📅 2021-yil 2-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 2 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 ноября 2021 г. · Постановления Президента
Официальный текст. Официальный документ. Редакционные примечания не включены.
📅 2 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ўзбекистон Республикаси Президентининг айрим қарорларига ўзгартиришлар ва қўшимча киритиш тўғрисида
Ўзбекистон Республикаси Президентининг 2020 йил 9 январдаги «Ўзбекистон Республикасининг 2020 — 2022 йилларга мўлжалланган Инвестиция дастурини амалга ошириш чора-тадбирлари тўғрисида»ги ПҚ-4563-сон қарорига мувофиқ ҳамда Ўзбекистон Республикаси Давлат чегараси орқали автомобиль ўтказиш пунктларида транспорт воситаларининг рухсат этилган вазн ва габарит параметрларига риоя этилиши устидан замонавий ва самарали назоратни ташкил этиш мақсадида:
1. Ўзбекистон Республикаси Президентининг айрим қарорларига иловага мувофиқ ўзгартиришлар ва қўшимча киритилсин.
2. Транспорт вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
3. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 2 ноябрдаги ПҚ-5273-сон қарорига ИЛОВА
Ўзбекистон Республикаси Президентининг айрим қарорларига киритилаётган ўзгартиришлар ва қўшимча
1. Ўзбекистон Республикаси Президентининг 2011 йил 28 декабрдаги «Саудия тараққиёт жамғармаси ва Қувайт араб иқтисодий тараққиёт жамғармаси иштирокида «4Р87 Ғузор-Чим-Кўкдала автомобиль йўлини реконструкция қилиш» лойиҳасини амалга ошириш чора-тадбирлари тўғрисида»ги ПҚ-1671-сон қарорига 1-илованинг рус тилидаги матни 8-банди «Всего*» устунидаги «100» рақами «126» рақами билан алмаштирилсин.
2. Ўзбекистон Республикаси Президентининг 2017 йил 26 майдаги «Ислом тараққиёт банки иштирокида «М39 Тошкент-Термиз автомобиль йўлини реконструкция қилиш» ҳамда «Саудия тараққиёт жамғармаси ва Қувайт араб иқтисодий тараққиёт жамғармаси иштирокида «4Р87 Ғузор-Чим-Кўкдала автомобиль йўлини реконструкция қилиш» лойиҳаларини амалга оширишни жадаллаштириш бўйича қўшимча чора-тадбирлар тўғрисида»ги ПҚ-3011-сон қарорининг рус тилидаги матни 2-бандидаги «1 ноября 2020 года» сўзлари «1 июля 2022 года» сўзлари билан алмаштирилсин.
3. Ўзбекистон Республикаси Президентининг 2019 йил 9 декабрдаги «Йўл соҳасини бошқариш тизимини янада такомиллаштиришга оид чора-тадбирлар тўғрисида»ги ПҚ-4545-сон қарорида :
а) 3-банднинг иккинчи хатбошиси қуйидаги таҳрирда баён этилсин:
«республика ҳудудида (Давлат чегараси орқали ўтказиш пунктлари бундан мустасно) автотранспорт воситаларининг рухсат этилган вазн ва габарит параметрларини назорат қилиш, шунингдек, автомобиль йўллари бўйлаб оғир вазнли ва/ёки йирик габаритли автотранспорт воситаларининг ҳаракатланиши учун йиғимлар ундириш ва рухсатномалар бериш Қўмита томонидан амалга оширилади»;
б) қуйидаги мазмундаги 3 1 -банд билан тўлдирилсин:
«3 1 . Белгилансинки:
а) Ўзбекистон Республикасининг Давлат чегараси орқали ўтказиш пунктларида чет давлатлар автотранспорт воситаларининг, шу жумладан республикага кириб келаётган оғир вазнли ва/ёки йирик габаритли транспорт воситаларининг Ўзбекистон Республикаси ҳудудига кириши ва унинг ҳудуди орқали транзит ўтиши учун йиғимлар ва тўловлар амалга оширилиши, шунингдек, ташувчилар томонидан транспорт воситаларининг рухсат этилган вазн ва габарит параметрларига риоя этилиши устидан назорат божхона органлари томонидан амалга оширилади;
б) 2021 йил 1 декабрдан бошлаб Ўзбекистон Республикаси ҳудудига чет давлатлар автотранспорт воситаларининг кирганлиги ва унинг ҳудуди орқали транзит ўтиши учун йиғим суммаси қуйидаги тартибда тақсимланади:
70 фоизи — Ўзбекистон Республикаси давлат бюджетига;
20 фоизи — Ўзбекистон Республикаси Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва қўллаб-қувватлаш жамғармасига;
10 фоизи — Давлат чегараси орқали автомобиль ўтказиш пунктларида автотранспорт воситаларининг вазн ва габарит параметрларини қайд этувчи (ҳар бир ўққа тушадиган оғирликни аниқлаш имкониятига эга) махсус автоматлаштирилган ўлчаш воситалари билан жиҳозланган замонавий назоратни ташкил этиш ҳамда ушбу божхона постлари ҳудудидаги ички автомобиль йўлларини тегишли ҳолатда сақлаш учун мақсадли йўналтирилган ҳолда божхона органларининг бюджетдан ташқари жамғармасига».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 2 ноябрь,
ПҚ-5273-сон
Oʻzbekiston Respublikasi Prezidentining
Qarori
Oʻzbekiston Respublikasi Prezidentining ayrim qarorlariga oʻzgartirishlar va qoʻshimcha kiritish toʻgʻrisida
Oʻzbekiston Respublikasi Prezidentining 2020-yil 9-yanvardagi “Oʻzbekiston Respublikasining 2020 — 2022-yillarga moʻljallangan Investitsiya dasturini amalga oshirish chora-tadbirlari toʻgʻrisida”gi PQ-4563-son qaroriga muvofiq hamda Oʻzbekiston Respublikasi Davlat chegarasi orqali avtomobil oʻtkazish punktlarida transport vositalarining ruxsat etilgan vazn va gabarit parametrlariga rioya etilishi ustidan zamonaviy va samarali nazoratni tashkil etish maqsadida:
1. Oʻzbekiston Respublikasi Prezidentining ayrim qarorlariga ilovaga muvofiq oʻzgartirishlar va qoʻshimcha kiritilsin.
2. Transport vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 2-noyabrdagi PQ-5273-son qaroriga ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2011-yil 28-dekabrdagi “Saudiya taraqqiyot jamgʻarmasi va Quvayt arab iqtisodiy taraqqiyot jamgʻarmasi ishtirokida “4R87 Gʻuzor-Chim-Koʻkdala avtomobil yoʻlini rekonstruksiya qilish” loyihasini amalga oshirish chora-tadbirlari toʻgʻrisida”gi PQ-1671-son qaroriga 1-ilovaning rus tilidagi matni 8-bandi “Vsego*” ustunidagi “100” raqami “126” raqami bilan almashtirilsin.
2. Oʻzbekiston Respublikasi Prezidentining 2017-yil 26-maydagi “Islom taraqqiyot banki ishtirokida “M39 Toshkent-Termiz avtomobil yoʻlini rekonstruksiya qilish” hamda “Saudiya taraqqiyot jamgʻarmasi va Quvayt arab iqtisodiy taraqqiyot jamgʻarmasi ishtirokida “4R87 Gʻuzor-Chim-Koʻkdala avtomobil yoʻlini rekonstruksiya qilish” loyihalarini amalga oshirishni jadallashtirish boʻyicha qoʻshimcha chora-tadbirlar toʻgʻrisida”gi PQ-3011-son qarorining rus tilidagi matni 2-bandidagi “1-noyabrya 2020 goda” soʻzlari “1-iyulya 2022 goda” soʻzlari bilan almashtirilsin.
3. Oʻzbekiston Respublikasi Prezidentining 2019-yil 9-dekabrdagi “Yoʻl sohasini boshqarish tizimini yanada takomillashtirishga oid chora-tadbirlar toʻgʻrisida”gi PQ-4545-son qarorida :
a) 3-bandning ikkinchi xatboshisi quyidagi tahrirda bayon etilsin:
“respublika hududida (Davlat chegarasi orqali oʻtkazish punktlari bundan mustasno) avtotransport vositalarining ruxsat etilgan vazn va gabarit parametrlarini nazorat qilish, shuningdek, avtomobil yoʻllari boʻylab ogʻir vaznli va/yoki yirik gabaritli avtotransport vositalarining harakatlanishi uchun yigʻimlar undirish va ruxsatnomalar berish Qoʻmita tomonidan amalga oshiriladi”;
b) quyidagi mazmundagi 3 1 -band bilan toʻldirilsin:
“3 1 . Belgilansinki:
a) Oʻzbekiston Respublikasining Davlat chegarasi orqali oʻtkazish punktlarida chet davlatlar avtotransport vositalarining, shu jumladan respublikaga kirib kelayotgan ogʻir vaznli va/yoki yirik gabaritli transport vositalarining Oʻzbekiston Respublikasi hududiga kirishi va uning hududi orqali tranzit oʻtishi uchun yigʻimlar va toʻlovlar amalga oshirilishi, shuningdek, tashuvchilar tomonidan transport vositalarining ruxsat etilgan vazn va gabarit parametrlariga rioya etilishi ustidan nazorat bojxona organlari tomonidan amalga oshiriladi;
b) 2021-yil 1-dekabrdan boshlab Oʻzbekiston Respublikasi hududiga chet davlatlar avtotransport vositalarining kirganligi va uning hududi orqali tranzit oʻtishi uchun yigʻim summasi quyidagi tartibda taqsimlanadi:
70 foizi — Oʻzbekiston Respublikasi davlat budjetiga;
20 foizi — Oʻzbekiston Respublikasi Transport vazirligi huzuridagi Avtomobil yoʻllari qoʻmitasi faoliyatini rivojlantirish va qoʻllab-quvvatlash jamgʻarmasiga;
10 foizi — Davlat chegarasi orqali avtomobil oʻtkazish punktlarida avtotransport vositalarining vazn va gabarit parametrlarini qayd etuvchi (har bir oʻqqa tushadigan ogʻirlikni aniqlash imkoniyatiga ega) maxsus avtomatlashtirilgan oʻlchash vositalari bilan jihozlangan zamonaviy nazoratni tashkil etish hamda ushbu bojxona postlari hududidagi ichki avtomobil yoʻllarini tegishli holatda saqlash uchun maqsadli yoʻnaltirilgan holda bojxona organlarining budjetdan tashqari jamgʻarmasiga”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 2-noyabr,
PQ-5273-son
Президента Республики Узбекистан
Постановление
О внесении изменений и дополнения в некоторые постановления Президента Республики Узбекистан
В соответствии с постановлением Президента Республики Узбекистан от 9 января 2020 года № ПП-4563 «О мерах по реализации Инвестиционной программы Республики Узбекистан на 2020 — 2022 годы», а также в целях организации современного и эффективного контроля за соблюдением допустимых весогабаритных параметров транспортных средств в автомобильных пунктах пропуска через Государственную границу Республики Узбекистан:
1. Внести изменения и дополнение в некоторые постановления Президента Республики Узбекистан согласно приложению .
2. Министерству транспорта совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
3. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 2 ноября 2021 года № ПП-5273
Изменения и дополнение, вносимые в некоторые постановления Президента Республики Узбекистан
1. В графе «Всего*» пункта 8 приложения № 1 к постановлению Президента Республики Узбекистан от 28 декабря 2011 года № ПП-1671 «О мерах по реализации проекта «Реконструкция автодороги 4Р87 Гузар-Чим-Кукдала» с участием Саудовского фонда развития и Кувейтского фонда арабского экономического развития» цифру «100» заменить цифрой «126».
2. В пункте 2 постановления Президента Республики Узбекистан от 26 мая 2017 года № ПП-3011 «О дополнительных мерах по ускорению реализации проектов «Реконструкция автодороги М39 Ташкент-Термез» с участием Исламского банка развития и «Реконструкция автодороги 4Р87 Гузар-Чим-Кукдала» с участием Саудовского фонда развития и Кувейтского фонда арабского экономического развития» слова «до 1 ноября 2020 года» заменить словами «до 1 июля 2022 года».
3. В постановлении Президента Республики Узбекистан от 9 декабря 2019 года № ПП-4545 «О мерах по дальнейшему совершенствованию системы управления дорожной отраслью»:
а) абзац второй пункта 3 изложить в следующей редакции:
«на территории республики (за исключением пунктов пропуска через Государственную границу) контроль за соблюдением допустимых весогабаритных параметров автотранспортных средств, а также взимание сборов и выдачу разрешений на передвижение по автомобильным дорогам тяжеловесных и (или) крупногабаритных автотранспортных средств осуществляет Комитет»;
б) дополнить пунктом 3 1 следующего содержания:
«3 1 . Установить, что:
а) в пунктах пропуска через Государственную границу Республики Узбекистан таможенные органы осуществляют контроль за уплатой сборов и платежей за въезд на территорию и транзит по территории Республики Узбекистан автотранспортных средств иностранных государств, в том числе въезжающих в республику тяжеловесных и/или крупногабаритных транспортных средств, а также контроль за соблюдением перевозчиками допустимых весогабаритных параметров транспортных средств;
б) с 1 декабря 2021 года сумма сборов за въезд на территорию и транзит по территории Республики Узбекистан автотранспортных средств иностранных государств распределяется в следующем порядке:
70 процентов — в Государственный бюджет Республики Узбекистан;
20 процентов — в Фонд развития и поддержки деятельности Комитета по автомобильным дорогам при Министерстве транспорта Республики Узбекистан;
10 процентов — во внебюджетный фонд таможенных органов с целевым направлением на организацию в автомобильных пунктах пропуска через Государственную границу современного контроля, оснащенного специальными автоматизированными измерительными средствами (с возможностью определения поосного измерения веса), определяющими весовые и габаритные параметры автотранспортных средств, а также на содержание внутренних автомобильных дорог на территории данных таможенных постов в надлежащем состоянии».
Президент Республики Узбекистан Ш. МИРЗИЁЕВ
г. Ташкент,
2 ноября 2021 г.,
№ ПП-5273