📅 2021-yil 21-oktabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 21 октябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 21 октября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 21 October 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Аҳолини ижтимоий ҳимоя қилиш тизимини янада такомиллаштириш чора-тадбирлари тўғрисида
Ўзбекистон Республикаси Президентининг «Кам таъминланган оилаларга моддий ёрдам кўрсатиш ҳамда камбағаллик билан курашиш кўламини янада кенгайтириш чора-тадбирлари тўғрисида» 2021 йил 11 августдаги ПФ-6277-сон Фармони ижросини таъминлаш, шунингдек аҳолини ижтимоий ҳимоя қилиш тизимини янада такомиллаштириш мақсадида Вазирлар Маҳкамаси қарор қилади.
1 1 . Белгилансинки, пенсия ва нафақа олувчи фуқароларга уларнинг мобил алоқа воситаларига бепул қисқа СМС хабарлар юбориш орқали қуйидаги интерактив хизматлар кўрсатилади:
Ўзбекистон Республикаси Президентининг фармонлари ва қарорларига мувофиқ пенсия ва нафақалар оширилганлиги тўғрисида маълумот юбориш;
пенсия ва нафақа олувчига унинг пенсия ёки нафақаси банк картаси орқали ўтказилганлиги тўғрисида хабардор қилиш;
фуқароларга пенсия, нафақа ва бошқа тўловлар таъминоти тўғрисида маълумот юбориш;
пенсия ва нафақалар миқдори, тўлаш шакли ва тайинлаш муддатлари тўғрисида уларнинг шахсий сўровларига кўра маълум қисқа рақамларга маълумот бериш.
2. Ўзбекистон Республикаси Иқтисодиёт ва молия вазирлиги ҳузуридаги Кадастр агентлиги 2022 йил мартга қадар жисмоний шахсларнинг дала томорқа ер майдонлари рўйхати шакллантирилишини ва ушбу маълумотларнинг «Ижтимоий ҳимоя ягона реестри» ахборот тизимига тақдим этиб борилишини таъминласин.
3. Ўзбекистон Республикаси Адлия вазирлиги Олий суд ва Иқтисодиёт ва молия вазирлиги билан биргаликда 2022 йил 1 апрелдан бошлаб ФҲДЁнинг ягона электрон архиви ахборот тизимига ҳамда «Ижтимоий ҳимоя ягона реестри» ахборот тизимига судлар томонидан чиқарилган никоҳни бекор қилиш тўғрисидаги, ота-оналик ҳуқуқидан маҳрум этилганлик тўғрисидаги қарорлар Ўзбекистон Республикаси Олий судининг ахборот тизимидан онлайн режимда ушбу қарорлар чиқарилган кунда қабул қилинишини йўлга қўйиш тавсия этилсин.
Бунда, суднинг қарорларига мувофиқ болаларнинг ота, она ёки уларнинг ўрнини босувчи шахс қарамоғида қолдирилганлиги ҳамда ота-оналик ҳуқуқидан маҳрум этилган ота-оналар ва болалар тўғрисидаги маълумотлар бўйича ўзаро электрон ахборот алмашинуви таъминлансин.
4. Ўзбекистон Республикаси Иқтисодиёт ва молия вазирлиги ҳамда Камбағалликни қисқартириш ва бандлик вазирлигининг кам таъминланган оилалар ижтимоий ҳимоясини янада кучайтириш мақсадида «Ижтимоий ҳимоя ягона реестри» ахборот тизими орқали 2021 йил 1 сентябрга қадар тайинланган 14 ёшгача болалари бўлган оилаларга нафақа, бола икки ёшга тўлгунига қадар уни парвариш қилиш нафақаси ва кам таъминланган оилаларга моддий ёрдамни автоматик тарзда, кам таъминланган оилаларга моддий ёрдам кўрсатишнинг янги тартибига асосан нафақа миқдори ошиши назарда тутилган фуқаролардан қўшимча ариза ва ҳужжатлар талаб этмаган ҳолда, кам таъминланган оилаларга болалар нафақасига ўтказиш тўғрисидаги таклифлари маъқуллансин.
Бунда, 14 ёшгача болалари бўлган оилаларга нафақа, бола икки ёшга тўлгунига қадар уни парвариш қилиш нафақаси ҳамда кам таъминланган оилаларга моддий ёрдам миқдорлари оиладаги 18 ёшгача бўлган болалар сонини инобатга олган ва амалдаги тўлов муддатларидан келиб чиққан ҳолда қайта ҳисобланади.
6. Мазкур қарорнинг бажарилишини назорат қилиш Ўзбекистон Республикаси Бош вазирининг молия-иқтисодиёт ва камбағалликни қисқартириш масалалари бўйича ўринбосари — иқтисодий тараққиёт ва камбағалликни қисқартириш вазири Ж.А. Қўчқоров ҳамда молия вазири Т.А. Ишметов зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 21 октябрь,
654-сон
Oʻzbekiston Respublikasi Vazirlar Mahkamasining
qarori
Aholini ijtimoiy himoya qilish tizimini yanada takomillashtirish chora-tadbirlari toʻgʻrisida
Oʻzbekiston Respublikasi Prezidentining “Kam taʼminlangan oilalarga moddiy yordam koʻrsatish hamda kambagʻallik bilan kurashish koʻlamini yanada kengaytirish chora-tadbirlari toʻgʻrisida” 2021-yil 11-avgustdagi PF-6277-son Farmoni ijrosini taʼminlash, shuningdek aholini ijtimoiy himoya qilish tizimini yanada takomillashtirish maqsadida Vazirlar Mahkamasi qaror qiladi.
1 1 . Belgilansinki, pensiya va nafaqa oluvchi fuqarolarga ularning mobil aloqa vositalariga bepul qisqa SMS xabarlar yuborish orqali quyidagi interaktiv xizmatlar koʻrsatiladi:
Oʻzbekiston Respublikasi Prezidentining farmonlari va qarorlariga muvofiq pensiya va nafaqalar oshirilganligi toʻgʻrisida maʼlumot yuborish;
pensiya va nafaqa oluvchiga uning pensiya yoki nafaqasi bank kartasi orqali oʻtkazilganligi toʻgʻrisida xabardor qilish;
fuqarolarga pensiya, nafaqa va boshqa toʻlovlar taʼminoti toʻgʻrisida maʼlumot yuborish;
pensiya va nafaqalar miqdori, toʻlash shakli va tayinlash muddatlari toʻgʻrisida ularning shaxsiy soʻrovlariga koʻra maʼlum qisqa raqamlarga maʼlumot berish.
2. Oʻzbekiston Respublikasi Iqtisodiyot va moliya vazirligi huzuridagi Kadastr agentligi 2022-yil martga qadar jismoniy shaxslarning dala tomorqa yer maydonlari roʻyxati shakllantirilishini va ushbu maʼlumotlarning “Ijtimoiy himoya yagona reyestri” axborot tizimiga taqdim etib borilishini taʼminlasin.
3. Oʻzbekiston Respublikasi Adliya vazirligi Oliy sud va Iqtisodiyot va moliya vazirligi bilan birgalikda 2022-yil 1-apreldan boshlab FHDYning yagona elektron arxivi axborot tizimiga hamda “Ijtimoiy himoya yagona reyestri” axborot tizimiga sudlar tomonidan chiqarilgan nikohni bekor qilish toʻgʻrisidagi, ota-onalik huquqidan mahrum etilganlik toʻgʻrisidagi qarorlar Oʻzbekiston Respublikasi Oliy sudining axborot tizimidan onlayn rejimda ushbu qarorlar chiqarilgan kunda qabul qilinishini yoʻlga qoʻyish tavsiya etilsin.
Bunda, sudning qarorlariga muvofiq bolalarning ota, ona yoki ularning oʻrnini bosuvchi shaxs qaramogʻida qoldirilganligi hamda ota-onalik huquqidan mahrum etilgan ota-onalar va bolalar toʻgʻrisidagi maʼlumotlar boʻyicha oʻzaro elektron axborot almashinuvi taʼminlansin.
4. Oʻzbekiston Respublikasi Iqtisodiyot va moliya vazirligi hamda Kambagʻallikni qisqartirish va bandlik vazirligining kam taʼminlangan oilalar ijtimoiy himoyasini yanada kuchaytirish maqsadida “Ijtimoiy himoya yagona reyestri” axborot tizimi orqali 2021-yil 1-sentabrga qadar tayinlangan 14 yoshgacha bolalari boʻlgan oilalarga nafaqa, bola ikki yoshga toʻlguniga qadar uni parvarish qilish nafaqasi va kam taʼminlangan oilalarga moddiy yordamni avtomatik tarzda, kam taʼminlangan oilalarga moddiy yordam koʻrsatishning yangi tartibiga asosan nafaqa miqdori oshishi nazarda tutilgan fuqarolardan qoʻshimcha ariza va hujjatlar talab etmagan holda, kam taʼminlangan oilalarga bolalar nafaqasiga oʻtkazish toʻgʻrisidagi takliflari maʼqullansin.
Bunda, 14 yoshgacha bolalari boʻlgan oilalarga nafaqa, bola ikki yoshga toʻlguniga qadar uni parvarish qilish nafaqasi hamda kam taʼminlangan oilalarga moddiy yordam miqdorlari oiladagi 18 yoshgacha boʻlgan bolalar sonini inobatga olgan va amaldagi toʻlov muddatlaridan kelib chiqqan holda qayta hisoblanadi.
6. Mazkur qarorning bajarilishini nazorat qilish Oʻzbekiston Respublikasi Bosh vazirining moliya-iqtisodiyot va kambagʻallikni qisqartirish masalalari boʻyicha oʻrinbosari — iqtisodiy taraqqiyot va kambagʻallikni qisqartirish vaziri J.A. Qoʻchqorov hamda moliya vaziri T.A. Ishmetov zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 21-oktabr,
654-son