📅 2021-yil 2-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 2 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 ноября 2021 г. · Постановления Президента
Официальный текст. Официальный документ. Редакционные примечания не включены.
📅 2 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Маҳаллий ва хорижий инвесторлар томонидан солиқларни тўлашни кечиктириш механизмларини такомиллаштириш тўғрисида
Республикамизда инвестицион муҳитни янада яхшилаш, маҳаллий ва хорижий инвесторларга қулай шарт-шароитлар яратиш, шунингдек, тадбиркорларнинг муаммо ва таклифларини бевосита ўрганиш ҳамда тадбиркорликни келгусида ривожлантиришнинг асосий йўналишларини белгилаб олиш бўйича 2021 йил 20 август куни ўтказилган Ўзбекистон Республикаси Президентининг тадбиркорлар билан очиқ мулоқоти доирасида белгиланган масалалар ижросини таъминлаш мақсадида:
1. 2022 йил 1 январдан бошлаб тадбиркорлик субъектларига (бундан давлат улуши 50 фоиздан юқори бўлган корхоналар, ер қаъридан фойдаланувчилар ва акциз ости маҳсулотлари ишлаб чиқарувчилар мустасно) умумий майдони 1 000 квадрат метрдан ортиқ бўлган ер участкаларига ва (ёки) бино ва иншоотларга нисбатан мулк ҳуқуқини қўлга киритганда мол-мулк солиғи ва ер солиғи бўйича ҳисобланган солиқларни тўлашни олти ой муддатга кечиктириш ҳуқуқи берилсин.
Бунда, кечиктирилган солиқлар суммаси давлат рўйхатидан ўтказилган ер участкалари, бино ва иншоотлар қийматидан келиб чиқиб ҳисобланган солиқлар миқдорида белгиланади.
2. Шундай тартиб ўрнатилсинки, унга мувофиқ мазкур қарорнинг 1-бандида назарда тутилган ҳуқуқий нормалар доирасида:
солиқларни тўлашни кечиктириш ҳуқуқи ер участкалари, бино ва иншоотларга бўлган мулк ҳуқуқи давлат рўйхатидан ўтказилган кундан бошлаб уч ой муддат ичида давлат солиқ хизмати органларини хабардор қилган ва унинг тўланишини таъминлаш (гаров) талаб этилмаган ҳолда амалга оширилади;
солиқларни тўлашни кечиктиришнинг амал қилиш муддати давлат солиқ хизмати органларига белгиланган тартибда хабарнома юборилган кундан бошлаб ҳисобланади ҳамда унинг тугаган санасидан бошлаб кечиктирилган солиқ суммаси ҳисобланган фоизлар билан бирга тенг улушларда бир йил давомида тўлаб берилади. Бунда, солиқ тўлаш муддатларини ўзгартириш имкониятини беришдан фойдаланганлик учун фоизлар солиқлар кечиктирилган санадан бошлаб Марказий банк асосий ставкасининг 50 фоизи миқдорида ҳисобланади;
ер участкаси ва (ёки) бино ва иншоотлар солиқ тўловларини кечиктириш муддати давомида реализация қилинган ёки ижарага берилган тақдирда, мол-мулк солиғи ва ер солиғи бўйича кечиктириш муддати давомида ҳисобланган солиқ суммаси тўлиқ миқдорда ундирилади;
солиқ қонунчилигини бузиш хавфи юқори бўлган солиқ тўловчилар гуруҳига киритилган тадбиркорлик субъектларига солиқларни тўлашни кечиктириш тақдим этилмайди.
3. Белгилансинки, мазкур қарорда назарда тутилган солиқларни тўлашни кечиктириш муддати тугаганидан сўнг, тадбиркорлик субъектларига солиқларни кечиктириш ёки бўлиб-бўлиб тўлаш юзасидан белгиланган тартибда маҳаллий давлат ҳокимияти органларига мурожаат қилиш ҳуқуқи сақлаб қолинади.
4. Давлат солиқ қўмитаси Молия вазирлиги билан биргаликда икки ой муддатда манфаатдор вазирлик ва идоралар билан биргаликда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
5. Мазкур қарор ижросини самарали ташкил қилишга масъул ва шахсий жавобгар этиб Давлат солиқ қўмитаси раиси Ш.Д. Кудбиев белгилансин.
Қарор ижросини назорат қилиш Ўзбекистон Республикаси Бош вазирининг ўринбосари Ж.А. Қўчқоров зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 2 ноябрь,
ПҚ-5274-сон
Oʻzbekiston Respublikasi Prezidentining
Qarori
Mahalliy va xorijiy investorlar tomonidan soliqlarni toʻlashni kechiktirish mexanizmlarini takomillashtirish toʻgʻrisida
Respublikamizda investitsion muhitni yanada yaxshilash, mahalliy va xorijiy investorlarga qulay shart-sharoitlar yaratish, shuningdek, tadbirkorlarning muammo va takliflarini bevosita oʻrganish hamda tadbirkorlikni kelgusida rivojlantirishning asosiy yoʻnalishlarini belgilab olish boʻyicha 2021-yil 20-avgust kuni oʻtkazilgan Oʻzbekiston Respublikasi Prezidentining tadbirkorlar bilan ochiq muloqoti doirasida belgilangan masalalar ijrosini taʼminlash maqsadida:
1. 2022-yil 1-yanvardan boshlab tadbirkorlik subyektlariga (bundan davlat ulushi 50 foizdan yuqori boʻlgan korxonalar, yer qaʼridan foydalanuvchilar va aksiz osti mahsulotlari ishlab chiqaruvchilar mustasno) umumiy maydoni 1 000 kvadrat metrdan ortiq boʻlgan yer uchastkalariga va (yoki) bino va inshootlarga nisbatan mulk huquqini qoʻlga kiritganda mol-mulk soligʻi va yer soligʻi boʻyicha hisoblangan soliqlarni toʻlashni olti oy muddatga kechiktirish huquqi berilsin.
Bunda, kechiktirilgan soliqlar summasi davlat roʻyxatidan oʻtkazilgan yer uchastkalari, bino va inshootlar qiymatidan kelib chiqib hisoblangan soliqlar miqdorida belgilanadi.
2. Shunday tartib oʻrnatilsinki, unga muvofiq mazkur qarorning 1-bandida nazarda tutilgan huquqiy normalar doirasida:
soliqlarni toʻlashni kechiktirish huquqi yer uchastkalari, bino va inshootlarga boʻlgan mulk huquqi davlat roʻyxatidan oʻtkazilgan kundan boshlab uch oy muddat ichida davlat soliq xizmati organlarini xabardor qilgan va uning toʻlanishini taʼminlash (garov) talab etilmagan holda amalga oshiriladi;
soliqlarni toʻlashni kechiktirishning amal qilish muddati davlat soliq xizmati organlariga belgilangan tartibda xabarnoma yuborilgan kundan boshlab hisoblanadi hamda uning tugagan sanasidan boshlab kechiktirilgan soliq summasi hisoblangan foizlar bilan birga teng ulushlarda bir yil davomida toʻlab beriladi. Bunda, soliq toʻlash muddatlarini oʻzgartirish imkoniyatini berishdan foydalanganlik uchun foizlar soliqlar kechiktirilgan sanadan boshlab Markaziy bank asosiy stavkasining 50 foizi miqdorida hisoblanadi;
yer uchastkasi va (yoki) bino va inshootlar soliq toʻlovlarini kechiktirish muddati davomida realizatsiya qilingan yoki ijaraga berilgan taqdirda, mol-mulk soligʻi va yer soligʻi boʻyicha kechiktirish muddati davomida hisoblangan soliq summasi toʻliq miqdorda undiriladi;
soliq qonunchiligini buzish xavfi yuqori boʻlgan soliq toʻlovchilar guruhiga kiritilgan tadbirkorlik subyektlariga soliqlarni toʻlashni kechiktirish taqdim etilmaydi.
3. Belgilansinki, mazkur qarorda nazarda tutilgan soliqlarni toʻlashni kechiktirish muddati tugaganidan soʻng, tadbirkorlik subyektlariga soliqlarni kechiktirish yoki boʻlib-boʻlib toʻlash yuzasidan belgilangan tartibda mahalliy davlat hokimiyati organlariga murojaat qilish huquqi saqlab qolinadi.
4. Davlat soliq qoʻmitasi Moliya vazirligi bilan birgalikda ikki oy muddatda manfaatdor vazirlik va idoralar bilan birgalikda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
5. Mazkur qaror ijrosini samarali tashkil qilishga masʼul va shaxsiy javobgar etib Davlat soliq qoʻmitasi raisi Sh.D. Kudbiyev belgilansin.
Qaror ijrosini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 2-noyabr,
PQ-5274-son
Президента Республики Узбекистан
Постановление
О совершенствовании механизмов отсрочки по уплате налогов отечественными и иностранными инвесторами
В целях дальнейшего улучшения инвестиционного климата в республике, создания благоприятных условий для отечественных и иностранных инвесторов, а также обеспечения исполнения задач, определенных в рамках открытого диалога Президента Республики Узбекистан с предпринимателями, проведенного 20 августа 2021 года по непосредственному изучению проблем и предложений предпринимателей и определению основных направлений последующего развития предпринимательства:
1. Предоставить с 1 января 2022 года субъектам предпринимательства (за исключением предприятий с долей государства более 50 процентов, недропользователей и производителей подакцизной продукции) право на отсрочку по уплате налогов, начисленных по налогу на имущество и земельному налогу при приобретении имущественного права на земельные участки и (или) здания и сооружения общей площадью более 1 000 квадратных метров, сроком на шесть месяцев.
При этом отсроченная сумма налогов определяется в размере налогов, исчисленных исходя из стоимости земельных участков, зданий и сооружений, прошедших государственную регистрацию.
2. Установить порядок, в соответствии с которым в рамках правовых норм, предусмотренных пунктом 1 настоящего постановления:
право на отсрочку по уплате налогов осуществляется в течение трех месяцев со дня государственной регистрации имущественного права на земельные участки, здания и сооружения с уведомлением органов государственной налоговой службы и без истребования обеспечения его уплаты (залога);
сроком действия отсрочки по уплате налогов является дата направления уведомления в установленном порядке в органы государственной налоговой службы, и отсроченная сумма налога выплачивается в течение года в равных долях вместе с начисленными процентами с даты истечения срока действия данного уведомления. При этом проценты за использование возможности изменения сроков уплаты налогов начисляются в размере 50 процентов основной ставки Центрального банка с даты отсрочки налогов;
при реализации или предоставлении в аренду земельного участка и (или) зданий и сооружений в период срока отсрочки налоговых платежей сумма налогов, исчисленная в течение периода отсрочки по налогу на имущество и земельному налогу, взимается в полном размере;
субъектам предпринимательства, входящим в группу налогоплательщиков с повышенным риском нарушения налогового законодательства, отсрочка по уплате налогов не предоставляется.
3. Установить, что по истечении срока отсрочки по уплате налогов, предусмотренных настоящим постановлением, за субъектами предпринимательства сохраняется право обращения в органы государственной власти на местах за отсрочкой или рассрочкой по уплате налогов в установленном порядке.
4. Государственному налоговому комитету и Министерству финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
5. Возложить на председателя Государственного налогового комитета Ш.Д. Кудбиева персональную ответственность за эффективную организацию исполнения настоящего постановления.
Контроль за исполнением настоящего постановления возложить на заместителя Премьер-министра Республики Узбекистан Д.А. Кучкарова.
Президент Республики Узбекистан Ш. МИРЗИЁЕВ
г. Ташкент,
2 ноября 2021 г.,
№ ПП-5274