📅 2021-yil 16-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 16 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 16 ноября 2021 г. · Постановления Кабинета Министров
Официальный текст. Официальный документ. Редакционные примечания не включены.
📅 16 November 2021 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Транспорт воситаларини ижарага бериш фаолияти кенгайтирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида
Вазирлар Маҳкамасининг «Автомототранспорт воситаларини ёллаш ва ижарага бериш фаолиятини қўллаб-қувватлаш, электромобиллар ва мототранспортлардан фойдаланиш, шунингдек, велосипедда мамлакат бўйлаб ҳаракатланишни ривожлантиришга оид қўшимча чора-тадбирлар тўғрисида» 2020 йил 29 декабрдаги 812-сон қарорига мувофиқ транспорт воситаларини ижарага беришни кенгайтириш ва янада ривожлантириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.
2. Ўзбекистон Республикаси Транспорт вазирлиги Ички ишлар вазирлиги билан биргаликда икки ҳафта муддатда белгиланган тартибда махсус таниқлик белгисини ишлаб чиқсин ва тасдиқласин.
3. Ушбу қарор расмий эълон қилинган кундан эътиборан бир ойдан кейин кучга киради.
4. Мазкур қарорнинг ижросини назорат қилиш Ўзбекистон Республикаси Бош вазирининг биринчи ўринбосари А.Ж. Раматов ва Ўзбекистон Республикаси транспорт вазири И.Р. Махкамов зиммасига юклансин.
Вазирлар Маҳкамасининг 2021 йил 16 ноябрдаги 684-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2016 йил 24 августдаги 275-сон қарори билан тасдиқланган Кичик тадбиркорлик субъектларига тегишли бўлган ташкилотларнинг ИФУТ асосида такомиллаштирилган таснифлагичи рус тилидаги матнидаги 77-бўлими 77.1-гуруҳи қуйидаги мазмундаги 77.13-класс билан тўлдирилсин:
« Раздел Группа Класс Подкласс Наименование Среднегодовая численность работников микрофирмы малые предприятия 77.13 77.13.0 Краткосрочная аренда легковых автомобилей и мототранспортных средств со сроком до 30 дней 1 — 20 21 — 50 ».
2. Вазирлар Маҳкамасининг 2018 йил 14 декабрдаги 1015-сон қарори билан тасдиқланган Енгил автомобиллар ва мототранспорт воситаларини қисқа муддатли ижарага бериш тартиби тўғрисидаги низомда :
а) 3-банднинг иккинчи хатбошиси «жисмоний» сўзидан кейин «ёки юридик» сўзлари билан тўлдирилсин;
б) 4-банднинг иккинчи хатбошиси «паспорт» сўзидан кейин «ёки идентификация ID-картаси» сўзлари билан тўлдирилсин;
в) қуйидаги таҳрирдаги 4 1 -кичик банд билан тўлдирилсин:
«4 1 . Ижарага берувчи, зарурат бўлганда, юридик шахснинг давлат рўйхатидан ўтказилганлиги тўғрисидаги маълумотларни тегишли ташкилотлардан белгиланган тартибда олади.»;
г) 5-бандда :
қуйидаги мазмундаги еттинчи хатбоши билан тўлдирилсин:
«гаров депозити миқдори (ижарага берувчи ва ижарачининг келишувига кўра)»;
еттинчи — тўққизинчи хатбошилар тегишлича саккизинчи — ўнинчи хатбошилар деб ҳисоблансин;
д) 6-банд қуйидаги таҳрирда баён қилинсин:
«6. Ижарага берувчи унга шахсий мулк сифатида ёки бошқа ашёвий ҳуқуқлар асосида тегишли бўлган, техник соз, видеорегистраторлар ва GPS навигаторлар билан жиҳозланган, қонунчилик ҳужжатларида белгиланган тартибда техник кўрикдан ўтган ҳамда Транспорт вазирлиги ва Ички ишлар вазирлиги томонидан тасдиқланадиган талабларга мувофиқ махсус таниқлик белгига эга бўлган транспорт воситаларини қисқа муддатли ижарага беради.»;
е) 7-банд қуйидаги таҳрирда баён қилинсин:
«7. Ижарага берувчи қуйидаги ҳуқуқларга эга:
жисмоний шахсда алкоголли ичимлик, гиёҳвандлик моддаси таъсиридаги ёки ўзгача тарздаги мастлик белгилари аниқ кўриниб турганда, у билан шартнома тузишни рад этиш;
шартномада белгиланган шартлар асосида транспорт воситасига етказилган ва ижарачи томонидан қоплашни талаб этадиган зарарни, йўл ҳаракати қоидалари бузилганлиги учун тўловларни амалга ошириш кафолати сифатида хизмат қиладиган гаров депозитини тўлашни талаб этиш;
мурожаат қилиш орқали Ички ишлар вазирлиги Йўл ҳаракати хавфсизлиги бош бошқармасининг «Маъмурий амалиёт» комплекс автоматлаштирилган ахборот тизимида шахсий кабинет очиш;
«Маъмурий амалиёт» комплекс автоматлаштирилган ахборот тизимидаги шахсий кабинет орқали ижарага берилган транспорт воситалари томонидан йўл ҳаракати қоидалари бузилганлиги тўғрисидаги маълумотлар мавжудлигини аниқлаш;
қўшимча хизматлар (бола учун махсус ўриндиқ, навигатор, қўшимча суғурта, йирик тўхташ жойларида алоҳида жой ажратиш ва бошқалар) кўрсатиш.»;
ж) 9-банднинг тўртинчи хатбошиси «мувофиқ бутланган» сўзларидан кейин «ҳамда махсус таниқлик белгига эга бўлган» сўзлари билан тўлдирилсин;
з) 12-бандда :
қуйидаги мазмундаги олтинчи хатбоши билан тўлдирилсин:
«ижарага олинган транспорт воситасида мамлакатни тарк этмаслиги»;
олтинчи хатбоши еттинчи хатбоши деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2021 йил 16 ноябрь,
684-сон
Oʻzbekiston Respublikasi Vazirlar Mahkamasining
qarori
Transport vositalarini ijaraga berish faoliyati kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida
Vazirlar Mahkamasining “Avtomototransport vositalarini yollash va ijaraga berish faoliyatini qoʻllab-quvvatlash, elektromobillar va mototransportlardan foydalanish, shuningdek, velosipedda mamlakat boʻylab harakatlanishni rivojlantirishga oid qoʻshimcha chora-tadbirlar toʻgʻrisida” 2020-yil 29-dekabrdagi 812-son qaroriga muvofiq transport vositalarini ijaraga berishni kengaytirish va yanada rivojlantirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Oʻzbekiston Respublikasi Transport vazirligi Ichki ishlar vazirligi bilan birgalikda ikki hafta muddatda belgilangan tartibda maxsus taniqlik belgisini ishlab chiqsin va tasdiqlasin.
3. Ushbu qaror rasmiy eʼlon qilingan kundan eʼtiboran bir oydan keyin kuchga kiradi.
4. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari A.J. Ramatov va Oʻzbekiston Respublikasi transport vaziri I.R. Maxkamov zimmasiga yuklansin.
Vazirlar Mahkamasining 2021-yil 16-noyabrdagi 684-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2016-yil 24-avgustdagi 275-son qarori bilan tasdiqlangan Kichik tadbirkorlik subyektlariga tegishli boʻlgan tashkilotlarning IFUT asosida takomillashtirilgan tasniflagichi rus tilidagi matnidagi 77-boʻlimi 77.1-guruhi quyidagi mazmundagi 77.13-klass bilan toʻldirilsin:
“ Razdel Gruppa Klass Podklass Naimenovaniye Srednegodovaya chislennost rabotnikov mikrofirmi malie predpriyatiya 77.13 77.13.0 Kratkosrochnaya arenda legkovix avtomobiley i mototransportnix sredstv so srokom do 30 dney 1 — 20 21 — 50 ”.
2. Vazirlar Mahkamasining 2018-yil 14-dekabrdagi 1015-son qarori bilan tasdiqlangan Yengil avtomobillar va mototransport vositalarini qisqa muddatli ijaraga berish tartibi toʻgʻrisidagi nizomda :
a) 3-bandning ikkinchi xatboshisi “jismoniy” soʻzidan keyin “yoki yuridik” soʻzlari bilan toʻldirilsin;
b) 4-bandning ikkinchi xatboshisi “pasport” soʻzidan keyin “yoki identifikatsiya ID-kartasi” soʻzlari bilan toʻldirilsin;
v) quyidagi tahrirdagi 4 1 -kichik band bilan toʻldirilsin:
“4 1 . Ijaraga beruvchi, zarurat boʻlganda, yuridik shaxsning davlat roʻyxatidan oʻtkazilganligi toʻgʻrisidagi maʼlumotlarni tegishli tashkilotlardan belgilangan tartibda oladi.”;
g) 5-bandda :
quyidagi mazmundagi yettinchi xatboshi bilan toʻldirilsin:
“garov depoziti miqdori (ijaraga beruvchi va ijarachining kelishuviga koʻra)”;
yettinchi — toʻqqizinchi xatboshilar tegishlicha sakkizinchi — oʻninchi xatboshilar deb hisoblansin;
d) 6-band quyidagi tahrirda bayon qilinsin:
“6. Ijaraga beruvchi unga shaxsiy mulk sifatida yoki boshqa ashyoviy huquqlar asosida tegishli boʻlgan, texnik soz, videoregistratorlar va GPS navigatorlar bilan jihozlangan, qonunchilik hujjatlarida belgilangan tartibda texnik koʻrikdan oʻtgan hamda Transport vazirligi va Ichki ishlar vazirligi tomonidan tasdiqlanadigan talablarga muvofiq maxsus taniqlik belgiga ega boʻlgan transport vositalarini qisqa muddatli ijaraga beradi.”;
e) 7-band quyidagi tahrirda bayon qilinsin:
“7. Ijaraga beruvchi quyidagi huquqlarga ega:
jismoniy shaxsda alkogolli ichimlik, giyohvandlik moddasi taʼsiridagi yoki oʻzgacha tarzdagi mastlik belgilari aniq koʻrinib turganda, u bilan shartnoma tuzishni rad etish;
shartnomada belgilangan shartlar asosida transport vositasiga yetkazilgan va ijarachi tomonidan qoplashni talab etadigan zararni, yoʻl harakati qoidalari buzilganligi uchun toʻlovlarni amalga oshirish kafolati sifatida xizmat qiladigan garov depozitini toʻlashni talab etish;
murojaat qilish orqali Ichki ishlar vazirligi Yoʻl harakati xavfsizligi bosh boshqarmasining “Maʼmuriy amaliyot” kompleks avtomatlashtirilgan axborot tizimida shaxsiy kabinet ochish;
“Maʼmuriy amaliyot” kompleks avtomatlashtirilgan axborot tizimidagi shaxsiy kabinet orqali ijaraga berilgan transport vositalari tomonidan yoʻl harakati qoidalari buzilganligi toʻgʻrisidagi maʼlumotlar mavjudligini aniqlash;
qoʻshimcha xizmatlar (bola uchun maxsus oʻrindiq, navigator, qoʻshimcha sugʻurta, yirik toʻxtash joylarida alohida joy ajratish va boshqalar) koʻrsatish.”;
j) 9-bandning toʻrtinchi xatboshisi “muvofiq butlangan” soʻzlaridan keyin “hamda maxsus taniqlik belgiga ega boʻlgan” soʻzlari bilan toʻldirilsin;
z) 12-bandda :
quyidagi mazmundagi oltinchi xatboshi bilan toʻldirilsin:
“ijaraga olingan transport vositasida mamlakatni tark etmasligi”;
oltinchi xatboshi yettinchi xatboshi deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2021-yil 16-noyabr,
684-son