UzbekAI

Ўзбекистон Республикаси Президентининг

Қарори

Халқаро шартномани тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:

1. 2021 йил 28 майда Минск шаҳрида Мустақил Давлатлар Ҳамдўстлиги иштирокчи-давлатларининг Ҳукумат раҳбарлари кенгаши йиғилишида имзоланган Ҳамдўстлик иштирокчи-давлатларининг геодезия, картография, кадастр ва Ерни масофадан туриб зондлаш соҳасидаги ўзаро муносабатлари тўғрисида 1992 йил 9 октябрдаги Битимга ўзгартиришлар киритиш ҳақидаги баённома тасдиқлансин.

2. Ўзбекистон Республикаси Давлат солиқ қўмитаси ҳузуридаги Кадастр агентлиги мазкур халқаро шартномани амалга ошириш учун масъул ваколатли орган этиб белгилансин.

3. Ташқи ишлар вазирлиги мазкур халқаро шартноманинг кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги ҳамда уни амалга ошириш учун масъул бўлган ваколатли орган тўғрисида депозитарийга тегишли билдиришнома йўлласин.

4. Вазирлар Маҳкамаси ҳамда тегишли вазирликлар ва идораларнинг раҳбарлари ушбу халқаро шартнома кучга киргандан кейин унинг қоидалари бажарилиши устидан белгиланган тартибда назоратни таъминласин.

5. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 16 октябрь,

ПҚ-5259-сон

(Қонунчилик маълумотлари миллий базаси, 16.10.2021 й., 07/21/5259/0965-сон)

lex.uz

Oʻzbekiston Respublikasi Prezidentining

Qarori

Xalqaro shartnomani tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. 2021-yil 28-mayda Minsk shahrida Mustaqil Davlatlar Hamdoʻstligi ishtirokchi-davlatlarining Hukumat rahbarlari kengashi yigʻilishida imzolangan Hamdoʻstlik ishtirokchi-davlatlarining geodeziya, kartografiya, kadastr va Yerni masofadan turib zondlash sohasidagi oʻzaro munosabatlari toʻgʻrisida 1992-yil 9-oktabrdagi Bitimga oʻzgartirishlar kiritish haqidagi bayonnoma tasdiqlansin.

2. Oʻzbekiston Respublikasi Davlat soliq qoʻmitasi huzuridagi Kadastr agentligi mazkur xalqaro shartnomani amalga oshirish uchun masʼul vakolatli organ etib belgilansin.

3. Tashqi ishlar vazirligi mazkur xalqaro shartnomaning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi hamda uni amalga oshirish uchun masʼul boʻlgan vakolatli organ toʻgʻrisida depozitariyga tegishli bildirishnoma yoʻllasin.

4. Vazirlar Mahkamasi hamda tegishli vazirliklar va idoralarning rahbarlari ushbu xalqaro shartnoma kuchga kirgandan keyin uning qoidalari bajarilishi ustidan belgilangan tartibda nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 16-oktabr,

PQ-5259-son

(Qonunchilik maʼlumotlari milliy bazasi, 16.10.2021-y., 07/21/5259/0965-son)

lex.uz

Президента Республики Узбекистан

Постановление

Об утверждении международного договора

В соответствии со статьей 22 Закона Республики Узбекистан «О международных договорах Республики Узбекистан»:

1. Утвердить Протокол о внесении изменений в Соглашение о взаимодействии государств-участников Содружества в области геодезии, картографии, кадастра и дистанционного зондирования Земли от 9 октября 1992 года, подписанный на заседании Совета глав правительств государств-участников Содружества Независимых Государств 28 мая 2021 года в городе Минске.

2. Определить Агентство по кадастру при Государственном налоговом комитете Республики Узбекистан компетентным органом за реализацию указанного международного договора.

3. Министерству иностранных дел направить депозитарию соответствующее уведомление о выполнении Республикой Узбекистан внутригосударственных процедур, необходимых для вступления в силу указанного международного договора, а также о компетентном органе, ответственном за его реализацию.

4. Кабинету Министров и руководителям соответствующих министерств и ведомств после вступления в силу данного международного договора в установленном порядке обеспечить контроль за выполнением его обязательств.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

16 октября 2021 г.,

№ ПП-5259

(Национальная база данных законодательства, 16.10.2021 г., № 07/21/5259/0965)

lex.uz