📅 2021-yil 10-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 10 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 10 ноября 2021 г. · Постановления Президента
Официальный текст. Официальный документ. Редакционные примечания не включены.
📅 10 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Пахта хом ашёсини етиштириш ва унинг йиғим-терим харажатларини молиялаштириш тизимини такомиллаштириш чора-тадбирлари тўғрисида
Пахта хом ашёси етиштириш ва унинг йиғим-терим харажатларини молиялаштириш тизимини такомиллаштириш, пахта хом ашёси етиштирувчиларнинг манфаатдорлигини ошириш ҳамда маҳсулотни чуқур қайта ишлаш учун қулай шарт-шароитлар яратиш мақсадида:
3. Белгилансинки:
2023 йил ҳосилидан бошлаб пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларининг пахта ҳосилини етиштириш харажатларини молиялаштириш тегишли ҳосил йили учун олдинги йилнинг 1 октябридан бошланади;
пахта хом ашёсини етиштириш мақсадида пахта-тўқимачилик кластерларига ажратилган имтиёзли кредитлар пахта хом ашёси етиштириш билан боғлиқ агротехник тадбирларни молиялаштириш учун фермер хўжаликларига йўналтирилади, бундан пахта-тўқимачилик кластерларига улар томонидан ижарага олинган қишлоқ хўжалиги ерларида пахта хом ашёсини етиштириш учун ажратилган кредитлар мустасно;
пахта-тўқимачилик кластерлари томонидан фермер хўжаликларига пахта хом ашёси етиштириш учун олдиндан тўлов пул шаклида амалга оширилади. Бунда, олдиндан тўловни натура шаклида амалга оширишга йўл қўйилмайди;
қишлоқ хўжалиги маҳсулотлари етиштирувчилар томонидан минерал ўғит, ёқилғи-мойлаш маҳсулотлари, техника ва техника хизматларига (ўсимликларни кимёвий ҳимоя қилиш воситаларидан ташқари) оид масалалар, шу жумладан уларни импорт қилишни мустақил ҳал қилинади, бунга ҳар қандай тарзда аралашиш тақиқланади.
4. Жамғарма томонидан ажратилган маблағлардан самарали фойдаланилиши ва кластерларнинг молиявий ҳолати устидан доимий мониторингни ташкил этиш мақсадида Молия вазирлигининг Давлат молиявий назорати бош бошқармаси ва унинг ҳудудий бошқармаларидаги мавжуд штат бирликларини қисқартириш ҳисобига Жамғарма таркибида 5 штат бирлигидан иборат бўлим ташкил этилсин.
Жамғармага ўзи томонидан ажратилган маблағлардан самарали фойдаланилишини аудит ва бизнес консалтинг ташкилотларини шартнома асосида жалб қилган ҳолда аудитдан ўтказиш ҳуқуқи берилсин.
5. Марказий банк, Қишлоқ хўжалиги вазирлиги, Адлия вазирлиги, Иқтисодий тараққиёт ва камбағалликни қисқартириш вазирлиги манфаатдор вазирлик ва идоралар билан биргаликда уч ой муддатда қуйидагиларни назарда тутувчи норматив-ҳуқуқий ҳужжатлар пакетини Вазирлар Маҳкамасига киритсин:
товар омборларига қўйиладиган талаблар, товар омборлари фаолиятини ташкил этиш ва сақлаш учун берилган мол-мулк бўйича томонлар мажбуриятининг бажарилишини таъминлаш тартиби, шунингдек, қатъий ҳисобда турувчи омбор гувоҳномасига қўйиладиган талаблар;
омборга сақлаш учун берилган мол-мулк миқдори, тури, сақлаш муддати ва бошқа маълумотларни акс эттирувчи Омбор гувоҳномаси ягона реестрини яратиш ҳамда унда тадбиркорлик субъектлари, тижорат банклари ва давлат бошқаруви органлари ўртасида электрон маълумот алмашинувини йўлга қўйиш.
Тижорат банкларига мазкур банднинг биринчи хатбошисида назарда тутилган қонунчилик ҳужжатлари қабул қилингунга қадар, кредитлаш учун пахта-тўқимачилик кластерларининг ип-калава захирасини, башарти ушбу захира қарз мажбуриятларидан ва гаровдан ҳоли бўлган тақдирда, гаровга олиш тавсия этилсин. Бунда, гаровга қўйилган ип-калава захиралари гаровга олувчи тижорат банкининг розилиги асосида тасарруф этилади.
6. Бош вазир ўринбосари Ж.А. Қўчқоров ва молия вазири Т.А. Ишметов қишлоқ хўжалиги маҳсулотларини етиштириш ҳамда буғдойни бозор нархларида харид қилиш билан боғлиқ тадбирларни узлуксиз молиялаштириш учун 2022 йилда Жамғармага Ўзбекистон Республикаси республика бюджетидан 5 трлн сўм беғараз молиявий ёрдам ҳамда Жамғарманинг асосланган ҳисоб-китобларига кўра 7,5 трлн сўмгача бюджет ссудаси ажратилишини таъминласин.
7. Пахта толасини қайта ишлаш қувватига эга бўлган пахта-тўқимачилик кластерларига 2021 йил ҳосили учун пахта хом ашёсини етиштиришга ажратилган имтиёзли кредитлар 2022 йил сентябрь ойидан бошлаб 6 ой давомида тенг улушларда қайтарилиши белгилаб қўйилсин.
Бунда, Жамғарма ҳисобидан ушбу мақсадлар учун тижорат банкларига ажратилган ресурсларни қайтариш имтиёзли кредитларни қайтариш муддатига мутаносиб равишда узайтирилади.
8. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартиришлар ва қўшимча киритилсин.
9. Ахборот ва оммавий коммуникациялар агентлиги, Ўзбекистон Миллий телерадиокомпанияси, Ўзбекистон Миллий ахборот агентлиги мазкур қарорнинг мазмун-моҳияти ҳамда мақсад ва вазифаларининг оммавий ахборот воситаларида кенг ёритилишини таъминласин.
10. Молия вазирлиги Қишлоқ хўжалиги вазирлиги билан биргаликда уч ой муддатда қонунчилик ҳужжатларига мазкур қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини таъминлашда масъул ва шахсий жавобгар этиб қишлоқ хўжалиги вазири Ж.А. Ходжаев, молия вазири Т.А. Ишметов белгилансин.
Мазкур қарор ижросини ҳар чоракда муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосари Ш.М. Ғаниев зиммасига юклансин.
Амалга оширилаётган чора-тадбирлар натижадорлиги юзасидан Ўзбекистон Республикаси Президентига ҳар чорак якуни бўйича ахборот бериб борилсин.
Ўзбекистон Республикаси Президентининг 2021 йил 10 ноябрдаги ПҚ-2-сон қарорига ИЛОВА
Ўзбекистон Республикаси Президенти ва Ўзбекистон Республикаси Ҳукуматининг айрим қарорларига киритилаётган ўзгартиришлар ва қўшимча
1. Ўзбекистон Республикаси Президентининг 2020 йил 6 мартдаги «Пахтачилик соҳасида бозор тамойилларини кенг жорий этиш чора-тадбирлари тўғрисида»ги ПҚ-4633-сон қарорининг 4-банди қуйидаги таҳрирда баён этилсин:
«4. Белгилансинки, Қишлоқ хўжалигини давлат томонидан қўллаб-қувватлаш жамғармасининг имтиёзли кредит ресурслари ҳисобидан тижорат банклари томонидан ажратилган кредит маблағларидан пахта-тўқимачилик кластерлари ва уруғчиликни ривожлантириш маркази таркибидаги уруғчилик хўжаликлари агротехник тадбирлардан келиб чиқиб, эркин фойдаланади ҳамда моддий ресурслар етказиб берувчиларни ихтиёрий танлайди».
2. Вазирлар Маҳкамасининг 2018 йил 25 январдаги «Пахта-тўқимачилик ишлаб чиқаришини ташкил этишнинг замонавий шаклларини жорий этиш чора-тадбирлари тўғрисида»ги 53-сон қарорининг 5-банди ўз кучини йўқотган деб ҳисоблансин.
3. Вазирлар Маҳкамасининг 2021 йил 11 мартдаги 130-сон қарори билан тасдиқланган Пахта хом ашёси етиштириш харажатларини кредитлаш тартиби тўғрисидаги низомда :
а) 1-банд қуйидаги таҳрирда баён этилсин:
«1. Мазкур Низом Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси (кейинги ўринларда — Жамғарма) кредит ресурслари ҳисобидан тижорат банклари томонидан пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларининг (кейинги ўринларда — қарз олувчи) пахта хом ашёси етиштириш ва пахта йиғим-терими харажатларини кредитлаш тартибини белгилайди»;
б) 2-бандда «1 ноябригача» сўзлари «1 октябригача» сўзлари билан алмаштирилсин;
в) 3-банднинг биринчи хатбошисига «ҳар ойнинг 5-санасига қадар» сўзларидан сўнг «, пахта йиғим-терими харажатлари учун мавсум даврида ҳар беш кунда» сўзлари қўшилсин;
г) 4-бандда :
иккинчи хатбошидаги «1 ноябридан» сўзлари «1 октябридан» сўзлари билан алмаштирилсин;
учинчи хатбоши қуйидаги таҳрирда баён этилсин:
«Пахта йиғим-терими харажатларини кредитлаш молия йилининг 1 сентябридан бошланади»;
д) 5-банд қуйидаги таҳрирда баён этилсин:
«5. Жамғарма тижорат банки билан тузилган битимга асосан кредит ресурсларини:
а) пахта-тўқимачилик кластерларининг пахта хом ашёси етиштириш харажатларини кредитлаш учун пахта хом ашёси қийматининг 60 фоизигача йиллик 8 фоиз ставкадан ошмаган миқдорда, 18 ой имтиёзли давр билан умумий фойдаланиш муддати 24 ойга жойлаштиради, бунда, кредитни қайтариш 19-ойдан бошланади ҳамда у сўнгги 6 ойда тенг улушларда қайтарилади;
б) Уруғчиликни ривожлантириш маркази таркибидаги элита уруғчилик хўжаликларининг пахта хом ашёси етиштириш харажатларини кредитлаш учун 14 ой муддат билан пахта хом ашёси қийматининг 60 фоизигача йиллик 8 фоиз ставкада кредит ресурсини қайтариш муддатини узайтириш ҳуқуқисиз жойлаштиради;
в) пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларига пахта йиғим-теримини молиялаштириш учун пахта хом ашёси қийматининг 20 фоизигача йиллик 8 фоиз ставкадан ошмаган миқдорда 3 ойлик имтиёзли давр билан 12 ойга кредит ресурсини қайтариш муддатини узайтириш ҳуқуқисиз жойлаштиради»;
е) 7-банднинг «а» кичик бандидан «фермер хўжаликлари ва» сўзлари чиқариб ташлансин;
ж) 13-банд қуйидаги таҳрирда баён этилсин:
«13. Тижорат банки қарз олувчи билан пахта хом ашёси етиштириш харажатларини кредитлаш учун тузган кредит шартномасига асосан:
а) пахта-тўқимачилик кластерларининг пахта хом ашёси етиштириш харажатларини молиялаштириш учун пахта хом ашёси қийматининг 60 фоизигача йиллик 10 фоиз ставкадан ошмаган миқдорда (шундан, банк маржаси 2 фоиз), 18 ой имтиёзли давр билан умумий фойдаланиш муддати 24 ойга кредит ажратади, бунда, кредитни қайтариш 19-ойдан бошланади ҳамда у сўнгги 6 ойда тенг улушларда қайтарилади;
б) Уруғчиликни ривожлантириш маркази таркибидаги элита уруғчилик хўжаликларининг пахта хом ашёси етиштириш харажатларини молиялаштириш учун 14 ой муддат билан пахта хом ашёси қийматининг 60 фоизигача йиллик 10 фоиз ставкада (шундан, банк маржаси 2 фоиз) кредит ажратади;
в) пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларига пахта йиғим-теримини молиялаштириш учун пахта хом ашёси қийматининг 20 фоизигача йиллик 10 фоиз ставкадан ошмаган миқдорда (шундан, банк маржаси 2 фоиз) 3 ойлик имтиёзли давр билан 12 ойга кредит ажратади»;
з) Низомга илова ўз кучини йўқотган деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 10 ноябрь,
ПҚ-2-сон
Oʻzbekiston Respublikasi Prezidentining
Qarori
Paxta xom ashyosini yetishtirish va uning yigʻim-terim xarajatlarini moliyalashtirish tizimini takomillashtirish chora-tadbirlari toʻgʻrisida
Paxta xom ashyosi yetishtirish va uning yigʻim-terim xarajatlarini moliyalashtirish tizimini takomillashtirish, paxta xom ashyosi yetishtiruvchilarning manfaatdorligini oshirish hamda mahsulotni chuqur qayta ishlash uchun qulay shart-sharoitlar yaratish maqsadida:
3. Belgilansinki:
2023-yil hosilidan boshlab paxta-toʻqimachilik klasterlari va Urugʻchilikni rivojlantirish markazi tarkibidagi elita urugʻchilik xoʻjaliklarining paxta hosilini yetishtirish xarajatlarini moliyalashtirish tegishli hosil yili uchun oldingi yilning 1-oktabridan boshlanadi;
paxta xom ashyosini yetishtirish maqsadida paxta-toʻqimachilik klasterlariga ajratilgan imtiyozli kreditlar paxta xom ashyosi yetishtirish bilan bogʻliq agrotexnik tadbirlarni moliyalashtirish uchun fermer xoʻjaliklariga yoʻnaltiriladi, bundan paxta-toʻqimachilik klasterlariga ular tomonidan ijaraga olingan qishloq xoʻjaligi yerlarida paxta xom ashyosini yetishtirish uchun ajratilgan kreditlar mustasno;
paxta-toʻqimachilik klasterlari tomonidan fermer xoʻjaliklariga paxta xom ashyosi yetishtirish uchun oldindan toʻlov pul shaklida amalga oshiriladi. Bunda, oldindan toʻlovni natura shaklida amalga oshirishga yoʻl qoʻyilmaydi;
qishloq xoʻjaligi mahsulotlari yetishtiruvchilar tomonidan mineral oʻgʻit, yoqilgʻi-moylash mahsulotlari, texnika va texnika xizmatlariga (oʻsimliklarni kimyoviy himoya qilish vositalaridan tashqari) oid masalalar, shu jumladan ularni import qilishni mustaqil hal qilinadi, bunga har qanday tarzda aralashish taqiqlanadi.
4. Jamgʻarma tomonidan ajratilgan mablagʻlardan samarali foydalanilishi va klasterlarning moliyaviy holati ustidan doimiy monitoringni tashkil etish maqsadida Moliya vazirligining Davlat moliyaviy nazorati bosh boshqarmasi va uning hududiy boshqarmalaridagi mavjud shtat birliklarini qisqartirish hisobiga Jamgʻarma tarkibida 5 shtat birligidan iborat boʻlim tashkil etilsin.
Jamgʻarmaga oʻzi tomonidan ajratilgan mablagʻlardan samarali foydalanilishini audit va biznes konsalting tashkilotlarini shartnoma asosida jalb qilgan holda auditdan oʻtkazish huquqi berilsin.
5. Markaziy bank, Qishloq xoʻjaligi vazirligi, Adliya vazirligi, Iqtisodiy taraqqiyot va kambagʻallikni qisqartirish vazirligi manfaatdor vazirlik va idoralar bilan birgalikda uch oy muddatda quyidagilarni nazarda tutuvchi normativ-huquqiy hujjatlar paketini Vazirlar Mahkamasiga kiritsin:
tovar omborlariga qoʻyiladigan talablar, tovar omborlari faoliyatini tashkil etish va saqlash uchun berilgan mol-mulk boʻyicha tomonlar majburiyatining bajarilishini taʼminlash tartibi, shuningdek, qatʼiy hisobda turuvchi ombor guvohnomasiga qoʻyiladigan talablar;
omborga saqlash uchun berilgan mol-mulk miqdori, turi, saqlash muddati va boshqa maʼlumotlarni aks ettiruvchi Ombor guvohnomasi yagona reyestrini yaratish hamda unda tadbirkorlik subyektlari, tijorat banklari va davlat boshqaruvi organlari oʻrtasida elektron maʼlumot almashinuvini yoʻlga qoʻyish.
Tijorat banklariga mazkur bandning birinchi xatboshisida nazarda tutilgan qonunchilik hujjatlari qabul qilingunga qadar, kreditlash uchun paxta-toʻqimachilik klasterlarining ip-kalava zaxirasini, basharti ushbu zaxira qarz majburiyatlaridan va garovdan holi boʻlgan taqdirda, garovga olish tavsiya etilsin. Bunda, garovga qoʻyilgan ip-kalava zaxiralari garovga oluvchi tijorat bankining roziligi asosida tasarruf etiladi.
6. Bosh vazir oʻrinbosari J.A. Qoʻchqorov va moliya vaziri T.A. Ishmetov qishloq xoʻjaligi mahsulotlarini yetishtirish hamda bugʻdoyni bozor narxlarida xarid qilish bilan bogʻliq tadbirlarni uzluksiz moliyalashtirish uchun 2022-yilda Jamgʻarmaga Oʻzbekiston Respublikasi respublika budjetidan 5 trln soʻm begʻaraz moliyaviy yordam hamda Jamgʻarmaning asoslangan hisob-kitoblariga koʻra 7,5 trln soʻmgacha budjet ssudasi ajratilishini taʼminlasin.
7. Paxta tolasini qayta ishlash quvvatiga ega boʻlgan paxta-toʻqimachilik klasterlariga 2021-yil hosili uchun paxta xom ashyosini yetishtirishga ajratilgan imtiyozli kreditlar 2022-yil sentabr oyidan boshlab 6 oy davomida teng ulushlarda qaytarilishi belgilab qoʻyilsin.
Bunda, Jamgʻarma hisobidan ushbu maqsadlar uchun tijorat banklariga ajratilgan resurslarni qaytarish imtiyozli kreditlarni qaytarish muddatiga mutanosib ravishda uzaytiriladi.
8. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar va qoʻshimcha kiritilsin.
9. Axborot va ommaviy kommunikatsiyalar agentligi, Oʻzbekiston Milliy teleradiokompaniyasi, Oʻzbekiston Milliy axborot agentligi mazkur qarorning mazmun-mohiyati hamda maqsad va vazifalarining ommaviy axborot vositalarida keng yoritilishini taʼminlasin.
10. Moliya vazirligi Qishloq xoʻjaligi vazirligi bilan birgalikda uch oy muddatda qonunchilik hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini taʼminlashda masʼul va shaxsiy javobgar etib qishloq xoʻjaligi vaziri J.A. Xodjayev, moliya vaziri T.A. Ishmetov belgilansin.
Mazkur qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosari Sh.M. Gʻaniyev zimmasiga yuklansin.
Amalga oshirilayotgan chora-tadbirlar natijadorligi yuzasidan Oʻzbekiston Respublikasi Prezidentiga har chorak yakuni boʻyicha axborot berib borilsin.
Oʻzbekiston Respublikasi Prezidentining 2021-yil 10-noyabrdagi PQ-2-son qaroriga ILOVA
Oʻzbekiston Respublikasi Prezidenti va Oʻzbekiston Respublikasi Hukumatining ayrim qarorlariga kiritilayotgan oʻzgartirishlar va qoʻshimcha
1. Oʻzbekiston Respublikasi Prezidentining 2020-yil 6-martdagi “Paxtachilik sohasida bozor tamoyillarini keng joriy etish chora-tadbirlari toʻgʻrisida”gi PQ-4633-son qarorining 4-bandi quyidagi tahrirda bayon etilsin:
“4. Belgilansinki, Qishloq xoʻjaligini davlat tomonidan qoʻllab-quvvatlash jamgʻarmasining imtiyozli kredit resurslari hisobidan tijorat banklari tomonidan ajratilgan kredit mablagʻlaridan paxta-toʻqimachilik klasterlari va urugʻchilikni rivojlantirish markazi tarkibidagi urugʻchilik xoʻjaliklari agrotexnik tadbirlardan kelib chiqib, erkin foydalanadi hamda moddiy resurslar yetkazib beruvchilarni ixtiyoriy tanlaydi”.
2. Vazirlar Mahkamasining 2018-yil 25-yanvardagi “Paxta-toʻqimachilik ishlab chiqarishini tashkil etishning zamonaviy shakllarini joriy etish chora-tadbirlari toʻgʻrisida”gi 53-son qarorining 5-bandi oʻz kuchini yoʻqotgan deb hisoblansin.
3. Vazirlar Mahkamasining 2021-yil 11-martdagi 130-son qarori bilan tasdiqlangan Paxta xom ashyosi yetishtirish xarajatlarini kreditlash tartibi toʻgʻrisidagi nizomda :
a) 1-band quyidagi tahrirda bayon etilsin:
“1. Mazkur Nizom Oʻzbekiston Respublikasi Moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) kredit resurslari hisobidan tijorat banklari tomonidan paxta-toʻqimachilik klasterlari va Urugʻchilikni rivojlantirish markazi tarkibidagi elita urugʻchilik xoʻjaliklarining (keyingi oʻrinlarda — qarz oluvchi) paxta xom ashyosi yetishtirish va paxta yigʻim-terimi xarajatlarini kreditlash tartibini belgilaydi”;
b) 2-bandda “1-noyabrigacha” soʻzlari “1-oktabrigacha” soʻzlari bilan almashtirilsin;
v) 3-bandning birinchi xatboshisiga “har oyning 5-sanasiga qadar” soʻzlaridan soʻng “, paxta yigʻim-terimi xarajatlari uchun mavsum davrida har besh kunda” soʻzlari qoʻshilsin;
g) 4-bandda :
ikkinchi xatboshidagi “1-noyabridan” soʻzlari “1-oktabridan” soʻzlari bilan almashtirilsin;
uchinchi xatboshi quyidagi tahrirda bayon etilsin:
“Paxta yigʻim-terimi xarajatlarini kreditlash moliya yilining 1-sentabridan boshlanadi”;
d) 5-band quyidagi tahrirda bayon etilsin:
“5. Jamgʻarma tijorat banki bilan tuzilgan bitimga asosan kredit resurslarini:
a) paxta-toʻqimachilik klasterlarining paxta xom ashyosi yetishtirish xarajatlarini kreditlash uchun paxta xom ashyosi qiymatining 60 foizigacha yillik 8 foiz stavkadan oshmagan miqdorda, 18 oy imtiyozli davr bilan umumiy foydalanish muddati 24 oyga joylashtiradi, bunda, kreditni qaytarish 19-oydan boshlanadi hamda u soʻnggi 6 oyda teng ulushlarda qaytariladi;
b) Urugʻchilikni rivojlantirish markazi tarkibidagi elita urugʻchilik xoʻjaliklarining paxta xom ashyosi yetishtirish xarajatlarini kreditlash uchun 14 oy muddat bilan paxta xom ashyosi qiymatining 60 foizigacha yillik 8 foiz stavkada kredit resursini qaytarish muddatini uzaytirish huquqisiz joylashtiradi;
v) paxta-toʻqimachilik klasterlari va Urugʻchilikni rivojlantirish markazi tarkibidagi elita urugʻchilik xoʻjaliklariga paxta yigʻim-terimini moliyalashtirish uchun paxta xom ashyosi qiymatining 20 foizigacha yillik 8 foiz stavkadan oshmagan miqdorda 3 oylik imtiyozli davr bilan 12 oyga kredit resursini qaytarish muddatini uzaytirish huquqisiz joylashtiradi”;
e) 7-bandning “a” kichik bandidan “fermer xoʻjaliklari va” soʻzlari chiqarib tashlansin;
j) 13-band quyidagi tahrirda bayon etilsin:
“13. Tijorat banki qarz oluvchi bilan paxta xom ashyosi yetishtirish xarajatlarini kreditlash uchun tuzgan kredit shartnomasiga asosan:
a) paxta-toʻqimachilik klasterlarining paxta xom ashyosi yetishtirish xarajatlarini moliyalashtirish uchun paxta xom ashyosi qiymatining 60 foizigacha yillik 10 foiz stavkadan oshmagan miqdorda (shundan, bank marjasi 2 foiz), 18 oy imtiyozli davr bilan umumiy foydalanish muddati 24 oyga kredit ajratadi, bunda, kreditni qaytarish 19-oydan boshlanadi hamda u soʻnggi 6 oyda teng ulushlarda qaytariladi;
b) Urugʻchilikni rivojlantirish markazi tarkibidagi elita urugʻchilik xoʻjaliklarining paxta xom ashyosi yetishtirish xarajatlarini moliyalashtirish uchun 14 oy muddat bilan paxta xom ashyosi qiymatining 60 foizigacha yillik 10 foiz stavkada (shundan, bank marjasi 2 foiz) kredit ajratadi;
v) paxta-toʻqimachilik klasterlari va Urugʻchilikni rivojlantirish markazi tarkibidagi elita urugʻchilik xoʻjaliklariga paxta yigʻim-terimini moliyalashtirish uchun paxta xom ashyosi qiymatining 20 foizigacha yillik 10 foiz stavkadan oshmagan miqdorda (shundan, bank marjasi 2 foiz) 3 oylik imtiyozli davr bilan 12 oyga kredit ajratadi”;
z) Nizomga ilova oʻz kuchini yoʻqotgan deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 10-noyabr,
PQ-2-son
Президента Республики Узбекистан
Постановление
О мерах по совершенствованию системы финансирования расходов на выращивание и сбор хлопка-сырца
В целях совершенствования системы финансирования расходов на выращивание и сбор хлопка-сырца, повышения заинтересованности производителей хлопка-сырца и создания благоприятных условий для глубокой переработки продукции:
3. Определить, что:
начиная с урожая 2023 года финансирование расходов на выращивание хлопка хлопково-текстильными кластерами и элитными семеноводческими хозяйствами в составе Центра развития семеноводства начинается с 1 октября года, предшествующего соответствующему году урожая;
льготные кредиты, выделенные хлопково-текстильным кластерам в целях выращивания хлопка-сырца, направляются фермерским хозяйствам на финансирование агротехнических мероприятий, связанных с выращиванием хлопка-сырца, за исключением кредитов, выделенных хлопково-текстильным кластерам для выращивания хлопка-сырца на арендованных ими сельскохозяйственных землях;
предоплата хлопково-текстильными кластерами фермерским хозяйствам за выращивание хлопка-сырца производится в денежной форме. При этом предоплата натурой не допускается;
вопросы, связанные с минеральными удобрениями, горюче-смазочными материалами, техникой и техническими услугами (за исключением химических средств защиты растений), включая их импорт, решаются сельхозпроизводителями самостоятельно, запрещается вмешательство в решение этих вопросов в любой форме.
4. В целях организации непрерывного мониторинга эффективности использования средств, выделенных Фондом, и финансового состояния кластеров, создать в структуре Фонда отдел из 5 штатных единиц за счет сокращения действующих штатных единиц Главного управления государственного финансового контроля Министерства финансов и его территориальных управлений.
Предоставить Фонду право на проведение аудита эффективности использования выделенных им денежных средств с привлечением аудиторских и бизнес-консалтинговых организаций на договорной основе.
5. Центральному банку, Министерству сельского хозяйства, Министерству юстиции, Министерству экономического развития и сокращения бедности совместно с заинтересованными министерствами и ведомствами в трехмесячный срок внести в Кабинет Министров пакет нормативно-правовых актов, предусматривающий:
требования, предъявляемые к товарным складам, порядок обеспечения исполнения сторонами обязательств по организации деятельности товарных складов и имуществу, переданному на хранение, а также требования, предъявляемые к складскому свидетельству строгой отчетности;
создание Единого реестра складского свидетельства, отображающего количество, вид, срок хранения и иные сведения об имуществе, переданном на хранение в склад, а также налаживание электронного обмена данными между субъектами предпринимательства, коммерческими банками и государственными органами управления.
Рекомендовать коммерческим банкам до принятия актов законодательства, предусмотренных абзацем первым настоящего пункта, принимать в залог резерв пряжи хлопково-текстильных кластеров для их кредитования, в случае, если данный резерв свободен от долговых обязательств и залога. При этом распоряжение резервом пряжи, принятым под залог, осуществляется на основе согласия коммерческого банка-залогодержателя.
6. Заместителю Премьер-министра Д.А. Кучкарову и министру финансов Т.А. Ишметову в целях бесперебойного финансирования мероприятий, связанных с выращиванием сельскохозяйственной продукции и закупкой пшеницы по рыночной цене, обеспечить выделение Фонду в 2022 году из республиканского бюджета Республики Узбекистан безвозмездной финансовой помощи в размере 5 триллионов сумов, по обоснованным расчетам Фонда — бюджетной ссуды в размере до 7,5 триллиона сумов.
7. Установить, что льготные кредиты на выращивание хлопка-сырца под урожай 2021 года, выделенные хлопково-текстильным кластерам, имеющим мощности по переработке хлопкового волокна, начиная с сентября 2022 года подлежат возврату в течение 6 месяцев равными долями.
При этом возврат ресурсов, выделенных коммерческим банкам на данные цели за счет средств Фонда, продлевается пропорционально сроку возврата льготных кредитов.
8. Внести изменения и дополнение в некоторые решения Президента Республики Узбекистан и Правительства Республики Узбекистан согласно приложению .
9. Агентству информации и массовых коммуникаций, Национальной телерадиокомпании Узбекистана и Национальному информационному агентству Узбекистана обеспечить широкое освещение в средствах массовой информации сути и содержания, а также целей и задач настоящего постановления.
10. Министерству финансов совместно с Министерством сельского хозяйства в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на министра сельского хозяйства Ж.А. Ходжаева и министра финансов Т.А. Ишметова персональную ответственность за обеспечение исполнения настоящего постановления.
Ежеквартальное обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителя Премьер-министра Республики Узбекистан Ш.М. Ганиева.
О результативности осуществляемых мер информировать Президента Республики Узбекистан по итогам каждого квартала.
ПРИЛОЖЕНИЕ к постановлению Президента Республики Узбекистан от 10 ноября 2021 года № ПП-2
Изменения и дополнение, вносимые в некоторые постановления Президента Республики Узбекистан и Правительства Республики Узбекистан
1. Пункт 4 постановления Президента Республики Узбекистан от 6 марта 2020 года № ПП-4633 «О мерах по широкому внедрению рыночных принципов в сферу хлопководства» изложить в следующей редакции:
«4. Определить, что хлопково-текстильные кластеры и семеноводческие хозяйства в структуре Центра развития семеноводства, исходя из агротехнических мероприятий, самостоятельно распоряжаются кредитными средствами, выделенными коммерческими банками за счет льготных кредитных ресурсов Фонда государственной поддержки сельского хозяйства, и добровольно выбирают поставщиков материальных ресурсов».
2. Пункт 5 постановления Кабинета Министров от 25 января 2018 года № 53 «О мерах по внедрению современных форм организации хлопково-текстильного производства» признать утратившим силу.
3. В тексте на государственном языке Положения о порядке кредитования расходов на выращивание хлопка-сырца, утвержденного постановлением Кабинета Министров от 11 марта 2021 года № 130:
а) пункт 1 изложить в следующей редакции:
«1. Мазкур Низом Ўзбекистон Республикаси Молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси (кейинги ўринларда — Жамғарма) кредит ресурслари ҳисобидан тижорат банклари томонидан пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларининг (кейинги ўринларда — қарз олувчи) пахта хом ашёси етиштириш ва пахта йиғим-терими харажатларини кредитлаш тартибини белгилайди»;
б) в пункте 2 слова «1 ноябригача» заменить словами «1 октябригача»;
в) абзац первый пункта 3 после слов «ҳар ойнинг 5-санасига қадар» дополнить словами «, пахта йиғим-терими харажатлари учун мавсум даврида ҳар беш кунда»;
г) в пункте 4 :
в абзаце втором слова «1 ноябридан» заменить словами «1 октябридан»;
абзац третий изложить в следующей редакции:
«Пахта йиғим-терими харажатларини кредитлаш молия йилининг 1 сентябридан бошланади»;
д) пункт 5 изложить в следующей редакции:
«5. Жамғарма тижорат банки билан тузилган битимга асосан кредит ресурсларини:
а) пахта-тўқимачилик кластерларининг пахта хом ашёси етиштириш харажатларини кредитлаш учун пахта хом ашёси қийматининг 60 фоизигача йиллик 8 фоиз ставкадан ошмаган миқдорда, 18 ой имтиёзли давр билан умумий фойдаланиш муддати 24 ойга жойлаштиради, бунда, кредитни қайтариш 19-ойдан бошланади ҳамда у сўнгги 6 ойда тенг улушларда қайтарилади;
б) Уруғчиликни ривожлантириш маркази таркибидаги элита уруғчилик хўжаликларининг пахта хом ашёси етиштириш харажатларини кредитлаш учун 14 ой муддат билан пахта хом ашёси қийматининг 60 фоизигача йиллик 8 фоиз ставкада кредит ресурсини қайтариш муддатини узайтириш ҳуқуқисиз жойлаштиради;
в) пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларига пахта йиғим-теримини молиялаштириш учун пахта хом ашёси қийматининг 20 фоизигача йиллик 8 фоиз ставкадан ошмаган миқдорда 3 ойлик имтиёзли давр билан 12 ойга кредит ресурсини қайтариш муддатини узайтириш ҳуқуқисиз жойлаштиради»;
е) из подпункта «а» пункта 7 слова «фермер хўжаликлари ва» исключить;
ж) пункт 13 изложить в следующей редакции:
«13. Тижорат банки қарз олувчи билан пахта хом ашёси етиштириш харажатларини кредитлаш учун тузган кредит шартномасига асосан:
а) пахта-тўқимачилик кластерларининг пахта хом ашёси етиштириш харажатларини молиялаштириш учун пахта хом ашёси қийматининг 60 фоизигача йиллик 10 фоиз ставкадан ошмаган миқдорда (шундан, банк маржаси 2 фоиз), 18 ой имтиёзли давр билан умумий фойдаланиш муддати 24 ойга кредит ажратади, бунда, кредитни қайтариш 19-ойдан бошланади ҳамда у сўнгги 6 ойда тенг улушларда қайтарилади;
б) Уруғчиликни ривожлантириш маркази таркибидаги элита уруғчилик хўжаликларининг пахта хом ашёси етиштириш харажатларини молиялаштириш учун 14 ой муддат билан пахта хом ашёси қийматининг 60 фоизигача йиллик 10 фоиз ставкада (шундан, банк маржаси 2 фоиз) кредит ажратади;
в) пахта-тўқимачилик кластерлари ва Уруғчиликни ривожлантириш маркази таркибидаги элита уруғчилик хўжаликларига пахта йиғим-теримини молиялаштириш учун пахта хом ашёси қийматининг 20 фоизигача йиллик 10 фоиз ставкадан ошмаган миқдорда (шундан, банк маржаси 2 фоиз) 3 ойлик имтиёзли давр билан 12 ойга кредит ажратади»;
з) приложение к Положению признать утратившим силу.
Президент Республики Узбекистан Ш. МИРЗИЁЕВ
г. Ташкент,
10 ноября 2021 г.,
№ ПП-2