📅 2021-yil 15-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 15 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 ноября 2021 г. · Постановления Президента
Официальный текст. Официальный документ. Редакционные примечания не включены.
📅 15 November 2021 · Presidential resolutions
Official text. Official document. Editorial notes are not included.
Ўзбекистон Республикаси Президентининг
Қарори
Ғалла етиштириш ва сотишда эркин рақобатни таъминлайдиган бозор тамойилларини жорий этиш тўғрисида
Қишлоқ хўжалиги ва озиқ-овқат тармоғининг рақобатбардошлигини оширишга қаратилган ислоҳотларни янги босқичга олиб чиқиш, ички бозорда нархлар барқарорлигини таъминлаш, ғалланинг керакли бўлган ҳажмидан ташқари давлат харидларидан тўлиқ воз кечиш ҳисобига инвестициявий жозибадорликни ошириш, ғалла донини биржа савдоларида чекловларсиз сотишга имкон яратиш мақсадида:
1. Қишлоқ хўжалиги вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги ҳамда Ўзбекистон фермер, деҳқон хўжаликлари ва томорқа ер эгалари кенгашининг ғалла етиштириш ва сотишдаги инвестициявий жозибадорликни оширишга қаратилган қуйидаги таклифларига розилик берилсин:
ички бозорни ғалла дони билан кафолатли таъминлаш мақсадида 2022 йилдан бошлаб республика ҳудудида экишга тавсия этилган буғдой навларини хўжалик юритувчи субъектлар томонидан ер-сув шароитларидан келиб чиққан ҳолда мустақил жойлаштириш;
2022 — 2024 йилларда ғаллачилик кластерлари ва фермер хўжаликлари етиштирган ҳосилнинг ғалла экилган ҳар гектар суғориладиган майдон ҳисобидан республика бўйича ўртача 2,5 тоннадан буғдойни эркин биржа савдолари орқали, қолган қисмини тўғридан-тўғри шартномалар асосида эркин сотиш;
Қишлоқ хўжалигини давлат томонидан қўллаб-қувватлаш жамғармаси (кейинги ўринларда — Жамғарма) кредит ресурслари ҳисобидан ғалла етиштириш харажатларини қоплаш учун имтиёзли кредитларни ғалла етиштирувчи фермер хўжаликлари, Қишлоқ хўжалиги вазирлиги ҳузуридаги Уруғчиликни ривожлантириш маркази таркибидаги элита уруғчилик хўжаликлари ва ғаллачилик кластерларига ажратиш;
ғалла етиштирувчи фермер хўжаликлари, Уруғчиликни ривожлантириш маркази таркибидаги элита уруғчилик хўжаликлари ва ғаллачилик кластерларига кредит маблағларидан эркин фойдаланиш, минерал ўғитлар, ўсимликларни ҳимоя қилиш воситалари, ёқилғи-мойлаш маҳсулотлари ва қишлоқ хўжалиги техникаларини тўғридан-тўғри харид қилиш ҳуқуқини бериш.
2. Қишлоқ хўжалиги вазирлиги Иқтисодий тараққиёт ва камбағалликни қисқартириш вазирлиги, Молия вазирлиги, Давлат статистика қўмитаси ҳамда Ўзбекистон фермер, деҳқон хўжаликлари ва томорқа ер эгалари кенгаши билан келишган ҳолда календарь йилнинг 1 августига қадар буғдойнинг келгуси йил ҳосили учун кутилаётган индикатив нархи оммавий ахборот воситалари орқали эълон қилинишини таъминласин.
3. Молия вазирлиги, Иқтисодий тараққиёт ва камбағалликни қисқартириш вазирлиги, Қишлоқ хўжалиги вазирлиги ҳамда Вазирлар Маҳкамаси ҳузуридаги Агросаноат мажмуи устидан назорат қилиш инспекцияси 2022 йил 1 январга қадар Жамғарма томонидан ички бозорда нарх барқарорлигини таъминлаш учун биржа савдоларидан буғдой сотиб олиш ва уни биржада сотиш тартибини ишлаб чиқиб, тасдиқлаш учун Вазирлар Маҳкамасига киритсин. Бунда:
Жамғарма номидан биржа савдоларида буғдой сотиб олувчи тижорат вакилини белгилаш ва танлаб олишнинг аниқ ва шаффоф мезонлари;
тижорат вакили танловида «Ўздонмаҳсулот» АК тизими корхоналари билан бир қаторда ҳудудларда донни қайта ишлаш фаолияти билан шуғулланаётган бошқа тадбиркорлик субъектларига тенг шароит яратилиши;
тижорат вакили Жамғарма номидан харид қилинган буғдой учун ўзининг бутун мол-мулки билан жавобгар эканлиги;
тижорат вакили Жамғарма топшириғига асосан Давлат солиқ қўмитаси ҳузуридаги Кадастр агентлигининг Миллий географик ахборот тизимида ер участкаларига бўлган ҳуқуқи давлат рўйхатидан ўтган ғаллачилик кластерлари ва фермерлардан биржа орқали буғдой сотиб олиши;
тижорат вакилининг буғдойни харид қилиш, сақлаш, табиий камайиш, ортиш, ташиш ва давлат захирасини янгилаш бўйича харажатларини қоплаб бериш;
ички бозорда дон нархлари барқарорлигини таъминлаш учун харид қилинган буғдойнинг Жамғарма томонидан биржа савдоларига чиқарилиши;
нархларни сақлаб туриш мақсадида буғдойни сотишдан олинган ижобий ва салбий фарқларни қоплаш тартиби кўзда тутилсин.
4. Қишлоқ хўжалиги вазирлиги, Иқтисодий тараққиёт ва камбағалликни қисқартириш вазирлиги, Молия вазирлиги, Давлат статистика қўмитаси ҳамда Вазирлар Маҳкамаси ҳузуридаги Агросаноат мажмуи устидан назорат қилиш инспекцияси календарь йилнинг:
1 апрелига қадар эркин биржа савдоларига қўйиладиган буғдойнинг фермерлар, кластерлар ва туманлар кесимидаги тақсимотини ҳамда буғдойни сақлашга мос ёпиқ сиғимларга эга дон қабул қилувчи хўжалик юритувчи субъектларнинг рўйхатини тасдиқлаш учун Вазирлар Маҳкамасига киритсин;
1 августига қадар етиштирилган буғдой миқдори ва ички бозорда буғдойга бўлган талабдан келиб чиқиб, зарур ҳолларда тендер савдолари орқали қўшимча буғдой харид қилиш тўғрисида Вазирлар Маҳкамасига таклиф киритиб борсин.
5. Ўзбекистон Республикаси Бош вазирининг ўринбосари Ш.М. Ғаниев, қишлоқ хўжалиги вазири Ж.А. Ходжаев, Қорақалпоғистон Республикаси Вазирлар Кенгаши Раиси ва вилоят ҳокимларининг календарь йилнинг май-август ойларида мулкчилик шаклидан қатъи назар, суғориладиган майдонларда ғалла етиштирувчи барча субъектлар томонидан ғалла экилган ҳар гектар майдон ҳисобига республика бўйича ўртача 2,5 тоннадан ғалланинг биржа савдоларига чиқарилишини таъминлаш учун шахсан масъуллиги белгилаб қўйилсин.
6. Давлат бошқаруви органлари, шу жумладан барча даражадаги маҳаллий ҳокимликлар ва ҳуқуқни муҳофаза қилувчи органларнинг:
а) бошоқли дон етиштиришда агротехник тадбирларни ўтказиш, моддий-техник ресурслар билан таъминлашга;
ажратилган имтиёзли кредитлардан фойдаланиш йўналишларига;
буғдойни сотиш жараёнларига, шу жумладан шартномалар тузишга, хўжаликларни дон тайёрлаш ва қайта ишлаш билан шуғулланувчи маълум корхоналарга бириктириш, республика ҳудудлари ўртасидаги ички ташувларга аралашуви;
б) ғаллачилик кластерлари фаолиятига чорвачилик, паррандачилик, балиқчилик ва бошқа йўналишларни қўшиш тўғрисида ёзма ёки оғзаки тартибда кўрсатма беришлари қатъиян тақиқланади.
7. Иқтисодий тараққиёт ва камбағалликни қисқартириш вазирлиги, Молия вазирлиги ва Давлат активларини бошқариш агентлигининг:
2021-2022 йилларда «Ўздонмаҳсулот» АК тизимидаги дон корхоналарини ғаллачилик кластери ташкил этиш таклифини билдирган тадбиркорлик субъектларига сотиш учун баҳолаш ва фаолият йўналишини ўзгартирмаслик шартида очиқ савдоларга қўйиш;
«Ўздонмаҳсулот» АК тизимидаги корхоналарга тегишли 20 та уруғлик дон тайёрлаш цехларини ушбу корхоналарнинг Иқтисодиёт ва молия вазирлиги ҳузуридаги Қишлоқ хўжалигини давлат томонидан қўллаб-қувватлаш жамғармаси олдидаги қарздорлигини (улар бўйича ҳисобланган пенялар, шунингдек, объектни ўтказиш натижасида юзага келадиган солиқларни ҳам инобатга олган ҳолда) объектнинг баҳоланган қиймати миқдорига камайтириш ҳисобига Уруғчиликни ривожлантириш марказига текинга бериш ва тўлиқ модернизация қилиш тўғрисидаги таклифларига розилик берилсин.
Бунда, қарздорлик мавжуд бўлмаган ҳолларда объектлар «Ўздонмаҳсулот» АКдаги давлат улуши ва «Ўздонмаҳсулот» АКнинг дон корхоналаридаги улушини тегишинча камайтириш ҳисобига берилади.
8. Иқтисодий тараққиёт ва камбағалликни қисқартириш вазирлиги, Молия вазирлиги «Ўздонмаҳсулот» АК тизимидаги корхоналар тадбиркорлик субъектларига сотилгандан сўнг, «Ўздонмаҳсулот» АКни белгиланган тартибда тугатиш тўғрисида Вазирлар Маҳкамасига таклиф киритсин.
9. Иқтисодий тараққиёт ва камбағалликни қисқартириш вазирлиги Қишлоқ хўжалиги вазирлиги, Монополияга қарши курашиш қўмитаси, Давлат статистика қўмитаси ва Ахборот технологиялари ва коммуникацияларини ривожлантириш вазирлиги билан биргаликда 2022 йил 1 мартга қадар барча туманлар марказий деҳқон бозорларидаги буғдой ва бошқа асосий қишлоқ хўжалиги маҳсулотларининг нархларини «on-line» тарзда кузатиш имконини берувчи электрон платформани ишга туширсин.
10. Қишлоқ хўжалиги вазирлиги икки ой муддатда:
Ахборот технологиялари ва коммуникацияларини ривожлантириш вазирлиги билан биргаликда қишлоқ хўжалиги маҳсулотлари етиштириладиган ерларни, шу жумладан бошоқли доннинг экилиши, унинг ривожланишини учувчисиз учиш аппаратлари (дронлар) ёрдамида кузатиш ва мониторингини юритиш имконини берувчи электрон платформани ишга туширсин;
«Ўздаверлойиҳа» давлат илмий-лойиҳалаш институти ҳамда унинг ҳудудий бўлинмалари томонидан қишлоқ хўжалиги ерлари ва экинларининг вегетатив ҳолатини учувчисиз учиш аппаратлари ёрдамида кузатилишини йўлга қўйсин;
«Ўздаверлойиҳа» давлат илмий-лойиҳалаш институтининг «Ер ахборот тизими» порталида қишлоқ хўжалиги экинларининг жойлаштирилиши, шу жумладан такрорий ва тўқсонбости усулида етиштирилаётган экинлар тўғрисида маълумот берувчи электрон базани шакллантирсин.
11. Қишлоқ хўжалиги вазирлиги Ўсимликлар карантини ва ҳимояси агентлиги билан биргаликда бошоқли дон етиштириладиган майдонларда зараркунандалар ва касалликлар тарқалишининг олдини олиш мақсадида тизимли кузатувни ташкил этсин, хўжаликлар томонидан экинларни ҳимоя қилиш ишлари ўз вақтида бажарилишини назоратга олсин.
Фавқулодда ҳолатларда ушбу мақсадлар учун кўзда тутилган маблағлар ҳисобидан экинларни ҳимоя қилиш таъминлансин.
12. Вазирлар Маҳкамаси ҳузуридаги Агросаноат мажмуи устидан назорат қилиш инспекцияси, Қорақалпоғистон Республикаси Вазирлар Кенгаши ва вилоятлар ҳокимликлари экинларни жойлаштириш бўйича белгиланган кўрсаткичларнинг хўжаликлар томонидан бажарилиши юзасидан зарур чора-тадбирларни амалга оширсин.
13. Иқтисодий тараққиёт ва камбағалликни қисқартириш вазирлиги, Молия вазирлиги, Қишлоқ хўжалиги вазирлиги икки ҳафта муддатда ғалла етиштириш ва сотишда бозор тамойилларини жорий этиш жараёнида амалга ошириладиган ишлар бўйича «Йўл харитасини»ни Вазирлар Маҳкамасига киритсин.
14. Бошоқли дон етиштириш, сотиш ва буғдой нархининг шаклланиши бўйича мазкур қарор билан ўрнатилган тартибни Вазирлар Маҳкамаси, маҳаллий давлат ҳокимияти органлари, шунингдек, вазирлик ва идораларнинг ҳужжатлари билан вақтинчалик тўхтатиб туриш ёки қайта кўриб чиқиш қатъиян ман этилсин.
15. Молия вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
16. Мазкур қарорнинг ижросини самарали ташкил қилишга масъул ва шахсий жавобгар этиб қишлоқ хўжалиги вазири Ж.А. Ходжаев, молия вазири Т.А. Ишметов, Қорақалпоғистон Республикаси Вазирлар Кенгаши Раиси ва вилоят ҳокимлари белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазирининг ўринбосарлари Ж.А. Қўчқоров ва Ш.М. Ғаниев зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 15 ноябрь,
ПҚ-10-сон
Oʻzbekiston Respublikasi Prezidentining
Qarori
Gʻalla yetishtirish va sotishda erkin raqobatni taʼminlaydigan bozor tamoyillarini joriy etish toʻgʻrisida
Qishloq xoʻjaligi va oziq-ovqat tarmogʻining raqobatbardoshligini oshirishga qaratilgan islohotlarni yangi bosqichga olib chiqish, ichki bozorda narxlar barqarorligini taʼminlash, gʻallaning kerakli boʻlgan hajmidan tashqari davlat xaridlaridan toʻliq voz kechish hisobiga investitsiyaviy jozibadorlikni oshirish, gʻalla donini birja savdolarida cheklovlarsiz sotishga imkon yaratish maqsadida:
1. Qishloq xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi hamda Oʻzbekiston fermer, dehqon xoʻjaliklari va tomorqa yer egalari kengashining gʻalla yetishtirish va sotishdagi investitsiyaviy jozibadorlikni oshirishga qaratilgan quyidagi takliflariga rozilik berilsin:
ichki bozorni gʻalla doni bilan kafolatli taʼminlash maqsadida 2022-yildan boshlab respublika hududida ekishga tavsiya etilgan bugʻdoy navlarini xoʻjalik yurituvchi subyektlar tomonidan yer-suv sharoitlaridan kelib chiqqan holda mustaqil joylashtirish;
2022 — 2024-yillarda gʻallachilik klasterlari va fermer xoʻjaliklari yetishtirgan hosilning gʻalla ekilgan har gektar sugʻoriladigan maydon hisobidan respublika boʻyicha oʻrtacha 2,5 tonnadan bugʻdoyni erkin birja savdolari orqali, qolgan qismini toʻgʻridan-toʻgʻri shartnomalar asosida erkin sotish;
Qishloq xoʻjaligini davlat tomonidan qoʻllab-quvvatlash jamgʻarmasi (keyingi oʻrinlarda — Jamgʻarma) kredit resurslari hisobidan gʻalla yetishtirish xarajatlarini qoplash uchun imtiyozli kreditlarni gʻalla yetishtiruvchi fermer xoʻjaliklari, Qishloq xoʻjaligi vazirligi huzuridagi Urugʻchilikni rivojlantirish markazi tarkibidagi elita urugʻchilik xoʻjaliklari va gʻallachilik klasterlariga ajratish;
gʻalla yetishtiruvchi fermer xoʻjaliklari, Urugʻchilikni rivojlantirish markazi tarkibidagi elita urugʻchilik xoʻjaliklari va gʻallachilik klasterlariga kredit mablagʻlaridan erkin foydalanish, mineral oʻgʻitlar, oʻsimliklarni himoya qilish vositalari, yoqilgʻi-moylash mahsulotlari va qishloq xoʻjaligi texnikalarini toʻgʻridan-toʻgʻri xarid qilish huquqini berish.
2. Qishloq xoʻjaligi vazirligi Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat statistika qoʻmitasi hamda Oʻzbekiston fermer, dehqon xoʻjaliklari va tomorqa yer egalari kengashi bilan kelishgan holda kalendar yilning 1-avgustiga qadar bugʻdoyning kelgusi yil hosili uchun kutilayotgan indikativ narxi ommaviy axborot vositalari orqali eʼlon qilinishini taʼminlasin.
3. Moliya vazirligi, Iqtisodiy taraqqiyot va kambagʻallikni qisqartirish vazirligi, Qishloq xoʻjaligi vazirligi hamda Vazirlar Mahkamasi huzuridagi Agrosanoat majmui ustidan nazorat qilish inspeksiyasi 2022-yil 1-yanvarga qadar Jamgʻarma tomonidan ichki bozorda narx barqarorligini taʼminlash uchun birja savdolaridan bugʻdoy sotib olish va uni birjada sotish tartibini ishlab chiqib, tasdiqlash uchun Vazirlar Mahkamasiga kiritsin. Bunda:
Jamgʻarma nomidan birja savdolarida bugʻdoy sotib oluvchi tijorat vakilini belgilash va tanlab olishning aniq va shaffof mezonlari;
tijorat vakili tanlovida “Oʻzdonmahsulot” AK tizimi korxonalari bilan bir qatorda hududlarda donni qayta ishlash faoliyati bilan shugʻullanayotgan boshqa tadbirkorlik subyektlariga teng sharoit yaratilishi;
tijorat vakili Jamgʻarma nomidan xarid qilingan bugʻdoy uchun oʻzining butun mol-mulki bilan javobgar ekanligi;
tijorat vakili Jamgʻarma topshirigʻiga asosan Davlat soliq qoʻmitasi huzuridagi Kadastr agentligining Milliy geografik axborot tizimida yer uchastkalariga boʻlgan huquqi davlat roʻyxatidan oʻtgan gʻallachilik klasterlari va fermerlardan birja orqali bugʻdoy sotib olishi;
tijorat vakilining bugʻdoyni xarid qilish, saqlash, tabiiy kamayish, ortish, tashish va davlat zaxirasini yangilash boʻyicha xarajatlarini qoplab berish;
ichki bozorda don narxlari barqarorligini taʼminlash uchun xarid qilingan bugʻdoyning Jamgʻarma tomonidan birja savdolariga chiqarilishi;
narxlarni saqlab turish maqsadida bugʻdoyni sotishdan olingan ijobiy va salbiy farqlarni qoplash tartibi koʻzda tutilsin.
4. Qishloq xoʻjaligi vazirligi, Iqtisodiy taraqqiyot va kambagʻallikni qisqartirish vazirligi, Moliya vazirligi, Davlat statistika qoʻmitasi hamda Vazirlar Mahkamasi huzuridagi Agrosanoat majmui ustidan nazorat qilish inspeksiyasi kalendar yilning:
1-apreliga qadar erkin birja savdolariga qoʻyiladigan bugʻdoyning fermerlar, klasterlar va tumanlar kesimidagi taqsimotini hamda bugʻdoyni saqlashga mos yopiq sigʻimlarga ega don qabul qiluvchi xoʻjalik yurituvchi subyektlarning roʻyxatini tasdiqlash uchun Vazirlar Mahkamasiga kiritsin;
1-avgustiga qadar yetishtirilgan bugʻdoy miqdori va ichki bozorda bugʻdoyga boʻlgan talabdan kelib chiqib, zarur hollarda tender savdolari orqali qoʻshimcha bugʻdoy xarid qilish toʻgʻrisida Vazirlar Mahkamasiga taklif kiritib borsin.
5. Oʻzbekiston Respublikasi Bosh vazirining oʻrinbosari Sh.M. Gʻaniyev, qishloq xoʻjaligi vaziri J.A. Xodjayev, Qoraqalpogʻiston Respublikasi Vazirlar Kengashi Raisi va viloyat hokimlarining kalendar yilning may-avgust oylarida mulkchilik shaklidan qatʼi nazar, sugʻoriladigan maydonlarda gʻalla yetishtiruvchi barcha subyektlar tomonidan gʻalla ekilgan har gektar maydon hisobiga respublika boʻyicha oʻrtacha 2,5 tonnadan gʻallaning birja savdolariga chiqarilishini taʼminlash uchun shaxsan masʼulligi belgilab qoʻyilsin.
6. Davlat boshqaruvi organlari, shu jumladan barcha darajadagi mahalliy hokimliklar va huquqni muhofaza qiluvchi organlarning:
a) boshoqli don yetishtirishda agrotexnik tadbirlarni oʻtkazish, moddiy-texnik resurslar bilan taʼminlashga;
ajratilgan imtiyozli kreditlardan foydalanish yoʻnalishlariga;
bugʻdoyni sotish jarayonlariga, shu jumladan shartnomalar tuzishga, xoʻjaliklarni don tayyorlash va qayta ishlash bilan shugʻullanuvchi maʼlum korxonalarga biriktirish, respublika hududlari oʻrtasidagi ichki tashuvlarga aralashuvi;
b) gʻallachilik klasterlari faoliyatiga chorvachilik, parrandachilik, baliqchilik va boshqa yoʻnalishlarni qoʻshish toʻgʻrisida yozma yoki ogʻzaki tartibda koʻrsatma berishlari qatʼiyan taqiqlanadi.
7. Iqtisodiy taraqqiyot va kambagʻallikni qisqartirish vazirligi, Moliya vazirligi va Davlat aktivlarini boshqarish agentligining:
2021-2022-yillarda “Oʻzdonmahsulot” AK tizimidagi don korxonalarini gʻallachilik klasteri tashkil etish taklifini bildirgan tadbirkorlik subyektlariga sotish uchun baholash va faoliyat yoʻnalishini oʻzgartirmaslik shartida ochiq savdolarga qoʻyish;
“Oʻzdonmahsulot” AK tizimidagi korxonalarga tegishli 20 ta urugʻlik don tayyorlash sexlarini ushbu korxonalarning Iqtisodiyot va moliya vazirligi huzuridagi Qishloq xoʻjaligini davlat tomonidan qoʻllab-quvvatlash jamgʻarmasi oldidagi qarzdorligini (ular boʻyicha hisoblangan penyalar, shuningdek, obyektni oʻtkazish natijasida yuzaga keladigan soliqlarni ham inobatga olgan holda) obyektning baholangan qiymati miqdoriga kamaytirish hisobiga Urugʻchilikni rivojlantirish markaziga tekinga berish va toʻliq modernizatsiya qilish toʻgʻrisidagi takliflariga rozilik berilsin.
Bunda, qarzdorlik mavjud boʻlmagan hollarda obyektlar “Oʻzdonmahsulot” AKdagi davlat ulushi va “Oʻzdonmahsulot” AKning don korxonalaridagi ulushini tegishincha kamaytirish hisobiga beriladi.
8. Iqtisodiy taraqqiyot va kambagʻallikni qisqartirish vazirligi, Moliya vazirligi “Oʻzdonmahsulot” AK tizimidagi korxonalar tadbirkorlik subyektlariga sotilgandan soʻng, “Oʻzdonmahsulot” AKni belgilangan tartibda tugatish toʻgʻrisida Vazirlar Mahkamasiga taklif kiritsin.
9. Iqtisodiy taraqqiyot va kambagʻallikni qisqartirish vazirligi Qishloq xoʻjaligi vazirligi, Monopoliyaga qarshi kurashish qoʻmitasi, Davlat statistika qoʻmitasi va Axborot texnologiyalari va kommunikatsiyalarini rivojlantirish vazirligi bilan birgalikda 2022-yil 1-martga qadar barcha tumanlar markaziy dehqon bozorlaridagi bugʻdoy va boshqa asosiy qishloq xoʻjaligi mahsulotlarining narxlarini “on-line” tarzda kuzatish imkonini beruvchi elektron platformani ishga tushirsin.
10. Qishloq xoʻjaligi vazirligi ikki oy muddatda:
Axborot texnologiyalari va kommunikatsiyalarini rivojlantirish vazirligi bilan birgalikda qishloq xoʻjaligi mahsulotlari yetishtiriladigan yerlarni, shu jumladan boshoqli donning ekilishi, uning rivojlanishini uchuvchisiz uchish apparatlari (dronlar) yordamida kuzatish va monitoringini yuritish imkonini beruvchi elektron platformani ishga tushirsin;
“Oʻzdaverloyiha” davlat ilmiy-loyihalash instituti hamda uning hududiy boʻlinmalari tomonidan qishloq xoʻjaligi yerlari va ekinlarining vegetativ holatini uchuvchisiz uchish apparatlari yordamida kuzatilishini yoʻlga qoʻysin;
“Oʻzdaverloyiha” davlat ilmiy-loyihalash institutining “Yer axborot tizimi” portalida qishloq xoʻjaligi ekinlarining joylashtirilishi, shu jumladan takroriy va toʻqsonbosti usulida yetishtirilayotgan ekinlar toʻgʻrisida maʼlumot beruvchi elektron bazani shakllantirsin.
11. Qishloq xoʻjaligi vazirligi Oʻsimliklar karantini va himoyasi agentligi bilan birgalikda boshoqli don yetishtiriladigan maydonlarda zararkunandalar va kasalliklar tarqalishining oldini olish maqsadida tizimli kuzatuvni tashkil etsin, xoʻjaliklar tomonidan ekinlarni himoya qilish ishlari oʻz vaqtida bajarilishini nazoratga olsin.
Favqulodda holatlarda ushbu maqsadlar uchun koʻzda tutilgan mablagʻlar hisobidan ekinlarni himoya qilish taʼminlansin.
12. Vazirlar Mahkamasi huzuridagi Agrosanoat majmui ustidan nazorat qilish inspeksiyasi, Qoraqalpogʻiston Respublikasi Vazirlar Kengashi va viloyatlar hokimliklari ekinlarni joylashtirish boʻyicha belgilangan koʻrsatkichlarning xoʻjaliklar tomonidan bajarilishi yuzasidan zarur chora-tadbirlarni amalga oshirsin.
13. Iqtisodiy taraqqiyot va kambagʻallikni qisqartirish vazirligi, Moliya vazirligi, Qishloq xoʻjaligi vazirligi ikki hafta muddatda gʻalla yetishtirish va sotishda bozor tamoyillarini joriy etish jarayonida amalga oshiriladigan ishlar boʻyicha “Yoʻl xaritasini”ni Vazirlar Mahkamasiga kiritsin.
14. Boshoqli don yetishtirish, sotish va bugʻdoy narxining shakllanishi boʻyicha mazkur qaror bilan oʻrnatilgan tartibni Vazirlar Mahkamasi, mahalliy davlat hokimiyati organlari, shuningdek, vazirlik va idoralarning hujjatlari bilan vaqtinchalik toʻxtatib turish yoki qayta koʻrib chiqish qatʼiyan man etilsin.
15. Moliya vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
16. Mazkur qarorning ijrosini samarali tashkil qilishga masʼul va shaxsiy javobgar etib qishloq xoʻjaligi vaziri J.A. Xodjayev, moliya vaziri T.A. Ishmetov, Qoraqalpogʻiston Respublikasi Vazirlar Kengashi Raisi va viloyat hokimlari belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vazirining oʻrinbosarlari J.A. Qoʻchqorov va Sh.M. Gʻaniyev zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 15-noyabr,
PQ-10-son
Президента Республики Узбекистан
Постановление
О внедрении рыночных принципов, обеспечивающих свободную конкуренцию при производстве и реализации зерна
В целях поднятия на новый этап реформ, направленных на повышение конкурентоспособности сельскохозяйственной и продовольственной отраслей, обеспечения стабильности цен на внутреннем рынке, повышения инвестиционной привлекательности за счет полного отказа от государственных закупок сверх необходимого объема зерна, а также создания возможности для реализации зерна на биржевых торгах без ограничений:
1. Согласиться с предложениями Министерства сельского хозяйства, Министерства экономического развития и сокращения бедности, Министерства финансов, а также Совета фермерских, дехканских хозяйств и владельцев приусадебных земель Узбекистана, направленными на повышение инвестиционной привлекательности при производстве и реализации зерна, предусматривающими:
самостоятельное размещение хозяйствующими субъектами сортов пшеницы, рекомендованных к посеву на территории республики с 2022 года исходя из земельно-водных условий, в целях гарантированного обеспечения внутреннего рынка зерном;
в 2022 — 2024 годах свободную реализацию через биржевые торги в среднем по республике по 2,5 тонны зерна с каждого гектара орошаемой площади, засеянной зерном, урожай которого выращен зерновыми кластерами и фермерскими хозяйствами, остальную часть — на основе прямых договоров;
выделение льготных кредитов зерноводческим фермерским хозяйствам, элитным семеноводческим хозяйствам и зерновым кластерам в составе Центра развития семеноводства при Министерстве сельского хозяйства для покрытия расходов на производство зерна за счет кредитных ресурсов Фонда государственной поддержки сельского хозяйства (далее — Фонд);
предоставление зерноводческим фермерским хозяйствам, элитным семеноводческим хозяйствам и зерновым кластерам в составе Центра развития семеноводства права свободного использования кредитных средств, прямой закупки минеральных удобрений, средств защиты растений, горюче-смазочных материалов и сельскохозяйственной техники.
2. Министерству сельского хозяйства по согласованию с Министерством экономического развития и сокращения бедности, Министерством финансов, Государственным комитетом по статистике и Советом фермерских, дехканских хозяйств и владельцев приусадебных земель Узбекистана обеспечить в срок до 1 августа календарного года опубликование через средства массовой информации ожидаемой индикативной цены на зерно урожая следующего года.
3. Министерству финансов, Министерству экономического развития и сокращения бедности, Министерству сельского хозяйства и Инспекции по контролю за агропромышленным комплексом при Кабинете Министров в срок до 1 января 2022 года разработать и внести в Кабинет Министров на утверждение порядок закупки Фондом зерна на биржевых торгах и реализации его на бирже в целях обеспечения стабильности цен на внутреннем рынке. При этом предусмотреть:
конкретные и прозрачные критерии определения и отбора коммерческого агента для закупки зерна на биржевых торгах от имени Фонда;
создание наряду с предприятиями системы АК «Уздонмахсулот» другим субъектам предпринимательства, занимающимся переработкой зерна в регионах, равных условий при отборе коммерческого агента;
ответственность коммерческого агента всем своим имуществом за зерно, закупленное от имени Фонда;
закупку коммерческим агентом по поручению Фонда зерна через биржу у зерновых кластеров и фермеров, право на земельные участки которых прошло государственную регистрацию в Национальной географической информационной системе Агентства по кадастру при Государственном налоговом комитете;
возмещение расходов коммерческого агента по закупке, хранению, естественной убыли, приросту, транспортировке и обновлению государственного резерва зерна;
выставление Фондом на биржевые торги закупленного зерна в целях обеспечения стабильности цен на зерно на внутреннем рынке;
порядок покрытия положительного и отрицательного сальдо, полученного от реализации зерна в целях сохранения цен.
4. Министерству сельского хозяйства, Министерству экономического развития и сокращения бедности, Министерству финансов, Государственному комитету по статистике и Инспекции по контролю за агропромышленным комплексом при Кабинете Министров:
до 1 апреля календарного года внести в Кабинет Министров на утверждение распределение зерна, выставляемого на свободные биржевые торги, в разрезе фермеров, кластеров и районов, а также перечень хозяйствующих субъектов — получателей зерна, имеющих закрытые резервуары для хранения зерна;
до 1 августа календарного года внести в Кабинет Министров предложение о закупке, при необходимости, дополнительных объемов зерна посредством тендерных торгов исходя из количества выращенного зерна и спроса на зерно на внутреннем рынке.
5. Возложить на заместителя Премьер-министра Республики Узбекистан Ш.М. Ганиева, министра сельского хозяйства Ж.А. Ходжаева, Председателя Совета Министров Республики Каракалпакстан и хокимов областей персональную ответственность за обеспечение выставления в мае — августе календарного года всеми субъектами, производящими зерно непосредственно на орошаемых площадях, независимо от формы собственности, на биржевые торги в среднем по республике по 2,5 тонны зерна с каждого гектара орошаемой площади, засеянной зерном.
6. Органам государственного управления, в том числе местным хокимиятам всех уровней и правоохранительным органам, строго запрещается:
а) вмешательство:
в проведение агротехнических мероприятий при производстве зерновых колосовых и обеспечение материально-техническими ресурсами;
в направления использования выделенных льготных кредитов;
в процесс реализации зерна, в том числе заключение договоров, прикрепление хозяйств к отдельным предприятиям, занимающимся заготовкой и переработкой зерна, во внутренние транспортировки между регионами республики;
б) направление предписаний в письменной или устной форме о включении в деятельность зерновых кластеров таких направлений, как животноводство, птицеводство, рыбоводство и другие.
7. Согласиться с предложениями Министерства экономического развития и сокращения бедности, Министерства финансов и Агентства по управлению государственными активами:
об оценке и выставлении на открытые торги в 2021-2022 годах зерновых предприятий в системе АК «Уздонмахсулот» для их реализации субъектам предпринимательства, предложившим организовать зерновой кластер, с условием неизменения направления деятельности;
о безвозмездной передаче Центру развития семеноводства и полной модернизации 20 цехов по заготовке семенного зерна предприятий в системе АК «Уздонмахсулот» за счет уменьшения задолженности данных предприятий перед Фондом государственной поддержки сельского хозяйства при Министерстве экономики и финансов (с учетом начисленных по ней пеней, а также налогов, возникающих в результате передачи объекта) на размер оценочной стоимости объекта.
При этом в случае отсутствия задолженности объекты передаются за счет уменьшения доли государства в АК «Уздонмахсулот» и доли зерновых предприятий АК «Уздонмахсулот» соответственно.
8. Министерству экономического развития и сокращения бедности, Министерству финансов после реализации субъектам предпринимательства предприятий системы АК «Уздонмахсулот» внести в Кабинет Министров предложение о ликвидации АК «Уздонмахсулот» в установленном порядке.
9. Министерству экономического развития и сокращения бедности совместно с Министерством сельского хозяйства, Антимонопольным комитетом, Государственным комитетом по статистике и Министерством по развитию информационных технологий и коммуникаций в срок до 1 марта 2022 года запустить электронную платформу, предоставляющую возможность отслеживать в режиме онлайн цен на зерно и другую основную сельскохозяйственную продукцию на центральных дехканских рынках всех районов.
10. Министерству сельского хозяйства в двухмесячный срок:
совместно с Министерством по развитию информационных технологий и коммуникаций запустить электронную платформу, осуществляющую наблюдение и мониторинг земель, на которых выращивается сельскохозяйственная продукция, в том числе посева и роста зерновых колосовых с использованием беспилотных летательных аппаратов (дронов);
организовать наблюдение Государственным научно-проектным институтом «Уздаверлойиха» и его территориальными подразделениями вегетативного состояния сельскохозяйственных земель и культур с помощью беспилотных летательных аппаратов;
сформировать электронную базу данных о размещении сельскохозяйственных культур на портале «Земельно-информационная система» Государственного научно-проектного института «Уздаверлойиха», в том числе о посевах, выращиваемых повторным методом и методом «туксонбости».
11. Министерству сельского хозяйства совместно с Агентством по карантину и защите растений организовать системный мониторинг в целях предотвращения распространения вредителей и болезней на площадях, отведенных под выращивание зерновых колосовых, а также взять под контроль своевременное выполнение хозяйствами мер по защите посевов.
Обеспечить защиту посевов в экстренных случаях за счет средств, предусмотренных на эти цели.
12. Инспекции по контролю за агропромышленным комплексом при Кабинете Министров, Совету Министров Республики Каракалпакстан и хокимиятам областей осуществить необходимые меры по выполнению хозяйствами показателей, установленных по размещению посевов.
13. Министерству экономического развития и сокращения бедности, Министерству финансов, Министерству сельского хозяйства в двухнедельный срок внести в Кабинет Министров «Дорожную карту» по работе, осуществляемой в процессе внедрения рыночных принципов при производстве и реализации зерна.
14. Строго запретить временное приостановление или пересмотр на основании документов Кабинета Министров, органов государственной власти на местах, а также министерств и ведомств порядка, установленного настоящим постановлением по производству и реализации зерновых колосовых, формированию цен на зерно.
15. Министерству финансов совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
16. Возложить на министра сельского хозяйства Ж.А. Ходжаева, министра финансов Т.А. Ишметова, Председателя Совета Министров Республики Каракалпакстан и хокимов областей персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на заместителей Премьер-министра Республики Узбекистан Д.А. Кучкарова и Ш.М. Ганиева.
Президент Республики Узбекистан Ш. МИРЗИЁЕВ
г. Ташкент,
15 ноября 2021 г.,
№ ПП-10