UzbekAI

Ўзбекистон Республикаси Президентининг

Қарори

рўйхати

Ўзбекистон давлат консерваторияси ҳузуридаги Ботир Зокиров номидаги Миллий эстрада санъати институтини ташкил этиш тўғрисида

Миллий эстрада ижрочилик мактабларини яратиш, юқори малакали мутахассислар тайёрлаш, илмий салоҳиятдан самарали фойдаланган ҳолда миллий эстрада санъатини жадал ривожлантириш мақсадида, шунингдек, Ўзбекистон Республикаси Президентининг 2020 йил 2 декабрдаги «Ўзбекистон халқ артисти Ботир Зокиров таваллудининг 85 йиллигини кенг нишонлаш тўғрисида»ги ПҚ-4908-сон қарорига мувофиқ:

1. Ўзбекистон давлат консерваторияси ҳузурида Ботир Зокиров номидаги Миллий эстрада санъати институти (кейинги ўринларда — Институт) ташкил этилсин.

2. Қуйидагилар Институтнинг асосий вазифалари этиб белгилансин:

миллий эстрада йўналиши бўйича малакали мутахассислар ва илмий-педагогик кадрларни тайёрлаш, уларнинг илмий-ижодий фаолият билан шуғулланишлари учун кенг имкониятлар яратиш;

миллий эстрада йўналишида ўқув-методик адабиётлар яратиш, атоқли композитор ва бастакорлар, хонанда ва созандалар ижодини чуқур ўрганиш, шунингдек, миллий эстрада ижрочилиги намуналарини нотага кўчириш;

миллий эстрада йўналиши бўйича фундаментал, амалий ва ижодий изланиш ҳамда тадқиқотлар олиб бориш, соҳада шаклланган ижодий мактабларнинг ўзига хос ижро услублари ва анъаналарини қайта тиклаш ва ривожлантириш;

миллий эстраданинг замонавий ижро услублари намуналарини нотага олиш ва амалиётга кенг жорий этиш, миллий эстраданинг ижтимоий-тарихий илдизлари, илмий-назарий негизлари, миллий ва умумбашарий қадриятлар билан боғлиқ жиҳатларини олимлар ва ижрочи мутахассислар иштирокида чуқур ўрганиш;

миллий эстрадани янада ривожлантириш, бу борада шаклланган ижро ва ижодий мактаблар фаолиятини қўллаб-қувватлаш ҳамда ривожлантириш;

миллий эстрада йўналишида замонавий ижро намуналарининг «Олтин фонди»ни яратиш;

халқимиз, хусусан, ёш авлод онгида миллий эстрада орқали миллий ўзликни англаш туйғуси, юксак бадиий-эстетик дид ва тафаккурни камол топтириш;

эстрада йўналишларида хорижий таълим муассасалари ва ташкилотлари билан халқаро ҳамкорликни йўлга қўйиш, ўзаро тажриба алмашиш, қўшма таълим дастурлари ва илмий лойиҳаларни амалга ошириш.

3. Белгилансинки:

Институт давлат олий таълим муассасаси ҳисобланади ва Ўзбекистон давлат консерваторияси (кейинги ўринларда — Консерватория) таркибида фаолият юритади;

Институтда ўқув жараёни 2021/2022 ўқув йилидан бошланиб, таълим давлат гранти ҳамда тўлов-контракт асосида амалга оширилади;

2022/2023 ўқув йилидан бошлаб Институтга қабул параметрлари белгиланган тартибда ҳар йили тасдиқланадиган республика олий таълим муассасаларига ўқишга қабул қилишнинг давлат буюртмаси параметрларидан келиб чиққан ҳолда шакллантирилади;

Институт битирувчиларига олий таълим тўғрисидаги ҳужжат сифатида тан олинадиган давлат намунасидаги диплом берилади;

Консерватория учун тасдиқланган бир ўқитувчига тўғри келадиган талабалар сони нисбатининг чекланган нормативлари Институтга ҳам татбиқ этилади;

Институт профессор-ўқитувчилари ва концертмейстерларига Маданият вазирлиги тизимида узоқ муддат хизмат қилганлиги учун ҳар ойлик тақдирлаш пули (устама) тўлаб бориш тартиби татбиқ этилади;

Консерватория кенгашининг қарорига асосан Консерваториянинг бюджетдан ташқари маблағлари ҳисобидан Институт моддий-техника базасини ривожлантиришга ва Институт кенгашининг қарорига асосан Институтнинг бюджетдан ташқари маблағлари ҳисобидан Консерватория моддий-техника базасини ривожлантиришга рухсат берилади;

Институт Консерваториянинг моддий-техника базасидан ва Консерватория Институтнинг моддий-техника базасидан текин фойдаланиш ҳуқуқига эга.

4. Қуйидагилар:

2021/2022 ўқув йилидан бошлаб Ўзбекистон давлат консерваториясидан Ўзбекистон давлат консерваторияси ҳузуридаги Ботир Зокиров номидаги Миллий эстрада санъати институтига ўтказиладиган бакалавриат таълим йўналишлари ва магистратура мутахассисликлари рўйхати 1-иловага мувофиқ;

Ўзбекистон давлат консерваторияси ҳузуридаги Ботир Зокиров номидаги Миллий эстрада санъати институтида 2022/2023 ўқув йилидан бошлаб янги очиладиган бакалавриат таълим йўналишлари ва магистратура мутахассисликлари рўйхати 2-иловага мувофиқ тасдиқлансин.

Ўзбекистон Республикаси таълим муассасаларига ўқишга қабул қилиш бўйича давлат комиссияси бир ҳафта муддатда 2021/2022 ўқув йили учун Институтга қабул параметрларини тасдиқласин ҳамда абитуриентларнинг онлайн тарзда рўйхатдан ўтказилишини ташкил қилсин.

Белгилансинки, мазкур қарорнинг 1-иловасига мувофиқ рўйхатда келтирилган бакалавриат таълим йўналишлари ва магистратура мутахассисликларида таҳсил олаётган Консерваториянинг 2 — 4 курс талабалари 2021/2022 ўқув йилидан ўқишини Институтда давом эттиради ва ўқиш якуни бўйича уларга давлат намунасидаги диплом берилади.

5. Қуйидагилар Институт фаолиятини молиялаштириш манбалари этиб белгилансин:

Давлат бюджети маблағлари;

талабаларни тўлов-контракт асосида ўқитишдан, шунингдек, хўжалик фаолияти ва шартнома асосида хизматлар кўрсатишдан тушадиган маблағлар;

жисмоний ва юридик шахсларнинг ҳомийлик хайриялари;

халқаро молия ташкилотларининг грантлари ҳамда қонунчилик ҳужжатларида тақиқланмаган бошқа манбалар.

6. Маданият вазирлиги (О.А. Назарбеков) ва Консерватория (К.Т. Уринбаев):

а) қуйидагиларни:

Институт тузилмасини олий таълим муассасалари учун белгиланган нормативларга мувофиқ тасдиқлаш;

Институт уставини белгиланган тартибда тасдиқлаш ва уни давлат рўйхатидан ўтказиш;

б) Олий ва ўрта махсус таълим вазирлиги (А.Х. Тошкулов) билан биргаликда:

бир ҳафта муддатда Институт фаолиятини ташкил этиш ва ривожлантириш бўйича чора-тадбирлар дастурини ишлаб чиқиб, тасдиқлаш ва ижросини назоратга олиш, шунингдек, Институт бакалавриат таълим йўналишлари ва магистратура мутахассисликларини меъёрий ҳужжатлар билан таъминлаш;

бакалавриат таълим йўналишлари ва магистратура мутахассисликлари бўйича ўқув жараёнини сифатли ташкил этиш;

в) 2021/2022 ўқув йилидан бошлаб Институтнинг илмий-педагог кадрлари таркибини олий таълим ва илмий ташкилотларда ҳамда Маданият вазирлиги тизимида фаолият юритаётган, шу жумладан хорижий таълим ва илмий муассасаларда малакасини ошириб келган профессор-ўқитувчилар ва илмий ходимлар, шунингдек, соҳадаги салоҳиятли амалиётчи мутахассислар орасидан шакллантириш;

г) 2022/2023 ўқув йилидан бошлаб республикадаги болалар мусиқа ва санъат мактаблари, ихтисослаштирилган санъат ва маданият мактаблари, мактаб-интернатлар ҳамда маданият, мусиқа ва санъат коллежларига Институтнинг етакчи профессор-ўқитувчилари ҳамда мамлакатимизда ижод қилиб келаётган таниқли эстрада ижодкорларини бириктириш орқали “Маҳорат дарслари”ни йўлга қўйиш чораларини кўрсин.

7. Консерватория (К.Т. Уринбаев):

салоҳиятли кадрларни жалб этган ҳолда таълим ва илмий фаолиятни сифатли ташкил этиш;

таълим, тарбия, илмий, услубий ва ижодий жараёнларни самарали бошқариш;

таълим жараёнига замонавий педагогик технологияларни жорий этиш;

дарслик, ўқув қўлланмалари, ўқув-услубий материаллар ва ахборот ресурслари билан таъминлаш;

профессор-ўқитувчиларнинг малакасини ошириш ва иқтидорли ёшлар селекциясини амалга ошириш;

илмий-тадқиқот ишлари учун қўшимча шароитлар яратиш ва миллий эстрада мактабининг йўналишларини ривожлантиришда Институтга кўмак бериб борсин.

8. Институтда:

Ботир Зокиров хотирасига бағишланган ёдгорлик мажмуаси ва музей;

ўзбек миллий эстрадаси намояндаларининг «устоз-шогирд» ижрочилик мактаблари;

замонавий ижодий студиялар ва ахборот-ресурс маркази ташкил этилсин.

9. Маданият вазирлиги (О.А. Назарбеков) Туризм ва спорт вазирлиги (А.А. Абдухакимов), Ўзбекистон композиторлари ва бастакорлари уюшмаси (Р. Абдуллаев), Республика Маънавият ва маърифат маркази (М.М. Ҳожиматов), Ботир Зокиров номидаги жамоат фонди, Ўзбекистон Ёзувчилар уюшмаси (С.С. Саидов), Бадиий академия (А.В. Нуридинов), Ёшлар ишлари агентлиги (А.З. Саъдуллаев) билан биргаликда:

музейга Ботир Зокиров ва Зокировлар ижодий сулоласи ҳаёти ва фаолияти, миллий эстрада санъатимиз ривожланиши ва дунё миқёсида кенг тарғиб этилишини ёрқин акс эттирувчи экспонатларни, Ботир Зокиров ижодига мансуб тасвирий санъат намуналари ҳамда адабий асарларни жамласин ҳамда унда мунтазам равишда кўргазма-экспозиция ташкил этиб борсин;

Институтда «устоз-шогирд» ижрочилик мактабларини ташкил этишда миллий эстрадамизнинг ёрқин намояндаларини жалб этсин ҳамда уларнинг самарали фаолият олиб бориши учун зарур шарт-шароитларни яратсин;

ижодий студияларни зарур замонавий жиҳоз ва техникалар, шунингдек, ахборот-ресурс марказини мусиқа дарсликлари, ноталар тўпламлари ҳамда ўқув, илмий ва бадиий адабиётлар билан таъминласин.

10. Институт вақтинчалик Тошкент шаҳри, Шайхонтоҳур тумани, Бешёғоч мавзеси, Дархон кўчаси, 157-уйда жойлашган 3-сонли болалар мусиқа ва санъат мактаби бино ва иншоотларига текин фойдаланиш ҳуқуқи асосида жойлаштирилсин.

Ўзбекистон Республикаси Президентининг 2017 йил 8 августдаги «Ўзбекистон давлат консерваторияси фаолиятини янада ривожлантириш ва такомиллаштириш чора-тадбирлари тўғрисида»ги ПҚ-3178-сон қарорига асосан Консерваторияга туташ ҳудудда қурилиши якунланаётган Консерватория ҳузуридаги Мусиқа соҳаси педагогларини қайта тайёрлаш ва малакасини ошириш марказининг ўқув биноси ва талабалар турар жойи оператив бошқарув ҳуқуқи билан Консерваторияга топширилсин ҳамда мазкур объектларга Институт ва ушбу марказ текин фойдаланиш ҳуқуқи асосида жойлаштирилсин.

11. Иқтисодий тараққиёт ва камбағалликни қисқартириш вазирлиги (А.М. Бобоев), Молия вазирлиги (Т.А. Ишметов) мазкур қарорнинг 10-банди иккинчи хатбошисида кўрсатилган объектларнинг қурилиш-монтаж ва жиҳозлаш ишларини жорий йилда якунлаш учун 2021 йилда Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури доирасида ўзлаштирилмаган ва иқтисод қилинган маблағларни қайта тақсимлаш ҳисобидан маблағ ажратсин.

12. Институтга 3 та, шу жумладан 1 та шахсан бириктирилган, гастроль-концерт фаолияти учун зарур бўлган 1 та автобус ва 1 та юк ташувчи автотранспорт воситасини сақлаш учун лимит ажратилсин.

13. Белгилаб қўйилсинки, мазкур қарорда назарда тутилган харажатларни молиялаштириш 2021 йилда республика бюджетидан биринчи даражали бюджет маблағларини тақсимловчи сифатида Маданият вазирлигига ажратиладиган маблағлар доирасида, 2022 йилдан бошлаб эса Давлат бюджети параметрларида назарда тутилади.

14. Маданият вазирлиги (О.А. Назарбеков) икки ой муддатда:

Ахборот технологиялари ва коммуникацияларини ривожлантириш вазирлиги (Ш.М. Садиков) билан биргаликда онлайн маъруза ҳамда масофавий таълим технологияларини жорий этиш учун Институтни телекоммуникация жиҳозлари ва инфратузилма билан таъминлаш, шунингдек, юқори тезликдаги Интернет ҳамда «Электрон таълим» миллий тармоғига белгиланган тартибда улаш чораларини кўрсин;

қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

15. Мазкур қарорнинг ижросини самарали ташкил қилишга масъул ва шахсан жавобгар этиб маданият вазири О.А. Назарбеков ҳамда олий ва ўрта махсус таълим вазири А.Х. Тошкулов белгилансин.

Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари А.А. Абдухакимов, Б.А. Мусаев ҳамда Ўзбекистон Республикаси Президентининг маслаҳатчиси А.А. Абдувахитов зиммасига юклансин.

Ўзбекистон Республикаси Президентининг 2021 йил 16 октябрдаги ПҚ-5261-сон қарорига 1-ИЛОВА

Т/р Таълим йўналиши (мутахассислик) номи I. Бакалавриат таълим йўналишлари 1. Профессионал таълим: вокал санъати (эстрада хонандалиги) 2. Профессионал таълим: чолғу ижрочилиги (эстрада чолғулари) 3. Дирижёрлик: эстрада оркестри дирижёрлиги 4. Вокал санъати: эстрада хонандалиги 5. Чолғу ижрочилиги: эстрада чолғулари 6. Техноген санъат: мусиқий овоз режиссёрлиги II. Магистратура мутахассисликлари 7. Вокал санъати: эстрада хонандалиги 8. Чолғу ижрочилиги: эстрада чолғулари

Ўзбекистон Республикаси Президентининг 2021 йил 16 октябрдаги ПҚ-5261-сон қарорига 2-ИЛОВА

Т/р Таълим йўналиши (мутахассислик) номи I. Бакалавриат таълим йўналишлари 1. Бастакорлик санъати 2. Санъатшунослик: мусиқашунослик II. Магистратура мутахассисликлари 3. Овоз режиссёрлиги: мусиқий овоз режиссёрлиги 4. Мусиқа санъати

Ўзбекистон Республикаси Президенти Ш. МИРЗИЁЕВ

Тошкент ш.,

2021 йил 16 октябрь,

ПҚ-5261-сон

(Қонунчилик маълумотлари миллий базаси, 18.10.2021 й., 07/21/5261/0968-сон)

lex.uz

Oʻzbekiston Respublikasi Prezidentining

Qarori

roʻyxati

Oʻzbekiston davlat konservatoriyasi huzuridagi Botir Zokirov nomidagi Milliy estrada sanʼati institutini tashkil etish toʻgʻrisida

Milliy estrada ijrochilik maktablarini yaratish, yuqori malakali mutaxassislar tayyorlash, ilmiy salohiyatdan samarali foydalangan holda milliy estrada sanʼatini jadal rivojlantirish maqsadida, shuningdek, Oʻzbekiston Respublikasi Prezidentining 2020-yil 2-dekabrdagi “Oʻzbekiston xalq artisti Botir Zokirov tavalludining 85 yilligini keng nishonlash toʻgʻrisida”gi PQ-4908-son qaroriga muvofiq:

1. Oʻzbekiston davlat konservatoriyasi huzurida Botir Zokirov nomidagi Milliy estrada sanʼati instituti (keyingi oʻrinlarda — Institut) tashkil etilsin.

2. Quyidagilar Institutning asosiy vazifalari etib belgilansin:

milliy estrada yoʻnalishi boʻyicha malakali mutaxassislar va ilmiy-pedagogik kadrlarni tayyorlash, ularning ilmiy-ijodiy faoliyat bilan shugʻullanishlari uchun keng imkoniyatlar yaratish;

milliy estrada yoʻnalishida oʻquv-metodik adabiyotlar yaratish, atoqli kompozitor va bastakorlar, xonanda va sozandalar ijodini chuqur oʻrganish, shuningdek, milliy estrada ijrochiligi namunalarini notaga koʻchirish;

milliy estrada yoʻnalishi boʻyicha fundamental, amaliy va ijodiy izlanish hamda tadqiqotlar olib borish, sohada shakllangan ijodiy maktablarning oʻziga xos ijro uslublari va anʼanalarini qayta tiklash va rivojlantirish;

milliy estradaning zamonaviy ijro uslublari namunalarini notaga olish va amaliyotga keng joriy etish, milliy estradaning ijtimoiy-tarixiy ildizlari, ilmiy-nazariy negizlari, milliy va umumbashariy qadriyatlar bilan bogʻliq jihatlarini olimlar va ijrochi mutaxassislar ishtirokida chuqur oʻrganish;

milliy estradani yanada rivojlantirish, bu borada shakllangan ijro va ijodiy maktablar faoliyatini qoʻllab-quvvatlash hamda rivojlantirish;

milliy estrada yoʻnalishida zamonaviy ijro namunalarining “Oltin fondi”ni yaratish;

xalqimiz, xususan, yosh avlod ongida milliy estrada orqali milliy oʻzlikni anglash tuygʻusi, yuksak badiiy-estetik did va tafakkurni kamol toptirish;

estrada yoʻnalishlarida xorijiy taʼlim muassasalari va tashkilotlari bilan xalqaro hamkorlikni yoʻlga qoʻyish, oʻzaro tajriba almashish, qoʻshma taʼlim dasturlari va ilmiy loyihalarni amalga oshirish.

3. Belgilansinki:

Institut davlat oliy taʼlim muassasasi hisoblanadi va Oʻzbekiston davlat konservatoriyasi (keyingi oʻrinlarda — Konservatoriya) tarkibida faoliyat yuritadi;

Institutda oʻquv jarayoni 2021/2022 oʻquv yilidan boshlanib, taʼlim davlat granti hamda toʻlov-kontrakt asosida amalga oshiriladi;

2022/2023 oʻquv yilidan boshlab Institutga qabul parametrlari belgilangan tartibda har yili tasdiqlanadigan respublika oliy taʼlim muassasalariga oʻqishga qabul qilishning davlat buyurtmasi parametrlaridan kelib chiqqan holda shakllantiriladi;

Institut bitiruvchilariga oliy taʼlim toʻgʻrisidagi hujjat sifatida tan olinadigan davlat namunasidagi diplom beriladi;

Konservatoriya uchun tasdiqlangan bir oʻqituvchiga toʻgʻri keladigan talabalar soni nisbatining cheklangan normativlari Institutga ham tatbiq etiladi;

Institut professor-oʻqituvchilari va konsertmeysterlariga Madaniyat vazirligi tizimida uzoq muddat xizmat qilganligi uchun har oylik taqdirlash puli (ustama) toʻlab borish tartibi tatbiq etiladi;

Konservatoriya kengashining qaroriga asosan Konservatoriyaning budjetdan tashqari mablagʻlari hisobidan Institut moddiy-texnika bazasini rivojlantirishga va Institut kengashining qaroriga asosan Institutning budjetdan tashqari mablagʻlari hisobidan Konservatoriya moddiy-texnika bazasini rivojlantirishga ruxsat beriladi;

Institut Konservatoriyaning moddiy-texnika bazasidan va Konservatoriya Institutning moddiy-texnika bazasidan tekin foydalanish huquqiga ega.

4. Quyidagilar:

2021/2022 oʻquv yilidan boshlab Oʻzbekiston davlat konservatoriyasidan Oʻzbekiston davlat konservatoriyasi huzuridagi Botir Zokirov nomidagi Milliy estrada sanʼati institutiga oʻtkaziladigan bakalavriat taʼlim yoʻnalishlari va magistratura mutaxassisliklari roʻyxati 1-ilovaga muvofiq;

Oʻzbekiston davlat konservatoriyasi huzuridagi Botir Zokirov nomidagi Milliy estrada sanʼati institutida 2022/2023 oʻquv yilidan boshlab yangi ochiladigan bakalavriat taʼlim yoʻnalishlari va magistratura mutaxassisliklari roʻyxati 2-ilovaga muvofiq tasdiqlansin.

Oʻzbekiston Respublikasi taʼlim muassasalariga oʻqishga qabul qilish boʻyicha davlat komissiyasi bir hafta muddatda 2021/2022 oʻquv yili uchun Institutga qabul parametrlarini tasdiqlasin hamda abituriyentlarning onlayn tarzda roʻyxatdan oʻtkazilishini tashkil qilsin.

Belgilansinki, mazkur qarorning 1-ilovasiga muvofiq roʻyxatda keltirilgan bakalavriat taʼlim yoʻnalishlari va magistratura mutaxassisliklarida tahsil olayotgan Konservatoriyaning 2 — 4 kurs talabalari 2021/2022 oʻquv yilidan oʻqishini Institutda davom ettiradi va oʻqish yakuni boʻyicha ularga davlat namunasidagi diplom beriladi.

5. Quyidagilar Institut faoliyatini moliyalashtirish manbalari etib belgilansin:

Davlat budjeti mablagʻlari;

talabalarni toʻlov-kontrakt asosida oʻqitishdan, shuningdek, xoʻjalik faoliyati va shartnoma asosida xizmatlar koʻrsatishdan tushadigan mablagʻlar;

jismoniy va yuridik shaxslarning homiylik xayriyalari;

xalqaro moliya tashkilotlarining grantlari hamda qonunchilik hujjatlarida taqiqlanmagan boshqa manbalar.

6. Madaniyat vazirligi (O.A. Nazarbekov) va Konservatoriya (K.T. Urinbayev):

a) quyidagilarni:

Institut tuzilmasini oliy taʼlim muassasalari uchun belgilangan normativlarga muvofiq tasdiqlash;

Institut ustavini belgilangan tartibda tasdiqlash va uni davlat roʻyxatidan oʻtkazish;

b) Oliy va oʻrta maxsus taʼlim vazirligi (A.X. Toshkulov) bilan birgalikda:

bir hafta muddatda Institut faoliyatini tashkil etish va rivojlantirish boʻyicha chora-tadbirlar dasturini ishlab chiqib, tasdiqlash va ijrosini nazoratga olish, shuningdek, Institut bakalavriat taʼlim yoʻnalishlari va magistratura mutaxassisliklarini meʼyoriy hujjatlar bilan taʼminlash;

bakalavriat taʼlim yoʻnalishlari va magistratura mutaxassisliklari boʻyicha oʻquv jarayonini sifatli tashkil etish;

v) 2021/2022 oʻquv yilidan boshlab Institutning ilmiy-pedagog kadrlari tarkibini oliy taʼlim va ilmiy tashkilotlarda hamda Madaniyat vazirligi tizimida faoliyat yuritayotgan, shu jumladan xorijiy taʼlim va ilmiy muassasalarda malakasini oshirib kelgan professor-oʻqituvchilar va ilmiy xodimlar, shuningdek, sohadagi salohiyatli amaliyotchi mutaxassislar orasidan shakllantirish;

g) 2022/2023 oʻquv yilidan boshlab respublikadagi bolalar musiqa va sanʼat maktablari, ixtisoslashtirilgan sanʼat va madaniyat maktablari, maktab-internatlar hamda madaniyat, musiqa va sanʼat kollejlariga Institutning yetakchi professor-oʻqituvchilari hamda mamlakatimizda ijod qilib kelayotgan taniqli estrada ijodkorlarini biriktirish orqali “Mahorat darslari”ni yoʻlga qoʻyish choralarini koʻrsin.

7. Konservatoriya (K.T. Urinbayev):

salohiyatli kadrlarni jalb etgan holda taʼlim va ilmiy faoliyatni sifatli tashkil etish;

taʼlim, tarbiya, ilmiy, uslubiy va ijodiy jarayonlarni samarali boshqarish;

taʼlim jarayoniga zamonaviy pedagogik texnologiyalarni joriy etish;

darslik, oʻquv qoʻllanmalari, oʻquv-uslubiy materiallar va axborot resurslari bilan taʼminlash;

professor-oʻqituvchilarning malakasini oshirish va iqtidorli yoshlar seleksiyasini amalga oshirish;

ilmiy-tadqiqot ishlari uchun qoʻshimcha sharoitlar yaratish va milliy estrada maktabining yoʻnalishlarini rivojlantirishda Institutga koʻmak berib borsin.

8. Institutda:

Botir Zokirov xotirasiga bagʻishlangan yodgorlik majmuasi va muzey;

oʻzbek milliy estradasi namoyandalarining “ustoz-shogird” ijrochilik maktablari;

zamonaviy ijodiy studiyalar va axborot-resurs markazi tashkil etilsin.

9. Madaniyat vazirligi (O.A. Nazarbekov) Turizm va sport vazirligi (A.A. Abduxakimov), Oʻzbekiston kompozitorlari va bastakorlari uyushmasi (R. Abdullayev), Respublika Maʼnaviyat va maʼrifat markazi (M.M. Hojimatov), Botir Zokirov nomidagi jamoat fondi, Oʻzbekiston Yozuvchilar uyushmasi (S.S. Saidov), Badiiy akademiya (A.V. Nuridinov), Yoshlar ishlari agentligi (A.Z. Saʼdullayev) bilan birgalikda:

muzeyga Botir Zokirov va Zokirovlar ijodiy sulolasi hayoti va faoliyati, milliy estrada sanʼatimiz rivojlanishi va dunyo miqyosida keng targʻib etilishini yorqin aks ettiruvchi eksponatlarni, Botir Zokirov ijodiga mansub tasviriy sanʼat namunalari hamda adabiy asarlarni jamlasin hamda unda muntazam ravishda koʻrgazma-ekspozitsiya tashkil etib borsin;

Institutda “ustoz-shogird” ijrochilik maktablarini tashkil etishda milliy estradamizning yorqin namoyandalarini jalb etsin hamda ularning samarali faoliyat olib borishi uchun zarur shart-sharoitlarni yaratsin;

ijodiy studiyalarni zarur zamonaviy jihoz va texnikalar, shuningdek, axborot-resurs markazini musiqa darsliklari, notalar toʻplamlari hamda oʻquv, ilmiy va badiiy adabiyotlar bilan taʼminlasin.

10. Institut vaqtinchalik Toshkent shahri, Shayxontohur tumani, Beshyogʻoch mavzesi, Darxon koʻchasi, 157-uyda joylashgan 3-sonli bolalar musiqa va sanʼat maktabi bino va inshootlariga tekin foydalanish huquqi asosida joylashtirilsin.

Oʻzbekiston Respublikasi Prezidentining 2017-yil 8-avgustdagi “Oʻzbekiston davlat konservatoriyasi faoliyatini yanada rivojlantirish va takomillashtirish chora-tadbirlari toʻgʻrisida”gi PQ-3178-son qaroriga asosan Konservatoriyaga tutash hududda qurilishi yakunlanayotgan Konservatoriya huzuridagi Musiqa sohasi pedagoglarini qayta tayyorlash va malakasini oshirish markazining oʻquv binosi va talabalar turar joyi operativ boshqaruv huquqi bilan Konservatoriyaga topshirilsin hamda mazkur obyektlarga Institut va ushbu markaz tekin foydalanish huquqi asosida joylashtirilsin.

11. Iqtisodiy taraqqiyot va kambagʻallikni qisqartirish vazirligi (A.M. Boboyev), Moliya vazirligi (T.A. Ishmetov) mazkur qarorning 10-bandi ikkinchi xatboshisida koʻrsatilgan obyektlarning qurilish-montaj va jihozlash ishlarini joriy yilda yakunlash uchun 2021-yilda Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturi doirasida oʻzlashtirilmagan va iqtisod qilingan mablagʻlarni qayta taqsimlash hisobidan mablagʻ ajratsin.

12. Institutga 3 ta, shu jumladan 1 ta shaxsan biriktirilgan, gastrol-konsert faoliyati uchun zarur boʻlgan 1 ta avtobus va 1 ta yuk tashuvchi avtotransport vositasini saqlash uchun limit ajratilsin.

13. Belgilab qoʻyilsinki, mazkur qarorda nazarda tutilgan xarajatlarni moliyalashtirish 2021-yilda respublika budjetidan birinchi darajali budjet mablagʻlarini taqsimlovchi sifatida Madaniyat vazirligiga ajratiladigan mablagʻlar doirasida, 2022-yildan boshlab esa Davlat budjeti parametrlarida nazarda tutiladi.

14. Madaniyat vazirligi (O.A. Nazarbekov) ikki oy muddatda:

Axborot texnologiyalari va kommunikatsiyalarini rivojlantirish vazirligi (Sh.M. Sadikov) bilan birgalikda onlayn maʼruza hamda masofaviy taʼlim texnologiyalarini joriy etish uchun Institutni telekommunikatsiya jihozlari va infratuzilma bilan taʼminlash, shuningdek, yuqori tezlikdagi Internet hamda “Elektron taʼlim” milliy tarmogʻiga belgilangan tartibda ulash choralarini koʻrsin;

qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

15. Mazkur qarorning ijrosini samarali tashkil qilishga masʼul va shaxsan javobgar etib madaniyat vaziri O.A. Nazarbekov hamda oliy va oʻrta maxsus taʼlim vaziri A.X. Toshkulov belgilansin.

Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari A.A. Abduxakimov, B.A. Musayev hamda Oʻzbekiston Respublikasi Prezidentining maslahatchisi A.A. Abduvaxitov zimmasiga yuklansin.

Oʻzbekiston Respublikasi Prezidentining 2021-yil 16-oktabrdagi PQ-5261-son qaroriga 1-ILOVA

T/r Taʼlim yoʻnalishi (mutaxassislik) nomi I. Bakalavriat taʼlim yoʻnalishlari 1. Professional taʼlim: vokal sanʼati (estrada xonandaligi) 2. Professional taʼlim: cholgʻu ijrochiligi (estrada cholgʻulari) 3. Dirijorlik: estrada orkestri dirijorligi 4. Vokal sanʼati: estrada xonandaligi 5. Cholgʻu ijrochiligi: estrada cholgʻulari 6. Texnogen sanʼat: musiqiy ovoz rejissorligi II. Magistratura mutaxassisliklari 7. Vokal sanʼati: estrada xonandaligi 8. Cholgʻu ijrochiligi: estrada cholgʻulari

Oʻzbekiston Respublikasi Prezidentining 2021-yil 16-oktabrdagi PQ-5261-son qaroriga 2-ILOVA

T/r Taʼlim yoʻnalishi (mutaxassislik) nomi I. Bakalavriat taʼlim yoʻnalishlari 1. Bastakorlik sanʼati 2. Sanʼatshunoslik: musiqashunoslik II. Magistratura mutaxassisliklari 3. Ovoz rejissorligi: musiqiy ovoz rejissorligi 4. Musiqa sanʼati

Oʻzbekiston Respublikasi Prezidenti Sh. MIRZIYOYEV

Toshkent sh.,

2021-yil 16-oktabr,

PQ-5261-son

(Qonunchilik maʼlumotlari milliy bazasi, 18.10.2021-y., 07/21/5261/0968-son)

lex.uz

Президента Республики Узбекистан

Постановление

ПЕРЕЧЕНЬ

О создании Института национального эстрадного искусства имени Батыра Закирова при Государственной консерватории Узбекистана

В целях создания школ национального эстрадного исполнительства, подготовки высококвалифицированных специалистов, ускоренного развития национального эстрадного искусства с эффективным использованием научного потенциала, а также в соответствии с постановлением Президента Республики Узбекистан от 2 декабря 2020 года № ПП-4908 «О широком праздновании 85-летия со дня рождения Народного артиста Узбекистана Батыра Закирова»:

1. Создать Институт национального эстрадного искусства имени Батыра Закирова при Государственной консерватории Узбекистана (далее — Институт).

2. Определить основными задачами Института:

подготовку квалифицированных специалистов и научно-педагогических кадров в направлении национальной эстрады, создание широких возможностей для их занятия научно-творческой деятельностью;

создание научно-методической литературы в направлении национальной эстрады, углубленное изучение творчества великих композиторов и бастакоров, певцов и музыкантов, а также переложение на ноты образцов национального эстрадного исполнительства;

проведение фундаментальных, практических и творческих изысканий и исследований в направлении национальной эстрады, возрождение и развитие своеобразных методов и традиций исполнительства творческих школ, сформированных в данной сфере;

переложение на ноты и широкое внедрение на практике образцов современных методов исполнительства национальной эстрады, углубленное изучение социально-исторических корней, научно-теоретических основ национальной эстрады и аспектов, связанных с национальными и общечеловеческими ценностями, с участием ученых и специалистов-исполнителей;

дальнейшее развитие национальной эстрады, поддержку и развитие деятельности исполнительских и творческих школ, сформированных в данной сфере;

создание «золотого фонда» современных образцов исполнительства в направлении национальной эстрады;

формирование в сознании народа, в частности молодого поколения, чувства национальной идентичности, высокого художественно-эстетического вкуса и мышления;

налаживание международного сотрудничества, взаимный обмен опытом, реализацию совместных образовательных программ и научных проектов с зарубежными образовательными учреждениями и организациями по направлениям эстрады.

3. Установить, что:

Институт является государственным высшим образовательным учреждением и осуществляет деятельность в составе Государственной консерватории Узбекистана (далее — Консерватория);

учебный процесс в Институте начинается с 2021/2022 учебного года, обучение ведется на основе государственного гранта и платного контракта;

с 2022/2023 учебного года параметры приема в Институт формируются исходя из ежегодно утверждаемых параметров государственного заказа приема на учебу в высшие образовательные учреждения республики в установленном порядке;

выпускникам Института выдается диплом государственного образца, который признается документом о высшем образовании;

на Институт также распространяются предельные нормативы соотношения численности студентов на одного преподавателя, установленные для Консерватории;

на профессоров-преподавателей и концертмейстеров Института распространяется порядок выплаты ежемесячного вознаграждения (надбавки) за выслугу лет в системе Министерства культуры;

на основании решения Совета Консерватории разрешается укрепление материально-технической базы Института за счет внебюджетных средств Консерватории, на основании решения Совета Института – укрепление материально-технической базы Консерватории за счет внебюджетных средств Института;

Институт имеет право безвозмездно пользоваться материально-технической базой Консерватории, Консерватория — безвозмездно пользоваться материально-технической базой Института.

4. Утвердить:

Перечень направлений образования бакалавриата и специальностей магистратуры, передаваемых начиная с 2021/2022 учебного года из Государственной консерватории Узбекистана Институту национального эстрадного искусства имени Батыра Закирова при Государственной консерватории Узбекистана, согласно приложению № 1 ;

Перечень новых направлений образования бакалавриата и специальностей магистратуры, открываемых в Институте национального эстрадного искусства имени Батыра Закирова при Государственной консерватории Узбекистана начиная с 2022/2023 учебного года, согласно приложению № 2 .

Государственной комиссии по приему на учебу в образовательные учреждения Республики Узбекистан в недельный срок утвердить параметры приема в Институт на 2021/2022 учебный год и организовать проведение регистрации абитуриентов в режиме онлайн.

Определить, что студенты 2 — 4-х курсов Консерватории, обучающиеся по направлениям образования бакалавриата и специальностям магистратуры, приведенным в приложении № 1 к настоящему постановлению, начиная с 2021/2022 учебного года продолжат обучение в Институте, по окончании которого им выдается диплом государственного образца.

5. Определить источниками финансирования деятельности Института:

средства Государственного бюджета Республики Узбекистан;

средства, поступающие от обучения студентов на основе платного контракта, ведения хозяйственной деятельности и оказания услуг на договорной основе;

благотворительные пожертвования физических и юридических лиц;

гранты международных финансовых организаций и иные источники, не запрещенные актами законодательства.

6. Министерству культуры (О.А. Назарбеков) и Консерватории (К.Т. Уринбаев) принять меры:

а) по утверждению:

Структуры Института по нормативам, установленным для высших образовательных учреждений;

Устава Института и его государственной регистрации в установленном порядке;

б) совместно с Министерством высшего и среднего специального образования (А.Х. Тошкулов):

в недельный срок по разработке, утверждению и взятию на контроль исполнения программы мер по организации и развитию деятельности Института, а также обеспечению нормативными документами его направлений образования бакалавриата и специальностей магистратуры;

по качественной организации учебного процесса на всех направлениях образования бакалавриата и специальностях магистратуры;

в) по укомплектованию начиная с 2021/2022 учебного года состава научно-педагогических кадров Института профессорами-преподавателями и научными работниками, осуществляющими деятельность в высших образовательных и научных организациях, системе Министерства культуры, в том числе повысившими квалификацию в зарубежных образовательных и научных учреждениях, а также из числа обладающих потенциалом специалистов-практиков данной сферы;

г) по проведению начиная с 2022/2023 учебного года уроков профессионального мастерства в детских школах музыки и искусства, специализированных школах культуры и искусства, школах-интернатах, колледжах культуры, музыки и искусства республики посредством закрепления ведущих профессоров-преподавателей Института, а также занимающихся творчеством известных творческих деятелей эстрады нашей страны.

7. Консерватории (К.Т. Уринбаев) оказывать содействие по:

качественной организации образовательной и научной деятельности с привлечением кадров, обладающих соответствующим потенциалом;

эффективному управлению образовательными, воспитательными, научными, методическими и творческими процессами;

внедрению современных педагогических технологий в образовательный процесс;

обеспечению учебниками, учебными пособиями, учебно-методическими материалами и информационными ресурсами;

повышению квалификации профессоров-преподавателей и проведению селекции талантливой молодежи;

созданию дополнительных условий для проведения научно-исследовательских работ и развитию направлений школы национальной эстрады.

8. Создать в Институте:

мемориальный комплекс и музей, посвященные памяти Батыра Закирова;

исполнительские школы «устоз — шогирд» известных представителей узбекской национальной эстрады;

современные творческие студии и информационно-ресурсный центр.

9. Министерству культуры (О.А. Назарбеков) совместно с Министерством туризма и спорта (А.А. Абдухакимов), Союзом композиторов и бастакоров Узбекистана (Р. Абдуллаев), Республиканским центром духовности и просветительства (М.М. Хожиматов), Общественным фондом имени Батыра Закирова, Союзом писателей Узбекистана (С.С. Саидов), Академией художеств (А.В. Нуридинов) и Агентством по делам молодежи (А.З. Саъдуллаев):

собрать в музее экспонаты, наглядно отображающие жизнь и творчество Батыра Закирова и творческой династии Закировых, развитие и широкую пропаганду на мировом уровне национального эстрадного искусства, образцы изобразительного искусства и литературных произведений, посвященные творчеству Батыра Закирова, организовывать в музее выставки-экспозиции на постоянной основе;

привлечь ярких представителей национальной эстрады к созданию в Институте исполнительских школ «устоз — шогирд», создать необходимые условия для осуществления ими эффективной деятельности;

обеспечить творческие студии необходимым современным оборудованием и техникой, информационно-ресурсный центр — учебниками по музыке, сборниками нот, а также учебной, научной и художественной литературой.

10. Временно разместить Институт в зданиях и сооружениях детской школы музыки и искусства № 3, расположенной по адресу: город Ташкент, Шайхантахурский район, массив Бешагач, улица Дархан, 157, на основе права безвозмездного пользования.

На основании постановления Президента Республики Узбекистан от 8 августа 2017 года № ПП-3178 «О мерах по дальнейшему развитию и совершенствованию деятельности Государственной консерватории Узбекистана» передать Консерватории учебное здание и место проживания студентов, строительство которых завершается, принадлежащих Центру по переподготовке и повышению квалификации педагогов музыкальной сферы при Консерватории, расположенных на территории, прилегающей к Консерватории, с правом оперативного управления, а также разместить на данных объектах Институт и указанный центр на основе права безвозмездного пользования.

11. Министерству экономического развития и сокращения бедности (А.М. Бобоев) и Министерству финансов (Т.А. Ишметов) в целях завершения в текущем году строительно-монтажных работ и работ по оснащению объектов, указанных в абзаце втором пункта 10 настоящего постановления, выделить средства за счет перераспределения средств, неосвоенных и сэкономленных в рамках Программы развития социальной и производственной инфраструктуры Республики Узбекистан на 2021 год.

12. Выделить Институту лимит на содержание трех единиц автотранспортных средств, включая одну единицу персонально закрепленного, один автобус и одну единицу грузового автотранспортного средства, для гастрольно-концертной деятельности.

13. Установить, что финансирование расходов, предусмотренных настоящим постановлением, производится в 2021 году в рамках средств, выделенных Министерству культуры из республиканского бюджета в качестве распределителя бюджетных средств первого уровня, с 2022 года — предусматривается в параметрах Государственного бюджета.

14. Министерству культуры (О.А. Назарбеков) в двухмесячный срок:

совместно с Министерством по развитию информационных технологий и коммуникаций (Ш.М. Садиков) в целях внедрения онлайн-лекций и дистанционных образовательных технологий принять меры по обеспечению Института телекоммуникационным оборудованием и инфраструктурой, а также его подключению к высокоскоростному интернету и Национальной сети «Электронное образование» в установленном порядке;

внести в Кабинет Министров предложения об изменениях и дополнениях в акты законодательства, вытекающих из настоящего постановления.

15. Возложить на министра культуры О.А. Назарбекова и министра высшего и среднего специального образования А.Х. Тошкулова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан А.А. Абдухакимова, Б.А. Мусаева и советника Президента Республики Узбекистан А.А. Абдувахитова.

ПРИЛОЖЕНИЕ № 1 к постановлению Президента Республики Узбекистан от 16 октября 2021 года № ПП-5261

направлений образования бакалавриата и специальностей магистратуры, передаваемых начиная с 2021/2022 учебного года из Государственной консерватории Узбекистана Институту национального эстрадного искусства имени Батыра Закирова при Государственной консерватории Узбекистана

№ Наименование направлений образования (специальностей) I. Направления образования бакалавриата 1. Профессиональное образование: вокальное искусство (эстрадное исполнительство) 2. Профессиональное образование: инструментальное исполнительство (эстрадные инструменты) 3. Дирижирование: дирижирование эстрадным оркестром 4. Вокальное искусство: эстрадное исполнительство 5. Инструментальное исполнительство: эстрадные инструменты 6. Техногенное искусство: музыкальная звукорежиссура II. Специальности магистратуры 7. Вокальное искусство: эстрадное исполнительство 8. Инструментальное исполнительство: эстрадные инструменты

ПРИЛОЖЕНИЕ № 2 к постановлению Президента Республики Узбекистан от 16 октября 2021 года № ПП-5261

новых направлений образования бакалавриата и специальностей магистратуры, открывающихся в Институте национального эстрадного искусства имени Батыра Закирова при Государственной консерватории Узбекистана начиная с 2022/2023 учебного года

№ Наименование направлений образования (специальностей) I. Направления образования бакалавриата 1. Композиторское искусство 2. Искусствоведение: музыковедение II. Специальности магистратуры 3. Звукорежиссура: музыкальная звукорежиссура 4. Музыкальное искусство

Президент Республики Узбекистан Ш. МИРЗИЁЕВ

г. Ташкент,

16 октября 2021 г.,

№ ПП-5261

(Национальная база данных законодательства, 18.10.2021 г., № 07/24/5261/0968)

lex.uz