UzbekAI

Ўзбекистон Республикасининг Қонуни

Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида

Қонунчилик палатаси томонидан 2021 йил 16 августда қабул қилинган Сенат томонидан 2021 йил 30 сентябрда маъқулланган

1-модда. Ўзбекистон Республикасининг 1996 йил 26 декабрда қабул қилинган «Сиёсий партиялар тўғрисида»ги 337-I-сонли Қонунининг (Ўзбекистон Республикаси Олий Мажлисининг Ахборотномаси, 1997 йил, № 2, 36-модда; 1999 йил, № 9, 229-модда; 2004 йил, № 1-2, 18-модда, № 5, 90-модда; 2005 йил, № 1, 18-модда; Ўзбекистон Республикаси Олий Мажлиси палаталарининг Ахборотномаси, 2007 йил, № 4, 163-модда; 2008 йил, № 12, 637, 640-моддалар; 2014 йил, № 1, 2-модда; 2018 йил, № 4, 224-модда; 2019 йил, № 2, 47-модда, № 9, 588-модда, № 10, 674-модда; 2020 йил, № 1, 1-модда, № 3, 203-модда; 2021 йил, 4-сонга илова) 14 2 -моддаси чиқариб ташлансин.

2-модда. Ўзбекистон Республикасининг 2004 йил 2 декабрда қабул қилинган «Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида»ги 704-II-сонли Қонуни (Ўзбекистон Республикаси Олий Мажлисининг Ахборотномаси, 2005 йил, № 1, 8-модда; Ўзбекистон Республикаси Олий Мажлиси палаталарининг Ахборотномаси, 2008 йил, № 12, 637-модда; 2015 йил, № 12, 452-модда; 2017 йил, № 9, 510-модда; 2019 йил, № 5, 261-модда, № 9, 588-модда, № 12, 880-модда; 2020 йил, № 8, 488-модда; 2021 йил, 4-сонга илова) қуйидаги мазмундаги 9 4 -модда билан тўлдирилсин:

«9 4 -модда. Депутатнинг ёрдамчиси

Депутат ўзини депутатликка номзод этиб кўрсатган сиёсий партия билан алоқасини сақлаб туриш ҳамда ўз сайлов округидаги фаолиятини самарали ташкил этиш учун ёрдамчига эга бўлишга ҳақлидир.

Ўзбекистон Республикасининг ўн саккиз ёшга тўлган фуқароси депутатнинг ёрдамчиси бўлиши мумкин.

Қуйидаги шахслар депутатнинг ёрдамчиси бўлиши мумкин эмас, агар:

тегишли депутат билан яқин қариндош (ота-она, ака-ука, опа-сингил, фарзанд, эр-хотин, шунингдек эр-хотинларнинг ота-онаси, ака-укаси ва опа-синглиси) бўлса;

у қонунда белгиланган тартибда муомалага лаёқатсиз деб топилган бўлса;

содир этган оғир ёки ўта оғир жинояти учун судланганлик ҳолати тугалланмаган ёхуд судланганлиги олиб ташланмаган бўлса.

Депутатнинг ёрдамчисига Қонунчилик палатаси томонидан хизмат гувоҳномаси белгиланган тартибда берилади.

Депутатнинг ёрдамчиси:

депутатнинг уни депутатликка номзод этиб кўрсатган сиёсий партия, унинг тегишли сайлов округидаги ҳудудий бўлими ҳамда сайловчилар билан самарали алоқа ўрнатишига кўмаклашади;

сайлов округида жисмоний ва юридик шахслардан депутат номига келиб тушган мурожаатларни рўйхатга олади ва бу ҳақда депутатни хабардор қилади;

жисмоний шахсларни ва юридик шахсларнинг вакилларини депутат томонидан қабул қилинишига, шунингдек депутатнинг сайловчилар билан учрашувларини ташкил этишга кўмаклашади;

сайлов округи ҳудудида депутатнинг ваколатларини амалга ошириш билан боғлиқ ишларни депутатнинг топшириғига кўра ташкил этади;

округ сайловчиларини депутатнинг фаолияти тўғрисида хабардор қилади;

депутатнинг мурожаатларини, сўровларини тайёрлашда ҳамда сайлов округида депутат томонидан жисмоний ва юридик шахслардан олинган мурожаатлар кўриб чиқилишида иштирок этади, мурожаатларда баён этилган масалаларни ўрганади;

депутатнинг ўз ваколатларини амалга оширишга доир бошқа топшириқларини бажаради.

Депутат ёрдамчисининг ишини ташкил этиш учун сиёсий партия томонидан тегишли сайлов округида сиёсий партиянинг ҳудудий бўлимида хона ажратилади.

Депутатнинг ёрдамчисини ишга қабул қилиш депутатнинг тақдимномасига кўра амалга оширилади.

Депутатнинг ёрдамчиси депутатнинг ваколатлари даврига тузиладиган муддатли меҳнат шартномаси асосида ишлайди. Муддатли меҳнат шартномаси депутатнинг ёрдамчиси ва сиёсий партиянинг тегишли раҳбари ўртасида тузилади.

Депутатнинг ёрдамчиси билан тузилган муддатли меҳнат шартномаси депутатнинг ваколатлари муддатидан илгари тугатилган, шунингдек меҳнат тўғрисидаги қонунчиликда назарда тутилган асослар мавжуд бўлган тақдирда тугатилиши мумкин.

Депутат ёрдамчисининг меҳнатига ҳақ тўлаш, шунингдек унга кафолатли тўловлар ва компенсация тўловлари меҳнат тўғрисидаги қонунчиликда назарда тутилган тартибда сиёсий партия маблағлари ҳисобидан амалга оширилади».

3-модда. Ўзбекистон Республикасининг 2016 йил 20 январда қабул қилинган ЎРҚ-400-сонли Қонуни билан тасдиқланган Ўзбекистон Республикасининг Божхона кодекси (Ўзбекистон Республикаси Олий Мажлиси палаталарининг Ахборотномаси, 2016 йил, 1-сонга илова; 2017 йил № 9, 510-модда; 2018 йил, № 4, 224-модда, № 7, 433-модда, № 10, 670-модда; 2019 йил, № 1, 5-модда, № 2, 47-модда, № 5, 267-модда, № 9, 589-модда, № 10, 671-модда, № 12, 880-модда; 2020 йил, № 10, 593-модда; 2021 йил, 4-сонга илова) 329-моддасига қуйидаги ўзгартишлар ва қўшимча киритилсин:

тўртинчи қисмидаги «ўнинчи» деган сўз «ўн биринчи» деган сўзлар билан алмаштирилсин;

қуйидаги мазмундаги ўнинчи қисм билан тўлдирилсин:

«Товарларни импорт қилиш билан уч йилдан ортиқ вақтдан буён шуғулланаётган, божхона тўловлари бўйича мажбуриятларини яхши (ёки ўз вақтида) бажариб келган, лекин молиявий аҳволига кўра тўловларни белгиланган муддатда тўлаш имкониятига эга бўлмаган ташқи иқтисодий фаолият иштирокчиларига божхона тўловларини бўлиб-бўлиб тўлаш ҳуқуқи берилади. Бунда божхона тўловларини бўлиб-бўлиб тўлаш имконияти охирги уч йил давомида тўланган божхона тўловлари суммасининг эллик фоизидан ошмайдиган сумма миқдорида, олти ой муддатга божхона тўловларини таъминлаш қўлланилмаган ҳолда берилиши мумкин»;

ўнинчи қисми ўн биринчи қисм деб ҳисоблансин.

4-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова) қуйидаги ўзгартиш ва қўшимчалар киритилсин:

1) 99-модда биринчи қисмининг 1-банди қуйидаги таҳрирда баён этилсин:

«1) ушбу Кодекс 17-моддаси биринчи қисмининг 1 — 5-бандларида кўрсатилган солиқлар бўйича — Ўзбекистон Республикаси Давлат солиқ қўмитаси (бундан ушбу қисмнинг 3-бандида ва ушбу модданинг иккинчи қисмида назарда тутилган ҳоллар мустасно). Ўзбекистон Республикаси Давлат солиқ қўмитаси ушбу Кодекснинг 17-моддасида кўрсатилган солиқларни, шунингдек айланмадан олинадиган солиқни ушбу бобда назарда тутилган тартибда мол-мулкни гаровга бермаган ҳолда, кафилликсиз ёки банк кафолатисиз бўлиб-бўлиб тўлаш имкониятини тақдим этишга (бундан жисмоний шахслардан олинадиган даромад солиғи, ижтимоий солиқ, тўлов манбаида олинадиган фойда солиғи ҳамда солиқ агенти сифатида тўланадиган қўшилган қиймат солиғи мустасно) ҳам ҳақли»;

2) 100-модданинг иккинчи қисми қуйидаги мазмундаги 3 1 -банд билан тўлдирилсин:

«3 1 ) манфаатдор шахс фаолиятни уч йилдан ортиқ вақтдан буён амалга ошираётганлиги ҳамда ҳисобланган солиқларни ўз вақтида тўлаб келганлиги, аммо молиявий аҳволига кўра солиқ қарзини белгиланган муддатларда тўлаш имкониятига эга бўлмаганлиги»;

3) 101-модда :

қуйидаги мазмундаги ўнинчи қисм билан тўлдирилсин:

«Ушбу Кодекс 100-моддаси иккинчи қисмининг 3 1 -бандида кўрсатилган асослар мавжуд бўлган тақдирда, манфаатдор шахснинг аризасига мувофиқ солиқни бўлиб-бўлиб тўлаш имконияти берилади. Бунда ушбу қисмда назарда тутилган тартибда тўланадиган солиқ суммаси охирги уч йил давомида тўланган солиқлар суммасининг эллик фоизидан ошмаслиги керак»;

ўнинчи — йигирманчи қисмлари тегишинча ўн биринчи — йигирма биринчи қисмлар деб ҳисоблансин;

4) 243-модда биринчи қисмининг 18-банди қуйидаги таҳрирда баён этилсин:

«18) қимматбаҳо металлардан ишланган банк ва ўлчовли қуймаларини, қимматбаҳо металлардан ишланган қуйма (инвестиция) тангаларни (нумизматика мақсадлари учун фойдаланиладиган тангалардан, шунингдек қимматбаҳо металлардан ишланган чет эл тангаларидан ташқари), заргарлик буюмларини, қимматбаҳо металларни ишлаб чиқариш жараёнида ҳосил бўладиган парчаларни ва чиқиндиларни, қимматбаҳо металларнинг ўлчов пластиналари ва гранулаларини, қимматбаҳо ва ярим қимматбаҳо тошларни, шунингдек қимматбаҳо металлардан ва қимматбаҳо тошлардан ясалган ярим тайёр маҳсулотларни»;

5) 312-модданинг иккинчи қисми «тарафлар имзолаганидан кейин» деган сўзлардан кейин «2-коэффициент қўлланилган ҳолда» деган сўзлар билан тўлдирилсин;

6) 378-модда 16-бандининг иккинчи хатбошиси қуйидаги таҳрирда баён этилсин:

«Ўзбекистон Республикасининг прoфессионал ва олий таълим ташкилотларида таълим олиш (ўзининг, шунингдек йигирма олти ёшга тўлмаган фарзандларининг ёки эрининг (хотинининг) таълим олиши) учун тўлов»;

7) 483-модда қуйидаги мазмундаги еттинчи ва саккизинчи қисмлар билан тўлдирилсин:

«Ҳунарманд» уюшмасининг аъзоларига берилган солиқ имтиёзлари «Ўзбекзаргарсаноати» уюшмасининг аъзолари бўлган заргарлик буюмларини ишлаб чиқарувчи якка тартибдаги тадбиркорларга нисбатан 2023 йил 1 мартга қадар бўлган давр учун татбиқ этилади.

Оролбўйида инновацияларни қўллаб-қувватлаш жамғармаси учун белгиланган тартибда шакллантириладиган рўйхатлар бўйича Ўзбекистон Республикаси ҳудудига олиб кириладиган Ўзбекистон Республикасида ўхшаши ишлаб чиқарилмайдиган илмий-лаборатория асбоб-ускунаси, реагентлар ва сарфлаш материаллари 2024 йил 1 январга қадар бўлган давр учун қўшилган қиймат солиғини тўлашдан озод этилади».

5-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;

ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

6-модда. Ушбу Қонун расмий эълон қилинган кундан эътиборан кучга киради.

Ушбу Қонун 4-моддаси 7-банди учинчи хатбошисининг қоидалари 2021 йил 1 январдан эътиборан юзага келган муносабатларга нисбатан ҳам татбиқ этилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2021 йил 14 октябрь,

ЎРҚ-722-сон

(Қонунчилик маълумотлари миллий базаси, 15.10.2021 й., 03/21/722/0960-сон)

lex.uz

Oʻzbekiston Respublikasining Qonuni

Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida

Qonunchilik palatasi tomonidan 2021-yil 16-avgustda qabul qilingan Senat tomonidan 2021-yil 30-sentabrda maʼqullangan

1-modda. Oʻzbekiston Respublikasining 1996-yil 26-dekabrda qabul qilingan “Siyosiy partiyalar toʻgʻrisida”gi 337-I-sonli Qonunining (Oʻzbekiston Respublikasi Oliy Majlisining Axborotnomasi, 1997-yil, № 2, 36-modda; 1999-yil, № 9, 229-modda; 2004-yil, № 1-2, 18-modda, № 5, 90-modda; 2005-yil, № 1, 18-modda; Oʻzbekiston Respublikasi Oliy Majlisi palatalarining Axborotnomasi, 2007-yil, № 4, 163-modda; 2008-yil, № 12, 637, 640-moddalar; 2014-yil, № 1, 2-modda; 2018-yil, № 4, 224-modda; 2019-yil, № 2, 47-modda, № 9, 588-modda, № 10, 674-modda; 2020-yil, № 1, 1-modda, № 3, 203-modda; 2021-yil, 4-songa ilova) 14 2 -moddasi chiqarib tashlansin.

2-modda. Oʻzbekiston Respublikasining 2004-yil 2-dekabrda qabul qilingan “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi 704-II-sonli Qonuni (Oʻzbekiston Respublikasi Oliy Majlisining Axborotnomasi, 2005-yil, № 1, 8-modda; Oʻzbekiston Respublikasi Oliy Majlisi palatalarining Axborotnomasi, 2008-yil, № 12, 637-modda; 2015-yil, № 12, 452-modda; 2017-yil, № 9, 510-modda; 2019-yil, № 5, 261-modda, № 9, 588-modda, № 12, 880-modda; 2020-yil, № 8, 488-modda; 2021-yil, 4-songa ilova) quyidagi mazmundagi 9 4 -modda bilan toʻldirilsin:

“9 4 -modda. Deputatning yordamchisi

Deputat oʻzini deputatlikka nomzod etib koʻrsatgan siyosiy partiya bilan aloqasini saqlab turish hamda oʻz saylov okrugidagi faoliyatini samarali tashkil etish uchun yordamchiga ega boʻlishga haqlidir.

Oʻzbekiston Respublikasining oʻn sakkiz yoshga toʻlgan fuqarosi deputatning yordamchisi boʻlishi mumkin.

Quyidagi shaxslar deputatning yordamchisi boʻlishi mumkin emas, agar:

tegishli deputat bilan yaqin qarindosh (ota-ona, aka-uka, opa-singil, farzand, er-xotin, shuningdek er-xotinlarning ota-onasi, aka-ukasi va opa-singlisi) boʻlsa;

u qonunda belgilangan tartibda muomalaga layoqatsiz deb topilgan boʻlsa;

sodir etgan ogʻir yoki oʻta ogʻir jinoyati uchun sudlanganlik holati tugallanmagan yoxud sudlanganligi olib tashlanmagan boʻlsa.

Deputatning yordamchisiga Qonunchilik palatasi tomonidan xizmat guvohnomasi belgilangan tartibda beriladi.

Deputatning yordamchisi:

deputatning uni deputatlikka nomzod etib koʻrsatgan siyosiy partiya, uning tegishli saylov okrugidagi hududiy boʻlimi hamda saylovchilar bilan samarali aloqa oʻrnatishiga koʻmaklashadi;

saylov okrugida jismoniy va yuridik shaxslardan deputat nomiga kelib tushgan murojaatlarni roʻyxatga oladi va bu haqda deputatni xabardor qiladi;

jismoniy shaxslarni va yuridik shaxslarning vakillarini deputat tomonidan qabul qilinishiga, shuningdek deputatning saylovchilar bilan uchrashuvlarini tashkil etishga koʻmaklashadi;

saylov okrugi hududida deputatning vakolatlarini amalga oshirish bilan bogʻliq ishlarni deputatning topshirigʻiga koʻra tashkil etadi;

okrug saylovchilarini deputatning faoliyati toʻgʻrisida xabardor qiladi;

deputatning murojaatlarini, soʻrovlarini tayyorlashda hamda saylov okrugida deputat tomonidan jismoniy va yuridik shaxslardan olingan murojaatlar koʻrib chiqilishida ishtirok etadi, murojaatlarda bayon etilgan masalalarni oʻrganadi;

deputatning oʻz vakolatlarini amalga oshirishga doir boshqa topshiriqlarini bajaradi.

Deputat yordamchisining ishini tashkil etish uchun siyosiy partiya tomonidan tegishli saylov okrugida siyosiy partiyaning hududiy boʻlimida xona ajratiladi.

Deputatning yordamchisini ishga qabul qilish deputatning taqdimnomasiga koʻra amalga oshiriladi.

Deputatning yordamchisi deputatning vakolatlari davriga tuziladigan muddatli mehnat shartnomasi asosida ishlaydi. Muddatli mehnat shartnomasi deputatning yordamchisi va siyosiy partiyaning tegishli rahbari oʻrtasida tuziladi.

Deputatning yordamchisi bilan tuzilgan muddatli mehnat shartnomasi deputatning vakolatlari muddatidan ilgari tugatilgan, shuningdek mehnat toʻgʻrisidagi qonunchilikda nazarda tutilgan asoslar mavjud boʻlgan taqdirda tugatilishi mumkin.

Deputat yordamchisining mehnatiga haq toʻlash, shuningdek unga kafolatli toʻlovlar va kompensatsiya toʻlovlari mehnat toʻgʻrisidagi qonunchilikda nazarda tutilgan tartibda siyosiy partiya mablagʻlari hisobidan amalga oshiriladi”.

3-modda. Oʻzbekiston Respublikasining 2016-yil 20-yanvarda qabul qilingan OʻRQ-400-sonli Qonuni bilan tasdiqlangan Oʻzbekiston Respublikasining Bojxona kodeksi (Oʻzbekiston Respublikasi Oliy Majlisi palatalarining Axborotnomasi, 2016-yil, 1-songa ilova; 2017-yil № 9, 510-modda; 2018-yil, № 4, 224-modda, № 7, 433-modda, № 10, 670-modda; 2019-yil, № 1, 5-modda, № 2, 47-modda, № 5, 267-modda, № 9, 589-modda, № 10, 671-modda, № 12, 880-modda; 2020-yil, № 10, 593-modda; 2021-yil, 4-songa ilova) 329-moddasiga quyidagi oʻzgartishlar va qoʻshimcha kiritilsin:

toʻrtinchi qismidagi “oʻninchi” degan soʻz “oʻn birinchi” degan soʻzlar bilan almashtirilsin;

quyidagi mazmundagi oʻninchi qism bilan toʻldirilsin:

“Tovarlarni import qilish bilan uch yildan ortiq vaqtdan buyon shugʻullanayotgan, bojxona toʻlovlari boʻyicha majburiyatlarini yaxshi (yoki oʻz vaqtida) bajarib kelgan, lekin moliyaviy ahvoliga koʻra toʻlovlarni belgilangan muddatda toʻlash imkoniyatiga ega boʻlmagan tashqi iqtisodiy faoliyat ishtirokchilariga bojxona toʻlovlarini boʻlib-boʻlib toʻlash huquqi beriladi. Bunda bojxona toʻlovlarini boʻlib-boʻlib toʻlash imkoniyati oxirgi uch yil davomida toʻlangan bojxona toʻlovlari summasining ellik foizidan oshmaydigan summa miqdorida, olti oy muddatga bojxona toʻlovlarini taʼminlash qoʻllanilmagan holda berilishi mumkin”;

oʻninchi qismi oʻn birinchi qism deb hisoblansin.

4-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova) quyidagi oʻzgartish va qoʻshimchalar kiritilsin:

1) 99-modda birinchi qismining 1-bandi quyidagi tahrirda bayon etilsin:

“1) ushbu Kodeks 17-moddasi birinchi qismining 1 — 5-bandlarida koʻrsatilgan soliqlar boʻyicha — Oʻzbekiston Respublikasi Davlat soliq qoʻmitasi (bundan ushbu qismning 3-bandida va ushbu moddaning ikkinchi qismida nazarda tutilgan hollar mustasno). Oʻzbekiston Respublikasi Davlat soliq qoʻmitasi ushbu Kodeksning 17-moddasida koʻrsatilgan soliqlarni, shuningdek aylanmadan olinadigan soliqni ushbu bobda nazarda tutilgan tartibda mol-mulkni garovga bermagan holda, kafilliksiz yoki bank kafolatisiz boʻlib-boʻlib toʻlash imkoniyatini taqdim etishga (bundan jismoniy shaxslardan olinadigan daromad soligʻi, ijtimoiy soliq, toʻlov manbaida olinadigan foyda soligʻi hamda soliq agenti sifatida toʻlanadigan qoʻshilgan qiymat soligʻi mustasno) ham haqli”;

2) 100-moddaning ikkinchi qismi quyidagi mazmundagi 3 1 -band bilan toʻldirilsin:

“3 1 ) manfaatdor shaxs faoliyatni uch yildan ortiq vaqtdan buyon amalga oshirayotganligi hamda hisoblangan soliqlarni oʻz vaqtida toʻlab kelganligi, ammo moliyaviy ahvoliga koʻra soliq qarzini belgilangan muddatlarda toʻlash imkoniyatiga ega boʻlmaganligi”;

3) 101-modda :

quyidagi mazmundagi oʻninchi qism bilan toʻldirilsin:

“Ushbu Kodeks 100-moddasi ikkinchi qismining 3 1 -bandida koʻrsatilgan asoslar mavjud boʻlgan taqdirda, manfaatdor shaxsning arizasiga muvofiq soliqni boʻlib-boʻlib toʻlash imkoniyati beriladi. Bunda ushbu qismda nazarda tutilgan tartibda toʻlanadigan soliq summasi oxirgi uch yil davomida toʻlangan soliqlar summasining ellik foizidan oshmasligi kerak”;

oʻninchi — yigirmanchi qismlari tegishincha oʻn birinchi — yigirma birinchi qismlar deb hisoblansin;

4) 243-modda birinchi qismining 18-bandi quyidagi tahrirda bayon etilsin:

“18) qimmatbaho metallardan ishlangan bank va oʻlchovli quymalarini, qimmatbaho metallardan ishlangan quyma (investitsiya) tangalarni (numizmatika maqsadlari uchun foydalaniladigan tangalardan, shuningdek qimmatbaho metallardan ishlangan chet el tangalaridan tashqari), zargarlik buyumlarini, qimmatbaho metallarni ishlab chiqarish jarayonida hosil boʻladigan parchalarni va chiqindilarni, qimmatbaho metallarning oʻlchov plastinalari va granulalarini, qimmatbaho va yarim qimmatbaho toshlarni, shuningdek qimmatbaho metallardan va qimmatbaho toshlardan yasalgan yarim tayyor mahsulotlarni”;

5) 312-moddaning ikkinchi qismi “taraflar imzolaganidan keyin” degan soʻzlardan keyin “2-koeffitsiyent qoʻllanilgan holda” degan soʻzlar bilan toʻldirilsin;

6) 378-modda 16-bandining ikkinchi xatboshisi quyidagi tahrirda bayon etilsin:

“Oʻzbekiston Respublikasining professional va oliy taʼlim tashkilotlarida taʼlim olish (oʻzining, shuningdek yigirma olti yoshga toʻlmagan farzandlarining yoki erining (xotinining) taʼlim olishi) uchun toʻlov”;

7) 483-modda quyidagi mazmundagi yettinchi va sakkizinchi qismlar bilan toʻldirilsin:

“Hunarmand” uyushmasining aʼzolariga berilgan soliq imtiyozlari “Oʻzbekzargarsanoati” uyushmasining aʼzolari boʻlgan zargarlik buyumlarini ishlab chiqaruvchi yakka tartibdagi tadbirkorlarga nisbatan 2023-yil 1-martga qadar boʻlgan davr uchun tatbiq etiladi.

Orolboʻyida innovatsiyalarni qoʻllab-quvvatlash jamgʻarmasi uchun belgilangan tartibda shakllantiriladigan roʻyxatlar boʻyicha Oʻzbekiston Respublikasi hududiga olib kiriladigan Oʻzbekiston Respublikasida oʻxshashi ishlab chiqarilmaydigan ilmiy-laboratoriya asbob-uskunasi, reagentlar va sarflash materiallari 2024-yil 1-yanvarga qadar boʻlgan davr uchun qoʻshilgan qiymat soligʻini toʻlashdan ozod etiladi”.

5-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

davlat boshqaruvi organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

6-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 4-moddasi 7-bandi uchinchi xatboshisining qoidalari 2021-yil 1-yanvardan eʼtiboran yuzaga kelgan munosabatlarga nisbatan ham tatbiq etiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2021-yil 14-oktabr,

OʻRQ-722-son

(Qonunchilik maʼlumotlari milliy bazasi, 15.10.2021-y., 03/21/722/0960-son)

lex.uz

Закон Республики Узбекистан

О внесении изменений и дополнений в некоторые законодательные акты Республики Узбекистан

Принят Законодательной палатой 16 августа 2021 года Одобрен Сенатом 30 сентября 2021 года

Статья 1. Статью 14 2 Закона Республики Узбекистан от 26 декабря 1996 года № 337-I «О политических партиях» (Ведомости Олий Мажлиса Республики Узбекистан, 1997 г., № 2, ст. 36; 1999 г., № 9, ст. 229; 2004 г., № 1–2, ст. 18, № 5, ст. 90; 2005 г., № 1, ст. 18; Ведомости палат Олий Мажлиса Республики Узбекистан, 2007 г., № 4, ст. 163; 2008 г., № 12, ст.ст. 637, 640; 2014 г., № 1, ст. 2; 2018 г., № 4, ст. 224; 2019 г., № 2, ст. 47, № 9, ст. 588, № 10, ст. 674; 2020 г., № 1, ст. 1, № 3, ст. 203; 2021 г., приложение к № 4) исключить.

Статья 2. Закон Республики Узбекистан от 2 декабря 2004 года № 704-II «О статусе депутата Законодательной палаты и члена Сената Олий Мажлиса Республики Узбекистан» (Ведомости Олий Мажлиса Республики Узбекистан, 2005 г., № 1, ст. 8; Ведомости палат Олий Мажлиса Республики Узбекистан, 2008 г., № 12, ст. 637; 2015 г., № 12, ст. 452; 2017 г., № 9, ст. 510; 2019 г., № 5, ст. 261, № 9, ст. 588, № 12, ст. 880; 2020 г., № 8, ст. 488; 2021 г., приложение к № 4) дополнить статьей 9 4 следующего содержания:

«Статья 9 4 . Помощник депутата

Депутат для поддержания связи с политической партией, выдвинувшей его кандидатом в депутаты, и эффективной организации работы в своем избирательном округе вправе иметь помощника.

Помощником депутата может быть гражданин Республики Узбекистан, достигший восемнадцатилетнего возраста.

Помощником депутата не могут являться лица в случае:

близкого родства (родители, братья, сестры, дети, супруги, а также родители, братья и сестры супругов) с соответствующим депутатом;

признания его в установленном законом порядке недееспособным;

наличия непогашенной или неснятой судимости за совершенное тяжкое или особо тяжкое преступление.

Помощнику депутата выдается служебное удостоверение Законодательной палатой в установленном порядке.

Помощник депутата:

содействует в установлении эффективной связи депутата с политической партией, выдвинувшей его кандидатом в депутаты, ее территориальным отделением и избирателями в соответствующем избирательном округе;

регистрирует поступившие на имя депутата обращения физических и юридических лиц в избирательном округе и информирует об этом депутата;

оказывает содействие в организации приема депутатом физических лиц и представителей юридических лиц, а также организации встреч депутата с избирателями;

по поручению депутата организует работу, связанную с осуществлением его полномочий на территории избирательного округа;

информирует избирателей округа о деятельности депутата;

принимает участие в подготовке обращений, запросов депутата и рассмотрении депутатом обращений физических и юридических лиц, полученных им в избирательном округе, изучает содержащиеся в обращениях вопросы;

выполняет иные поручения депутата по осуществлению его полномочий.

Для организации работы помощника депутата политической партией выделяется помещение в территориальном отделении политической партии в соответствующем избирательном округе.

Прием на работу помощника депутата осуществляется по представлению депутата.

Помощник депутата работает на основании срочного трудового договора, заключаемого на период полномочий депутата. Срочный трудовой договор заключается между помощником депутата и соответствующим руководителем политической партии.

Срочный трудовой договор с помощником депутата может быть прекращен в случае досрочного прекращения полномочий депутата, а также наличия оснований, предусмотренных трудовым законодательством.

Оплата труда, а также гарантийные и компенсационные выплаты помощнику депутата осуществляются за счет средств политической партии в порядке, предусмотренном трудовым законодательством».

Статья 3. Внести в статью 329 Таможенного кодекса Республики Узбекистан, утвержденного Законом Республики Узбекистан от 20 января 2016 года № ЗРУ-400 (Ведомости палат Олий Мажлиса Республики Узбекистан, 2016 г., приложение к № 1; 2017 г., № 9, ст. 510; 2018 г., № 4, ст. 224, № 7, ст. 433, № 10, ст. 670; 2019 г., № 1, ст. 5, № 2, ст. 47, № 5, ст. 267, № 9, ст. 589, № 10, ст. 671, № 12, ст. 880; 2020 г., № 10, ст. 593; 2021 г., приложение к № 4), следующие изменения и дополнение:

в части четвертой слово «десятой» заменить словом «одиннадцатой»;

дополнить частью десятой следующего содержания:

«Право рассрочки уплаты таможенных платежей предоставляется участникам внешнеэкономической деятельности, занимающимся импортом товаров более трех лет, исправно (или своевременно) выполнявшим обязательства по таможенным платежам, но вследствие финансового положения не имеющим возможности их уплаты в установленные сроки. При этом возможность уплаты таможенных платежей в рассрочку может быть предоставлена без применения обеспечения уплаты таможенных платежей сроком на шесть месяцев в размере суммы, не превышающей пятидесяти процентов от суммы таможенных платежей, уплаченных за последние три года»;

часть десятую считать частью одиннадцатой.

Статья 4. Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4), следующие изменения и дополнения:

1) пункт 1 части первой статьи 99 изложить в следующей редакции:

«по налогам, указанным в пунктах 1 — 5 части первой статьи 17 настоящего Кодекса, — Государственный налоговый комитет Республики Узбекистан (за исключением случаев, предусмотренных пунктом 3 настоящей части и частью второй настоящей статьи). Государственный налоговый комитет Республики Узбекистан также вправе предоставлять налогоплательщикам возможность уплаты в рассрочку налогов, указанных в статье 17 настоящего Кодекса, а также налога с оборота без предоставления под залог имущества, поручительства или банковской гарантии в порядке, предусмотренном настоящей главой (за исключением налога на доходы физических лиц, социального налога, налога на прибыль у источника выплаты и налога на добавленную стоимость при уплате его в качестве налогового агента)»;

2) часть вторую статьи 100 дополнить пунктом 3 1 следующего содержания:

«3 1 ) заинтересованное лицо, которое осуществляло деятельность более трех лет и своевременно уплачивало начисленные налоги, но вследствие финансового положения не имело возможности уплаты налоговой задолженности в установленные сроки»;

3) в статье 101 :

дополнить частью десятой следующего содержания:

«При наличии оснований, указанных в пункте 3 1 части второй статьи 100 настоящего Кодекса, в соответствии с заявлением заинтересованного лица предоставляется возможность уплаты налога в рассрочку. При этом сумма налога, уплачиваемого в порядке, предусмотренном настоящей частью, не должна превышать пятидесяти процентов от суммы уплаченных налогов за последние три года»;

части десятую — двадцатую считать соответственно частями одиннадцатой — двадцать первой;

4) пункт 18 части первой статьи 243 изложить в следующей редакции:

«18) банковских и мерных слитков из драгоценных металлов, слитковых (инвестиционных) монет из драгоценных металлов (кроме монет, используемых для нумизматических целей, а также иностранных монет из драгоценных металлов), ювелирных изделий, лома и отходов, образующихся в процессе производства драгоценных металлов, мерных пластин и гранул драгоценных металлов, драгоценных и полудрагоценных камней, а также полуфабрикатов, изготовленных из драгоценных металлов и драгоценных камней»;

5) часть вторую статьи 312 после слов «амортизируемых активов, вычитаются» дополнить словами «с применением коэффициента 2»;

6) абзац второй пункта 16 статьи 378 изложить в следующей редакции:

«оплату за обучение (свое, а также своих детей или супруга (супруги) — в возрасте до двадцати шести лет) в профессиональных и высших образовательных организациях Республики Узбекистан»;

7) статью 483 дополнить частями седьмой и восьмой следующего содержания:

«На период до 1 марта 2023 года на индивидуальных предпринимателей – производителей ювелирных изделий, являющихся членами Ассоциации «Узбекзаргарсаноати», распространяются налоговые льготы, предоставленные членам Ассоциации «Хунарманд».

На период до 1 января 2024 года освобождаются от уплаты налога на добавленную стоимость ввозимые по перечням, формируемым в установленном порядке, на территорию Республики Узбекистан для Фонда поддержки инноваций в Приаралье научно-лабораторное оборудование, реагенты и расходные материалы, аналоги которых не производятся в Республике Узбекистан».

Статья 5. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену органами государственного управления их нормативно-правовых актов, противоречащих настоящему Закону;

обеспечить исполнение, доведение до исполнителей и разъяснение среди населения сути и значения настоящего Закона.

Статья 6. Настоящий Закон вступает в силу со дня его официального опубликования.

Положения абзаца третьего пункта 7 статьи 4 настоящего Закона распространяются также на отношения, возникшие с 1 января 2021 года.

Президент Республики Узбекистан Ш. МИРЗИЁЕВ

г. Ташкент,

14 октября 2021 г.,

№ ЗРУ-722

(Национальная база данных законодательства, 15.10.2021 г., № 03/21/722/0960)

lex.uz