📅 2021-yil 11-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 11 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 11 ноября 2021 г. · Постановления Президента
Официальный текст. Официальный документ. Редакционные примечания не включены.
📅 11 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
«Йўл харитаси»
Аҳолига тиббий хизматлар кўрсатиш сифатини яхшилаш ва соғлиқни сақлаш соҳасида кадрлар салоҳиятини янада оширишга оид қўшимча чора-тадбирлар тўғрисида
Ҳудудларда соғлиқни сақлаш муассасаларининг моддий-техника базасини мустаҳкамлаш ва ресурс имкониятларини кенгайтириш, уларни замонавий тиббий ускуналар билан жиҳозлаш, шунингдек, тиббиёт ходимларининг малакасини ошириш тизимини такомиллаштириш мақсадида:
1. Давлат туман (шаҳар) ва вилоят тиббиёт муассасалари учун замонавий тиббий ускуналар харид қилиш ҳамда улардаги мутахассисларнинг етакчи хорижий тиббий муассасаларда малакасини ошириш учун Тикланиш ва тараққиёт жамғармаси ҳисобидан Молия вазирлигига унинг талабномаларига асосан 2021-2022 йилларда 100 млн АҚШ долларигача эквивалентдаги миллий валютада йиллик 2 фоиз ставкада кредит маблағлари ажратилсин. Бунда, ушбу маблағлар Молия вазирлигининг талабномалари тақдим этилган санадан бошлаб 3 йил муддатгача берилади.
2. Молия вазирлиги мазкур қарорнинг 1-бандига мувофиқ ажратилаётган маблағларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг асосланган талабномаларига ҳамда белгиланган ставкага кўра қайтариш шарти билан 3 йилдан кўп бўлмаган муддатга уларга бюджет ссудаси сифатида ажратсин. Бунда, Молия вазирлиги кредит маблағларини республика ихтисослаштирилган илмий-амалий тиббиёт марказларини замонавий тиббий ускуналар билан жиҳозлашга ва етакчи хорижий тиббий муассасаларда уларнинг мутахассислари малакасини оширишга ҳам йўналтириши мумкин.
3. Белгилансинки:
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тегишли ҳудудий соғлиқни сақлаш бошқармалари билан биргаликда хатлов ўтказиш асосида ҳар бир ҳудуд ва муассаса кесимида тиббий ускуналарга бўлган эҳтиёжни аниқлайди ҳамда ссуда маблағлари ҳисобидан харид қилинадиган ускуналар рўйхатини Соғлиқни сақлаш вазирлигига келишиш учун киритади;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари келишилган рўйхатга асосан тиббий ускуналарни харид қилади. Бунда, ушбу жараёнга «Oʻzmedimpeks» масъулияти чекланган жамияти агент сифатида жалб қилиниши мумкин;
тиббий ускуналарни харид қилиш бўйича техник топшириқлар ва тендер ҳужжатлари «Лойиҳалар ва импорт контрактларини комплекс экспертиза қилиш маркази» давлат унитар корхонасида (кейинги ўринларда — Марказ) комплекс экспертизадан ўтказилади;
Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари ажратилаётган ссуда маблағларининг самарали ва мақсадли ишлатилиши ҳамда ўз вақтида қайтарилишига шахсан масъул ҳисобланади;
хорижда малака оширадиган тиббиёт ходимлари рўйхати Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан танлов (конкурс) асосида шакллантирилади ҳамда Ўзбекистон Республикаси Президентининг 2021 йил 5 майдаги ПФ-6221-сон Фармони билан ташкил қилинган Иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш бўйича ишчи гуруҳи томонидан белгиланган тартибда тасдиқланади;
Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига ҳудудлардаги тиббиёт муассасалари мутахассисларининг етакчи хорижий тиббий муассасаларда малакасини ошириш мақсадида Марказда комплекс экспертизадан ўтказиш шарти билан тўғридан-тўғри шартномалар тузишга рухсат берилади.
4. Давлат туман (шаҳар) ва вилоят тиббиёт муассасаларининг моддий-техника базасини мустаҳкамлаш ва кадрлар салоҳиятини ошириш бўйича «Йўл харитаси» иловага мувофиқ тасдиқлансин.
5. Ҳисоб палатаси (Б. Турабов) ушбу қарор доирасидаги тиббий ускуналарни харид қилиш жараёни ва улардан самарали фойдаланиш устидан доимий назорат ўрнатсин ҳамда ҳар чоракда Ўзбекистон Республикаси Президенти Администрациясига маълумот киритиб борсин.
6. Мазкур қарорнинг ижросини самарали ташкил қилишга масъул ва шахсий жавобгар этиб Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари, соғлиқни сақлаш вазири Б.А. Мусаев ҳамда молия вазири Т.А. Ишметов белгилансин.
Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Амалга оширилаётган чора-тадбирлар натижадорлиги юзасидан 2022 йил 1 июнга қадар Ўзбекистон Республикаси Президентига ахборот берилсин.
Ўзбекистон Республикаси Президентининг 2021 йил 11 ноябрдаги ПҚ-6-сон қарорига ИЛОВА
Давлат туман (шаҳар) ва вилоят тиббиёт муассасаларининг моддий-техника базасини мустаҳкамлаш ва кадрлар салоҳиятини ошириш бўйича
Т/р Чора-тадбирлар номи Амалга ошириш шакли Бажариш муддати Масъул ижрочилар I. Молиялаштириш шартномаларини тузиш 1. Тикланиш ва тараққиёт жамғармаси ҳамда Молия вазирлиги ўртасида кредит шартномасини имзолаш. Кредит шартномаси 2021 йил 1 декабргача Тикланиш ва тараққиёт жамғармаси ( Вафаев ), Молия вазирлиги ( Ишметов ) 2. Ҳудудий давлат тиббиёт муассасалари учун замонавий тиббий ускуналар харид қилиш ҳамда етакчи хорижий тиббий муассасаларда уларнинг мутахассислари малакасини ошириш учун бюджет ссудаларини ажратиш. Ссуда шартномаси Талабномаларга асосан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Молия вазирлиги ( Ишметов ) II. Давлат туман (шаҳар) ва вилоят тиббиёт муассасаларини зарур тиббий ускуналар билан таъминлаш 3. Талаб юқори бўлган асосий турдаги тиббий ускуналар рўйхатини ҳудудлар кесимида шакллантириш. Рўйхат 2021 йил 5 декабргача Соғлиқни сақлаш вазирлиги ( Иноятов, Азизов ), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 4. Ҳудудий тиббиёт муассасаларидаги мавжуд тиббий ускуналарни хатловдан ўтказиш ва улардан фойдаланиш даражасини ўрганиш. Бунда, халқаро молия ташкилотлари, Давлат бюджети ва бошқа манбалар ҳисобидан харид қилиниши кўзда тутилган тиббий ускуналар инобатга олинади. Ташкилий чора-тадбирлар 2022 йил 15 январгача Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги ( Иноятов, Азизов ) 5. Хатлов натижалари асосида ҳудудлар ва тиббиёт муассасалари кесимида: Туман (шаҳар)лар кесимида харид қилинадиган тиббий ускуналар рўйхати Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 1) биринчи навбатдаги талаб юқори бўлган тиббий ускуналарга бўлган талабни аниқлаш; 2021 йил 15 декабргача 2) қўшимча тиббий ускуналарга бўлган талабни шакллантириш. Талабга кўра 6. Ссуда ҳисобидан харид қилинадиган тиббий ускуналарга бўлган талабни Соғлиқни сақлаш вазирлиги билан келишиш. Бунда, ҳудудлардаги аҳолининг касалланиш кўрсаткичлари ҳамда тиббий ускуналарнинг техник параметрлари инобатга олинади. Соғлиқни сақлаш вазирлиги хулосаси (келишув хати) 2022 йил 1 январгача дастлабки хулоса асосида, кейинчалик келишувга асосан Соғлиқни сақлаш вазирлиги ( Иноятов, Азизов ), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 7. Тиббий ускуналарни харид қилиш бўйича техник топшириқ ва тендер ҳужжатларини комплекс экспертизадан ўтказиш. «Лойиҳалар ва импорт контрактларини комплекс экспертиза қилиш маркази» ДУК хулосаси Ҳужжатлар тақдим қилинган кундан кейин 7 кун ичида «Лойиҳалар ва импорт контрактларини комплекс экспертиза қилиш маркази» ДУК ( Аллаберганов ), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 8. Зарур тиббий ускуналарни харид қилиш, улардан фойдаланишни ўргатиш ва таъмирлаш бўйича тендер савдоларини ўтказиш ҳамда шартномалар тузиш: Шартномалар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги ( Иноятов, Азизов ) 1) биринчи навбатдаги талаб юқори бўлган тиббий ускуналар рўйхати бўйича етказиб бериш шартномаларини тузиш; 2022 йил 15 февралгача 2) қўшимча талаб этиладиган тиббий ускуналарни етказиб бериш шартномаларини тузиш. Талабга кўра 9. Зарур тиббий ускуналарни етказиб бериш шартномалари доирасида етказиб берувчи ташкилотлар томонидан мутахассислар учун ўқув семинарларини ташкил қилиш. Ўқув семинарлари Шартномаларда кўрсатилган муддатларга кўра Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги ( Иноятов, Азизов ), етказиб берувчи ташкилотлар 10. Тиббий ускуналарни харид қилиш жараёнлари ва улардан фойдаланиш самарадорлигини ўрганиш (пост-мониторинг) тадбирларини амалга ошириш. Ташкилий чора-тадбирлар Режа-графикка асосан Ҳисоб палатаси ( Турабов ), Молия вазирлиги ( Ишметов ), Соғлиқни сақлаш вазирлиги ( Иноятов, Азизов ) III. Давлат туман (шаҳар) ва вилоят тиббиёт муассасалари мутахассисларининг билим ва кўникмаларини ривожлантириш 11. Хорижда малака ошириш ва стажировка ўташ учун юбориладиган мутахассисларни танлаш, уларнинг билим ва кўникмаларини амалиётга жорий қилиш ҳамда мазкур тадбирлар билан боғлиқ харажатларни молиялаштириш тартибини ишлаб чиқиш ва тасдиқлаш. Идоравий ҳужжат 2021 йил 1 декабргача Соғлиқни сақлаш вазирлиги ( Азизов ) 12. Хорижий тиббий таълим, илмий ва бошқа муассасалар (марказлар) билан малака ошириш ва стажировка ўташ бўйича ҳамкорликни ривожлантириш. Бунда, мазкур ташкилотларнинг малака ошириш бўйича салоҳиятини ўрганиш, стажировка муддатлари ва шартларини ҳамда қабул қилинадиган мутахассислар сонини аниқлаш, музокаралар ўтказиш ва келишувларга эришиш. Меморандум ва шартномалар 2022 йил 15 январгача Иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш бўйича ишчи гуруҳи, Соғлиқни сақлаш вазирлиги ( Мусаев, Азизов ), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 13. Малака ошириш ва стажировка ўташ учун ҳудудларда конкурс эълон қилиш ва ўтказиш: Рўйхат Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги ( Мусаев, Азизов ) 1) дастлабки рўйхатни шакллантириш; 2021 йил 1 — 25 декабрь 2) қўшимча талабга кўра янги рўйхатларни шакллантириб бориш. Талабга кўра 14. Шакллантирилган рўйхат асосида малака ошириш ва стажировка ўташ учун етакчи хорижий тиббий таълим, илмий ва бошқа муассасалар (марказлар) билан шартномалар тузиш: Шартномалар Иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш бўйича ишчи гуруҳи, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги ( Мусаев, Азизов ) 1) шакллантирилган дастлабки рўйхат бўйича гуруҳни 2022 йил 15 февралгача малака ошириш ва стажировкага юбориш; 2022 йил 1 февралгача 2) шакллантириладиган қўшимча рўйхат бўйича гуруҳларни юбориш. Талабга кўра 15. Малака ошириш ва стажировка ўташ учун етакчи хорижий тиббий таълим, илмий ва бошқа муассасалар (марказлар) билан тўғридан-тўғри тузилган шартномаларни комплекс экспертизадан ўтказиш. «Лойиҳалар ва импорт контрактларини комплекс экспертиза қилиш маркази» ДУК хулосаси Ҳужжатлар тақдим қилинган кундан кейин 7 кун ичида «Лойиҳалар ва импорт контрактларини комплекс экспертиза қилиш маркази» ДУК ( Аллаберганов ), Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 16. Хорижда малака ошириш ва стажировка ўташ учун юбориладиган мутахассислар билан иш берувчи ўртасида малака ошириш ва стажировка ўтаганидан кейин камида 2 йил ишлаб бериш бўйича шартнома тузиш. Шартномалар 2022 йил 15 январгача Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 17. Хорижда малакасини оширган ва стажировкадан ўтган мутахассисларнинг билим ва кўникмаларини амалиётга жорий этиш, улар иштирокида маҳорат дарслари, вебинарлар ва бошқа тадбирлар ташкил этиш. Ўқув дастурлари Шартномаларга кўра Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, Соғлиқни сақлаш вазирлиги ( Азизов ) 18. Хорижда малакасини оширган ва стажировкадан ўтган мутахассисларнинг малакасини ошириш самарадорлигини ўрганиб бориш (пост-мониторинг). Ишчи гуруҳи қарори Ҳар чоракда Иқтидорли ва малакали тиббиёт мутахассисларини қўллаб-қувватлаш ҳамда тиббиёт муассасаларига жалб қилиш бўйича ишчи гуруҳи
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 11 ноябрь,
ПҚ-6-сон
Oʻzbekiston Respublikasi Prezidentining
Qarori
“Yoʻl xaritasi”
Aholiga tibbiy xizmatlar koʻrsatish sifatini yaxshilash va sogʻliqni saqlash sohasida kadrlar salohiyatini yanada oshirishga oid qoʻshimcha chora-tadbirlar toʻgʻrisida
Hududlarda sogʻliqni saqlash muassasalarining moddiy-texnika bazasini mustahkamlash va resurs imkoniyatlarini kengaytirish, ularni zamonaviy tibbiy uskunalar bilan jihozlash, shuningdek, tibbiyot xodimlarining malakasini oshirish tizimini takomillashtirish maqsadida:
1. Davlat tuman (shahar) va viloyat tibbiyot muassasalari uchun zamonaviy tibbiy uskunalar xarid qilish hamda ulardagi mutaxassislarning yetakchi xorijiy tibbiy muassasalarda malakasini oshirish uchun Tiklanish va taraqqiyot jamgʻarmasi hisobidan Moliya vazirligiga uning talabnomalariga asosan 2021-2022-yillarda 100 mln AQSH dollarigacha ekvivalentdagi milliy valyutada yillik 2 foiz stavkada kredit mablagʻlari ajratilsin. Bunda, ushbu mablagʻlar Moliya vazirligining talabnomalari taqdim etilgan sanadan boshlab 3 yil muddatgacha beriladi.
2. Moliya vazirligi mazkur qarorning 1-bandiga muvofiq ajratilayotgan mablagʻlarni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining asoslangan talabnomalariga hamda belgilangan stavkaga koʻra qaytarish sharti bilan 3 yildan koʻp boʻlmagan muddatga ularga budjet ssudasi sifatida ajratsin. Bunda, Moliya vazirligi kredit mablagʻlarini respublika ixtisoslashtirilgan ilmiy-amaliy tibbiyot markazlarini zamonaviy tibbiy uskunalar bilan jihozlashga va yetakchi xorijiy tibbiy muassasalarda ularning mutaxassislari malakasini oshirishga ham yoʻnaltirishi mumkin.
3. Belgilansinki:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tegishli hududiy sogʻliqni saqlash boshqarmalari bilan birgalikda xatlov oʻtkazish asosida har bir hudud va muassasa kesimida tibbiy uskunalarga boʻlgan ehtiyojni aniqlaydi hamda ssuda mablagʻlari hisobidan xarid qilinadigan uskunalar roʻyxatini Sogʻliqni saqlash vazirligiga kelishish uchun kiritadi;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari kelishilgan roʻyxatga asosan tibbiy uskunalarni xarid qiladi. Bunda, ushbu jarayonga “Oʻzmedimpeks” masʼuliyati cheklangan jamiyati agent sifatida jalb qilinishi mumkin;
tibbiy uskunalarni xarid qilish boʻyicha texnik topshiriqlar va tender hujjatlari “Loyihalar va import kontraktlarini kompleks ekspertiza qilish markazi” davlat unitar korxonasida (keyingi oʻrinlarda — Markaz) kompleks ekspertizadan oʻtkaziladi;
Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari ajratilayotgan ssuda mablagʻlarining samarali va maqsadli ishlatilishi hamda oʻz vaqtida qaytarilishiga shaxsan masʼul hisoblanadi;
xorijda malaka oshiradigan tibbiyot xodimlari roʻyxati Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tanlov (konkurs) asosida shakllantiriladi hamda Oʻzbekiston Respublikasi Prezidentining 2021-yil 5-maydagi PF-6221-son Farmoni bilan tashkil qilingan Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish boʻyicha ishchi guruhi tomonidan belgilangan tartibda tasdiqlanadi;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga hududlardagi tibbiyot muassasalari mutaxassislarining yetakchi xorijiy tibbiy muassasalarda malakasini oshirish maqsadida Markazda kompleks ekspertizadan oʻtkazish sharti bilan toʻgʻridan-toʻgʻri shartnomalar tuzishga ruxsat beriladi.
4. Davlat tuman (shahar) va viloyat tibbiyot muassasalarining moddiy-texnika bazasini mustahkamlash va kadrlar salohiyatini oshirish boʻyicha “Yoʻl xaritasi” ilovaga muvofiq tasdiqlansin.
5. Hisob palatasi (B. Turabov) ushbu qaror doirasidagi tibbiy uskunalarni xarid qilish jarayoni va ulardan samarali foydalanish ustidan doimiy nazorat oʻrnatsin hamda har chorakda Oʻzbekiston Respublikasi Prezidenti Administratsiyasiga maʼlumot kiritib borsin.
6. Mazkur qarorning ijrosini samarali tashkil qilishga masʼul va shaxsiy javobgar etib Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari, sogʻliqni saqlash vaziri B.A. Musayev hamda moliya vaziri T.A. Ishmetov belgilansin.
Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Amalga oshirilayotgan chora-tadbirlar natijadorligi yuzasidan 2022-yil 1-iyunga qadar Oʻzbekiston Respublikasi Prezidentiga axborot berilsin.
Oʻzbekiston Respublikasi Prezidentining 2021-yil 11-noyabrdagi PQ-6-son qaroriga ILOVA
Davlat tuman (shahar) va viloyat tibbiyot muassasalarining moddiy-texnika bazasini mustahkamlash va kadrlar salohiyatini oshirish boʻyicha
T/r Chora-tadbirlar nomi Amalga oshirish shakli Bajarish muddati Masʼul ijrochilar I. Moliyalashtirish shartnomalarini tuzish 1. Tiklanish va taraqqiyot jamgʻarmasi hamda Moliya vazirligi oʻrtasida kredit shartnomasini imzolash. Kredit shartnomasi 2021-yil 1-dekabrgacha Tiklanish va taraqqiyot jamgʻarmasi ( Vafayev ), Moliya vazirligi ( Ishmetov ) 2. Hududiy davlat tibbiyot muassasalari uchun zamonaviy tibbiy uskunalar xarid qilish hamda yetakchi xorijiy tibbiy muassasalarda ularning mutaxassislari malakasini oshirish uchun budjet ssudalarini ajratish. Ssuda shartnomasi Talabnomalarga asosan Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Moliya vazirligi ( Ishmetov ) II. Davlat tuman (shahar) va viloyat tibbiyot muassasalarini zarur tibbiy uskunalar bilan taʼminlash 3. Talab yuqori boʻlgan asosiy turdagi tibbiy uskunalar roʻyxatini hududlar kesimida shakllantirish. Roʻyxat 2021-yil 5-dekabrgacha Sogʻliqni saqlash vazirligi ( Inoyatov, Azizov ), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 4. Hududiy tibbiyot muassasalaridagi mavjud tibbiy uskunalarni xatlovdan oʻtkazish va ulardan foydalanish darajasini oʻrganish. Bunda, xalqaro moliya tashkilotlari, Davlat budjeti va boshqa manbalar hisobidan xarid qilinishi koʻzda tutilgan tibbiy uskunalar inobatga olinadi. Tashkiliy chora-tadbirlar 2022-yil 15-yanvargacha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi ( Inoyatov, Azizov ) 5. Xatlov natijalari asosida hududlar va tibbiyot muassasalari kesimida: Tuman (shahar)lar kesimida xarid qilinadigan tibbiy uskunalar roʻyxati Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 1) birinchi navbatdagi talab yuqori boʻlgan tibbiy uskunalarga boʻlgan talabni aniqlash; 2021-yil 15-dekabrgacha 2) qoʻshimcha tibbiy uskunalarga boʻlgan talabni shakllantirish. Talabga koʻra 6. Ssuda hisobidan xarid qilinadigan tibbiy uskunalarga boʻlgan talabni Sogʻliqni saqlash vazirligi bilan kelishish. Bunda, hududlardagi aholining kasallanish koʻrsatkichlari hamda tibbiy uskunalarning texnik parametrlari inobatga olinadi. Sogʻliqni saqlash vazirligi xulosasi (kelishuv xati) 2022-yil 1-yanvargacha dastlabki xulosa asosida, keyinchalik kelishuvga asosan Sogʻliqni saqlash vazirligi ( Inoyatov, Azizov ), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 7. Tibbiy uskunalarni xarid qilish boʻyicha texnik topshiriq va tender hujjatlarini kompleks ekspertizadan oʻtkazish. “Loyihalar va import kontraktlarini kompleks ekspertiza qilish markazi” DUK xulosasi Hujjatlar taqdim qilingan kundan keyin 7 kun ichida “Loyihalar va import kontraktlarini kompleks ekspertiza qilish markazi” DUK ( Allaberganov ), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 8. Zarur tibbiy uskunalarni xarid qilish, ulardan foydalanishni oʻrgatish va taʼmirlash boʻyicha tender savdolarini oʻtkazish hamda shartnomalar tuzish: Shartnomalar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi ( Inoyatov, Azizov ) 1) birinchi navbatdagi talab yuqori boʻlgan tibbiy uskunalar roʻyxati boʻyicha yetkazib berish shartnomalarini tuzish; 2022-yil 15-fevralgacha 2) qoʻshimcha talab etiladigan tibbiy uskunalarni yetkazib berish shartnomalarini tuzish. Talabga koʻra 9. Zarur tibbiy uskunalarni yetkazib berish shartnomalari doirasida yetkazib beruvchi tashkilotlar tomonidan mutaxassislar uchun oʻquv seminarlarini tashkil qilish. Oʻquv seminarlari Shartnomalarda koʻrsatilgan muddatlarga koʻra Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi ( Inoyatov, Azizov ), yetkazib beruvchi tashkilotlar 10. Tibbiy uskunalarni xarid qilish jarayonlari va ulardan foydalanish samaradorligini oʻrganish (post-monitoring) tadbirlarini amalga oshirish. Tashkiliy chora-tadbirlar Reja-grafikka asosan Hisob palatasi ( Turabov ), Moliya vazirligi ( Ishmetov ), Sogʻliqni saqlash vazirligi ( Inoyatov, Azizov ) III. Davlat tuman (shahar) va viloyat tibbiyot muassasalari mutaxassislarining bilim va koʻnikmalarini rivojlantirish 11. Xorijda malaka oshirish va stajirovka oʻtash uchun yuboriladigan mutaxassislarni tanlash, ularning bilim va koʻnikmalarini amaliyotga joriy qilish hamda mazkur tadbirlar bilan bogʻliq xarajatlarni moliyalashtirish tartibini ishlab chiqish va tasdiqlash. Idoraviy hujjat 2021-yil 1-dekabrgacha Sogʻliqni saqlash vazirligi ( Azizov ) 12. Xorijiy tibbiy taʼlim, ilmiy va boshqa muassasalar (markazlar) bilan malaka oshirish va stajirovka oʻtash boʻyicha hamkorlikni rivojlantirish. Bunda, mazkur tashkilotlarning malaka oshirish boʻyicha salohiyatini oʻrganish, stajirovka muddatlari va shartlarini hamda qabul qilinadigan mutaxassislar sonini aniqlash, muzokaralar oʻtkazish va kelishuvlarga erishish. Memorandum va shartnomalar 2022-yil 15-yanvargacha Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish boʻyicha ishchi guruhi, Sogʻliqni saqlash vazirligi ( Musayev, Azizov ), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 13. Malaka oshirish va stajirovka oʻtash uchun hududlarda konkurs eʼlon qilish va oʻtkazish: Roʻyxat Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi ( Musayev, Azizov ) 1) dastlabki roʻyxatni shakllantirish; 2021-yil 1 — 25-dekabr 2) qoʻshimcha talabga koʻra yangi roʻyxatlarni shakllantirib borish. Talabga koʻra 14. Shakllantirilgan roʻyxat asosida malaka oshirish va stajirovka oʻtash uchun yetakchi xorijiy tibbiy taʼlim, ilmiy va boshqa muassasalar (markazlar) bilan shartnomalar tuzish: Shartnomalar Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish boʻyicha ishchi guruhi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi ( Musayev, Azizov ) 1) shakllantirilgan dastlabki roʻyxat boʻyicha guruhni 2022-yil 15-fevralgacha malaka oshirish va stajirovkaga yuborish; 2022-yil 1-fevralgacha 2) shakllantiriladigan qoʻshimcha roʻyxat boʻyicha guruhlarni yuborish. Talabga koʻra 15. Malaka oshirish va stajirovka oʻtash uchun yetakchi xorijiy tibbiy taʼlim, ilmiy va boshqa muassasalar (markazlar) bilan toʻgʻridan-toʻgʻri tuzilgan shartnomalarni kompleks ekspertizadan oʻtkazish. “Loyihalar va import kontraktlarini kompleks ekspertiza qilish markazi” DUK xulosasi Hujjatlar taqdim qilingan kundan keyin 7 kun ichida “Loyihalar va import kontraktlarini kompleks ekspertiza qilish markazi” DUK ( Allaberganov ), Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 16. Xorijda malaka oshirish va stajirovka oʻtash uchun yuboriladigan mutaxassislar bilan ish beruvchi oʻrtasida malaka oshirish va stajirovka oʻtaganidan keyin kamida 2 yil ishlab berish boʻyicha shartnoma tuzish. Shartnomalar 2022-yil 15-yanvargacha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 17. Xorijda malakasini oshirgan va stajirovkadan oʻtgan mutaxassislarning bilim va koʻnikmalarini amaliyotga joriy etish, ular ishtirokida mahorat darslari, vebinarlar va boshqa tadbirlar tashkil etish. Oʻquv dasturlari Shartnomalarga koʻra Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, Sogʻliqni saqlash vazirligi ( Azizov ) 18. Xorijda malakasini oshirgan va stajirovkadan oʻtgan mutaxassislarning malakasini oshirish samaradorligini oʻrganib borish (post-monitoring). Ishchi guruhi qarori Har chorakda Iqtidorli va malakali tibbiyot mutaxassislarini qoʻllab-quvvatlash hamda tibbiyot muassasalariga jalb qilish boʻyicha ishchi guruhi
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 11-noyabr,
PQ-6-son
Президента Республики Узбекистан
Постановление
«Дорожная карта»
О дополнительных мерах по улучшению качества оказания медицинских услуг населению и дальнейшему повышению кадрового потенциала в сфере здравоохранения
В целях укрепления материально-технической базы и расширения ресурсных возможностей учреждений здравоохранения в регионах, оснащения их современным медицинским оборудованием, а также совершенствования системы повышения квалификации медицинских работников:
1. Выделить Министерству финансов в 2021-2022 годах на основании его заявок кредитные средства в национальной валюте в эквиваленте до 100 млн долларов США по ставке 2 процента годовых за счет Фонда реконструкции и развития на закупку современного медицинского оборудования для государственных районных (городских) и областных медицинских учреждений, а также на повышение квалификации их специалистов в ведущих зарубежных медицинских учреждениях. При этом данные средства предоставляются сроком на 3 года с момента подачи заявок Министерством финансов.
2. Министерству финансов выделить Совету Министров Республики Каракалпакстан, хокимиятам областей и города Ташкента средства, предусмотренные пунктом 1 настоящего постановления, в качестве бюджетной ссуды в соответствии с их обоснованными заявками и с условием возврата по установленной ставке на срок не более 3 лет. При этом Министерство финансов может направлять кредитные средства также на оснащение республиканских специализированных научно-практических медицинских центров современным медицинским оборудованием и повышение квалификации их специалистов в ведущих зарубежных медицинских учреждениях.
3. Определить, что:
Совет Министров Республики Каракалпакстан, хокимияты областей и города Ташкента совместно с соответствующими территориальными управлениями здравоохранения на основе проведения инвентаризации определяют потребность в медицинском оборудовании в разрезе каждого региона и учреждения и вносят в Министерство здравоохранения для согласования перечень оборудования, закупаемого за счет средств ссуды;
Совет Министров Республики Каракалпакстан, хокимияты областей и города Ташкента закупают медицинское оборудование по согласованному перечню. При этом общество с ограниченной ответственностью «Oʻzmedimpeks» может быть привлечено к данному процессу в качестве агента;
технические задания и тендерная документация на закупку медицинского оборудования проходят комплексную экспертизу в государственном унитарном предприятии «Центр комплексной экспертизы проектов и импортных контрактов» (далее — Центр);
Председатель Совета Министров Республики Каракалпакстан, хокимы областей и города Ташкента несут персональную ответственность за эффективное и целевое использование, а также своевременный возврат средств выделяемой ссуды;
список медицинских работников, которые будут повышать квалификацию за рубежом, формируется Советом Министров Республики Каракалпакстан, хокимиятами областей и города Ташкента на основе конкурса и утверждается в установленном порядке Рабочей группой по поддержке одаренных и квалифицированных медицинских специалистов и привлечению их в медицинские учреждения, созданной Указом Президента Республики Узбекистан от 5 мая 2021 года № УП-6221;
Совету Министров Республики Каракалпакстан, хокимиятам областей и города Ташкента разрешается заключать прямые договоры с условием проведения комплексной экспертизы в Центре в целях повышения квалификации специалистов медицинских учреждений регионов в ведущих зарубежных медицинских учреждениях.
4. Утвердить «Дорожную карту» по укреплению материально-технической базы и повышению кадрового потенциала государственных районных (городских) и областных медицинских учреждений согласно приложению .
5. Счетной палате (Б. Турабов) установить постоянный контроль за процессом закупки медицинского оборудования и его эффективным использованием в рамках настоящего постановления и ежеквартально вносить информацию в Администрацию Президента Республики Узбекистан.
6. Возложить на Председателя Совета Министров Республики Каракалпакстан, хокимов областей и города Ташкента, министра здравоохранения Б.А. Мусаева и министра финансов Т.А. Ишметова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.
О результативности осуществляемых мер информировать Президента Республики Узбекистан до 1 июня 2022 года.
ПРИЛОЖЕНИЕ к постановлению Президента Республики Узбекистан от 11 ноября 2021 года № ПП-6
по укреплению материально-технической базы и повышению кадрового потенциала государственных районных (городских) и областных медицинских учреждений
№ Наименование мер Форма реализации Срок исполнения Ответственные исполнители I. Заключение договоров финансирования 1. Заключение кредитного договора между Фондом реконструкции и развития и Министерством финансов. Кредитный договор До 1 декабря 2021 года Фонд реконструкции и развития (Вафаев) , Министерство финансов (Ишметов) 2. Выделение бюджетных ссуд на закупку современного медицинского оборудования для территориальных государственных медицинских учреждений, а также на повышение квалификации их специалистов в ведущих зарубежных медицинских учреждениях. Договор ссуды На основании заявок Совет Министров Республики Каракалпакстан, хокимияты областей и города Ташкента, Министерство финансов (Ишметов) II. Обеспечение государственных районных (городских) и областных медицинских учреждений необходимым медицинским оборудованием 3. Формирование перечня наиболее востребованных основных видов медицинского оборудования в разрезе регионов. Перечень До 5 декабря 2021 года Министерство здравоохранения (Иноятов, Азизов) , Совет Министров Республики Каракалпакстан, хокимияты областей и города Ташкента 4. Проведение инвентаризации и изучение степени использования медицинского оборудования, имеющегося в территориальных медицинских учреждениях. При этом учитывается медицинское оборудование, закупка которого предусмотрена за счет международных финансовых организаций, Государственного бюджета и иных источников. Организационные меры До 15 января 2022 года Совет Министров Республики Каракалпакстан, хокимияты областей и города Ташкента, Министерство здравоохранения (Иноятов, Азизов) 5. На основе результатов инвентаризации в разрезе регионов и медицинских учреждений: Перечень закупаемого медицинского оборудования в разрезе районов (городов) Совет Министров Республики Каракалпакстан, хокимияты областей и города Ташкента 1) определение потребности в первоочередном наиболее востребованном медицинском оборудовании; До 15 декабря 2021 года 2) формирование потребности на дополнительное медицинское оборудование. По требованию 6. Согласование с Министерством здравоохранения заявки на медицинское оборудование, закупаемое за счет ссуды. При этом учитываются показатели заболеваемости населения в регионах и технические параметры медицинского оборудования. Заключение Министерства здравоохранения (согласительное письмо) До 1 января 2022 года на основе первоначального заключения, в последующем — по договоренности Министерство здравоохранения (Иноятов, Азизов) , Совет Министров Республики Каракалпакстан, хокимияты областей и города Ташкента 7. Проведение комплексной экспертизы технического задания и тендерной документации на закупку медицинского оборудования. Заключение ГУП «Центр комплексной экспертизы проектов и импортных контрактов» В течение 7 дней с момента подачи документов ГУП «Центр комплексной экспертизы проектов и импортных контрактов» (Аллаберганов) , Совет Министров Республики Каракалпакстан, хокимияты областей и города Ташкента 8. Проведение тендерных торгов и заключение договоров на закупку первоочередного востребованного медицинского оборудования, обучение его эксплуатации и ремонт: Договоры Совет Министров Республики Каракалпакстан, хокимияты областей и города Ташкента, Министерство здравоохранения (Иноятов, Азизов) 1) заключение договоров на поставку по перечню первоочередного наиболее востребованного медицинского оборудования; До 15 февраля 2022 года 2) заключение договоров на поставку дополнительного востребованного медицинского оборудования. По требованию 9. Организация учебных семинаров для специалистов организациями-поставщиками в рамках договоров на поставку необходимого медицинского оборудования. Учебные семинары Согласно срокам, указанным в договорах Совет Министров Республики Каракалпакстан, хокимияты областей и города Ташкента, Министерство здравоохранения (Иноятов, Азизов) , организации-поставщики 10. Проведение мероприятий по обучению (пост-мониторингу) процессам закупки медицинского оборудования и эффективности его эксплуатации. Организационные меры На основе плана-графика Счетная палата (Турабов) , Министерство финансов (Ишметов ), Министерство здравоохранения (Иноятов, Азизов) III. Совершенствование знаний и навыков специалистов государственных районных (городских) и областных медицинских учреждений 11. Разработка и утверждение порядка отбора специалистов, направляемых на повышение квалификации и прохождение стажировки за рубежом, внедрения в практику их знаний и навыков, а также финансирования расходов, связанных с данными мероприятиями. Ведомственный документ До 1 декабря 2021 года Министерство здравоохранения (Азизов) 12. Укрепление сотрудничества с зарубежными медицинскими образовательными, научными и другими учреждениями (центрами) по повышению квалификации и прохождению стажировки. При этом изучение потенциала данных организаций по повышению квалификации, определение сроков и условий прохождения стажировки, количества принимаемых специалистов, проведение переговоров и достижение договоренностей. Меморандумы и соглашения До 15 января 2022 года Рабочая группа по поддержке одаренных и квалифицированных медицинских специалистов и привлечению их в медицинские учреждения, Министерство здравоохранения (Мусаев, Азизов) , Совет Министров Республики Каракалпакстан, хокимияты областей и города Ташкента 13. Объявление и проведение конкурсов в регионах на обучение и прохождение стажировки: Список Совет Министров Республики Каракалпакстан, хокимияты областей и города Ташкента, Министерство здравоохранения (Мусаев, Азизов) 1) формирование предварительного списка; 1 — 25 декабря 2021 года 2) формирование новых списков по дополнительному запросу. По запросу 14. Заключение договоров с ведущими зарубежными медицинскими образовательными, научными и другими учреждениями (центрами) по повышению квалификации и прохождению стажировки на основании сформированного перечня: Договоры Рабочая группа по поддержке одаренных и квалифицированных медицинских специалистов и привлечению их в медицинские учреждения, Совет Министров Республики Каракалпакстан, хокимияты областей и города Ташкента, Министерство здравоохранения (Мусаев, Азизов) 1) направление на повышение квалификации и прохождение стажировки группы по предварительно сформированному списку до 15 февраля 2022 года; До 1 февраля 2022 года 2) направление групп по дополнительному формируемому списку. По запросу 15. Проведение комплексной экспертизы прямых договоров, заключенных с ведущими зарубежными медицинскими образовательными, научными и другими учреждениями (центрами) по повышению квалификации и прохождению стажировки. Заключение ГУП «Центр комплексной экспертизы проектов и импортных контрактов» В течение 7 дней с момента подачи документов ГУП «Центр комплексной экспертизы проектов и импортных контрактов» (Аллаберганов) , Совет Министров Республики Каракалпакстан, хокимияты областей и города Ташкента 16. Заключение договора между работодателем и специалистами, направленными на повышение квалификации и прохождение стажировки за рубежом, на отработку не менее 2 лет после повышения квалификации и прохождения стажировки. Договоры До 15 января 2022 года Совет Министров Республики Каракалпакстан, хокимияты областей и города Ташкента 17. Внедрение на практике знаний и навыков специалистов, которые повысили свою квалификацию и прошли стажировку за рубежом, организация мастер-классов, вебинаров и других мероприятий с их участием. Учебные программы Согласно договорам Совет Министров Республики Каракалпакстан, хокимияты областей и города Ташкента, Министерство здравоохранения (Азизов) 18. Изучение (пост-мониторинг) эффективности повышения квалификации специалистов, повысивших квалификацию и прошедших стажировку за рубежом. Решение рабочей группы Ежеквартально Рабочая группа по поддержке одаренных и квалифицированных медицинских специалистов и привлечению их в медицинские учреждения
Президент Республики Узбекистан Ш. МИРЗИЁЕВ
г. Ташкент,
11 ноября 2021 г.,
№ ПП-6