📅 2021-yil 16-noyabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2021 йил 16 ноябрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 16 ноября 2021 г. · Указы Президента
Официальный текст. Официальный документ. Редакционные примечания не включены.
📅 16 November 2021 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Пахта-тўқимачилик кластерлари фаолиятини тартибга солиш чора-тадбирлари тўғрисида
Пахта-тўқимачилик кластерлари фаолиятини янада такомиллаштириш, уларнинг қишлоқ хўжалиги ерларидан самарали фойдаланишдаги роли ва масъулиятини ошириш, маҳсулот етиштирувчи ва уни қайта ишловчиларнинг манфаатдорлигини таъминлашга доир бозор тамойилларини кенг жорий этиш мақсадида:
3. Шундай тартиб ўрнатилсинки, унга кўра:
а) пахта-тўқимачилик кластери фаолияти Қишлоқ хўжалиги вазирлиги билан келишган ҳолда Қорақалпоғистон Республикаси Вазирлар Кенгаши ва вилоятлар ҳокимликларининг қарорлари билан ташкил этилади;
б) пахта-тўқимачилик кластерларини ташкил қилишда етиштириладиган ёки сотиб олинадиган пахта хом ашёсининг камида 50 фоизини ўзида қайта ишлаш қуввати (энг камида ип-калава) мавжуд бўлган талабгорга бошқаларга нисбатан устунлик берилади;
в) пахта-тўқимачилик кластерини ташкил қилиш бўйича қарорга асосан Қишлоқ хўжалиги вазирлиги, тегишлилигига кўра Қорақалпоғистон Республикаси Вазирлар Кенгаши ёки вилоят ҳокимлиги ва пахта-тўқимачилик кластери фаолиятини йўлга қўйиш бўйича талабгор ўртасида уч томонлама битим ўттиз йил муддатга тузилади. Бунда талабгор чет эл инвестициялари иштирокидаги корхона ёки чет эл юридик шахси бўлган тақдирда уч томонлама битим йигирма беш йилгача бўлган муддатга тузилади;
г) бир ҳудудда (Қорақалпоғистон Республикаси ёки тегишли вилоят) барча пахта-тўқимачилик кластерларига фермер хўжаликлари билан шартнома асосида фаолият юритишига ва фермер хўжаликларига ушбу кластерлар билан пахта хом ашёсини етказиб бериш бўйича ихтиёрий равишда фьючерс шартномаларини тузишга рухсат берилади;
д) уч томонлама битимни бекор қилиш қуйидаги ҳолларда фақатгина суд тартибида амалга оширилади:
томонларнинг ҳеч бўлмаганда биттаси қарши бўлган тақдирда;
томонларнинг битимда кўзда тутилган мажбуриятларини белгиланган муддатда бажармаслиги (бундан форс-мажор ҳолатлар ва (ёки) ўзига боғлиқ бўлмаган сабабларга кўра вужудга келадиган ҳолатлар мустасно);
қишлоқ хўжалиги маҳсулотларини етиштирувчиларнинг учдан икки қисми пахта-тўқимачилик кластерлари томонидан ўзаро тузилган шартнома муносабатлари уч йил давомида тўлиқ бажарилмай келинганлигини асословчи ёзма мурожаатларининг мавжудлиги;
е) 2022 йил ҳосилидан бошлаб пахта хом ашёсини етиштирувчи хўжалик субъектлари ер участкасининг ижара шартномаси бекор қилинган тақдирда, бўшаган ер участкасини қайта ижарага беришда ушбу туманда фаолият юритаётган пахта-тўқимачилик кластери бошқа тенг шароитларда устун ҳуқуққа эга бўлади.
4. Қишлоқ хўжалиги вазирлиги «Ўзбекистон пахта-тўқимачилик кластерлари», Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда:
икки ой муддатда республикада фаолият юритаётган барча пахта-тўқимачилик кластерлари билан пахта хом ашёсини чуқур қайта ишлаш қувватларини ишга тушириш бўйича инвестиция киритиш, иш ўринлари яратиш ва бошқа шартларни ўз ичига олган тўрт томонлама битимни тузиш чораларини кўрсин;
2022 йилдан бошлаб уч томонлама битимда ҳар йили пахта-тўқимачилик кластерлари билан тузилган битим, шу жумладан инвестиция мажбуриятларининг бажарилишини, улар фаолиятининг самарадорлик ва молиявий аудитини амалга оширишни назарда тутсин. Бунда, йиллик пахта хом ашёси ҳажми 30 минг тоннадан юқори бўлган пахта-тўқимачилик кластерларида халқаро аудиторлик ташкилотлари жалб қилинади.
5. Давлат солиқ қўмитаси Қишлоқ хўжалиги вазирлиги, Қорақалпоғистон Республикаси Вазирлар Кенгаши ва вилоят ҳокимликлари билан биргаликда жорий йил якунига қадар пахта-тўқимачилик кластерлари томонидан пахта хом ашёсини етиштириш ва сотиш бўйича шартномалар қатъий равишда ер участкаларига бўлган ҳуқуқлари Миллий географик ахборот тизимида давлат рўйхатидан ўтган фермер хўжаликлари билан тузилиши ҳамда ушбу шартномаларни солиқ органларининг электрон шартномалар ахборот порталида мажбурий рўйхатдан ўтказиш тартибини жорий этсин.
6. Давлат активларини бошқариш агентлиги «Ўзпахтасаноат» АЖни тугатиш Лойиҳа офиси билан биргаликда бир ой муддатда тикув-трикотаж маҳсулотлари ишлаб чиқаришга мўлжалланган мажмуаларни сотиш бўйича тузилган амалдаги шартномаларнинг мазкур Фармоннинг 2-иловасининг 2-бандига мувофиқлаштирилишини таъминласин.
7. Вазирлар Маҳкамаси икки ҳафта муддатда пахта-тўқимачилик кластерлари фаолиятини ташкил этиш тартиби тўғрисида низомни тасдиқлашни назарда тутувчи Ҳукумат қарорини қабул қилсин.
Бош прокуратура давлат органлари ва ташкилотлари, шунингдек, уларнинг мансабдор шахслари томонидан пахта-тўқимачилик кластери фаолиятига ноқонуний аралашув, турли бюрократик тўсиқлар яратиш каби аниқланган салбий ҳолатлар юзасидан зудлик билан қонунчиликда белгиланган чораларни кўрсин.
8. Ўзбекистон Республикаси Президентининг айрим ҳужжатларига 2-иловага мувофиқ ўзгартириш ва қўшимчалар киритилсин.
9. Мазкур Фармон ижросини самарали ташкил қилишга масъул ва шахсий жавобгар этиб Ўзбекистон Республикаси Бош вазирининг ўринбосари Ш.М. Ғаниев белгилансин.
Фармон ижросини назорат қилиш, масъул вазирлик ва идоралар фаолиятини мувофиқлаштириш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2021 йил 16 ноябрдаги ПФ-14-сон Фармонига 2-ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2020 йил 5 майдаги «Тўқимачилик ва тикув-трикотаж саноатини қўллаб-қувватлашга доир кечиктириб бўлмайдиган чора-тадбирлари тўғрисида»ги ПФ-5989-сон Фармони 8-бандининг «б» кичик банди «пахта ип-калаваси ва трикотаж матони» сўзларидан кейин «(бўялган трикотаж матодан ташқари)» сўзлари билан тўлдирилсин.
2. Ўзбекистон Республикаси Президентининг 2019 йил 28 майдаги «Республика ҳудудларида тикув-трикотаж маҳсулотлари ишлаб чиқаришни ташкил этиш ва аҳоли бандлигини таъминлаш чора-тадбирлари тўғрисида»ги ПҚ-4341-сон қарори 1-бандида :
а) учинчи хатбоши қуйидаги таҳрирда баён этилсин:
«мажмуалар фойдаланишга қабул қилингандан сўнг уларни «Ўзпахтасаноат» АЖни тугатиш Лойиҳа офиси томонидан «Ўзтўқимачиликсаноат» уюшмасига аъзо бўлган корхоналарга ёки тикув-трикотаж маҳсулотларини ишлаб чиқаришга ихтисослаштирилган бошқа тадбиркорлик субъектларига 10 йил муддатга, 2 фоиздан ортиқ бўлмаган ставка лизинг асосида ёки сотиб олиш шарти билан ижарага бериш ҳақидаги таклифлари маъқуллансин.»;
б) қуйидаги мазмундаги хатбоши билан тўлдирилсин:
«Белгилаб қўйилсинки, мажмуалар қонунчиликда белгиланган тартибда электрон онлайн-аукцион орқали лойиҳаларнинг асосий кўрсаткичларини таъминлаш шарти билан ҳамда мазкур қарорда белгиланган шартларда тақдим этилади.».
Ўзбекистон Республикаси Президенти Ш. МИРЗИЁЕВ
Тошкент ш.,
2021 йил 16 ноябрь,
ПФ-14-сон
Oʻzbekiston Respublikasi Prezidentining
Farmoni
Paxta-toʻqimachilik klasterlari faoliyatini tartibga solish chora-tadbirlari toʻgʻrisida
Paxta-toʻqimachilik klasterlari faoliyatini yanada takomillashtirish, ularning qishloq xoʻjaligi yerlaridan samarali foydalanishdagi roli va masʼuliyatini oshirish, mahsulot yetishtiruvchi va uni qayta ishlovchilarning manfaatdorligini taʼminlashga doir bozor tamoyillarini keng joriy etish maqsadida:
3. Shunday tartib oʻrnatilsinki, unga koʻra:
a) paxta-toʻqimachilik klasteri faoliyati Qishloq xoʻjaligi vazirligi bilan kelishgan holda Qoraqalpogʻiston Respublikasi Vazirlar Kengashi va viloyatlar hokimliklarining qarorlari bilan tashkil etiladi;
b) paxta-toʻqimachilik klasterlarini tashkil qilishda yetishtiriladigan yoki sotib olinadigan paxta xom ashyosining kamida 50 foizini oʻzida qayta ishlash quvvati (eng kamida ip-kalava) mavjud boʻlgan talabgorga boshqalarga nisbatan ustunlik beriladi;
v) paxta-toʻqimachilik klasterini tashkil qilish boʻyicha qarorga asosan Qishloq xoʻjaligi vazirligi, tegishliligiga koʻra Qoraqalpogʻiston Respublikasi Vazirlar Kengashi yoki viloyat hokimligi va paxta-toʻqimachilik klasteri faoliyatini yoʻlga qoʻyish boʻyicha talabgor oʻrtasida uch tomonlama bitim oʻttiz yil muddatga tuziladi. Bunda talabgor chet el investitsiyalari ishtirokidagi korxona yoki chet el yuridik shaxsi boʻlgan taqdirda uch tomonlama bitim yigirma besh yilgacha boʻlgan muddatga tuziladi;
g) bir hududda (Qoraqalpogʻiston Respublikasi yoki tegishli viloyat) barcha paxta-toʻqimachilik klasterlariga fermer xoʻjaliklari bilan shartnoma asosida faoliyat yuritishiga va fermer xoʻjaliklariga ushbu klasterlar bilan paxta xom ashyosini yetkazib berish boʻyicha ixtiyoriy ravishda fyuchers shartnomalarini tuzishga ruxsat beriladi;
d) uch tomonlama bitimni bekor qilish quyidagi hollarda faqatgina sud tartibida amalga oshiriladi:
tomonlarning hech boʻlmaganda bittasi qarshi boʻlgan taqdirda;
tomonlarning bitimda koʻzda tutilgan majburiyatlarini belgilangan muddatda bajarmasligi (bundan fors-major holatlar va (yoki) oʻziga bogʻliq boʻlmagan sabablarga koʻra vujudga keladigan holatlar mustasno);
qishloq xoʻjaligi mahsulotlarini yetishtiruvchilarning uchdan ikki qismi paxta-toʻqimachilik klasterlari tomonidan oʻzaro tuzilgan shartnoma munosabatlari uch yil davomida toʻliq bajarilmay kelinganligini asoslovchi yozma murojaatlarining mavjudligi;
e) 2022-yil hosilidan boshlab paxta xom ashyosini yetishtiruvchi xoʻjalik subyektlari yer uchastkasining ijara shartnomasi bekor qilingan taqdirda, boʻshagan yer uchastkasini qayta ijaraga berishda ushbu tumanda faoliyat yuritayotgan paxta-toʻqimachilik klasteri boshqa teng sharoitlarda ustun huquqqa ega boʻladi.
4. Qishloq xoʻjaligi vazirligi “Oʻzbekiston paxta-toʻqimachilik klasterlari”, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda:
ikki oy muddatda respublikada faoliyat yuritayotgan barcha paxta-toʻqimachilik klasterlari bilan paxta xom ashyosini chuqur qayta ishlash quvvatlarini ishga tushirish boʻyicha investitsiya kiritish, ish oʻrinlari yaratish va boshqa shartlarni oʻz ichiga olgan toʻrt tomonlama bitimni tuzish choralarini koʻrsin;
2022-yildan boshlab uch tomonlama bitimda har yili paxta-toʻqimachilik klasterlari bilan tuzilgan bitim, shu jumladan investitsiya majburiyatlarining bajarilishini, ular faoliyatining samaradorlik va moliyaviy auditini amalga oshirishni nazarda tutsin. Bunda, yillik paxta xom ashyosi hajmi 30 ming tonnadan yuqori boʻlgan paxta-toʻqimachilik klasterlarida xalqaro auditorlik tashkilotlari jalb qilinadi.
5. Davlat soliq qoʻmitasi Qishloq xoʻjaligi vazirligi, Qoraqalpogʻiston Respublikasi Vazirlar Kengashi va viloyat hokimliklari bilan birgalikda joriy yil yakuniga qadar paxta-toʻqimachilik klasterlari tomonidan paxta xom ashyosini yetishtirish va sotish boʻyicha shartnomalar qatʼiy ravishda yer uchastkalariga boʻlgan huquqlari Milliy geografik axborot tizimida davlat roʻyxatidan oʻtgan fermer xoʻjaliklari bilan tuzilishi hamda ushbu shartnomalarni soliq organlarining elektron shartnomalar axborot portalida majburiy roʻyxatdan oʻtkazish tartibini joriy etsin.
6. Davlat aktivlarini boshqarish agentligi “Oʻzpaxtasanoat” AJni tugatish Loyiha ofisi bilan birgalikda bir oy muddatda tikuv-trikotaj mahsulotlari ishlab chiqarishga moʻljallangan majmualarni sotish boʻyicha tuzilgan amaldagi shartnomalarning mazkur Farmonning 2-ilovasining 2-bandiga muvofiqlashtirilishini taʼminlasin.
7. Vazirlar Mahkamasi ikki hafta muddatda paxta-toʻqimachilik klasterlari faoliyatini tashkil etish tartibi toʻgʻrisida nizomni tasdiqlashni nazarda tutuvchi Hukumat qarorini qabul qilsin.
Bosh prokuratura davlat organlari va tashkilotlari, shuningdek, ularning mansabdor shaxslari tomonidan paxta-toʻqimachilik klasteri faoliyatiga noqonuniy aralashuv, turli byurokratik toʻsiqlar yaratish kabi aniqlangan salbiy holatlar yuzasidan zudlik bilan qonunchilikda belgilangan choralarni koʻrsin.
8. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartirish va qoʻshimchalar kiritilsin.
9. Mazkur Farmon ijrosini samarali tashkil qilishga masʼul va shaxsiy javobgar etib Oʻzbekiston Respublikasi Bosh vazirining oʻrinbosari Sh.M. Gʻaniyev belgilansin.
Farmon ijrosini nazorat qilish, masʼul vazirlik va idoralar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2021-yil 16-noyabrdagi PF-14-son Farmoniga 2-ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2020-yil 5-maydagi “Toʻqimachilik va tikuv-trikotaj sanoatini qoʻllab-quvvatlashga doir kechiktirib boʻlmaydigan chora-tadbirlari toʻgʻrisida”gi PF-5989-son Farmoni 8-bandining “b” kichik bandi “paxta ip-kalavasi va trikotaj matoni” soʻzlaridan keyin “(boʻyalgan trikotaj matodan tashqari)” soʻzlari bilan toʻldirilsin.
2. Oʻzbekiston Respublikasi Prezidentining 2019-yil 28-maydagi “Respublika hududlarida tikuv-trikotaj mahsulotlari ishlab chiqarishni tashkil etish va aholi bandligini taʼminlash chora-tadbirlari toʻgʻrisida”gi PQ-4341-son qarori 1-bandida :
a) uchinchi xatboshi quyidagi tahrirda bayon etilsin:
“majmualar foydalanishga qabul qilingandan soʻng ularni “Oʻzpaxtasanoat” AJni tugatish Loyiha ofisi tomonidan “Oʻztoʻqimachiliksanoat” uyushmasiga aʼzo boʻlgan korxonalarga yoki tikuv-trikotaj mahsulotlarini ishlab chiqarishga ixtisoslashtirilgan boshqa tadbirkorlik subyektlariga 10 yil muddatga, 2 foizdan ortiq boʻlmagan stavka lizing asosida yoki sotib olish sharti bilan ijaraga berish haqidagi takliflari maʼqullansin.”;
b) quyidagi mazmundagi xatboshi bilan toʻldirilsin:
“Belgilab qoʻyilsinki, majmualar qonunchilikda belgilangan tartibda elektron onlayn-auksion orqali loyihalarning asosiy koʻrsatkichlarini taʼminlash sharti bilan hamda mazkur qarorda belgilangan shartlarda taqdim etiladi.”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2021-yil 16-noyabr,
PF-14-son
Президента Республики Узбекистан
Указ
О мерах по регулированию деятельности хлопково-текстильных кластеров
В целях дальнейшего совершенствования деятельности хлопково-текстильных кластеров, повышения их роли и ответственности в эффективном использовании сельскохозяйственных земель, широкого внедрения рыночных принципов для обеспечения заинтересованности производителей и переработчиков продукции:
3. Установить порядок, в соответствии с которым:
а) деятельность хлопково-текстильных кластеров организуется решениями Совета Министров Республики Каракалпакстан и хокимиятов областей по согласованию с Министерством сельского хозяйства;
б) при создании хлопково-текстильных кластеров предпочтение отдается претенденту, имеющему мощность собственной переработки (как минимум пряжи) не менее 50 процентов производимого или закупаемого хлопка-сырца, в отношении других;
в) на основании решения о создании хлопково-текстильного кластера между Министерством сельского хозяйства, Советом Министров Республики Каракалпакстан или хокимиятами областей соответственно и претендентом на налаживание деятельности хлопково-текстильного кластера заключается трехстороннее соглашение сроком на тридцать лет. При этом если претендент является предприятием с участием иностранных инвестиций или иностранным юридическим лицом, то трехстороннее соглашение заключается сроком до двадцати пяти лет;
г) всем хлопково-текстильным кластерам в одном регионе (в Республике Каракалпакстан или соответствующей области) разрешается осуществлять деятельность с фермерскими хозяйствами на договорной основе и фермерским хозяйствам — добровольно заключать фьючерсные договоры с данными кластерами по поставке хлопка-сырца;
д) отмена трехстороннего соглашения осуществляется исключительно в судебном порядке в случаях:
несогласия хотя бы одной из сторон;
невыполнения в установленные сроки обязательств сторон, предусмотренных в соглашении (за исключением форс-мажорных ситуаций и (или) обстоятельств, возникающих по независящим от них причинам);
наличия письменных обращений двух третей производителей сельскохозяйственной продукции, обосновывающих неполное выполнение хлопково-текстильными кластерами заключенных взаимных договорных отношений в течение трех лет;
е) в случае отмены договора аренды земельного участка хозяйствующих субъектов — производителей хлопка-сырца, начиная с урожая 2022 года при субаренде высвобождаемого земельного участка хлопково-текстильный кластер, осуществляющий деятельность в данном районе, имеет преимущественное право при прочих равных условиях.
4. Министерству сельского хозяйства совместно с Ассоциацией хлопково-текстильных кластеров Узбекистана, Советом Министров Республики Каракалпакстан и хокимиятами областей:
в двухмесячный срок принять меры по заключению со всеми действующими в республике хлопково-текстильными кластерами четырехстороннего соглашения, включающего в себя условия внесения инвестиций для запуска мощностей по глубокой переработке хлопка-сырца, создания рабочих мест и другие;
начиная с 2022 года предусмотреть в трехстороннем соглашении выполнение соглашения, заключаемого ежегодно с хлопково-текстильными кластерами, в том числе инвестиционных обязательств, осуществление аудита эффективности и финансового аудита их деятельности. При этом в хлопково-текстильные кластеры с годовым объемом хлопка-сырца свыше 30 тысяч тонн привлекаются международные аудиторские организации.
5. Государственному налоговому комитету совместно с Министерством сельского хозяйства, Советом Министров Республики Каракалпакстан и хокимиятами областей до конца текущего года внедрить порядок заключения хлопково-текстильными кластерами договоров на производство и реализацию хлопка-сырца в строгом порядке с фермерскими хозяйствами, права на земельные участки которых прошли государственную регистрацию в Национальной географической информационной системе, а также проведения обязательной регистрации данных договоров на информационном портале электронных договоров налоговых органов.
6. Агентству по управлению государственными активами совместно с Проектным офисом по ликвидации АО «Узпахтасаноат» в месячный срок обеспечить приведение в соответствие с пунктом 2 приложения № 2 к настоящему Указу действующих договоров, заключенных по реализации комплексов по производству текстильно-трикотажной продукции.
7. Кабинету Министров в двухнедельный срок принять Правительственное решение, предусматривающее утверждение Положения о порядке организации деятельности хлопково-текстильных кластеров.
Генеральной прокуратуре принять безотлагательные меры, установленные в законодательстве, по таким выявленным негативным фактам, как незаконное вмешательство государственных органов и организаций, а также их должностных лиц в деятельность хлопково-текстильного кластера, создание различных бюрократических преград.
8. Внести изменения и дополнения в некоторые акты Президента Республики Узбекистан согласно приложению № 2 .
9. Возложить на заместителя Премьер-министра Республики Узбекистан Ш.М. Ганиева персональную ответственность за эффективную организацию исполнения настоящего Указа.
Контроль за исполнением настоящего Указа, осуществление координации деятельности ответственных министерств и ведомств возложить на Премьер-министра Республики Узбекистан А.Н. Арипова.
ПРИЛОЖЕНИЕ № 2 к Указу Президента Республики Узбекистан от 16 ноября 2021 года № УП-14
Изменения и дополнения, вносимые в некоторые акты Президента Республики Узбекистан
1. Подпункт «б» пункта 8 Указа Президента Республики Узбекистан от 5 мая 2020 года № УП-5989 «О неотложных мерах по поддержке текстильной и швейно-трикотажной промышленности» после слов «хлопчатобумажной пряжи и трикотажного полотна» дополнить словами «(кроме крашеного трикотажного полотна)».
2. В пункте 1 постановления Президента Республики Узбекистан от 28 мая 2019 года № ПП-4341 «О мерах по организации производства швейно-трикотажной продукции и обеспечению занятости населения в регионах республики»:
а) абзац третий изложить в следующей редакции:
«передаче комплексов после принятия их в эксплуатацию со стороны Проектного офиса по ликвидации АО «Узпахтасаноат» предприятиям — членам Ассоциации «Узтекстильпром» или другим субъектам предпринимательства, специализирующимся на производстве швейно-трикотажных изделий, сроком на 10 лет по ставке не более 2 процентов на основе лизинга или в аренду с условием выкупа.»;
б) дополнить абзацем следующего содержания:
«Установить, что комплексы предоставляются в установленном законодательством порядке через электронный онлайн-аукцион с условием обеспечения основных показателей проектов и на условиях, определенных в настоящем постановлении.».
Президент Республики Узбекистан Ш. МИРЗИЁЕВ
г. Ташкент,
16 ноября 2021 г.,
№ УП-14