📅 2021-yil 2-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 2 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 ноября 2021 г. · Постановления Президента
Официальный текст. Официальный документ. Редакционные примечания не включены.
📅 2 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Қишлоқ хўжалигини давлат томонидан қўллаб-қувватлаш харажатларини молиялаштиришнинг узлуксизлигини таъминлаш тўғрисида
Қишлоқ хўжалигида ислоҳотларни янги сифат босқичига олиб чиқиш, аҳолининг озиқ-овқат хавфсизлигини таъминлаш, қишлоқ хўжалиги маҳсулотлари етиштиришнинг барча ташкилий бўғинлари ва босқичларини узлуксиз молиялаштириш, Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармасининг ресурс базасини мустаҳкамлаш мақсадида:
1. Қишлоқ хўжалигини давлат томонидан қўллаб-қувватлаш билан боғлиқ харажатларни молиялаштириш учун Тикланиш ва тараққиёт жамғармаси ҳисобидан Молия вазирлигига Қишлоқ хўжалигини давлат томонидан қўллаб-қувватлаш жамғармаси учун 100 миллион АҚШ доллари эквивалентидаги маблағлар миллий валютада 5 йил муддатга фоизсиз ажратилсин.
2. Бош вазир ўринбосарлари Ж.А. Қўчқоров ва Ш.М. Ғаниев Қишлоқ хўжалигини давлат томонидан қўллаб-қувватлаш жамғармаси ҳисобидан қишлоқ хўжалиги маҳсулотларини етиштириш, қайта ишлаш ва қишлоқ хўжалиги техникаси паркини янгилаш билан боғлиқ тадбирларнинг ўз вақтида молиялаштирилишини таъминласин.
3. Ўзбекистон Республикаси Президентининг айрим қарорларига иловага мувофиқ ўзгартиришлар киритилсин.
4. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 2 ноябрдаги ПҚ-5272-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2021 йил 27 мартдаги «Оилавий тадбиркорликни ривожлантириш дастурлари доирасида амалга ошириладиган қўшимча чора-тадбирлар тўғрисида»ги ПҚ-5041-сон қарорининг 5-банди қуйидаги таҳрирда баён этилсин:
«5. Молия вазирлиги мазкур қарорнинг 4-банди асосида Тикланиш ва тараққиёт жамғармаси томонидан ажратиладиган 1,5 трлн сўм кредит ресурсларининг тижорат банклари томонидан қайтарилмаган қисмида Ўзбекистон Республикаси республика бюджети ҳисобидан 2026 йилда қопланишини таъминласин.
Бунда, Тикланиш ва тараққиёт жамғармасига қопланган маблағлар миқдоридаги ваколатли банкларнинг мажбуриятлари Молия вазирлиги фойдасига қайта расмийлаштирилади».
2. Ўзбекистон Республикаси Президентининг 2021 йил 26 майдаги «Ҳудудларда мактабгача таълим хизматларини кенгайтириш бўйича қўшимча чора-тадбирлар тўғрисида»ги ПҚ-5125-сон қарорининг 2-бандида :
иккинчи хатбошидаги «2022-2023 йилларда» сўзлари «2026 йилда» сўзлари билан алмаштирилсин;
учинчи хатбошидаги «давлат активларини хусусийлаштиришдан тушадиган даромадлар» сўзлари «Ўзбекистон Республикаси республика бюджети маблағлари» сўзлари билан алмаштирилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 2 ноябрь,
ПҚ-5272-сон
Oʻzbekiston Respublikasi Prezidentining
Qarori
Qishloq xoʻjaligini davlat tomonidan qoʻllab-quvvatlash xarajatlarini moliyalashtirishning uzluksizligini taʼminlash toʻgʻrisida
Qishloq xoʻjaligida islohotlarni yangi sifat bosqichiga olib chiqish, aholining oziq-ovqat xavfsizligini taʼminlash, qishloq xoʻjaligi mahsulotlari yetishtirishning barcha tashkiliy boʻgʻinlari va bosqichlarini uzluksiz moliyalashtirish, Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasining resurs bazasini mustahkamlash maqsadida:
1. Qishloq xoʻjaligini davlat tomonidan qoʻllab-quvvatlash bilan bogʻliq xarajatlarni moliyalashtirish uchun Tiklanish va taraqqiyot jamgʻarmasi hisobidan Moliya vazirligiga Qishloq xoʻjaligini davlat tomonidan qoʻllab-quvvatlash jamgʻarmasi uchun 100 million AQSH dollari ekvivalentidagi mablagʻlar milliy valyutada 5 yil muddatga foizsiz ajratilsin.
2. Bosh vazir oʻrinbosarlari J.A. Qoʻchqorov va Sh.M. Gʻaniyev Qishloq xoʻjaligini davlat tomonidan qoʻllab-quvvatlash jamgʻarmasi hisobidan qishloq xoʻjaligi mahsulotlarini yetishtirish, qayta ishlash va qishloq xoʻjaligi texnikasi parkini yangilash bilan bogʻliq tadbirlarning oʻz vaqtida moliyalashtirilishini taʼminlasin.
3. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar kiritilsin.
4. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 2-noyabrdagi PQ-5272-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2021-yil 27-martdagi “Oilaviy tadbirkorlikni rivojlantirish dasturlari doirasida amalga oshiriladigan qoʻshimcha chora-tadbirlar toʻgʻrisida”gi PQ-5041-son qarorining 5-bandi quyidagi tahrirda bayon etilsin:
“5. Moliya vazirligi mazkur qarorning 4-bandi asosida Tiklanish va taraqqiyot jamgʻarmasi tomonidan ajratiladigan 1,5 trln soʻm kredit resurslarining tijorat banklari tomonidan qaytarilmagan qismida Oʻzbekiston Respublikasi respublika budjeti hisobidan 2026-yilda qoplanishini taʼminlasin.
Bunda, Tiklanish va taraqqiyot jamgʻarmasiga qoplangan mablagʻlar miqdoridagi vakolatli banklarning majburiyatlari Moliya vazirligi foydasiga qayta rasmiylashtiriladi”.
2. Oʻzbekiston Respublikasi Prezidentining 2021-yil 26-maydagi “Hududlarda maktabgacha taʼlim xizmatlarini kengaytirish boʻyicha qoʻshimcha chora-tadbirlar toʻgʻrisida”gi PQ-5125-son qarorining 2-bandida :
ikkinchi xatboshidagi “2022-2023-yillarda” soʻzlari “2026-yilda” soʻzlari bilan almashtirilsin;
uchinchi xatboshidagi “davlat aktivlarini xususiylashtirishdan tushadigan daromadlar” soʻzlari “Oʻzbekiston Respublikasi respublika budjeti mablagʻlari” soʻzlari bilan almashtirilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 2-noyabr,
PQ-5272-son
Президента Республики Узбекистан
Постановление
Об обеспечении непрерывности финансирования расходов государственной поддержки сельского хозяйства
В целях поднятия на качественно новый уровень реформ в сельском хозяйстве, обеспечения продовольственной безопасности населения, непрерывного финансирования всех организационных звеньев и этапов производства сельскохозяйственной продукции, укрепления ресурсной базы Фонда государственной поддержки сельского хозяйства при Министерстве финансов:
1. Выделить Министерству финансов для Фонда государственной поддержки сельского хозяйства средства в эквиваленте 100 миллионов долларов США в национальной валюте за счет Фонда реконструкции и развития сроком на 5 лет на беспроцентной основе для финансирования расходов, связанных с государственной поддержкой сельского хозяйства.
2. Заместителям Премьер-министра Д.А. Кучкарову и Ш.М. Ганиеву обеспечить своевременное финансирование мероприятий, связанных с производством, переработкой сельхозпродукции и обновлением парка сельскохозяйственной техники за счет Фонда государственной поддержки сельского хозяйства.
3. Внести изменения в некоторые постановления Президента Республики Узбекистан согласно приложению .
4. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 2 ноября 2021 года № ПП-5272
Изменения, вносимые в некоторые постановления Президента Республики Узбекистан
1. Пункт 5 постановления Президента Республики Узбекистан от 27 марта 2021 года № ПП-5041 «О дополнительных мерах, осуществляемых в рамках программ развития семейного предпринимательства» изложить в следующей редакции:
«5. Министерству финансов обеспечить в 2026 году возмещение 1,5 трлн сумов кредитных ресурсов, выделяемых Фондом реконструкции и развития на основе пункта 4 настоящего постановления, за счет республиканского бюджета Республики Узбекистан по невозвращенной части коммерческими банками.
При этом обязательства уполномоченных банков в размере покрытых средств перед Фондом реконструкции и развития переоформляются в пользу Министерства финансов».
2. В пункте 2 постановления Президента Республики Узбекистан от 26 мая 2021 года № ПП-5125 «О дополнительных мерах по расширению дошкольных образовательных услуг в регионах»:
в абзаце втором слова «в 2022-2023 годах» заменить словами «в 2026 году»;
в абзаце третьем слова «доходов, поступающих от приватизации государственных активов,» заменить словами «средств республиканского бюджета Республики Узбекистан».
Президент Республики Узбекистан Ш. МИРЗИЁЕВ
г. Ташкент,
2 ноября 2021 г.,
№ ПП-5272