва унинг минтақавий филиаллари;
«Агрокимё станцияси» МЧЖ ва унинг ҳудудий бўлинмалари негизида Республика агрокимёвий таҳлил маркази ва унинг ҳудудий бўлинмалари;
«Республика ўқув ишлаб чиқариш биолабораторияси» МЧЖ ва «Республика «Биосифат» марказий лабораторияси» МЧЖ негизида «Биосифат» республика маркази ташкил этилганлиги;
б) тугатилаётган «Ўзагрокимёҳимоя» АЖнинг Қорақалпоғистон Республикаси, вилоятлар ва Тошкент шаҳридаги Чигиртка ва тут парвонасига қарши кураш хизмати «Ўзагрокимёҳимоя» АЖнинг устав капиталидаги давлат улушини камайтириш ҳисобига Агентликка ўтказилганлиги;
в) Ўсимликлар карантини ва ҳимояси илмий-тадқиқот институти, Республика агрокимёвий таҳлил маркази ҳамда «Биосифат» республика маркази давлат муассасаси шаклидаги юридик шахслар ҳисобланиши;
г) ушбу бандда назарда тутилган ташкилотлар фаолиятини молиялаштириш манбалари, шунингдек, Ўсимликлар карантини ва ҳимояси илмий-тадқиқот институти ҳамда унинг минтақавий филиаллари ходимларига Фанлар академияси илмий-тадқиқот муассасаларининг тегишли лавозимлари учун ўрнатилган меҳнатга ҳақ тўлаш ва моддий рағбатлантириш шартлари қўлланилиши белгиланганлиги маълумот учун қабул қилинсин.
2. Қуйидагилар:
Ўзбекистон Республикаси Ўсимликлар карантини ва ҳимояси агентлигининг Ўсимликлар карантини ва ҳимояси илмий-тадқиқот институти тузилмаси 1-иловага мувофиқ;
Ўсимликлар карантини ва ҳимояси илмий-тадқиқот институти минтақавий филиалларининг намунавий тузилмаси 1а-иловага мувофиқ;
Республика агрокимёвий таҳлил марказининг тузилмаси 2-иловага мувофиқ;
Қорақалпоғистон Республикаси ва вилоятлар агрокимёвий таҳлил марказларининг намунавий тузилмаси 2а-иловага мувофиқ;
«Биосифат» республика марказининг тузилмаси 3-иловага мувофиқ;
Қорақалпоғистон Республикаси ва вилоятлардаги чигиртка ва тут парвонасига қарши кураш хизматларининг намунавий тузилмаси 4-иловага мувофиқ тасдиқлансин.
3. Белгилансинки, Ўсимликлар карантини ва ҳимояси илмий-тадқиқот институти ва унинг минтақавий филиалларида шартнома асосида Агентлик ходимларини, шунингдек, тадбиркорлик субъектларининг масъул ходимларини ўқитиш, қайта тайёрлаш ва уларнинг малакасини ошириш бўйича ўқув курслари ташкил этилади.
4. Агентлик икки ой муддатда мазкур қарорнинг 1-бандида назарда тутилган ўз тизимидаги ташкилотларнинг уставлари тасдиқланишини ва уларнинг белгиланган тартибда давлат рўйхатидан ўтказилишини таъминласин.
5. Вазирлар Маҳкамасининг «Ўсимликлар карантини илмий-тадқиқот маркази ва унинг минтақавий филиаллари фаолиятини ташкил этиш чора-тадбирлари тўғрисида» 2020 йил 7 декабрдаги 771-сон қарори ўз кучини йўқотган деб ҳисоблансин.
6. Мазкур қарорнинг бажарилишини назорат қилиш Ўзбекистон Республикаси Бош вазирининг аграр ва озиқ-овқат соҳаларини ривожлантириш масалалари бўйича ўринбосари Ш.М. Ғаниев зиммасига юклансин.
Вазирлар Маҳкамасининг 2021 йил 8 октябрдаги 628-сон қарорига 1-ИЛОВА
Ўзбекистон Республикаси Ўсимликлар карантини ва ҳимояси агентлигининг Ўсимликлар карантини ва ҳимояси илмий-тадқиқот институти
Вазирлар Маҳкамасининг 2021 йил 8 октябрдаги 628-сон қарорига 1а-ИЛОВА
Ўсимликлар карантини ва ҳимояси илмий-тадқиқот институти минтақавий филиалларининг
Вазирлар Маҳкамасининг 2021 йил 8 октябрдаги 628-сон қарорига 2-ИЛОВА
Республика агрокимёвий таҳлил марказининг
Вазирлар Маҳкамасининг 2021 йил 8 октябрдаги 628-сон қарорига 2а-ИЛОВА
Қорақалпоғистон Республикаси ва вилоятлар агрокимёвий таҳлил марказларининг
Вазирлар Маҳкамасининг 2021 йил 8 октябрдаги 628-сон қарорига 3-ИЛОВА
«Биосифат» республика марказининг
Вазирлар Маҳкамасининг 2021 йил 8 октябрдаги 628-сон қарорига 4-ИЛОВА
Қорақалпоғистон Республикаси ва вилоятлардаги чигиртка ва тут парвонасига қарши кураш хизматларининг
Ўзбекистон Республикасининг Бош вазири А. АРИПОВ
Тошкент ш.,
2021 йил 8 октябрь,
628-сон
Oʻzbekiston Respublikasi Vazirlar Mahkamasining
qarori
TUZILMASI
NAMUNAVIY TUZILMASI
TUZILMASI
NAMUNAVIY TUZILMASI
TUZILMASI
NAMUNAVIY TUZILMASI
Oʻzbekiston Respublikasi Oʻsimliklar karantini va himoyasi agentligi tizimidagi ayrim tashkilotlar tuzilmalarini tasdiqlash toʻgʻrisida
Oʻzbekiston Respublikasi Prezidentining “Oʻzbekiston Respublikasi Oʻsimliklar karantini va himoyasi agentligini tashkil etish toʻgʻrisida” 2021-yil 15-iyuldagi PQ-5185-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Oʻzbekiston Respublikasi Oʻsimliklar karantini va himoyasi agentligini tashkil etish toʻgʻrisida” 2021-yil 15-iyuldagi PQ-5185-son qaroriga muvofiq:
a) Oʻzbekiston Respublikasi Oʻsimliklar karantini va himoyasi agentligi (keyingi oʻrinlarda — Agentlik) tizimida:
Qishloq xoʻjaligi vazirligi huzuridagi Qishloq xoʻjaligida bilim va innovatsiyalar milliy markazi tizimidagi Oʻsimliklarni himoya qilish ilmiy-tadqiqot instituti va Vazirlar Mahkamasi huzuridagi Oʻsimliklar karantini davlat inspeksiyasi tizimidagi Oʻsimliklar karantini ilmiy-tadqiqot markazi negizida Oʻsimliklar karantini va himoyasi agentligining Oʻsimliklar karantini va himoyasi ilmiy-tadqiqot instituti va uning mintaqaviy filiallari;
“Agrokimyo stansiyasi” MCHJ va uning hududiy boʻlinmalari negizida Respublika agrokimyoviy tahlil markazi va uning hududiy boʻlinmalari;
“Respublika oʻquv ishlab chiqarish biolaboratoriyasi” MCHJ va “Respublika “Biosifat” markaziy laboratoriyasi” MCHJ negizida “Biosifat” respublika markazi tashkil etilganligi;
b) tugatilayotgan “Oʻzagrokimyohimoya” AJning Qoraqalpogʻiston Respublikasi, viloyatlar va Toshkent shahridagi Chigirtka va tut parvonasiga qarshi kurash xizmati “Oʻzagrokimyohimoya” AJning ustav kapitalidagi davlat ulushini kamaytirish hisobiga Agentlikka oʻtkazilganligi;
v) Oʻsimliklar karantini va himoyasi ilmiy-tadqiqot instituti, Respublika agrokimyoviy tahlil markazi hamda “Biosifat” respublika markazi davlat muassasasi shaklidagi yuridik shaxslar hisoblanishi;
g) ushbu bandda nazarda tutilgan tashkilotlar faoliyatini moliyalashtirish manbalari, shuningdek, Oʻsimliklar karantini va himoyasi ilmiy-tadqiqot instituti hamda uning mintaqaviy filiallari xodimlariga Fanlar akademiyasi ilmiy-tadqiqot muassasalarining tegishli lavozimlari uchun oʻrnatilgan mehnatga haq toʻlash va moddiy ragʻbatlantirish shartlari qoʻllanilishi belgilanganligi maʼlumot uchun qabul qilinsin.
2. Quyidagilar:
Oʻzbekiston Respublikasi Oʻsimliklar karantini va himoyasi agentligining Oʻsimliklar karantini va himoyasi ilmiy-tadqiqot instituti tuzilmasi 1-ilovaga muvofiq;
Oʻsimliklar karantini va himoyasi ilmiy-tadqiqot instituti mintaqaviy filiallarining namunaviy tuzilmasi 1a-ilovaga muvofiq;
Respublika agrokimyoviy tahlil markazining tuzilmasi 2-ilovaga muvofiq;
Qoraqalpogʻiston Respublikasi va viloyatlar agrokimyoviy tahlil markazlarining namunaviy tuzilmasi 2a-ilovaga muvofiq;
“Biosifat” respublika markazining tuzilmasi 3-ilovaga muvofiq;
Qoraqalpogʻiston Respublikasi va viloyatlardagi chigirtka va tut parvonasiga qarshi kurash xizmatlarining namunaviy tuzilmasi 4-ilovaga muvofiq tasdiqlansin.
3. Belgilansinki, Oʻsimliklar karantini va himoyasi ilmiy-tadqiqot instituti va uning mintaqaviy filiallarida shartnoma asosida Agentlik xodimlarini, shuningdek, tadbirkorlik subyektlarining masʼul xodimlarini oʻqitish, qayta tayyorlash va ularning malakasini oshirish boʻyicha oʻquv kurslari tashkil etiladi.
4. Agentlik ikki oy muddatda mazkur qarorning 1-bandida nazarda tutilgan oʻz tizimidagi tashkilotlarning ustavlari tasdiqlanishini va ularning belgilangan tartibda davlat roʻyxatidan oʻtkazilishini taʼminlasin.
5. Vazirlar Mahkamasining “Oʻsimliklar karantini ilmiy-tadqiqot markazi va uning mintaqaviy filiallari faoliyatini tashkil etish chora-tadbirlari toʻgʻrisida” 2020-yil 7-dekabrdagi 771-son qarori oʻz kuchini yoʻqotgan deb hisoblansin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining agrar va oziq-ovqat sohalarini rivojlantirish masalalari boʻyicha oʻrinbosari Sh.M. Gʻaniyev zimmasiga yuklansin.
Vazirlar Mahkamasining 2021-yil 8-oktabrdagi 628-son qaroriga 1-ILOVA
Oʻzbekiston Respublikasi Oʻsimliklar karantini va himoyasi agentligining Oʻsimliklar karantini va himoyasi ilmiy-tadqiqot instituti
Vazirlar Mahkamasining 2021-yil 8-oktabrdagi 628-son qaroriga 1a-ILOVA
Oʻsimliklar karantini va himoyasi ilmiy-tadqiqot instituti mintaqaviy filiallarining
Vazirlar Mahkamasining 2021-yil 8-oktabrdagi 628-son qaroriga 2-ILOVA
Respublika agrokimyoviy tahlil markazining
Vazirlar Mahkamasining 2021-yil 8-oktabrdagi 628-son qaroriga 2a-ILOVA
Qoraqalpogʻiston Respublikasi va viloyatlar agrokimyoviy tahlil markazlarining
Vazirlar Mahkamasining 2021-yil 8-oktabrdagi 628-son qaroriga 3-ILOVA
“Biosifat” respublika markazining
Vazirlar Mahkamasining 2021-yil 8-oktabrdagi 628-son qaroriga 4-ILOVA
Qoraqalpogʻiston Respublikasi va viloyatlardagi chigirtka va tut parvonasiga qarshi kurash xizmatlarining
Oʻzbekiston Respublikasining Bosh vaziri A. ARIPOV
Toshkent sh.,
2021-yil 8-oktabr,
628-son