📅 2021-yil 3-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 3 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 ноября 2021 г. · Постановления Президента
Официальный текст. Официальный документ. Редакционные примечания не включены.
📅 3 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Халқаро шартномани тасдиқлаш тўғрисида
«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ ҳамда Ўзбекистон Республикаси ва Қирғизистон Республикаси ўртасида ҳамкорликда инвестиция лойиҳаларини амалга ошириш мақсадида:
1. 2021 йил 11 мартда Тошкент шаҳрида имзоланган Ўзбекистон Республикаси Ҳукумати ва Қирғизистон Республикаси Ҳукумати ўртасида Ўзбек-Қирғиз тараққиёт жамғармасини (кейинги ўринларда — Жамғарма) ташкил этиш тўғрисидаги битим (кейинги ўринларда — Битим) тасдиқлансин.
2. Ўзбекистон Республикаси Инвестициялар, саноат ва савдо вазирлиги Битимни амалга ошириш учун масъул ваколатли орган этиб белгилансин.
3. Белгилансинки:
Ўзбекистон Республикаси Бош вазирининг ўринбосари Ж.А. Ходжаев, инвестициялар, саноат ва савдо вазири Л.Ш. Кудратов ва Стратегик ислоҳотлар агентлиги директори — Тикланиш ва тараққиёт жамғармаси ижрочи директори Ш.А. Вафаев Ўзбекистон Республикаси томонидан Ўзбек-Қирғиз тараққиёт жамғармасининг кенгаши аъзолари ҳисобланади;
Ўзбек-Қирғиз тараққиёт жамғармасининг устав капиталида Ўзбекистон Республикаси Ҳукуматининг улуши, истисно тариқасида, Инвестициялар, саноат ва савдо вазирлигига босқичма-босқич ажратиладиган Тикланиш ва тараққиёт жамғармаси маблағлари ҳисобидан шакллантирилади.
4. Ташқи ишлар вазирлиги қирғиз томонига Битимнинг кучга кириши учун зарур бўлган ички давлат тартиб-таомиллари Ўзбекистон Республикаси томонидан бажарилганлиги тўғрисида тегишли билдиришномани юборсин.
5. Тикланиш ва тараққиёт жамғармаси Молия вазирлиги, манфаатдор вазирлик ва идоралар билан биргаликда бир ой муддатда мазкур қарорга мувофиқ жорий йилда Ўзбек-Қирғиз тараққиёт жамғармасига ўзбек томонидан ажратиладиган маблағ юзасидан Ўзбекистон Республикасининг «2021 йил учун Ўзбекистон Республикасининг Давлат бюджети тўғрисида»ги Қонунига ўзгартириш ва қўшимчалар киритиш бўйича таклифларни Вазирлар Маҳкамасига киритсин.
6. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга киргандан кейин унинг қоидалари амалга оширилиши устидан ўрнатилган тартибда назоратни таъминласин.
7. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 3 ноябрь,
ПҚ-5277-сон
Oʻzbekiston Respublikasi Prezidentining
Qarori
Xalqaro shartnomani tasdiqlash toʻgʻrisida
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq hamda Oʻzbekiston Respublikasi va Qirgʻiziston Respublikasi oʻrtasida hamkorlikda investitsiya loyihalarini amalga oshirish maqsadida:
1. 2021-yil 11-martda Toshkent shahrida imzolangan Oʻzbekiston Respublikasi Hukumati va Qirgʻiziston Respublikasi Hukumati oʻrtasida Oʻzbek-Qirgʻiz taraqqiyot jamgʻarmasini (keyingi oʻrinlarda — Jamgʻarma) tashkil etish toʻgʻrisidagi bitim (keyingi oʻrinlarda — Bitim) tasdiqlansin.
2. Oʻzbekiston Respublikasi Investitsiyalar, sanoat va savdo vazirligi Bitimni amalga oshirish uchun masʼul vakolatli organ etib belgilansin.
3. Belgilansinki:
Oʻzbekiston Respublikasi Bosh vazirining oʻrinbosari J.A. Xodjayev, investitsiyalar, sanoat va savdo vaziri L.Sh. Kudratov va Strategik islohotlar agentligi direktori — Tiklanish va taraqqiyot jamgʻarmasi ijrochi direktori Sh.A. Vafayev Oʻzbekiston Respublikasi tomonidan Oʻzbek-Qirgʻiz taraqqiyot jamgʻarmasining kengashi aʼzolari hisoblanadi;
Oʻzbek-Qirgʻiz taraqqiyot jamgʻarmasining ustav kapitalida Oʻzbekiston Respublikasi Hukumatining ulushi, istisno tariqasida, Investitsiyalar, sanoat va savdo vazirligiga bosqichma-bosqich ajratiladigan Tiklanish va taraqqiyot jamgʻarmasi mablagʻlari hisobidan shakllantiriladi.
4. Tashqi ishlar vazirligi qirgʻiz tomoniga Bitimning kuchga kirishi uchun zarur boʻlgan ichki davlat tartib-taomillari Oʻzbekiston Respublikasi tomonidan bajarilganligi toʻgʻrisida tegishli bildirishnomani yuborsin.
5. Tiklanish va taraqqiyot jamgʻarmasi Moliya vazirligi, manfaatdor vazirlik va idoralar bilan birgalikda bir oy muddatda mazkur qarorga muvofiq joriy yilda Oʻzbek-Qirgʻiz taraqqiyot jamgʻarmasiga oʻzbek tomonidan ajratiladigan mablagʻ yuzasidan Oʻzbekiston Respublikasining “2021-yil uchun Oʻzbekiston Respublikasining Davlat budjeti toʻgʻrisida”gi Qonuniga oʻzgartirish va qoʻshimchalar kiritish boʻyicha takliflarni Vazirlar Mahkamasiga kiritsin.
6. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnoma kuchga kirgandan keyin uning qoidalari amalga oshirilishi ustidan oʻrnatilgan tartibda nazoratni taʼminlasin.
7. Mazkur qarorning ijrosini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 3-noyabr,
PQ-5277-son
Президента Республики Узбекистан
Постановление
Об утверждении международного договора
В соответствии со статьей 22 Закона Республики Узбекистан «О международных договорах Республики Узбекистан», а также в целях совместной реализации инвестиционных проектов между Республикой Узбекистан и Кыргызской Республикой:
1. Утвердить Соглашение о создании Узбекско-Кыргызского фонда развития (далее — Фонд) между Правительством Республики Узбекистан и Правительством Кыргызской Республики (далее — Соглашение), подписанное 11 марта 2021 года в городе Ташкенте.
2. Определить Министерство инвестиций, промышленности и торговли Республики Узбекистан компетентным органом, ответственным за реализацию Соглашения.
3. Установить, что:
заместитель Премьер-министра Республики Узбекистан Ж.А. Ходжаев, министр инвестиций, промышленности и торговли Л.Ш. Кудратов и директор Агентства стратегических реформ — исполнительний директор Фонда реконструкции и развития Ш.А. Вафаев являются членами Совета Узбекско-Кыргызского фонда развития со стороны Республики Узбекистан;
доля Правительства Республики Узбекистан в уставном капитале Узбекско-Кыргызского фонда развития, в порядке исключения, формируется за счет средств Фонда реконструкции и развития, поэтапно выделяемых Министерству инвестиций, промышленности и торговли.
4. Министерству иностранных дел направить кыргызской стороне соответствующее уведомление о выполнении Республикой Узбекистан внутригосударственных процедур, необходимых для вступления в силу Соглашения.
5. Фонду реконструкции и развития совместно с Министерством финансов, заинтересованными министерствами и ведомствами в месячный срок внести в Кабинет Министров предложения о внесении изменений и дополнений в Закон Республики Узбекистан «О Государственном бюджете Республики Узбекистан на 2021 год» по средствам, выделяемым в текущем году узбекской стороной Узбекско-Кыргызскому фонду развития в соответствии с настоящим постановлением.
6. Кабинету Министров, а также руководителям соответствующих министерств и ведомств после вступления в силу указанного международного договора в установленном порядке обеспечить контроль за реализацией его положений.
7. Контроль за исполнением настоящего постановления возложить на заместителя Премьер-министра Республики Узбекистан Ж.А. Ходжаева.
Президент Республики Узбекистан Ш. МИРЗИЁЕВ
г. Ташкент,
3 ноября 2021 г.,
№ ПП-5277